CHAPTER 26
“Enge i rawn tih dâwn?" u Sangpuia chu ka en renga “In be lawk ang" a tihchuan thaw hakin “Ka duhlo, min tibuai tawh lo teh u Sangpui" tiin ka ding chhuaka, “Min duh ani lâwm ni? Engvanga i duh miah loh chu ngaizawng tlat nge i nih?" a rawn ti bul hmuka, engvanga chutiang thu la sawi ngam nge maw a nih le?.
“Ka duh ṭhin che alâwm, ni e Sama chu ka duh hleinem" tiin ka en chho a, a rawn nui nghal vur vur mai, “Ka hmangaih zâwk mawle, i hria em? Samuel Malsawmkima hi ka hmangaih, nangin min pek loh zawng zawng min pe a, hlimna min pe tu a ni a sin. I bula ka awmlai kha chuan rilru hah leh na reng rengin ka awma, Sama chuan hlimna asin min pêk ṭhin, vawikhat pawh min tina ngailo" ka tihchuan a nui hmel chu a bo hmaka.
Min kaiin pâwnlamah chuan min chhuahpuia “Min thlah rawh, min khawih tawh hlek suh" tiin ka au khuma, chutih lai tak chuan min rawn fawp chawt mai, namsawm tuma ka chêt veleh ka kut chu man betin min fâwp duhthawh sauha, ka tihngaihna hrelo chuan a hmuiah chuan ka seh sak ta vaka, min thlah rang ngei mai.
“Midang ka koh hma hian kalbo rawh, vawikhatmah ka hmuh theihah rawn in lan tawh suh. Samuela hi ka hmangaiha, nang chu enga tân mah ka ti tawh lo che, min rawn tibuai tawh suh" tiin ka au khum tuara, a hmui thi hru chung chuan a kalsawn zuia, ka thaw hak mai, engvanga ka laka beiseina la rawn nei fo nge a nih ni.
In chhûngah chuan lutin rawng chu ka bâwl zawm leha, Sama lah zânah bak a hman ṭha ṭhum meuhloa, chhûn an chawlh laiin min rawn be ziah ṭhin thunga. Chuti anih loh chuan hman loh châng a ngah ta bawk nen a chang chuan police a lo ni kher kher chu pawi ka ti leh hnuhnawh ṭhin.
Kan in be khât ta bawk nen ka ngai a ni ber mai, a hunawlah min rawn be ziah mahsela rei kan inbe thei ngai silo, ka thlakhlelhna pawh a zual sawtin ka be châk em em reng chu a nih hi.
Zân ah a message chânga ka online lai chuan dar 9 velah a message a rawn luta “Min phatsan ka ring ngailo asin, hlim takin in awm dâwn ania, ka lo tibuai rei lutuk cheu pawh a nimahna, ka awm lo chu nuam in ti viau ang chu" tih a rawn thawn avâng chuan angaihna hre lo zetin a message chu ka chhiar nawn leh ngata.
A danglam lo, enge a rawn sawi chhan ni ang? “Enge i sawi awmzia, Sam ka hrethiam miah lo a nia, ka phatsan hauh lo che" ka tihchuan a seen rang viau mai, “A nihchuan he thil hi enge" tiin voice record hi a rawn thawna, ka ngaithla nghal vat bawk, chutah mengkawkin ka inhum ruha, vawiin tlaia u Sangpuia nena kan in biakna vel kha ani a, Mahse u Sangpuia ka hnarna ho erawh engmah hriat tur a awm lo.
Tawite, ka duh ṭhin tih leh Sama ka duh loh thu ka sawi lai chiah kha a ni, ka hmangaih zâwk thu ka sawi lai erawh kha chu a awm miah lo. “He thil hi tunge rawn thawn che? Hetiang chiah kan sawilo, nilo a dik lo hul hual a ni" ka tihchuan pic a rawn thawn zuia, u Sangpuia min fâwp lai ngei mai kha a ni. Ka meng kâwk mai, tunge hetianga kan thla lo la duh tu hi?
“Fiahna ngei ka nei chungin i la pha duha, ilo rinawm hle mai. Hei vâng hian a nimaw ka lakah khân ilo inphal ngai miah loh? Hlim takin awm ang che u" tihchu a rawn sawia, a hnua message ka thawn pawh a en duh hek lo, ka call leh pawhin min chhâng duh miah lova, ka call nawn ve ngar ngar bawk.
Khati teh tawpa tâwpna a rawn siam mai kha hriatthiam har ka ti, atân ka in veng ve ṭâng ṭâng zâwk a ni si a. Tunge kha thil kha lo thawn ang? Nge ni a u Sangpuia khân khatiang tum sa rengin min rawn hmu nge ni ang?
“Sam ka thusawi ngaithla rawh, i hmuh chin chiahah ngaihdân siam suh, u Sangpuia khân ka inrinloh laiin min fawp alâwm, chuan ka thusawi pawh kha an cut a nih kha, nang chauh ka duh che" tihchu ka thawna, a seen rang viau.
“A tâwk, engkim a tawp tawh. Min rawn be buai tawh suh ang che" tih a rawn sawi hnuah status a up zuia “Hmeichhia hi chuan rinawmna an pianpui ve tak tak ngailo, lepchiah lutuk vek an ni. Hmangaih pawh an phulo" tihchu, ka in pet fan fana, ka mittui tla tur chu ka khap kir sak sak bawk.
HE THAWNTHU HI CHU KA STORY KA ZIAH KA TIH KHA AW
AWIHAWM LOH TIH NGAWT CHI NILO ANIA, A DIK TAK ERAWHIN KA ZIAK VEK LO A, A NGAIHNAWM NAN KHAWPUI LAM AWM ANG TEN TI KUAL VE NUAIH MAI MAI AW, A TLÂNGPUI ERAWH KA THIL TAWN TE ANIA, KA HER DANGLAM HRET THUNGA.Status chu up ve in Daduhi hla a mi ka duh lai thu chu ka la chhuaka “Tlang za rel thang pawh dâwn lovin, sul ang ka zui che a. Kha leh chen kha i ṭang ka bêl, kumtluang atân tiin. Tunah sirah min hnâwl ana ana ngei e" tihchu up in ka mu thla a.
Tûnah chuan ka beiseina neih ve chhun pawhin min kalsan ve leh ta mai chu ani si a, tinge ka nunah hian mipa hian cham rei hi an theih ve loh, min tina tur chiah hian em ni an lo luh bik ni? U Sangpuian min phatsana, tûnah Saman min ṭhen veleha, engtin nge ka tawrh tawh ang.
Engpawh chu ni sela, ka lo nghâk reng anga; engtikah emaw chuan a thinrim rehin ka thusawi te pawh a ngaithla ve mai thei asin.
Ka status chu a en ngei tih ka hria, mahse engmah a rawn sawi chuang lo. Kan status avâng chuan a ṭhiante'n min rawn be ta ngeia, engkim chu ka lo hrilha, ka ṭah a chhuak ṭeuh bawk. An lo biak ve tur thu sawi mahse engmah a ṭhat phah ka ring lo, a chhan chu Sama mizia ka hre chianga, a luhlul zia chenin.
Khumah chuan ka mu a, mittui nen chuan hla ngaithla in ka sakpuia, heti khawpa nat hi ka la neilo, u Sangpuia laka ka rilru na kha chu nêp te hi a ni ringawt. Thih mai chakna in ka khat bawk, “Di ka lo tawn tawh zawng zawng zingah, nang ang reng an la awmlo. Tiang ema hlimna min thlen theitu, tiang ema ka thinlung hliamtu" tihchu status in ka offline zui ta daiha.
Ni e, min be duh lova, message a chhâng duh heklo. Phone aṭang ringawt chuan engmah kan sawi fel ngai dawnlo tih ka hria, a rawn haw hun ka lo nghâk mai ang chu. Bul kan ṭan dan ka ngaihtuah a, ho lam taka tâwp tur chuan ka phal ngang lo, lo tawng lo law law ila ṭha zâwk tûr.
Zankhua chuan ka ṭapa, ka muhil theilo. Zan dangah kha chuan reilote pawh kan in biak kha chuan tui takin ka muhil thei ṭhina, tûnah erawh rilru na em em chung chuan mutthilh a har a ni.
A tûk lamah pawh biak ka tuma. Mahse ka call a chhâng ngai lo, min block lo tih ka hriat na chu a status aṭangin a ni. An thawhpui ni ngei tur hmeichhe chhelo zet nena an thlalak dunna chu a status bawka, “Khawpui nula hmelṭha leh mahnia in châwm thei ngei,chhelo leh fel em em mai ka thawhpui thei hi ka lawm hle" tih vel a ni a, an nui dûn sâng bawk.
A hmeichhia lah chuan a duh tih a awmdân aṭang chuan a hriat vek bawk. “Sam, min tihnat chu ilo châk viau a nimaw? Beidawng ngawih ngawiha ka awm châng pawhin nang tal chuan min kalsan ve ka ring ngailo asin, mahse ilo danglam bik miah silo" ti a phun sap sapin mittui luang ngiai ngiai chung chuan phone chu ka en renga.
Ka nute ho lah chu nu Chhingin a lo hrilh nge, rilru nat sa nen min rawn aukhum tawn tawna, haw tur te chuan min rawn ti thul. Kei erawhin Sama rawn haw hun nghah ka tum tlat thung, hmaichhan ngeiah thil kan sawi fel a nih loh chuan engmah a ṭha tak tak dawn lo tih ka hre chiang em a ni.
Ka nu leh ka pa lah ka lakah an thinrima, ka haw duh lo chu min rawn be duh tawh hek lo. Ka haw hunah engkim ka hrilh fiah mahna, kum chanve lai kan hmang leh tawha, kei pawh Sama awmdan a zirin Aizawlah ka let phawt ang chu.
Nitina a status hmuh erawh ka tân chuan a hrehawm a ni, zu hmuna an awm hote, a hmeichhe kuah nu nena an hlim lai hmel hmuh reng te chu hrehawm ka ti a, khaw mipui lahin kan inkar te, u Sangpuia nena kan inkar te kha an hre ve nge min rel sep sep renga, ka tan pawh khawlaia vah chhuah chu a chakawm tawh heklo.
A châng chuan ka hna bansanin, haw mai ka duh ve ut uta, mahsela Sama lo nghah chu ka duh em em bawk si.A khat tâwkin ka be renga, chhânna erawh ka dawng ngailo, heti khawp hian ka hmangaih a, a ni lah chuan min tihnatna tur a zawng ṭang ṭang bawk si.