CHAPTER 34
“Ka duatnu" phone ka lak rual chuan a rawn au lâng lâng a, ka nui deuh hak mai. “In hna te chu a tluang em? Min va rawn be khât ve" ka tihchuan ngaihdam min rawn dil nghal ngeia, a lawmawm ka ti ṭhin.
“Mary kha hnaih tawh suh ka tih kha aw" ka tihchuan a rawn nui haka “I thikthu te lah hi a chhe ve sia, min ngaihtuah suh. I duhlaia hian a neih tum ber a nei tawh che a, hna thil a nihloh chuan tumah a be ngai lo, pitar pawh a belo" a rawn ti duah kher chu ka ner sak mai. Over thei lutuk mai.
“Ka rawn zin mai thei ania aw, bazar te pawh ka duh heta ṭang hi chuan thil a harsa sia, rawn in lei khâwl te ka duh" tiin ka phun sapa, “A ṭhat chu ilo kal chuan khawmhma min lo hâwn teh aw, ka putea te kha zawt la ka lawh sa ka dah ṭhatna an hria ang, ka ei châk riau mai. Helamah ei tur a vang lutuk" a tihchuan ka nui haka, a thil ei châk ber kher chu a ho hi kan ti khawpa.
Patling puiin thei thur han ei châk tlat mai chu! Ngaihtuah chian chuan a nuih loh theihloh “Aw le, ka lo hawn em em ang che. Kar leh hian dam chuan exam chawlh kan nei dâwna, ka rawn chhuk ang chu, min lo hmuak ang che" tiin dar zât chu ka en zauha, a lo tlai leh tawh hle mai. Zan rei lam bâk hi chu inbiakna hun kan nei tlema, WhatsApp lamah kan in text zauh zauh chauh a ni.
Class lâk laklawh laia phone khawih ka duh ngai lova, chutiang bawkin a ni pawhin hna an neih lai chuan phone a khawih ngai lo. Hei vâng hian inbiakna hun pawh kan nei ṭha lova, a châng phei chuan tlaivâr zaka thil chhui an ngai bawk nen nikhat tawp in biak loh te pawh kan nei ve ṭhin, mahse ka ring tâwka. Ka ngai tih chauh lo chu amah han sawisêlna tur ka la hre rihlo.
“I mut a chhuak tawh em?" rawn tiin a ham zui buai buaia, heipawh kan inbiak apianga kan tih dân, mutchhuak lutuk pawh ni silo hian kan ham ngei ngei. “Ka la be duh che alâwm, naktuk inrinni a ni tho, taka Valpuia leh Siamtei pawh inneih an tum hnaiin ka hria" ka tihchuan a rawn nui ri haka, “An va buai leh dâwn ve" a tihchuan ka nui ve hak mai.
An inhnial peih ve sia han innei tak tak se an hmuhnawm ngawtin ka ring, “Innei ve rawh se, an upa ve tawh alâwm, kan mu tawh mai dâwn em ni? A tlai tawh riau mai" tiin ka sawi zuia, a lo aw ve mai bawk. In mangṭha in kan dah zuia, mu tur chuan ka insiam rem sat sata, pasal ka nei a ka pasal nên erawh hna avângin kan awm hran a ngai chu a nisia,a châng chuan mi nupa ka awt ve lek lek zel.
Mahsela kan pahnih tân tho tih ka hriat avang erawh chuan engmah sawi nawi ka nei duhlo thung. Ka pasal a ni a, a tuina zâwng tak hna a thawk thei chu ka lawmpui bawk, naute ka pai theiha fate ka la nei ve ngai a nihchuan a kiangah ka awm ve thei tawh mahna.
Khau chher hrâm chiah chiah ngaithla chung chuan ka mit ka chhing diar diara, reiloah ka muhil ve ta mai bawka.
“Pute kar leh hian Aizawl lamah zin ka tuma, Saman khawm hma ka ei chak ka putea te khan ka dahna an hriat kha min lo hawn rawh a tia" ka tihchuan puteate chu an rawn nui chhuak vak vak hlawma, “Bawiha chu a raino te a nilo maw?" fiamthua a rawn tihchuan ka nui ve lo theilo.
An ni lah chu an la nui tâwp theilo, an nelawmna tak hian Sama awm lo pawh hrehawm ka tih loh phah. An felin mi an duata, inchhûng ka chet ve pawhin mi an leh khapa, an ni aia mote duat hi chu an awm kher lovang. Lo an neia, chu mi enkawl chung chuan engkim ah min la awl thei a nia, heti chunga an laka la vui chu mo ṭha lo tak an ni ngei ang.
Tûnlaiah mona hrehawm ti kan tam viau a, ni e kan pasalte nu hi an pawimawh renga, chutih rual erawhin a mo a te pawh hian kan mona tur chhûngkua hi kan hriat chian angai in ka hria. Nute pawhin kan vânglai kan mo thar tirh te ngaihtuah ranin kan fapa te nupui an nih hria in fa ang chiahin en thei ila, chu chuan inpawhna ṭha a siam ṭhin.
Mona nu sual tak an awm laiin ṭhenkhat erawh mo sual tak an awm ve leh thunga, pasal chhûngte hmu thei miahlo, an pasalte fuih pawrha an chhûngte lak aṭanga lâk hran phêt tum an awm ve bawk. Mihring kan in ang lo miaua, hmeichhia chu kan suala, in rêl leh in sawichhiat kan chin tlatna hian inchhûng khur boruak pawh a ti nuam lo ṭhin.
Kan chhûngte ah ngei pawh an monu sual lutuk avanga chhûngkaw keh darh te an awm a, a pasal nu leh pa a unaute chenin a ngeihlova, vuivaina tur a zawng peih si. Hna pawh an thawh tir duh lova, kha tichung khân in chhûng khura chêt lah a peihlo, a pasal chhûngten an tih ve deuh hlek lahin an pa bulah a zual ko a, khatiang na na na kha chuan a pasal rilru chu a chhûngte huatnaah thlâk sakin an chhûngkua an kehchhia a niber. Mo sual hi chuan laina zawng zawng pawh an ûm darh an lo tih fo kha maw.
(HMEICHHE DINHMUN A HREHAWM EM EM LAI HIAN THENKHAT HI CHU AN MAHNI VANGTE ANI FO A, TUNA MOSUAL KA TIH
PAWH HI A TAK NGEI AMI AW
)Mo nih hi thil nuam ani lova, chutih rual erawhin kan pasal chhûngte sukthlek hi en ila tam takah chuan kan hrehawmna tur a awm bik lo. Ka pasal te erawh ka fak lo theilo, nu leh pa tuithlar, heti khawp a ṭha hian min enkawl thei a nia, tunge an lakah vuina tur hmu ang ni.
Awm mai mai turin min tifo mahse school ban erawh hi chuan tih tur ka zawng ve fo ṭhin. Awm mai mai ka duh bik silova, ka puih theihna lam a awm chuan puih zêl ka tum bawk.
Ni a liam leh meuh chuan keipawh chu Aizawl lamah chuan ka chhuk a, Sama thil ei châk pawh chu ken sakin ka nui leh ver ver ṭhina. Inhmuh hun ka nghakhlel tawh a ni ber mai; “Duati" Sumo aṭanga ka chhuah rual chuan min lo kuah vata, khua a thim ṭan tawh bâkah tumah vakin min bengkhawn lêm lo nen pawi pawh ka ti lo, “Min ngai tawh em?" tihchu ka zawta, a hmui phun chuan “Lutuk" a rawn ti sup mai.
Ka thawmhnaw tlêm ken leh thil dang ka ken chu lâk thlâk tirin a Bolero ah chuan a dah lût zela, min lo hmuah ka ring chiah lo kha ania. Mahse hun a insiam tih ka hre mai, Bolero kawngkhar min hâwn sakah chuan ṭhu lutin a rawn luh ve rual chuan kan inkuah leh vang vang phawta.
A rim chu hip vang vangin ka thaw chhuak nghal suai suai bawk, kan vela motor tlan leh mipui kawngkal ṭawng bawrh bawrh pawh chu ka ngaihven tawhlo; amah chauh chuan ka ngaihtuahna an luah ani ber mai.
“Min ngai ve chiah maw?" amah zawk chuan a rawn ti thunga, awmsawn deuhin ka biang leh hmui vêl chu a chûl dan dan bawk. Bu nghat nghatin a dârah chuan ka beia “Min lo hmuah hman pawh ka ring lova, in buai ka ring sia engtin nge min rawn hmuah theih zawk?" ni e, nitin rukrûk leh tualthah lam thlengin buaipui tur an nei renga, ruihhlo tawlh ru nen lam man an ngaih ṭhin avangin an buai theih zia ka hailo.
“I rawn chhuk dâwn sia, bâkah ka thu ve alâwm. Hna pawimawh a awm tawh êm êm lova, ka rawn kal vang vang a nih hi, ka nupui hi ka hmu châk tawh sia, ka in luah pawh ila hmu reng reng hleinem? I pianna khua mah nise i hriat ngai loh hmunah kal tura tih che kha ka duh teuhlo, tirawh le. I haw phawt ang hmiang" tiin motor chu a tlân chhuah tir zuia, ka chau ve bawk nen ka ṭhu mu ar ar mai.
Motor chuan hi chu kawng thuiah phei chuan taksa hi a sil ṭhum zêl bawk nen a châng chuan a hrehawm mah mah ṭhin. Tuikhuahtlang lamah min tlanpui zêlin an Presbyterian Biak in aṭanga thui vak lo kawngkual laiah chuan min dinpuia, ka thawmhnaw vêl chu la chhuak nghalin amah chuan a khaia, chutah in lianpui mai rawng hring veka chei hnuaiah chuan min luh puiin chahbi phawrh chuan a hawng nghal ruk ruka.
“Ka lo lâwm a che, hei hi anih hi ka inluah chu, tihian kei tih lohah i hmu hmasa ber" tiin a nui vur vura, nui ve sakin a inchhûng chu ka enkuala, hnawk pawh a awm lo. Amahtea a awm avangin a hnawk viau ka ring kha a nia, mahse rinai a che fel,an khuaah pawh khan a room kha a dahhnawk ngai miah lo a nih kha.
A zau em em lo na in mi pakhat luah atân chuan a tâwk hle mai, kei awm belh pawh ni ila kan tâwt em em ka ring lo. Room-ah chuan min hruai lûtin khum te chu a lo inthlep fel ṭhapa, ka bag te ah chu dahthlain alam chu hawiin ka kuah zuia “A nuam hle mai, a zau dân pawh a tâwk chiah mai ka ti, ka ngainat zâwng tak ani" tiin ka nuih ver vera, ka chalah rawn tauh dat phah chuan min fawp nghal zauha.
“Awmdun theih vat ka châk tawh, awm hran reng zawng rual awh a na emai, hmangaih viau lo phei che ila chuan hmeichhe dang ka ngaizawng daih mai thei ani" a tihchuan ka tum hmaka, fiamthua sawi mah nise ka lâwm der lo. Hmeichhe dang hnaih tur hian ka duh lo hrim hrim, “A nih tak chu, tunah pawh ilo hmu ṭhin lo maw?" tiin ka kut chu ka kuangkuah hmaka.
Ka awmdanah chuan ka lâwm chiah lo tih a hria nge min pawm betin “A teuhlo mai, nangmah bâk ka hnaihlo, i duh chuan ka phone pawh i check thei ang, ka fiam mai mai che a nih kha. Nangmah bak duh ka neilo" tiin a phone chu ka kutah a rawn daha, check tur chuan a mitmeiin min hrilh bawk.
Ngawi reng chuan ka ena, hmeichhia betu a ngah zia chu a rapthlak zawk. A chhâng lem hlawm lova, ṭhenkhat te erawh a chhang thung; chu pawh nupui a neih thu chauhin, ka nui nghal ver vera, amah betu tam zâwk chu college zirlai an ni a, a hna kal leh khawilai emaw a a kal vel an lo hmu in a ṭhenin a thlate la in an lo post darh ṭhin a nih hmel.
Mahsela tumah a chhâng ngailo, amah betu ah chuan chhelo leh hmelṭha fe fe pawh an tam; mahse a chhân ngaihlohna tak chuan min ti lâwm takzet.
“Khawi i lo thleng tawh bawka i ngaih ṭhat leh zual nân" tiin a phone chu min lâksak in thla chu min lakpui zuia. Ka nui hak mai, status-ah chuan upin “Ka nupui duhtak pawh a lo zina, kan status ange, khawvel a ka hmeichhe hmangaih ber chu a nih hi" tiin.
Status a nei khât bawka, view tu a nei chak ngei mai. Amah rawn be tu te chu an la tam zâwk zui, chûng ho in mak an tihzia a an rawn chhânna te pawh chu ka hmu vek bawka, ka nui leh hak ṭhin. Hetiang khawp hian a luck ang tih ka ring phalo hrim hrim, hmeichhia zâwkin an be hmasa ngam lehzêl chuan mak min tih tir lo theilo.
“In ti faila, room piah chiah hi bathroom ania, chaw ka lo order ang kan bâwl chawp chuan i ril a ṭam tawhin ka ringa, a buaithlâk" tiin a chhuak zuia. Keipawhin ka thawmhnaw te chu la in ka chhuak zuia, bathroom ah chuan lutin shower chuan ka inphuh tir sar sara. Ka hahdam sawng sawngin ka hria.
Room aṭanga ka chhuah chuan chaw chu an lo dah tawha, dawhkân ah chuan a lo chhawp dal mai “Lo ṭhu la chaw eikhamah kan mu nghal daih dâwn ania" atih chuan ka pan phei vata, an thil siam chu a tui dâwn tih a hriat. Sama chuan ka thil ei vêl chu hmuhnawm tih hmel tak hian min lo en reng a.
“Ei ve vat la min en reng lo khân" ka tihchuan a nui haka, min en reng chuan min ti lai tlat bawk nen ka sawi lo theilo. Ka pasal mah nise khawdang hawi lek lova min en avâng chuan ka zak lo theilo bawk.
Engmah sawi tawh lem lo chuan chaw chu a bar ve mai a, ka thaw huai mai. Thla chuang fe kan in hmuh tawh loh vang nge ka zah thar tlat bawk.
“Le tihian dah ila mut chiah kan ngai tawh e" tiin kawngka chu kalhin room lamah min pawm lût nawl bâwla “Sam ha pawh kan la nawh loh hi" ka tihchuan a pawi ti lem lo nge a chêt lâk chu a tâwp chuang lo, dang duh bik lo chuan ka lo kuah let ve chiala.
Kan zawh hnu chuan engmah sawi rih lo in kan in kuah hle hle a, a ni pawh a thawk chu ala rang hle mai. “Ka chau lutuk" ka phun chhuak sapa, min rawn kuahin ka chalah a fawp zui leh zauh bawk “Muhil rawh i chauh chuan, naktûk chu i rawn zin bawk sia hna pawh ka châwl mai ang chu, kan pahniha lendun te pawh a khât alâwm" tiin ka kut chu a fâwp zauha.
Ka phur zâwng tak a ni, ni e kan in tawn hnu hian kan pahnih chauh hian kan lêng khata, kan inneih hnu phei hi chuan lênna hun kan la neilo hrim hrims, chutia lendun te a sawi tâkah chuan pawi ka ti em em lo. Amah nena hun tam thei ang berin hman ka duh, kan hmalamah enge lo thleng dawn tih hriat lohah hian a tam thei ang ber hun hman ka duh ani.
“Tehreng mai, Sakawrhmuituai ah te pawh lâwn ve ang, chawlh ka neih hun chhûng hi chuan i hun neih ang angah lendun ka duh. Midang ngaihtuah miah lovin kan pahnih chauha awm ka duh a ni" ti a phun sap sapin a âwm an chuan ka beia, ka tawk khât tawh nen a pangti lum te chu ka thlahlel zual bawk nen ka hlatsan phal meuhlo.
ZAWMNA...
“Sam a za ania" ka nui hak haka, a nilah tâwp duh lo in ka nghawng chu a fâwp in a zuk ka timai. A châng chuan a rawn na lek lek ṭhin, ka thaw ham hama a luah chuan ka ṭhamsak ngawng ngawnga, a awm sawn rual chuan mitmeng thûk ruih hian min en reng a.
Kei erawh thawk pangngai tumin ka thaw kawk kawk thung. “I hmelṭha zual sawt maia, ka awmloh chhûngin i lo ṭang deuh te hi anilo maw?" a tihchuan ka ner nanga, awihawm loh thei lutuk. Inchei mah ka in chei peih lo ania.
“I ti mak emai, incheina hun a awm hleinem. Nitin naupang zirtirin ka buai a nih hi, khawi maw tho teh ang. Lênpui te min tum kha i hre tawh lo em ni?" tiin thawh mai ka tuma, a phal tlat lo “Thawh hma in round khat" a tihchuan a sawi ka man chiang bawk nen ka en nghal vata, a ni erawh a hmêl a lo thlâk leh vek tawh.
“Nupa kan ni tawha, insûm ka tum tawh hauh lo ania, ka rawn haw hma loh ka khawih thei tawh dâwn lo che tih i hriat kha" tiin ka dul aṭang chuan a rawn chûl zai zaia, chil lem khalhin ka nuih ta ringawta, engmah ka sawi buai lem loh avâng chuan rawn insiam remin ka chunga bawk chuan min fawp zui ta tawn tawna.
“Duhtawk chin neilo pa" ti a phun sap-in a nghâwngah chuan a tih ang chiah chuan ka fawp ve a, a tâwpah chuan a sen ta kalh mai. Nui ver verin a hrawk bawk nalh zet chu ka chûl sak riak riaka, a hrawk bawk a lian a, chu chu nalh ka tizuala, amah ti mipa leh zual tu a ni ka timai.
Ka en renga, chutah ka lu chu kânin ka fawp leh nghal zauh bawk. Mipa hi chu an hrawk bawk a len pauh leh a nalh ka ti zual, an mahni ti mipa zual hliah hliahtu ni maiin ka hria. Mipa ṭhenkhat hmelṭha tak tak an han tuai daih te hi ka ui ṭhin; pangngai takin awm sela chuan an zunah hmeichhia an uai fur dâwn tih hriat tak te hi an han piangsual leh daih ṭhin hi ka lo ui.
“I in peih em?" a tihchuan ka bu nghata, engmah sawi tawh lo chuan a taah min siam nawn tur chuan a rawn lût zuia. Nupa kan ni tawha, kan inneih hma kan in vawng duna, tunah chuan dan buai ka tum tawhlo. A ta liau liau ka nih zia hi fiah nawn fo ka duh a ni.
A chet nat salh rual chuan rum dar darin ka kuah nghet sauha “Ka hmangaih che Sam" tisapin ka mit chu ka chhing zui diar diara, nawmna min pêk mêk avâng chuan ngaihtuahna fim pawh hman har ka ti takzet bawk.
Ka taksa chu za chiai chiaiin theihtawp chuan ka lo che ve sauh sauha, a ni pawh in min hmangaih thu chu sawi ve in kan zo dun a, thawk la dun halh halhin ka sam hnawk niahte chu min chûl mam sak pah bawk. Nui thâm chhalin a mi tih ang ang chuan ka awma.
Tûnah hi chuan ka zawi tih piah lam ani, min kai tho in ka thawmhnaw chu ka inbel malh malha. “I khawm hma kha ka rawn hâwn ania, bagah sawn sarangin ka fun kha lo va en rawh. I thil ei châk amak si" ka tihchuan a nui suk suk mai, keiin hmelṭha leh pa ti zetin ka lo en reng thung, mi zawng zawng chuan hmelṭha an ti kher lovang; mahse ka mitah chuan an sawi Lianchia aia a ṭhat lohna bik tur ka hrelo.
“Piannalh pa, i kawr kha la ha rih suh. Ka la en duh che" ka tihchuan a kawr hak tum chu dahin min rawn ena “Ka lo chhelo viau a nimaw?" a tihchuan ka bu nghauh nghauh mai, Police tam tak chu an form nen an dul hma hruai luahin an lal hmêl vuaha, eiin an ei ṭha tih a hriat hle bawk.
Sama erawh a in uluk bawka, an form te kha a inhmeh hliah hliah a nih kha, a dul thêp zaih leh a khan sâng tak te chuan a pian an chawi zuala, a awm pharh hlai hlap mai leh a ban thahrui a nalh tawk chiaha lang te chuan Police a ti ang zual hliah hliah thung.
Nula te mit la lo chi a lo nilo, amah a hmêlṭha a, chuta karah apian a la nalh tel zui. A six pack ringawt pawh chu hmuhnawm ka ti, ka pasal a ni ringawt pawh hi ka hlim bawk. Ka hmangaih ang tih pawh ka rin ngailoh ṭhian aṭangin hmangaihna chu a lo piang thei tih amah aṭang hian ka hre chiang, ṭhian aṭanga hmangaihnaa a inthlâk hian kan inzawmna pawh alo thûk zawk nge nge in ka hria.
“I chhelo leh lutuka, tûn angah nula hmelṭha leh piannalh tak tak an awm ṭeuh sia, min phatsan mai ang tih te hi ka hlau riau mai. Kan awm hrang bawk si" tiin ka chhuak sapa,min rawn hnaih leh in ka lu bulah chuan a kut pahnih chuan innem khalhin min en rana.
“Duati, hmêl leh pian niloin, thinlung, nungchang leh mizia alawm ka en, chuan chutah chuan i tling vek bawk. I fela, i dawhtheia, mi hriatthiamna i ngah em em bawk. Nula hmelṭha leh chhelo chu an la piang dâwn chauh alawm, mipa dang nilo in keimah i Samuela ka ni tih hria la, ilo lan hma pawha hmeichhia kawp ngai lo hi min ringhlel in keimah avang chuan hlauthâwng duh suh, i vun a chuar hnu thlengin keichuan ka hmangaih ang che" tiin ka chalah chuan a rawn fawp vang vanga.
“Nangmah insit ngai suh, nangmah ang tumah an awm lova, i mizia leh hmêl ang pu pawh tumah an awm thei hek lo. Nangmah i nihna ah i famkim tih hria la, ka tân phei chuan hmeichhe danglam tak i ni tih hi in pawm rawh. I hmêl leh pian avanga ka hmangaih che a nihchuan mipa le lo tak ka ni tihna a nimai, keichuan Nuntluangpuii i nihna hi ka duha, ka hmangaih bawk. I lungawi lohin ngawi mai loin ka hnênah sawi la, keiin i tân theih tawp ka chhuah zêl ang" a tihzawm zata.
A thusawi chuan min tihlim takzet “Keipawhin nang lo mipa dang ka mamawh ngai lo vang, nang pawhin hmeichhia mai ka nihna avangin ka lakah zêp nei lo la, engpawh i harsatna te, i duhzawng te ka lakah sawi ṭhin la, i nupui ka nihna angin ka tih theih a awm chuan ka ti zel ang" tiin a nghâwngah kuah chung chuan ka ṭhu chhuaka.
Ka hlim lutuk chu ka thil tih reng reng chu ka phur surh mai, inbual faiin ka ha te chu ka nawta. Kan pahnih chuan rawng bawl dunin kan inchhaih paha, hetiang hian nupa nih hi a lo nuam ang tih ka ring ngailo, ka rin phâk bak a ni. Kan nu leh pa te pawh infiam ve fo mahse a tam zâwkah chuan fate an puitlin meuh hi chuan an tha a zuai ve tawh bawk nen an kulmuk ru tlat tawha, Sama nên erawh nupa nun nawm chhoh lai kan tawng ka tilo thei lo.
Chaw ei kham chuan lêng tur chuan kan inzui chhuaka, a v3 zawk kan kenga, a mawng a sâng bawk nen ka langsâr vuah te hian ka hria, nui ver verin amah chu ka kuaha, a chhelo bawk nen bike a han khalh leh phei chu a hmuhnawm bawk aniang jama kan din châng chuan nula ten min thlir duh viau mai.
Bawngkawn kan thlen meuh chuan 11 a ri titiha, jam awm reng hi chu a ninawm deuh chu a ni. Khawpui awm ka ninna chu vah chhuah ve dâwn pawhin lir ken zêl angai leh, jama rei lutuk kan tâng reng hi ka ning ber, Bawngkawn kan thlen aṭang chuan jam awm tawh lo in Durtlang lamah kan tlân chho a, ka hawi leh veuh veuh ṭhin.
Mahni pasalte nen ngei lên chu a nuam ngei mai. Kan kalna tur hmun kan thlen chuan hawi kualin midang lo lawn tur an awm ve bawk a, chung ho chu zuiin kan titi hoa, Aizawla piang leh seilian mah ni ila vawikhat mah ka la lawn lo bawk nen a kawng ka hre lo hrim hrima. Keiai Saman a hre daih zawk.
Midang ho nên chuan inzui ṭham ṭhamin Sama nen chuan thlalakna remchâng deuhah chuan thla in lak tirin kan hlim hlawm viaua, an ni pawh kan lak ve leh ṭhin bawk. Mi hi an lo felin an lo polite ka ti, a tlâng kan thleng chho va, thli chu a thaw heuh heuha, nuam ti tak chuan hawi kual velin Sama chu ka kai kuala, a tlang hmawr deuhah te chuan dingin thla kan in lâk tira, kan in post kual nasa mai.
Puan kan ken chu phahin kawng sir hmun zawl laiah chuan ṭhu in a ni a mu a, ka mal chu a kham ngei lehnghâl. “Mi an lo kal zel hi, tho teh! A buaithlâk thei emai Sam" tiin a luah chuan ka ṭhamsaka, “Ninawm a ho mai mai, in ngaizawng vek an nih saw, keini chu nu pa N.U.P.A a rawn spell kher a nih chu, nuih a tiza.
Ngeiawm deuh si a ṭawng dan vel hi a thiam ve mawle, ka lip nek dawn mawni. “Ka hria alâwm; mahse miin min en duh ema" ka tihleh chuan min rawn en chho vin “Kan hmelṭha an ti lutuka chuvang a nih chu, a ho mai mai ngawi hle hle khân ka lu kha chûl la, ka muhil duh" a tihchuan ka sik sawka, in la Lal har har lutuk mai.
Mahse engmah sawi buai lem lo chuan ka chûl hliau hliaua “Ka neih loh teuh zia che ka ngaihtuah hian ben sawk che ka châk" ka thusawi avâng chuan rawn nui hakin ka kut chu a rawn vuana “Keihian a lawm thin nawk che châk ni, sual reuh lutuk mai" tiin ka biangah chuan a rawn piai hlawk a, ana em em lehnghâl.
Ka hmui hnuailam seh chuan ka kut zungchal leh a lai chuan a hnarkuaah chuan ka kawmsak vaka, a rawn rak nghal chûl mai. Ka nui hak haka “Awi Nuntluangpui, ka hnar i pawt thla zo dâwn, thlah rawh thlah rawh" a au chûl mai, nui hakin ka thlaha, a hnar hmawr chu a sen hlar bawk.
A rawn meng rum lutuk chu nuihin kûn hniamin a chalah chuan ka fawhsak zauha, “Ka biang i piai ve tho kha, tikhan min melh vak suh. Keipawhin engtin mah ka tih loh che kha" tiin ka hmui chu ka ti pawrha “I tih hi, ka hnarkua i kawm zau vek alâwm" ka nui chhuak hawk mai.
A biangah chuan piai nawk nawkin “Malsawmduhawmpa, ka duh em em pa i va han cute tak" ka nui pah har hara, a hmai chu a sen ṭun mai, “Ka chau, a nih tikhan min sawisa ve mai rawh" tiin ka indawha, rawn ṭhu chhuakin ka ban chu la lawkin a seh nghal vak mai, ka in pet fan fan mai.
“Mawla, ana lutuk. Seh pilh vek i tum em ni? Sual lutuk" tiin tho chhuakin ka kalsana, ka ban a sehna lah chu a duk nghal kulh thei nia. Ka chhêm paha, ka tum bur bawk. Pakhata lah chuan hnung lam atangin “I ti ti tau tau, i ti tau tau, i ti ti tau tau, i ti tau tau" rih ringawt chu sa in min rawn zui ve bawka.
Hmelchhe lutuk mai, ka hawi let tawh awm hleilo, haw tum chuan tlâng kawngah chuan ka chhuk thla nghauh nghauha “Duati ding teh, titau lo ang. Ka hmelṭha sia min thinrim khum te hi i ui lo em ni?" a la rawn tingam nia, a ngalah chuan ka chhir ṭawka, a hmelṭhat pawh chu ava hre awm ve.
“I hmelṭha thlâwt lo aw, i chhiat zia hi engtin nge ka duh theih che ni?" tiin ka kalzawm zela, “Aw... i sawi vek tawh kha, ka hmelṭhat thu tukinah khan hmai tai hlar leh mitmeng" inher thutin a hmui chu ka hup saka, kan bul hnaiah mi an awm leh awm loh chu ka melh kual zak zak bawk.
An awm lo tih ka hriat rual chuan thaw huaiin Malsawmkima chu ka ena, a mit ala ran sân ak ak zui, ka vaw thlu tawp zawk dawn emaw ni? “Sawi hun hre rawh, hmelchhe ropui si ka lo nei duh che hi ka vanduai ani" min rawn chawi lawpin min pawm chung chuan bike min chhuk thlak puia, ka chum nghal pawp mai.
“I vanduai lo emaia, kei anga hmelṭha hi i hmu tawh lovang, ka nupui duh tak, thinrim zetin min be mahla nakinah chuan ka âwm a bei chial chungin i ṭawng leh zat zat mai ang, tirawh le i awm peih tawh loh chuan kan haw anga a nimai alâwm, keichuan ina awma mut mai mai kha ka chak zâwk" ngeiawm lutuk mai.
“I hur" ka lo ti vak chu a rawn nui chhuak hawk hawka “Mihringte nihdan alâwm, mahse nang leh keichu nupa kan nia pawi leu" tiin engdang mah sawi tawh lo chuan min kalpui zela, keipawhin engmah sawi ka tum tawh biklo.
NAKTUK ZÂNAH CHAPTER THAR AW