ADDICTED_TO_YOU S2 Chapter : 17 By : Msi (Hmeichhe naupang tereuhte)

Episode kal lai dah luhna

Moderator: writers

Msi Miluhlulnui
Posts: 274
Joined: October 18th, 2019, 7:46 pm

ADDICTED_TO_YOU S2 Chapter : 17 By : Msi (Hmeichhe naupang tereuhte)

Unread post by Msi Miluhlulnui » June 22nd, 2022, 10:30 pm

ADDICTED_TO_YOU S2 CHAPTER - 17

By : Msi, Hmeichhe naupang tereuhte



☆ MIRA SAIRINMAWII P.O.V ☆



"Mira heng hi lo buatsaih zung zung rawh le a rawn lut dawn ania," Manager chuan card vel chu min rawn pe sawk sawk in keipawh chuan a sem dan tur indawt chuan ka lo rem mawlh mawlh a.



Ka zawhna min chhan loh avanga ka kalsan hnuah khan khawiah nge a kal tak ka hre lova mahse tunah erawh a birthday an lawmna tur hall pawnah a awm mek tih ka hre tawh thung.



A țhian mipa te leh a chhung hnaivai awm te chu an phe zung zung a a hmun an ti ropui bawk a amah pawh a țhawng ve in thil zawng zawng theihnghilh phah nan a hman ngei ka beisei.



"I peih tawh em...?" Manager chuan a rawn ti a.



"Aw peih tawh e, mahse ka hre kim lova," ka ti halh a, an hming ringawt a inchhu a tu an nih lah ka hre ve der si lo.



"A ni maw..., keu la a hnuaiah khan an thlalak leh Mason-a te nena an memories alo awm mai ang kha khan i zawng chawp mai dawn nia, a harsa lovang tiraw...?" Tiin pakhat chu min rawn keu sak a, a chung a mi chu an mahni thlalak leh a hnuaia mi chu Mason-a nena an lakna a lo nih zel tur thu min hrilh a.



"Ka hria e, ka ti thei ang va kal tawh rawh," ka ti sap a, ka ken ah hian Amber-i hming hi a hmasa ber a ka pe hmasa ber dawn tih lah ka hrechiang a a awmna tur nen hreh erawh ka hreh viau thung.



"Aw le, birthday song a sak ațanga birthday wish a neih inkarah khan sem zawh ilo tum dawn nia," a tih leh takah chuan bu nghat in Hall lampang chu ka thlir thla vang vang a a țhiante dang chu in peih fur tawh in a thim lai chinah chuan an ding țhap a Manager a thlen thlak veleh chuan light an off zui nghal țhap.



Ka thil ken chu hmer deuh ngawr ngawr in hall lam chu ka bih ve ngar a. Chutah kawngkhar lian zet chu rawn inhawngin rawn pen lut an awm tih hriat zetin a pheikhawk in a rahna chin chu a rawn ri zui khep khep a thawm a reh bawk a pen ri bak chauh lo chu hriat tur a awm lo.



"Khawnge i thil min hmuh tur chu..?" A ti thûm sup ri chu a reh bawk nen hrechiang tak ka ni, bih ve ngar in ka lo thaw deuh hak a.



"Kal zel phawt teh a thim ropui si," Manager aw ri pawh chu chiang tak a ni.



"Light te on ta reng che," Mason-a chuan a ti bul hluk a ka nui sak.



"Ka on ten kan awm tih a hria nga ka man thei nang mawle, kal phawt teh kan thleng țep," Manager in a tih leh rual chuan phun hluk ri in a zawm a chuta vawihnih thum pen ri a rawn awm leh takah chuan a ke in nghahna chhuat lai tak chu a êng ta vâ vâ mai.



Chutah light zawng zawng chu rawn êng kual nghal pup pup in sir lam ațang chuan a țhiante chu pangpar leh thildang dang keng in an rawn ding chhuak a music a rawn rik rual chuan birthday song chu sa in Mason-a hma tak a screen lian zet ah chuan an video buatsaih ngei mai chu a rawn in play nghal zat.



A hrilhhai hmel chu en zawk in ka awmna ațang chuan ka chhuk thla a min hnungchhawn miau avangin an thlalak nena en kawp in ka lehkha ken chu ka sem zui ve mawlh mawlh a birthday wish nei tura an tih lai chuan sem zo in ama din na sir lam deuh thim laiah chuan ka lo ding a.



Staff dang te chuan birthday wish a nei zawh chiah chuan balloon te rawn thlawh thlak tir in thildang an siam chawp mawi zet zet te nen chuan an rawn thlawk thla a a dress leh a hmun an chei dan a in rem bawk a a hlim hmel nen zawng zawng chuan engkim chu a in rem vek tak tak a ni.



Amber-i chu a bulah rawn kal vat in a zaina tur rawn pe in amah ngei chuan a vawn pui nghal zat a cake pawh barh zui nghal zat in barh tura an tih luai luai avang chuan Amber-i pawh chu a barh leh a a barh zo chu a hawi kual ruai a ka din na hi chu a rawn hmu thei kher lovang.



Amber-i'n a biang a fawp chunga present a pe chu nui sak in ka thlir reng a ni e... ka lo â rei a ni midang nen inzawmna thuk tak an nei tih hre reng chung in ka mawl luat ah inzawmna lo siam pui ka tum ve ngawt a an inzawmna alo la tawp loh zia ka hre zui leh a ka ring ka rawlh lohna turah ka lo rawlh a ni.



Zanina ka zawhna kha min chhang lovin ka ban a dawm chung khan min en reng ringawt a min chhan kha a tum loh hmel hrim hrim bawk. Kha khan thil awmzia a ti lang chiang ka ti a khapa Rosanga inti in a thlalak leh video min hmuh zawng zawng te kha a tak a nih zia pawh ka finfiah ta chiah bawk niin ka hria.



Ka pawm a ngai, ni e... ka phulo pawh a ni pakhat mahna le, a ni lo buaipui tur ka ngah a ka tan a ruat a nih leh ka hmaah a rawn ding leh mahna. Tunah chuan pu leh hnathawk ang kan ni e.



"Eitur buatsaihna lamah an ko che a," staff pakhat chuan a rawn ti a, bu nghat a Mason-a leh Amber-i te ding dun rial chu melh leh zawk in thaw hak in staff chu ka zui phei nghal a.



Mason-a ei duhzawng zawng zawng list min pek chu a kim em tih enfiah tur hian min lo duh hi alo ni a. List nen chuan en kawp zung zung in a awm ang ho ho chu an lo chawi chhuak nghal zung zung a.



"A kim e a ken chhuah vek theih tawh ang, mahse he in tur hi chu Manager khan duh loh sawi mahse pek vek tur a tih avangin ka rualin in keng chhuak dawn nia a an vaiin mi 25 vel an nia ka lo chhiar zel dawn nia," ka tih chuan mi 25 in tur vel chu an buatsaih zung zung a.



Bang a sana in tar chu melh zawk in dar 9 a ri țep tawh a hemi zawh ah hi chuan haw ngei ngei ka ngai tawh ka nau te an ngaihtuahawm, țhenawmte inah ka dah ringawt a Sawmtea mut te pawh alo chhuak tawh ang.



"Le... chawi chhuak ula ka lo zui ang che u," ka tih chuan staff pahnih te chuan an chawi chhuak nghal a hla nalh zet hi an lo play a a țhen an lam a a țhen an lo titi a chutiang vel nuaih kara an thil sem lo chhinchhiah thlap thlap chu har duh tak a ni.



"In tur ka sawi kha ami...?" Manager chuan a rawn ti a.



"Aw.... an chang kim thei dawn e," ka tih chuan a bu nghut nghut a, Mason-a din na hmaah tak kan ding bawk si a ka tan han hawi chhuah pawh a rem lo.



"Eh taka Manager, a theih chuan ka haw thei tawh ang em...? Ka nau te ka kalsan rei tawh a an ngaihtuahawm a tlai tawh si a," tiin inthlahrung tak chuan ka dil a, ka thusawi vang nge ni ka lam rawn hawi zawk in a no kenna lam kut zungchal chuan min rawn kawk a.



"Ni tak e, mahse min lo nghak lawk rawh aw," tiin a thil in lai chu min ken tir a a kalsawn ta daih. Reilote hnuah chuan envelope pakhat nen hian a rawn let a.



"Kha heihi i tan aw, inah hawng la a chhunga thu inziak kha i chhiar dawn nia. Hna i rawn kal loh avangin ka pe lawk thei lo che a va haw tawh rawh ka lo chelh rei deuh che a ni ka lo mangnghilh a," țhen sak in envelope chu min rawn hmeh bel a a intur ka ken chu ala leh hmak.



"A pawilo, mahse heihi enge a...?" Envelope chu a hmaah ka lek kang a.



"Inah i hawng anga i hre mai ang, chuan eitur hi i nau te tan hawn ve rawh a tam lutuk an ei duh dawn chuang lo ania hawn sak rawh," tiin eitur awmna lamah chuan min kai phei a a ken na tur chu midang lak tir sawk sawk in ei tur lah chu a thun hnem ropui.



"A tam lutuk...," ti chûl in ka dang thei hram a.



"An ei zo dawn chuang lova a uiawm mai mai, zan a rei tawh sia thlah i ngai em...?" A tih chuan a ngaih loh thu ka sawi nghal thuai a Mason-a dinna lam ka va hawi zawk chu ngawi reng hian min lo en rân mai a.



"Kal tawh rawh kal tawh rawh, tihtur chu midangin an ti thei lutuk," Manager-i'n a rawn tih leh takah chuan a lam chu hawi in ka bu nghat a Mason-a lam ka hawi leh chu Amber-i a hmaah lo ding in in tur a pe tur chu a kut dah sawn sak in ka lam pan in a rawn pen chhuak ta mai.



"Ka.. ka kal mai ang," ti nawk nawk in min chhan letna pawh nghak lo chuan pawn lam pan in ka kal nghal hlawk hlawk a. Min rawn nang chin hman ang tih ka hlau lutuk chu chak theihpatawp hian ka kal a ni ber ka thlan te pawh a tla hial tawh.



Ka kal thui hnuah chuan hnunglam hawiin tuman min rawn zui a ka hriat loh avang chuan muangchangin ka kal a, in ka thlen chuan ka nau te hruai haw nghal in ka thil hawn ka hmuh zet chu lawm avangin an khek nghal raih a thingpui nena ei an sawi nghal chung bawk.



Thingpui ka chhuan sak lai chuan Manager min pek envelope chhah ve zet chu ka lek kang a a in char na chu hawng a chhung a awm ka hmu chiah chu ka meng phawk teh e, pawisa alo awm.



Lehkha awm chu ka phawrh chhuak sawt sawt a, chuta lehkha a inziak ka chhiar hnua ka hlawh a ni tih ka hriat hnu phei chuan pawisa chu ka en leh ringawt țhin a mak ka ti. Laklawk te kha ka la nei sia heti zat ka la la thei ania a lawmawm takzet.



"U... i thingpui chhuan a so ania," Kimkima a rawn au tak vak ah chuan ka phu nghal zawk.



"Engmaw bawihte..?" Ka ti deuh hû a, Sawmtea alo nui nghal vak vak.



"Thingpui chhuan a so ka ti," a rawn tih chuan gas lam melh zawk a tho kang nghal sawk sawk in gas chu ka off nghal vat a, gas thlen theih loh nak alaiin a zialo tak tak.



Thingpui ka siam hnuah chuan ka thil hawn nen chuan an hmeh a kei erawh chuan room lamah pawisa chu dah fel in sikula an ken ngai tur ang chu ka thliar nghal thlap thlap a. Tun inrinni ah hian bazarah hruai chhuak in an awh ve ve chu ka leisak tawh ngei ngei ang ka nei emaw nei lo emaw.



Mut naah chuan ka ngaituah naah thil tam tak a rawn lut a, phone min leisak thu a sawi khan ka rilru a na a ka mittui kha ka dang theilo a lak ațangin khatiang kha ka beisei a ni lo, ka mamawh a ni bawk hek lo. Engkima kan dinhmun a zir a kan rual a pen tur ka mamawh a khatiang zawng khan ni lovin.



Ni e... a awhawm alawm mahse neih phu lova changkang ti a an sawi țhin mi te ka lo hmuh dan ang chiah ka ni ve dawn tih ka hria. Ka thluak mawlmang zet hian ngaihtuah miah lovin khatiang te kha ka lo dil palh ang tih ka hlau va ka chan leh tur ka hriat vang pawh a ni maithei.



Ka buai lohna turah buaina ka insiam a ngawi reng a nung a kan in tun nunna tur thawh chhuah ngai ka ni tih ka in hre thar leh hnuhnawh. Engtik niah emaw chuan kan dinhmun te pawh hetiang reng hi a ni bik lovang a chutiang hunah chuan kan awh te pawh kan nei ve thei tawh ang.



Ka pa in min hrilh țhin, "ilo nula anga ngaihzawng a chhia a țha pawh ila nei ve ang mahse thlang fimkhur ang che. I fimkhur lohva a tuar tur chu nang tho ini, i nun kawng sial tu inih ang in a kawng tur i thlang fuh lo hlauh dah ang e, he thu, ziak lo thuthlung 'rinawmna' tih hi vawng reng la, zawm tum bawk ang che. I rinawm chuan i zawh tur kawng pawh a ngil ang," a tih kha ka hrechhuak thar hial mai.

☆ Ziak lo thuthlung, 'rinawmna,' tih hi he kan story a kan changvawn tur a ni e. A thawnthu keng tu, a bul tum tu, a engkim tur a nih ang in theihnghilh suh ang che u. ☆



Ka nau te pahnih inkuah rial a muhil chu en in ka țhu chhuak a puan te sin țhat tir in Pathian hnenah lawmthu sawiin ka țawngțaia, ka zawh chuan ka mu fel ve than a mut pawh ka mu thei lo hial.



Zing lam dar 1 velah ka mu ve chauh.



Thawh ka hai ka hlau lutuk in ka duh ai hma hma in ka tho leh ta sia bazarah te va kal in tihtur awm ang ang ka ti zung zung a mahni in tifai leh zung zung in eirawng ka bawl a an tiffin ka siam lai mek in phak lutuk in an rawn tho dun hlawl.



Sawmtea zawk phei chu chair ah rawn țhu in dawhkanah a bawk a muhil leh nghal thei nia mawle..!! Sawi harh in in phih fai turin ka hrilh a peih lo tawk in a kal zui hnak hnak a hmai phih lo bawk in no ah tui a suak chhuak a a melh ngai melh in alo la țhu ngar ngar.



"Awi... inbual law law mai rawh i harh phah dawn chuang lo," ka tih chuan inbual a hlau ngang aniang a in phih fai nghal sawk sawk a a hmai a hru tur pawn a ka towel zar ava seng chu a inchhuih a ala petek nawk nawk zui.



An mut hma theih nen zing thawh an hre thei lo reng reng a ngaihna an awm lo.



Sikul an kal fel hnu chuan keipawh chu insiam sawk sawk in Hotel lam pan in ka chhuak phei leh hnak hnak a mahse Hotel kawt ka thlen a ka mi hmuh chu rang zet hian ka pan phei a.



"Enge ilo tih dawn...?" A bula ka din rual chuan ka ti nghal vat.



"Eee... i thleng tawh maw ka tia, meeting turin pu nen kan rawn kal dawn," a nui zui suk a.



"Ehe engthilah maw...? Vawiinah meeting a awm âwm ka hre miah lo," ka ti hâ a.



"A awm hran lova mahse i boss leh pu an inhmu dawn a mi pawimawh tlem nen chung chu a ni mai," u Mza chuan a rawn ti leh a, suit nen a ni bawk a amah a palian sia a inhmeh ang reng.



"Engthil nge ka hriat ve chi a ni em...?" Ka ti sa sa a, a nui nghal hawk hawk.



"In Hotel hi an zauh dawn a chung thil vel chu, in boss hian pu nen thawh dun a duh a a hmun a rem chiah lo ni a a hriat avangin kan rawn enfiah pah dawn," a tih chuan ka bu nghat nghat a chutiang thu lam hla pawh chu ka hre ve leh pek lo.



"A nih chu, ka rawh lut ila nge in pu ila nghak...?"



"Nghak love, i la kal loh ring deuh tho siin ka lo nghak deuh che, khawi teh la kal lo teh," min rawn din chilh a ka beng bulah rawn kunhniam in ka sam zai ațang chuan eng emaw a pawt chhuak aniang ana deuh nghal zawk.



"Enge a...?" Ka ti a.



"Chaw mal a tang, i awih em...?" A nui nghal huk.



"Âwihawm loh eee, ka sam ka khuih vek alawm a kai lovang," ka ti ve hlar.



"Tak tak in hnah ro a nih kha," ti a ka kut a rawn la kang chu ka kut vuan lawk tu an rawn awm rual chuan ka hmaah taksa lian zet mai hi a rawn ding nghal khup.



"Hnathawk tura kal inih chuan hmeichhia buaipui lovin i hna chiah ngaihtuah rawh..!!" Mason-a aw vawt raih chu ka hre zawm nghal zat bawk..!!!



#ZAWMNA



" I lo buaina tur a awm em ni...?" U Mza pawh chuan a ti bul sup, "awm lo se ka inrawlh hauh lovang," Mason-a chuan a ti let ve leh a he pa hian eng chu a hria ni maw.



"Hey," ti a ka ding sawn chu ka dinna lamah a rawn ding leh, ava han mak sek tak..!!



"Khawi teh, engemaw i hriat le..?" Ti hlar in lehlamah chuan ka ding leh a mahse ka hmaah bawk a ni a rawn din leh ni, "kal ila Mira," U Mza chuan a rawn ti hlauh.



"Aw.. kal dawn e mahse," ka ti chiah ka lam rawn hawi a a rawn kunhniam avang chuan ka phu zawk a, "hnathawk tura kal ini em...?" Chiang lutuk hian min en a, a thinrim em maw ni a hmel landan a dik lo mahse enge thinrimna chhan tur a neih..?????



"Ka nia lawm, mahse, " ka ti chiah chu, "a boss ni mah la a mimal nun i zah sak tur a ni," u Mza a rawn țawng veleh.



"Ilo sawi tur pakhat mah a awm lo..!" Mason-a chuan a ti bul nghut a, a ve ringawt hian..!!



"Ka hnuaia thawk a nih ang in ka duh ang in ka ti thei, contract sign in duh a nih chuan ka lawm lohna tur min thlen loh a țha ber ang," a ti zui leh charh charh a, he mihring hi a zak thlawt lo..!!



"Ka rual in lut ang che i hria em...? Hepa hi zui lut hlek suh ang che" min rawn en in a ti zui leh nghut, "engvangin maw ka zui luh theih lovang, kan luhna tur a in ang a hnathawk turin ka kal tho alawm," ka ti ve ngat a.



A tho fuh vak lo a nih loh pawh in a chawhmeh a tui vak lo a ni khawp ang.



"I boss ka nih ang in ka rualin lut rawh ka tih chuan lut la a ni mai, he pa hi zui luh kher a ngailo nge ka feelings te i hriat duh avangin ka thik theih nan ilo awm zawk...?" Âng deuh hiau in ka nui hak mai, enge a sawi awmzia..? A feelings maw... eng hi nge a feelings chu...? Thil țullo tawp a ni a tih zawk ni.



"Duhtawk teh khai, enge maw i buaina hi le..? Hna thawk turin kan lut dun mai dawn a ni a chutah chuan enge buaina awm...?" U Mza a țawng zo chiah chu inher zawk in u Mza kamisz âwm ah a țham nghal nawk.



"Eng thil nge maw i tih le..thlah rawh..!" Ti chul in a kutah chuan ka pawt nghal vak, "inrawlh lo law law mai ta che. Ka nula a ni a, ka kut a awm a nih ang in thuneihna i nei lo," hnai lutuk a en in a ti zui hrâwk..!!



"Engemaw in hriat le... duhtawk teh u," a kut pawt chuan ka lo ti ve ngar ngar. Chutah u Mza'n, Mason-a kut chu pawt thla lawk a din chilh ve rân chung chuan, "he Hotel chhungah chauh hian a ni a chungah thu i neih, pawnlamah chuan mi satliah ini," u Mza chuan a ti ve ta nghut.



"Zawnga..!" Ti hrawk a a kut a rawn lek kang chu au chul chunga an inkarah ding in an âwm ve ve ah chuan ka nem sak a ka hlau lutuk chu na lutuk a maimichhingin ka thinphu dawt dawt chu ka ngaithla a.



"Duhtawk teh u, enge in hriat a..?" Ka ti chhuak țhat..!!



"A ni lamah khan i țang zawk dawn em ni...?" Mason-a aw chu mar țha tak a ni, "i eng hi nge maw dik lo le," ka ti halh a, u Mza hi huatna sa a nei amaw tihtur alawm le an in hre ngai tawp si lo.



"Min fiah tum hlek suh aw, hrethiam duh lo tu zawk ini. Ka engkim a dik vek, ka rualin i lut dawn nge ni a he mihring hi i zui lut dawn...?" A rawn ti chhur chhur a, a awmdan hi ka râp tlat awmze nei lovin enge hetianga a rawn chet vak vak ni.



U Mza hi a thik zawk em ni...? Enga...!!!! Ava han âwihawm loh ber tak..! He mihring hian keimah avangin tu mihring mah a thik lullo ang e.



"Min chhang rawh," a ti leh, amah chu ka en chho a a thinrim lai te hlei hlei chuan a hmel te chu a țha hlei hlei ten ka hria ah.!! Ka ning.



"Mason, ini em..?" aw le, chu putar chuan min chhanhim hlauh a ni. Thaw hawk a harsa min tih hmel zeta min en in a vanvadak a, a hrawk chu rawn che thla ralh ralh a thaw leh hawk in min rawn en leh a, an rawn koh leh takah chuan a lehhawi ta a.



"Nang ini maw...?" A aw chu a thununna lamah a sehchilh nak mai.



"Mira... kal ila ka tlai dawn a," u Mza'n a rawn tih chuan ka bu nghat a putar nena an inbe mawlh mawlh chu en leh zawk in a kal chu ka zui ve nghal a gate chhung kan luh hnu pawn ka en leh țhin, a chungah eng chu a thleng ni maw aw....



"Enge i ngaihtuah...?" Lift a kan chuan hnu chuan ka phu nghal zawk u Mza ka en chu min lo en reng tawh hi alo ni a, "ka bia che a i hrelo a," a rawn ti a.



"Nia thil ka lo ngaihtuah a, in pu chu a thleng tawh ami...?" Tiin ka zawt a, nichina an in hnialna bawk a ni ka ngaihtuahna luah tu chu ni ka rin hi a ni ang em...?



"Thleng tawh e, hall ah min nghak reng tawh ang," ka bu nghat nghat a, nichin thil thleng vel theihnghilh tawh ang hmak a lang chuan engthawl hmel zet hian hmalam chu a melh ran a mahse kei hian dik lo awm niin ka ngai ve tlat bawk si.



"I kal tawh em ni...? Ka tih awmzia chu Hotel-ah hian i rawn kal tawh ami...?" Ka ti a, thil awmdan vel a hre reuh lutuk tih ka'n hrechhuak leh hnuhnawh. An ni ni lovin keimah a nih hi pangngai lo zawk chu, keimah.



"Vawihnih khat chu meeting turin ka rawn kal tawh, i thawhna ka hre mai lova ka rawn tlawh lo che a a vawihnihnaah ka hre chauh va mahse ilo awm lova," a tih chuan nui sak in hmalam chu ka en ve a u Mza chu ka en chho leh țhin. Mason-a nen khan buaina an lo nei sa em maw ni le...?



Kan floor chhukna a in ang a mahse a ni erawh hall lam pan in dinglamah a peng thung a kei a pawh chu tawi khawmuang lo chuan Mason-a'n min rawn nan leh hma in Office lam pan chuan ka pen nghal hlawk hlawk.



"Tada..!!" Aw Lalpa..!! Ka phu ropui lutuk chu ka taksa ațang hian ka thlarau te an chhuak hial in ka hria.



"Ka rawn haw," Fibby chu a au leh chul a kei erawh chuan ner nawng a ka âwm tuai vut vut in amah chu ka en a, "min ti hlau lutuk Fibby," ka ti halh.



"Oh Sorry baby.... khatiang em em a i phut nasat ka ring lo mawle. Aw le, engkim theihnghilh in ka lo haw hi min lawm dawn em..? Min lo ngai em...?" A kut pahnih chu a phar chhuak nghal duai a.



"A țha vek e a țha vek e, i rawn cher deuh tih mai loh chu a țha vek i ngaihawm hranpa ve hrim hrim bawk a," ka ti zat zat chu a kawng dawm meuh hian min rawn en a.



"Tinge...?" Ehe...! A thinrimna ka dang hman lo palh.



"Sairinmawi, hetiang hian maw kan in tih dawn a ilo mak hle mai. Ti hi chuan kan inkawm thei tawh lovang," rum lutuk hian min en a a sam a chal a rawn tla thla chu a chhem phe leuh leuh a.



"Aaaa ka hria e ka hria e, ka fiamthu ve mai mai a nih kha, i buaina te leh i phone te chu i zu siam țha thei ta em...?" Ka ti leh ta zawk a inkuangkuah a thaw hak in min rawn en leh zawk a mahse rum zeta min melh in sir lam a hawi a, a awmdan avang chuan ka nui hak.



"Le le le, min hrilh dawn tih ka hria alawm," tiin ka va kuah a, rum deuh nghat a min rawn nek chhuak in hmundangah chuan a ding daih a, ka nau te titau ka thlem ngun bawk a a ni pawh hi an ni nen a danglam ka ring lo reng reng.



"A nih chuan, i sawi duh loh chuan ka kal dawn asin hna ka ngah sia boss in min khrematuk palh ang," tiin ngaihsak lo zet chuan Office lam pan chuan muangchangin ka phei a min la rawn zui lo tih ka hre thei.



"Ninawmmm," a tih hlak ri ka hriat rual chuan ka kal muang leh zual sauh va, ka ban vei lam a min rawn kuah ta nawk in a zu kalna chanchin chu a sawi zui par par a a thinrimna a theihnghilh leh tawh a ni phawt ang a nui leh var var tawh.



"Kan buai a ta lang in kan inkawm hman vak ngailo na chung in nang lo chu kawm tur ka nei lova bakah ka chawl ngun lutuk a ka hre lo," tiin a thil zawh chu min chhang a. Thil a sawi malh malh chu ka en reng a he hna ka thawh theih nan Mason-a hnenah min lo dil sak a ka hria tih a hre tawh ang em le engtia han sawi tur nge pawh ka hrelo.



"Vawiin chu chawlh min la pe a Hriatkima bulah hun ka hmang nileng dawn, tlaiah chaw ka lo ei dawn ania aw," a ti leh zat zat a, a mize thawveng tak leh midang min en dan nilo zeta min en na te leh kan in a chaw a rawn ei duh te chu ka thinlung takin ka lawm takzet.



"I duh phawt chuan ilo ei dawn nia," ka tih chuan khu lam chanchin a sawi zui leh malh malh a. A in sawi theihna nge ka hre lova a phone thar man to zia leh aman a duh loh a a chhungten an duhpui thu te chu a sawi zui malh malh a.



"Taka," a ti leh hluai tawh. Office kawngkhar bulah kan ding a a aw ring lutuk avang chuam staff pahnih te chu an rawn hawi rual dun nghal țhat a.



"Duhpui, Asang, thawk ru thawk ru ka țawng ring miah lovang," a ti zui leh zat zat a, staff pahnih te pawh chu an nui ta ringawt.



"Kar tawp hian lui ah picnic ila an tia lo kal ve rawh Remruati nen chiah hmeichhia kan ni dawn a lo tel ve rawh," ka beng bulah a rawn ti zawi sa sa a, picnic pawh ka kal lohna chin pawh ka hre tawh lo ka pa te nena kan kal kha ka hriat hnuhnun ber a ni.



"Aaaa a chakawm viau nang in ka nau te ka kalsan thei lo ti lo zawk ang," ka tih chuan ka banah a rawn sawi a ava han naupangchhia ve thei tak.



"I nau te i hruai ve mai dawn lawm," te ti, a â niang henu hi..!!!



"Chutiang ngawt, a buaithlak mai mai ti lo zawk ang," ka tih chuan rang zet zet hian eng emaw a sawi zawt zawt a, "i nau te chu reilote midang bulah an awm thei lo ami chhungte bul velah emaw pawh, i inti hlim lo lutuk a rawn kal ve turin ka duh che alawm," a ti leh hram.



"Aaaa ti lovang, a buaithlak. Bakah kar tawp ah chuan tihtur ka nei a ka hman lo. Aw...!! Min hrethiam rawh ka hman ve lo," ka ti a, țawng a tum a âng chiah chu.



"Fibby, chawlh ka pek avang che khan mi hnathawk tur țhulh țhak khawp a biak ka remti tihna a ni lo," aw thum sup kan hre zawm nghal zat chu kan hawi rual dun țhawt a kan dinna ațanga pen sawm velah chuan Mason-a alo ding kur mai.



"Ka hria ka hria, hrilh tur ka ngah a ka lo hrilh alawm," Fibby chuan a ti nang nang.



"Chung atan chuan hun a tam lutuk, chawlh pe che mah ila hnathawh luih tir i duh ami...?" A ti leh nghut, a hmel chu a nelawm loh keipawh chu ka ngawi ve kar a keimah zawk min ti ve lo mahse ka tan thil nuam zawk zawk a ni der lo.



"Amak eee, iva in ti thu tak. Ka duh lo ka duh lo, inti strict si ka puan vek tur che nia," tiin a chhang let leh pang pang a a țhianpa a nih vang aniang a ngam em mai.



"Hriatkima bulah chhuk rawh, tunah..!!" A ti khauh fuk. A kekawr hak ipte zen in a meng ngur bawk si a thil kan tihsual min man a ang takzet.



"Ka chhuk dawn ka chhuak dawn, Mira... lo ngaihtuah....,"



"Nangpawh lut rawh Mira..! Hnathawk turin ka kal tiin min hrilh a ni lawm ni tunah a pahnih nan titi maw...?" Fibby sawi zo hman lo a thu rawn sawi khalh avang chuan rum zet hian a melh a, Fibby kut chu muangchangin ka dah thlak sak a.



"Ka hria e," ti sap in Office chhungah chuan ka lut a, phun hlak a ka țhutna lam pan in ka țhu fel âwrh tih ah chuan kawngka inhawng thawm ka hria a na zeta in khar ri in a zui nghal zat bawk.



Ka mit sir in a țhu chu ka melh a computer chu hmet nghal zung zung in phone chu a bengah a nghat a, a hmelah sawn a thinrim em pawh a hriat tawh loh.



"Tun ațanga minute 15 hnuah meeting țan a ni ang, lo inbuatsaih sela engmah buaina awm lo se ka duh. Bawihpuia pawh kha hrilh hre bawk rawh, chuan midang lo zawng rawh ka tih kha buaipui nghal rawh..!!" Nelawm loh zet hian a ti hluk hluk a.



A biak saw ka lo ni ve ang tih ka hlau ringawt.



"Ka hria, engah mah a lak tlak lo chhut luh ngai chhu lut se a tawk ka schedule engkim buaipui tur ka meeting țan hun thleng khatiang ti tur kha ka mamawh, pawn lam a staff pahnih hi hna dang pe la hetah hian mi pakhat țhut theihna dawhkan in thlak ang che u," a tih leh zung zung pawh chu ka hre reng a, a hma ai zawng pawn a sawi ring zawk.



Ka hriat ve ngei nana sawi a nih pawh ka ring, a thlen ka ring ka tih kha. Kei thiam lo tak min la a tunah buaina a awm ta a min la chu an inchhir viau in ka ring bawk.



Thaw hak in a phone hmang chu ka melh a, "hetiang tur tih i hre sa reng âwm si a Fibby in a sawi pawh chuan ngatinge i lo hnawl mai loh..? Tinge min fiam kual hi nuam itih em em a i țhatna lam ai a i mize thuhruk min hmuh tir fo le..! Ka mawl avanga ka thiltih vang khan ka phu loh zia che min hriattir reng dawn ta em ni...?" Ka ti chhuak sap.



Ha sehchilh ran a ka âwm chhung na veng veng chu feel tial tial in computer chu ka en ran a.



"Mira," ka awmdan chu ka siam rem nghal zung zung a.



"Aw enge ni...?" Nui lui sang in ka ding chhuak nghal vat.



"Building budget ka ziahna bu leh account bu te, planning & organizing zawng zawng kha rawn la chhuak vek la meeting naah min rawn zui rawh," a ti nghut a, "aw le, ka hria e," tiin chhuar lam chu ka pan phei nghal vat.



A sawi ho chu la thla zung zung in a chhah hlawm bawk a pathum chuan ka dawhkan lamah ka pawm phei a a phone alo hmet mual mual.



"Ka la thla tawh e, a dang ala ngai em...?" Ka ti a, a phone ken chu ak in a kamisz hak chu a thlep chho mawlh mawlh a , kamisz var a ha bawk a a inhmeh takzet a sam a țawn kim loh rawn tla thla nen chuan amah chu a lang rorum zual bawk.



"A ngaih leh i kal mai dawn nia, khang kha keng la min rawn zui rawh," a tih chuan ka bu nghat a, engpawh thleng se tun ka dinhmunah chuan engdang ngaihtuah rih lova ka hna chiah ngaihtuah ka ngai rih a ngai a ni min ban loh nan theihtawp ka chhuah a ngai.



Register chhah zet zet chu pawm in a chhuak chu ka zui phei a a rit lutuk chu ka pawm țha sek a a ni lah chak zet zet in rit ka chawi tih a hre ve reng mahse a kal pur pur a, ka ûm phak lo lutuk chu ka thlan a tla phung tawh.



"Ka tlai tawh ania hmanhmawh rawh," a rawn ti sek lehnghal a rit ka chawi tih a hre ve reng a min puih a hnek in chak zet zet in a kal leh bawk si ka ban a kham tawh in tha pawh ka nei tawh lo.



"Kal muang deuh teh khawngaihin," ka ti thâm deuh chhal a ka kal thei tawh lo lutuk chu ka thil pawm lai chu chhuatah nghat hnawk in ka țhu thla hnawk a ka thaw nghal hlawi hlawi mai.



"Engthil nge maw itih le...?" A rawn ti vin hluk.



"Ka hah lutuk chawl lawk ang, hun ala tam ang," thaw chhuak hak hak in ka chhang let a, alo rûm nghut.



"Hun a awm tawh lo," a ti vin leh hluk a, hah nen a inmil lo enge alo thinrim ve sek..!!!



"A rit alawm i kal chak si, ka hah lutuk. Boss, nangmah in va kal mai rawh ka kal thei tawh rih lo," ka thinrim lutuk mahse inthunun zet hian ka ti let a, "rit ka chawi tih i hre ve reng a i kal pur pur a," ka ti zâwi leh sap.



"Hetiang atan reng hian alawm hna i thawh reng ni," a ti leh tawh, maimichhing in hah luat avanga țah chhuak run chung chuan ka thaw hak a,



Lehkha ho chu chawi kang sawt sawt in amah chu ka en a ka hah pawh la reh fel lo chuan ngawi reng hian ka en a.



"Hma chu hruai ta che," ka ti sehchilh nak, hawisawn hmak in hmalam chu ka melh ngar a, "min lungawi loh khum dawn ami...? Kei zawk hi asin lungawi lo tur chu," a ti leh chhur chhur, ka sa ve phat tawh.



"Ka lungawi loh khum lo che boss, ka hah thu ka sawi mai a ni. Ka thil ken hi en ta che a rit lutuk asin ka hah ka thaw țha theilo chuvang chauh chu a ni," amah pawh en lo chuan ka ti sehchilh nak a, thaw hrawk a a kal chu ka zui lehnghal hlawk hlawk a.



Hall chhung kan luh chuan a hmaah ka thil ken vel chu dah in ama sir lam deuh ah chuan ka ding a, ka hawikual in Bawihpuia leh u Mza min rawn nuih ve ve chu nuih pawh ka nuih let peih lo.



U Mza chuan a rawn a kut a rawn vai zeuh va, "Mira...!" Mason-a aw ri fuk ka hre zawm nghal zat.



"Office-ah khan ka phone ka theihnghilh a va la lawk ta che," Enga..!!!! Ka ding fel chauh asin.



"Unaupa, phone tunah i mamawh em ni...?" Bawihpuia chuan a rawn ti hluai, "ngawi rengin țhu hle hle rawh, ka zin chhunga i hnathawh ka la enfiah dawn chauh kal rawh Mira...!!" A rawn tih zawm nghut a, thaw deuh hak a kawngkhar lam hawiin ka chhuak zui nghal a.



Tunah phone te enga tan nge a tih meeting naah phone a keng ngailo hrim hrim hah taka min siam a tum a nih hi, hetianga hah taka min siam a min ban a tum a ni khawp ang. Eh..! Chutiang chu ka thlen tir hauh lovang.



Office chhungah chuan lut in ama dawhkan lamah chuan pheiin a phone a dahna âwm ang tur chu ka zawng a lehkhabu awm te chu keu kual in drawer ka hawn theih ang zawng zawng te chu ka hawng a mahse a awm lo, ka dawhkanah lamah pheiin ka zawng a mahse a awm si lo.



A dawhkan lamah pheiin ka zawng țha leh a, mahse a awm chuang lo amah khan a keng anga a keng tih a hrelo a ni ngei ang.



Phun hlak in Hall lam pan chuan ka kal leh hlawk hlawk a, ka lut in a bula phone ka hmuh loh thu ka sawi chuan a ah reng thu leh alo hriat loh thu a sawi a ka haw kher mai.



Thinrim țun chungin ka ding ve reng a a thusawi laia a nui leh suk țhin chu ka haw kher mai, a pen la tura min tih thu leh ka chhuak țep in a hmuh leh si thu min hrilh te chuan ka thinrimna a puak keh lo chauh, hall ah midang awm ve reng naah awm lo ila chu ka thawhna a ni tih ka theihnghilh in ka ring.



A ni em em lo, fiamthu thawh nan min hmang a ni, hetiang ka chung a ti tur khawp hian a pawi enge maw ka sawi a eng thil nge maw ka tihsual leh tak le...?



"Lunch ei a hun a ei ila, keipawh ei zawh ah Office a let leh ka ngai dawn a," u Mza chuan an meeting an zawh hnu chuan min rawn bia a sana chu ka en a alo hun lutuk tawh zawk a ni.



"Ka hrelo le, boss hi kan hrilh phawt ang e ka ril a țam ve tawh tho a," ka tih chuan a bu nghut a, "hall pawnah sawn ka lo nghak dawn che nia,"



"A hman lo," U Mza chu muangchangin a hawi let a.



"Meeting a zo chiah, hna a ngah lutuk lunch chu a ei tho vang mahse ala hun lo, khawih fel tur kan ngah a chuvang chuan min rawn zui nghal rawh Mira," min en reng chung chuan a ti nghut a, putar ho in an lo biakna chu a chhang zawm nghal daih.



"Tihsual i nei em ni...?" U Mza pawn mah mah a ti ve ta aniang a rawn ti ve ta hial a.



"Ka hrelo," ka ti sap ringawt, keipawn ka hrelo reng a ni.



A phone a rawn rik avang chuan Hall ațangin a chhuak a kei pawh chuan Mason-a chhuak chu ka zui ve nghal vat a, "i ril a țam em...?" Dam thlup a min zawh pawh chu ka chhang peih lo, ka ril a țam tawh bawk nen ka kal kual vel naah ka chau zawi lutuk a tha pawh ka nei tawh lo.



"Mira," a rawn tih leh pawh chuan zawi hnawk in amah chu ka zui ve hnak hnak a, a phone a rawn rik avang chuan a kal hran lawk tur thu a sawi a nghak turin min ti mahse nghah pawh nghak lo chuan ka lo kalsan a.



Mahse Office ka luh dawn a staff pahnih zawi zeta lo titi sep sep ah chuan ka ding dat a.



"Amak eee ka ti, an hausa vak lo amaw ni le thawmhnaw ngai hi a rawn ha kual vel mai mai in ka hria thawmhnaw pahnih thum a hak thlak char char," pakhat chuan a ti zawi sa sa.



"Ilo van chik em em, kei chu ka lo en ngailo mahse Amber-i khan an awm thei vak lo a tia nu leh pa a nei tawh lo kha a ti bawk a, a nau te nen an cheng a," ka chungchang niin ka hria an sawi ni, ka beng chu ka dawh hnai zual sauh va.



"Aniang, a lainatawm reuh e... theihtawpin a inchei ve âwm sia mahse a nalh pui chuang lo hei Amber-i sawi ang khan a thawmhnaw te kha an hlui țhing tawh. Engtin nge a thawh theih le amak ka ti ee, boss lah hian a duhsak si," an thusawi chuan min ti na veng veng mai.



"Awii i hre ve lo ami... heta a thawh theih chhan te chu, u Fibby khan Boss hi a dil alawm nizanah group ah an sawi mawlh mawlh kha i hmu ve lo mi..? U Fibby dil vang chauh ania a in la lal ve khanglang a zak lo hi ka ti nia," pakhat chuan a ti leh hlawk hlawk.



"Thil ka hria sin, u Amber-i khan min hrilh a hei office chhungah a dawhkan a awm sia boss hi a hel țhin a ti chuvang alawm enthla tura min tih nachhan u Amber-i a hlauthawng deuh a,"



"A ni maw...?"



"Aaa sawi tawh lovang an lo kal țep ang, lem chan kha chhunzawm zel a ngai ania theihnghilh suh," pakhat chuan a ti leh su su a, thildang an sawi zui ta hmak.



Ka thinlung chu a nat in a na vawng vawng mai, midang ang lova ka ngaih pahnih te chuan ka hnunglam ațangin min hmuh dan an lo sawi dun a.



Dawngsawng ve ta ulang engtin nge in tih ve ang...? Kei chu, ka thinlung hi nat luat avangin a rum vawng vawng asin. Mason-a hi ka hel maw, Office khat a kan awm avangin ka hel maw eng thu nge ni ngai...???



"Eng thil nge lo itih a..?" Ka beng bulah Mason-a aw ka hre nghal zat, tu mai pawh hi keini ang tan chuan hmelma an ni. Mahse hetiang atan hian a ni lawm ka țawngțainaah pawh chhelna te ka dil a intihchak ka ngaih ti a ka inhrilh fo țhin, ka hmachhawn tur a ni tih hria in inbuatsaihna nei ve mah ila khawiah nge khang te kha an awm bo zawh ka hre lo.



"Mira," a rawn ti leh.



"Engmah a ni lo, ka lo ding mai mai," ka ti a.



"Karleh kar tir ah Aizawl lamah min zui thlak a ngai dawn ania,"



"Maw...?"



"Ka sawi chu, ni reilote Aizawl lamah min zui thlak a ngai dawn, hna kan buaipui a ngai dawn a a rei lovang," a rawn ti a, Aizawl a chhuk thlak maw chu pawh kar leh ah.



"Ka.. ka.. ka thei lovang," ka ti nawk nawk.



"I thei tur a ni, chhuanlam dang ka duh lo," chiang fek fawk hian a rawn sawi a ka mittui alo tling sa bawk nen ka melh chho ran a ka hmel a hmu chiah chu a mitmeng a buai nghal nak mai.



☆ Marina Lalsangliani P.O.V ( Mira nu, bo lutuk loh nan aw ) ☆



"Mira chu i be leh tawh em...?"



"Be lo, min be duh lova thinlung takin min hua a ni a rilru nasa takin ka hliam sak a ka tihdam theih ka ring lo, kumkhua in min haw hlen tawh ang ka ring," tiin pawn lam chu ka melh ran a hnunglam ațanga min rawn kuah chu thlahlel zetin ka lo ngheng let a.



"Chutiangin ngai suh, bia la a nu i nihna ang in a haw tak tak lovang che. Thil thleng khan ala nghawng a ni ang a a rilru ala dam lo mai chauh a ni," a ti dam thlup a.



"Ka beisei, mahse luhlul ve zet hi a ni a a rilru hliam hi tuam dam a harsa țhin. Duata i hrethiam lo a nih kha ka fanu hi ka hrechiang alawm,"



"Hrilh la, i kalsan chhan zawng zawng te engkim a hriat hnuah chuan a ngaidam em em ang che. Ka ring che alawm a nu inih ang in iti thei tur a ni i fanu ania lawm ka hrechiang itih kha. A ngaidam che a nih chuan enkawl ka inpeih reng tih i hre dawn nia," ka nui hak a, pasal țha tak zawng a ni.



"Bawihi hian a pawm thei tlat lo, tunah pawh ka hmuh a hlau in helama in transfer a dil a tunah pawh khaw lamah a tâp chawt a nih hi," ka ti halh a, Amber-i thil tum hi ka hrethiam lo.



"A ni chu ka kutah dah rawh, lo inngaihtuah la tlai lamah khaw lam pan in kan chhuak dawn nia, i tan ka awm reng tih hre reng ang che," ti a ka bek a rawn fawp vang vang in a kalsawn a, "ka lawm e," ka ti zui sap bawk.



Ni e... ka fanu a ni a, a nu ka nihna ang in ka hliam siamsak chu ka tuam dam sak a ngai a ni. Ka kalsan khan ka ngaihtuah lo a ni reng reng lo mahse ka kal ngei kha a ngai si a ka nu phallo chung Zawma kha pasalah ka nei a ka nawmsakna tur zawng zawng kalsan in.



Mahse min kalsan leh a keimah chauh a kan fa te min enkawl tir turin, ka theilo khawi ațangin nge pawisa kha thawh chhuahna tur ka hre lova Zawma inhlawh tur a awm loh chuan ei tur kan neilo.



Ka țanghma ka hai ve a ngai a, ka nu in kan in a let leh a nun bul țan țha turin min rawn ti a, ka kal lo theilo. Ka fa te chu ka ngaihtuah ve alawm mahse ka hlawhtlinna kawng min dal tu an ni ve thei tih ka nu in min hrilh a ka fate chu ka hlawhtlin huna ka hruai leh mai theih turin aman alo enkawl tur thu min hrilh bawk.



Ka ring a, ka kalsan a sumdawnna enkawl in ramdangah ka khawsa a ka nu hnen ațangin ka fa te thlalak leh an hrisel țhat zia thu ka dawng fo a kum khat hnuah ka lo let a ka hnathawhnaa ka tawn tuna ka pasal ni ta nen hian kan innei a.



Ka nu chuan a ruala keimah nena a tu te min hmuh tir tur thu sawiin leh inneihna kan hman te ah chauh rilru pe turin min hrilh a mahse ka fanu ka hmuh leh hmasak ber erawh chu khami zan Hotel-ah ngei khan a ni a.



Mahse min ngaih aiin min huatna hlir in alo khat a a nau te ka hmuh a phal hek lo, a chhan ka hre lova siam țhat tum in ka bei a mahse a mi huatna ka tuh zual sauh zawk si.



Enkawl ka duh a, a nau te pawh hi lak thlak ka duh aman a duh lo a nih pawh in lak thlak ka duh a Sawmtea pawh ka hrilh fel tawh a min zui a hreh hauh lo, ka fa te chu keiman enkawl ka duh tawh a enkawl turin ka la thla ngei bawk ang.

☆ Tun chapter hnu lam tlem a zawng ah hian an love story ka rawn kur pui vak dawn lova. Lo hmanhmawh vak suh u aw an love story hi a hmanhmawh thlak hran lova ania a story hi a thui dawn ka sawi lawk ang, ka duh angin ka la ziak puak chhuak theilo tlat. An inngaihzawn hunah chuan maww an la inngaizawng uchuak ang hmanhmawh su😅. Chuan thil pakhat, Mira te dinhmun hi a tak tak ah ngai ula, an ni aia nun hreawm pawh hi in hmu in in hriat ka ring, an dinhmun a rawn țha thut thei lova thil thleng takah in chian ang dinhmun țhat ringawt lo ngaihtuah rih lo ula an nun hi feel ang u aw😊 chu chu ka duh.☆



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)