HERMANO S2 Chapter 1- 11 By Bearr Chhakchhuak (Dreamer)

[Bearr]

Chapter-8 🪷



" I kal tawh em? Kal tawh rawh min ti mu theilo " kan inkhuhna pawh ka hawng chuanglo. Ala awm tlat a hriatna ka nei atin ani.

" Aih "

" Hriat duh ka nei a,chu chu ka hriatfiah leh chian hmâ chuan ka kal dawn lo "

" I duh chuan midang zawt mai ta che "

" Nangmah chiah hian min chhang thei in ka ring "

" Chhânna chu ka pe tawh che,kal rawh "

" Aih ka tih chu "

" Kal rawh ka tia lawm "

Ka ṭhu tho zawk a,ka vin nghal pawng pawng.

" Aih " Min la tih khum leh ngat.

" U Bawih " keimah mai chuan ka chhuah tîr zo dawn in ka hre lo " U Bawih" chhawn tu ka nei lawk silo a ka au nawn leh.

" Mate? " Dam zet hian a rawn ti chhuak.

" Lindy tello a i awm theilo anihchuan engmah hre tawhlo law law rawh. Engkim theihnghilh kumkhua la,kan pahnih tan pawh hian a ṭha zawk dawn aniang. Unau kan ni a, Pathian in min siam dan nilo a inzawm kan tumna kha a lo rem lo anih ngei dâwn hi "


A ngawi a, room aṭangin ka sawi leh ngai tawhlo chuan a chhuak ta mai! Rilru na in khum ah chuan ka mu zawi reng. Lindy tello a a awm theihloh thu a sawi ngawt chu ka beng ah a cham a,ka mittui pawh a tla zo theilo. Theihnghilh ka tum tawh chung pawh in eng emaw hlek sawi se ka thinlung hi a la na em em zêl chu ania!



Chaw eikhawmna ah chuan kan kal ve ta lo ngei a. Ka nun rawngbawl chawp in an ei a,keichu ka ei ve peih lo. Tui ka lem nual avangin ka luak hi a chhuak deuh tlat a,eng ei mah ka chak loh phah vek. bawnghnute lum leh cake an rawn dah a,chupawh tui ril hlei hlei in ka luak a ti chhuak miau sia ka ei thei lo.



Engmah ei lo in ka mu tlang a,zanah ka room kawngkhar kik thâwm ka hria a,ka phone ah call ka dawng bawk. Ka mumang ṭha lo ah ka cheng emaw ka inti hman. Hlau ru deuh in kawngkhar lam chu ka melh a,ka che chang lawk lo. Mahse zawi tê si hian a rawn kik chhen,sana ka en a dar 2 a ri ṭep tawh. Zanrei lai a chutia rawn che an awm chuan min ti hlau hnuhnawh,tunge anih hriat tumin ka pan chhat chhat. Ka hawn ngam leh loh avangin ka phone ka va ban. Râla'n min lo call a,ka pick chiah chu kawngka kik pawh a tawp zui.


" Hâwng rawh " tih chiah a sawi. Amah ani tih ka chian tak ah chuan hlau lo in ka va hawng a,ka hawng full hman lo,a rawn in thawlh lût a engmah sawi lo in min kuah nghal chawt!!

" Mama? "

" Râla a lawm ka nih? " ka buai hman lek lek.

" Mate,ka hrechhuak tawh "

" Eng..eng maw? min thlah rawh "

" Aih, Râla kha ka nia lawm. Ka hre tawh,engkim,nangpawh "

" Ka ngai lutuk che!! " Nitin kan in hmu in kan awmdun a lawm,min ngai lo ang. Bak ah Lindy alâwm a duh em em a,a neihchhun chu

" Râla? " ka hrethiam chiah " Lalpa ka lawm e! " tiin Râla chu ka kuah nghet sauh.


Amah hi ka Râla ngei kha ani,ka hmangaih em em kha. Alo kir tak tak tawh!!

" Engtia rei nge ka nghah che i hria em? Tinge tlai ah khan i sawi mai loh? "

" Ka tihpalh lutuk " ka in la hrang thut,mak tiin min en hâw.

" Anilo,ka ngaihruatna mai mai ani. Nang hian engmah i hrelo" ka tal pit a,ka tauh sawn deuh dawrh.

" Enga! "

" Tlai lawk ah pawh engmah i hrelo, tunah engtin nge i hriatchhuah leh thut theih? "

" Ka hre bik lo,a lo thleng ve tawp! "

" Dawt anihchu,nang hian min nuihsawh leh i duh vangin tiang hian i rawn ti anih hi. I lak ah hian tâng reng ila min ti a,move on theilo tur a min siam i tum anih hi "

" Chutiang engmah ka tilo,room ah ka awm a,chuan ka hun kal tawh kha ka ngaihtuah chhuak thut ringawt! Accident ka tawh hma pawh khân nangmah anihkha min thlah liam tu " a thusawi chu a dik vek. Kal lo tur pawh in ka sawi anihkha.

" Ka sawi kha a dik ani tiraw?"

" Dik e " zep chhan tur ka nei hauh hleinem le. Thaw halh in min rawn ban,a lam ah min pawt hnai in min kuah leh vawng vawng. Heng thil thlen hun ka nghah rei tawh sia hi,lo dawnsawn dan pawh ka thiam dâwn hleinem le!

" Ka.. engtin nge ka sawi ang? "

" Mu hahdam tawh rawh "

" Thil tam tak sawi dun ka duh a sin"

" Chung zawng zawng ai chuan Lindy hi engtin nge i tih ang? "

" Enga?! "

" Lindy,engtin nge ni ang? "

" Aw ni tak,lunngai suh engkim a ṭha leh vek mai ang "

" Ka la ring ngam lo che "

" Min ring rawh "

" Engtin? " Ka rinloh vang a na hmel pu tak chungin min en chuan a thaw hawk.

" Ka hriatloh chhûng che khan i rilru ka lo tina hman viau em ni a? "

" Aw "

" Ka siamṭha leh vek ang..Ka duh vang reng a ti ka ni hleinem " ka awih lo lutuk a, amah chu ka melh kawk.

" Aih,Lindy tello in ka awm theilo i ti vek tawh. Kei min beisei suh,fiamthu i rawn thawh zawk ami? Ka duh tawhlo ang che ka tih kha "

" A pawi ka ti "

" Keipawh.." ṭawng leh a tum chuan chuan ka lo pawt chat a " Chhuak tawh rawh ka mu duh tawh " tiin.

" Mahse mate "

" Chhuak rawh! Ka mu duh " ka meng dur vak ah chuan tih luih na chi ka nilo ati aniang chu, engmah sawi leh tawhlo in a chhuak nghal. A chhuak chiah chu ka thaw hawk a,boruak kham khawp hmu lo ang mai hian ka thaw a buai hman.


Ka awmdan chu a dik lo a,khum ah pawh awm in ka muhil zui leh mai thei tawhlo. Nichin ah khân a rawn fiamthu nge ni a,a tak tak tih thu ah chuan ka rilru a insual buai ani. A tak tak ni se ka tih rualin lawm dan tur takngial pawh ka hrelo. Chumai anilo,amah ngeiin a rawn sawi pawh khan ka awih theilo a,engkim hi tih tawp hlen ka duh tak tak ta zawk em mawni?


" Mahse ka hmangaih kha ani alawm " tiin ka phun chhuak sep. Ka hmangaih em em ṭhin a,a hriatna hi alo kir tak tak anihchuan ahma ang khân kan hlim dun leh thei ngei ang.

*

" Nu Mabiak,vawiin hi ka rawn kal tawp na tur ni mai se a pawi a ngem? " An vai chuan min en nghal ṭhap.

" A..nangma tih dan dan kha ani mai a " ka inthlahrun bak ah la thawh chu ka chak viau a,mahse class kan ṭan mai dawn tawh sia,zan lam ah dawr hâwn an tum bawk siloh avangin ka tan chuan thawhna hun ṭha vak a awm thei dawn lo,ban law law mai hi a ṭha in ka hria.

" Awi i lo kal tawhloh chuan a lunglen thlak awm reuh e " diktak chuan thla tam pawh ka thawk hman lo chu ani ta dawn a,mahse nileng leng a awm ho ṭhin kha kan ni miau a,kan in mil bawk nen keipawh ka lungleng ve viau in ka ring.

" I theih hun ah te ila rawn thawk leh anga " Nu Mabiaki'n alo ti ṭha ve bawk. Thawk rei theilo tur lak loh law law duh kha ani na in, tun a ka bang lehnghal mai tur hi chu a lung niloh hmel chuanglo reng reng.

" A van lawm awm dâwn em em! " ka ti zo chiah hnunglam aṭangin " A va lum ve " arawn ti lut leh a, Hruaimawia bak ani dawn lo tih ka chiang.

" E ,in va awm kim ve " Hmingtei ber chu ka en a, Hruaimawia nupui neih tur leh tur loh chu a hre ve tawh angem tih daih ka ngaihtuah ani. A star ve ropui sia,ani lah in hrelo in nupui neih a tum bawk sia, Hmingtei'n engtin tak ngai ang maw?

" Hei lunch kan ei dawn chiah,rawn kil ve nghal rawh " Nu Mabiaki'n a ti a. Ka bul kher ah chuan a rawn ṭhu leh hmak. Alo kal apiang hian ka bul hnaih te ah hian a awm ta ṭhin a,Nu Mabiaki leh Hmingtei te mitmei hi ka veng thawng ṭhin. Engmah inngaihzawnna neilo mahila an mit kan lo ti kham palh ang tih ka hlau.

" Ka chang ve ami? " a ti a, ei tur chu a tam mai. A ei duh leh duhloh ah a in nghat zawk.

" Kha a tam mai. Vawin lam ah in va chhuak leh em ni? "

" Aih, ti ila keimah chu chhuak e "

" Engtik nge in inneih dawn? " Nuni'n atih rualin Hmingtei bawk chu ka en nghal.

A hmel ah mak tihna ka hmu lo a,a lo hre ve tawh pawh aniang. Mahse Hruaimawia'n Nuni a chhan lai a Hmingtei hmel danglam deuh chu ka hmu thiam. Tlemtê chuan a lak nat ve ka ring.

" Rawn kal ve ru aw. Nangpawh "min rawn nek pah a,ngawi rengin ka bu nghat. An titi mial mial a,kei erawh chuan nizan a Râla ka lak a a rawn awmdan ringawt kha ka ngaihtuah.


A hriatna nei let tak tak kha lo ni sela,engtin nge Lindy hi ni ang? Chuan a hmâ ang khân kan awm chhunzawm leh thei angem? nge ni a kan inṭhen hran hlen law law hi ṭha zawk ang? engpawh chu nise Lindy nen pawh rei tak an in zui ve hman tawh a,tunah hetiang hi lo ni ta leh pawh ni sela engtin nge an in kalsan mai theih tawh ang? Râla pawh hian min la tih nat hlauh rûk na ka nei ru tlat.


Tlai ah chuan haw turin kan inbuatsaih a,dawr kan bungrua kan ching fel a, Hruaimawia pawh ṭhenawm chiah dawr aṭangin A rawn lut veleh. Kan lo in tih fel mek avângin a ip te la in pawn lam ah a chhuak zui lehnghal. Nuni leh Hmingtei te nen in thlah in bus stand lam ka pan zui a, Hruaimawia nen kan intawk leh hlawl!!


" Ila naupang ve viau tur ah ka ngai a " kan kal dun leh tak si ah chuan ka ti a. Diktak chuan a nupui nei tur hi awih har ka ti lek lek,ka thik vang nilo in A hmel leh mizia ka ngaihtuah a, hrechiang viau ka nilo na chungin nuipui nei tûr chuan ka la ring lo deuh.


A naupangchhia in a mizia lah tleirawl tîr ang mai kha ania,Mela kan kal ho ṭum pawh in. Mahse,ka hriat leh hmuh chin a tlem em a,a nupui tur bulah te chuan alo puitling viau pawh ani thei tho a. A hmêl pawh hi a la senior lo sia hei vang te pawh ania'ng nupui nei tur a ka la beisei vakloh.


" Mami ai kum khat chauh in a lawm ka naupan "

" Tu Mami? "

" Lindy "

" Ni tak, anihchu keini ai a upa ṭawk ah ka ngai deuh che a "

" I ti mak e a! "

" Nangmah star tu pawh i ti rilru na ve in ka ring. Nupui i nei thut bawk si "

" Tu maw min star? Nangmah maw? "

" Aih,hre kher lo mai rawh nupui i nei dawn tawh tho a lawm "

" Sawi rawh ka hre chak alawm "

" Aih " Hmingtei ka sawi chuan a zah phah mai mai.

" Sual ve reuh ngei mai "

" Ka fel ngai hleinem " A nui a,min kaihkuah ti tih pah hian " Kan la in hre reilo viau na in i fel ka ti. Bialnu nei lo ila chuan ka ngaizawng hrim hrim ang che. ka duhzâwng chi i nia "A ti zui duah.

" Kal teh " ka tal pit a,ka kalsan hlawk hlawk.


Bus stand thleng min kalpui hnu ah kan in kal hran san a. A fel hi chu A fel ve reuh khawp mai. In ka thleng chuan kan kawt ah kan ṭhenawm U Muana nen kan intawk a,anu pangpar chi ho ka nu alo pe aniang. Kan in be teh luam chuang lo, A hnu lawk ah ama nu zawk a rawn kal veleh A,ka nu nen pangpar ringawt an buaipui vangin rawngbawl tu ah ka ṭang chhunzawm. Ti ila chawhmeh chhuan lai vil mai kha ania harsa a awm chuang lo.


* Chaw min lo ei san mai rawh u * Râla'n msg min rawn thawn.

Aw ti ta mai lo chuan * Ka nu hrilh mai rawh in ah ka awm lo * ka lo ti kher.

* I chhuak maw? Khawi ah nge i kal? * Ka chhân peih tawh kher loh avangin ka seen buai peih tawhlo.

* Ka rawn lam haw ang che *

* Ka duh lo * engvang in nge maw thudik ka hrilh mai loh ni?

* Awle * Ka beisei sa dan chiah in min chhang leh tho. Min ngaihsak ang hian lemchan thar a tum mai mai ni in ka hria. Nizan pawh kha a lem vek tho ani ang.


" Nu, Mama'n chaw ei ah nghah a ngailo ati " ka nu rawn kal hnên ah chuan ka ti a. A bu nghat " Ka han inbual lawk teh ang " ka ti a,ka kal pelh hma chuan " I u Mama hi enge i la ngaihdan? " a rawn ti chhuak hlawl!

" engtia ngaihdan? " a nui deuh a, hnunglam ah mi an awm em ti ni awm takin a melh leh te te phawt.

" Tunah hetiang hi ani ta sia,bawihte i rilru te hi a la na ṭhin em? " tiang thu kan sawi dun khat em vangin ka nu'n chutiang min sawipui chu mak ka ti zawk lek lek.

" Aih, A ṭha vek a lawm " tiin sawi thui ka duhloh vang chuan ka kalsan zui nghal.


Ka inbual a,ka zawh hnu lawk ah Kiama leh Pa Rinchhana te pawh an lo haw. Chaw kan ei nghal a,chaw ei laiin pa Rinchhana'n Râla chutia chaw ei lo ngawt tur leh tun thleng a a lo la haw lo chu a chhan min zawt q,A lo haw loh chhan tur a sawi miau loh avangin sawi tur ka hrelo. Mahse a tu a pawh chuan a awmna tur awm chu kan ring thiam vek a, ve chu chu Lindy kiang ah ani. Tunlai chu in lam a enkawl a nei leh ni awm tak ania,a hma ang a hospital a che tla ngawt ngawt lo bawk in, inhmuhna hun remchang pawh an ngah ngawt ang.



Chaw te kan han ei kham fel a,ei na hnawk zawng zawng pawh ka ti fel tawh tih in Râla pawh a rawn haw ve chiah. Tumah inchung lam a awm kan awm lo a, kan lo awm teh ṭhap chu min melh kual dan dan hlawm. Kal a tum zet tawh a,mahse rawn let leh in pa Rinchhana chanchinthar ngaithla bul ah chuan va ding hnai in " Ka pa " A ti chhuak halh.


" Aw " en pawh alo en lem chuang lo.

" Doctor hmuh ka ngai tawhlo ka ṭha vek tawh e "

" Eng a?!! " A melh ve ta chiah. Râla hmel awmdan chu lo hriatthiam a har. Bak ah tunah enge A ṭhat thu a sawi chhuah teh thut?

Kan zavai in kan ngawi ṭhap a,pa Rinchhana leh Râla te pahnih inbe tur chu kan lo nghak vek. Kiama takngial pawh A ṭawng lo a,ka nu pawh ani tho.

" Ka ṭha ka ti anihchu "

" Lo ṭhu lawm teh,i sawi awmzia ka hre mai lo. Englai pawh in doctor i hmuh duhloh avangin i ṭhat thu chu i sawi ziah a lawm " A ti dap dap. Nia,hman aṭang tawhin doctor hmuh a duh ngailo a,a ṭhat thu a sawi ve ziah ania. Tun ṭum chuan tuman hmanni ami bak kha doctor hmuh kan sawipui leh tawhlo. Tunah amah zawk in a rawn sawichhuak hmasa ve mial a.

" Engkim ka hre tawh. Nangni pawh,chuan Matei pawh " keimah min rawn en a,mak takin ka chhungril ah zamna a rawn awm thut! ka ding ka ngheh loh phah ṭep ani.

" Eng maw?! i hriatna a ṭha tawh tihna ami? " Kiama zawk in a lo ti ve thung. A bu nghat a, birthday lawm ni a tui ka tlak ṭep avang khan hun kal tawh tam tak a lo hrechhuak ani awm e.


A sawi zel a,khatia thil a hriatchhuah leh ṭeuh theihna chhan te kha a hma kum a chhungkaw picnic kan neih ah pawh khân ka lo chesual tawh a,kha kha tun tum ka lo chetsual leh khan a hrechhuak ta zawk ani awm e. Anihchuan nizan pawh khân lem a chang lo tihna ani anga,mahse tinge ka awmdan hi le,kei tih loh midang chu an hlim buai chi ai nghal vek. Tinge engtinmah ka awm ve theihloh hi ka hrethiam theilo. A hlim ber ber tur ka nih lai a,hetia ka hel ti tih tlat mai hi!!


Chhûngte dang an phone kual a,an in hrilh darh a,an lawm zia te pawh an sawi nasa. Doctor pawh a chian nan hrim hrim pan an rawt a,nidang ang lo takin a lo 'aw' ve hmak tawh. An hlim buai lai chuan inchung lam ah ka chho daih a,midang hlimna leh ka hlimna tur ni ngei ka lo dawn sawn ve dan ah chuan keimah ngei pawh ka awm a nuam lo zo a,ka inthunun thei bawk silo. Diktak chuan ka hlim nge hlim lo pawh ka in hrelo.


" Ngati nge i chhoh daih a? " Kiama a rawn lut a,khum ah ka lo thal zui tawp " I lawm tawh em? " ani pawh a hmel lan dan ah a lawm ani tih hai rual anilo.

" Ka hrelo "

" Ava mak ve! A lawm ber ber ber i nih ka ring a "

" U Bawih,ka awmdan chu e a mak lutuk! ka lawm leh lawm loh pawh ka hre theilo " tiin nizan a Râla'n ka hnen ah min hriatchhuah tawh thu a sawi te chu ka hrilh hre nghal. Ka ring êm ṭhin bawk a,ani lak ah hi chuan zep ka nei khât khawp mai.

" A mak dawn hle mai. Ngaihzawng dang i nei tawh em ni? Emaw ngaihzawng kher lo a duhzawng dang te "

" Aih,a teuhlo mai. U Mama lo hi chu tumah duh ka la nei leh lo " ka lo ti thuai.

" Umm anihchu,a a ṭhawng lutuk che anga i awm thiamlo mai mai aniang. A zia leh mai ang " tiin min hnem a,kan ti ti hnem leh hman viau. Min chhuahsan hnu ah Thenzawl lam ka bia a,ka pi mawlh chuan min ti hnuk ulh lehnghal ṭeuh tawh.

______

" Tho tawh rawh " tuk dang ang lo takin Râla hnên aṭangin call ka dawng. Min rawn kai tho anih ber chu.

" Enge? "

" Ka hrelo " ka la tih chual vangin ka off daih.

" Awi!! " ka alarm set a rawn ri zui chiah chu ka ṭhu chhuak nghal zawt.


Ka tho a,ka inbual nghal sawk sawk. Vawiin aṭangin class kan ṭan tawh dawn. Khami vang kha ani ngei ang Râla'n tho tur a min rawn tih.


" Nu dar engzat nge? " inhnuai lam ah ka chhuk a,chaw ka ei hman angem tih ka ngaihtuah. Hrim hrim ah midang pawh hi min lo kaih thawh tur ania.

" A la hma,ila ei hman " nu te hi chuan thil hi an man chak ṭhin ngawt mai.

" Ka siam fel vek tawh rawn ei thuai la " a ti a,ka bag ak sa thlap in chaw ei dawhkan ka va kil. Kan college leh kan in inkar kawng hi a hla tham ve a, muangchang a thlen ve duh chuan chhuah hma ve angai dawn. Anihloh chuan traffic jam nen kan tlai fo mai ang tih a hlauhawm.

" Scooty hi kan ngaihtuah leh dawn emawni âw " Pa Rinchhana'n dawhkan a rawn kil zui ve a,Kiama leh Râla te an la rawn tel ve lo.

" A ngai em ni? a to awm sia " ka nu'n a ti a,keichuan ka lo duh ru viau. Mahni lirthei a college kal ve pawh an chakawm a lawm.

Mahse engmah ka sawi chhuak duh chuang lo,pawisa neilo ber ka nia " To mahse fanu neihchhun tan te chuan kan ngaihtuah loh in,bus ringawt te chuan a zia lo awm êmai. A û te'n an thlah thei dawn tawh silo a " a ti a. Fel hi ka ti ṭhin,a nei ve thawkhat chu ni tho mahsela ka tan hian ui a nei ngailo a,a hrin a fa ang tak hian min ngaihsak in min duat bawk a.Pa ti te hian ko ve thei tlat ila a ṭha tur.

" Eng chu? " Kiama'n dawhkan a rawn kil veleh,keichu ka kil hmasa ber a ka kham dawn tawh.

" E i nau scooty tur mawle,an college a hla tham tawh sia in thlah theihloh chuan haw lam te a buaithlak anga ka lo tia "

" Ê a chi dawn mi? Tlangval te a rawn phur haw ṭhin ange " fiamthu in a ti a,kham pah in a dar ah ka chum vak.

" Tak tak in,kan neih te chuan a ṭha a lawm " a ti a,an titi kalsan in college kal tur chuan ka chhuak a. Ka ni hmasa ber ania , uniform a tel ta lo bawk nen ka confi chiah lo. Mi college kal inchei dan te chu ka hmu ngun a,mahni hun a thlen ve chiah chuan ṭhing bik nih hlauhna nen ka ni ruih mai.



Bus stand aṭangin Remi nen kan in zui ṭan a,Rema pawh alo kal mek ang. Lawmi leh Tlana te pawh,sawi tawh ang in hmun dang ah zirna an zawm ve ta bawk a. An awmlo chu khua a har ruih mai. College kan thlen in Rema alo awm fel der tawh,ani hi chu an luhlul ve ṭhin a,nilo se chu hmun dang ah an zirtir ve daih lo ang tih pawh a sawi theihloh.


" Kawng dal reng mah ta che " Gate bul a kan ding mai mai chu kawng kan lo dal anih hmel. Ka in leh hawi a,khapa bawk kha ka hmu leh, nidang ang tho in beanie a khum leh bawk. A mak ve ngawt mai tun ang ah pawh beanie khum tlat chu! A bulah chuan mipa pakhat a awm tel a,a sual hmel ngang mai a meng rum bak ah a meng sen ram mai a.


" Ka rawn lut ve kher dâwn em? "

" A ngailo " beanie khum tu zawk chuan a ti a,vawi 3 ka hmuh na tur ani ve tawh a a hming pawh ka la hrelo.

" Chhelo deuh an vang leh awm " pakhat zawk chuan a ti a, Keini ṭhian hnih Rema'n min lo koh velah chuan chiang deuh hian min en.

" I van hmelṭha reuh ve! " ti sap in min nuih a,chhia min tih vâng a sawi ah ka ngai zawk a nui kher bawk a.

" Kal rawh " beanie khum tupa chuan a ti leh a,midang 3 hi an lo kal belh bawk. Hmeichhe pakhat an zing ah chuan a tel a, ṭhian vek an ni aniang.

" Thlanawm,kan tlai dawn ania " pakhat in sana a melh a,keini pawh beanie khum pa hma lawk ah chuan kal in Rema kan va pawh nghal.


Kan subject lak a in ang ṭhap bawk a,a mak in a lawmawm zawk. Class ah hmel thar tam tak hmachhawn chuan kan han lut ve rawih. A nuam a,a nawm loh na pawh a awm tho.


" Manuel? " kan bul chiah ah chuan khapa bawk kha alo awm leh. Ani pawh helam pâwl tûr ve bawk anih dawn hi. A hmelchhe hran lo bawk a,class ah chuan hmeichhe 2 in an lo ṭhutpui nghal chat.

" Thlanawma alo kal lo ami? " an ti a,chupa chu ka en reng. Ning hmêl a pu lo na in chumi te zawh na pawh chu a chhan sak lem chuang lo.

" Ngeng hmel tawp " Remi'n alo ti a,ka en lai hi alo en ve tho ani tih ka hre chiah.

" Kalsawn teh u a ninawm " Remi nen kan in en lai takin chupa chuan ati hliai,a ning dun deuh aniang. Chumi te chuan phun sep sep chungin an seat lam ah an kalsan a,Remi chuan a en zui ta reng. Keichu Rema kan inbia a ka ngaihsak zui tawh lo. Sir a rawn lut a,class kan nei zui chu ani mai.


" Enteh kawm tur a neilo aniang a,kawm ve ila " tlai lam class neih laiin Remi'n a ti a,kan hmalam a ṭhu chu ka zuk en zauh.

" Ṭhian a ngainat loh hmel emai " ka ti a,ka hmuh dan chauh ani. Mahni te a awm nuam ti chi ani in ka hria.

" Ṭhian duhlo mi kan awm hleinem ,hey ṭhianpa" a ti zui zat.

" Aw " a rawn hawi chho a, keichuan min kawm duh zawk ani a min be hmasa anihloh chuan kawm tum hmasak kha ka lo ti hran lo.

" Ṭhian i neilo ami? kan zîngah hian lo tel ve daih la " a ti a. Rema'n lo hre pha in " Mu name-i chu ava ngampa ve " a lo ti bawk a,ka nui hawk ringawt. Ngampa chu ani ve na tho in amah avang hian ṭhian ti a sawi tur ka ngah ve phah lutuk thenzawl ah te khan.

" Keimah paw'n ka tlei tho " alo tih sak a,Rema nen kan lo nui hawk.

" I thu thu a lawm " Remi paw'n a sawm lui lo.

" Immanuel-a ka nia " arawn ti leh hnuhnawh. Kawm ve a duh hran lo emaw ka tia.

" E hei Rema,keimah Remi leh Ms-i " Remi'n a ti a.

Immanuel-a chuan min kawh pah in " i ṭhiannu kha chu ka hmu tawh a lawm,kan in bul ah " a ti a,thil a hriat rei hmel khawp mai.

" Keipawh ka hria che " ka lo ti ve thuai. Tawi te in a nui a, Remi bawk chuan " Bialnu I nei em? " alo ti leh hmanhmawh!

" Nang hi " tiin ka nek nghal sawk. A mak thawr thawr thei ania.

" Enge? Bialnu nei kawm chu a peihawm hleinem. Hman ah pawh kan buai hrep tawh kha " a ti a,ka ngaihtuah chhuak leh chiah.


Thenzawl a ka awm ve lai khan ṭhianṭha ve deuh mipa kha kan nei a,bialnu a nei ta kha a bialnu khan keini leh a bialpa inkawm ta kha a thik thei lutuk a,min lo huat phah vel ta nen kan buai chho ve deuh a,dawt te'n min lo puh thul,kan ṭhianpa ve pawh chu kan inkawm zui theih loh phah a..khata ṭang khan ngaihzawng nei mipa chu kawm tam loh kan tum tawh. Hei ngei hi anih hi the Rock-i paw'n alo sawi chhuah chu.


" i hrechhuak uar uar em? " Ka ngaihtuah lai takin Remi'n a ti a,ka bu nghat nghat " Ngaihzawng nei kawm chu an ngaihzawng te'n an zir loh chuan buaina neih a awl reuh lutuk a " Remi'n a ti siam siam a, Rema'n a single thu alo sawi thuai.

" Ka neilo,ka pa'n bialnu neih a la phallo " Immanuel-a paw'n alo ti chhuak hlawl.

" Enga?!! " Remi'n a awih lo, keipaw'n ka awih bik lo. Ani ang mipa hian ngaihzawng apa vangin a neilo ang maw?

" A hma pawh in ila neilo maw? "

" Aw "

" I pa vangin?!! "

" Aw "

" Chu i pa i va hlau awm ve " Rema'n nuihzat aw deuh hian alo ti a.

A huat deuh ka ring na in " Ka zah vang zawk ania " alo tih sak mai. Fapa ṭha tak anih dawn hi. Tun ang ah pawh apa thu awih in ngaihzawng a la nei map lo mai.

" Anihchuan kan inkawm thei anihchu " Remi'n phur deuhin a ti hliai.


Kan titi tam lo na in kan ṭhian thum zingah chuan ka telh ti tih chu ani mai. A hmel lan dan ai in a nelawm in a ṭawng duh phian. Class kan zo a, Rema'n bike a nei na in 3 em em in phurh a theih siloh a,min tlan haw san leh chu ani ta mai. Remi nen bus kan chang a,bus in an in lam ah kan haw phawt. An in luah te pawh ka hmuh pui lawk a,chumi zawh ah bus bawk in muangchang in ka haw leh.


In ka thlen velah ka in phih fai a,chupawh makeup ka in hnawih ve deuh vangin. Ka nu ṭhenawmte in ah a leng phei a,pangpar lampang bawk ani leh pek ang. Rawngbawl ah ka ṭang a,siam tur a awm nual vangin ka ṭan nghal sawk sawk. Ka buai ve reuh lutuk a,tunge ka hnunglam ah awm ka lo hre lawk lo. Ka kalsawn tur chuan ka su ti tih!


" Ka lo muhil daih a " engvangin nge chu chu min hrilh?

" Aw anihchu " fridge lam ah kal ka tum na in kalna tur tak ah a awm si.

" Mate min la ngei reng ami a? " a ti sup. Lû ka thing a,kalsawn turin ka ti zui bawk " A nihchuan a hmâ ang khân awm leh ila "

" Lindy hi engtin nge ni ang? "

" Tih dan a awm mai ang "

" Engtin? Thla tel in inkawp ve tawh a,awlsam takin a kalsan theih che i ring ami? "

" Chumi avang chauh chuan ami a min hnaih duh tak loh? "

" Tunah sawina hun anilo "

" Anih engtik ah nge kan sawi ang? "

" Lindy nen a in inkar tawp hun ah leh a tello a i awm theih tak tak hun ah "

" Ka thei a lawm "

" Hman zan lawk pawh in a tello a i awm theihloh thu i sawi mawlh mawlh kha,i hre tawhlo nge? "

" Awle " a beidawng deuh ani mai thei,a thaw hawk a, engmah sawi tawhlo in min kalsan.


A rawn kal khanglang a ka awm ati nuam lo zo vek. Rawngbawl pawh ka tui sarh sarh nen ka tuina an reh nghal duk. Midang an lo haw khawm a, Râla ngaihven in Pa Rinchhana pawh inchung lam ah a han kal leh phawt. A rawn chhuk thla in ka nu hnen ah " Hnathawh tur zawn ka duh a ti veleh ta anihchu " tiin hlim hmel pu chung hian a rawn ti a.


" Chutia hna te a thawh ve leh theih tawh dawn te chuan a zia a lawm. Doctor te pawh chu engtin nge? " ati a,ka tan a ṭangkai lutuk hran lo bawk a chaw ei ka lo va siam san.


Chaw ei na ah chuan ṭumdang ang in ka awm a nuam zan lo. Râla chuan midang hriat ve em em siloh hian min en ru ani tih ka mit sir thei a,hman a ta tawh Kiama nen an inkar a ka ṭhut ṭhin vangin,ka mit sir hian ka hmu vek a ka awm a ti nuam zan lo. Chaw ka ei ran phah a,ka belh ti tih ṭep zel. Kham vat vat chu ka duh ber ani. Ka ei chak bawk a ka tum ang chuan ka kham ta reng bawk,midang ei chhung in tv awmna lam ah ka lo va ṭhu phei daih.


Midang an kham fel a,ei in na ka tih fel zawh ah ka han inbual fai sar sar. Inhnuai lam ah ka chhuk leh chuan kan chhungte ṭhenkhat an lo leng reng hi alo nia. Kekawr bul ve deuh ka hak vangin ka chho lehnghal nal nal. Ka kekawr ka thlak a dawn a,chumi lai chuan ka hnunglam ah hian rawn awm an awm tlat in ka hria. Ka hawi let a, Râla lo ding ngawi leh reng tawh ka hmu chu a ngai ang ang in ka awm phah.


" Tinge ilo luh? ka inthlak duh a sin "

" Chumi zawh ah kan in be thei angem? " a va'n buaithlak tak.

" Nakinah ka tih tawh kha. Bâkah i hre tawhlo ami,move on ka tum tawh tih ka sawi kha "

" Eng maw?!! " a ṭhawng hmel ngang mai,mahse a la hre vek tho in ka ring. A hriatna te an rawn kir leh vang ngawt in ka lak a a awmdan ṭhin ngeiawm tak te,kha zan a ka thusawi te kha a theihnghilh veleh thung bik chu ka ring lo.

" Aw,ka duh tawhlo ang che ka tih kha. Nangpaw'n chu chu i duh a lawm "

" Ka duh lo "

" I duh a lawm. Vawi tam ka hnên ah i sawi tawh "


A rawn kal hnai thut a,min rawn pawm chawt!! eng rilru pu in nge min pawm chu hrelo mahila ka taksa hi a hahdam nghal sawng sawng in ka hria. Kuah let ve hial chu ka duh hman a,mahse a lemchan ni se tih ngaihtuahna chhete ka neih avangin ka ti ngam leh lo.


" Chhantluanga tak tak kha ka ni a sin. Min hlat suh "

" Engkim siamṭhat leh ka tum ang. Reilote chiah lo nghak rawh " a chal chuan ka chal a rawn si a,hman ang tho khan kan la in mamawh reng ani tih ka hre leh thei chiah. Hetiang hi ka Râla tak tak awmdan ṭhin chu ani a,a lak aṭanga ka awmhran hi a phal ngailo.


Min fawh a tum a,keipawh in ka lo hnar thei tawh bik lo. Mahse kan infawp ṭan chiah tih in kawngkhar an rawn kik a,ka in la hrang nghal thuai. Ka zah tawh avangin ka chi ai nghal vek a, Râla chu bathroom a lo va lut turin ka hrilh ngawt. A duhlo ti tih na in ka melh vâk ta sia a lut ve hna hna. Kawngkhar ka va hawng a,ka nu alo ding ran.


" i hman chuan thingpui rawn lum lawk la " a ti a,min hriatthiam chu ka hlau ani. Hnial i he lo in ka bu nghat nghat.

" Kekawr ka thlak anga ka lo chhuk ang " ka ti a.

" I u Mama a awm tiraw? Ka'n ko thla ve ange " a ti ta mai!!

Ka room lam ah a awm daih si,engtin nge ni ang,pawn lam ah a chhuak lo tih an hre ve tho bawk sia.

" Keiman ka lo ko mai ang " kal phei a tum a,min manchhuah ka hlauh vangin ka ti ta tawp. Min rinhlelhna pawh neih hmel em em chuanglo in a chhuk thla ta zawk hlauh. Thinphu dut dut chungin bathroom ka va hawng,ning tawh hmel deuhin Râla pawh a lo la ding ngawi ve reng.

" Inhnuai lam ah lo chhuk ve rawh an ti che " kal leh mai ka tum a, ani chuan " Ilo chhuk ve angem? " tiin min zawt ve thung.

" Aw chhuk ang " ka chhuah tir a, ka kekawr thlak in inhnuai lam ah ka chhuk thla nghal. An thingpui tur ka lum pah in an titi te pawh ka ngaithla tel a,kan unaupa em em hmasawnna chuan tupawh mai chu a ti lawm ani tih hai rual ani lo.


Thingpui chawi in ka chhuak a,Kil khat a Râla lo awm leh phone hmang ka va tawk " Nakin ah inbia ang " a ti a.


Lindy nen an in bia anih ka ring a,ka thinrim a rawn chhuak thut! tray chu ka hmer vak a,min bum mai mai tiin keimah leh keimah chu ka in hrilh.


" A va tui dawn ve " ka thingpui chawi phei an lo fak pawh chu ngahmah ka ngai lo. Ka chhawp tawp a,choka lam ah ka kal leh nal nal. Râla phone hmang zo nen pawh kan in tawk na a melh pawh ka melh duh lo.

" Sawtah va awm ve ta che " choka min lo zui lut tih ka hria. Ka mood a inthlak leh laklawh tawh a ka ṭawng pawh an chang ṭha ngang mai.

" Hetah ka awm duh zawk "

" Anihchuan awm rawh "

" i thinrim em ni? " kalsan daih ka tum a,ka ban alo chelh ti tih vangin ka ding dat.

" Thinrim ang chu,ka mawl lutuk a " a mitmeng a hriatthiamlohna der zet awm chu ka hmu thei "Engtin nge maw a tello a i awm theih tak tak ka lo beisei hman chu le " ka tal vak a,min thlah rual chuan inchung lam pan in ka chho nal nal.


Min lo la zui ta cheu!! ka nin em vang leh tlanchhiatsan thei a ka in hriatloh avangin ka leh chhuk thut a,ka nu bulah ka zuk ṭhu hmak. Ani pawh chu laklawh deuh hian step ah chuan a ding ta ran,ka mit sir reng a,han ngaihven ang a lan chu ka tum chuang hauh lo.

[Bearr]

Chapter-9 🪷



Midang zing ah ka awm ta daih sia,min rawn zui thei pawh anih tawh miau silo. A ding ngawi reng a,ka lam chu an rawn en char char .Midang in an koh tak ah chuan a rawn kal leh a,midang zing ah ṭhu mahse engmah a ngaihsak ve lo ni hian a hriat. Min rawn en reng a,ka lo hmu thiam nasa bawk si.


" i dam tawh bawk a,nakin lawk ah nupui te ngaihtuah ve tawh ila tiraw? " ka kut ka hum vak a,amah pawh chuan min rawn en zawk,kei ka lo kun thuai.

" Nupui neih ka la duh hleinem " a ti a,ka hawi chhuah leh pawh in min lo la en tho.

" i ho ṭhin emai,i upat ve tawh êm hi " an ti a,an thusawi ngaihsak zui ang pawh in a awm tawhlo.


Inleng ho an haw chiah Kiama pawh alo haw ve chiah. Mu turin kan in tin tuah hlawm a,ka room a ka luh hma chuan Râla'n a room kawngkhar bul a ding in min lo hui zauh. Ka hmu lo der a,min rawn au ngam chiah silo nge min rawn hui nawn leh. Ka hawi phei a,engtinmah ka chhang let chuang lo,a rawn kal phei thut! room ah a rang a rang in ka lut a, kawngkhar khar in ka kalh zui.


" Ngati nge i thinrim a? " pawn lam aṭangin a la rawn ti cheu. Midang in a an hriat ve ka hlauh avangin kawngkhar ka kalh ve ngial pawh chu ka hawng leh.

" Chin fel tur ila ngah kha,mu hahdam zawk rawh " ka ti a,mahse a ngaih ṭha lo hmel chu a la danglam phah chuang lo.

" Mahse i ti tau sia "

" Chutiang ngaihven a ngailo, mangṭha " ka ti thâwr. Sawi tur a hre mai tawh chuang lo aniang, kawngkhar ka khar hnan a mutsan daih ka tum.


* Muttui aw mate * msg lam ah a rawn che leh tho. Ka seen sak chuang lo,noti aṭangin ka chhiar ringawt a,ka ngei viau na in Hun rei tak hnu ah muttui min ti chu chhungril lam ah hian nuam ka ti veng veng.

*

" Hey " tukin chu ka tlai deuh a,Remi paw'n min lo va kalsan.

" I va tlai em em ve! Rema nen kan lo nghak char char che a lawm "

" Kan ṭhianpa thar pawh a lo thlenna a rei tawh mai " Rema'n alo ti chhunzawm.

" Nia traffic jam ah kan tang rei deuh a,Manuel-a chu class ah a lut tawh ami a? "

" Aniang,biak pawh min be leh em em chuang lo. A mood a chhe deuh ani mai thei "

" Ṭhiannu? " building lam pan kan tum tawh,min lo au leh sia kan kal tur pawh kan din phah.

" Aw "

" Hei hi Manuel-a kha min lo pek sak teh aw " pawisa hlawm hi ka kut ah chuan a hmeh bêl chawt. Nimin a Manuel-a bul ami tho kha ania,ka kut a pawisa a hlan chu ka en kawk ringawt.

" Eng pawisa nge? " thil ṭhalo anih takin zawh chian hmasak ṭha ka ti.

" Thlanawma pawisa ti la a hrethiam mai ang " a ti ringawt.

" Thil ṭha lo te hi alo ni ange " fiamthu ti tak deuh hian ka ti a,min melh rum nghal vak. Fiamthu a hrethiamlo ani mai thei.

" Mawli " min ti nia!

" I duh chuan nangman pe mai rawh " min koh dan teh hrep chu ka ngei a,ka puih duhna chhete pawh an thamral nghal vek. Pawisa chu a lam ah ka lek phei.

" I va ngêng reuh ve "

" Nang a lawm " ka chhâng ve zel sia a thinrim zual hmel tawlh tawlh " Kal ang u " ka ṭhiante pahnih bulah chuan ka ti a.

" Hey,Lo pe lawk teh a pawimawh "

" Ka nei daih ang " ti fiamthu in aw pawh pawh lo chuan kan lut a,ka pek a rin tho chu ka ring. A hrim hrim in pawisa ah a hmelhriat miahloh a ring nghal mai chu ania, rinawmlo deuh te lo ni ila a chân nasa ngawt ang chu mawle.

" Manuel,hei i ta tur " class ah lehkhabu alo chhiar mial mial.

" Khawi aṭangin? " pawisa pawh chu a rawn ban mai chuanglo.

" Thlanawma "

" Hepa lah hi(h) " thil ṭullo kan ti ta emaw tih mai tur ani. Pawisa pawh chu ala ta tho a,phone a hmang zui nghal.

" kan ṭhianpa hi a chiang chiah lo ani lo maw? " Rema'n zawi tê in ka bul ah chuan a ti a,ka ner nghal vak.

" I a lutuk " ka ti ringawt,mi awm hle hle lai chiang lo han in tih sak ngawt chu a!


Nileng in class kan han la chu khua a lum ve bawk nen a ninawm ve duh khawp mai. Mut alo chhuak ve khanglang bawk si. Kan chawlh laiin Rema'n college a a hmuh taih deuh pakhat chu biak tumin min kalsan a,Remi nen mi che vel chu kan en mai mai.


" Lo ṭhu ve rawh " Manuel-a arawn kal a,a rawn ngawih reng si vangin ka lo be hmasa tawp.

" I no min pe ta che " teh daih chuan!!

" Ngati maw? " Remi'n min lo chhan sak.

" Thlanawma'n a duh a "

" I ṭhianpa kha maw?! Ms-i a star ami? " Remi a phili leh vek tawh!

" Anih hmel,ka cousin pakhat ania. Min pe la,min tibuai reng a ka hne tlat " kan bul a rawn ṭhut thlak ve pah in a ti a.

" Mahse hmelhriat loh no ka pe mai mai ngai hleinem,ka duhlo e a " Ka lo tih sak. A thaw hawk a,hmalam a melh vang vang.


Tiang teh tawp a no in dil te chu an,bak ah khapa kha ka mi ngainat zawng pawh anilo a, diktak chuan Manuel-a pawh no pek ngam tur khawp in ka ring in ka la nel hran lo. Chuta kar ah a cousin sual hmel ve lutuk no lo pek mai chu ka duh bik map lo.


" A sual hmel ve reuh tawp " Remi'n alo tih belh.

" Sual nang " thu lah hi a sawi tlêm thei sia.

" Amah ngei in dil rawh se,i ti ve lo ami? Tun ang lai ah mi an hmang ṭangkai ṭut ṭut ngai tawhlo. Pa lo lutuk a " Kan Remi lah hi a duhthawh thei si.

" Dik e " tiin a tho a, engmah pawh a sawi chhunzawm chuang lo. A kal zui nal nal,a cousin kan tih dan chu a lung nih loh pui emaw tih mai tur ani.


Rema pawh kalsawn kan tum mek laiin a rawn let veleh a,a hmêl lan dan ah a va che ṭha thawkhat anih hmel. Zawh pawh ka lo zawt lem chuang lo,Remi zawk in alo sawipui a,sawi tur ngah thei na na na chu kal pah in an in hrilh mual mual.


Tlai ah kan han bang a, Rema'n min phur theilo ve ve leh tawh sia min haw san a,bus stand lam pan tum a kan kal dawn in kan college gate piah daih ah chuan Thlanawma leh Manuel-a te,midang te pawh an lo awm khawm ka va hmu a,chhan ṭha lutuk pawh awm chuanglo in kal tlang chu ka hreh ti tih ngawt. Remi hnên ah kawng lehlam aṭang a kal ka rawt a,min hnial chuang lo. Mahse kan kal hma in Thlanawma chuan min rawn nang ching a,ka hma ah tak chuan a ding ran.


" I no chu? "

" Ka phallo ka tih tawh kha "

" Ṭhiannu lo hrethiam mai rawh,a duh tawh hi chu a ti ngut ngut zêl a " an ṭhian zing ami niawm tak hmeichhia chuan lo kal ve pah hian a ti a.

" Lo ngawi rawh Lalhlimpui " a ti chang fak.

" Thinrim ngawt suh pinky " Remi alo insum hman lo a nui thut!

" Pinky " ka beng bul ah chuan a ti zui sep. An koh dan leh a mah en chuan a in thlau bawk a keipawh ka nuih chu a za deuh.

" Tibuai kher suh, a pe duhlo che anihkha " Manuel-a'n Thlanawma hnen ah a rawn ti lawng lawng.

" Tibuai hleinem "

" Naktuk ah ka zawt leh vek dâwn ania " tih ri leh bike ri a in zui nghal.


Kan in din chilh rei viau a,no erawh awlsam tak a pek mai chu ka tum bik lo. Ani paw'n min dil hran pawh ani tawhlo kan in din chilh ve tawp ani mai.


" Awi enteh! " Remi'n min kawh hmuh a,min lam tur ni awm tak ani. Râla'n kan college a lo thleng nawlh!!

" I bialpa maw? " Thlanawma'n alo ti.

" Ngatan nge i tih? " ka lo ti hmuk.

" Hei hi tunge? ilo la haw dawn lo ami? " Râla paw'n chutia kan lo in din chilh chu hrethiamlo hmel pu chungin min rawn zawt chiang.

" Tumah anilo,tinge ilo kal a? "

" Ka rawn lam dawn che "

" A ngailo " ka lo ti rang lutuk chu a zahthlak zawk.

" I nau ami? ka lo thlah haw ang ka lo tia " Thlanawma'n alo ti ve ringawt!

" Ka nau chauh anilo.. " a sawi thui ka hlau chu ka au ṭhawt ringawt. Min en ve ve a,pakhat ka hmelhriat ṭha ani miahlo na in ka zak lutuk.

" Keiman ka hruai haw mai ang " an in mil lo nghal ngawt em mawni chu.

" Ka duhlo,kan la kal kawi dâwn " Remi haw san a chi loh a, Râla rual a haw pawh ka duh chuang lo.

" A tlai tawh,nula tan lenkawi na hun a awm tawhlo. In ah awm ula a him ber " enge maw a hriat chu le,Lindy chiah ngaihtuah se a tawk.

" Remi nen kan lo haw mai ang " ka ti ve tlat.

" Wow,in va in ngeih hmel ve " ban phar hliai in Thlanawma a inthiarfihlim daih.


Râla pawh ka hnial tlat sia,lungawi loh hmel deuhin bike in a tlan leh vang vang. Haw kawng ah Remi'n chutia ka tih chhan chu min zawt char char. Râla rual a ka haw duh ngei kha alo ring ve tho anih hmel,ka rilru chanve chuan a duh tho a,mahse sawi leh sawi hnu Lindy vangin ka damlo a,an inkar an chinfel hma chuan lo hnaih ruak ruak kha ka duh tawh lo. Engkim chingfel se,harsatna pakhatmah awm lo a inkawp ka duh tawh.



In ka thlen in sofa ah a lo ṭhu tum bar a, engtinmah ka be chuang lo. Min lo call an awm a,ka chhan chuan Thlanawma anih thu a rawn insawi chu mak tiin ka meng kawk. Ka no ka pe silo engtin nge a neih tih ringawt chu ka rilru luah khat tu ani. Ka zawt ta ngei bawk a, Râla hriat ve atan ka duh hran lo bawk nen inchung room ah ka chho thuai. Ka no a neih dan chu a sawi duh miah lo lehnghal a!


" Tiang in tuman mi an tibuai ngailo aw " a nui a,a reh deuh vang vang.

" Ka no hi save rawh. Kan in be ve mai mai anga, min la ngaina lo ang tih pawh i hria ami? "

" Chapo confi " ka lo tih sak.

" I ho e a,hey nang chiah hi hmeichhia no ka dil hmasak awmchhun i nia aw. Inchhuang viau rawh " kher kher chuan.

" Chu ka va vanduai ve " mi hnial ka hrat ve reuh sia,ani lah chuan a lawm phian em mawni. Min nuih liam vel mai mai anihchu. Ka be reng duhlo a phone ka off san hmak.

_____

Kar hnih ṭha zen zawn a liam leh tawh. Hun hi a kal chak ṭhin khawp mai. College lam aṭangin project neuh neuh kan nei ve bawk nen mahni tawk ah ka buai ve viau. Hruaimawia pawh kha nimin piah kha a nupui neih kha ania,min rawn sâwm uluk viau na in ka kal thei ta lo mai. Kal hman pawh ni ila present pe lo a kal tawp kha anuam lo a,pe dawn ila thil te tham in pêk bik kha a nuam leh silo. Lindy leh Râla te pahnih in an hmanpui tal a alawm le. Tun thleng in an ni pahnih kar ah pawh inṭhen thawm hriattur a awm lo a,ka rin sa ang tho ani nachungin Râla lak ah ka thinrim.


Msg ka dawn ah chuan Thlanawma'n ka status alo reply na ani a,ka nui sep. Hepa hi mak deuh maiin ka nel ta riau a,ka no a neih aṭang pawh in kar hnih ṭha chauh a la liam,mahse a sualthiam lutuk leh keimah ang mai a mi hnial a peih avangin ka nel phah vek. Mahse ka be hmasa ngailo a,min biak in ṭha takin ka chhang mai ṭhin. Manuel-a hnen aṭangin a chanchin tlêm a zawng ka hre ve a, chhungte duat rawn sualchhuah ve khanglang tlat ang chi kha ania,apa pawh synod lam ah a thawk ve ani awm e. Mak deuh chu Manuel-a cousin a ni na in a hmel chu a mizo lo ru riau ka ti,thlah pawlh emaw ni hmel a pu ka ti tlat pek.



" Ate " zing zing ah min lo phone ve mial.

" I buai em? "

" Buai lo e " nidang ai in a aw a zawi a,nguai deuh hi a ang.

" I pi a damlo a,nizan a mang a ṭha vaklo aniang ka be duh e a ti che a " a ti a,ka pi hnen ah phone a pe chhawng nghal.


Ka pi nen chuan kan han in be leh te te a,mumang mai mah nise a mang chuan ani tar chaklo tawh chu a tibuai pha ve viau ni tur ani,a mang ah damlo a nâ in ka lo thil ṭep ani awm e. Chu chu a zing tho min ngaihtuah in min rawn phone anih ve ngei hi. A fel ṭhin ania mi a ngaihsak thei ropui si.


Phone hmang zo a inhnuai a ka chhuk chu ka beisei loh lam daih in ka nu te lo inhnial ve deuh chu ka zuk hre fuh. An inhnial nasa lo na in nidang an ang lo em em a,nuam lo ka ti nghal rawih rawih. Ka nu ṭhenawmte in a a chuangkai fo chungchang anih hmel, pangpar chungchang ani tiin sawi mahse ṭhenkhatin nilo lo in an lo ngai leh hman tawh anih hmel a, Pa Rinchhana beng hial a thleng ni awm tak ani. Mi pangpar buaipui ve mai mai chu engah nge maw an lo hmuh mawh ve em em chu le?


" Nu chaw a ei theih em? " an boruak alo dik chiah lo bawk nen lo va ṭawng ve pawh chu a nuam rih viau lo.


Pa Rinchhana pawh ka va lan ve tak ah chuan a ngawi daih a, choka aṭangin a kal chhuak nghal daih bawk. Ka nu chu engmah thleng lo ang mai hian awm a tum ni in ka hria a,an in hau tih ka hriat lawk sa hrim hrim vangin a tumna chu ka hrethiam nghal vek. Ka hriat ve an duh ka ring lo a,chutiang chiah chuan engmah sawi lo in a awm ta rêng bawk. Keipawh an in hau ani tih hrelo ang tho in ka awm zui ta mai.


" Lo ei hmasa mai rawh,i u te pahnih an la rawn chhuk bawk silo a " a ti a,keima ei bik tur chu min siam sak. Ka ei velah choka aṭangin a chhuak ve nghal daih. Mahni te chuan ka awm a,nuam lo tih na chuan ka chhungril lam ah min man chak khawp mai.


Ka in ei fel a ka chhuah dawn pawh in tumah hmuh tur an awm lo. Kan inchhung chu a reh hian a reh tlawk tlawk ani mai. Ka tehkhin a,chhungkaw mumal lo,nung ve satliah mai mai leh engtiklai pawh a in hauh na thlen ṭhin na kan ang ka ti. Tuk khat lek in hauhna a thleng na in tiang kan tawng khat em a,nuam ka ti theilo.


" I kal tawh dawn ami? " pawn lam aṭangin Râla a rawn lut. Ka nu khan inchung lam a awm ang khân a sawi sia.

" Aw "

" I damlo ami? i va nguai ve " a thim zawng a thil ka lo ngaihtuah lai leh reh ka tih tlawm tlawk lai tak a chutia a rawn inlan chuan ka hnuk a ti no ringawt anihchu!

" Dam e " tiin kal ka tum a,ka ban ah lo vuan in min bih ta run.

" Hauh i tawk ami a? i va ṭap teuh ve " ka ṭah a chhuak satliah ringawt a sin,ka ṭap teuh kher lo.

" Aih,api te nen kan inbia a " a pi te ka biak hi chuan ka lungleng in ka ṭah a chhuak ve ṭhin tih kha la hre tak maw.

" Um anihchu,min lo nghak rawh ka lo thlah ang che "

" Aih ka duh lo " ka lo ti thuai. Hahthlak min ti niawm takin a thaw hawk a,ka dar a chuan vuan zauh in " Min lo nghak rawh " a ti leh ringawt.


A kalsawn a,ka nghak angem nghak lo angem tih ka ngaihtuah. Ka nghah chuan Remi engtin nge ni ang?


" Kal ang " ka beisei ai a rang in a rawn hman hmâ. A inthlak aniang kekawr tlawn a ha a, tshirt dum a ha leh tawp bawk. A helmet la in a chhuak a,min thlah a tum êm vangin a rual chuan ka kal phah ta ngawt.


Kawng ah Remi ka phone a,min nghak lo turin ka hrilh. A chhan min zawt nawn ngun leh ngang tawh. Râla'n min thlah dâwn tih ka hrilh chuan a khek vak ringawt,class a sawi ah ka tia ka off sak daih.


" Tlai ah pawh ka lo lam leh ang che. Min lo nghak char char rawh " kan thleng chiah,tukin chu jam a awm lo tluk ania Remi te hi ka thlen khalh leh si aniang a.

" A ngai tawh lo " ka thusawi mil lo deuh in " Engati nge sawpa sawn a en reng che a? " ka hawi a,Thlanawma bawk alo awm. Manuel-a nen an ding dun a, Manuel-a'n a biak loh vangin kan awmna lampang chu a rawn hawi reng.

" Ka hrelo "

" in inngaizawng ami? "

" I buaina a ho lutuk "

" Ka buai lo "

" Anihchuan min zawt tawh suh,a duh apiang in min en thei alawm, ka thunun theih mihring pawh va ni suh "

" A ṭhat chu " a tlan daih a, ṭha tak pawh in kan in thlah liam lo.


Râla kal velah Thlanawma pawh chu a rawn kal phei ve nghal. Phone ah chuan kan in be ve zeuh na in a tak ah chuan ka nel lo leh daih a,ka lo hmachhawn hreh viau bawk.


" Hello " teh thlap chuan!

" Umm "

" Ka lo nghak char char che a " ka hawi phawk vak.

" I awih nange? Manuel-a saw zawt rawh "

" Ka awih lo pawh ka tih loh kha,nghah ka ngai lo " a rawn kal hnaih tak ah chuan zu a in emawni âw tih tur hian a meng a dik lo.

" Mawli " ka melh rum nghal vat. Ṭawngkam a bei chhe sia(h).

" Vengtu i va nei ṭha ve " a mit in min signal,kan piah daih ka hawi phei a Râla ka va hmu thut! A kal daih tawh emaw ka tia.

" Min va thik hmel ve " ti a phun sep in a ban pakhat chuan min rawn kuah thut! a kut ka lo thing thla thuai. A sawi ang tak tak in Râla chuan a thik ani mai thei,hmundang reng a en lo. Keimahni pahnih chiah chu ani min en.

" I zak lo lutuk " Râla ngawi rengin bike aṭangin a chhuk a,kan lam a rawn pan lai chu thaw dep dep in ka lo en. A tum hmuk a,a rawn ṭawng eih chuang silo.

" Khatiang a ka nau ti tur khan enge maw i nih le? " a rawn ti a,hmaichhan ah an in melh ta ran.

" Mama,min fiam ve mai mai anihkha " an intihbuai ka hlauh êm avangin ka lo ṭawng hmasa.

" Ngati nge? khatiang a ti tur khan i phalna lak hmasak kher ka ngai tihna ami? "

" Ti nawn tawhlo la ani mai " Râla'n alo ti let sak.

" Aih "

" Mama! " Thlanawma chhan dan vang chuan ngei hmel zet in a din hnaih sauh,an inkar ah ka ban kham thuai in Râla chu tawlh hnung zawk a ṭang turin ka nem.

" Kan la inhmu leh dawn ania " ka dar ah a vuan a,Thlanawma zâwk chu a kalsawn hlauh. Ka thaw huai a, Râla'n la ngei hmel tak a Thlanawma kal tawh a en zui reng chu ka en ve thung.

" Khatiang kha maw i lo kawm ṭhin? "

" Ka kawm ngailo "

" A ṭha e,thinrim ka duhlo khawp mai " a ti a,a che a che ringawt a mah chu.

" Ka kal ania " chhan pawh min chhan hma in ka kalsan thuai thuai. Gate chhung ka luh hnu lawk ah Remi a lo thleng,min rawn kaihkuah chawt.

" An va insual teuh ve " a rawn ti, Râla te pahnih kha a rawn hmu ve ani mai thei.

" Nia,Thlanawma khan a runluih a "

" Tu Thlanawma? e i no dil tu che kha maw? " bu nghat in " Ka no pawh a nei " ka ti a,mak a ti lutuk.


Sawi zel turin hun a awm rih lo, chuvang chuan class lam a awm in zirlai lam ah rilru kan pe ta zawk.

*

" Tunge kan nghah? " Tlai ban ah Râla chu ka nghak rilru deuh. A lo kal lo ang ka ti phal chiah lo,a sawi vek tawh bawk a. Chutihrualin a lo kal em tih chian nan pawh ka phone duh chuang lo.

" Râla "

" A rawn lam dawn che ami? Anihchuan ka lo va haw ang. A û te hnathawk an haw tlai ni ani sia eirawngbawl tu ka nihloh chuan "

" A lo kal dawn chiang em pawh ka hrelo "

" Phone mai la "

" Aih "

" Tlat che chuan,lo kal lo ta se engtin nge ni ang? "

" Bus in ka haw ve mai ang. A lo kal tak hlauh a bus a ka haw si chuan a ngaihdan a nilo palh ang "

" Care leh ṭan tawh ani maw " a nui a,bus chang turin min kalsan zui.


Keimah in Râla chu ka nghak ren rawn. Haw na tur zawng emaw min ti a min lo bia two wheeler taxi khalh tu pawh an awm nual. 10 minute bawr chu ka nghak tawh,ka in ngaihtuah chiang a,atthlak ka tih leh hnuhnawh vangin mahni a haw tum chuan rilru ka siam leh hnuhnawh.


" Haw na tur i neilo ami? " Beisei loh deuhin Thlanawma bawk ka hmu leh.

" Nang hi,min lo chang ami a? "

" Mawli!! Chutiang em em ka ti peih bik teuh lo "

" Tiang khan min ko ziah suh "

" i inhmeh a lawm,lo chuang rawh " a ti zui zat.

" Aih ka u ka nghak " ka ti daih a,diktak chuan haw tum tawh zawk kha ka nia,mahse in thlah tir ka duh silo an tiang hian ka chhang mai ani.

" A ṭhat chu " a tlan mai bik chuanglo. A awm ve reng a, phone ang khan ka biak ngam loh avangin amah chuan a phun a phun.

" College i zo tawh ami? " a nui hawk.

" Chutiang tur chuan ka la naupang lutuk " ka phone ah dar zat ka en a, Râla pawh chu ka nghak rilru leh hnuhnawh. A rei riau mai,alo kal leh dâwn lo a maw'n le?

" Anihchuan enge i tih ṭhin a? " a helmet chu phelh in hmalam a thlir vung vung.

" Tunlai chuan sual rawng ka bawl rih " ka in rin hma in ka nui chhuak thut! Hna ho tak ava ni chiang em.

" Enge? A ropui lo i tia mi? " ka bu nghat. A ni pawh chu anui ve suk suk, Râla nghah ti tih pah in kan titi zel a,a tak ah pawh phone ang khan biak a nuam phian. A nawi hmel ang ai in ṭawngkam a bei puitling in titi pui a nuam zek. Ka hriatna a la reilo viau na in Hruaimawia ang tho khan ka nel ta viau.


An chhungkaw chanchin te a sawi a,in hriatchianna hun kan hmang ani ber. Keipaw'n a mah ang tho in a pawi lo chin ang chu kan chhungkaw chunchang te pawh ka hrilh ve nual,chutia kan lo titi bawrh bawrh laiin kan piah lawk ah car a rawn ding a,chuta ṭang chuan Râla a rawn chhuak. Bike ai ah car a rawn keng zawk anih hmel,mahsela driver seat sir a ṭhu Lindy ka hmuh chuan ka thin zawn hi a rawn na zawk! Ka lo nghak ve char char a,hetiang chu ka beisei lo a sin mawle.


" Saw a lo thleng a lawm. Anih aw " a kal tur chu a kawr ah ka man bet.

" Min lo thlah haw " ka ti hnuhnawh. A rual a haw kha a tir chuan ka duhlo na in tunah chuan duhlo thei pawh ka ni tawhlo.

" i u i nghak emaw ka tia " thlah haw ka ti leh thut si chu a aw ah pawh mak tihna a rawn lang chhuak hial.

" Lo kal la " Râla'n min lo ko ve bawk.

" Ka ṭhianpa rual hian ka haw mai ang " ka sawi zo hman ṭawk. Motor kawngkhar a khar ri nghal bur.

" Lo chuang rawh " ka rilru min hriatthiam pui ni awm takin Thlanawma'n ati a, Râla'n min en reng mahse ka chuang lui ta tho.

" Tlan vat teh " Râla a lo kal phei a,ka hlauh deuh vangin Thlanawma pawh chu ka tur tut tut. Tunah chuan duhthlan tur ka neilo a,an ni pahnih bul a chuan haw ai chuan ka hmelhriat thar inthlah tir mai pawh ka duh zawk rih tawh.

" Malsawmthar, rawn chhuk la motor ah rawn ṭhu rawh " chang fak hian a ti a,mahse a thu chu awih ka tum bik lo. Min lo hruai turin a in sawi vek tawh a,ka nghak ve em em a. Lindy a tel dawn tih hria ila ka nghak chhete eih lo ang mawle.

" Boruak a va ṭang ṭha ve. Rawn chuang rawh " Thlanawma'n Râla thusawi ngaihsak lo zet hian chuang turin min ti a,keipawh ka chuang ve nghal.


A thusawi ka awih loh avanga thinrim ni awm tak Râla chu ka en leh hram,a meng dur lutuk chu ka hlau zawk. Thlanawma nen chuan kan tlansan a,a thu awih lo tu ka ni na in nuam ka ti thei chuanglo. Kan in kawng ka hrilh bak chu Thlanawma pawh ka be lo. Râla thinrim hmel ringawt chu ka ngaihtuah a,nuam lo ka ti zual tawlh tawlh lehnghal.


" Ka lawm lutuk aw " in kawt kan thleng chiah din pawh a din chian hmâ in ka ṭum thla dawt.

" Ok.."

" Ilo haw maw? e kha i ṭhianpa em ni? " Ka nu'n min lo hmu fuh. A mood pawh zinglam ang anih tawhloh hmel.

" Aw ṭhianpa deuh reuh " Thlanawma'n mit ko san vah hian min lo en.

" Lo luh pui la,thingpui te in ta che. Lo lût rawh u " amah zawk chu an lut hmasa ah a ṭang.

" Thingpui ka in duh lo " a ti a,a tlan haw leh nal nal.


Inchhung ah ka lut a,ka nu'n Thlanawma lo lut leh silo chu min lo zawt a,a hmanhmawh thu in ka chhang ngawt.


" I u Mama'n a rawn lam dawn che emaw ka tia " ka rilṭam deuh vangin choka lam ah ka lut kawi hmasa.

" Nia,ka ṭhianpa khan min lo thlah leh hman tho sia ka lo haw mai " ei tur ka in siam rawk rawk.


Ka thil siam ka ei laiin Râla a rawn haw ve tawh a,ka lo en ṭha duhlo. Awm lo ang mai a ngai in ka ei lai ka ei tawp a,ka nu chiah chu ka be bawk. Choka a a rawn luh ve ka hlauh laiin inchung lam ah a chho tlang hlauh mai. Ka thaw huai thei,ka in ei puar sawk sawk a inbual turin ka chho ve nghal. Ka nu'n rawngbawl ah min awl a tum bawk a muangchang in inbual teh ang.


Ka inbual zo a,thawmhnaw hak tur ka thlan pah in ka kawrfual min lei thar sak ho chuan ka mit a la teh thut. Ka la chhuak hlawm a,inteh satliah lo in ka ha chhin vel. Kawrfual ka hak duh vakloh vangin ka lo ngaihven ngai lem lo a,hak an nawm bak ah inhmeh ka in ti ve riau. Darthlalang a ka in en tui viau laiin kawngka lam ah thawm a rawn awm a,rang deuhin ka hawi thuai. Râla bawk,a lo ding ngawi reng a,ka che vel chu hmuhnawm thlir tak hian min lo thlir em mawni.


" Enge i duh a? Tikhan min en reng zel suh " ka ti vin ngawt,min chhâng chuang lo " Enge,enge?!! " a rawn lut a,ka kawngkhar khar in a kalh hmak mai!

" I bul a hahdam ka duh " a rawn kal phei a,min kai in khum ah chuan a ṭhu a,a mal chungah min pawt ṭhu dawt!! thawh leh ka tum a,min pawm bet nghal hmiah!

" Min thlah teh,min lo hmu ange "

" Ka kalh vek kha " tiin ka ka dar ah khabe a rawn nghat a,a hahdam lo tih hriat takin a thaw leh hawk.

" Min lo hruai tûr khan i in sawi sia " sawi tur dang thlawt ka hrelo.

" Nia " a va tawi ngai ve " Mahse Lindy a lo tel ve sia "

" Tum reng vang a rawn hruai pawh ka nilo. A laklawh lutuk a "

" Anihchu " ka ti leh hmak.

Min kuah beh na chu a ti nghet sauh a,ka beng bul chet ah chuan rawn thaw lum ham ham in " Mate min ngaidam rawh " a ti chuai raih.

" Engvangin? " Lindy a lo phur tel avang khan a inthiamlo ni tur ah ka ngai.

" Lindy a rai a " ka ding chhuak zawk. Ani pawh

" Min ring rawh ka ching fel leh vek ang "

" Engtin.. engtin?? " ka insum hman lo room chhung khawk lo chauh khawp in ka au ti tih.


Ka insum zo tawh lo,chhuat ah chuan ka ṭhu sawm niaih a ka ṭap tawp. Alo kal hnai a,rawn ṭhu hniam " Ka tihpalh takzet,tihnat che hi ka duh ngailo a sin. Tih ṭah che a i mittui tlak tîr hi ka duh ngailo " tiin min hrilh a,a aw ah chuan inchhirna ni awm tak chu ka hre thei. Mahse a tlai zo tawh, tunah chuan kan in kalsan tak tak a hun ta anih hi. Khang hunlai khan zan tlai tak tak thleng a chhuak a,engtin nge rinhlelhna chhete pawh ka lo neih miahloh zawk le?


" Mama,min chhuahsan mai rawh " thei leh theilo in ka ti chhuak. A che lo a,engmah a sawi lo bawk.


Tun a ka thil tawn mek hi mumang mai nise ka ti,hetiang em em hi chu kan nun ah a thlen ka lo beisei phak ngailo.


" Min ngaidam rawh " min tun din a tum a,mahse ka lo tal vak avangin min thlah leh. Keimah chuan ka ding chhuak a, mittui nen ka hmachhawn miau avangin a mah pawh ka hmu phê lek lek.

" Min lo hrechhuak lo law law la a ṭha tur hi ania. Beiseina chhete min pe a,tunah beidawnna khur ah min tluk luh tir leh si "

" Mate,panngai ila hetiang ka ti dâwn lo tih i hriat kha. Ka tihpalh min ngaidam rawh,khawngaih in "

" A tlai tawh "

" Engkim ka siamṭha leh ang "

" Ka hua che.. " a mit ah tak chuan ka en a,beidawnna in a tum vel mek emaw tih mai turin a mitmeng a danglam " Engmah i siamṭha thei tawh lo ang "

" Min ngaithla teh " a chhuak duh silo a,keimah zawk in ka chhuahsan mai loh chuan.

" Enge ka la ngaihthlak ang? min ti beidawng lutuk " tiin ka ṭah khum ṭha leh,min kuah a a tih ang ang chuan ka lo awm tawp. Tinge kan nun leh kan pahnih inkar hi a harsat em em le?

" Lindy i ṭhen tur thu min hrilh a,tunah a hma ai a thuk zawk a inzawmna in siam thu ka hre leh bawk si " Sawi tur a neilo nge a hrelo,a ngawi tawp a. Min kuah char char ringawt.

[Bearr]

Chapter-10🪷 ( Bearr Chhakchhuak)



Engmah sawi tur ka nei tawh lo. Min kuah na ang ang a awm chung chuan ka ṭap a,ka taksa te chu an khur hlawk hlawk. Awm ngaihna hi ka hrelo ka chhungril thleng hian ka khur ni mai in ka hria. Chutah ka in up bet reng thei silo a,ka ṭap ring zual lutuk. Râla'n ka kâ a rawn hup phah ringawt.


Chutiang chuan reitak kan awm a,min ti na tu mah nise min kuah beh tlat avang chuan ka awmdan pawh a zia phah zawk.


" Bawihte,lo chhuk la min rawn pui lawk teh" ka nu'n min lo ko thut! mahse ka insûm buai peih chuanglo, Râla'n ka kâ a hup tlat tawh ang in thawm ka chhuah chiah chuang lo bawk a.

" Bawihi,i muhil ami? rawn hawng teh " Râla'n min thawh san a, kawngkhar chu an va hawng. Ka nu'n Râla ka room kawngkhar lo hawng daih tu a hmuh chuan an ṭhawng hle aniang a au chhuak ṭhelh.

" Engati nge in lo awmdun leh tak?!! enge awmzia ni a? " a ngaihdan tur chu ka hrethiam vek.

" Engmah anilo "

" Engati nge i hmel a va dik lo ve. Bawihi enge awmzia i ṭap alaw? " a mangan hmel ta viau. Mahse ka ṭah nasat avângin chhang tur ka awm lo.

" Ka hau a "

" Engati maw? "

" Engmah anilo,lo zu chhuk rawh " kawngkhar a khar hnan leh hmiah.


Room ah chuan ka ziaawm hun a nghak aniang a la awm reng. Chhuak tur a ti tûr pawh in ka be chak tawh hlawl lo,hetiang khawp hian hmangaihte lak aṭangin kan na thei ngai ang tih hi ka lo ngaihtuah ngailo. Keimah leh keimah chu ka inngaihtuah a, tlawm ka in ti lutuk chu thinrimna in min rawn tuam thut! ka ding chhuak a,chutia ka awm thut chu mak ti hmel pu lek lek chungin min lo en. Ka mittui luang te chu ka hui kiang sawk sawk a,thawk la kawk pah in amah chu ka en.


" Chhuak rawh, tun aṭang chuan engkim a tawp tak tak tawh e. Ka neih let theih nan che rei tak ka nghak tawh che a,tunah chuan ka nei let thei ngai dawn lo che tih ka hrechiang tawh. Nangmah avang hian vawikhatmah nat leh ka duh tawh lo "

" Enge ka tih ang? "

" Engmah i tih a ngailo,khawngaih takin chhuak teh " ka ti a,a chet eih loh avangin keimah zawk chu ka chhuah phah ta ringawt.


Kiama room ah ka lut a,a lo la haw lo aniang a la reh ṭhiap. Tah chuan ka awm rih tawp,ka nu hmachhawn ka ngam rih lo a,ka room ah lah ka awm thei rih bawk silo. Khum bulah chuan ka ṭhu a,ka nun leh ka thil tawn mek chu ngaihtuah in ka na lutuk chuan ṭah ah ka tlak leh ngawt.


" Mate?! " Ka lo in ṭap muhil ani ngei ang,ka harh chuan chhuat ah ka lo mu kawm ngai. Kiama'n hnai zet a min lo bih vangin ka phu lutuk chu ka tho nghal zawk.

" Ka room ah enge i rawn tih daih daih a? Khum ah hian mu ta che " A room a ka lo awm chu thuhran,chhuat ah lehzêl ka lo mu bawk sia mak a tih hmel ngang mai.

" Room ah ka awm peih lo a,U hetah ka mu rih thei angem? " ka ti zui zat. Thil dik lo awm a a hriat vang aniang a mit ko san zeuhin zawhna neih hmel tak hian min en.

" Hei pawh room tho a lawm,mahse i thu thu " tiin a bag chair ah a dah a, towel a ban zui.

Khum a ka insawn mek laiin " Ka nu'n thlithlai deuh tur che in min tia,enge buaina a awm ami, Mama nen? " a ti a,lu ka lo thing vat. Sawichhuah pawh ka duhlo kha kan buaina kha,tûnah pawh hian ka chhungril hi ala ti na vawng vawng thei.

" Mama hriatna neih let aṭangin i hlim lo zual daih hian ka hria " inbual turin a lut mai dawn emaw ka ti a,ka bulah chuan a rawn ṭhu muang veleh.

" Hlim e " ka ṭah na ka mit chu an bui viau dawn ani tih ka hria,a chhan min zawt ngar ngar lo chu mak ka ti.

" I thusawi leh i hmel kha a in mil lo teh mai ania " tiin a nui seih a,ka lo nui tawi ve tak.

" Engpawh nise " A tho hluai a,a che vel chu ka lo en deuh tawp " Engpawh thleng se i u ka nihna ang in min hrilh ve ka phut ania. Puih theih na che ka neih takin " A ti a,engmah ka hrilh ngam lo na chungin ka bu ve nghat tho.


Inbual turin min luh san a,keipawh a khum ah chuan mu zal in a hma ang tho chuan ka thil tawn zawh chiah te chu ka ngaihtuah let leh a,ka rilru a na thar takzet. Râla lak aṭangin khatiang tawn kha ka beisei lo lutuk a,ama kâ ngei aṭanga ka hre ta mai bawk si khan min vaw chau vek in ka hria. Ka tha te hi an zawi vek tawh. Room pawh chu ka chhuahsan duhlo viau a,ka haw hnu khân thil ka ei bawk nen chaw pawh ka ei peih lo. Min ko turin ka nu bawk a rawn chho a,mahse ka thil ei chhuanlam in ka rilṭam loh thu ka lo hrilh zel. Râla'n min hau ang a a insawi vang kha aniang,ka chhuk thlak duhloh chhan ah ngai in " Keiman i u chu ka hau ve dawn em ni? " te a tih phah hial.


Chaw ei tur a min sawm chhuah theih takloh ah chuan min chhuahsan leh tawp. Kiama paw'n min sawm hlawhchham ṭhak tho. An chaw ei chhungin ka room ah ka tlan phei a, kawngkhar ka inkalh hnan hmak. Room ah awm in reitak ka in ngaihtuah a,a tawp ah chuan ka nun aṭang hian Râla kumkhua atan ka paih chhuak anga,hmalam ka pan ve tawh ang tiin rilru ka siam ta mai.

"

" In inhau maw? i ṭhen hlen tak tak dawn maw?!! " class lak kar lak ah Remi nen Râla nen kan inkar chu kan sawidun. Vawiin chu zirlai in rilru a luah theilo,Remi nen a in sawi thawl thuai thuai rih hi ka duh. Class zawh ah pawh kal fal in kan la sawi ta zel.

" Dawn e,hmalam ka pan tak tak a ngai tawh " diktak chuan ka thuthlukna siam vek tawh mah nise harsa chu ka la ti fan tho. Min ti na viau mahse ka hmangaih si a,ka tan chuan engkim hi an harsa vel vek.

" Ni e tiraw? i tan a ṭha tur zawk pawh ani mai thei a sin "

" Awmdan tur pawh hi ka hre tawhlo. In a awm pawh hi nuam ka ti lo lek lek tawh,kan in hmu lo thei bawk silo a "

" Kan bulah lo riak daih ṭhin la "

" A chiloh,in ah ka nu puih a ngai ve ṭhin tho bawk sia lawm. Pawisa chu nei ve ila chuan hmun dang ah awm daih te ka chak "

" Sawi suh, hmun dang a i awm te'n engtin nge ka awm ve anga? Inti pachang hram hram rawh, Râlchhia-a chuan a ka hre dâwn khawp a lawm. Nang ang a duh tu hi chu a hmu leh tawh ngai lo ang,a la inchhir viau ang " a ti tan tan.

" Inchhung ah engmah a sawi silo an,engtin nge awm an tum le? "

" Inruk te hi an tum anilo maw? " thil ni ve thei tho anih avangin ka lo mur sawk.

" Chutiang a thlen vaih chuan Thenzawl ah ka haw daih ang. Diktak chuan ka haw chung hian ka rilru ti na pha khawp in ka la duh reng tho "

" I mak ve ngawt mai " a ti ta thlawt. Keipawh mak ka inti tho,tiang ah chuan tuman an mi duh te an la duh reng theih pawh ka ring tawh lo " Hmeichhe dang lak ah hial fa a neih san ti tih tawh che ania,chuti chung chuan duhna ila nei thei ania! Hepa hian a vanneih zia hi an hre thlawtlo anih hi " A thinrim ti tih,mahse ani ang ṭhianṭha sawipui tur ka nei a,ka lawm zawk tho.

" I Hmangaih hmasa ber anih vang aniang. Mahse e, theihnghilh tak tak tum tawh rawh. I tan a khuanu ruat anilo aniang,hetiang em em tuar tûr hian ka duh lo che ania,hmalam pan san a,kawppui thar i duh tawhloh paw'n i ṭhiannu ka awm reng a. I hlim hi a hun ve tawh ania " tiin an thaw halh halh.

" A chang hi chuan kan hlimna tur te hi kan um ve ṭhin a ngaih chang a awm ania. Nangpawh i hun a thleng ani mai,hlimna hi lo hmuah a,lo tawh ringawt tum pawh a dik bik lo "

" I awm lo ang tih hi ka va'n hlau tak " Tiin ka han kuah leh hnuhnawh.


Remi sawi hi a dik ve chiah ani. Tunah chuan hmalam ka pan a,ka hlimna tur zawk chu ka um ve a ngai tawh. A ngai ngawt ngawt a ka ding reng anihchuan engtikahmah ka hlim ve thei ngai dawn lo. Râla'n min kalsan anih pawh in keimah in ka hlimna tur chu ka in zawn ve mai ang. Hmalam ka pan hi a hun ve tawh takzet ani ange.


" Inchhirna chhete tal chu a nei ve em ang chu maw " rilru a mahni ka infuih char char laiin a rawn ṭawng chhuak leh. A ṭawngkam aṭangin leh ka lak a a awmdan ngaihtuah kha chuan a inchhir ve chu anihkha. Bakah min hriatchhuah hma thil thleng kha ani dawn a,atân chuan a awm lo hran lo, Lindy a duh zia pawh a sawi cham chi kha ania. Keimah hian ka la na êm ani.

" Nei ve ang "

" Engtin paw'n ilak ah awm mahse let tawh reng reng suh aw. I tan a mipa ṭha anihloh avangin Pathianin i lak aṭangin a la sawn ni ah ngai mai rawh "

" Tu chu maw? " Rema a rawn lang hlawl. Kan sawi chhunzawm duh tawhlo a,bak ah hei chu hmeichhia leh Hmeichhia inkar a sawi chi ania,ani mipa chuan a hriat ve a rem teh ṭeuh lo.

" Thenzawl a ka star hlui mawle " ka tih chuan a nui chhuak hak.


Kan sawi nilo pui kan hrilh tih hrethiam hmêl a pu a,mahse engmah chu a sawi zui tawhlo. Rin thiam dan a hria anihchuan a hrethiam mai thei,a chhan chu kan in hriat tirh lam ah khân Râla nen inzawmna kan nei deuh khan a hre tawh a. Amah ngei pawh in keini ang a a chhung hnai vai nen inzawmna an neih thu leh a tawp erawh a hlimawm loh thu min hrilh tawh nghe nghe. Anmahni ang khân tawpna hlimawm loh keini pawh hian kan nei ve ngei dawn ta anih hi.


Tlai ah kan han bang a,Rema'n haw tlang lo a len kawi a rawt. Remi chuan a U te dil hmasa lo a tel ve chu a hreh. Keipawh ka ni tho na in Rema min sawmna chu ka hnial phallo. A chhan pawh in a haw ka peih loh êm vang ani. Ka haw anga reilo ah Râla hmel bawk ka hmu leh anga. Natna a ngai te bawk in alo thleng leh dawn, tunah chuan tum pawh ni ila ka tuar thiam rih lo a,nat duhlo pawh ni ila a hmêl ka hmuh rualin min phatsan a,hmeichhe dang lak a fa min neih san tiin ka rilru hian a hre reng tawh dawn. Chu chuan min la ti na hnehsawh si a,haw ka hreh phah ani.


" Saw enteh " Gate kan pêl fel chiah,Thlanwma nghah nei ni awm takin bike bawh chuan a lo awm leh vang tawh.

" A lo chang leh che anilo maw? " a ti a,ka ner vak.

" Hey " kan lam a rawn hawi. A rawn hey hlim hmel ai in a hmêl lan dan erawh a rum.

" Ka hman lo ka tih kha " Lehlam ah Manuel-a'n ava pan. Keimah min nghak lo tih chu a chiang reng mai. Urghh,engvangin nge min nghah ngawt anga?

" My name,i u te chu va dil ila " Rema'n bike start pah in a ti a,Remi pawh tel chaklo bik anihloh bak ah kal ka tum chiang sia telloh bik chu a duhlo. An phal ka ring lo ti chung rengin dil tur chuan kal a rem ti ve ta tawp.


Mahse a buaithlak deuh a,Rema chiah lirthei nei a awm a,phurh ngai pahnih kan ni bawk si,pakhat zawk zawk chu bus a kan kal mai a ngai ang.


" In lo va dil hma kha a ṭha zawk. Lo va kal ula bus in muangchang in ka lo kal mai ang " ka ti a,a tir chuan min hnial deuh a,two wheeler taxi lak mai te an tia,pawisa ka ui deuh vangin keiin ka lo duh lo.


Ka kal tir thei hram a,bus stand lam pan in keipawh ka kal ve nghal. College pawh ka la hlat lo tih in min rawn ko a,atthlak deuh in Thlanawma anih ka ring ve ngawt. Ka in her a,ka rin ang tak tak in alo ni bawk.


" Min zui ru leh tawh ani maw " ka tih chuan a nui suk.

Bu nghat in " Aw,nuam ka tih zawng tak alawm " tiin zep hauh lo chuan min chhang mai.

" I hman hle mai " ka tih chuan a kut zunglai min hmuh!! Hepa rapthlak zia hi!

" Rawn chuang rawh thlahtu neilo nu " a ti leh ringawt. Ka bul vel a awm te chuan min en duh hlawm ta khawp mai.

Lu ka thing a " Ka ṭhiante nen kan nia,a ngailo mai " ṭha deuhin ka ti a,ka zawn ah min su lo chauh chuan a rawn tlan hma thut! min su dâwn emaw ka tia ka thin hi a ṭek chhawk in ka hria. Hauh pawh ka hau theilo,ka vel ami te pawh an lo ṭe ṭhawt in ka hria.

" Misual nun dan in an nung ngailo,chhûngte pawisa i ti hek mai mai " min tih chuan ngei takin ka melh a.

" Nangpawh i chhûngte thawhchhuah sa i rawn khalh ani maw " ka ti ve ta hmak. A huat viau ka beisei laiin " I sawi dik chiah a lawm " a ti leh lawi si.

" Nang ang hi ka la hmu mang lo, ṭawng thei,inhnial hrat leh mahni induhtawk ve khanglang ang hi "

" Chuvang ami min zui reng? " min chhang lo in a bu nghat.

" Ka hmeichhe ngainat zawng tak i nia " chil ka lem khawlh. Ka zah deuh vangin ka vel chu ka melh ru kual thuai. Tumah chuan min lo ngaihsak vak lo hlauh mai.

" Aw hello " Remi'n min lo call hlauh,a va tih zia tak.

" An phal aw,ilo thleng tawh dawn em? kan veng bus stand ah khan lo chhuk mai rawh " a rawn ti a,a va tih chi tak.

" Awle,ka rawn phei mek " lehlam aṭangin Rema'n ' hmanhmawh ang duh ang in kan tal hman lo ange ' a tih ka hriat vangin " Ka lo thleng ṭep" tiin ka hrilh ve thawr.

" i hmanhmawh sia " Thlanawma'n phone ka ah ṭhat laiin a lo ti veleh,min phur chak ngang aniang ka tia ka hnial duh ta lo. Bak ah a rinawmloh em em in ka hre bawk lo a,thlen vat vat ka duh tho bawk si. Va inthlah tir ve leh tawp mai ang.

" Ka hmanhmawh vang chauh ania " tiin a hnung ah chuan ka chuang a.

" A ṭha a lawm " tiin a tlanchhuak zui nghal. Chutia kan in phurh chhuah tak ah chuan ngaihtuahna ṭha lo tak ka nei palh.


Thlanawma chu ka bialpa ang a chei bawl a Râla thik tur a siam a,tihnat ve chu ka ngaihtuah hman,mahse midang tihnat nan a midang bawk hman kha thil ṭha ni in ka hrelo a,thil dang ngaihtuah tumin kan tlan pah chuan kawng sir a mi awm te chu ka en char char. Mi tam tak,harsatna nei ve miah lo,nun nawm hmel tak a khawlai a leng chhuak te ka hmuh chuan ka ngaihtuahna a kal thui in,khawvel hi eng emaw zawng tak a a lo ho zia te leh a lem zia te chen chuan ka ngaihtuah kai daih mai.


" Khawi ah nge ka thlah dawn che? " Thlanawma rawn ṭawng chhuak thut chuan min ti phu hman ngang mai. Ka chet lawih avangin keimah leh keimah chu nuih na tur ka insiam.


Ramhlun South bus stand bawr a min drop mai tur chuan ka hrilh a,aw pawh ati tawh chuang lo.A tlan tawp a,ka sawi na hmun kan thlen in a ding leh tawp. Bus stand piah deuh ah Rema leh Remi te chu an lo awm reng tawh a,chutia bus nilo a ka thlen vang chuan mak ti hmel pu chungin min lo pan thuai.


" Bus ah kan lo zawng char char che a " Remi'n ka bul a rawn thleng phei. Thlanawma chu a melh nghal hruk hruk bawk.

" Nia,in hmanhmawh sia hei ka lo inthlah tir ve ngawt a "

" In va lo in nel tawh awm ve " Rema'n fiamthu ti tak deuh hian a rawn ti phei bawk. Min dem ngawt a ka hriat vangin a rawn thleng a ban ah ka beng chawrh.

" Kal ang u,ka lawm e aw " Tiin Thlanawma hnên ah lawmthu ka hrilh zawm zat.

" A ṭha a lawm " tih ringawt in min chhang leh a,ka lawmthu hrilh duh khawp lo hmel hi a pu reuh.

" Ka lawm lutuk " nui pah a ka tih tak ah chuan a nui ve suk a,bu nghat in a in turn a,a tlan let vang vang. Khawi veng sawm tak ni ang maw?

" Romantic period a zo tawh bawk a kal ang u " Rema'n atih chuan nuih za deuh chungin ka melh nghek.

" Khawi ah nge i bike? " ka lo ti ve thung.

" Remi te awmna kawt ah ka dah rih,ka phur seng chuang silo cheu a " a ti a,ani teh chiah.


Kan ṭhian thum chuan kan leng khaw thawng ta vel a,dawr ah te chawl in kan in ei puar pang bawk. Ka nu ka lo la hrilh theihnghilh zui a,min lo call rualin ka la hrilh lo ani tih ka hrechhuak chiah. Kan inbiak tak ah chuan ka hrilh hnuhnawh a,Remi a tel ve tho avangin leh haw leh hnuhnawh nan pawh a laklawh tawh vangin a phal ve mai a,haw har lutuk lo turin min chah ve thung.


MC ah te kan tei kual a,chawlh pah in Lawmi leh Tlana te pawh kan video call nghe nghe. Tel ve an chak khawp lehnghal a,Remi te nen pawh in hre ṭhang tawh ang maiin an in be ve bawrh bawrh.


" Aw U Bawih " Haw har min ti tawh deuh aniang min lo call leh.

"Keimah zawk " Râla ani tih ka hriat rual chuan ka off nghal. A rawn call nawn a,ka hmet tawp hmak hmak thung.

Ka chhâng duh miau silo a msg in * Lo haw tawh la * a rawn tih phah tawp. Hrim hrim in Kiama phone aṭangin tinge min lo call daih ni?

* Aih * tiin ka chhang let a,phone ka en leh duh tawhlo. Msg ka la dawng zui ani tih chu ka hria.


Duhtawk a kan lenkual hnu ah haw zai kan rel ta hlawm a,Remi te in lam ah kan kir leh dial. Chupawh Rema'n a bike lak a ngaih avangin. Remi kal chhuah ngai tawhlo anih vangin Rema'n min thlah haw a,in kan thlen chuan kan kawt ah Râla lo ṭhu tum bur ka va hmu, Rema'n hman a min thlah ṭum kha a hrechhuak pêk aniang " In la tluang ami a? " a ti chhuak phawng.


A hre tho tiin " Kan inṭhen tawh " Ka ti ve tawp. A bu nghat a,engmah a sawi zawm tawh chuang lo,a haw rualin phone ka en der a, Râla lo awm chu hmu lo ang a awm phet ka tum.


Data ka on rualin Thlanawma msg alo lut nghal a * I haw tawh em? * tih min lo zawt.


Kal pah a reply na tur ka type laiin ka kalna tur dal tak chuan Râla a rawn ding. Ngawi reng in ka melh raw rawh a,ka be peih hlawl lo. Ka hma a in lan te hi an hreh chhete ve miahlo a maw'n le?


" I va lo haw har ve " ka nui suk,ka nuih a za em em erawh ani hran lo. Min ngaihtuah ni awm tak a ṭawngkam a nei hi ka ngei ani.

" Nangpawh i haw tlai ve ṭhin tho a lawm " ka tih tak ah chuan sir lam melh zauh pah in a thaw halh.

" Min haw lutuk tih chu ka hria mah... " a tih laiin " I rin ai nasa in ka hua che " ka lo tih khalh.

A ṭha ber em tih chu ka hrelo na in ngaihtuah pawh ka in ngaihtuah hma hauh chuan voice ngat in Thlanawma chu " Ka thleng chiah e,min thlah a ka lawm lutuk " tiin ka chhang ta kher. Râla hmel lan dan danglam nghal chu ka hmuh hmaih lo na sa.

" Khatiang a tih kher kha angai em ni? " a ti ta chiah reng a.

Keichuan chhungril a ṭang ru tak chungin " Eng chu maw? ka ṭhianpa ka reply mai ania " Tiin zangkhai takin ka chhang ve hmak. Ka chhungril ah erawh pawn lam a ka lan dan ang ni lo in ka awm a,mi ka reply dan vang a a hmêl danglam hlak hmuh kha nuam tihna pawh ka nei hran lo.

" Ka thik dawn tih i hria a lawm " tiin tlang tak hian min hrilh a,a thik tih ka hre chiah chu engtin emaw hian ka awm zawk.

" Lo thik ve ngawt tur i ni hleinem " ka tih chuan a hmêl pangngai tak chu thinrimna in a rawn thlak thleng ti tih dêr.


Ngawi rengin min luh san a,a hnungah chuan muangchang in ka lut ve. Thlanawma voice ka thawn pawh chu a seen hma in hmanhmawh takin ka delete lehnghal. Ka type tawh sa chuan ka reply ṭha leh, ka thil tih dan chu keimah ngei pawh in hahthlak ka ti a,mahse mahni inven ve na ah ka ngai bawk si.


Ka nu rawngbawl ka pui a, nizan chungchang engmah min zawt miah lo. Râla'n a lo sawithiam leh vek tawh aniang. Chaw te kan ei a,chaw ei na ah chuan Râla leh Lindy te inkar thil thleng chu kan nu leh pa te hian an hria nge hrelo tih ka ngaihtuah,hria ni se boruak hi ka beisei ai ṭha ka ti deuh. Râla hian hrilh a la tum lo em mawni le? An hriat hun ah engtin tak ngai ve ang maw? inneih te hi an sawi kai mai angem le?


Ka thil ngaihtuah chhuah daih daih chu ka duh lo lutuk a ka mur sawk chu ka che lawih. An vai chuan min en ṭhap a,ka tomato zai lep inchhawp chu thur ka tih zia ka sawi phah ngawt. An nui hak hak hlawm a,tomato thur ka ti chu Kiama'n a awih lo viau nghe nghe.


" Naktuk saturday ani tho sia,lo riak leh si la " Remi'n a rawn ti. Kan chaw ei na ka seng fel lai ani a,thil tih pah nen ka ngaihtuah mumal hman lo.

" A ṭha alâwm " ka ti ve ngawt.

" Chhuat ah mutna kan phah anga,kan mu dâwn ania " a rawn phur ta hluai.

" Ka ti mai mai anihkha " tiin ka chhang leh vat. Riah chhuah em em chu ka chhûngte hian an phal ka ring chiah lo,bakah vawiin tlai lawk ah kan leng kawi leh bawk sia.

" Nidang ah " min chhan hma in ka ti nawn leh. A ṭha a lawm ka ti mai kha alo phur hman tawh sia fiamthu in kan inhnial zui leh hrep.


Tih tur ka tih fel ah lehkha ka zir a,mahse a mood ah ka cheng theilo. Ngaihtuah loh tur tur ka ngaihtuah leh a,lehkha zir turin ka ṭhu ve na a engmah ka zir lo. Room a ka hawi kual vel te chuan Râla'n Lindy rai thu min hrilh lai a kan awmdan te kha ka mitthla ah a rawn lang nawn a,mahni tê chuan nâ ka tuar leh ta ngawt mai.Ka room kawngkhar an rawn kik a, Râla anih ka rin êm vangin ka chhang mai duh lo.


" Mate? " a rawn ti a,Kiama zawk ani a ka hriat tak ah chuan lut turin ka chhawn thuai.

A rawn lut a " I hre ve tawh em? " a rawn ti thâwr.

Ka lo bo deuh hû vangin ka chhang mai theilo " Lindy a rai!! " a aw chauh nilo,a hmêl ah pawh mak tihna nasa lutuk a chu a hmuh theih. Chutia a rawn sawichhuak leh chiah chu ka thin zawn hi a rawn na zual.

" Aw " ani pawh hian a hre tawh anih hmel.

" Ka û a hi enge a hriat tak le? " ka rilru tur hi chu a hrethiam aniang,ka bulah a rawn thinrim ve khawp mai. Tih theih lah kan nei der silo.

" Lindy nu leh pa an lo kal a " Inneih an sawi ka hlauh lutuk vangin ka mittui a tla ringawt. Tichung hian kalsan ve hmak ka la tum ve chu ania.


Room aṭangin ka tlan chhuak ve ngawt a,mahse inhnuai ka thleng thla ngam tlat lo. Step laklawh ah chuan ka ding a,ka mittui chu a tlak loh nan ka dang hram hram. Chhantluanga vang a ṭah leh ṭhin hi a khamawm takzet. Mahse ka in sum zo ṭhin silo a.


" A va zia lo ve âw,zanin ah in hre ve chiah ami? " Pa Rinchhana aw ni in ka hria.

" Aw,kan la hre hmâ zawk ani mai thei " ti a chhang tu an awm.

" Keini lam hian kan la hre ve miah lo a,a zia lo hle mai "

" Ni e,kan fa te hi puitling thawkhat ah kan lo ngai mai a,thil ṭha leh ṭha lo erawh an la thliar thiam tawk lo anih dawn hi "

" Anihchuan sawi tawp mai ila,nau te an lo pai tak ah chuan han insuih zawm mai te kha engtin nge in ngaih ve le. Mualpho ai chuan.."

" A zanin ah kan hre chauh mai sia,amah lah a rawn la thleng bawk silo. Lindy pawh in engtin nge maw a ngaih ve le aw.. " ka nu ṭawng awm ka hrelo,a awm ve ngei tur ah chuan ka ngai.

" Lo kal rawh " Zawi tê hian Kiama'n min rawn ko a. Kalsawn pawh ka tum chuang lo,ka ding khawng tawp mai.

" An mahni te hi han ngaichâng phawt ila,in lo la hrelo mai thei a,kan fapa Chhantluanga hi accident tawk a bawk sawp leh rilru lam a chiangkuan loh na rei tak nei ani a,hmanni lawk khan a rawn ṭha chho veleh chauh ania. Tunah chuan nupui nei mai tur pawh in hna han thawh mumal a la nei rih bawk silo a. Lindy paw'n a hre ve tho in ka ring a" Pa Rinchhana thusawi mal tin chuan min ti khur thei.

" Ni e,kan lo hre ve nual tawh a. Nia,i sawi ang deuh in nakin lam ah ila sawi khawm leh ila " an ti a,hre ve vek turin min duhlo nge Kiama chuan min rawn dawm in min hruai lui daih.


Room ah min awmpui char char a,ka ngawi reng a engmah hi mumal pawh in ka ngaihtuah ka theilo. Tunah tak hi chuan in hi chhuahsan vang vang rih ka chak. Heng rilru natna te'n a min chim phak loh na hmun a awm ka chak ngawih ngawih.


" Nupui ka nei dawn lo " ring zet a au ṭhawt ka hriat rual chuan ka hawi chhuak ve chiah. Râla ani ngei ang, Kiama'n heta awm tlat turin min ti a,chian tumin an chhuak daih thung. Thawm chu ka ngaithla reng a,ka room kal pel in an inbia ani tih pawh ka hre thei.

" I tihsual rah chu i seng tur ani dawn lawm ni? Mawhphurhna la ngam leh silo chuan engvangin nge hetiang hi i tih a? Mipa i nihchuan mipa takin khawsa ta che "

" Min be buai tawh suh u,kal bo vek rawh u " kan inchhung boruak chu awm hrehawm rih tak ani.


Chumi zan zankhua chuan ka muhil theilo a,mi mawlh tu lian tak awm in eng ber nge anih erawh ka hrelo. Engkim hian min ti hah hluah hluah.


Zing ah pawh hmâ takin ka tho a,zan a ka mut miahloh avangin ka chau vek. Ka engtinmah a tui lo a,ka nu ngawi reng a rawng lo bawl in min hmuh chuan ka damlo emaw tiin damdawi ka ei duh leh duhloh te pawh min zawt hial. Saturday ani mauh mai si a class kal a ngai silo,chhuah bo na tur ka duh. Kan in boruak ṭang ṭha lutuk chuan min ti damlo zo takngial dâwn in ka hria. Ka thil ei pawh a tui zo tawh lo a,zing a ka thawh thlak bak pawh room ah ka tawm deuh chawt. Kiama tih loh chuan ka nuam sam lo ni tur ah an ngai a,min rawn tibuai lo hlauh zawk. Kiama chuan min ngaihtuah a,a khât tawk in min rawn ngaihven reng,mahse chhuahna tur a neih avangin a ni pawh a chhuak bo ta daih. Chutiang chuan chawhma chhûng chu keimah in room ah ka tawm tawh.



Thil ngai leh ngai ringawt ngaihtuah chu ka nin êm avangin phone ah rilru lak pen na tur te ka zawng a,mahse engmah chuan min tibuai pha lo. Msg pakhat ka dawng a,noti ka en pah a ka hmeh sual palh avangin Thlanawma msg lo thleng chiah chu ka lo seen nghal ṭhawt. Video nuihzatthlâk deuh mai hi alo thawn a,boruak tawn in a zir lo viau na in ka nuih erawh a ti za * Nangmah ni awm tak ani * tiin a rawn thawn tel bawk.


* Tunah chuan hetiang ka ni theilo * ti a ka thawn chuan * Buaina i tawk ani maw * tiin min rawn chhang let vat.

* Aih *

* in tih thawven nan ka lo phur kual ang che hnial hrat nu * a rawn ti leh. Ka peih lo ka ti dawn zet a,mahse in a tawm ipik ṭun reng chu ka peih ngang lo. In phurh chhuah tîr ka tum chuanglo,Rema zawk ka call a a len chhuah hman takin tih thu ah,chhuahpui tur ka duh. Remi chu tih tur an neih thu a sawi tawh laklawh sia ka be duhlo law law.


Vanduai thlâk deuhin Rema'n an cousin tukin khawvar lam a boral te in lam ah an kal thu min lo hrilh daih. Chhuahpui tur ka nei ta lo. Thlanawma lah chuan ka hlau ta ami tih te min rawn zawt ang nawlh nawlh bawk a. Duhthlan tur nei a ka in hriatloh avangin Thlanawma zui chu ka thlang ve ta ngawt. Ka tisual êm lo ang chu,tunah rih chuan thawveng tak a awm theihna tur bak a duh ka neilo. A rual a chhuah ka duh thu ka hrilh chu a rawn awih lo leh hnuhnawh,reitawk kan in be hmasa leh phawt. Keipawn kan chhuah tak tak hmâ tlem tal a hriatchian leh ka duh tho.


A tawp ah chuan kan in be rem thei hram. Ka lo lam ang che a ti a, kan awmna ka hrilh fel sa. Zawi muang in ka insiam a,thawmhnaw mawi hnai tak pawh ka ha peih lo, jeans ka ha pheikhawk ai ah crocs Kiama'n ka pass lawm nan a min lei sak var nalh deuh mai chu ka bun leh tawp. Kawr pawh a pangngai tawp ka ha.


" Chhuahna tur i nei ami? " room aṭang a ka chhuak chu ka nu alo ding reng. Thingpui leh chhang tray in a lo chawi bawk.

" Aw ka chhuak lawk ang, enge i tih? " tiin lehlam a melh reng chu ka en ve a,engmah hmuh tur phei chu a awm lo.

" I nuam sam lo emaw ka tia,i u hi alo la chhuak thla miah lo a. Koh in min chhang bawk silo a ka ngaih a ti ṭha lo " Râla ngaihtuah in alo ding reng hi alo nia.

" A muhil aniang "

" A ril te pawh a ṭam ve em em tawh ang chu. Kha nangman va ko teh " tray chu min hlan chhâwng a,a chhuk nal nal.

Ka peih miah lo,mahse chutia ka nu ngaihṭhat loh phah chu ṭha ka tihloh avangin ka va phei a, room kawngkhar bul ah chuan ka va ding ren rawn. Ka bia in ka hmu peih lo teh a sin,mahse ka nu avangin ka tih tho chu a ngai sia.

" Mama? " min chhang lo,ka aw ka thian kharh kharh " Mama " tiin ka ko leh a,mahse min chhâng chuang lo. Chhuah ka duh bawk si vangin kawngkhar chu ka kik. A rawn hawng mai lo a,thawm pawh a neih chuang loh avangin ka chum pawp.

A la reh dâwn emaw ka ti a,mahse a ri rawk a a rawn in hawng mial " Min ti mu theilo " vin zet hian a ti ngawt.

" Mi in an ngaihtuah che tih hre ve ta che,mut hun a ni tawh lo " ka vin ve pawng pawng. A kun tlat a,ka ngaihven lem lo. Tray ka chu ka keng hnai a,hawn pawh hawng zau lo chuan a rawn ban mai. Mahse a kut ka hmuh chuan ka phu zawk,a kut châng chu nasa zet hian a thi a,thisen ro tawh lam nen hmuh a hrehawm zawk alawm. Eng thil atthlak nge maw hepa hian a tih tâk ni?

[Bearr]

Chapter-11🪷 Bearr Cck



" Engati nge i kut hi? "

" Ngatimah " a ti leh ringawt a, ka ngei deuh vangin tray chu ma dawm bet.

" duhtawk teh " tiin ning hmel zet hian a rawn hawi chhuak. Ka rei leh a hmai te chu insualna hnu ni awm takin a duk cher chur mai!!

" Nang hi i chhuahna lam ah i va insual ve ringawt ami a? " ka rawl pawh a ring ṭha ngang mai. Min ti phawk êm bawk atin ni.

" Aih "

" Ka awih lo,mahni a insiam chawp ani thei lo khatiang em em kha chu " ka ti tuarh.

" Thlah rawh " tray chu a melh, keipaw'n ka ti lui duhlo a,ka thlah ṭha mai.

" Ka nu hnen ah ka lo hrilh ang " min rawn en phawk vak vangin " I hmai leh kut a hnawih tur kha mawle " ka ti nawn leh. Engtinmah min chhang lo a, kawngkhar khar in a reh zui leh hmak.


Inhnuai ka pan mek laiin Thlanawma'n min lo call. Ka chhan velah kawt a a lo awm diam tawh thu a sawi a,ka hmanhmawh thar tak êm vangin ka tlan thla hlawk hlawk. Pawn ah ka chhuak chiah chu min lo vai nghal,chutia a tak a han in tawn leh takah chuan phone ngawt ai in ka zah leh deuh a, ṭhian pawh ka nih pui loh kar hnih thum vel liam ta mai a ka hriat ka chhuahpui dawn ania,a huai pawh hi huai ka in ti hnuhnawh.


" Kalna tur i hre sa em? " min ti a,lu ka lo thing vat. Kalna tur leh kal duhna em em ka neih pawh ka hrelo,chhuah thawven kha ka chak mawl ve tawp.

" Anihchuan ka phur bo daih ang che aw " helmet chu a khum ṭha a,keipawh a hnung ah chuan chuang in kan tlan chhuak nghal chu ani mai. Thui tawk kan thlen tawh hnu in ka nu hnen ah Râla hliam vel kha ka sawi theihnghilh daih tih ka hrechhuak. Ka call a,call a la la theilo zui, inchung sâng lam ah a awm leh tawh emaw ni.

" Kal na tur ka hre bik lo ania " kan tlan thui tawh sia kalna tur kan hrelo ve ve bawk si.

" MC velah kan leng mai mai dawn amaw'n le " min phur tu zawk ania duh duh in ka hruai kawi ngam lo.

" Common êmai " a ti veleh khanglang a " Hlimen park velah te kan va kal zawk dawn mi? " a ti leh a,kalna tur chu a lo hre zawk khawp si.

" A pawi chuang hleinem " ka ti a,a sawina hmun lam a kal tur chuan kan tlan leh char char.


Kan kal duhna hmun kan thlen chuan kan in zah thar hnuhnawh deuh a,in be mumal lo in kan in zui kual reng a, in ngaizawng kan nih miau loh avangin kan awmdan chu an laklawh zo vek ni in ka hria.


" Ni a va sa reuh ve " lo sawi zawm dawnin sawi tur tak ka hre bawk silo a,ngawih tawp ai ka nui ta ringawt.

" Kan pahnih chauh kan nih chuan i va ngawichawi ta ve " min nuihzat ni in ka hria. Keimahni chauh tih lem ah,kal dang te pawh an awm tho na in ṭhian leh inkawp em em pawh nilo in hre ve satliah kan chhuak dun mawl ve tawp a,bak ah a hmâ kha chuan ka hnial peih ve viau kha ania,chu zawk chu a sawi tum ni in ka hria.

" Sawi tur a vâng êm alawm " tiin tlêm chuan ka kal muang deuh.

" Anih,hetia min zui ve tawp hi i hlau lo ami a? " ama lam chu ka hawi thuai " min hriatna pawh ala reilo ropui si " a ti zawm leh.

" Hlauh turin awm lo la ani mai " ka tih chuan a nui hawk. Lei lam ah chuan ka phei a,midang lei zawh kai chiah te pawh ka va hmu. Phur deuhin ka phei ve sawt sawt.

Ka zawh ṭan chiah tih in Thlanawma'n a rawn ti che vak a,au ṭhawt in a vawn bân chu ka pawm bet ti tih.

" Thlanawm!! " ka hlau bawk phu bawk nen ka au vak.

" Eih,a nawm em kha " ti a nui chungin a rawn kal phei " Kal ta che " min ti a,ka che lawk duh lo.

" Ti tawh suh aw " tiin ka ding rem ṭha a,aw aih pawh a min chhan loh vangin kal hmasa zawk tur in ka ti. A kal ve mai a,a hnungah muang te te in ka kal.

" Thla min lo lak " tirh chu ka hreh na in ka vawikhat kalna te ani sia thla lak ve ka duh tlat si.

" Ok " tiin a kut a rawn dawh. Ka phone camera kam sa in ka pe a, lei ah chuan thla kan in lak sak hnuhnawh.

" Eng lo, zu i in ve ngai em? " hmanni kha chuan a in tih chu ka hria.

" Ngai e,ka heh lutuk " a ti bawl mai. Mipa frank tak chu a va ni chiang em.

" Chumi vang chuan min hlauh phah angem? " min melh ta rawm rawm. Zu chungchang sawi chu a duhlo viau ni tur ah ka ngai,kei lah chuan ka lo sawi chhuak teh nulh bawk sia.

" Ka hre nang,tunah i in chuanglo a " ka tih thinrim palh mai ka hlauh avangin chutiang chuan ka sawi ve ngawt.

" Min hlau suh,ka lan ang hi ka nilo ania " tiin a nui leh hnuhnawh. Za lo deuh hian ka nuih ve phah lehnghal.


Chawhnu pum ṭhak chu kan tei kual ta vel a,rinai daih in Thlanawma pawh a bul a awm a nuam. Midang chuan hria se kawl hrawng min ti ngawt hian ka ring ani,kar hnih khat mai a ka hriat mipa mahni te in ka chhuahpui mai ania,lo sual ta se eng emaw tak ka chungah ti thei reng ani. Mahse ka hrelo,keimah aṭang hian rinna thawkhat ka nei ve tawp. Chutiang chiah chuan ka rin ang takin an lo rinawm bawk a,ka lak a rilru ṭhalo pu hmel pawh in a awm lo,a nelawm sarh a,mipa ṭawngkam chhe deuh leh nghal hmel deuh ang khan a awm lo. A ṭawngkam pawh a bei puitling sawt in titi pui pawh a nuam khawp mai.


" Haw ang " thil kan ei zo chiah,phone a en vung vung a,a tho thut mai. Thil ṭha lo thleng ang mai chuan a hmel a danglam vek.

" Engati nge? " ka lo ti hâw.

" Kan in lam ah eng emaw an thleng a,haw nghal ka ngai " a tih tak ah chuan damlo na deuh te an awm anih ka ring a " Keimah in ka haw mai ang " helmet a lak laiin ka lo ti.

" A ngailo,ka va thlah leh ang che. A hmanhmawh thlak lutuk chuanglo " a ti a,a hmêl ah erawh hmanhmawh hmel chu a pu.

" I hmanhmawh hmel emai,kal zawk mai rawh. Keite chu bus pawh in ka haw thei reng a lawm " ka tho chhuak ve tho a,ka bag ak ṭha in purse ka la chhuak.

" Ei man chu mipa pek tur a lawm " nui suk pah in a ti a,ka ti lui peih ting tang ta lo,a hmanhmawh hmel sia ka pe ang ti a inhnial kual leh vel kha a rei mai mai.


Kan ei man a pek chhung chuan dawr pawn ah ka lo nghak a,a rawn chhuah chuan min thlah haw ṭalh a la tum tho em tih ka chian loh vangin ka lo ngaichang. Min thlah haw lo mahse pawi ka ti lo tak tak,mahse bike a chuan fel a,a hnung lam seat a khawih zauh tak ah chuan min thlah phawt a tum ṭang ṭang aniang chu ka tia,ka chuang leh ta mai.


" Ka û te nupa an buai deuh a " thui tawk kan tlan tawh hnu ah a rawn ti chhuak.

" Um anihchu " ka lo ti tawp. An chhungkaw buaina lo hriat ve vek kha ṭul in ka hre lem lo atin ni.


In kan thleng a,min lo nghak nge nghak lo chu ka hrelo. Ka nu pâwn ah alo tei a lo rei,kan va thleng min hmuh chuan Thlanawma awm lai pawh ngaihtuah lem lo in " I u Mama khi,engtia inti nâ nge maw anih le? " a lo ti a. A sawi ka hriat nghal vangin "

" Tukin pawh khan ka hmu a,ka hrilh ang che ka tia,ka lo theihnghilh leh daih a lawm " Thlanawma ala awm tih ka hrechhuak.

" Ka lawm lutuk aw,va haw vat vat rawh i hmanhmawh hmel si " ka ti nghal zung zung.

" Âw,leng ah te sâwm ve ta che. I ṭhiannu hi chu a â ve ṭhin ania " ka nu'n fiamthu hian a ti a,chutia min tih ṭhianpa sak nghal em em chu nuih te pawh a za zawk e a.

" Haw ka hmanhmawh deuh a,nidang ah ka la rawn leng ang " a ti a,kan nufa chuan kan thlah ta chu ani deuh ber mai.


Thlanawma kal hnu ah kan nufa chuan kan lut dun a, Râla a lo chhuk thla ve chiah. Kan intawk ti tih an, tukin a ka hmuh dan ngai ngai khan a lo la awm,ka nau zawk ni ta se tiang hian awm ta tho sela a thiamloh ani emaw nilo emaw ka khawngaih ngawt in ka ring.


Tumah mah chu min be lo a,choka lam ah a kal tlang nghal. Ka nu'n a en zui reng avangin a ngaihtuah aniang ka tia " Damdawi hnawih tur vel kan nei lo ami? pe la " ka ti a. Chumi zawng tur chuan room lam ah a kal nghal.


Keichuan engtinmah ngaihsakna lan tur ka duhlo,ngaihsak pawh ka duh tawhlo bawk.


Inchung lam ah ka chho a,midang in chaw an la ei lo,tunlai chu Pa Rinchhana alo la haw lo deuh a,Kiama khawi ah emaw a chhuak aniang a lo la haw bik lo. Keichu Thlanawma nen kan in ei puar nel nual a ka rilṭam rih lo.


" Bawihte " ka inbual zo,ka sam huh ka hruk ro laiin ka nu'n min rawn ko.

" Ka kalh lo " ka ti a,a rawn hawng zui nghal.

" I u lo va buaipui lawk mai ta che,i pa a rawn haw a chawhmeh tlêm a zawng a rawn lei haw aniang ka lo zuk buaipui ve loh chuan " a rawn ti.

" Nakinah tihsak mai la " ka hreh avangin leh Râla hnim hnaih ka peih loh avangin chutiang chuan ka lo ti.

" A rei tawh sia,sawtiang reng a kan dah chuan i pa'n a chhan a zawt leh anga,i û lah a ngeng a chhuah peih rih bawk sia an in hau leh palh ang. Lo va tih sak lawk mai rawh " a ti a,ka dawhkan ah damdawi leh eng ilo chu rawn dah in a chhuak zui.


Ka hreh si a,ka hman hnu ah pawh ka la ṭhu reng. Tinge a keimah kher in ka tih sak a ngaih le?


" Keimah hi in control ila a ṭha ani mai " tiin ka tho chhuak a,dawhkan a ka nu thil dah chu la in Râla room ka pan.

" Lo hawng teh " pawn aṭangin ka ko a,a rawn hawng leh mai lo,kik ka tum a,mahse ka kik tak tak hmâ in a rawn hawng leh ang lawi si.

" Ka nu'n damdawi pe rawh a ti che a " keima thu a buaipui tum ah min ngai ang tih ka hlauh avangin ka insawifiah hmasa kher.

" Lo lût rawh " min hnial se ka tih nen âw.


Ngawi rengin ka lut a,room hnawk niaih hmuh ka in beisei na in a lo fel fai phian,khum a thawhsan mang lo aniang a khum phah leh rizai vel chu an chuar ṭha khawp mai. Dawhkan ah ka thil ken ka nghat a,alo ṭhut ve hun ka nghak tawp.


" Min tihsak dawn ami? " amah zawk in a rawn ti hâ.

" Nangmah a i tih theih chuan ka peih vaklo a " a ner sak " thisen ka ngaina lo " ka ti zui.

" Awle " a ti zawi sap. Mahni a a tih theih ka rin tho avangin chhuahsan leh mai chu ka rilruk. A rawn kal a,ka lo awm sawm thawt thawt.


A ṭhu a,amah chuan a han in buaipui dawn a,chhuak mai lo in a thei tak tak nge tak tak lo chu ka en phawt.a vei lam a hman avangin pem damdawi bur te chu a ti tlu lek lek. Hman thiamloh lam hmang ta na na na chu a chai rei ta lutuk a,ka ning zawk chuan ka ṭhutchilh leh ngawt. Ka be miah lo a,la pua a ken lai chhuhsak in keimah chuan a kut châng thi ro te chu ka hruk fai sak. Kan in be lo tawp a,ka thil ti lai erawh min en nasa hle ani tih ka hria ka awm a nuam zan lo.


Thisen han sawngbawl vel tak si ah chuan ka pum a let deuh a,ka luak a chhuak ru ang reng " Nileng in tiang hian i awm ania,i luak te pawh an ti chhuak lo ami? " ka ti ta thlawt.

" Ka hrelo " tih chiah in min chhang. Ka lo be khanglang ani ka ti hnuhnawh.

" Bialpa thar i nei ami? " ka ngawi tawh ania,amah zawk in zawhna min zawt leh.

" Ka hrilh lo mai ang che " ka tih chuan thinrim zawk ni awm takin a nui hul hak.

" I duhtawk in min ti na rawh,mahse kei lo hmangaih chu nei suh " min ti a,ka thil tih lai pawh ka chawlh phah tawp.

" Tihnat che ka tum lo " ka tih chuan hahdam lo awm takin a thaw hawk.

" Mahse ka nâ a lawm " a tih chuan ka thinrim thut. Ka thil tih eng chuan nge lo ti na ve ngawt a? Khang natna leh hrehawm zo zai min siam sak kha a hre ve tawhlo em ni? Nâ min siam hnem zia hi,ka keh chhe lo chauh ania.

" I duh ber nen chhungkua in din lo chauh tawh ania, engvangin nge keimah vangin ilo la in tih nat ve duh a. I hlim viau zawk lo em ni? " a kut bawk chu ka tih chhunzawm leh.

" Ka inchhîr zia hi I hrethiam lo ang "

" Keipawh,ka lo hmangaih che leh tun thleng a ka lo nghak ṭang ṭang che kha ka inchhir a sin. Nilo se chuan hmalam pan in hlim takin ka nun ka hmang ve thei tur ania,mahse ka mawl êm avangin ka chan hlen tawh mihring ka lo la nghak ve ṭang ṭang che kha ania "

" Lindy ka nei dawn lo " a ti sup. Lunngaihna avangin kei ka lo nui hul hak.

" I fa lo piang tur fahrah a i siam duh ka ring lo " a kut chiah chu ka en a,amah ka en duhlo hrim hrim. Ka tih ka tih tak ah chuan ka zo ve ta mai.

" Ti kha chuan a zia deuh tawh ang,i hmai chu a duk chauh ania,hnawih chi em em pawh kan neilo. Eng emaw hnawih i duh ṭalh leh ka nu i zawt mai dawn ania " ka thil ken luh ho chu ka chawi a, ka thawh dawn chuan ka ban ah min lo chelh.

" Kawng dang a awm ang. Kan pahnih tân hian bei ang " a ti a,min chelhna chu tal pit in amah chu ka en vang vang.


Inthiamlohna a hmêl ah chuan ka hmu thei a,mahse kan inkar hi siamṭhat theih ani tawhlo. Unau ang chuan kan la ṭha thei mahna,kawppui ang zâwng chuan a rem tawhlo ani. Nakin lawk ah midang fa in ' pa ' ala tih mai tur ani tawh a,kan pahnih tan chuan inzawm leh na tur kawng dang a awm tawhlo. Heti hian kan tawp a,kan tawp kumkhua tawh dawn.


" Kawng awmchhun chu unau ang kan in en leh chauh hi ani mai " a beidawng hmêl chu hmuh a hrehawm, kei ngei pawh hian unau ang a en chu ka harsat dawn lutuk,mahse kawng dang a awm ngang lo atin ani.


Room chhuahsan thuai in ka nu thil rawn dah pawh chu ka dah thla tawhlo,ka ṭah a chhuak,chhungril a ka nâ te hi an la zual si a,midang hian an hriat ve ka hlau ani.


Chaw ei turin min rawn ko a, mahse ka ei tawh tiin ka kil ve peih ta lo. Phone ah ṭhiante be kual in Râla beidawng hmel ka mitthla a cham tlat tih reh na tur chu ka zawng char char. Lawmi te,Tlana te leh Thenzawl lam te ka bia a,Remi ber hi an buai aniang a biak hman tlat loh. Ate Puii pawh ka bia a,ka pi'n min lo ve leh in zin chho leh tawh tur te in min lo sâwm. A chakawm viau na in hun a awm tawhlo chu ani ta ber mai.


Hruaimawia hnen aṭangin msg te ka dawng veleh nawlh a,an nu naute pai thu vel ani a rawn sawi. A msg aṭangin a hlim thawkhat tih pawh a hriatthiam theih vek.Ka lawmpui thu te pawh ka hrilh ve luam a, ṭawngkam ti ṭha vei vur chi ka ni silo a, ṭawngkam pawh ka thiamlo. Rilru ah Thlanawma a rawn awm teh thut a,min thlah haw aṭangin kan la in be leh silo a,in a thleng tluang em tih tal ka va zawt ve thawr.


Ka text aṭanga reilote ah min lo call daih! msg a min lo reply ve mai tur ania.


" Aw,i haw tluang em? " ka zawh dan vel chu ka zak leh hnuhnawh. Ngaihtuah viau ah min ngai ang tih ka hlau.

" Tluang e " a mood a fuh loh hmel lutuk.

" E anihchu,ka dah phawt ang " ka ti leh nghal tawp.

" A ngai chuang ami? Bak ah alo call tu zawk ka nia,off ah pawh ka thu zawk alawm " ka nui hak,a va inti thu mai mai tak.

" Nia i thu ber a lawm,i mood a chhiat hmel êm a "

" Min ngaina ve deuh tawh ami a? " teh daih chuan!

" Ka ngaina che pawh ka ti ami? " ngaina ang a lan ka duhlo pawh ani chuang lo a ka sawi kher duhlo zawk ringawt.

" Ngaina ve deuh anihkha,ka thlen tluan leh tluan loh te min lo zawh. Mi hian min ngainat hi an harsat asin " a ti ta duah.

" Ngainat awm in i awm ngailoh vang aniang chu. Ṭawngkam i bei chhe ve thei reuh sia,keichu ka fel êm a ka be ṭha lui mai mai che a " a rawn nui hawk hawk.


Tum ai a rei kan inbe ta zawk, phone ka dah chuan tlemin ka rilṭam ta deuh a,inhnuai lam ah ka chhuk thla chhat chhat. Ka nu leh pa Rinchhana bak ah Kiama pawh an lo ṭhu khawp ṭhap.


" Inneih lam hi chu la sawi lang rih lo mahila a pawi lo,kan châwm zo vek dâwn tho a,amah pawh hna nei sa tho ani na chungin kan fapa zawk in a nupui nei ve meuh si in a fa leh nupui te enkawlna tur hnathawh nghet a neih leh loh chuan " pa Rinchhana'n a tih ri ka hria,thawm pawh ka dim sawt.

" Mahse an mahni lam ṭawngka vel ah kha chuan nau pai len tak tak hmâ a insuih kha an duh hmel riau ka tia " Ka nu'n a ti ve bawk,Kiama erawh a inrawlh ve lem lo anih hmel.


Choka lam ah ka lut tlang a, bawnghnute chhuang lum in chhang ka la chhuak bawk a, fridge a cake ka hmuh chuan tu birthday nge tih ka ngaihtuah. Kan chhûngkua ah birthday nei kan awm ka hre silo a,chutia cake lo awm tawp chu mak ka ti khawp mai. Chubak ah,cake ka hmuh chuan hman a Râla'n cake min rawn hawn ṭum kha ka hrechhuak,kan chhungte birthday ah kal in kan test tur vang khan cake zai hma in ka haw ta kha ania, Râla khan ka chah miau vangin an cake pawh min lo hawn sak ve kha ania.


" Nu birthday nei hnai kan awm ami a? " choka aṭanga chhuah pahin ka va ti. Thil pawimawh an sawi ani tih kha ka lo theihnghilh hman. An vai chuan an lo hawi ṭhap a, ka zak hman lek lek.

" Aih i u Malsawmi'n min rawn pe anihkha,cake siam a zir chhin na ania " ati a,bu nghat in an ṭhutna ep ah chuan ka va ṭhu ve hmiah. Ka awm vang nge engmah pawh an sawi tawhlo,tv ka on a tumah pawh be lem lo in ka en mial mial.

Kiama'n " Matei scooty tur pawh chu engtin nge in tih tak? Ka ṭhianpa hian scooty la thar deuh mai a nei a,thla 2 vel bak a la kawl lo. Tih ral a duh thu vel te kha a sawi a " a ti dap dap.

" E a va ṭha awm tak ve. Engzat nge a chhiar deuh a,be chiang ula " Pa Rinchhana'n a ti a, rilru in ka lo phur nghal sarh a,mahse ka awmdan erawh ka ti danglam chuang lo.

" Ka hrelo le,a la thar ve reuh sia a phal tlawm lutuk chu ka ring lo "

" A thar man ai a a tlawm te chuan a ṭha tho a lawm " ka lo ti ve zauh.

" I lerh phah hi ka hlau ê " a rawn ti kher,ka melh rum vak.

" Ê hei nichin ah pawh ṭhianpa thar rawn thlah tu a nei tlat mai a,a ngaihtuahawm dawn riau in ka hria " ka nu'n fiamthu in a lo zawm ve a,min dem reng ka hlauh vangin bawnghnute ka tlak pawp a ka tho daih.

" Rawn kal leh teh,nang hi ilo va inti nula tawh ve a " Kiama'n a lawm leh dawn tih ka hria,min au a ka chhang duh lo tlat. A fiamthu tih erawh ka hria,a chhan pawh amah hi Râla ka hmangaih ṭhin zia min hriatpui tu kha ani miau a.

*

" Hello " zing zing ah Lindy hnên aṭangin call ka dawng. Biak loh ka duh tehreng nen an rawn call ngun sia a pawimawh anih ka ring a ka chhang ve ta tawp chu ania.

" Ms,i u Chhantluanga hi a enge a an? Nizan ah ka call a pick thei miah lo a " teh daih a,tinge kei ber kher min rawn zawh chu le.

" A ṭha, phone ri a hrelo ani maw? "

" Tunlai chu a zia a thlak thut a " a aw ah chuan rilru hahna eng emaw tak nei ni awm ani. Ṭah chhuak deuh hi a ang bawk.

" Ka lo hrilh ang,in lam ah pawh biak a har a lawm " ka ti ve a,engvang a a ngaih tih ngam sak tum a ṭawng nge maw ka nih le?


Sunday anih vangin tumah han tho tlai em em kan awm lo. Râla pawh a tho tawh a, inhnuai lam ah erawh a rawn chhuk thla rih lo. Chaw ei dawn ah kan han ko a,a lo chhuk laiin kan lo ngawi ṭhap. Pa Rinchhana'n Bible chhiarin ṭawngṭaina a hmang a,a ṭawngṭai zawh ah zinglam ṭawngṭaina kan sawi ho leh. Chaw ei dawhkan kan kil laiin Pa Rinchhana'n Râla chu a hmai chungchang a zawt teh thut. An lo in sawifel vek tawh ang chu ka tia,an inhnial leh palh ang tih ka hlau,lo awm ve reng pawh hi a nuam lo.


" Tlangval an nia, hrethiam rawh " Râla'n a chhâng duh miah lo,ka nu'n boruak ṭha lo a chhuah palh a hlau aniang a lo ṭawng tawp.

" Tlangval satliah pawh ani tawh hleinem " Pa Rinchhana'n a tih chuan Râla a tho zawk a,a kut silfai in inchung lam ah a chho hmak. Boruak pawh a nuam lo leh ṭan tawh a,tumah ṭawng pawh awm tawhlo in chaw ngawi rengin kan bar mial mial.


Tunlai kan inchhûng boruak chu a nuam lo ru takzet. Awmna tur dang a awm chuang silo.


" Puan bih hi ka thiam theilo " inhnuai lam ah ka chhuk thla hlawk hlawk. Ka nu'n min puih loh chuan puan bih hi ka ti hleithei lo.


Ka nu te room ah lut in ka puan bih chu min pui a,ka chho lehlam in Râla chhuah tum niawm tak ka tawk,hellmet a keng a bawk. Biak loh leh hmuhloh der ka tum na in Lindy min biakna kha hrilh hriat ṭha in ka hre bawk si a,min kal pelh dawn chuan " Lindy'n a be theilo che a,min lo phone a tukin ah " ka tih chuan a ding dat.


" Nakinah ka be mai ang " a ti zawi sap.

" I inkhawm dawn lo ami? " ka ti leh.

" Enge ka va tih ang? " a hmel chu ka en vang vang a,a hliam bak ah beidawnna avang a sual kawng zawh tum ni a ka hmuhna chuan min ti hrilhhai letling.

" Pa ila ni dawn ania, ṭha deuhin awm tum rawh... Mama " tiin ṭha tak chuan ka hrilh.

" Mama ka nilo.. Râla ka nih hi " a sawi pawh inthlahrung ni awm tak hian a awm.

" Lindy chu i be dawn ania,min lo phone tawhlo se " ka tih zet chuan min en rum ngang mai.

" Ka biak leh biakloh ah thu min pe suh " tiin a kal thla nal nal. Ka thusawi ah khan enge maw huat tur awm chu le?


Ngaihsak zui peih lo in ka insiam chhunzawm. Râla tello chuan inkhawm turin kan kal hlawm a, Biakin vel a kan awm chhûng chuan Kiama'n hmeichhe biak deuh bik leh en duh deuh mai a nei tih ka hrethiam thut. Inkhawm ban tawh hnu ah haw pah a ka dem nghal tak vak ah chuan Kiama'n tunhnai ah an inbiak nasat thu a sawi a,kei ka lo phur hluai. Chumi kan sawi pah in Kiama'n Râla te pahnih vang a ka nâ ka thup bo hneh min tih zia a sawi a,keichuan ka tum tlat vang tiin ka lo sawi ve thung. Chhungril nâ hi in thunun tir reng ka tum lo. Râla te innei dawn ta se engtin nge ka ngaih ang tih chu an ruk tê hian min zawt bawk a,keichuan ka nei theilo na chungin an inneih chu ka phal loh thu in ka chhang. Ka rilru tak tak pawh ani a,thinrim a na in, Râla kalsan mahila innei tur êm chuan ka la phal bik lo.


" Monu cial deuh keipawn ka nei chak a,mahse nangmah aṭangin ni se " ka tih chuan a nui hawk.

" Tunah pawh mo tur ber ka la neih loh hi " a ti mai a,chumi behchhan chuan nichin a hmeichhia ka dem bawk kha ka sawi chhuak nghal.

" Hmelṭha chu ka tia,mahse ngaihzawng atan chuan ka duh lo " a ti daih. En te kha a en nasa viau emaw ka tia sin.

" Ngati nge? " ka ti hliai.

" Ka hre nang,hetia ka nau nen a la inkawm theih mai mai hi ka duh zawk " a ti mai a,keichuan ka ner khum vak.

" I leng tar ringawt ange aw? " ka ti a,keimah zawk a nuihza a ṭang leh si in ka nui vak vak.

" A ho ê,kan chhungkaw naute i awm a,leng tar mahila pawi pawh ka lo ti hleinem " naute ti a min koh tak ah chuan hmanlai ti ila,kan hun kal tawh te kan sawi kai chho a,ka nu leh pa Rinchhana innei tur vel kan aṭangin kan sawi dun daih.

" A tir chuan ka nu hi ka ngaina lo. Ka nu tak kha ka ngaih theih lutuk vang kha aniang " kan pahnih hi chuan unau bakah ṭhianṭha tak ang mai kan nia,kan kar ah zep ṭit ṭet kan nei ve lo.

" Keipawh, ka pa hi a tir in ka duhlo a " Ka mur uai uai mai, vawikhatmah pa tiin ka la sawi ngailo a. Mahse Kiama'n a lak kawih ka hlau a,ka nu pawh nu tiin an ko ve mai sia ka tan sawi loh bik a nuam tlat lo. Mahse pa ti a ka lam tak ah chuan ka zah zawk rual in hahdam leh engthawl sawt in ka in hre tel bawk.

" Engati nge? Pa ilo awh viau ka ring a "

" A teuhlo " ka chhang rang leh lutuk chu ka inthiamlo deuh " Keipawh ka pa kha ka ngai ve tho a,chuvang ania " ka tih tak ah chuan a bu nghat.


Chutiang a titi chung chuan in kan thleng ṭhak. Kan pahnih chuan kan hlim viau na in inchhûng kan lut erawh boruak a danglam nghal vek,sofa ah rui tawk a Râla lo awm leh Pa Rinchhana'n alo hau mawlh mawlh lai kan hmu a,chutia Râla sunday ah lehnghal rui chhe lutuk a a awm chu mak ka ti khawp mai. A rilru a hah emaw engtin pawh in lo awm se, sunday ah berkher chuan a ruih duh bik ka ring lo a sin mawle.


" I zah loh dan em em hi! I chhûngte inkhawm in kan kal vek tih i hria em? I inkhawm duhlo anih pawh in in ah awm mai ta che " Pa Rinchhana vin lutuk chu ka lo ṭim sung sung.

" Ka rilru a hah anih hi " vin zet bawk in Râla'n a chhang let.

" I zaklo êm mai. Rilru hah a awm i duhlo anih te chuan khang thil zawng zawng I tih hma khan ngaihtuah chiang ta che " Râla'n a thlêk khum mai mai.

" Chhuak tawh reng reng suh,i ruih chhiat zia te kha i hria em? zahpuiawm lutuk " a ti chu Râla'n pawr zet hian " Ka duh duh in ka awm ang,ka duh leh tun ai a rui pawh hian ka awm anga,ka nun ah hian lo buai ve vak suh u " a ti khum hrawk.

" I va han zaklo tak êm! " Pa Rinchhana'n a kut a lek rual chuan hlau in mit ka lo hup nghal.

" Pa,insum rawh " Kiama a phei nghal aniang,ka bul chu thaw deuh fua.

" Han hruai chho rawh,chhuah tir tawh hlek suh " pa Rinchhana'n thupe aw tak a a tih tak ah chuan kut ka la sawn ngam ve chiah.

" Mate min lo pui teh " Kiama'n min rawn pun a,ka nu'n chet a la ngam lo aniang. Ṭi deuh chungin ka phei vat a, Râla Kiama'n a kuah thawh tur chu lo pui ve in ka dar ah a bân ka kham kual tîr a,vuan ve bawk in kan pahnih chuan ka thawh kan pui.

" Keimah in ka kal thei " buh zet hian a la ti hram a,a ṭawng takzet hepa hi. Inkhawm chhung reiloh nen engtin nge hetiang tak hian a lo ruih hman le?

" Ngawi mai mai rawh " Kiama'n a lo ti ve nghal.


Inchung lam ah kan hruai chho a,room ah dah in khum a mu tur chuan kan hrilh a,a duhlo a la in la ngeng khanglang anihchu mawle! A ṭhu reng a, Kiama nen kan din chilh reng avangin min ngei dun hmel deuh hian rum takin min melh tawn chhen.


" Kal rawh u " a ban vai vut in khum ah chuan a let nghal tawp. pheikhawk pum a la bun bawk sia,ka ṭhu hniam a ka phelh sak nghal mawlh mawlh.

" A ninawm " chutia ka pui zawk zawk chu a rawn leng thut a,hnunglam ah ka ṭhu hnawk.

" Mama,i over mah mah " Kiama'n a lo ti a,min kai tho nghal bawk.

" Chhuahsan ang,amah hian awm mai mai rawh se " a ti a, Râla ke chu ka en a, pheikhawk chu a lehlam chauh ka la phelh hman sia a laklawh khawp mai. Mahse puih zui chu ka tum tawh bik lo.

" Ka tihpalh anihkha " thei leh theilo hian a rawn in beng tho leh.

" Mate,ka tihpalh anihkha aw " ka kut a rawn ban a,ka lo la sawn vat.

" Ka tihpalh ka tih kha " rawn hawi chho meuh in hrehawm tih hmel zet hian min en. Chutiang a a awm hmel ka hmuh chuan ka chhungril ber aṭang hian hrehawm ka ti a,ka thin zawn hi a na zawk.

" Kal ang " Kiama hnen ah ka ti a.

" Ka hmangaih che ania aw mate, theihnghilh miah suh " ka kal lai ka ding dat a, Kiama'n ka dar a vuan in a hmer vang vang

" Kal ang " Tiin room aṭangin min hruaichhuak a. Kawngkhar khar dawn ah pawh min hmangaih thu bawk chu a rawn la sawi fo.