KA HMANGAIH THINGTLANGPA BY MAWITEI BAWITLUNG (Completed)

mawitei bawihtlung
Posts: 933
Joined: November 18th, 2020, 12:53 pm

Re: KA HMANGAIH THINGTLANGPA CHAPTER - 1 (ZAWMNA)MAWITEI BAWITLUNG

Unread post by mawitei bawihtlung »

KA HMANGAIH THINGTLANGPA







CHAPTER 35







“Sir vawiin i rawn kal lo a, tinge?" kan haw lam chu kha Mary kha kan tâwk nawlha, ka mood-a ti off nghal vek. Kan buai laia Saman ka laka hmanrua a a hman nu a nih avang hrim hrim pawhin ka ngeih lo, bakah a awm danah hian Sam hi a duh tih ka hre chiang hle bawk, Sama kuah chung chuan bike aṭanga chhuk pawh tum lo chuan ka ṭhu ngara.






“Hei Duati hi a rawn zin sia ka lênpui a nih hi, kan kal phawt ange" Sama chuan tiin bike chu a tlanchhuah tir zuia, Mary-ina thik hmel taka min en chu ka hmuh hmaih lo.






In kan thlen rual chuan chhuk vatin ka intuai mâm thuak thuaka, “Khanu nena in thawk dûn hi ka ning, ninawm engmah ka sawi leh peihlo ka chau" tiin in chu hawngin ka lût zuia, ka inthlak peih lo chuan room chu panin khumah chuan ka mu thla hnawka.






Khawpui hi chu mihring kan tam leh lutuka, thawm bengchheng lutuk vâng ringawt pawh hian ka lu a na hlui mai. Hmun reh ah ka awm rei ve tak vang te pawh a niang, a boruak hi ka zo lo lek lek tawh mai. Bâkah ka motor chuang chau nen châwl hman lek lo in kan awm bawk sia ka chau zual.





Ka bulah chuan rawn mu ve hnawkin min rawn kuaha “Awi kal teh, ninawm ka chau ania" tiin mit chhing chung chuan ka kut chuan ka vai hlaka, a rawn nui hak mai. “Ka lo duat ang che" tiin a ṭhu chhuaka, ka lu chu rawn la kangin amalah chuan a nghata, a chûl nghal hliau hliau mai.






Insiam remin a dul zâwnah chuan ka bei thana “Sam ka hmangaih che min kalsan miah suh se" mutchhuak aw zet chuan tiin ka kuah nghet sauha “Hahdam rawh, min chan ngai lovang, min hrechiang a ni lo'm ni? Nang lo an awm ngai lovang ka tih kha" tiin ka hnute chu a rawn hum chata, a hmet nghal nak nak bawk. Mipa hi chuan hnute an lawm hi a reh ngai pawhin ka ring lo, hnute hi an buaipui ber mai chu anih hi.







Hau duh bik lo chuan ka thaw zui sak saka, ka muhil zui ta thuaia.




Tlai lamah chuan min kai tho in rawng a lo bawl vek tawh a nih hmel, a biangah chuan ka chuk sak zauha. A lâwm tawk a tling leh em em tawh mai, kan pahnih chuan chaw chu ei dunin kan titi pah mawlh mawlha “Duati zanin chu i nute va hmu ang hmiang?" ka chaw ei lai chu tâwp in ka en a, a thu rawn sawi chuan ka nui lai a ti tawp chat mai.






“Mahse Sam, min hmu duh dâwn em ni?" tiin ka chaw ei lai chu ka tâwp riha. “I nu kha ka hmu a, ani pawhin angai viau che tih ka hria alâwm, nang pawhin i chhûngte chu i ngai a ni lo'm ni? Ka lakah in thup suh, i thisen zawmpuite an ni a, i thlakhlel tih pawh ka hria, i pa rilru ber hi kan hmin angai a nimai, a ṭul leh a hmaah kan bawkkhup mai ang chu" tiin fiamthu chu a zep tela, ka nui hak mai.








A rûk tak chuan hmuh ka chak rualin ka hreh bawk. Ni e, ka nu pawh ka ngaia, mahse min tui thlar thu an sawi aṭang kha chuan ka be leh tawh ngai lo anih kha. Engtin nge min lo tih anga, engin nge min lo hmuak dawn ka hrelo, ka zâm ru takzet. Chutih rual erawhin Sama anga mi hrethiam tu ka nei chu ka vânnei ka inti bawk.







Chaw eikham chuan insiamin kan in lam chu kan pan duna, ka zâm lutuk chu ka thaw leh hak ṭhin.Ka mal chung a ka kut dah chu ka insual tîr thul, Sama chuan a hrethiam nge ka kut chu rawn vuanin min thlamuana, ka nui sak mai.







Kan in zâwnah chuan dingin ka en vang vanga “Lut ang le, zâm hauh suh. Hlauh tur i neilo; vêng tûr che in i bulah ka awm reng a nia" tisupin min kaiin kawngka chu a kik zuia, ka nu aw ngeiin a lo chhawn tâkah chuan min hruai lûtin amah chuan hma a hruaia.







“Bawihi" ka nu chuan min rawn panin min kuaha, ka lo kuah lêt ve nghal vata. Ka mittui a hnam sawk bawk “I nu leh pa hian thil kan tisual a ni, i hlimna turah ngaiin mipa i hmangaih miah loh neih tir kan lo tum che kha kan tisual a ni, min ngaidam rawh aw" a rawn tisap sapa.






“Nu" thildang ka sawi thei lo, ka ṭah khuma, dik tak chuan Sama nen kan in neih hlim kha chuan ka kianga awm tur khân amah bak beisei ka neilo “Pa a, lo chhuak teh. Bawihtei a lo haw asin" ka nu au rual chuan ka naute ho pawh chu an rawn chhuaka, ka pa erawh meng thim khap chungin a rawn chhuak thung.







Thinphu dep depa kan lo en lai chuan Sama hmaah tak chuan a rawn dinga “Ila rawn kal ngam amaw? Kan fanu ngei kan hnêna ṭangin i la hrang tawha, chuti chung chuan he in hi i la rawn rap ngam a maw?" a tihchuan hlauthâwng takin ka lo ena, ka nu pawh chuan a lo khap vat mai.







“Ni e, ka nupui tâna a chhungkaw neih chhun in nih avângin ka rawn kal a ni, tin in fanu hi in lak aṭangin ka lasawn lova, ka nupui ni turin ka hruai mai zawk a ni. Ka hmangaiha, MLA fapa chu ka tluk ve kher lo maithei; mahse in fanu hi rethei taka awm tur chuan ka siam ngai lovang. Ni e, kei chuan chhûngkua pek tur ka nei lova, ka nu leh pa thlengin ka chân tawh bawk, keimah bâk hi pek tur ka neilo, mahsela mi nupuite awt turin ka siam ngai lovang a, a mittui pawh ka tlak tîr hek lovang. Enkawl ka duha, ka kianga awm reng turin ka duh, sum tam tak chu ka thawk chhuak lo ani thei; mahsela ka fate nena rual awt reng renga awm turin ka siam ngai lovang" tiin ka pa chu a melh lêt rana.









Ka nu nen chuan kan lo en reng thung, min hmangaihzia a sawi chhuahna chuan min hneh takzet bawk. “I phatsanin i iai leh mai lovang maw? Hmeichhe dang lakah i kalsan leh si ange" a tihchuan Sama chu a khi saka, “I fanu hi thu mai mai in ka hmangaih lova, a rawn lan hma khân duh chu ni ila nupui chu ka nei tawh ang. Mahsela in fanu hi ka thinlung leh taksa, ka rilru zawng zawngin ka hmangaiha, ka phatsan ngai lovang, ka thusawi hi ka sawi liam mai mai lova, ka hlen ngei bawk ang. A fiahnana ka nun hlan angai a nih pawhin ka hlan mai ang" inringtawk tak chuan a ti leha.








Ka pa chu a ngawi vung vung mai, engtin nge a chhan ang tiin ngawi reng chuan kan lo nghâk ṭhapa “A ṭha e, kha thu kha a ni ka hriat duh chu ni. Kan fanu hi nangmah avangin a ṭap tawha, tûn hnuah chuan a mittui ti tla leh tawh suh ang che. Hre reng rawh, a mipa hmangaih hmasak ber a nu leh pa bulah hial a ṭah chhan i ni tih hre reng la, khatianga ṭap chunga rawn haw turin siam nawn tawh suh ang che. Tûnah chuan thlamuang takin awm tawh rawh u" a tihchuan ka nu leh ka naute ho nen chuan ka pa chu kan kuah khawma.







Ka ṭap chhuak hlap hlap mai, ka beisei loh lutuka thil kaltluang ta si chuan min ti ṭap lo theilo “Ṭap reng reng suh, i ṭah chuan i pasal hi i zui haw tawh lovang" a rawn tihchuan nui hakin Sama lam chu ka pana, min lo nuih ve suk mai. A kutah vuanin ka pa in ṭhu tura min tih avâng chuan sofa ah chuan kan ṭhu hlawma, thil hrang hrang sawiin Sama pawhin a kaisan thute chu a sawi vea.








Mipa ho inkâwm khawmin hmeichhe ho chu kan inkâwm hrang ve bawka “A hmangaih zia che ka hmuh sak thei a ni, i pa nen pawh kan inthiam lo teh a sin. Mahse rilru na zeta rawn haw tir tu che a nihna avâng khân kan hlauhthâwn pui che a, MLA fapa lah khân a duh lutuk che a kan hriat avang khan i tân neih mai a ṭhat zâwk kha kan ringa, i pa nên hian kan dampui reng dâwn lo che a. I naute zawng zawng pawh hi kan ngaihtuah lo theilo, kan awm loh hnua hrehawm taka in awm hi kan hlauh vang ania kan nawr luih fo cheu ni" a tih dap dap chuan ka lo bu nghata.








“Nu, Sama chu a danglam bîk asin, keilo hmeichhe dang a be ngailova. A chhaih pawh a chhaih ngailo, engtik laiin nge ka hmangaih ka hre bik lova, mahse awlsam taka min tih nat theih rualin awlsam tak bawkin ka ngaidam leh zung zunga. Keimah pawh hi ka inhrethiam tawh bik lo, a tir kha chuan ṭhian ang bak kha chuan ka en thei miah lova, mahse zawi zawiin ka hmangaih chho a, tûnah chuan ka kalsan theih tawh pawh ka ring lo" tiin ka rilru dik tak chu ka nu ka hrilha.







A ni pawhin ka kut chu beng thek thekin min nuih var vara “I pa lakah pawh ka awm dân chiah alawm, a leh lamah chuan mipate hi chuan hmangaih an neih pawhin tihlan mai hi an hreha, an in lâk pa na anih ve avâng hian hmeichhe tân chuan awmdân thiam hi a har fo a sin. Ṭul lovah rilru a hah phah nek zêl lehnghâl, an rilru hi sawi chhuah an hreh tlat zelna hian a châng chuan inṭhenna a chawk chhuak fo reng a sin" tiin ka pate lam chu a en pheia.







Ka naute ho pawh eng lo sawi lo chuan an ngawi ṭhap mai, “Kan haw tawh dâwn ange, a tlai ta riau mai" tiin Sama chu a rawn ding chhuaka, ka pa chuan “Zanin chu riak rawh u, Nunui room kha a âwl reng a lawm, zîngah chaw te kan eikhâwm ang chu. A haw leh phei chuan kan inhmu leh mai mai tawh nâng, kan fanu hi in khuaah a tlei ropui mai sia" tiin a nui hak haka.






Sama pawhin a hnial duh lêm lo, ṭhu lehin kan inkâwm khawma, ka naute erawh an mu lût ta thunga. “Hetiang te kan nih takah chuan thuam chhawm te pawh hâwn nghal sela a ṭha ang" ka pa in a tihchuan Sama chuan a lo hnial vata, “Bungrua kan ngah sa lutuka, a buaithlâk. Bâkah hei amah hian a hlawhin a leia, ama rawn ken sa nen heta awm hi chu amah in fanu anihna anga in kawlah awm rawh se, a haw hunah ka haw ve thei dâwn silova, a buai lutuk palh ang" tiin keichu min rawn ena.







Ka ngaih dan ve tho a ni, ka thawmhnaw tam zâwk ka keng tho bawk nen ka bungraw lei belh nên chuan kan room a hnawk dâwn lutuk tlat. Ka pa te chuan lungsi zân lo chuan an pawm ta tho a, rei meng tawh lêm lo chuan ka room-ah chuan kan inzui luta.






“Hei hi a nih hi ka room ve chu" tiin ka room chhûng zau ve tâwk tak chu ka en tira, a ni pawh a hawi kual vauh vauh mai. Banga ka school kal lai vêl in tar chu a enkual dan dana, ka high school kal lai thlalak a en lai chuan a nui vur vur mai.






“I inhmeh hle mai, i biang a la puar peng lehnghâl" tiin a nui huk huka, high school ka nihlai kha chuan ka thau ve thei bawk nen mi tih luih kha ka hlawh nasa viau zel.






“Ka thau a lawm, mu tawh ang. Naktuk hna kal i ngai tawh dâwn si a, ka nute inah hian ka lo awm tlang dawn emawni" ka tihchuan a rem ti vak lo a nih hmel.





“I rawn zin ve vang vanga, kan pahniha hun hman ka duh" tiin khumah chuan min mutpuia, chuveleh amah chu kuahin “Ka lâwm e aw, nangmah avângin ka chhûngte nen kan in biak leh theih phaha" tiin a awmah chuan ka bei thana.






“I tan chuan engpawh ka ti zel ang, ka hmangaih che a, i hlimna tur zel ka zawng dâwn a lawm. Fa kan neih hunah pi leh pu an la mamawh ngei dâwn si a, baihvai taka an awma, nang khawhar taka i awm ka phal bik hleinem" tiin ka chalah chuan a fawpa, ka nui seih mai.





Ka tan hian a lo va han hlu tak em, kan in tawn ṭan dan aṭang rêngin engkim hi Pathian ruat lawk a ang ka ti. Kan hmangaihte kan tawn theih nân mi dang dang min tawn tîr hrep hnuah zirlai ṭha tak tak zir tur min chhawp chhuah sak ṭhina.


ZAWMNA...





Zîngah tho in ka nute chu rawngbawl ka puia, kan titi dun a, kan hlim viau mai. Sama erawh exer la in a chhuak thunga, a in enkawl uluk bawka, hrisel lo chi pawh a lo nilo.






Ka pa pawh chu kan bulah rawn awm ve in Chanchinbu chu a chhiar a, Sama pawh a rawn lêt har lo. A rawn luh rualin min rawn pan chata, ka pa thawmhnaw a lo ha a nih hmel, atân chuan a te lam mah a ni e.






“Chaw ei in peih tawh em? vawiin chu hma takah kal a ngai tlat mai," a tihchuan ka lo bu nghata “Nu chaw kan ei tawh mai dawn em ni? Sama hi hna kal a ngai leh tawh sia" ka nu chu ka rawna, a ni pawhin a lo hnial bik lo, chaw ei te chu siamin kan buai zui nak naka, ka naute pawh School kal an ngai nen an lo hmanhmawh ve tum hrang bawka.







Kan ri le lu reng mai, chaw ei kham chuan thleng te chu ka sila, ka nu in la awm turin min duh viau mahsela, helamah ka awm reng theilo nen bazar ka duh thu sawiin kan haw san zuia. Sama pawh inbualte a la duh bawk nen a hmanhmawh ru lutuk chu thil thleng a awm em ti a ka zawh lahin a awm loh thu a sawi bawk si.







In kan thlen rual chuan a inphelh nghal sawk sawka, amahin a lût mai dawn emaw tihlaiin keichu min rawn pawm nawlha, bathroom ah chuan min luh pui nghal zat mai. Mak ti zet chuan ka ena, a chet dan the thut chuan min ti hamhaih bawk nen ka hrilhhai letling viau mai.







Ngawi reng hian ka thawmhnaw chu a phelh mawlh mawlha, engmah sawilo chuan a tih ang ang chuan ka awm ve mai bawka. “Ka kal hma in" tiin ka hmuiah chuan a rawn fawp ṭâwka, nam sawnin “Sam i hmanhmawh viau in ka hre sia" ka tihchuan a nui haka “Nizanah ka insuma, tunah chuan ka mamawh leh tawh che alâwm, i nute bulah kan awm sia engmah ka sawi duh lo a nih kha, hmanhmawh deuh anga kan awm loh kha chuan haw mai an phal dawn si lova" tiin a nui vur vura.






Awi! He mihring pa zahloh zia hi, a hna avangin a hmanhmawh viau emaw tia, lo ni tawp silo. Phakar lutuk, amah avângin ṭhut pawh ṭhu muang hman lovin kan tlân haw ve em em a.





“Phakar lutuk mai, khatiang ching tawh miah suh" tiin a nghâwngah chuan ka kuaha “Bathroom-ah hian kan ti dâwn tihna em ni?" mit sân ak chunga ka tih chuan nui hakin “Kan ti ve ang chu, ka nghâk hman tawhlo che" tiin ka hmuiah chuan a rawn fawp leh zuia, bangah chuan min nawr betin ka nghâwng vel chu a fâwp kual leh dun dun tawh mai.






Keipawh chuan nuam ti taka lo dawng sawngin ka lo pui ve zela, min chawi nawlhin a kâwngah chuan ka in kherh beta, bangah chuan min nawr na salh bawk. A mitmeng thim khapa min en chung chuan hnuai lamah chu tiche in a rawn lût zuia, mit chhing diar diar in a chêt dân ang ang chuan lo dawngsawngin ka thaw tawi hak hak ringawt.








“Ka mamawh reng mai che a nih hi" tiin ka biang velah chuan a rawn chuk dan dana, chu chuan min ti danglam hneh hle bawk. Ka hmangaih vang nge, a lakah hi chuan awlsam takin ka danglam zung zung zel, mipa dangin min khawih se ani bula ka awm ang hian ka awm in ka ring lo, abulah erawh keimah zawk ka chet hmasak chang a tam mai.








Au chhuak ṭhat ṭhatin ka zawi hnawka, bang ka nemna chu thlahin ka thaw halh halh bawk “Ka hmangaih che" tiin ani pawh chu ka dara khabe nghat chung chuan a thaw hle hle a, nui sakin a khabea chul chuan ka insiam ṭha malh malha.





“Naktuk chu haw mai ka duh tawha, naupang lam school luh a hun leh tawh sia, bâkah putea te pawhin min lo nghâkhlel tawh ang" ka tihchuan nui sukin ka taksa chu min leih huha, a vawt bawk nen ka khur nghal beuh beuh mai.







“Haw lo mai la ka duh, tak takin a theih ve leh rawn haw ve ka tum dawn a nia, lo fimkhur la. Mipa hnaih loh tur tih kha hre reng ang che, nu i nih hnu pawh hian an en duh riau mai che" a tihchuan ka beng hlaka, “I mak emai, tumahin min en lo, inbual vat ila chhuak ang" tiin ka tur sek tâkah chuan kan in bual zuia.







A hna kal dawn chuan ka chalah fawp leh te te in a chhuak zuia, keipawh bazar tur chuan ka chhuak zui ve ta bawk. Ka chhungte ho hawn tur chu leiin ka haw leh thuaia, haw lamah chuan accident a lo awma, tlangval bike khalh chak lutuk avangin putar a thi a nih hmel.





Kan tunlai mi ṭhenkhat hi chu bike nalh tak tak neiha, khawpui chhunga in la ving fe fe a khalh nuam kan tihna hian mi nunna a la deuh reng mai niloin an mahni nunna ngei pawhin a tawrh phah zêl chu a nih hi.






A tûk lamah chuan Sama chuan sumo Counter thleng chuan min thlahin kan in load thleng chuan min puia, a hmêl chu ka en renga. Ka haw tur chu a phur lo hle tih ka hre mai, ka luh dâwn chuan a kutah chelhin ka kuah vang vanga, keipawhin haw san chu ka hreh takzet.







“In enkawl ṭha rawh aw, kan thlen chin ka rawn sawi zêl ang, ka lo nghâk reng dâwn che ania" tiin mi hmuh loh deuh tur chuan a biangah ka fawp zauha, a nui suka. Engmah pawh a sawi lem lo, ka kut chu hmer vang vangin “I thlen veleh rawn sawi theihnghilh suh ang che, lût tawh rawh. Midang an hmaizahawm" a tih takah chuan mangṭha in sumo ah chuan ka lût zuia.






In vai liamin a lan theih chhûng chu ka thlira, ka mittui a hnam sawk mai. Ka ngai nghal vawng vawng bawk, engtikah nge kan inhmuh leh theih ang tih pawh hriat a ni silo, nupa nimahila kan awmdun thei rih miau silova.

Link:
BBcode:
HTML:
Hide post links
Show post links
mawitei bawihtlung
Posts: 933
Joined: November 18th, 2020, 12:53 pm

Unread post by mawitei bawihtlung »

KA HMANGAIH THINGTLANGPA





CHAPTER 36





“Nunu i nuam deuh tawh em?" putea te chu an rawn lûta, ka haw aṭanga thla khat aliam aṭangin ka nuam thei meuh lova, Sama rawn haw tum erawh ka hnial thei hram a nih kha. Ka khua a sik ser ser reng bawk nen school pawh ka kal rih meuh lo “Test kid te kan lei chhin dâwn em ni? I rai te a nilo maw? Nau pai tirh te hian khawsik hi neih ngai a nia, i period tawh em?" pitei zawkin a rawn tihchuan ka harh zawk mai.








Ka la period hauh lo “Ka la period miah lo, anih chuan nau ka pai tihna em ni?" tiin ka dul chu ka khawiha, putea te nupa chu in enin an nui haka, “Test kid chu ka va lei ange, Rintei ten an zawrh tak kha maw" tiin putea chu a chhuak zuia, kei erawh ka phur ru ngei mai. Nau chu lo pai hlauh ila tihte chu ka ngaihtuaha, a ruk chuan ka ṭawngṭai mawlh mawlh bawk.








Pitei chuan nau ka pai chu a rin thu a sawi ve sap sapa, chu chuan min ti phur zual. Putea a rawn thlen rual chuan test kid nen chuan bathroom lam chu ka pana, toilet nen an siam tel vek avang in a remchâng phian bawk. Ka zun chu test in ka chhuaka, kan pathum chuan result kan nghak ṭhapa.







A tâwp a tâwpah chuan rin sen pahnih chu a rawn awm ta kalha, kan au nghal chûl mai. Kei phei chu ka hlim takzet, Sama hrilh hun mawlh ka nghakhlel, a hlim ve dâwn tih ka hrechiang hle bawk. Fa neih a nghakhlel tawh hle tih a sawi fo va, tûnah chuan ka pe ve thei dâwn ta.





Putea te pawh chuan hlim zetin min chhuahsana, keipawh chu ka phone la in Sama ka call nghal zat mai. A ring fe hnuah a rawn la chauha “Aw ka duatnu" zângkhai vaha a rawn tihchuan ka lo nuih hak mai, kan in biak apiangin ka awm nawmlohna tur zawngin ṭawngkam a nei ngai lova, englai pawhin zângkhai vahin min lo chhâng thei ziah bawk.






Mipa fel leh zaidam tak a ni tih a aw aṭang pawhin a hriat ngawih ngawih ṭhin. “Enge i tih ka duhpa" ti ve sapin hlim ru zet chung chuan ka zawta, rawn haw vat vat se tih tluka duh leh châk ka neilo.





“Hei ka kal dawn chiaha, min ngai tawh em ni?" a tihchuan ka lo nui haka “Ngai lutuk e, thil hrilh tûr che ka neia" tiin ka chawl leh riha, ka phur lutuk chuan min sawi harsat tir mah mah zawk. “Enge ni sawi la ka lo ngaithla ania" kawngka a kalh pah a ni ngei ang, kawngka khâr ri ka hre thei.





Stepa a chho ri nen thleng chuan phone chhan mah ni sela ka hre thei vek mai. “Naute ka paia" a faifuk rût rût chu a tawp chawt a, a aw thian kharhin “Eng maw!? Naute maw?" a rawn ti nghal chung chunga, a nghakhlel hle tih ka hriat avâng chuan pehhêl pawh ka tum bik lem lo.







“Aw ni e, i fa ka pai. Tukinah khân kan hre chiaha, ka khawsik pawh kha nau ka lo pai vâng a nih ka ring" hlim zet chuan ka hrilha, ka naute pai chuan ka aw thlengin a ti zângkhai vuah mai. “Aw Lalpa! Ka lawm e" ti in a phun ri chu ka hre renga, a Bolero kawngkhar hawng ri chu ngaithla in ka nui var vara.







“I hlim takzet a ni tiraw? Keipawh ka in awih theilo, ka lâwm bawk si. Nau ka pai ve ta mai chu ania, ngaihtuah chian phei chuan mak ka ti zawk, lo haw vat tum rawh aw. Kan lo nghâk reng dâwn che a nia" ka ti zuia, a ni pawhin rawn haw vat a tum tur thu chu a sawi ve bawka.








“Kan dah phawt dâwn em ni? Hna kal i ngai rawh si a, ka ti khawtlai lutuk palh ang che" tiin phone chu dah mai ka tuma “Aih, nilo. I pum kha thla lo la la, min rawn thawn rawh, ka hmu duh" a rawn tihchuan ka nui deuh hak mai, tunah a lan nghal a ring reng reng emaw ni? Buaithlâk ṭhin, thla khat vêl awrh ala nia ka dul pawh ala lang lo hrim hrima.








“Tumah a la lang hleinem, thla thum te a han nih chuan a lang ve ṭan chauh ang. Tûnah chuan a hma ang tho kha a la nia lawm" dam dap chuan ka ti a “Chupawh nise ka hmu duh alawm, ka fa pai tu i nia, enge i dul mai mai chu i ui, ka hmu duh a nimai alâwm" a rawn ti bul bula, ka thawn hma loh a ti leh dawn tih ka hriat avâng chuan ka aw ta tawpa, phone chu ka dah zui bawk.







Ka dul la thêp tak chu thla lâk sakin ka thawn zuia, a seen rang ngei mai. A nghâkhlel viau emaw ni? “Lo duat ang che, ilo duat loh vaih chuan ka rawn haw hunah ka duat miah lo ang che" a la rawn tizuia, overthanga a ni ringawt.







“Tunah duat theih pawh a nilo, a nu hi min duat la a hrisel ṭha a nimai. Over viau suh, nidangah chuan ka thawn tawh lovang che" tihchu ka va thawna, a seen kur nangin a rawn chhâng rih lova. A tlân lak lawh te pawh a niang, keipawh chu ka la nuam chiah lo nen khum sirah ka phone chu dahin ka mu leha.







Pitei ten chaw ei tura min rawn koh chuan eichak vak lo mah ila nau ka pai tih ka hre ta bawk nen ka va ei lui hrama, an ni pawhin min duat lehzual ngei mai.



Thleng pawh chu ka sil vel an phal rih lova, ka khawsik a zual an hlau a ni ber mai. Keipawh chuan tilui duh bik lovin ka mu zui leh ta thuaia, reiloteah ka muhil ve mai bawk.






Tlai lamah chuan Manuni te ho an rawn langa, mipa ho chu an rawn au ring bawk nen ka muhil pawh harh lo theilo in ka awm phah. Peih lo zet chuan ka tho chhuaka, an ṭhianho chu Sama tihloh an lo kim leh ṭhap tawh mai, an in lungrual ṭhin ania.






“Kan fapa duat tur i pai tawh a maw? In pa lahin in ti thei lutukin min rawn hrilh kha, hmelchhe lil lel te hi a rawn chhuak ange. In pa a lawm lo viau ang," Rengpuia chuan a rawn tinghal zung zunga, biak hmasak pawh hi an ngai lo. An mahni hian an ṭawng nghal zung zung mai zel chu a nih hi.






“Engah nge a lawm loh anga, eng mi pawh rawn piang sela ama fa a nia, a hlim dawn lutuk. A hrim hrimin mi muhil an au harh mai mai ngailo" tiin an bulah chuan ka va ṭhua, an la nui mai mai lehnghala.






“Inpa a rawn in ti thei vêl lutuka, rawn fiah kha kan châk a lawm, a rawn haw har lutuk hrim hrim. A rawn haw vat theih nân runluih hrim hrim tur, khulam nuam a ti tlat" tiin an nui zui dar dara, an ngai ve viau a nih hmel.






A âwm ve tho mai, an inzui rei tawha. Chutia an han awm hrang thut chu an tân chuan a hrehawm ve reng ang chu, an inkâwm nasa ema. U Sangpuia te pawhin naute an nei tawha, tunah chuan min rawn tibuai tawh bik lova, khawlaia kan intawh châng erawhin min en duh thei viau mai.






Biak hmasak ka tum ngai lem lova, Saman a thik hle tih ka hriat avângin mi a be hmasa te a nih loh chuan ka be ngailo. Chutih rual erawhin ka haw tawh lêm lo thunga, tûnah chuan chhûngkua a din tawh bawk nen hlim taka a awm ngei ka beisei pui bawk.







“A rawn haw ve ṭep ang, bâkah helamah an rawn sawi mai theia. An rawn sawn a nih chuan in inhmu leh reng thei tawh ang chu, nang ni lah hian biak hmasak hi in tum silo" ka tihchuan an ner nasa ngang mai, be hmasa ngailo anga ka sawi chu an duh lo hle tih a hriat.








“A rawn haw hun chuan i chang miah lovang aw, kan haw phawt ange. In enkawl ṭha la, artui kan rawn pe ṭeuh dâwn che ania, naupai lai chuan ei tur ṭha ṭha ei hi a pawimawh. Sangha te pawh kan la man angai dâwn a nihchu, nau an awl bik an tia, hrehawm deuha nau hrin ai chuan sangha avânga i hrin awlsam theih nan ṭiau lamah kan liam vawk vawk aniang chu, chaw ei tui u" tiin an chhuak leh diala.







Pawn thleng chuan va thlahin ka vai liam hlawma, a reh nghal huai mai. “An fel ṭhin ania, bawiha awm loh pawh hi a hriat mang loh, ṭhian nih hi an tlin ber mai. Bawiha pawh a vânnei, an ni ang ṭhian a lo nei hlauha, englai pawhin an ngaihven em em reng sia" pitei chuan a lo ti a, a sawi dik ka ti viau.






Hmeichhe tam tak chu kan ṭhiante ngei pawh an bula kan awm laiin kan faka, an bula awm lova midang kan kawm rualin kan in rel leh thei ania. Mipa erawh chu an nilo, pali panga an inkâwm khawma, in ngeih takin an awm thei mai. Hmeichhia erawh kan awmkhâwm tam deuh chuan in ngeih lo tâwk hi kan awm thei ziah zêl.







Room-ah chuan lût lehin ka phone a lo ri chiah a, Sama a ni tih ka hmuh rual chuan ka la nghal vat bawk. Chhûnah a reh char char bawka, kan fiam hlak ange.




“Duati" a rawn ti dut duta “Um" ka lo ti ringawta, fiam ka châk tlat mai.


“Um tih chauh maw?" “Um" “Min ngai miah lo em ni? “Um" a dawh thei tawh lo nge “Nge um um chu? I thinrim em ni?" dam deuh zawk chuan a rawn ti leha “Um" a rawn thaw hawka.





“Nuntluangpui, ka hmuam pawp che i duh loh chuan um um kha ti sek suh, i nuam lo em ni?" a rawn ti tawi tûk tawh mai. Keipawh chu nui chhuak hak hakin “Chhunah min lo biak duh loh man a nih kha, tin min hmuam sêng ringawt dâwn em ni? Khati tiat kha nimahla i ka a te lutuk tlat" tiin ka nui hak haka.







A thinrim duh miah lo ṭhin hi ka ngaisang ṭhin, ṭhenkhat chu fiam dawl lo deuh, kut mi thlâk mai hrehlo hi an ni ṭhina. Nupuite duhtawka sawisa ṭhin mi te hi ka nei ang tih ka hlau ṭhin.






Sama erawh englai pawhin a dam dap renga, kei ka thinrim châng pawhin a zâwl dawh zawkah a ṭang thei ziah ṭhinte hi amah min ngaihsân tirtu leh zah tîr tu ani. A thinrimin zêp ṭit ṭêt lovin a thinrim chhan ṭha takin a sawia, ka laka a lungdum loh zawng deuh a awmin pehhêl miah lovin min hrilh ṭhin, min sawisel khâta. Chutih rualin ka dik lohnaah min ṭan ngai lova, min hrilh zâwk ṭhin.








Keipawhin huatah ka la duh bik ngailo, ka ṭhatna tur zel a ni tih hriain ka haw duh ngailo.






“Min ti mangang a lawm, chhûn chu ka buai deuha. Valpuia te kha an lo kal em?" a tihchuan an rawn kal thu vêl chu ka sawia, an thusawi ka hrilh chuan a nui ve hawk hawk mai.







“Ka rawn haw theih leh tshirt leh sneaker ka rawn hawn ang chu, lo hrilh duh lêm lo la. An hriat sa chuan an duh leh dâwn lova, an hriat loha hawn a ṭha ber" a tihchuan ka lo aw ve mai bawka, ni e, ṭhiante mahnisela thilpêk in lâksak mai te hi a nuam lo ve bawk nen hre lawk lova in pêk mai kha an tan pawh a ṭha zawk.








“Engtik nge i lo haw theih ang? Keimah chauha mut reng ka ning ve ania, ruahte hi a sur duh si. Khua a vawt vur reng bawk nen lo haw zung zung la ka duh, bâkah ka ngai tawh che" ti nang nangin khumah chuan ka mu thla a.







“Keipawhin ka ngai tawh che alâwm, lo tuar hram hram la ka lo haw thei ṭep e. Khalama thawh ka dilna an pawm veleh kan awm dûn reng tawh dâwn alâwm, ka hmangaih che" tiin phone chhanah chuan min rawn muaha, nui hak hakin “Keipawhin ka hmangaih che" tiin ka dul chu ka chûl zauha, ka ṭhian ang bâka ka en loh kha tûnah hetiang khawp hian ka ngaiin ka thlahlel ang tih ka ring pha ngailo.








A hma aṭang rengin ani chu ka tân a awm renga, keimah zâwkin rei tak chhûng ka lo hrem zawk a. Ka phu hlawllo mawle, mahse ka hmangaih tawha, chân erawh ka tum tawh lo bur mai.







“Ka dah phawt ange, zânah ka lo be leh ang che, chaw eitui ka nupui duhtak" tiin phone chu a dah zuia, a buai deuh ani ngei ang. Engmah sawi tawh lêm lo chuan pitei te bul lamah chuan ka chhuaka.






“I zia deuh em? I khawsik teh chu enge a an? A la hrehawm viau em?" tihchu min lo zâwt sawk sawka, ka ṭhat thu a ka chhan chuan an lo thaw huai mai. “Sama nen kan in bia a, a ni pawh alo haw thei ṭep ang, khawnge naupang ho hi an va rawn haw har ve?" tiin ka zâwt zuia.






Pitei zâwk chuan an len thu chuan min lo chhanga, ka bu nghat ringawt. Thil dang dang chu sawi kualin ka naupai chungchângte nen chen chuan sawiin kan nui leh dar dar ṭhin. An chhungkaw lam hrim hrim hi an zia a dam raih hlawma, an bula awm a nuam zual ka ti, hetiang ang chhûngkua hi chu tupawhin an awt vek ang.








Pathian malsâwmna an dawng em em pawh hi an nundan vang hi a nih ka ring ber, mi fel leh ṭha chu malsâwmna hian a vur leh nge nge zela.






Naupang ho an rawn haw takah chuan chaw eite chu siamin kan che buai nak naka, rin ang ngeiin ruah chu a rawn sûr leh ṭana, thli a thaw vuk vuk bawk nen awm a nuam lo duh ngei mai.







Keiphei chu chaw ei kham veleh chuan ka mu lût leh ta daiha, Sama nen chuan in text in kan hmalam hun tur te chu kan theih ang ang chuan kan sawi duna, hlen thei tak ang maw?



ZAWMNA..






Thla a liam leh tawha, keipawh nawm lohna em em nei tawh lovin ka chaw ei pawh a tui chho bawk nen ka thau lek lek ta maia, a leh lamah erawh rai chu ka vunin a ngeih nge mawni ka êng sur mai.






Huana thlai chinna tur kan siamah chuan hna thawk malh malhin a hnimte chu ka pawt faia, anṭam leh parbawr, purun var tih vêl chu kan chîng ve a. An ṭha phian lehnghâl, ka thlan chhuak chu hru in ka in tuai nak naka.







Ka lei khawih nân ka hmai te chu a ngap tel vek mai. Darthlalangah in en ila chuan ka bal viauin ka ring a ni, motor ri chu nitin tlân an nih avângin ka bengkhawn duh lem lova, mahsela kan tuala a din takah chuan hawi chho in engmah erawh ka hmu lem lo thung.







“Ka duatnu" Sama aw ka hriat avâng chuan ka hawi chhuak leh vata, ka beng chhe ri emaw ka ti hial mai. Chutah in bul aṭanga huan panna a a rawn chhukthla ka hmuh chuan ka ding chhuaka, alam pan chuan ka tlân nghal zat bawk.






A ni pawh chu rawn tlân thla in kan intawh rual chuan min pawm kâng nghal nawlha, nghet zet chuan a nghâwngah kut suihin ka kuah beta, a kawngah ka inkherh bet ṭai bawk. “Sam, tinge engmah i rawn sawi loha?" tiin ka nui hak haka “Surprise che ka duh alâwm, min lo ngai em?" tiin min zâwta, ka lu chu siam remin amah hmachhawn chuan ka awma.







“Ngai lutuk, ilo haw har lutuka. Ka thinrim ṭep a ni, kal tawh lo mai la ka duh" tiin a hmêl chu chiang takin ka ena. Hna a thawk rim deuh nge ni, a mitmeng a zuai tlat, bâkah a biang hmul vêl a ṭo siar siar mai “I va upat hmel ve, i hmul i ziat ngai lo em ni?" tiin a taksa aṭang chuan ka chhuka.








“Nangma min ziah sak ka duha, ka rawn zuah a nih hi. Tirawh kha i chau a nih kha, chho vat ang. Kan naute hna i lo thawhpui nasa lutuka, ka duh miahlo a nia; lo awm mai mai tur che a lawm. Hna hahthlak lam phei chu tisuh ka tih kha" a tihchuan ka nuih ringawta, thlai china enkawl chu nuam ka tih mahnak a lai, mahni thlai chin ngei mai an rawn ṭhang liana, an hrisel ṭhat zia hmuh chu a nuam êm bawk a ni.









“A nuam alâwm; enteh an ṭha reuh a sin.An ei theih ve tawh a" tiin ka nuih chho ver vera, anui ve suk mai “Um a enkawltu nu an chhûn anih kha, tirawh chho phawt ang. Min va ngai love" tiin min pawm nawlhin min chhoh puia, “Sam, min tlukpui ange aw, i chau ang min dahthla teh" tiin a âwm ah chuan ka nam deuha.








“Awm mai mai teh, ka zo lutuk che. Che sek lo la kan tlu lo animai" tiin min kal luih pui zela, ka hnial duh tawh biklo. Kawngpui kan chhuak chhoa, Valpuia te ho rawn phei mek chu kan hmu nghal zat bawk. An rawn au phei lâng lânga “In va induat ve, Romeo-a chuan a Juliet-i a pawm leh tawh elo?" tiin an rawn nui vur vura.








Sama chuan min dahthla in an ṭhianho chu an han inkuah khâwm a, an in beng thak thak bawk. “I rawn haw har hle mai, ṭhiante mi i hre chang lo lutuk tawha, a buaithlâk. Police nih meuh chuan kan kâwm pha tawh hleinem che" Rengpuian a tihchuan Sama chu a lo nui haka.







“Uang lo teh u, kha ka bungraw rawn hawn te kha min chhuahpui ula, rawn khai lût teh u. Kan nu hi ka ngai sia kan lo zu lût phawt ange; lâk hmaih te kha in rawn nei hlauh ange" tiin min kaiin inchhûng lamah chuan min luhpuia, putea te ho erawh a lo hmuh tawh avângin an lo nui ṭha thunga.







“Kha inchhûng luh hma hmain i hming a lama, a rawn hmu che chu a bet leh chawt tawh a nih kha. A ngai bawk che a, a len pawh phal miah suh" an tihchuan ka nui haka, inchhûng pawh a la lût lo tih ka hriat chuan ka nuih te lam lam a tiza.







Valpuia te ho chuan a bungrua vêl chu an rawn keng luta, chutah naupang ho a thil hawn vêl chu pe hmasa in, a tâwpah a sawi ang ngeiin tshirt leh sneakers chu a inkawp vekin a ṭhiante chu a pe zuia, an ni pawh an lâwm tih an hmelah a hriat. Lei ve thei vek mahse ṭhiante thil min pêk hi chu a hlut dân a dang ve miau va, an ni pawhin an ṭhianpa chu lâwmthu te an hrilh ve nak naka.








“Ka awm loh chhûnga ka chhûngte in lo buaipui man a nih kha, bâkah ka hre chang lo cheu in ti bawk sia kha khân ka hre reng cheu tih a tilang ang chu maw" tiin min rawn kuaha, a hahdam hmêl hliah hliah mai.







Valpuia te ho pawh an rawn lêng rei phiana, an ṭhianho chuan titi in an hnathawhna chanchin vêl leh eng emaw an sawi khawma, Valpuia te pawh an inru ve kha a nia, dân khatna in an innei dâwn emaw tihlaiin “Lawmpa'n a nei si lova, ka nei peih bik lo. Bakah maichâm hmaa thu chham vêl te kha ka zak, chu ai chuan inruk mai hi a awlsam, mipui hmaa thu chham kulh kulh chu ka khur hlum thei ang" zuk ti mauh maia.







An ngaihdan te hi a mak thei sia, a lehlamah erawh a ni ve thei tho mai. Mi hmaa thu chhamte hi mi zakzum sa tan phei chuan a hrehawm ve viau ang, an chetsual nuk zel mai hi.








Zânah chuan lêng chhuak lovin kan pahnihin kan awm dûn chawta, rawn hmuak tu ho chu sweet vêl chu alo hawn zela, an ni pawh an lawm tâwk em em tho. Thil hawn lam ai mah chuan hmun danga awm bo char chara, rawn haw chu an ngaipawimawh ve tih a hriat, keini lam ang lo takin thingtlâng lamah chuan a khuate hian an la inhre vek ti ila a sual kher lovang.







Zin an awm emaw, khualkha a hna leh zirna avânga awm bo te an rawn haw hian an inhmuakin, khawlaiah in hmu se an be ngei ngei bawka. Keini ve, hmun dangah zin in haw pawh ni ila chhûngkhat laina te tih loh chu hmuak tu kan nei der lo.







Zân a rei takah chuan room-ah awm dunin ka dul chûl heuh heuh pah chuan kan titi a. Helama awm a dîlna pawh a hlawhtlin ngei a rin thu a sawi chuan ka lo lâwm ve em em ringawt, khaw ṭhenawm ah hian Police station a awma, heta an rawn dah theih chuan khua aṭangin ahla lo bawk nen lâng in nitin a kal thei anga, hmun danga awm ai chuan a thlakhlelhawm hrim hrim bawk.









“Ka kuah leh thei ringawt che pawh hi a hlu, i pum a len deuh chuan i hna hi chawlhsan rih la ka duh ania, keimahin ka châwm mai ang cheu" a tihchuan ka nuih haka “Mahse hnathawk lova awm chu nuam ka tilo alâwm, kan naute hi a rawn len chhoh zêl chuan chawl hlen kher lovin aikal te pawh kan la rih mai anga, chawlh hlen tawp chu ka hreh deuh alâwm, kan fate hma hun ngaihtuah ve te a ngai dâwna" ka tihchuan a thaw hawka.







“Ka enkawl thei cheu ka tih kha, kan inkhawl chho zel anga. Mi awt reng reng chuan ka awm tîr ngai lovang che u, ka fate hi ṭha taka enkawl turin ka duh che. Nu leh pa nei tawhlo, an bulah pawh awm rei hman lo in reife zirna avângin ka awm bova, ka enkawl ve theih dâwnah khatiang thil kha a thleng a nia, kan fate tân hian kan theihna zawng zawng sawmkhawma, an kiangah hun tam thei ang ber hman dun ka duh" thutak zet chuan a sawia.







Ka ngawi kar mai, chutiang lam zâwng chuan ka la ngaihtuah hauh lo. A nu leh pa a thlakhlelh tur zia pawh ka hria, “Ka tihpalh, nia, ka tum dawn ania. Kei talin ka enkawl an ngai a lawm tiraw? Nangin min châwm anga" tiin a kut chu ka khalhsak neuh neuh va, tûnah hian a pi leh pu pawisa khâwl nen, an sawhthing vel leh an sum lakluh tam zawk hi bank-ah Sama hming hi a awm veka, keipawh ka inkhawl bawk nen sum chu kan harsa rih em em lo.







Kan fate ṭha taka an rawn pian theiha, School te an kal thei ngai a nihchuan kan la hautak dâwn chauh tih ka hria. “Chuti tur chu, nang leh kan fate ka châwm theih nân alawm in hlata awm ka pawm ni, mahsela tûnah chuan kan awm dûn leh thei tawh ang chu. Kan naute hi a rawn danglama,i dul rawn puar ṭan tur te hmuh ka duh" ti sup supin ka dul chu chulin ka hmuiah chuan a rawn fawpa.






A nghâwngah chuan kuahin ka lamah ka pawt hnaia, a sam chu ṭham sak in a biang hmul ṭo siar siar te chu ka biang chuan ka nul dan dana, a rawn nui huk lehnghâl.





“Min fiam i tum deuh em ni? Ka insûm dâwn miah lo ania aw" ka hnute chu a rawn ṭham zauha, “Mu phawt teh, i mitmeng aṭangin i chau tih a hriat reng alawm, mu phawt la naktûk lamah titina hun te chu ala tam dawn alâwm" tiin ka mut rem puia, min hnial bik lem lo.








A hnungah chuan chulsak in reilote-ah a muhil zuia, mitchhing chiala a thaw sâk sâk chu hmuhnawm tizetin ka en reng bawk.Ka tan hian a va han hlu tak, kalsan ka tum tawh ngailo ang, amah anga Pasalṭha, rinawm leh sawisêlbo hi ka tawng tawh dâwn lo tih ka hria, amah ah hian ka duh zawng zawng a kim vek tlat ani.




NAKTUK ZÂNAH LAST KAN TUM ANG AW, KA NEXT STORY TUR PROLOGUE KA RAWN DAH TEL ANG

Link:
BBcode:
HTML:
Hide post links
Show post links
mawitei bawihtlung
Posts: 933
Joined: November 18th, 2020, 12:53 pm

Unread post by mawitei bawihtlung »

KA HMANGAIH THINGTLANGPA




CHAPTER 37 (LAST)




“Duati thinrim tawh lo teh, ka lêng tawh lo ang" ka hawisawn hmaka, ka kut kuangkuahin ka hawisawn leh hmaka. A hna ban apianga len a tum avangin ka lâwm lo takzet bawk, chutah ka duh miah loh thil zu a rawn in zuia, in tam pawh a nilo. Mahse ka lâwm lo takzet, a hma a khatiang khawpa fel khan engvanga zu in nge a nih ni.







“Keimahah hian enge i mit tlung lo thil a awm em ni? Min hrilh rawh, a hma zawng pawhin zu i in ngailo; mahse Sam, i danglam ani. Ka kianga awm pawh i thlakhlelh loh phahna thil hi ka hre duh min hne em ni?" tiin mittui nen ka ena, a hrilhhai hmel viau.





“Chutiang engmah a awm lo, i ngaihruatna mai a nihkha. Ka in ve zeuh mai mai a lawm, ka in tawh lo ang, chuan ka lêng tawh miah lovang" dam dapa a rawn tihchuan ka lu ka thing nak naka, “Ka hmu duh rihlo che, awm hran rih hi a ṭha in ka hria, hetiang reng chuan ka tuar thei tawh lo" tiin ka mittui luang chu ka hru a.






Putea te ho erawhin engmah an lo sawi lêm lo thung “Duati khawiah nge i kal dawn? Enge tih i tum, min ṭhen i tum em ni?" tiin ka kut chu a rawn vuana “Tun anga i awm reng chuan ka tân pasal neilo nen kan in ang reng, ka thei tawh lo. Min ning a nih kha, kan inkar hi a hla tawh lutuk, ka pate(pazawn) Inah ka va awm phawt ang" tiin ka thawmhnaw siam tum chuan room-ah ka luta.








Ka ṭap pah bawk, “Amak e, ka danglam lo. Haw angai lo ka tih kha, hetah i awm ang. I duh loh chuan kan in pawh hi ka chhuahsan ang, i hria em? Ka tihpalh ka tih kha, ṭhiante'n min sâwm ve zel bawk sia, kan innei tawh a, i kiangah ka awm nen min thlâkhlelh vak ka lo rin loh vang a ni, inṭhen ka duh lo ka tih kha. Ka insiam ṭha ang" tiin min kuaha, engmah ka sawi theilo; ka ṭap khur dar dar ringawt.







“Duati, ṭap tawh lo teh. Hrehawm ka ti ania, ka ti tawh lo ang ka tih kha, vawikhat bâk kha ka in lo tak tak, min ring rawh. Ka ti leh tawh lovang" a tihchuan inherin ka ena “Valpuiate ho bâk hi kawm lo turin ka duh che, ka hlatah i awma. A ni telin ka laka i rilru pawh a dang tawh nimaiin ka hria, inneih ringawt hian ka hlim i ring em? A hmingin ka nei chea, i taksa chu ka ta a ni miah lo tihna em ni? Kei hi i tân enge ka nih? Tinge hetiang tura min neih si, engmah ka sawi peih lo. Min chhuahsan phawt rawh" tiin chhuahluih pawh tum tawh bik lo chuan ka mu a.







Min enin chhuah pawh a tum chuang lo “Nupa chu in tih thiam loh chang a awm tur a ni ngai, in hau reng lo teh u. Khatiang a ṭhalo, nau in nei ṭep tawh lehnghâl" putea te chu an rawn ṭawng ve a, engmah ka sawi tawhlo. A awmdan avângin zân pawh ka mut ṭhat theihlohna a rei tawha, ka taksa chu a chau hluah hluah bawk.




.

Ka pum puar lian tawh tak chu ka chula, ka inhnit faih faih reng mai. Zanriah ei tura min koh pawhin ka tho duh ta lova, ka bulah a mu tak nangin ka biak duh miau loh avangin min kuah chung chuan a mu ta tho va.






“Duati, chaw ei tawh rawh. Kan naute pawhin a tuar ve zel ania" zîngah chaw ka la ei duh loh avângin min kova, thawh châkna pawh ka nei tawhlo. Ka lu chu ana ut uta, ka luak a chhuak em em bawk, ka taksa chu ka ti che ṭha thei meuhlo.






“Engmah ka ei duh lo, ka bulah awm tawh suh ka tih kha, vawitam tilo turin ka ti che a, ka thu i zawm duh hleinem; i duh duh dânin awm rawh" tiin ka phun sapa, men pawh ka meng peih tawh lo, ka taksa chu a zawi nguaia, a rei hnuah phei chuan ka hriatna chu a reh duk mai.







“Pute, hmanhmawh rawh u. Duati awm dân hi a dik miahlo, Duati harh teh i ṭha em?" min sawi deuh nawk nawka, mahse ka harh thei thlâwt lo. Ka taksa chu a kâng zui nawlha, a bak engmah ka hre tawh lo.





“A buaithlâk emai, insiam ṭha rawh, hetiang chuan in nu tân pawh a hrehawm ang. Hmeichhe tân chuan mo nih phei chuan pasalte hi kan in nghahna ber in nia, kan thlakhlel ve em em cheu tih hi hriat reng tur, nu leh pa bula pangchang taka awm ṭhin kan nia. Pasal kan neih tawh chuan kan pasal te hi kan nu leh pa tlukin kan ngai tih hre reng tawh rawh, hetiang reng chuan nau pawh ṭha takin in nei thei lovang" pitei aw ka hriat chuan meng chhuakin ka hawi kuala.







Min lo kîl bial laih tih ka hmuh chuan ka khuh kharh kharh mai “I ṭha em? Min ti mangang lutuk" Sama chuan min kuah in a ti nghâl mawlh mawlh a. “I nau neih a hnai tawh sia, eitur i ei ṭhat loh chuan thisen i neilo lutuka i nau neih kawngah pawh i buai ang tih a hlauhawm, naute thlengin a tuar ve zel tih hria la, in enkawl ṭha rawh" nu upa lam tawh chuan a rawn ti a.







Ka bu nghat mai, ni e kan nupa inkar avângin ka fa hi ka tawrh tir ve tawh tur a nilo. “Kha hei hi in phawt teh" tiin theibuhfai tui chu min rawn chhawpa, engmah sawi lo chuan ṭhut chhuah tumin ka che a, Sama chuan min rawn pui vat bawk.





An thil mi chhawp ho chu eiin ka ngawi reng thunga, chutia ka harh ṭhat tâkah chuan an chhuak phak phak mai. Sama erawh ka bulah a la awm thung.





“Chhuak ve daih rawh" tiin ka thil ei lai bawk chu ka eisan leha “Ka duh lo, i bulah ka awm reng dâwn. Nichinah phei kha chuan ka chân dâwn che emaw ka ti hman asin, thi vaih teh. I thih chuan ka zui ve zel ang che" lungchhe titih chuan a rawn ti a, a va han naupang chhia tak.








“I ho e a, ka thih leh ka hran khum hrep che anga animai alâwm, mi ngaihsak miah lo in karhnih chuang pawh i awm theih kha, ka tello pawhin i awm thei lutuk ang" ka sawi zawh rual chuan min kuah thlawp a “Khatiang thu kha sawi suh, hriat pawh ka duh lo. Nang leh zelin min kalsan in engtin nge ka awm ang, khatiang thu kha sawi pawh sawi suh, ka neih chhun i ni tawh tih ka sawi fo lo em ni?" tiin ka nghâwngah chuan a hmai a rawn nawr vang vanga.









“I neih chhun hi min ngaihsak chuang silo alâwm, ka thlahlel che tih i hre lovang tiraw? Chhunah i chhuaka, ka ngai ve che a. Zânah min lensan lova ka bula awm i duh ve ka ring a, mahse a nilo, keiai khawlai i thlang ni berin ka hria, ka tan hian a hrehawm lutuk. Kan inneihna hi i duhtâwk a nimai thei, mahse keichuan ka duh tâwk lo. Nupa kan nihna anga awmdunte, titia, infiamte pawh ka duh ve. Mahse karhnih liam ta aṭang khan i danglam vek a nih kha" tiin ka phun sapa.









“Ka tihpalh, min thlakhlelh kha ka rin loh vang a ni. Nupa kan nih tawh kha chuan ka nundan zawng zawng kha thlâk kher angaiin ka lo hrelova, zu erawh kha chu vawikhat ka in bâk kha ka in lo. Min ring rawh, tûn aṭang chuan ka in leh tawh lovang, pa ni tur hian ka la inpeih loh zia ka hrechiang ta hle mai. Mahse ka chân phal lo cheu, nang leh kan naute hi ka chhûngkaw neih ve chhun in ni tih hria la, kei pawhin ka theihnghilh leh tawh lo vang, min ngaidam rawh u" tiin ka dulah chuan a rawn beia.







Keipawh chu thinrim reng ka tum tawh bik lo, ni e a la upa bik lova. A ko va mawhphurhna tla te hrethiam tur leh a zilh turin a nu leh pa takngial pawh an awm tawh silo, kei pawhin ka pawm thiam mai a ngai a ni. A tân chuan tumah entawn tur an awm ve lova, a bo viau pawh hi a demawm loh e.







“Ka ngaidam ang che, mahse tun aṭang chuan i mawhphurhna hre tawh rawh, tlangvâl i ni ve tawhlo. Pasal, nakin lawka pa ti tu tur nei mai tawh tur i ni tih hi theihnghilh tawh suh. I hna kal chu ka hrethiam, min hmangaih takzet a nih chuan i hun dang chu kei leh i fa hian kan thlahlel ve" tiin ka hrilh dap dapa, a ngaithla uluk viau mai.









“Hetah lo mu ve rawh, ka la chau riau mai. Mutthilh leh te ka duh, ka nau neih lah a hnai tawh bawk si, ka rilru ti hah zâwngin awm tawh suh ang che" tiin ka lamah chuan ka pawt hnaia, a rawn mu ve mai bawk.






A mah kuah chung chuan ka insiam rema “Kan pahnih khawvel a ni a, tumah inrawlh suh se. I ṭhiante erawh thlahthlam ngai suh; mahsela tuna i kawm te hi chu ka duhpui lo che, Valpuia te pawh an lungawi vak tawh lo ania. An hlim hun chauha hre ṭhin tu che ai chuan i dinhmun chhiat lai bera awm tlat ṭhin i ṭhiante hi an hlu zawk, an ni kha chu i thawhpuite an nihna angin be chhe chuang lo la, mahse an hruai sual theihin awm tawh suh" tiin ka hrilh dap dapa.







Min chhâng lova, mahse zawm ngei a tum dawn tih erawh ka hre thung.





Kan in hauh deuh aṭangin ni a liam leh tawha, tûnah chuan a hma a Sama ka hriat ṭhin ang chiah kha a ni leh tawh bawk. Valpuiate ho an rawn lêng ṭhina, an ni pawh nau an pai der tawh mai. Manuni leh Rengpuia erawh inneih ve an la tum lo nge ni dâwn ni, Kimbawiha pawhin nupui khawdang mi a ru der tawh mai.





“Sam ka pum ana tawh lutuk, ka tuibawm a keh anih hi, hmanhmawhin nau chhar thiam kha" tiin khumah chuan ka mu a, ka in pet fan fan mai. Sama chu a tlan chhuaka, pitei chuan min buaipui thung.





Damdawiin pan kha hetah nau chhar thiam an awm tho bawk nen kan pan buai duh lo kha ania.Reiloteah nu pakhat leh Sama chu an rawn lût duna, keichuan san ka lo pe mek tawh thung.







“Khawi maw puan vêl kha lo inring sa teh u, nau lu hi a rawn lâwr der mai" tiin ka bulah chuan a rawn ṭhu sawk sawka. Hmeichhe pathum leh Sama chiah chu mipa awmchhun a ni a, a ni pawh a phe nghal vat vat mai, Valpuia te ho ṭiau sangha min mansak chu ka ngeih tak tak nge nau chu ka awl tak tak mai, miin nau awl bik an awm an tih hi a lo dik tak tak dâwn a nih hi.







Vei reilo in ka nei zui maia, “Mipa a ni e, a lian ṭha khawp mai" ti an phun ri te, naute ṭap ngak ngak ri te chu ka na tawrh karah chuan ka hre chiang viau mai.






“Sam, naute chu ka hmu ve duh" tiin ka phun sapa, puana tuam hlân chung chuan ka lamah a rawn kal hnaih puia, a ni pawh a nui reng mai. A fapa chu a melh ngawih ngawih bawk, kan fapa ka en chu hmelṭha hi ka ti ngawih ngawih mai, a mit chu a meng ve kar reuh lehnghala, ka nui hak mai.







“A duhawm lutuk tlat, tûnah chuan pa min titu tur ka nei ve ta" tiin ka chal thlan hlapah chuan a rawn chuk zauha. Kei chu hmeichhe ho chuan ka nau neihna hliam vel chu min enkawl sakin min tifai zung zunga, ka chau ve bawk nen ka ṭawng ṭha peih meuhlo.







Ka mutna te chu min thlâk sakin kan fapa chu ka bulah an rawn mut ta bawka. Ka en reng ka hlim hliah hliah bawk, ka nute pawh phone in Sama chuan ka nau neih thu vêl chu a hrilha, kan inhlat bawka ṭhenkhatin ral aṭanga hming sak a ṭha lo timahse tihdan dang vak a awm loh bakah hmanlai thil a ni ve tawha, a ṭhen lahin a pawina a awm lo an lo ti ve bawk nen kan fapa hmingah chuan ka nu leh pa chuan “Remruatsanga" tihchu an rawn saa.







Nalh ka ti viau mai, kan ṭhiante ho pawh an rawn lang har lo, nau chu rawn enin Sama chu an fiam zuk zuka “A pa a chhûn sia, a hmelchhe dâwn a nih hi" an ti thul, Sama lahin a haw nasa mai bawk si, an in khawih ri leh awk zêl. Manuni leh Siamtei pawhin duhawm an tih thu vel an rawn sawi ve a, nau rawn en tu ho in a hmelṭha an tih thu an sawi te chuan ka lo lawm ve em em tawpa. A ṭha zawnga in fak sak hi chu nu leh pa tân hian a lo lawmawm êm lah taka.









Khaw mipui an fel bawka, naute kan nei tih an hriat aṭangin a ṭhenin zo artui ten min rawn en hlawma, a ṭhen lahin chini leh an neih rem chan ang ang te chuan min rawn en bawk. An zarah thil tihawm ka hriat belh ve zel mai, tu nau mah ka la en lo chunga hetiang khawpa min rawn duhsak hi ka zak zawk, tun aṭang chuan tihdan tur ka hre tawh ang chu.








Mi an haw rem hnu chuan Sama chu kan bulah rawn mu ve in kan fapa ka hnute hnea mitchhing chial chu kan en duna “A hmel ṭhat zia hi, chuan a chhûn takzet che. Keichu a enga mahah hian min chhûn lo" ka tihchuan pakhata chu a intihtheih hmel viau, a hawi larh larh mai. A fapa a en apianga a ngaihṭhat hmêl lutuk chuan min ti lâwm tawk viau mai.







Ni e, inchhun fuh tak chu an ni, an mitmeng leh hmui chenin mawle. “Ka hmangaih che, nang nena chhûngkaw din hun hi ka hmuh tirh aṭang che a ka suangtuah tawh kha ani a, tunah chuan ka suangtuahna chu a thleng dik ve ta a nih hi" tiin dim tê chuan min rawn kuaha, ka nuih ver ver ringawt.






“Engkim hi i mi hmangaihna vâng zawk a ni. Chuan ka hmangaih che, i fate nu ka ni thei ringawt pawh hi ka hlim reng fovang"ti a phun sap sapin bawihtea hmai chu ka khawihsak zauha.







“Tun aṭang chuan tumahin an tihnat cheu ka phal tawhlo. Kan bul ṭanna fuh chiah lo mahse kan tâwpna erawh a dang tawh dâwn tal a lawm tiraw ka hmangaih?" ti supin min kuah hlu hlua.






“Ka nupui, ka hmangaih leh ka fate kumkhuain kan awm ho reng tawh anga, tumahin ka lak aṭangin an lasawn thei tawh lo vang cheu, ka hmangaih che u. Tûnah chuan hlimna in kan tâwpna kan khâr ve dawn ta e" a tihchuan dik ka ti, kha chen kan lo nghah chu tunah chuan kan nei ve dawn ta e. Kan tân LALPA HI A ṬHA a ni e.


A TAWP TA NEXT STORY NAKTÛK ZÂN AṬANGA AWM TUR

COMING SOON
KA LALPA

PROLOGUE
“A fa i pai chuan i tlai hma in hrilh rawh" ka ṭhiannu chu ka bengbulah a rawn phun sar sara “Teuhlo mai, thinrim viau ta se ka naute hian a tuar dâwn a sin, a thinchhiat zia i hriatchian kha" tiin ka phun sapa.

“Mahse nangmah chauhin engtin nge i enkawl anga, Miriam a tlai hma hian hrilh rawh, a lo duh ve tho mai thei a sin" a tihleh chuan ka in ngaihtuah buai ngei mai.

He banka ka thawhna hi a rei ve tawha, a neitu ber kan pu hi mi khirh leh thil duh tui lutuk a nih bakah, a thinrim hi a hlauhawm bawk nen hnathawk tute mah hian kan ngaina lo, mahse a fa ka pai miau si a. Ka hlauthâwng ngei mai.

Kha zân khân lo rui kher kher lo ila chuan hetiang hi a thleng lo tur.

___

“I zêp amaw?" dawhkân chu a beng ṭhuaia, ka phu nasa lutuk chu ka thlawk lo chauh ani. A inthiam lo leh si nge thawk la suai suaiin a chairah chuan a ṭhu thla a “Innei turin lo in ring ang che" ka mengphawk ngei mai. Ka nei thei dâwn em ni, lungphu chawlin ka thi lovang tih pawh a sawi theihloh.

“Ka duh lo boss" min rawn melh rum ṭha fia fia viau mai, bomb chu ni se a puak dur tawh ang. “Engvang chuan maw i duhloh a?" tiin min melh runa, ka nui sak mai “A tam mai, i thinchhe si, i thinur apiangin kei leh ka naute hi kan thi nawn awn awn ang tih pawh a hlauhawm, bâkah i induh si, i luhlul bawk. Sual awi a chhe lam zawng zawng i nei kim vek, chuvang chuan neih che ka duhlo" tiin ka en lêt kara. Nidang ang chu nise ka en ngam kher pawh ka ringlo, mahse tûnah chuan ka naute tân tih hria in ka inti huaisen lui tlat thung.

“Ka in siam ṭha ang, naute chu i hring ngei tûr ani" a tihchuan mak ka ti viau, miin nupui neih chu sawiloh fa tak ngial pawh a neih duh an rin loh thu an sawi ṭhin kha dawt vek em ni zawk? Engpawh nise tûnah chuan ka pawm phawt mai angai ani, kalna tur dang ka neilo tlat.

DELETE KHA WHATSAPP LAM NEN CHHIAR CHÂK IN TAM AVANGIN TIHIAN KA RAWN POST LEH CHHINA, LIKE LEH COMMENT TE KAN ZIAH TIRH A PHA TAWH LO EM EM A, MIN HAN ṬANSAK HRAM HRAM TEH U.

Link:
BBcode:
HTML:
Hide post links
Show post links
ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 3 guests