IN ANOTHER LIFE

Story tawi te te emaw luanliamna emaw post na
Zuãl's Khiangte
Posts: 55
Joined: June 28th, 2020, 12:24 pm

IN ANOTHER LIFE

Unread post by Zuãl's Khiangte » May 18th, 2023, 1:19 am

IN ANOTHER LIFE💐



BY ZUÃL'S KHIANGTE







"Sangsang,Hmangaiha leh Bena an insual ania" ka thiannu ve ber Sara-in a rawn tih chuan ka thil ei lai chu ka dah nghal hmak,Ka thil ei man chu pe in ka tlanchhuak nghal a ngatinge a insual leh thin le?





An lo awm khawm thup na hmun ka va thlen chuan mi inkar ah chuan ka va inthawlh a,Hmangaih an Bena thut bet in a lo hnek siah siah mai chu niin tinge midang te pawh hian in thelh an tum miahloh le.




"Hmangaih a tawk" tihpah chuan a hnunglam atang chuan rem leh remlo in ka kuah a " a tawk tawh" ka tih leh sep rual chuan a thaw hawk ringawt a ni pawh a che zui tawh biklo,muangchang a a rawn din chuan keipawh ka ding ve nghal a,inthiamloh hmel deuh chuan min rawn en inthiamlo tur pawh ani ka bulah a insual tawhloh tur thu min tiam tlat tawh.



"Kal ang" tih pah chuan akut ah ka vuan a ka kalpui nghal dawr dawr, diktak chuan ka thinrim lutuk mahse hetia a butut lai a chhuah hi chuan thinrim khum lo a zaidam tak a biak a mamawh zawk.



Zorinsangi ka ni a,Sangsang min ti mai thin tunah hian B.A final year ka zir ve mek bawk, ka nu ka chhun a ka sang lem lo mahse Mizo nula ah chuan a vantlang pawl chu ka nu ve tho chuan ka hria,Mi chuan nang hi chuh i nu zem mai min ti thin a, ka nu em em pawh ka hre chuanglo ,ka pa hi higher teacher a ni a ka nu erawhin thawmhnaw dawr lian tak anei thung unau pianpui ka neilo a an fanu duatlai ka ni tihna nihchu.



Hmangaiha nen hian naupan lai atanga in hria kan ni a,kan naupan laiin kan inbulah in an luah thin mahse tunah chuan Chaltlangah an awm tawh thung, nursery atangin school khatah kan lut dun char char ,a rilru a chak in lehkha a thiam em em a pakhatna kan innih chhawk thin, high school kan kal in min bem a keipawn ka lo yes ve mai, kan in ngaihzawn atang vawikhat chiah kan la inthen a chu pawh a thikthu chhe lutuk in mi a sawisak hlum tep vangin,inthen a tuarna lutuk in zu a inphah a chu chu duhlo in ka renew pui leh tawp khata tang phei kha chuan thlahthlam ka tum tawhlo bur.




Anu leh a paten an ngaihsak lo em em a a mah ai chuan an hotel an ngaihtuah zawk ti ila ka sawi sual lo ang,a nu leh pa thu ai chuan ka thu a awi zawk hial in ka hre thin ka tan a pawimawh ang chiah in atan ka pawimawh a,ka taksa peng a mi pakhat ang mai a ni,mi min hretu te chuan keini pahnih hi chu ngaihzawn en in min en lo in ka hria kan ngheh ve em avang hian.




"Tah hian thu rawh" class room a kan luh rual chuan ka ti a thuawi takin a thu ve mai.



"Sawi rawh le" zaidam tak a ka tih chuan a aw a thian ri kharh a.



"Bena khan i thla a lo la ru a,chuan delete tur in ka tia a delete duhlo a"a tih chuan ka lo thaw hak a,hepa bek buk hi chu aw .



"I thikthu hi a chhe leh em em lutuk a,tiang te chuan ka laka i thutiam te kha engmah lo mai an ni dawn sin"




"Ka tihpalh" tihpah chuan hnuailam a melh a tia a awm hi chuan keimah zawk hi ka inthiamlo leh zawk thin.




"Umm mahse a thlen nawn tawhloh ka beisei ania,Colledge SU i ni a tiang a i awm te chuan kan nauten i thu an awi duh nang " ka tih chuan a u a bu nghauh a.




"Last kan nei tawhlo veve ,vawiin chu leng ila" ka tih chuan a rawn nui hawk a "Nang meuh in len i sawi te chuan leng mai zel e " a tih chuan ka nui sen sen a, min rawn fawp zeuh a pawnlamah chuan kan in zui chhuak nghal a.



Nileng in kan leng a kum7 dawn teh meuh kan inngaihzawng tawh a,vawikhat pawh hi ka la hne chinlo,mi chuan sual ti thin mahse ka tan chuan engkimah hian a perfect vek mai.



"Naktukah SU ho inhmuh khawm tur anihkha aw i theihnghilh ange" kan in bula a bike a tih din rual chuan a rawn ti a.



"Theihnghilh lo ang,bye ka hmangaih che" tih pah chuan ka fawp zeuh a,ka kawngah a rawn kuah nghal "Keipawn ka hmangaih che My heart" rilruih hian a rawn ti a,ka lo nuih sen sen ringawt "Naktukah minlo lam la aw"ka tih chuan a lu a bu nghuah a.




Inchhung ka luh chuan ka nu chuan tûr fe hian min lo melh a "Then tur in vawi engzat nge ka tih tawh che" a tih chuan hnuailam ka melh reng a,ka nu hian Hmangaiha hi a mil thlawtlo,vawi engzat nge then tur a min tih zat pawh ka hre tawhlo.





"Thian ang bak in kawm suh tih ka hrilh ka hrilh che a hetianga i awm zel dawn chuan ka duhloh thil ka ti ang tih ka hlau khawp mai" a tih chuan ngawi reng in ka room lam chu ka pan a,ka thaw hawk ringawt Hmangaiha then tur anga ka inngaihtuah ringawt pawn ka tawt ur thei ka tello chuan a mal tur zia ka ngaihtuah a ka khawngaih tak zet,hetiang reng hi a nilo maithei sin tih chuan ka inhnem a.




___________



"I tha em?" Kan inkawta bike a tih din rual chuan a rawn ti nghal a.



"Umm kal vat ang" tih leh a bike hnunga chuan ka rual a,nizan khan ka nu thilsawi kha ka ngaihtuah avangin chhin khat pawh ka chhinglo mahse ka chhanna chu Hmangaiha hi ka then dawnlo chu chu a ni tawp mai.




SU ho chu kan thu khawm a,karleh lama college week lam kan rel a,kan pawisa dawn a tlem deuh avangin student te cheng Rs500 theuh thawh tur in thu kan ti tlu tawp.



"Lo ngaithla lawk, vawiinah hian student thar kan nei a,tha deuhin in lo kawm ve dawn nia" kan professor in a rawn tih chuana bula hmeichhe ding chu ka en a,a hmeltha in a pian a nalh takzet en reng reng pawn an hausa tih a hriat hliah hliah amah chu branded hlang a ni ringawt a kekawrte thleng in branded a hak a nia ka rinni.


"Hi ka hming chu Elizabeth Lalropuii ka nia,eli emaw Lizi tiin min ko mai dawnnia" tih pah chuan a nui ver ver a,kan professor in a duhna a thu tur a a tih chuan Hmangaiha nen kan hma ah tak chuan a rawn thu a.



"Hi Eli ka nia" tihpah chuan hnunglam a rawn hawi a "Sangsangi" tihpah chuan a kut chu ka lo dawm a,Hmangaiha chuan a melh pawh a melhlo "Chuan heihi Hmangaiha anihhi class lak lai chuan tihbuai a duh thinlo a" ka tih chuan a nui deuh hak a.





Lunch chu Hmangaiha leh a thianpa Henry a leh Sarai te nen chuan kan ei ho a.



"Ahh ka lo thu ve thei angem? Hmelhriat ka la nei vak silo a" Eli chuan kan bula rawn din pah chuan a rawn ti a.


"Lo thu rawh lo thu rawh" ka tih chuan Hmangaiha si chet chuan a rawn thu a,ka melhrum nghal vak Hmangaiha chuan ka awm dan hrethiam in "Inthut thleng ang" tihpah chuan a ding hluai a, a thutna lamah ka tawlhphei nghal , ka bialpa hi chu a tha ber mai.



"Wow bialpa nei tha deuh ve" Eli chuan nuisang chuan a rawn ti a ka lo khi ve sak,kan thikthu a chhiat dun em avang hian thik tur awm tur hi kan duhlo.


______


Kar a liam leh meuh chuan college week kan hmang a,Team li ah kan inthen a,Hmangaiha nen Blue house leader kan nih avangin kan buai viau.



"Engtiknge Badminton khelh hun kha?"



"Chawhnu hi a niin ka hria,mix ah chhuak mai ang aw" a tih chuan lu ka lo bu nghut a,ka sawi tawh kha a ni nen hian engkim kan ti dun thin,badminton pawh kan khel dun ziah zel naupan lai atang a khel dun kan nih avangin kan in man viau.



Chawhnu ah chuan sport dress in ka inthuam thap tawh,reilote ah kan tan a Hmangaiha nen chuan kan la chak zel,final ah Ruatpuia leh Rini Red house a a mite kan tum dawn a.



Final kan tan chu thawm pawh a tha khawp mai,kan inhnehtawk bawk a a en tu tan chuan kan hmuhnawm tham ve viau chuan ka ring,game point a ni tawh ka lama cock lo kal chu ka lo play zauh a chu chu Rinin ala hman tawhlo,Mix ah chuan kan champion e Blue house ti chuan an au dual dual a,Hmangaiha ka en chuan nuisangin min lo en a kan hlimdun tih kan hmel atang pawh chuan a hriat.



"Lalrinpui in nupa khan lo ding teh u" tih ri kan hriat avang chuan Hmangaiha nen chuan kan inher a,Henry a chu hah tih hriat zet hian a lo thaw kawk kawk a.



"Enge haw vat kan ngai ania" Hmangaiha chuan a lo ti vat a.



"Ninawm lo tawng suh Pangrem ang mai,Miss leh Mister thlanna ah khan inhming ka thehlut ve ania"



"I mawl ami?"ka ti vak ringawt a awm in a anglo lutuk.



"Awi in ni dawn tih ka chian vang alawm ka thehluh"


"I â tawh anihhi"ka tih chuan za fe hian a nui a.



"Hmangaih basketball practice i tum lo ami?"


"Tum e,Bawihi hi ka va drop phawt anga ka lo let leh ang" a tih chuan bu nghauh in min kalsan a.



Min kalsan hnu chuan Hmangaiha nen chuan a bike dahna lamah chuan kan inzui phei a "a vung deuh a nihhi" ka kut la kang pah chuan a ti a,ka naupan laiin ka kut ka ti tliak tawh a zawm tha mahse ka hman rim hian a rawn vung vak a a tur ut ut thin.


"A tha ve leh mai ang"



"E lawk Rami scooty chahbi ka ah sak hi ka va pe lawk" tihpah chuan college lam ah chuan a tlan phei a Rami chu a anutei fanu ania thik en a en chi pawh anilo.


Ka nghah deuh vang vang lai chuan ka bul lawk a hmeiche âng deuh hlak hlak ka hriatna lam chu ka hawi phei a an lo ding kual thup chu niin ka va pan phei ve nghal,Eli leh hmeichhe naupang ti ila 1st sem vel a mi anih ka ring an lo in dinchilh ran a.



"Ka kawr hi maw nangni ang hian engtikah mah a in lei theihloh tur anihhi i hria em?" Ti deuh pah chuan a nam deuh sawk a naupang te chu lei ah a thu sawp niai a,Eli kawra thilkai chu ka en a hetiang lek vanga hetiang em em a han chet te chu.



"Eli a tawk" tihpah chuan naupangte chu ka kaitho a "Ilo buaina tur a awmlo" a ti ram hmarh a.



"I kawr chu engzat man nge keimah pawisa chu ka lo pe ang che,hetia i awm hian nangmah zawk i inti mualpho zawk mai mai" ka tih chuan rum mangkheng hian min rawn melh a.



"Ni e nangni ang mi hnuanghnung lutuk hi be tur ka nilo" tihpah chuan a nui hak a.



"Ka hmuhdan chuan mi hnuaihnung i tih ai te hian i hnuaihnung zawkin ka hria mahni thawhchhuah nilo a inlaksan vak hi a tulna ka hrelo, chuan in maw thil pakhat pawnlam mawina ai hian chhunglam mawina hian a daih rei zawk ania,kan kal mai a nge i hri ka kai palh ang" tihpah chuan ka bula mi chu ka kai a a ni pawn min zui ve zel ringawt a insut feih feih a,ka thin a rim ve hi chuan ka dawi reng bik ngailo chuan michhaih nawmnah te an tihduhdah te hi ka en liam mai mai theilo.



"Ka lawm e aw" a tih chuan a lamah ka inher a,a mit alo hnawm chhap mai,en mai pawn ala naupang tih ka hrethei mai mahse kan intiat viau.



"Tap tawh suh khatia a tih leh che chuan minlo hrilh leh dawnnia" a mittui hruk sak pah chuan ka ti a.


"Enge i hming?"


"Ruatzeli,mahse nangchu ka hria che"


"Bawihi,ohh enge thleng a?" Hmangaiha chuan min hmuh rual rual chuan a rawn ti nghal.


"Engmah anilo" tihpah chuan Ruatzeli chu Hmangaiha awm na lamah ka kai phei a.


"Ka zawng nasa lutuk che lawm" tihpah chuan ka chal ah a rawn fawp a midang awm lai lai in.


"Ruatzel haw na tur i nei angem?"


"Ka u ka phone mai ang Usangsang ka lawm lutuk aw"tihpah chuan min rawn kuah a.


"Buaina i neih chuan min rawn hrilh la aw" ka tih chuan a lu a bu nghauh a "Kal tawh rawh u keipawn ka u ka call mai ang" tihpah chuan amah zawk chuan min kalsan a.



"Enge thleng a?" Bike a ka thu chiah tih ah chuan a rawn ti a,thil thlen dan vel chu ka hrilh a "i duh hi chuan i huai ve lawm" tihpah chuan a nuisuk a,a kawngah chuan kuah in a hnungah chuan ka bei thlap a.


_______



Vawiin hi Hmangaiha te basketball final khelh ni a ni a,kan team ho awmna ah chuan Sarai nen chuan kan inzui phei a,kan bul lawk a Elii te leh floriai te inla cheer leader deuh a dingte chuan min melhrum ngang mai a melh pawh ka melh peihlo a mizia ka hriatchian a tang phei chuan hnaih en ah ka enlo.

"Ka lo thu ve aw" rawn ti tu chu ka en vat a,mipa ngo lampang hmeltha hmeichhia an tih ang chi hi ka sirah a lo ding run a,ka hmuh hnu chu a ang viau mi hi ka chiklo a an hmel ka hriat pawn an hming hi hriat vak ka neilo.


"Aw lo thu rawh" tihpah chuan ka tawlhphei a.


"A hla aiin a hnaiah i hmeltha zawk anihhi" a rawn tih chuan ka nui hak ringawt,hmingte kan inhrilh a 5th sem ami Rsa alo ni a,hunrei tak in hre tawh ang maiin kan titi dun nghal bawrh bawrh thei.


Game pawh an tan ta Green house nen chuan kan te teng tung mai Hmangaiha lah chuan a score thei em em zui,minute tlem a awm tawh Green house tan chak ngaihna a awm tawh lo,hun a tawp ta Blue house kan chak ring mang kheng hian kan au a.


Hmangaiha lampan a kal ka tum lai tak chuan Eli chu Hmangaiha bulah va kal in tui a va pe vat a,Hmangaiha pawn a lo la nghal thla te an la dun a ka thik lutuk chu awmngaihna pawh ka hrelo lo,Hmangaihan kan lam a rawn hawi chuan "Rs kal ang" tihpah chuan ka nuihluih deuh sak a,hei hi Hmangaihkim i cho chhuah a nihhi.



Chawhnuah chuan Volleyball final khel tur chuan kan inbuatsaiha kan house ah hian infiam mi kan nei tha bawk a final kan lut deuh vek.


Volleyball kan beng a kan inhneh tawk viau ka banruh a nat deuh avangin ka chhuak a,Hmangaihkima chuan min ngaihtuah ni awm fe hian min rawn melh a dawtbak va ni suh min ngaihtuah chu nise tunah hian Eli bulah awmlo in ka bulah a awm ang,ka thikthu a chhia tih hrereng chung in hmeichhia a hnaih lui a enge ka theih loh bik ang.


Chawhnu pum chu Hmangaihkima nen inrunluih nan hun kan hmang hi a ni ringawt, a thinrimna sawiin ka thiktur in awmlo selang chuan hetiang hian ka awm bik hauhlo ang.


"Enge Hmangaiha nen in awmzia hi?"Sarai chuan ka bula rawn thutthlak pah chuan a rawn ti a "Engmah" ka lo ti hluk ringawt ka ban na tur ut ut bawk si nen ka awm chu nuam lo tak ani.



Canteen bula an lo din thup na lam chu Sarai nen chuan kan pan phei hlawk hlawk a,insual an lo awm leh tawh ka hlauh ang ngei in Hmangaihkima pawh alo tel lei a ami hnek ka hmuh rual chuan an lam ka pan nghal.


"Hmangaihkim a tawk" tihpah chuan ka va pawm bet a, ani pawhin a tawp zui ve mai, lei a ka thutthlak rual chuan "Zorinsang khawih tum hlek suh"a rawn ti tuar a mahse a thusawi awilo in Rsa chu ka buaipui nghal a "Khawih suh ka ti ani lawm ni?" Tihpah chuan min rawn pawm kang nghal a "Hmangaihkim min thlah rawh" tihpah chuan ka chum zui nghek a.



"Saw pa vang sawn kut min thlak maw?" Min dah thlak pah chuan a rawn ti a.


"Ka haw lutuk che,kan tawp i hria em kan tawp" ka tih nghek rual chuan ka kut na lamah a rawn vuan nghal ka na ti lutuk chu ka au that a.


"Thlah nghal rawh" tihpah chuan kut a rawn leng phei a,Rsa nen chuan an insual leh nghal " A tawk khawngaih in duh tawk teh u"tih pah chuan ka tap vak a ,zah pawh ka sawi thei tawhlo, chutia ka awm avang chuan an thil tih lai chu an tawp chawt a.



"Bawihi" a mit khem nung nen chuan ka lam a rawn pan a ka lo tawlhhnung hret hret ringawt.


"Rs khawngaih in inah min hruai haw rawh"


"Takzet che hian Zorinsang" Hmangaihkima chuan a ti hluk a.


"Hmangaih ka sawi tawh kha kan tawp he thil i chho chhuah anihhi,Rs haw ang" ka tih chuan bu nghauh in ka lam ah chuan a rawn phei a,kan kalsawn nghal.




He thil hi ka manglamah pawh ka la mang ngailo mahse ti lo theilo in min siam a ni,ka nu pawn min duhpui lo a mahse ka then phallo anihkha mahse tunah chuan a ti mah mah ani.



In ka thlen hnu chuan intifai in ka mu nghal ka khua lah chu a sik ser ser zui.



"Mabawih" ka nu in a tih chuan fiahlo ruai in ka hria a "Ehe Pa a lo kal teh Mambawihi hi a khawsik a sang lutuk" a tih pawh chu ka manghriat ruai ringawt.



Mit ka meng meuh chuan ka nu leh pa chu ka room a an lo thu ka hmu hmasa ber,ka harh tih an hriat rual chuan min lo pan vat a "Mambawih i tha deuh tawh em?" Ka nu in a rawn tih chuan ka lu ka lo bu nghauh a.


"I kut a vung nasa lutuk,kha kha i khua a ti sik aniang"ka pa chuan a rawn ti a keipawh ka ngaihdan chiah,chawei tur chuan inhnuailamah kan chhuk thla a,ka ka pawh a tuilo ka nu leh pa ngaihthat nan ka lem lui hram hram hi a ni ringawt.




Zanah chuan ka mumeng kar a tlaiah ka mu nasa bawk nen ka mut pwh chhuak eihlo,khatiang thil a thlen hnuah pawh Hmangaih call ka lo la nghak fan a nihchu atthlak hian.



Nihnih ngawt college ka kal tawhlo mahse Hmangaihkima a reh hmak a keipawn biak ka tum bik chuanglo,vawiin ah closing function kan nei dawn a kal ngei ka tum ruh khawp mai,chaw kan ei lai chuan ka nu in damdawi ei tha tur leh tha deuha awm tur chuan min zilh malh malh a,ka puar em pawh ka hrelo ka kham hmak .



Chawei khamah chuan ka insiam nghal mawlh mawlh a,make up chu ka thiam ang tawk chuan ka hmang ve a darthlalang hma a ka din chuan chhelo mahni tawk ah ka in ti ve hle ka gown silver rawng chuan ka vun a ti lang ngo zualin ka hria mahse tlem chuan a sexy deuh.




(Khitiang khi aw☝️)

Inhnuaia ka chhuk chuan Rsa alo awm reng tawh,ka chhungte erawh hna ah an chhuak tawh aniang an reh thap "I nalh hle mai" ding pah chuan a ti sup a,kumdangah chuan Hmangaiha nen kan kal dun ziah a mahse tunkum ve chu thawk ka la halh a.



"Nangpawh i chhelo khawp mai" tihpah chuan a banah chuan ka kut ka rawlh lut a.


"Kal ang hmiang" a tih chuan lu ka bu nghauh a kan inzui chhuak nghal.



"Nimin ah Hmangaiha nen kan inbia a"a tih chuan amah chu ka en vat a.


"Kan inngaihzawn leh zawnloh min zawt a" a tih chuan a nui deuh hak a,tuna ka thu hriat hi ka hresual emaw ka ti rumrum,Hmangaihkima ama tawka chapo ge em em in chutiang chu a zawt amaw.



"Thian kan nih thu in ka chhang,diktak chuan a hmangaih hle che in ka hria" a tih chuan ka lo thawhak a.



"Ni e Eli lo lan hma kha chuan" tihpah chuan pawnlam chu ka en daih a.



College hall ah chuan kan inzui lut a Sarai te lam kan pan nghal,Ruatzeli pawh a lo awm a
"Awi Usangsang i van chhelo em em kan College miss inih loh chuan tunkum chhung i rawng ka bawl ang" min rawn hmuhrual chuan Ruatzeli chuan a rawn ti a,ka lo nui hawk ringawt he nau han duhawm theihzia hi chu aw,ka bula ding a hmuh chuan lai zet in hnuailam a bih daih a ka lo nui hak ringawt.


"Ehe ka chhinchiah a nia aw" ka tih chuan kan nui ho dar dar a,kawngka lam kan en chu ka nui tawp riai riai Hmangaihkima leh Eli an lo inzui lut a an inhmeh zia chu pui tak ani ringawt,rei en duhlo in ka hawi let vat a.



Program an tan a item nei ten an tih lai chu ka en reng a mahse ka thil en chu enge an tih pawh ka hrelo,in a awm a tah hawm hawm mai ka chak.


Best boy leh best girl thlanna an nei a Best boy ah Hmangaihkima an thlang a,thlang awmreng pawh anni thiamloh anei lo emgkim a tih apiang a ber a ni zel thin ,Best girl ah Sentei 4th sem ami an thlang thung.


Mister leh Miss an puang dawn chuan thawm a tha khawp mai "2021 a kan college Miss chu Zorinsangi" an rawn tih chuan ka phudawrh ringawt,Sangsangi an rawn ti rual thawt thawt a "khawngaihin stage ah hian rawn chho se"an tih chuan stage lam chu ka pan a ka awi thlawtlo ani e,crown min khim tir te chu mumang ang ruai in ka hria.


"Aw tunah mister kan lo puang leh nghal anga,kan miss thlan nen pawh an inhmeh dawn khawp mai,e kan miss hian min han puang sak teh se" tihpah chuan mike leh paper chu min pe a ka lo la ve mai.



"2021 kan college mister chu" tihpah a paper kan en chu ka nui tawp riai riai "Hmangaihkima ani e" nui lui sang chuan ka ti a an lo ë dual ringawt,Hmangaihkima stage a a rawn chhauh chuan stage hi a te vek in ka hria,a kut chu ka zen luh theih tur in a rawn dah a keipawn ka rawlh lut ve mai kan pahnih chuan stage hmalamah chuan kan kal phei a camera a de zuk zuk ringawt ka nui luih nalamah ka biangki te hi a na vek tawh.




After party ah Mister leh Miss lam dun tur an tih tlat avang chuan Hmangaihkima nen chuan kan lam dun a,a taksa ka tawh hian ka ngaihzia leh ka thlakhleh zia ka hrechiang telh telh in ka hria.


"Ka lawmpui a che" tihpah chuan min rawn melh a,a hmeltha zet leh pa hrak hi anilawm ni zantin ka mumanga ka hmuhziah kha "Nangpawh ka lawmpui a che" ka tih sep chuan a bu nghut a,kan lam zawh chuan hreh hmel zetin ka kut chu a thlah a ka kut a thlah rual chuan ka ruak riau in ka in hria Rsa leh Ruatzeli te lam chu ka pan a an hlim dun hmel kher mai henute pahnuh hi enge maw a awm chiang lutuk.


"Usangsang i bawiha ka tanglo tur chu ka van lawm tak" Ruatzelin a rawn tih chuan ka nui hak a.


"Tang la ka tih nen aw"



"Awi in inhmeh zia kha,ka mit hi a tlalo chauh" a tih chuan lu ka lo thinsan ringawt "Pawnah ka va chhuak harh lawk" ka tih chuan Rsan kalpui ka ngaih leh ngaihloh min zawt a a ngaihloh thu leh ka let leh vat tur thu ka hrilh chuan a bu nghut a.



Kan awmna piah deuh bang ngheng chuan mit ka chhing vang vang a,kan inzawmna ti chhe tu zawk ka ni a mahse amah kha ka ngai takzet ani.


"Eheu kan miss chu i va mal ve" tihpah a min rawn kuah tu chu ka lo nem sawn vat a,a hmel kan hmu chu Bena a lo ni.


"Induhlo mai teh" tihpah a min rawn kuah leh a tum chuan a hmaiah ka beng thuai ringawt "nang hian kut min thlak ngam amaw?" Tihpah chuan min beng a bangah min rek bet nghal min rawn kiss a tum chuan thei leh theilo in ka thlesawn a.


"Zawnga" tih leh Bena bek ri nghal thuai in a zui nghal chhuatah chuan ka thu thla nghal nawk boruak chu ka hip lut vang vang a,ka bulah chuan Hmangaihan Bena a khawih mawlh mawlh lai chu mittui parawl kuau chuan ka melh tawp kan awmna a fal bawk si tumah min tanpui tur tur an awmlo..


"Hmangaih a tawk" ka tih chu hrelo ang mai ani "A tawk,kal ang I khawih thi thei takngial dawn" tihpah chuan hlau chungchung in ka pawm a, a tang lutuk chu tlem in a thlah dul deuh.



"Bawihte" tihpah chuan a rawn inher a min rawn kuah nghal vawng vawng a "Kal ang" ka tih chuan a bu nghut a a din a min pawt tho ve nghal a ma rinchhan chuan ka ding ve tawk tawk in ka hria"ka hmeichhia hi vawikhat i kut hmawr pawh a i lo tawk leh a anih chuan thi tluk ah in dah ang che" tihpah chuan a chhir zui leh kher a.


A coat chu min hak tir a min pawm nawlh ringawt lo tanbuai ka tum lo a angchhungah hian ka him hliah hliah tih chiah tunah chuan ka hria.


"Hmangaih" rawn titu lam chu a hawi zawk a "Thlawk bo rawh Eli" tihleh min pen sawna rual a.


"Tinge a Sangsangi chu"rawn titu chu Rsa ani "Benan lo khawih a tum a" a tih chuan Rsa chuan inthiamloh hmel fe in min rawn melh a thei leh theilo in ka lo nuisak a.…



"Tunah khawnge Bena chu?"


"Sawtah sawn nikhaw hrelo a awm ka ring,Bawihi hi ka haw pui dawn midang bulah min lo phat sak mai rawh" tihleh min pensan pui a rual a,engtik lai khan nge an lo in pawh tak viau ni.


Car chhungah chuan a awm ngheng in ka thureng a chet pawh ka che peih lo,min beng na lutuk bawk nen ka lu hi a la hai chiai chiai in ka hria.


"A la na em?" Tihpah chuan ka biang chu a rawn tuai a,lu ka lo thinsan ringawt.


"Bawihte ka tihpalh aw,awm hrang tawhlo ang" a tih chuan ka mittui a rawn hnam leh tiam tiam tawh.



"Eli bulah i awm nihkha" titau aw tak chuan ka ti tiau a "Rsa kha ka thik alawm" a ti nghut a.


"Mahse ani te kha chu ka thian a lawm"


"Umm ka hria tawh alawm ka tihpalh,inti thinrim tawhlo ang aw" a tih chuan ka lu ka lo bu nghauh a ka biang min ben na sen tai chu a rawn khawih leh a a thawhawk ringawt.


"Ka ngai che" ka tih sep chuan nghet deuhin min pawm a "Min ngaih ai a nasa in ka ngai che, i hria em kan inbiakloh lai khan zu in ka tum a mahse nangmah vangin vawikhat pawh ka in miahlo" a tih chuan in la hrang hlek in amah chu ka en a mitmeng muangawm ruih hian min lo melh a, a hmuiah chuan ka va fawp a min rawn chhang leh nghal.



"Ka hmangaih che" tihpah chuan thuk ruih hin min rawn fawp leh vang vang a.



_____


Inchhunga ka luh chuan ka nu mitmeng sen vek nen kan in hmachhawn nghal "Then rawh ka tih ka tih pawh a i then duh tak siloh ah chuan hetiang thil ti theilo hian min siam ta anihhi" chang fak chuan a ti a.



"Ngatige nu Hmangaiha hi i duhloh viau a?"



"A nu atang sawn ka duhlo hi a ni tawp an ni nen sawn chhungkhat nih ka duh reng renglo"
Tihpah chuan inher in an roomah min luhsan a, keipawh inchhungah chho in ka intifai a ka mu nghal.



A tukzan ah chuan Patling pathum hi an lo kal a,an thilsawi hmangah chuan pasal nei tur an awm anih hmel,lawkin kan inchhungah hmeichhia pahnih chauh kan awm ka nu a ni theilo a anih chuan keima chungchang an sawi tihna.


An haw velah chuan "Nu engthil nge i tihkha"


"I then duh tak siloh ah chuan tiang thil hi ka ti mai ani,in exam zawh ah in in nei ang lungai suh ka hriatchian chhungkua a mite an nia an duat dawn lutuk che" a tih chuan mak ti lutuk in ka en reng ringawt engtinge ka chunga tiang thil hi a tih theih ka pa chu beisei nei zet in ka en a lehlam a lo hawisawn hmak,tahchhuak lutuk in ka room lamah ka tlanchho nghal a ka phone phawrh in Hmangaiha ka call nghal.


"Aw Bawihi" a tlak rual chuan a rawn ti a.


"Hmangaih" tap tiau chuan ka ti a.


"Bawihte i chungah enge thleng?" Min ngaihtuah tih hriatzet hian a rawn ti a,ka nu in a ka chunga a thiltih zawng zawng chu ka hrilh a a thaw hawk ringawt.


"Zaninah ka rawn hruai ang che i duh em?" A tih chuan inngaihtuah chianglo in ka lo aw nghal tawp.



Kan inbiakna kan tih tawp chuan ka thawmhnaw chu ka siam nghal sawk sawk a,zan a rei har ka ti ngei mai ka chhungte an mut vek hnu chuan inhnuaiah ka chhuk ru them them a,kan gate bulah chuan Hmangaiha ka nghak tawp reilote ah a rawn thleng a min pawm nghal vawng vawng.


Kan tlanchhuah chuan kan inlam chu ka thlir let a,nu pa ka tihpalh keipawh hetiang tilo theilo in min siam ta anihhi ka ti sep a.



Hmangaiha te in kan thlen chuan a lo reh ruih tawh a room lamah chuan kan inzui chho nghal a,a room kan luh chuan min kuah vang vang a "ka lawm e" a ti sep a.



Mut naah chuan duhthaw deuhin min rawn fawp a keipawhin ka lo chhang let ve nghal ka kawr chu hlim chho in ka h**te a rawn hmuam nghal a,kan duh thawh telh telh a ni e nupa kan ni tawh a insum ngai kan ti tawh lo.


Kan vawikhat na a nih ve ve avangin a tantir chuan a na a mahse a hnuah chuan angel te fan ve ngailoh ram chu kan fan dun a,hmangaihna diktak chu kan pahnihin kan chen ta ani.



Zingah chuan Nu Partein min hmuh chuan mak ti hmel pawh pulo Hmangaihan a lo hrilh anih ka ring,min be bawrh bawrh a a hma a lo inngaina sa kan ni bawk nen a nuam phian.


Hmangaiha rawn thawh hnu chuan tukthuan kan ei a,apa chuan kan pahnih in min zilh mawlh mawlh a keini pahnih lah kan nui tet tet ringawt.



Zanah chuan ngaihdam ka chhungte bulah an va dil a,ka nu leh pa te pawh hetiang an ni tawh bawk nen innei mai se an lo ti chu ni in Hmangaiha nen kan lawm ngei mai,mahse exam zawh kan nghah a ngaih hmel.




Exam chhung zawng Hmangaiha te inah ka la awm a kan hlim phian ni e tunge hmangaih te bulah hlimlo tehlul ang,lehkha kan zir dun a exam turin kan kal dun a kan haw dun leh a,midang pawn min lawmpui thu min hrilh liamliam hlawm.



"Zanin chu ka mut theih pawh ka ringlo" hnung lama min rawn kuah pah chuan a rawn ti a,vawiinah kan inlamah ka let dawn a chuan thlaleh lamah kan innei dawn bawk.



"Kan innei tep tawh alawm" tihpah chuan ka nuisak a a tumbur ringawt,ka nute an lo thlen chuan ka bungrua chu min thiar thlak pui a,keini pawh thu khawmuang tawhlo in kan haw nghal a.


________



"Thei i ngainat loh nen i va ei thei ve" ka bula rawn thut thlak pah chuan a rawn ti a.



"Nia tunlai chu ka thil ei hi a tuireng"


"A pawilo nupui ei thei deuh ka duh" a tih chuan"I over" ka lo ti vat a,tunlai ka ei thei lutuk leh mut ka duh lutuk hi ka buai.


"Sumday vawi thum hnuah chuan ka nupui i ni tawh dawn" a tih chuan ka lo nuisak a.


A haw tur chu gate thleng ka thlah a rei fe min fawh vang vang hnu chuan a inkhalh let a khi vur vur in ka lut a,ka ham leh bai bai tawh Hmangaiha chu wish in khuma ka mutrual chuan ka muhil nghal.




"Mambawih Hmangaiha" tihpah chuan ka nu in min rawn sawi a,tun ang zingkar karah.



"Enge Hmangaiha chu"


"Truck nen an insu a ka pawh chhawnlo in thi an ti anihchu" a tih chuan thawhphah awmlo in ka thuchhuak nghal ka nu chu ka en vat a dawtsawi hmel a pulo "nu intihderh nan chuan a hma mah mah lo maw"


"Mambawih insiam vat rawh" tihleh a mittui a hruk rual chuan dawt a nilo tih a rawn nem nghet ka bing chuk chuk in ka hria.



"Ai Hmangaiha te chu a tha lutuk alawm" tihpah chuan kut khur dar darin ka phone chu ka en a,Hmangaiha message a lo awm tuar a voice hmasa ber chu ka ngaithla a.



"Bawihi" a reh vang vanga "Ka nu in an fa ka nih ve loh thu a sawi a sin" tih pah chuan a thaw hrawk a "Min lo ngaihtuah ngailo kha a buai vang emaw ka tia mahse an fa ka nih loh vanga lo nia" tih pah chuan zalo zet hian a rawn nui hak a voice chu a zo a a message ka chhiar nghal.



"I mu tawh mi?"


"Bawihi"


"Ka mamawh che"


"Ka lo kal aw" tihte ho a lo ni.


"Insiam rawh phei vat ang a ruang pawh damdawiin atangin an rawn phur let mek,ka nu in a tih chuan harh chhuak zawk in ka thawmhnaw dahna lam chu ka pan a he thil hi thudik ani theilo ka hmuh hma chu ka awi dawn chuanglo,thawmhnaw ka hmuh remchang apiang chu ka ha a.


Ka nu in car a khalh a ka thu ngawi remg ringawt Hmangaiha te inah chuan mi an lo zi nuai nuai a chung chuan engkim a ti Chiang viau mahse ka la pawm ve chuanglo inchhung ka luh chuan tap ri ka hre nghal Nu partei chuan min rawn pan a min rawn kuah thlawp,ai thudik ni tur in ka duh lo ka mittui chu a dir nghal zung zung a,Nu Partei chuan min kai phei a ka zui dat dat ringawt.


Kuangchhunga mu ka hmuh chuan ka tliak hnawp in ka hria, ka phallo thudik ni tur chuan a na emai,nizanah pawh hlim takin kan hma hun kan sawidun reng alawm thudik a ni theilo.


"Hmangaihkim hetiang a infiam hi ka duh miahlo ania tho rawh" tihpah chuan a biang vawtthler chu ka khawih a a lo men leh ring tak chuan ka en reng mahse men a tum miahlo.


"Hmangaihkim ka tihpalh,lo meng tawh rawh" tah insum tak chuan ka ti a,ngatinge nizan khan ka lo mut hma thawt thawt,Hmangaiha rilru nat dan tur ka mitthla ah a rawn lang a,ka bulah chawl hahdam tum in alo kal kha ani ve ngei awm sia,ka thil ngaihtuah avang chuan thawk pawh ka thaw tha theilo ka mittui chu a sur in a sur zung zung a.



"Min ti thinrim tur talpawn i rawn meng thei tawhlo ami Hmangaih kan inneih hun pawh karleh leh pek lawk a ni tawh a sin i chak tawh em kha min hmangaih a min ngaihtuah anih chuan lo meng leh hram rawh khawngaih in Hmangaihkim" ka tih chuan ka bula thu nu Partei rawn tap hawk chuan ka hmangaih Hmangaihkima a rawn kir tawh dawnlo tih a rawn nem nghet.




Hmangaihna tikimtu Hmangaihkima ka thlarau thleng a ka hmangaih kha he khawvelah a awm ve tawhlo tih chu ka kawchhung lam atang hian min rawn hrilh a.




Engtin engtinge a tello in ka awm ang,a tello a bung thar kai tur chuan chakna ka neilo,ka taksa peng a kim miau loh chuan engtin nge bung thar ka kai theih lul ang.

A kut kan inhualna zungbun a bunna lam chu ka hum vang vang a.



"Hmangaih"ka ti sep mahse min chhangtu an awm lo,ani chuan a mit min chhing hnan tawh, engtikah mah min duat ngawih ngawih na leh min hmangaih na mitmeng te kha ka hmu tawh dawnlo.




Piallei thuahriat hnuaiah ka hmangaih chu an zalh ta, a mutnaah khuan ani nen kan nih dawn phawt chuan mut ve ka duh asin.



"Hmangaih" ka mittui chu a tla zo theilo emaw tih tur in a rawn sur leh zung zung a,ka hmangaih an phum na leivum chungah chuan mi â ang maiin ka thu.


"Mambawih haw tawh ang aw" ka pa in a tih pawh chuan ka lu ka lo thing ringawt,mit pawh luih tal a vang chuan amah rinchhan chuan ka kal ve bek bek a.




Hmangaiha thlan siam ni chuan an in lamah ka va phei ve a,an in ka hmuh ringawt pawn ka tah a chhuak tun thei.



Inleng te an la awm nual avangin thingpui te chu ka sem pui a,Nu Partei chu a melh pawh ka melh peihlo.



"Sangsang engkim i hria tih ka hria khawngaihin min ngaidam rawh" thingpui ka sem zo ka thu chu ka bula rawn thut pah hian nu Partei hian a rawn ti a.



"Nu Parte tinge? Ngatinge? Khazan khan i fa pawh nilo se a rilru tina turin i fa a nihloh thu i sawi kher?" Ka rilru natna chu a rawn kir leh vek in ka hria,ka hmangaih min that sak tu kha nimiau a,ka mittui chu a sur zung zung a

"Mawh ngatinge? Ani chuan a mamawh lai a in awmloh pawh a hmangaih che u a inthu a hnial ngailo anilawm ni?Ngatinge i fa anihloh pawn ngatinge i sawi chhuah kher" ka tap khur hlawk hlawk a,ka thaw theilo "I awmdan a tha miahlo" tih pah chuan Henry-a chu a ko a keiin ka lo hmu phe ruai ringawt.



Ka harh meuh chuan ka taksa a na thum thei,kan hawikual chuan Hmangaiha room a ni tih ka hre nghal a rim pa hrak la chambang chu ka hip lut vang vang a, roomah chuan nu Partei te nupa leh Henry leh Sarai leh ka nu leh pa te an lo awm thup a,ka harh tih an hriat chuan min rawn pan nghal.




"Mambawih na te i la nei em?" Ka pa in a rawn tih chuan ka lu ka lo thing ringawt.



"Mambawih" tihpah chuan a ngawi leh deuh vang vanga "i rai a" a tih chuan ka mittui a sur in a sur zung zung ringawt, Hmangaih i lo hria em?kan fa tur ka pumah a awm a nihchu Lalpa ka lawm e.


"In enkawl tha ang che,i naute hian thlakhat ala tling lo deuh a,thil ei tha la mut tam tum bawk ang che" doctor in a tih chuan lu ka lo bu nghauh a,ka chhungte chu an tap faih faih ringawt.



Ni a ral a ka hmangaih Hmangaihkima erawh theihnghilh a hnek in ka ngai tulh tulh engkim khawihmunah pawh kal ila kan sulhnu bak ka hmulo,mahse kan fa tan inti chak luiin hmalam ka pan zel a.



______


"Hmangaih hei kan fanu Hmangaihsangi anihhi van atangin i lo hmu ve ngei ang tiraw? Fa kan neih huna a hming tur a i duh deuh kha ka sa asin,a hmelah hian achhun lutuk che a" tihpah chuan Hmangaiha thlan chu ka en a min chhantu awmlo in a reh tlawk tlawk.



"I nupui leh i fanu hi chu min rawn ngaihtuah lo la aw ka theihtawp chhuahin kan fanu hi ka lo enkawl ang" tihpah chuan van lam chu ka en a.



I hmangaih kha i hmangaih thu tunah khan hrilh hreh suh engtikah nge i chan dawn i hre silo,nantukah i tih zel chuan naktuk lo hmu ve tawhlo ta se la engtik ah nge i hrilh ang?





A TAWP TA🌹🥰🥰



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)