Thirsty(Jungkook Fanfic)-25

Episode kal lai dah luhna

Moderator: writers

tlantlani_fanai
Posts: 40
Joined: January 11th, 2020, 12:24 am

Thirsty(Jungkook Fanfic)-25

Unread post by tlantlani_fanai » May 4th, 2021, 2:24 pm

"Ka...engmah sawi hrih lo ang...engmah a nilo...step ah ka tla thla ringawt alawm,hlauthawng suh"

"Tinge dawt i sawi...?"

"Ka sawilo..."min enloin a eitur chu a en char char a. Thil zep ruk a nei tihna. Thaw hakin ka ei chhunzawm a,tinge dawt a sawi kher? Ka biak leh chuan a diklohna chungchang sawi tur pawh kan ni silo a....a inhliam tih ka hriat hian min ti hlauthawng...

"Ka insual .." A tawpah chuan zawi sap hian a rawn ti chhuak a. "Insual maw?! Engtinmaw?! Enge thleng?!" A thil sawi vang chuan a lamah chuan ka hawi nghal vat a.

"I hria anga...miin min ti thinrim a ka damdawi ka ei thei silo a...ka bulah i awm bawk silo a ka insum theiloa a hmaiah ka hnek," ka lam a rawn hawi deuh a mahse a en chhun chu ka hmui chiah a ni. Tinge hmun dang a en loh?

"Ni hnih kal ta khan...buaina i nei em?"

"Ka damdawi ka ei belh deuh a ngai a ani mai...chuan mipa pakhat in min tih thinrim khan...ka in control theilo a," a aw a zawih dan atang chuan sawi a hreh tih ka hre thei. "Mahse tinge a hma aia a zualna?"

Muangchanga lo hawichhuakin ka mitah tak min rawn en a. Reilote chhung chu a ka atang chuan eng thu mah a chhuaklo. "A chhan chu i awmloh vangin"a mit chuan ka hmui a en leh a,thil min tihtir tep a ni.

Ka? Chutiang khawp chuan min mamawh amaw? A damdawiin a tih theih ai nasa in engtinnge keiman ka tihdam theih zawk?

"Ka tihpalh..."

"Inthiamlo suh,a tha vek"min hnem a mahse ka la inthiam thei chuanglo.

Thil te kan ei zawh hnu ah reilote kan inbiak hnu chuan school a let turin kan chhuak a. Kha tanin hrehawm lutuk kha ka theihnghilh tep,Jungkook nena kan hun hman dun nuam ka ti lutuk a kan hma lama darkar li lai lehkha zir kan la ngai tih pawh ka theihnghilh daih alawm.

Ni sa hnuaia kawtthlera kan kal dun lai chuan  a kutin ka kut a rawn hrut thuak thuak a,hepa hi thil engemaw tih a tum emawnile? A chhan chu ka bul hnaih lutuk ah min si chêtin a rawn kal aa

" Tui ti deuha i ei ka beisei..."a rawn nui sang a,ka hmuh thin zawk anglo deuhin a zahzum hmel bawk. "Aw,a tui lutuk ka lawm e Jungkookie"

"Jungkookie?"a hlim tih hriat deuha a nuih zawng chuan a biangsum chu a rawn lang a. " Aw"Ka lu bu nghauhin ka en chho a. Hepa han san zia hi...

"Awle anihchuan," ka kut rawn vuan thutin ka kuttang karah chuan ata chu a rawn rawlh a "I Jungkookie hi schoolah inhruai let tir rawh le" rawn âwn hnai deuhin a rawn insiam cute a,chumi hnu chuan kan tlai loh nan kan kal chak deuh a,mahse ka tâi hian ka chungah zah a ngai lo lutuk a ka tâinâ te hian hmeichhia ka nihzia leh mipa te chuan an dam chhungin vawikhatmah an tuar ve dawnlo tih min hriatchhuahtir uar uar mai.

"Loks Jungkook..."kal muang deuh turin a banah chuan ka pawt a" Kal chak lutuk suh..."

"Oh..khawilai emawni na inei ami?"

"Aih..ka..schoola let leh ka nghakhlel vaklo a,"thudik hrilhloin ka awmdan thup nan chhuanlam dang ka siam a. Dawt chanve chiah a ni tho.

" Ah...awle"ka hrilh ang chuan kal muang deuhin a kutzunpoui chuan ka kut hnunglam chu a rawn chul a. Ka thinphu a ti rang leh ta ringawt e.

Minute nga vel kan kal hnu chuan school chu kan thleng a mahse lut nghalloin pawnah dar rik hun kan nghak phawt a.

Jungkook chuan ka kut pahnih chu a vuan a,zawi te te in a thên bawk a. Couple kan ang ngawt ang...min en ngawih ngawih dan leh kiss chak hmel deuha ka hmui a rawn en leh char char te hi...tihdan chiang lutuk a ni.

"Ni liamta reilote chhung kha ka tihpalh lutuk... Ka lo text reng che a mahse...ka ngaihtuah che bakah ka ngai lutuk che a..."

"A pawi hleinem,ka lo chhiara min ngaihtuah tih ka hriat khan min ti hlim lutuk"nui deuh chungin ka hrilh ve a

"Minlo chhang tih ka hmuh khan,ka ni hman chhung zawnga nuam ka tih ber a niang...minlo reply hun kalo nghak char char a," a thil sawi chhung zawng chuan a nui sen sen a. Ka chhan let hun nghakhlel deuha a awm dan tur ka ngaihtuah thiamlo.

"Minlo ngai em...ka tih awmzia chu...nasa deuhin khang ni hnih chhung khan?" Ka hawi chho a,hetiang zawhna ka zawt ngam hi ka in awihlo zawk,mahse ka zawt tho sia.

"Aw,lutuk...ka ruak ngawih ngawih a,sawi dan pawh ka thiamlo mahse...aw...ni leh darkar ka hman hrehawm ber anni"chîk deuhin ka hmui chu a en reng a

Kan inbe reng lai chu chhan pawh awm lemloin a tawp daih a. Ka hmai chu a kil tin leh sir zawng zawng chu a enchhuak vek ni berin ka hria.

Aw Lalpa...

A rawn awn hnai a. A hmui leh ka hmui a insik tir lek lek pah chuan ka mitah tak min en reng a. Boruak ka mamawh,ka lungphu hi a ran lutuk bakah kan inkara boruak tang teuh chu a nasat êm avangin ka thisen pawh hi a luan dan a dik tawhlo in ka hria. Ka awmdan hi ka taksa hi ka thinlungah chang ta se,ka lungphu hi khawi hmunah pawh ka hre vek thei a,a mi turna avang hian ka puak keh dawnin ka hria.

Kan inkar zimte chu ti zim lehzualin a kiss tum chu a en thla a.

Ka tihtir a.

A thaw chuan ka taksa pawh a ti sa pha tawh. Tlemin che se chuan kan inkiss a ni mai. School hmaah,thil tha tak chu a nilo mahse,bang phenah kan pahnih chauh in kan awm a,a reiloh chuan a pawilo.

A tawp nan ka phalna la turin min rawn en leh a.

He thil hian min tih â zawh vek tawh bakah ka tlu tawp thei dawnin ka hria,kan inhnaihna hian ka thluak a tichawmawlh vek tawh.

Mahse...

Dar chu ring zet hian a rawn ri a.

Kan hun hman zawng zawng chu a rawn tikehdarh vek.

Pathian leh! Engmah loah ka zak vel mai mai anih hi.

Jungkook pawh chuan zah hmel deuhin lei lam chu a bih a.

Sawi tur leh hrilh tur ka hriat bikloh vangin ka handbag chu ka ak ringawt a.

"Uhm...kan kal a ngai..."zam deuh hian a rawn tichhuak a,keimah ang velin emaw a ai nasa in,a chhan chu ama tihchhuah a nia a duh angin a ti leh thei silo a.

Classroomah hmanhmawh deuha kalin teacher lo kal hun tur chu kan nghak a.

Ka tâina tireh turin damdawi ka ei leh zeuh a,bottle ka chhin rual rualin professor pawh a rawn lut nghal a.
.
.
.
.
Jungkook nen bus stop ah chuan kan ding dun a. Thalo mah se vawiina a vawihnihna atan ka baga damdawi la tur chuan ka kun a. Ka bula awm pa lakah chuan a hriatloh theih ang ber turin ka awm a mahse ka tisual chiang hle.

Ka din leh chuan khaw dang hawisawn lêkloin a mit chuan min en reng tih ka hmu a.

Ka en zeuh hnu chuan min en reng vang hian ka â lo tiin ka inhnem a. Kan mit a intawn chiah chuan min enlo ang deuhin
thil dang an en daih a'h. Engtiang pawn dawtsawi thiam mah se,khatianga engmah tilo ang maia a awm kha chu hmuhloh der a har a ni.

"I period ami?"

Eh,Eng thil nge ni ngai? Engvanga min zawt thut nge anih aa?

"M-maw? A...aih.." dangawk deuhin ka ti chhuak a,min puilo chiang asin,chu aia thalo chu ka biang rawn sa lutuk hi.

"Dawt i sawi. Zak duh suh" a kekawr ipte zen pah chuan a rawn ti chhuak a,hahdam hmel deuha a awm lai chuan keichu electric a tomato tihtui vek ka ang. "I thil sawi awmzia ka hrelo" ka theih anga nasa in ka tang ve tlat a

Jimin in a hria a,tunah,amah. Keimaha awm ang maiin engtinnge a hriatchhuah theih?

"Ka hria alawm. Ka hrilh tawh ang che khan ka bulah chuan dawt sawi tum duh suh. Dawi sawi i thiamlo lutuk"a nui sek a

"Lo ni pawh ni ila,engtinnge i hriat theih?"ka en zuai a,second thum pawh ka en thathumlo.

"A hmasa berah chuan damdawi i ei ngun a chuvang chuan ka hrethei a. Sawichhuah thiam theih silohin thil dang min ti.....tiang hian sawi ta ila...ka hriatthiam theih siloh a nangmah min hip tlat tirtu a awm a emaw...pheromones vang pawh a ni maithei," mi hnen atang pawha ka la hriat ngailoh thu mak deuh chuan min chhang a

Engtinnge hetiang ang thluak a neih theih? Ramsa emaw a nih le?

"Mihring i ni tih i chiang amaw...?"

"Aw" duhawm deuh hian a rawn nui a

Awle,engtinnge cute deuh siin tiang hian a tawng theih? Nature lampang pawh ni se,thil natural deuh deuh pawh a bula sawi ngamloh ka ngah mai.

"Thil dang sawi ang please"a hmel duhawm deuh sia a taksa pa hrâk mai en lo chuan thil dang hla deuh a mi ka thlir daih a.

" Zah chhan tur a awmlo ania,chuan tihdam dan ka hria a i duh chuan...."

Wow uhm...

"Chuan engtin..?" Ka thil tih hi a thalo. Ka hre thei mai. "Ka inah lo kal la ka lo enkawl ang che..."

Ka tumloh deuhin ka en reng a mahse ka taksa hi ka dinna hmunah chuan a khawng reng thei. Keimah zawk hi ka ngaihtuahna a thalo nge amah zawk hian thil thalo a rawn sawi thawi thuak.

"Mahse enge i tih dawn?" hriatchian deuh ka tum a "Ka hre mai lo,ka puih theih dan tur che chu a tam mai a...Chuan damdawi i ei reng a ngaihloh phah anga" dam zet hian min chhang a

Ka pawm ang nge pawmlo ang? Ngaihtuah vak chi anilo aw nge aih?

"Awle..."ka chhan pah chuan tlemin ka la tîm deuh a " A tha e,"a nui sâng a.

Reiloteah bus lo thlengin a inah chuan kan kal a.

Tlemin ka ngaih a ngamlo deuh. Ka lu hian thil thleng thei tur deuh ho a ngaihtuah kual nasa lutuk..

"I bag leh jacket kha minlo pe rawh," a tih chuan ngaithla in a duh ang chuan ka ti a

A tih ang chiah chu ti lehin ka banah min kai a,a bedroom ah chuan min hruai a. A sawi anga ka na a tihrehna tur hun kan hnaih chuan ka taksa hi rawn sa chhuak leh tan tawh.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)