FIONA NUNHLIMPUII POV
"Nu eng nge i an," a kuta vawn paha ka tih chuan chau tih hriat zet hian minlo melh ṭawk ṭawk a, "ka ṭha tawh lutuk" amah anglo takin ati dam ve duam mai.
USangzualan kapa te in a riak rih tûra min tih avang in zankhat vel kava riak kha ania,kanu in min hmuh aduh anti ve deuh tlat sia,kanu lo ṭhuchhuak tur chu kalo pui vat a.
"Fiona nu sual tak kani,tun aṭang chuan ṭha deuhin ka awm tawh ang," atih chuan ka khawngaih leh hnuhnawh, "nu ka tan chuan ka neihchhun ini reng a,ini reng bawk ang keimah ah chuan i sual na ka hre hranlo," kati ve sep a.
USangzuala college lamah a kal a,keiin kanu kalo awmpui thung,kapa pawh hna lamah a kal leh tawh a,Eric'a pawh jail ah thla rûk vel atang dâwn anih hmel,kapa ten an dil nasat êm avang in an tih tawi sak hram a.Kanu pawn apawm thiam ve tawh khawp mai.
★★★★★★★★
Ni leh thla aliam a,ka naupai pawh alian ve tulh tulh tawh,kan in check up hnuhnung ber khan phîr ka pai thu an sawi kha ania,kanu pawh a lawm zia a thup thei tawh biklo.USangzuala pawn a nitel in min duat zual zêl nimaiin ka hria,Mercy pawn naute anei tawh a mahse vanduaithlâk takin a naute in a hlam ek alo ei hman a,an chhan thei talo kha ania Mercy pawn atuar khawp mai.
"Bawihi vawiin chu ipa kan han tlawh dâwn ami," ka pum puar ve luah lo chûl paha uSangzualan atih chuan ka hniallo khawp mai.Ka naupai hi thla nga vel lek la ni mahse alian hle a,phîr an nih vang te pawh aniang.
USangzuala college chawlh lai ani bawk sia, damdawiin lamah kan chho deuh reng mai,kapa pawh tar lam alo hnaih ve tawh bawk nen a chaklo zual em em a.UTetei leh uMuan'in an enkawl deuh chawt a,uMuani lah a nau neih a hnai tulh tulh mai sia,tunlai chu kan chhûngkua kan buai ve neuh neuh mai.
Damdawiin kan thlen rualin kapa awmna ward ah kan lut vat a,uTetei thawh na hospital anih mai bakah kapa(uSangzuala pa) hi thil tithei ve tak ania,Cabin kan chang ve hlauh kha ania,a lawmawm tak tak ani.
"Mate inlo kal animo," uTete'in min hmuh rualin alo ti nghal var a,uNo'i te pawh an nupa in anlo awm ve reng chu niin, Marina'i hi kan chhungkaw tân chuan vantirhkoh ang ani ka timai,kan in lamah Obeda te nên anlo awm chawt a,a chang leh kapa a awmpui thul.
Kapa hmel ka hmu chu ka ṭah a chhuak et et mai, oxygen hman ngai khawp in a awm tawh a,min kalsan mai ang tih ka hlau takzet.
"Pa" a kuta chûl hliau hliau paha ka tih chuan min melh ve reng a, oxygen an vuah avâng in a ṭawng theilo thung,ka bula uSangzuala alo ṭhut ve chuan kapa in sawi duh nei ang in a au zuau a,a ṭawng ṭha thei meuhlo.
"Pa hahdam i mamawh ania,tikhan ṭawng rihlo la" uTete'in hrethiam takin alo tivat a,ka phone arawn rik chuan ka enve vat a, Marina'i alo ni.
"Aw Nana," ka lak rualin kati zawi deuh sep a, "Fiona khawnge in awm hei engtin nge kan tih dâwn,uMuan'in nau avei ania,motor in kan rawn chho pui ve tawp a uTetei khan gate ah minlo chang teh se," alo ti nghal zung zung a, damdawiin ah kan awm tih engtin nge a hriat nghal chat theih ni.
"Aw kalo hrilh ang," kati ve vat a uTete'i chanchin ka hrilh chuan a hmanhmawh khawp mai,uSangzuala nen an tlan thla vat a,uNoi pawh tih theih vak neilo mahse alo phi ve cheng mai.
Kapa lah chu a muttui mai bawk sia,tih theih neive talo chu kapa bulah kan unau in kanlo awm tawp a,uSangtea(uNoi ṭhianpa) erawh kan eitur lei tûrin a chhuak thung.
UMuan'in ṭha taka nau a neih theih nân ka rilru in kalo ṭawngtai ve mawlh mawlh a,rei ngial kan nghah hnuah uSangzuala leh Marina'i an rawn inzui lût a,naute anlo pawm luh chuan kan hnaih nghal vat.
"Ngatinge a," hlauthawng zetin kati hluai a, "uTetein lehkha vel ati fel mek,pa Mawian a hmu ve duh ang atia.UTete'in doctor a dil a,an phal hram mahse rei erawh an phallo thung,natna a kai an hlau a" Marina'in atih chuan naute chu kala vat a.
USangzuala ka en chuan bang ngheng a ding in minlo nuih ve var var mai,uNoi te nupa erawh rei awmlo in naute an en hnuah an haw thla nghal.Naute chu hmeichhia ania a hmelṭha reuh takzet.
Kapa harh hun kan nghak deuh reng a,a ṭap miahlo te chu afel ka van titak,kapa arawn chet deuh set set takah chuan ka hnaih vat a,naute ka pawm a hmuh chuan a mitmeng aṭang beisei nei zetin min en a.
"Pa hei uMuani fanu anih hi,i tunu" ka tih chuan akut alo phar chhuak ve a,a tunu kan pawmtir chuan lawm avâng ani ngei ang a mittui a luang ngiai ngiai a,a ṭawng thei mang siloa ka khawngaih ve takzet.
Naute chu rei awm an phalloh avâng in Marina'i a dah thla leh vat a,keini pawh a tlai deuh tawh avang in kan haw thla har lemlo,uNunpui'an uMuani a awmpui anga, uTete'in kapa a awmpui dawn anih hmel.Mo nih tawh chuan kan thu ringawt a thil kaltlang pui a theih tawh siloa,kanu a damṭha vaklo ve tho bawk sia,ka pasal in phal ringawt mahse anuam lemlo.
In kan thlen chu areh duk mai,hmun reh deuh a kan awm hi chuan ka lung aleng deuh tlat zêl a,room kan lut chu khumah ka ṭhu hnawk a,kapa hmel ka mitthla ah a lang lo thei siloa,ka khawngaih takzet ka hriat loh laiin ka mittui aluang ngiai ngiai a,uMuani fanu a hmuh laia a mitmeng a lawm nate kha.
"Ngatinge a," ka hmaa ṭhingṭhit paha uSangzualan atih chuan ka inhnit hraih a, "apa ka ngai" aw rawl chhuah meuh a ṭapin ka ti ṭiau a,a awmah nghet takin min kuah nghal vat.
"Aṭha leh vat dâwn alawm,nakinah in in lamah te pawh kan riak phei dâwn nia" min hnem tum takin uSangzualan ati ve sup sup a.
Rei ngial ka ṭah hnuah ka bang ve thei hram a,chaw ei tura kan chhuk te chuan ka ei chaklo takzet,nula a thar veve anni tawh bawk sia, uTeresa'i te an ngaihawm khawp mai.Kan nula te hi anla naupang ve a,kawm dawn lahin an kawm tlak vak siloa.
"Ipa chu eng nge a an a," kapa in atih chuan ka enve zawk a,kanu pawh alo thochhuak peih a,a hmel pawh hmuh anuam sawt khawp mai.
"Ṭhat lam a pan thei tak tak lo," zawi angreng takin kati sep a, "a ṭha leh vat mai ang,a dam leh vat dâwn alawm" uSangzualan alo tive vat.
Malsawmkimi pawh exam azo tawh a,law zir tûrin law college Luangmual ah a chhuk a,kan awmna ṭang a hlat avâng in a bula hostel-ah a awm nghal thung.
Ka phone ri ka hriat chuan ka meng ve siar siar a,ala thim vek bawk sia,tunge ni ang ti neuh neuh in call chu ka en a,uTetei ani tih ka hriat chuan ka ṭhuchhuak hluai a,ka hlauthawng nghal vek.
"Hello" tim deuh daiin ka ti sep a, "mate kapa in min peihlo san," ṭap aw tih hriat taka arawn tih chuan ka nghing lawih thei. "A theih chuan in lamah lo phei ula,a ruang an tuam mek a, Ambulance in an phur thla dâwn chiah" atih chuan ka chhang thei tawhlo.
Kapa te nên a hlim taka kan awm tlan laite rilru ah alang zut zut a,pasal ka neihsan te hi ka inchhir rum rum hial. "Ngatinge a," minlo kuah paha uSangzualan atih chuan ka kuah let vat a,kapa chanchin chu thei leh theilo in ka sawi ve thei hram.
USangzuala a puitling zâwk tih takah a che nghal sawk sawk a,kawrlum te min haktîr lai chuan kalo awm mawl te tawp,kapa ho in kan inlam panin kan inkhalh chhuak a.
In kan thlen chu kapa ruang in minlo thlen khalh daih tawh,uMuani pawh nau pawm chungin kapa ruang bulah alo ṭhu bui lap a,kan unau kan buai lutuk te chu ka in khawngaih thar a,ka fate lo piang tur a hmu ve hmanlo te chu ka thin arim rum rum ṭep ani.
"Pa" a bianga chûl pahin kati sep a,mahse min chhang tawhlo,harsatna ka tawh laia ka bula awm reng ṭhin,min thlamuan tu ber kapa khan min kalsan tawh tih ka hriatna chuan min tina takzet.
USangzualan leh midang in min hnem ve mawlh mawlh a,mahse awmzia a awm lemlo khawp mai.Ka nutei leh ka ni te pawh an rawn thleng ve chiah a,kan unau te a khawvel a awm tura kapa in min kalsan zan hi kan tunu Nora Lalruatfeli pianni chiah ani.
Dar sawm vel aṭang khan a thawk abuai ṭan anih hmel,kapa in min kalsan dâwn a a bula ka awm theilo chu hreawm kati takzet.Zanin chu kan mut hma zan ani kher bawk sia,kapa in na atuar laiin tui ti takin keilah kalo mu a,pawi kati lutuk.
Zankhua deuh thaw in ka mulo a tih theih ang chu,nau ka pai vang nge ka chau êm êm a,kan in a ka room ah ngei uSangzualan min mutpui te chuan ka muhil thei der chuanglo.
A tuk dar sawmpahnih ah kan vui a,thlanmual lamah erawh uMuani nên kan kal an phallo tlat thung.Kapa chu khawvel a hmu leh tawhlo tûrin kan thlah liam ta chu ania,ka ngai nghal vawng vawng mai.
After 2 years(tidaih ang)
Kapa boral aṭang kum hnih lai aliam tawh a,ka ngaih erawh ala reh thei chuanglo,kan fate pahnih pawh an felin an tlei em em a,kapa in hmu ve hman se kati takzet.Vawiin hian an kum khatna birthday kan lawm dawn a,uMuani fanu pawh alian ve tawh takzet,kum hnih atling ve tawh a kan fate chu apa hian a âtchilh ka timai,ka kumkuruh a kau theihloh avâng in an zai chhuak a,mahse Pathian zarah an hrisel em em a,an pian tirh aṭang damdawiin ah kanla lût lehlo hrim hrim.
UMuani leh uNunpuia te pawh an innei tawh a,tûnah nau an pai leh mek tawh zâwk,uNoi erawh a hrisel loh avâng in doctor in naupai ala phallo a,uTete'in inpui a nghak a,pasal neih atum lo tepawh aniang a sawiri lo hrim hrim.
"Bawihi khawnge Bawihtea te" inchung aṭang a rawn chhuk pahin ka pasal in atih chuan pawnlam ka kawk zeuh a, "kanu leh pa in an awmpui," ka tih chuan ka hmuiah rawn fawp zeuhin pawn lamah a chhuak nghal.
Eric'a jail aṭang alo chhuak tawh a,ani pawh a fel tawh khawp mai,kapa hnathawh na lamah a pui mai ṭhin a,Malsawmkimi pawh lawyer ṭha pawl ani ve tawh a,a vahte hi a duat thei khawp mai.
Bawihtea te birthday lawm turin ka unau te leh midang anlo thleng nak nak hlawm a,Nora'i pawh a tlankual veleh thek thek tawh mai.Hmeichhe naupang ah chuan a harh pâwl ve tak chu ani hrim hrim.
"Kan tupa Ezra Lalnunhlua leh Jedidia Lalchhanchhuaha te Pathian in damna ṭha tak ape a,kum khat na birthday kan lawm thei hi Pathian vang liau liau ani," kapa in ati dap dap a,an harh bawk a an pawm theih tawh meuhlo,mipa tih takah an mahni tawkah an harh ve hle a,api leh apu apa te hian an vil hneh em a,min awl hneh thei khawp mai.
"Ka fate nên hian ka hmangaih vek che u," uSangzualan ka hmuia lo fawh zeuh paha atih chuan ka nui ve var var a. "Keini pawn kan hmangaih che," a bianga pawh zeuh pahin kati ve sep a,Ezra arawn ṭah vak takah chuan kan buaipui vat,Ezra leh Jedidia hi midang chuan an hrehrang hleithei meuhlo a,anu leh pa te hi chuan kan hre hrang khawp mai,Ezra zawk hi a beng hnuaiah khuavang anei a Jedidia in a mit chungah chiang vaklo in anei thung.
"Ngatinge ka fapa duat hi tuin nge lo hau a," Ezra pawm paha uSangzualan atih chuan uMuani alo nui kar kar mai,Jedidia erawh ani bulah a awm thung.
"Awi in chhungkua te hi in inhmeh reuh e" ati deuh sep a,ka ṭhiante anlo thlen tâk avâng in ka buaipui vat,Andya te pawn fa pakhat an nei tawh a,mipa ve tho ania mahse kan fate aiin a naupang zâwk thung, Marina'i pawh uBuanga nen an innei ve tawh a,tûnah Andy'a te khuaah an awm mek.
"Obeda khawnge Mante'a" a lama phei pahin kati sep a, "alo kal ang,mi chei tur anei a" atih chuan kabu ve nghat,Mantea pawh beauty parlour ah a thawk a,an buai ve thei khawp mai.Obeda pawh a nih chak em em Veterinarian doctor ani tawh a,keipawn ka lawmpui viau mai,ka chak em em kha ania mahse ka thei ta siloa.
"UFiona Jedidia hi a ril aṭam aniang," Malsawmkim'in arawn tih takah chuan ka phei vat a,eitur ka pêk chuan Sawmkimi sawi ang tak tak in aril a ṭam aniang,a ei duak duak mai Ezra erawh apa bulah a awm a,ka ngaihtuah lemlo.
Pathian in chhungkaw duhawm tak min pe a,ka vânnei ka inti takzet pasal ṭha tak leh fapa duhawm tak tak pahnih kan nei tawh a,engdang mah ka mamawh tawhlo,ka pasal leh ka fate hi ka lei rohlu an ni a,kumkhua in an kiangah ka awm reng ang thih na in min ṭhen hma loh zawng.
A tawp ta....kati tawp thut
next story ah kan inhmu leh vek dawn nia,ka story a tawp thleng a minlo chhiar sak avang in ka lawm e...a tawp na te ni sia ADS kha minlo click sak ve hram awShow post links
Top