Nun tihlimtu Lalnunhlimi
By CVL.Awmpuii
Chapter 25
Nunhlimi te in pana ka tlân lâi chuan thil thleng thei tam tak ngaihtuahin ka thlaphang khawp mai a. Mahse a him hrâm erawh ka la beisei fan a, ka mangang lo lui hram hram a ni. An in ka thlen chuan min lo chhâwn vat hlawm a. "Kan va tibuai ṭhin che ve mawle" Philip-a chuan a lo ti ve hulh a. "Chanchin thar engmah a la awm lo em ni?" ka lo ti thung a. A lu a lo thing nak nak a, kei ang chiahin a rilru chu a buai ve hmêl khawp mai.
"A awm dân hi a dik lo reng reng. Nula puitling ni tawh mah se kan lo thlah zalên mah mah a ni. Eng pawh tâwk thei an ni a, fimkhur ve ṭhin tùr ania. Chinchâng inhrilh miah lo va chhuahte hi tih loh tawp tùr asin mawle. Min dilin kan phal lo ngai pawh ni hlei lo" Pa Chama chuan a lo ti ve hluk hluk a. A fanu a ngaihtuahna vang chuan a âng mawlh mawlh ni berin ka hria. "Midang han hrilh hluai chi lah a ni si lo, engtia han tih chî nge mawni?" a ti leh nghut a. A rilru buai lutuk chu tihngaihna vak a hre bîk lo aniang.
Nunhlimi awm loh chhanah hian ka rilruah mi pakhat chiah a la awm, Apuia bawk a ni. "Ka va zawng ang. A awmna chu ka hre mai thei, lo mangang suh u" ka ti nghet charh a. Philip-a pawh a mangang ve takzet aniang min hnial lo. "Ka lo zui ang che" a tih chuan in hnaih vaih a lo zawng zawk tùrin ka chah a. A rilru a la phawklek deuh bawk nen min hnial lo.
Minute tam pawh a liam hma in Apuia te inkawtah chuan ka ding fel ta rân mai. Nunhlimi laka ka elpui a ni a, ka hrechiang tawh bawk nen an in awmna hriat chu ka tán thil harsa a ni lêm lo. An ina a awm chu ring kher lo mah ila han zawn vakna tur ka hre bîk chuang lo a ni. A number chu hmet chhuakin ka call nghal a, "Hello" mutchhuak âw zeta a rawn tih rual chuan "Naupang!" ka ti nghal hluk a. "Khawiah nge Nunhlimi?" ka ti sehchilh leh nawk a. A chunga eng emaw tak ti tura ka ngaihtuah záwng phei chuan ka ṭim sawk thei.
"Chu zawhna bawk chu!" a lo ti ve hluk a, "In la hmu lo cheu em ni a?" a rawn ti leh he haw a. "Hrelo der vêl suh aw Naua, a awmna chu min hrilh mai rawh. Nang hi a zui hnuhnung ber che a, chu chu hrelo tùrah min ngai hauh suh. I kut hmâwr paw'n lo khawih vaih teh, i châk lo viau ang" ka lo ti thum chhak a. Apuia chu a lo ri deuh sawt sawt a, "Khatiang lam kha chu duh tâwk teh. In la hmu lo tak tak em ni a?" a rawn ti leh he haw a, a hriat loh hmêl tak tak khawp mai. "Khawnge in awm sawi mai rawh" ka lo ti thung a. Nasa taka tàwngin ka vau zui nghek a. A hrilhai telh telh maiin ka hria.
"Khawnge i awm?" a rawn ti ve ta thung a, "In awmna chu sawi zawk mai rawh" ka lo ti fiah fek fawk in ka lo ti khauh fur a. "Kan inkawta ding kha nangmah em ni?" a rawn tih leh rual chuan "Thu dang sawi tam lo khan in awmna chu sawi mai rawh" ka lo ti nghut a. Tunah tak hi chuan Nunhlimi ngaihtuahna leh Apuia hnek châkna bâkin ka khat lo. Ka phone ka dawm reng lai chuan Apuia te kawngkhar chu a rawn ri rak a, amah ngei mai chu a rawn chhuak ta mai.
"Zawnga khawnge Nunhlimi i dah?" va pan hnai nghal vutin a kawr âwmah chuan ka ṭham nghal chawt a. Ka âw chu ring lem lo mah se a rum ul a, a hlauhawm tham ve khawp ang. "Khawi maw...inhrosa vak vak lo khan min thlah teh. Eng chiah nge a chungah thleng a? Tun thlengin in la hmu lo a maw?" ti ve nghutin ka kut chu min dah thlâk sak a. "A chhuahpui hnuhnun ber chu nangmah i ni lawm ni? I hria ang chu, zêp buai lo khan sawi ṭha mai rawh. A chungah eng emaw i ti anih vaih chuan i rin phâk bakin ka che ang" ka lo ti leh hrawk a. A hrilhai hmêl lutuk leh a thophang hmêl zawng zawngte chuan ka rinhlelhna a tikiam deuh a. Mahse lemchan thiam tak hi an tam tawh tih ka hrechiang êm a. Dâwp chhuah ngei chu ka la tum fan a ni.
Mahse Apuia chuan thutak deuh hian "A chinchâng ka hrelo tak tak. Zan tîr lamah khan an inah chuan ka thlah daib tawh alawm. Khami hnù khan kan inbe zui leh tawh lo. A laka ka rilru puthmang chu ka zêp lo, mahse hetiang taka che duh tùr mihring chu ka ni bîk lo ania" a ti duah a. Chîk zet hian ka melh rûn a, thudik a sawi ngei niin ka hria. Thaw chhuak hawk in "Anih chuan khawiah nge a awm ang a?" awmze nei lo zet hian ka ti hawk a. Apuia chu ka zâwt pawh a ni chiah tawh lo, keimah leh keimah ka inbia a ni zawk mah.
"A awmdan hian ka ngaih a ti ṭha ta hauh lo mai. Vawiinah pawh khan a hlim lo riau khan ka hria a. Zawng vat teh ang, thil pawi a thleng palh thei tlat" ti zung zungin Apuia chu a che chhuak nghal a. An inchhungah va lût leh zuai in Helmet leh Bike chabi a rawn la chhuak a. "Lo inrawlh ve suh" ka lo ti nghut. Tun hun hi thîk thû tihchhiatna hun a ni lo tih chu hre tho mah ila a lo inrawlh ve ka duh chuang lo. "In inṭhen tawh tih theihnghilh suh" Apuia chuan a lo ti ve nghut a. "Bul kan ṭan leh dâwn tih hi lo chhinchhiah rawh" ngêng zet hian ka lo ti ve thung a. Kan inmelh no lo khawp mai.
Apuia chuan "I thil hmuh leh hriatte hi haider lui hauh suh. Zawi muang in a hlat tial tial che a, min rawn pan mêk asin. Nakinah phei chuan nang nena in inzawmna aia nghet inzawmna ka la siam pui ngei ang" mahni inringtawk zet hian a lo ti nghet charh a, a khi suk bawk a. Min nuihsawh takzet bawkin ka hria. "A thleng ngai lo vang" insehruh ṭeuh chung chuan ka lo ti nghut a. "A thleng mêk chu anih hi" a sawi zawh rual chuan a ri chawrh mai. Engtik laiin nge ka va pan hnaih a, ka kut chu ka lek chhuah hman pawh ka hrelo. Ka inthununna ka hloh a, ka va ri ta pawp ni berin ka hria.
Apuia chu thinrim duh hauh lovin a lo ṭhen suk ringawt a, "Kha lek kha maw?" min nuihsawh zeta a tih rual chuan a ri leh chawrh mai. Ka hnek na thawkhat bawk aniang a pai khut a, engah mah min la ngaih hmêl chuanglo anih chu! He nau hi a ngêng mah mah a ni. A kawr âwmah chuan va ṭham leh in "Naupang...heihi hre rawh. Nunhlimi hnaihah hian lo awm tawh ngai suh ang che. Ka laka a rilru puthmang lâk pèn nan a hmang ṭangkai mai mai che anih hi. Hmanrua mai i ni tih inhre rawh" ka ti ve sak a. Inhmuhsitna ṭawngkam hi ka chhak chhuak duh ngai hauh lo, mahse a ṭul chinah chuan ka dîm duh tawh bîk lo.
A insehruh ve ta ṭawlh ṭawlh a, ngêng taka a awm ai chuan a thinrim chawh chhuah ve phat hi a ngai reng a ni. "Thudik chu a kha fak mai asin" ka ti leh kher a. Ka thusawite kha Nunhlimi ngaihtuahna a ni kher lo mai thei a. Mahse amah tih zah nan leh tih hrehawm nan ka ngaihdan leh rin dân ka sawi ve hmiah mai a ni. Min tham lo sak sak bawk a, ka zahpah peih vak bîk lo.
A kawr âwm ka ṭhamna chu thlah in "Hmanrua lek ni si hi lo chapo ve khanglang tawh suh" ka ti leh kher a. Mipa tán chuan ka ṭawngkhum dân chu thil tlàwm thlâk ber pâwl a ni. Apuia pawh a nghing ve lawih aniang, min chhan lêt ngaihna a hre tawh lo va. Rum zeta min melh bâk chu tih theih a nei tlêm hle.
Ka phone a rawn rîk tâkah chuan ka ngaihven vat a, number hlang aṭangin a ni. Nunhlimi chungchâng anih ka ring nghal hmiah a. A engamah hma in ka hlauthawng ru nghal ringawt pek a. Mahse ka la ta tho a, a pawimawh dawna ka hriat vang a ni. "Hello" pawh ka tih hma chuan "Rohluzual, i va han zak theilo em em ve" a rawn ti nghal tawng a. A âw aṭang chuan a thinrim hlê tih a hai theih loh. "Bialnu huaisar zet i lo nei bawk a, ka fanu chunga i thiltihte pawh kha a rapthlak tawh tehlul nen i bialnu lehzel kha chu vêng ṭha ta che" a rawn ti vin leh ṭhat a. A âw aṭang chuan rin ka nei nghal, Helen-i Nu a ni thanin ka hria. A hminga ka koh rual chuan a lo ni tak tak a. Thawk khat lai khan Helen-i chungchanga min lo biak sek avang khan ka ning a. A number ka Delete ta kha ania, a reh zui ve mai bawk a. Mahse zanin taka a rawn lang leh hlawl chu hamhaih tak ka ni. Chutah pawh Nunhlimi chungchângah lehnghal!
Apuia chuan min lo ngaichâng ve reng a, ṭawngkhum na viau mah ila Nunhlimi zawnna ah chuan lo kal a la tum ve fan aniang. "Hetiang em em a tuar tùr hian kan fanu hian in eng pawi nge a sawi a?" Helen-i Nu chuan a rawn ti leh tuarh a, a ṭap titih deuh te'n ka hria. A thu rawn sawi chuan min ti bangbo khawp mai a. "I sawi awmzia pakhat mah ka hrelo" ka ti chiah chu min rawn ànkhum ta tak tak alawm "Kha i bialnu zak theilo zet khan kan inchhung hi vawikhat pawh rawn rap tawh suh se. Helen-i pasal neih tùr chungchângah phei hi chuan in rawn inrawlhna chhan tùr pakhatmah a awm lo. A bikin i bialnu kha i lo hrilh dâwn ania. Helen-i hi a thîk a, awmngaihna a hrelo anih kha. Nungchang mâwi leh awmdan mawi lo hre tawh rawh se. Khatiang taka hmeichhe huaisar kha ka la hre ngai lo" a rawn ti tàwn tàwn a. A thusawi chuan min ti bangbo zual sauh mai.
"Engtin maw Nunhlimi chu a lo awm a?" ka tih chuan za lo tih hriat zet hian a rawn nui hak a. "I bialnu chu i vêng sêng lo va, a thiltih rapthlak zet pawh i hrelo a ni maw. Kan inchhungah ngei ka fanu a rawn sual ngam kha zak ngawih ngawih rawh se" a rawn ti ta mai. "Nunhlimi a lo kal maw?" ka ti hluai, a thusawite ai mah chuan Nunhlimi chinchâng ka hre tawh ni a ka hriatna chuan min ti phûl hkhai mai. "Fu ke kima a rawn haw leh kha lâwm rawh se" a rawn ti fak a. Eng thil tak nge an inkarah thleng ka la hrethiam chuang lo.
Nunhlimi hming ka lam rîk tâk vang aniang Apuia pawh chu a lo hawi ve nghal hru a. Helen-i Nu pawh a rawn âng zui leh tàwn tàwn a, chumi lai tak chuan Philip-a hnen aṭangin phone call ka dawng a. A pawimawh zawk dâwn tih ka hriat avangin Helen-i Nu âng mawlh mawlh chu ka hmet tâwp hmak a. Philip-a phone call chu ka la ta zawk a, "Nunhlimi chu a rawn haw tawh e. Kan tibuai ṭhin hlê mai che Hluzual. Min lo hrethiam hrâm rawh aw" a rawn ti sup a. Ka lo thaw huai mai.
"Ka rawn phei ang, biak ka duh" ka tih chuan min lo hnial vat a. "A...Hluzual, haw rih phawt zawk rawh. Muangmarin nakinah in la inbe zawk dâwn ania" a rawn ti ban charh a. A âw chu a dik lo riauin ka hria. Helen-i Nu thu rawn sawi zawng zawng nen khan ka ngaihtuahna thil pakhat a rawn lût zawk a. "Amah a ṭha em?" hlauthawng zet hian ka ti sup a. "Aw a ṭha a ni mai e" a rawn tih chuan ka awm a ti nuamlo zual sauh mai. A ṭha a ti tlat lo a ni. "Ka lo kal dâwn" tiin min hnial hma chuan kan inbiakna chu ka ti tawp zui ta daih a.
Ka Bike dah dân siamrema tlan chhuah mai ka tum lai chuan "An hmu tawh em ni?" Apuia chuan a lo ti ve vat a. A la awm ve reng tih ka hrechhuak chiah. Ka lo bu nghut a, tlânsan mai ka tum chu ka puh chhiat êm avang khan ka inthiamlo veleh deuh a. Nunhlimi a ngaihtuah ve em em tho si ka ring chhe lutuk kha ka inthiamlo ve tho. A pawi ka tih thû sawi ka tum uk a, mahse a lo chêt tawh dànte ka ngaihtuah lêt a, ka ṭhulh leh ta tho. Mihring hian tlàwmna nun neih hi kan lo harsat hle ania nge.
"Va mu leh tawh rawh" tiin ka vung chhuak nghal zawt a. Inthlahna thû atân chuan a bung mah mah a ni. Mahse ka pawiti hran chuang lo. A cho chhuak miau alawm tiin ka inhnem lui ve tlat dâwn.
Nunhlimi te in ka va thlen leh chuan Pa Chama leh Philip-a te nupa chu an lo awm leh ṭhap tawh a. Mahse amah Nunhlimi ber chu ka hmu leh chuang miah lo. "Kan lo nghak che a, kan tibuai nasa che bawk si. A pawi kan ti ṭhin tak tak a ni" Philip-a chuan a lo ti nghal zung zung a. "Khawnge?" ka lo ti nghal sup thung a, khati khawpa mangang khan min siam a. A hmêl tal hmu lova haw chu ka ngaih a ngam tlat lo a ni. Mahse Pa Chama chuan "Hluzual, kan tibuai viau na che in min lo va hawsan phawt zawk mai ta che. Nunhlimi chu a room-ah a awm tawh a. Him dam takin in a rawn thleng tih kha lo hre tawp la. A bâk chu nakinah in pahnihin in sawi dûn zawk dâwn ania. Zaninah erawh chuan biak chi a ni rih tlat lo" a lo ti chuar chuar a. A âw ah chuan ngenna leh thupek a tel kawp deuhin ka hria. Chhûngkaw pà ber a ni a, a thu tàwp chu zahawm ka ti bawk. Chuvangin ka hnial ngam lo.
Ka haw hnù chuan ngaihtuahna erawh a buai ve khawp mai. Helen-i Nu thu rawn sawi leh Nunhlimi te chhungkaw lo awm dânte kha ka ngaihtuah lêt a. Eng emaw tak chu a thleng chiang alawm. Helen-i nen an lo inbakkaih deuh ani tih chu ka tinzawn thiam mai a. Mahse eng vang tak nge ni ta ang? A Nu kha chuan Nunhlimi a dem khawp mai a. A fanu pasal neih tùr chungchângte pawh a rawn sawi kawkalh nuaih anih kha! Engtin paw'n Nunhlimi chu che se, chhan ṭha tâwk tak a nei ngei dâwn tih hi ka hrechiang lutuk tlat.
A ṭhat leh ṭhat loh tal hriat tuma va text ka tum lai chuan a message zawk a rawn thleng nawlh a. Ka rilru hria ni àwm tak chuan "Ka ṭha ania aw, min ngaihtuah suh" tih tê mai hi a rawn thawn a. Min ti danglam leh nghal vek tawh! "Inbia ang" ka tih chuan a reh zui leh vang vang a. Mahse a hnù deuhah chuan "Umm" tiin min rawn chhâng ve ta nge nge e. Va call nghal mai ka tum a, "Naktuk zanah aw" a rawn tih leh chuan ka ṭhulh leh chiang asin. "I ṭha tak tak tiraw?" ka va ti leh hram a, "Umm...ka tihpalh" tiin min rawn chhâng lêt. "Tihpalh" tih ṭawngkam a rawn hmang hlawl chuan min ti bangbo leh viau mai.
"Timaw?" ka va tih leh chuan a en ta mai lo va, ka nghah deuh ren rawn hnu pawh chuan eng chhanna mah ka dawng lêt tawh lo. "Naktuk zanah chuan thil pawimawh tak hrilh tùr che ka nei ania. Zanin hian tui deuhin i mu dâwn ania, min ti mangang tawh suh" ka va ti leh luam a. Hram hram chuan ka inti rilru ve tho. Mahse ka chêt dân chu ṭul ka ti ve miau si a ni.
"Nizanah chuan eng thil chiah maw thleng a?" ka office bâng Msa tlãi rawn lêng chuan a rawn ti lût nghal thâwr a. "Ka la hrethiam chiah lo, zaninah Nunhlimi nen kan inbia ang" ka tih chuan "An lo insual nasa viau elo?" a lo ti hluai a. Chutiang lam tak chu ka lo hre fuh miah lo. "Eng chin nge i hriat a?" tiin ka lo zâwt lêt khauh a. "Nizanah Helen-i leh Nunhlimi an insual tih thû Helen-i te vengnu hnen aṭangin ka hria. A sawi uar nge phei chu ka hre lo va, Nunhlimi zawkin a lo khawih nasa viau a ni àwm a. An inah luhchilhin a va sawisa angte khan a sawi a. Thu chiang zawk a hre bîk vak lo nâ in Nunhlimi chu a dem hmêl khawp mai. An insual chhan erawh a hrelo thung a" a lo ti duah a.
A thusawi chu ka lo rin lawk ni tho mah se chutiang em em chu a nih ka lo beisei lo va. Helen-i Nu khan min rawn chhuahchhal nghal pap pap danah thil felhlel a awm ngei ani tih chu ka ring thiam nghal mai a. Mahse Nunhlimi ka ṭan vang lam ni lovin a thiam loh hulhual chu a ni bîk tawp lo vang. Chhan ṭha tak neiin Helen-i te inah khan a kal ang a, chhan ṭha tak nei vekin an insual ang.
"Chu zawng chu em ni i hriat?" Msa chu ka zâwt a, "Ni deuh mai. Chanchin chiang zawk i lo hriat tawh beisei in ania ka rawn lên luh" a tih chuan ka hriat ang angte chu ka lo hrilh ve luam a. Nizana Apuia nen kan boruak te pawh tlêm azanwg chu ka hrilh ve thuak a. Apuia kut ka thlâk thû ka sawi rual chuan a lo rum nghut a. A ngaihdan a ni lehpek tawh lo aniang. "Kâ a chinfel hram hram tum tùr ania, kut thawh zawnga chêt hi chu a mawi lo" a lo ti nghut a. "Nunhlimi nen hian mi hahthlak pahnih in lo nih chiah hi. Nizanah mi in lo sual ve mai mai a" fiamthu ti tak deuh hian a rawn ti zui leh zat a. Nuih loh theih pawh a ni lo.
A haw dâwn chuan min fuih zui mawlh mawlh a, a sawi tam ber chu "Zaninah chuan engkim tifel vek tawh ang che u. In inṭhen dâwn anih chuan inṭhen tawp ula. Bul in ṭan leh dâwn anih pawhin neuh neuh awm tawh lo turin ṭan tawp mai rawh u. In hahthlak dûn emai. In pahnih chauhin in buai ṭhin si lo, in chhehvel ami te kan buai ve zel si a" a ti duah a. A sawi ang chiah chuan zanin na nâ nâ chu thu tàwp siam zanah ka puang tawp mai. Keipaw'n hetia buai reng hi ka ning tawh.
"Ka rawn kal dâwn chiah aw" kan in aṭanga ka chhuak tùr chu ka va text hmasa a. "Pâwnah inbia ila i pawiti em?" a rawn tih chuan "A ṭha alawm" ka lo ti ve mai a. Mahse tlêm chuan mak ka ti ve deuh. Zan khat thil thû ah a awmdan a thlâk thut a, ka ngaihte hi a ṭha lo hial a ni. "Pâwnah ka lo nghak ang che aw" a rawn tih leh chuan "Ok, kal thleng har lo vang" ka va ti veleh a. Ka Bike zawk ken chhuah ka tum zet nâ in pâwn lamah kan chhuak dâwn ro ro anih chuan car ken ka thlang ta zawk a. A him zawk ang.
Nunhlimi te in ka thlen chuan kawtah min lo nghak tak tak a. Va chhuah mai ka tum chu zaizirin min lo dang vat a. "Lo chhuak lo law law mai rawh" tiin a rawn ṭhu lût nghal sawk sawk a. A hlã aṭang khan ka lo enchiang miah lo va chutia car chhûng a rawn luh tâk ah chuan a chala bandaih a lo bel va chu ka hmu nghal zat a. "Tinge?" a chal chu kawk zeuh in ka ti sup a, "Nakinah ka hrilh dâwn che alawm" nui lui sak in a lo ti thung a. Ka melh leh vang vang a, ani erawh chu min ngaihven em em lo tih hriat zet hian a lo ṭhu rem sat sat a. Zanin a awmdan hi a danglam chiang alawm. Nunhlimi zia ka la hriat ngai miah loh ka hmù niin ka hria.
"Khawiah nge kan kal ang?" ka tih chuan "I duh duhna ah tlân tawp rawh. Mahse tuma chîm buai loha kan inbiak theihna hmun tùr ni se" a lo ti zâng vah a. Ka ngaihtuahna hmun thengthaw nuam zet pakhat, hna ka buai zual chânga inti thawveng tura ka kal fona chu a rawn lang zawk a. "Ka hria" ti hluai in ka inkhalh chhuak ta nghal a. Kan thusawi tùr zawng zawngte chu chumi hmuna sawi tur chuan kan khek deuh nge ni kan tlân chhung zawng chuan kan ngawi rauh rauh a. Nunhlimi chu ka va melh leh zawk ṭhin a, pâwn lam hawi in a lo dâk veuh veuh a, a hahdam hmel ka hmuh lohna pawh a rei ta hle mai.
Ka hmun sawi chu darkar chanve hnuah kan thleng ta a. Ka car chu kham lam hawi zawnga hûng remin a hmaah chuan kan ding ta ran a. Aizawl khawchhung pe un chu thlîr dunin thâwk kan la ham ham a. Nunhlimi chu inkuangkuah than hian a ding a, a mit a chhing vang vang a, hahdam a lo mamawh hle pawh a ni mai thei a ni. Car hma ngheng ṭha sauh sauh chung chuan a tih dân chuan ka ti zui ve zat a. Kan taksa insi lo mah se car hma nghenga ding ve ve kan ni bawk nen kan inhlat lo khawp mai.
"Helen-i nen khan kan insual a" a rawn ti chhuak ta sep a. Ka melh vut a, hmalam a lo en ngar a, za lo tih hriat zet hian a rawn ṭhen sak bawk a. "Ka hria alawm" ka lo ti sup. Chutah mak tih hmêl deuh hian min rawn melh vat a, "Engtin?" a tih chuan "A Nu in min lo phone a" ka ti ṭha ve mai a. "Zak theilo min ti viau lo maw?" a nui leh hak tawh, a nuihsawhna nimaiin ka hria. "I bialnu kha zilh rawh min ti " ka lo ti fiamthu zeuh a, a ti tak tak tho na in nuihzat ah bâk kan la lo. Nunhlimi nen chuan inpawh zet hian kan nui dûn hak hak a. Hetiang taka hun hahdam thlâk hi kan hman lohna a lo rei ta kher mai.
"In inphur lâi kha ka hmù che u a" thutak deuh zawk hian a rawn ti leh sep a. "Helen-i nen maw?" ka tih chuan a lo bu nghat. A hmui chu a pet zeuh a, a mitmeng aṭang chuan engmah ka hrethiam lo. "Chuvang chu em ni min biak duh tâk loh thut kha!" ka lo ti khauh a, a lo nuih ringawt dànah ka sawi dik anih hmêl. "A dang pawh a la awm" a tih chuan "Sawi rawh" ka lo ti sup. Zanin chu engkim sawifel zanah kan puang ta sa sa zawh hreh leh sawi hreh ka nei bîk lovang.
"Khami tlãi khan Helen-i khan min lo text a, engtin nge ka number a neih pawh ka hre lo. Pasal a neih tur thû kha min lo hrilh ve ngei a. Kha ringawt kha min hrilh sela chu engah mah ka ngai lo vang. Mahse a thinlunga i la tlak nat zia leh i thinlunga a la tlâk nat zia te kha min dah hluak a. In inphurh chhan pawh an inneihna ṭhulhna tùr chungchanga puih i tum vang anih thû nen lam min hrilh a. In la induh zia leh induh reng chunga inṭhen in nih zia te min hrilh châm chî bawk a. A tirah kha chuan ka awih miah lo. Mahse i ngaihzawng hlui a ni tih ka lo hre ve kar si a. Ka tán chuan palzam mai mai a harsa êm a ni. Tikhan a hnù lawkah Apuia nen kan thlalak ka status avangin i rawn thinrim ve hluai a. Min kalsan i duhna chhuanlam ah ngaiin ka lo be duh tawh lo che anih kha. Helen-i chuan in pahnih inkara inrawlh ang thawthangin min lo chhuah a. An vênga ka ṭhiannu hnen aṭangin ka hre leh vek sia" a ti duah a. "Kha vang kha maw khatianga i awm thut?" ka tih chuan a lo bu nghat a.
"Anih chuan engvangin maw Helen-i te inah chuan i va kal?" ka ti leh sup a. "Zan tir lama Apuia nen kan chhuak min thlah hnù khan Helen-i bawk chuan min rawn tibuai leh ngat ngat a. Hmaichhana inhmu a, sawifel turin min rawn sâwm reng bawk nen ka kham ta lutuk a. I chungchâng a rawn sawite kha ka lo ring vek bîk si lo. Thudik fiah nan pawh tiin an ina kal tura min tihna chu ka pawm ta a. Ka va thleng chu ka beisei ang he hu in engmah a thleng lo. Helen-i te ang dàwr thiam lo tùr khawpa mãwl ka lo ni bîk lo. I chungchanga min insawi theih khumna te chu thudik hmanga chhangin a phatsan thû che kha ka sawi khum ve hmiah a. A thinin a tuar ta lo va, kan inhnial thinrim chho a. Ka mize harhvang tak avanga hmeichhe lepchiah leh hurherha min chhuah zet kha chu ka thinin a tuar ta ngang lo va kut ka thlâk hmasa. Tichuan kan insual zui chu a ni ta deuh mai. Kan thâwm hria in a chhungte'n min lo ṭhelh a. Chuti chu ni lo se ka khawih na hman viau ang" a ti leh duah a. A thusawi chuan ka nuih a lo tiza daih anih chu!
Ka nui min rawn hmù chu a meng kual ralh a, an insual chungchâng a rawn sawi ta kher chu a zak veleh deuh aniang. "Nangmah vanga insual kan nih loh chu aw...dawt a min puh ka duh loh lutuk vang anih chu" tiin a rawn insawi thiam nghal zung zung a. "Anih chuan ka chungchanga Helen-i thusawite chu i ring em?" ka lo ti thung a. "Ring lo, ring ila chu ka hmu duh tawh miah lo tak tak ang che" a lo ti liam puat a. "A tirah chuan i ring tho a ni lawm ni?" tiin mitko ka lo san auh a. "Nang paw'n Remi dawt sawi ani lawm ni i awih?" a lo ti ve nghat a. He thil hi chu a damchhungin a hre reng tawh dâwn anih hi!
"Kan in draw chiah tihna anih chu" zâng vah a ka tih chuan rum zet hian min lo melh a. "Kei chuan zan khat thil thû ah thudik ka va fiah tal alawm. Nang chu dawihzep takin i awm a, kei chu huaisen takin ka pên chhuak alawm" mahni inringtawk zet hian a lo ti nghet charh a. A sawi dik lutuk chu ka dang lel mai.
Kan ngawih vang vang hnu chuan "Kan ṭha tawh tiraw?" ka ti ta sup a. A chhanna tùr chu ka hriat châk rualin ka huphurh takzet. "Ka hrelo" a lo ti hul hak a, ka beisei a pha lo chiang kher asin. "Zaninah hian thu tàwp siam ngei ka duh tawh. Hetia awm reng chu kan inti laklawh tawn mai mai a, kan pahnih tán a ṭha lo ve ve. Kan pahnih chung thû chu i kutah a awm e. Bulṭan ṭhat leh i duh chuan kan ṭan ṭha leh ang a, tàwp i duh pawhin kan tàwp ang. Ka tibuai tawh lo ang che" ka ti duah a. Chung thu sawi chu ka tan chuan a va'n harsa tak em!
Thuthlukna a kutah ka dah kha ania, mahse amah zawk chuan ka ngaihdan min zawt lêt tlat a. "Kei chuan bulṭan ṭhat leh tluka duh ka nei lo" tiin tlang takin ka duh dan chu ka hrilh a. A ngawi deuh vang vang a, a mittui a rawn hnâm ta ṭiam ṭiam mai. A rilru tina tùr thil ka sawi àwm ka hre hauh si lo. "I ṭha em?" ka tih rual chuan insût hraih chung hian min rawn kuah ta thlawp a, nghet zeta lo kuah lêt in a hnungzangah chuan ka chûl nghal hauh hauh a. A ṭah chhan lah chu ka hre der lo, min tihrilhai asin aw.
"Ka tihpalh aw U Hluzual" ka àwm a hmai phûm reng chung chuan a rawn ti ṭiau a. Ka lo rum nghut, "Ngaihdam dilna tùr i nei lo" ka ti a. A lu lo thing nawk bawkin a inlahrang dat a, ka thlah dul deuh nâ in a kawnga ka chelhna erawh ka thlah chuang lo. "Aih...ka ti tlâwm zing lutuk che alawm. Khang hun chhûng zawng khan ka hrethiam ve vek a. Mahse ka luhlulna kha ka hmachhuan tlat a, ka inti paukhauh lui tlat a. Khang zawng zawng avang khan ka tihpalh lutuk. Engmah ni si lo khan ka lo inla ve em em a" a ti mawlh mawlh a. Zanin hian eng emaw rau tak chu a chang chiang alawm. A luhlul zia leh rilru len zia hrechiang tu ka ni a. Chutia ngaihdam min dil ta mawlh mawlh mai leh a tlâwm ta lutuk chu mak tih loh rual pawh a ni lo.
"Ka theihna zawng zawng sâwm khâwm in ka runluih ṭhin che a. I huat zawnga ka awmte khan nuam ka ti tlat a. Ka tàwng vak vak ṭhin che anih kha! Mahse nizan aṭang khan ka fiah ta chiah a. Chân che ka duh lo va. Ka hlauthawng ta lutuk a. Min kalsan tak tak dâwn ni a ka hriatna khan min ti na a. Rawn pan leh dân che ka thiam tawh bawk si lo. Helen-i te in aṭanga ka haw min rawn hmuh i tum pawh khan ka hmachhawn ngam rih ngang lo che a. Ka chhûngte bulah chhuanlam siamin ka hnar ta tawp che anih kha" a ti leh mawlh mawlh a. A thusawi chu engtin emaw riau hian ngaihnawm ka ti tlat pek a. A inbunruak ve ta hawk hawk in ka hria. Chutiang taka ka ngaihhlutna leh atana ka inpekna a lo hmu thiam ve ta chu ka lâwm hlê bawk.
"Chuan...bulṭan ṭhat leh chu i duh tihna tiraw?" ti sup in min en thei tùr chuan a khabe chu ka hmer salh a. Zanin a mittui luang te chu a hmuhnawm dangdai ka ti tlat. "Ka duh a...mahse U Hluzual, keichu i hriat sa vek kha. Ka rilru let but anga chêt mai te ka chîng a. I mualphona tùr ka thlen mai mai ang che tih ka hlau. Hmasawn zawng ni lova hnungtawlh zawnga i awm chhan nih ka duh lo va. Ka khirh in ka thîk thû a chhe bawk si..." a tih mawlh mawlh lai chuan lo pawt chat in "Bulṭan ṭhat leh chu i duh a, a tâwk lutuk. A dangah buai suh" ka lo ti vat a. Mahse a rilru a luah hneh ngang ania nge, a tlin lohna tam takte chu a rawn sawi chhuak zung zung a.
"A tâwk tawh e..." ka tih mawlh mawlh pawh chuan ṭap âw ṭeuh chungin a la sawi hram a. A phili laklawh vek ni berin ka hria. "I nun ka ti chêp ang tihte ka hlau a, miin an hmuhsit phah ang che tihte ka hlau a..." a tih leh lai mêk chuan a ṭawng na hmui ngei mai chu ka lo khãr chilh hmiah mai. Duhthawh zet hian ka fawp nghal tawn tawn a. Hetiang kan tawn lohna pawh hi a rei ta hle mai.
Ka chêt dân teh phut chuan a ṭhawng ve tho aniang min chhan lêt nacháng pawh a hrelo. Mahse zawi sawiin a inthlahdul tial tial a, inlahrang hleka ka fawh bawn leh tâk ah chuan min lo chhâng lêt ve tawh. Ka khawih phâk loha a awm chhûng zawng hremna ni àwm tak chuan ka fawp duhthawh a. Ka kut pawh a hlei chho ṭan viau mai. A âwm báwr ka ṭham tâwk rual chuan a lo rãk ṭhat a. A inlahrang nghal dawrh bawk. Thaw chhuak ham ham in mitmeng de sawr sawr hian min rawn melh a. Tawrhhlelhawm tak a ni ringawt.
Ka lamah chuan hnuk hnai leh salh in fawh leh mai ka tum a, "Miin min lo hmù ange" a ti sep a. A hawi kual ralh ralh a, tun ang hunah tuman min hmu dâwn lo tih chu hre tho mah ila a ngaih ṭhat nan car chhungah chuan ka inkhung pui ta hmiah a. Zanin chu infawh pawh a nêp tlat, tlang taka sawi chuan ka kham khawp der lo.
Car chhûng boruak chu a lum pup pup a, Nunhlimi thaw halh halh ri te chuan min ti phûr mah mah a ni. Kan infawp ngawng ngawng a, ka ka chhungah chuan a rawn thaw lût leh halh ṭhin a. A awm bawra daltu awm miah lo va ka kut che vêl chuan awmdan a ti thiamlo tih ka hre mai. A theih ang tâwkin ka taksa chu a lo khawih ve bawk a. A tum reng vang pawh ni lovin ka khawihna a dawnsawn thiam loh vang chu ni berin ka hria.
Rem leh rem lovin a âwm báwr ah chuan hmai ka phûm a, ka sam a ṭhamin a lo rum chhuak hak a. Ka insum zo dâwn lo takngial a ka hriat avang chuan ka tawp ta hram. Nunhlimi chu min hmachhawn zawnga pawmin ka kuah bei ta hle hle a. Kan awm dân a pangngai deuh hnù chuan a kawr hâk lâi chu siam ṭhat sak ka tum a. Mahse ka âwm ah a hmai a la phûm tlat, a zah vang bâk a ni lo vang. "I kawr hi ka siam ṭha lawk ang aw" ka tih pawh chuan nghet zeta min kuah in a la inlahrang ngam chuang lo va. A awmdan lawmawm zet avang chuan ka nui ta hawk hawk a. Tawnhriat la nei miah lo a nihna hi a lo lang leh ṭhin.
_________*__________*__________*_________
Show post links
Top
NUN_TIHLIMTU_LALNUNHLIMI BY By_CVL_Awmpuii (Completed)
Nun tihlimtu Lalnunhlimi
By CVL.Awmpuii
Chapter 26
"Nunhlim..." nuihza insûm ṭeuh chung chuan ka ti sup a, min lo kuah nghet sauh sauh a. "Min enteh" ka ti leh sup a, hetiang taka kan vawikhat awm dunna hi a ni a. A zak chu ka hrethiam lutuk, mahse a zah lutuk chuan hrehawm a ti lutuk ang tih ka hlau a. Inngaizawng inkârah chuan hetiang thil hi chu a mikhual lo. Mahse Nunhlimi tán chuan thil thar vek a ni.
"Zah theih loh hmêl deuh si hi i zakzum reuh lutuk a" ti leh sup in a hnungah chuan ka chûl hauh hauh a. A rawn hawi chhuak ngam rih tlat lo a ni. A kawr hâk lâi pawh a âwm báwr ah a la inhnawl tawm chho vek a. A taksa lawng leh ka kawr a insi thlap a, mipa hrisel ṭha pangngai tán chuan danglam loh a harsa. Kan thiltih zawh chiahin a lo zir bawk nen hrehawm tak a ni.
"Hetia i awm reng chuan ka insum zo dâwn lo ania" ka ti ta hawk a, a lo îp chawih mai. Ka ṭawngkam lang tlang lutuk avang chuan a zâm leh viau tawhin ka ring. Chutah zawi muang hian a rawn inlahrang ta a. Min melh lovin a kawr chu a siam ṭha nghal sawk sawk a, a hmui a pet a pet mai. Lungawi zetin ka lo thlîr vung vung thung a, a lài hmêl leh zak hmêl te chu hmuhnawm ka ti tlat pek anih chu!
"Nui reng suh" a ti bak hlar a, a aia nasa in ka lo nui chhuak nghal hawk hawk. Nichin anga boruak uap zet khan kan awm tawh lo va, kan haw mêk a ni. Ka car khalh lai chuan ka lo nui leh vur vur ṭhin a, a ngaihdan a ni ta vak lo aniang min rawn hau ta nge nge a. A hma ang khan a lài ṭha duh tawh lo va, Nunhlimi dik tak ang khan a awm leh tawh. "I nuih leh chuan ka chhuk ang" a lo ti vin leh hrak a. Ka va melh zawk a, min lo melh rum ngang mai.
Kei lah chuan chhaih kawlh ka lo châk zual sauh a, "Ka rin aiin a lian daih a" tiin a âwm báwr chu ka va melh zeuh a, a lo inhup rang lutuk. "I ninawm emai aw U Hluzual, khatianga min chhaih reng dâwn chuan engmah ka tih pui tawh lo vang che" a lo ti bar bar a. A nin hmêl tak tak. "A lehpek i lo beisei nghal ani maw" ka ti leh hrâm a, nghal min tih hmêl ngang mai. A ṭawngkam in a daih tawh lo ania nge ka motor khalh ṭha hle hle mai chu ka bân puamah min rawn chûm ṭawk a, vawikhat mai pawh duh tâwk lovin vawinga lai min chûm ṭawk ṭawk a. A kutthlak lah chu amah phû lovin a na zek lehnghal a. Ka nui hawk hawk tih lo chu ka chhaih lui tawh bîk lo.
"I mumangah min lo hmù la, harsatna i neih chuan min hrilh la, i tán ka awm reng tih i hre dâwn ania. Mahni insitna leh hrehawm tihna te kha nei tawh lo la. Keimahah innghat tawp la, min ring tâwk ang che" ka ti charh charh a. An in kawtah kan ding reng tawh a. Inchhunga a lût tùr chu thu ṭha ka fah mawlh mawlh a. Zanina kan bulṭan leh nemnghehna ni àwm ang hrimin ka fawp leh hrâm bawk a. Ka thu hrilh te chu uluk zet hian a lo ngaithla a, a bu nghat nghat mai. Thû a awih zui leh viau paw'n ka ring chuang lo.
"Mipa dang hnaih loh tùr..." ka tih rual chuan ka rilru ah Apuia hmêl a rawn lang nghal a. "Tih chhan neiin ka sawi aw" ka ti leh churh, ka sawi awmzia chu a hrethiam aniang a lo ner nang a. "Ka ṭhianpa alawm" a tih lai mêk chuan " Mipa ṭhian neih vêl kha ṭul ka ti lo, keipaw'n mipa chauh ka kawm hi. Hmeichhia kawm tlat ta ila i duh bîk lo vang" ka lo ti hmuk a. Apuia thlavang a la hauh deuh reuh tlat ni a ka hriatna chuan min ti lungáwi lo leh lek lek mai. "Kawm loh tawpte chu a har ve alawm. Anmahni'n min lo biak ṭhat tlat si phei chuan " a ti niah niah a.
"I laka a rilru puthmang i hriat kha, beiseina thlawn siam sak hauh suh ang che" ka lo ti leh churh a. Hei chu ka thîkna vang lam pawh ni lovin ka rilru tak tak a ni. Kan duh miah loh tùrte hun khawhral sak hi thil ṭha a ni lo va. Hmalam an pan mai theih nan ṭha takin kan lo hnar mai tùrah ka ngai. Kan hnar chung chung pawh a min lo la tibuai lui ṭalh anih chuan kan thiam loh pawh a ni tawh lo. Mahse zuam awm hian awm duh miah lo ila, thil pawi lutuk chu a thleng bîk lo vang.
"Kan va hlim vur vur ta hlê mai" Msa chuan a rawn ti lût nghal hluai a. Ka room kawngkhar kik miah lovin a rawn lût tlang leh ringawt tawh. Kan in ngam tlâk a, kan tih loh dân pawh a ni lo va, keipawh an ina ka lèn chuan ka lût tlang ve tawp zel a. Kan in ngaimawh hran lo. "Eng nge i lo tih dâwn a?" ka phone chu dahin ka lo ti vat a. Nunhlimi nen whatsapp-ah kan inbia a, a message hi zet zet ka lo nuih pui lai tak ania. Phone bih paha ka lo nui vur vur chu a awmzia a rawn hrethiam ve nghal mai aniang.
"Eng vak nge maw ka rawn tih ang le? In chanchin ngaihven tùrin ka rawn kal a. Mahse i hmêl landan khan a sawifiah vekin ka hria" tiin ka khumah chuan a rawn ṭhu nghal zat a. "Kan sawifel tawh a, ka lâwm tak tak a ni" thup lêm lo chuan ka lo ti ve sup a. "Anih chuan zanin chu min lèn pui hman dâwn lo a ni maw?" a tih chuan " Lèn pui pawh i ngaih loh kha a, i zak hlawl lo" ka lo ti nghut. Anni inngaihzawnna kara lo awm ve kha ka peih tawh bîk lo. An inchhaih reng a, an inngam tlâk in min zah sit set bîk si lo. A tàwpah an pahnihin min sawisa leh ang a, a ṭawngkam thiamlo zawk chu ka tlâwm lehpek ang a. Kan awm dân tur ka hre lâwk vek.
"Anih chuan lèn pui i duh em?" a lo ti veleh,"Ngai lo" ka lo ti vat a. Ka chhâng rang lutuk chu awmze nei zet hian min han nuih leh kher a. Hepa pawh hi a duhna ah chuan a sual ve mawle. "A hma zawnga min mamawh hlê si kha tunah lêm hnawmhnawk kan chang ta a" a ti kual vêl a, "Hneawm lo teh" ka lo ti nghut a. A nuih lah chu a han za thei em em khawp a.
"Inneih vat in tum ang a" kan uan reng lai chuan a rawn ti hlawl a, a thutak leh viau tawh. "Ka hrelo le" ka lo ti sup, bul kan ṭan leh chauh a ni a chutiang ngaihtuahna hun pawh ka la nei lo. Mahse nupui neih hi chu ka suangtuah ve ta fo mai. Ka nupui atân chuan Nunhlimi hi ka iai lo hle bawk a. Engtik ni ah emaw chuan neih ve ngei chu ka la tum alawm.
Msa chuan "Palai kan tir ve tawh mai dâwn emawni ka tia" a rawn ti leh hlawl a. "Keimah maw?" ka lo ti hu, innei vat tura min nawr a tum emaw ka lo ti hman a. Mahse "Ni lo, keimah" a lo ti nghut. "Engtin nge maw i palai tùr ka lo ngaihven ve ngawt ang le?" a ti leh hluk a. Nunhlimi ringawt ka lo ngaihtuah ṭhin hi chu a buaithlak a ni. Ka rilruah kan pahnih inkar ringawt a awm a, a chungchang a sawi pawh ka lo man lo a ni.
"In va hmanhmawh ve" ka sawi tur hrelo chuan ka lo ti sup a. "Kan inzui rei ve tawh êm hi, a hun ve tawh hliah hliah zawk alawm" a lo ti hluai a. A dik ve tho mai. Mahse keini aia innei hmasa zawk tura ka ngaihtuah chuan ka ngai ngam lo ringawt pek a. "Tlangval i kham lo ange aw" te chu ka tikual leh vêl a. "I fate'n ka fate an ngam dâwn lo" a lo ti thung a. Kan insawi el chho ngar ngar mai. Mahse a hnù deuhah chuan palai tirh mai a duh ve tawh thû te chu thutak zet hian min hrilh zui luam a. Zartei paw'n pawi a tih tawh loh thû te pawh a sawi.
Ka ngaihtuahna a lo luahkhat deuh nge ni Nunhlimi nen kan hmalam hun tur ka lo suangtuah zui veleh chiam a. Tlangval senior ti a sawi tùr chu la ni chiah lo mah ila kan hnathawh te'n a lo zir deuh nge ni upa ve deuh tawh turah hian min ngai zel hlawm a. Ṭhenrual ṭha te phei chuan min han hmù hi "Engtikah nge mo kan läwm dâwn?" an lo ti leh ringawt zel a. Ninawm a chan chângte a awm ve ta lek lek mai. Ka Nu te pawh hian ko an awt tawh tih chu ka hria. Nunhlimi sawi pui ve chhin reng reng chu ka rilruk ta ringawt pek a. Keipawh hi ka phûr ru riau a ni. Ka hmangaih a, ka nupui atân pawh a duh ngei a ni tih hi ka chiang ve viau tawh.
"Over tak khan va khawsa lo la, lungáwi lohna tùr ka hmuh vaih chuan i hre viau ang" Nunhlimi message chu nui vur vur chungin ka chhiar a. "Fel deuhin ka awm ang, mahse hlawh ka phût aw" ka va ti lêt ve a. Nghal min ti leh ngawt ang.
Tunah hian Pu Liana te inah kan awm mek a, Remi kaltlanga a nupui in min sawmna kha ngai pawimawhin office staff remchâng ang ang te'n zanriah kan kilpui dâwn a. Chawei dâwn chauh a kal ai chuan tiin hna kan bâng hma a, an inah chuan kan tlang nghal a. Kan thlen tirha rilṭam vak si lo kha an ei siam rim hriat tâk ah chuan a ṭam ve ta raih raih khawp mai.
Nunhlimi lah chuan Remi nen hmehbel theih tùra kan awm hlau in min rawn vau sek a. Huat ah pawh ka la phal lo, ka laka thîk thû a pe chhe ve lutuk te chuan min ti làwm daih zawk. "Remi chu a chhelo em?" a rawn ti leh vêl a, "I chhelo zawk" ka lo ti khauh a. Ka fakna chu haider in "In inmelh no vêl viau lo maw? A no ngher ngher si" a rawn ti leh kher a, a sual thiam ve ngawt mai. "I no ngher ngher fe zawk" ka lo ti leh mai a. Min chhaih thinrim dân phêt a rawn zawng a. Ka duh lo lutuk tih hi a hrechiang tawh bawk nen chu chu remchângah la in min chhaih char char mai.
"Remi eisiam tui tak kan ei dâwn anih hmêl sia ka phûr tawh mange" ka va ti ve ta kher a. Engtin tak min rawn chhâng lêt ang maw? "Aw phûr rawh. Zanah pawh rawn lêng suh ang che" a rawn ti hmak mai. Min chhaih thinrimna tur a zawn nasat nen ka vawikhat chhaih lêt ve zeuh pawh a dàwl dér si lo ka nui hawk hawk a. "Ka fawp nek mai ang che" ka va ti tawl a, "I duh leh Rulremi kha fawp rawh" a rawn ti vêl a. A thîk ve nasa chiang alawm.
Ka thawhpui dangte'n min lo biak tâkah chuan ka phone chu ka ak ṭha ta vat a. Office pâwn lama chhuak e ti lo chuan hna chungchâng bâk sawi tùr kan hre lehpek chuang lo. "U Hluzual, khawngaihin helamah hian min rawn pui lawk thei ang em?" rawn titu chu Remi a ni. Ka hawi vat a, midangho an awm ve khup si a hnial chî a ni lo. "Eng nge ni a?" ka tih chuan " Laklawh deuhin gas a rawn zo thut a, thlâk lawk a ngai a. Tuman kan thiam si lo va" a lo ti zung zung a. Choka lamah chuan ka zui phei ve nghal mai bawk a.
"U Liana vek khan hetiang lam hi chu a ti ṭhin a, kan lo thiam ve pek lo alawm mawle" Pu Liana nupui chuan inthlahrung tak hian a lo ti sawk sawk a. " A harsa hlei nem, ka zirtir ang che u" tiin an gas chu ka fit ṭhat sak ta mawlh mawlh a. Tih dàn tùr ka hrilh pah zung zung bawk a, thil harsa a ni lo bawk nen an thiam ve mai tùr ah ka ngai.
Ka thawhpuite ṭhutna lama ka va lêt leh chuan thil dang sawiin an lo titi leh daih tawh a. Pi Nemi bulah chuan va ṭhu in min lo bekbawr nghal sar sar a, "Remi nen hian eng emaw a awm ve deuh reuh em ni?" a lo ti sep a, min chhaih deuh niin ka hria. Ka chhàn hma chuan kan thawhpui zinga phawk ve tak pakhat hian "Remi nen hian in ni chiang mai" a rawn ti ve zat a. Pi Nemi zawhna kha a lo hre fuh ve emawni ka ti hial. Min dem rawn ta luih luih a, Remi chhungte hlei hlei chuan an lo hre fuh palh ang tih ka hlau.
"Bialnu ka nei alawm" ka lo ti ta sup a, "Inthup nan chhuanlam i siam mai mai aniang" min la ti ṭalh. Min chhaih laklawh ta vêl mai mai niin ka hria. Mahse chu ringawt pawh chu duh lovin "Bialnu ka nei tak tak alawm, kan Vengah" thutak zet hian ka ti leh charh a. An awih lo ngam tawh bîk lo. Mahse zawhna eng eng emaw min zâwt zui hrâm a, ka sawi hreh záwng tak a lo ni lo bawk nen an awih nan chuan tiin ka chhâng ṭha ve zel mai bawk a. "Ka awih lo e" pakhat chuan a rawn ti leh hrâm, "Kan inneih hunah i hre mai ang" fiamthu ti tak deuh hian ka lo ti ta hlut a. An nui dar dar mai. "Kan ring che aw...khati em em a inla bialnu nei chu i nei tak tak a ni chêk ang. Hluzuala pawh kha i ang tawh hlei nem le, i zak lo thei riau" pakhatin a rawn tih veleh chuan kan nui uar sauh a. Min fiam zuk zuk hlawm a. Remi min dem rawn ai chuan ka pawiti lo tawp mai.
Zanriah chu dár 4 velah kan ei ta a. Pu Liana nupuiin hunserh a hmang hmasa tê tê a, an chhiat tawh avanga kan puihna zawng zawngah hahipin làwmthu a sawi mawlh mawlh a. Eng kan tih loh nen a lâwm thiam lutuk chuan min ti inthlahrung lek lek a ni.
Zanriah kan ei lai te chuan min han duhsak thiam khawp a, ṭawngkam ṭha in min be reng bawk a. A lawmawm rual rualin themtlengtê ang maia Remi lo inrawlh ve sek chu ka ngai thei dêr lo. A chhûngte chuan min dem rawn se ti ni awm takin min ngaihsak bîk zia a lantir reng a. Min nêl hmêl tak hian min lo be ve sek bawk a. Mi pangngai tán chuan biak chhiat ngawtna chî a ni bawk si lo. A chhûngte chuan min hmehbel palh ang tih mawlh ka hlau.
"Remi hi chu a fel in a zuan te hi a zâng khawp a, kan nau mah nise kan chhuang ve teh ania. A eirawngbawl deuh vek ania vawiin tlai pawh hian in ei" Nu pakhat chuan a rawn ti sawk sawk a. "A thiam tak hle mai, kan ei tui tak tak a ni" Pi Nemi chuan a lo ti ve vat a. "Hluzual, i eitui maw?" Nu pakhat bawk chuan a mimal in min rawn ti leh kher a. "Tui khawp mai" te chu a ti ve hluai a. Mahse ka rilṭam ngaihtuahin ka ei hlei thei lo, a tui loh vang chu a ni hauh si lo. Ka chhehvel ami te vang anih hi ka ring ta ber.
"Nitin i ei duh chuan ṭan u lâk thiam a ngai ang" tiin an chhûngte zinga tu emaw ber chuan min lo fiam zeuh a. A ni em em tawh lo ti rilru chungin "Kan Nu a la tluk lo hret" tiin ka ṭhen suk a, min ngam mah mah tlata ka hriat vang a ni. Fiamthu mah nise Remi rilru puthmang ka hre ve vek a, min hmehbel tùr anga awm pawh ka duh eih lo. "Ehee pa i ni tawh maw?" mak tih hmêl zet hian an lo ti nak nak a. "Tlangval hnahkhat ngat a la nih hi, mahse ani chu midang tán a rem tawh lo va. Mo kan nei thuai ang" ka chhàn ngai lovin Pi Nemi chuan min lo tih khalh zung zung a. Ani hi chu nu fing leh felfai thlarh mai hi a ni a. Nichina ka vawikhat sawi aṭang khan ka awm dàn lo man thiam nghal vek anih ka ring.
Remi chhûngte ṭawngkam pawh tunah chuan ziaawm ta deuh e. "Mo lawm hunah chuan kan lo kal ve ngei a ngai dâwn anih chu" an lo ti nak nak hlawm a. "Ka sâwm nghal vek che u ni rawh se" phûr tak hian ka lo ti ve hluai a. Nupui nei hnaivai tak takte pawh ka ang zo vekin ka hria.
"In inkar a ṭha tawh tihna maw?" Remi chuan a rawn ti zawi sep a. Kan haw tùr pâwn thleng min lo thlah a, midangho an inbiak buai nak nak lai chu remchângah la in an hriat loh tùr chuan min lo bia a ni. "Kan ṭha reng alawm" ka lo ti churh a, ka âw chu a nêlawm viau loh ang. "I lakah hian thil thup tam tak pawh a lo la nei thei asin" a rawn tih chuan ka melh tur nghal khui a. Khati khawp khan dawt thû hmangin kan inkar buaina a thlen tawh a. Ka chhuahchhal tawh chung pawh a chutiang ṭawngkam a la chhak chhuak ngam chu mak ka ti kher mai. "A thup chinte chu ka hriat a ṭul lo a ni mai ni" fiah fek fawk hian ka lo ti fuk a. Mi pangngai tán chuan ka treat dàn hi zahna tham a ni tawh. A lo pangngai lo hlê anih dâwn hi.
Kan han haw fel chiah chu ka boruak tawn a lo rit viau nge ni ka thaw huai a. Remi chungchângah chuan amah mai ni lovin a chhûngte pawh kha hnaih lo tawp ila a ṭha ber dâwn anih kha. An sualin ka pawi an sawi vâng lam pawh ni lovin eng emaw hlekah beiseina an nei ang tih ka hlau. Remi thu vaivir thiam zia lah ka hai der si lo. A chhûngte lah khan an ringin an han chhuang em em mai khawp a. Tlang deuha sawi chuan an fanu tán khan min kherh ngat ngat peihin ania ka rin ni. Ka ngaihtuahna chu ṭul lo ti zetin ka lu ka thing nawk a. Hetiang lama ngaihtuahna lo sen vak vak leh zeldin thu bâwl hi chu a hmeichhe hna emai.
Zanah chuan Nunhlimi te in a lêng turin ka inruahman sar sar a. Ka kal dâwn chuan text-in ka va hrilh a, min rawn chhân hun nghak tawh lêm lo chuan ka inkhalh chhuak ta nghal a. Ka lêng dâwn tih a hre sa tho a, harsatna a awm lo tùrah ka ngai. An in ka thlen hma hret chuan dàwrah pêng kawi in a eitur leh Duatpuia lawm zawng eng eng emaw ka lei kawi hram a. Hetianga tih hi ngaiah ka nei tawh a, ṭul lo ti viau mah se ka nuam tih ber pâwl a ni tlat tawh a ni. Anni paw'n thil pangngai ve rêngah min ngaihsak tawp tawh.
An in ka va thlen chuan an lo awm kim leh ṭhap tawh a. Nunhlimi pawhin hmêl nung sarhin min lo chhâwn a. Vawiin tlai ka hun hman dànte ngaihtuah chuan thinrimna tùr a lo hmuh leh hman tawh ka ring kha ania. Mahse chutiang lam chu a lo ngaihtuah lo hlauh anih hmêl. Duatpuia paw'n min lo bawh nghal chûk chûk a, ka thil kensak te chu pe in a khek raih a. Kheh tura min tih chuan ka kheh sak ve nghal mai bawk a.
"Duatpui, khati khan tih tawh loh tur ka tih kha" ka phone a rawn ban rual chuan a pa in a lo khap vat a. Duatpuia chuan mitmeng khawngaih thlala zet hian min lo melh kiau a. "A pawilo a pawilo, khalh mai mai rawh se a tichhe bîk nang" tiin ka phone chu keimah zawk chuan ka lo pe vat a. An in ka thlen ruala ka phone min lo chuh thak hi a chîng riau a. A chhungte hian hau ve bawk ṭhin mah se naupang tih takah a sim thei dêr lo. Ka duat tih a lo hre ve bawk nen ka bulah phei chuan a pangchang thiam ve viau tawh. "Hauh lah hian awmzia a nei lo sia maw...a pangchang thiam ṭhin lutuk te hi fate mah nise ka vêl châk ṭhin ania" Akimi chuan a lo ti ve hlak hlak a. An inthlahrun vâng leh ka mitmei an vèn vâng tih ka hriat avang chuan "A tleina anih te chuan khalh mai mai rawh se, engah mah ka ngai hlei nem" ka lo ti ve sawk sawk a.
Duatpuia chuan ka phone chu a khalh mu ta ṭhak a. Dár 9 velah chuan min mut san ta hlawm a, Nunhlimi nen chiah kan awm dûn leh ta rân mai. "I bialnute nena chawei khawm chu a nuam em?" a chhungte an mu fel ta maw tihah chuan a lo ti kher a. "Ka hnek ang che" ka lo ti hluk, a nui hak hak a. "I haw ve sia, a âtchilh ropui mai che sia" a ti a. "I thîk anih kha" ka lo ti thung a, a rawn ṭeu nghal hlar mai.
"Nang tehlul an lo duh ve ngawih ngawih che hi ka thîk peih tawh lo. Mi duh loh chu ka duh bîk ngawt hlei nem. Ngaizâwng tute hi nei miah lo ta la i chhiat hmêl ngawih ngawih dâwn lutuk asin. Kârah hmêlma te hi hrang bawrh bawrh mai se kan luck hmêl bîk riau alawm" a lo ti bawrh bawrh a. Zanin a thu lâk dàn zet chu zan dang a ang lo riau. A thîk thu a chhiat theih nen ka han chhaih thinrim dâwn takngial pawh chuan a thîk thâ duh tlat lo. Min la chhâng hnehsawh thei em em mai lehnghal a. "Ka seh hrep mai ang che" tiin a biang ah chuan ka piai ta vak ringawt a. A la haw em em zui a, ka seh châk tak tak a ni.
"Tak taka enteh hei vawiina ka thlalak dawn" tiin a phone chu ka hmaizawnah a rawn lek va va a. Ka lo bansak vat, ka han en nak chuan vawiin lama Pu Liana te ina kan chêt tlatna vêl thlalak hi a lo ni a. Pakhat mai ni lovin sàwm vêl zet a lo nei a. "Engtin nge i neih a?" ka lo ti hu a, min enthla turin mi a rawn tir emaw ka ti hial mai. Mahse "Engtin nge ka neih theih loh ang? Rulremi a awm alawm" a lo ti kha fak a. A ner deuh nang bawk a, Remi chu a ngei hmel takzet a ni. "A va mak, a rawn thawn che tihna maw?" tiin ka lo chet hluk a. Nunhlimi chuan "Min rawn thawn loh i ring reng reng emawni? Nangmah veng tur hian spy hranpa ka lo mamawh reng reng hlei nem. Ka tih ai zawng zawng Remi'n min chhawk vek anih hi" mei nei zet hian a lo ti zat zat a. Remi chu a thîk tawhlo tak tak anih hmêl.
"A awm dân em em hi mak i ti zozai ve ngawt lo maw?" ka ti ta thlawt a. Ka chunga a chêt dàn hi chu min duh luat vangah ka puh thei mai a. Mahse Nunhlimi lehzel a lo va la tibuai ngat ngat peih chu mak ka ti. Kan sawi dun ve te hi a ring zozai lo emawni? "Mak pawh ka ti tawh lo, hmeichhe zak theilo na laileng te hi chu an lo zak theilo êm a ni. Tunlai chhanah phei chuan mi pasal te pawh tihbuai an hreh tawh lo ania. Chuta kara mi bialpa mai mai chu an tibuai hreh lo tawp ang. Hmeichhiate hi kan duh záwng neih nan chuan kan lo in phah hniam thei khawp anih hi" a lo ti duah a. "I luhlul êm kha" fiamthu ti tak deuh chuan ka lo ti khauh a. Ka nui pah suk bawk a, a huat tùra sawi ka ni lêm lo.
"Kha kher kha chu i cho chhuah anih kha" a lo ti hmak. "Buaina lian tham nei leh ta ila min ṭhen hlen duh tak takin ania ka rin ni" ka tih chuan "Ṭhen nal nal nghal ang che mawle" a lo ti awlsam thên a. Ṭawng liam puat mah se a ti duh tak takin ka ring. "Pawi lo, Remi a awm tho alawm" ka lo ti fiamthu ve hlut a. "Chhechhawng inkawp in ni mai dâwn ani" a lo ti awlsam thên leh reuh sia. Chhaih thinrim tum zawk si kha chutia min chhaih tâk rengah chuan ka titau ta lek lek zawk a. "Khilai ve zeuh mai rawh" nui rah rah chunga a tihte phei chuan ka melh rûn rûn tawh. A va han nghal mai mai tak.
Ka haw dâwn chuan pâwn thleng min thlah a, inchhung lama che na viau tawh si kha pâwnah chuan ka fawp leh hrâm a, chhanna pawh ka dawng ṭha kher mai. "Lerh lo la, mipa dang hnaih loh tùr. Mipa ṭhian neih vak pawh a ṭul lo, ka awm a, a tâwk " ka ti leh dap dap a. He thû hi chah nawn fo a ngai. Ka chah lawm lawm chung paw'n a zawm hlei thei lo ania. Ka chah loh phei chuan a inthlahdah dâwn riauin ka hria.
Msa chuan a sawi ang tak takin palai chu a tir ta ngei a. Chhungkua pawh i hre pawh tawn sa an ni vek tawh bawk nen harsatna an tâwk hran lo. Pathian zara dam chuan thlaleh lama inneih an ti thlu ta a. Ka rin ai takin an hmanhmawh leh roh sia. Thla hnih tal an nghak ve ang chu tih laiin a hun leh ni an ruat chawpchilh phian mai.
"In lo fel lo ru rengte hi a ni lo maw in hmanhmawh dàn em em hi?" ka ngaih ṭha lo chuan Msa chu ka zâwt thâwr pek a. "Teuhlo mai" a lo ti vat, "In va hmanhmawh si ve" ka tih chuan "Kan sawi rikna kha a rei ve tawh tho a, a rûkin kan inbuatsaih ru char char tawh tho alawm. Chuloah tih deuh thut hi a ṭha mai. Inbuatsaihna pawh a hunlai chuan kal vung vak mai sela. Hei thla thar kan chuangkai chiah a, thlaleh chu a tâwk vêl chiah tho alawm" a lo ti zung zung a. "Mi hian ngaihdàn nikhua lo zet an lo siam palh ange aw" ka ti leh hram a. Hetiang kawngah hian keichu hmeichhe rilru hi ka pu deuh reuh a. Mi ngaihdàn te hi ka ngai pawimawh ṭhin ang reng khawp mai.
Msa chuan "Chunglam in a hriatchian chuan a tâwk viau. Chuloah kan ti ngam dâwn lo tih an hre vek tho ang" a lo ti leh mai a, a sawi dik leh fu tho mai. Chutia nupui a'n nei mai tùr chu min ti phûr ru ve riau a. "Keini pawh kan ti huk har tawh lo vang" ka'n ti thla ve rawk a. Nunhlimi'n hria se engtin tak ngai ang maw? "Inneih suau suau ila, fate hi han nei zung zung mai ila maw. Inthlah pung pawp pawp ila, a ṭha a ni mai" a ti suam suam a. A phawk a chhuak leh ṭan dâwn e. "I fate'n ka fate an ngam dâwn lo anih hi" intithei zet chuan a ti leh hluai a. "In neih hmâ hawt a, i va intithei nghal ve mawle. Kan thlen chin pawh i hriat loh tawp kha aw. Duh chuan in inneih hma pawhin kan hma khalh daih thei che u" ka lo ti kual vêl a. A awih hmel loh ngang mai.
"Tak taka fanau rochan kawngah hian kan thû lo viau na in Pathianin rem a ti te anih chuan keichu a tlem berah panga tal ka duh " a lo ti a. Chhûngkaw din chungchânga kan ngaihdàn te chu kan han sawi zui luam a. Ka beisei ai daihin chutiang lampang sawi chu a nuam zek mai. Kan hlim ta phian bawk a, ka phûr ru riau bawk.
A nupui neih tùr thû chu kan hre chak hlawm khawp mai a. Chu pawh eng dang vang ni lovin amah pui hi a phur lutuk a, a sawi deuh sek vang a ni. Nunhlimi te ina min lèn pui zàn pawh chuan a sawi leh ta nge nge a. An lo lawmpui thiam ngang mai.
"Kan tih zawhah Nunhlimi te'n min rawn zui veleh ang a" fiamthu ti tak deuha a tih chuan "Anni zawng a la hmanhmawh thlâk hlei nem" Pa Chama'n a lo ti vat a. Nunhlimi nen chuan kan mit a lo intawng siah a, mahse a hawisawn rang kher mai. Msa chuan "In makpa hual hi a phûr ru riau ania aw, Nunhlimi hi vêng ṭha rawh u" a ti leh hluai a. A uan chhunzawm zui zat a. Mahse Pa Chama chhanna te chu ka lo chhinchhiah ru kauh kauh a, a fanu pasal han neih tir êm tur chuan a la remti chiah lo tih a chiang reng mai. Philip-a erawh chuan "A ṭha hmuh lai hian hmeichhia chuan neih pawp mai tùr" a lo ti thung a. A ṭawngkam aṭang chuan makpa atân min iai lo tih ka hre ve kar a, chu chuan min ti ngaih ngam deuh.
"Eng nge kan thusawi vêl kha i ngaihdan?" Nunhlimi bulah chuan ka ti zawi sup a. A chhungte an mu leh vek tawh a, Msa paw'n min hawsan tawh a. Tunah chuan kan pahnih chauhin kan awm leh tawh. "Eng maw?" a lo ti hu a, "Inneih vêl kha?" thutak zet hian ka lo ti sup a. "Ehe...in lo uang miah nange?" a lo ti duh lêk chauh a. "Uang nang, nupui neih ka châk tawh" ka ti thâwr a, min nuih ṭiah ṭiah anih chu! "Lalnunhlim, ka uang lo ania aw" ka lo ti hluk a, min nuih chhan chu ka hrethiam dêr lo. "Nang hi...i ṭhianpa in nupui a neih dâwn vang maia, i ti mak emai" la nui reng chung chuan a lo ti a. "Chutiang lam a ni lo" ka lo ti leh hmuk. Ka thusawi fiamthu a min lâk sak daih chu ka lâwm miah lo. A hnu deuhah chuan a hrethiam ve aniang "Kan la ngaihtuah ve ang chu" a ti ve ta nge nge a. Ka lawm tâwk a tling viau mai.
Dip dâl tu awm lo leh mitmei vèn tùr awm lo ta na nâ nâ chu kan taksa a insi chawt reng a. Kan kal thui dâwn apiang chuan min lo dang vat ṭhin a. "Ka chhûngte an lo tho palh ange" an ṭhutthleng seia kan infawh mawlh mawlh lai chuan a inlahrang hlek a. A âwm báwr chu ka lo ṭham nghal tâwk a. "I mak emai aw" mitmeng phelh phanga min melh chung chuan a lo ti khur hlak a. A hlauhawm ve thei bawk sia. "I room-ah lût mai ila" ka ti tawl pek a, ka thlêm a ni ber. "Ka duh teuhlo mai" uar zet hian a lo ti vat. Hei chu ka rin dân sa a ni. "I phal chin bâk chu engmah ka ti miah lo vang" ka ti leh hram a. Min melh deuh ren rawn a, a phal mai dâwn emaw ka tih lâi chuan "Aih" tih zawngin min chhâng! Ka lo rum nghut a, "I insûm thei dâwn lo" a lo ti hmiah. Min hrechiang kher asin. Dik tak chuan tunah khan ka thlêm chiang alawm. Mipa hrisel pangngai ka ni a, heti em em a ka sosan hi ka la hre ngai lo bawk.
"Insûm a harsa..." ka ti ve mai bawk a, ka mamawhna hi zep buai ka tum hran lo. A nghawng ah chuan beiin ka hmui chu ka nawr vang vang a, a rim lah chu a tui hrep lehnghal a. Ka hnungah chuan a lo bêng ve thak thak a, min bengdaih a tumna a ni tih ka hria. Mahse ka taksa in ngai a la awh si lo, a kut chêt zawng apiang chuan min hrem ani ringawt. "I room-ah chuan kal ang" ka thlêm leh ta! Zanin zet chu ka dik lo tlat. Ka ráwp hmêl ngawih ngawih lutuk chu thanat thlâk ka ti ve tho a, mahse kan awmdan leh kan awmna hmun in a zir bawk nen thlêmtu lian ka ni ringawt.
Mahse Nunhlimi ngenna tlâwm tak leh zahawm ru zet si chuan min bengdai ta vek maiin ka hria. "U Hluzual, kei chu nupa nih hma chu mipat hmeichhiatna hman hi ka duh lo bur. Pathian hnena ka lo inhlan ve tawhna leh ka lo inserh ve ṭang ṭang tawhna a ni a, ka bawhchhe ngam lo. Dik taka sawi chuan tisa châkna nei lo bîk pawh ka ni lo va, mahse Pathian vang tal pawhin kan insûm thei tùr a ni. Tunah hian kan tisa châkna te puitlin a hum sual kan dai palh hlauh anih chuan kan inchhirna tùr khúa a sei mai mai. Reilotê nawmna ai chuan hlimna tluantling nei tura tun huna kan insum theih hi a ṭha zawk" a ti dam thlap a. Nunhlimi chu ka zah thar kher mai. Thlêm nawn leh pawh ka tum tawh lo, amah hlut zet leh vannei inti tak chuan ka fawp ta vawng vawng a.
Ani ang hmeichhia ka tawng hi ka vannei thlawt a ni. Vannei satliah mai pawh ni lovin Pathian malsawmna ka dawnte zinga ka chhiar hmaih miah lo tùr a ni.
Ka haw dâwn chuan pâwn thleng min thlah leh a, "Ka insûm rei peih tawh lo ania aw...chuvangin kan inneih vat a ngai" ka ti leh hram a. "A àwm ve tho mai, itawm loh zawk zawk ka lo ni bîk si lo va" a ti fiamthu duh lêk chauh a. "Ka uang lo" ka lo ti leh hmuk, ka thusawi min lâk fiamthu sak zel chu ka lâwm viau lo. "Tak taka, min nawr tut tut lo la. Engtik ni ah emaw kan la innei ve mahna. Fiah ngam in han awm phawt mai la" a lo ti ṭha ve ta nge nge a. Chhanna ṭha ber ni lo mah se ka beisei sâng khawp mai. A hma zawng ai khan zanin hian ka duhna leh hmangaihna a zual a, ka nupui a ni lovang tih mawlh ka hlau tawh.
_________*_________*_________*__________
Show post links
Top
By CVL.Awmpuii
Chapter 26
"Nunhlim..." nuihza insûm ṭeuh chung chuan ka ti sup a, min lo kuah nghet sauh sauh a. "Min enteh" ka ti leh sup a, hetiang taka kan vawikhat awm dunna hi a ni a. A zak chu ka hrethiam lutuk, mahse a zah lutuk chuan hrehawm a ti lutuk ang tih ka hlau a. Inngaizawng inkârah chuan hetiang thil hi chu a mikhual lo. Mahse Nunhlimi tán chuan thil thar vek a ni.
"Zah theih loh hmêl deuh si hi i zakzum reuh lutuk a" ti leh sup in a hnungah chuan ka chûl hauh hauh a. A rawn hawi chhuak ngam rih tlat lo a ni. A kawr hâk lâi pawh a âwm báwr ah a la inhnawl tawm chho vek a. A taksa lawng leh ka kawr a insi thlap a, mipa hrisel ṭha pangngai tán chuan danglam loh a harsa. Kan thiltih zawh chiahin a lo zir bawk nen hrehawm tak a ni.
"Hetia i awm reng chuan ka insum zo dâwn lo ania" ka ti ta hawk a, a lo îp chawih mai. Ka ṭawngkam lang tlang lutuk avang chuan a zâm leh viau tawhin ka ring. Chutah zawi muang hian a rawn inlahrang ta a. Min melh lovin a kawr chu a siam ṭha nghal sawk sawk a, a hmui a pet a pet mai. Lungawi zetin ka lo thlîr vung vung thung a, a lài hmêl leh zak hmêl te chu hmuhnawm ka ti tlat pek anih chu!
"Nui reng suh" a ti bak hlar a, a aia nasa in ka lo nui chhuak nghal hawk hawk. Nichin anga boruak uap zet khan kan awm tawh lo va, kan haw mêk a ni. Ka car khalh lai chuan ka lo nui leh vur vur ṭhin a, a ngaihdan a ni ta vak lo aniang min rawn hau ta nge nge a. A hma ang khan a lài ṭha duh tawh lo va, Nunhlimi dik tak ang khan a awm leh tawh. "I nuih leh chuan ka chhuk ang" a lo ti vin leh hrak a. Ka va melh zawk a, min lo melh rum ngang mai.
Kei lah chuan chhaih kawlh ka lo châk zual sauh a, "Ka rin aiin a lian daih a" tiin a âwm báwr chu ka va melh zeuh a, a lo inhup rang lutuk. "I ninawm emai aw U Hluzual, khatianga min chhaih reng dâwn chuan engmah ka tih pui tawh lo vang che" a lo ti bar bar a. A nin hmêl tak tak. "A lehpek i lo beisei nghal ani maw" ka ti leh hrâm a, nghal min tih hmêl ngang mai. A ṭawngkam in a daih tawh lo ania nge ka motor khalh ṭha hle hle mai chu ka bân puamah min rawn chûm ṭawk a, vawikhat mai pawh duh tâwk lovin vawinga lai min chûm ṭawk ṭawk a. A kutthlak lah chu amah phû lovin a na zek lehnghal a. Ka nui hawk hawk tih lo chu ka chhaih lui tawh bîk lo.
"I mumangah min lo hmù la, harsatna i neih chuan min hrilh la, i tán ka awm reng tih i hre dâwn ania. Mahni insitna leh hrehawm tihna te kha nei tawh lo la. Keimahah innghat tawp la, min ring tâwk ang che" ka ti charh charh a. An in kawtah kan ding reng tawh a. Inchhunga a lût tùr chu thu ṭha ka fah mawlh mawlh a. Zanina kan bulṭan leh nemnghehna ni àwm ang hrimin ka fawp leh hrâm bawk a. Ka thu hrilh te chu uluk zet hian a lo ngaithla a, a bu nghat nghat mai. Thû a awih zui leh viau paw'n ka ring chuang lo.
"Mipa dang hnaih loh tùr..." ka tih rual chuan ka rilru ah Apuia hmêl a rawn lang nghal a. "Tih chhan neiin ka sawi aw" ka ti leh churh, ka sawi awmzia chu a hrethiam aniang a lo ner nang a. "Ka ṭhianpa alawm" a tih lai mêk chuan " Mipa ṭhian neih vêl kha ṭul ka ti lo, keipaw'n mipa chauh ka kawm hi. Hmeichhia kawm tlat ta ila i duh bîk lo vang" ka lo ti hmuk a. Apuia thlavang a la hauh deuh reuh tlat ni a ka hriatna chuan min ti lungáwi lo leh lek lek mai. "Kawm loh tawpte chu a har ve alawm. Anmahni'n min lo biak ṭhat tlat si phei chuan " a ti niah niah a.
"I laka a rilru puthmang i hriat kha, beiseina thlawn siam sak hauh suh ang che" ka lo ti leh churh a. Hei chu ka thîkna vang lam pawh ni lovin ka rilru tak tak a ni. Kan duh miah loh tùrte hun khawhral sak hi thil ṭha a ni lo va. Hmalam an pan mai theih nan ṭha takin kan lo hnar mai tùrah ka ngai. Kan hnar chung chung pawh a min lo la tibuai lui ṭalh anih chuan kan thiam loh pawh a ni tawh lo. Mahse zuam awm hian awm duh miah lo ila, thil pawi lutuk chu a thleng bîk lo vang.
"Kan va hlim vur vur ta hlê mai" Msa chuan a rawn ti lût nghal hluai a. Ka room kawngkhar kik miah lovin a rawn lût tlang leh ringawt tawh. Kan in ngam tlâk a, kan tih loh dân pawh a ni lo va, keipawh an ina ka lèn chuan ka lût tlang ve tawp zel a. Kan in ngaimawh hran lo. "Eng nge i lo tih dâwn a?" ka phone chu dahin ka lo ti vat a. Nunhlimi nen whatsapp-ah kan inbia a, a message hi zet zet ka lo nuih pui lai tak ania. Phone bih paha ka lo nui vur vur chu a awmzia a rawn hrethiam ve nghal mai aniang.
"Eng vak nge maw ka rawn tih ang le? In chanchin ngaihven tùrin ka rawn kal a. Mahse i hmêl landan khan a sawifiah vekin ka hria" tiin ka khumah chuan a rawn ṭhu nghal zat a. "Kan sawifel tawh a, ka lâwm tak tak a ni" thup lêm lo chuan ka lo ti ve sup a. "Anih chuan zanin chu min lèn pui hman dâwn lo a ni maw?" a tih chuan " Lèn pui pawh i ngaih loh kha a, i zak hlawl lo" ka lo ti nghut. Anni inngaihzawnna kara lo awm ve kha ka peih tawh bîk lo. An inchhaih reng a, an inngam tlâk in min zah sit set bîk si lo. A tàwpah an pahnihin min sawisa leh ang a, a ṭawngkam thiamlo zawk chu ka tlâwm lehpek ang a. Kan awm dân tur ka hre lâwk vek.
"Anih chuan lèn pui i duh em?" a lo ti veleh,"Ngai lo" ka lo ti vat a. Ka chhâng rang lutuk chu awmze nei zet hian min han nuih leh kher a. Hepa pawh hi a duhna ah chuan a sual ve mawle. "A hma zawnga min mamawh hlê si kha tunah lêm hnawmhnawk kan chang ta a" a ti kual vêl a, "Hneawm lo teh" ka lo ti nghut a. A nuih lah chu a han za thei em em khawp a.
"Inneih vat in tum ang a" kan uan reng lai chuan a rawn ti hlawl a, a thutak leh viau tawh. "Ka hrelo le" ka lo ti sup, bul kan ṭan leh chauh a ni a chutiang ngaihtuahna hun pawh ka la nei lo. Mahse nupui neih hi chu ka suangtuah ve ta fo mai. Ka nupui atân chuan Nunhlimi hi ka iai lo hle bawk a. Engtik ni ah emaw chuan neih ve ngei chu ka la tum alawm.
Msa chuan "Palai kan tir ve tawh mai dâwn emawni ka tia" a rawn ti leh hlawl a. "Keimah maw?" ka lo ti hu, innei vat tura min nawr a tum emaw ka lo ti hman a. Mahse "Ni lo, keimah" a lo ti nghut. "Engtin nge maw i palai tùr ka lo ngaihven ve ngawt ang le?" a ti leh hluk a. Nunhlimi ringawt ka lo ngaihtuah ṭhin hi chu a buaithlak a ni. Ka rilruah kan pahnih inkar ringawt a awm a, a chungchang a sawi pawh ka lo man lo a ni.
"In va hmanhmawh ve" ka sawi tur hrelo chuan ka lo ti sup a. "Kan inzui rei ve tawh êm hi, a hun ve tawh hliah hliah zawk alawm" a lo ti hluai a. A dik ve tho mai. Mahse keini aia innei hmasa zawk tura ka ngaihtuah chuan ka ngai ngam lo ringawt pek a. "Tlangval i kham lo ange aw" te chu ka tikual leh vêl a. "I fate'n ka fate an ngam dâwn lo" a lo ti thung a. Kan insawi el chho ngar ngar mai. Mahse a hnù deuhah chuan palai tirh mai a duh ve tawh thû te chu thutak zet hian min hrilh zui luam a. Zartei paw'n pawi a tih tawh loh thû te pawh a sawi.
Ka ngaihtuahna a lo luahkhat deuh nge ni Nunhlimi nen kan hmalam hun tur ka lo suangtuah zui veleh chiam a. Tlangval senior ti a sawi tùr chu la ni chiah lo mah ila kan hnathawh te'n a lo zir deuh nge ni upa ve deuh tawh turah hian min ngai zel hlawm a. Ṭhenrual ṭha te phei chuan min han hmù hi "Engtikah nge mo kan läwm dâwn?" an lo ti leh ringawt zel a. Ninawm a chan chângte a awm ve ta lek lek mai. Ka Nu te pawh hian ko an awt tawh tih chu ka hria. Nunhlimi sawi pui ve chhin reng reng chu ka rilruk ta ringawt pek a. Keipawh hi ka phûr ru riau a ni. Ka hmangaih a, ka nupui atân pawh a duh ngei a ni tih hi ka chiang ve viau tawh.
"Over tak khan va khawsa lo la, lungáwi lohna tùr ka hmuh vaih chuan i hre viau ang" Nunhlimi message chu nui vur vur chungin ka chhiar a. "Fel deuhin ka awm ang, mahse hlawh ka phût aw" ka va ti lêt ve a. Nghal min ti leh ngawt ang.
Tunah hian Pu Liana te inah kan awm mek a, Remi kaltlanga a nupui in min sawmna kha ngai pawimawhin office staff remchâng ang ang te'n zanriah kan kilpui dâwn a. Chawei dâwn chauh a kal ai chuan tiin hna kan bâng hma a, an inah chuan kan tlang nghal a. Kan thlen tirha rilṭam vak si lo kha an ei siam rim hriat tâk ah chuan a ṭam ve ta raih raih khawp mai.
Nunhlimi lah chuan Remi nen hmehbel theih tùra kan awm hlau in min rawn vau sek a. Huat ah pawh ka la phal lo, ka laka thîk thû a pe chhe ve lutuk te chuan min ti làwm daih zawk. "Remi chu a chhelo em?" a rawn ti leh vêl a, "I chhelo zawk" ka lo ti khauh a. Ka fakna chu haider in "In inmelh no vêl viau lo maw? A no ngher ngher si" a rawn ti leh kher a, a sual thiam ve ngawt mai. "I no ngher ngher fe zawk" ka lo ti leh mai a. Min chhaih thinrim dân phêt a rawn zawng a. Ka duh lo lutuk tih hi a hrechiang tawh bawk nen chu chu remchângah la in min chhaih char char mai.
"Remi eisiam tui tak kan ei dâwn anih hmêl sia ka phûr tawh mange" ka va ti ve ta kher a. Engtin tak min rawn chhâng lêt ang maw? "Aw phûr rawh. Zanah pawh rawn lêng suh ang che" a rawn ti hmak mai. Min chhaih thinrimna tur a zawn nasat nen ka vawikhat chhaih lêt ve zeuh pawh a dàwl dér si lo ka nui hawk hawk a. "Ka fawp nek mai ang che" ka va ti tawl a, "I duh leh Rulremi kha fawp rawh" a rawn ti vêl a. A thîk ve nasa chiang alawm.
Ka thawhpui dangte'n min lo biak tâkah chuan ka phone chu ka ak ṭha ta vat a. Office pâwn lama chhuak e ti lo chuan hna chungchâng bâk sawi tùr kan hre lehpek chuang lo. "U Hluzual, khawngaihin helamah hian min rawn pui lawk thei ang em?" rawn titu chu Remi a ni. Ka hawi vat a, midangho an awm ve khup si a hnial chî a ni lo. "Eng nge ni a?" ka tih chuan " Laklawh deuhin gas a rawn zo thut a, thlâk lawk a ngai a. Tuman kan thiam si lo va" a lo ti zung zung a. Choka lamah chuan ka zui phei ve nghal mai bawk a.
"U Liana vek khan hetiang lam hi chu a ti ṭhin a, kan lo thiam ve pek lo alawm mawle" Pu Liana nupui chuan inthlahrung tak hian a lo ti sawk sawk a. " A harsa hlei nem, ka zirtir ang che u" tiin an gas chu ka fit ṭhat sak ta mawlh mawlh a. Tih dàn tùr ka hrilh pah zung zung bawk a, thil harsa a ni lo bawk nen an thiam ve mai tùr ah ka ngai.
Ka thawhpuite ṭhutna lama ka va lêt leh chuan thil dang sawiin an lo titi leh daih tawh a. Pi Nemi bulah chuan va ṭhu in min lo bekbawr nghal sar sar a, "Remi nen hian eng emaw a awm ve deuh reuh em ni?" a lo ti sep a, min chhaih deuh niin ka hria. Ka chhàn hma chuan kan thawhpui zinga phawk ve tak pakhat hian "Remi nen hian in ni chiang mai" a rawn ti ve zat a. Pi Nemi zawhna kha a lo hre fuh ve emawni ka ti hial. Min dem rawn ta luih luih a, Remi chhungte hlei hlei chuan an lo hre fuh palh ang tih ka hlau.
"Bialnu ka nei alawm" ka lo ti ta sup a, "Inthup nan chhuanlam i siam mai mai aniang" min la ti ṭalh. Min chhaih laklawh ta vêl mai mai niin ka hria. Mahse chu ringawt pawh chu duh lovin "Bialnu ka nei tak tak alawm, kan Vengah" thutak zet hian ka ti leh charh a. An awih lo ngam tawh bîk lo. Mahse zawhna eng eng emaw min zâwt zui hrâm a, ka sawi hreh záwng tak a lo ni lo bawk nen an awih nan chuan tiin ka chhâng ṭha ve zel mai bawk a. "Ka awih lo e" pakhat chuan a rawn ti leh hrâm, "Kan inneih hunah i hre mai ang" fiamthu ti tak deuh hian ka lo ti ta hlut a. An nui dar dar mai. "Kan ring che aw...khati em em a inla bialnu nei chu i nei tak tak a ni chêk ang. Hluzuala pawh kha i ang tawh hlei nem le, i zak lo thei riau" pakhatin a rawn tih veleh chuan kan nui uar sauh a. Min fiam zuk zuk hlawm a. Remi min dem rawn ai chuan ka pawiti lo tawp mai.
Zanriah chu dár 4 velah kan ei ta a. Pu Liana nupuiin hunserh a hmang hmasa tê tê a, an chhiat tawh avanga kan puihna zawng zawngah hahipin làwmthu a sawi mawlh mawlh a. Eng kan tih loh nen a lâwm thiam lutuk chuan min ti inthlahrung lek lek a ni.
Zanriah kan ei lai te chuan min han duhsak thiam khawp a, ṭawngkam ṭha in min be reng bawk a. A lawmawm rual rualin themtlengtê ang maia Remi lo inrawlh ve sek chu ka ngai thei dêr lo. A chhûngte chuan min dem rawn se ti ni awm takin min ngaihsak bîk zia a lantir reng a. Min nêl hmêl tak hian min lo be ve sek bawk a. Mi pangngai tán chuan biak chhiat ngawtna chî a ni bawk si lo. A chhûngte chuan min hmehbel palh ang tih mawlh ka hlau.
"Remi hi chu a fel in a zuan te hi a zâng khawp a, kan nau mah nise kan chhuang ve teh ania. A eirawngbawl deuh vek ania vawiin tlai pawh hian in ei" Nu pakhat chuan a rawn ti sawk sawk a. "A thiam tak hle mai, kan ei tui tak tak a ni" Pi Nemi chuan a lo ti ve vat a. "Hluzual, i eitui maw?" Nu pakhat bawk chuan a mimal in min rawn ti leh kher a. "Tui khawp mai" te chu a ti ve hluai a. Mahse ka rilṭam ngaihtuahin ka ei hlei thei lo, a tui loh vang chu a ni hauh si lo. Ka chhehvel ami te vang anih hi ka ring ta ber.
"Nitin i ei duh chuan ṭan u lâk thiam a ngai ang" tiin an chhûngte zinga tu emaw ber chuan min lo fiam zeuh a. A ni em em tawh lo ti rilru chungin "Kan Nu a la tluk lo hret" tiin ka ṭhen suk a, min ngam mah mah tlata ka hriat vang a ni. Fiamthu mah nise Remi rilru puthmang ka hre ve vek a, min hmehbel tùr anga awm pawh ka duh eih lo. "Ehee pa i ni tawh maw?" mak tih hmêl zet hian an lo ti nak nak a. "Tlangval hnahkhat ngat a la nih hi, mahse ani chu midang tán a rem tawh lo va. Mo kan nei thuai ang" ka chhàn ngai lovin Pi Nemi chuan min lo tih khalh zung zung a. Ani hi chu nu fing leh felfai thlarh mai hi a ni a. Nichina ka vawikhat sawi aṭang khan ka awm dàn lo man thiam nghal vek anih ka ring.
Remi chhûngte ṭawngkam pawh tunah chuan ziaawm ta deuh e. "Mo lawm hunah chuan kan lo kal ve ngei a ngai dâwn anih chu" an lo ti nak nak hlawm a. "Ka sâwm nghal vek che u ni rawh se" phûr tak hian ka lo ti ve hluai a. Nupui nei hnaivai tak takte pawh ka ang zo vekin ka hria.
"In inkar a ṭha tawh tihna maw?" Remi chuan a rawn ti zawi sep a. Kan haw tùr pâwn thleng min lo thlah a, midangho an inbiak buai nak nak lai chu remchângah la in an hriat loh tùr chuan min lo bia a ni. "Kan ṭha reng alawm" ka lo ti churh a, ka âw chu a nêlawm viau loh ang. "I lakah hian thil thup tam tak pawh a lo la nei thei asin" a rawn tih chuan ka melh tur nghal khui a. Khati khawp khan dawt thû hmangin kan inkar buaina a thlen tawh a. Ka chhuahchhal tawh chung pawh a chutiang ṭawngkam a la chhak chhuak ngam chu mak ka ti kher mai. "A thup chinte chu ka hriat a ṭul lo a ni mai ni" fiah fek fawk hian ka lo ti fuk a. Mi pangngai tán chuan ka treat dàn hi zahna tham a ni tawh. A lo pangngai lo hlê anih dâwn hi.
Kan han haw fel chiah chu ka boruak tawn a lo rit viau nge ni ka thaw huai a. Remi chungchângah chuan amah mai ni lovin a chhûngte pawh kha hnaih lo tawp ila a ṭha ber dâwn anih kha. An sualin ka pawi an sawi vâng lam pawh ni lovin eng emaw hlekah beiseina an nei ang tih ka hlau. Remi thu vaivir thiam zia lah ka hai der si lo. A chhûngte lah khan an ringin an han chhuang em em mai khawp a. Tlang deuha sawi chuan an fanu tán khan min kherh ngat ngat peihin ania ka rin ni. Ka ngaihtuahna chu ṭul lo ti zetin ka lu ka thing nawk a. Hetiang lama ngaihtuahna lo sen vak vak leh zeldin thu bâwl hi chu a hmeichhe hna emai.
Zanah chuan Nunhlimi te in a lêng turin ka inruahman sar sar a. Ka kal dâwn chuan text-in ka va hrilh a, min rawn chhân hun nghak tawh lêm lo chuan ka inkhalh chhuak ta nghal a. Ka lêng dâwn tih a hre sa tho a, harsatna a awm lo tùrah ka ngai. An in ka thlen hma hret chuan dàwrah pêng kawi in a eitur leh Duatpuia lawm zawng eng eng emaw ka lei kawi hram a. Hetianga tih hi ngaiah ka nei tawh a, ṭul lo ti viau mah se ka nuam tih ber pâwl a ni tlat tawh a ni. Anni paw'n thil pangngai ve rêngah min ngaihsak tawp tawh.
An in ka va thlen chuan an lo awm kim leh ṭhap tawh a. Nunhlimi pawhin hmêl nung sarhin min lo chhâwn a. Vawiin tlai ka hun hman dànte ngaihtuah chuan thinrimna tùr a lo hmuh leh hman tawh ka ring kha ania. Mahse chutiang lam chu a lo ngaihtuah lo hlauh anih hmêl. Duatpuia paw'n min lo bawh nghal chûk chûk a, ka thil kensak te chu pe in a khek raih a. Kheh tura min tih chuan ka kheh sak ve nghal mai bawk a.
"Duatpui, khati khan tih tawh loh tur ka tih kha" ka phone a rawn ban rual chuan a pa in a lo khap vat a. Duatpuia chuan mitmeng khawngaih thlala zet hian min lo melh kiau a. "A pawilo a pawilo, khalh mai mai rawh se a tichhe bîk nang" tiin ka phone chu keimah zawk chuan ka lo pe vat a. An in ka thlen ruala ka phone min lo chuh thak hi a chîng riau a. A chhungte hian hau ve bawk ṭhin mah se naupang tih takah a sim thei dêr lo. Ka duat tih a lo hre ve bawk nen ka bulah phei chuan a pangchang thiam ve viau tawh. "Hauh lah hian awmzia a nei lo sia maw...a pangchang thiam ṭhin lutuk te hi fate mah nise ka vêl châk ṭhin ania" Akimi chuan a lo ti ve hlak hlak a. An inthlahrun vâng leh ka mitmei an vèn vâng tih ka hriat avang chuan "A tleina anih te chuan khalh mai mai rawh se, engah mah ka ngai hlei nem" ka lo ti ve sawk sawk a.
Duatpuia chuan ka phone chu a khalh mu ta ṭhak a. Dár 9 velah chuan min mut san ta hlawm a, Nunhlimi nen chiah kan awm dûn leh ta rân mai. "I bialnute nena chawei khawm chu a nuam em?" a chhungte an mu fel ta maw tihah chuan a lo ti kher a. "Ka hnek ang che" ka lo ti hluk, a nui hak hak a. "I haw ve sia, a âtchilh ropui mai che sia" a ti a. "I thîk anih kha" ka lo ti thung a, a rawn ṭeu nghal hlar mai.
"Nang tehlul an lo duh ve ngawih ngawih che hi ka thîk peih tawh lo. Mi duh loh chu ka duh bîk ngawt hlei nem. Ngaizâwng tute hi nei miah lo ta la i chhiat hmêl ngawih ngawih dâwn lutuk asin. Kârah hmêlma te hi hrang bawrh bawrh mai se kan luck hmêl bîk riau alawm" a lo ti bawrh bawrh a. Zanin a thu lâk dàn zet chu zan dang a ang lo riau. A thîk thu a chhiat theih nen ka han chhaih thinrim dâwn takngial pawh chuan a thîk thâ duh tlat lo. Min la chhâng hnehsawh thei em em mai lehnghal a. "Ka seh hrep mai ang che" tiin a biang ah chuan ka piai ta vak ringawt a. A la haw em em zui a, ka seh châk tak tak a ni.
"Tak taka enteh hei vawiina ka thlalak dawn" tiin a phone chu ka hmaizawnah a rawn lek va va a. Ka lo bansak vat, ka han en nak chuan vawiin lama Pu Liana te ina kan chêt tlatna vêl thlalak hi a lo ni a. Pakhat mai ni lovin sàwm vêl zet a lo nei a. "Engtin nge i neih a?" ka lo ti hu a, min enthla turin mi a rawn tir emaw ka ti hial mai. Mahse "Engtin nge ka neih theih loh ang? Rulremi a awm alawm" a lo ti kha fak a. A ner deuh nang bawk a, Remi chu a ngei hmel takzet a ni. "A va mak, a rawn thawn che tihna maw?" tiin ka lo chet hluk a. Nunhlimi chuan "Min rawn thawn loh i ring reng reng emawni? Nangmah veng tur hian spy hranpa ka lo mamawh reng reng hlei nem. Ka tih ai zawng zawng Remi'n min chhawk vek anih hi" mei nei zet hian a lo ti zat zat a. Remi chu a thîk tawhlo tak tak anih hmêl.
"A awm dân em em hi mak i ti zozai ve ngawt lo maw?" ka ti ta thlawt a. Ka chunga a chêt dàn hi chu min duh luat vangah ka puh thei mai a. Mahse Nunhlimi lehzel a lo va la tibuai ngat ngat peih chu mak ka ti. Kan sawi dun ve te hi a ring zozai lo emawni? "Mak pawh ka ti tawh lo, hmeichhe zak theilo na laileng te hi chu an lo zak theilo êm a ni. Tunlai chhanah phei chuan mi pasal te pawh tihbuai an hreh tawh lo ania. Chuta kara mi bialpa mai mai chu an tibuai hreh lo tawp ang. Hmeichhiate hi kan duh záwng neih nan chuan kan lo in phah hniam thei khawp anih hi" a lo ti duah a. "I luhlul êm kha" fiamthu ti tak deuh chuan ka lo ti khauh a. Ka nui pah suk bawk a, a huat tùra sawi ka ni lêm lo.
"Kha kher kha chu i cho chhuah anih kha" a lo ti hmak. "Buaina lian tham nei leh ta ila min ṭhen hlen duh tak takin ania ka rin ni" ka tih chuan "Ṭhen nal nal nghal ang che mawle" a lo ti awlsam thên a. Ṭawng liam puat mah se a ti duh tak takin ka ring. "Pawi lo, Remi a awm tho alawm" ka lo ti fiamthu ve hlut a. "Chhechhawng inkawp in ni mai dâwn ani" a lo ti awlsam thên leh reuh sia. Chhaih thinrim tum zawk si kha chutia min chhaih tâk rengah chuan ka titau ta lek lek zawk a. "Khilai ve zeuh mai rawh" nui rah rah chunga a tihte phei chuan ka melh rûn rûn tawh. A va han nghal mai mai tak.
Ka haw dâwn chuan pâwn thleng min thlah a, inchhung lama che na viau tawh si kha pâwnah chuan ka fawp leh hrâm a, chhanna pawh ka dawng ṭha kher mai. "Lerh lo la, mipa dang hnaih loh tùr. Mipa ṭhian neih vak pawh a ṭul lo, ka awm a, a tâwk " ka ti leh dap dap a. He thû hi chah nawn fo a ngai. Ka chah lawm lawm chung paw'n a zawm hlei thei lo ania. Ka chah loh phei chuan a inthlahdah dâwn riauin ka hria.
Msa chuan a sawi ang tak takin palai chu a tir ta ngei a. Chhungkua pawh i hre pawh tawn sa an ni vek tawh bawk nen harsatna an tâwk hran lo. Pathian zara dam chuan thlaleh lama inneih an ti thlu ta a. Ka rin ai takin an hmanhmawh leh roh sia. Thla hnih tal an nghak ve ang chu tih laiin a hun leh ni an ruat chawpchilh phian mai.
"In lo fel lo ru rengte hi a ni lo maw in hmanhmawh dàn em em hi?" ka ngaih ṭha lo chuan Msa chu ka zâwt thâwr pek a. "Teuhlo mai" a lo ti vat, "In va hmanhmawh si ve" ka tih chuan "Kan sawi rikna kha a rei ve tawh tho a, a rûkin kan inbuatsaih ru char char tawh tho alawm. Chuloah tih deuh thut hi a ṭha mai. Inbuatsaihna pawh a hunlai chuan kal vung vak mai sela. Hei thla thar kan chuangkai chiah a, thlaleh chu a tâwk vêl chiah tho alawm" a lo ti zung zung a. "Mi hian ngaihdàn nikhua lo zet an lo siam palh ange aw" ka ti leh hram a. Hetiang kawngah hian keichu hmeichhe rilru hi ka pu deuh reuh a. Mi ngaihdàn te hi ka ngai pawimawh ṭhin ang reng khawp mai.
Msa chuan "Chunglam in a hriatchian chuan a tâwk viau. Chuloah kan ti ngam dâwn lo tih an hre vek tho ang" a lo ti leh mai a, a sawi dik leh fu tho mai. Chutia nupui a'n nei mai tùr chu min ti phûr ru ve riau a. "Keini pawh kan ti huk har tawh lo vang" ka'n ti thla ve rawk a. Nunhlimi'n hria se engtin tak ngai ang maw? "Inneih suau suau ila, fate hi han nei zung zung mai ila maw. Inthlah pung pawp pawp ila, a ṭha a ni mai" a ti suam suam a. A phawk a chhuak leh ṭan dâwn e. "I fate'n ka fate an ngam dâwn lo anih hi" intithei zet chuan a ti leh hluai a. "In neih hmâ hawt a, i va intithei nghal ve mawle. Kan thlen chin pawh i hriat loh tawp kha aw. Duh chuan in inneih hma pawhin kan hma khalh daih thei che u" ka lo ti kual vêl a. A awih hmel loh ngang mai.
"Tak taka fanau rochan kawngah hian kan thû lo viau na in Pathianin rem a ti te anih chuan keichu a tlem berah panga tal ka duh " a lo ti a. Chhûngkaw din chungchânga kan ngaihdàn te chu kan han sawi zui luam a. Ka beisei ai daihin chutiang lampang sawi chu a nuam zek mai. Kan hlim ta phian bawk a, ka phûr ru riau bawk.
A nupui neih tùr thû chu kan hre chak hlawm khawp mai a. Chu pawh eng dang vang ni lovin amah pui hi a phur lutuk a, a sawi deuh sek vang a ni. Nunhlimi te ina min lèn pui zàn pawh chuan a sawi leh ta nge nge a. An lo lawmpui thiam ngang mai.
"Kan tih zawhah Nunhlimi te'n min rawn zui veleh ang a" fiamthu ti tak deuha a tih chuan "Anni zawng a la hmanhmawh thlâk hlei nem" Pa Chama'n a lo ti vat a. Nunhlimi nen chuan kan mit a lo intawng siah a, mahse a hawisawn rang kher mai. Msa chuan "In makpa hual hi a phûr ru riau ania aw, Nunhlimi hi vêng ṭha rawh u" a ti leh hluai a. A uan chhunzawm zui zat a. Mahse Pa Chama chhanna te chu ka lo chhinchhiah ru kauh kauh a, a fanu pasal han neih tir êm tur chuan a la remti chiah lo tih a chiang reng mai. Philip-a erawh chuan "A ṭha hmuh lai hian hmeichhia chuan neih pawp mai tùr" a lo ti thung a. A ṭawngkam aṭang chuan makpa atân min iai lo tih ka hre ve kar a, chu chuan min ti ngaih ngam deuh.
"Eng nge kan thusawi vêl kha i ngaihdan?" Nunhlimi bulah chuan ka ti zawi sup a. A chhungte an mu leh vek tawh a, Msa paw'n min hawsan tawh a. Tunah chuan kan pahnih chauhin kan awm leh tawh. "Eng maw?" a lo ti hu a, "Inneih vêl kha?" thutak zet hian ka lo ti sup a. "Ehe...in lo uang miah nange?" a lo ti duh lêk chauh a. "Uang nang, nupui neih ka châk tawh" ka ti thâwr a, min nuih ṭiah ṭiah anih chu! "Lalnunhlim, ka uang lo ania aw" ka lo ti hluk a, min nuih chhan chu ka hrethiam dêr lo. "Nang hi...i ṭhianpa in nupui a neih dâwn vang maia, i ti mak emai" la nui reng chung chuan a lo ti a. "Chutiang lam a ni lo" ka lo ti leh hmuk. Ka thusawi fiamthu a min lâk sak daih chu ka lâwm miah lo. A hnu deuhah chuan a hrethiam ve aniang "Kan la ngaihtuah ve ang chu" a ti ve ta nge nge a. Ka lawm tâwk a tling viau mai.
Dip dâl tu awm lo leh mitmei vèn tùr awm lo ta na nâ nâ chu kan taksa a insi chawt reng a. Kan kal thui dâwn apiang chuan min lo dang vat ṭhin a. "Ka chhûngte an lo tho palh ange" an ṭhutthleng seia kan infawh mawlh mawlh lai chuan a inlahrang hlek a. A âwm báwr chu ka lo ṭham nghal tâwk a. "I mak emai aw" mitmeng phelh phanga min melh chung chuan a lo ti khur hlak a. A hlauhawm ve thei bawk sia. "I room-ah lût mai ila" ka ti tawl pek a, ka thlêm a ni ber. "Ka duh teuhlo mai" uar zet hian a lo ti vat. Hei chu ka rin dân sa a ni. "I phal chin bâk chu engmah ka ti miah lo vang" ka ti leh hram a. Min melh deuh ren rawn a, a phal mai dâwn emaw ka tih lâi chuan "Aih" tih zawngin min chhâng! Ka lo rum nghut a, "I insûm thei dâwn lo" a lo ti hmiah. Min hrechiang kher asin. Dik tak chuan tunah khan ka thlêm chiang alawm. Mipa hrisel pangngai ka ni a, heti em em a ka sosan hi ka la hre ngai lo bawk.
"Insûm a harsa..." ka ti ve mai bawk a, ka mamawhna hi zep buai ka tum hran lo. A nghawng ah chuan beiin ka hmui chu ka nawr vang vang a, a rim lah chu a tui hrep lehnghal a. Ka hnungah chuan a lo bêng ve thak thak a, min bengdaih a tumna a ni tih ka hria. Mahse ka taksa in ngai a la awh si lo, a kut chêt zawng apiang chuan min hrem ani ringawt. "I room-ah chuan kal ang" ka thlêm leh ta! Zanin zet chu ka dik lo tlat. Ka ráwp hmêl ngawih ngawih lutuk chu thanat thlâk ka ti ve tho a, mahse kan awmdan leh kan awmna hmun in a zir bawk nen thlêmtu lian ka ni ringawt.
Mahse Nunhlimi ngenna tlâwm tak leh zahawm ru zet si chuan min bengdai ta vek maiin ka hria. "U Hluzual, kei chu nupa nih hma chu mipat hmeichhiatna hman hi ka duh lo bur. Pathian hnena ka lo inhlan ve tawhna leh ka lo inserh ve ṭang ṭang tawhna a ni a, ka bawhchhe ngam lo. Dik taka sawi chuan tisa châkna nei lo bîk pawh ka ni lo va, mahse Pathian vang tal pawhin kan insûm thei tùr a ni. Tunah hian kan tisa châkna te puitlin a hum sual kan dai palh hlauh anih chuan kan inchhirna tùr khúa a sei mai mai. Reilotê nawmna ai chuan hlimna tluantling nei tura tun huna kan insum theih hi a ṭha zawk" a ti dam thlap a. Nunhlimi chu ka zah thar kher mai. Thlêm nawn leh pawh ka tum tawh lo, amah hlut zet leh vannei inti tak chuan ka fawp ta vawng vawng a.
Ani ang hmeichhia ka tawng hi ka vannei thlawt a ni. Vannei satliah mai pawh ni lovin Pathian malsawmna ka dawnte zinga ka chhiar hmaih miah lo tùr a ni.
Ka haw dâwn chuan pâwn thleng min thlah leh a, "Ka insûm rei peih tawh lo ania aw...chuvangin kan inneih vat a ngai" ka ti leh hram a. "A àwm ve tho mai, itawm loh zawk zawk ka lo ni bîk si lo va" a ti fiamthu duh lêk chauh a. "Ka uang lo" ka lo ti leh hmuk, ka thusawi min lâk fiamthu sak zel chu ka lâwm viau lo. "Tak taka, min nawr tut tut lo la. Engtik ni ah emaw kan la innei ve mahna. Fiah ngam in han awm phawt mai la" a lo ti ṭha ve ta nge nge a. Chhanna ṭha ber ni lo mah se ka beisei sâng khawp mai. A hma zawng ai khan zanin hian ka duhna leh hmangaihna a zual a, ka nupui a ni lovang tih mawlh ka hlau tawh.
_________*_________*_________*__________
Show post links
Top
Link: | |
BBcode: | |
HTML: | |
Hide post links |
Nun tihlimtu Lalnunhlimi
By CVL.Awmpuii
Chapter 27
"Ṭhiana, tùn kâr chu hun remchâng lo insiam rawh aw...bazar tùrin lo inring rawh" Msa message ka chhiar rual chuan ka chhâng lêt vat a. A nupui neih nî chu ka dinpui dâwn a, a phûr surh surh viau mai. Rilruah inneih lam ringawt a awm a, thil dang a leng meuh lo chu a ni.
"Heihi eng nge a awmzia?" Nunhlimi message ve thung a ni. A thlalak min rawn thawn chu ka en vat a, ka phun nghal hluk. Nimin khan kan inah ka naute ṭhian hovin châw an rawn eikhawm a, an eirawngbawlna bulah chuan ka lo awm chilh ve a. Nunhlimi thlalak min rawn thawn ber kher chu Nonoi nen kan indinchilh lâi a ni a, engtin nge maw a lo neih reng reng ni? "Ngaih kawih tùr a awm miah lo" ka va ti thâwr a, insawifiah thui vak ngaihna ka hrelo. Ka message chu a hmu reng a, min chhâng lêt tawh lo chiang asin.
"I hriat kha...naupang mai alawm a la nih. Nangmah chiah ka duh che, thlalak khi chu ngaih kawih tùr a awm lo. Nimin tlãi khan kan inah châw an eikhawm a, an eirawngbawlna bulah awm ve in kan indinchilh lai tak an lo la fuh mai mai anih khi" ka ti leh duah a. Hmaichhanah lo chuan kan sawifel leh thei tak tak chuang paw'n ka ring lo. Hlauhthawn ai mahin ka thin a rim nghal ṭun a, Msa vâng vek a ni. Ka ngaihtuah lai mêk chuan a hnen aṭangin phone call ka la dawng zui a.
"Hello" pawh ti lo chuan "Eng nge?" ka ti nghal hluk a, "Eheu, i pawi ka sawi em ni? Kan va lungawi loh hmêl ve" nui huk huk chung hian a rawn ti zâng vuh a. Nunhlimi thlalak min rawn thawn leh a tihtauh thû te chu sawiin "Nangmah vang vek anih hi" ka ti hluk hluk a. A ni lah tak bawk a, Msa hian Nunhlimi fiam nan Nonoi'n min ngaihzawn em em thû hi a lo sawi pek a. "Ṭhianpa hi i tih lungawi loh vaih chuan substitute a nei ṭha teh ania aw" tiin a sawi ṭhaih ve khanglang a. Nunhlimi thîk thu chhiat zia chu hria se a fiam nek lo vang mawle. Keimahah a ṭuan zui a, a titau nasa viau nghe nghe. Kan in thlêm lungawi ṭan chiah tihah heti hi kan ni leh ta sia. Msa chu ka mawhpuh lo thei lo a ni.
"I lo hrilh khanglang a, a la lungawi famkim lo. Nonoi lah ka naute nen an inkawm ve reng a, ka tán pumpelh theih a ni bîk si lo va. Kan inah an tãl hnem si, Nunhlimi chuan thîk tùr a hmu hnem dâwn ania aw. Hrelo tawp se ṭha zawk tùr ania. Fiam chintawk i hrelo a, a thikthuchhiat zia i hrelo a ni" ka ti leh nghut nghut a. Min lo nuih duh lêk chauh a. An inneihna tùr lampang min sawipui zui ta daih a. Thinrim reng theih pawh a ni lo.
Msa nen kan inbiak zawh chuan Nunhlimi chu ka call nghal a, vawili ka call na ah pawh a ring ral ṭhak ṭhak mai. Ka message thawn hnuhnung ber chu a hmu reng a, a haider lui hmiah niin ka hria. Thaw chhuak hawk in ka file en lai chu ka nawr sawn a, ka hmai ka tuai nghal puat a. Hnathawh leh ngaihzawngte titau thlêm chu a inrem hlawl lo alawm. "Titau suh" ka va ti leh ringawt a. Awmzia a awm dâwn chuang lo tih hre tho mah ila a lungawi loh ka hlauh zia hi hria se ka duh a ni.
Office ban veleh khawiah mah pêng kawi lovin inah ka haw tlang nghal a. Nunhlimi titau chu ka ngaihtuah rùn duh tawh lo, zaninah an inah ka kal ang a, a fel leh vek turah ka ngai nghal hmiah mai.
Ka room-a ka luh rualin Kimtei'n min lo zui lût ve nghal a. "U...naktuk zingah tih tur pawimawh i nei em?" a tih chuan " Nei em em nang, eng nge ni?" ka lo ti sup a. Ka kamisz hak lai chu ka hlip zui mual mual bawk a. Kimtei chu ka khumah lo ṭhu nghal tharh in "Yes, anih chuan college-ah min thlah rawh aw...field trip kan nei dâwn a, ken tur neuh neuh kan ngah sia Taxi hman mai chu ṭha tho mah se kan bawr dâwn lutuk a mahni motor-a kal kha ṭha in kan hria a " a lo ti zung zung a. "Ka thlah dâwn che ania" ka lo ti ve mai bawk a. "Ok, anih chuan ka ring ang che aw" ti a chhuah mai a tum chu ka thil hriatchhuah avang chuan ka lo ko ding leh rih a. Ka phone chu phawrh in Nonoi nen kan thlalak, Nunhlimi min lo thawn chu ka hmuh ta a. "Heihi tu lo lâk nge?" ka ti nghet churh a, a ngaihna a hriat loh hmêl kher mai.
"Awi kei chu ka ni lo rêng rêng, tinge? Khawi ami nge?" a lo ti zung zung a, chîk zeta ka en pawh chuan a ngaihna a hriat loh hmêl tak tak. "I ṭhiante chawei a i sàwm dawnin fimkhur tawh ang che" ka ti ta ringawt a. Ka âw chu a rum mah mah mai thei. A ngaihdan a lo ni vak bîk lo aniang "Eng nge? Engtin vak nge ka fimkhur ang a" a lo ti ve nghat a. Ka tih dàn teh ngawt kha a lungawi thlak loh ve bawk a ni. Mahse sut leh ka tum chuang lo.
"Khatiang thlalak vang mai mai a han lungawi loh, a ho emai" a lo tih leh chuan " Ho nang, i u Nunhlimi min lo thawn anih kha. Engtin nge a neih chu ka hre bîk lo. Mahse a neih ngawt theihna chu i ṭhiante zing ami an ni ngei ang" ka ti a. "A thîk a, i chungah a ṭuan tihna em ni?" a tih chuan ka ngawi reng a. "A rilru têt thlâk emai a. Nonoi i duh tihna pawh ni hlei lo" a lo ti leh nghat a. "Chutiang ngawt a ni lo" ka lo ti ve nghut a. Han sawi zui chiam dân erawh ka hre chuang lo.
Kimtei chuan "Nonoi chu ka ṭhiannu ania, a duh che a, a vei em em bawk che. Mahse khami vang ngawt khan U Nunhlimi hian a haw tur tihna a ni bîk hlei nem. I lakah zahpuiawm takin a khawsa ṭhin a, in inkar a rawn tibuai ta viau pawh ni hlei lo. A rilru a tê ve mah mah anih kha. Nonoi te chuan khati zawng khan a ngai teuh lo mai. A inthlahrung thei ropui si, a bulah phei chuan engtin mah awm miah suh ang che" a ti ta duah a. Nunhlimi rilru té lutuk anga a chhuah daih chu ka lâwm viau lo. "Nunhlimi hian a hua a ni reng reng lo. I ṭhiante kha lo hrilh la a nimai, khatiang thlalak kha Nunhlimi hmuh theih turin dah chhuah lo chîng tawh suh se" thupe aw zet chuan ka ti ve churh a. Min melh ren rawn hnu ah lungawi loh hmêl zet hian min chhuahsan ta daih a. Ka room kawngkhar lah chu a rawn khar ri zui bur lehnghal a. A ṭhiante thlavang a hauh chu ka hrethiam ve lutuk, mahse anni vang kha ni lo sela Nunhlimi'n khatiang thlalak a lo hmuh ngawt tur thû a awm lo.
Zàna lèn tum viau si kha kan pu te lam aṭangin hna hmanhmawh thlakah phone call ka dawng leh a, zanina file en fel ngai ngei ngei min lo thawn a. Ka lêng hman leh ta ngang lo. Nunhlimi chu ṭha takin ka va hrilh ta tho a, insawifiah tawh lêm lovin ka lèn hman loh tur thû chauh chu ka sawi tawh a. Ka message chu a en ve ngei a, min chhâng lêt lehpek chuang lo.
Ka mut dâwn chuan Msa hnen aṭangin message ka dawng ve thung a. "I bialnu leh i hmelma ka hmù" tih tê mai hi min rawn thawn a, "I hmelma" a rawn tih chu Apuia ani tih ka hrethiam mai. "Khawiah?" ka lo ti nghal a, "Kàwnah Bike-in an inphur, i la thlêm lungawi lo zo a ni maw" tiin nui lem min rawn thawn tel a, ka chhâng lêt tawh lo. Hepa pawh hi a lo hmu fuh thei si, min rawn hrilh zel ṭhin bawk si a. Min la nuihsawh thei em em zui a, ka ngei tak tak a ni.
Nunhlimi lungawi lohna chu ka hrethiam lutuk a, mahse eng emaw hleka Apuia a lo tel ve hman zel hi chu ka haw takzet. Ka tán pawh a lawmawm loh, kan sawi zin tawh tehlul nen a sim thei dêr lo chu anih hi. Ka va be zui duh ta bîk rih lo va, hmaichhana inbiak ngei ngei kan ngai zawk a ni.
Zingkarah ka Nu in min rawn kai tho a, "I nau chu i thlah dâwn lo em ni? A inpeih tawh ania" a rawn tih chuan ka tho ve nghal mai bawk a. Mipa mah ni ila ka muhil hi kaihthawh ka awlsam ang reng a, hun ka duh rei lo ṭhin khawp mai. Hmanhmawh deuha inphih faiin ṭhutkhawmna lamah chuan ka va phei ve nghal a. Kimtei chuan phone a lo hmang mêk a, "Min lo sâwm phei mai r'u aw...aw ka lo nghak ang che u" a ti sawk sawk a. A ṭhiante nen an inbia niin ka hria.
Phone a hman zawh chuan a bungrua chu khai sak mai ka tum a, "A ngailo, ka ṭhiante nen kan kal rual dawn" a lo ti deuh hmak a. Nizana kan inbakkaih deuh avang khan a la lungawi lo reng niin ka hria. "Ka thlah ang che" ka ti sup a, mahse a lo duhlo nasa mai. "Nonoi'n min lo sâwm dâwn, an motor-in a kal dâwn a, a rualin ka kal dâwn" a lo ti nghat a. "Midang tihbuai a ngai lo, ka thlah thei che" ka lo ti ve nghut a. "Nonoi" a ti sek pawh hi ṭul ka ti viau lo. Kimtei chuan "Ka tibuai bawk lo, i thlah ka duh lo bawk" a lo ti leh fak a. A hmêl awm dàn leh a mitmeng aṭang chuan tih luih chi niin ka hre ta lo. A awm dân khawlhkham zet chuan ka dawhtheihna a ti pan viau bawk a, "Ni teh se" tiin ka room-ah ka lêt san leh hmak a. Ka Nu leh Pa te hrilhai hmêl chu ka hmu lo der hmiah. Duh leh Kimtei chuan lo hrilh ve tawh mai rawh se.
Tukṭhuan kan ei laiin ka Nu chuan thil awmzia min zâwt ta tho a. "Ka lakah a lungawi vak lo va, a titau anih kha" tih ringawt in ka chhang a. Mahse ka Nu chuan "A sawi dàn nen a va inang lo ve. 'A bialnu a ṭan lutuk anih kha' a ti a, ka zawh chian lah khan a sawi buai deuh nuaih a. I sawi ṭha duh bîk bawk si lo, in hahthlak tlat" a ti mawlh mawlh a. Kimtei chuan chutiang zawng ber khera a lo sawi chu ka beisei lo asin mawle. "Nunhlimi thlavang ka hauh vang lam a ni lo, a ṭhiante vang anih kha" ka ti ta ringawt a. Insawifiah vak hi ka thiam zawng a ni thlawt lo a ni e.
Ka pa chuan kan thubuai chu rawn khaikhawm in "In buaina chhungril tak chu hrelo mah ila a upa zawk i nihna ah i nau chu tih lungawi vat tum la, sawifel vat ang che u. Ngaihzâwng tih vêl vanga unau intihbuai phei kha chu ka ngaihdan a ni hauh lo ania. Chhungkua hi dah pawimawh hmasak ber tùr a ni ngai. Nunhlimi hi i nupui chu ni sela ka hrethiam a, mahse i ngaihzawng mai chauh a la ni a. I nau nen intihbuai phah nana lo hman chu a ho viau ania. I nau pawh ka lo be ṭha ang a, in buai thui hma ib sawifel vat ang che u" a ti duah a. Nunhlimi an puh chhe dâwn riau a ka hriat avang chuan ṭul lo deuhin Nonoi chungchângte chu ka hrilh ta vek ringawt a. Chutia an hriat tâk ah chuan min hrethiam hnuhnawh viau mai.
"Inneih lamte hi in sawi ve tawh em?" ka Pa chuan a lo ti hluai a, rilruah awm ve rauh rauh tawh mah se chutia ka pa meuhin min zawh tâk thut ah chuan a zamawm ve duh khawp mai. Ka âw thian hmasa tê tê in "Msa te hian an zo fel phawt sela, ka sawi ṭhat pui ang" ka ti a. "A ṭhat chu, nupui nei lo rual i ni tawh lo bawk a neih tùr hmuh chuan neih hmiah mai tur" ka pa chuan a lo ti leh hluai a. Ka kawppui atân Nunhlimi an pawm thlap tih hriat chu a thlamuanthlak khawp mai.
"Taka....Helen-i te inneih pawh kha karleh mai hi a ni tawh a, engtia tih chi nge mawnle? Min rawn sâwm urhsun ve si a, han kal loh ngawt kha ni theiin ka hre bawk si lo" ka Nu chuan a lo ti ve hluai a, "Kan kal ve ngei ang chu" ka Pa chuan a ti tak na in kei chu kal ve pawh ka tum lêm lo. Ka lawmpui loh vang leh ka rilru nat vang lampang ni lovin ṭul ka tih loh vang a ni ber. Duh leh ka nu leh pa te chu kan chhungkaw aiawh in kal mai sela, ka duh tâwk viau mai.
Nilengin Nunhlimi nen kan inbe ta lo, ka buai chu thuhran nise nizana Apuia nen an lo inphur kher khan min ti hnual a, hmaichhanah law law sawipui ila a ṭha zawk ang. A ni pawh a reh zui hmiah a, a la lungawi lo viau ni tur a ni. Ka theihtawpin ka insawifiah tawh a, kha bâk bâk chu tih vak ngaihna ka hre tawh bîk lo.
Zanah chuan hna ka khawih hma in ka va call ta hram a, a la dâwn lo emaw ka tih tawh hnu ah a lo la ve ta hram a. "A tàwp a tàwp ah chuan min chhâng ve ta hram alawm" ka ti nghal hluai a. "I hmelchhia" a rawn ti ringawt a, "I hmelṭha anih mai chu a" ka lo ti mai a. "Titau ngît ngêt peih si" ka tih leh chuan "Nang pawh i lawm miah lo vang aw" a rawn ti bak nghal hlar a. A la lungawi lo hle anih ka ring. "Keipawh ka lawm bîk miah lo ania aw" ka ti ve ta nghut a, hmaichhana sawi ah ka khek viau na in ka insum duh ta bîk lo.
"Engvang ngawt chuan maw? I zak theilo e a" a rawn ti nghat a. "Apuia nen in inphur tih hrelo pawh ka ni bîk lo a" ka lo ti ve hmuk a, ka insehruh nghal ṭeuh mai. "Chutiang eng nge..." ti a insawifiah a rawn tum lai mêk chuan lo pawt chat in "Ka rawn lêng dâwn ania" ka ti thâwr a, "I buai lo em ni?" a rawn tih leh chuan " Sawifel tùr kan neih kha, ka lo phei" tiin phone chu ka dah ta daih a. Dik tak chuan hna khawih tur ka ngah lutuk, mahse Nunhlimi a pawimawh zawk tlat a ni.
An in ka va thlen chuan a chhûngte an lo awm miah lo va. "Khawnge?" ka tih chuan "U Akimi pà a dam lo va, an va kan anih kha. Keiin in ka lo nghak thung a" a lo ti ṭha ve mai a. Ṭhutkhawmna lamah chuan kan inzui phei nghal a, a rawn ṭhu ve mai dâwn emaw ka tih laiin "Thingpui ka'n lum ang aw" ti a a kalsawn tùr chu ka lo pawt ding a, "A ngai lo, sawifel phawt ang" ka lo ti tlang tawp a. A ner deuh nang nang mai. Ka bulah chuan ka pawt ṭhu a, thuawih tak chuan a awm ve mai bawk a.
"Le...insawifiah rawh" tiin ka melh nghal khui a, thil serious tak chu a nih ka ring lem lo na in ka hauh nat zia hi inhre hrim hrim sela ka duh a ni. "I zaklo e...min puh lêt daih suh aw" a lo ti bak hlar a. "Sawi tlang mai rawh aw Lalnunhlim...khatia phat buai vêl kha a ngai lo" ka ti hmuk a. "Ka hmingpum in min ko suh" a lo ti bak leh hlar mai. A thinrim te lah hi a vin ve ṭhak ṭhak ṭhin sia. "Anih chuan sawi rawh, Apuia nen chuan engvangin maw in lo chhuah dun a?" ngeiawm rawngkai lek lek hian ka ti a. "I sawi awmzia hi ka hre miah lo ania aw...khawiah mah Apuia nen khan kan inhmu lo e a" a vin ṭha leh ṭhak ṭhak viau.
"Sawi ṭha mai rawh...ka hre vek ania" ka tih leh pawh chuan ka thusawi awmzia chu a hriat loh hmêl tak tak a. "I tihsual vang mai khan min puh lêt tum suh aw...Apuia ka hnaih tawh ngai lo hrim hrim. Khati zawng kha chuan min ti miah suh" a ti fiah ta fak a. "Anih chuan tinge Msa khan a hmuh thû che u a sawi si?" ka ti ta nge nge a. Nunhlimi chuan "Awi...a zak thei lo e...khawiah nge min lo hmuh a?" uar zet hian a lo ti hluai a. "Kàwnah Bike-a in inphur lai a hmù che u, nizanah a rawn sawi vek alawm le" sawi fuh inti zet hian ka lo ti vat a. "Awi....a awihawm loh lutuk. Nizanah ka chhuak lo hrim hrim, kàwn chu sawi loh kan inkawt pawh ka pêl lo aw. U Msa chuan a hmu sual hle anih chu, keimah ka ni lo vang" a ti tán tán a. "Ni lo la a sawi lo vang" tiin ka lo ṭang ve tlat si. Kan inhnial bap bap reng a, a pha nasa mai sia. "U Msa chu bia ila a nimai lawm" min cho zet hian a lo ti nghat a. Chuti na nâ nâ chu tiin kan be ta poh a.
"Aw Hello" a rawn tih rual chuan " U Ms, nizanah kàwnah Apuia nen min lo hmù em ni? Hei U Hluzuala hian min puh chhe teh mai ania aw ka lâwm lo khawp mai" Nunhlimi chuan a lo ti nghal tán tán a. Rum zet hian min lo melh khai zui a, ka ṭawng ve hma hauhin Msa chu a be nghal zawt zawt a ni ber. Chutah Msa chu a rawn nui chhuak ta hawk hawk a, "A va han ã tak e aw...a lo awih elo?" a rawn ti hlawl mai. "Malsawmtluang...zawnga" ka ti nghal ṭhawt a, a nuih a lo za zual sauh mai. "Ka chhaih thinrim mai mai a, a lo awih anih dâwn kha. A a va han chhah mep mep tak e aw i bialpa hi chu" tiin Nunhlimi bawk chu a rawn be leh daih a. Phone chu ka hmet tàwp nghal hmak.
Nunhlimi, mahni inringtawk taka min melh ram ram tu chu ka nuih tlawn ta ringawt a, sawi tur a vâng duh kher mai. "Bum awlpa" min tih chuan "Tihpalh" ka lo ti ve nghal vat a. "Ka lungawi loh sa nen dawt thû hmangin i rawn lungawi lo ve khanglang a, min puh chhiatna tùr te chu i la zawng ve ngat ngat a. Nang anga lerh ka ni lo aw hmêlpawng " a lo ti leh zat zat a, a la lungawi lo ngang aniang min melh rum ṭha khep khep khawp mai. A bulah chuan ka va insawn ta ringawt a, chesawn a tum rual chuan lo kuahbet nghal vatin "Ka âtchilh lutuk vang vek che" tiin a nghawng ah chuan ka hmui ka nawr nghal vang vang a, a lo thaw chhuak hak mai.
Chutia rei tâwk fang kan awm hnù chuan "Ka la ngaidam miah lo che ania aw" a rawn ti hram a, mahse a thinrim lutuk tawh bîk lo tih chu ka hrethiam ve tho. "Insawifiah vak ka thiam tawh lo, mahse ka rinawm ve tâwk " tih ringawt in ka lo chhâng a. "Ka ning tlat, tinge hmeichheho hian an zuam em em che a" a lo ti ve ta thlawt a. Keipawh heihi ka zawhna chiah a ni. "Engtin mah ka awm ngai chuang lo, min zuam ve em em tawp ni berin ka hria" ka ti ringawt a. Ka inkharkhip ve nasat nen min zuam em em chhan hi ka hre miau lo a ni. "Hmeichhe zak theilo ah i tla nâ anih hi" a rawn tih chuan ka lo rum nghut a, mahse thinrim a lâk ngam chi pawh a ni rih lo. "Ka thiam loh a nih chu" ka lo ti ringawt a. A thinrim rei hlei thei ta bîk lo.
"Engtin nge thlalak kha i neih theih reng reng a?" ka tih chuan " I nau ṭhiante zingah khan hmêlhriat pakhat ka nei ve alawm, a status ka hmù a. Caption-ah 'Inhmeh tawp' tiin a lo hmang khanglang bawk sia. Ka tán i rinawm reng tih hre tho mah ila chhaih theiha i lo awm hrim hrim kha ka lâwm lo êm a ni" a ti ta duah a. A insawi thinrim leh dâwn a ka hriat avang chuan thil dang ka sawi pui ta daih a. Minute tam a liam hma in ka chhaih nui leh kar kar tawh.
Ka haw veleh Kimtei chu ka be ta ngat a, zîng lama ka pa thusawi kha ka la hre reng a. Chutihrual chuan a ṭhiante chungchangah pawh sawi ṭhat pui tùr a awm tlat. Ka biak tirh chuan min be ṭha duh vak lo va, mahse min hnuchhawn rei thei bîk lo. "Nunhlimi thlavang ka hauh lutuka i ngaihna kha chu ka thiam loh a ni. Mahse i ṭhiante pawh lo hrilh ṭha la, tun hnu ah chuan chin tâwk lo hre tawh rawh se aw. I thian kawm ṭhinte hi sawisel ka tum a ni miah lo. Mahse Nonoi'n ka laka a rilru puthmang in hre tlâng vek a, ngaihzawng nghet nei ka ni tih in hre vek bawkin ka ring a. Ngaihbel theih tùra awm ka duh hauh lo ania. I ṭhiante pawh status leh eng ilo vela fimkhur turin lo hrilh la. 'Kawm suh, kawm rawh' tih lamah chuan engmah sawi buai ka tum lo. In ṭhianho inkara rawn inrawlh lah ka tum hek lo. Mahse la nula chho ṭan tur chauh in ni a, tuna in rilru puthmang hi Nula puitling in nih hunah chuan in pu reng bîk dâwn lo va. Nakina in zah loh nan tun aṭang hian in inkawm danah pawh fimkhur rawh u" ka ti ta duah a. Chutia ṭha taka ka hrilh tâk ah chuan a lo haw tawh bîk lo.
"Ka lo hrilh ṭha dâwn ania. U Nunhlimi'n a status a hmuh theih kha chu Veni anih ka ring. An inhre ṭha ve pangngaiin ka hria a, Veni hian a sawi veleh zeuh ṭhin a. A status khan hetiang in a lo ngai dâwn tih a ring pha bîk lo aniang" a ti ve ta nge nge a. "Nizan lama ka ṭawngkam avang khan ka thiam lo a ni, titau tawh suh aw" ka ti dam leh thluam a. A bu deuh nghat nghat mai. Kan unau hi kan intibuai khât khawp mai a, kan inhnial buai ve chhunah pawh ka thlêm thiam ngai lo. Ngaihdam dil pawh ka tum ngai lêm chuang lo va. Hun a kal deuh a, kan inngeih veleh mai zel a. Mahse tun ṭum chu hetia sawifel hi a ngai ve tlat a ni.
"Keipawh U Nunhlimi chungchanga ka ṭawngkam avang khan ka thiam lo a ni. A dinhmunah khan ding ta ila, ka awm ve dàn tùr tho a ni" Kimtei chuan a lo ti ve ta nge nge a. Ṭha deuha ka sawipui meuh chuan kan buai thui ta bîk lo e. Social Media kan hman danah erawh chuan ka ngaihtuahna a kal thui khawp mai. Status ka update kawngah te hian fîmkhur a lo ngai khawp mai ka ti ta. Tuna kan buaina ang hi chu a la fel mai thei zawk a. Mahse fimkhur phah nana hman erawh a ṭha khawp ang.
Msa nen kan inhmuh leh hmasak ber chuan ka hau nghal pang a. "Fiamthu ah pawh chin tâwk a awm a, khati zawng kher kha chuan min fiam tawh miah suh. Tlem a tlem ah kan buai thui ṭep alawm" ka ti hluk hluk a, a nui leh ringawt chu duh lovin "Nui ringawt zel suh. Khati zawng khan min han fiam leh na teh i châk lo viau ang aw" ka ti leh hluk a. "Chhaih kual hi i nuam ve êm alawm, i awih hma thei ropui si" la nui ṭeuh chung chuan a ti leh hram a. "Hetianga i awm reng dâwn chuan in inneih hunah dinpui tùr dang zawng rawh" ka lo ti hmuk a. A nuih a la za zual sauh mai. Mahse a hnù deuhah chuan ngaihdam min dil leh hnuhnawh a.
"Tak taka khatiang em em khan i lo ngaih serious ka ring lo va ka thiam lo a ni. Uang peih ta reng reng chu chhaih thinrim che kha ka châk tlat pek alawm mawle. Ka ti tawh lo vang, in inṭhen tak takte chu a hlau ber pâwl alawm ka nih le" a ti ve ta nge nge a. Rilru té leh zau lo nih hi ka duh miah lo, mahse min fiam dân kher kher kha chu a zawngchhang tlâk viau lo a ni. Nunhlimi nen kan inkarah chuan thil engkim hi a lo sensitive tawh ṭhin si a. Kan thîk thû a chhe dunin kan inhauh na ve ropui si, khati zawnga fiam chi kha kan ni vak lo. Kan pahnih inkara kan han inchhaih zeuh hi chu thuhran ania.
Helen-i te inneih ni chuan ka Nu leh Pa te'n an va telpui ve hram a. Tukṭhuan kan ei laia an sawi kha chuan ṭul lo ka tih thû ka sawi chhuak nghe nghe a. Mahse ka pa in "Min lo sâwm ve si a, an zahawm alawm. Chuloah kha chen in lo inkawp ve tawh a, in inṭhen tâk avanga inhuat zui kher a ṭul lo. Min lo sâwm miah si a, kan va kal ve aniang chu" a ti bur mai a. "Inbiak ṭhat zui zel pawh a ngai chuang hlei nem" ka lo ti ve nghut a. Ka huat em em chhan an hrechiang bawk a, kan tàwp chhan lah khati kha a ni a. Min dem em em hran bîk lo vang.
Office ka ban veleh ka Nu chuan an inneihna kalna chungchang te chu min lo hrilh zung zung a. "A pasal kha an sawi kalhmangah an khawsa thei hle a ni àwm a. Helen-i chuan a thur chhuak ṭha khawp mai an ti nghe nghe asin. Sum hi chu a ber ni lo mah se tunlai chhanah chuan inneihna ah pawh hian hmun pawimawh tak a lo chang tawh anih hi. Helen-i Nu nen pawh kan inhmu a, a hlim khawp mai. An duhtak an nei a ni chêk ang chu, an lawmpuiawm " a lo ti duah a. Ka bulah chuan a rêl duh chiah si lo va, mahse a ei ta vak bîk lo niin ka hria. "U...a pasal ai khan i chhelo daih zawk" Kimtei'n a rawn ti ve thung a. "Engtin nge i hriat a?" ka Nu in a lo tih chuan "Awww...thlalakah ka hmù...khatiang patling deuh tawh lehnghal engtin nge a duh theih le aw ka lo tia. Mahse i sawi kalhmangah sum vang aniang" Kimtei chuan a lo ti vat a. A inthiamlo leh deuh nge ni "Aaa...inhmangaihna vang bâk chu a ni thei lovang" a rawn ti leh hnuhnawh a.
Sum hi a pawimawh a, tunlai chhanah hmeichhe ding phei chuan mipa innghahna tlâk lo chu an nei duh tawh lo tih ka hria. Va dem ngawt theih pawh an ni lo, an dinhmun aṭang chuan a àwm hliah hliah. Mahse mipa khawsa thei deuh hlek, hmel leh pianphunga chhuan tùr nei miah lo an han nei a, "Sum vang aniang" an lo ti nghal ringawt hi chu ṭha ka ti chuang lo. Chutihrual chuan sum vang ngawr ngawr a nupui pasal a insiam hi chu an awm ve tih hai rual a ni lo. Helen-i te pawh chutiang chu an ni ka tihna kher ni lo in a nu mizia aṭang hian ka tinzawn thei mai.
Ka Nu chuan "A inneia te ber an hlim chuan a ṭha a ni mai a, kan lo sawi phâk a awm ve tawh si lo a le. An lawmpuiawm khawp mai" a lo ti vat a. "Kei chu chhelo bawk si, hausa bawk si, ka hmangaih ngei, min hmangaihtu ni bawk ka la nei ang" Kimtei chuan a lo ti veleh hram a. "I duhâm emai a" ka pa in a lo fiam zuk a. A ṭawng tikal tâwk lekin a fiam fuh a ni chêk ang chu a duhthusàm ang mipa a sawi zui zat zat a. A tàwp ah chuan "A û ang hi ka duh, mahse boring lo" a lo ti kher a. "Ka boring lo" ka lo ti vat tak na in a lo ṭang na khawp mai. "Hnaah i bur chawt a, i hlimawm loh emai, i zei loh hmel ropui si" min ti erh a. Ka lo nui ringawt. Ka bialnu a ni miau lo va, a hrelo mai mai a ni.
"Eng nge a awmzia?" ka kuta chêng hnih a rawn hmehbel rual chuan ka lo ti hu a. "Ka ràlna che anih kha" nui rah rah chung hian a lo ti a. A va han nghal mai mai tak. "Sual thiam si" tiin a bengkâwmah chuan ka seh zeuh a, a zà ti chu a lo tãl nghal nghek mai. "Duh tâwk teh" nuih chhuah hlau zet hian a lo ti ṭawk ṭawk a, ka duh tâwk ve ta hram. A chhûngte tih harh palh hlau lo ila ka duh tâwk miah lo vang mawle.
"I theihtâwp hi chuan i nghal ve alawm tiraw?" ka ti a, a kut no zet chu ka khalh pah bawk a. Mitmei vèn tùr an awm lo bawk nen inhnaih fe hian kan ṭhu dùn a, a chhûngte mu hma ṭhin hi chu kan vanneih pui ve ngawt mai. "I rilru engtin emaw tal a na ve tho em?" a rawn tih chuan ka lo rum nghut a. "Sawi tlang tawp rawh, ka rilru a na miah lo vang" tiin min rawn en chho ta deuh deuh a. "Na teuhlo" ka lo ti hmuk tak na in "Ka awih lo e" uar zet hian a lo ti vak a. Rilru na tlat tùra min ngai chu ka duhlo kher mai.
"A na lo tak tak alawm mawle aw...chuloah rilru nat chhan tur pawh a awm tawh hlei nem. Ka ngaihzawng pawh a ni lo va, ka ngaihzawng hlui mai chauh ania. Duh reng chunga inṭhen lah kan ni hek lo va, rilru natna chhan tur pakhatmah ka hrelo e a" ngaihsam zet hian ka lo ti zung zung a. Ka rilru hriat tum ni âwm taka chîk chuan min lo melh kar a. "Min en char char rawh, rilru natna engmah i hmu tawp lo vang" ka lo ti nghet leh churh a. A ngaih a ṭhat hmêl ta kher mai.
"Zêp miah lohin Helen-i kha nupui atân i ngaihtuah ve ṭhin tho em?" a tih chuan " Ngaihtuah ngai meuh lo" ka lo ti vat a. Ka chhâng rang mah mah a ti deuh nge min lo en leh ha a, ka tán zawhna harsa a ni miau lo a ni. Thudik takin ka chhâng bawk, mak deuh mai chu kha chen lo inzui ve si kha nupui atân tak tak hian ka lo suangtuah ngai miah lo va. Mahse hunlai kha chuan ka iai miah lo tih tun hnu hian ka hre hnuhnawh mai chauh a ni. Min bum kher lo phei sela chuan ka rinna zawng zawng ka nghat ang mawle. A nungchang ṭawp ru zet kha a lo thup hneh êm bawk a ni.
"Zanin aṭang chuan midang ta dik tak ani tawh dâwn sia, i rilru a na miah lo maw?" a rawn ti leh hram a. "Ka ta i nih hun tùr ka nghakhlel tawh zawk" ka lo ti daih a, a lài ngang mai. "Kei chu inneih hi ka zak e a" a tih chuan "Timaw?" ka lo ti vat a. A chhan a rawn sawi chiah chu ka nui lo thei lo. "Saruak vekin min han hmu dâwn ania, ka ngaihtuah zawng ringawt pawhin ka rãp. Kei chu mahni chauha ka awm a, ka inbualte pawh hian ka taksa hi ka en ṭha ngam ngai lo ka zak tlat. Mipa hmaa saruak veka awm phei chu ka rãp lutuk ka zak dâwn emai" a lo ti duah a. Ka ngaihtuah loh lam daih anih avang chuan ka lo nui hawk hawk a.
"I va han ngaihtuah thui tak" ka tih chuan "Ania lawm, a zahthlak dâwn em asin saruak a min han hmu tur chu" a lo ti leh vat a. A mitthla a ni chêk ang chu, a rawn mur chuaih chuaih a. A inthing nak nak mai, "Min hisap a nimaw" ka lo ti fiam a, ka bân puam a ti nghal ṭawk mai. "I ngaihtuah nasa mai mai anih kha. Nupa nih hunah te chuan a zahthlak tawh dâwn hlei nem. Pumkhat kan ni tawh dâwn a, zahna tùr engmah a awm tawh lo vang" thutak deuh zawk hian ka lo ti sup a. A engamah hmaa a huphurh lutuk chu a khawngaih thlak zawk. "Ka tihpui ve miah lo ang che" a rawn ti leh deuh deuh a. "Ka zei alawm, i insum thei lo vang" ka tih chuan ka bân a rawn ri leh ṭawk mai.
Sawi hreh sit set hi a nei lêm lo va, a zakzum ru viau lawi a. Hei takte hi a duhawm rûk riauna a ni tlat lawi si. Ka nupui ah ka nei lo anih chuan a mak viau ang.
____________*__________*___________*_________
(A hmâwr kan va han bâwk teuh tawh êm!)
Show post links
Top
By CVL.Awmpuii
Chapter 27
"Ṭhiana, tùn kâr chu hun remchâng lo insiam rawh aw...bazar tùrin lo inring rawh" Msa message ka chhiar rual chuan ka chhâng lêt vat a. A nupui neih nî chu ka dinpui dâwn a, a phûr surh surh viau mai. Rilruah inneih lam ringawt a awm a, thil dang a leng meuh lo chu a ni.
"Heihi eng nge a awmzia?" Nunhlimi message ve thung a ni. A thlalak min rawn thawn chu ka en vat a, ka phun nghal hluk. Nimin khan kan inah ka naute ṭhian hovin châw an rawn eikhawm a, an eirawngbawlna bulah chuan ka lo awm chilh ve a. Nunhlimi thlalak min rawn thawn ber kher chu Nonoi nen kan indinchilh lâi a ni a, engtin nge maw a lo neih reng reng ni? "Ngaih kawih tùr a awm miah lo" ka va ti thâwr a, insawifiah thui vak ngaihna ka hrelo. Ka message chu a hmu reng a, min chhâng lêt tawh lo chiang asin.
"I hriat kha...naupang mai alawm a la nih. Nangmah chiah ka duh che, thlalak khi chu ngaih kawih tùr a awm lo. Nimin tlãi khan kan inah châw an eikhawm a, an eirawngbawlna bulah awm ve in kan indinchilh lai tak an lo la fuh mai mai anih khi" ka ti leh duah a. Hmaichhanah lo chuan kan sawifel leh thei tak tak chuang paw'n ka ring lo. Hlauhthawn ai mahin ka thin a rim nghal ṭun a, Msa vâng vek a ni. Ka ngaihtuah lai mêk chuan a hnen aṭangin phone call ka la dawng zui a.
"Hello" pawh ti lo chuan "Eng nge?" ka ti nghal hluk a, "Eheu, i pawi ka sawi em ni? Kan va lungawi loh hmêl ve" nui huk huk chung hian a rawn ti zâng vuh a. Nunhlimi thlalak min rawn thawn leh a tihtauh thû te chu sawiin "Nangmah vang vek anih hi" ka ti hluk hluk a. A ni lah tak bawk a, Msa hian Nunhlimi fiam nan Nonoi'n min ngaihzawn em em thû hi a lo sawi pek a. "Ṭhianpa hi i tih lungawi loh vaih chuan substitute a nei ṭha teh ania aw" tiin a sawi ṭhaih ve khanglang a. Nunhlimi thîk thu chhiat zia chu hria se a fiam nek lo vang mawle. Keimahah a ṭuan zui a, a titau nasa viau nghe nghe. Kan in thlêm lungawi ṭan chiah tihah heti hi kan ni leh ta sia. Msa chu ka mawhpuh lo thei lo a ni.
"I lo hrilh khanglang a, a la lungawi famkim lo. Nonoi lah ka naute nen an inkawm ve reng a, ka tán pumpelh theih a ni bîk si lo va. Kan inah an tãl hnem si, Nunhlimi chuan thîk tùr a hmu hnem dâwn ania aw. Hrelo tawp se ṭha zawk tùr ania. Fiam chintawk i hrelo a, a thikthuchhiat zia i hrelo a ni" ka ti leh nghut nghut a. Min lo nuih duh lêk chauh a. An inneihna tùr lampang min sawipui zui ta daih a. Thinrim reng theih pawh a ni lo.
Msa nen kan inbiak zawh chuan Nunhlimi chu ka call nghal a, vawili ka call na ah pawh a ring ral ṭhak ṭhak mai. Ka message thawn hnuhnung ber chu a hmu reng a, a haider lui hmiah niin ka hria. Thaw chhuak hawk in ka file en lai chu ka nawr sawn a, ka hmai ka tuai nghal puat a. Hnathawh leh ngaihzawngte titau thlêm chu a inrem hlawl lo alawm. "Titau suh" ka va ti leh ringawt a. Awmzia a awm dâwn chuang lo tih hre tho mah ila a lungawi loh ka hlauh zia hi hria se ka duh a ni.
Office ban veleh khawiah mah pêng kawi lovin inah ka haw tlang nghal a. Nunhlimi titau chu ka ngaihtuah rùn duh tawh lo, zaninah an inah ka kal ang a, a fel leh vek turah ka ngai nghal hmiah mai.
Ka room-a ka luh rualin Kimtei'n min lo zui lût ve nghal a. "U...naktuk zingah tih tur pawimawh i nei em?" a tih chuan " Nei em em nang, eng nge ni?" ka lo ti sup a. Ka kamisz hak lai chu ka hlip zui mual mual bawk a. Kimtei chu ka khumah lo ṭhu nghal tharh in "Yes, anih chuan college-ah min thlah rawh aw...field trip kan nei dâwn a, ken tur neuh neuh kan ngah sia Taxi hman mai chu ṭha tho mah se kan bawr dâwn lutuk a mahni motor-a kal kha ṭha in kan hria a " a lo ti zung zung a. "Ka thlah dâwn che ania" ka lo ti ve mai bawk a. "Ok, anih chuan ka ring ang che aw" ti a chhuah mai a tum chu ka thil hriatchhuah avang chuan ka lo ko ding leh rih a. Ka phone chu phawrh in Nonoi nen kan thlalak, Nunhlimi min lo thawn chu ka hmuh ta a. "Heihi tu lo lâk nge?" ka ti nghet churh a, a ngaihna a hriat loh hmêl kher mai.
"Awi kei chu ka ni lo rêng rêng, tinge? Khawi ami nge?" a lo ti zung zung a, chîk zeta ka en pawh chuan a ngaihna a hriat loh hmêl tak tak. "I ṭhiante chawei a i sàwm dawnin fimkhur tawh ang che" ka ti ta ringawt a. Ka âw chu a rum mah mah mai thei. A ngaihdan a lo ni vak bîk lo aniang "Eng nge? Engtin vak nge ka fimkhur ang a" a lo ti ve nghat a. Ka tih dàn teh ngawt kha a lungawi thlak loh ve bawk a ni. Mahse sut leh ka tum chuang lo.
"Khatiang thlalak vang mai mai a han lungawi loh, a ho emai" a lo tih leh chuan " Ho nang, i u Nunhlimi min lo thawn anih kha. Engtin nge a neih chu ka hre bîk lo. Mahse a neih ngawt theihna chu i ṭhiante zing ami an ni ngei ang" ka ti a. "A thîk a, i chungah a ṭuan tihna em ni?" a tih chuan ka ngawi reng a. "A rilru têt thlâk emai a. Nonoi i duh tihna pawh ni hlei lo" a lo ti leh nghat a. "Chutiang ngawt a ni lo" ka lo ti ve nghut a. Han sawi zui chiam dân erawh ka hre chuang lo.
Kimtei chuan "Nonoi chu ka ṭhiannu ania, a duh che a, a vei em em bawk che. Mahse khami vang ngawt khan U Nunhlimi hian a haw tur tihna a ni bîk hlei nem. I lakah zahpuiawm takin a khawsa ṭhin a, in inkar a rawn tibuai ta viau pawh ni hlei lo. A rilru a tê ve mah mah anih kha. Nonoi te chuan khati zawng khan a ngai teuh lo mai. A inthlahrung thei ropui si, a bulah phei chuan engtin mah awm miah suh ang che" a ti ta duah a. Nunhlimi rilru té lutuk anga a chhuah daih chu ka lâwm viau lo. "Nunhlimi hian a hua a ni reng reng lo. I ṭhiante kha lo hrilh la a nimai, khatiang thlalak kha Nunhlimi hmuh theih turin dah chhuah lo chîng tawh suh se" thupe aw zet chuan ka ti ve churh a. Min melh ren rawn hnu ah lungawi loh hmêl zet hian min chhuahsan ta daih a. Ka room kawngkhar lah chu a rawn khar ri zui bur lehnghal a. A ṭhiante thlavang a hauh chu ka hrethiam ve lutuk, mahse anni vang kha ni lo sela Nunhlimi'n khatiang thlalak a lo hmuh ngawt tur thû a awm lo.
Zàna lèn tum viau si kha kan pu te lam aṭangin hna hmanhmawh thlakah phone call ka dawng leh a, zanina file en fel ngai ngei ngei min lo thawn a. Ka lêng hman leh ta ngang lo. Nunhlimi chu ṭha takin ka va hrilh ta tho a, insawifiah tawh lêm lovin ka lèn hman loh tur thû chauh chu ka sawi tawh a. Ka message chu a en ve ngei a, min chhâng lêt lehpek chuang lo.
Ka mut dâwn chuan Msa hnen aṭangin message ka dawng ve thung a. "I bialnu leh i hmelma ka hmù" tih tê mai hi min rawn thawn a, "I hmelma" a rawn tih chu Apuia ani tih ka hrethiam mai. "Khawiah?" ka lo ti nghal a, "Kàwnah Bike-in an inphur, i la thlêm lungawi lo zo a ni maw" tiin nui lem min rawn thawn tel a, ka chhâng lêt tawh lo. Hepa pawh hi a lo hmu fuh thei si, min rawn hrilh zel ṭhin bawk si a. Min la nuihsawh thei em em zui a, ka ngei tak tak a ni.
Nunhlimi lungawi lohna chu ka hrethiam lutuk a, mahse eng emaw hleka Apuia a lo tel ve hman zel hi chu ka haw takzet. Ka tán pawh a lawmawm loh, kan sawi zin tawh tehlul nen a sim thei dêr lo chu anih hi. Ka va be zui duh ta bîk rih lo va, hmaichhana inbiak ngei ngei kan ngai zawk a ni.
Zingkarah ka Nu in min rawn kai tho a, "I nau chu i thlah dâwn lo em ni? A inpeih tawh ania" a rawn tih chuan ka tho ve nghal mai bawk a. Mipa mah ni ila ka muhil hi kaihthawh ka awlsam ang reng a, hun ka duh rei lo ṭhin khawp mai. Hmanhmawh deuha inphih faiin ṭhutkhawmna lamah chuan ka va phei ve nghal a. Kimtei chuan phone a lo hmang mêk a, "Min lo sâwm phei mai r'u aw...aw ka lo nghak ang che u" a ti sawk sawk a. A ṭhiante nen an inbia niin ka hria.
Phone a hman zawh chuan a bungrua chu khai sak mai ka tum a, "A ngailo, ka ṭhiante nen kan kal rual dawn" a lo ti deuh hmak a. Nizana kan inbakkaih deuh avang khan a la lungawi lo reng niin ka hria. "Ka thlah ang che" ka ti sup a, mahse a lo duhlo nasa mai. "Nonoi'n min lo sâwm dâwn, an motor-in a kal dâwn a, a rualin ka kal dâwn" a lo ti nghat a. "Midang tihbuai a ngai lo, ka thlah thei che" ka lo ti ve nghut a. "Nonoi" a ti sek pawh hi ṭul ka ti viau lo. Kimtei chuan "Ka tibuai bawk lo, i thlah ka duh lo bawk" a lo ti leh fak a. A hmêl awm dàn leh a mitmeng aṭang chuan tih luih chi niin ka hre ta lo. A awm dân khawlhkham zet chuan ka dawhtheihna a ti pan viau bawk a, "Ni teh se" tiin ka room-ah ka lêt san leh hmak a. Ka Nu leh Pa te hrilhai hmêl chu ka hmu lo der hmiah. Duh leh Kimtei chuan lo hrilh ve tawh mai rawh se.
Tukṭhuan kan ei laiin ka Nu chuan thil awmzia min zâwt ta tho a. "Ka lakah a lungawi vak lo va, a titau anih kha" tih ringawt in ka chhang a. Mahse ka Nu chuan "A sawi dàn nen a va inang lo ve. 'A bialnu a ṭan lutuk anih kha' a ti a, ka zawh chian lah khan a sawi buai deuh nuaih a. I sawi ṭha duh bîk bawk si lo, in hahthlak tlat" a ti mawlh mawlh a. Kimtei chuan chutiang zawng ber khera a lo sawi chu ka beisei lo asin mawle. "Nunhlimi thlavang ka hauh vang lam a ni lo, a ṭhiante vang anih kha" ka ti ta ringawt a. Insawifiah vak hi ka thiam zawng a ni thlawt lo a ni e.
Ka pa chuan kan thubuai chu rawn khaikhawm in "In buaina chhungril tak chu hrelo mah ila a upa zawk i nihna ah i nau chu tih lungawi vat tum la, sawifel vat ang che u. Ngaihzâwng tih vêl vanga unau intihbuai phei kha chu ka ngaihdan a ni hauh lo ania. Chhungkua hi dah pawimawh hmasak ber tùr a ni ngai. Nunhlimi hi i nupui chu ni sela ka hrethiam a, mahse i ngaihzawng mai chauh a la ni a. I nau nen intihbuai phah nana lo hman chu a ho viau ania. I nau pawh ka lo be ṭha ang a, in buai thui hma ib sawifel vat ang che u" a ti duah a. Nunhlimi an puh chhe dâwn riau a ka hriat avang chuan ṭul lo deuhin Nonoi chungchângte chu ka hrilh ta vek ringawt a. Chutia an hriat tâk ah chuan min hrethiam hnuhnawh viau mai.
"Inneih lamte hi in sawi ve tawh em?" ka Pa chuan a lo ti hluai a, rilruah awm ve rauh rauh tawh mah se chutia ka pa meuhin min zawh tâk thut ah chuan a zamawm ve duh khawp mai. Ka âw thian hmasa tê tê in "Msa te hian an zo fel phawt sela, ka sawi ṭhat pui ang" ka ti a. "A ṭhat chu, nupui nei lo rual i ni tawh lo bawk a neih tùr hmuh chuan neih hmiah mai tur" ka pa chuan a lo ti leh hluai a. Ka kawppui atân Nunhlimi an pawm thlap tih hriat chu a thlamuanthlak khawp mai.
"Taka....Helen-i te inneih pawh kha karleh mai hi a ni tawh a, engtia tih chi nge mawnle? Min rawn sâwm urhsun ve si a, han kal loh ngawt kha ni theiin ka hre bawk si lo" ka Nu chuan a lo ti ve hluai a, "Kan kal ve ngei ang chu" ka Pa chuan a ti tak na in kei chu kal ve pawh ka tum lêm lo. Ka lawmpui loh vang leh ka rilru nat vang lampang ni lovin ṭul ka tih loh vang a ni ber. Duh leh ka nu leh pa te chu kan chhungkaw aiawh in kal mai sela, ka duh tâwk viau mai.
Nilengin Nunhlimi nen kan inbe ta lo, ka buai chu thuhran nise nizana Apuia nen an lo inphur kher khan min ti hnual a, hmaichhanah law law sawipui ila a ṭha zawk ang. A ni pawh a reh zui hmiah a, a la lungawi lo viau ni tur a ni. Ka theihtawpin ka insawifiah tawh a, kha bâk bâk chu tih vak ngaihna ka hre tawh bîk lo.
Zanah chuan hna ka khawih hma in ka va call ta hram a, a la dâwn lo emaw ka tih tawh hnu ah a lo la ve ta hram a. "A tàwp a tàwp ah chuan min chhâng ve ta hram alawm" ka ti nghal hluai a. "I hmelchhia" a rawn ti ringawt a, "I hmelṭha anih mai chu a" ka lo ti mai a. "Titau ngît ngêt peih si" ka tih leh chuan "Nang pawh i lawm miah lo vang aw" a rawn ti bak nghal hlar a. A la lungawi lo hle anih ka ring. "Keipawh ka lawm bîk miah lo ania aw" ka ti ve ta nghut a, hmaichhana sawi ah ka khek viau na in ka insum duh ta bîk lo.
"Engvang ngawt chuan maw? I zak theilo e a" a rawn ti nghat a. "Apuia nen in inphur tih hrelo pawh ka ni bîk lo a" ka lo ti ve hmuk a, ka insehruh nghal ṭeuh mai. "Chutiang eng nge..." ti a insawifiah a rawn tum lai mêk chuan lo pawt chat in "Ka rawn lêng dâwn ania" ka ti thâwr a, "I buai lo em ni?" a rawn tih leh chuan " Sawifel tùr kan neih kha, ka lo phei" tiin phone chu ka dah ta daih a. Dik tak chuan hna khawih tur ka ngah lutuk, mahse Nunhlimi a pawimawh zawk tlat a ni.
An in ka va thlen chuan a chhûngte an lo awm miah lo va. "Khawnge?" ka tih chuan "U Akimi pà a dam lo va, an va kan anih kha. Keiin in ka lo nghak thung a" a lo ti ṭha ve mai a. Ṭhutkhawmna lamah chuan kan inzui phei nghal a, a rawn ṭhu ve mai dâwn emaw ka tih laiin "Thingpui ka'n lum ang aw" ti a a kalsawn tùr chu ka lo pawt ding a, "A ngai lo, sawifel phawt ang" ka lo ti tlang tawp a. A ner deuh nang nang mai. Ka bulah chuan ka pawt ṭhu a, thuawih tak chuan a awm ve mai bawk a.
"Le...insawifiah rawh" tiin ka melh nghal khui a, thil serious tak chu a nih ka ring lem lo na in ka hauh nat zia hi inhre hrim hrim sela ka duh a ni. "I zaklo e...min puh lêt daih suh aw" a lo ti bak hlar a. "Sawi tlang mai rawh aw Lalnunhlim...khatia phat buai vêl kha a ngai lo" ka ti hmuk a. "Ka hmingpum in min ko suh" a lo ti bak leh hlar mai. A thinrim te lah hi a vin ve ṭhak ṭhak ṭhin sia. "Anih chuan sawi rawh, Apuia nen chuan engvangin maw in lo chhuah dun a?" ngeiawm rawngkai lek lek hian ka ti a. "I sawi awmzia hi ka hre miah lo ania aw...khawiah mah Apuia nen khan kan inhmu lo e a" a vin ṭha leh ṭhak ṭhak viau.
"Sawi ṭha mai rawh...ka hre vek ania" ka tih leh pawh chuan ka thusawi awmzia chu a hriat loh hmêl tak tak a. "I tihsual vang mai khan min puh lêt tum suh aw...Apuia ka hnaih tawh ngai lo hrim hrim. Khati zawng kha chuan min ti miah suh" a ti fiah ta fak a. "Anih chuan tinge Msa khan a hmuh thû che u a sawi si?" ka ti ta nge nge a. Nunhlimi chuan "Awi...a zak thei lo e...khawiah nge min lo hmuh a?" uar zet hian a lo ti hluai a. "Kàwnah Bike-a in inphur lai a hmù che u, nizanah a rawn sawi vek alawm le" sawi fuh inti zet hian ka lo ti vat a. "Awi....a awihawm loh lutuk. Nizanah ka chhuak lo hrim hrim, kàwn chu sawi loh kan inkawt pawh ka pêl lo aw. U Msa chuan a hmu sual hle anih chu, keimah ka ni lo vang" a ti tán tán a. "Ni lo la a sawi lo vang" tiin ka lo ṭang ve tlat si. Kan inhnial bap bap reng a, a pha nasa mai sia. "U Msa chu bia ila a nimai lawm" min cho zet hian a lo ti nghat a. Chuti na nâ nâ chu tiin kan be ta poh a.
"Aw Hello" a rawn tih rual chuan " U Ms, nizanah kàwnah Apuia nen min lo hmù em ni? Hei U Hluzuala hian min puh chhe teh mai ania aw ka lâwm lo khawp mai" Nunhlimi chuan a lo ti nghal tán tán a. Rum zet hian min lo melh khai zui a, ka ṭawng ve hma hauhin Msa chu a be nghal zawt zawt a ni ber. Chutah Msa chu a rawn nui chhuak ta hawk hawk a, "A va han ã tak e aw...a lo awih elo?" a rawn ti hlawl mai. "Malsawmtluang...zawnga" ka ti nghal ṭhawt a, a nuih a lo za zual sauh mai. "Ka chhaih thinrim mai mai a, a lo awih anih dâwn kha. A a va han chhah mep mep tak e aw i bialpa hi chu" tiin Nunhlimi bawk chu a rawn be leh daih a. Phone chu ka hmet tàwp nghal hmak.
Nunhlimi, mahni inringtawk taka min melh ram ram tu chu ka nuih tlawn ta ringawt a, sawi tur a vâng duh kher mai. "Bum awlpa" min tih chuan "Tihpalh" ka lo ti ve nghal vat a. "Ka lungawi loh sa nen dawt thû hmangin i rawn lungawi lo ve khanglang a, min puh chhiatna tùr te chu i la zawng ve ngat ngat a. Nang anga lerh ka ni lo aw hmêlpawng " a lo ti leh zat zat a, a la lungawi lo ngang aniang min melh rum ṭha khep khep khawp mai. A bulah chuan ka va insawn ta ringawt a, chesawn a tum rual chuan lo kuahbet nghal vatin "Ka âtchilh lutuk vang vek che" tiin a nghawng ah chuan ka hmui ka nawr nghal vang vang a, a lo thaw chhuak hak mai.
Chutia rei tâwk fang kan awm hnù chuan "Ka la ngaidam miah lo che ania aw" a rawn ti hram a, mahse a thinrim lutuk tawh bîk lo tih chu ka hrethiam ve tho. "Insawifiah vak ka thiam tawh lo, mahse ka rinawm ve tâwk " tih ringawt in ka lo chhâng a. "Ka ning tlat, tinge hmeichheho hian an zuam em em che a" a lo ti ve ta thlawt a. Keipawh heihi ka zawhna chiah a ni. "Engtin mah ka awm ngai chuang lo, min zuam ve em em tawp ni berin ka hria" ka ti ringawt a. Ka inkharkhip ve nasat nen min zuam em em chhan hi ka hre miau lo a ni. "Hmeichhe zak theilo ah i tla nâ anih hi" a rawn tih chuan ka lo rum nghut a, mahse thinrim a lâk ngam chi pawh a ni rih lo. "Ka thiam loh a nih chu" ka lo ti ringawt a. A thinrim rei hlei thei ta bîk lo.
"Engtin nge thlalak kha i neih theih reng reng a?" ka tih chuan " I nau ṭhiante zingah khan hmêlhriat pakhat ka nei ve alawm, a status ka hmù a. Caption-ah 'Inhmeh tawp' tiin a lo hmang khanglang bawk sia. Ka tán i rinawm reng tih hre tho mah ila chhaih theiha i lo awm hrim hrim kha ka lâwm lo êm a ni" a ti ta duah a. A insawi thinrim leh dâwn a ka hriat avang chuan thil dang ka sawi pui ta daih a. Minute tam a liam hma in ka chhaih nui leh kar kar tawh.
Ka haw veleh Kimtei chu ka be ta ngat a, zîng lama ka pa thusawi kha ka la hre reng a. Chutihrual chuan a ṭhiante chungchangah pawh sawi ṭhat pui tùr a awm tlat. Ka biak tirh chuan min be ṭha duh vak lo va, mahse min hnuchhawn rei thei bîk lo. "Nunhlimi thlavang ka hauh lutuka i ngaihna kha chu ka thiam loh a ni. Mahse i ṭhiante pawh lo hrilh ṭha la, tun hnu ah chuan chin tâwk lo hre tawh rawh se aw. I thian kawm ṭhinte hi sawisel ka tum a ni miah lo. Mahse Nonoi'n ka laka a rilru puthmang in hre tlâng vek a, ngaihzawng nghet nei ka ni tih in hre vek bawkin ka ring a. Ngaihbel theih tùra awm ka duh hauh lo ania. I ṭhiante pawh status leh eng ilo vela fimkhur turin lo hrilh la. 'Kawm suh, kawm rawh' tih lamah chuan engmah sawi buai ka tum lo. In ṭhianho inkara rawn inrawlh lah ka tum hek lo. Mahse la nula chho ṭan tur chauh in ni a, tuna in rilru puthmang hi Nula puitling in nih hunah chuan in pu reng bîk dâwn lo va. Nakina in zah loh nan tun aṭang hian in inkawm danah pawh fimkhur rawh u" ka ti ta duah a. Chutia ṭha taka ka hrilh tâk ah chuan a lo haw tawh bîk lo.
"Ka lo hrilh ṭha dâwn ania. U Nunhlimi'n a status a hmuh theih kha chu Veni anih ka ring. An inhre ṭha ve pangngaiin ka hria a, Veni hian a sawi veleh zeuh ṭhin a. A status khan hetiang in a lo ngai dâwn tih a ring pha bîk lo aniang" a ti ve ta nge nge a. "Nizan lama ka ṭawngkam avang khan ka thiam lo a ni, titau tawh suh aw" ka ti dam leh thluam a. A bu deuh nghat nghat mai. Kan unau hi kan intibuai khât khawp mai a, kan inhnial buai ve chhunah pawh ka thlêm thiam ngai lo. Ngaihdam dil pawh ka tum ngai lêm chuang lo va. Hun a kal deuh a, kan inngeih veleh mai zel a. Mahse tun ṭum chu hetia sawifel hi a ngai ve tlat a ni.
"Keipawh U Nunhlimi chungchanga ka ṭawngkam avang khan ka thiam lo a ni. A dinhmunah khan ding ta ila, ka awm ve dàn tùr tho a ni" Kimtei chuan a lo ti ve ta nge nge a. Ṭha deuha ka sawipui meuh chuan kan buai thui ta bîk lo e. Social Media kan hman danah erawh chuan ka ngaihtuahna a kal thui khawp mai. Status ka update kawngah te hian fîmkhur a lo ngai khawp mai ka ti ta. Tuna kan buaina ang hi chu a la fel mai thei zawk a. Mahse fimkhur phah nana hman erawh a ṭha khawp ang.
Msa nen kan inhmuh leh hmasak ber chuan ka hau nghal pang a. "Fiamthu ah pawh chin tâwk a awm a, khati zawng kher kha chuan min fiam tawh miah suh. Tlem a tlem ah kan buai thui ṭep alawm" ka ti hluk hluk a, a nui leh ringawt chu duh lovin "Nui ringawt zel suh. Khati zawng khan min han fiam leh na teh i châk lo viau ang aw" ka ti leh hluk a. "Chhaih kual hi i nuam ve êm alawm, i awih hma thei ropui si" la nui ṭeuh chung chuan a ti leh hram a. "Hetianga i awm reng dâwn chuan in inneih hunah dinpui tùr dang zawng rawh" ka lo ti hmuk a. A nuih a la za zual sauh mai. Mahse a hnù deuhah chuan ngaihdam min dil leh hnuhnawh a.
"Tak taka khatiang em em khan i lo ngaih serious ka ring lo va ka thiam lo a ni. Uang peih ta reng reng chu chhaih thinrim che kha ka châk tlat pek alawm mawle. Ka ti tawh lo vang, in inṭhen tak takte chu a hlau ber pâwl alawm ka nih le" a ti ve ta nge nge a. Rilru té leh zau lo nih hi ka duh miah lo, mahse min fiam dân kher kher kha chu a zawngchhang tlâk viau lo a ni. Nunhlimi nen kan inkarah chuan thil engkim hi a lo sensitive tawh ṭhin si a. Kan thîk thû a chhe dunin kan inhauh na ve ropui si, khati zawnga fiam chi kha kan ni vak lo. Kan pahnih inkara kan han inchhaih zeuh hi chu thuhran ania.
Helen-i te inneih ni chuan ka Nu leh Pa te'n an va telpui ve hram a. Tukṭhuan kan ei laia an sawi kha chuan ṭul lo ka tih thû ka sawi chhuak nghe nghe a. Mahse ka pa in "Min lo sâwm ve si a, an zahawm alawm. Chuloah kha chen in lo inkawp ve tawh a, in inṭhen tâk avanga inhuat zui kher a ṭul lo. Min lo sâwm miah si a, kan va kal ve aniang chu" a ti bur mai a. "Inbiak ṭhat zui zel pawh a ngai chuang hlei nem" ka lo ti ve nghut a. Ka huat em em chhan an hrechiang bawk a, kan tàwp chhan lah khati kha a ni a. Min dem em em hran bîk lo vang.
Office ka ban veleh ka Nu chuan an inneihna kalna chungchang te chu min lo hrilh zung zung a. "A pasal kha an sawi kalhmangah an khawsa thei hle a ni àwm a. Helen-i chuan a thur chhuak ṭha khawp mai an ti nghe nghe asin. Sum hi chu a ber ni lo mah se tunlai chhanah chuan inneihna ah pawh hian hmun pawimawh tak a lo chang tawh anih hi. Helen-i Nu nen pawh kan inhmu a, a hlim khawp mai. An duhtak an nei a ni chêk ang chu, an lawmpuiawm " a lo ti duah a. Ka bulah chuan a rêl duh chiah si lo va, mahse a ei ta vak bîk lo niin ka hria. "U...a pasal ai khan i chhelo daih zawk" Kimtei'n a rawn ti ve thung a. "Engtin nge i hriat a?" ka Nu in a lo tih chuan "Awww...thlalakah ka hmù...khatiang patling deuh tawh lehnghal engtin nge a duh theih le aw ka lo tia. Mahse i sawi kalhmangah sum vang aniang" Kimtei chuan a lo ti vat a. A inthiamlo leh deuh nge ni "Aaa...inhmangaihna vang bâk chu a ni thei lovang" a rawn ti leh hnuhnawh a.
Sum hi a pawimawh a, tunlai chhanah hmeichhe ding phei chuan mipa innghahna tlâk lo chu an nei duh tawh lo tih ka hria. Va dem ngawt theih pawh an ni lo, an dinhmun aṭang chuan a àwm hliah hliah. Mahse mipa khawsa thei deuh hlek, hmel leh pianphunga chhuan tùr nei miah lo an han nei a, "Sum vang aniang" an lo ti nghal ringawt hi chu ṭha ka ti chuang lo. Chutihrual chuan sum vang ngawr ngawr a nupui pasal a insiam hi chu an awm ve tih hai rual a ni lo. Helen-i te pawh chutiang chu an ni ka tihna kher ni lo in a nu mizia aṭang hian ka tinzawn thei mai.
Ka Nu chuan "A inneia te ber an hlim chuan a ṭha a ni mai a, kan lo sawi phâk a awm ve tawh si lo a le. An lawmpuiawm khawp mai" a lo ti vat a. "Kei chu chhelo bawk si, hausa bawk si, ka hmangaih ngei, min hmangaihtu ni bawk ka la nei ang" Kimtei chuan a lo ti veleh hram a. "I duhâm emai a" ka pa in a lo fiam zuk a. A ṭawng tikal tâwk lekin a fiam fuh a ni chêk ang chu a duhthusàm ang mipa a sawi zui zat zat a. A tàwp ah chuan "A û ang hi ka duh, mahse boring lo" a lo ti kher a. "Ka boring lo" ka lo ti vat tak na in a lo ṭang na khawp mai. "Hnaah i bur chawt a, i hlimawm loh emai, i zei loh hmel ropui si" min ti erh a. Ka lo nui ringawt. Ka bialnu a ni miau lo va, a hrelo mai mai a ni.
"Eng nge a awmzia?" ka kuta chêng hnih a rawn hmehbel rual chuan ka lo ti hu a. "Ka ràlna che anih kha" nui rah rah chung hian a lo ti a. A va han nghal mai mai tak. "Sual thiam si" tiin a bengkâwmah chuan ka seh zeuh a, a zà ti chu a lo tãl nghal nghek mai. "Duh tâwk teh" nuih chhuah hlau zet hian a lo ti ṭawk ṭawk a, ka duh tâwk ve ta hram. A chhûngte tih harh palh hlau lo ila ka duh tâwk miah lo vang mawle.
"I theihtâwp hi chuan i nghal ve alawm tiraw?" ka ti a, a kut no zet chu ka khalh pah bawk a. Mitmei vèn tùr an awm lo bawk nen inhnaih fe hian kan ṭhu dùn a, a chhûngte mu hma ṭhin hi chu kan vanneih pui ve ngawt mai. "I rilru engtin emaw tal a na ve tho em?" a rawn tih chuan ka lo rum nghut a. "Sawi tlang tawp rawh, ka rilru a na miah lo vang" tiin min rawn en chho ta deuh deuh a. "Na teuhlo" ka lo ti hmuk tak na in "Ka awih lo e" uar zet hian a lo ti vak a. Rilru na tlat tùra min ngai chu ka duhlo kher mai.
"A na lo tak tak alawm mawle aw...chuloah rilru nat chhan tur pawh a awm tawh hlei nem. Ka ngaihzawng pawh a ni lo va, ka ngaihzawng hlui mai chauh ania. Duh reng chunga inṭhen lah kan ni hek lo va, rilru natna chhan tur pakhatmah ka hrelo e a" ngaihsam zet hian ka lo ti zung zung a. Ka rilru hriat tum ni âwm taka chîk chuan min lo melh kar a. "Min en char char rawh, rilru natna engmah i hmu tawp lo vang" ka lo ti nghet leh churh a. A ngaih a ṭhat hmêl ta kher mai.
"Zêp miah lohin Helen-i kha nupui atân i ngaihtuah ve ṭhin tho em?" a tih chuan " Ngaihtuah ngai meuh lo" ka lo ti vat a. Ka chhâng rang mah mah a ti deuh nge min lo en leh ha a, ka tán zawhna harsa a ni miau lo a ni. Thudik takin ka chhâng bawk, mak deuh mai chu kha chen lo inzui ve si kha nupui atân tak tak hian ka lo suangtuah ngai miah lo va. Mahse hunlai kha chuan ka iai miah lo tih tun hnu hian ka hre hnuhnawh mai chauh a ni. Min bum kher lo phei sela chuan ka rinna zawng zawng ka nghat ang mawle. A nungchang ṭawp ru zet kha a lo thup hneh êm bawk a ni.
"Zanin aṭang chuan midang ta dik tak ani tawh dâwn sia, i rilru a na miah lo maw?" a rawn ti leh hram a. "Ka ta i nih hun tùr ka nghakhlel tawh zawk" ka lo ti daih a, a lài ngang mai. "Kei chu inneih hi ka zak e a" a tih chuan "Timaw?" ka lo ti vat a. A chhan a rawn sawi chiah chu ka nui lo thei lo. "Saruak vekin min han hmu dâwn ania, ka ngaihtuah zawng ringawt pawhin ka rãp. Kei chu mahni chauha ka awm a, ka inbualte pawh hian ka taksa hi ka en ṭha ngam ngai lo ka zak tlat. Mipa hmaa saruak veka awm phei chu ka rãp lutuk ka zak dâwn emai" a lo ti duah a. Ka ngaihtuah loh lam daih anih avang chuan ka lo nui hawk hawk a.
"I va han ngaihtuah thui tak" ka tih chuan "Ania lawm, a zahthlak dâwn em asin saruak a min han hmu tur chu" a lo ti leh vat a. A mitthla a ni chêk ang chu, a rawn mur chuaih chuaih a. A inthing nak nak mai, "Min hisap a nimaw" ka lo ti fiam a, ka bân puam a ti nghal ṭawk mai. "I ngaihtuah nasa mai mai anih kha. Nupa nih hunah te chuan a zahthlak tawh dâwn hlei nem. Pumkhat kan ni tawh dâwn a, zahna tùr engmah a awm tawh lo vang" thutak deuh zawk hian ka lo ti sup a. A engamah hmaa a huphurh lutuk chu a khawngaih thlak zawk. "Ka tihpui ve miah lo ang che" a rawn ti leh deuh deuh a. "Ka zei alawm, i insum thei lo vang" ka tih chuan ka bân a rawn ri leh ṭawk mai.
Sawi hreh sit set hi a nei lêm lo va, a zakzum ru viau lawi a. Hei takte hi a duhawm rûk riauna a ni tlat lawi si. Ka nupui ah ka nei lo anih chuan a mak viau ang.
____________*__________*___________*_________
(A hmâwr kan va han bâwk teuh tawh êm!)
Show post links
Top
Link: | |
BBcode: | |
HTML: | |
Hide post links |
Nun tihlimtu Lalnunhlimi
By CVL.Awmpuii
Chapter 28
Kâr thar kan chuangkai a, Msa te inneih ni kan lo thleng ta dêr mai. Kâr hmasa aṭang tawh khan kan buai mup mup tawh a, kan inah pawh awm ṭha hman lovin an inah ka tap deuh chawt a, office ka kal hman ṭawk a ni ber. Ka dinpui dâwn avangin a thiltih apiang deuh thaw ah ka tel ve zel a ngai a. "Ka neih ve hun chu i buai ve ngawt ang" tiin kan in vau reng mai a ni.
Biakin hawng a innei an nih chu thuhran, mo leh mo nei tute aṭangin vua leh vâng an ngah hrim hrim a, an inneih inkháwmna min rawn telpui tute pawh an ṭhahnem ngang mai. Ṭha takin ka tih tùr ka hlenchhuak ve thlap a. Ka beisei ai daihin Msa a zâm pek a, zungbun an in bun tir dâwn lâi te khan a khùr velin ka hria. Zirtei pawh nidang zawng aiin a rawn lang ṭha a, mahse ka mit latu ber chu Nunhlimi a ni leh tho. Mo nei tute theme lam rawn ṭawmin kawr sen duk nalh zet hi a rawn ha a, puanvar, a sen duka inrin simple zet a rawn bih leh tawp bawk a. Hmeichhe incheina hi ka lo chîk em em ngai lo va, mahse tun ṭum Nunhlimi incheina zet chu en nin har ka ti, a zahawm vei khap reuh si a. A sam chu awmze nei zet hian a bâwk tawm a, a nghawng lang var haih te chu hmuhnawm tak a ni.
"I va han chhelo tak" ka dàrah min rawn bêng thak a, a nui var var bawk. "I chhelo daih zawk, en nin i har" ka lo ti ve vat a. A nui har har mai. Inneih inkhawm leh mo lawm programme kan zo vek tawh a. Ruai ṭheh chauh kan hmabak tawh bawk nen zalên takin kan awm ve tawh a. Ka lo ṭang ve hlê ni tùr a ni chutia pâwn boruak thianghlim ka hîp ta leh mipui zi nuaih nuaih kâr aṭanga ka bibo ta chu ka thaw huai thei.
"In tihsual ka lo hlau lutuk a, en pawh ka lo en ṭha ngam lo va" a tih chuan "A nupui nei zawk pawh ka ni lo va, eng nge maw i lo hlauhthawn viau ni?" ka lo ti ve mai a. "I zâm miah lo em ni a? Ka rin ai daihin i rawn confi" a tih leh chuan "Zâm chhan tùr a awm hlei nem, kan inneih ve hunah phei chuan ka nasa viau ang" nui hawk chung hian ka lo ti a. A lo ner nasa mai. A hnara piai zeuh in "I chhelo thlawt, mo zawk emaw ka ti dawn che alawm. I kawr hâk rawng pawh i inhmeh, i mawi a ni tawp mai vawiin chu" tiin ka fak zui luam a. "Vawiin kher lo pawh ka mawi aw" mahni inringtawk zet hian a lo ti a. Insûm hman lovin a hmuiah chuan ka zuk fawp zauh a, a hawi kual nghal ruai mai.
"I va han ã tak, a hun lo lutuk. Miin min rawn hmu mai tùr asin" a lo ti hlak hlak a, "Min hmu lo tih ka hriat vang alawm ka fawh che. Duh chuan kha aia thui pawh kha ka la ti thei" mit siai zeuh pah hian ka ti a. Min ei loh hmel ngang mai.
"Hetia awm reng chu a ṭha lo, an lo zawng ang che lo kal rawh chho ang" a tih tâk ah chuan ka lo hnial bîk lo. Inchunga kan chho leh chiah chu mipui zi nuaih nuaih nen kan inchiahpiah lehnghal a. Nichin khan boruak hîp ka duh lutuk avangin inhnuai balcony-ah Nunhlimi kha ka chhuahpui daih a. Awm reng theih ni sela chu awm reng pawh ka hnial lo mawle.
Ruai kan ṭheh zui nghal a, ka chau ve deuh nge ni ka rilṭam ang aiin châw ka ei hnem lo. Chawei kham aṭangin kan buai zui leh nghal deuh chu a nimai. Mikhual neuh neuh an tam ve si a, mo leh mo neitu chibai duhtawk mai lovin an ṭhiante kan tel ve zel bawk si. Zanah chuan an thilpekte hawng in hun kan hmang leh a. Hetiangah hian mo ṭhian leh mo neitu ṭhiante hi an thilpek dawn zinga an duh ber an thlan tir ve ṭhin a. Mahse a hming mai a ni a, thil ṭha tak an in lâk sak ngai lêm lo. Keipaw'n an dawn hnem ber no set khat chu ka la ve tawp a. Thilpek an dawng ṭha hlawm khawp mai.
Kan buai mep mep bawk a, in ka haw a ka mut hman meuh chuan dár 11 a lo ri thuak tawh a. Chau viau mah ila Nunhlimi ka be leh hram a, zanin khan a lo kal veleh dâwn emaw ka ti a, mahse in nghah a ngaih avangin a lo lang leh ta lo kha ania.
"Awi...i chau àwm sia, min lo biak pawh ka beisei tawh lo va, i mut nghal ka ring a" phone a lâk rual chuan a rawn ti nghal zung zung a. Chau viau mah ila a âw zâng vah ka han hre leh chiah chu ka hahdam sawng sawngin ka hria. "Inneih hi a lo namai lo anih hi" ka ti sup a, a lo nui hak mai. "I phûr lo sawt lo maw?" a rawn tih chuan " A neitu zawk chu ni ila phûr chhan tur lian tak a awm zawk a. Mahse a neitu zawk nih bawk si loh chuan a chauh thlâk " ka lo ti ve vat a. A rawn nui leh hak hak mai. Rei vak lo kan inbia a, ka chau ve bawk nen naktuk office ka chàwl thei bawk si lo mut vat ka mamawh tlat a ni.
Ka lo chau ve hlê aniang zingah chuan office kal dâwn tê ah ka tho harh peih chiah a. Châw pawh ei hman lovin in ka chhuahsan a, min ngaihtuah êm avangin ka Nu chuan tiffin min siam ta tho a. Office ka va thlen chuan an lo awm kim ṭhap tawh mai. Nimin inneihna lampang min lo zawt hlawm a, ṭha takin an zawhna ang ang chu ka chhâng ve mai bawk a.
"Engtikah nge mo neitu i nih ve ang aw?" Pi Tei'n a tih chuan " A rei tawh lo vang" ka lo ti vat a. Nui vur vur mah ila ka thutak ru viau. "I nupui man tùr kan tum ang" an lo ti ve sap sap hlawm a, min chhaih zui nak nak a. Remi lo awm ve reng pawh chu ka ngaihsak hran lo, kan thusawiin a zir êm vang nge ni a kimki deuh tlat a hriatna ka nei a, ka pawiti lo nasa.
Tlãiah ka haw hma in Msa te in lamah ka phei tlang veleh a, nimin lama kan sulhnu an lo tifai vek tawh a. "Vawiin hna ka chàwl thei ngang si lo va, lo puih leh àwm tak che u anih nen a zialo tak tak a ni" tiin thupha ka châwi ve luam a. "Ekhai, min pui nasa mawlh mawlh tawh bawk alawm le inthlahrunna tùr engmah a awm lo ania" tiin min lo chhâng vat hlawm a. Tih tùr em em a awm tawh lo bawk nen reilotê ka ṭhut khawmuan hnù ah ka haw zui ve nghal mai bawk a. Msa lah chu a han inla nupui nei em em khawp a, min intihtheih khum nasa khawp mai. "Ka neih ve hun chu i hre viau ang" ka ti khur khur a, kan nui nasa khawp mai.
Nunhlimi nen kan inzui tluang zel a, hna lamah ka buai chho leh bawk nen inneih lampang sawipuina hun ka nei leh rih ta miah lo va. Mahse ka lo sawi tawh sa te kha a lo ngaihtuah zui ve ngei chuan ka ring. Buai atalangin an in ka lèn luh lohna pawh ni nga lai a ni tawh. Mahse min hrethiam em em a, kan inkâr a chhiat phah chuang lo. "I lo lèn ngun lutuk chuan min hnê palh ang, hetia in ngai tâwk leka awmte hi a ṭha" a ti ve ngei a. "Min ngaih loh vang anih kha" tiin ka titau der ziah a. Min thlêm a hnek in "Ngai vak lo" tihte chu min chhan duh dàn ania, nghal chikimi ka ti tawp mai.
"Ka lo lêng dâwn" ka message a hmuh rual chuan min rawn chhâng lêt nghal a. "Zanin chu i hman dâwn lo emaw ka tia" a rawn tih chuan "Hnathawh tùr chu a tam, mahse zanin chu rawn lên hmasak a lang tlat. Kan inhmu khât si ka ngai tawh che alawm" ka va ti duah a. Ka message chu a châng emaw tih tur a ni, "I buai chuan lo kal kher a ngai hlei nem" a rawn ti vat a. A inthlahrung niin ka hria, "Ka lo kal" tih bâkin ka chhâng tawh lo.
Ka phone chu dahin lêng tùr chuan ka intintuah ta nghal a. Khúa a vawt lutuk tawh lo bawk nen jacket pan tê ka hâk belh bâk chu ka awmhmun tawpin ka inthuam a. Ka Bike la chhuakin Nunhlimi te in lam pan chuan ka inkhalh phei ta nghal a. Ka tih ṭhin danin an in piah lawka dawr tê ah chuan ka pêng kàwi leh a. Ama thil tùr bakah Duatpuia thil ei tur nepnawi ka ken sak leh thlap a. A mut a hun tawh tih chu hre tho mah ila naktuk zingah Nunhlimi'n a lo pe ve tawh mai aniang chu.
An inkawta ka din rual chuan Door bell chu ka hmet nghal a, an lo hawng mai dâwn emaw ka tih laiin an rei zek mai. Nunhlimi call leh mai ka tum lai mêk chuan amah ngeiin a rawn hawng ta a. "I va lo hawng har" ti a luh mai ka tum chu min lo nuih tlawn a, a lan dànah chuan dik lo a awm tlatin ka hria. An inchhung ka lût chiah chu ka beisei loh deuhte pahnih ka hmu hlawl a, Nunhlimi ka va melh nghal zawk a, min lo melh ve chiah a. A hmui pet in min rawn nuih tlawn tawp a. Inthunun tum viau mah ila ka lâwm loh zia chu ka hmel aṭangin a hrethiam vek ang.
John-a leh Apuia lo lêng chu ka lungawi loh chhan ber pawh a ni chuang lo. Zanina lêng ve tùra min duh loh chhanah khan ka puh deuh a. Kawngkhar a rawn hawn har em em chhan leh min nuih tlawn nghal ringawt chhanah te khan ka puh lo thei lo. Nunhlimi nen kan va inzui phei chu Apuia chuan ngêng zet leh min tham lo zet hian min lo en nghal a. A hmaa ka hnekna aṭang khan a la inzir chhuak lo aniang. Ka inhumruh leh nghal ṭeuh a, inthunun ka ngai nasa hle dâwn a ni.
Nunhlimi chu a dinhmun a lài hle tih a awm dàn aṭang chuan ka hrethiam mai a, mahse a awm nawmna tùra thlamuan ka tum rih lo bur. "Thingpui ka'n lum ange" tiin choka lamah min pheisan ta daih a. Mipa pathum chu ngawi rengin kan lo ṭhu ta ṭhap a. "U Hluzual, inhmuh a va khat ve i dam ṭha maw?" rawn titu chu John-a a ni. A ṭhianpa hi ngaina lo viau mah ila ani hi chu misual a ni lêm lo tih ka hria a. Nunhlimi tán pawh ṭhian ṭha tak a niin ka hria a, biak chhiat ka tum hran lo. "Dam alawm, i dam zawk maw?" ka lo ti ṭha ve mai a. Apuia nen kan boruak rit zet chu a hrethiam ve ania nge a titi berah a ṭang a. Ka lo zawm ve zauh zauh a, Apuia erawh ngêng zet hian a la ngáwi ngul mai. Min melh dân tham lo zet lah chu ka ngai thei dêr lo.
Nunhlimi thingpui lum pawh a thingpui lum nen chuan a lo phei veleh vat a. Ka bula rawn ṭhu mai lo va ka ep chiaha a rawn ṭhut chuan ka lo rum nghut a. Tim dai hian min rawn melh a, ka bula ṭhu tùr chuan ka mitmei nghal a, a lo kal ve mai bawk a. John-a te ṭhian dùn chu kan sirah an ṭhu thung a. Kan boruak rit ru zet chu kan hrethiam tlâng vekin ka ring.
"Nipui kan chuangkai chho ṭan dâwn sia, a lum leh dâwn mange" kan boruak tih zângkhai tum tak hian John-a chuan a rawn ti hluai a. "U Hluzual, office lam in buai viau lo maw?" rawn ti leh in min lo biak tâk kherah chuan ka chhâng zui ve mai bawk a. Kan titi chho leh luam a, kan hun tawn in a zir vâng nge kan boruak ti zângkhai tura titi vawrh tùr chu a hre kher mai. Darkar chanve ṭha zen zawn kan awmho tâk ah chuan haw a rawt ta a. Mahse Apuia'n a lo hnial ve ta tlat mai "I duh leh lo va haw rawh, ka la awm dâwn" a ti tlat a. Ka duh ai chuan a ngampa mah mah a ni. Ka awm dàn hriat tumin Nunhlimi chuan min lo melh ve vat a, ka lungawi loh zia a hmu thiam vek ang.
John-a chuan "A mak e, chance pêk ve te an ngai ang chu" fiamthu ti tak deuh hian a ṭhianpa bulah chuan a lo ti vat a, a nui pah vur vur bawk a. Hei pawh kan boruak tih zângkhai a tumna bawk niin ka hria. Mahse Apuia chuan "Ngaihzawngte hauh bur ṭhin mipa chu an inringtawk lo hle ah ka ngai" a lo ti ve salh a, tham lo zet hian min lo nuih suk a. He nau hi ka rin ai daihin a zâm lo tlat. Min zahna chhe tê mah a nei lo chu anih hi mawle. "Mi ngaihzawng lo beisei ve tlat hi a nêp" ka lo ti ve salh a. "Ṭhianpa haw teh ang" John-an a lo ti vat. Apuia nen chuan rum el ul hian kan inmelh a, Nunhlimi hlauthawng hmel leh inring renga a awm hmel chuan ka dawhtheihna a thunun hram hram a ni.
"Ka tih theih i hria ang" tiin Apuia chuan min la vau ve khanglang zui a, tham lo zeta lo nui in "Tih theih i nei lo tih ka hria e" ka lo ti ve hmiah. A inhumruh vak a, naupang khin lêt hi ka duh ngai lo. Mahse he nau hi chu zirtirna pêk hlak a ngai ani. Ṭawng a rawn tum leh lai mêk chuan Nunhlimi a lo inrawlh ta vat a. "Apuia, min hawsan tawh mai ru" a lo ti fiah fak a. Chutia ani berin thu tàwp a rawn siam tâk si ah chuan tih vak ngaihna awm hek lo le. Rum zeta min melh leh fe hnuah an inzuichhuak ta chauh a. John-a inthiamlo hmêl erawh kha chu ka hmu ve reng a, a ṭhianpa kha a hau zui ve turah ka ngai.
"Ka tihpalh" a engamah hma in Nunhlimi chuan a rawn ti nghal tawl pek a. "Kha vang kha em ni ka lo kal i duh loh?" ka lo ti thung a. A ngawih reng lai chuan "Kawngkhar pawh i rawn hawn har chhan kha a ni tiraw?" ka ti leh hmuk a. "I thinrim ka hlau alawm, an lo lêng tih kha i hriat chuan i thinrim dâwn tih ka hre sa a. An lo lêng dâwn tih ka hre lâwk bîk miah lo ania aw, an lo kal deuh thut a. Lo hnar ngawt thû a awm bawk si lo, ka ṭhiante an ni ve tho sia" a insawifiah nghal zung zung a. Ka hmaah kut khawih neuh neuh chungin a ding rân a. Fanu in thil a tisual a, a pa bula insawifiah ang hi ka tehkhin ber.
"Lo ṭhu phawt teh" ka bula ṭhutna ãwl bêng thuk chung chuan ka ti sup a. Ka awm dàn a lo hlauhawm mah mah nge ni min hlauh hmêl riau mai. Tim dai hian ka bulah chuan a rawn ṭhu a, "Min hlau suh" ka ti ringawt a, min hlauh hmêl riau alawm. "I thin a rim viau em? Ka tihpalh aw" ti hapin min rawn kuah ringawt pek a, ka lungawi loh hlauvin a lo hlauthawng hle anih dâwn hi! Ka khawngaih letling zawk khawp mai.
A hnungah chuan chûl hauh hauhin a chhipah chuan ka fawp nghal tâwk a, a hahdam ta aniang a lo thaw chhuak ham ham mai. "Ka tihpalh lutuk, nidangah chuan ka lo len tir tawh miah lo vang" a rawn ti leh a. A inthlahrun dàn em em chu Apuia sawi ang deuh khan ka lo hauh na mah mah em ni aw ka ti hial a ni. "A pawilo...i ngaih ang em em a lungawi lo kha chu ka ni lo ania hlauthawng suh" hnem tum tak chuan ka ti sup a. "Hetiang em em a han hlauhthawn mai chu, ka lo khuahkhirh mah mah che emaw ka ti dawn ania" ka tih chuan a lu a lo thing nak nak a. "Keimah hi alawm, huat thû chhe hlê si hi ka lo fimkhur lo lutuk " a lo ti vat a. A thiam lohna a pawm ta lutuk chu ka khawngaih lêt zawk hial a ni.
"A hrim hrimin tinge i va han hlauthawng em em ve a? Ka lung a âwi dâwn lo tih hre tho mah la khati em em a hlauhthawn tùr a ni hlei nem. Ka sual hmêl zo vek alawm" panvnvai tak chuan ka ti a, "Chutiang pawh a ni lo, Apuia kha alawm..." a rawn ti fan raih a. Eng emaw tak ka hriat loha thil thleng a awm niin ka hria. "Engtin emaw a ti che em ni?" ka tih chuan a lu a lo thing vat a. "Chutianga intih pawh a awm chuang lo, mahse nizan hmasa aṭang khan rui chunga min lo biak a chîng a. Ka lakah beiseina a nei tlat a, nang i awm tih hre reng chung pawhin min nawr lui tlat a. Hmaichhanah erawh engmah a ti ngam chuang lo, mahse phone-ah hian min rawn tàwng nasa thei lutuk a" a lo ti duah a.
"Kha kha alawm ka hlauh" ka lo ti nghal hmuk. A hma khan sawi lo pawh ka ni lo va, kan duh loh tùr te hi chu beiseina tlêm tê pawh siam sak loh tùr. Apuia te ang ngat phei chu zah a hre si lo, a ngêng in a inti pà ropui si a. Nunhlimi hi kei ang thovin a duh tih ka hre si, chan ngei tumin hma a la dâwn tih kha ka hria alawm. Nunhlimi chuan "Hetiang zawng hian kan awm ang tih ka lo ring pha lo va" a lo ti halh a. "A tirah pawh ka sawi chian viau kha, heihi chu i thiam loh a ni. I laka a rilru puthmang hre reng chung siin i chhuahpui reng a. Beiseina mãwlmang zet a nei anih kha" ka lo ti vat a. "Lo hria ila chu a tir aṭang khan ka be ṭha miah lo vang mawle" a ti niah niah a. A lehpek awm tawh lo tura fimkhur hle turin ka chah zui mawlh mawlh mai.
Thinrim a lungawi loh ka tum viau kha ania, mahse a awm dàn inthiamlo zet avang chuan ka duh ang pawhin ka awm thei ta lo. A engamah hma in a inthlahrung nghal em em mai chuan inenfiahna tùr min pe zawk hialin ka hria. A laka thîk thû ka pe chhe ṭhin lutuk hi sim ṭhen ka ngai a ni. A nun a ni a, thlah zalên chin tâwk ka hriat ve a ngai a ni. A tána ninawm chang tùr khawpin ngaihsak lo ila, ka tello a awm a thiamna tùr khawpin hlamchhiah lo bawk ila. Inngaihzawnna kawngah pawh hian chin tawk hriat zel hi a lo ṭha anih hi.
Kan ngáwi rauh rauh a, dip dâl tu awm lo ta chu mipa zawk ka nihna angin chêt ka la hmasa a. Ka fawh rual chuan min lo chhâng lêt ve vat a, zanin chu a thupha châwi nan a ti deuh nge ni thû a awih ṭha duh riau. Kan kal thui dâwn tlata ka hriat avang chuan inlahrang hmasa zawkah ka ṭang lehnghal a. "Kan inneih vat a ngai anih hi" ka ti hluk a, mipa tana thil hrehawm ber pâwl chu inthunun hi a ni. Nunhlimi chu a lo nui hak a, "Nui suh, a hrehawm teh ania" ka lo ti leh hluk a. Ti lui tih hriat fe hian ka âwm báwr chu a kut lawng in a rawn khawih ta deuh deuh a. "Nunhlim, min fiam miah suh" ka ti sehchilh nawk a. Thinrim vanga sawi ni lo mah ila ka awm dàn mumal lo zet avang chuan ka âw a chhuak hlei thei lo.
A inrin hma in ka malah chuan ka pawt kai ta nawlh a, a lo rãk ṭhat a, mahse a kâ a hup nghal vat mai. A dàr ah chuan ka hmui ka nawr nghal vang vang a, a âwm báwr ka dap nghal ruk ruk bawk a. "Hey...ti suh..." a lo ti tham chhal mai. "I cho chhuah anih hi" nui suk chunga ka tih chuan a lo nui ve hak a. "Kal thui miah lo vang aw" a rawn ti leh sep a. "Ka hrelo" hul zet hian ka lo ti ringawt a. Mipa leh hmeichhe awm dùn kan ni a, keimahni ah inhiptawnna a la nasa êm êm zui a. A tàwp thlen mai duhna ka rilruah a lo awm leh tawh. Nunhlimi pawh a inthunun theihna a hloh ve tial tial a, "Duh tâwk ang" ti chung siin a taksa chuan min hnar thei bîk lo.
A tàwp kan thleng mai tawh dâwn emaw ka tih laiin a lo indang ta vat a. Ka khawih lui lek lek a ni. Ka inthunun fe hnuah ka inlahrang ta chauh a, a kawr chu ka siam ṭhat leh vek bawk a. "Inneih vat kan ngai" ka ti leh nghut a, "Nia..." tih ringawt in min chhâng. A mitmeng de sawr sawr avang chuan ka fawp leh hrep a. Ka inthunun theih loh a hlau a nj chêk ang chu chhan pawh min chhâng ṭha ngam tawh lo.
"A tàwp min thlen pui ngam dâwn lo anih chuan vawikhat mah min chawk phûr zawngin khawsa tawh suh" ka ti mar pât a. "Ka fiam ve mai mai che anih kha, khatiang zawnga cho chhuah che ka tum vang pawh a ni hlei nem" a lo ti ve bai bai a. "I bialpa ka ni hi chu vannei inti hle rawh, mipa dang chu nise an insum thei tawh lo vang" ka lo ti leh khawl a. "Mipa dang chu ni la khati khan ka fiam teuh lo mai che. Min khawih chhe phal dâwn lo tih ka hria alawm" mahni inringtawk zet hian a lo ti khauh a. Min ring tâwk lutuk chuan keimahah inrintawkna tam tak min pe a. A rinna chu tih chhiat sak ka tum lo bur.
Ka haw hma chuan inneih chungchâng bawk chu thutak zawk hian ka sawipui leh a. "I tih dân dân a nimai" a tih chuan "Kan pahnih thuthlukna tùr ania, ka tih dàn dàn a nih bikte chuan a chi nang" ka lo ti vat a. A ngawih vang vang hnù ah "Inneih chu a ṭha ve tho mai" a rawn ti leh a. A hmin lo riau a ka hriat avang chuan "I duh chuan ka la nghak thei che ania" ka lo ti vat a. A kum a la naupang a, a harhvang chi a lo ni bawk nen nulat a kham loh a hlau niin ka hria. Mahse "Aih chutiang pawh a ni chuang lo" a lo ti leh lawi a. "I hmin lo tlat" ka tih chuan "Ka zak alawm" a lo ti bak hlar a. Hman zana inneih a hreh chhan a sawite kha ka ngaihtuahna ah a rawn lût nghal zawk a. Insûm hman lek lovin ka nui chhuak nghal huk a, min lo melh rum ṭha ngang mai.
"I ngaihtuah thui lutuk anih kha, a hunah te chuan i zak teuhlo" ka lo ti vat a, min beng pawp ringawt a. A nungchang pawi sawi lo lutuk leh hetiang kawnga tawnhriat a la nei lo lutuk hian alawm min ti phûr ru tlat ṭhin. "Ka zei bawk sia, a hunah te chuan i indawh lo phal lo vang" ka tih leh chuan "Khatiang sawi chi pawh a nih loh kha aw Rohluzual" a lo ti bak leh hlar a. "Nuam i ti ngawt ang" ka ti leh hram a, "I hur anih mai chu a" a rawn ti ta chiam a. A tlâwm duh bîk bawk si lo, chhang zui tawh lovin ka nui ta hawk hawk ringawt a. Min la melh rum ve râm ram khawp mai.
A tukah chuan tukṭhuan kan ei laiin ka chhûngte bulah palai tirh ve mai ka duh tawh thû tlang takin ka sawi a. An lo phûr ngang mai. Ka pa phei chuan nakzanah tirh nghal rum rum mai a duh a, mahse Nunhlimi min ngenna angin "A chhungte lo hrilh hmasak ve deuh hlek a duh a. Karkhat chu hun a duh ve ang" ka ti a. An lo hrethiam khawp mai. "Nonoi rilru a na àwm mange " Kimtei chuan a lo ti daih thung a. Ka Nu leh Pa te hrilhai hmêl chu hmu zui nghal in "Nonoi khan a û hi a ngaizâwng alawm" a ti khauh a. A sawi zui siam siam a, Nonoi a khawngaih thû chu a zêp lo ve khawp mai. Ka tán erawh lo sawi ve mai tùr a vâng.
Ka Nu chuan "Tleirawl lai star hi chu kan la na a, mahse khuarei ah eng a ni tawh bîk lo ania" a lo ti vat a. "I û chu a va luck ve aw" ka pa chuan a lo ti daih thung a, a nui vur vur bawk a. A thengthawngah a thawk pha ve vak lo aniang.
Kan lo sawi lâwk tawh ang ngeiin palai chu kan tir ta ngei a. A vawihnihna ah engkim kan sawifel nghal vek a. Inneih ni tur nen lam kan ruat fel ta. Nunhlimi nen kan inkar pawh a hma zawng aiin a ṭha a. Kohhran lamah lehkha kan theh lût tawh bawk nen kan inneih tur chu hrelo pawh an awm tawh lo vang. Inbuatsaih nan thla hnih lai mai kan nei a, ka duh dàn chuan thla khat tâwk chauh ka ti a. Mahse Nunhlimi te lam an duhthawh ve deuh a, an duh danin kan kal tlang ta mai kha ania.
Kimtei sawi lâwk ang ngeiin Nonoi chuan a lo la na phian ania nge, message min rawn thawn leh duah a. Kan innei tùr min lawmpuina thû a ni hlauh thung a. Mahse hrehawm a tih ve zia pawh a rawn zêp hran lo. "Pathianin mipa ṭha tak min la pe ve em em ang tih hi ka ring tlat ani" a rawn tih chuan min hneh riau a. Naupang tê mah nise a inrintawk bakah Pathian a ring tâwk ka ti a. Amah duhna rilru nei lo mah ila ka hmuhsit phah hauh chuang lo. Min duhna chu zahawm ka ti a, ka laka a rilru puthmang hre vek mah ila ka zuam phah lo va, ka hmuhsit phah hek lo. Min lo biakna ah hmuhsitna tur engmah a awm lo va. Hmeichhia in a mipa duh tak a tawng a, a rawn inpuang a, a rawn inbunruak ve ah ka ngai hmiah mai.
Nunhlimi te ina ka lèn ṭum chuan Nonoi message chu ka lo Delete theihnghilh pek a. Tunlai tê hi phone min khawih sak a chîng thar a, ka whatsapp erawh a check ngai loh tehlul nen zanin bekherah a lo lût fuh a. A hmu fuh ta si, a chhiar tur chu dan viau ka tum nâ in a ngaih kawih ka hlau si a, ka enliam ta tawp a. A thinrim ka hlauh tehlul nen Nonoi a khawngaih thû chu a rawn sawi chhuak ta hlawl a. Ka lo thaw huai mai.
"Mihring te hi chu kan mak ve e tiraw. Min duh ngawih ngawih tute kan duh lo va, kan duh ngawih ngawih te'n min lo duh bîk lo va. Kan duh miah loh te kha mi duh ngawih ngawih te an lo ni veleh mai a. Kan kual vêl mai mai ni hian ka hria. Mahse hetiang kara induh tawn taka nupaa insiam thei te hi chu an ni lawh ka ti" a ti duah a. A sawi dik ka ti khawp mai. Nonoi pawh hian ama tawkah beisei tu chu a hmu ve tho ang. Mahse keimahah a rilru a awm tlat a, kei lah Nunhlimi ah ka rilru a awm tlat thung a. Apuia pawh chutiang tho chu a ni. Kan kual kan kual a, kan duh tak te'n min lo duh lêt ve tlat hi chu nihlawh tak kan ni.
"A tàwp in thleng dâwn ta maw...?" number hlang aṭangin message ka dawng a. A dp ka en theih avang chuan ka en vat a, Remi a lo ni. A number kha Nunhlimi'n min block sak hmak a, number dang aṭangin min lo bia tih ka hrethiam nghal mai. "I lo kal ve ngei dâwn ania" ṭha tak chuan ka lo ti ve mai a. Biak chhiat a pehhel vak ka tum tawh hran lo. Kan inkarah buaina a thlen pha tawh dâwn chuang lo bawk a, intihbuai tir ka tum tawh lo bur.
"U Hluzual, i tán hian engmah ka ni ve lo anih hi tiraw?" a rawn ti ṭha leh a. Kan office-ah a thawk tawh lo va, hnathawk thar kan lâk aṭang khan a reh zui ta vang vang a. Tun hi phone kaltlang paw'n min rawn hnim hnaih leh vawikhatna a ni. "Nunhlimi nen kha chen in lo inkawm ve tawh a, kan inneih thutiam chu min lo hriatpui ve hram ang chu " a zawhna haider in ka va ti leh daih a. A rilru tih nat sak chu ka thil tum pawh a ni chuang lo. A tána ka rem loh zia hi hrilh tlang dawt lo mah ila, hrethiam se ka duh êm ani.
"Nupa hlim tak in ni chiah ang maw?" a rawn tih leh chuan ka chhâng zui tawh lo. A rilru kàwi zet kha a rawn phawrh chhuak leh dâwn tlata hriatna ka nei a. Hetiang hi chu khing lêt miah lovin ngawih san daih ila, an daih rei lo berin ka hria. "Midang nun in tichhe vek a, in hlim bîk kherin ka ring lo" a rawn ti leh hram a. Eng rilru chiah nge a put pawh ka hre tawh lo. Tlàwm ah a la tawh zozai lo emawni ka ti hial mai. Mi pangngai tán chuan hriatthiam a, min kalsan vawng vawngna tham a ni tawh asin mawle. Ka sualin a beisei tur anga ka awm loh tehlul nen min rawn la be buai zel peih hi mak ka ti takzet a ni. A nun kan tih chhiat vek lah ka hre hek lo. Remi hi chu hetia en liam tawp chi hi a ni ta berin ka hria.
"Bawiha, ngaihzawng dang i neih lai rengin Nunhlimi nen hian in inkawp em ni?" zanriah kan ei lai chuan ka Nu in a rawn tichhuak hlawl a. A zawhna mak sak zet avang chuan ka chawei ka hâk ṭhelh a ni. "Eng nge i sawi awmzia? Chutiang engmah a awm hlei nem" ka lo ti vat a. Ka Nu chuan "Mi sawi ka hria a, Nunhlimi ṭhiannu nen an inngaizawng hmasa a, a hnù ah Nunhlimi nen an lo inkawp ru reng a tihte a ni nuk mai. Chutianga i khawsak chu ka ring chiah si lo va. Mahse miin an lo sawi tlat bawk sia" a ti niah niah a. A thusawi ah pawh chuan a chiang bîk chuang lo aniang a sawi buai nuaih mai.
"Dawt anih chu, Helen-i nen kan inṭhen hnù khan Nunhlimi bâk hi hmeichhia ka hnaih leh lo" ka lo ti nghet charh a. "Tute nge sawi reng reng a chutiang chu" ka ti zui leh zat a. Ka nihna ah min puh ni sela chu ka hrethiam a, ka nihna ni lo puia min puh tlat chu ka ngaihdan a ni ṭhak lo. Ka Nu chuan "Vawiin ṭhenawmte ina ka va lêng khan an lo sawi a. Mi sawi a lo hriat chhawn ve tho ania. Ani phei chuan chutianga i khawsak chu a ring lo bur a. Chuvanga min lo hrilh zawk pawh chu ania" a ti duah a. Ka rilru in tinzawn a nei nghal ruak a, Remi thudik lo sawi darh bâk a ni thei lo.
"Awi U Hluzual...ka thinrim lutuk, Remi'n dawt in min lo puh ania aw" rawn titu ve thung chu Nunhlimi a ni. Office-a ka awm lai a ni a, a phone call a rawn kal rual khan hetiang lampang hi anih ka lo ring sa hrim hrim bawk nen mak ka ti hran lo. "Tukinah ka Nu paw'n min lo zâwt hlawl a, engtiang chiahin nge maw mi bulah kan chungchâng a lo sawi le?" ka lo ti ve sup a. "Ehe...i Nu paw'n a lo hre tawh maw...a va han zahthlak tak. Remi chuan min chhuah chhe ropui sia, thudik lo hulhual a ni a. Ka tán zahna tùr a awm bîk lo tih chu hre tho mah ila awih tâwk an lo awm ngei ang a. Kei phei chu ri phawr phawr chi ka lo ni ve bawk sia. Min ei lo tâwk an tam phah viau ang" a rawn ti duah a. A rilru buaina leh hrehawm tihna chu ka hrethiam lo a ni hauh lo. Mahse buai thui viau hian awmzia a nei lo va, "Tun atân chuan kan inneihna tur chiah hi rilru ah dah teh ang" ka lo ti ringawt a.
"Remi chu a hre dâwn khawp, lo ngawi tak rawh se. Kha chen ṭhian ṭha kan lo nih tawh avang khan ka ti lêt ve duh lo va. Mahse min cho chhuak zawngin a khawsa zel bawk a, ka ngáwi mai mai tawh dâwn bîk lo" tumruh zet hian a rawn ti fan a. Kei berin tihngaihna ka hre tawh bawk si lo. Tih dàn tùr a hriat chuan engpawh ti mawlh teh se. Nunhlimi hi ka ring ve tâwk a, pal luih mai mai chi a nih loh zia pawh ka hrechiang tawh viau anih kha! Ka nupui hual hi a den ru zek tih hrechiang ber tute zing ami ka ni ve tlat tawh alawm. A chêt dàn tùr chu engpawh nise, dan ka tum lo nasa. Chin tâwk a hre dâwn tih ka hrechiang tlat a ni.
____________*___________*___________*__________
Show post links
Top
By CVL.Awmpuii
Chapter 28
Kâr thar kan chuangkai a, Msa te inneih ni kan lo thleng ta dêr mai. Kâr hmasa aṭang tawh khan kan buai mup mup tawh a, kan inah pawh awm ṭha hman lovin an inah ka tap deuh chawt a, office ka kal hman ṭawk a ni ber. Ka dinpui dâwn avangin a thiltih apiang deuh thaw ah ka tel ve zel a ngai a. "Ka neih ve hun chu i buai ve ngawt ang" tiin kan in vau reng mai a ni.
Biakin hawng a innei an nih chu thuhran, mo leh mo nei tute aṭangin vua leh vâng an ngah hrim hrim a, an inneih inkháwmna min rawn telpui tute pawh an ṭhahnem ngang mai. Ṭha takin ka tih tùr ka hlenchhuak ve thlap a. Ka beisei ai daihin Msa a zâm pek a, zungbun an in bun tir dâwn lâi te khan a khùr velin ka hria. Zirtei pawh nidang zawng aiin a rawn lang ṭha a, mahse ka mit latu ber chu Nunhlimi a ni leh tho. Mo nei tute theme lam rawn ṭawmin kawr sen duk nalh zet hi a rawn ha a, puanvar, a sen duka inrin simple zet a rawn bih leh tawp bawk a. Hmeichhe incheina hi ka lo chîk em em ngai lo va, mahse tun ṭum Nunhlimi incheina zet chu en nin har ka ti, a zahawm vei khap reuh si a. A sam chu awmze nei zet hian a bâwk tawm a, a nghawng lang var haih te chu hmuhnawm tak a ni.
"I va han chhelo tak" ka dàrah min rawn bêng thak a, a nui var var bawk. "I chhelo daih zawk, en nin i har" ka lo ti ve vat a. A nui har har mai. Inneih inkhawm leh mo lawm programme kan zo vek tawh a. Ruai ṭheh chauh kan hmabak tawh bawk nen zalên takin kan awm ve tawh a. Ka lo ṭang ve hlê ni tùr a ni chutia pâwn boruak thianghlim ka hîp ta leh mipui zi nuaih nuaih kâr aṭanga ka bibo ta chu ka thaw huai thei.
"In tihsual ka lo hlau lutuk a, en pawh ka lo en ṭha ngam lo va" a tih chuan "A nupui nei zawk pawh ka ni lo va, eng nge maw i lo hlauhthawn viau ni?" ka lo ti ve mai a. "I zâm miah lo em ni a? Ka rin ai daihin i rawn confi" a tih leh chuan "Zâm chhan tùr a awm hlei nem, kan inneih ve hunah phei chuan ka nasa viau ang" nui hawk chung hian ka lo ti a. A lo ner nasa mai. A hnara piai zeuh in "I chhelo thlawt, mo zawk emaw ka ti dawn che alawm. I kawr hâk rawng pawh i inhmeh, i mawi a ni tawp mai vawiin chu" tiin ka fak zui luam a. "Vawiin kher lo pawh ka mawi aw" mahni inringtawk zet hian a lo ti a. Insûm hman lovin a hmuiah chuan ka zuk fawp zauh a, a hawi kual nghal ruai mai.
"I va han ã tak, a hun lo lutuk. Miin min rawn hmu mai tùr asin" a lo ti hlak hlak a, "Min hmu lo tih ka hriat vang alawm ka fawh che. Duh chuan kha aia thui pawh kha ka la ti thei" mit siai zeuh pah hian ka ti a. Min ei loh hmel ngang mai.
"Hetia awm reng chu a ṭha lo, an lo zawng ang che lo kal rawh chho ang" a tih tâk ah chuan ka lo hnial bîk lo. Inchunga kan chho leh chiah chu mipui zi nuaih nuaih nen kan inchiahpiah lehnghal a. Nichin khan boruak hîp ka duh lutuk avangin inhnuai balcony-ah Nunhlimi kha ka chhuahpui daih a. Awm reng theih ni sela chu awm reng pawh ka hnial lo mawle.
Ruai kan ṭheh zui nghal a, ka chau ve deuh nge ni ka rilṭam ang aiin châw ka ei hnem lo. Chawei kham aṭangin kan buai zui leh nghal deuh chu a nimai. Mikhual neuh neuh an tam ve si a, mo leh mo neitu chibai duhtawk mai lovin an ṭhiante kan tel ve zel bawk si. Zanah chuan an thilpekte hawng in hun kan hmang leh a. Hetiangah hian mo ṭhian leh mo neitu ṭhiante hi an thilpek dawn zinga an duh ber an thlan tir ve ṭhin a. Mahse a hming mai a ni a, thil ṭha tak an in lâk sak ngai lêm lo. Keipaw'n an dawn hnem ber no set khat chu ka la ve tawp a. Thilpek an dawng ṭha hlawm khawp mai.
Kan buai mep mep bawk a, in ka haw a ka mut hman meuh chuan dár 11 a lo ri thuak tawh a. Chau viau mah ila Nunhlimi ka be leh hram a, zanin khan a lo kal veleh dâwn emaw ka ti a, mahse in nghah a ngaih avangin a lo lang leh ta lo kha ania.
"Awi...i chau àwm sia, min lo biak pawh ka beisei tawh lo va, i mut nghal ka ring a" phone a lâk rual chuan a rawn ti nghal zung zung a. Chau viau mah ila a âw zâng vah ka han hre leh chiah chu ka hahdam sawng sawngin ka hria. "Inneih hi a lo namai lo anih hi" ka ti sup a, a lo nui hak mai. "I phûr lo sawt lo maw?" a rawn tih chuan " A neitu zawk chu ni ila phûr chhan tur lian tak a awm zawk a. Mahse a neitu zawk nih bawk si loh chuan a chauh thlâk " ka lo ti ve vat a. A rawn nui leh hak hak mai. Rei vak lo kan inbia a, ka chau ve bawk nen naktuk office ka chàwl thei bawk si lo mut vat ka mamawh tlat a ni.
Ka lo chau ve hlê aniang zingah chuan office kal dâwn tê ah ka tho harh peih chiah a. Châw pawh ei hman lovin in ka chhuahsan a, min ngaihtuah êm avangin ka Nu chuan tiffin min siam ta tho a. Office ka va thlen chuan an lo awm kim ṭhap tawh mai. Nimin inneihna lampang min lo zawt hlawm a, ṭha takin an zawhna ang ang chu ka chhâng ve mai bawk a.
"Engtikah nge mo neitu i nih ve ang aw?" Pi Tei'n a tih chuan " A rei tawh lo vang" ka lo ti vat a. Nui vur vur mah ila ka thutak ru viau. "I nupui man tùr kan tum ang" an lo ti ve sap sap hlawm a, min chhaih zui nak nak a. Remi lo awm ve reng pawh chu ka ngaihsak hran lo, kan thusawiin a zir êm vang nge ni a kimki deuh tlat a hriatna ka nei a, ka pawiti lo nasa.
Tlãiah ka haw hma in Msa te in lamah ka phei tlang veleh a, nimin lama kan sulhnu an lo tifai vek tawh a. "Vawiin hna ka chàwl thei ngang si lo va, lo puih leh àwm tak che u anih nen a zialo tak tak a ni" tiin thupha ka châwi ve luam a. "Ekhai, min pui nasa mawlh mawlh tawh bawk alawm le inthlahrunna tùr engmah a awm lo ania" tiin min lo chhâng vat hlawm a. Tih tùr em em a awm tawh lo bawk nen reilotê ka ṭhut khawmuan hnù ah ka haw zui ve nghal mai bawk a. Msa lah chu a han inla nupui nei em em khawp a, min intihtheih khum nasa khawp mai. "Ka neih ve hun chu i hre viau ang" ka ti khur khur a, kan nui nasa khawp mai.
Nunhlimi nen kan inzui tluang zel a, hna lamah ka buai chho leh bawk nen inneih lampang sawipuina hun ka nei leh rih ta miah lo va. Mahse ka lo sawi tawh sa te kha a lo ngaihtuah zui ve ngei chuan ka ring. Buai atalangin an in ka lèn luh lohna pawh ni nga lai a ni tawh. Mahse min hrethiam em em a, kan inkâr a chhiat phah chuang lo. "I lo lèn ngun lutuk chuan min hnê palh ang, hetia in ngai tâwk leka awmte hi a ṭha" a ti ve ngei a. "Min ngaih loh vang anih kha" tiin ka titau der ziah a. Min thlêm a hnek in "Ngai vak lo" tihte chu min chhan duh dàn ania, nghal chikimi ka ti tawp mai.
"Ka lo lêng dâwn" ka message a hmuh rual chuan min rawn chhâng lêt nghal a. "Zanin chu i hman dâwn lo emaw ka tia" a rawn tih chuan "Hnathawh tùr chu a tam, mahse zanin chu rawn lên hmasak a lang tlat. Kan inhmu khât si ka ngai tawh che alawm" ka va ti duah a. Ka message chu a châng emaw tih tur a ni, "I buai chuan lo kal kher a ngai hlei nem" a rawn ti vat a. A inthlahrung niin ka hria, "Ka lo kal" tih bâkin ka chhâng tawh lo.
Ka phone chu dahin lêng tùr chuan ka intintuah ta nghal a. Khúa a vawt lutuk tawh lo bawk nen jacket pan tê ka hâk belh bâk chu ka awmhmun tawpin ka inthuam a. Ka Bike la chhuakin Nunhlimi te in lam pan chuan ka inkhalh phei ta nghal a. Ka tih ṭhin danin an in piah lawka dawr tê ah chuan ka pêng kàwi leh a. Ama thil tùr bakah Duatpuia thil ei tur nepnawi ka ken sak leh thlap a. A mut a hun tawh tih chu hre tho mah ila naktuk zingah Nunhlimi'n a lo pe ve tawh mai aniang chu.
An inkawta ka din rual chuan Door bell chu ka hmet nghal a, an lo hawng mai dâwn emaw ka tih laiin an rei zek mai. Nunhlimi call leh mai ka tum lai mêk chuan amah ngeiin a rawn hawng ta a. "I va lo hawng har" ti a luh mai ka tum chu min lo nuih tlawn a, a lan dànah chuan dik lo a awm tlatin ka hria. An inchhung ka lût chiah chu ka beisei loh deuhte pahnih ka hmu hlawl a, Nunhlimi ka va melh nghal zawk a, min lo melh ve chiah a. A hmui pet in min rawn nuih tlawn tawp a. Inthunun tum viau mah ila ka lâwm loh zia chu ka hmel aṭangin a hrethiam vek ang.
John-a leh Apuia lo lêng chu ka lungawi loh chhan ber pawh a ni chuang lo. Zanina lêng ve tùra min duh loh chhanah khan ka puh deuh a. Kawngkhar a rawn hawn har em em chhan leh min nuih tlawn nghal ringawt chhanah te khan ka puh lo thei lo. Nunhlimi nen kan va inzui phei chu Apuia chuan ngêng zet leh min tham lo zet hian min lo en nghal a. A hmaa ka hnekna aṭang khan a la inzir chhuak lo aniang. Ka inhumruh leh nghal ṭeuh a, inthunun ka ngai nasa hle dâwn a ni.
Nunhlimi chu a dinhmun a lài hle tih a awm dàn aṭang chuan ka hrethiam mai a, mahse a awm nawmna tùra thlamuan ka tum rih lo bur. "Thingpui ka'n lum ange" tiin choka lamah min pheisan ta daih a. Mipa pathum chu ngawi rengin kan lo ṭhu ta ṭhap a. "U Hluzual, inhmuh a va khat ve i dam ṭha maw?" rawn titu chu John-a a ni. A ṭhianpa hi ngaina lo viau mah ila ani hi chu misual a ni lêm lo tih ka hria a. Nunhlimi tán pawh ṭhian ṭha tak a niin ka hria a, biak chhiat ka tum hran lo. "Dam alawm, i dam zawk maw?" ka lo ti ṭha ve mai a. Apuia nen kan boruak rit zet chu a hrethiam ve ania nge a titi berah a ṭang a. Ka lo zawm ve zauh zauh a, Apuia erawh ngêng zet hian a la ngáwi ngul mai. Min melh dân tham lo zet lah chu ka ngai thei dêr lo.
Nunhlimi thingpui lum pawh a thingpui lum nen chuan a lo phei veleh vat a. Ka bula rawn ṭhu mai lo va ka ep chiaha a rawn ṭhut chuan ka lo rum nghut a. Tim dai hian min rawn melh a, ka bula ṭhu tùr chuan ka mitmei nghal a, a lo kal ve mai bawk a. John-a te ṭhian dùn chu kan sirah an ṭhu thung a. Kan boruak rit ru zet chu kan hrethiam tlâng vekin ka ring.
"Nipui kan chuangkai chho ṭan dâwn sia, a lum leh dâwn mange" kan boruak tih zângkhai tum tak hian John-a chuan a rawn ti hluai a. "U Hluzual, office lam in buai viau lo maw?" rawn ti leh in min lo biak tâk kherah chuan ka chhâng zui ve mai bawk a. Kan titi chho leh luam a, kan hun tawn in a zir vâng nge kan boruak ti zângkhai tura titi vawrh tùr chu a hre kher mai. Darkar chanve ṭha zen zawn kan awmho tâk ah chuan haw a rawt ta a. Mahse Apuia'n a lo hnial ve ta tlat mai "I duh leh lo va haw rawh, ka la awm dâwn" a ti tlat a. Ka duh ai chuan a ngampa mah mah a ni. Ka awm dàn hriat tumin Nunhlimi chuan min lo melh ve vat a, ka lungawi loh zia a hmu thiam vek ang.
John-a chuan "A mak e, chance pêk ve te an ngai ang chu" fiamthu ti tak deuh hian a ṭhianpa bulah chuan a lo ti vat a, a nui pah vur vur bawk a. Hei pawh kan boruak tih zângkhai a tumna bawk niin ka hria. Mahse Apuia chuan "Ngaihzawngte hauh bur ṭhin mipa chu an inringtawk lo hle ah ka ngai" a lo ti ve salh a, tham lo zet hian min lo nuih suk a. He nau hi ka rin ai daihin a zâm lo tlat. Min zahna chhe tê mah a nei lo chu anih hi mawle. "Mi ngaihzawng lo beisei ve tlat hi a nêp" ka lo ti ve salh a. "Ṭhianpa haw teh ang" John-an a lo ti vat. Apuia nen chuan rum el ul hian kan inmelh a, Nunhlimi hlauthawng hmel leh inring renga a awm hmel chuan ka dawhtheihna a thunun hram hram a ni.
"Ka tih theih i hria ang" tiin Apuia chuan min la vau ve khanglang zui a, tham lo zeta lo nui in "Tih theih i nei lo tih ka hria e" ka lo ti ve hmiah. A inhumruh vak a, naupang khin lêt hi ka duh ngai lo. Mahse he nau hi chu zirtirna pêk hlak a ngai ani. Ṭawng a rawn tum leh lai mêk chuan Nunhlimi a lo inrawlh ta vat a. "Apuia, min hawsan tawh mai ru" a lo ti fiah fak a. Chutia ani berin thu tàwp a rawn siam tâk si ah chuan tih vak ngaihna awm hek lo le. Rum zeta min melh leh fe hnuah an inzuichhuak ta chauh a. John-a inthiamlo hmêl erawh kha chu ka hmu ve reng a, a ṭhianpa kha a hau zui ve turah ka ngai.
"Ka tihpalh" a engamah hma in Nunhlimi chuan a rawn ti nghal tawl pek a. "Kha vang kha em ni ka lo kal i duh loh?" ka lo ti thung a. A ngawih reng lai chuan "Kawngkhar pawh i rawn hawn har chhan kha a ni tiraw?" ka ti leh hmuk a. "I thinrim ka hlau alawm, an lo lêng tih kha i hriat chuan i thinrim dâwn tih ka hre sa a. An lo lêng dâwn tih ka hre lâwk bîk miah lo ania aw, an lo kal deuh thut a. Lo hnar ngawt thû a awm bawk si lo, ka ṭhiante an ni ve tho sia" a insawifiah nghal zung zung a. Ka hmaah kut khawih neuh neuh chungin a ding rân a. Fanu in thil a tisual a, a pa bula insawifiah ang hi ka tehkhin ber.
"Lo ṭhu phawt teh" ka bula ṭhutna ãwl bêng thuk chung chuan ka ti sup a. Ka awm dàn a lo hlauhawm mah mah nge ni min hlauh hmêl riau mai. Tim dai hian ka bulah chuan a rawn ṭhu a, "Min hlau suh" ka ti ringawt a, min hlauh hmêl riau alawm. "I thin a rim viau em? Ka tihpalh aw" ti hapin min rawn kuah ringawt pek a, ka lungawi loh hlauvin a lo hlauthawng hle anih dâwn hi! Ka khawngaih letling zawk khawp mai.
A hnungah chuan chûl hauh hauhin a chhipah chuan ka fawp nghal tâwk a, a hahdam ta aniang a lo thaw chhuak ham ham mai. "Ka tihpalh lutuk, nidangah chuan ka lo len tir tawh miah lo vang" a rawn ti leh a. A inthlahrun dàn em em chu Apuia sawi ang deuh khan ka lo hauh na mah mah em ni aw ka ti hial a ni. "A pawilo...i ngaih ang em em a lungawi lo kha chu ka ni lo ania hlauthawng suh" hnem tum tak chuan ka ti sup a. "Hetiang em em a han hlauhthawn mai chu, ka lo khuahkhirh mah mah che emaw ka ti dawn ania" ka tih chuan a lu a lo thing nak nak a. "Keimah hi alawm, huat thû chhe hlê si hi ka lo fimkhur lo lutuk " a lo ti vat a. A thiam lohna a pawm ta lutuk chu ka khawngaih lêt zawk hial a ni.
"A hrim hrimin tinge i va han hlauthawng em em ve a? Ka lung a âwi dâwn lo tih hre tho mah la khati em em a hlauhthawn tùr a ni hlei nem. Ka sual hmêl zo vek alawm" panvnvai tak chuan ka ti a, "Chutiang pawh a ni lo, Apuia kha alawm..." a rawn ti fan raih a. Eng emaw tak ka hriat loha thil thleng a awm niin ka hria. "Engtin emaw a ti che em ni?" ka tih chuan a lu a lo thing vat a. "Chutianga intih pawh a awm chuang lo, mahse nizan hmasa aṭang khan rui chunga min lo biak a chîng a. Ka lakah beiseina a nei tlat a, nang i awm tih hre reng chung pawhin min nawr lui tlat a. Hmaichhanah erawh engmah a ti ngam chuang lo, mahse phone-ah hian min rawn tàwng nasa thei lutuk a" a lo ti duah a.
"Kha kha alawm ka hlauh" ka lo ti nghal hmuk. A hma khan sawi lo pawh ka ni lo va, kan duh loh tùr te hi chu beiseina tlêm tê pawh siam sak loh tùr. Apuia te ang ngat phei chu zah a hre si lo, a ngêng in a inti pà ropui si a. Nunhlimi hi kei ang thovin a duh tih ka hre si, chan ngei tumin hma a la dâwn tih kha ka hria alawm. Nunhlimi chuan "Hetiang zawng hian kan awm ang tih ka lo ring pha lo va" a lo ti halh a. "A tirah pawh ka sawi chian viau kha, heihi chu i thiam loh a ni. I laka a rilru puthmang hre reng chung siin i chhuahpui reng a. Beiseina mãwlmang zet a nei anih kha" ka lo ti vat a. "Lo hria ila chu a tir aṭang khan ka be ṭha miah lo vang mawle" a ti niah niah a. A lehpek awm tawh lo tura fimkhur hle turin ka chah zui mawlh mawlh mai.
Thinrim a lungawi loh ka tum viau kha ania, mahse a awm dàn inthiamlo zet avang chuan ka duh ang pawhin ka awm thei ta lo. A engamah hma in a inthlahrung nghal em em mai chuan inenfiahna tùr min pe zawk hialin ka hria. A laka thîk thû ka pe chhe ṭhin lutuk hi sim ṭhen ka ngai a ni. A nun a ni a, thlah zalên chin tâwk ka hriat ve a ngai a ni. A tána ninawm chang tùr khawpin ngaihsak lo ila, ka tello a awm a thiamna tùr khawpin hlamchhiah lo bawk ila. Inngaihzawnna kawngah pawh hian chin tawk hriat zel hi a lo ṭha anih hi.
Kan ngáwi rauh rauh a, dip dâl tu awm lo ta chu mipa zawk ka nihna angin chêt ka la hmasa a. Ka fawh rual chuan min lo chhâng lêt ve vat a, zanin chu a thupha châwi nan a ti deuh nge ni thû a awih ṭha duh riau. Kan kal thui dâwn tlata ka hriat avang chuan inlahrang hmasa zawkah ka ṭang lehnghal a. "Kan inneih vat a ngai anih hi" ka ti hluk a, mipa tana thil hrehawm ber pâwl chu inthunun hi a ni. Nunhlimi chu a lo nui hak a, "Nui suh, a hrehawm teh ania" ka lo ti leh hluk a. Ti lui tih hriat fe hian ka âwm báwr chu a kut lawng in a rawn khawih ta deuh deuh a. "Nunhlim, min fiam miah suh" ka ti sehchilh nawk a. Thinrim vanga sawi ni lo mah ila ka awm dàn mumal lo zet avang chuan ka âw a chhuak hlei thei lo.
A inrin hma in ka malah chuan ka pawt kai ta nawlh a, a lo rãk ṭhat a, mahse a kâ a hup nghal vat mai. A dàr ah chuan ka hmui ka nawr nghal vang vang a, a âwm báwr ka dap nghal ruk ruk bawk a. "Hey...ti suh..." a lo ti tham chhal mai. "I cho chhuah anih hi" nui suk chunga ka tih chuan a lo nui ve hak a. "Kal thui miah lo vang aw" a rawn ti leh sep a. "Ka hrelo" hul zet hian ka lo ti ringawt a. Mipa leh hmeichhe awm dùn kan ni a, keimahni ah inhiptawnna a la nasa êm êm zui a. A tàwp thlen mai duhna ka rilruah a lo awm leh tawh. Nunhlimi pawh a inthunun theihna a hloh ve tial tial a, "Duh tâwk ang" ti chung siin a taksa chuan min hnar thei bîk lo.
A tàwp kan thleng mai tawh dâwn emaw ka tih laiin a lo indang ta vat a. Ka khawih lui lek lek a ni. Ka inthunun fe hnuah ka inlahrang ta chauh a, a kawr chu ka siam ṭhat leh vek bawk a. "Inneih vat kan ngai" ka ti leh nghut a, "Nia..." tih ringawt in min chhâng. A mitmeng de sawr sawr avang chuan ka fawp leh hrep a. Ka inthunun theih loh a hlau a nj chêk ang chu chhan pawh min chhâng ṭha ngam tawh lo.
"A tàwp min thlen pui ngam dâwn lo anih chuan vawikhat mah min chawk phûr zawngin khawsa tawh suh" ka ti mar pât a. "Ka fiam ve mai mai che anih kha, khatiang zawnga cho chhuah che ka tum vang pawh a ni hlei nem" a lo ti ve bai bai a. "I bialpa ka ni hi chu vannei inti hle rawh, mipa dang chu nise an insum thei tawh lo vang" ka lo ti leh khawl a. "Mipa dang chu ni la khati khan ka fiam teuh lo mai che. Min khawih chhe phal dâwn lo tih ka hria alawm" mahni inringtawk zet hian a lo ti khauh a. Min ring tâwk lutuk chuan keimahah inrintawkna tam tak min pe a. A rinna chu tih chhiat sak ka tum lo bur.
Ka haw hma chuan inneih chungchâng bawk chu thutak zawk hian ka sawipui leh a. "I tih dân dân a nimai" a tih chuan "Kan pahnih thuthlukna tùr ania, ka tih dàn dàn a nih bikte chuan a chi nang" ka lo ti vat a. A ngawih vang vang hnù ah "Inneih chu a ṭha ve tho mai" a rawn ti leh a. A hmin lo riau a ka hriat avang chuan "I duh chuan ka la nghak thei che ania" ka lo ti vat a. A kum a la naupang a, a harhvang chi a lo ni bawk nen nulat a kham loh a hlau niin ka hria. Mahse "Aih chutiang pawh a ni chuang lo" a lo ti leh lawi a. "I hmin lo tlat" ka tih chuan "Ka zak alawm" a lo ti bak hlar a. Hman zana inneih a hreh chhan a sawite kha ka ngaihtuahna ah a rawn lût nghal zawk a. Insûm hman lek lovin ka nui chhuak nghal huk a, min lo melh rum ṭha ngang mai.
"I ngaihtuah thui lutuk anih kha, a hunah te chuan i zak teuhlo" ka lo ti vat a, min beng pawp ringawt a. A nungchang pawi sawi lo lutuk leh hetiang kawnga tawnhriat a la nei lo lutuk hian alawm min ti phûr ru tlat ṭhin. "Ka zei bawk sia, a hunah te chuan i indawh lo phal lo vang" ka tih leh chuan "Khatiang sawi chi pawh a nih loh kha aw Rohluzual" a lo ti bak leh hlar a. "Nuam i ti ngawt ang" ka ti leh hram a, "I hur anih mai chu a" a rawn ti ta chiam a. A tlâwm duh bîk bawk si lo, chhang zui tawh lovin ka nui ta hawk hawk ringawt a. Min la melh rum ve râm ram khawp mai.
A tukah chuan tukṭhuan kan ei laiin ka chhûngte bulah palai tirh ve mai ka duh tawh thû tlang takin ka sawi a. An lo phûr ngang mai. Ka pa phei chuan nakzanah tirh nghal rum rum mai a duh a, mahse Nunhlimi min ngenna angin "A chhungte lo hrilh hmasak ve deuh hlek a duh a. Karkhat chu hun a duh ve ang" ka ti a. An lo hrethiam khawp mai. "Nonoi rilru a na àwm mange " Kimtei chuan a lo ti daih thung a. Ka Nu leh Pa te hrilhai hmêl chu hmu zui nghal in "Nonoi khan a û hi a ngaizâwng alawm" a ti khauh a. A sawi zui siam siam a, Nonoi a khawngaih thû chu a zêp lo ve khawp mai. Ka tán erawh lo sawi ve mai tùr a vâng.
Ka Nu chuan "Tleirawl lai star hi chu kan la na a, mahse khuarei ah eng a ni tawh bîk lo ania" a lo ti vat a. "I û chu a va luck ve aw" ka pa chuan a lo ti daih thung a, a nui vur vur bawk a. A thengthawngah a thawk pha ve vak lo aniang.
Kan lo sawi lâwk tawh ang ngeiin palai chu kan tir ta ngei a. A vawihnihna ah engkim kan sawifel nghal vek a. Inneih ni tur nen lam kan ruat fel ta. Nunhlimi nen kan inkar pawh a hma zawng aiin a ṭha a. Kohhran lamah lehkha kan theh lût tawh bawk nen kan inneih tur chu hrelo pawh an awm tawh lo vang. Inbuatsaih nan thla hnih lai mai kan nei a, ka duh dàn chuan thla khat tâwk chauh ka ti a. Mahse Nunhlimi te lam an duhthawh ve deuh a, an duh danin kan kal tlang ta mai kha ania.
Kimtei sawi lâwk ang ngeiin Nonoi chuan a lo la na phian ania nge, message min rawn thawn leh duah a. Kan innei tùr min lawmpuina thû a ni hlauh thung a. Mahse hrehawm a tih ve zia pawh a rawn zêp hran lo. "Pathianin mipa ṭha tak min la pe ve em em ang tih hi ka ring tlat ani" a rawn tih chuan min hneh riau a. Naupang tê mah nise a inrintawk bakah Pathian a ring tâwk ka ti a. Amah duhna rilru nei lo mah ila ka hmuhsit phah hauh chuang lo. Min duhna chu zahawm ka ti a, ka laka a rilru puthmang hre vek mah ila ka zuam phah lo va, ka hmuhsit phah hek lo. Min lo biakna ah hmuhsitna tur engmah a awm lo va. Hmeichhia in a mipa duh tak a tawng a, a rawn inpuang a, a rawn inbunruak ve ah ka ngai hmiah mai.
Nunhlimi te ina ka lèn ṭum chuan Nonoi message chu ka lo Delete theihnghilh pek a. Tunlai tê hi phone min khawih sak a chîng thar a, ka whatsapp erawh a check ngai loh tehlul nen zanin bekherah a lo lût fuh a. A hmu fuh ta si, a chhiar tur chu dan viau ka tum nâ in a ngaih kawih ka hlau si a, ka enliam ta tawp a. A thinrim ka hlauh tehlul nen Nonoi a khawngaih thû chu a rawn sawi chhuak ta hlawl a. Ka lo thaw huai mai.
"Mihring te hi chu kan mak ve e tiraw. Min duh ngawih ngawih tute kan duh lo va, kan duh ngawih ngawih te'n min lo duh bîk lo va. Kan duh miah loh te kha mi duh ngawih ngawih te an lo ni veleh mai a. Kan kual vêl mai mai ni hian ka hria. Mahse hetiang kara induh tawn taka nupaa insiam thei te hi chu an ni lawh ka ti" a ti duah a. A sawi dik ka ti khawp mai. Nonoi pawh hian ama tawkah beisei tu chu a hmu ve tho ang. Mahse keimahah a rilru a awm tlat a, kei lah Nunhlimi ah ka rilru a awm tlat thung a. Apuia pawh chutiang tho chu a ni. Kan kual kan kual a, kan duh tak te'n min lo duh lêt ve tlat hi chu nihlawh tak kan ni.
"A tàwp in thleng dâwn ta maw...?" number hlang aṭangin message ka dawng a. A dp ka en theih avang chuan ka en vat a, Remi a lo ni. A number kha Nunhlimi'n min block sak hmak a, number dang aṭangin min lo bia tih ka hrethiam nghal mai. "I lo kal ve ngei dâwn ania" ṭha tak chuan ka lo ti ve mai a. Biak chhiat a pehhel vak ka tum tawh hran lo. Kan inkarah buaina a thlen pha tawh dâwn chuang lo bawk a, intihbuai tir ka tum tawh lo bur.
"U Hluzual, i tán hian engmah ka ni ve lo anih hi tiraw?" a rawn ti ṭha leh a. Kan office-ah a thawk tawh lo va, hnathawk thar kan lâk aṭang khan a reh zui ta vang vang a. Tun hi phone kaltlang paw'n min rawn hnim hnaih leh vawikhatna a ni. "Nunhlimi nen kha chen in lo inkawm ve tawh a, kan inneih thutiam chu min lo hriatpui ve hram ang chu " a zawhna haider in ka va ti leh daih a. A rilru tih nat sak chu ka thil tum pawh a ni chuang lo. A tána ka rem loh zia hi hrilh tlang dawt lo mah ila, hrethiam se ka duh êm ani.
"Nupa hlim tak in ni chiah ang maw?" a rawn tih leh chuan ka chhâng zui tawh lo. A rilru kàwi zet kha a rawn phawrh chhuak leh dâwn tlata hriatna ka nei a. Hetiang hi chu khing lêt miah lovin ngawih san daih ila, an daih rei lo berin ka hria. "Midang nun in tichhe vek a, in hlim bîk kherin ka ring lo" a rawn ti leh hram a. Eng rilru chiah nge a put pawh ka hre tawh lo. Tlàwm ah a la tawh zozai lo emawni ka ti hial mai. Mi pangngai tán chuan hriatthiam a, min kalsan vawng vawngna tham a ni tawh asin mawle. Ka sualin a beisei tur anga ka awm loh tehlul nen min rawn la be buai zel peih hi mak ka ti takzet a ni. A nun kan tih chhiat vek lah ka hre hek lo. Remi hi chu hetia en liam tawp chi hi a ni ta berin ka hria.
"Bawiha, ngaihzawng dang i neih lai rengin Nunhlimi nen hian in inkawp em ni?" zanriah kan ei lai chuan ka Nu in a rawn tichhuak hlawl a. A zawhna mak sak zet avang chuan ka chawei ka hâk ṭhelh a ni. "Eng nge i sawi awmzia? Chutiang engmah a awm hlei nem" ka lo ti vat a. Ka Nu chuan "Mi sawi ka hria a, Nunhlimi ṭhiannu nen an inngaizawng hmasa a, a hnù ah Nunhlimi nen an lo inkawp ru reng a tihte a ni nuk mai. Chutianga i khawsak chu ka ring chiah si lo va. Mahse miin an lo sawi tlat bawk sia" a ti niah niah a. A thusawi ah pawh chuan a chiang bîk chuang lo aniang a sawi buai nuaih mai.
"Dawt anih chu, Helen-i nen kan inṭhen hnù khan Nunhlimi bâk hi hmeichhia ka hnaih leh lo" ka lo ti nghet charh a. "Tute nge sawi reng reng a chutiang chu" ka ti zui leh zat a. Ka nihna ah min puh ni sela chu ka hrethiam a, ka nihna ni lo puia min puh tlat chu ka ngaihdan a ni ṭhak lo. Ka Nu chuan "Vawiin ṭhenawmte ina ka va lêng khan an lo sawi a. Mi sawi a lo hriat chhawn ve tho ania. Ani phei chuan chutianga i khawsak chu a ring lo bur a. Chuvanga min lo hrilh zawk pawh chu ania" a ti duah a. Ka rilru in tinzawn a nei nghal ruak a, Remi thudik lo sawi darh bâk a ni thei lo.
"Awi U Hluzual...ka thinrim lutuk, Remi'n dawt in min lo puh ania aw" rawn titu ve thung chu Nunhlimi a ni. Office-a ka awm lai a ni a, a phone call a rawn kal rual khan hetiang lampang hi anih ka lo ring sa hrim hrim bawk nen mak ka ti hran lo. "Tukinah ka Nu paw'n min lo zâwt hlawl a, engtiang chiahin nge maw mi bulah kan chungchâng a lo sawi le?" ka lo ti ve sup a. "Ehe...i Nu paw'n a lo hre tawh maw...a va han zahthlak tak. Remi chuan min chhuah chhe ropui sia, thudik lo hulhual a ni a. Ka tán zahna tùr a awm bîk lo tih chu hre tho mah ila awih tâwk an lo awm ngei ang a. Kei phei chu ri phawr phawr chi ka lo ni ve bawk sia. Min ei lo tâwk an tam phah viau ang" a rawn ti duah a. A rilru buaina leh hrehawm tihna chu ka hrethiam lo a ni hauh lo. Mahse buai thui viau hian awmzia a nei lo va, "Tun atân chuan kan inneihna tur chiah hi rilru ah dah teh ang" ka lo ti ringawt a.
"Remi chu a hre dâwn khawp, lo ngawi tak rawh se. Kha chen ṭhian ṭha kan lo nih tawh avang khan ka ti lêt ve duh lo va. Mahse min cho chhuak zawngin a khawsa zel bawk a, ka ngáwi mai mai tawh dâwn bîk lo" tumruh zet hian a rawn ti fan a. Kei berin tihngaihna ka hre tawh bawk si lo. Tih dàn tùr a hriat chuan engpawh ti mawlh teh se. Nunhlimi hi ka ring ve tâwk a, pal luih mai mai chi a nih loh zia pawh ka hrechiang tawh viau anih kha! Ka nupui hual hi a den ru zek tih hrechiang ber tute zing ami ka ni ve tlat tawh alawm. A chêt dàn tùr chu engpawh nise, dan ka tum lo nasa. Chin tâwk a hre dâwn tih ka hrechiang tlat a ni.
____________*___________*___________*__________
Show post links
Top
Link: | |
BBcode: | |
HTML: | |
Hide post links |
Nun tihlimtu Lalnunhlimi
By CVL.Awmpuii
Chapter 29
April thlà kan chuangkai a, mo lawm tura kan inbuatsaihna te'n a hmâwr kan bâwk dâwn ta. Ka chhûngte leh ṭhiante, ka thawhpuite chenin min phûr pui em em vek mai a. Senior lama nupui nei tùr ang maia min chhuah erawh ka lâwm lo khawp mai. Ka hnathawhte avang hian min ngai upa hlawm tlat a. Ka kum zât hre reng hlawm mah se senior treat in min treat tlat a, ka sawi buai peih tawh lo.
"I thaibawih dâwn sia aw..." tih chu Msa sawi tam ber a ni a. A châng leh "Nunhlimi chu a fel ang, i thû a awih ngawt ang" a ti thùl. Hepa pawh hi a nupui neih hnù hian rilru mumal a nei lo tlat. "Pasal nih chu eng nge a an a?" ka tih chuan " A nuam, mahse kan ngaih ang ngawt a hlimawm hi a lo ni bîk miah lo va. Nupa a lo insiam tawh chuan thu inhmuhfuh loh châng a awm ve ta zeuh zeuh" a ti a. A thusawi chu ka awih thlap. "In inneihna a la rei loh nen" ka tih chuan "Kan la inhau em em lo, mahse thla khat erh awrh chauh kan la innei nâ in rin ang a lo nih loh zia kan hre chho nghal mawlh mawlh mai. Beisei ai taka a nawm châng a awm a, Nula tlangval lo nih mai kha a awlsam tih châng pawh a awm veleh zeuh ṭhin " a ti duah a.
"Eng tak ang ve ang maw?" tiin ka ṭhen suk a, keimah leh keimah ka inbia a ni mah zawk. Msa chuan "Huphurh tùr a awm lo, kan pal ve pawp pawp a, a dik chho ve zel mai" a lo ti liam puat a. "Mahse i thaibawih dâwn tlata hriatna ka nei" a rawn tih leh chuan " I hrelo tawp anih chu" ka lo ti hmanhmawh a. Mipa pà inti ve tâwk tâk chuan chutia thaibawih tùr intih ringawt chu a lawmawm miah lo. Msa chu a lo nui hawk hawk a, "Kan la hria ang chu...nupuite hmaah i khup zal zal mai ang a" a ti leh hram a. "I sawi sek a, nangmah zawk kha i lo thaibawih reng a ni lo maw?" ka tih lêt tâkah chuan a lo ṭang na ve ngang mai.
"Tak taka, kan nupuite thû hi awih ila, kan thû an awih a ni a. Mahse mipa nih chuan thu tàwp siam tùr zawk kan ni tih hi hre reng ila. Nupuite hmaa intih pà vak te hi a lo ngai lo, zahawm takin awm tawp mai ila. Min lo zah mai, ṭawng tam lo ila a ṭul chin hi sawi tawp mai ila" thutak deuh zawk hian a rawn ti leh luam a. Ka lo pawmpui khawp mai.
Man hlan nî chuan Nunhlimi te in lamah kan va phei ve a. Hmanlai kha chuan man hlan ni hian mo neitu tùrte an kal ve ngai lo va. Mahse tunlai chhanah chuan tih dàn te hi a lo inthlak ve zel a. Mo neitu an kal tel ve zel tawh tlângpui.
Msa thû min râwn angin Nunhlimi chu pangpar báwr lian zet ka ken sak a, a lo lâwm thiam ngang mai. A chhungte leh ṭhiante lah chuan min lo fiam peih khawp a, "I inla zei vêl sia" min tih chuan ngaihtuah chhuak ṭha inti lutukin Msa'n mit min lo siai khum ta ṭhin a. Min thuam mâwi thiam khawp mai.
"Zanah mu hmâ la, zâm lutuk suh aw. Zîng thawh te kha i lo hai ange, a tih chî dâwn miah lo ania. Engmah huphurh tùr a awm lo, phûr em em zawk tùr. I mut theih loh chuan min lo bia la" kan haw hmâ in Nunhlimi chu ka fuih mawlh mawlh a. "A hnai telh telh a, ka châk lo telh telh " a lo ti tawl pek a. A inthiamlo veleh deuh aniang "Ka sawi awmzia chu a zamawm" a rawn ti ṭha leh a. "Engmah ngaihtuah vak vak suh, pal ve pawp pawp la a dik a nimai" ka lo ti liam puat a. Dik tak chuan zâm lo bîk pawh ka ni lo va, han hnem vak ngaihna ka hrelo a ni.
Kan inneih tûk kan thleng ta! Ka helhhawlh nge ka zâm lutuk pawh ka hrelo zàn lam ka mu ṭha lo lutuk a lu na burin ka tho chhuak a. Ka phone ka en chuan Nunhlimi message a lo awm va a, "Enteh U Hluzual, ka period dâwn tlatin ka hria" a rawn tih chuan chhàn lêt ngaihna pawh ka hrelo. "Period lo vang" ka ti ringawt a, a lo period thut chuan hun lo ka ti viau ang mawle. Kha chen kan lo nghak ve tawh a, inneih zàna chêt theih loh chu ka duh miah lo.
Kan tán liau liau a Biakin dár a han ri ve ta chu engtin emaw riau hian ka awm a. Ka kawchhung hi a che rawih rawih maiin ka hria. Kha chen ka nun ka lo vawn ve tawhna te khan a vawrtawp a thleng dâwn ta! Ka hmangaih ber nupui ah ka nei dâwn a. Biakin hawng ngeia Pathian hmaa thû ka tiam pui thei tùr hi ka lâwm. Mipa ka nihna anga ka hmangaih ber thianghlimna ka vawn him sak tlat chu ka inchhuang a. Ti ṭha ka inti a, pà ka la intih ṭum ber a ni hial ang. Mahse hengte hi Nunhlimi'n zir ngat lo sela chu kan puitlin thei kher lo vang. Insûm thei lo va ka inthunun theih loh châng apiangin min thunun tlat ṭhin a. A pawimawh berah chuan kan pahnih insum theihna rah a ni ka ti lo thei lo.
Mo kawr vâr thianghlim sar nena Biakin chhûng a lo lût chiah chu a mawi zia ka sawifiah thiam lo. Pastor hmaa thû kan chham lâi te chuan zâm ahnekin ka phûr em em zawk a. Nunhlimi pawhin ka rilru ang tho a pu in ka hria. Mahse a khûr ru der der tih chu kan kut kan inchelh sak aṭang chiahin ka hria. Ka mitmeng in zâm lo tùr chuan ka ti a, a thlamuanpui turin ka bu nghat bawk a. A thaw ve deuh huai chuan ka hria.
Inneih programme a zo a, thlâ kan la tùr chu kan han buai leh nak nak a. Kan ṭhian ṭhenkhatte'n min lo fiam ve reng bawk a. Kan hlim tlâng dar dar viau mai. "I va ning tawh àwm ve" Nunhlimi ner deuh nang chu ka fiam zeuh a. "A hautak ngei mai" a lo ti ve sep a. Thlâ kan la rei phian a, nuih pawh a nui hlei thei tawh lo. "Nui hram hram rawh, thlalak chu damchhunga awm reng tawh tur a ni sia i hmelchhe vek mai ang" ka tih chuan a lo nui lui leh hram a. Thlâ kan han la zo chiah chu kan thaw huai thei.
"Pasal hi neih mai mai chi a lo ni lo anih hi, engtin nge vawihnih vawi thum te hi an lo neih peih zawk le?" Nunhlimi ṭawngkam avang chuan ka lo nui huk a. "A zawngchhang tlâk i ti vak nange?" ka lo fiam zeuh a, "Ka peih tawh teuhlo mai" uar zet hian a lo ti vak a. A ngaih ṭhat thlâk rem rem asin. Chawei tùra min rawn koh tâkah chuan kan chhuak ve ta vat a. Inneih leh mo lawm programme engkim kan zo fel vek tawh a. Ruai ṭheh chiah a ni tawh mai. Ruai pawh mi nawlpui chuan an ṭheh hlawm tawh a. Kan buai zualpui a reh ve ṭep tawh e.
Châw kan han ei tùr chu ka Pa te'n min lo koh leh avangin kan va phei leh rih a. Kan chhung ṭhenkhat, khual khúa aṭanga lo kal te chuan haw an lo tum tawh hi a lo ania. An haw hma in Nunhlimi nen chuan min chibai ṭha leh a, inhmelhriat tirna te an nei leh sawk sawk a. Nunhlimi chuan a hre sêng nghal vek pawhin ka ring lo. Mahse puitling takin a lo dawngsawng vek a, "Hluzuala chu nupui i nei hmêlṭha hlê mai" an tihte chuan a nuam ve veng veng mai. Ka nupui thar lah chuan intithei zet hian min lo melh ta ṭhin a. Hmelṭha tih chu a lawmawm ve dâwn bawk êm a ni.
Zanriah chu kan dawhkanah kan kil a, kan ṭhiante pahnihin min ṭhutpui bawk a. Ka Nu leh Pa te kha chuan mikhual ho an lo la buaipui niin ka hria. Kan chawei chu Matei te ṭhianho in min vil deuh chawt a. Nonoi erawh nilengin hmuh tur a awm lo. Ka ngaihven vang ni miah lovin ka lo hre lo thei bîk lo va. A lo kal lo chu a lawmawm zawk ti mai ang. A lakah rilru danglam pu ve lo mah ila a lo awm ve reng chuan a tán pawh a nuam dâwn lo va. A inthiarfihlim hlauh chu a ṭha zawk ti tawp mai ang.
"Pi Lalnunhlimi nih chu eng nge a an?" Châw kan ei mawlh mawlh lai chuan Lawma a rawn lût ve hlawl a. "I ninawm aw Lallawm" Nunhlimi chuan a lo ti nghal hlak a. An inhnial leh dâwn tih lah a chiang reng mai. An pahnih awm dun hi chu ui leh kel thlun pawlh ang deuh hi an nia, an inngeih rei thei lo reng reng. "Zanah khan i ṭê ring lutuk ange aw" a ti leh a, "Sawi àwm leh àwm loh hi hre rawh aw i hneawm lutuk Lawmhnap " Nunhlimi chuan a lo ti veleh tán tán a. Midangho zawng chu kan lo nui ṭha mai.
"Kimtei te chu, mo thar neih ve ro ro a Nunhlimi te ang han neih tawp mai chu" Lawma bawk chuan a rawn ti leh a. "A chhûngte paw'n hmêlṭha min ti teh mai ania aw, lo inrawlh ve vak suh. I lo sawi ve tùr a awm lo, engmah i nih loh kha aw" Nunhlimi chuan sawi fuh inti zet hian a lo ti hmak a. "Ṭawngkam ṭha lah hi i awih vek a, tunge i hriat laiin hmelchhia ti duh bîk ang che. I confi loh te an hlau ve a, fak derna zawng zawng awih vek mai. An rilru tak tak chuan hmelchhia an ti ngawt ang" pakhatpa lah chuan a lo ti veleh zung zung a. Nunhlimi chhan ngaihna hre tawh lo chuan rum zet hian a melh ta ram ram ringawt a.
"Chawei pawh i ti tui nek lo e a, kal teh" ning zeta a tih leh chuan a fiam zui tawh bîk lo. "Tak taka ka lawmpui lutuk che. U Hluzuala te ang mipa ṭha lutuk i bum thlu hlauh a. Mi pangngai lo kha mi pangngaiah a chhuah dâwn che anih hi" a ti leh hram a, a chhuak zui nghal daih a. Nunhlimi âng zui bai bai chu kan lo nuih pui hawk hawk a. Hetiangah hian a naupangchhia ru riau a, dawm thiam a ngai khawp ang.
Zanah chuan inlêng neuh neuh kan nei zui leh nghal a, kan ṭhiante phei chu an awm tlang a, kan la buai nak nak viau. Nunhlimi leh Lalnuni te ṭhian dunin thingpui an lum char char a. Msa nen inlêng kan lo kàwm thung a, ka Nu leh Pa te pawh an lo ko pêng ve sek a. Inlêng an haw a, mu tura kan inpeih fel meuh chuan dár 11 a lo ri thuak tawh.
"Inbual hmasa la, heihi ka'n dah fel leh lawk ang" Nunhlimi'n a rawn tih chuan hnial lovin Bathroom-ah ka lût zui ve nghal mai a. Ka va chhuah leh chuan a lo inpeih fel at tawh a. Ka phone a rawn ri zui a, phone ka hman lai chuan Bathroom-ah a lût zui ve ta in ka hria. Kan pu te lam aṭangin phone call ka dawng a, kar khat chhûng chawlh ka la fel vek tawh na in in lama hna khawih tùr tlêm azawng min rawn tuk sak leh hram a. "Nupui nei hlim ni mah la tihngaihna a awm ngang lo a ni. Tun kar chhunga peihfel hman tùr ania. Nang lo khawih tùr dang rin tlak vak an awm si lo va" a rawn tih chuan ka lo hrethiam khawp mai. Hmanhmawh thlak lutuk a ni chuang lo bawk a, office chhûnga khawih kher a lo ngai lo bawk nen zan hnih vêl ah chuan ka buaipui fel thei mai ang.
Bathroom aṭanga Nunhlimi lo chhuah hun chu ka nghak ren rawn a, darkar khat dâwn a awm tawh a. Ka ngaih a ṭha tawh chiah lo, a tlu sual ta emaw tiin ka ngaih ṭha lo chuan kawngkhar chu ka va kik ta nge nge a. "Nunhlim..." ka ti a, min rawn chhâng mai lo. "I ṭha em lo hawng teh" ka tih leh pawh chuan a reh deuh vang vang a. Ngaih ṭhat loh ai mah chuan ka ngaihtuahna ah thil dang a rawn lût zawk a, a zak emawni reuh le? "I rawn hawn loh chuan kawngkhar hi ka tichhe dâwn ania" ka ti leh a. Ka chhûngte'n kan thâwm an hriat ka hlau tho bawk si kawngkhar chu ka bêng ring ngam chuang lo.
"Nunhlim..." ka tih leh takah chuan " Ka ṭha" a rawn ti sep a, kawngkhar chu a rawn la hawng lo cheu! A âw rîk dân lah kha thil diklo awm ang maiin a thâm chhal a, a ṭap tlata hriatna ka nei. "I ṭap em ni? I ṭha em?" hlauthawng ru zet hian ka ti a, "Aih...ka ṭha...ka lo chhuak ṭep " a rawn ti veleh vat a. A âw rîk dân chu a dik lo, a ṭap ngei niin ka hria. A ṭah chhan tùr awm ang ka ngaihtuah a, a rilru tih nat sakna ka neih ka hre bawk si lo. "I ṭap tih ka hria kawngkhar lo hawng teh, enga tinge?" ka ti dam leh thlup a. "Nunhlim" ti a kawngkhar ka ben leh rual chuan a rawn hawng ta a. A hmêl ka hmuh hma hauhin min rawn kuah nghal thlawp a. A awm dàn chuan min ti hrilhai letling khawp mai.
Ka âwm ah chuan a hmai rawn nawr vakin a ṭap khur ta dar dar a. Nghet zeta lo kuah lêt in a samah chuan ka fawp vang vang a. "Tunge i ṭah? I inti nâ em ni? I rilru tihnatna ka nei em?" ka ti sawk sawk a. A lu a lo thing nawk nawk a, ka duatna âw vang chu aniang a ṭap uar sauh a. A buak hian a rawn baw hawk a ni ber. "I chhungte i ngai em ni?" ka tih leh takah chuan " Ka Nu ka ngai lutuk" a rawn ti ta chiah a. Ka lo ngaihtuah chhuak lo chu pawiti zet hian ka chet hluk a.
Vawiin hi a tán ni pawimawh ber a ni a, a Nu a ngaih tur zia ka lo ngaihtuah chhuak miah lo chu ka inthiamlo ngawih ngawih. "Ka tihpalh lutuk Mate..." ka ti ringawt a, inthiamlo zetin a samah chuan ka fawp leh vang vang a. Chutia rei tâwk fang min kuah chunga a ṭah hnu chuan a inlahrang ta a. A mitmeng ka hmu chiah chu ka lainat lutuk ringawt. Ka bula a awm lai renga khawharna a nei chu ka inhaw hluah hluah. "Lo ngaihtuah chhuak tùr ka ni asin mawle, a pawi ngawt mai" ka ti hulh a. Ka âwm ah chuan dîm te hian ka kuah bei leh hle hle a.
Zanrei tawh viau mah se thlàn kal ka rawt a, a lung a lêng ngang aniang min lo hnial bîk lo. A inthlak lai chu reilotê ka nghak a, a inpeih har lo. Ka Nu leh Pa te hrilh tuma an room lam kan pan lai chuan "Kal leh lo mai ang" a ti a, a inthlahrun vâng tih ka hai lo. "I duh leh ṭhutkhawmna ah min lo nghak la, keiman ka'n hrilh ang" tiin a chal ah chuan ka fawp zauh a. A hreh ngang aniang ṭhutkhawmna ah chuan min lo nghak a. Ka Nu leh Pa te chu an lo la mu lo hlauh a, tlang takin Nunhlimi awm dàn ka hrilh a, an lo hrethiam kher mai. Mahse rei lutuk lo tùr leh fimkhur tur chuan min chah zui mawlh mawlh a. Ka Nu phei chuan a lainat hmel khawp mai.
Zàn a rei tawh avangin Bike-a inphur chhuak lovin car kan keng ta zawk a. Nunhlimi awm dàn nguai lutuk chuan min ti hrehawm ve vek mai. Car tukverhah chuan dâk in thli thaw heuh heuh chu a in chhem tir a. A awm dàn lunglèn hmêl zet chuan ka thinlung a khawih takzet. Be buai duh lovin hun thâwl ka pe a. A Nu a sun ṭha leh ni berin ka hria.
Thlàn hmaah chuan ngawi rengin a ṭhu a, a hnungah ka lo ding thung a. A ṭap khûr nghal dar dar a, ka ṭawngka in hnem thiam lo mah ila ka ngaihsak ani tih lantir nan a hnungah chuan ka lo bêng thak thak a.
"Nu...i fanu hian vawiin khan pasal ka nei ve tawh asin. Tun hun tal hi min nghah thlen pui ve thei la ṭha tùr ania tiraw? I hlim dâwn tehlul nen" a tlusawp tùr chu ka lo dawm vat a. Ka âwm ah kuahbet in "Insûm reng reng suh" ka lo ti sup a. A rawn ṭap chhuak hawm hawm mai. Pi Châmi thlàn chu ka thlîr a, rawn chhâng thei ni ngat sela a fanu hi a rawn hnêm em em ang.
"Ka ngai lutuk" pangchang zeta rawn ti lehin min lo kuah lêt ve sauh sauh a. "Lungngai suh, i lunglèn khawharna te hi tireh thei lo mah ila hnêm tùr che in i bulah ka awm zel ang" ka lo ti nghet charh a, a samah chuan fawp vawng vawng in ka thaw hawk a. A awm dân hian ka thawk a lo ti ipik ve vek mai. Mal lutuka a lo inngaih palh mawlh ka hlau a ni.
A Nu thlahna thû a sawi lai chuan ka rilru in thû ka lo tiam ve mawlh mawlh a. "I fanu hi rawn ngaihtuah reng reng suh, ka lo enkawl ang. Ka tihlim reng thei lo anih pawhin lungngaihna tâwp khawk ka siam sak ngai lo vang" ka rilru chuan ka ti mawlh mawlh a. "Nu...anih phawt aw, nakinah kan lo tlawh leh ang che" tiin Nunhlimi chuan a Nu chu a thlah thei ta hram a.
Ka bul a rawn thlen leh rual chuan ngawi reng hian min kuah vang vang a, "Ka lâwm lutuk aw" a tih chuan "Ka hmangaih che" ka lo ti thung a. Tun hi ka hmangaih thû ka vawikhat sawina a ni. Min lo melh vat a, a mittui luanna hnuhma te chu lo tuai faiin "Ka hmangaih che, hre reng rawh" ka ti nghet leh churh a. "Keipaw'n ka hmangaih che U Hluzual" a lo ti ve sep a. Ka kuah leh hlu hlu a, a hahdam hmêl ta khawp mai.
Lungáwi zetin Nunhlimi hmêl chu ka thlîr vang vang a, chîk zeta ka en tâkah chuan a lo hmêlṭhat zia ka hre thar awn awn mai. Zanin hi kan inneih zàn ni mah se chutiang lam boruak reng reng chu kan hawi thei lo va. Thlànmual aṭanga kan lêt hnù khan a chau hlê aniang hriatthiam min dîl tawl pek a, ka dàra bei chungin a muhil zui ta bawrh bawrh kha ania. Ka nupui niin beisei nei mah ila thlamuang taka a muhil thei chu ka lâwm zawk. Vawiin inneihna lamah a chau ve bawk nen a ṭap zui leh ta hrep bawk sia, ka lainat reuh tak tak a ni.
Zinga ka harh chuan a lo mu tawh reng reng lo mai a. Sana ka en nghal vat a, dár 7 a lo ri va tawh mai. Bathroom-ah a awm mai ringin ka va en a, a lo ruak hiang mai. Inphihfaiin room aṭang chuan ka chhuak zui ve mai bawk a, choka aṭanga Nunhlimi ṭawng lang lang ri ka hre zui zat. Ka thawh hlim phat aṭanga a âw ri hriat chuan engtin emaw riau hian min tihlim a. Lungawi lohna chhan tur pakhatmah ka hre lo.
"Morning, i mutui em?" min hmuh rual chuan a lo ti zâng nghal vah a, a hmêl a nung deuh sarh a. Mo thar tûk laih ṭut ṭut leh kimki chawih chawih ang kha a neih hmêl loh. "I mutui zawk em? I va tho hma ve" ka lo ti ve hluai a. "Ka harhna a rei tawh lutuk a, ka pang a kham bawk nen i harh hun ka nghak zo ta lo che anih kha" a lo ti zung zung a. Ka Nu nen eirawng an lo bâwl dùn a, an inpawh nghal viau in ka hria.
"U Hluzual, thingpui ka lo thlit ang che aw" a tih chuan ka lo aw ve mai a. A pheikhai zâng vah leh tìmna nei hauh lova kan choka a a chetla vêl chu hmuhnawm tak a ni. A thil hriat lohte chu ka Nu a zawt nghal zung zung a, ka Nu lah chuan phùr em em in ṭha tak hian a lo hrilh ve zung zung bawk a. Nufa ni àwm tak an niin ka hria.
Nilengin inlêng neuh neuh kan nei veleh duah a. Msa leh Lalnuni te pawh an lo phei veleh a, "Nuam em nupui neih chu?" awmze nei zeta Msa'n min rawn tih chuan ka lo nui hul hawk ringawt a. Thleng tùra a ngaih kha a thleng miau si lo va, sawi mai tùr a vâng. Mahse kan nupa inkar a ni tawh a, sawi lan kher pawh ka tum chuang lo. Kan ṭhian dangte pawhin min lo fiam ve nak nak hlawm a, ka nui liam mai a. An la hrâm tlahawlh em em zui a, kan inkhak lo chauh a ni.
Room-ah tihfel ngai neuh neuh a la awm avangin Nunhlimi te ṭhian dùn chu room lamah an awm daih a. Kimtei te ṭhian hovin an pui bawkin ka hria. Tun thlengin Nonoi hmêl a lo la lang lo va, ngaihsak lo viau mah ila a hriat loh theih loh. Kei ve tehlul heti tak maia min lo vei hi mak ka ti hial tawh zawk. Kimtei'n a sawi chhuak miah lo va, zawh pawh ka tum hran chuang lo. An la inkawm chho zel dâwn anih chuan kan inah pawh a lo la kal ve fo in ka ring a. Ka rem tawh loh zia lan tîr chu ka tih tùr a ni a, mahse a chunga sual chhuah kher ka tum chuang lo. Ka nau ṭhiannu a nihna angin ka nau angin en tawp ila, a fuh berin ka hria.
"Mate...in laklawh loh chuan thingpui rawn sem leh lawk ila tiraw?" kan room kawngkhar ka hawn rual chuan ka ti sup a. "Ehhh...kan in koh dàn vêl chu" Lalnuni'n a lo ti àwn duai a, Nunhlimi a lo lâi ngang mai. Mahse pangngai tak hian "Laklawh lo e, kan lo chhuak ang" a lo ti ṭha mai bawk a. Ka kalsawn thleng chuan an chhaih zui tih ka hre reng, a lo insawi fel ve tawh mai aniang chu!
"I nupui chu a fel thar thar ngei mai, a mawng a zângin a ṭawng duh bawrh bawrh bawk si a. Kan ngaina nghal thuai mai, a hmêl lah a ṭha reuh bawk si. Nupui i nei fuh khawp mai" ka Nu û chuan min rawn bekbawr sar sar a. Nu khirh ve tak anih tehlul nen chutia a kâ aṭanga Nunhlimi fakna thû a chhuak chu mak tih loh chî a ni lo. "Nang meuhin fel i tih chuan a fel hle aniang, ka tisual lo tùrah ngai ang aw" ka lo ti ve hluai a. "I sawi dàn kher chu, ka va han sual hmêl ve a" a lo ti hlak a, ka lo nuih tlawn ringawt a, ani pawh a rawn nui veleh tho. A ni meuhin fel a tih chuan awih loh phal chi a ni lo, a fel tak tak tihna a nimai.
"Hmeichhe khawsak ṭha hi chu ka vawikhat hmuhna aṭang hian ka hai hlei nem. Ka sawi dik chat zel alawm. An ke chheh aṭang leh ṭawngkam aṭang te'n, an mitmeng aṭang te'n a hriat vek alawm" a lo ti leh duah a. Nunhlimi tán chuan ngaih ṭhat ngawih ngawihna tham a ni. Chhûngkua ah chuan buai rap rap pâwl hi awm loh theih loh a ni a. Nunhlimi nen pawh nupa ah kan la insiam ṭan chauh a, eng eng emaw kan la tâwk chho ve ngei ang. Mahse an vawikhat hmuhna leh hriatna a an ngaihdan hi a pawimawh ve tlat, nakin hun zel atân hmalam hun hriltu a ni ve tlat thei a. Sual tura an ngaih nghal tlat chuan fel chhuah viau pawh nise an ei lo vêl emaw ania nga. Mahse a tir aṭanga fel an tih miau chuan eng emaw hlek pawh lo awm se an hrethiam zel mai ang.
Tlãiah chuan mi tlêm azawng in châw kan eikhawm veleh a. Nilengin kan hnuhma tifel in min rawn pui hlawm si a, zanriah lo buatsaih sak leh pawh chu an phû ve reng reng ani. Msa erawh a buai deuh avangin zanriah kan ei hma hret chuan a haw a. Nupui nei lai a ni ve tawh tlat a, tlangvál lai ang ngawt kha chuan a awm thei tawh bîk lo chu a ni.
"Zanin chu lo riah ve mai ka duh" Lalnuni'n a rawn tih rual chuan kan nupa in kan lo nui hawk hawk a. Kan khumah a let tual tual a, henu hi Nunhlimi ai pawhin a la naupangchhia veleh chhawng a. Khúa hi a var lo ṭhin khawp mai. "Pasal neih chu a nuam em?" Nunhlimi en chung chuan a rawn ti leh hluai a, Nunhlimi nuih a lo za nasa mai. "Nei ve chhin phawt la, i hrethiam mai ang" a tih chuan "Awi i inla pasal nei vêl e...zan khat leh ni khat chauh in la inneih hi aw..." uar zet hian a lo ti lêt vat a.
Zanriah kan eikham tawh a, tihfel ngai ang ang pawh kan tifel leh vek tawh. Inlêng tam zawkin min ṭin san leh tawh a, tunah tak phei chuan Lalnuni chiah hi a lo lêng tawh. Haw a la tum hmel loh em em mai lehnghal a. Kan khumah nuam ti zetin a la let kual thak thak a. A thusawi lah chu a ho hlawm bawk si, mahse Nunhlimi nen chuan an nuih a za em em zel thei a. A ṭha letling phian mai.
"I lo la lêng ta sa sa, hna tlêm azawng ka'n khawih ange" ti a ka computer ka on chiah chu a lo ṭeu nghal hlar a. "Awi...a ngai bîk lo. Tun ang hunah hna lo sawite chu a, i ti mak ve e. Lo titi ve mai mai rawh" a lo ti tán tán a. "In titi ka man pha ve lo, lo inkawm rawh u. In thusawi kha patling titi atân chuan a ho emai" inla thupui fun nei fe hian ka lo ti hluai a. Ka hna chu ka en zui nghal mawlh mawlh a. Lalnuni chuan min lo ei lo nasa mai, "Inla patling nghal ringawt sia maw" a tihna chu ka ngaihsak zui tawh lêm lo.
Dár 10 velah min hawsan ta chauh a, ka hna pawh ka khawih ṭeuh hman mai. A haw tur chu kan nupa in pâwn thleng kan thlah a, a la haw hreh hmêl em em zui a. "Lo riah ve mai ka duh" a ti leh hluai ṭhin a. A tu zawk mahin kan sâwm duh si lo chu a titau lek lek hial. "In mak ve e, zan khat lek tih loh pawh chu in va hreh àwm ve" min han ti tawl pek a. Ka lo nuih hawk laiin Nunhlimi chuan a bêng nghal thak a. "I ṭhing emai aw, khatiang sawi chi pawh anih loh kha" lai angreng tak hian a lo ti vat a. Lalnuni lah chuan "Raw deuhin ka sawi chuan loh kha mawle...in rilru a ni reih ruih lutuk anih kha" tiin a nui zui hawk hawk a. "Haw vat vat mai teh" ka lo ti ve hlut a. Hetia tih mai loh chuan a haw thei dâwn lo tak tak niin ka hria.
"Awi U Hluzual, ve lutuk a che aw. In inhauh laia i mangan zia kha i la hria em? Ka puihna te min ngen cheng chawng kha! In inhauh leh hunah chuan Nunhlimi hi ka fuihpawrh tawh ang" a ti tán tán a. A duh tâwka a an leh hrep hnu chuan min hawsan ve thei ta hram e.
"Lalnuni tak hi chu a, kei ai pawh hian a uang a, sawi àwm leh àwm lo pawh hi a hrelo reng reng" room-a kan lêt leh rual chuan Nunhlimi'n a ti mawlh mawlh a. A chezia chu ka lo en reng a, a lài hlê in ka hria. Engmah tih tùr hre hawt si lovin dressing table hmaah chuan a va ṭhu ringawt a. A thil dah inrem ṭha sa reng chu a khawih kual a khawih kual a, nui vur vur chungin ka lo la en reng a. A laih dàn em em chu a khawngaih thlâk zawk, hmuhnawm ka lo ti tlat bawk si.
"I mu tawh dâwn em?" a rawn ti leh hliai a, ka mitah pawh min en ngam lo. A rawn hawi zawk na in a hawisawn leh nghal a. "Kan mu ang chu" ka lo ti ve mai a, ka awmna ngaia awm reng chung chuan ka la en reng a. A dawhtheihna in a tlin ta ngang lo aniang "Eng nge khatia min en reng a?" a lo ti ta hlar a. A lài ngang mai, a biang a sen ṭawn ṭawn a. Vin viau e ti lo chuan melh pawh min melh ṭha ngam lo. Ka lo nui hawk hawk tawh thung a.
Ka va pan hnai zui zat a, en pawh min lo la en duh chuang lo. "Min pehhel dâwn mi?" a dàra hmui nawr vang vang chung chuan ka phun sup a, a lo thaw hak mai. "Kalsawn teh..." a âw chu a ri che che, a zâm vang a ni tih hria in ka pawmkang nghal nawlh a, a lo rãk ṭhat mai. "Min hnar dâwn maw?" ka mitmeng aṭang chuan ka duh a hrethiam vek ang. A zah luatah ka âwmah chuan a hmai a rawn nawr vak ringawt a. Chungte hlei hlei chuan min ti phûr emaw tih mai tùr a ni.
Kan chhûngte an mu vek tawh a, min rawn tibuai dawn lo tih lah ka hrechiang si. Zanin chu min dang thei tawh hauh lo vang. Ka fawh rual chuan rang zet hian min lo chhâng lêt ve vat a. Duhthawh zual sauh in ka chûl kual nghal den den a, a la zâm hle tih a thawk dân aṭang chuan ka hre thei. Mahse tâwp san ka tum tawh lo.
A thawmhnaw ka phelh chiah chu a lo inhup nghal chaih chaih a, "Zak suh" ka ti sup a, ka taksa a thunun hneh lutuk avang chuan ka âw pawh a mumal thei tawh lo. Mitmeng phelh phang hian min lo melh lêt ve chiai a, a hmui zuk khar chilh lehin chêt ka lâk zawm leh mawlh mawlh a. Zak viau e ti lo chuan a thiam ang tâwk leh a ngam ang tâwk in min lo pui ve zel a. Kan chêt dàn zet chu sawi thui chi pawh a ni lo, kan vawikhatna ve ve a ni tih hriat loh khawpin kan khawsa ti tawp mai ang.
"I chau em?" ka tih chuan a lo la thaw halh halh a, min la chhâng thei mai lo. "Ka dîm viau che emaw ka tia" nui hawk chunga ka tih chuan ka bân puamah min lo chûm nghal ṭaih a. Tuna a hmêl lan dàn tak hi chu keima hmuh tùr chiah a ni. Mipa dangin an hmuh ve ka phal hauh lo vang. "Na i nei em?" ka tih leh chuan rum zet hian min lo melh a, "Zingah phei chuan kha ai khan i chau dâwn ania aw" ka ti leh hram a. Ka hlim luatah nghal chi tinreng ka chhuah a ni ber.
"Kan ti tawh lo vang" a tih chuan ka lo nui hawk hawk a, a rawn nui veleh tho. Ka hâ a ti ziau thut a, kan rizai sin lai nen chuan ka kuah ta nawk nawk a. A lo tal bat bat mai, "Hey...i mãwl lutuk ka thaw ṭha thei lo ania" ṭawng chhuah harsat hmêl zeta a rawn tih tâk ah chuan ka thlah thei hram a ni.
Mipa dang sulhnu kai miah lo nupuia neih chu nuam tak a ni, ngaih hi a ṭha hliah hliah a. A hmasa ber ka ni ang chiah hian a tàwp ber leh a awmchhun ka ni ngei bawk ang.
___________*__________*_________*__________
(A hmâwr kan bâwk ṭep tawh a, zanin na nâ nâ chu lo comment ve sap sap ula tir'u?
)
Show post links
Top
By CVL.Awmpuii
Chapter 29
April thlà kan chuangkai a, mo lawm tura kan inbuatsaihna te'n a hmâwr kan bâwk dâwn ta. Ka chhûngte leh ṭhiante, ka thawhpuite chenin min phûr pui em em vek mai a. Senior lama nupui nei tùr ang maia min chhuah erawh ka lâwm lo khawp mai. Ka hnathawhte avang hian min ngai upa hlawm tlat a. Ka kum zât hre reng hlawm mah se senior treat in min treat tlat a, ka sawi buai peih tawh lo.
"I thaibawih dâwn sia aw..." tih chu Msa sawi tam ber a ni a. A châng leh "Nunhlimi chu a fel ang, i thû a awih ngawt ang" a ti thùl. Hepa pawh hi a nupui neih hnù hian rilru mumal a nei lo tlat. "Pasal nih chu eng nge a an a?" ka tih chuan " A nuam, mahse kan ngaih ang ngawt a hlimawm hi a lo ni bîk miah lo va. Nupa a lo insiam tawh chuan thu inhmuhfuh loh châng a awm ve ta zeuh zeuh" a ti a. A thusawi chu ka awih thlap. "In inneihna a la rei loh nen" ka tih chuan "Kan la inhau em em lo, mahse thla khat erh awrh chauh kan la innei nâ in rin ang a lo nih loh zia kan hre chho nghal mawlh mawlh mai. Beisei ai taka a nawm châng a awm a, Nula tlangval lo nih mai kha a awlsam tih châng pawh a awm veleh zeuh ṭhin " a ti duah a.
"Eng tak ang ve ang maw?" tiin ka ṭhen suk a, keimah leh keimah ka inbia a ni mah zawk. Msa chuan "Huphurh tùr a awm lo, kan pal ve pawp pawp a, a dik chho ve zel mai" a lo ti liam puat a. "Mahse i thaibawih dâwn tlata hriatna ka nei" a rawn tih leh chuan " I hrelo tawp anih chu" ka lo ti hmanhmawh a. Mipa pà inti ve tâwk tâk chuan chutia thaibawih tùr intih ringawt chu a lawmawm miah lo. Msa chu a lo nui hawk hawk a, "Kan la hria ang chu...nupuite hmaah i khup zal zal mai ang a" a ti leh hram a. "I sawi sek a, nangmah zawk kha i lo thaibawih reng a ni lo maw?" ka tih lêt tâkah chuan a lo ṭang na ve ngang mai.
"Tak taka, kan nupuite thû hi awih ila, kan thû an awih a ni a. Mahse mipa nih chuan thu tàwp siam tùr zawk kan ni tih hi hre reng ila. Nupuite hmaa intih pà vak te hi a lo ngai lo, zahawm takin awm tawp mai ila. Min lo zah mai, ṭawng tam lo ila a ṭul chin hi sawi tawp mai ila" thutak deuh zawk hian a rawn ti leh luam a. Ka lo pawmpui khawp mai.
Man hlan nî chuan Nunhlimi te in lamah kan va phei ve a. Hmanlai kha chuan man hlan ni hian mo neitu tùrte an kal ve ngai lo va. Mahse tunlai chhanah chuan tih dàn te hi a lo inthlak ve zel a. Mo neitu an kal tel ve zel tawh tlângpui.
Msa thû min râwn angin Nunhlimi chu pangpar báwr lian zet ka ken sak a, a lo lâwm thiam ngang mai. A chhungte leh ṭhiante lah chuan min lo fiam peih khawp a, "I inla zei vêl sia" min tih chuan ngaihtuah chhuak ṭha inti lutukin Msa'n mit min lo siai khum ta ṭhin a. Min thuam mâwi thiam khawp mai.
"Zanah mu hmâ la, zâm lutuk suh aw. Zîng thawh te kha i lo hai ange, a tih chî dâwn miah lo ania. Engmah huphurh tùr a awm lo, phûr em em zawk tùr. I mut theih loh chuan min lo bia la" kan haw hmâ in Nunhlimi chu ka fuih mawlh mawlh a. "A hnai telh telh a, ka châk lo telh telh " a lo ti tawl pek a. A inthiamlo veleh deuh aniang "Ka sawi awmzia chu a zamawm" a rawn ti ṭha leh a. "Engmah ngaihtuah vak vak suh, pal ve pawp pawp la a dik a nimai" ka lo ti liam puat a. Dik tak chuan zâm lo bîk pawh ka ni lo va, han hnem vak ngaihna ka hrelo a ni.
Kan inneih tûk kan thleng ta! Ka helhhawlh nge ka zâm lutuk pawh ka hrelo zàn lam ka mu ṭha lo lutuk a lu na burin ka tho chhuak a. Ka phone ka en chuan Nunhlimi message a lo awm va a, "Enteh U Hluzual, ka period dâwn tlatin ka hria" a rawn tih chuan chhàn lêt ngaihna pawh ka hrelo. "Period lo vang" ka ti ringawt a, a lo period thut chuan hun lo ka ti viau ang mawle. Kha chen kan lo nghak ve tawh a, inneih zàna chêt theih loh chu ka duh miah lo.
Kan tán liau liau a Biakin dár a han ri ve ta chu engtin emaw riau hian ka awm a. Ka kawchhung hi a che rawih rawih maiin ka hria. Kha chen ka nun ka lo vawn ve tawhna te khan a vawrtawp a thleng dâwn ta! Ka hmangaih ber nupui ah ka nei dâwn a. Biakin hawng ngeia Pathian hmaa thû ka tiam pui thei tùr hi ka lâwm. Mipa ka nihna anga ka hmangaih ber thianghlimna ka vawn him sak tlat chu ka inchhuang a. Ti ṭha ka inti a, pà ka la intih ṭum ber a ni hial ang. Mahse hengte hi Nunhlimi'n zir ngat lo sela chu kan puitlin thei kher lo vang. Insûm thei lo va ka inthunun theih loh châng apiangin min thunun tlat ṭhin a. A pawimawh berah chuan kan pahnih insum theihna rah a ni ka ti lo thei lo.
Mo kawr vâr thianghlim sar nena Biakin chhûng a lo lût chiah chu a mawi zia ka sawifiah thiam lo. Pastor hmaa thû kan chham lâi te chuan zâm ahnekin ka phûr em em zawk a. Nunhlimi pawhin ka rilru ang tho a pu in ka hria. Mahse a khûr ru der der tih chu kan kut kan inchelh sak aṭang chiahin ka hria. Ka mitmeng in zâm lo tùr chuan ka ti a, a thlamuanpui turin ka bu nghat bawk a. A thaw ve deuh huai chuan ka hria.
Inneih programme a zo a, thlâ kan la tùr chu kan han buai leh nak nak a. Kan ṭhian ṭhenkhatte'n min lo fiam ve reng bawk a. Kan hlim tlâng dar dar viau mai. "I va ning tawh àwm ve" Nunhlimi ner deuh nang chu ka fiam zeuh a. "A hautak ngei mai" a lo ti ve sep a. Thlâ kan la rei phian a, nuih pawh a nui hlei thei tawh lo. "Nui hram hram rawh, thlalak chu damchhunga awm reng tawh tur a ni sia i hmelchhe vek mai ang" ka tih chuan a lo nui lui leh hram a. Thlâ kan han la zo chiah chu kan thaw huai thei.
"Pasal hi neih mai mai chi a lo ni lo anih hi, engtin nge vawihnih vawi thum te hi an lo neih peih zawk le?" Nunhlimi ṭawngkam avang chuan ka lo nui huk a. "A zawngchhang tlâk i ti vak nange?" ka lo fiam zeuh a, "Ka peih tawh teuhlo mai" uar zet hian a lo ti vak a. A ngaih ṭhat thlâk rem rem asin. Chawei tùra min rawn koh tâkah chuan kan chhuak ve ta vat a. Inneih leh mo lawm programme engkim kan zo fel vek tawh a. Ruai ṭheh chiah a ni tawh mai. Ruai pawh mi nawlpui chuan an ṭheh hlawm tawh a. Kan buai zualpui a reh ve ṭep tawh e.
Châw kan han ei tùr chu ka Pa te'n min lo koh leh avangin kan va phei leh rih a. Kan chhung ṭhenkhat, khual khúa aṭanga lo kal te chuan haw an lo tum tawh hi a lo ania. An haw hma in Nunhlimi nen chuan min chibai ṭha leh a, inhmelhriat tirna te an nei leh sawk sawk a. Nunhlimi chuan a hre sêng nghal vek pawhin ka ring lo. Mahse puitling takin a lo dawngsawng vek a, "Hluzuala chu nupui i nei hmêlṭha hlê mai" an tihte chuan a nuam ve veng veng mai. Ka nupui thar lah chuan intithei zet hian min lo melh ta ṭhin a. Hmelṭha tih chu a lawmawm ve dâwn bawk êm a ni.
Zanriah chu kan dawhkanah kan kil a, kan ṭhiante pahnihin min ṭhutpui bawk a. Ka Nu leh Pa te kha chuan mikhual ho an lo la buaipui niin ka hria. Kan chawei chu Matei te ṭhianho in min vil deuh chawt a. Nonoi erawh nilengin hmuh tur a awm lo. Ka ngaihven vang ni miah lovin ka lo hre lo thei bîk lo va. A lo kal lo chu a lawmawm zawk ti mai ang. A lakah rilru danglam pu ve lo mah ila a lo awm ve reng chuan a tán pawh a nuam dâwn lo va. A inthiarfihlim hlauh chu a ṭha zawk ti tawp mai ang.
"Pi Lalnunhlimi nih chu eng nge a an?" Châw kan ei mawlh mawlh lai chuan Lawma a rawn lût ve hlawl a. "I ninawm aw Lallawm" Nunhlimi chuan a lo ti nghal hlak a. An inhnial leh dâwn tih lah a chiang reng mai. An pahnih awm dun hi chu ui leh kel thlun pawlh ang deuh hi an nia, an inngeih rei thei lo reng reng. "Zanah khan i ṭê ring lutuk ange aw" a ti leh a, "Sawi àwm leh àwm loh hi hre rawh aw i hneawm lutuk Lawmhnap " Nunhlimi chuan a lo ti veleh tán tán a. Midangho zawng chu kan lo nui ṭha mai.
"Kimtei te chu, mo thar neih ve ro ro a Nunhlimi te ang han neih tawp mai chu" Lawma bawk chuan a rawn ti leh a. "A chhûngte paw'n hmêlṭha min ti teh mai ania aw, lo inrawlh ve vak suh. I lo sawi ve tùr a awm lo, engmah i nih loh kha aw" Nunhlimi chuan sawi fuh inti zet hian a lo ti hmak a. "Ṭawngkam ṭha lah hi i awih vek a, tunge i hriat laiin hmelchhia ti duh bîk ang che. I confi loh te an hlau ve a, fak derna zawng zawng awih vek mai. An rilru tak tak chuan hmelchhia an ti ngawt ang" pakhatpa lah chuan a lo ti veleh zung zung a. Nunhlimi chhan ngaihna hre tawh lo chuan rum zet hian a melh ta ram ram ringawt a.
"Chawei pawh i ti tui nek lo e a, kal teh" ning zeta a tih leh chuan a fiam zui tawh bîk lo. "Tak taka ka lawmpui lutuk che. U Hluzuala te ang mipa ṭha lutuk i bum thlu hlauh a. Mi pangngai lo kha mi pangngaiah a chhuah dâwn che anih hi" a ti leh hram a, a chhuak zui nghal daih a. Nunhlimi âng zui bai bai chu kan lo nuih pui hawk hawk a. Hetiangah hian a naupangchhia ru riau a, dawm thiam a ngai khawp ang.
Zanah chuan inlêng neuh neuh kan nei zui leh nghal a, kan ṭhiante phei chu an awm tlang a, kan la buai nak nak viau. Nunhlimi leh Lalnuni te ṭhian dunin thingpui an lum char char a. Msa nen inlêng kan lo kàwm thung a, ka Nu leh Pa te pawh an lo ko pêng ve sek a. Inlêng an haw a, mu tura kan inpeih fel meuh chuan dár 11 a lo ri thuak tawh.
"Inbual hmasa la, heihi ka'n dah fel leh lawk ang" Nunhlimi'n a rawn tih chuan hnial lovin Bathroom-ah ka lût zui ve nghal mai a. Ka va chhuah leh chuan a lo inpeih fel at tawh a. Ka phone a rawn ri zui a, phone ka hman lai chuan Bathroom-ah a lût zui ve ta in ka hria. Kan pu te lam aṭangin phone call ka dawng a, kar khat chhûng chawlh ka la fel vek tawh na in in lama hna khawih tùr tlêm azawng min rawn tuk sak leh hram a. "Nupui nei hlim ni mah la tihngaihna a awm ngang lo a ni. Tun kar chhunga peihfel hman tùr ania. Nang lo khawih tùr dang rin tlak vak an awm si lo va" a rawn tih chuan ka lo hrethiam khawp mai. Hmanhmawh thlak lutuk a ni chuang lo bawk a, office chhûnga khawih kher a lo ngai lo bawk nen zan hnih vêl ah chuan ka buaipui fel thei mai ang.
Bathroom aṭanga Nunhlimi lo chhuah hun chu ka nghak ren rawn a, darkar khat dâwn a awm tawh a. Ka ngaih a ṭha tawh chiah lo, a tlu sual ta emaw tiin ka ngaih ṭha lo chuan kawngkhar chu ka va kik ta nge nge a. "Nunhlim..." ka ti a, min rawn chhâng mai lo. "I ṭha em lo hawng teh" ka tih leh pawh chuan a reh deuh vang vang a. Ngaih ṭhat loh ai mah chuan ka ngaihtuahna ah thil dang a rawn lût zawk a, a zak emawni reuh le? "I rawn hawn loh chuan kawngkhar hi ka tichhe dâwn ania" ka ti leh a. Ka chhûngte'n kan thâwm an hriat ka hlau tho bawk si kawngkhar chu ka bêng ring ngam chuang lo.
"Nunhlim..." ka tih leh takah chuan " Ka ṭha" a rawn ti sep a, kawngkhar chu a rawn la hawng lo cheu! A âw rîk dân lah kha thil diklo awm ang maiin a thâm chhal a, a ṭap tlata hriatna ka nei. "I ṭap em ni? I ṭha em?" hlauthawng ru zet hian ka ti a, "Aih...ka ṭha...ka lo chhuak ṭep " a rawn ti veleh vat a. A âw rîk dân chu a dik lo, a ṭap ngei niin ka hria. A ṭah chhan tùr awm ang ka ngaihtuah a, a rilru tih nat sakna ka neih ka hre bawk si lo. "I ṭap tih ka hria kawngkhar lo hawng teh, enga tinge?" ka ti dam leh thlup a. "Nunhlim" ti a kawngkhar ka ben leh rual chuan a rawn hawng ta a. A hmêl ka hmuh hma hauhin min rawn kuah nghal thlawp a. A awm dàn chuan min ti hrilhai letling khawp mai.
Ka âwm ah chuan a hmai rawn nawr vakin a ṭap khur ta dar dar a. Nghet zeta lo kuah lêt in a samah chuan ka fawp vang vang a. "Tunge i ṭah? I inti nâ em ni? I rilru tihnatna ka nei em?" ka ti sawk sawk a. A lu a lo thing nawk nawk a, ka duatna âw vang chu aniang a ṭap uar sauh a. A buak hian a rawn baw hawk a ni ber. "I chhungte i ngai em ni?" ka tih leh takah chuan " Ka Nu ka ngai lutuk" a rawn ti ta chiah a. Ka lo ngaihtuah chhuak lo chu pawiti zet hian ka chet hluk a.
Vawiin hi a tán ni pawimawh ber a ni a, a Nu a ngaih tur zia ka lo ngaihtuah chhuak miah lo chu ka inthiamlo ngawih ngawih. "Ka tihpalh lutuk Mate..." ka ti ringawt a, inthiamlo zetin a samah chuan ka fawp leh vang vang a. Chutia rei tâwk fang min kuah chunga a ṭah hnu chuan a inlahrang ta a. A mitmeng ka hmu chiah chu ka lainat lutuk ringawt. Ka bula a awm lai renga khawharna a nei chu ka inhaw hluah hluah. "Lo ngaihtuah chhuak tùr ka ni asin mawle, a pawi ngawt mai" ka ti hulh a. Ka âwm ah chuan dîm te hian ka kuah bei leh hle hle a.
Zanrei tawh viau mah se thlàn kal ka rawt a, a lung a lêng ngang aniang min lo hnial bîk lo. A inthlak lai chu reilotê ka nghak a, a inpeih har lo. Ka Nu leh Pa te hrilh tuma an room lam kan pan lai chuan "Kal leh lo mai ang" a ti a, a inthlahrun vâng tih ka hai lo. "I duh leh ṭhutkhawmna ah min lo nghak la, keiman ka'n hrilh ang" tiin a chal ah chuan ka fawp zauh a. A hreh ngang aniang ṭhutkhawmna ah chuan min lo nghak a. Ka Nu leh Pa te chu an lo la mu lo hlauh a, tlang takin Nunhlimi awm dàn ka hrilh a, an lo hrethiam kher mai. Mahse rei lutuk lo tùr leh fimkhur tur chuan min chah zui mawlh mawlh a. Ka Nu phei chuan a lainat hmel khawp mai.
Zàn a rei tawh avangin Bike-a inphur chhuak lovin car kan keng ta zawk a. Nunhlimi awm dàn nguai lutuk chuan min ti hrehawm ve vek mai. Car tukverhah chuan dâk in thli thaw heuh heuh chu a in chhem tir a. A awm dàn lunglèn hmêl zet chuan ka thinlung a khawih takzet. Be buai duh lovin hun thâwl ka pe a. A Nu a sun ṭha leh ni berin ka hria.
Thlàn hmaah chuan ngawi rengin a ṭhu a, a hnungah ka lo ding thung a. A ṭap khûr nghal dar dar a, ka ṭawngka in hnem thiam lo mah ila ka ngaihsak ani tih lantir nan a hnungah chuan ka lo bêng thak thak a.
"Nu...i fanu hian vawiin khan pasal ka nei ve tawh asin. Tun hun tal hi min nghah thlen pui ve thei la ṭha tùr ania tiraw? I hlim dâwn tehlul nen" a tlusawp tùr chu ka lo dawm vat a. Ka âwm ah kuahbet in "Insûm reng reng suh" ka lo ti sup a. A rawn ṭap chhuak hawm hawm mai. Pi Châmi thlàn chu ka thlîr a, rawn chhâng thei ni ngat sela a fanu hi a rawn hnêm em em ang.
"Ka ngai lutuk" pangchang zeta rawn ti lehin min lo kuah lêt ve sauh sauh a. "Lungngai suh, i lunglèn khawharna te hi tireh thei lo mah ila hnêm tùr che in i bulah ka awm zel ang" ka lo ti nghet charh a, a samah chuan fawp vawng vawng in ka thaw hawk a. A awm dân hian ka thawk a lo ti ipik ve vek mai. Mal lutuka a lo inngaih palh mawlh ka hlau a ni.
A Nu thlahna thû a sawi lai chuan ka rilru in thû ka lo tiam ve mawlh mawlh a. "I fanu hi rawn ngaihtuah reng reng suh, ka lo enkawl ang. Ka tihlim reng thei lo anih pawhin lungngaihna tâwp khawk ka siam sak ngai lo vang" ka rilru chuan ka ti mawlh mawlh a. "Nu...anih phawt aw, nakinah kan lo tlawh leh ang che" tiin Nunhlimi chuan a Nu chu a thlah thei ta hram a.
Ka bul a rawn thlen leh rual chuan ngawi reng hian min kuah vang vang a, "Ka lâwm lutuk aw" a tih chuan "Ka hmangaih che" ka lo ti thung a. Tun hi ka hmangaih thû ka vawikhat sawina a ni. Min lo melh vat a, a mittui luanna hnuhma te chu lo tuai faiin "Ka hmangaih che, hre reng rawh" ka ti nghet leh churh a. "Keipaw'n ka hmangaih che U Hluzual" a lo ti ve sep a. Ka kuah leh hlu hlu a, a hahdam hmêl ta khawp mai.
Lungáwi zetin Nunhlimi hmêl chu ka thlîr vang vang a, chîk zeta ka en tâkah chuan a lo hmêlṭhat zia ka hre thar awn awn mai. Zanin hi kan inneih zàn ni mah se chutiang lam boruak reng reng chu kan hawi thei lo va. Thlànmual aṭanga kan lêt hnù khan a chau hlê aniang hriatthiam min dîl tawl pek a, ka dàra bei chungin a muhil zui ta bawrh bawrh kha ania. Ka nupui niin beisei nei mah ila thlamuang taka a muhil thei chu ka lâwm zawk. Vawiin inneihna lamah a chau ve bawk nen a ṭap zui leh ta hrep bawk sia, ka lainat reuh tak tak a ni.
Zinga ka harh chuan a lo mu tawh reng reng lo mai a. Sana ka en nghal vat a, dár 7 a lo ri va tawh mai. Bathroom-ah a awm mai ringin ka va en a, a lo ruak hiang mai. Inphihfaiin room aṭang chuan ka chhuak zui ve mai bawk a, choka aṭanga Nunhlimi ṭawng lang lang ri ka hre zui zat. Ka thawh hlim phat aṭanga a âw ri hriat chuan engtin emaw riau hian min tihlim a. Lungawi lohna chhan tur pakhatmah ka hre lo.
"Morning, i mutui em?" min hmuh rual chuan a lo ti zâng nghal vah a, a hmêl a nung deuh sarh a. Mo thar tûk laih ṭut ṭut leh kimki chawih chawih ang kha a neih hmêl loh. "I mutui zawk em? I va tho hma ve" ka lo ti ve hluai a. "Ka harhna a rei tawh lutuk a, ka pang a kham bawk nen i harh hun ka nghak zo ta lo che anih kha" a lo ti zung zung a. Ka Nu nen eirawng an lo bâwl dùn a, an inpawh nghal viau in ka hria.
"U Hluzual, thingpui ka lo thlit ang che aw" a tih chuan ka lo aw ve mai a. A pheikhai zâng vah leh tìmna nei hauh lova kan choka a a chetla vêl chu hmuhnawm tak a ni. A thil hriat lohte chu ka Nu a zawt nghal zung zung a, ka Nu lah chuan phùr em em in ṭha tak hian a lo hrilh ve zung zung bawk a. Nufa ni àwm tak an niin ka hria.
Nilengin inlêng neuh neuh kan nei veleh duah a. Msa leh Lalnuni te pawh an lo phei veleh a, "Nuam em nupui neih chu?" awmze nei zeta Msa'n min rawn tih chuan ka lo nui hul hawk ringawt a. Thleng tùra a ngaih kha a thleng miau si lo va, sawi mai tùr a vâng. Mahse kan nupa inkar a ni tawh a, sawi lan kher pawh ka tum chuang lo. Kan ṭhian dangte pawhin min lo fiam ve nak nak hlawm a, ka nui liam mai a. An la hrâm tlahawlh em em zui a, kan inkhak lo chauh a ni.
Room-ah tihfel ngai neuh neuh a la awm avangin Nunhlimi te ṭhian dùn chu room lamah an awm daih a. Kimtei te ṭhian hovin an pui bawkin ka hria. Tun thlengin Nonoi hmêl a lo la lang lo va, ngaihsak lo viau mah ila a hriat loh theih loh. Kei ve tehlul heti tak maia min lo vei hi mak ka ti hial tawh zawk. Kimtei'n a sawi chhuak miah lo va, zawh pawh ka tum hran chuang lo. An la inkawm chho zel dâwn anih chuan kan inah pawh a lo la kal ve fo in ka ring a. Ka rem tawh loh zia lan tîr chu ka tih tùr a ni a, mahse a chunga sual chhuah kher ka tum chuang lo. Ka nau ṭhiannu a nihna angin ka nau angin en tawp ila, a fuh berin ka hria.
"Mate...in laklawh loh chuan thingpui rawn sem leh lawk ila tiraw?" kan room kawngkhar ka hawn rual chuan ka ti sup a. "Ehhh...kan in koh dàn vêl chu" Lalnuni'n a lo ti àwn duai a, Nunhlimi a lo lâi ngang mai. Mahse pangngai tak hian "Laklawh lo e, kan lo chhuak ang" a lo ti ṭha mai bawk a. Ka kalsawn thleng chuan an chhaih zui tih ka hre reng, a lo insawi fel ve tawh mai aniang chu!
"I nupui chu a fel thar thar ngei mai, a mawng a zângin a ṭawng duh bawrh bawrh bawk si a. Kan ngaina nghal thuai mai, a hmêl lah a ṭha reuh bawk si. Nupui i nei fuh khawp mai" ka Nu û chuan min rawn bekbawr sar sar a. Nu khirh ve tak anih tehlul nen chutia a kâ aṭanga Nunhlimi fakna thû a chhuak chu mak tih loh chî a ni lo. "Nang meuhin fel i tih chuan a fel hle aniang, ka tisual lo tùrah ngai ang aw" ka lo ti ve hluai a. "I sawi dàn kher chu, ka va han sual hmêl ve a" a lo ti hlak a, ka lo nuih tlawn ringawt a, ani pawh a rawn nui veleh tho. A ni meuhin fel a tih chuan awih loh phal chi a ni lo, a fel tak tak tihna a nimai.
"Hmeichhe khawsak ṭha hi chu ka vawikhat hmuhna aṭang hian ka hai hlei nem. Ka sawi dik chat zel alawm. An ke chheh aṭang leh ṭawngkam aṭang te'n, an mitmeng aṭang te'n a hriat vek alawm" a lo ti leh duah a. Nunhlimi tán chuan ngaih ṭhat ngawih ngawihna tham a ni. Chhûngkua ah chuan buai rap rap pâwl hi awm loh theih loh a ni a. Nunhlimi nen pawh nupa ah kan la insiam ṭan chauh a, eng eng emaw kan la tâwk chho ve ngei ang. Mahse an vawikhat hmuhna leh hriatna a an ngaihdan hi a pawimawh ve tlat, nakin hun zel atân hmalam hun hriltu a ni ve tlat thei a. Sual tura an ngaih nghal tlat chuan fel chhuah viau pawh nise an ei lo vêl emaw ania nga. Mahse a tir aṭanga fel an tih miau chuan eng emaw hlek pawh lo awm se an hrethiam zel mai ang.
Tlãiah chuan mi tlêm azawng in châw kan eikhawm veleh a. Nilengin kan hnuhma tifel in min rawn pui hlawm si a, zanriah lo buatsaih sak leh pawh chu an phû ve reng reng ani. Msa erawh a buai deuh avangin zanriah kan ei hma hret chuan a haw a. Nupui nei lai a ni ve tawh tlat a, tlangvál lai ang ngawt kha chuan a awm thei tawh bîk lo chu a ni.
"Zanin chu lo riah ve mai ka duh" Lalnuni'n a rawn tih rual chuan kan nupa in kan lo nui hawk hawk a. Kan khumah a let tual tual a, henu hi Nunhlimi ai pawhin a la naupangchhia veleh chhawng a. Khúa hi a var lo ṭhin khawp mai. "Pasal neih chu a nuam em?" Nunhlimi en chung chuan a rawn ti leh hluai a, Nunhlimi nuih a lo za nasa mai. "Nei ve chhin phawt la, i hrethiam mai ang" a tih chuan "Awi i inla pasal nei vêl e...zan khat leh ni khat chauh in la inneih hi aw..." uar zet hian a lo ti lêt vat a.
Zanriah kan eikham tawh a, tihfel ngai ang ang pawh kan tifel leh vek tawh. Inlêng tam zawkin min ṭin san leh tawh a, tunah tak phei chuan Lalnuni chiah hi a lo lêng tawh. Haw a la tum hmel loh em em mai lehnghal a. Kan khumah nuam ti zetin a la let kual thak thak a. A thusawi lah chu a ho hlawm bawk si, mahse Nunhlimi nen chuan an nuih a za em em zel thei a. A ṭha letling phian mai.
"I lo la lêng ta sa sa, hna tlêm azawng ka'n khawih ange" ti a ka computer ka on chiah chu a lo ṭeu nghal hlar a. "Awi...a ngai bîk lo. Tun ang hunah hna lo sawite chu a, i ti mak ve e. Lo titi ve mai mai rawh" a lo ti tán tán a. "In titi ka man pha ve lo, lo inkawm rawh u. In thusawi kha patling titi atân chuan a ho emai" inla thupui fun nei fe hian ka lo ti hluai a. Ka hna chu ka en zui nghal mawlh mawlh a. Lalnuni chuan min lo ei lo nasa mai, "Inla patling nghal ringawt sia maw" a tihna chu ka ngaihsak zui tawh lêm lo.
Dár 10 velah min hawsan ta chauh a, ka hna pawh ka khawih ṭeuh hman mai. A haw tur chu kan nupa in pâwn thleng kan thlah a, a la haw hreh hmêl em em zui a. "Lo riah ve mai ka duh" a ti leh hluai ṭhin a. A tu zawk mahin kan sâwm duh si lo chu a titau lek lek hial. "In mak ve e, zan khat lek tih loh pawh chu in va hreh àwm ve" min han ti tawl pek a. Ka lo nuih hawk laiin Nunhlimi chuan a bêng nghal thak a. "I ṭhing emai aw, khatiang sawi chi pawh anih loh kha" lai angreng tak hian a lo ti vat a. Lalnuni lah chuan "Raw deuhin ka sawi chuan loh kha mawle...in rilru a ni reih ruih lutuk anih kha" tiin a nui zui hawk hawk a. "Haw vat vat mai teh" ka lo ti ve hlut a. Hetia tih mai loh chuan a haw thei dâwn lo tak tak niin ka hria.
"Awi U Hluzual, ve lutuk a che aw. In inhauh laia i mangan zia kha i la hria em? Ka puihna te min ngen cheng chawng kha! In inhauh leh hunah chuan Nunhlimi hi ka fuihpawrh tawh ang" a ti tán tán a. A duh tâwka a an leh hrep hnu chuan min hawsan ve thei ta hram e.
"Lalnuni tak hi chu a, kei ai pawh hian a uang a, sawi àwm leh àwm lo pawh hi a hrelo reng reng" room-a kan lêt leh rual chuan Nunhlimi'n a ti mawlh mawlh a. A chezia chu ka lo en reng a, a lài hlê in ka hria. Engmah tih tùr hre hawt si lovin dressing table hmaah chuan a va ṭhu ringawt a. A thil dah inrem ṭha sa reng chu a khawih kual a khawih kual a, nui vur vur chungin ka lo la en reng a. A laih dàn em em chu a khawngaih thlâk zawk, hmuhnawm ka lo ti tlat bawk si.
"I mu tawh dâwn em?" a rawn ti leh hliai a, ka mitah pawh min en ngam lo. A rawn hawi zawk na in a hawisawn leh nghal a. "Kan mu ang chu" ka lo ti ve mai a, ka awmna ngaia awm reng chung chuan ka la en reng a. A dawhtheihna in a tlin ta ngang lo aniang "Eng nge khatia min en reng a?" a lo ti ta hlar a. A lài ngang mai, a biang a sen ṭawn ṭawn a. Vin viau e ti lo chuan melh pawh min melh ṭha ngam lo. Ka lo nui hawk hawk tawh thung a.
Ka va pan hnai zui zat a, en pawh min lo la en duh chuang lo. "Min pehhel dâwn mi?" a dàra hmui nawr vang vang chung chuan ka phun sup a, a lo thaw hak mai. "Kalsawn teh..." a âw chu a ri che che, a zâm vang a ni tih hria in ka pawmkang nghal nawlh a, a lo rãk ṭhat mai. "Min hnar dâwn maw?" ka mitmeng aṭang chuan ka duh a hrethiam vek ang. A zah luatah ka âwmah chuan a hmai a rawn nawr vak ringawt a. Chungte hlei hlei chuan min ti phûr emaw tih mai tùr a ni.
Kan chhûngte an mu vek tawh a, min rawn tibuai dawn lo tih lah ka hrechiang si. Zanin chu min dang thei tawh hauh lo vang. Ka fawh rual chuan rang zet hian min lo chhâng lêt ve vat a. Duhthawh zual sauh in ka chûl kual nghal den den a, a la zâm hle tih a thawk dân aṭang chuan ka hre thei. Mahse tâwp san ka tum tawh lo.
A thawmhnaw ka phelh chiah chu a lo inhup nghal chaih chaih a, "Zak suh" ka ti sup a, ka taksa a thunun hneh lutuk avang chuan ka âw pawh a mumal thei tawh lo. Mitmeng phelh phang hian min lo melh lêt ve chiai a, a hmui zuk khar chilh lehin chêt ka lâk zawm leh mawlh mawlh a. Zak viau e ti lo chuan a thiam ang tâwk leh a ngam ang tâwk in min lo pui ve zel a. Kan chêt dàn zet chu sawi thui chi pawh a ni lo, kan vawikhatna ve ve a ni tih hriat loh khawpin kan khawsa ti tawp mai ang.
"I chau em?" ka tih chuan a lo la thaw halh halh a, min la chhâng thei mai lo. "Ka dîm viau che emaw ka tia" nui hawk chunga ka tih chuan ka bân puamah min lo chûm nghal ṭaih a. Tuna a hmêl lan dàn tak hi chu keima hmuh tùr chiah a ni. Mipa dangin an hmuh ve ka phal hauh lo vang. "Na i nei em?" ka tih leh chuan rum zet hian min lo melh a, "Zingah phei chuan kha ai khan i chau dâwn ania aw" ka ti leh hram a. Ka hlim luatah nghal chi tinreng ka chhuah a ni ber.
"Kan ti tawh lo vang" a tih chuan ka lo nui hawk hawk a, a rawn nui veleh tho. Ka hâ a ti ziau thut a, kan rizai sin lai nen chuan ka kuah ta nawk nawk a. A lo tal bat bat mai, "Hey...i mãwl lutuk ka thaw ṭha thei lo ania" ṭawng chhuah harsat hmêl zeta a rawn tih tâk ah chuan ka thlah thei hram a ni.
Mipa dang sulhnu kai miah lo nupuia neih chu nuam tak a ni, ngaih hi a ṭha hliah hliah a. A hmasa ber ka ni ang chiah hian a tàwp ber leh a awmchhun ka ni ngei bawk ang.
___________*__________*_________*__________
(A hmâwr kan bâwk ṭep tawh a, zanin na nâ nâ chu lo comment ve sap sap ula tir'u?
Show post links
Top
Link: | |
BBcode: | |
HTML: | |
Hide post links |
Nun tihlimtu Lalnunhlimi
By CVL.Awmpuii
Last Chapter
Zîng ka harh chuan keimah chiahin ka lo mu leh tawh a, kan mo thar hi ka thawh khalh thei meuh lo chu a ni. Nizàn kan boruak ka ngaihtuah lêt a, lawm lohin ka nui nghal vur vur ringawt a. Thawh hlim phat aṭanga ngaihtuah zui atân chuan hlimawm tak a ni.
Kan room kawngkhar rawn ri khap lam chu ka hawi nghal vat a, "E...i lo harh tawh maw? I mu rei reuh lutuk a, ka lo ngaihven che a" room chhûng rawn luh pah chuan Nunhlimi'n a rawn ti nghal zung zung a. "Tinge min thawh san a" ka lo ti thung a. "I thawh hun ka nghah chuan kan tho tlãi lutuk dâwn asin" a lo ti ve vat a. "Ka bulah hian lo kal teh" ka tih leh chuan a lo kal hnai ve mai bawk a. Mahse ka rilru a lo hria nge ni ka bula mu tùra a kut ka ban chiah chu a lo ṭang nghal ṭung a.
"A hun tawhlo aw...thawh a hun tawh" tiin a kut ka chelhna chu a kut lehlam in min lo ben sak thak a. "Hnuailam in hun leh hun lo a hrelo" ka tih chuan a lo ṭeu hlar mai. "I ninawm, khatiang lam ringawt kha ngaihtuah suh aw..." min kaihthawh tum pah chuan a lo ti nang nang a. "Anih leh min fawp tal rawh" ka ti leh hrâm a, mipa naupang thuawih hmêl zeta ka hmêl ka'n siam kual vêl chu "Tenawm miah suh" a lo ti nghat a. Ka nui ta hawk hawk ringawt, pangchan luih a har ngang mai.
Mahse ka chhaih luih sek tâk ah chuan tihngaihna a hre ta vak bîk lo aniang, "Min fawp phawt rawh" tiin ka ṭang lui tlat bawk si. A ni hmanhmawh ta reng reng chu ka thû ang chuan a rawn ti ve mai bawk a. Min rawn fawp zeuh a, inlakhran nghal a tum chu duh lovin ka lo man bet a. Duhthawh zet hian ka fawp zui ta ngawng ngawng a, a ṭan rei ang aiin min lo chhâng lêt ṭha angreng khawp mai.
Khumah chuan lehthalin ka bawhbet nghal a, ka la fawp reng a. Ka ngaihtuahna a ti nu leh bulh tawh. A kekawr ka pawt tùr chiah chu min lo dang vat a, "Hey...a chî loh" a rawn ti sep a. Mahse a thâwk dàn aṭang chuan a danglam ve reng tih ka hai lo. "Nupa kan nih tawh hi, thiang lo a awm lo" ka lo ti khur hluk a. Mahse a thu rawn sawi leh avang chuan insûm ṭeuh chungin ka inlahrang thei hrâm a ni. A period anih chu! "Tûkin aṭang khan ania, pawi tawp" tiin min nuih rah rah a, ka va han ngei reuh mai mai tak! "Min tem vir tîr ting tang a" ka lo ti hmuk a, mahse keipawh ka nui veleh tho.
Kan inneih aṭanga kâr khat chhûng vêl chu chawei a sàwmtu kan nei indawt ve zut a. Keini nupa tehlul min lo ngâihlu thiam hlawm lutuk chu kan phû lo takzet a ni. Ka thawhpuite bâkah Nunhlimi hian hmêlhriat ṭha a lo ngah zek a. A ṭawngduhin a ngainatawm em em a, mak pawh ka ti hran lo. Keima lam aṭanga min sàwmtu ai mah chuan a lam aṭanga min sàwmtu kan ngah zawkin ka hre hial a ni. Innei thar hlim hlawt ni mah ila nupui ka thlang sual lo tih hrilh chawp ka ngai lo. Ka lungawi ṭhin vet vet khawp mai.
"Vawiinah Remi ka hmù asin" Nunhlimi chuan min rawn melh chho kar a. Kan mutna a rei tawh viau nâ in muthilh lam a la lang meuh lo. Heti hian zantin kan titi ṭhin a, nupa inkawmngeih tak chu kan ni phawt mai. "Khawiah?" ka lo ti sup a, Remi chungchâng hi kan inneih hnù aṭang khan vawikhat mah kan sawi chhuak leh tawh lo va. Hmuh pawh ka hmu leh tawh lo hrim hrim. Ka lo ngaihtuah chang tawhlo hrim hrim zawk a, a rawn sawi tâkah chuan ka hrechhuak veleh chauh zawk a ni.
"Lalnuni rawn lêng kha ka va thlah a, ka haw lamah ka hmù...kan vêng kàwnah sáwn ania. Dàwr ah ka lo kal kãwi kher kher bawk nen kan inhmufuh lutuk a. Mahse kan inbe lo, biak hmasak chu ka duh lutuk. Ṭha deuh a biak a, pangngai taka awm zui mai ka duh a. Mahse ka tilui thei thlawt lo" a ti duah a. "A pawi loh tawp chu" ka lo ti tàwi tâk ringawt a. A mitmeng fiah zet chuan min rawn melh leh kiau a. Ka lo kuah nghet sauh thung a.
"Kha chen kan lo inkawm ve tawh a, heti maia kan inṭhian ṭhatna a chhe ta mai hi chu pawi ka la ti reng. Siam ṭhat leh theih ni se, siam ṭhat leh ngei pawh ka duh. Mahse tlàwm harsa ka ti a, khang zawng zawng kan chunga a tih tawh hnù kha chuan ka be ṭha leh thei tawh thlawt lo. Thil ṭhenkhat ah kha chuan ka ngaidam thei lutuk, mahse ka chungchanga dawt a lo tel kher kher kha chu ka ngaidam thei thlawt lo a ni. Huat loh luih ka tum ngial pawhin ka thei lo" a lo ti leh duah a. A mizia ngaihtuah chuan a rilru tùr hi ka hriatthiam pui khawp mai. Midang huat leh enghelh neih vêl hi amah nen a inhmeh lo va. Remi hi a vawikhatna liau liau anih ka ring.
"Tumah hi kan fel famkim lo va, inthiamlo bîk lutuk duh suh. I thiam lohna ni miah lovah phei chuan hrehawm ti duh miah suh. Mahse ngaihdamna hi a hlu a, ngaihdam ngai, hriatthiam ngai vek kan nia. Ngaidamtu nih phei chu hlu tak a ni. Chutihrual chuan rilru tak taka kan ngaihdam theih lohte laka lemchan kher hi a ngai miah lo. Kan inti hrehawm tawn mai mai. Chuvangin i rilru leh tih takzeta i ngaihdam theih hunah chiah nangmaha a thawh dàn dàn khan i che tawh mai zawk dâwn ania. Inbiak chhiat reng erawh a ṭha chuang lo va, mahse lemchanna nena nun hman chu a ṭha chuang miah lo ania" ka lo ti ve duah a. A dàrah chuan hnem tum tak hian ka chûl hauh hauh zui bawk a. A rilru hrehawm dàn tùr hi ka hrethiam ve lutuk.
"Mahse kan Pathian thû chuan 'A theih phawt chuan nangmahni lam tal mi zawng zawng nen inrem in awm rawh u' a ti si a. Remi chuan min lo mil lo viau pawh nise ṭhat chhuah zawk tur ka niin ka hria. Amah ang ka nih loh zia lantirna tùr niin ka hre bawk a" a lo ti veleh halh a. A Pathian thu rawn sawi chhuah ber kher chu a rilru thianghlim tak aṭanga rawn chhuak a ni tih ka hai lo. Mahse heti hian ka fuih ta zawk a - "Mi zawng zawng nen inrem turin min ti ngawt lo va, 'A theih phawt chuan' a ti tel alawm. Theih ngang loh a awm tih a hrethiam ve a ni chêk ang chu! Mi zawng zawng rem kan tumna lamah hian mahni nun ti hrehawm khawp a awm tùr a ni ngai lo. I rilru thianghlim zet tih kawih ka tum vâng ni miah lovin thil nihphung ka sawi zawk anih chu aw. Inrem theih ngang loh hi a awm ve a. Nang pawh ngaihtuah chiang la. In ṭhian dùn hetia in han awm ta hi in pahnih tana ṭha tùr ve ve a ni zawk ang em? Remi pawh kawm leh ṭalh tumin be ṭha ngar ngar la, ani'n chutiang lam chu lo hawi ve si lo se tùn ai mah hian in inngeihlo zawk mai thei asin. In in intina tawn belhchhah thei ve tlat. Chuvangin tuna in awm dàn pawh hi a ṭha zawk mai thei asin" ka ti leh duah a. Ka ngaihtuahna min ṭawmpui tih hriat tak chuan a lo bu ve ta nghat nghat a.
"A hma khan engtin chiah nge ka tih min zawt dâwn lo em ni?" a rawn tih leh hluai a. A sawi awmzia ka hriat loh avang chuan mitko ka lo sàn uk a, "Aww...kha kan inneih dâwn vela thu diklo a lo phuah chawp vak vak vêl kha mawle. Khami ṭum khan ka insum zo lo va, ka va hau ve ta hrep alawm. A ngawi chiang asin aw. Min rawn tihbuai zui ngam tawh miah loh hi. Kan chungchang phei chu a sawi zui ngam tawh teuhlo mai" a lo ti tán tán a. Remi lakah khan a inthiamlo rilru ve deuh emaw ka tih laiin tunah chuan a huat leh hmêl viau tawh. "Ni tak e...kha thil kha engtin nge i lo bawhzui tak le?" ka lo ti ve hluai a. Mahse a sawi zui leh duh chuang miah lo. "Ka chungchâng a hriat hnem tluk zetin a chungchâng pawh ka hre hnem ve alawm. Mahse kha chu kan ṭhian dùn inkarah tàwp rawh se. Ka pasal ni tawh tho mah ila i hriat ve kher ka remti lo" a lo ti leh lawi a. Ka nupui pawh hi hriatthiam a har ve khawp mai.
Remi a lo tih dàn pawh chu zawh zui ka tum tawh bîk chuang lo. A sawi ang khan an ṭhian dùn inkâr a ni tawh a. A sawi chhuak duh miahlo te hlei hlei chuan min hneh. A lo chinfel chuan a ṭha a ni mai. Hetia Remi a reh zui hmak theih dànah hian engtin emaw tak chuan a ti ani phawt ang a. Ka nupui hi ka ring ve tâwk a, ngaihtuah buai vak a ngai pawhin ka hrelo.
"Nonoi hi..." a rawn ti leh hluai a, a ngawi leh daih lawi a. Zanin kan topic chu a rawn her danglam bawih bawih mai. "Sawi la..." ka lo ti sup a, a dàr ruak kângah chuan ka fawp zeuh bawk a. Dik tak chuan ka rilru ah thil dang a awm leh daih tawh. Mahse a taksa a chau lutuk ang tih ka hlau ve tho si a, chêt lâk nawn ka tum tawh hran lo. Ka insûm tlang thei lo anih leh a nih nih kan ni leh tawh mai aniang chu!
"Kan inneih hnù hian a lo la lêng miah lo tiraw? Nge ni a ka awm loh lai hian a lo kal ṭhin zawk?" tiin chîk zet hian min rawn melh a. "Ka hrelo le" ka lo ti ringawt chu rum zet hian min rawn melh ringawt a. Amah ai hian inah ka awm tlêm zawk a, nilengin ka office san a, a awm loh laia lo kal chu thil theih loh a ni zawk reng sia. Rawn kal ni ngat sela chu kei aiin a hre daih zawk dâwn.
Nunhlimi chu a inlahrang nghal ringawt pek a, nui hawk hawk chungin ka va kuah lehnghal vat a. "Kal teh...ka ning tlat che" ti hlar in ka kuahna kut chu min phelh sak a lo tum nghal zat a. Eng nge maw a hriat reuh ni? A rawn sawi chhuak tu zawk ania thinrim zawkah min ṭan san leh daih a. "Ka nupui duhawm tîk têk nu...i tau nget nget em ni?" nuihza insûm zet a ka tih chuan a lo rum chhar chhar a. A âwm bâwr ka khawih rual chuan ka kut a lo man bet leh vat tawh. Thawmhnaw kan hâk miau loh avangin awmze nei zet hian a hnunglam aṭang chuan ka che a, kan taksa pawh ngialngan takin a la insi tihna anih chu!
"I sual emai" a thaw hak a, a taksa ka thunun si, a la titau deuh reuh bawk si. A awm dàn chu lawmawm tak a ni. "I rawn sawi chhuak a, i titau leh daih a" ka tih chuan "Min chhâng ṭha lo anih kha" a lo ti bak hlar a. "Umm...anih chuan a lo lêng ngai lo aniang engmah ka hrelo" tiin a nghawng ah chuan ka hmui ka nawr zui vang vang a. Ka insumna ka hloh leh vek tawh. Chêt ka lâk zui leh tâkah chuan min lo hnar tawh bîk lo.
Dam chuan hun te hi a lo kal chak khawp a, Nunhlimi nen pawh thla thum lai chu kan innei ve ta reng mai. Kan inneihna a la rei lo bawk nen kan in ngai em em a. Ka office kal te hi ṭum danga phone khawih ngai mang hlei lo kha ka hnathawh pah te'n kan inbe ngat ngat ta ṭhin a. Ka thawhpuite fiam pawh ka hlawh nasa viau, mahse ka nui liam mai zel a. Ka hlimna hi eng thil mah in dan tîr ka tum lo.
Nupa in hnê tih vêl phei chu hlat tak kan la ni. Kan innei rei ve telh telh a, kan inngai telh telh emaw tih mai turin kan khawsa a. Ka beisei phâk bâkin Nunhlimi pawh ka tán nupui ṭha tak a ni, a la nih zel pawh ka ring. Ṭhianpa Msa te nupa in min fiam ziah ṭhinna pawh kha a lo dik bîk hauh lo. Thaibawih turah min han ngai nghal ringawt kha ania. Mahse Nunhlimi hi khatiang mizia kha a lo ni reng reng lo. Ri phawr phawr in min han vin ve ṭhak ṭhak ṭhin mah se ka thû a zah in ka ngaihdan te hi a ngai pawimawh em em a. A pasal ka nihna angin eng emaw ti hlek dawn sela min râwn ve zel a. Min dah thû thiam lutuk ringawt.
Ka chhûngte nen lah an inmil in an inkawmngeih nghal em em a. Ka Nu nen phei chuan inchhunga che tam ber an ni bawk nen an thû a inrual em em a, nufa ni àwm hliah hliah hi an ni. Nunhlimi che pawlawh lutuk erawh ka Nu hian a sawi ve fo a. Mahse a rûka inrel tih vêl kha a awm ve lo, tlang takin a hrilh mai a. Nunhlimi lah thu hrilh nuam chî a lo ni bawk nen a insiamṭha zung zung a. Ka Nu thil tih sual zeuh lah hi a lo hmu thei ve tho si a, "I che pawlawh lutuk" tiin a fiam zui ve ta ṭhin a. Kan hlimpui ṭhin khawp mai.
Kimtei nen pawh an inmil zêk a, an titi duh záwng a in angin an ṭawng tui laklawh lai phei chuan tih buai chî an ni lo rêng rêng. Midang an awm ve miah lo emaw tih tùr khawpin an inkawm thei. A ṭawng tam lo ber ka pa lah nise Nunhlimi hian a fiam peih em em a. A zîng thingpui pe tùrte hi "I monu cial thingpui lum hi in leh phawt mai teh" a ti kher zel a. Mo fel leh ṭha tih buai a ngai lo rêng rêng, amah hian 'Monu cial' tiin a lo inphuah ve tawp a. A nuihza ber berah a ṭang ṭhin bawk si, ka nupui chuan kan chhûngkua ah hlimna tam tak a rawn keng lût ti ila ka sawi sual hauh lo vang.
"Mo fel chuan chhûngkua a hui khâwm " tih zawng zawng hi a rawn keng lût a. Kan chhûng lam hnai vak lote pawh Nunhlimi chuan a hriat fuh tawh laklawh chu a nêl nghal em em vek a. Nupui ka neih hma khan inlêng neuh neuh nei ve fo mah ila nupuia Nunhlimi ka neih tâk hnù phei chuan lût chhuak hi kan awm reng a tih theih ang. Chhûngte'n min rawn ngam tlâkin a hma zawng ai khan min rawn pawh a. "In pui tak tak kan ni ve ta" ka pa pawh hian a ti ve ta fo mai.
Kan chhungkhat laina te hian a hma khan min rawn pawh lo ni lovin heti em em hian an rawn lêng lût tam ngai lo va. Ṭawngkam thiam tak chhûngkua kan lo ni lo bawk nen midang te hi kan lawm thiam lo em em a. Kan inkharkhip vâng erawh a ni hauh si lo, tih vak ngaihna kan hriat loh vâng ni berin ka hria. Mahse chung zawng zawng chu Nunhlimi hian a rawn thlâk ta vek a ni ber. A awm dànin a zir bawk nen kan thû a awih ṭhin lutuk hi a châng phei chuan a thuhnuaiah kan awm vek ni zawk te'n ka hre hial ṭhin.
"Vawiinah lo che hah lutuk lo la, tih tùr i hria a nih pawhin midang an awm tih kha hre reng la, Kimtei lo tîr hreh suh aw. I lo chesual palh hlauh ange, i fîmkhur dâwn ania" ka office kal tùr chuan thu ṭha chi tinreng ka fah mawlh mawlh a. Kâr kal ta aṭang khan fîmkhur turin kan intchah mawlh mawlh reng mai. Eng dang vang ni lovin tunah hian nau kan pai ve mêk a. Thla hnih a tling ve ṭep tawh a, a lo pian hma hauhin chhûngkua min tihlim nghal cher cher khawp mai. Ṭhenkhatte'n rei ngial an nghah hnú leh an beih fat fat hnù pawh a an harsat laiin keini chuan Pathian malsawmna nasa tak kan dawng a. Kan inneih aṭanga thla nga êm pawh a la tlin hma in kan pai zui ve nghal mai ania. Làwmthu sawi mawlh mawlh tùr hi chu kan ni chiang alawm.
Ka kal tùr chu Nunhlimi chuan pâwn thleng min thlah a, a dul hi la puar êm lo mah se hmuhnawm ka ti nghal em em a, ka lo en leh vawng vawng ṭhin. "Lo haw vat la, pakora min lo hawn rawh aw" pangchang zeta a tih chuan fawh nek mai ka duh. "A dang duh i la nei em?" ka ti sup a, a lu a lo thing nak nak a. Hei ai hian la pangchang se ka duh, duat sual vek ka châk. Ka ngaihtuahna avang chuan ka nui hawk a, a ngaihna hrelo fe a min lo melh chuan "I hmelṭha ngawt mai" ka lo ti daih a. A hmui a lo tipawrh tarh a, insûm hman lovin ka va fawp zeuh a. A hawi kual nghal ruai mai. Mahse midangin min hmu lo tih a hriat tâkah chuan thaw huai hmêl hi a pu reuh a. A châng hi chuan a awm dân lawmawm lutuk hi thin hrep ka châk ṭhin, ka hâ a ti ziau tlat zel anih chu!
Office ka thleng chiah a, phone-in ka be zui leh nghal zat a. Midang ngaihah chuan ka over ngawt ta ve ang. Kei ngei pawhin ka awm dàn hi midang awm dàn nise over ka ti ngawt ang. Mahse pawi ka ti lo nasa, midang pawi kan va sawi pawh a ni chuang lo va. Nupa hlim tak kan ni ve a ni mai a, chu tluka hlu chu a awm bîk lo. Nunhlimi hi chuan ka office kal lai na nâ nâ hi chuan rilru pe turin min duh a, inbiak vak pawh hi a duh lo ṭhin a. Mahse keimah zawk hian ka tilui tlat zel a, ka hnathawh tibuai khawpin ka be dâwn lo tih ka inhrechiang ve tlat a ni.
Office bàn veleh a thil min chah lei tùr chuan canteen lam ka pan nghal a. Kan office pakora hi tui a ti tlat pek a. A raino aṭang phei kha chuan a duh zual a, ka tán lei a lo harsat loh bâkah a duh zawng tihsak chu ka nuam tih zawng tak a lo ni bawk si. Tlãi tin ka lei ta ṭhin a, hnathawkte paw'n an hre tawh ngang mai kan bàn dâwn hnaih hi chuan a thar min lo kan sak a, min lo pack fel sak lâwk vek zel a. Pawisa pe in ka zuk la tawh mai ṭhin.
Ka haw tùr car awmna ka pan lai chuan min lo ko tu an awm avangin ka ding leh rih a. John-a te ṭhian dùn ka hmu nghal pang mai. "In bâng chiah em ni? Nunhlimi a dam ṭha em?" John-a chuan a lo ti nghal zung zung a. "Aw hei ka haw dâwn chiah a, Nunhlimi chu a dam ṭha e" ka lo ti ṭha ve mai a. A bula ngêng zeta Apuia lo ding chu ka hmu lo der hmiah. "Nau in pai mêk tihte ka lo hria a, ka lawmpui lutuk che u. Lalnunhlimi inla nutling nghal lutuk erawh chhîp thlâk hrep ka châk ania" nui hawk hawk chungin John-a chuan a lo ti veleh a. "Kan lâwm khawp mai. Nakinah lo la lêng rawh u, in lo lêng duh lo lutuk a, a lungawi lo teh ania" nui chung chuan ka lo ti veleh vat a. Remchânga an lo lèn tùr thû a sawi hnú chuan kan in mangṭha zui a. Apuia awm dàn vêl chu menah ka thlâk thei tawh viau mai.
Kan inneih ni pawh khan a lo kal ve ngei a, mahse ngeiawm tak khan a awm hranpa tawh lêm lo. John-a hian a kaihruai hneh ka ti dawn nge ni heti hian a la kàwm ve reng chu ania. Nunhlimi hnen aṭanga ka hriat dàn chuan John-a hi mi fel tak a ni a, mak tak maiin Apuia hian a thlah hlei thei bîk lo tlat a. John-a thû hi ngêng viau e ti lo chuan a awih ve viau a ni àwm e. Kan inhmuh chânga min melh rum erawh a bansan hlei thei lo va. Nunhlimi ber ka ta a ni tawh miau a, ka ngai pawimawh tawh lêm lo.
In ka thleng a, ka pakora lei ka'n pe chiah chu nidang ang bawkin lâwmthu min hrilh mawlh mawlh a. Engtik lai pawha a phûr reng thei hi chu a awhawm a ni. Nidangah pawh ka hawn fo sia, a làwm thiam em em zel tho.
"Vawiin chu Kimtei te ṭhianho an lo lêng a, inhlawhna tùr min dil a. 'I û ka lo sawipui ang' ka ti a" pakora ṭhial ṭalh ṭalh pah chuan a lo ti a. "Eng inhlawhna nge an duh a?" ka tih chuan " Ka hre bîk lo, an ṭhianho a Reiek tlâng kal an duh a. Chumi tùr chuan inhlawh hmasak a, intuak an duh ve a. Ka Nu nen tih tir tur kan lo hre mai si lo va, in office lamah puih theihna che u an nei zawk ang em te kan lo tia" a lo ti veleh luam a. Ka ngaihtuah ren rawn hnù chuan "Office lamah chuan tih tùr vak a awm lo va, in hi tifai se a ṭha zawk mai thei. Naktukah lo ko khâwm la, a ṭul ṭul tiin kan inah hian lo hnatlâng tawp mai se" ka ti ta a.
"Nia, a ṭha tak ang. Mahse ka Nu nen tih tùr kan va nei àwm lo ve" a tih chuan "I chêt vak kha ka duh lo hrim hrim tih chu i hria alawm. Ka Nu tán pawh a ṭha zawk dâwn a" ka lo ti vat a. Nihlawh intih hmêl deuh hian a lo bu ve ta nghat nghat a.
Zanriah kan ei laiin Kimtei bulah chuan ka sawi a, a lawm khawp mai. "Ka ṭhiante pawh an lâwm ve ngawt ang" phûr deuh hian a ti a. "Mahse in thawh ṭhat loh vaih chuan hlawh in hmu ṭha dâwn miah lo ania. I u Nunhlimi lo chhawk zângkhai hle ula, a thu lo awih hle bawk ula" ka ti tel kher a. "Lo lungngai lo phawt rawh" Kimtei chuan a lo ti zâng vah a. Ka duatna hi ka chhûngte hriat ah pawh ka tilang hreh lêm lo va. Nunhlimi hi chu a tîm ve deuh ṭhin tih ka hre reng, mahse ka chhûngte hian a kàwi zawngin an ngai dâwn lo tih ka hrechiang a. Chuvanga tilang pawp pawp ngam pawh ka ni. Duat ngawih ngawih tura min fuih reng tu an ni zawk a. An monu rangkachak kha a ni tlat a. A châng phei chuan an makpa zawkte hi ka ang ṭhin in ka hria.
"U...ka lo lût lawk dâwn?" kan room kawngkhar bul aṭang chuan Kimtei a rawn au lauh lauh a. "Lo lût rawh" Nunhlimi zawkin a lo chhâwn a. Mu tùra kan intintuah lai mêk a ni a, khumah ka ṭhu mu a, Nunhlimi chuan hmai hnawih a la inhnawih thung a. Kimtei lo lût chu kan lo chhâwn vat a. "Naktuk kha...Nonoi lo kal ve se pawi in ti em?" a tih chuan Nunhlimi nen kan inmelh nghal vat a. Kimtei chu a inthlahrun hmêl angreng khawp mai.
"I u Nunhlimi zawt chhin la" ka ti sup a, kei chauh ka ni tawh lo tlat a. A thîk thu chhiat zia ka hrechiang bawk nen keimaha thû tih tlukna chi a ni tlat lo a ni. "Aw...lo kal ve rawh se. Tinge min rawn dil kher? In ṭhianho inhlawhna tur alawm le" Nunhlimi chuan a lo ti zung zung a. Chîk zetin ka lo melh reng a, thîkna lam a lang lovin ka hria. Kimtei hmêl chu a danglam nghal dawrh a, a inthlahrung hmêl kha lawmna in a rawn thlâk a. "Yes...dik tak chuan Nonoi hi in inneih aṭang khan a lo kal hreh tawh tlat a. A tirah kha chuan a lâk nat vang ania. Mahse tunah chuan a zah vang zawk a ni tawh a. Ka û hi a ngaizâwng tawh miah lo ania, 'Nupui a nei chiah kha ka tawrh tùr ang zawng zawng ka tuar fel a, thla khat a liam meuh kha chuan ka dam hmak' a tia lawm. Lo lêng leh tùr êm kha chuan a inring tâwk lo va, U Nunhlimi mitmei hi a vêng ve lutuk a. Mahse naktuk chu, kan zinga lo tel a châk ve tawh sia, a hreh tho bawk sia. A rilru a inkhap buai nasa lutuk a. Hetia buai reng ai chuan tiin ka lo zawt tawp mai che u" a ti ta duah a. Nonoi rilru danglam ta chu ka tán chuan thâwk huaina tham a ni, ka lawmpui hle bawk.
Kimtei min chhuahsan hnú chuan Nunhlimi chu ka sawipui leh hram a. "Ka thîk tawh hlei nem" a tih chuan ka ring thlap. Thîk chu nise tlang takin a sawi ang a, a ṭeu leh hlar dâwn tih ka hria. Mize inthup cheih chawih ang kha a ni miau lo a ni. John-a te ṭhian dùn ka hmuh thû pawh ka sawi tel hram a, "Apuia chu i hnek châk leh àwm " nui rah rah chunga min tih chuan "Min tluk chuang lo bawk a, ka thîk peih tawh bîk lo" mit siai zeuh chung hian ka lo ti a. Kan nui dùn nasa mai.
Kimtei te ṭhianho chu an lo inhlawh ta ngei a, ka office bân hnù thleng pawh chuan an lo la awm a. Nonoi nen pawh hun rei tak hnù ah kan inhmu veleh ta hram e. A tirah chuan a lài deuh a, mahse a puitling zawk chan changin ka be lui sak a. A lài chuih chuih rei bîk lo. Inpawh tlâng takin kan awm a, kan boruak chu a zângkhai phian mai. Nunhlimi'n chawei ah a sâwm vek ta law law a. Nonoi ber chuan chhuanlam siamin a hman loh tùr thû a sawi tlat a. Mahse Nunhlimi'n "A ṭul phawt chuan i chhûngte kan be dâwn ania. Nang berin i lo ei loh te'n i ṭhiante'n nuam an ti nang. I lo lêng duhlo ropui si, i ngaihawm alawm" a tih tâk tlatah chuan a hnial lui thei ta bîk lo.
An zavai mai chuan ṭhian leh nau ang tak hian a be hlawm a. Nonoi nen pawh an titi thei ta fu mai. A fiamthu thawh ah a chhaih nui reng hlawm a. Ka Nu pawh hi Nunhlimi hian a chhuah uang zo vek tawh a ni chêk ang chu ka beisei loh lutukin a uang ve reng a. An eirawngbawlna bulah chuan ka awm ve ta reng a, ka nui ka nui ve mai. Ka pa pawh a insûm zo ta lo aniang ṭhutkhawmna lama a lehkhabu chhiar chu dahin a rawn phei ve a. Kan choka zau ve thawkhat tak emaw kan tih kha mi sàwm vêl zet kan awm tâkah chuan ka hre zim ta kher mai. Mahse kan hlim tlâng êm a, rilru eng thâwl takin kan awm hlawm in ka hria.
Zanriah kan ei kham chuan Kimtei te ṭhianho chu an hlawh ka pe nghal a, chêng 5000 ka pe chu an lâwm ve ngang aniang lâwmthu min hrilh sap sap hlawm a. "Awi a tam mah mah, eng vak mah kan thawk si lo a inthlahrunawm e" Nonoi chuan a lo ti niah niah a. "I û Nunhlimi in lo duat man anih kha" ka lo ti mai a. An lo ehhh dual a, Nunhlimi chu a lo lài ngang mai.
An in thleng ka thlah leh hlawm a, ka haw leh chuan Nunhlimi'n Nonoi chungchâng min lo sawipui nghal a. "Engtin nge i duh loh theih zawk a? A fel in a hmêlṭha reuh si. Hmeichhia mah ni ila zùn a nei tih ka hre nghal, kei aiin a duhawm daih zawk sia. A Innocent reuh bawk sia" a lo ti mawlh mawlh a. "Ka duh êm che alawm" ka lo ti daih thung a. "I nupui chu ni tawh tho mah ila Nonoi kha ka lo ui pui che" a tih chuan ka nui huk a, ani pawhin a thusawi atthlak zet chu a nuih pui veleh tho.
"Hmangaihna hi chu a mak khawp a, han sawifiah vak ngaihna pawh ka hrelo. Ka hmangaih hlê che tih erawh hmangaihna ka sawifiah thiam loh tluk zetin ka hrechiang. Engvanga hmangaih che nge ka nih pawh ka hre lo va, nang hmangaih tùr che hian hmangaih chhan tùr che ka mamawh pawh ka hre chuang lo. I hming tluk zet hian ka nun i tihlim a, ka lungngaihna thlentu lo ni dâwn ta pawh ni la lungngaihna hlimawm ber min thlentu i la ni cheu ang" ka ti duah a. Ka thusawi zet chu ka kâ aṭanga chhuak lo va mâwi a ni e. Lungawi hmêl zeta min lo en reng tu ka nupui lah chuan min han ti lungáwi em em khawp a!
December thlà kan chuangkai a, Nunhlimi dul pawh a puar ve al tawh a. A che reng rengte hi hmuhnawm ka tiin ka lo thlîr leh vung vung ṭhin a. Rai a inhmeh zia chu pui tak ani. Ka theihtawpin ka duat a, ka chhungte lahin an duat. Eitur ṭha leh hrisel kan hriat apiang kan ei tir mawlh mawlh a. A rai chu thuhran, a thau vei hman reuh a, lawmawm tak a ni. Ka nupui niin ka ta ni mah se ka ît a reh thei dêr lo. A rai vanga a âwm bâwr lo lian zual leh a mawngbawr vawng lah te chu ka ha ziai hian ka ṭham leh tâwk zel a, kan pàwr thei hlar hlar viau mai.
"U Hluzual..." mittui tling pam a min lo melh tu ka nupui kut chu ka hum vang vang a. Tukin aṭang khan nau a vei a, damdawiinah kan indah lût rum rum a. Mahse tun thlengin a la nei thei lo. Doctor te chuan nghah deuh a ngaih thû min hrilh a, mahse a hrehawm ti hmel ka khawngaih lutuk hian zai mai pawh ka pawiti tawh lo. "A na lutuk" a ti leh ṭiau a, "Ka duatte, tuar fan fan rawh aw...i tawrh ai hi tuar thei ila aw" hrehawm ti lutuk hian ka ti hawk a. Ka duatna âw a hre chiah chu pangchang zual sauhin a mittui a rawn luang ngiai ngiai a. Nurse an rawn luh zui tâk ah chuan insûm in a hmui a pet fan fan a, ka khawngaih reuh tak tak ani. Mahse Nurse te'n an han en chu "A nei dawn hnai e...inbuatsaih ang ule" an ti ta hlauh a. Nau neihna room-ah chuan an innawr lût nghal a. Ka lût ve thei si lo, pawnah chuan kan chhûng dangte nen kan lo nghak ren rawn a.
An luh aṭanga Minute tam pawh a liam hma chuan naute ṭap ngak ngak ri kan hre ta. Ka chhûngte chu an khek nghal raih a, kei erawh lawm luatah ka ngawng deuh chhû a, awmngaihna ka hrelo. Ka lungphu lah chu a rawn puak chhuak dâwn emaw tih tùr khawpa rangin a rawn phu dawt dawt a.
Nurse pahnih an rawn inzui chhuak a, "Fapa i nei e, a lian bawk si a hmelṭha lutuk" ti a min rawn pawm tir lai te chuan mumang rama chêng ang mai hian ka la awm. Ka fapa hmêl ka'n hmu chiah chu mipa ah pawh pà inti ve tak mai kha ka mittui ka dang zo lo pek a. Ka biang a rawn lum thla nghal pap a, naute piang hlim a ni tih hriat miahin hian ka fapa lah chuan mitmeng fiah zet hian min lo melh kiau pek a! Ka lâwm a ni tawp mai.
"A Nu a ṭha em?" nurse te bulah chuan ka ti chhuak thei hram a, "Aw ṭha e...an lo nawr chhuak ang aw" a tih rual deuh thaw chuan ka nupui chu nurse pakhatin a rawn nawr chhuak ta nghal a. Kan fapa nena kan inpawm min rawn hmuh chuan a mittui a dang zo bîk lo, lawmna mittui luang nen min lo nuih a. A bulah chuan zuk ṭhingṭhiin kan fapa chu ka entir a, "Ka lâwm lutuk, ka hmangaih che" tiin a chal ah chuan ka fawp zui vang vang a. Kan chhûngte dang reng reng chu ka ngaihsak thei tawh lo.
"Keipaw'n ka hmangaih che" lo ti ve sep tu ka nupui, ka nun tihlim em em tu Lalnunhlimi leh kan fapa duhawm lutuk chuan ka rilru leh ngaihtuahna an luahkhat vek. Hei ai hian ka hlim thei tawh pawhin ka ring lo. Ka bula Lalnunhlimi a awm chhûng chu!
A TÀWP TA.
Sawi duah lo vang, dawhthei taka ka ziah zawh hun min lo nghak ṭang ṭang tute, ka regular lo chung chung pawh a feedback ṭha leh ngaihnawm tak tak min pe reng tute ka tán in hlu. A tàwp zàn a nihna angin thû eng emaw tak chu min hnutchhiah ve ula tir'u
Show post links
Top
By CVL.Awmpuii
Last Chapter
Zîng ka harh chuan keimah chiahin ka lo mu leh tawh a, kan mo thar hi ka thawh khalh thei meuh lo chu a ni. Nizàn kan boruak ka ngaihtuah lêt a, lawm lohin ka nui nghal vur vur ringawt a. Thawh hlim phat aṭanga ngaihtuah zui atân chuan hlimawm tak a ni.
Kan room kawngkhar rawn ri khap lam chu ka hawi nghal vat a, "E...i lo harh tawh maw? I mu rei reuh lutuk a, ka lo ngaihven che a" room chhûng rawn luh pah chuan Nunhlimi'n a rawn ti nghal zung zung a. "Tinge min thawh san a" ka lo ti thung a. "I thawh hun ka nghah chuan kan tho tlãi lutuk dâwn asin" a lo ti ve vat a. "Ka bulah hian lo kal teh" ka tih leh chuan a lo kal hnai ve mai bawk a. Mahse ka rilru a lo hria nge ni ka bula mu tùra a kut ka ban chiah chu a lo ṭang nghal ṭung a.
"A hun tawhlo aw...thawh a hun tawh" tiin a kut ka chelhna chu a kut lehlam in min lo ben sak thak a. "Hnuailam in hun leh hun lo a hrelo" ka tih chuan a lo ṭeu hlar mai. "I ninawm, khatiang lam ringawt kha ngaihtuah suh aw..." min kaihthawh tum pah chuan a lo ti nang nang a. "Anih leh min fawp tal rawh" ka ti leh hrâm a, mipa naupang thuawih hmêl zeta ka hmêl ka'n siam kual vêl chu "Tenawm miah suh" a lo ti nghat a. Ka nui ta hawk hawk ringawt, pangchan luih a har ngang mai.
Mahse ka chhaih luih sek tâk ah chuan tihngaihna a hre ta vak bîk lo aniang, "Min fawp phawt rawh" tiin ka ṭang lui tlat bawk si. A ni hmanhmawh ta reng reng chu ka thû ang chuan a rawn ti ve mai bawk a. Min rawn fawp zeuh a, inlakhran nghal a tum chu duh lovin ka lo man bet a. Duhthawh zet hian ka fawp zui ta ngawng ngawng a, a ṭan rei ang aiin min lo chhâng lêt ṭha angreng khawp mai.
Khumah chuan lehthalin ka bawhbet nghal a, ka la fawp reng a. Ka ngaihtuahna a ti nu leh bulh tawh. A kekawr ka pawt tùr chiah chu min lo dang vat a, "Hey...a chî loh" a rawn ti sep a. Mahse a thâwk dàn aṭang chuan a danglam ve reng tih ka hai lo. "Nupa kan nih tawh hi, thiang lo a awm lo" ka lo ti khur hluk a. Mahse a thu rawn sawi leh avang chuan insûm ṭeuh chungin ka inlahrang thei hrâm a ni. A period anih chu! "Tûkin aṭang khan ania, pawi tawp" tiin min nuih rah rah a, ka va han ngei reuh mai mai tak! "Min tem vir tîr ting tang a" ka lo ti hmuk a, mahse keipawh ka nui veleh tho.
Kan inneih aṭanga kâr khat chhûng vêl chu chawei a sàwmtu kan nei indawt ve zut a. Keini nupa tehlul min lo ngâihlu thiam hlawm lutuk chu kan phû lo takzet a ni. Ka thawhpuite bâkah Nunhlimi hian hmêlhriat ṭha a lo ngah zek a. A ṭawngduhin a ngainatawm em em a, mak pawh ka ti hran lo. Keima lam aṭanga min sàwmtu ai mah chuan a lam aṭanga min sàwmtu kan ngah zawkin ka hre hial a ni. Innei thar hlim hlawt ni mah ila nupui ka thlang sual lo tih hrilh chawp ka ngai lo. Ka lungawi ṭhin vet vet khawp mai.
"Vawiinah Remi ka hmù asin" Nunhlimi chuan min rawn melh chho kar a. Kan mutna a rei tawh viau nâ in muthilh lam a la lang meuh lo. Heti hian zantin kan titi ṭhin a, nupa inkawmngeih tak chu kan ni phawt mai. "Khawiah?" ka lo ti sup a, Remi chungchâng hi kan inneih hnù aṭang khan vawikhat mah kan sawi chhuak leh tawh lo va. Hmuh pawh ka hmu leh tawh lo hrim hrim. Ka lo ngaihtuah chang tawhlo hrim hrim zawk a, a rawn sawi tâkah chuan ka hrechhuak veleh chauh zawk a ni.
"Lalnuni rawn lêng kha ka va thlah a, ka haw lamah ka hmù...kan vêng kàwnah sáwn ania. Dàwr ah ka lo kal kãwi kher kher bawk nen kan inhmufuh lutuk a. Mahse kan inbe lo, biak hmasak chu ka duh lutuk. Ṭha deuh a biak a, pangngai taka awm zui mai ka duh a. Mahse ka tilui thei thlawt lo" a ti duah a. "A pawi loh tawp chu" ka lo ti tàwi tâk ringawt a. A mitmeng fiah zet chuan min rawn melh leh kiau a. Ka lo kuah nghet sauh thung a.
"Kha chen kan lo inkawm ve tawh a, heti maia kan inṭhian ṭhatna a chhe ta mai hi chu pawi ka la ti reng. Siam ṭhat leh theih ni se, siam ṭhat leh ngei pawh ka duh. Mahse tlàwm harsa ka ti a, khang zawng zawng kan chunga a tih tawh hnù kha chuan ka be ṭha leh thei tawh thlawt lo. Thil ṭhenkhat ah kha chuan ka ngaidam thei lutuk, mahse ka chungchanga dawt a lo tel kher kher kha chu ka ngaidam thei thlawt lo a ni. Huat loh luih ka tum ngial pawhin ka thei lo" a lo ti leh duah a. A mizia ngaihtuah chuan a rilru tùr hi ka hriatthiam pui khawp mai. Midang huat leh enghelh neih vêl hi amah nen a inhmeh lo va. Remi hi a vawikhatna liau liau anih ka ring.
"Tumah hi kan fel famkim lo va, inthiamlo bîk lutuk duh suh. I thiam lohna ni miah lovah phei chuan hrehawm ti duh miah suh. Mahse ngaihdamna hi a hlu a, ngaihdam ngai, hriatthiam ngai vek kan nia. Ngaidamtu nih phei chu hlu tak a ni. Chutihrual chuan rilru tak taka kan ngaihdam theih lohte laka lemchan kher hi a ngai miah lo. Kan inti hrehawm tawn mai mai. Chuvangin i rilru leh tih takzeta i ngaihdam theih hunah chiah nangmaha a thawh dàn dàn khan i che tawh mai zawk dâwn ania. Inbiak chhiat reng erawh a ṭha chuang lo va, mahse lemchanna nena nun hman chu a ṭha chuang miah lo ania" ka lo ti ve duah a. A dàrah chuan hnem tum tak hian ka chûl hauh hauh zui bawk a. A rilru hrehawm dàn tùr hi ka hrethiam ve lutuk.
"Mahse kan Pathian thû chuan 'A theih phawt chuan nangmahni lam tal mi zawng zawng nen inrem in awm rawh u' a ti si a. Remi chuan min lo mil lo viau pawh nise ṭhat chhuah zawk tur ka niin ka hria. Amah ang ka nih loh zia lantirna tùr niin ka hre bawk a" a lo ti veleh halh a. A Pathian thu rawn sawi chhuah ber kher chu a rilru thianghlim tak aṭanga rawn chhuak a ni tih ka hai lo. Mahse heti hian ka fuih ta zawk a - "Mi zawng zawng nen inrem turin min ti ngawt lo va, 'A theih phawt chuan' a ti tel alawm. Theih ngang loh a awm tih a hrethiam ve a ni chêk ang chu! Mi zawng zawng rem kan tumna lamah hian mahni nun ti hrehawm khawp a awm tùr a ni ngai lo. I rilru thianghlim zet tih kawih ka tum vâng ni miah lovin thil nihphung ka sawi zawk anih chu aw. Inrem theih ngang loh hi a awm ve a. Nang pawh ngaihtuah chiang la. In ṭhian dùn hetia in han awm ta hi in pahnih tana ṭha tùr ve ve a ni zawk ang em? Remi pawh kawm leh ṭalh tumin be ṭha ngar ngar la, ani'n chutiang lam chu lo hawi ve si lo se tùn ai mah hian in inngeihlo zawk mai thei asin. In in intina tawn belhchhah thei ve tlat. Chuvangin tuna in awm dàn pawh hi a ṭha zawk mai thei asin" ka ti leh duah a. Ka ngaihtuahna min ṭawmpui tih hriat tak chuan a lo bu ve ta nghat nghat a.
"A hma khan engtin chiah nge ka tih min zawt dâwn lo em ni?" a rawn tih leh hluai a. A sawi awmzia ka hriat loh avang chuan mitko ka lo sàn uk a, "Aww...kha kan inneih dâwn vela thu diklo a lo phuah chawp vak vak vêl kha mawle. Khami ṭum khan ka insum zo lo va, ka va hau ve ta hrep alawm. A ngawi chiang asin aw. Min rawn tihbuai zui ngam tawh miah loh hi. Kan chungchang phei chu a sawi zui ngam tawh teuhlo mai" a lo ti tán tán a. Remi lakah khan a inthiamlo rilru ve deuh emaw ka tih laiin tunah chuan a huat leh hmêl viau tawh. "Ni tak e...kha thil kha engtin nge i lo bawhzui tak le?" ka lo ti ve hluai a. Mahse a sawi zui leh duh chuang miah lo. "Ka chungchâng a hriat hnem tluk zetin a chungchâng pawh ka hre hnem ve alawm. Mahse kha chu kan ṭhian dùn inkarah tàwp rawh se. Ka pasal ni tawh tho mah ila i hriat ve kher ka remti lo" a lo ti leh lawi a. Ka nupui pawh hi hriatthiam a har ve khawp mai.
Remi a lo tih dàn pawh chu zawh zui ka tum tawh bîk chuang lo. A sawi ang khan an ṭhian dùn inkâr a ni tawh a. A sawi chhuak duh miahlo te hlei hlei chuan min hneh. A lo chinfel chuan a ṭha a ni mai. Hetia Remi a reh zui hmak theih dànah hian engtin emaw tak chuan a ti ani phawt ang a. Ka nupui hi ka ring ve tâwk a, ngaihtuah buai vak a ngai pawhin ka hrelo.
"Nonoi hi..." a rawn ti leh hluai a, a ngawi leh daih lawi a. Zanin kan topic chu a rawn her danglam bawih bawih mai. "Sawi la..." ka lo ti sup a, a dàr ruak kângah chuan ka fawp zeuh bawk a. Dik tak chuan ka rilru ah thil dang a awm leh daih tawh. Mahse a taksa a chau lutuk ang tih ka hlau ve tho si a, chêt lâk nawn ka tum tawh hran lo. Ka insûm tlang thei lo anih leh a nih nih kan ni leh tawh mai aniang chu!
"Kan inneih hnù hian a lo la lêng miah lo tiraw? Nge ni a ka awm loh lai hian a lo kal ṭhin zawk?" tiin chîk zet hian min rawn melh a. "Ka hrelo le" ka lo ti ringawt chu rum zet hian min rawn melh ringawt a. Amah ai hian inah ka awm tlêm zawk a, nilengin ka office san a, a awm loh laia lo kal chu thil theih loh a ni zawk reng sia. Rawn kal ni ngat sela chu kei aiin a hre daih zawk dâwn.
Nunhlimi chu a inlahrang nghal ringawt pek a, nui hawk hawk chungin ka va kuah lehnghal vat a. "Kal teh...ka ning tlat che" ti hlar in ka kuahna kut chu min phelh sak a lo tum nghal zat a. Eng nge maw a hriat reuh ni? A rawn sawi chhuak tu zawk ania thinrim zawkah min ṭan san leh daih a. "Ka nupui duhawm tîk têk nu...i tau nget nget em ni?" nuihza insûm zet a ka tih chuan a lo rum chhar chhar a. A âwm bâwr ka khawih rual chuan ka kut a lo man bet leh vat tawh. Thawmhnaw kan hâk miau loh avangin awmze nei zet hian a hnunglam aṭang chuan ka che a, kan taksa pawh ngialngan takin a la insi tihna anih chu!
"I sual emai" a thaw hak a, a taksa ka thunun si, a la titau deuh reuh bawk si. A awm dàn chu lawmawm tak a ni. "I rawn sawi chhuak a, i titau leh daih a" ka tih chuan "Min chhâng ṭha lo anih kha" a lo ti bak hlar a. "Umm...anih chuan a lo lêng ngai lo aniang engmah ka hrelo" tiin a nghawng ah chuan ka hmui ka nawr zui vang vang a. Ka insumna ka hloh leh vek tawh. Chêt ka lâk zui leh tâkah chuan min lo hnar tawh bîk lo.
Dam chuan hun te hi a lo kal chak khawp a, Nunhlimi nen pawh thla thum lai chu kan innei ve ta reng mai. Kan inneihna a la rei lo bawk nen kan in ngai em em a. Ka office kal te hi ṭum danga phone khawih ngai mang hlei lo kha ka hnathawh pah te'n kan inbe ngat ngat ta ṭhin a. Ka thawhpuite fiam pawh ka hlawh nasa viau, mahse ka nui liam mai zel a. Ka hlimna hi eng thil mah in dan tîr ka tum lo.
Nupa in hnê tih vêl phei chu hlat tak kan la ni. Kan innei rei ve telh telh a, kan inngai telh telh emaw tih mai turin kan khawsa a. Ka beisei phâk bâkin Nunhlimi pawh ka tán nupui ṭha tak a ni, a la nih zel pawh ka ring. Ṭhianpa Msa te nupa in min fiam ziah ṭhinna pawh kha a lo dik bîk hauh lo. Thaibawih turah min han ngai nghal ringawt kha ania. Mahse Nunhlimi hi khatiang mizia kha a lo ni reng reng lo. Ri phawr phawr in min han vin ve ṭhak ṭhak ṭhin mah se ka thû a zah in ka ngaihdan te hi a ngai pawimawh em em a. A pasal ka nihna angin eng emaw ti hlek dawn sela min râwn ve zel a. Min dah thû thiam lutuk ringawt.
Ka chhûngte nen lah an inmil in an inkawmngeih nghal em em a. Ka Nu nen phei chuan inchhunga che tam ber an ni bawk nen an thû a inrual em em a, nufa ni àwm hliah hliah hi an ni. Nunhlimi che pawlawh lutuk erawh ka Nu hian a sawi ve fo a. Mahse a rûka inrel tih vêl kha a awm ve lo, tlang takin a hrilh mai a. Nunhlimi lah thu hrilh nuam chî a lo ni bawk nen a insiamṭha zung zung a. Ka Nu thil tih sual zeuh lah hi a lo hmu thei ve tho si a, "I che pawlawh lutuk" tiin a fiam zui ve ta ṭhin a. Kan hlimpui ṭhin khawp mai.
Kimtei nen pawh an inmil zêk a, an titi duh záwng a in angin an ṭawng tui laklawh lai phei chuan tih buai chî an ni lo rêng rêng. Midang an awm ve miah lo emaw tih tùr khawpin an inkawm thei. A ṭawng tam lo ber ka pa lah nise Nunhlimi hian a fiam peih em em a. A zîng thingpui pe tùrte hi "I monu cial thingpui lum hi in leh phawt mai teh" a ti kher zel a. Mo fel leh ṭha tih buai a ngai lo rêng rêng, amah hian 'Monu cial' tiin a lo inphuah ve tawp a. A nuihza ber berah a ṭang ṭhin bawk si, ka nupui chuan kan chhûngkua ah hlimna tam tak a rawn keng lût ti ila ka sawi sual hauh lo vang.
"Mo fel chuan chhûngkua a hui khâwm " tih zawng zawng hi a rawn keng lût a. Kan chhûng lam hnai vak lote pawh Nunhlimi chuan a hriat fuh tawh laklawh chu a nêl nghal em em vek a. Nupui ka neih hma khan inlêng neuh neuh nei ve fo mah ila nupuia Nunhlimi ka neih tâk hnù phei chuan lût chhuak hi kan awm reng a tih theih ang. Chhûngte'n min rawn ngam tlâkin a hma zawng ai khan min rawn pawh a. "In pui tak tak kan ni ve ta" ka pa pawh hian a ti ve ta fo mai.
Kan chhungkhat laina te hian a hma khan min rawn pawh lo ni lovin heti em em hian an rawn lêng lût tam ngai lo va. Ṭawngkam thiam tak chhûngkua kan lo ni lo bawk nen midang te hi kan lawm thiam lo em em a. Kan inkharkhip vâng erawh a ni hauh si lo, tih vak ngaihna kan hriat loh vâng ni berin ka hria. Mahse chung zawng zawng chu Nunhlimi hian a rawn thlâk ta vek a ni ber. A awm dànin a zir bawk nen kan thû a awih ṭhin lutuk hi a châng phei chuan a thuhnuaiah kan awm vek ni zawk te'n ka hre hial ṭhin.
"Vawiinah lo che hah lutuk lo la, tih tùr i hria a nih pawhin midang an awm tih kha hre reng la, Kimtei lo tîr hreh suh aw. I lo chesual palh hlauh ange, i fîmkhur dâwn ania" ka office kal tùr chuan thu ṭha chi tinreng ka fah mawlh mawlh a. Kâr kal ta aṭang khan fîmkhur turin kan intchah mawlh mawlh reng mai. Eng dang vang ni lovin tunah hian nau kan pai ve mêk a. Thla hnih a tling ve ṭep tawh a, a lo pian hma hauhin chhûngkua min tihlim nghal cher cher khawp mai. Ṭhenkhatte'n rei ngial an nghah hnú leh an beih fat fat hnù pawh a an harsat laiin keini chuan Pathian malsawmna nasa tak kan dawng a. Kan inneih aṭanga thla nga êm pawh a la tlin hma in kan pai zui ve nghal mai ania. Làwmthu sawi mawlh mawlh tùr hi chu kan ni chiang alawm.
Ka kal tùr chu Nunhlimi chuan pâwn thleng min thlah a, a dul hi la puar êm lo mah se hmuhnawm ka ti nghal em em a, ka lo en leh vawng vawng ṭhin. "Lo haw vat la, pakora min lo hawn rawh aw" pangchang zeta a tih chuan fawh nek mai ka duh. "A dang duh i la nei em?" ka ti sup a, a lu a lo thing nak nak a. Hei ai hian la pangchang se ka duh, duat sual vek ka châk. Ka ngaihtuahna avang chuan ka nui hawk a, a ngaihna hrelo fe a min lo melh chuan "I hmelṭha ngawt mai" ka lo ti daih a. A hmui a lo tipawrh tarh a, insûm hman lovin ka va fawp zeuh a. A hawi kual nghal ruai mai. Mahse midangin min hmu lo tih a hriat tâkah chuan thaw huai hmêl hi a pu reuh a. A châng hi chuan a awm dân lawmawm lutuk hi thin hrep ka châk ṭhin, ka hâ a ti ziau tlat zel anih chu!
Office ka thleng chiah a, phone-in ka be zui leh nghal zat a. Midang ngaihah chuan ka over ngawt ta ve ang. Kei ngei pawhin ka awm dàn hi midang awm dàn nise over ka ti ngawt ang. Mahse pawi ka ti lo nasa, midang pawi kan va sawi pawh a ni chuang lo va. Nupa hlim tak kan ni ve a ni mai a, chu tluka hlu chu a awm bîk lo. Nunhlimi hi chuan ka office kal lai na nâ nâ hi chuan rilru pe turin min duh a, inbiak vak pawh hi a duh lo ṭhin a. Mahse keimah zawk hian ka tilui tlat zel a, ka hnathawh tibuai khawpin ka be dâwn lo tih ka inhrechiang ve tlat a ni.
Office bàn veleh a thil min chah lei tùr chuan canteen lam ka pan nghal a. Kan office pakora hi tui a ti tlat pek a. A raino aṭang phei kha chuan a duh zual a, ka tán lei a lo harsat loh bâkah a duh zawng tihsak chu ka nuam tih zawng tak a lo ni bawk si. Tlãi tin ka lei ta ṭhin a, hnathawkte paw'n an hre tawh ngang mai kan bàn dâwn hnaih hi chuan a thar min lo kan sak a, min lo pack fel sak lâwk vek zel a. Pawisa pe in ka zuk la tawh mai ṭhin.
Ka haw tùr car awmna ka pan lai chuan min lo ko tu an awm avangin ka ding leh rih a. John-a te ṭhian dùn ka hmu nghal pang mai. "In bâng chiah em ni? Nunhlimi a dam ṭha em?" John-a chuan a lo ti nghal zung zung a. "Aw hei ka haw dâwn chiah a, Nunhlimi chu a dam ṭha e" ka lo ti ṭha ve mai a. A bula ngêng zeta Apuia lo ding chu ka hmu lo der hmiah. "Nau in pai mêk tihte ka lo hria a, ka lawmpui lutuk che u. Lalnunhlimi inla nutling nghal lutuk erawh chhîp thlâk hrep ka châk ania" nui hawk hawk chungin John-a chuan a lo ti veleh a. "Kan lâwm khawp mai. Nakinah lo la lêng rawh u, in lo lêng duh lo lutuk a, a lungawi lo teh ania" nui chung chuan ka lo ti veleh vat a. Remchânga an lo lèn tùr thû a sawi hnú chuan kan in mangṭha zui a. Apuia awm dàn vêl chu menah ka thlâk thei tawh viau mai.
Kan inneih ni pawh khan a lo kal ve ngei a, mahse ngeiawm tak khan a awm hranpa tawh lêm lo. John-a hian a kaihruai hneh ka ti dawn nge ni heti hian a la kàwm ve reng chu ania. Nunhlimi hnen aṭanga ka hriat dàn chuan John-a hi mi fel tak a ni a, mak tak maiin Apuia hian a thlah hlei thei bîk lo tlat a. John-a thû hi ngêng viau e ti lo chuan a awih ve viau a ni àwm e. Kan inhmuh chânga min melh rum erawh a bansan hlei thei lo va. Nunhlimi ber ka ta a ni tawh miau a, ka ngai pawimawh tawh lêm lo.
In ka thleng a, ka pakora lei ka'n pe chiah chu nidang ang bawkin lâwmthu min hrilh mawlh mawlh a. Engtik lai pawha a phûr reng thei hi chu a awhawm a ni. Nidangah pawh ka hawn fo sia, a làwm thiam em em zel tho.
"Vawiin chu Kimtei te ṭhianho an lo lêng a, inhlawhna tùr min dil a. 'I û ka lo sawipui ang' ka ti a" pakora ṭhial ṭalh ṭalh pah chuan a lo ti a. "Eng inhlawhna nge an duh a?" ka tih chuan " Ka hre bîk lo, an ṭhianho a Reiek tlâng kal an duh a. Chumi tùr chuan inhlawh hmasak a, intuak an duh ve a. Ka Nu nen tih tir tur kan lo hre mai si lo va, in office lamah puih theihna che u an nei zawk ang em te kan lo tia" a lo ti veleh luam a. Ka ngaihtuah ren rawn hnù chuan "Office lamah chuan tih tùr vak a awm lo va, in hi tifai se a ṭha zawk mai thei. Naktukah lo ko khâwm la, a ṭul ṭul tiin kan inah hian lo hnatlâng tawp mai se" ka ti ta a.
"Nia, a ṭha tak ang. Mahse ka Nu nen tih tùr kan va nei àwm lo ve" a tih chuan "I chêt vak kha ka duh lo hrim hrim tih chu i hria alawm. Ka Nu tán pawh a ṭha zawk dâwn a" ka lo ti vat a. Nihlawh intih hmêl deuh hian a lo bu ve ta nghat nghat a.
Zanriah kan ei laiin Kimtei bulah chuan ka sawi a, a lawm khawp mai. "Ka ṭhiante pawh an lâwm ve ngawt ang" phûr deuh hian a ti a. "Mahse in thawh ṭhat loh vaih chuan hlawh in hmu ṭha dâwn miah lo ania. I u Nunhlimi lo chhawk zângkhai hle ula, a thu lo awih hle bawk ula" ka ti tel kher a. "Lo lungngai lo phawt rawh" Kimtei chuan a lo ti zâng vah a. Ka duatna hi ka chhûngte hriat ah pawh ka tilang hreh lêm lo va. Nunhlimi hi chu a tîm ve deuh ṭhin tih ka hre reng, mahse ka chhûngte hian a kàwi zawngin an ngai dâwn lo tih ka hrechiang a. Chuvanga tilang pawp pawp ngam pawh ka ni. Duat ngawih ngawih tura min fuih reng tu an ni zawk a. An monu rangkachak kha a ni tlat a. A châng phei chuan an makpa zawkte hi ka ang ṭhin in ka hria.
"U...ka lo lût lawk dâwn?" kan room kawngkhar bul aṭang chuan Kimtei a rawn au lauh lauh a. "Lo lût rawh" Nunhlimi zawkin a lo chhâwn a. Mu tùra kan intintuah lai mêk a ni a, khumah ka ṭhu mu a, Nunhlimi chuan hmai hnawih a la inhnawih thung a. Kimtei lo lût chu kan lo chhâwn vat a. "Naktuk kha...Nonoi lo kal ve se pawi in ti em?" a tih chuan Nunhlimi nen kan inmelh nghal vat a. Kimtei chu a inthlahrun hmêl angreng khawp mai.
"I u Nunhlimi zawt chhin la" ka ti sup a, kei chauh ka ni tawh lo tlat a. A thîk thu chhiat zia ka hrechiang bawk nen keimaha thû tih tlukna chi a ni tlat lo a ni. "Aw...lo kal ve rawh se. Tinge min rawn dil kher? In ṭhianho inhlawhna tur alawm le" Nunhlimi chuan a lo ti zung zung a. Chîk zetin ka lo melh reng a, thîkna lam a lang lovin ka hria. Kimtei hmêl chu a danglam nghal dawrh a, a inthlahrung hmêl kha lawmna in a rawn thlâk a. "Yes...dik tak chuan Nonoi hi in inneih aṭang khan a lo kal hreh tawh tlat a. A tirah kha chuan a lâk nat vang ania. Mahse tunah chuan a zah vang zawk a ni tawh a. Ka û hi a ngaizâwng tawh miah lo ania, 'Nupui a nei chiah kha ka tawrh tùr ang zawng zawng ka tuar fel a, thla khat a liam meuh kha chuan ka dam hmak' a tia lawm. Lo lêng leh tùr êm kha chuan a inring tâwk lo va, U Nunhlimi mitmei hi a vêng ve lutuk a. Mahse naktuk chu, kan zinga lo tel a châk ve tawh sia, a hreh tho bawk sia. A rilru a inkhap buai nasa lutuk a. Hetia buai reng ai chuan tiin ka lo zawt tawp mai che u" a ti ta duah a. Nonoi rilru danglam ta chu ka tán chuan thâwk huaina tham a ni, ka lawmpui hle bawk.
Kimtei min chhuahsan hnú chuan Nunhlimi chu ka sawipui leh hram a. "Ka thîk tawh hlei nem" a tih chuan ka ring thlap. Thîk chu nise tlang takin a sawi ang a, a ṭeu leh hlar dâwn tih ka hria. Mize inthup cheih chawih ang kha a ni miau lo a ni. John-a te ṭhian dùn ka hmuh thû pawh ka sawi tel hram a, "Apuia chu i hnek châk leh àwm " nui rah rah chunga min tih chuan "Min tluk chuang lo bawk a, ka thîk peih tawh bîk lo" mit siai zeuh chung hian ka lo ti a. Kan nui dùn nasa mai.
Kimtei te ṭhianho chu an lo inhlawh ta ngei a, ka office bân hnù thleng pawh chuan an lo la awm a. Nonoi nen pawh hun rei tak hnù ah kan inhmu veleh ta hram e. A tirah chuan a lài deuh a, mahse a puitling zawk chan changin ka be lui sak a. A lài chuih chuih rei bîk lo. Inpawh tlâng takin kan awm a, kan boruak chu a zângkhai phian mai. Nunhlimi'n chawei ah a sâwm vek ta law law a. Nonoi ber chuan chhuanlam siamin a hman loh tùr thû a sawi tlat a. Mahse Nunhlimi'n "A ṭul phawt chuan i chhûngte kan be dâwn ania. Nang berin i lo ei loh te'n i ṭhiante'n nuam an ti nang. I lo lêng duhlo ropui si, i ngaihawm alawm" a tih tâk tlatah chuan a hnial lui thei ta bîk lo.
An zavai mai chuan ṭhian leh nau ang tak hian a be hlawm a. Nonoi nen pawh an titi thei ta fu mai. A fiamthu thawh ah a chhaih nui reng hlawm a. Ka Nu pawh hi Nunhlimi hian a chhuah uang zo vek tawh a ni chêk ang chu ka beisei loh lutukin a uang ve reng a. An eirawngbawlna bulah chuan ka awm ve ta reng a, ka nui ka nui ve mai. Ka pa pawh a insûm zo ta lo aniang ṭhutkhawmna lama a lehkhabu chhiar chu dahin a rawn phei ve a. Kan choka zau ve thawkhat tak emaw kan tih kha mi sàwm vêl zet kan awm tâkah chuan ka hre zim ta kher mai. Mahse kan hlim tlâng êm a, rilru eng thâwl takin kan awm hlawm in ka hria.
Zanriah kan ei kham chuan Kimtei te ṭhianho chu an hlawh ka pe nghal a, chêng 5000 ka pe chu an lâwm ve ngang aniang lâwmthu min hrilh sap sap hlawm a. "Awi a tam mah mah, eng vak mah kan thawk si lo a inthlahrunawm e" Nonoi chuan a lo ti niah niah a. "I û Nunhlimi in lo duat man anih kha" ka lo ti mai a. An lo ehhh dual a, Nunhlimi chu a lo lài ngang mai.
An in thleng ka thlah leh hlawm a, ka haw leh chuan Nunhlimi'n Nonoi chungchâng min lo sawipui nghal a. "Engtin nge i duh loh theih zawk a? A fel in a hmêlṭha reuh si. Hmeichhia mah ni ila zùn a nei tih ka hre nghal, kei aiin a duhawm daih zawk sia. A Innocent reuh bawk sia" a lo ti mawlh mawlh a. "Ka duh êm che alawm" ka lo ti daih thung a. "I nupui chu ni tawh tho mah ila Nonoi kha ka lo ui pui che" a tih chuan ka nui huk a, ani pawhin a thusawi atthlak zet chu a nuih pui veleh tho.
"Hmangaihna hi chu a mak khawp a, han sawifiah vak ngaihna pawh ka hrelo. Ka hmangaih hlê che tih erawh hmangaihna ka sawifiah thiam loh tluk zetin ka hrechiang. Engvanga hmangaih che nge ka nih pawh ka hre lo va, nang hmangaih tùr che hian hmangaih chhan tùr che ka mamawh pawh ka hre chuang lo. I hming tluk zet hian ka nun i tihlim a, ka lungngaihna thlentu lo ni dâwn ta pawh ni la lungngaihna hlimawm ber min thlentu i la ni cheu ang" ka ti duah a. Ka thusawi zet chu ka kâ aṭanga chhuak lo va mâwi a ni e. Lungawi hmêl zeta min lo en reng tu ka nupui lah chuan min han ti lungáwi em em khawp a!
December thlà kan chuangkai a, Nunhlimi dul pawh a puar ve al tawh a. A che reng rengte hi hmuhnawm ka tiin ka lo thlîr leh vung vung ṭhin a. Rai a inhmeh zia chu pui tak ani. Ka theihtawpin ka duat a, ka chhungte lahin an duat. Eitur ṭha leh hrisel kan hriat apiang kan ei tir mawlh mawlh a. A rai chu thuhran, a thau vei hman reuh a, lawmawm tak a ni. Ka nupui niin ka ta ni mah se ka ît a reh thei dêr lo. A rai vanga a âwm bâwr lo lian zual leh a mawngbawr vawng lah te chu ka ha ziai hian ka ṭham leh tâwk zel a, kan pàwr thei hlar hlar viau mai.
"U Hluzual..." mittui tling pam a min lo melh tu ka nupui kut chu ka hum vang vang a. Tukin aṭang khan nau a vei a, damdawiinah kan indah lût rum rum a. Mahse tun thlengin a la nei thei lo. Doctor te chuan nghah deuh a ngaih thû min hrilh a, mahse a hrehawm ti hmel ka khawngaih lutuk hian zai mai pawh ka pawiti tawh lo. "A na lutuk" a ti leh ṭiau a, "Ka duatte, tuar fan fan rawh aw...i tawrh ai hi tuar thei ila aw" hrehawm ti lutuk hian ka ti hawk a. Ka duatna âw a hre chiah chu pangchang zual sauhin a mittui a rawn luang ngiai ngiai a. Nurse an rawn luh zui tâk ah chuan insûm in a hmui a pet fan fan a, ka khawngaih reuh tak tak ani. Mahse Nurse te'n an han en chu "A nei dawn hnai e...inbuatsaih ang ule" an ti ta hlauh a. Nau neihna room-ah chuan an innawr lût nghal a. Ka lût ve thei si lo, pawnah chuan kan chhûng dangte nen kan lo nghak ren rawn a.
An luh aṭanga Minute tam pawh a liam hma chuan naute ṭap ngak ngak ri kan hre ta. Ka chhûngte chu an khek nghal raih a, kei erawh lawm luatah ka ngawng deuh chhû a, awmngaihna ka hrelo. Ka lungphu lah chu a rawn puak chhuak dâwn emaw tih tùr khawpa rangin a rawn phu dawt dawt a.
Nurse pahnih an rawn inzui chhuak a, "Fapa i nei e, a lian bawk si a hmelṭha lutuk" ti a min rawn pawm tir lai te chuan mumang rama chêng ang mai hian ka la awm. Ka fapa hmêl ka'n hmu chiah chu mipa ah pawh pà inti ve tak mai kha ka mittui ka dang zo lo pek a. Ka biang a rawn lum thla nghal pap a, naute piang hlim a ni tih hriat miahin hian ka fapa lah chuan mitmeng fiah zet hian min lo melh kiau pek a! Ka lâwm a ni tawp mai.
"A Nu a ṭha em?" nurse te bulah chuan ka ti chhuak thei hram a, "Aw ṭha e...an lo nawr chhuak ang aw" a tih rual deuh thaw chuan ka nupui chu nurse pakhatin a rawn nawr chhuak ta nghal a. Kan fapa nena kan inpawm min rawn hmuh chuan a mittui a dang zo bîk lo, lawmna mittui luang nen min lo nuih a. A bulah chuan zuk ṭhingṭhiin kan fapa chu ka entir a, "Ka lâwm lutuk, ka hmangaih che" tiin a chal ah chuan ka fawp zui vang vang a. Kan chhûngte dang reng reng chu ka ngaihsak thei tawh lo.
"Keipaw'n ka hmangaih che" lo ti ve sep tu ka nupui, ka nun tihlim em em tu Lalnunhlimi leh kan fapa duhawm lutuk chuan ka rilru leh ngaihtuahna an luahkhat vek. Hei ai hian ka hlim thei tawh pawhin ka ring lo. Ka bula Lalnunhlimi a awm chhûng chu!
A TÀWP TA.
Sawi duah lo vang, dawhthei taka ka ziah zawh hun min lo nghak ṭang ṭang tute, ka regular lo chung chung pawh a feedback ṭha leh ngaihnawm tak tak min pe reng tute ka tán in hlu. A tàwp zàn a nihna angin thû eng emaw tak chu min hnutchhiah ve ula tir'u
Show post links
Top
Link: | |
BBcode: | |
HTML: | |
Hide post links |
ADVERTISEMENT (A hnuai a milem hi a nia hmeh zeuh tur chu)
-
- Similar Topics
- Replies
- Views
- Last post
-
- 18 Replies
- 101194 Views
-
Last post by Ngaia
-
- 15 Replies
- 37814 Views
-
Last post by Ngaia
-
- 40 Replies
- 94910 Views
-
Last post by Te-i Mrs Ambrose
-
- 28 Replies
- 38639 Views
-
Last post by Ngaia
-
- 32 Replies
- 26023 Views
-
Last post by Ngaia
Who is online
Users browsing this forum: No registered users and 12 guests