YOU ARE STUNNING - 20 By Bearr Chhakchhuak (Dreamer)

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

YOU ARE STUNNING - 20 By Bearr Chhakchhuak (Dreamer)

Unread post by Bearr » October 17th, 2020, 11:27 pm

♥️ Ka kal puat tawh dawn avang in chip chiar takin ka ziak dawnlo a min hrethiam dawn nia u..story pawh a tawp dawn hnai tawh a ka kal chak mahmah anih pawh In min hrethiam dawn nia aw,chuan fb group a post ka siam vang a ka story chhiar duh tawhlo In awm nual tih ka hria a pawi ka ti khawp mai mahsela ka tan hmun ngai ah ka tang reng dawn tho a..a hma zawng a min lo chhiar sak thin a vangin ka hmangaih reng tawh tho ang che u😘♥️








CHAPTER - 20♥️






Jeddah chu a va thleng phei a Rose chuan ka va hmu tih hria in ka lam a lo hawi reng a,ala nui zui ka sa ve tep ani,bak ah Jeddah Khan a sawisak tir a engtin nge in pawi sa miahlo in an awm leh theih saw mak ka ti " I sual hle mai maw,ka nu hmak ang ka be mai mai dawn tawhlo che" ti a hmui phun bul bul chung in an pahnih chu nasa zet hian ka melh a












"Enge a hrilh le? Nge min tih el nan a be lui kher zawk?" tih ah te mai mai chuan ka lo buai ve em em ringawt a,chutia an in biak na vel te ka lo ngaihtuah chhin vel lai takin Jeddah a rawn hawi phei a ka phu ringawt! nui suk chung a ka lam a rawn kal phei leh si vangin ka buai nghal chung chung ringawt a mahse kalsawn pawh ka tum chuanglo engti in tur a lo kal nge anih hriat ka duh zawk











"Enge I rawn.." ka tih rualin a rawn thleng phei chuan min rawn fawp ringawt! Ka chhan let hma hauh in a in la hrang lehnghal enge a thil tih awmzia hi ka hrelo " Tinge hetia min rawn faqh leh ngawt a, thinrim in I chhuak ani lawm ni" ka tih chuan pa zet a nuih pahin ka biang ah a fawp leh zeuh











"Ti tau nghal zel lo la aw,chuan ani saw engatan mah ka ti tawhlo min lo nghah chhan chu a luih na ka mamawh vang mai mai ani thil dang a awm lo" atih pawh chuan rinhlelh hmel deuhin ka en zel a "Ok..i tan thil tha deuh ka nei ania..ka room ah han lut la chutah chuan thil pek pakhat a awm han en rawh..chuan Jasper nen in lo kal dawn nia"












"Khawi ah maw? Khawi ah nge kal I tum a?" let lehnghal a tum vangin a ban ah ka lo pawr bet, Rose nen a nih hrim hrim chuan ka awm a nuam thei chuanglo a bialnu hlui a lo ni kher bawk nen a buaithlak vek engkim hi "I rual in ka kal ve duh enge in tih dawn reng reng a?"












"Ka rual chuan a theihloh" a ti leh hmuk tawh ka hmui ka lo tih pawrh khum vak a ka biang tawn tawn ah vuan in " Rose,ka hmangaih che a min ring tur in ka duh che aw,eng thil pawi mah a thleng lo ang" aw ki dam thlup mai chuan a ti a ka thla a muang ve ta deuh!











" A nih leh Rose saw I bul a a awm ve chhan tur tal min hrilh thei em?"







"Theilo..mahsela engmah kan ti dawn lo Khanh in ngaihzawn na thik kha chu theihnghilh hmak tawh rawh,ka tan chuan nang chauh hi I ni tawh..a hmasa ber nilo mahla a hnuhnung ber I ni reng tawh ang"








"awle.. anihchuan I bul a ka lo kal ve hma zawng chu a bul hnai ah lo awm loh I in tiam thei em?" Ka tih chuan ka chal a fawp chungin aw tiin ka min chhang a,a ni a chhuak a kei in Chung ah a thil sawi en tur in ka chho ve bawk in chung veranda atang chuan ka zuk en leh hram a mahse car hran ve ve ah an Chuang ka zu hmu a ka awm a nuam zual sawt










"Ring ve deuh teh,sual thin viau mahse a hmangaih che a I thusawi chu a zawm em em ang" tih pahin room lam ah ka tlan phei a, room a bawm in hawng deuh sa lo awm ka va en chuan kawr ani tih ka hre nghal,a rawng lah chu a nalh lutuk tawp bawk "oh,a van pawi tak ka kut pakhat ka hmang tha thei silo a engtin nge ka in thlak zung zung a theih ang le..?"











"Miss..nangmah pui tur che a tirh ka nia.." nula sang thlerh thlawrh hi a rawn kal a kawngka ka khar lo tih te ka hre chiah bawk "Mr Jeddah min tirh ka nia ka hlauhawm loh..." tiin nui var var chung chuan min rawn pan a kawngka pawn lam ah Jasper a awm vangin ka ring ta chauh











"Aaa..aw ka ban hi a na deuh a ka hmang tha ngam lo a maw chu ber chu ania buaina,min puih theih chuan ka lawm ngawt ang" tiin ka lo chhawn a kawngka a va khar a,ka thawnhnaw te chu thlak in Jeddah kawr min pek chu ka ha a,ka vun nen a in mil bawk sia ka hlim tawp darthlalang a in en pahin ka nui leh vur vur thin a,a chhan pawh Jeddah meuhin ka in hmeh tur tak alo lei ve hi ani











"I hman chuan kal ila.." kawngka rawn kik dawt dawt pahin Jasper chuan ati a,nalh in ti viau mahila zan rei dawn tawh lam ah hetiang ka ha te leh chhuah ka la ngai zui te chu a mak ka ti lek lek! Jeddah chuan eng thil nge tih a tum ni "Miss.." Jasper bawk in a rawn ti leh











" Ka hman aw...e chuan ka lawm lutuk aw" kan rual a chhuak ve nghal min chei tu nu chu ka au a,ka inchei dan vel a tang chuan dinner special deuh kil pui tur ka nih hmel "ughh..! ka ngaihtuah loh ang deuh hi a lo ni mai angah!" nui vur vur chungin ka ban rek tuam na chu ka siam tha mawlh mawlh a















"Saw le...a rawn nalh khawp mai a!" Dawkhan pakhat kil in Jeddah leh a pa chu an lo thu a,hmuhnawm tih hmel takin ka va kal lai chuan min lo en a ka lai lek lek " I nalh hle mai..ka fapa hian ka coat hak tur takngial pawh min la thlan sak lo ania nangchu I vannei ani.." nui chung a atih chuan ka nuih ve tawp












"Aaa,zan tlai tawh lam ah heta kan kal chhan hi dinner kil tur chauh kan ni em?" Ka tih vel ah an pa fa chuan in en in an nui ringawt a "Jeddah min hrilh vat teh aw,anih loh chuan ka haw leh daih ang" in her ka tum der a chuveleh a rawn tho kang nghal vut











"Thil pakhat vang in.." tih pah chuan min kai a,a pa kal pel in hmun zawk deuh ah min din pui a "Rose.." a thaw hawk a,a hmel zam lutuk chuan ka nuih a tih zat em a vangin nui ti tih deuh hian ka lo bu deuh nghut nghut











"Kei hi min...aaa min nei duh angem?" A ti chiah chu ka khi vur vur tawh pawh ka tawp chat,ka duhloh vang nilo in min thawng a ka lawm em vang zawk ani "Ok..ka hria ka sual a lawm ka thil tih zawng zawng te pawh kha thil tha pakhat te mah a awm lo mahsela ka hmangaih che a ka ngai hlu bawk che"











"Chuan Khanh thil tha lo ka tih zawng zawng te leh ka tih chhan te,ka num hmalam ah enge ka tawn te pawh I hria a,chuti chung a chuan min ka hmangaih 8n ka kiang ah I awm lui tho a hetiang ang tak hian ka pa tih loh midang in min hmangaih theih ka ring ngailo mahsela ka rin miahloh kha a tak in ka tawng a, hmangaih ka mamawh zia I hria a chuan min hmangaih reng bawk a chuvang chuan nang hi chu ka tan chuan I hlu takzet ani"












"Chuan...nanghi ka fa pai tu leh ka hmangaih hmeichhia chauh nilo a ka nupui ni tur in ka duh che a " ka hma ah chuan a khup khat in a thingthi a, Jeddah lak a ka lo beisei ngai reng reng loh zungbun nalh zet mai chu a rawn phawrh chhuak a ka hma ah a rawn lek kang ta vâ mai "Pasal leh pa tha tak ka ni ang ka tiam a che,ka nu leh pa te lak a ta ka dawn ngailoh ka mamawh ve em em thin a te kha he ka..nilo kan fa lo piang tur hi pek vek ka duh ani"












"Ka hmangaih che...innei vat ang aw" kun chungin a hmui ah chuan ka zuk fawp a,thiam lo tak chung a ka hma a a thusawi ve chhun te chuan min hneh takzet ani "min bun tir tawh la.." ka kut dam lam chu a phar kak thah pahin ka nuih var var a,a hmel a hlim na awm te chuan a hmel hmuh ati nuam zual takzet ani












"Ka hmangaih che "zungbun chu ka kut tang a rawlh luh pahin a rawn tho chhuak a,duhtak a in fawp chungin min kuah nghal vawng vawng a "I lung ka tih awihlo reng avang in ka tihpalh.." ka nghawng ah chuan a fawp leh zauh a.. chuveleh kan din na chu a rawn eng pup a, balloon nen,rose nen a mawi takzet ani












"Min hrilh teh,heng vang hian ami I chhuah reng a min biak that duhloh vel? Chuan khawi ah nge Rose kha?" ka nam sawn deuh a nui chungin







"Ka tir haw tawh, heng thil buaipui tir hian ka mamawh a chuvang Chauhin ka hruai anihkha..chuan ka tum hi a them pawh I hriat ka duh hleinem,ka tum tih hlawhtlin loh a awm tir anih hian ka thinrim thin chuvang chuan"








"Jeddah..pa I nih dawn tawh kha fel deuhin awm rawh" ka lo tih khalh hmak a,a lu thak lo pui hiat nauh nauh chungin anui leh ringawt "naktuk tuk leh hi thla thar ani tawh ania, Mizoram kal chu huphurh na I la nei Chuang miahlo ami?"









"Neilo ka kiang ah In awm zel dawn anihchuan khawi ah pawh ka awm thei" huphurh hmel put ai chuan phur hmel a pu zawk " Kum tam tak kan in hriat hma zawng a hun ilo hman na hmun chu keipawh in ka hmu duh a lawm" a pa min lo thlir reng tu lam pan chuan kan in zui phei a



IMG_20201017_232234.jpg
IMG_20201017_232234.jpg (58.8 KiB) Viewed 7572 times

★ 2 DAY'S LATER ★








"Jeddah kan kal hman tawh ania, nileng in I chhuak tawh office ah chuan hna a tam viau em ni?" In siam mawlh mawlh pahin ka bia a, vawiin hi Mizoram kan pan ni tur ania ka phur rualin Jeddah a thil tihsual thup pui tum a hruai bo ka tum chu tha ka tilo ve hle a ka in thiamlo bawk,mahse a tello in ka awm thei Chuang silo










"Nakin ah ka lo bia ang che.." tih chauh a min chhang in a off nghal daih a ka call nawn pawh in a la tawhlo,zan lai a chhuah tum kan nih vangin leh ram dang ah Jeddah a kal tih midang in an hriat ka duhloh vangin private jet kan hmang dawn bawk "awi Tinge ruah chu.." ruah a rawn sur thut! tukverh pakhat ka la khar loh atang chuan ruah a rawn lut












"Ka hmanhmawh tawh nen aw!" Phun bul bul chungin ka va khar dawn a,kan ui te pahnih an bauh vak vak avang chuan ruah sur in a theh anih ring ve in ka khar fel sawk sawk a pawn lam pahin ka chhuak thla nghal "Roger,Alex..in huh pha ami?" ruah a sur tam em a vangin ring leng kawng chuan ka au a"












"Aw Lalpa! " Ui te an bauh na lampang ah chuan Jeddah leh a nau ten police pakhat chu a nghawng a hrui hling sak chungin an lo hnuk kual hrep a an sawisa vak vak mai! Chutah ka rin lawk miahloh thil a thleng, Jeddah chuan police thuam la in bel vek chu a bit ta zawt zawt mai! ka lo hlau bawk Jeddah in siamtha ve mek in chutiang ati leh chu na ka ti lutuk a ka thaw kawk ringawt











"Tinge..ti khan I tih? Ngati nge?" Ring deuh a ka au vangin an rawn hawi ta thap mai police pa chu che leh tur Chuang a awm tawhlo Jeddah lah chuan min rawn melh reng chungin a la vit mawlh mawlh! "Ti tawh Suh khawngaih takin"Aw thâm chhal mai chuan ka ti a,an lam ah ka tlan phei ve nghal ka va thlen ve chuan ruah a sur vangin thisen a luang nuaih a ka tha an ti khur lek lek tawh










"ngati nge I tih? Vit tawh Suh" min en duh tawhlo,min en lai khan a mit sen ram mai a tap zo hlim hlawl a ang bawk "kan kalbo dawn kha..heng te thil thalo zawng zawng hi kan tlanbo San dawn ani lawm ni Jeddah!"











"Kalbo rawh..! He ram a police awm zawng zawng ka thah chimih vek hma chuan khawi ah mah ka kalbo dawnlo" a au tuarh a








"I Chung ah enge thleng" ka khur bauh bauh tawh ka kaihza tha a chat lo chauh bawk " Jeddah khawngaih in.." police pa vih a tum leh chuan ngen ngawl takin ka ti a mahse min ngaithla miahlo "vawikhat pawh I tih leh chuan engkim ka ti tawp ang" ka in ti huai lui ve tawp,anihloh chuan a hma a Jeddah ramhuai ang mai kha ani leh dawn!












"A tawp, engkim a tawp ka hmuh phak ah awm tawh Suh..kalbo vang vang rawh" rawn tho in min nam dawrh a,ka ti lui ngam ngang tawhlo a chuan ka kalsan tak tak a tul tawh bawk " ka nun I chawk buai vek nang hian,kalbo nghal rawh" tiin min vin tuarh











"A tawp vek tawh..!" A thusawi chu sawi nawn leh in ka kal ta vang vang ka bing vek a,ka hmuh lai leh min pawi saa miahlo a tiang ati lui ngat ngat thei kha mak ka ti! Private jet a tum thut kan nih vangin ticket kan la hmasa kha ania pakhat zawk chu la in ruah sur pawh ngaihtuah lo chuan ka kal chhuak leh ka ban dam tan pawh dim lo in ka thawmhnaw neih ve ang ang te chu ka chhuah pui a ka kal chak hle bawk












Airport ka thlen chuan muangchang lo in zanin thlawk chhuak hmasa ber ah chuan ka Chuang a ka huh hnawm lutuk te chu mi mak tih ka hlawh phah bawk a plane bathroom ah ka in thlak tawp, Jeddah Chet dan mawlh chuan min ti a dawn zel a ka kalsan hmak thei kha mak ka ti hle bawk " naute I pa chu alo kal ve thei dawn ta lo anih hi" tiin ka mittui luang chu ka hru zeuh a



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)