DEAR JOHN BY MAWITEI BAWITLUNG (Completed)

[mawitei bawihtlung]

DEAR JOHN






CHAPTER 13






“A na" ka chêt velna ah ka taksa chu ana ṭhum mai. Ka meng chhuaka, u John-a chuan min lo kuahin ala muhîl sak sak mai, ka pasal a nita mai chu awih a har lek lek mai. An ina ka awm tirh kha chuan hetiang hi a thleng ang tih ka ring phalo.






Inlet in ka kuah nghal thaka, ka kap lam chu ana ṭhum mai, ṭhen sakin ka thaw chhuak ham hama. U Johna hnar ngul sâng vah mai te, a mithmul sâp mithmul ang maia tam leh mawi zet te chu ka enkuala, sawisêlna tûr rêng ka hrelo, a hmui nalh leh sen châk mai te chu a mawi takzet, a duk ve miahlo bawk.







Ka kut chuan khawih sakin a hnar vêl te chu ka rin riak riaka, a harh miah lo zui. Nui ver verin a sam thur sâng mai chu ka khawih leha, zingkar hmuh atân chuan a ṭha mah mah ani. Hetiang khawpa mipa hmelṭha hi ka pasal turin ka suangtuah ngai lova, ngaihtuah pawh ka ngaihtuah pha heklo, keiang thingtlâng hmeichhia, vun no leh ngo tak nei lo tân phei chuan suangtuahna pawh kan ngam ṭawk ania.








Chutah ka hmai te a bawlin hmêl chhuan tur ka neilova, retheihna in min la bual zui. Ka phu loh zia ka hre chiang tulh tulha, mahse ka hmangaihna a zual ve zêl thung si.






“Muhil hmêlṭha bawk, muhil lo pawhin hmelṭha tho bawk si, engtin nge kei ang mi mawl, thiam neilo leh hmelṭha lo zunah hian i uai mai theih tih hi ka inzâwt fo asin. I mit a â a ni ngei ang, keiai ṭha tam tak i hmu dâwn si a; mahse chûng mite zinga i thlan ka ni hi ka lâwmna ber a ni bawk si, John Zohlimpui ka tân hian vântirhkoh i ni ringawt" ti a phun sap sap in a taksa la ruak kang chu ka kuah nghet sauha.







Chuveleh ka kâwng chu rawn vuanin a lamah min pawt hnai sauha, a harh tih ka hre nghal. A mitmeng sexy zet chu rawn meng chhuak ruai ruaiin ka mitah tak a rawn melh nghal chata, ka lo nuih sen sen mai. “Morning John" tiin a âwmah chuan ka thai sak riak riaka, min wish letin ka kut chu humin a fâwp zauha.







“I chau em?" a rawn ti supa, a aw chu tho phang tih takah a thâm chhâl mai. Lu thing nar narin a biangah chuan ka vuana “Ka chau lo, mahse ka zep lo, ka na ṭhûm mai, ka ni nghulh hian ka hria" ka tihchuan a nui suka, ka kâwngah chuan a hmer salh bawk.







“Kan tileh ang chu ka ti a sin" a tihlai chuan pawnlamah thâwm bengchheng tak a rawn awma, u Cindy thinrim au ri a ni tlatin ka hria, u John-a chu en haw in ka tho chhuak vata, ka thawmhnaw chu ka inbel mawlh mawlh bawk, u John-a pawh chuti bawk.






Kan pahnih chuan pâwnlamah chhuak dunin u Cindy ka nu te ho in an lo chelhbeh chu kan hmu nghal “Mi tenawm pahnih, rawn hnai teh u. Nang thingtlâng nu kha, mi pasal chhuhsakin hlim takin i la nui thei a maw? Tenawm lutuk, Puipuii hi ka fa a nih hi, a nu i ni ngai lovang, thingtlâng ṭawp hnawk nu" a thusawi duh dân avang chuan ka inthiamlohna pawh a reh vek.








“U Cindy, nangmah zâwkin a nih kha u John-a phatsan a uire chu, in inṭhen hnuah kei nen chuan kan awm chauh, chu chu a pawi em ni? Tin, i ṭawng dan ṭhin media a min sawi dan te pawh ka hmu in ka hre ve vek tho, ka ngawih reng ṭhin avâng hian ka dawihzep a ni hauhlo ania" ti ve fakin ka kut chu ka kuangkuah ata.







Ni e, mi ka fiamin fiam pawh ka dâwl ve viau, mahsela ngeiawm tâwp khawk leh ṭawngkam midangte tâna nuihzatthlâk mahsela a dawngtu tân erawh nuihzatthlâk miah siloh hi a awm, hetiang mite hi chu chhân let ngei ngei ka duh ṭhin. Ka dawhthei ka intih ve viau ṭhin lai hian an ṭawngkam a zirin ka dawhtheilo ve bawk.






Midangte hmuh theiha engtin emaw a in tih fo te, in sawichhiat leh mite nuihzat tura in tih te hi tumahin kan duh hauh lovang, mite hi an dawhtheih êm avanga fiam reng leh na tak tak, ṭawngkam ngeiawm pui puia kan tih reng chuan dawhtheihna hian tâwp chin a neiin chu chuan a tâwpah ṭhian pawh hmelma ah a chhuah theih tih hi hriat reng tur.






Milâr te pawh, milâr an nihna angin negative comment an dawng renga, mahse an ngawi ṭang ṭanga, ngawi theiloa siamtu chu mipui te bawk. Kan sawichhe renga, khatiang reng kha tu in nge tuar reng thei bîk ang, an chhan let ruala thinrim nghal ṭhin mi hian mite hi an lar avâng ringawt te hian duh maka sawisel hi sim a hun takzet, ringtu kan inti vek si a.






“I zak theilo takzet, ka fanu hi ka rawn hruai khawp ang, John hre rawh ka fanu hi ka bulah ngei hian ala awm ang" tiin thinrim taka min en chung chuan a chhuak zuia, ka ngawi reng. Inneih tuka hriat atân chuan a rapthlâk mah mah a ni, u John-a erawhin engah a ngaih hmel loh, ka nute chu be mawlh mawlh in keiin Puipuii min rawn ban chu ka pawm nawlha.








Veranda lamah ka chhuahpui daih bawk, Aizawl khawpui chu ka thlira, u Cindy thusawite chuan min ti danglam lo theilo, engtiang chiahin nge min sawi leh duh ang? Tûn laiah a lehlam thu hre hmasa lova mi thla hauh kan pe na em em mai si a.






“Â nu" Puipuii chu ka en zawka, min rawn nuih ver ver tâkah chuan nuih letin a biangah chuan ka fawh sak vang vanga, ka fanu tak tak angin ka hmangaih a ni. Rilru hah lai pawhin min tihlimtu a ni miaua.







“Hetah a nimaw in lo awm?" u John-a chuan ka hnung lam aṭanga min rawn kuahin ka darah chuan a rawn beia, chu tih pah chuan Puipuii chu a fiam pah zauh zauha “I rilru ti hah buai duh suh, a bialpa in a nei duh silova a rilru a buai a nih kha. Engkim miin an hria a lawm, ṭawng chhuak ve lo mah ila mite hi an â nileng bik lo ania" tiin ka biangah chuan a rawn fawp zauh va.








A thusawi chu dik mahse mi zawng zawng rilru erawh a ni hauh lo ang, tun angah mi pasal chhuhsak ang phei chu an hmuhdan a râpthlakin ânchhia lai kan phuh chhuak ṭhin si s, u John-a nên erawh chutiang em em chu kan nilo tihchu an hre tho ang.







Nghêng hnai talh talhin “Ka hlauthâwng ani, keimah lam chu ngaihtuah ka ngailo; mahse Puipuii hi a ni ka ngaihtuah, min rawn chuhpui ta se kan chang angem, dân hian hmeichhiate hi a humin nu ngat phei chu a fa nen ṭhen hran hi an phal lo nasa mai si a, tûnah a niin pasal a neilova, keini lah heti hi kan ni ta si a, kan lo ti hma mah mah em tih hi ka ngaihtuah ber ani" tiin ka rilru dik tak chu ka hrilha.








A rawn thaw chhuak leh suai suai mai “Hahdam takin awm rawh, keimah in engkim ka chingfel mai ang. Chutiangin a rawn che mai ngam dâwn lo, engkim chiang takin a hria a, a uire hmasa zâwk a ni tih a inhria a lâwm, engmah sawi mai angam lo tawp ang, min ring tawp rawh, ka hmangaih che a, nang chu englai pawha ka bula awm tura ka duh vâng che a ni. Kan inneih thutiam kha hre reng rawh, a nuamah emaw, a hrehawm emaw, bawrhsawm lai leh lungngaih lai pawhin kan tih kha" tiin a nui haka, nui ve in ka thaw huai bawk.







“Um...engti kawng zâwng pawhin Puipuii hi chân ka duhlo, ka fa a nih loh avâng hian i hlauthâwng mai thei, mahse ka tân chuan ka hrin nen danglamna an awm dâwn chuang lo, a têt te aṭanga ka enkawl vâng nge ka tân chuan ka fa ang mai a ni" tisapin Puipuii ṭawng ve nasa lutuk chu enin ka nuih a.








“Hei vâng hian a lawm nupui tlâk i ni dâwn tih ka hriat, naupang i ngaihsaka, chumai nilo in kei ngei pawh nupa inkar buai reng renga ka awm laiin beiseina thar min pe zêl tu ini. I thusawi kha ka hria a, i hmelṭha lo inti tawh reng reng suh, hmelṭhat na hi chu kan hmai fangah nilo in kan nungchang leh mizia ah zâwk hian a ni a awm ni? A hmaifang ṭha in luck viau mahse a rilru a ṭhata, mipa ngaihsakna leh midang zahna aneih chuan loh chuan engmah lo mai ani" tiin inchhûng lamah chuan min luhpuia.







Ka nute ho pawh rawngbawlin an buai viau mai, ka nau pawh u Reman an inhnuai luah tur a awm thu leh a thlawna luaha a hna kalna a hnaih zâwk tûr thu a sawi avang leh an inluah tura ka nute a biak tlut tlut tâkah chuan kan rem ti hrama, kan bula chen kha a inthlahrung ve bawk nen a pawi ti miah lo lehnghâl, engtin tak awm tum ang maw? Kei erawhin kan hnênah awm se ka la ti fan thung.









“Chaw ei kan peih ṭêp e" tiin ka nau chu a rawn au lâng lânga, keini erawh u John-a nu leh pa bakah a unaute ho nen chuan titi hlawmin kan rak nawk nawk hlawma, an chhûngkua hi ka ngaisang takzet, an thil thlir dan a puitlingin hna an nei vek bawka. A nu leh pa hi an fakawm, an sawi dânah an thawh chhuahin an fate thil an lei mai mai ngai lova, an mahni ngeiina thawk chhuak turin an ti ṭhin, mi tam tak nu leh pa thawhchhuah a phone man to ber ber leh car leh bike lei ṭhinte nên chuan an in ang lo takzet.








Lehkha an thiam bakah kuthnathawh thlengin an zahpui lova, an nu leh pa thawh ring mai lovin an inhlawh fo tih an sawi ka hriaa, ka ngaisang zual sauh bawk. Hei vâng a nih hi u John-a pawh hetiang khawpa in ṭha a din theih ni.







Chaw ei khamah chuan midang chu an vak chhuak veka, kei leh u John-a chauh chu min dah leh ta ran mai, kan pahnih chuan roomah awm chawtin a châng leh kan intihhlima, kan nui dun hawk hawk reng mai.A hma anga muk run ang khan a awm tawh lem lova, tunah chuan a zia ta viau mai, a ṭawng ve bawrh bawrh zela, a ngainat awm zual sauh bawk.



ZAWMNA...






“Ka chau nghulh mai, mutthilh mai mai ka châk" tiin ka ham bai baia, u John-a chuan min rawn en nghal vut mai. “Lo mu la, ka hman hunah ka rawn kai tho ang che"Laptop a thil chhut mual mual phah chuan a rawn ti a, huiham hepa tak hi chu aw, a thusawi tum ka hre chiang nasa mai si.






“Aih ka mu duh, min rawn tiharh reng reng suh ang che. Tui tâwkin ka mu dâwn, nangmah avângin ka taksa te hi ala na ṭhem ṭhum ania" ti hlak hlakin ka insiam rem sat sata, a nui ri nghal suk mai.






Ka lam rawn hawi chuan “Ka sawi kha, keiin ka mamawh che a lawm. Hei vang hian ania inneih vat ka duh kha, i duh leh ka chêt laiin ilo muhil char char dâwn ania" sawi zah lah hi a nei der bawk silo, kei erawh ka hmai a sa leh hat hat tawh.






“I hur lutuk, min rawn tibuai reng reng suh" ka phun sapa, rawn nui hawk hawkin “Ka nupui hi ka mamawh si che alâwm, innei thar te kan nia a tur ve rêngah ngai rawh. Ka hmangaih che a, ka mamawh bawk che" tiin ka lamah a rawn pheia, ka mutthilh leh theih pawh ka ring lo e a, a tum tawh lah hi a sawhsawn duh ngai derlo, luhlul lutuk mai.








“Kal teh i hmelchhia" ka lo tihlak chu rum nghutin khumah chuan min delh tlu thlawpa, ka chungah chuan bawkin “Hmelchhia min tih tawp loh kha, ka nupui hmelṭha lutuk nu, ka hmangaih ngawih ngawih che" a rawn tih duah chuan ṭullo ti lutuk chuan ka lo ena, min la nuih vur vur zui lehnghâl.







“Min tlawn tum reng reng suh" ti a nui sen senin a nghâwngah chuan ka kuaha, thutak zâwka enin a hmuiah chuan keimah zâwk chuan fawpin duhthawh zetin a niin min rawn chhâng zuia, reiloteah kan thawmhnaw chu inphelh sakin thlan dap chung chuan kan inkuah leh hle hle a, ka nute ho lêng lah an rawn haw thei der lo lehnghala, eng tak va ti hlawm ang maw?









“Ka mamawh reng mai che chu a nih hi, hmeichhia ka lo kawp in bialnu te pawh high School aṭangin ka lo nei ve tawha; Mahse nang ang em em a min hneh tu an la awm lo, i nui ri, i hmêl leh i nungchang zawng zawng hian min hneh em em vek a nih hi maw? I rawn awm tirh aṭang khân i chetzia engkim kha ka chhuia, i mize ṭhatna leh ka fanu chena i enkawl dan khan min hneh ani ber mai, ka nupui in min phatsan in mipa dang a hmu fo tih ka hre bawk nên i lakah khân ka nupui avanga hmeichhia ka lo rin tawk lohna zawng zawng phelhin a awm ani" a tihchuan ngawi reng chuan ka lo ngaithlaa.









“Cindy kha ka hmangaih hauh lo nangin ka theih tawk chuan hmangaih tumin ka enkawl ve ṭhina, mahse nitina hna neia chhuah ngai ta chuan a duh ang ngaihsakna ka pe theilo pawh ania'ng, bialpa neiin chu pawh ka ṭhianpa unaupa ngei nen an in ngaizawng thei ania" tiin a nui suka “Inthiamlohna tur i nei hleinem, miin min dem mahse keichuan ka kalsan ngai lovang che, i chhungkua i enkawla, i hun awl neih chhuna i ngaihsakna ai baka hlu a awm hleinem, chuti chunga i lakah a lungawilo anihchuan inthiamlohna tur i nei miah lo" tiin a ban chu ka chûl sak hauh hauha.









Ni e, keimah ngei pawh inthiamlohna ka la neia, mahsela u Cindy zâwkin a uiresan hmasa tih ka hriat tâkah leh inṭhen hnuah chauh kan inkawp avâng hian ka inthiamlohna pawh a reh ve deuh zawk mai a ni. Ka insawi fihlim duh hauh lova, mi min sêlna zawng zawng pawh chhan lêt kher ka tum heklo, ka enliam anga nakinah chuan an reh ve mai ang tih hi ka ngaihdan a ni.









“Ni e, tûnah chuan ka nei tawh che a lawm, nupui ṭha tak i nih pawh ka beisei, ka hmangaih miau avang che in tei pawh nghak theilo in ka nei che a, ka lakah i lungawilo viau ang tih pawh ka ring, mahsela chân che ka hlau ema, ka ngaihtuahna i tibuai vek bawk nen, ngaihtuah chiang miahlo in ka nei chuk chuk che chu ania, mahse ka tiam a che. Ka ṭhen ngai hauh lovang che tih leh ka nupui hmasa nena kan inkar a thil thleng ang kha kan pahnih inkârah chuan thleng lo turin ka theih tâwp ka chhuah ang" tiin ka kut chu a hum vang vanga.








“Beisei ang, a rei anga i lung dum loh hi ka hlau ber, englai pawhin ka kiangah awm la, keimah bak hmeichhia i melh awm suh se tih hi ka duhthusam ani" tiin ka thaw ham hama, a awm ruak kangah chuan bei zuiin a dul patling ni tawh chunga kiar miah lo abs awm ṭang mai chu ka chûl sak heuh heuha.






“U John, i pian avan nalh em em. Ṭhenkhat te chu nupui an neih hian an in uluk peih tawh lova, dul kiar pui puiin an awm nghâl ania nang chu i van taima awm" tiin naupang chhia deuh tak chuan ka en chho ha a, amah hi kum 33 a ni tawha, tam tak ang chu nise a tui tui a ei thei bawk nen nau a pai emaw tih turin a dul hian hma a hruai luah tawh ngei ang.






Keiaia kum 8 a a upat avâng hian a hminga koh phawng phawng hi ka ngam heklo, “A ngai a lawm, ka thau nghal hnur chuan nang te hian min duh thei nang, tak takah exer lâk ṭhat hi taksa hriselna atân pawha a ṭhat avâng hian ka ṭhulh ngailo, chuvangte pawh chu a nimahna. Nang chu mum bial kung la ka duh mah zawk, naute i pai hunah phei chuan ei tur ei ṭha la ka duh ber dâwn ania" tiin ka dul chu naute awm tawh ang mai chuan a rawn chula.







Nui hakin a kut chu ka vuana “I duh rang emai, a insiam nghal mai bik nâng, Pathian thu thu a nimai, a niin rem a tihchuan kan pai anga, rem a tihloh leh vui thei lah kan nilo" amah kuah ngheh sauh pah chuan ka ti a, a thawk zâwnga a awm che chuan min ti kâng tel ve zel bawka, tûn hunah hi chuan ka hlim takzet.








Enge hmalam hunah kan tawh dawn ka hreloa, tûn huna kan hlimna ang hi bo mai lo in awm reng sela tih hi ka duhthusam a ni. Kan hlimna hi a chhiata, na taka awm hi ka hlauh ber a ni bawk “U John, min kalsan miah suh aw. Hlim takin kan nupa nun hi hmang chho ila, kan fate nena harsatna leh buaina tâwk lova awm hi ka duh takzet a ni; nimahsela kan hmahun atân duh kan thlang thei silo, keichuan englai pawha i kianga awm reng ka duh" ti a ka phun leh sap sap lai chuan kan chhûngte ho thâwm a rawn awma.








Tho chhuak vatin ka inha sawk sawka, naktuk lamah ka nute ho an haw dawn bawk nen an thil hawn tur an lei pah tih hriat takin an rawn inkhai bawr lûk mai, Puipuii rawn ṭap lût chu lo pawm vatin a ṭah chhan ka zawh chuan, step ah a rawn tlu a nih hmel, a khup vêl ka en chu a lo pilh niah mai.








“Bang rawh le, dam daih rawh se" ti a ka thlêm hauh hauh lai chuan “Âpa" tiin uar zetin a la ṭap al al mai, a nu tih a la thiam lutuk loh avâng hian a pa hming hi a lam tam phah viau a, “Aw haw, ka fanu chu enga tinge aw? Âpa bulah hian lo kal teh le" u John-a chuan rawn tiin an pafa chuan an in pawm zuia, Puipuii pawh a pa in a pawm takah chuan a ṭap pawh a bâng zui ve mai bawka.






U John-a a hre ve tawh bawk nen a ngaina in a lam ve reng zêl, Lily te nên chuan rawng bawlin an lênna chanchin vel chu a sawi mawlh mawlha, Rema an lo hruai tel a nih hmel, he mite pahnih hi an inkârah eng emaw tak chu a awm chiang a ni “u Rema nen hian in in ngaina viau a nimaw?" ka tihchuan zak tih hriat takin a kûn a, ka nuih hak mai.







“I u ka nih hi, engtin mah ka tilo ang che. Mahsela fimkhur la, mipa lakah kan inneih hma chuan inven a pawimawh ber. Mipa chu an inthup theia, an rilru nimiahlo pawh a tak ang maiin an sawi theihna lai hi fimkhur ngaihna lai ber a nia, i ngaihzawngah inrawlh ka tum hauh lova, mahse, i nat loh nan fimkhur la, puitling i ni ve tawha. I tana ṭha tur i hriattthiam ngei ka ring" ka tihchuan a rawn bu nghat nghata.








Rema nen chuan an lo la ni chiah loa, mahsela a ngaihsak viau a nih hmel, bu nghat nghatin thil dang chu ka sawi puia, helamah a awm ve tawh dâwn bawk nen ka nute pawh ka ngaihtuah viau nangin u John-an a ngaihven reng tur thu sawiin ngaihtuah lutuk lo turin min ti a, putea te an awm bawk nen an ni pawhin an theihna ah chuan in puih tawn an tum avângin ka ngaihtuah lutuk duh ta bik lo.








Chaw ei lai chuan ka nu leh u John-a chu an titi mawlh mawlha, ka nu lahin ka fel loh zia leh dawhthei taka min enkawl turin a chah ve bawka. U John-an min fakna erawh chuan min ti hlim veng veng thung, engmah sawi ve lem lo chuan midang zawng chuan chaw chu kan ei mawlh mawlha.






Chutih lai chuan kan naupang ber chu rawn ṭawngin u John-a hnênah motor lem chuan theih a awhzia a rawn sawi chuan ka nu nên kan lo khap vata, a ni pawh a ngawi nghal dâk mai.







Ka pasal inthlahrung taka ka en lai chuan a ni erawhin ka nau awh zâwng chu zawtin a nipawh kan hauh avâng nge a chhang ta mai lo a “Inthlahrung suh u, kan inhmu khât tawh dâwn sia, hei bak kan lei sak thei mai mai tawh dawn lo, naupang chu thil awh te an la ngaha, ka lei sak ange, enge i duh le?" tiin a zâwt leha.









“U John a ngailo, a chuang rei peih tak tak chuang lo ang, a tichhe leh thuai anga a uiawm mai mai" ka lo tivata, dik tak chuan ka nute ho thil a lei nasa tawh bawk nen a lakah ka inthlahrung lutuk tawh.





“A pawilo ka tih tawh kha, pawisa chu kan la thawk chhuak leh zêl thei alâwm, zaninah in va lei dawn ania, in hmuhna dâwrah chuan" tiin chaw chu a kham zuia, nuisâng mahse alakah ka inthlahrunna a lian tual tual, kham zui vatin room-ah chuan ka zui luta.








“Lei angailo ka tih kha, i inseng nasa tawh lutuk, a tâwk tawh i laka ka awm nawm lohna tur tih belh suh" ka tihchuan ka biangah a rawn dawm chata “Engvangin nge i awm chu anawm loh? Ka nupui ka taksa pêng pakhat i ni tawha, ka chhûngte hi i chhûngte an nih ang bawkin i chhûngte pawh ka chhûngte an ni, i naute pawh ka naute an ni bawk, engvang mahin inthlahrunna tur a awm lo, pawisa chu ka thawk chhuak leh mai dawn a lawm, thingtlâng aṭang chuan zin mai mai a har tih ka hria, min hnial lo hram teh, i lakah lungawihlohna tur ka nei miah lo ania, ka hmangaih che ka tih kha, i chhûngte pawh ka hmangaih" tiin ka chalah chuan a rawn fawp vang vanga.







Inthiamlo viau mahila a thusawi avâng erawh chuan ka hlim viau thung si, amah ena dâk va chuan dingdihlipin ka fawp vang vanga “Ka lâwm e, keipawhin ka hmangaih che" tisapin a âwmah chuan ka bei ta kaka, ka thaw chhuak suai suai bawk, ka unaute chena a ngaihsakna hian a laka ka rilru pawh a ti nghet telh telh mai.








Mipa rilru ṭha tak a ni tih a hriat bawk, a hmaa sual hmel ka tih ṭhin ngei kha ka hriat chian tâkah chuan ka hmangaiha, a tello chuan ka awm theilo ta chu anih ber tawh hi.




CHRISTMAS VUAKVET CHU HLA ZIR LEH THINGPHURH NEN INDAIH A HARA, DUH ANG PAWHIN THAWNTHU KA ZIAK THEI RIHLO A NI E