Kumthum hnu ah.
"Vanlalhruaizel"tah chhuah hawm hawm ka va han châk tak, engtin nge fanu harh leh pawikhawih reng mai hi ka hrin chhuah theih le?
"Tinge i û sam ilo chehkawlh vek?"ka ti that a,kan chawhmeh channa bakcheh la leng reng chung chuan min melh kiau a,a bul lawkah a û mumal lo zeta anauin a sam a cheh sak chu alo ding bawk.
"Mama,keipawn sam aneilo lawm"te chu ala ti ta deuh deuh a,ka thaw chhuak halh tawp.A tette atang ahmeichhia zawk si hian sam aneilo a,tunah chuan a dar chen vel tur ang lek hian phirsi deuhin anei.A û zawk erawh mipa zawk nisi in apa sam a chhun nge ni a dum tle hlap a,kan met ngun tawh viau thung.
"Engtin nge ka tih dawn che le?"ti halhin Duati chu ka melh a,apa hian a duat khawlo zo tawh nimai in ka hria.
"Uiiii, Lalduat leh! Marcusa sam chuh!" Nuih za bawk si,mak ti bawksi in Remsangi pawh choka biangah a ding reng ringawt.Chhuatah Marcusa sam a tla darh niah a,choka kan chhuahsan rual tum berkher a alo khawih hman ni?
"Marcus,nangpawh i dawh ve mai mai ringawt ami a"ka tihngaihna hrelo chuan ka ti chhuak tawl a, "Duati nen sam inang kan duh a"nui heu in ala ti zui! Heipawh apa ang mai anau tan ape na lutuk ringawt.
Ka beng fai thuak thuak a,"inchungah chho teh u,bual leh kha in ngai ringawt"ti hlakin an unau chuan inchunglam ah an inzui chho ve terh terh a,Remsangi'n camera a tin in a ûm chho bawk.U Zorina rawn haw hunah chuan ahawi ve lawl lawl dawn ani tawh mai.
An zanriah tur ka buatsaih zawm mawlh mawlh a,a tir atang kan chaw pek dan a fu chiahlo nge ni Marcus zawk hian thlai hnah lam a ei tha duh derlo! Thei lam erawh vanneih thlak deuhin a duh hlauh a,fanghma leh lakhuih te hi chaw ah zu hmeh tel duh tlat thin a! Anau lah hian tui ti lem hleilo hian a û tih ang ang a tih ve phet a tum bawk a.Fa pahnih chiah kan la nei chungin kan buai ve map map thin ania.
"Marcus,Duati ipa va hmuak ru le" ka fapa anau vanga lukawlh ta vek chuan anau rawn kai in kawtzawl lamah an tlanchhuaka,apa rawn haw dawn hnaih hian kawtah anlo hmuak kher zel.Apa lawmah atla a,Garage a motor a hûn fel chhung tal tiin a phur tel kher zel bawk.
Ka chawhmeh chhuan off in ka zui chhuak ve nghal a,U Zorina chu rawn tlanlut ve chiahin naupang te an hmu chiah chu a hawihai angreng viau, Marcus chu melhin min rawn melh leh thin, chutah thil thlen dan man thiam nghal in a fanu duat chu a melh a,a nui chhuak ta hawk hawk.Duati thil tih anih tawh chuan a hau phal ngailo, a sawi dan takah "naupang sual an awm a,mahse naupang sial chi hi an awm ve hrim hrim bawk.Duati hi chu naupang sial ania"tiin a fanu hi a chhan tlat zel.
An pafa thum chuan an rawn inzui lut a,A ban lehlam lehlam in a fate chu a rawn pawm lut kher bawk.
"Duati thil tih ani em?" A enga mah hma chuan ka bul a rawn thlen rual in a ti nghal tawng a,ala nui pah suk suk bawk.
"Nilo se amak tawh zawk ngawt ang chu"ka lo ti hmuk chu nui ruh ruh in "a to leh mai dawn alawm" a ti awlsam then mai.
Zanriah kan kil a,Felicia pawh kum te a vei leh nual tawh nen a inla nula ve reuh tawh lutuk.Drawing lam a tui chho viau a,lawmman te pawh a rawn hawn leh nawlh thin! An school ai awha chhuak turin tunah hian a inpuahchah mek a,U Zorina'n colour tha tak tak leisak in tunlai chu a school banah pawh anau te achhaih hman meuh tawhlo,a room ah inpuahchah in a tawm deuh chawt zel.
"Naupang thawmhnaw hi ken âm deuh ka duh sia,luggage hi kan keng chho rup mai dawn ami?"ka ti deuh ha a,nithum chamin kan khaw lamah kan zin dawn a,naupang thawmhnaw ken tam angai dawn ruahsur duh hunlai ala nia,an inti berh leh nasa dawn tih lah sawi ngailo in a chiang sa.
"Apawilo khawp ang,motor kan keng dawn tho a ahnawk tham lo ang" a ti ve mai bawk.
"Sawmtea awm lai a han chhoh kha ka duh sia,nilo se karleh lamah han kal zawk ilang kan châm rei thei deuh ang mawle"ka ti na na a,Sawmtea pawh tunah chuan Bihar FC tan akhel ve tawh a,sum pawh alalut hnem ve tawh angreng viau.A line tur tak alo ni niang mimal chawimawina pawh a rawn hawn nual zel.Tunlai hi chawlh hmanga a rawn haw lai tak ania,a chawlh lai chuhin keini pawh zin chhoh tum kan ni.
A tukah chuan naupang ho nen zing hma takah kan chhuak a,naupang phur tur kan nih vangin motor tlân rem deuh lai kan chuh ani.Kan fate chu an mutui lai kaitho kan ni bawk a an mood a fuh viaulo.Seat hnungah thutpui in min nghengin an muthlu deuh lawp lawp.
Chawhma dar sawm dawnah kan khua kan lut a,ka putea te in kan thleng chu anlo ri nghal hlut.Sawmtea'n Marcus a pawmhrang nghal hmak a,ka pitei'n Duati ala ve nghal zat bawk.Mak deuh chu Duati leh Pitei hi an in ngaina lutuk hi ani! Pitei pawhin angai in zanah te hian a rawn video call ngun thei viau.
"Aputea chu mama in ph ah min en tir che sin"ngaisang zeta Marcusan aputea abia chu apa nen kanlo nuihpui hak hak a,a tawngtheih tirh atang aputea hi chu angaisang tawh.
"Chaw tam deuh deuhin ei la,hei aia lianpui inih hunah ka hruai ve daih ang che"Sawmtea chuan naupangchhia zetin achhang ve zel bawk.
"Melo,han thu hahdam ula,chhangban hi kang teh ang u.Inlo kal dawn vangin nimin lamah Omomi ka her tir a,a tui ngawt ang ei akhat bawk a" pitei'n a tih chuan ka hahloh thu sawiin chhangphut chu ka hmet nghal a,chhangban kan hi chu engtik lai pawhin tui ka ti em em reng mai ani.
Kan fate chuan nuam an han ti khawp a,khu lamah tual an chhuak ngai silo.Helam lah lirthei a tlemin an duhtawk in tual an chai thei a,naupang harhvang chi anlo ni kher bawk nen nuam ti dun tak an ni.Thenawm nau te nen pawh an inkawm thei nghal mai bawk.Tunhma a kan infiam thin dan in dehchan te an han ti a,Marcus leh Duati lah an la nau deuhin atihdan an hre vak silo,an û te lahin tihdan hrilh in an ûm pawhin an han ûm muang der vel ta thin a, nu leh pa tan chuan fate hlim taka tual an chai tluka hmuhnawm avang viau ang.
Thlantla khawpa infiam ngailo an han infiam takah chuan thlaihnah ngaina lo lutuk Marcus pawhin antam buhchiar chawm a ei ve ta puk puk a,khawpui lama dimdawi deuha kan enkawl aiin an hrisel duh zawk dawn hian ka hre thar a,naupang dimdawi deuha enkawl ai chuan han enliam lui ve deuh ilang,an mahni tlat tlat a tlat tir chang te nei ilang an hrisel phah zawk ka ring nghet bur tawh.
"A nuam e" kan zan mu chu kan ti chhuak ngawt pek!
Kan pa chu nui che dawt hian "kan zin chho fo dawn nia" a ti zawi sup a,Duati a rawn che hrut hrut a ka hnute a rawn dap chuan kan nui dun hak.Hnute zanlai a han dap rawk rawk hi ala hrat ve reuh a,apa lah hian ka nghei tir hma tiin afate hi akhawngaih leh thin.
"Papa, ka zunchhuak"Marcus pawh meng mang hlei lo in a rawn thu chhuak nawlh!
"Tho ang aw"ti hlutin afapa zun pui turin a thawhpui ve nghal mai bawk.Marcus zawk hian a tet deuh lai khan min bawhbuai zawk chang angah a,mahse tun hnu hian a pa kher tih chang anei ngun ta viau.Duati erawhin engtik lai pawhin apa alam reng thin thung.Keichuan an sualna ah ka hau a,ka lo zaidam zawk zawk lo nen duh aiin ka awrawl ka lo pe vin leh thin a,U Zorina erawh mipa thinawrh lutuk tia a tira ka hriat thin ang kha anilo! A fate lakah leh kei ngei lakah pawh a dawnthei in tawngkam vin ahman khum awm pawh hi ka la hre lo!
A tuk ah hma takah tho in Omomi rawng ka bawl chhawk a,ani pawh a fel ve tawh lutuk.Tlâng veng atang tlangval fel deuh hian a rawn birh deuh tlut tlut thin ani awm e,tihhuk lam ahnai maithei ani.
Ka putea huan hnai ah kal tumin kan chhungkua chuan kan insiam a,chaw fûn in chawhmeh erawh ahmuna siam turin kan ti thung.
Kan motor in kan chhungkua leh ka pitei kan chuang a,Tripper in Sawmtea leh putea,omomi nen an rawn inphur ve bawk.Huan hnai te mah nise ke a han kal nan chuan ahla tham ve tho a,thlai eng engemaw a hmingin an dah ve mai mai chauh bawk.
Kan fate'n nuam an han ti khawp a,kei leh U Zorina pawh kan bang chuanglo.Fanghma leh theihai lo rah hmin tuarh mai te chu kan lo zung zung a,Pitei ten maian anlo sik mawlh mawlh bawk.
Ram a maian bai thar ngei mai nena chaw han fâk chu chaw ei a tui duhin anuam ngawih ngawuh.Naupang ho erawh ni a sa bawk nen an zun te a in palh hlau in dâl chauh kan pe thung a,nuam an ti ve viau tho.
Kan haw hma hretin Marcusa zawk a tal chau ngang ni tur ani amuthlu daih a,apa'n pawmin Duati erawh ala harh tha viau.A pi in êm ah aphur a,Duati lahin nuam a ti ngang mai.A kut lehlama êm tlânga invuan ve tai in lehlam in fanghma tuai chu akeng bawk a,a nui tawp hleithei meuhlo.Alawmawm lutuk chu apa pawhin remlo zetin thla alaksak leh thin.
Aizawl lama kan chhukthlak leh hnu ni thum na vel atang Marcusa a hritlang in aman a,doctor rawn a damdawi kan pek hnu ah pawh khawsik in a thlah hleihtheih meuhloh vangin damdawiin kan luhpui ta tawp a,min lo admit nghal hmiah bawk.
Naupang tih nuam lutuk ni thin kha an damlo ta chu min si lo in a awm duh ta derlo a,apa pawh in ala hrang thei derlo bawk!
"Bawiha,i nu achau lutuk ange kalo pawm ve tawh ang che "apa'n a tih pawhin a duh derlo.A rit tham in naupang chum chi ani kher bawk nen han inpuak nilen tak tak chuan zanlam ah ka sil urh zel.Ka hah lutuk hlau in U Zorina'n ka puak lai te hian a mawng lamah akutin alo dawm tel ta tawp thin a, nilo se chuan ka chau thei viau in ka ring.
A û a dam tan chauh a Duati'n an bei ve leh a,hospital lamah luhpui tawh lo in natna dang te an kai palh hlau in in lamah kan in enkawl zawm ta ringawt.A û ang chiahin Duati pawh chuan ka puak kher te a rawn duh veleh thin a,ani erawh apa lakhran a duh hlauh a azia viau thung.
Chhûn lama ka tal chauh tehlul nen zanrei lamah ka muhil thei der lo a! Ka fate pahnih chu ka bulah mu in an mutui siai siai tawh viau.Ka ding lamah ka pasal tui zetin a mu bawk a,kei erawh muhil theilo in ka pasal fanaute tih harh hlau zetin ka che leh zeuh thin.
A tawpah phei chuan ka ke rawn sahal in ka tuar thei ta nganglo a, ka tho ta hluai ringawt.
"Bawihi,i nuamsam lo em ni?"ka thawh rual deuh thawin ka pasal in a rawn ti ve nghal zat!
"Aih neilo e,ka ti harh che ami?"
"No, ka la mu nghet lo zawk" ti supin a rawn tho ve ta tho.
"Ka ke hi asa hat hat reng a,bathroom ah reilo te ka va chiah anga ka rawn mu leh ang, lo tho ve duh kher suh" ti a bathroom lam pan ka tum chu room sofa ah thu turin min hui zeuh.
"I ke dehna tur ka lo la zawk ang,zân a rei tawh hritlang i kai ve palh hlauh ange" ti in amah zawk chu a che nghal zung zung.A tih ang ang chuan sofa ah thu in ka ke chuan chhuat dai chu ka rap a,U Zorina chu chawhtawlh lian vaklo ah tui chawi in a rawn chhuak ve leh.
"He tah hian chiah la azia mai ang,kan fate an hritlang sa bawk si,vur chu la tello zawk teh ang i kai ve palh ang" a ti zui sup a, amah zawk chuan ka ke chu la kangin chawhtawlh chhungah min rah tir a, ahmet pah neuh neuh bawk.
Marcus leh Duati ka pai laia ka ke sahal min dehsak tum kha hrechhuak in ka nui hak a, mit ti zim sunin min rawn melh chho nghal.
"Marcus leh Duati ka pai lai pawh khan tiang hian ke sahal vangin kan buai tawh kha" ka tih chuan hrechhuak ve ni awm takin a kiai suk a, chutah "an nau tur kan lo siam leh reng tawh ani thei mai angem?" Chimawm zetin a rawn ti hlut!
"Awihawmloh emai a" ka ti hlak nangin keihi nau ka lo pai ru leh reng tawh zawk thei tho.Naupai ka huat loh em vangin ka hrelo pawh ani thei a,mahse beiseina han tihsan nghal vak erawh ka duhlo thung.Kan fate kum hnih an tlin khan nau pai leh lam chu kan ngaihtuah daih tawh,mahse Pathian in rem a tilo nge tun thlengin kan la pai leh lo chu ania.U Zorina hian unau an tlem em vangin hrehawm tih chang aneih thin thu a sawi thin a,chuvang chuan kei pawh ka hrisel tha anih chuan indanna hman a phal miahlo.
Julie a ruka test kit chahin kan ina rawn kawi turin ka ti a,kan pa hna bân hma ngeia lo in check ka duh bawk.
Ka tur nasa bawk nen a rawn thleng harlo viau, ani pui lah hi hmangaihna lamah a tluanglo a,tun thlengin ala nula! Ngaihzawng a hûng duah a,neih tlak tumah zu hmu chuanglo amawle! Ka nau hi min chhaih thinrim nan 'ka nghak chhuak dawn' a ti fiamthu fo zel,Sawmtea pawh Julie leh Nuni chhaih ah alai duh tawh biklo a,ani pawhin ngaihzawng nghet anei ve tawh bawk nen Julie fiamthu chu kan nuihpui vel mai mai tawh.
"Ninawm in neihsa pawh sawitham khawpin an harh a,pai belh hrih tawh suh u" tih pahin test kit pathum ngawt min pe a, "Lalnunui lah a hring ve tep tawh bawk si,keimah in nula senior min nih tir ringawt in tum a" ala âng tui viau.Nuni nen pasal fanau kan neihsan ve ve tawh sia,aruk tak chuan hrehawm tih chang anei ve thin ang.
"Awi! Lal Julie! Ka rai ania aw, a pathum ah hian a positive vek" ti hluai in bathroom atang ka rak teng tung mai.
"Umm in thei pap pap khawp mai" bathroom atanga ka chhuak chu alo ti kher a,ahnu ah erawh min lawmpui leh viau thung.
"Kan pa rawn haw hunah engtin nge ka hrilh ang? Alawm ve ngawt ang" ka hlim lutuk chu ka za chung ani ber.
" Tihder la,midang lakah fa ka pai ti la" a tih chuan kan nui dun nghal hak hak.Ti tak tak ilang chuan min be duhlo rei viau ang,tun thleng hian mipa dang ka biak that deuh hian ala thîk thin nia!
U Zorina rawn haw chuan hmanhmawh zetin room ah ka luhpui a,hlim zetin test kit pakhat chu akutah ka dah.
"Hei..Bawihi" ti ro halhin min enin test kit chu a en leh thin. A hnu ah rawn nui chhuak hawkin min kuahbet nghal nawk a,ka bekah ahmui nawr vang vanga inla hrang lehin ka hmazawn ah a thing thi a,ka kawrhak hlîmin ka dul ah ahmui anawr leh nghal vang vang.
*A TAWP TA*
#ka story ziah ngaihnawm pawh ani kherlo ang
min ngaihhlut sak a min lo chhiar sak avangin lawmthu ka sawi mawlh mawlh a,minlo la chhiarsak zel turin ka ngen nghal bawk cheu nise.Group lam ho an thu mai sia,a changtute ah thi tumah an awm talo anih kha
.Muttui vek ule.
Show post links
Top