DEAR JOHN BY MAWITEI BAWITLUNG (Completed)

[mawitei bawihtlung]

DEAR JOHN






CHAPTER 16





“U enga tinge" ka nau in luah ka thleng chu thil awmzia min lo zawt vata “Hetah ka lo awm rih ange, naktûkah ka haw ang" ka tihchuan mak tih hmel tak chuan min ena, ka ṭhu ngawi ngar mai, ka phone chu a rawn ri ve char char bawka, ka la duhlo. U Johna a ni dâwn tih ka hria, min buma bum satliah pawh a nilo, Puipuii nu ni turin min duh miah lo tih lah chiang reng.









Ka nau chu engkim ka hrilha, a ni pawhin min thinrim pui viau mai. Amahin ka nute pawh a be veka, engkim kan hrilh nghal vek bawk, ka nu lakah ka inthiam lo bawk nen biak pawh ka be ngamlo, keimah vâng vek a ni a. Mi pasal ka lo ngaizawnga, hêng hi chu ka tawrh tur ve reng a ni, an inṭhen mai avangin alakah beiseina ka lo neisang mah mah a ni e.









“Felfel" John Zohlimpuia aw ka hriat rualin kawngka ah chuan a rawn lang zuia. Ka lo en reng a, ka nau pawh ṭawng a tum lêm lo, kan nupa in kar a ni miau a lawm.






“Enge i rawn tih dâwn?" min rawn kuah mai a tum chu duh lo in ka lo vai sawna, a thaw nghâl hawk mai. “Haw ang, kan naute kan entir dâwn kha, Cindy nen in lo inhmu tih ka hria, engmah kan inkarah a thleng lo, nizân kha chu a nu leh pa in Bawihtei an ngai bawk nen ka riahpui mai mai a nih kha, mahse kan mu tlâng hauhlo ania, hrilh che duh mah ila i thinrim ka hlau bawk nen, a pa nên sawi dun tur ka neih bawk avangin ka riak mai ania" a rawn ti dam dapa.








“Engmah ka ngaithla duhlo, ka haw dawn inṭhen ka duh. I bulah ka awm duhlo, Puipuii tâna nu ka nih i phal tak tak lo tih ka hriat hian kha chen ka lo enkawl kha ka zak zâwk, min rawn hnaih tawh suh. A derin min neia, ka taksa chiah i it avângin min nei a nih ber hi, i fanu nu atân êm chuan min lo iai hle mai" tiin za lo zet chuan ka nui ro haka.









Ka mittui lah chu chhuah a châk zek zek bawk si, “Khatiangin ngai suh, nang bak a nu atâna duh ka nei hleinem, ka sawi kha a pa nên Puipuii chungchâng kan rel vang a nia, kan hnênah awm hlen turin ka duh si a, a nu lahin a bula awm tir a lo tum ve bawk nen kan sawi ho alâwm, thinrim suh aw. Haw ang" tiin ka biangah chuan a rawn dawma, ka hawi sawn leh hmak.








“Ka duh tawh lo che ka tih kha, hmuh che pawh ka duh tawh lo. Dawt vek a nih kha, u Cindy bula hlim taka i nui vêl kha ka hmuh hmaih i ring em ni? A nu tak ka ni hleinem, chu chu ka hrechiang ta hle bawk, a nu anga awm reng pawh ka tum tawhlo, haw rawh ka hmu duh tawh lo che" tiin ka ding chhuaka.







Ka nau room lam pan chuan kal tumin ka pen ṭan chiah chu min rawn pawm kâng nawlh mai “Zohlimpui min dahthla rawh, nang nêna bul ṭan pawh hi ka duh lo, naktukah ka haw dâwn" tiin a âwmah chuan ka bensak thlawpa “Nilo, min kalsan ka phal dâwn hauh lo, kan inṭhen hek lo ang, ka lakah thinrim ringawt lo la. Hmalam huna buaina kan tawh loh nâna ti ka ni, min ngaidam rawh" tiin ka chalah chuan a rawn fawp vang vanga.








“Ka duhlo, ka tâna a tha nat thlâk dân pawh i hrelo, i nupui hlui hmu in an inah i riak thei ania, chu mai nilo in keimah ngei dawt min la hrilh duh erawh kha chu ka lâwm theilo, min hmangaih pawh ka ring tawh nek love, min kalsan rawh. Nakinah kei min ṭhenin hmeichhe dang i la lût leh lo ang tih pawh ka sawi thei ta love, nang nên chuan in hnim hnaih ka duh lo" ti tawn tawnin ka tal leh vaka.








“Ka sawi tawh kha, a bulah ka riak lo, kan tlaivâr hial zawk a sin, ka chau teh a nia. Court kal an tih avangin a nu leh pa hmuh lai ngeiin a mipa kawp pa nen an chung châng ka sawia, an la duh lo anihchuan an video thleng ka neih thu a ka hrilh tâkah chuan Puipuii min rawn chuh lui ngam tawh dâwn hek lo, a ni ka hruai chhan erawh a pi leh pu an nihna angin leh a hringtute ngei an nih ve avâng mai a ni, Cindy hmu turin ka kal lo, dâwt ka hrilh loh che chuan rawn tel ve ṭalh i tum dâwna, thil a kal dik loh chuan i tân pawh a ṭhaloa ka hriat vang ani, inṭhen ka duhlo ka tih tawh kha, i haw a nihchuan kan rawn zui tho ang che" a tihchuan rum zetin ka ena.








A hmêlah chuan dawt a sawi lo tih erawh ka hria, mahse ka thinrimna ala reh thei chuang lo. “Tun atân chuan hmuh che ka duh lo a ni tawp mai, ka naute pawh rawn ngaihtuah suh. Haw rawh, Puipuii i rawn kalsan a nimaw, haw vang vang rawh" ka tihchuan a lu thing nur nurin ṭhutthlêngah chuan a ṭhu thla a, “Ka nute bulah ka dah, i rawn haw hma chu hetah hian kan awm anga a nimai, min tlânsan theihna hun remchâng pêk che ka tum reng reng lo" tinghutin a kut chu a kuangkuaha.









“Tilui tawh lo mai rawh, a thusawi kha a dik ve tho. Nang kal tel la, nuam i ti chuang lo ang. I pasal nupui hluite ina riah chu i duh dâwn chuanglo" ka nau chuan a rawn ti ve a, ka thaw hak ringawt “Bakah nau i pai tawh lehnghâl, inṭhen ula engtin nge i enkawl ang? Kan dinhmun i hria, ka nu phur kan tih rih belh leh dâwn asin" a rawn tih leh avâng chuan rum zetin ka ena.







“Ka hria ka nu kuta dah kher ka tum lo, a ni kuta dah pawh ka tumlo, a tello pawhin ka enkawl thei em em ang. Zohlimpui a huat in ka hua che tih hria la, haw phawt mai teh a nih loh chuan keimah hi ka chhuak leh zâwk mai ang" tiin ka che nghal zata.








“A mak thei emai, lunglian lutuk lo teh. Kan naute khân pa a mamawha, nu pawh a mamawh bawk, Puipuii chunga thleng ang kha thlen nawn tîr ka tum hauh lo a nia, i thutiam kha hre reng rawh. I duh chuan kut min thlâk la, min hrem mai rawh, ka kalsan dâwn chuang lo che u" tinghutin a rawn ding chhuaka.








Chuveleh a ban chu vuanin ka la kâng a, ka seh nghal vak bawk. Ka thinrimna zawng zawng chu hrikthlak ka tum a ni ber mai, ka seh ngawng ngawnga, a ni pawhin na a ti ve hle a niang a inpet ruh nasa mai. Ka thlah rual chuan phun hlukin “Khati em ema min seha, ka vun sehthlak i tum em ni?" tiin ka kutah kaiin pâwnlam chu min panpuia, ka nau chu kan haw tur thu a hrilh sup bawka.








La tum deuh bur chung chuan zui ve zelin ka ngawi reng thunga, car-a min ṭhut luh tir rual chuan ka kut ka kuangkuah hmak bawk. “Bawihtei chu a pite bulah riak mai rawh se, kan pahniha inbiak te pawh a ngai, i la lungawilo tih ka hria a nia" a rawn tihchuan en zawkin “Ka lungawi lo tih i hriat chuan ngawi reng khân khalh la a nihchu, theih phei se i hmaiah khan hnek sawk che a nia ka duh" ka tihchuan a rawn nui deuh hawka.







“Min lo hnek la" tiin a biang chu a rawn dawha, chu em chu tih ka duh lo. Pasalte kutthlak awt awt chîng nupui nih ka duhlo, thinrim viau mah ila ka pasal ka zah thiam pauh leh amah pawhin min zahthiam dâwn tih ka hre chianga, ka nu min hrilh fo pawh a ni.






Pasalte ngam lutuk reng reng hmeichhe ṭha an awm ngailo a ti ṭhin a nih kha, tûnlai nula tam tak pawh hi hnamdang tih dân angin kekawrte sexy tak tak nen ig reels an intih hmuha, an hnute an show vak vak bawka, Mizo te pawh hian zahna kan nei tlem tawh hle mai, sawisel haw em em siin mi sawisel turin kan awm reng thova.







Biakinah erawh puan bih fel thlapin kan pâwnlam nundan theihnghilh hmakin nula fel, KṬP a in hmang lutuk angin kan lang leh thiama, kan sakhuana nêna in mil lo lutuk tichho in mi ramin an ti alâwm tiin kan nun dan a tenawm tual tuala, mi nunah lo buai suh an tithla zena, an hnam an timualpho tihreng an hre silo, hnam hrang hrang hian lar pui bik thil kan neia, Mizote hian kan kristianna hi ramdangte mita fak kan hlawhna pawh a ni ve ṭhin.





Mahsela tûnah erawh kan ṭhalai nun pawlawh tak tak te avangin a ram pum nula leh tlangvâl ten hnam dang mite hmuhsitna kan tâwk chho ta zut a nih si hi, kristian in ti ve si tih kan hlawh ta fo a, a ṭhen lahin thlalak nen lam fiamthu thawh nân Biakina kan awm lai leh social media a kan in post dân dahkawpin hnamdang ho in min nuihzat a nih tawh ber hi.


A hmaa kristian tamna an tih kha, tûnah chuan vai kan tih ho pawhin hmeichhe inzuar tamna te an timai mai tawh ania.



“I lungawi lo emaw ka tia" tiin ka kutah chuan a rawn vuana “Min be tawh lo teh, ka thin i tirim teh a nia, ka rawn zui leh mai che avâng hian hlim viau suh, ka fa vang chauh a nih hi" tihmakin ka mit ka chhin san daiha.







“Aw le, vawiin chu hna ka kal lo mai ania'ng chu, a ruka lo tlanbo te i tum ang. I nu bul i thlen chuan zilhna ka dawng hrep dâwn si a, chutiang chu thlen tîr ka tum miah lo ania" tiin a tlân chhuak zuia, ka ngawi reng thung. Ka ril a ṭam bawk nen ka pum chu a ri kuar kuar mai, chu chu a hria a ni ngei ang ka lam a rawn hawi vata.









“Restaurant-ah chawlh i duh em? Chawl ang aw, inah rawng bawl sa a awm miah lo ania" a tihchuan ka bu nghata, hnial pawh ka tum lem lo, ka ril a ṭam bawk nen in eipuar phawt ka duh.






Kawngsira restaurant pakhatah chuan min luh puia, hnathawk te chuan min lo chiau au vat bawk. Ka duhzawng chu ka lam nghal zung zunga, amah rawn vêl pawh ka tum buai peihlo, ka thin a tirim bawka, thil kan lei ṭeuh bawk ange “Bawihi khatiang zât zât i ei zo thei dâwn em ni?" a rawn tihchuan ka melh ngheka.








“Thei e, keimah chiahin ka ei dâwn hleinem, ka ril a ṭam a nih hi, tinge ei phallo tur chuan min luh pui" tihmakin ka kut chu ka kuangkuaha, ṭhutthleng chu nghêngin amah chu ka melh ram mai.






“Chutiang pawh a nilo, ei rawh ka sawisêl em em pawh a nih loh kha, i duh zât zât ei rawh" tiin ka hmaah chuan ka thil chah ho chu a rawn nawr hnaia, chhâng tawh lem lo chuan ka ei nghal mial mial mai, ka ril a ṭam tawh bawk nen ka ei zo vek tak tak.








“I puar tawh em? Damdawiinah kan kal dâwn em ni?" a tihchuan ka hnial em em bîk lo, nau ka pai ngei em tih leh keimah hrim hrim pawh ka ṭhat leh ṭhat loh inhriat ka duh.





“A ṭha khawp ang, pasalten dawt min hrilh te hi engtia tawrh chi nge tihte, a damdawi a awm em tih te hi zawh ka duh" ka tihchuan ngeiawm tih hmêl lutuk hian min rawn ena.







“Engtin nge hetiang em em a i chimawm theih?" a rawn ti nui nui mai, nui hakin “Ka thil tawn a zir zêl mawle, kal vat ang. Ei man kha pe thuai rawh " tiin ka chhuahsana, hrem ve hlak ka duh bawk nen ka be ṭha duh der lo, a duh leh vui mai mai teh se.






Car bul ka thlen rual deuh thaw in a rawn langa, mit ka lo kân ak ringawt. Eng nge maw ni, dawt min hrilh man tihian ka thu thu in han awm phawt tehse “Damdawi in chu kal vat ila, kan haw leh vat ang chu. Mut ka duh ania" tiin Carah chuan ka ṭhu luta, min rawn zui ve vat bawk.







A damdawiin chhûng kan luh rual chuan mi an lo vei sup supa, a ṭhen lût lam leh a ṭhen chhuak lam chu an in dawt zut mai. Chutih lai chuan hmeichhe pakhat keimah ang rual vêl tur ṭap ri ka hriat chuan min ti ding data “Thu min tiam vek tawh kha, ka bulah i awm reng ang tiin min tiam kha, Lalrinsang rawn meng la min thlem leh dâwn lo em ni? Ngati nge hetiang zawnga min tih? Engtin nge i tello in ka awm tak ang? Lo thinrim khum lo che ila a ṭha tur, min rawn umzui lo la chuan hetiang hian ka hmuh a ngailo tur che, ka thiam loh vek a ni, lo meng leh teh. Min hmangaih kha, ngatinge keimah chiaha min kalsan, ka in nghahna neih ve chhun i ni asin"ti a hmeichhia rawn ṭap ri leh a bul lawka ruang tih hriat tak an rawn nawr chhuah lo kuah a ṭap rawih rawih chu ka en renga.








Ka hmelhriat nilo mahse a ṭap ri leh amah a tuar lutuk hmêl chuan min ti lungchhe ve tlat nia, u John-a kut chu vuanin ka in pet fan fana, “A khawngaih thlak emai, a hmelṭha reuh si. A bialpa a chân a nih saw" tisapin ka en chho a, min lo en in ka enna lam chu a en ve a, a rum nghal hak mai.






“I hmelhriat ni miah lo tân i lungchhia a maw? Bawihi, a ṭha leh vek mai ang. Thihna chu tute pawhin kan la tâwk dâwn a lawm,a la dam a te hian nun kan hman ṭhat hi a pawimawh rêng a sin" tiin ka chalah chuan min fawp zauhin min kalsawn pui zuia.







Doctor zingah hmeichhe lam doctor chu a ṭhianpa a lo ni bawk nen kan nghâk reilo, bakah awm an awm vak lo hrim hrima. Ka naute pawh a ṭhat thu leh keimah pawh ka hriselna vel enin ka hriselna pawh a ṭha tih a sawi chuan ka thaw huai mai.






“Doctor mipa dawt sawi hmang sim tirna damdawi hi a awm em?" ka tihchuan “Bawihi amak emai, sawi ziah lo teh chutiang a awm lo" a rawn ti hluka, Doctor pa chu a lo nui hawk hawk thung “Um karkhat vel be lo la a reh mai ang, a bulah mulo bawk la" a rawn tihchuan u John-a chu a mengrum tawh ngei mai.








“A teuhlo mai, ka bulah lo khawiah mah a mulo ange, kal ang" tiin min kaiin min chhuahpui leh dawr dawra, thinchhe si. A ke ah hian ka kalh zâwk dâwn emaw ni, mi hnuk dawr dawr reng mai.







Haw ka tum ve pawh ka rinaia ranga a rawn lang chuan min ṭhulh tir chiang hle mai.



A TÂWP ṬEP E, NEXT AH EMAW LAST TURAH NGAI ANG.