PSYCHIC _Volume-IV
Story From_Laltanpuia Hmar Aka @Hringnun Guru
Bung-1
Anchhia Em Ni?
Ka hming hi ka Pi boral tawh ka pi suakliani min sak a ni a. Ka nuin min hrin dawn hian min har hle a, keimah vangin emergency a awm a tul phah hial a ni. Mahse, Pathianin zah a ngai a, kei chauh nilo ka nu nen khawvel eng hi kan hmachhawn dun thei ta. Lalzahngaia' tiin ka pian veleh ka hming phuah a ni ta a ni.
Ka nu nunna derthawnga a awm vang te, ka pianchhuah danah harsatna kan tawh vang te'n Doctor nih ka chak thin a, naupang ka nih laia puitlin ka duh pakhat a ni ta a ni.
Tunah hian Kum sawm li leh panga na ka hmang ve ta. Doctor ni Turin Kum 2007 Kumah zoram medical college ah Mbbs Kum hnihna ka zo va.. Doctor nih tumna nen zirlaia ka rilru ka pek mek reng lai chuan taksa leh rilru lamah nasa takin buaina ka tawk ta a ni.
Doctor ka pan ta fo mai. Khami Kum, kum 2009 september thla ni hnuhnung ni 30 nilai ni ah Doctor pakhat a hming chu Doctor Hriatpuia ka pan tum a ni a. Mi pakhat mihring damlai hmel reng pu lo nen kan inkawm a, a hnu leh chanchin duhawm lo hriatreng tlak zinkawng chuan ka nun a her danglam chho ta daih a ni.
Kum 2014 Kum 30 ka nih Kum a ni a, Doctor ni tura rilru ka siam chu thlak danglam a ni ta a. Tunah chuan Presbyterian kohhran inrelbawlna hnuaiah Pastor ni tura thil tul te ka bitum ta a ni.
Doctor nih tuma ka beih laia taksa leh rilru lam harsatna ka tawh chungchangah khan kohhran leh khawtlangah beisei ka pha lo hle a. kawng leh lamah ka zir zelna tur chungchangah kan chhungkua chu kan phur tlang thin hle a, ka nu leh pa, ka chhungkua khan min thlawp tha thin hle a ni.
Rilru harsatna ka tawh vang chu a ni ngei ang. Hringnun hi ka fight ve a, Social anxiety an tih ang natna hi ka nei niin ka hre thin. A chang chuan mangchhia rapthlak tak tak ka nei thin a, chu mangchhia chu a la thleng ngei dawn nia hriatna te nen.
Rilru lam hriselna chungchang bik hi ka lehkha zir loh lam a ni a, mahse ka harsatna a'n nih ve takah ka tui pui chho ta a ni. Depression, anxiety disorder, schizophrenia, bipolar disorder leh rilru natna hrang hrang chungchang te chu ka ngaihven uluk chho ta hle a ni.
Ka buai zual lai phei chuan Professional help ka zawng a, licence therapist leh rilru lam mithiam ka pan ta thin a. A awlsam zawngin Stigma reduction an tih ka zawm a, support networks ka zawng a, damdawi leh therapy ka la a, ka chhungte hnen atangin warning sign keimah ah hmuh tur a awm em? Enge ka an? Mahni intihhlum tumna ka nei reng em? Emergency assistance ka zawng a, rilru natna nei te chungchangah tawnhriat nei te thu hla ka ngaithla a, ka zir bawk a. Ni e, Doctor nih ka duh chhan kha ka hrereng. Mahse tunah chuan Pastor ni Turin ka bei mek a ni ta si a? Hei hian chhan Lian tak a neih vang a ni.
Kha mi Kum, kum 2009 September thla tawpa Doctor Hriatpuia ka pan tum khan mihring damlai hmel reng pu lo mi pakhat nen kan titi dun ka ti a nih kha, kha kan titi kha rilru harsatna nei mi pahnih inkawmna mai nia a lan lai khan tun hun thlenga theihnghilh loh sernung Lian tak ka neih tak chhanah hian ka puh deuh nghe nghe thin a.
Khatia ka in entir zo in lama ka haw ta kha ka nu chuan min lo chhâwn thuai thuai a, ka inentir chungchang te min lo zawt a ni. Ka nu hnenah chuan mi pakhat nen kan inkawm luam chungchang te ka hrilh a, ka nu hnenah chuan a tan ka tawngtai sak tur thu ka tiam thu te, ka nu hnenah chuan tawngtaisak a mamawh thu leh damlo ve bawk anih thu te ka hrilh a ni.
Ka nu leh pa hi inlaichinnna tha tak nei an ni a, ka nu in a ngaihpawimawh ang thil chu a hrilh vek zel.
Kum tawp a'n nih chuan mak deuh mai hian kan chhungkua chuan vanduaina kan tawk ta a ni. Tlai khat chu ka nu khua a rawn sik haw hluah ringawt mai a, khum betin a tlun a ni zui mai a, ka pa mangang chuan khaw thenawm damdawi in ah ka nu chu hruai a duh ta nghal a. A zan a zan chuan damdawi in lam chu kan pan ta a ni. Ka nu na chu a lo serious hle a doctor chuan civil hospital lamah min lo reffer ta a.
Kar khat damdawi in a hun kan han hman takah chuan. Doctor chuan ka nu awmdan leh a khawsik sang tak avangin thluak lam natna niin a ngai a, neurological exam, imaging study (hei hi MRI emaw CT Scan ang hi a ni a)leh specialized test dang te tih a ni a. Mahse a natna chu hriatchian a ni ta lo a ni. Theihtawp an chhuah mek reng lai chuan ka nu chu kan chan ta mai a.
Kan hrilh a hai a, ka pa phei chuan ka nu boral chu a tuar zual hle niin ka hria.
Kum thar a han ni chho a, mak tak mai hian ka pa chu damlohna in a tlakbuak ve leh ta. A pum chu a nawm loh avangin damdawi in ah bawk chuan kan kal leh ta a. Ka pa pum chu a rawn puar Lian nasa hle a, Doctor te chuan cancer niin an ngai a ni.
Kan mang a ang hle a, ka pa chungchang thu thar chuan min ti hrilhhai hle a ni. Imaging study bawk chu an han ti leh a, mahse CT scan atang chuan ka pa pum chhung a bawk awm chu enge anih an hrechiang leh thei ta tlat lo mai. ka pa puma bawk a mi hnai chu an siak chhuak a, mahse ka pa chu a chauh phah zel thung. Doctor te chuan cancer tiin an prove ngam tlat lo.
Tih theih a awm lo zui a ni mai a, keini lam chu damdawi in atanga kan chhuah theih thu min hrilh a, beidawng takin in lama in enkawl Turin damdawi in chu kan chhuahsan ta a ni. Tawngtaina nen beiseina sang tak erawh kan nei ru lui tlat tho a. Mahse, beisei loh zawk kan ti dawn nge ni ka pa chuan min kalsan ve leh ta a ni.
Khami Kum ka nu boral Kum, Kum 2009 leh ka pa boral Kum, Kum 2010 atang a chhiar khan Kum 2013 Kum tawp lam thlengin thihna chuan min zui ta reng mai a. Kum 2011 kumah Ka unau nu min chhang chiah tu hi a boral veleh a. Kum tawp lamah ka u tho mipa nupui fanau nei tawh hi mak tak maiin a boral veleh bawk. A Kum leh Kum 2012 Kumah ka thian tha tak mai pakhat chu lungphu chawlin biak in chhungah a thi der mai a, chumi Kum vek Kum tawp lamah bawk ka thian dang pakhat a mu hlum veleh ringawt mai bawk.
Kum 2013 a inher chuan ngaia neih har tak Chu thihna bawk chuan mi rawn thawng leh ta a. Ka harsatna ka thlen ve na ber thin leh min ngaihtuah a min thlithlai reng tu kan thenawm pa chu a inawkhlum ringawt mai a, Kum tawp lamah bawk chuan Aizawl lama kan chhung, lehkha ka zirna kawnga kawng engkima min chhawmdawltu chu accident avangin a boral leh a.
Kum 2009 Kum atanga intan Kum 2013 thlenga Ka thian te, ka chhung te Kum tir lama thi te leh Kum tawp lama thi te hi an thih ni leh thla alo in ang chiah chiah vek mai a.
He thihna anchhia hian ka nun pum pui chu a nghawng a, nausen ang mai niin ka inhria. Enge beisei ve tur ka neih le? Dam chhan ka nei ve ta lo em ni?Enge ka tih ve tak ang? kei hi engtikah nge ka kal ang? Doctor nih tum kha ka ni a. Mahse doctor te chhanna pek theih loh thihna chuan mi run si a. Hemi hunlai hian rilru lama harsatna ka neih hi buaipui awm tak a ni rêng a. Heng thihna te hian a belhchhah nasa hle reng a ni.
Tin hemi Kum vekah hian Pastor pakhat thihna case chungchang khan ram pum a al hneh hle a. Pastor chu mahni intihlum ni a sawi a ni a, a thihdan case chhuitu Police Inspector chanchin sawi zui hlawh tak te, Pastor thihna case a zeldin leh ngaihruatna piang na sa tak te, inhnialna boruak vung tak chungchang te, Pastor thihna chungchangah chuan side A leh Side B a awm a ni awm e.mahsela thudik hriatchhuah a ni ta lo ni ah kei chuan ka ngai. Heti anih rual hian mi pakhat pastor thihna a rinhlelh chu man a ni ta tho thung.
Kum 2013 Kum a tawp hnu ah chuan mak tak taka ka chhungte, inlaichinna ka neihpui ka thian te thihna indawt zul reng mai chu a tawp ta a. Mahse, tun hun thlenga suangtuahna leh ngaihruatna mi neih tir leh thin tu a la ni ta fo mai a nih hi. Mahse, ka hrethiam ta a ni. He anchhia hi pehhel tumin sawtna a neilo tih hi. Tawngtaina te, Bible chhiar te, nunkawng tha chauh zawh te mahse chu chuan damna min thlen lova, hun kal tawh a kokir thei hek lo.
Pastor mahni intihlum ni a an sawi chungchang chu ka ngaihven ta a. Hman kum, Kum 2009 kuma ka thil tawn leh titi lengvak ka hriat zui nen khan inzawmna nghet tak an neih chu ka ring tlat a ni.
Ka chhungkua leh ka thian te suat mang tu he anchhia hian mi kal kan ta mahse. kei hian tih tur ka la nei ve ni niin ka ngai.
Mi pakhat ka hmuh a tul niin ka hria. Chu Chu keimah ang thoa rilru buaina nei a hming chu Police Inspector Remruata a ni. He pa nun hi mi tam tak chuan an hmu kim lo a ni. A lang lo lamah keimah ang bawka taksa leh rilru lama harsatna tawk mek a ni si a.
Pastor k. Lalngaihawma chu mahni intihlum a ti a. Thlarau sual leh ramhuai tihbuai niin a ngai a. A thutlukna siam avang chuan pressure nasa tak a tawk a. Mi tam takin an dem a, rilru leh taksa ah nasa takin tawngkhawngna nen an inbuan a ni. Mental hospital lamah a lut ta nge nge a. A case buaipui pawh chu investigation tih that leh a ni ta a. Inspector Remruata hringnun chu khawvel hran ang hlauh a ni chho ngei ang.
Ni e, ka hmuh ngei chu a tul tlat a ni. He pa hringnun hi thihna, anchhia ka tih mai hian a la chhui ve dawn chauh niin ka hria.
Kum 2009 kuma Doctor Hriatpuia'n harsatna avanga a hna a chhunzawm theih tak loh avanga doctor dang ka pan tum khan kawtkaiah ka thutna bulah tarmit dum vuah, t shirt vut buak rawng ha, track kekawr ha mi pakhat ka hmu a, a nau te ni ngei tur khan sir tiin an ko a, a ni kha tuna ka sawi Inspector Remruata hi a lo ni.
Kha mi Kum kha he anchhia in kan chhungkua min run Tanna Kum kha a ni a, a ni ka tawn hmasak berna a ni bawk. kha mi hunlai kha ka chhui let zel a, kha mi laia a case buaipui chungchang khan ka beng a verh hle a, ama ka ngei atanga kha mi tuma an case buaipui chungchang kha chipchiar a hriat ka duh ta a ni.
Anchhia in min tawpsan Kum, Kum 2013 anih khan Inspector Remruata bawk hi a chanchin ka hre leh a, a case buaipui chungchang chuan Mizoram a al hneh si a.
Kum 2013 Kum a Pastor k. LalNgaihawma case chungchang te, Kum 2009 kuma a case buaipui chungchang te chu chipchiara ka zawh a, ka titi pui a tul a ni. Tunge Damlo Lianzuala hi? Ka ngaihdan chuan he pa nen hian inlaichinna emaw eng inzawmna emaw tak chu Inspector hian a nei a ni.
Ka chhui theih chin ah hian ka duh khawp lo. Keiin anchhia ka tih, Doctor te leh Police ten thlarau sual leh ramhuai hnathawh ni a an puh thil hi a awm ngei em?.
Pastor ni tur hian academic institution leh tunah denominational affiliation hi ka zo fel chauh a, pastoral training leh mentorship, ordination hi ka hmabak leh tur a ni a. Ka hringnun mangchhia leh ka ngaihruatna te avang a nih a he kawng hi thlang ka nih ngai chuan ka kawng lo tur ka chhui a ni ngei ang.
Thla dawn a han vei leh takah chuan tunge damlo Lianzuala chu tih te, inspector Remruata hringnun chu enge? Hun kaltawh leh tun hunin eng inzawmna nge an neih? Anchhia hi tihtawp theih a ni em?
Chung zawhna te chhanna zawng tur chuan ka penchhuak dawn ta a ni. Tin, ka beisei anga thil a thleng anih chuan seminar turah kal ka tul vang a ni tel bawk ang.
Ka beisei angin A lehpek ni nilai ni ah tho chuan dak atangin lehkha pawimawh ka dawng ta a. Uluk takin ka chhiar a, kar thar lo awm turah Aizawl ka pan a tul dawn ta a ni.
Kar thar a lo ni a, Aizawl khawpui chhunga veng hmig langsar tak a nih vang te, a veng zau zawng leh a khaw mipui thahtnem dan atang te,
Kohhran, Sumdawnna, sawrkar leh tul dangah pawh office thut hmun anih vang chuan he veng hi Aizawl khawpui chhunga veng hriathlawh leh pawimawh tak a ni a, Hemi kan sawi mek hi mission vengthlang a ni.
Mission veng chhunga model veng bikah hian Khawtlang lam tlak lamah synod conference center a awm a. A bul hnaiah hian chhim chhak lamah students center a awm a, mission veng health center hian khawchhak lam ah a karcheh bawk. Chumi hmun, synod conference center ah chuan pastoral seminar nei turin naktip hian ka kal dawn a ni. Chumi hmunah chuan pastoral training leh mentorship chungchang kan zir dawn.
Ka pu te-a (sipai pension) chuan a hnena ka ngenna angin ka ruahmanna chu min tihfel sak ta reng a, zanin hian inspector Remruata hmu turin ka thangchhuah a tul ta a ni. Inspector Remruata ka titi pui theih nan hian ka putea hi a bulpui ber a ni a.
Ka mobile phone chu a lo ri a ka han la a.
A aw ka hriat a tumkhatna a ni a, inspector chu hrisellohnain a tlakbuak a nih loh ngat chuan ka rindan kha a chungah a thleng tihna a ni ngei ang.
Ka motor nen chuan ka inkhalh chhuak ta a.
Mission vengthlang atanga chhim lam, zalen cabin awmna chhaka arini Hotel kawtah chuan Mahindra Scorpio dum nalh tak hi ka hmu a, inspector Remruata motor anih ngei ka ring, hotel room number 08 third corridor ah chuan inspector Remruata chuan min lo nghak ran tawh a. A hmel ka hmuh khan Kum upa tak, a sam a pheng deuh nghe nghe a, a inthuamna thawmhnaw chul tak rawng da lam atang te, a mitmeng buai deuh leh tawng harsat hmel tak atang te chuan zu leh ruihho dang a khawih nasa ni ngeiin ka ngai, nupui fanau la nei lo ni ngeia rin Turin a kuttang tinah zungbun ka hmu lo bawk. Ka hmel a lo hmuh phat chuan thip zet hian min han melh a.
Mahse, inspector chu a landan ang lo takin Ka kut a vawnna thahrui chu a nghet cherh chawrh hle a. Mi thothang pe na mi leh thahnem ngaihna nei mi, thil ti mai mai lo deuh. Chutiang mi chu a nih ngei ka ring a ni. Mahse ka rindan hmasa zawk kha kan inspector Zia a ni ve thei tho bawk. Landan hi a nihna tak a nihna Chen hi a awm zawk thin si a.
PSYCHIC _Volume- IV
Bung hnihna
Inspector Remruata Hringnun Thuruk.
"Suangtuahna hi ka dah ropui lo a, ka Rinna te, ka beiseinate hi ka tan chuan chakna min petu, huaisenna ka neih dan hriltu a ni zawk.
"Hunin a liam pui nunhlui chu ka tan beiseina min petuah ka chhal lo va. Hun lo la awm tur beiseina zawkin.
"Hun inlumleh dan vanga a Rinna Thai bo thin nen thuhmun kan nilo maithei. A vawn tawh vuanrengtu Rinna hi a ni ka sawi Rinna chu.
"Rilru buai ti a hriat ka ni a.
"Damdawi dose sang tak tak ka ei thin a. Ka zan mu ka han chhin te reng hian tawnmangin min thawng fo mai.
"Engvangin nge Pastor thihna case a a hmawr ka bawk dan khan thutlukna fum fe a awm tir loh theih le?
"He pa Damlo Lianzuala ni a kan ngaih hi. Khami tum kan intawn hmasak bera ka nunna min chhanhim saktu a hmai a ser nei kha a ni si a.
"Hun leh hmun a awm a. A intanna leh a inmung hun lai a awm bawk.
"Ni leh thla a awm leh a, chu chuan min hailan sak fo thin si a.
"Hnuchhuina te, zeldin te, suangtuah te, Rinna te.
"Construction project chungchang te, building Lian leh changtluk tak chungchang te, a hna tur chungchang leh a thuam hna te chuan a intan chhan leh dan ah thutlukna felfai tak min pe reng a ni. Hei hi khaw pawn maia awm building pakhat tihchhiat tura ruahman chungchang ka sawina a ni.
"Mihring thinlung hi side A leh side B ah then a ni a.
"Khami Kum, Kum 2004 kuma a pasal kuttuar a thi ta Christina-i thihna ka buaipui khan he anchhia ka nuna anchhia hian min nang ching ta a ni.
"Mahse, kei chu Police Inspector tha leh mahni hna a inpe mi tak ka ni a, ka vawn tawh hnu pamtul leh hi ka harsatna a ni zawk. Ka duh ang leh ka ruahman anga thil ka thlen tir hian ka hna ah chawimawina ka hmu thin si a.
"Tunah chuan Police Inspector a hun hnuhnung hmang mek te pawh ka inchan ta.
"Inspector atang hian pension Turin pension authority kaihhnawih khawih tute lam ka pan a ni a, pension benefits chungchang ah ka fel leh a nih chuan ka tum ka hlen zel a ni ang?
Inspector Remruata hi Pastor Ngaihawma case a buaipui hnu khan case dang dang a buaipui leh nual a, chumi chho ah chuan a hringnuna mi pakhat, a hming victor vanlalpianga khan a zui zel a ni. Pastor k. Lamlngaihawma note bu chungchangah pawh khan nasa takin harsatna a tawk leh a ni a. Mahse mite hriatpui loh a hringnun phena thuruk chu a ni.
"Khami case ka zawh hnu khan case dang neuh neuh ka khawih leh nual. Mahse ka mimal nunah hian ka hmelma dik tak hi tunge a nih? Ka chhui fo mai.
"Dam lo Lianzuala angin victor vanpianga kha a inlan a. Victor vanpianga chuan nunhlui duhawm lo tak mai a nei a ni. A nupui pathum te chu mak tak vekin an boral a, a mah chu a nupui te that tu ah rin a ni a.
"Anchhia chu tihtawp dan a vang hle a. Dawi leh thlarau sual chungchang te chuan nuihzat leh dem a hlawh zui hle si a.
"A chang chuan mitthi te thlarau ka be thin a. Rin kual bial chhunga mombati chhit en te, chhinchhiahna te leh mitthi thlalak te chuan ka tih tur min puitlin sak thin a ni.
"Mizoram police department chuan Pastor case ah khan engmah thu leh hla ka neih zui an rem ti lova. Tun thleng hian ka ka ka hup ta tlat a ni.
"Mahse, victor chu a lokir leh mek a. Ka nun ah ka nunah ngei hian a thangkam chu thaichhe Turin ka lo hmuak dawn a ni. Chu hun chu tun hi a ni".
Ni hnih dang a liam leh a, Seminar pawh chu kan han nei zo ta cheng a. Ka hmelhriat neih ve te leh ka thian thenkhat te nen inhmuhkhawmna hun te kan han insiam a, inlawmpuina te, chhungkaw chungchang te, fanau chungchang te, tunlai kohhran dinhmun te kan hrut zel a.
Keiin anchhia ka tih thlen tu, inspector Remruata'n victor vanpianga a tih ni bawk chungchangah khan pawm thiam a, dawnsawn thiam a tul thu leh pehhel tum a sawt loa ka rin thu ka hrilh ta mai kha a ni a. A ni inspector Remruata thung chuan anchhia vanga thihna a thlen chhoh leh mai a hlauthawnawm thu a sawi ve thung. Ama sawi dan takah victor vanpianga, keiin anchhia ka tih bawk chungchangah chuan keima ngaihdan side A leh inspector ngaihdan side B a awm tihna a ni ta ber a. Mahse, kawng dang a awm a ka rin chuan loh vang chuan ka thu hrilh te chu chhinchhiah uluk Turin ka hrilh ta tho a ni.
Ni thum a liam leh a. Vawiin ni hi inrin ni ni 21 a ni a. Inspector Remruata chu a thian nu Nancy lalrinkimi te chenna in thar lam pan tur chuan a mahindra Scorpio dum nalh tak hmang chuan a khawsakna Dawrpui veng chu a chhuahsan ta a.
Officer Rinpuia chu a han call a, Lehlam atang chuan "Sir, Mukesh te in thar chungchang ah mi hrilh duh I nei a ni ngei ang" A rawn ti nghal var a. Inspector chuan "imm i ring sual love Rina, hei Durtlang Leitan lam panin ka thang mek e. Hun I neih chuan kan lo beisei dawn che a nia. Lehlam atang chuan tehreng mai sir, hun chu ka nei tehreng e. Nancy te insawnchhuah thu hi nimin mai khan ka lo hre ve nghe nghe a. A han ti a.
Mukesha'n inspector a lo hmuh veleh chuan, "e I lo thleng thei maw, ka va lom dawn em vawiin ni chu. Enge tunlai i an zel nangmah te hi i hriselna lam a tha zel em? Inspector hmel bawrchhawr tak leh a sam phelh deuh phang te, a inthuamna thawmhnaw hlui lam leh rawng da lam te chu en in a lo ti nghal luam a.
Nia an ni pahnih Mukesh leh inspector inkarah hian tun hma in inhmuh felhlelna a inkam ki deuh thin a, mahse tunah chuan thian tha leh inkawmngeih tak an ni tawh thung. Hun hlui leh nunhlui khan awmzia a nei phak ta lo va. Nancy vang chauh pawh chuan inpawh tak an ni tawh a ni.
Inspector Remruata chuan a bag atang chuan Glock 17 pistol hi a rawn phawrhchhuak ta a. "Kha le, Mukesh hei hi a ni ka sawi pistol chu. Glock 17 hi semi-automatic pistol hmingthang tak a ni a, a lar hle a, khawvel hmun hrang hranga dan kengkawhtu pawl, sipai unit leh civil mite pawhin an hmang fo tawh a ni. Glock 17 feature leh a Zia thenkhat chu Design leh Construction an ti a, Glock 17 hi Austrian company Glock Ges.m.b.H. niin A rit lo hle a, polymer-frame-a siam a ni a, chhe thei lo anih avang hian he Pistol hi a awlsamna leh a chakna avangin hriat hlawh tak a ni.
Pahnihna ah chuan Caliber leh Capacity chungchang hi. Glock 17 hi 9x19mm Parabellum (9mm Luger) caliber-a chambered a ni a, hei hi silai chi hrang hrang hman tlanglawn a ni.
Chumi chin ah chuan duhtawk mai ila, heti hian khaikhawm ang.
Dan kengkawhtu professional leh civil shooter-te zingah pawh duh an thlan lar tak a ni. Tiin Mukesh hnenah chuan pistol chu a han pe a.
Mukesh chuan "Ruata ka lawm hle a ni. Ka awh ve em em thin a ni a, tun hma deuh khan silai license nei tur hian chet ka la ve thin a ni a. Mahse ka nei thei lo. Licence authority, additional district magistrate ah ka thlen a, silai ka mamawh chhan? Venhimna lama harsatna ka neih te, background check leh safety protocol te ka zawm ve nual hman a ni. Mahse ka document lamah harsatna ka tawk zel a. Tlingtla lovin ka awm thin a. Mahse nang i awm a, hei tunah chuan ka nei ve ta a nih hi. Tiin a nuisang reng a, pistol thar chu uluk tak chuan a thlek vang vang reng a.
Inspector Remruata chuan imm, mizoram police department ka dawr a, an ni min puihna a zar a tih theih ang chu. A lo ti a. Mukesh chuan thenzawl lamah ka silai thar enchhin tura ka thangchhuah vat a tul dawn a ni. Karleh thawhlehni khi ka han tinzawn deuh a, nangmah hian min rawn tawiawm hial teh.
Inspector Remruata chuan imm a chakawm khawp mai. Mahse, tihtur hian min hmuak ve reng si a. A lo ti thung a.
Chawhnu her anih chuan officer Rinpuia pawh chu a rawn lang ve ta a. An ni pathum chu titi tlamglawn fahrah te te vawrhin an ri zui bawrh bawrh reng a.
Ni hnih dang a liam leh a. A kar leh thawhleh ni a lo thleng ta. Mukesh chu a fapa Kum 10 lai mi ni ve tawh eggsy pui puia nen thenzawl golf course lama leng turin an inruahman mek a. Nu ber Nancy pawh chuan an pafa chhuak dun tur chu an thawmhnaw leh an bungrua ken tur te tihfel sakin an buai tlâng hle a ni.
Nancy te chhungkua hi pa ber hna a vang te, tul dang leh a awlsam zawk a vang te a mission veng Aizawl a tanga Durtlang a insawn hi an ni a.
Dar kua a pel fel tih chuan Mukesh te pafa chuan an tum ram pan tur chuan mukesh Mahindra car xuv400 var nalh tak hmang chuan Durtlang Leitan chu an chhuahsan ta a.
Zan a ni a, Nancy chu amah chauha in a awm a nih vangin a unaute chuan an rawn tlawh nghe nghe a. Zan riah pawh hetah an kil ve nghal mai a ni.
Inspector Remruata chu a mut hmunah chuan a ngaihtuahna kawmin a chhing sar sar reng a, hman ni deuha a thian mi pakhat a hming pu zahngaia pastor ni mai tur nena an inkawmna chung chang kha a ngaih tuah mek a ni.
A tuk khua a var a, zing lam dar kua a ni a.
Nancy lalrinkimi mobile phone chu a rawn ri a, Nancy chu eirawngbawl a a buai lai a ni a, chutah a mobile phone chu a han la a, a pasal Mukesh a lo ni a.
Inspector Remruata a call nghal thuai a. Lehlam atang chuan tap bawrh bawrh ri leh mangang hlau thlabar aw hi hriat tur a awm nghal a. Ruata, Remruat, ka hlau, khawngaihin. A ni thei lo. A rawn ti nghal bawrh bawrh mai a.
Inspector Remruata chuan a beng ri hriat chu a awih har a ti hle. Nancy enge i chungah thleng? Enge ni ta bawrh bawrh a?Lehlam atang chuan ruata, mama, eggsy bawiha. A chawl dawt a inspector Remruata chuan uluk tak chuan a Mobile phone chu a han chelh a. Aw engtin han sawi zel teh.
Nancy chuan ruata, ka fapa naupang mai chu thenzawl golf course ramngaw chhungah thi a chhar a ni. A ti ta a.
PSYCHIC _Volume-4
Bung Thum
Victor-a Alo Kir....
"Puithuna thil deuh niin ka hria. Mihring thlarau chungchang leh ramhuai thil te. Inthawina leh zeldin thu te hian mihring nun hi a nghawng rêng em? Rin dan leh ngaihruatna thil deuh niin ka ngai".
Eggsy Puipuia ti a hriat, sumdawng hausa Mukesh chakraborty leh Nancy Lalrinkimi Aizawl mihlun fa nu tena an fa duhlai Kum 10 mi hi thah niin a lang a. A lu dinglamah khama a tlak thlakna vanga intauhna ni ngeia lang hliam a nei a, a nak leh a thin zawnah silai mu-in a verhna hnuhma hmun hnihah hmuh a ni bawk. Kah a nih hnuah Kham a tanga namthlak ni ngeiin a lang a ni.
Thenzawl public golf course acre 9167.6 dawna zau chhungah hian Ngaw, thing ding awmna hmun hi zim tê a awm tel a, chumi Ngaw chhungah chuan kham pang awih vak lo metre 10 awrh chauha sang hi a awm bawk a.
Postmortem exam a chhuah hunah erawh result a dang thei thung.
Thenzawl Police station outpost-a duty lai ASI Ruatdika hnen thlen a ni a. A ni ASI Dika leh a nau ten thihna a thlenna hmun chu an pan nghal a ni.
Eggsy pa Mukesh chu thu zawhfiah a ni ta a, zing lam leh chhun hunah log cabin-ah hun an hmang dun meuh lo a ni awm a, tlailam dar nga chho-ah an tin ve chauh a ni.
A fapa eggsy chuan engemaw chhuanlam siamin tlai lam dar ruk ah Ngaw lam chu a pansan ta a, mahse Mukesh hian a ngaihven tehchiam lo a ni awm e. Tichuan zan dar riat thleng a nghah hnu-ah a fapa chu a rawn let leh ta mai silo a.
Ngaw lam ni lo hmun dangah Hun rei tak chhung a fapa a zawn kual hnu-ah a tlai tawh hle. A mi hmuh ang ang chu a fapa an hmuh leh hmuh loh a zawt zel a. Mi thenkhat chuan police hnen thlen Turin an lo ràwn a.
Zîng a lo ni a, dâr riat a han rik takah chuan thenzawl police station chu a be ta nge nge a ni.
Police te chuan naupang chu an han zawng a, ramngaw hnuaia kham-ah chuan a ruang an va hmuchhuak ta mai a ni.
Inspector Remruata chuan hnai takah hian Mukesh chu a han thlek a. Mukesh, I thusawi hi rin harsa ka ti a ni. Eggsy chu chutin i thlahthlam maiin ka ring tlat lo a han ti a.
Mukesh chuan, ruata, eggsy khan khatiang thil rapthlak kha a tawng ang tih ka hmu lawk bik silo a ni tiin a mittui chu rilru na tih hriat tak hian a hru a.
Inspector Remruata chuan Nancy lam chu a thlek leh a. Nancy pawh chu a mittui a tla a, a fapa thihna chu a tuar hle a ni tih hai rual a ni lo.
Mukesh han sawi Chiang teh. Mama chu ka ngaihven lo i ti em ni? Tlaiah ramhnuaiah chuan e nge a tih? chhuan lam chu e nge?
Inspector Remruata chuan, Mukesh, kan police te chuan i fapa thihna-ah hian rinhlelh âwm mi tumah hriat theih an la nei lo. Nangmah hian han rinhlelh tur I nei lo em ni? A'n ti a.
Mukesh chuan imm, ruata, ngun taka ka ngaihtuah hnu ah paw'n eggsy thih ngawt dan hian ka ngaihtuahna a chawk buai rih viau mai. Ka fapa hi engvanga thah nge a nih? Hmelma ka nei em ni? Nge ni a, he thil hi chetsualna thil zawk? Tin, a nak leh a thin a silai mu inverhna hnu hma kha silai mu hnu hma a ni reng em?
Chutah Inspector Remruata chuan, a tha e, i fapa chunga pawikhawihna chu hriatchhuah vat a ni ang. Tunah hian rinhlelhawm mi zawn mek a ni a, mahni intipalh thei dinhmunah a ding reng em? Hei hi ka case buaipui tur chu a ni lo, mahse ka laichin ka thian tha ber te chunga pawikhawihna anih avangin underground a ka chetchhuah ve hi a tul a ni. A ti ta a.
Sumdawng hausa, Mukesh chakraborty hi tunah hian Kum 37 na a hmang mek a. Nancy I nen hian fa pakhat chauh an la nei a ni. Mukesh chakraborty hi gauhati a piang a ni a. An chungkaw bultanna hi Assam culture atanga wesh bengal hnam nunphung hrang hrang atang a lo zi chhuak niin an sawi.
A pa hi sumdawng a ni a, gauhati khawpui buai tak chu tlansanin a pa sumdawnna zul zuiin mizoram lamah Kum 10 anih hian a rawn inbeng bel tan tawh a.
Mukesh hi zirlai taima tak, literature leh business lama tui tak a ni. Tun hun nupui fanau a neih thleng hian Mizoram lamah awm hmun a inkhuar nghet ta zel a ni.
Mukesh chakraborty fapa eggsy thihna chungchangah Hnuchhuitu te Chetdan chu hetiang hi a ni a. Crime scene a evidence an hmuh theih ang ang chu an han dap khawm a. Mahse hnuchhuina atana han puibawm thei thil erawh hmuhchhuah tur a vang hle.
Hnuchhuitu te chuan thlalak, sketch leh detail noted hmangin an han document leh a, taksa finfiahna lam khawlkhawm leh venhim hna an buaipui zui bawk a. Silai chungchang chu an chhui zui ta bawk.
Interview leh interrogation an han nei leh a. Hnuchhuitu te chuan thu hretu tur te, chumi lai golf course hmun a awm hnai vai te, midang tu pawh, victim chungchang emaw tualthahna chungchang a thil awm dan emaw hriatna nei thei tur ni a an ngaih te, silai puak thawm hria an awm em tih te chu an zawt Chiang zel a.
Forensic mithiam te pawh chuan an tih tur ang ang an han tihfel hnu ah chuan Mukesh chakraborty fapa thihna chu tualthahna ni ngeiin an ngai ta a. A taksa a hliam awmdan atang te, trace evidence an tih theih ang ang te chu remkhawmin case an siam ta a ni.
A fapa thihna chhui tu te chuan Mukesh chu thu zawhfiah Turin an ko leh ta a. An pafa hun hmasa lam leh helai golf course a an kal hma leh an kal hnu a an hun hman dan te, Mukesh chuan a mah haw tu leh hmelma a nei em tih te, a case kal zel dan azirin a sumdawnna chungchang pawh chu Chiang zawka hriat tha in an hria a ni.
Chung investigation an han tih zawh takah te chuan tualthattu ni a rinhlelh mi pakhat a awm ta a ni.
Zirtawp ni a ni a. Durtlang Leitan a amos cafeteria hmunah chuan inspector Remruata leh Nancy lalrinkimi te chu uluk takin titi thikhawchang sawiin hun an hmang dun a.
Inspector chuan Nancy kut han vawn pah chuan, Nancy, tun hma hun kha sawichhuah ka tumna a ni hauh lo tih hria la. Hmangaihna dik leh inlaichinna dik ah chuan khuarel vanduaina hi ruat lawk niin ka ring lo. Ka nunah ngei hian harsatna leh buaina tam tak ka tawk ve a, i hria a kei chu tunah chuan police inspector retire hmabak mai chauh ka ni ta. Ka case lo buaipui tawh tam tak vangin rilru leh taksaah buaina nasa tak ka tawk a, mental hospital ah hun engemaw ti chhung hun ka hmang a.
Nancy chuan Remruata kut vawnna chu a chelh nghet sauh a. Ruata, ka tana mi pawimawh tak i ni. Nilo ka tan chauh nilo kan chhungkua kei Mukesh ka fapa eggsy, eggsy chuan min kalsan tawh mahse a thlarau chuan a thihna ah hian thu dik hailan anih theih nan rorelna dik min phut tlat a ni.
Remruata chuan, Nancy, kan hnuchhuitu te chuan I fapa eggsy thihna ah hian i pasal Mukesh hi an rawn bitum ber tur a ni. A'n ti a. Chuveleh Nancy chu a meng phar nghal awn awn mai a. "Nilo Ruata, Mukesh hi ka hmangaih. Ka fapa pa a ni, a ni hian thubuai rit tak a awrh anih ngat chuan kei in damchhan enge ka neih ve tak ang? Tin, Mukesh hi pawisawi lo a ni tih ka Chiang. Amah rinhlelh anih nachhan tur leh man anih nachhan tur kha Chiang takin ka hre duh bawk a ni.
Inspector chuan, Nancy tiin Nancy kut chu a kut Lehlam chuan a han hum leh a. Nancy, anchhia chuan kei hi min zui zel a ni. Ka hmangaih te leh ka thian ten min kalsan mek zel niin ka hria. Tiin a hringnun Lehlama mi pakhat victor vanpianga chanchin chu a hrilh ta a.
"Vawiin ni hi Pathian ni a ni a. Inkhawm ban veleh ka lawina kohhrana kohhran upa senior upa liandala titi pui ka duh a ni.
"Upa liandala hi Pathian mi hman tak, thlarau mi tak a ni a, thawkkhat lai phei chuan tihdamna leh tawngtai thiltihtheihna chungchangah a hming a thang hle a ni awm e.
Nizan hmasa atangin mumang mak danglam tak ka nei tan a. Ka mumangah chuan mihring number pathum hi ka hmu a.
Ho an ti viau ngei ang. Chutiang thil mai mai a rapthlakna leh a makna teh chiam an hre kherin a rinawm lo.
Kei hi Doctor nih tuma rilru siam fel zet tawh kha ka ni a, ka mumang chuan rilru leh thluak lam harsatna nen inkungkaihna a nei reng em tih te ka zir a ni.
Hei vang tak hi a ni reng a mak ka tih ni. Ka mumang a number pathum ka hmuh khan ka khur zo a, zawhna ka inzawt a, ka damlohna leh ka rilru lam buaina hnathawh niin ka hria a, chutiang thil mai mai avanga ka buai ta mai chu mak ka tih lai chu a ni.
A tuk zingkar a ni a, biak in a tawngtaina nei tura ka kal chu ka kalna kawng kawng sirah banga lehkha intar ka hmu a, chu lehkha ka han en chian chuan number pathum hi ka hmu a ni. Ka hamhaih hial nghe nghe a, mahse Chiang zawka ka en chuan thil hlauhawm tehchiam niin a lang lo. Kohhran pakhatin banner an siam a mi mai a lo ni.
A dawt leh ni ah chuan tlai lamah in a ka haw tur chu nula pathum hi kan kawt kaiah eng eng emaw sawiin an lo tap khawm taih mai a. An thu sawi ka hriat theih te chu kohhrana thalai rawngbawlna chungchang a ni.
Chung ka thil hmuh leh tawn te chuan Ka mumanga number pathum chungchangah khan thil pawimawh a awm a ni tih evidence min peah ka ngai.
A dawt leh ni ah chuan kawng kamah nu pa ni ngei tur hi ka hmu leh a, hei erawh pathum niloin pahnih an ni tlat thung. an landanah lungngaihna thuk tak leh lusun hmel ka hmu in ka hria. Mahse Khang ka thil hmuh te khan ngaihthat lohna mi tuh tlat a.
Upa liandala nen chuan uluk takin kan titi a, pathum chungchang chu kan sawi thui zel a. Hnam pui ho khuan number 3 hi number malsawm lo niin an ngai a, chumi chanchin chu a lo chhuah dan te a intan dan te, a kal zel dan leh nghawng a neih tawh dan chungchang te kan sawi kai nasa hle. Chumi kan titi na atang chuan Kei chuan Inspector Remruata chu ka biak leh tul niin ka ngai ta a ni.
"Inspector, chanchin duhawm lo leh ni thalo te chuan min hmuak mek a ni. Number pathum chungchang hi I hre ngai em? Ngaihthah chi niin ka hre lo. Ka'n ti a. Inspector chuan number pathum a ni? A rawn ti a. Aw number pathum. Enge a awmzia ka hrethiam lo. Hun hmasa lama thlarau sual Victor-a nen inkungkaihna a nei rêng em? Tiin ka mumang a ka thil hmuh te chu ka hrilh a.
Inspector chu a ngawi reng a. Chutah, inspector chuan, "ngawi teh pu ngai. Number pathum chuan thil tha zawk min thlenin kei chuan ka ring tlat mai. Anchhia vangin i rawp riral zo ta a, tunah chuan hnehtu i ni tawh. Hlauthawng zawng leh mangang zawngin ngai duh suh. He thil hian thil tha zawk min thlen turah i ngai zawk ang A lo ti a.
Kei chuan, inspector, he anchhia hian engemaw ti chhung chu mi kal kan ve ta a ni a. Dan emaw pehhel emaw tumin sawtna a neih miah loh thil nijn ka hria. Nang hian pehhel leh dan tum vanga thil tih eng mah i nei lo tih i chiang maw? Rinhlelh hmel tak chuan ka han ti a.
Inspector Remruata chuan, pu ngai, I sawi tak number pathum chu a pawimawh viauin ka ring. hmachhawn dan thiam a ngai i ti a, kei chuan tihtawp mai hi hmachhawn dan tha ber niin ka hria.
Kei chu uluk takin ka inngaihtuah a. Upa liandala nen kan titi thikhawchang sawi atang te, kei ngei pawh anchhia hneh a pastor hial ka han nih ve dawn takah te ni e, hmachhawn Dan thiam tha in ka hria a, Engmah a nghawng zui tawh loh nana tihtawp mai chu hmachhawn Dan tha ber niin ka ngai ve mai dawn em ni?
Inspector chu a tihtur ah theihtawp chhuah a Victor-a chu hneh ngei Turin duhsakna ka hlan ta zawk a ni.
PSYCHIC _Volume-IV
Chapter _4
Defence and Prosecutors
Mukesh chakraborty fapa eggsy puipuia lalhriatpuia Kum 10 mi thihna chungchangah chuan rinhlelh pakhat a awm a. Chu mi chu tudang niloin ama pa ngei Mukesh chakraborty chu a ni.
Police investigation atanga a landanin shooting case anga kalpui phawt a ni a. Forensic result atangin silai mu ruang taksa chhung a mi chu 9x19mm parabellum ammunition, 9mm luger tia hriat bawk niin hetiang ang silai mu hi handgun silai, semi automatic handgun ah hman tlanglawn tak a ni a.
Glock 17, sig sauer p226, baretta 92, Smith and Wesson m&p, cz 75 leh pistol model hrang hrangah te hman thin a ni.
Mukesh chuan thenzawl golf course an pan chhan ber ni a a sawi chu a pistol lei thar glock 17 enchhin a tum vang ni a a sawi avangin a fapa kap tu chu amah ngei hi a ni thei niin hnuchhuitu te chuan an ngai a ni.
An pafa innghahna hmun log cabin hi a awmna a fal deuh a, hemi lai tlai lam dar 5 chho ah hian an chhehvelah midang tumah an awm lova, chumi lai chu remchang lak nan a hun tak niin an ngai bawk.
Ruanga silai kahna hnuhma a landan atangin eggsy hi yard li vel a hla atanga kah niin a lang a. Glock 17 pistol in yard li atanga mihring a kahna hnuhma a landan tur ni a an ngaih nen thuhmun ni a a lan vang a ni.
Hnuchhuitu te chuan thu hretu an nei zel a. Thenzawl golf course neitu te an ni. An ni sawi dan chuan Mukesh chakraborty te pafa chu chawhnu lam ni 24 thehlehni ah he lai an rawn thleng a, Mukesh chuan a pistol lei thar enchhinna tur hmun remchang a awm theih leh theih loh chungchang te a zawt a ni. An ni a hmunhma neitu leh enkawltu te nena inremsiamin midang pawhin silai kah enchhinna atana an hman fo thin hmun chu an inkawhhmuh ta a ni.
Mukesh chakraborty silai chu enfiah a ni ta a. Phat rual lohin Mukesh chu tualthattu niin a lang ta a ni.
Mukesh chakraborty chu tualthah thubuai siamsak a ni ta a. Additional district session judge two Aizawl court ah hruai a ni ta a ni.
Inspector Remruata, officer Rinpuia leh doctor Freddy, in neitu Nancy te chu an ngaihtuahna uluk taka kawmin dawhkan an kil bial taih reng a.
A khat mawi tawk chuan Nancy chu a thaw leh halh halh thin bawk. Officer Rinpuia chu a insum thei ta lo a ni ngei ang. Nancy, tun hmain Mukesh hian Rilru lam thuah harsatna a sawi ngai em? A han ti a.
Inspector Remruata leh doctor Freddy te chuan officer Rinpuia thusawi chu an ngaithla uluk kher mai.
Nancy chuan a mit a mittui kuangbang awm te chu a rumol hmang chuan a han hru a. Rina, ka pasal hi hetiang ti duh tur hian a chhan ka hrechhuak zo lo a ni. A ma fa ngei Kum 10 mi chauh lehnghal engvanga that ta mai nge a nih ka hrethiam bik lo a ni. Tun hma a ni emaw tun hnai a ni emaw taksa leh rilru lamah harsatna a tawk lo. Ka Chiang.
Officer Rinpuia bawk chuan imm, chuti anih chuan a tihpalh emaw a tum lawk hauh loh thil avanga thleng pawh a la ni thei a. Chumi chungchangah chuan ngaihdan I nei em? A han ti leh a.
Nancy chuan uluk zawkin a han ngaihtuah a. Ka ring lo. Mukesh an thil thlen dan a sawi hmang Khan tihpalh thil a ni thei lo. Tin, a tihpalh ni Sela engavanga sawi mai lo nge a nih ang?
Inspector Remruata chuan a thuthmun chu a han her rem a. Chutah, a thianpa Freddy lam chu a han thlek a.
Nancy, kei hi anchhia in min zui ve niin ka hria. Ka hrilh tak ang che khan Pastor la ni mai tur mi pakhat nen kan titi dun thu ka sawi anih kha.
Nang hi ka laichin hnai leh ka zawmpui neih te zinga mi i ni a, ka tan chuan thian chauh nilo. Kan hun hmasa lam pawh i hriat kha.
Inspector chuan a chal chu a han dawn vang vang reng a. Ni e, kha pa Pu Zahngaia khan anchhia tiin a hringnun a retheih Zia thu te min hrilh a, tin keiin victor vanpianga ka ti thung. Freddy ngaihdan te i nei ve reng em? Hemi chungchang ah hian" Tiin Freddy chu a han thlek leh daih a.
Freddy chuan uluk tak chuan a kiu pahnih chu dawhkanah chuan a han nghat a.
Ruata, Nancy, Rina nangni paw'n in hriat vek tawh tho kha. Tun hma nun leh hun kal tawh te chu kan hria. He thil hi rilru leh thluak lam buai mi pakhat hringnun duhawm lo tak atanga lo intan niin ka hria. Amamh chu a thi tawh a. Mahse a damlai in enge a tih? Tu chiah nge a nih tih hi kan hre tak tak lo. Dawi leh a kaihhnawih thil ramhuai biakna lam thleng pawha kalpui thin leh khawih thin a nih ngei hi ka ringhlel ta lo.
Chu pa chuan nupui pathum a nei a. Chung a nupui pathum te chu mak tak vek in an thi hlawm a, mahse kan inspector ruata leh a thachhang dawl tu Rinpuia te hian Victor-a chuan a nupui pathum te chu a that ni ah an ngai thung.
Engvang nge a nupui pathum te chu a thah ngawt ang? Tunah keini in Mukesh a pawikhawih ngawt chhan ah hriatthiam loh kan nei ang bawk hian zawhna hi chu he pa Victor Vanlalpianga nun ah hian a awm a ni.
Chutah, officer Rinpuia chuan hrechhuak thut ni awm tak hian, sir, kha pa I sawi kha Pastor kha kan mamawh niin ka hria. A ni chuan kan buaina ah hian min pui thei ngei ang. A han ti a.
Inspector chuan e ngah ngawt chuan maw min puih theih ang? Keini tih theih chin bakah a ngaihna a hriat vak bik ka ring lo. A lo ti thung a.
Officer Rinpuia chuan Imm i rilru tur chu ka hrethiam a lawm.sir Mahse i sawi tak ang khan a nunah anchhia hmangin thihna te chuan thla an zar a. Mahse a dam tawh tunah chuan. A hneh a ni. He anchhia tihtawp dan pawh hi a hre ngei ang. Tawnhriat leh ruahmanna a tanrual chuan Thlarau sual tan ngei pawh a tawhkhirh viau in ka ring a ni.
Inspector Remruata chuan a mit chu a nuai nawk nawk phawt a. Chutah, Lalrinpui, tun hi i hmingpuma ka kohna che a tawpna ber ni rawh se.
Pu Lalzahngaia khan he anchhia hi dan theih emaw pehhel theih emaw niin a ngai lo a sin. Ka hnenah chuan pawm dan thiam a ngaih thu leh hmachhawn dan thiam a tul thu min hrilh a. Keiin hmachhawn dan thiam a tih laia chu he anchhia tihtawp mai hi a ni tiin kan ngaihdan pawh a inkhuangrual vek bik lo.
Mahse pastor a nemngheh mai hmabak a ni a. Kan buaina ah hian min pui hnem tawh viauin ka hria. A tul dan angin keiin ka lo be zel zawk dawn nia.
Nancy chu a thaw hawk a. Ngawi ru chu lam chu i duhtawk ang. Ka fapa thihna hi ka tuarin ka na a ni. A ma pa ngei kuta a thi hian min ti hreawm zual a ni.
Tunah zawng tihtheih kan neih ang ang kan dap a tul a ni. Nilo Mukesh a hian a fapa hi a that lul lovang. Thil hriatsual a awm a ni.
Freddy chuan "Nancy police te investigation tih leh an thu tlukna chu kan hria a. I pasal kut tuara a thi a nih loh chuan chhan dang a awm rih tlat lo. Mahse, he thil hi sawi tak angin anchhia kal zel hnathawh pawh chu a lo ni thei a. A'n ti ve bawk a.
Kei doctor meuh pawh hi ka buai hrep tawh a ni. Mahse hetia han ngaih mai hi chuan mukesh chunga i ngaihdan chu a awm viau a ni. Nu ber ngaihtuahna tur âwm ang chu enge a nih chuan ang?
Inspector Remruata chuan, imm, pastor min hrilh thil pakhat number pathum tih awmzia kha tunah chuan ka hrethiam tawh tlat a ni. A han ti a.
Nancy chuan beisei nei sang tak chung chuan inspector Remruata kut chu a han vuan vat a. Ruata tih theih dang a awm ngei tur a ni? Ka tan engkim i huam tih hi hman ah leh tunah pawh ka thil hriatchian ber te zinga mi niin ka hria a han ti a.
Chuveleh inspector Remruata chuan a bag chu a han zen nghal vat a, bag atang chuan file hi a rawn phawrhchhuak ta a. Nancy, tih theih chu kan nei maithei. Mukesh hi kan chhan thei maithei. Mahse, i fapa case hi a hnawk tawlh tawlh thung maithei a, kawng dang kan dap dawn chauh maithei bawk. Tin, anchhia hnathawh hi a ni tak tak anih ngai chuan buaina a intan dawn chauh tihna a niang. Tiin file chu midang a han entir ta hlawm a.
Hei hi nimin piah a underground investigation kei leh officer Rinpuia hnathawh a ni.
Hnuchhuitu te chuan i pasal hi tualthattu ni ngeiin an ngai a, an puh a session court ah hial thlen a ni ta si a. Keini lam tih theih awm chhun ni a lang chu underground investigation tih chu a ni ta ani. I pasal mekesh a hi tualthattu a nilo a ni tih evidence kan neih na Turin.
Heng lehkha ah te hian chumi chu a chuang vek a ni. Mukesh tualthattu a nilo a ni tih evidence chu. Mukesh thiam a chan theih nan theihtawp ka chhuah zel ang. A ti ta a.
Inspector leh Freddy, Rinpuia te, an ni thian thum pawh chu an tin ve ta a.
Kawng lakah chuan officer Rinpuia chuan a pu chu a han fiam a. Sir tuna nangmah hi tun hma in ka la hmu lo. Tunah zet zawng Nancy hi tunge a nih? Mi dang zawng zawng keini tiam hian i tana Nancy lo special Zia chu ka hrethiam ve ta. Tiin a nui var var a.
Aizawl khawpui chhungril nung tak leh luangchhuak mek karah a hming chu beiseina leh inpekna nghet tak eng angin a richhuak hial a. A hming chu Pc zirsanga a ni. PC zira ti a hriat a ni. Season legal advocate, dikna lama a inpekna nghet tak avanga legal landscape a defining force lo ni tawh a ni a.
Advocate PC zirsanga leh Mukesh chakraborty te chu uluk takin pindan chhungrilah chuan an inkawm a.
Advocate PC zira chuan a client hnenah chuan a a tan a dinsak dawn avanga a tihtur ang ang zawm an nih thu chu a client Mukesh chakraborty hnenah chuan a hrilh zel a.
Mukesha case chungchang te chu an han sawi dun a, a buaina bul leh thil thlen dan chungchang te chu an han inhrilh fiah zel a.
Mukesh chuan a tul anih chuan inspector Remruata a awm thu chu a advocate hnenah chuan a hrilh ve bawk a.
Advocate PC zirsanga pawh chuan, "Mukesh lungngai lo la, keiin hma ka la zel ang, result pawh a lang chho zel dawn. A ti a. Advocate PC zira hmelah chuan inrintawkna leh inpekna thuk tak hmuh tur a awm a.
Ni a liam a, court ni tan a ni a. Advocate PC zirsanga chuan a tihtur ang ang a ti zel a.
Court room chhungah chuan Advocate PC zirsanga chu a ding ngawi reng a, chutah mipui lam chu a han thlek a. Han thawk ham ham pah chuan, "Mukesh chakraborty hian a fapa hi a that lo. A'n ti a.
"Mukesh hian a fapa a thahna chhan tur a hre lo a ni. Chhan a awm lo bawk a, mahse tualthahtu a nih theihna laiah a inpha lo va, thil thlen dan dik tak a sawi a ni mai a.
"A mit ngeia tual a that lai hmu tu an awm anih erawh chuan a mit a a hmuh ngei thu a sawi lai kan lo ngaithla ang" tiin a thu a.
Thawm chu a rehthiap reng a. Advocate PC zirsanga bawk chu a han dingchhuak leh a.
"Hei hi kan phut. Mukesh chakraborty hi tualthattu a nilo a ni tih hi kan finfiah thei a nih chuan he thubuai inpuhna dik lo hi tihtawp ni se kan ti a ni. Kan hmalakna ngaihpawimawh zui ni bawk se.
Prosecution lam an rawn ding vat a. Your honour, Mukesh chakraborty hi a fapa nen ni 24 thawhlehni khan thenzawl ah an kal a. A tuk ni 25 nilai ni tukah chuan a fapa chu zan hmasa ah ramngaw chungah a tual thi tawh a ni tih hmuhchhuah a ni a.
Mukesh chakraborty hi sumdawng hausa tak ani a, chhungkaw khawsak sang tak an ni. An fapa eggsy Kum 10 mi chauh chu silai kah chhin na ah a hruai a. Eggsy Kum 10 mi chu a thi ta a. Silaia khahhlum a ni tih forensic result atangin hriat a ni a.
Silai mu chu Mukesh chakraborty pistol glock 17 in a hman 9x19mm parabellum ammunition 9mm luger a ni a. Tlai lam ah chuan a fapa hian rawmngaw chhungah a kal tur thu a hrilh a. Thil awihawm lo tak a ni.
A ma sawi zel danin a fapa chu engmah a zawtchiang lem lo a, zankhua in a fapa zawng chuan a khawsa leh ang lawi a. Engvangin nge ramngaw ah a fapa a kal tih hrereng si khan zan lam leh zinglamah khan rawmngaw chu a en mai loh?
Police ten an hmuchhuak zawk tlat mai a. Tin, eggsy puipuia hi kahhlum ngei a ni tih a chian leh zual nan, glock 17 pistol hian yard li vel atanga ramsa emaw mihring a kah hian a kahna taksa ah eng ang hnu hma nge a hnutchhiah? Glock 17 pistol in hnuhma a hnutchhiah tur ang chiah chu eggsy taksa ah hnuhma kan hmuchhuak bawk a.
Advocate PC zirsanga chu a rawn ding vat a.
Your honour Mukesh hian a fapa a kap lai ngei hmu tu witness emaw an awm anih loh chuan heng a mah puhna thu te hi kan hlip thla nghal thei a ni. Inringtawk tak chuan a rawn ti nghal a. Chutah Judge te chuan uluk takin defence lam leh prosecutor lam te thu leh hla chu an han ngaihtuah a. Chutah, Judge te lam pawh chuan chumi tum atana rorel tihtawp tha in an hre ta a ni.
Hun a liam a. Additional district session judge two Aizawl court tualah chuan mi an thahnem hle a. Mipui mimir in an ngaihven case pakhat kal mek thu ah trial neih mek a ni a.
Mipui te chuan victor vanlalpianga chu tunge anih? Damlo Lianzuala pawh chu tunge? Pastor k lalngaihawma case chungchang te, Kum 2009 kuma doctor pakhat nupui Lucy thihna chungchang te leh tuna thihna mak tak! A ma fa Kum 10 mi lek thah thubuai chungchang hian eng inzawmna nge an neih? Police inspector retire mai hmabak inspector Remruata chuan mi te hriatpui loh hringnun chu a nei reng em? A thusawi te hi a rintlak a nge maw chu?
Advocate PC zirsanga chuan, "your honour, hetah hian evidence chu a awm a ni. Hei hi underground investigation file a ni a. Police inspector Remruata chetna a ni. Mukesh khan a fapa kha khatiang tawngin a thi ang tih a hre bik loa, a fapa khatia a bo kha mak a ti rêng a.
Ramngaw chhungah khan a fapa kha a kal tak tak a ni tih lah a hre hek lo. Thawm chu a ri nghal hak a.
PC zira bawk chuan, "Tichuan kan hnuchhuitu te hian crime scene ah khan hmuh hmaih leh hriat hmaih tam tak an nei a. Hei hi ramngaw hnuai dam leh diak Kara ke hniak fiah tak thlalak a ni. Number 17 mipa bun black leather elio a ni. A kehniak awmdan atang hian chu chu a hriat a ni.
Tichuan ke hniak chu ruang bul hnaiah hmuh tur a awm ve lo thung a. Chumi avang chuan he ke hniak neitu hian engemaw thup a neih ngei a rinawm bawk.
Kei hniak kal zelna leh a tinzawn tur chhui zui a ni a, ke hniak chuan golf course khawthlang lam a awm motor parking na leh cafeteria pakhat awmna hmun chu a thleng a ni.
Chumi laia hnathawk pakhat chuan chumi thlen ni. Eggsy puipuia a thih zan tlai a chumi parking na hmuna lirthei awm chu a lo hria a. Mahindra Scorpio dum a awm a ni.
Zan dar kua a pel tihah chuan chumi lai hmun chu a chhuahsan leh a, a khalh tu chu hoody dum ha, kekawr vutbuak rawng ha niin a booth bun chu black leather elio dum nen a in ang hle. Samsei tak nei a ni a, tarmit dum a vuah bawk.
Tin, khatia Mukesh an a fapa bo a zawn laia midang dang a pun kual lai khan mi pakhat chu Mukesh te innghahna cabin ah chuan a lo lut a.
Mukesh a cabin chhung inchung ceiling chu karchhiat a ni a. A chhhungah chuan six sauer p226 pistol hmuhchhuah a ni a. Pistol ah chuan fingerprint a awm ngei beisei a ni. Uluk taka vawn that mek a ni.
Pheikhawk number 17 neitu, hoody dum ha, mipa sam sei tak tarmit dum bun, Mahendra Scorpio dum nei, chu mi chu kan zawngchhuak anih ngai chuan pistol six sauer p226 a fingerprint kha tunge anih kan Chian thei ang. Tin, he pistol six sauer p226 hian a mu a tan 9x19mm parabellum ammunition 9mm luger ve tho hi a hmang ve bawk a. Ka client Mukesh chakraborty pistol glock 17 nen khan he six sauer p226 pistol hian an mu hman hi a in ang tihna anih chu. A ti ta a.
PSYCHIC _Volume-4
Chapter _5
Underground Investigation
Inspector Remruata chuan a Mobile phone chu a han chuh a. Aw hello Lalrinpui, i hman tawh em? Lehlam atang chuan officer Rinpuia chuan, sir, ka lo nghak reng tawh che a nia a rawn ti a.
Inspector Remruata leh Officer Rinpuia te chuan thenzawl golf course awmna lam panin chet an la ta a.
A hmunhma te an va thleng a. Receptionist hnenah chuan a police batch chu a han hmuh a. Eggsy thihna hmunhma leh a chhehvel en thithlai a duh thu chu a han hrilh a. Receptionist pawh chuan midang a ko vat a, inspector leh officer Rinpuia te chu tualthahna thlen na hmun a hruai tur chuan a ti ta a.
Tlai lam boruak a ni tawh a. Chu lai hmun hma te chuan lung te pawh a ti leng dawn dawn mai.
An piah deuha cabin lo awm chu han en in inspector Remruata chuan, tlangval hei hi a ni em? Pu chakraborty te pafa innghahna hmun chu? A han ti a.
Chu tlangval chuan ti deuh dai chung hian, aw ni e sir. Kha mi cabin chhak lamah khan silai kah enchhina hmun pawh a awm a ni. A lo ti vat a.
Inspector Remruata chuan, imm chhan leh vang tha tak a awm ngei tur a ni. Mukesh hian chhan awm lova a fapa duhlai a thah ngawt hi ka ring thei lo a ni. A han ti a.
Rinpuia chuan, sir, a rilru lam a buai thut te hi a ni lo maw? Emaw a tihpalh thil te pawh a ni thei asin. A hun hma lamah Mukesh hi rilru buai leh chian lohna nei khawsakin a lo khawsa tawh ngai em? Tin, duh thu ni hauh lo tihpalh thil ni mahse chu thil chuan a tihpalh a ni tih han sawi lan tir kha a rem tir teh teuh lo ve pakhat bawk a ni.
Mukesh atan chuan a tihpalh ni mahse a thah a ni miau a, han sawi zui tur emaw mahni inchhan zawnga thu kawih her teuh kha a rem lo a ni.
Inspector chuan, kawngkhar chabi hmang chuan kawngkhar chu a han hawng a.
In chhungah chuan an lut ta a. Light te chu an han ti eng a, in chhung bungrua leh a hmunhma te chu an han thlek kual dauh dauh bawk a. Dawhkan Lian vak lo lo awm chu a han en a. Chutah inspector Remruata chuan ceiling lam chu uluk zet hian a han thlek leh a, ceiling chu thing hmang a siam a ni a. A lai takah chuan thing phel pakhat chu karchhiat ni awm tak hian a kawi deuh a a kua chu lu leng tawk vel a ni.
Chutah, a bul maia dawhkan chu a han la lawk a. Dawhkan chungah chuan lawnin ceiling lam chu a han bih ta nget nget mai. Chumi pah chuan inspector Remruata chuan, Rina, he cabin hi design mumal nen a inkhuangrual tawk tak, a anpui ter tawk tak, nimahsela a sekrek khawih thu ah erawh duhthu a sam lo deuh a ni.
Ceiling atana an hman hi pine thing emaw cedar thing emaw a nih ngei dawn hi. Cedar thing hi a ro chhe ve mai mai thei lo a, nget leh ruahtui avangin a hman tlak em em a ni. Tiin ceiling kua chu a han zen leh ngawt ngawt a. Chutah Rinpuia hnenah chuan khaw maw rumawl emaw puan hlai lo te i kawl em min lo pe teh a ti a.
Rinpuia chuan sir, eng thil nge i zawn a? Tiin a rumol chu a pe a. Inspector chuan ceiling kua atang chuan rumol hmanga tuam hnanin pistol pakhat hi a rawn phawrhchhuak ta mai a.
Rinpuia chu a Phu deuh zawk mai. Sir, a ti a. Inspector chuan pistol chu uluk tak chuan Sarang chhungah a dah leh a. Chumi hnu ah dawhkan chu a han dah rem leh te te a.
Rina, khimi lai in chung ceiling khi engvanga khitia kua khi nge a nih? A nihdan tur pangngai lo niin a lang. Chuan hei en teh, engvanga dawhkan hi he laiah awm nge anih? Mihring khansang tak leh Rua khau tak tan pawh khi mi ceiling kua khi chhuat atanga han ban phak mai chi Zia zang a ni lo tih chu i hmu a i hrereng alom.
Mahse he dawhkan awm hian in chung ceiling pawp dan pangngai lo te, mihring tan dawhkan han dawha ceiling chu han thlithlai mai a lo remchan tir lehzel avang te chuan he thil hi mi ngaihtuah tir ta a ni.
Silai chu tu emaw in dahthat a duh a. Chumi atan chuan dawhkan leh ceiling khi a hmang ta a ni. Tih hi.
Rinpuia chuan sir eggsy thihna chungchang i sawina em ni? A lo ti a. Inspector chuan, kal tawh pawn lamah i chhuak ang thihna a thlenna hmun hma chu kan thlithlai leh tur a ni. A ti ta a.
Anmahni kaihruaitu hnenah chuan inspector Remruata chuan, tlangval keini hian underground investigation kan ti mek a ni. Nang hetia kan bula i kal ve zel ka duh nachhan chu thu hretu atan i ni. A ti a.
Eggsy ruang an hmuhna hmun chu an han thleng a. Chumi lai bik te chu a zau lem lo. Feet 50 atanga feet 60 bial vel a zau niin a lang. Thing ding te chu far thing leh khiang thing te an ni hlawm a.
Ngaw chhungah chuan an lut ta a. Tlai lam a nih tawh avangin Ngaw chhung chu a thim deuh nghe nghe.
Inspector chuan a torchlight chu a han phawrh a, Rinpuia pawh chuan a lo phawrh ve vat bawk.
Inspector chuan, Rina kan tih tur chu i hria a ti a. Chuveleh Rinpuia pawh chuan ruang chharna hmun leh a chheh vel chu uluk takin a thlithlai kual ta nghal a.
Nakin deuhah chuan Rinpuia chuan sir, ke hniak ka hmu e. A rawn ti a. Inspector chuan phur fe hian khaw maw a han ti a, Rinpuia awmna lam chu a pan nghal vat a.
Ruang chharna kham awih tlan deuh hrul zelah chuan ke hniak chu a lo awm thla a. Chumi an awmna hmun leilung chu hnahthlel in a bawh nual a. Mahse lei chu Ngaw hnuai anih avangin a hnawng deuh thung.
Chu ke hniak chu an zui zel a, nakinah chuan leia ke hniak fiah fel fai tak lo awm chu an hmu ta a. A thla te chu an han la a. Pheikhawk number 37 a lo ni. A pianhmang leh a landan atang chuan black leather elio. Mipa booth niin a lang. Inspector Remruata chuan Rina, he booth hi a hming nen lam ka sawi vek theihna nachhan chu i hria e a han ti a.
Rinpuia chuan sir, i pheikhawk ngainat em em elio online atanga i chah ve ngat kha a ni a, he ke thla i han hmuh takah chuan i hriatchian em em i pheikhawk ke thla ang tak niin black leather elio zipper booth thla niin i sawi mai a ni. A lo ti a.
Inspector chuan Chu chiah. Kha i han hmuh tak ang khan ruang awmna bul velah kha chuan mi hrang hrang an kat nuk tawh dawn a, a lo chiar kawi deuh anih pawhin a awm viau a ni. Mahse he laiah ke thla dang fiah tak kan hmu thar a. Kan hnuchhuitu te chuan an hmuh hmaih a ni ngei ang. Kal tawh ke hniak hi i chhui zel teh ang. A ti ta a.
Ke hniak an chhui zui zelna atang chuan golf course khawthlang lama motor parking awmna hmun chu an zu chhui chhuak ta a. Ke hniak neitu kha a ke hniak chu hmuh tur a awm tawh hauh lo. Mahse, a kal leh zel dan tur leh a chet zui dan tur an han ngaihruat khan he lai motor parkna hmun lo hi chu hmun dang a panin a rinawm lo a ni. Hmun dang a thlang anih chuan midang in an lo hmu ngei ang.
Beiseina sang tak nen chu lai motor parkna hmun a awm cafeteria pakhat nghaktu chu an han kawm nghal a. Kha mi ni eggsy ruang chhar a nih ni chhun lam a ni emaw tlai lamah pawh he laia motor inhung a lo hmuh theih ang ang chu an han zawt leh ta rawih mai a.
Vanneihthlak tak maiin Chu nu chuan motor pakhat Mahindra Scorpio rawng dum pakhat chu khami lai khan a hmu a. A chhunga Chuang chu mipa samsei tak, hoody dum ha kekawr vutbuak rawng ha leh booth nalh tak bun a ni. Tarmit dum a vuah bawk a ni awm e. Tin zan tir dar kua vel bawrah chu pa chuan parking hmun chu a chhuahsan leh bawk a ni. Chu nu bawk chuan ka pu, chu pa ka sawi chu nimin mai khan hetah a lokal leh alawm. A inthuam dan ngai chiah in a inthuam a. Tarmit pawh a vuah leh a ni. A han ti leh a. Inspector leh Rinpuia te chu phawk zet hian an hawi hra mai.
Inspector chuan, ka pi, cafe ah hian a lo chawl ngai miah lo em ni? A ti a, aw ka pu, a lo chawl ngai miah lo chu nu chuan a lo ti leh a.
Uluk takin an thil hmuh leh hriat ang ang te chu an han chhinchhiah zel a. Chutah, dawr nghaktu hnenah bawk chuan ka pi, keini hi underground investigator te kan ni a, he lai golf course a thihna chungchang kha kan chhui mek a ni.
Nakinah a tul hun pawh a la awm maithei, nang hi kan thu hretu ah I tan a ngai maithei a ti leh a.
Chu nu chu a hamhaihin a ngaihna a hre lo hle a. Chutah han thawk halh pah chuan aw le ka pu, ka tan thil thalo emaw buai zuina tur a awm em lovang chu maw a ti a. Inspector chuan, buaina zawk chu kan tan hun I nei a ngem tih hi a ni. A ti ta a chu nu chuan hnuchhuitu te puih chu ka duh alawm a lo ti ta a.
Mukesh chakraborty thubuai chungchangah chuan court chuan thutlukna a siam ta a. Mukesh chakraborty chu tualthat anga puh a nihna atangin a fihlim niin an ngai a. Defense lam in an thlen tak angin mi pakhat hoody dum ha, sam sei tak, tarmit dum bun, booth nalh tak bun leh Mahindra Scorpio dum nei chu tunge a nih chhuichiang tur chuan police lam in tha thar an thawh leh a tul ta a ni.
Mipui lamah side A leh B a awm ta a. Thenkhat chuan court thutlukna chu mak an ti hle a. Chutia hoody dum ha, mipa samsei tunge anih hriat loh mi pakhat ah thubuai a luh tak daih avang chuan an ngai thiam meuh lo. Tunge Mukesh chakraborty zawk chu? Mukesh chakraborty chungchangah leh a nihna takah chhuichhian zelna an duh zawk a.
Side B ngaihdan ah erawh mipa khat tunge anih hriat ngai loh chu hriatchian an duh ve thung a.
Jury system leh Ram dang thubuai chai dan kalphung hi thu hmun vek a ni lova.
Court kalphung pawh a in ang lova, session court nihna pawh a dang thin.
Shooting case kalpui dan a awm a, court a hruai theih thubuai pu tu an awm a ni.
Side A leh side B ah khan enge kan ngaihdan? Session court thutlukna chu pawm chi niin a lang em?
Mukesh chakraborty chu a lawm hle a. Inspector Remruata nen chuan an inkawm a, a fapa thah thubuai kalpui zel dan tur chungchang te chu an sawi dun a.
Ruata, he thil titu hi tunge a nih ang? Inspector chuan, Mukesh, ka sawi huai ngam lo. Mi pakhat victor vanlalpianga a ni a, a ni chu thihna leh anchhia nen a inzawm thlarau sual a ni a. A damlai chuan nupui pathum neiin a nupui te chu mak tak mai in an boral hlawm a. Amah victor vanlalpianga chu tualthattu ni a ngaih a ni.
Mahse, he pa hi police te chuan an man lo. A thih dan hi hriat a ni lo a. A damlai hmel hmu an awm meuh lo.
Victor vanlalpianga chuan a nupui pathum te chu a man a that lo ani tih fiah turin a lokir a, a tum lawk thil nilo, a tihpalh thil niin a lan tir a ni.
Pastor pakhat a awm a, âtthlak takin a intihlum a, mahse mahni intihlum niloin thah ani angah an chhuah thung.
Pastor nupui chu mak tak mai in a boral veleh bawk. Mi pakhat a awm a. Chu chu a chhungte leh a thian te chan zo vek tawh doctor nih tum thin, pu Zahngaia a ni.
Damlo Lianzuala a awm bawk a. Mahse damlo Lianzuala hi he pa thlarau sual victor vanlalpianga hi niin keiin ka ngai thung.
Damlo Lianzuala chu pu Zahngaia nen khan an intawng tawh a. Damlo Lianzuala a tawn ni atanga ni rei lo te ah chuan anchhia rapthlak tak a thleng ta a ni.
Pu Zahngaia chuan a chhung te zawng zawng a chan zo ta mai a. A thian te leh amah ngaihsak tu apiang chu a chan chho leh zel a.
Mahse tunah hian pastor a ni tawh dawn a, a tan a thil tih a mawi nge ni ang tih rinthiam har tak tur hi a tih a tul niin a inhria a ni.
Kan inkawm tawh a, uluk takin kan titi dun tawh a ni.
Damlo Lianzuala inti, keiin victor vanlalpianga ka tih tak hi tunah hian a rawn inlan leh a ni.
A duh ang kan tih mai a tul niin a lang. Pu Zahngaia khan he anchhia hi dan tum emaw pehhel tumin sawtna a nei lo tih a sawi a. Hringnuna harsatna te buaina te hi zawng mi tumah hian kan tlansan hlen tak tak thei lo a ni. A ti a ni.
Mahse kei chuan ka laichin te chunga chhiatna thlen tir mek tu victor vanlalpianga hi tihtawp ngei hi ka duh tlat a.
Police hna ka thawhna hun hnuhnung ah hian chhanna danglam tak pek ka duh vang zawk a ni.
Chhanna danglam. Chumi ngei chu ka investigation nen thuhmun a ni si a. Ngaihdan awmsa leh Hriat sa chhanna hi ka thlak danglam thin a ni. Side c hmangin" a ti ta a.
Psychic Detective Volume -IV
-
- Posts: 37
- Joined: January 14th, 2024, 5:03 pm
ADVERTISEMENT (A hnuai a milem hi a nia hmeh zeuh tur chu)
-
- Similar Topics
- Replies
- Views
- Last post
-
- 0 Replies
- 357 Views
-
Last post by April Hmar Liverpool
-
- 0 Replies
- 2519 Views
-
Last post by April Hmar Liverpool
-
- 0 Replies
- 1785 Views
-
Last post by April Hmar Liverpool
-
- 0 Replies
- 2418 Views
-
Last post by April Hmar Liverpool
-
- 0 Replies
- 2338 Views
-
Last post by April Hmar Liverpool
Who is online
Users browsing this forum: No registered users and 0 guests