HNUCHHUINA: Hmangaihna Vanduai Part-2

[April Hmar Liverpool]

HMANGAIHNA VANDUAI _Part-2 (Hmangaihna Hmasa)

Story From_ LaltanpuiaHmar Aka @Hringnun Guru

Bung Khatna

A khàw thuthmun ruhrèl ilo, In leh ló indin dan te, kawngpûi-in a tan tlang dan atangte, sik leh sa boruak in lum leh dante, a landan leh a pian hmang atang reng pawha awm hmun han bengbel nana thlan nahawm ber tur zinga mi hi a ni reng reng a.

Mizoram map kan en a nih chuan Aizawl atanga khawchhàk lam kilometre 76 vela hla-a awm a ni a. June 3rd 2019 khan district a puan niin chenna in ding hi in sangkhat chuang zet zawt an ni a, mihring cheng hi mi singkhat atanga singkhat leh sang nga chho vel zet an ni bawk. Hemi khua kan sawi lai mek hi saitual khua a ni.

Changkanna leh hmasawnna-ten zung a kaih mek reng lai hian nunphung tha lo leh suahsualna-te, dan kalha chetna te a pung ve zel a, chanchin duhawm lo hriat tur awm ta zût mai pawh mut mawh hnar mawha neih a tul ta niin a lang.

Chutia mi titi tui ber leh sawi sep a'n Kai chho leh ta pawh chu thil thleng leh chanchin ngaihven awm tak avang chuan thil âwm tak pawh a ni rêng a.

Dr Muansanga-te chhungkua-a thil thleng duhawm lo chanchin kha mite chuan an mangnghilh mek chauh a ni a.

Doctor Muansanga pa Pu thiamsanga hi tunah hian kum sawm sarih leh pariatna hmang mék a ni a, a nupui hi Kum nga kal ta khan cancer natna avangin a lo boral tawh a ni. Fa hi pathum neiin nupui pasal nei lai an ni a, in hrang an chang vek tawh a ni awm e.

A nupuiin a thih san hnuah Tun hnai mai khan nupui dang a nei leh a, a hming chu hmingthankimi a ni. Mahse a nupui thar hi a Kum a la nau hle pek a, Kum 25 a pel awrh chauh ang tih tur hi a ni tlat thung.

Mahse le, pu thiamsanga hi a hausain a lar a, amah chauha in-a awm a ni vei nen tin a Kum te a tam tawh a, hetia mahni chauha khawsa lova amah ngaihsaka enkawl-tu nupui dang, la naupang tê a'n fawm leh ta mai pawh hi thil âwm lo em em pawh a ni kher awm lo ve.

A fate hian an ngaihvenin an la tlawhpawh ve thin rêng em? Chhungte tan amah hi mize kherkhîap nei mi leh hrawn harsa chi a ni em?

Mi thenkhat han sawi hmangin Thenawm khawveng tan erawh pa thin tër tèk nei mi a ni ve a, mahsela engemaw changa thenawmte nen thu buai hla buai han chai zauh hi a ching thin e tih mai loh chu a chanchin chhe lam hriat tur a vang hle thung.

A nupui hmingthankimi han sawi hmangin zing lam dar nga chhoa in atanga a chhuak chu a haw ta hauh lo mai a, hmingthankimi hian a pasal hi a chhuak ani tih a hre lawk lo nghe nghe a ni. Chhun lam dar sawm leh pa khat a han ni chho a, a pasal putar tawh tak mai chutia leng bo ta chu a chinchang te a'n ngaihven ta a, mahse a pasal awmna chin chu a hre ta chuang lo.

Chumi hnu chuan In chung lam ah puan pho turin a chho zui leh mai a, chutia in chung lama puan pho tura a'n chho ta chuan in chung kailawna lo thi phek reng a pasal ruang chu han hmu in midang a pun ta nghal a ni.

Pu thiamsanga tawhsual tawh chungchang leh a thihna chuan saitual khaw pum a deng chhuak a ni nghal der a, zeldin leh ngaihdan in sep siak pawh mipui mimir zinga thil tlanglawn tak pakhat a ni mek zel a ni.

Pu thiamsanga fapa Dr Muansanga kha Kum thum liam ta mai khan an nupa pindanah a thi a, lungphu chawl niin a lang anih kha.

Hun rei tak chhung a hrawn tawh inspector remruata number chu a han dial ta a.

"sir, hmangaihna chungchang hi engtiang taka han hrilhfiah chi nge ni dawn ni? A han ti a, Chutia nacyi lalrinkimi leh a pasal vaipa Mukesha chungchang a ngaihtuah lai tak a ni nen "Imm, rina hmangaihna thu chu hmel leh pianghmang ah ngawt teh tur a ni ngai hleinem" A lo ti ve mai bawk a.

lehlam atang chuan "sir, hmangaihna hi hmel ah nilo chhungrila awm anih ngai a, pawn lam landan ngaimawh lo anih si zawngin hmangaih dan dik ni paw'n a lang, amarawhchu a chang hi chuan hmangaihna dik nia lang hi mawi lo leh âwm ang lo tak nia lan chang te pawh a thleng ve chawk bawk, tin INBUMNA LEH LEMCHANNA mai a ni fo bawk nen"

Remruata chuan ning zet hian, "Rina, i sawi tum ka va hrethiam mai lo ve, chutia nangmah ang lo taka hmangaihna dik chungchang te i'n Pak vei hlut ni eng nge ni ta a?

Officer Rinpuia chuan "sir, putar pui tawh leh hmeichhe tleirawl tê hi hmangaihna khurah an tlu lut hlauh mai a, a mawi lovin thil âwm ang lo tak pawh a ni, mi sawi an hlawh rêng ang a, mak tih leh mualpho an hlawh nek zawk daih dawn. A'n ti leh duah mai a.

Remruata chuan "imm, hnam pui zinga Playboy an tih ang chanchin hi i sawi tumna em ni? A'n ti a. Officer Rinpuia chuan "sir, lo tlan vat mai teh khai. A pawimawh a nia he case hi, a dang riau tlat, kan la buaipui ngai loh lam tak a ni tlat a ni.

Officer Rinpuia bawk chuan chhunzawm in, "Putar hausa deuh leh a nupui hmeichhe tuai tir tê chungchang leh putar hausa chu a thih tak thu te, a ro chung thu te, tin putar thihna chu ngaihthat awm loh tak anih thu te, putar leh a nupui inkara hmangaihna mak danglam tak chanchin chuan hnam pui ho zinga putar hausa leh nula hmeltha eltiang kara inzawmna awm chungchang min hriatchhuah tir tak dan te. A'n ti leh duah mai a.

Chutah, remruata chuan "ngawi lawk rina, tunah khan in leng i nei a ni ngat mai? A'n ti a, Lehlam atang chuan "sir i hresual love, ka in leng hian a nghak hlel viau tawh rêng che a ni.

Remruata chuan "imm, ka han ring chhin, putar nei nung thihna chung thu ah chuan a nupui chuan rinhlelh a kai tihna aniang maw? Hmangaihna lem leh rosum awhna sual chuan lemchanna te, bumna tea bul tanin a tawp a khar dan erawh thihna a ni si a?

Officer Rinpuia chuan "sir, chutiang teh nuaih chu ni ngei tur a ni. Kei ngei pawh hian khél lova thil nihna nia ka rin leh ka hmuh dan a ni" A rawn ti leh a.

An inbiakna chu titawp-in saitual pa hausa pu thiamsanga thih dan chhui tur chuan chet a lak mai a tul dawn niin a lang. Officer Rinpuia te lo nghahna lam pan turin hmanhmawh tak chuan a inkhalh chhuak ta a.

Amah nghak mektu officer Rinpuia te awmna, Dawrpui-a lovers moon hotel, hotel hmasa leh hming chher hmasa pawl lam pana a thang mek zel lai chuan a Mobile phone chu a lo ri a, a han en a number hlang a lo ni, a han pick up a, lehlam atang chuan hmeichhe aw hian "inspector Remruata a ni em? A rawn ti a, Remruata chuan "aw ni e, tunge? A han ti a, lehlam atang chuan "ka pu, ka hming chu hmingthankimi a ni a, tunah hian buaina nasa tak ka tawk mek a ni. Ka thian tha zinga miin nang hi i tanpuina ngen turin min râwn a ni.

Remruata chuan a motor chu kawng sir remchang lai-ah chuan han tiding in "aw le ka pi, khawi a awm nge i nih a? Eng buaina thu hla nge? Eng nge a chhan leh vâng? A'n ti a.

"Ka pu kan khua hi saitual a nia, ka pasal thihna chungchang a ni e. ka pasala fate leh an chhungte lam hian ka pasal thihna ah kei hi a mawhphur tu niin min ngai a ni.

"A chhan chu Ka pasala rosum it avanga lemchang-ah min puh a. Chu mi thu hla ah chuan ka mamawh che a ni. misual ka ni reng em tih min hailan sak turin ka duh che a ni. Tin, Ka pasal khan a ro chungchangah kei hi a roluah-ah mi siam ngei a tum bawk a ni. A chhan chu ka pasal khan tum tam tak min tiam tlat a ni.

Remruata chuan "chu, a dan hre mi hnenah a ro chungchang thu a hnutchhiah ngei a nga, dan ang thlapa i pasal berin ro te chu i kuta a dah a hnu eng harsatna nge awm? Engmah hlauhthawn tur a awm hleinem?

Lehlam atang chuan "nilo ka pu, chu lamah chauh an duhtawk mai dawn lo. Kei hi min chhui tur leh ka pasal thihna chhui Chiang tur hian mi rawih an tum lehzel a ni. Sum hi zawngin thil a ti thei nasa si a, sum avangin ka thil tih ni hauh loah thiam loh ka chang dêr thei tlat a ni.

Remruata chuan "imm, Tichuan nang in inven na lam i ngaihtuah ve ta a, i pasal thihna ah chuan i fihlim ani tih chian turin midang i pun ve ta rawih mai a, Tin, i ngaihngam loh chhan chu han sawi Chiang deuh teh? Tin, i thil tih ni lo na na na chu i hlau mai tihna a nia nga?

Lehlam atang chuan "ka pu, ka hlauthawng tlat a ni. ka tal awk ngei dawn nia hriatna ka nei a ni. He an mi rawih hian sum a hmuhna tur anih dawn phawt zawngin eng thil pawi sak mah a nei hauh lovang.

"ka tal awhna turin thang an kam dawn a ni. Ruahmanna nen kei hi min hnungkhirh an tum dawn. i hrethiam em? Police i ni a, ka pasal hi ka that ngei a ni tih a finfiahna an nei anih ngai chuan man ka ni ngei ang tih i hria a ni? A finfiahna lem nen kei hi phiar ruk ka ni thei tlat a ni.

Remruata chuan "awle, a tha e, heti hian i ti ang, an duh ang chuan chet chu han la phawt mai se, i nghak phawt mai rih ang. Tin, thiam loh i chang ta si a i tih sual ngei a ni tih a fiahna an nei ta anih ngai chuan kan inbe leh zawk a niang chu" Phone chu a dah vat a, a thian te lo nghahna hmun lam pan chuan a inkhalh chhuak leh ta nghal a.

"Ni e, hnuchhui tu hna hi a hahthlak thin. A chang chuan hnu kan chhui sual fo a, a chang leh mahni intihlum te chu tualthahna emaw tiin kan buai vak a, mi bo an awm lahin kan buai a, kan buai nek hnu ah an awmna chin kan han hria a, mahse a lo bo aw zawng lova, ama duh thu rênga tlanbo mai te a lo ni a,

"Nia, chhungkaw buai hla te, mimal buaina te, case hrang hrang ka vai hma hmiah hmiah thin a ni. Mi mal nun chhungril ber ka phawrh a, chhungkaw thuruk duhawm lo tak tak ka hailang a, rilru na-in mi an awm phah fo a, kehchhiatna te, inthenna te a thleng a, mittui tam tak koh chhuah in a awm thin, mahse hetiang a chet ka lak thin nachhan hi chu thil tha lo leh dik lo chu zalen taka len tir ka duh loh vang a ni.

"Pu inspector, i thusawi awmzia chu ka hrethiam viau lo na-in i rilru tur âwm erawh ka hriatthiam pui khawp mai che. Ni e, thil nuam sa leh phurawm tak zawng a ni ngai hauh lovang. Sualna leh pawikhawihna chanchin han hriat a, han phili buai tak reng mai chu a hahthlak thinin a khamawm thin khawp tak ang.

Officer Rinpuia in leng chu nu hmai fang tha deuh mai, sam kir lek lek, nu lian mize zahawm deuh nei hi a ni a, a thingpui no dawm lai chu uluk tak a han enin thingpui chu a han in a, thingpui a in mek reng lai pawh chuan ngun leh uluk zetin a ngaihtuahna a seng pah reng a ni tih lah a lang Chiang si a.

Inspector Remruata chuan chu nu chu a thlek duh viau nghe nghe a, a hmel a amah beiseina lang chhuak te, he lai a rawn pan vang vang danah a ti mai mai lo tawp ang tih te, thudik haichhuak tura a duhna thinlung te chen chuan chu nu chu ah chuan hmuh tur a awm a ni.

Officer Rinpuia chuan inspector hnenah chuan, "Tichuan sir, kan pu nupui chu kan bitum hmasak ber tur a ni ang" a'n ti a, Remruata chuan phur lo zet hian "imm ngawi teh rina, thil hi a nihna tak hre tur chuan a enga ma hma-a ngaihdan siam hmasak loh hi a finthlak a ni" a'n ti a.

Officer Rinpuia chuan "sir, a Chiang reng. Putar hausa, mahni chauha awm chu a rosum it avangin nula hmeltha tak mai chhungril lam bawlhhlawh ru tak si chuan a chhai a, a bum ta dêr a, a rosum te dan anga a kut a a tûk luh hnuah putar chu a mamawh hauh tawh lo tihna a ni mai. Putar tawm kai lo leh ninawm mai chu a tan chuan hnawksak bak a ni tawp nang. Hmeichhia te hi zawng sum lo hi chu buaipui tak tak pawh an nei ngut love.

Inspector chuan, "putar rosum te chu a nupui chuan a hui vek ani tih i hre rêng em ni? A lo ti a. Officer Rinpuia chuan, "sir, ka Chiang kan pu-a fate'n an nu hrawn an ngainat loh dan te reng hi" a ti ve tlat thung a.

Remruata chuan "imm, dan hi chuan mi hnuaihnung leh a zuam zawng te hi chu a dimdawih ngai hauh lo va, mahsela a mi zah zawng leh a cho loh te zawng a dim leh ang reng viau lawi a, hei hi thudik a ni, hetiang thil thleng hi kei ngei paw'n ka hre teuh mai.

Officer Rinpuia chuan "sir, he thil thleng hi saitual a thil thleng ani tih kha hria ila, tin kan pu hian fapa a nei a, a hming chu Dr Muansanga niin Kum thum liam ta a a chenna in a thi a hmuh kha niin tin Dr Muansanga Khan nupui hmeltha eltiang a nei anih kha, hmel ah na na na chuan a phu hauh lo.

"tin a nupui Khan mipa dang hmangaih a nei ru reng thin anih bawk tak kha.

Remruata chuan "imm chuti chu kan pu boral ta nupui naupang te mai chuan ngaihzawng dang a neih i ringhlel tihna a niang maw? A'n ti a. Officer Rinpuia chuan "ni chiah e sir, khawia putar vun vuai tawh leh nghal engmah ti thei si lo chu tu nula hmeltha mahin chutia han hmangaiha pasal atan hiala han neih ngawt thu awm hek Suh, a chhan awm thei pakhat chu a rosum vang a ni mai. A ngaihzawng nena an Chen ral mai atan he putar khawngaihthlak tak mai nun hi an run sak a ni.

"Imm rina, ngaihdan atthlak chauh nilo se i ngaihdan chu, nia thil awmzia a chin chhuaka hre tur chuan chet kan lak a tul a ni mai a, mahse hetiang thil hi ka chhang kham ta riau. Mipui te hian Private investigator emaw min ti ta mai niin ka hria, police te inrawlh lohna thil hi ka buaipui hnem ta. Chuveleh Officer Rinpuia"Sir, police duty vek tho alawm kan nih. Tualthah hi sual a ni" a lo ti a.

Mitthi ta pu thiamsanga fanu RL. Rimawii chuan heti hian a pa thihna chungchanga a ngaihthat loh dan te, hun kal tawh atanga chhutin an chhungkua a buaina lo inmung tan dan te chu inspector remruata te hnenah chuan a hrilh veleh ta a ni.

An unau hi pa thum niin mipa pakhat leh hmeichhia pahnih an ni a, a pa Pu thiamsanga hi nula lamah a ler âwm an hre ngai lo. Mahse tumkhat chu a nupui nena an inkarah boruak thalo tak inmung a awm ve ta tlat mai.

A nupui pi Lalrokimi hi cancer natna nei a ni a, a pasal chu chhan tha tak neiin a ngeih mang lo tlat mai a, tun hma zawnga inpawh tak ni thin chutia tun hnai maia a pasal a ngeih tak mang loh chhan chu in rinawm loh san leh pa ber a ler chung thu niin a lang tlat a ni. Amaherawhchu pa ber chu a lerna sawi tur hriat a awm hauh lo thung a, ngaihzawng a neih âwm an hre ngailo, ngaihzawng nei khawsak in a khawsa ngai dêr si lo.

Tichuan nu ber chu cancer natna chuan tlakbuak zelin a boral zui ta mai a. pa ber chu a fate'n demna leh hmuh he riau tlatna an nei chho ta, hun a kal hlek a, pa ber leh a fate inkarah chuan boruak tha lo a inmung chho ve leh ta zel a ni,

Tumkhat phei chu pa ber leh a fapa Dr muansanga te chu an inhnial Chiam Mai a, midang awm ve reng lai chuan a fapa chu ama fa pawh nilo, midang fa ni âwm a mawi-ah a tawngkhum hial mai a, a fa ni tlak lovah a chhuah ti tih der mai a ni.

Tichuan le, a fate rilru a zawhna awm reng chu a ruk a rala chhui zui a ni ta a, pa ber khawsa Zia chu thlithlai ruk niin hun kal tawh te pawh uluk taka chhui let sak thin a ni.

Mahse an fate te chuan pa ber a hir hâ na an hmu zo Chuang tlat lo. An fate rilru ah chuan nu ber chu a rilru a buai mai anih rinna te chu a han awm leh hnuhnawh bawk a, damlo te a lo ni nen mahse nu ber thih tawh hnu han dem a thiam loh han chantir ngawt chu a rem mawlh silo.

Mahse le, hun a kal leh a, pa ber chu a nungchang a danglam chho tan ta tlat mai, a ngaihzawng sawi tur la awm Chuang hauh lo mahse ngaihzawng nei khawsak hian a khawsa ta tlat mai a, hmeichhia a ngaihvenin a ngaihsak thar riau a, a mobile phone a a mi biak thin te reng chu hmeichhia Kum naupang lam hlir an ni lehzel mai.

An fate rilru a dam tlat tawh lo. Pa ber chu thiam lohna rilru leh demna rilru nen an mihrang en chho hret hret zel a ni. Chhungkua boruak tha awm thei tawh hek lo le, nupui Pasal te neiin in pui chu an chhuah san ta pheuh pheuh zel a, pa ber chauh chu amah in a awm ta a ni. Mahse pa ber hian a fate hi a ngaihsak zui lem ngai lova a ngaihven zui tehchiam hek lo.

Enge maw changa A fate'n an pa an tlawh a an kan ve chang te hian pa ber chuan ngaihzawng tur zawng nia a khawsak thin thu te, hmeichhe tleirawl lam in-a a hruai lut lai mi in an hmuh fo thin thu te an hre ta thin a, an fate chu zak takin an awm thin a ni. An nu lungawi lohna leh a thih hma-a a pasal a ngeih tlat loh chhan kha a rawn fiah zel niin an ngai ta a ni.

Tichuan le, A kaw tawpah zawng pa ber chuan nupui naupang te mai leh hmeltha tak mai chu a nei ta nge nge a ni, nu ber thlarau hmai zah a na hle mai a. Fate rilru chu a na a, pa ber nupui thar chuan an pa a neih chhan chu a rosum vang bak a ni tawp lovang tih lah an ringhlel hauh silo a ni.

Mahse le, hun rei a inrial hman meuh lo, an fate rin loh lam tak pawh a ni, an pa putar nun duhawm lo zet mai nun chu a tawp ve ta mai si a.

"Ni e, pa te nge nge, han hua-in han ngeih lo viau dawn mah ila, an han thih meuh hi chuan thisen zawm pui atang a hmangaihna hi zawng a dai tak tak mawh khawp a lo anih hi" Tiin lungchhe taka inhnit deuh chung chuan Rimawii chuan a mittui chu a'n hru a.

Remruata chuan uluk tak chuan a lo ngaithla a, chutah thawk han la in "imm pi rimawi, i pa nupui hmingthankimi chu ka kawm Chiang phawt teh ang, a ni hnen atang chuan thil nihna pawh ka hre thei mai mahna.

"Mahse pawm har in ti maithei, Ka ring sual viau anih loh chuan hmingthankimi hian i pa hi khawiah mah a that lul lovang" a ti ta a.

Chuveleh Officer Rinpuia leh Rimawii te chu an phawk nghal hra mai a. "engtin maw? an ti rual thawih mai a ni.

Chutah, Inspector chuan "a chhan chu tual a that ngei em tih fiah Turin hnuchhui tu te a ko ngam tlat zawk a tin ni. Tual a that lova misual a nilo tih Chiang taka a lan dawn avangin hlauhna leh zamna a nei hran lo. Tin Tualthattu in a hnu chhui Turin police te a ko ngai em ni? A hnu chhui zui anih loh nan uluk takin ruahmanna a nei zawk ngei ang" A ti ta a.

HMANGAIHNA VANDUAI _Part-2 (Hmangaihna Hmasa)

Bung Hnihna

Saitual pa lar pu thiamsanga boralna chungchang a sawi sep awm thin leh zeldin thu hla in chap darhin a nghawng zelah chu thihna chuan mite bengkhawn a hlawh zel lo thei lo.

Thenkhat in an mahni ngaihdan dana titi an vawrh mek laiin thenkhat chuan ngawih chuh tha in an hre ve thung a, a chhan chu pu thiamsanga thihna ah chuan chetsual palh thu nilo tualthahna ni ngeia han ngaihbel theih tur thil a pian tak zel vang a ni ber awm e.

An han sawi an han sawi a, chip chiar zawkin an han ngaihven zel a, hmingthankimi sawi dan ngawt kha an dukhawp ta hauh lo. A fate chuan Pathian ni tukah in chungah a kal lo tawp ang an ti a. Eng nge in chungah chuan a tih ang? Tin pu thiamsanga hian zing karah chin than dang a nei a, in chungah hun a hmang ngailo hrim hrim a ni. Tin, a nupui hmingthankimi sawi lan ve loh khami tum khan in leng chuangkai pakhat an nei tih thawm te thleng chuan sawi tur a piang ta zel mai a ni.

Khami tum khan hmar venga mi lalrosanga Kum 28 chu pu thiamsanga te in-a a chung Kai lai hmuh a nih thu sawi a awm tak vang a ni, a lo hmu tu chu thenawm tlangval H.vanlalpeka an tih chu a ni a, vanlalpeka chu tlangval hmeltha leh ngo sâr vuah mai, a taksa chu insawizawi thang tih hriat taka sek deuh tul mai hi a ni a,. Tin a thil lo hmuh a han sawi chhawn danah te reng a inrintawk viau niin a lang bawk. a ni pawh chu a thil hmuhte an han zawhfiah veleh ta a ni.

"Ka pu, pu thiamsanga khatia zing ni lum ai tura in chung lam a pan kha ka lo hmu a" a han ti a. inspector chuan, "zing ni lum ai turin i ti em ni? A'n ti vat a, vanlalpeka chu a ngawi leh vat a, chutah a aw chu han thianin a hmaia inthlahrunna leh inthiamlohna lang chung chuan "aa ka pu, ka han rin dan mai a nia" a ti leh a. inspector chuan "imm, ni e, hetiang hunah hi zawng kan tawngkam hman hi fimkhur a tul thin hle reng a, a pawnga taka tawng thlah mai mai loh hi a finthlak reng a ni. A'n ti ta a.

Vanlalpeka chuan "ni e, khatia nilum ai tur ni ngeia lang, khatia in chung lam a pan hnu, darkar dawn chu a liam leh ngei ang, kha mi hnu khan tunge anih ka hriat ngai hauh loh in leng chuangkai mi pakhat a awm a ni. Mi han puh hmingchhiat ka tumna a ni lo va, amaherawhchu thil felhlel a awm nia ka hriat ve vang mai a ni" a ti ta a.

Hmingthankimi pawh chuan heti hian a inleng neih chungchang chu a'n sawifiah veleh ta bawk, khatia a pasal chetsual thu a han hriat khan chhun lam dar 11 chho vel daih a ni tawh a, a in leng lalrosanga chu a haw leh daih tawh niin a sawi ve tlat thung.

"Imm, lalrosanga chu tunge anih? Hmelhriat nge ni a, chhung leh khat? Inspector chuan a han ti a, pu thiamsanga fa nu Rimwii chuan uluk zawka han ngaihtuah in "aih, tunge anih ka hriat ngai a ni lo. Lalrosanga hmar veng tumah hriat ka nei lo. Kan lam hnaih lah a nilo a, kan hmelhriat a ni hek lo" a lo ti thuai a. Officer Rinpuia chuan "sir, hmingthankimi chungchanga ka rinhlelhna kha a dik maithei asin" alo ti vat a.

Chuveleh inspector chuan "ngawi teh rina, hmingthankimi bialpa anih i ringhlel em ni? A ti ta a, officer Rinpuia chuan "aw sir, ni e, Chhung leh khat pawh nilo, hmelhriat lah a ni hauh lo, hmingthankimi hmelhriat emaw a ngaihzawng emaw a ni ngei ang. Thenawm tlangval alo hmu tu lah khan a hriat ngai loh thu a sawi ve tho kha a ni a"

Inspector chuan "imm hmingthankimi hi Chiang zawkin kan kawm leh dawn a , lalrosanga chu tunge anih kan hre vat turah ngai ang, Chuan pi rimawi, i pa chuan in chungah ni lum ai chu sawi loh a kal ngailo in ti khan ka hre si a?

Rimawii chuan "aw ka pu, ka pa hian hetiang a nilum ai tur a in chung lam a hun a hman awm hi ka la hre ngai lo. tul dang a awm anih paw'n keini'n kan ti mai thin. Mak ka ti ve deuh, a bik in Pathian ni tukah kher lehnghal. Pathian ni tukah hi chuan Bible chhiar-in fianrial hun a nei thin a, chhung inkawm kan neih na atan hian a inpuah chah thin a ni," A ti ta a.

Hmingthankimi che Zia leh khawsa Zia chu uluk taka mite thlir leh ngaihven ber a ni a, Chutihrual chuan a lehlamah hmingthankimi hmelah chuan lungngaihna nasa tak a hmuh theih hial thung a, a khat mawi tawk chuan a tap reng a, a pasal a sunna leh a tawrhna te chu lemchanna mai an nih a rinawm hauh silo a ni.

Officer Rinpuia ve thung chuan hmingthankimi chu a ring hauh lo thung. "tualthattu lemchang tan chuan mi in thu an han zawhchian te chu a ngainatawm hauh dawn lova, mi ten chanchin an ngaihven reng mai leh titi an han sep raw tui viau thin te pawh chu a helh awm thin khawp ang. Kan kawm Chian hi a duh hauh lo in ka ring. lusun hmel tak leh tawrh hmel tak ang in a lang tlat ang a, biak tlak a lawi pawh awm malek lovin lem a chang duh ngei dawn. A ti ve tlat thung a ni.

Pu thiamsanga ukil chu koh ani a, ro chungchang a pu thiamsanga'n thu ro a hnutchhiah te chu keu niin pu thiamsanga ro zawng zawng chu a nupui hmingthankimi kutah vek alo awm a. Hmingthankimi rinhlelhna chu a zual zel lo thei lo.

Heti a nih rual hian heng a rosum a nupui kuta a hnutchhiah tak thu hi hriatpui tu pawh an awm thlap thung a, ani hnen atang a thil awmzia an han hriat leh danah pu thiamsanga khan a ma duh dan leh a lungawina ngeia a rosum te chu a nupui hnena hnutchhiah anih thu te, pu thiamsanga hmelah chuan ngaihthat lohna tur emaw thil han pangngai lo deuh emaw hmuh tur a awm lem lo niin an hre zui leh ta bawk a ni.

"Larna te, hmingthatna te, rosum te, chung ah chuan hmangaihna a awm ngawt ngailo va, hmangaihna in a a ken tel leh a thuam famkimtu an ni zawk ngei ang. Hmelthatna te pawh hi hmangaihna han sawifiah nan chuan a bei tham lua ang a, hmangaihna belhchhah tu a ni zawk awm e" Mahni inrintawk hmel tak mai leh zam hauh lo chung chuan hmingthankimi chuan a ti charh charh a.

Officer Rinpuia chuan "nia, ani maithei, mahse i pasal hausakna leh a rosum te chu nangma kutah vek hian a awm ta si a, i pasal kha hmangaihna lem leh lemchanna thlum tak hmangin i dawi â ve thei tlat ani. A chhia leh tha hriatna chenin i ruk sak thei tlat a, a ma duhthlanna ngeia i kuta a rosum te hnutchhiah turin i hmin thei tlat a ni.

"Thil pangngai lo tak a ni, mahni ril a rah fanau te ngei pawh thlauhthla thak khawpa hetia pa challang a han khawsa ta mai hi a dawi â tu hian a zir viau a ni phawt ang a" tiin hmingthankimi chu a thlek vang vang reng a.

Hmingthankimi chuan "ka pu, ka pasal khan Kan kar hmangaihna chu nupa hmangaihna ai maha nasa zawk daih anih thu te min hrilh thin asin, chu hmangaihna awmzia chu ka hriat hunah hlimna te, lawmna te, mittui nen ka tap ngeiin a ring asin.

"kei chu a engkim ka nih thu te, a thawhrimna leh a sum leh pai chu kei chauh hian ka phu a ni ti te'n min hrilh thin a ni, mahse kei chuan a rosum it avanga thlemthlu-a a rilru hmin tumin eng thil tenawm mah tih ka nei lo, ka pasal a nihna anga ka enna kha a ni mai. Heng nawmsakna te hi chu a pakhatna an ni ngailo hrim hrim a ni"

Officer Rinpuia chuan "ni reng ang chu, chutiangin nang te chuan i sawi reng ang chu, tu in nge a pasal chu buma a rilru hmin saka a rosum te chhuksaka a thah zui thu hi sawi duh reng ang ni. A'n ti a.

Hmingthankimi chuan a kut chu a han hum ruh ngat ngat a, chutah han meng leh kawk kawk thinin "nilove pu te u, thil in hre sual dër a ni. Hetia keima thil tih ngei ani tih finfiah anih hma hauha min han pawng rinhlelh tlawng mai hi zawng in ti dik lo tawp a ni. Ka thah ngei a ni tih chu in finfiah thei dawn em ni? A ti ta a.

Ni e, hmingthankimi dinhmun chu han thlirin a rinhlelh awm thei tlat si a, rosum te chu ama kutah vek a awm lehzel si a, a pasal in thuro a hnutchhiah atanga hun rei a inrial hma-in a pasal chu a thi zui ta mai bawk si nen.

Mahse, Hmingthankimi chuan thil mak deuh mai sawi a nei ta tlat mai a. A pasal thiamsanga a en dan ang takin a pasal chuan hmingthankimi chu a en let ve ngai mang loh thu te, a chang chuan ngaihzawng nei tura tur thin hial zawk thu te, mahse a pasal chu a rilru a buai deuh ni a ngaiin amah leh amah a insitna mai anih te a ring thung a,

Ni e, Kum inthlau tak an ni ni si a, a duhkhawp a nupui chuan a hmuh loh mai te pawh chu a hlau ni fahmiang.

Inspector chuan "Tichuan ngaihzawng chu i nei ta mai em ni? Alo ti vat a, Hmingthankimi chuan "aw nei e ka pu, mahse ka pasal khan mi tur nasat em avang chauh a ni, ka hmangaih avangin a duh angin ka awm mai chauh zawk a ni" Hmingthankimi hmel chu a phelh deuh phalh tawh a.

Chutih mek lai chuan officer Rinpuia chuan "Tichuan i bialpa hming chu larosanga hmar veng a mi, kha mi tuk a a mi kha a ni tiraw? alo ti a, hmingthankimi chu thip zet hian a melh bawk.

Mahse, Hmingthankimi thung chuan "aih nilo, ani kha zawng Jeremya thianpa a nih kha, kha mi tum khan thil pawimawh a awm thu sawiin a lo kal a, tum dangah pawh an rawn chuangkai ve fo thin a" officer Rinpuia bawk chuan "mahse khami tum kha chuan thil pawimawh a awm si a" alo ti leh thuai thuai a.

"Aw ni e pu te u, thil pawimawh chu enge ni ang ka ti a, mahse ka ngaihven hman meuh lo. A ni lah khan engmah a sawi leh ta silo a, Tichuan alo awm lo leh daih a, a haw ta ni mai ah ka ngai a ni"

officer Rinpuia chuan "i pasal ni lum ai na lamah te chuan alo han pakai ve daih ani zawk lo maw? rinhlelh hmel zet chuan alo ti leh a.

Officer Rinpuia vek chuan "imm a awm ang ve viau a ni. Rosanga chu rinhlelh theih niin a lang, nang ber in a awm loh lai i hre thlip thlep silo a. A ti ta a.

Rosanga pawh chu an han ko ve leh ta a, khami tuka pu thiamsanga te in a a chuankai lai khan a hun hman dan te chu an han zawt veleh ta a, rosanga chuan kha mi tum khan thil pawimawh tak maiah hmingthankimi chu biak a duh avang a an in a va chuangkai kha anih thu te, chu thil pawimawh tak mai chu hmingthankimi ngaihzawng a pasal pawhin a hriatpui thlap Jeremya leh amah hmingthankimi te chungchang a ni a.

mahse khami tum khan uluk tak leh ngun zawkin rosanga chuan a ngaihtuah a, putar Kum upa tawh tak mai pu thiamsanga chu a lainat-in a khawngaih ta tlat mai a ni, chutia mi nupa kara lo tlakzeh ve ngawt mai pawh chu thil dik niin a hre ta lo a, hmingthankim pawh chu a thil hrilh tur pawh hrilh ta Chuang lo chuan a haw san leh ta mai ani awm e. In chung lamah a kal lo a, an veng lam panin amah lo ngaichang tu Jeremya lo nghahna lam hmar veng panin a kal nghal a ni.

"Imm a dik tak maw? Chuti a nih chuan hmingthankimi bialpa Jeremya chu kan kawm Chian leh hmasak ber tur chu ani ta e, rosanga thusawi te a dik reng em tih fiah nan" tiin inspector chu a thutna ata chu a thochhuak ta a.

Pu thiamsanga thihna chungchanga a fate rinhlehna leh ngaihthat meuh lohna chungchang avang chuan pu thiamsanga thihna chuan saitual khua chu a chiah hneh rih angreng hle mai a. Mite titi tui ber a chang rih a, thudik hriat chakin an mit leh beng chu an chhi ran reng a ni ber ang chu. Chuti anih rual chuan pu thiamsanga chu amah a chesual palh emaw lung lam tha lo emaw avang a boral zawk pawh chu a lo ni ve reng thei tho si a.

Pu thiamsanga chungchang leh a hriselna lam chu an han chhui Chiang leh ta a, taksa lamah hrisel lohna a nei thin em tih te, lung lam thalo a nei ngai em tih te, tin midang bula a hun han hman danah rilru lam buaina emaw harsatna nei emaw khawsakin a khawsa tawh ngai em tih te chu an han zir Chiang leh ta a.

Pu thiamsanga thian kawm thin te chuan a rilru lamah a pangngai lohna sawi tur hria an awm meuh lo. Chu mi maiah chuan duh tawk lovin inspector leh officer Rinpuia te chuan damdawi in lama doctor thu te pawh chu an han kawm leh ta zel a, mahse damdawi in lam atang pawh chuan taksa lam harsatna avanga saitual pa lar pu thiamsangan damdawi in a pan ngai âwm sawi tur an lo hre hauh lo mai. A ni ang pa lar leh challang chu a chhungte chauh nilo, a thiante tu emaw tal chuan a hrisel lohna emaw harsatna a nei anih ngai chuan sawi tur pakhat chauh tal hre tur an ni si a.

A nupui hmingthankimi lah chumi lamah engmah hriatchian a nei a zeng pawh chu a ni lo. Hun rei an la inkawl lova, a pasal hriselna hrechiang turin an la in hrawn tam tlat lo a ni.

Amah hrechiang ber tur nia ngaih a fate chuan mak an tih leh an hriatthiam loh chu chutia putar a hnu lama kum naupang te mai nupui a han nei ngawt mai te, tin a rila rah a fate hre chang lek loa a rosum zawng zawng a nupui thar hnena a dah vek mai te, tin chutia a nupui kuta a rosum te a dah fel hnu maia a thil tih ngai loh nilum ai tura in chung lama hun a han hmang zui ta mai te, tin a thi zui ta mai bawk nen.

A lehlamah a nupui lah chuan a pasal hriatpuina leh a pasalin a turna avang chauhin ngaizawng te a han nei lehzel si a. Chung thil te chu eng awmzia nge ni ngai? Tin, hmingthankimi thusawi te chu a dik rêng em?

Hmingthankimi ngaizawng Jeremya chu an han ko veleh ta a, Jeremya sawi dan chuan hmingthankimi nen an inhriat tanna chu college atangin a ni awm e, Tichuan hmingthankimi nen chuan an in be chho ve ta reng mai a, hmingthankimi hi khaw dang a mi daih a ni a, saitual khua hi a nilo a ni awm e.

Jeremya chuan hmingthankimi chu a ngaizawng ru hle thin a, mahse hmingthankimi erawh chuan ngaihzawng enin a en ve meuh lo niin a lang. Tichuan le, thian tha ang maia hun rei tak an inbiak ve hnu chuan hmingthankimi chuan pasal a neih thu a rawn hrilh ta thut mai a ni awm e.

Jeremya hrilhhai leh rilru na chuan a tuar ve hle mai a, mahse a hnu leh ah hmingthankimi ngei chuan Jeremya chu a rawn be leh a, a rilru put hmang engkim a hriat vek thu te, chutia pasal a han nei ta mai pawh chu a rilru a na dawn a ni tih a hriat vek thu te a rawn hrilh a, tin ngaihdam te dilin a rem ti a nih ngai chuan in ngaihzawn puiah a rawn sawm leh angreng lawi si a ni awm e.

Hmingthankimi chuan a ruka a hmangaih ve tho thu te a han hrilh takah chuan Jeremya pawh chuan lungawi takin a lo pawm ve mai a ni. Tichuan le, an han inhrechiang chho zel a, a pasal putar mai tawh chu veng thawng lo tur chuan a hrilh thin a, a pasal pawh chuan a lak thutak lem loh thu te a hrilh thin a ni. Amaherawhchu hmingthankimi hian hetia Jeremya nen an han inkawp ta hi a pasalin ngaihzawng nei tura a turna avang zawk a ni tih erawh a hrilh ngai lem lo thung.

Jeremya te pawh chu Hmingthankimi te in ah ngei pawh chuan an va chuangkai ve ta fo mai a, Tichuan Jeremya chuan chutia hmangaihna kawng rual rem lo zet zawh reng ai chuan tiin thutlukna a siam ta a, hmingthankimi chu inruk puiah sawm a tum ta a ni.

Mahse a thian, a puar ak ber rosanga khan a rilru a thlak leh ta mai si a, Jeremya hnenah chuan hmingthankimi chuan inruk a duh loh thu hrilhin bansan mai tur chuan a thlem ta a, tin chutia mi nupa kara lo tlakzeh ve ngawt mai pawh chu thil dik niin a hre lova a ni, Jeremya pawh chuan a thianpa thu rawn ang chuan a rilru chu siam felin theih tawp a chhuah ta a lo ni.

Chutiang chu thil awmzia tlangpui a ni ta a, zawhna tam tak awm kha a then a zar chu a fiah ta e. Nimahsela pu thiamsanga fate ngaih thatna leh lungawina khawp erawh a phawk chhuak pha lo Chiang kher mai. Rinhlelhawm theia lang Jeremya te thian dun chu an han in sawi hmang chuan an fihlim rih niin a lang a ni mai a.

Inspector chuan officer Rinpuia hnenah chuan "Rina, hetiang boruak hi ka ning a ni, mihring nun pawlah zet hi zawng ka kham thin teh a nia. Chanchin hriat nuam lo tak tak leh chhuanawm lo tak tak te hian min ti chau ve thin asin" a ti a, officer Rinpuia chuan a pu chu thingpui an pe a, chutih pah chuan,

"Sir, amah leh amah intihlum te hi a ni thei mai a ngem kan pu-a hi? A taksa ah hliam leh pem engmah hmuh a ni silo va, amaherawhchu a chesual palh ni ngeia a lanna tur emaw lungphu chawl nia a lanna turin kailawn ah alo tlu thung a, Khang te kha tualthattu siam chawp tihna em niang? Mahse chu erawh zeldin thil mai ani. A tan tir khan a nupui hmingthankimi hi ka han ringhlel ve dawn dawn a, mahse thil awmzia chipchiar a han hriat takah chuan kan pu hi lungphu chawl a thi mai anih hi ka ring ta ber mai? A'n ti a.

inspector chuan, "kan pu hi a hriselna lamah harsatna a neih âwm sawi tur hria an awm meuh lo anih kha, damdawi in lam a doctor te chenin, a tan tir khan an ngaih a thalo tak tak anih ngai chuan engvang in nge ruang kha postmortem anih loh? I han sawi tak angin mahni intihlum niin tur avanga thi pawh a ni reng thei si a,

Officer Rinpuia chuan uluk zet chuan a'n ngaihtuah a, "mahse sir, mahni intihhlum chungchang kha ka sawi lang tak na a, tur hnuhma emaw a kawr ip ah emaw, a ruang bulah emaw thil dang hmuh leh hriat tur a awm silo a, tur te chu han nise a ei bang emaw a bawm emaw hmuh tur a awm maiin ka ring. mahse kei chuan Lungphu chawl a âwm ang ber tho in ka hre tlat a ni" a'n ti leh a.

Inspector chuan "imm, kan pu thih dan leh a thihchhan ah chauh chuan hmasawn na tur a awm tam viau rih lo. Amaherawhchu hetiang thil hi zawng a landan ang mai hi ni lo ve fo tho a nia,

Inspector bawk chuan "a bulthut tê hi a pawimawh leh tlat thin. A hmasa in a nupui in a boral San hma daih hunah khan han let leh ila, a ler awm hriat tur leh hmuh tur awm silo kha a nupuiin a ngeih mang lo tlat mai a.

"Amah pu thiamsanga nunhlui hi ka hai a tul a ni. A nupui nen an inba lohna lai leh a lerna lai hi ka hriatchian a tul a ni. Han ngaihtuah ta che. Putar leh naupang nupa a infawm ta chu thil ni thei niin nang ngei paw'n i ngailo anih hi. Tin a rosum zawng zawng chu a nupui kutah ala dah vek zui a. Tin, a nupui Kum naupang te chu ngaihzawng nei tur ten a ti a ni a.

"Heng a landan ang ngawt hi thil awmzia anilo tawp tih pawh ka hrethiam tan niin ka hria" a ti leh a, Tin, kan pu-a thihna hi tualthatna alo nih ngai chuan tualthattu pawh chu rinhlelh tur ka nei dim diam tawh a ni" a han ti leh ta mai a.

Officer Rinpuia chuan mak ti zet hian, "engtin sir? A'n ti deuh vat a. Chutah, inspector chuan "engpawhnise, hmingthankimi hi lo kawm leh ang che. A tun hma nun te, a chhungte nen an inlaichinna, a nunhlui zawng zawng hriat ilo tum dawn nia, kei in ka pensan zawk thung ang che, tin chanchin kan inhrilh zel ang a, tihtur pawimawh tak tak ka la rawn hrilh che a tul bawk ang" a ti ta a.

HMANGAIHNA VANDUAI _Part-2 (Hmangaihna Hmasa)

Bung Thumna

A chang chuan vanduaina hi a thuah thuah hian alo thleng thin a, vanneih na erawh khawvar lam arsi ang mai niin a khat pharh thung. tet te atang a kan lo seilen pui tawh leh kan pawm hmin der tawh thil te pawh hi kan han puitling a, dawt mai an lo ni thin si.

Inspector Remruata ruahman ang chuan hma chu an han la leh ta tlauh tlauh mai a. Inspector chu hmun dangah a kal bo a, officer Rinpuia chuan he lamah inspector hrilh ang zelin hma ala ve zel a ni.

A mobile phone lo ri chu a han la a inspector a lo ni. Rang tak chuan a chhang nghal thuai a, "rina, ka hrilh tak ang che khan hma chu i la turah ka'n ngai a? A rawn ti a, officer Rinpuia chuan "aw sir, ka theihtawp chu ka chhuah e" a ti a, lehlam atang chuan "Tichuan le han sawi teh. Pu thiamsanga fate an pian ni, thla leh kum ilo zawt em? Tin amah pu thiamsanga ngei pawh kha" a rawn ti a. Officer Rinpuia chuan "aw sir hei ka chhinchiah thlap vek e" a ti a, inspector chuan "han sawi ta che" a rawn ti a.

Officer Rinpuia chuan note bu a a chhinchhiah sa chu a'n hrilh ta a. "Pu thiamsanga hi Kum 1945 February thla ah a piang a, a nupui boral ta kha kum 1947 March thla ah ve thung. Kum hnihin an inthlau anih chu.

"Tichuan an fa u ber dr Muansanga fam ta kha kum 1970 September thla ah a piang a, a chhang chiah hi Kum 1973 may thla ah a piang veleh a, a naupang ber rimawii hi Kum 1978 October thla ah a piang veleh a ni. An chhang bung a khat lem lo a nih chu.

Inspector chuan "Rina i ti tha takzet" a rawn ti a, officer Rinpuia chuan "sir eng chungchang nge ni ngai a? An chhungkaw zinga mi hi rinhlelh i nei tihna em ni? Nge ni a, he thil hian hmingthankimi nen inzawmna a nei zawk? A ti a, inspector chuan "rina, Nakinah i han hrethiam ve ang a, thil nihna tak i han hriat hunah chuan mak i ti dawn lutuk tlat" a rawn ti a.

Officer Rinpuia chuan "sir, kei Zawng Kan pu-a hi lungphu chawl a thi anih hi ka ring tlat. Chumi a nih loh vek chuan Rosanga te thian dun kha ka rilru-ah an awm zui tlat a ni.

Lehlam atang chuan, "Rina, an thusawi te a inkalh lo a ni.

"Jeremya kha chip chiar zawkin ka zawt leh alawm, Pakhat in a thianpa tirh anih thu a sawi a, mahse a let leh mai a, a thianpa lo nghahna ava thlen khan dar ruk leh a chan ve rik hma deuh anih thu a sawi a, a thianpa Jeremya pawh khan rosanga sawi ang chiah khan a thianpa a rawn thlen khan dar ruk leh a chan ve bawr anih thu min hrilh veleh chiah ani. Chutiang in a thianpa chu hmingthankimi nen an inkar thu hla ah a tirh anih thu a sawi veleh chiah bawk a. A dik ngeiin ka ring.

Officer Rinpuia chuan "chuti anih chuan sir kan pu a chu engtia thi nge anih tak ang, pawn ah chhuakin in chung a nilum ai tur chu kailawnah chuan lungphu chawlin a thi ta mai tihna a niang maw?

inspector chuan "tualthahna tam tak hi a langsar lo turin eng tia chet lak hi nge tha a i rin? A rawn ti a. Uluk fahran chuan a'n ngaihtuah a, chutah officer Rinpuia chuan, "imm khatia in chunga tualthat tur kha chuan ka thil tih chu nise thaw chhan ka thih tir ngei ang" a'n ti a.

lehlam atang chuan "chu chiah, thaw chhamin an thih tir tihna a ni. Hrawka rehna emaw a awm lovang, he tualthattu hi a fing khawp mai. Kut tha chak tak chuan thuthlenga thua nilum lo ai chu a ka hup betin thaw chham a awm thlengin a kuah bet tlat a ni ngei ang. A thah fel hnuah khati khan lungphu chawla thi anga lang tur emaw kailawna chesuala thi nia lang turin kailawnah khan a ruang kha a siam rem ta a ni. Hmingthankimi thah angin ngai ta ila, hmeichhe tha chak lo tan chuan a harsa deuh maithei.

Officer Rinpuia chuan "ka hrethiam ta chiah e sir, chuti anih a hnu amah nena han innghirngho duh tur midang kan melh leh a tul a ni ngei ang? Inspector chuan "rina,Pu thiamsanga fate min rawn pan chhan ber pawh ani a, chuvang chuan Tualthahna anih theihna zawng zawngah kan beidawng a nih chauhin thih thut hri avanga thi nia rinna hi ka confirm chauh dawn a ni" a rawn ti ta a.

Pu thiamsanga boral atanga chawlh kar khat dawn lai mai a han liam veleh takah chuan mi titi tui ber leh an ngaihchan ber pu thiamsanga thihna pawh chuan boruak a nei lian lo zel a, mite chuan an mangnghilh ve hret hret zel niin a lang.

Hmingthankimi chu rinhlelh list atanga han thaibo maina atan erawh la hma deuh niin a hria a, pu thiamsanga thihna chu thuhran a rosum zawng zawng chutia a nupui Kum naupang te mai a han pumbilh tir vek mai te chu thil mak tak zawng ala ni tho a ni.

Inspector Remruata chu sailam khua ah a kal a ni. Chumi khua-ah chuan nu pakhat Kum 65 mi tar lam pan mek a hming pi vanlalchawii hmu turin a kal a ni. thu tam tak zawtin a kawm a, pi vanlalchawii hi pasal la nei lo alo ani a, a chhungkua la neih chhun chhun nen cheng ho in rethei leh harsa têin a nun a hmang ve mek a ni.

Pi vanlalchawii nen chuan thu tam tak an sawi dun a, pi vanlalchawii nunhlui te, a hun hmasa chanchin sawi tur a neih ang ang te chu sawi dunin inspector Remruata pawh chu a phur tawh viau mai.

Saitual lama officer Rinpuia chu a han be leh a, officer Rinpuia pawh chuan a pu lo kir hun chu a nghakhlel ve tawh viau mai bawk. "Rina, thil nihna tak kan hriat hunah meuh zawng kei ni hi barakhaih ang maiin mak tiin kan la awm dawn ani, nang chuan ka thusawi te mi la hnial dawn chauh maithei a, emaw ka thawnthu sawi turah hian i awih zawng a tam viau lo maithei" A han ti a,

Inspector vek chuan "rina, rinhlelh midang chu i nei ta reng em? A'n ti leh a. Officer Rinpuia chuan "sir, buhpawl zinga hriau zawn ang chauh ani. Kha mi tum a kha lai hnaih a awm te kha rinhlelh awm chu an ni rih mai e. Hmingthankimi, rosanga leh Jeremy, an ni pathum tih loh chu khatia chhun khaw en laia mi ni lum ai hle hle lai han that ngawt duh tur âwm mi an hnai vai mai rih tlat lo a ni.

Inspector chuan "imm awle, min lo nghakhlel tawh ngeiin ka ring. Thil mak tak tak, rin loh tak tak, min thawng dawt dawt tur thil nen ka rawn kir mek e" tiin an inbiakna chu an titawp ta a.

Zan lam a han nih chuan officer Rinpuia chuan a phone message chu a'n en a, inspector message hi a lo awm a, a'n en Chian nak chuan mak a ti hle. "Rina, hmingthankimi hnenah khan a pasal pu thiamsanga nen engtianga zinging nge nupa nun an hman, lo zawt ta che" tih hi a lo ni.

Officer Rinpuia chu a ner deuh hlek a, "imm awle, Ka lo zawt dawn nia" tiin za lo zet chuan a nui zui hak hak a.

"sir, mak ka ti tulh tulh mai. Hmingthankimi chuan a pasal nena nupa nun an hman ngai loh thu leh tum khat pawh an la mut dun ngai loh thu min hrilh tlat a ni. Mahse an Kum in upat hleih em em dan atang hi chuan thil ni thei chu a ni viau tho a" A han ti a.

Ni sawmhnih leh pali inrinni ani a, chumi ni chu khua te chu a thiangin van dumpawl te chu an lang fiah hle mai a, mitin chu an mahni buaina zawnah theuh buaiin thil dangin an rilru a luah hman meuh lo tih a Chiang reng. Inspector Remruata pawh chu a lokir ve leh ta a. Nimahsela inspector chu amah chauhin ani hauh lo. Pitar pakhat a rawn hruai a, chu chu tudang a nilo, a va zinna khua a mi pi vanlalchawii ngei kha ani.

Thutkhawmna pindan lamah chuan an han in zui phei ta a, inspector titi vawrh tur leh chanchin mak danglam tak sawi tur chu eng thil tak ni ang maw?

A aw te chu a han thian hmasa te te a, chutah amah lo ngaichang tu te lam chu a thlek kual leh vat vat thin bawk., chutah meizial chu han tan Kai in a han fawp vang vang a,

"imm, mihring te hi zawng kan mak ve ngawt mai. Kan taksa tan a tha lo tih hrereng chung hian kan thlah phal Chuang tlat silo,

"Ni e mihring mize mak sak tak nei hi an awm a, midang ten mak an lo tih tur leh an ngaimawh tur zawng hian thenkhat hi chu an awm tlat pek a. Anmahni ah chuan thil hriatthiam har tak a awm tlat a ni,

"Mahse heng mite hi an dinhmun leh an hun tawn mek ang hi kan in chan ve phawt a tul thin a, an dinhmun a kan han din ve phawt loh hi chhuan hriatthiam lohna leh mak tihna te, an mahni han dem mai chakna rilru te hi kan lo nei mai thin alo ni" tiin meizial chu a fawp leh kawk kawk thin a. chutah duhthawh taka meizial khu chu han hip lut leh ham hamin dawhkan ah chuan meizial chu a nawr hlum leh nawk nawk a.

Hmingthankimi chuan aw ka dam zet hian "ka pu, ka pasal chu a thi tawh, min kalsan tawh a ni. ka pasal chungchangah rinhlelh ka ni a, mawi lo taka tawngkhum ka ni a, mahse eng finfiahna nge in neih chuan le? Ka dikna chanvo ka hlen ve hi a tul ta a ni, min tanpui tu tur ka koh ve a hun ta" a ti ta a.

Inspector chuan "imm, thawnthu ka hrilh dawn che u a ni. A hmasa in hei ka pi hi a hming chu pu vanlalchawii a ni a, tunah hian Kum sawm ruk leh panga Na a hmang mek a ni" officer Rinpuia chuan "immm ka pi chu khawi lam mi nge anih a? engtia he lai a han hruai ve mai nge maw i nih chiah le? Kan hriat chak zawng tak ani e sir" alo ti thuai a.

Chutah, Inspector chuan "Kum 1960 ani a, pu thiamsanga chuan a Kum 20 na a hmang mek a ni. Hetih lai hian lehkha zirin aizawl lamah hun a hmang a, pu thiamsanga hian hemi Kum hian a hringnuna a tum khat nan hmangaih hmasa ber a tawng a ni. A hmangaih ber a ni zui ta reng a, a thinlung a dai tawh lo tur leh a hriatreng tawh tur chu a ni ta a ni.

"Kum 1965 ani a, pu thiamsangan hmangaih a tawn atang a Kum nga na ani. Mahse a mak khawp a, khuanu pawh hian in tawng tur chauh a a duan, awm dun a remtih leh siloh mi vanduai bik te hi an awm ta tlat thin a, chung zingah chuan pu thiamsanga leh a hmangaih pawh chu an tel ve tlat si a.

"pu thiamsanga chu Kum 25 na hmang mek ani a, a Kum 25 na Kumah tak chuan nupui a nei a, mahse a nupui hi a hmangaih kha ani lo tihna a nih chu. Chutia nupui te nei a chhungkua a han din Tak ah chuan a hmangaih hmasa nen a len dun a rem ta lova, an in mangtha hlen a lo tul ta ani.

"Nupui a neih Kum, kum 1970 Kumah vek chuan fapa an nei ta nghal mai a, a landanin nupui a neih hma hian a nupui nen hian an puk lawk ve ni ngei tur ani. Mahse ka rindan chuan a fa hmasa ber dr Muansanga hi pu thiamsanga fa anih hi ka ring lo.

Chu lai a awm te chu an meng phar awn awn mai a. Rimawii chuan "eng chungchang nge i sawi tak mai ka pu? a lo ti vat a, inspector chuan "ka sawi zel dawn lo ngaithla ru. Dr muansanga a pian atang a Kum thumna Kum 1973 ah a chhang chiah chu a piang veleh ta a, a hnu leh Kum nga hnuah a naupang ber nang hi i piang veleh ta ani" Tiin rinmawii chu a en a. Chutah inspector bawk chuan "Tichuan le hun te a liam a, Kum tam tak a han vei leh ta a. An fate pawh in puitling thuau tawh a ni.

"Kum 1997 ani a, pu thiamsanga chu Kum 52 lai ani tawh, an fate chu a upa ber dr Muansanga Kum 27 ani tawh a, a chhang chiah Lucy hi Kum 24 lai ani ve tawh bawk. Tin a naupang ber rimawii hian Kum 19 na i hmang ve mek bawk. Mahse le hun hlui leh chanchin hlui te chuan pu thiamsanga chu kiansan zai reng a lo la rel hauh lo chu niin.

"Tum khat chu vanduaina ai nge ni ang hman a a hmangaih nen khan an intawng leh ta mai a. A hmangaih hmasa pawh chu Kum 44 lai a upa alo ni tawh. Mahse rawllai hmangaihna Chu alo la thi awzawng lo mai a, tin pu thiamsanga hian a nupui lak a a fa hmasa ber hi a ma fa anih a rinhlelh avang te pawh chu ni fahmiang a nupui lakah hian a thinlung a pe ngailo hrim hrim niin ka ring a ni.

"Chutah a hmangaih hmasa nena an han intawn leh takah chuan chanchin tam tak an inhrilh dun a, nunhlui te sawi dunin hmangaihna par chul hnu chu an chhawm nung leh ta a ni. Mak kan ti maithei, hmeichhia Kum 44 ral kai tawh leh pu thiamsanga Kum 52 mi chuan fa an pai leh dawn a ni tih hi.

Chu lai a awm te chu mak tih avang chuan an meng rang kawk kawk reng hlawm a, rimawi leh a u Lucyi te chuan rapthlak tih hmel zet hian an ka an hup a an melh ngai an melh tlawk tlawk ringawt mai a ni. Inspector chuan chhunzawm zel in, "pu thiamsanga leh a hmangaih hmasa chuan fa an pai leh ta a.

"Mahse mahse, he hringnun chimawm zet hi zawng chhia leh tha hriatna hmang hman malek lo tur hian nunhlui hmangin mi a veh thlem hmasa thin a, chumi hnu ah chhia leh tha hriatna te an lo fim a, alo tlai zo tawh thin. Pu thiamsanga chu inthiam lohna leh mahni inhuatna in a khat ta a, a hmangaih hmasa laka chutiang a a nupui a han uire san ta mai chu chhungril ah nasa takin a nghawng a ni.

"Pu thiamsanga chuan theih nghilh nghal a duh a, a nun chu siam that nghal a duh a ni. A chhungkua lak a a inthlahrunna leh a inkil tawihna te chu nu ber pawh chuan alo hai hauh lo mai a, pa ber nen chuan inkar boruak thalo nei zuiin in rinhlelhna te, ngaihthat lohna te chuan a nang chho ta a ni.

"An fate chuan nu berin pa ber chu mi khaw lo tih te, nupui te kham khawp lo ti tea a tawngkhum thin chu an hre chho ta zut mai a. Mahse pa ber lerna leh a khawlohna engmah hriat an nei ngai dêr silo.

"Pu thiamsanga chuan message duhawm tak kan ti dawn nge a dawng ta zut reng mai bawk a, a uirena hnen atang chuan a fa a pai thu a hre awl ta lo. Mahse pu thiamsanga chuan a uirena nu, a hmangaih hmasa chu a phatsan ta tho a ni, theihnghilh Turin a rilru a siam fel ta tho anih chu. Pu thiamsanga hian nang ni a chhungkaw neih te hi a thlang zawk tlat che u a ni" tiin rimawii te unau hnih chu a han en a.

Inspector bawk chuan chhunzawm in, "Hun a liam a, Kum te a'n tam chho a,

Nu ber a han boral zui ta mai bawk nen, pa ber chuan fate atang in dem rawn a hlawh chho ta a. Mahse an fate chuan a fiahna erawh an nei der lo. Chhungkua boruak a chhia a pa ber kiang a hun hman reng chu thil nuam tak a tling ta lo. An fate chuan nupui pasal neiin pa ber chu an chhuahsan zo ta a.

"Mahse pa ber khan nang ni a fate hriat pui hauh loh thil buaipui a nei a ni, chu chu hmana a hmangaih nena an fa kha a ni. Ni e, nang ni a thlan tak zawk a chhungkua lakah a ni chu mihrang mai alo nih takah chuan nunhlui leh sulhnu, alo thlauhthlak tak chu chhui kir in hun a hmang awl ta lo ani.

Rapthlak tih hmel zet hian rimawii te unau chu an lo meng rang kawk kawk reng mai a, midang pawh chuan inspector thusawi te chu ngaihnawm tiin an bengkhawn uluk hle reng mai.

Inspector chuan chhunzawm zel in "in pa kha in kiangah, in zingah cheng in khawsa reng mahse, mihrang ang chauh ani. A thinlung erawh alo thlauhthlak tak a hmangaih hmasa zawk leh a fa hnenah khan a awm ngei ang. A rukin pu thiamsanga khan a ngaihven hle mai a, zawn chhuah ngei a tum hle niin ka ngai.

"A hmangaih hmasa ber kha a thlauhthla tlat tawh a, a rilru a hliam sak tlat tawh a ni. Tin a nupui in a han boral San zel bawk nen, nang ni a fate lah chuan mihranin in hua a, a chungchang la hre ngai lo, a hmel tak ngial pawh la hmu ngai lo, a lak a rilru chhia la pu lo, chumi ngei chu a ni a kiang a chatuan a awm tur a a duh tur chu ni. Chumi chu a fa dang kha a ni.

"Mi hmuh laia in-a nula naupang tak tak a hruai lut thin te, nula naupang tak tak a biak nasat thu te kan hriat kha, a fa dang, Kum 52 anih Kum a a neih leh tak chanchin ngaihven a zawnchhuah a tumna avang a a thil tih te mai an nih kha.

Officer Rinpuia chu alo inrawlh vat a. "Sir, chu em zawng engmah hriat chian pawh va ni suh. Amah pu thiamsanga aw ka atanga kan thu hriat anih loh zawngin rin har ka ti" alo ti a. Inspector chuan "ka phuahchawp leh zeldin chauh ani hleinem rina, amah pu thiamsanga, a hmangaih hmasa, fa dang a hrin lehna ka ngei atang a ka hriat a ka sawi chhawn leh an ni zawk" A ti ta a.

Hmingthankimi chuan "ka pu, chung hun kal tawh chuan kawng ro a su em ni? ka pasal thihna ah ka fihlim a ni tih a tarlang rêng em ni? Tunah zawng mi pakhat, hnuchhui mi, dikna ngaina leh mi huaisen, chumi chu ka tana tanhmun mi siam sak turin ka koh a hun ve ta" a lo ti ta a.

Chuveleh Inspector chuan "hmingi, kha pa, a tanpuina i rawn ngen tak kha keimah hi ka ni asin" alo ti a. hmingthankimi chuan "ka pu, i thusawi awmzia chu ka man hauh lo mai? Tiin a phawk nghal hra a.

Chutah, Inspector chuan "kha police inspector, ni 18 ni a i rawn biak, i pasal thihna chhui tur leh thil i tisual lo ani tih tarlang tur a tanpuina i ngen tak kha keimah hi ka ni e" a han ti leh a, chutah zet zawng hmingthankimi chu mak tiin a han chek hlak a! "lalpa leh! Nang, nangmah hi maw? Chutah, Inspector chuan "aw ni e, keimah inspector Remruata" A lo ti ta a.

HMANGAIHNA VANDUAI _Part-2 (Hmangaihna Hmasa)

Last

"Hmangaihna hi a kuhmum laklawha par a chhuah laklawh hi chuan zah paha hlauh a nei ve lova, a duh chu a um a, a duh a hmuh hma chu a bei ngat ngat tawh mai thin. Ni e, tunah hian pu thiamsanga, in pa in a hmangaih hmasa ber leh a fanu chu he laiah ngei hian an awm reng asin"

chu lai a awm te chu an Phu suau thei hial a. "Imm, ka sawi zel dawn. Thawnthu lungchhiat thlak tak tak te, nunhlui duhawm lo tak tak te hian naupang mai kan nih laia kan thu hriat thin kha dawt mai an lo ni tih hi min hrilh leh si thin a.

"Tichuan le, tu chu nge pu thiamsanga fanu dang leh chu ni ta? Tin, a hmangaih hmasa chu tunge a nih reng kan hre ta a ni". Tiin hmingthankimi leh pi vanlalchawii te chu a han melh tawn ta vat vat a,

mak tih avang leh ham haih luatah sawi tur hre lo in an han in ngaichang tawn ren rawn hlawm a, chutah insum zo lovin lungchhe tak chuan pi vanlalchawii chuan hmingthankimi chu a han pan hnai ta a.

"bawihte, kei hi i nu ka ni asin, engtikah emaw chuan ka la kuah leh dawn che ani tih hi ka hria alawm, i tan a thatna tur zawk leh i hma khua ka ngaihtuah luatah hmun dang a awm Turin ka tir bo ta che anih kha, min ngaidam rawh aw" tiin a fanu hmingthankimi chu a kuah ta vawng vawng mai a.

Chu hun chu mumang ang mai ani, a ngaihna reng an hrethiam phak lo. Chu thil thleng chuan a thawn teh thut hlawm em avang chuan han sawi mai tur lah haihchhamin.

Chutah mak tih avanga amah en vawng vawng tu a fanu chu han en in Pi vanlalchawii chuan a fanu hmingthankimi nen an hun hmasa lam chu a han sawi veleh ta a.

khatia pu thiamsanga fa a han paia fanu a han hrin tak hnu khan Kum nga thleng chu a bulah a fanu chu ala khawsa ve a. Mahse an harsa si a, chhung leh khat nei mumal an ni lova, chhung te tihbuai reng aiah tiin a fanu chu lehkha zir tur ni pah fawm in khaw dang a a unau te hnenah a awm tir ta ani.

Hun a kal zel a, hmingthankimi chu khawpui lamah lehkha zir Turin a thang bo leh ta a, Kum a vei a hun a kal zel, thian te a nei a, a thian te zingah hian amah ngaizawng deuh tu saitual hmar veng a mi Jeremya chu a tawng ta a ni.

Mahse mak tak maiin putar pakhat nen hian an intawng leh a, chu putar chu a hausa hle mai a, hmingthankimi chu thlem chitin in a thlem thin a, a nupui ni mai tur ten a thlem thin ani.

Mak tak ani, hmingthankimi chu chu putar ngainatawm tak mai tawnah chuan a lut fuh ta hlauh mai a, chu putar chuan a chanchin ngaihnawm tak te chu a hrilh thin a, a nupui thi ta nena an in thu te a hrilh thin a ni, tin amah leh hmingthankimi chu Pathian in intawng tur a a ruat an nih thu te, a hnenah chuan a awm duh anih phawt chuan a mamawh engkim, a hma hun zel atan pawha engkim a huam thu te a hrilh thin ani.

Hmingthankimi leh putar chu an innei ta hial a, mahse mak tak maiin hmingthankimi chuan a pasal putar in a en dan chu danglam a ti tlat mai a. Nupui ang pawhin a en ngai meuh lo. A hmangaih-in a duh em em reng a, hma hunah hlimna leh lawmna nasa tak, a rin loh thil tam tak in alo hmuah mek zel thu te a hrilh fo thin ani.

Ni e, pu thiamsanga khan a fanu hi thudik engkim kha la hriattir ve alo tum reng thin niin a lang, engtik ni ah emaw chuan ama nu nen ngei pawh chuan inhmuh tir leha hun hlui leh nunhlui chul hnu chu thar thawh leh kha alo tum reng ani ngei ang le.

Ni e, hmingthankimi ngei pawh chuan pu thiamsanga nena hun an hman dun tak te chu uluk tak chuan a han chhui kir leh ta rauh rauh mai a, chutah lungchhe van kai hian a tapchhuak ve ta rawih rawih mai a ni.

"Pa, ka pa duhtak, engvangin nge i thih hma khan thudik mi hrilh mai loh ni. I nupui ka ni emaw ka inti reng asin" Tiin a insut zui hlawp hlawp reng mai a.

Inspector chuan "hmingi, i pa hi nang hian I that lul lovang tih hi ka hria alawm, i unau te hian Khang an rinhlelhna che leh an ngaih that lohna kha thil awm tak pawh ani ve a. Ka hnenah hian an lokal a, an pa thihna chu tualthahna ani reng em? Tih te, thudik hailang Turin min rawn pan ani nangmah ang tho in,

"I unau te hian ka hnenah eng thamna sum mah min tiam lova, nangmah ang thovin pu thiamsanga thih chhan diktak hi hriat an duh vang chauh ani. Eng thawnthu mah phuah Turin sum min tawktarh hek lova, nang hi tal awh tir dan tur che leh man tur chea a finfiahna lem siam Turin thu min thlun pui hek lo.

Mak an tih em avang chuan chu lai hmun a awm te chu an ngaihtuah na a vak thui hle mai a ni, chutah officer Rinpuia chuan "Tichuan sir, kan pu nupui nia kan ngaih, tualthattu ni hiala rinhlelh hmingthankimi chu kan pu-a fanu duat lai alo nih tak reng si ah chuan kan pu thih chhan chu eng nge ni ta ang? Engvang a thi nge anih? Lungphu chawla boral mai zawk alo ni ta a niang maw? alo ti leh a,

inspector chuan "imm, a chang hi zawngin mi titi leh thu lengvak kan bengkhawna kan hriatna kan tih zau ve hi a tul thin a, mahse chu mi ai a la pawimawh chu mite hriat bak leh mite hriat ve loh hriat hi a ni, mi nawlpui in an hmuh ve loh hi kan hmuh thiam bik a tul thin ani. alo thleng tep tawh ang" tiin a mobile phone chu a han lek kang a, number pakhat hi a han dial a, an awmna hmun a lokal nghal tur chuan a han ti a.

Chutah, officer Rinpuia vek chuan "chuan sir, engvang nge ni ta ang? Engvang nge pu thiamsanga khan hmingthankimi chauh hi a ro zawng zawng a pumbilh tir bik kher ni? Midang zawng chu a theihnghilh zo ta tihna em nia'ng?

Inspector chuan "chu zawng amah pu thiamsanga chauh in a hria e, tin hei hi thil nihna ani ve thei tlat bawk. Pu thiamsanga khan a nupui boral ta nena an fa hmasa ber dr Muansanga kha ama fa nilovin a hria a ni ngei ang, a chhan chu an inneih Kum ah mai khan fa an hring zui nghal ani si a,

"ka tawng huat thu Suh ah, nang ni a fate te ngei pawhin in sawi kha, in unau zinga upa ber mipa awm chhun chu pa ber pawhin a fapa nilo hiala a tawngkhum lai pawha in hriat kha. Mahse an inhnial thinrim avang a a tawngkam mai anih kha nang ni chuan in ring ang. khami avang pawh kha ani ngei ang a nupui kha a thinlung takin a pawm thei ngailo niin ka ring,

"tin nu ber a han boral a, a fate chuan pa ber chu an demin an en dan a dik hauh silo. Kha thil kha pa ber khan hreawm a ti thin viauin ka ring, a fate a hmangaihna pawh a dai zo ta ni ngeiin ka ngai. khati khan hmingthankimi chauh chu a ro sum te a chan tir ta bik a ni si a. Mahse chu erawh ka rindanai a ni.

Nakin deuhah chuan kawngkhar dar chu a rawn ri a, thenawm tlangval vanlalpeka ngei mai kha a rawn lut ta da da mai. A hmel chu a ti hle mai a, a ngaihna a hriat loh hmel hle bawk. Inspector chuan alo hui vat a, thutthleng awl ah chuan thu turin alo ti a.

Vanlalpeka chu uluk zet hian a han thlek a, chutah ram zet hian "peka, a hmasa-a i hriat atana ka duh chu dawt ka ngaithla peih hauh lo a nia tih hi" a han ti a, vanlalpeka chuan "ka pu, enge ni ta? A han ti ha a, inspector chuan "keimah ka nih kha lo call tu che kha, kha mi tuk i thenawmpa pu thiamsanga a thih tuk khan khawiah nge i awm? A'n ti nghal zat a.

Vanlalpeka chuan teu zet hian "e khai ka pu, khawiah nge awm se min tih a? A han ti deuh dawn dawn a. Inspector chuan "i awmna chu maw ka hria asin" a han ti leh a, vanlalpeka chu uluk zet hian a en ran reng bawk.

"Ka pu, in ah ka awm a ni. Pu thiamsanga zing ni lum ai tur ka hmuh thu pawh ka sawi kha, tin hei hmingi te hian in leng an neih thu te chenin ka hrilh che u a ni lawm ni" a han ti leh a, a hmel chu a phawk kher mai.

Inspector chuan "imm, pu thiamsanga chuan zing ni lum a ai dawn a ni tih kha engtia hre mai nge i nih? A han ti leh a, vanlalpeka chuan "ka pu, chu Zawng ka han rin dan mai ani ka tih kha" alo ti veh a, inspector chuan "ni e, nang hi pu thiamsanga lo hmu tu awm chhun i ni a, zing ni lum a ai dawn ani tih lah chu hre sa ang mai i ni.

"Tin, mak deuh mai chu pu thiamsanga a kha zing ni lum aiin in chungah a kal ngai hauh lo tlat a ni. Tin, Kha lai kailawnah khan thi sa in a awm a ni. Thah anih hnu ah kailawnah khan chesual anga lan tir a ni. lungphu chawl nia a lanna Turin a ruang kha siam rem chawp mai ani.

"He tualthattu hi a fing in a inring tawk hle mah mah a, a hnu hma engmah hmuh tur a awm lo lai te, tin chhun khaw en lai ngatin chet a la ngam ani a. Chhun khaw enga thi chu thah anih han ring dawn ila, ama in chungah ngei lehnghal, thil rin harsa tur tak kha ani reng a ni,

"mahse ka Chiang. Taksa lam hrisel lohna neilo, lung lam thalo ni hauh lo, tin zing ni lum ai ngai hlei lo kha taksa lam hrisel lohna nei ang leh lung lam thalo nei ni ang hrimin a thi a, zing ni lum ai tur ang hrimin in chungah a kal tlat pek a, Khang kha ruahman lawk vek ani.

"Tichuan maw, thil mak leh deuh mai chu nangmah lo chu pu thiamsanga zing ni lum ai tur hmu tu dang an awm loh chu thuhran, tin, nangmah lo chu he lai thenawm zingah pu thiamsanga nena han inrikrap thin leh thu buai hla buai han nei veleh zauh thin midang an lo awm velo lehzel tlat hi a ni.

"Alo tha khawp mai hetia mi titi leh tlangkam fahrah te te bengkhawn hi. Mi te hian thil hi an lo hre khawp mai a, Mahse han chik han chik tak rengah chuan a ril zawk kan lo hre ve zel a, nang nen hian khalh fal dun loh theih loh in ni ta ani.

"Tin, nang chu i Kam hlei a zarah i tawngchhuak hma mah mah a, rosanga chuangkai lai te chu ilo hmu fuh thei riau a, nang hian i thenawm te chhungkua hi i thlithlai reng ani. Chumi awmzia chu engemaw tih tur i neih vang ani.

"Tin, kha mi tuk ni hma ni hnih liam tawh ah pu thiamsanga hi in chenna in ah a rawn chuangkai tlat mai a,

"Khami tum khan pu thiamsanga khan a rilru hah thu te, miten a nupui nena an chungchang sawi an duhdan te chu hreawm a tih ve thu te sawiin a rawn inbunruak ve luam a, nang chuan chu chu remchangah la in engtin tak lo tawng bum che maw? ka rindan chuan hetiang hian ilo tih ngei ka ring tlat. 'Pu thiamsang, in Kum te a upa ve tawh a, zingkar boruak thianghlim hip tam te hi a tha ngai e, keipawh hei ka pa tih than thil ka chhawm ve e ka ti a, a tha takzet.

"Zingkar ah hian boruak thianghlim dawng ni pah fawm in zing ni lum te aiin in chung lamah hun ka hmang thin a, han ti ve chhin mah rawh, a that Zia hi i hre tulh tulh mai ang, rilru te hi a thawveng a, ngaihtuahna te hi a thar a, thil tha tak ani' tiin i hrilh ngei ang. Nilo, chung te chu ka rindan mai nilovin i tawngka chhuak ngei ani tih i nu ka ngei atang in ka hre daih tawh zawk" inspector chuan a ti leh ta a.

Chuveleh Vanlalpeka chuan teu zet hian "takzet chuan! ka nu chu ilo dawp vel a ni maw? tiin a kut chu a han hum ruh sauh sauh a, chuveleh inspector chuan "naua leh! i kut tha te chu an chak hmelin i mi han hrawm vel pawh a nat dawn kha maw le! alo ti a. Vanlalpeka chu a hmel a thim khap khap mai,

inspector bawk chuan "imm, putar chak vàk tawh lo thaw chhama han hrual vel nan chuan i tihrawl te kha duhthusam an ni e, thu tui tam vak a sawt lo. Kha tia ilo tawng thlamuan ve te, thurawn i pek ve te kha i pa rual daih, a ruka i huat em em thin leh an chhungkua i er em em thin pu thiamsanga khan alo hrethiam em em mai a, naupang zawk ten duhsak taka thu an han rawn der vena thu hlate pawh chu a han zawm ve a ni,

"mahse nang chuan in chunga ni lum aia thlamuang taka hun hmang mek i pa rual putar lainatawm tak mai chu a hnung lam atangin a ka i han hup phui ta a, thaw chhama a thih thlengin i tha leh zung laktlak loh zet hmang khan i hrawm hlum ta dêr a ni. putar lainatawm tak chu lungphu chawl a thi niin i lan tir leh ta ani.

Vanlalpeka chu thinrim ha thil bawp bawp chung chuan a tho kang uaih mai a, "inspector!. Chutin dawt phuahchawp nen mi vau awzawng Suh, i mit ngeia thil engkim hmu ni awm ziazang a chuti te a mi han tih vei le" Tiin a ring ruh chu a thle ri bawp bawp mai a.

Chuveleh inspector chuan "nauva leh!, i zak lo ham ham hle mai maw. Hei alo thleng chiah alawm" Tiin kawngkhar dar lo ri lam chu a thlek vat a, chutah nuih sawh zet chunga vanlalpeka en chung chuan "fing viau emaw in ti mah la, i tukkhum lamah mit i nei bik der silo" tiin a han tho kang ve ta a. Vanlalpeka chu a han din hnaih a, chuveleh officer Rinpuia chu alo inrawlh vat a "sir, inbengdai teh khai" alo ti ta vat a.

Pawn lam atang chuan tlangval ni ngei tur hi alo lut ta tham tham mai. Chutah inspector chuan "awle vanlalpek, nang hian fing takin rem ruat mah la" tiin inspector chu a han nui hak a, "ni e, i chet dan a nalh khawp mai, chhun khaw en lai ngeia tualthahna chu hriatchhuah a har in rinhlelh a har mai mai khawp ang le. Tin, i kut hnu a man tha hle bawk, ruang atang a a landanah mi kut tuar a thi ni awm rengin a lang lo, postmortem pawh nise tualthahna ani tih chu thil hriat har tak tur ani.

"Mahse maw, In chunga i awm lai mita lo hmu tu che hi tunge anih han hmelhriat ta che" tiin in chhung a lo lut thar pa lam chu a han en a. Vanlalpeka chu a Phu zawk mai. "Eng, engtin maw? Mit ngei a min hmu tu i ti em ni? A han ti a, inspector chuan "niang chu maw le, chet nalh i tum luat ah leh i inrintawk luatah Chiang lutuk a man chhuah i ni ta ni-ah ngai mai rawh" tiin thuthleng ah chuan a thu nghal a.

Vanlalpeka chu a inpuang ta nge nge a, a thenawmpa pu thiamsanga chu a thah ngei ani tih a sawi ta a ni, hun rei tak chhung a huat em em leh an chhungkua a er ruk em em thin an lo ni a, tin thil mak tak mai pakhat a sawi lang ta bawk. Chu Chu hmingthankimi hi alo ngaizawn ve thu ani,

chutia a thenawmpa a huat em em maiin nupui naupang leh hmeltha deuh mai a han nei thei mai te chu itsikna leh huatna in a khat a, chu putar chuan a Phu a ti mawlh lo a ni.

Vanlalpeka chu 302 IPC hmanga dam chhung lung in tang tura hrem ani ta a, chutia saitual pa lar leh challang, a thenawmpa kut tuara ama chenna in ngei a thah anih thu mipui ten an han hriatchian takah chuan mak an tiin a thawng hle mai a.

Tunlai thil awmzia leh hun inthlak danglam chak lutuk ta te, mihring te kan lo rapthlak tawh Zia te, pawisak kan lo neih tawh loh zia te, itsika leh huatna kan ngah Zia te chu hrilh fak a tling hial ta ve ang.

Chutih rualin rosum leh nawmsakna um emaw an lo tih, tualthattu ni a rinhlelh hmingthankimi leh a pasal inlaichinna diktak erawh chuan mite a va barakhaih Chiang si em! Rin loh lamah leh beisei loh lamah pu thiamsanga thihna chuan boruak thar a rawn nei chho leh ta si a.

Inspector office-ah chuan amah inspector Remruata leh officer Rinpuia te chuan pu thiamsanga thihna case an chhui zawh tak chungchang sawi chuan hun an hmang mek a. Officer Rinpuia chuan zawhna tam tak ala nei tlat ani.

Khatia vanlalpeka'n pu thiamsanga a that lai ngei mita hmu an lo awm kha mak a ti a ni. Engvanga a tan tira rawn inlan nghal mai lo nge anih? Tin, vanlalpeka a rinhlelh dan te kha Chiang lo a la ti riau tlat a ni.

Inspector chuan chu zawhna chu heti hian a han sawifiah ta a, "ni e, a tan tir atang reng khan vanlalpeka khan enge maw tal a hmuin a hre tur a ni ka ti a, Tichuan ni hnih dawn chu amah leh an chhungkaw Chungchang kha ka ngaihven ta a ni.

"ka han thlur bing zel a, Tichuan he pa vanlalpeka, pu thiamsanga zing nilum ai tur hmu ni a insawi hi tualthattu ngei niin ka ringhlel zui ta ani. Mi thu ka han zawh chian te reng reng mai khan vanlalpeka te chungkua leh pu thiamsanga te chhungkua hi neuh neuh thilah an inba tehchiam ngai lo ni awm tak ani.

"Kohhran hrang te an ni lehzel a, Mahse chutiang a inbe chhe reng an ni bik lo ani tih chu khatia pu thiamsanga a thih hma ni hnih liam ta a vanlalpeka te in-a a va chuan Kai ngam danah khan kan hre thei bawk awm e.

"chhungkaw nu ber chu kawm Chian ka tum ta a, ka beisei erawh a sang viau lo. Mahse ka beisei loh lam tak leh thil pawimawh em em mai ni ta chu ka va hre thei ta hlauh ani. A nu chuan a thih hma ni hnih liam ta a an in a alo chuan kai thu te, pu thiamsanga chu tum dang ang lo taka a hmel a ngui thu te, lungngaihna leh rilru lam hahna nasa tak a neih thu te, a nupui nen an chungchang thila mite sawi sep-in a tih buai ve thin thu te, a rilru hahna te sawia ava inbun ruah luam thu te, tin an fapa vanlalpeka nen chuan an in kawm ve luam bawk a ni.,

"vanlalpeka chuan a theihtawpa a fuih ve thu te, thu tha tak tak alo hrilh ve thu te, min hrilh ta a ni. Chung an titi an tawngkam hman te chu eng te nge anih ala hria em tih ka han zawt ta zel a, vanlalpeka nu awmdanah khan a ngaih a tha ta chiah lo ani tih pawh kha ka hria ani.

Mahse police inspector thu zawh chu han hnial chi ni hek lo le, a fapa chuan pu thiamsanga chu hrisel na lam a sawipui nasat thu te a sawi ta a, tin khatia zingkara ni lum aia in chung lama rilru han tih thawven te kha thil tha tak anih thu a hrilh bawk ani.

"Tichuan pu thiamsanga chu vanlalpeka chuan a bihthla reng thin in ka ring, hun remchang kha a zawng reng ang. Chutah le, hun remchang tha tak mai chu a hmu fuh ta a, pu thiamsanga khan vanlalpeka thu rawn ang chuan in chung lamah hun a han hmang ta a ni a, kha veleh khan vanlalpeka khan chet ala ta chat mai ani.

Officer Rinpuia chuan "chuan sir, thu hre tu ve thung kha le? Mit a lo hmu tu ve thung kha? I hnenah a thil hmuh te a rawn hrilh che em ni? A'n ti leh a.

Inspector chuan "hei hi chu hman ah tawh ka hmang tangkai tawh a ni. Thu hre tu lem mai anih kha" alo ti a, officer Rinpuia chuan phawk zet hian "engtin a ni sir? alo ti vat a, inspector chuan," keima remruat chawp ve thung anih kha. Mahse ka fimkhur thung.

"Kha pa, mita lo hmu tu khan pu thiamsanga a that lai ngei hmu ang in a insawi hauh lo asin. Kha mi tuk zing lam dar 6 leh dar 8 inkara vanlalpeka chu pu thiamsanga te in chunga a awm a hmuh thu a sawi anih chauh kha. Khati khan ka sawi tir anih kha. Mahse vanlalpeka inpuan tir na khawp erawh a tling tho mai.

Officer Rinpuia bawk chuan "Tichuan le sir, hei ve thung hi aw, hmingthankimi hi engtia pu thiamsanga fanu a ni reng a ni tih hria hi nge i nih? Chuan hmun dangah te i kal bo a ni a.

inspector chuan "imm, kha zawng ka rindan leh zeldin atang a intan an ni e. Pu thiamsanga fanu rimawi'n an hun hmasa lama a nu boral hma deuh, nu berin pa ber chu a ngeih mang hauh loh thu te, pa ber a ler chungchang te kha ila hria em? Nu berin a pasal a ngeih hauh loh chhan kha a dik ngeiin ka ring ka tih kha.

"Tin, Hmingthankimi khan a pasal nen an intawn dan te, mahse a pasal khan engemaw chang kha chuan nupui treat khan a treat tlat thin lo a nih kha, a niin pasal treat-a a treat reng lai pawhin ngaihzawng neih a phal sak a, a tur hial zawk anih kha. Thil mak ve tak chu ani.

"Chu thil chuan he thil hi min ngaihtuah chhuah tir ta ani. Hmingthankimi leh a pasal pu tar kha an mu dun ngai em? Eng tianga zingin nge mipat hmeichhiatna an hman thin ang? Kha thil kha ka hriat a tul ani.

"Khatia Putar mak tak maia a han ngaina tlat mai kha a ril takzet. A awihawm loh hial zawk anih kha. Chhungril atanga inzawmna thuk tak ani ka ngaihdan chuan, thisen zawm an nih kha ka ringhlel asin.

Nupa nun chungchang kha Thisen in zawm an lo ni reng em tih fiah nan a ni. Tichuan ka rinhlelhna ti kim Turin nang khan nupa nun an hman dun ngai loh thu te, an mut dun ngai loh thu te kha mi rawn hrilh ta chiah reng a, a Chiang ta ah ka ngai.

"Tichuan pu thiamsanga nunhlui chu ka chhui a tul ta ani. A nupui boral ta in a ler a tih te, a ngeih hauh chhan kha thudik anih ngai chuan pu thiamsanga hian hmeichhe dang lakah a uire san ni ngei tur a ni, hmeichhe dang chu tunge anih tak ang? Ka chhui zui a tul ta ani. A ni hnen atang chuan thudik hailan a ni dawn ani.

"Tichuan hmingthankimi chu a nunhlui te ka chhui leh ta a, a bialpa hmar veng a mi Jeremya kha ka va kawm Chiang leh a, ani hnen atang khan hmingthankimi chungchang a ka hriat duh ang te ka hriat theih ka inbeisei a, hmingthankimi hi saitual khua anilo a, thingtlang hmun dang daih ami ani tih kan hriat kha.

"hmingthankimi te khua chu alo dik reng em tih te ka zawt a, Jeremya pawh chuan a dik thu te, an lehkha zirna atanga an intawn dan te, hmingthankimi chu pa nei tawh lo. A nu ngei pawh a awmna chin hrechiang lo anih thu te min hrilh ta a ni,

"Tichuan hmingthankimi te khua lam pan chuan ka thangchhuak ta a, ka rin ang ngeiin a chhungte ka va hmuh chuan an nau hmingthankimi chu lehkha zir a hmun dangah a awm bo thu te, pa a neih tawh loh thu te, a tet te atanga an hnena awm a nih thu te min lo hrilh ta a, kei chuan an nau chuan tunah pasal a neih tawh thu te ka han hrilh a, mahse an ni paw'n an lo hre daih tawh a, mahse a pasal thih thute, harsatna a tawh mek thu erawh engmah an lo la hre ve hauh lo thung.

"Tichuan hmingthankimi nu chanchin te chu ka zawt ta zel a, hmingthankimi nu awmna hmun chu min hrilh ta a, hmingthankimi awm pui tu an mahni chu hmingthankimi nu pi vanlalchawii chhung khat te an nih thu ka hre ta zel ani.

"Pi vanlalchawii awmna sailam khua chu ka pan leh ta a, pi vanlalchawii chu a Kum alo upa tawh nek mai. Kei ngei pawh hian ka awih lo lek lek hial ani. Kum 40 ralkai tawh in Kum 50 ralkai tawh fa a han pai leh chu mak ka ti ani. Hmingthankimi nu chuan thil awmzia engkim min hrilh ta anih chu, Khang zawng zawng i hriat vek tawh kha" inspector chuan a ti ta a.

Alo mak ngawt mai hringnun hi. Mi nun kan va hriatthiam pui loh leh kan va hmuh tum dan nilo te avang hian mahni thlirna tlang atang hian ngaihdan khermei tak kan lo siam ve mai thin a, kan ngaihdan leh kan thil hmuh dan khermei tak avang chuan mi nun a chhiat phah fo a, mi nun kan ti ralmuang lova, nun nuam lo leh hreawm tiin kan siam fo mai.

Hei hi ani hringnun chu, kan landanin mi lung a dum chiam lo pawh ani ngei ang. Mahse hetah chhungril lama dikna leh thatna te hi a tawpah a mawi ber chu ani leh fo thin.

Pu thiamsanga leh hmingthankimi awmdan, nupa anga an han awm te, rosum it vanga putar pui tawh pasala nei nia a landan te, heng zawng zawng hi a langsar chin ah zawng thil mawi lo leh tenawm tak niin a lang a ni,

mahse chhungril lama mi hriatpui loh awm erawh, a fanu chu ngaih melhna tel miah lo leh khaw lo taka suangtuahna tel lo vin hmangaih takin a pawm tir thei tlat a. Tin, vanlalpeka, mi mit hmuhah leh a mawi china mi pangngai tak nia lang, thenawm hnai vai mai ni si kha chhungril lamah erawh suahsual chakna leh bawlhhlawh chakna a khat alo ni reng si a.

Mihring nunah hian hmangaihna hi a pawimawh a, hmangaihna chuan nun hi a ti nuam a, a ti mawi a, beiseina te min pe a, phurna te, thathona te, kan nunah hian a tha zawnga hmasawn Turin chakna min pe ani.

A lehlamah ve thung chuan chu hmangaihna chu a kalkawng a fuh loh laklawh vaih zawngin damlai hremhmun ang chauh ani thung a, vanduaina pakhat ve ang lek ani tawh thin. Hmangaih kan neih ve te chu a thiang lo a, vanduaina pakhat ang lek a ni. Mi in min hmangaih ve te chu a rem lo a, anchhia chauh a ni zel tawh thin a ni.

[marvarichard]

April Hmar Liverpool wrote:
> HMANGAIHNA VANDUAI _Part-2 (Hmangaihna Hmasa)
>
> Story From_ LaltanpuiaHmar Aka @Hringnun Guru
>
> Bung Khatna
>
> A khàw thuthmun leh a hmun hma te, In leh ló indin dan leh kawngpûi-in a
> tan tlang dan atangte, sik leh sa boruak in lum leh dante, a landan leh a
> pian hmang atang reng pawha in leh ló han dinna atana thlan nahawm ber tur
> zinga mi a ni a.
>
> Mizoram map kan en chuan Aizawl atanga khawchhàk lam kilometre 76 vela
> hla-a awm a ni a. He khua kan sawi lai mek hi saitual khua a ni.
>
> Changkanna leh hmasawnna-in zung a kaih mek reng lai hian nunphung pangngai
> lo leh sualna-te, dan kalha chetna te a pung ve zel a, chanchin duhawm lo
> hriat tur awm ta zût mai chu mut mawh hnar mawha neih a tul ta niin a lang.
>
> Chutia mite titi tui ber leh sawi sep sep a'n Kai chho leh ta pawh chu thil
> thleng leh chanchin ngaihven awm tak vang chuan thil âwm tak pawh a ni rêng
> a.
>
> Dr Muansanga-te chhungkua a thil thleng rapthlak tak leh duhawm lo
> chungchang kha mite chuan an mangnghilh mek chauh a ni a.
>
> Doctor Muansanga pa Pu thiamsanga hi tunah kum sawm sarih leh pariatna
> hmang mék a ni a, a nupui hi Kum nga kal ta khan cancer natna vangin a
> boral tawh a. Fa hi pathum neiin nupui pasal nei lai an ni a, in dang vek
> an ni tawh thung.
>
> A nupuiin a boral San hnuah Tun hnai chho mai khan nupui dang a nei leh a,
> a hming chu hmingthankimi a ni. Mahse a nupui thar hi a Kum a la nau hle
> mai a, Kum 25 a pel awrh chauh ang tih tur hi a ni tlat thung. Mahse pu
> thiamsanga hi a hausa a, a lar a, mite ngaihsan a ni a, amah chauha in-a
> awm a ni nen tin a Kum te a upa tawh a, hetia mahni chauha awm lova amah
> ngaihsaka enkawl-tu tur nupui dang, la naupang tak a'n nei leh ta mai pawh
> hi thil âwm tak pawh a ni tho bawk âwm e.
>
> A fate hian an ngaihvenin an ngaihsak ve thin em? Amah hi mize kherkhîap
> nei mi leh hrawn harsa chi em ni? Zawhna erawh a awm mek si a. Chumi anih
> rualin mi thenkhat sawi danah pu thiamsanga hi rual pawl lamah pawh a zei
> hawih viau a,. pa thin tër tèk nei mi erawh a ni ve a, engemaw changa
> thenawmte nena thu buai hla buai han neih zauh a ching thin e tih loh chu a
> chanchin chhe lam hriat tur a vang hle.
>
> A nupui hmingthankimi sawi dan in zing lam dar nga chho vel a in atang a a
> chhuak chu a lo haw ta hauh lo mai a, hmingthankimi hian a pasal hi a
> chhuak ani tih pawh chu alo hre lawk lo nghe nghe ani. Chhun lam dar sawm
> pa khat chho velah a pasal putar tawh tak mai chutia leng bo ta vang vang
> mai chu a chanchin te a han ngaihven ta a, mahse a pasal awmna chin chu a
> hre ta hauh lo. In chung lam ah puan pho Turin a chho leh ta a, chutia in
> chung lam a puan pho tur a a han chho chuan in chung kailawn a lo tlu reng
> mai a pasal ruang chu han hmu in midang a pun ta nghal ani.
>
> Pu thiamsanga tawhsual tawh chungchang leh a thihna chuan saitual khaw pum
> pui a deng chhuak a, zeldin leh ngaihdan hrang hrang in sep siak pawh mipui
> mimir zing a thil tlanglawn pakhat ani mek zel ani . A fapa Dr Muansanga
> kha an nupa pindanah a thi a, a tan tir kha chuan lungphu chawl a thi niin
> a lang anih kha.
>
> Hun rei tak chhung alo hrawn tawh inspector remruata number chu a han dial
> ta a.
>
> "sir, hmangaihna chungchang hi engtiang tak a han hrilhfiah chi nge ni
> dawn ni? A rawn ti a, remruata chuan hmangaihna chungchang rinpuia zawhna
> chu ho a ti viau mai. Chutia nacyi leh a pasal vaipa Mukesha chungchang alo
> ngaihtuah lai tak ani nen "Imm, rina hmangaihna te chu hmel leh
> pianghmang ah ringawt a awm hleinem" A lo ti ve mai bawk a,
>
> lehlam atang chuan "sir, hmangaihna hi hmel ah nilo chhungril ah a awm
> anih a, pawn lam landan hi a ngai pawimawh lo anih si chuan hmangaihna dik
> tak pawh ni ngeiin a lang, mahse a chang hi chuan hmangaihna dik tak ni a
> lang hi a mawi lo in a awm ang lo thin hle a, tin INBUMNA LEH LEMCHANNA mai
> mai alo ni fo bawk" remruata chuan nin hmel fe hian "Rinpui, i
> sawi tum ka va hrethiam lo ve, chutia nangmah ang lo tak a hmangaihna dik
> chungchang te i han Pak ve tak hlut ni enge ni ta a? Rinpuia chuan
> "sir, putar leh hmeichhe naupang te hi hmangaihna khurah an tlu a, a
> mawi lo in a awm ang lo hle, mi sawi pawh an hlawh reng ang a, mak tih leh
> mualpho an hlawh nek zawk daih dawn.
>
> Remruata chuan "imm, hnam pui ho zinga Playboy an tih ang chanchin hi
> I sawina em ni? Rinpuia chuan "sir, lokal phawt mai rawh. A pawimawh a
> nia he case hi chu a dang riau, kan la buaipui ngailoh lam tak ani. Putar
> hausa leh a nupui hmeichhe naupang te chungchang leh putar hausa chu a thih
> tak thu te, a ro chungchang te, tin putar thihna chu ngaihthat thlak loh
> tak anih thu te, putar leh a nupui inkar a hmangaihna mak tak mai chuan
> hnam pui ho zing a putar hausa leh nula hmeltha eltiang inkar a hmangaihna
> chungchang min hriatchhuah tir dan te.
>
> remruata chuan "ngawi lawk rina, tunah khan in leng i nei ngeiin ka
> ring? Lehlam atang chuan "sir i hresual love, ka in leng hian alo
> nghak hlel viau tawh che ani. Remruata chuan "imm, ka han ring chhin,
> putar hausa thihna chungchang ah chuan a nupui chu rinhlelh ani tihna ani
> maw? Hmangaihna lem leh rosum it na sual chuan lemchanna te, bumna te a bul
> tan in a tawp a kharna erawh thihna ani si ani maw?
>
> Rinpuia chuan "sir, chutiang vel teh nuaih chu ani ngei ni tur ani.
> Kei ngei pawh hian khel lova thil nihna ni a ka rin leh ka hmuh dan
> ani" A rawn ti leh a. An inbiakna chu titawp in saitual pa hausa pu
> thiamsanga thihna chu chhui tur chuan chet a lak chu a tul dawn niin a
> lang. Rinpuia te lo nghahna lam chu pan in hmanhmawh tak chuan a inkhalh
> chhuak ta a.
>
> Amah lo nghaktu Rinpuia te awmna, Dawrpui a lovers moon hotel, hotel hmasa
> leh hming chher hmasa pawl lam pan a a thang mek lai chuan a Mobile phone
> chu alo ri leh a, a en a number hlang hi alo ni a, a han pick up a, lehlam
> atang chuan hmeichhe aw hian "inspector Remruata ani em? A rawn ti a,
> Remruata chuan "aw ni e, tunge? A han ti a, lehlam atang chuan "e
> ka pu, ka hming chu hmingthankimi ani a, tunah hian buaina nasa tak ka tawk
> mek ani. Ka thian tha zing a pakhat in nang hi i tanpuina ngen turin min
> rawn a.
>
> Remruata chuan a motor chu kawng sir remchang lai ah chuan tiding in
> "aw le ka pi, khawi a awm nge i nih? Eng buaina nge? Enge a chhan?
> Engvang nge?
>
> "Ka pu kan khua hi saitual a nia, ka pasal thihna chungchang a ni e.
> ka pasal a fa te leh an chhung te lam hian ka pasal thih na ah kei hi a
> mawhphur tu ah min ngai niin ka hria.
>
> "A chhan chu Ka pasal a rosum duh avang a lemchang ah min ringhlel a.
> Chu mi thu hla ah chuan misual ngei ka ni reng em tih hi min chhui sak
> Turin ka duh che ani. Tin, Ka pasal khan a ro chungchangah kei hi a roluah
> tu ah min dah ngei dawn ani tih hi ka Chiang a. A chhan chu ka pasal khan
> tum tam tak min tiam tlat ani.
>
> Remruata chuan "I pasal chuan a ro chungchangah engtiang in nge thu ro
> chu a hnutchhiah a a ro thil te tu hnenah nge a dah? i pasal chuan a dan
> hre mi hnenah a ro chungchang thu a hnutchhiah ngei a nga, dan ang thlap a
> i pasal berin ro te chu i kutah a dah a hnu enge harsatna awm? Engmah
> hlauhthawn tur a awm hleinem?
>
> Lehlam atang chuan "nilo ka pu, chu lamah chauh chuan an duhtawk dawn
> lo. Kei hi min chhui tur leh ka pasal thihna chhui Chiang tur hian mi rawih
> an tum lehzel alawm. Chuvang chu ani nangmah ngei hian he case hi chhui tur
> leh kei hi misual ka nilo ani tih hi tarlang tur a ka rawn ngen ve tak che
> ni. Sum hi chuan thil a ti thei si a, sum avangin ka thil tih ni hauh loah
> thiam loh ka chang thei tlat ani.
>
> Remruata chuan "imm awle, Tichuan nang in inven na lam i ngaihtuah ve
> ta a, i pasal thihna ah chuan i fihlim ani tih chhui turin midang i pun ve
> ta ngawt mai a, mahse engvang a I thil tih ni hauh loah chuan ngaihngam
> tlat lo nge i nih le? An duh ang in nangmah chhui tur chu ruai bawk ang
> hmiang enge hlauhtawn tur awm? I thil tih sual nilo chu i hlau a maw?
> Lehlam atang chuan "ka pu, ka hlauthawng ani. ka tal awk ngei dawn ni
> a hriatna ka nei ani. He an mi rawih pa hian sum a hmuhna tur anih dawn
> phawt chuan eng thil pawh a ti duh mai ang.
>
> "ka tal awhna tur in thang an Kam ang a. Ruahmanna nen kei hi min
> hnungkhirh an tum dawn. Ka sawi awmzia i hrethiam em? Police i ni a, ka
> pasal hi ka that ngei ani tih a finfiahna a awm anih chuan man ka ni ngei
> ang tih i hria ani tiraw?Remruata chuan "awle, a tha e, heti hian i ti
> ang, Uluk tak leh chipchiar tak a chhui tur che chuan hma lo la phawt mai
> rawh se, thiam loh I chang ta a i thil tih sual ngei ani tih an fiah theih
> a i tal awk ta anih chuan kan inbe leh zawk a niang chu" Phone chu a
> dah a, a thian te lo nghahna hmun lam pan chuan a inkhalh chhuak leh ta
> nghal a.
>
> "Ni e, hnuchhui tu nih hi a hahthlak thin. A chang chuan hnu kan chhui
> sual fo a, a chang leh mahni intihlum te chu tualthahna emaw tiin kan buai
> vak a, mi bo an awm lah in kan buai a, kan buai nek tawh hnu ah an awmna
> chin kan han hria a, mahse a lo bo aw zawng lova ama duh thu reng a tlanbo
> mai te alo ni a, chhungkaw buaina te, mimal buaina te, case hrang hrang ka
> vai hma hmiah hmiah thin. Mi mal nun chhungril ber ber ka phawrh a, mi
> chhungkaw thuruk duhawm lo tak tak ka hailang a, mi rilru na tak in an awm
> phah fo a, kehchhiatna te, inthenna te a thleng a, mittui tam tak koh
> chhuah in a awm fo thin, mahse hetiang a chet ka lak thin nachhan hi chu
> thil tha lo leh thil dik lo chu zalen taka len tir ka duh loh vang ani.
>
> "Pu inspector, i thusawi awmzia chu ka hrethiam viau lo na in i rilru
> tur awm ang erawh ka hriatthiam pui tho mai che. Ni e, thil nuam sa leh
> phurawm tak zawng ani hauh lovang. Sualna leh pawikhawihna hrang hrang han
> hriat a, han buai pui tak reng mai chu a hahthlak thin in a ninawm chang te
> pawh a tam thin khawp ang.
>
> Rinpuia in leng nu chu hmai fang tha deuh mai, sam kir lek lek, nu Lian
> mize zahawm deuh nei hi ani a, a thingpui no dawm lai chu uluk tak a han en
> in chutah thingpui chu a han in a, thingpui a in mek lai pawh chuan ngun
> tak leh uluk takin a ngaihtuahna a seng pah ani tih a lang reng a.
> Inspector Remruata chuan chu nu chu alo en uluk viau mai a, a hmel a amah
> beiseina lo lang chhuak te, a mah a rawn pan vang vang danah chuan a ti mai
> mai lo tawp ani tih te, thudik haichhuak tur a a duhna thinlung te thleng
> chuan chu nu chu ah chuan hmuh tur a awm.
>
> Rinpuia chuan inspector hnenah chuan "Tichuan sir, kan pu nupui chu
> kan kawm hmasak ber tur ani ang" alo ti a, Remruata chuan phur lo fe
> hian "imm ngawi teh rinpui, thil hi a nihna tak hre tur chuan a enga
> mah hma a ngaihdan lo siam hmasak chawng chawng loh hi a finthlak a
> nia" a ti a.
>
> LalRinpuia chuan "sir, a Chiang reng mai alawm. Putar hausa tak mai
> mahni chauh a awm chu a rosum it avangin nula hmeltha tak mai chhungril lam
> bawlhhlawh ru tak si chuan alo chhai a, a bum ta a, a rosum te dan ang
> thlap a a kut a a tuk luh hnuah putar chu a mamawh tawh lo tihna ani mai.
> Putar tawm kai lo leh ninawm tak mai chu chu nu tan chuan hnawksak mai ani
> tawh ngei ang. Hmeichhia te hi chuan sum lo hi chu buaipui tak Tak pawh an
> nei ngut love.
>
> Inspector chuan "putar rosum te chu a nupui chuan a Hui vek ani tih i
> hria em ni? Alo ti a. Rinpuia chuan, "sir, ka Chiang kan pu a fate
> hian an nu hrawn an rinhlelhna hi a dik ngei ang" alo ti ve thung a.
>
> Remruata chuan "rina, tualthahna ani ngei ani tih kan fiah hma hauh
> chu ngaihdan siam pawp pawp loh tur. Kan pu chu alo chesual ve tak tak thei
> a, a Kum a upa tawh si a, tin lung lam fel loh avang a thil thleng pawh ala
> ni lehzel thei cheu a nia" A han ti leh a. Rinpuia chuan "imm ni
> e sir, i sawi chu a dik viau mai. Mahse hei han en teh. kan pu thiamsanga
> fanu ngei mai chuan a pa leh hmeichhe pakhat tunge anih pawh an hriat ngai
> loh inkar a hmangaihna lo awm ve ngawt mai pawh chu a tan tir atang reng a
> a lo rinhlelh daih tawh thu te, a ngaih a lo that loh daih tawh thu te leh
> mak pawh alo tih daih tawh thu te kan han hria chu ani a, rin ang ngei in
> kan pu a rosum te chu a nupui hmeltha i kutah alo awm vek tak tak lehzel si
> anih chuan, he thil hi putar hausa rosum chhuhsak hnu a tualthahna ani sir,
>
> Remruata chuan "imm, tualthattu ni ngei a rinhlelh kan pu nupui chu a
> finfiahna nen kan bitum tawh mai dawn ani a, dan chuan mi hnuaihnung te leh
> a zuam zawng te chu a dim hauh lo va, nimahsela a mi zah zawng leh a cho
> loh te chu a dimdawih leh viau thin ang lawi a, hei hi thudik tak ani,
> hetiang thil thleng hi kei ngei pawh hian ka hre teuh mai.
>
> Rinpuia chuan "sir, he thil thleng hi saitual a thil thleng ani tih
> kha hria ila, tin kan pu a hian fapa a nei a, a hming chu Dr Muansanga niin
> Kum thum liam ta a a chenna in a thi a hmuh kha niin a nupui ngei pawh amah
> leh amah rapthlak tak a intihlum zui ta anih kha, Khang thil thleng te nen
> pawh khan han chhui dawn ve mah teh, Dr Muansanga Khan nupui hmeltha leh
> pian nalh eltiang a nei anih kha, hmel ah na na na chuan a Phu hauh lo.
>
> "tin a nupui Khan mipa dang hmangaih alo nei ru reng thin anih bawk
> tak kha, mahse kan pu a te pafa hi an hausa dun nek mai a, an hming a tha
> in an lar dun hle mai a, heng te hi ani ngei ang an nupui te hmelthat em em
> dan pawh hi. Kha mi atang ringawt pawh khan thil awmzia ni a lang hi chu a
> hriat theih ruak niin ka hria.
>
> Remruata chuan "imm chuti chu kan pu boral ta nupui naupang te mai
> chuan ngaihzawng dang a neih i ringhlel deuh tihna a niang maw? Rinpuia
> chuan "ni chiah e sir, khawiah putar vun vuai tawh leh engmah ti thei
> tawh lo chu tu nula hmeltha mah in chutia han hmangaih a pasal atan hial a
> han neih ngawt thu awm hek Suh, a chhan awm thei pakhat chu a rosum vang
> ani mai. A ngaihzawng nen a an Chen dun mai mai atan he putar
> khawngaihthlak tak mai nun hi an run sak ani.
>
> "Imm rina, ngaihdan atthlak chauh nilo se i ngaihdan chu, nia thil
> awmzia tak hriatchhuah tum a chet kan lak mai chu a tul ani mai a, mahse
> hetiang thil hi ka ning ta riau mai. Mipui te hian Private investigator
> emaw min ti ta mai niin ka hria" police te inrawlh lohna case hi ka
> buaipui hnem ta. Officer Rinpuia"Sur, police duty vek tho alawm kan
> nih. Tualthah hi sual a ni" a lo ti a.
>
> Mitthi ta pu thiamsanga fanu lalrimawii chuan heti hian a pa thihna
> chungchang a a ngaihthat loh dan chungchang te, hun kal tawh atang a an
> chhungkua a buaina lo inmung tan dan te chu inspector remruata te hnenah
> chuan a hrilh veleh ta a ni.
>
> An unau hi pa thum niin mipa pakhat leh hmeichhia Pahnih an ni a, a pa
> thiamsanga hi nula lamah a ler awm an hre ngailo. Mahse tumkhat chu a nupui
> nen a an inkarah chuan boruak thalo tak inmung a awm ve ta tlat mai.
>
> A nupui pi rokimi hi cancer natna nei a ni a, a pasal chu chhan tha tak
> neiin a haw tlat mai bawk, tun hma zawng a inngeih tak ni thin chutia tun
> hnai a a pasal a huat tak tlat nachhan leh nupa boruak thalo tak awm ta
> thin chu in rinawm loh san na leh pa ber a ler chungchang niin a lang.
> Amaherawhchu pa ber chu mi hur anihna chhan tur leh a lerna sawi tur hriat
> ani lo thung, ngaihzawng a neih awm an hre ngailo a, ngaihzawng nei khawsak
> in a khawsa ngai si lo a.
>
> Tichuan nu ber chu cancer natna in a boral ta a. pa ber chu a fate chuan
> demna leh hmuh he riau na an nei tho a, hun a kal zel a, pa ber leh a fate
> inkarah chuan boruak tha lo a inmung chho ve leh ta zel a, tumkhat phei chu
> pa ber leh a fapa Dr muansanga te chu an inhnial Chiam Mai a, midang awm ve
> reng lai chuan a fapa chu ama fa pawh nilo, midang fa ni awm a mawi ah a
> tawngkhum hial mai a, a fa ni tlak lovah a chhuah ti tih der mai ani.
>
> Tichuan le A fate rilru a zawhna awm chu a rukin chhui zui a ni ta a, pa
> ber khawsa Zia chu thlithlai thin niin hun kal tawh te pawh uluk tak a
> chhui let sak thin ani.
>
> Mahse an fate te chuan pa ber a ler na leh a hur herhna an hmu zo Chuang
> lo. An fate rilru ah chuan nu ber chu a rilru a buai mai mai anih Rinna te
> chu a han awm leh hnuhnawh bawk a, damlo te alo ni nen mahse nu ber thih
> tawh hnu chu han dem a thiam loh han chantir chu a rem mawlh silo.
>
> Mahse le, hun a kal a, pa ber chu a nungchang a danglam chho tan tlat mai,
> a ngaihzawng sawi tur la awm Chuang lo mahse ngaihzawng nei ang hian a awm
> ta tlat mai a, hmeichhia a ngaihven thar in a ngaihsak thar riau a, a
> mobile phone a a mi biak thin te chu hmeichhia Kum naupang lam hlir an ni
> lehzel mai. a mi biak te nen a an inbiak na erawh ngaihzawng thu hla leh
> han inbiak ck chungchang erawh engmah a awm ngai lo thung.
>
> Mahse an fate rilru a dam thei tlat tawh lo. Pa ber chu thiam lohna rilru
> leh demna rilru nen an mihrang en chho hret hret zel a ni. Chhungkua boruak
> tha awm thei tawh hek lo le, nupui Pasal te neiin in pui chu an chhuah san
> ta pheuh pheuh a, pa ber chauh chu amah in a awm ta ani. Mahse pa ber hian
> a fate hi a ngaihsak zui lem lova a ngaihven zui tehchiam ngai lo.
>
> Engemaw chang a A fate pawhin an pa chu an tlawh a an kan ve chang apiang
> hian pa ber chuan ngaihzawng tur a zawn thin thu te, hmeichhe tleirawl lam
> chu in a a hruai lut lai mi in an lo hmuh fo thu te an hre ta thin a, an
> fate chu zak takin an awm thin ani. An nu lungawi lohna leh a thih hma a a
> pasal a huat tlat na chhan kha a rawn fiah chho tan zel niin an ngai ta a
> ni.
>
> Tichuan le, A tawp a tawpah chuan pa ber chuan nupui naupang te mai leh
> hmeltha tak mai chu a nei ta nge nge a, an nu thlarau kha zah ru tak chung
> leh pawi ti tak chung in an pa nupui nei pawh chu an ngaihven zui lo ta
> ngawt mai a ni. Fate rilru chu a na a, an pa nupui thar chuan an pa a neih
> chhan chu a rosum vang bak ani tawp lovang tih an ringhlel hauh silo ani.
>
> Mahse hun rei a inrial hman lo, an fate rin loh lam tak pawh ani, an pa
> putar nun duhawm lo zet mai nun chu a tawp ve ta mai si a.
>
> "Ni e, pa te nge nge chu han hua in kan lung han ti awi lo thin mahse,
> an han thih meuh hi chuan thisen zawm pui atang a hmangaihna hi chu a thi
> thei tak tak lo anih hi" Tiin lungchhe tak a inhnit hlap hlap chung
> chuan rimawii chuan a mittui chu a hru a. Remruata chuan uluk tak chuan alo
> ngaithla a, chutah thawk han la in "imm pi rimawi, i pa nupui
> hmingthankimi chu ka kawm Chiang phawt teh ang, a ni hnen atang chuan thil
> nihna chu ka hre thei mai in ka ring.
>
> "Mahse pawm har in ti maithei, Ka ring sual viau anih loh chuan
> hmingthankimi hian i pa hi khawiah mah a that lul lovang" a ti ta a.
> Officer Rinpuia leh rimawii te chuan phawk zet hian "engtin maw? an lo
> ti rual thawt mai. Inspector chuan "a chhan chu tual a that ngei em
> tih finfiah a chhui chiang Turin hnuchhui tu te a ko ngam tlat zawk a tin
> ni. Tual a that lova misual a nilo ani tih chu Chiang tak a a lan dawn
> avangin hlauhna leh zamna a nei hran lo. Tin Tualthattu in a hnu chhui
> Turin police te a ko ngai em ni? A hnu chhui zui anih loh dan tur uluk
> takin a ngaihtuah zawk ngei ang" A ti ta a.
>
> HMANGAIHNA VANDUAI _Part-2 (Hmangaihna Hmasa)
>
> Bung Hnihna
>
> Saitual pa lar pu thiamsanga boralna chungchang a sawi sep sep awm thin leh
> zeldin thu hla in chap darh in a nghawng zelah chu thihna chuan mite
> bengkhawn a hlawh zel lo thei lo. Thenkhat in an mahni ngaihdan dan a titi
> an lo vawrh laiin thenkhat erawh chuan ngawih chuh tha in an hria a, a
> chhan chu pu thiamsanga thihna ah chuan chetsual palh vang a thihna nilo
> tualthahna ni ngei a han ngaihbel theih tur thil thar a pian tak zel vang a
> ni ber awm e.
>
> An han sawi an han sawi a, thil chip chiar deuh zawkin an han chik a, a
> nupui hmingthankimi sawi dan mai kha an duhtawk ta hauh lo. A ma fate chuan
> Pathian ni tukah in chungah a kal lo tawp ang an ti a. Enge in chungah
> chuan a tih ang? Tin pu thiamsanga hian zing karah thil chin than dang a
> nei a, in chung lam ah hun a hmang ngailo hrim hrim ani. Tin, a nupui
> hmingthankimi sawi lan ve loh lamah khami tum khan in leng pakhat an nei
> ani tih te thleng chuan chanchin thar sawi tur leh hriat belh tur thil a
> piang ta zel mai a.
>
> Khami tum khan hmar veng a mi lalrosanga Kum 28 mi chu pu thiamsanga te in
> ah hian a chung Kai lai midangin an lo hmuh thu an sawi leh ta bawk a, alo
> hmu tu chu thenawm a mi tlangval vanlalpeka ani a, vanlalpeka chu tlangval
> hmeltha leh vun ngo suah mai, a taksa chu insawizawi thang tih hriat tak a
> sek deuh tul mai hi ani a, a hrisel hmel phian mai. Tin a thil lo hmuh a
> han sawi chhawn leh danah pawh chuan a inrintawk hmel viau a. a ni pawh chu
> a thil hmuh dan te an han zawhfiah veleh ta a.
>
> "Ka pu, pu thiamsanga khatia zing ni lum ai tur a in chung lam a pan
> lai kha ka lo hmu a" inspector chuan phawk zet hian "zing ni lum
> ai Turin a ni? A'n ti a, vanlalpeka chu a ngawi vat a, chutah a aw chu han
> thian a a hmel a inthlahrunna leh inthiamlohna lo lang chhuak chung chuan
> "aa ka pu, ka han rin dan mai a nia" inspector chuan "imm,
> ni e, hetiang hunah hi chuan kan tawngkam kan fimkhur hi a tul thin hle
> reng a ni, tawng thlah mai mai loh hi a finthlak reng a.
>
> Vanlalpeka chuan "ni e, khatia nilum ai tur ni a lang chung a in chung
> lam a a chhoh hnu, darkar dawn chu a liam leh tawh maithei, kha mi hnu khan
> tunge anih ka hriat ngailoh in leng chuangkai mi pakhat an awm ani. Mi han
> puh hmingchhiat ka tumna anilo va, amaherawhchu thil felhlel a awm ni a ka
> hriat ve vang mai a ni" a ti ta a.
>
> Hmingthankimi pawh chuan heti hian a inleng neih chungchang chu a han
> sawifiah veleh ta bawk a, khatia a pasal chetsual thu a han hriat kha chuan
> chhun lam dar 11 chho vel daih ani tawh a, a in leng lalrosanga chu a haw
> leh daih tawh niin a sawi ve tlat thung.
>
> "Imm, lalrosanga chu tunge anih? Hmelhriat nge ni a, chhung leh khat
> zawk? Inspector chuan a han ti a, pu thiamsanga fa nu rinmwii chuan uluk fe
> a han ngaihtuah in "aih, tunge anih ka hre ngailo. Lalrosanga hmar
> veng a mi tumah hriat ka nei lo. Kan lam hnaih a nilo a, kan hmelhriat ani
> hek lo" a lo ti thuai a. Officer Rinpuia chuan "sir,
> hmingthankimi chungchang a ka ngaihdan kha alo dik maithei asin" alo
> ti vat a.
>
> Chuveleh inspector chuan "ngawi teh rina, hmingthankimi bialpa anih i
> ringhlel deuh em ni? A ti a, Rinpuia chuan "aw sir, hmingthankimi
> ngaihzawng a nih ka ringhlel riau a ni. Chhung leh khat pawh nilo,
> hmelhriat lah a ni hauh lo, hmingthankimi hmelhriat emaw a ngaihzawng emaw
> a ni ngei ang. Thenawm tlangval alo hmu tu lah khan a hriat ngai loh thu a
> sawi ve tho kha a ni a"
>
> Inspector chuan "imm hmingthankimi hi Chiang zawkin han kawm leh ila ,
> lalrosanga chu tunge anih kan hre vat turah ngai ila, Chuan pi rimawi, i pa
> chuan in chungah chuan enge a tih dawn tih chu kan hre ta a, thenawm
> tlangval vanlalpeka khan nilum ai tur a a chhoh thu kha a sawi mai a, thil
> tul dang vang zawk pawh alo ni thei tho bawk. mahse zing karah in chung ah,
> ni lum ai chu sawi loh a kal ngailo in ti khan ka hre si a?
>
> Rimawii chuan "aw ka pu, ka pa hian hetiang a nilum ai tur a in chung
> lam a hun a hman awm hi ka la hre ngai lo. Thil tul dang a awm anih pawh in
> keini in kan ti mai thin. Mak ka ti ve deuh, hmingthankimi lah chuan a
> kalna chin alo hriat miah loh thu kha a sawi mauh thung si a, tin ka pa hi
> khawtlang leh kohhran lamah, nihna neuh neuh te pawh lo chelh ve tawh thin
> a ni a, a bik in Pathian ni tuk kherah chuan thil dang a ti ngailo, Bible
> chhiar in hun a hmang thin a, chhung inkawm kan neih na atan hian a inpuah
> chah thin a ni.
>
> "Pathian ni tuk hi chu a ngai pawimawh hle mai a, hei hi chu kan
> naupang tet lai ata tawh a a thil tih than ani. chutia in chung lam a nilum
> ai mai mai tur chuan chet a thawh lul lovang, thil engemaw inthup ru hi chu
> a awm niin ka hria" A ti ta a.
>
> Hmingthankimi che Zia leh khawsa Zia chu uluk tak a mite thlir ber leh
> ngaihven ber ani a, Chutihrual chuan a lehlamah hmingthankimi hmelah chuan
> lungngaihna nasa tak leh natna thuk tak a hmuh theih hial thung a, a khat
> tawk chuan a tap reng a, a pasal a sunna leh a tawrhna te chu lemchanna mai
> an nih a rinawm hauh silo ani.
>
> Inspector Remruata bawk chuan Rinpuia hnenah chuan "Rinpui, min hrilh
> teh, hmingthankimi kha lemchang niin i hria em? A hmelah khan rosum nge i
> hmuh lusunna zawk? Rinpuia chuan "aa sir, tunah zawng hei amah ber
> pawh chu kan han ngaichang rih a ni a, ka ngaihdan chuan hetia nghak khaw
> tlai lo hian amah hi kan kawm Chian vat a tul niin ka hria.
>
> "Lem a chang lo anih chuan min ngaipawimawh ngei ang. Mahse tualthattu
> lemchang tan chuan mi in a thu an han zawhchian te chu a ngainatawm hauh
> dawn lova, mi ten chanchin an ngaihven reng mai leh thil awmzia ngaichang a
> titi an han sep raw tui viau thin te pawh chu a helh awm thin khawp ang.
> Kan kawm Chian hi a duh hauh lo in ka ring. lusun hmel tak leh tawrh hmel
> tak ang in a lang tlat ang a, biak tlak a lawi pawh awm malek lovin lem a
> chang duh ngei dawn.
>
> Inspector pawh chuan officer Rinpuia ngaihdan chu tha a ti ve hle a,
> "awle rina, tun ang tak a i ngaihdan ka tawmpui tum che hi ala thleng
> ngai lo hial awm ma nge. Ti teh hmingthankimi chu i han belchiang dawn teh
> ang" tiin hmingthankimi kawm tur chuan chet an la ta a.
>
> Pu thiamsanga ukil chu koh ani a, ro chungchang a pu thiamsangan thu ro a
> hnutchhiah te chu han keu in pu thiamsanga ro zawng zawng chu a nupui
> hmingthankimi kutah vek alo awm a. Hmingthankimi rinhlelhna chu a zual zel
> lo thei lo. Amaherawhchu heng a rosum a nupui kut a a dah tak thu hi
> hriatpui tu pawh midang an awm thlap a, ani hnen atang a thil awmzia an han
> hriat leh danah pawh pu thiamsanga khan a ma duh dan leh a lungawina ngei a
> a rosum te chu a nupui hnena dah anih thu te, pu thiamsanga hmelah chuan
> engemaw ngaihthat lohna tur emaw thil han pangngai lo deuh emaw hmuh tur a
> awm lem loh thu te an hre zui leh ta bawk.
>
> "Larna te, hmingthatna te, rosum te, chung ah chuan hmangaihna a awm
> ngawt ngailo vang a, hmangaihna in a a ken tel pakhat leh a ti famkimtu an
> ni zawk ngei ang. Hmelthatna te pawh hi hmangaihna han sawifiah nan chuan a
> bei tham lua ang a, hmangaihna belhchhah tu a ni zawk awm e" Mahni
> inrintawk hmel tak mai leh zam hauh lo chung chuan hmingthankimi chuan a ti
> a.
>
> Officer Rinpuia chuan alo pawtchat vat a, "I pasal kha dam lohna emaw
> nawmsam lohna emaw a nei em? Tin khatiang khan tum dangah zing nilum ai tur
> in emaw thil dang tiin in chung lamah hun a hmang ngai em? Hmingthankimi
> chuan "pu te u, ka pasal hi ka hmangaih takzet asin, a rosum it te chu
> ni ila eng vangin nge ka thah ang ni. Amah hian min la dam pui ve zel se,
> amah hman tangkaina tur hi ka dap zel zawk ngei ang.
>
> Rinpuia chuan "nia, ani maithei, mahse i pasal hausakna leh a rosum te
> chu nangma kutah vek hian a awm ta si a, i pasal kha hmangaihna lem leh
> lemchanna thlum tak hmangin i dawi â ve thei tlat ani. A chhia leh tha
> hriatna chenin i ruk sak thei tlat a, a ma duhthlanna ngei a i kut a a
> rosum te hnutchhiah tur in i hmin thei tlat anih chu.
>
> "Thil pangngai lo tak zawk niin Kei chuan ka hria, mahni ril a rah
> fanau te ngei pawh theihnghilh hmin thak khawp leh chhia leh tha hriatna
> pawh thlauhthla thak khawp a hetia pa challang leh hmingtha a han awm ta
> mai hi a dawi â tu hian a zir viau niin ka hria" tiin hmingthankimi
> chu a han melh vang vang a.
>
> Hmingthankimi chuan "ka pu, ka pasal khan a rosum te kha ka kutah a
> dah vek dawn ani tih hi ka hria alawm. A chhan chu ka hnenah pawh a sawi fo
> mai. Min hmangaihna chu nupa in hmangaihna mai ai pawh a nasa leh thuk anih
> thu te min hrilh thin a, a niin kei mi hmangaihna awmzia chu ka hriat hunah
> hlimna te, lawmna te, lawm avang a mittui nen ka la tap ngei in a ring
> asin.
>
> "kei chu a engkim a engkim ka nih thu te, a thawhrimna zawng zawng leh
> a hausakna zawng zawng te chu keimah chauh hian ka Phu ani tih te min hrilh
> thin ani, mahse kei chuan a rosum it na avang leh amah bum a thlemthlu tur
> a a rilru hmin sak tum in eng thil tenawm mah tih ka nei lo, ka pasal a
> nihna ang a ka hmangaihna leh ka ngaihtuah na te kha an ni zawk. Heng
> nawmsakna te hi chu a pakhatna an ni ngailo hrim hrim"
>
> Rinpuia chuan "ni reng ang chu, chutiang in nang te chuan i sawi reng
> ang chu, tu in nge a pasal chu bum a a rilru hmin sak a a rosum te chhuksak
> a a thah zui thu sawi duh reng ang ni. Tichuan nang chuan i pasal rosum te
> i kut a a awm tak hnu ah chuan he thil hi i ti ta mai a, i pasal tar
> tawmkai lo chu i tan chuan hnawksak mai ani tlat tawh ani.
>
> Hmingthankimi chuan a kut chu a han hum ruh ngat ngat a, chutah han meng
> kawk kawk in "nilove pu te u, thil in hre sual der a ni. Hetia keima
> thil tih ngei ani tih finfiah anih hma hauh a min han pawng tawng dawp
> nghal tlawng mai hi chu in tidik lo tawp ani. Ka thah ngei ani tih chu in
> finfiah thei dawn em ni? A ti ta a.
>
> Ni e, hmingthankimi dinhmun chu han thlir in a rinhlelh awm ve thei tlat si
> a, putar hausa rosum te chu ama kutah alo awm vek tak tak si a, a pasal in
> thuro a hnutchhiah atang a hun rei a inrial hma in a pasal chu a thi zui ta
> mai bawk si nen.
>
> Hmingthankimi bawk chuan "pu te u, Mahse a mak lutuk, engmaw chang kha
> chuan kei min ngaihtuahna nge ka hrethiam thin lo. Khatia nupa ang a kan
> awm lai reng pawh khan ngaihzawng nei tur te hian min ti thin asin" a
> han ti leh a.
>
> Chuveleh Inspector leh officer Rinpuia te chuan phawk fe hian "engtin
> maw? An lo ti rual thawt mai. Chutah hmingthankimi chuan inspector leh
> officer Rinpuia te chu uluk tak a han en in, a hmel ah chuan a mah kawm tu
> te chu an rintlak a ngem tih ngaihtuahna a hmuh tel theih hial awm e.
>
> Hmingthankimi chuan thil mak deuh mai chu sawi a nei ta tlat mai a. A pasal
> thiamsanga a en dan angin a pasal chuan hmingthankimi chu a en ngai mang
> loh thu te, a chang chuan ngaihzawng nei tur a tur thin hial zawk thu te,
> mahse a pasal chu a rilru a buai deuh ni a ngai in amah leh amah a insitna
> mai anih te a ring thung a,
>
> ni e, Kum inthlau tak an ni ni si a, a duhkhawp a nupui chuan a hmuh loh
> mai te pawh chu a hlauthawng pawh ani thei tlat ani.
>
> Inspector chuan "Tichuan I pasal hrilh ang che chuan ngaihzawng chu i
> nei ta mai em ni? Alo ti vat a, Hmingthankimi chuan "aw nei e ka pu,
> mahse ka pasal khan mi tur nasat em avang chauh ani a, ka hmangaih em
> avangin a duh angin ka awm mai chauh zawk a ni" Hmingthankimi hmel chu
> a chi ai deuh phalh tawh mai. chutih lai mek chuan Rinpuia chuan
> "Tichuan i bialpa hming chu larosanga hmar veng a mi, kha mi tuk a lo
> leng kha ani tiraw? alo ti a, hmingthankimi chu thip zet hian a melh bawk.
>
> hmingthankimi thung chuan "aih nilo, ani kha chu Jeremya thianpa zawk
> ani, kha mi tum khan engemaw thil pawimawh a awm thu sawi in alo chungkai
> a, tum dangah pawh an rawn chuangkai ve fo tho a" Rinpuia bawk chuan
> "mahse khami tum kha chu thil pawimawh a awm si a" alo ti leh
> thuai thuai a.
>
> "aw ni e pu te u, thil pawimawh chu enge ni ang ka ti a, mahse ka lo
> ngaihven hman meuh lo. A ni lah khan engmah a sawi leh ta silo a, Tichuan
> alo awm lo leh daih a, a haw ta ni mai ah ka ngai ani" Rinpuia chuan
> "rosanga chu i bul hnaihah a awm lo tihna maw? i pasal ni lum ai na
> lamah te chuan alo han pakai ve daih ani zawk lo maw? rinhlelh hmel fe
> chuan alo ti leh a, inspector chuan "rina hmanhmawh lutuk lo teh
> ang" alo ti thuai thung a.
>
> Hmingthankimi sawi zel dan chuan a ni kha chu eirawng te bawlin a buai ve
> hle a, a pasal kha tuk dang ang lo tak in kha mi tum berkher khan a chhuak
> bo ve teh mial a. Tichuan a hnu mai ah a bialpa Jeremya thianpa rosanga chu
> alo leng a, mahse a in leng pa pawh chu alo ngaihsak hman viau lo. Rosanga
> chu engtik lai in nge alo haw leh daih tih pawh chu alo chhinchhiah bik
> tlat lo ani.
>
> Tichuan a hnu daih chhun lam dar sawm leh pakhat chho ah chuan a pasal reh
> rei ta lutuk chu ngaih tha lo in a ngaihven ta kha ani a. Tichuan in chung
> lam ah chuan puan pho Turin a chho leh a, a pasal nunna nei tawh lo tih
> hriat tak a lo tlu reng chu a han hmuchhuak ta mai ani.
>
> Officer Rinpuia vek chuan "imm a awm ang ve viau mai. Rosanga chu a
> rinhlelh theih niin a lang, nang ber in a awm loh lai pawh ilo hre thlip
> thlep silo a, mahse i pasal ruang i han hmuh khan chhun lam dar 11 ani daih
> tawh mai a, khami hma khan tukthuan te in han Kil dawn ngei ang a, chumi
> hunah pawh chuan i pasal chu a la rawn haw mai thei silo a.
>
> Hmingthankimi chuan "ka pu, ka pasal kha Chaw ei loh mai mai a Ching
> a. A chang kha chuan room lamah a tawm daih thin a, a tlangpui in zingkar
> ah hi chuan thil dang a tih hmasak hma hian Bible keu in fianrial hun te hi
> a nei tlangpui thin a, chaw lo ei san mai Turin min ti fo mai, keimah chauh
> te hian Chaw ka ei fo thin a ni.
>
> Inspector chuan "Bible te chhiar in room lamah Chaw pawh ei lovin a
> awm thin a, chuti chu i pasal chu a taksa lamah ani emaw a rilru te hi a
> hah ang a, engemaw ngaihthat lohna emaw chhungril lam a hreawm nasa tak
> tuar in alo awm reng thin tihna ani mai lo maw? nang, amah hmangaih em em
> tu hian i ngaihven tawk lo deuh em ni aw? Alo ti ve ta thung a.
>
> "Nilove pu te u, chutin ka bulah chuan rilru hah na a neih awm ka hre
> ngailo, a hmel kha a hlim sang reng a, ka kiangah kha chuan khawhar leh mal
> in a awm ngailo zawk ani" hmingthankimi chuan a han ti ve vat a.
>
> Rosanga pawh chu an han ko ve leh ta a, khami tuk a pu thiamsanga te in a a
> len lai khan a hun hman dan te chu an han zawt veleh ta a, rosanga chuan
> kha mi tum khan thil pawimawh tak maiah hmingthankimi chu biak a duh avang
> a an in a va chuangkai kha anih thu te, chu thil pawimawh tak mai chu
> hmingthankimi ngaihzawng a pasal pawh in a hriatpui thlap Jeremya leh amah
> hmingthankimi te chungchang a ni a.
>
> mahse khami tum khan uluk tak leh ngun takin rosanga chuan thil a ngaihtuah
> a, putar Kum upa tawh tak mai pu thiamsanga chu a lainat in a khawngaih ta
> tlat mai a, chutia mi nupa inkara lo tlakzeh ve ngawt mai pawh chu thil dik
> niin a hre ta lo a, inthiamlohna leh inthlahrunna a khat in hmingthankim
> pawh chu a thil hrilh tur pawh hrilh ta Chuang lovin a haw san leh ta mai
> ani awm e. In chung lamah a kal lo a, an veng lam pan in amah lo ngaichang
> tu Jeremya lo nghahna lam pan in a kal nghal ani.
>
> "Imm dik tak maw? Chutin midang in an lo hmu in an hun hman dan te an
> lo chhinchhiah thlip thlep awm der silo a, thenawm tlangval vanlalpeka khan
> in chung lam a pu thiamsanga a Chuang Kai lai leh he lai a rosanga a
> chuangkai lai alo hmuh fuh hlauh zawk a, amah hmingthankimi ber pawh in a
> in leng pa chu han rinhlelh nachang emaw a neilo ani awm si a, Engpawhnise
> hmingthankimi bialpa Jeremya chu kan kawm Chian leh hmasak ber tur chu ani
> rih e, rosanga thusawi te a dik reng em tih fiah nan" tiin inspector
> chu a thutna atang chuan a thochhuak ta a.
>
> Pu thiamsanga thihna chungchang a a fate rinhlehna leh ngaihthatlohna
> chungchang avang chuan pu thiamsanga thihna chuan saitual khua chu a chiah
> hneh rih angreng viau mai. Mite titi tui ber a ni rih a, thudik tak hriat
> chak a khat in an mit leh beng chu an chhi ran reng ani ber mai. Chuti anih
> rual chuan pu thiamsanga chu amah a chesual palh emaw lung lam tha lo emaw
> avang a boral zawk pawh chu alo ni ve reng thei tho si a.
>
> Pu thiamsanga chungchang leh a hriselna lam chu an han chhui Chiang leh ta
> a, taksa lamah hrisel lohna a nei thin em tih te, lung lam thalo a nei ngai
> em tih te, tin midang bul a a hun hman dan ah rilru lam buaina emaw
> harsatna emaw nei ang in a khawsa tawh ngai em tih te chu an han zir Chiang
> leh ta a.
>
> Pu thiamsanga thian kawm thin te chuan a rilru lamah a pangngai lohna sawi
> tur hria an awm meuh lo. Chu mi maiah chuan la duh tawk lovin inspector leh
> Rinpuia te chuan damdawi in lam a doctor thu te pawh chu an han kawm leh ta
> zel a, mahse damdawi in lam atang pawh chuan taksa leh rilru lam harsatna
> avang a saitual pa hausa leh mi lar pu thiamsangan damdawi in a pan ngai
> awm sawi tur an lo hre hauh lo mai. A ni ang a pa lar leh challang chu a
> chhungte chauh nilo, a thiante tu emaw tal chuan a hrisel lohna emaw
> harsatna a nei anih chuan sawi tur pakhat chauh tal chu an hre tur ani si
> a.
>
> A nupui hmingthankimi erawh chuan chumi lamah chuan engmah hriatchian a nei
> ve lem lova, hun rei an la inkawl lova, a pasal hriselna hrechiang Turin an
> la in hrawn tam tlat lo a ni.
>
> Amah hrechiang ber tu ni a ngaih a fate chuan mak an tih leh an hriatthiam
> loh chu chutia putar a hnu lam a lum naupang te mai nupui a han nei ngawt
> mai te, tin a ril a rah a fate hre chang lek lo a a rosum zawng zawng a
> nupui thar hnena a dah vek duh mai te, tin chutia a nupui kut a a rosum te
> a dah fel hnu mai a a thil tih ngai loh nilum ai tur a in chung lam a hun a
> han hmang zui ta mai te, tin a thi zui ta mai bawk nen. A lehlamah a nupui
> lah chuan a pasal hriatpuina leh a pasal in a turna avang chauh in
> ngaizawng te a han nei lehzel si a. Chung thil te chu enge a awmzia ni
> ngai? Tin, hmingthankimi thusawi te chu a dik reng em?
>
> Hmingthankimi ngaizawng Jeremya chu an han ko veleh ta a, Jeremya sawi dan
> chuan hmingthankimi nen an inhriat tan na chu college atang in a ni awm e,
> Tichuan hmingthankimi nen chuan an in be chho ve ta reng mai a,
> hmingthankimi hi khaw dang a mi ani a, saitual khua hi an nilo ani awm e.
>
> Jeremya chuan hmingthankimi chu a ngaizawng ru hle thin a, mahse
> hmingthankimi erawh chuan ngaihzawng ang in a en ve lem lo niin a lang.
> Tichuan le, thian tha ang mai a hun rei tak an inbiak ve hnu chuan
> hmingthankimi chuan pasal a neih thu a rawn hrilh ta thut mai ani awm e.
> Jeremya hrilhhai leh rilru na chuan a tuar ve hle mai a, mahse a hnu leh ah
> hmingthankimi ngei chuan Jeremya chu a rawn be leh a, a rilru put hmang
> engkim a hriat vek thu te, chutia pasal a han nei ta mai pawh chu a rilru a
> na dawn ani tih a hriat vek thu te a rawn hrilh a, tin ngaihdam te dilin a
> rem ti a nih chuan in ngaihzawn puiah a rawn sawm leh lawi si ani awm e.
>
> Jeremya chu thil awmzia engkim a hrilh vek a, hmingthankimi chuan a ruk a
> Jeremya chu alo hmangaih ve tho thu te a han hrilh chuan Jeremya pawh chuan
> lungawi takin alo pawm ve ta ani. Tichuan le, an han inhrechiang chho zel
> a, a pasal putar mai tawh chu veng thawng lo tur leh lungkham duh lo tur
> chuan a hrilh thin a, a pasal pawh chuan a lak thutak lem loh thu te a
> hrilh thin ani. Amaherawhchu hmingthankimi hian hetia Jeremya nen an han
> inkawp ta hi a pasal hriatpuina leh a pasal in ngaihzawng nei tur a a turna
> zawk ani tih erawh a hrilh ngai lem lo thung.
>
> Jeremya te pawh chu Hmingthankimi te in ah ngei pawh chuan an va chuangkai
> ve ta fo mai a, Tichuan Jeremya chuan chutia hmangaihna kawng rual rem lo
> zet zawh reng ai chuan tiin thutlukna a siam ta a, hmingthankimi chu inruk
> puiah sawm a tum ta ani. Mahse a thianpa, a puar ak ber rosanga khan a
> rilru a thlak leh ta thut a, Jeremya hnenah chuan hmingthankimi chuan inruk
> a duh loh thu hrilh in bansan mai tur chuan a thlem ta a, tin chutia mi
> nupa kar a lo tlakzeh ve ngawt mai pawh chu thil dik niin a hre lova ani,
> Jeremya pawh chuan a thianpa thu rawn ang chuan a rilru chu siam felin
> theih tawp a chhuah ta alo ni.
>
> Chutiang chu thil awmzia tlangpui ani ta a, zawhna tam tak awm kha a then a
> zar chu a fiah ta e. Nimahsela pu thiamsanga fate ngaih thatna leh
> lungawina khawp erawh a phawk chhuak pha lo Chiang kher mai. Rinhlelhawm
> thei a lang Jeremya te thian dun chu an han in sawi hmang chuan an fihlim
> hrih niin a lang ani mai a.
>
> Inspector chuan officer Rinpuia hnenah chuan "rina, hetiang boruak hi
> ka ning ani, mihring nun tenawm leh pawlawh zet hi zawng ka kham thin ngawt
> mai. Chanchin hriat nuam lo tak tak leh chhuanawm lo tak tak te hian min ti
> chau ve thin asin" a ti a, Rinpuia chuan a pu chu thingpui han pek pah
> chuan
>
> "sir, amah leh amah intihlum te hi alo ni thei a ngem kan pu a hi? A
> taksa ah hliam leh pem engmah hmuh a ni silo va, amaherawhchu a chesual
> palh ni ngei a a lanna tur emaw lungphu chawl ang a a lanna turin kailawn
> ah alo tlu thung a, Khang te kha tualthattu siam chawp tihna em ni? Mahse
> chu erawh zeldin thil mai ani. Sir, a tan tir khan a nupui hmingthankimi hi
> ka han ringhlel ve dawn dawn a, mahse thil awmzia chipchiar a han hriat
> takah chuan kan pu hi lungphu chawl a thi anih hi ka ring ta ber mai? A ti
> a.
>
> inspector chuan, "kan pu hi a hriselna lamah harsatna a neih awm sawi
> tur hria an awm lo anih kha, damdawi in lam a doctor te chenin, a tan tir
> ah khan an ngaih a thalo tak tak anih chuan engvang in nge ruang kha
> postmortem anih loh? I han sawi tak ang in mahni intihlum niin Tur avang a
> thi pawh alo ni reng thei si a,
>
> Rinpuia chuan uluk fe chuan a ngaihtuah a, "mahse sir, mahni intihhlum
> chungchang kha ka sawi lang tak na a, tur hnuhma emaw a kawr ip ah emaw, a
> ruang bulah emaw thil dang hmuh leh hriat tur a awm silo a, tur te chu nise
> a ei bang emaw a bawm emaw hmuh tur a awm maiin ka ring. A taksa lam a
> hrisel tha, mahse kei chuan Lungphu chawl a awm ang ber tho in ka hre tlat
> ani" a ti leh a.
>
> Inspector chuan "imm, kan pu thih dan leh a thihchhan ah chauh chuan
> hmasawn na tur a awm tam viau rih lo. Taksa lamah hrisel in rilru lamah
> buai lo mahse i han sawi ang in lungphu chawl thut kan tih ang chi thih
> thut hri te pawh a ni thei mai awm ma nge. Amaherawhchu hetiang thil hi a
> landan ang mai hi alo ni lo ve fo tho a nia,
>
> Inspector bawk chuan "a bulthut tê hi a pawimawh leh tlat thin. A
> hmasa in a nupui in a boral San hma atang daih ah tawh khan han let leh
> ila, a ler awm leh a hur awm hriat tur leh hmuh tur awm silo kha a nupui in
> a hur thu te a ler thu te a sawi tlat thin a, chumi laiah chuan enge i hmuh
> min han hrilh teh.
>
> Rinpuia chuan "sir, a ma fate ngeiin an sawi hi tawmpui ila a fuh ber
> mai lo maw, amah hrechiang ber tu te an ni si a" inspector chuan
> "imm, ka thil hmuh ve thung hi han hrilh ta che ila i ngaihdan ani ve
> leh tawp lovang maw? A ti a. Rinpuia chuan "enge i thil hmuh chu ni a?
> Alo ti thuai a, inspector chuan "imm a nupui boral ta Khan thil
> engemaw hriat ruk a nei tihna ani mai. Amah pu thiamsanga nunhlui hi ka hai
> a tul a ni. A nupui in a hur a tih leh a ler a tihna lai kha ka hriatchian
> a ngai ani. Han ngaihtuah ta che. Putar leh naupang in nei chu thil ni thei
> niin nang pawh in i ngailo anih hi. Tin a rosum zawng zawng chu a nupui
> kutah ala dah vek zui a. Tin, a nupui Kum naupang te chu ngaihzawng nei tur
> ten a tur ani a.
>
> "Heng a landan ang ngawt hi thil awmzia anilo tawp tih pawh ka
> hrethiam tan niin ka hria" a ti leh a, Rinpuia chuan "sir, a
> hurna leh a lerna sawi tur a awm lo. mahse hei a nupui boral hnuah nupui
> dang chu a neih leh tak mai reng hi. Kan pu a hi a inthup thiam hle tihna
> ani mai alawm" alo ti thung a. Inspector chuan Rinpuia thusawi chu
> bengkhawn lo zet hian "imm, kan pu a thihna hi tualthatna alo nih ngat
> chuan tualthattu pawh chu rinhlelh tur ka nei tawh a ni" a han ti leh
> a,
>
> Rinpuia chuan mak ti fe hian, "sir engtin maw? Hmingthankimi hi anih
> loh chuan tunge ni ta ang? A ti a, inspector chuan "engpawhnise,
> hmingthankimi hi lo kawm leh ang che. A tun hma nun te, a chhungte nen an
> inlaichinna te, a nunhlui zawng zawng lo hriat i tum dawn nia, kei in ka
> pensan zawk thung ang che, tin chanchin kan inhrilh zel ang a, tihtur
> pawimawh tak tak ka la rawn hrilh che a tul bawk ang" a ti ta a.
>
> HMANGAIHNA VANDUAI _Part-2 (Hmangaihna Hmasa)
>
> Bung Thumna
>
> A chang chuan vanduaina hi a thuah thuah hian alo thleng thin a, vanneih na
> erawh khawvar lam arsi ang maiin a khat pharh thung. tet te atang a kan lo
> seilen pui tawh leh kan lo pawm hmin der tawh thil te ngei pawh hi kan lo
> puitling a, dawt mai an lo ni thin si.
>
> Inspector Remruata ruahmanna ang leh remruatna dan ang chuan hma chu an han
> la leh ta tlauh tlauh mai a. Inspector chu hmun dangah a kal bo a, officer
> Rinpuia chuan he lamah inspector hrilh ang zelin hma alo la ve ani.
>
> A mobile phone chu alo ri a, a han la a inspector a lo ni. Rang tak chuan a
> chhang a, lehlam atang chuan chau tih hriat tak mai hian "rina, ka
> hrilh tak ang che khan hma chu i la turah ka ngai a? A rawn ti a, Rinpuia
> chuan "aw sir, ka theihtawp ka chhuah e" a ti a, lehlam atang
> chuan "Tichuan le han sawi teh. Pu thiamsanga fate kha an pian ni Kum
> leh thla kha ilo zawt em? Tin amah pu thiamsanga pawh kha" a han ti a.
> Rinpuia chuan "aw sir hei ka chhinchiah e" a ti a, inspector
> chuan "imm han sawi la, pa ber pian ni leh Kum, an fate Kum in upat
> dan in dawt in, a mal te te in aw" a rawn ti leh a.
>
> Rinpuia chuan note bu a a chhinchhiah sa chu a sawi ta a. "Pu
> thiamsanga hi Kum 1945 February thla ah a piang a, a nupui boral ta kha kum
> 1947 March thla ah ve thung. Kum hnih in an inthlau anih chu. Tichuan an fa
> u ber dr Muansanga fam ta kha kum 1970 September thla ah a piang a, a
> chhang chiah hi Kum 1973 may thla ah a piang veleh a, a naupang ber
> rinmawii hi Kum 1978 October thla ah a piang veleh ani. An chhang bung a
> khat lem lo a nih chu.
>
> Inspector chuan "rina i ti tha lutuk e" a rawn ti a, Rinpuia
> chuan "sir eng chungchang nge ni a? Enge a pawimawhna ni a? Pu
> thiamsanga te chhungkua zing a mi hi rinhlelh i nei tihna em ni? Nge ni a,
> he thil hi hmingthankimi nen inzawmna nei a awm em ni? A ti a, inspector
> chuan "rina, Nakinah i han hrethiam ve ang a, thil nihna tak i hriat
> hunah chuan mak i la ti dawn lutuk" a rawn ti a.
>
> Rinpuia chuan "sir, enge kha laiah i tih reng reng a? Chuan engtin zel
> nge keiin chet ka lak dawn? Kan pu thiamsanga hi lungphu chawl a thi anih
> hi ka ring tlat kei zawng. Kailawn a chesual a han puh dawn in hliam leh
> ser engmah a nei silo a, a lu a han tauhna hnuhma ni awm engmah lah a awm
> hek lo. Thah anih han ring dawn ila, hmingthankimi ber hi a rinhlelhawmna
> te hi a beitham deuh niin a lang ta si a.
>
> "putar hausa mahni chauh a awm chuan a ngaizawng thin a, Tichuan nupa
> ah an infawm ta a, tuk khat chu tum dang ang lo takin a pasal putar chu a
> chhuak bo daih mai a, in chung ah alo thi reng a, mahse rinhlelh talh duh
> chuan putar hausa mahni chauh a awm chu a fuh chho viau thung si ang. A
> neih rosum te chu a kut a awm vek Turin putar chu a dawi a zo ta a chuveleh
> a that ta mai a.
>
> Lehlam atang chuan "imm, hmingthankimi hi pu thiamsanga fate rinhlelh
> ber kha ani si a, thil awm ang tak pawh ani reng a, mahse engtin nge
> hmingthankimi chu kan phih awh tak ang. Evidence a ngai si a, chutah chuan
> ama thusawi te chu a pawimawh ta a, kan han kawm Chiang a, mahse ama insawi
> dan in a pasal chu khawiah nge a kal bo tih pawh alo hre lo, eirawngbawl
> khan a buai hle ani si a, a ngaih that lohna te pawh kha a awm ve kha,
> mahse a pasal kha Chaw ei lo a awm mai a ching si a, Chaw te pawh tum dang
> ang thovin alo eisan veleh mai ni awm tak ani.
>
> "Mahse chhun dar 11 ah chuan in chung a puan pho Turin a chho ta a, a
> pasal ruang chu a han hmu ta mai kha ani si a" Rinpuia chuan "a
> in leng pa nen a inthurual thil tih pawh ani maithei" alo ti a, lehlam
> atang chuan "rina, a in leng pa ngei pawh kha alo ngaihsak hman lo
> anih ber kha, an thusawi te kha a dik reng em ti fiah Turin hmingthankimi
> bialpa Jeremya, rosanga a ai kal a lo tir tu khan thil awmzia a sawi vek
> tawh kha, an thusawi te a inkalh lo ani.
>
> "Tin, Jeremya kha chip chiar zawkin thu ka zawt leh bawk alawm, Pakhat
> in a thianpa tirh anih thu a sawi a, mahse a let leh mai a, a thianpa lo
> nghahna ava thlen khan dar ruk leh a chan ve rik hma deuh anih thu a sawi
> a, a thianpa Jeremya pawh khan rosanga sawi ang chiah khan a thianpa alo
> thlen khan dar ruk leh a chan ve bawr vel anih thu min hrilh veleh chiah
> ani. Chutiang in a thianpa chu hmingthankimi nen an inkar thu hla ah a tirh
> anih thu a sawi veleh chiah bawk a. A dik ngei in ka ring.
>
> Rinpuia chuan "chuti anih chuan sir kan pu a chu engtia thi nge anih
> tak ang, pawn ah chhuakin in chung a nilum ai tur chu kailawnah chuan
> lungphu chawl in a thi ta mai tihna a niang maw? Ka hmuh dan hi a dik tihna
> a niang maw? Inspector chuan "imm, chu chu thil nihna ni ang a a
> landan tak pawh chu ani, mahse a taksa lam dinhmun kan hriat chian kha tih
> makmawh pakhat ani ta bawk.
>
> "A taksa kha a hrisel pangngai ani tih kan hre tawh a, lung lam thalo
> lah a nei hek lo. Khati teh thut a a thi ta kha thih thut hri ka tih mai
> kha, mahse chumi chu alo ni leh silo anih chuan tualthatna ngei anih chu
> kan rinhlelh a thiang ani.
>
> Rinpuia chuan "mahse sir tualthahna ni Turin a taksa hliam a awm silo
> a" alo ti leh a, inspector chuan "tualthahna tam tak hi a langsar
> lo turin eng tia chet lak hi nge tha a i rin? Rinpuia chuan a han ngaihtuah
> vang vang a chutah "imm khatia in chung a tualthahna tur atan kha
> chuan ka thil tih chu nise thaw chham in ka thih tir ngei ang" alo ti
> a.
>
> lehlam atang chuan "chu chiah, thaw chham in an thih tir tihna ani.
> Hrawk a rehna emaw a awm lovang, he tualthattu hi a fing khawp mai. Kut tha
> chak tak chuan thuthleng a thu a nilum lo ai lai chu a ka hup beh sak in
> thaw chham a awm thlengin a kuah bet tlat ani ngei ang. A thah fel hnuah
> khati khan lungphu chawl a thi ang a lang tur emaw kailawn a chesual a thi
> emaw ang a lang Turin kailawn ah khan a ruang kha a siam rem chawp ta ani.
> Hmingthankimi thah ang in lo ngai ta ila, hmeichhe tha chak lo tan chuan a
> harsa deuh maithei.
>
> Rinpuia chuan "awle awle, ka hrethiam ta chiah e sir, chuti anih chuan
> amah nen a han in nghirngho duh tur midang emaw hmelma emaw amah haw duh
> tur an awm em tih kan chhui zui leh a tul dawn ani maw? Inspector chuan
> "rina, i fing e. Pu thiamsanga fate min rawn pan chhan ber pawh ani a,
> chuvang chuan Tualthahna anih theihna zawng zawngah kan beidawn hnuah chauh
> thih thut hri avang a thi ni a Rinna kha chu kan confirm chauh dawn
> nia" a rawn ti ta a.
>
> Pu thiamsanga boral atang a chawlh kar khat dawn lai mai a han liam ve
> takah chuan mite titi tui ber leh an ngaihchan ber pu thiamsanga thihna
> pawh chuan boruak a nei lian lo telh telh a, mite chuan an mangnghilh ve
> hret hret zel niin a lang.
>
> Chutihrual chuan he lamah Rinpuia pawh chuan chanchin ngaichang in mit leh
> beng a chhi uluk hle reng tho a, a chang hi chuan thil awmzia tak hre tur
> hian titi lengvak leh mite sawi sep sep thil hi kan bengkhawn hi a tul ve
> reng bawk a. Tin mite hmuh loh hmuh theih a pawimawh lehzual ang a, mite
> hriat bak hriat a tul leh zual bawk awm e.
>
> Hmingthankimi thurual pui tur ni a han rinhlelh ber rosanga leh Jeremy te
> lah chu an fihlim rih niin a lang a. an ni lam in an han biak pawh lah in
> in hawng tak leh zawhna chhan pawi ti lo tak in rosanga te thian dun pawh
> an awm reng tho a, rinhlelhna tur dang a vang tulh tulh ber mai niin a
> lang.
>
> Mahse hmingthankimi chu rinhlelh list atang chuan han thaibo mai na atan
> chuan ala hma deuh niin a hria a, pu thiamsanga thihna chu thuhran nise a
> rosum zawng zawng chutia a nupui Kum naupang te mai a han pumbilh tir vek
> bik mai te chu thil mak tak zawng ala ni tho ani.
>
> Chumi chungchang sawi pui tur chuan inspector chu a han be leh a, mahse
> inspector Remruata chuan rosum chungchang kha chu a chhanna a pek theih
> thuai a inbeisei thu lo hrilh in chu lai hmun a boruak inlum leh dan te,
> titi lengvak mi te hawi her leh chezia, tin rinhlelh awm midang lo lang
> thar an awm em tih te lo thli thlai zel rih tur chuan a rawn ti a.
>
> Inspector Remruata chu sailam khua ah a kal ani. Chumi khua ah chuan nu
> pakhat Kum 65 mi tar lam pan mek tawh a hming chu vanlalchawii hmu turin a
> kal ani. thu tam tak zawtin a kawm a, pi vanlalchawii hi pasal la nei lo
> alo ani a, a chhungkua la neih chhun chhun te nen cheng ho in rethei leh
> harsa tak chungin a nun a hmang ve mek zel ani.
>
> Pi vanlalchawii nen chuan thu tam tak an sawi dun a, pi vanlalchawii
> nunhlui te, a hun hmasa a chanchin sawi tur a neih ang ang te chu sawi dun
> in inspector Remruata pawh chu a phur tawh viau mai.
>
> Saitual lam a officer Rinpuia chu a han be leh a, Rinpuia pawh chuan a pu
> lo kir hun chu a nghakhlel ve tawh viau mai. "Rina, thil nihna tak kan
> hriat hunah meuh chuan kei ni hi barakhaih ang maiin mak tiin kan la awm
> dawn ani, nang phei chuan ka thusawi te min la hnial dawn chauh a, emaw ka
> thawnthu sawi turah hian I awih zawng a tam viau lo maithei" A han ti
> a, Rinpuia chuan "sir, enge i tih reng reng min han hrilh ve teh. Enge
> thil nihna chu?
>
> Inspector chuan "rina, rinhlelh midang chu i nei ta em? Rinpuia chuan
> "sir, buhpawl zing a hriau zawn ang chauh ani. Kha mi tum a kha lai
> hnaih a awm te kha rinhlelh awm chu an ni rih mai e. Hmingthankimi, rosanga
> leh Jeremy, an ni pathum lo kha chu khatia chhun khaw en lai a mi in chung
> a mi ni lum ai hle hle lai han that ringawt duh tur mi chu an vang rih
> khawp mai"
>
> inspector chuan, "hei hi tualthatna anih ila ring lo deuh tho em ni? a
> ti a, Rinpuia chuan "sir a eng ber hi nge han rin tur tih pawh hi ka
> haihchham viau tawh ani" a rawn ti leh a, inspector chuan "imm
> awle, min lo nghakhlel tawh ngeiin ka ring. Thil mak tak tak, kan rin loh
> tak tak, min thawng dawt dawt tu tur thil te nen ka rawn kir mek e"
> tiin an inbiakna chu an titawp ta a.
>
> Zan lam anih chuan Rinpuia chuan a phone message chu a en a, inspector
> message hi alo awm a, a en Chian nak chuan mak a ti hle. "Rina,
> hmingthankimi hnenah khan a pasal pu thiamsanga nen khan engtianga zinging
> nge nupa nun an hman thin" tih hi alo ni.
>
> Rinpuia chu a ner deuh nang nang a, "imm chutiang thil te chu a mimal
> thil sir a" a ti a, inspector in ti tur a rawn tuk sak chu a huphurh
> kher mai. Lehlam atang chuan "Rinpui, kan pu a leh a nupui
> hmingthankimi te hian nupa nun eng tiang tak a zing in nge an hman tih lai
> a hi a la pawimawh". A rawn ti leh a Rinpuia chuan "imm awle
> awle, Ka lo zawt dawn nia" tiin za lo zet chuan a nui zui hak hak a.
>
> A tih tur chu a hria, hreh viau mahse hmingthankimi hnenah zawhna zawh
> chakawm loh tak mai zawt tur chuan chet chu a la ta nghal a, chutah le,
> hmingthankimi hnen atang ngei a a pasal nen a an nupa nun chungchang
> chipchiar tak a a han hriat tak kelh ah chuan mak a ti hle mai a. inspector
> chu hrilh Turin a mobile phone bawk chu a han lekkang leh a.
>
> "sir, mak ka ti tulh tulh mai. Hmingthankimi chuan a pasal nen chuan
> nupa nun an hman dun ngailoh thu leh tum khat pawh an la mut dun ngai loh
> thu min hrilh teh tlat a. Mahse an Kum in upat hleih em em dan atang chuan
> thil ni thei chu ani ve tho mai" A han ti a, lehlam atang Chuan
> "ka rin dan chiah ani rina, nupa nun thu hla ah hi chuan Kum in upat
> hleih ai mah chuan tum engzat nge tih lai a kha a pawimawh zawk. Mahse chu
> ai a la pawimawh lehzual chu tum khat mah tih lai a kha ani, Tichuan han
> sawi zel teh" a rawn ti leh a.
>
> Ni sawmhnih leh pali inrinni ani a, chumi ni chu khua te chu a thiang in
> van dumpawl te chu an lang fiah hle mai a, mitin chu an mahni buaina zawnah
> theuh buaiin thil dang in an rilru a luah hman meuh lo tih a Chiang reng.
> Inspector Remruata pawh chu a lokir ve leh ta. Nimahsela inspector chu amah
> chauhin ani hauh lo. Pitar pakhat a rawn hruai a, chu nu chu tudang a nilo,
> a va zinna khua a mi pi vanlalchawii ngei kha ani.
>
> Thutkhawmna pindan lamah chuan an han in zui phei dan dan a, inspector titi
> vawrh tur leh chanchin mak danglam tak sawi tur chu eng thil tak ni ang
> maw?
>
> A aw te chu a han thian hmasa te te a, chutah amah lo ngaichang tu te lam
> chu a thlek kual leh dan dan a, chutah meizial chu han tan Kai in a han
> fawp vang vang a, "imm, mihring te hi chu kan mak ve ngawt mai. Kan
> taksa tan a tha lo ani tih kan hriatreng pawh hi tui ti tak chung leh
> lungawi tak chungin kan thlah phal Chuang silo a,
>
> "ni e mihring mize mak sak tak tak nei hi an awm a, midang ten a mak
> an lo tih tur leh an lo ngaimawh tur hian thenkhat hi chu an awm tlat pek
> a. Anmahni ah chuan thil hriatthiam har tak a awm tlat ani,
>
> mahse heng mite hi an dinhmun leh an hun tawn mek hi kan in chan ve phawt a
> tul thin a, an dinhmun a kan han din ve phawt loh hi chhuan hriatthiam
> lohna leh mak tihna te, an mahni han dem mai chakna rilru te hi kan lo nei
> mai thin alo ni" tiin meizial chu a fawp leh kawk kawk a. chutah
> duhthawh tak a meizial khu chu han si lut leh ham ham in dawhkan ah chuan
> meizial chu a nawr hlum leh nawk nawk a.
>
> Hmingthankimi chuan aw ka dam dai hian "ka pu, ka pasal chu a thi tawh
> a, min kalsan tawh a ni. ka pasal chungchangah rinhlelh ka ni a, mawi lo
> taka tawngkhum leh rinhlelh ka ni a, mahse eng finfiahna nge in neih le? Ka
> dikna chanvo ka hlenchhuah ve hi a tul a ni, min tanpui tu tur hi ka koh ve
> a hun ta" a ti ta a.
>
> Inspector chuan "imm, thawnthu ka hrilh dawn che u ani. A hmasa in hei
> ka pi hi a hming chu pu vanlalchawii a ni a, tunah hian Kum sawm ruk leh
> panga Na a hmang mek ani" Rinpuia chuan "immm ka pi chu khawi lam
> mi nge anih a? engtia he lai a han hruai ve mai nge i nih chiah le? Kan
> hriat chak zawng tak ani e sir" alo ti thuai a.
>
> Inspector chuan "Kum 1960 Kum ani a, pu thiamsanga chuan a Kum 20 na a
> hmang mek a. Hetih lai hian lehkha zirin aizawl lamah hun a hmang a, pu
> thiamsanga hian hemi Kum ah hian a hringnun a a tum khat nan hmangaih hmasa
> ber chu a tawng a ni. A hmangaih ber a ni zui ta reng a, a thinlung a dai
> tawh lo tur leh a hriatreng tawh tur chu a ni ta a.
>
> "Kum 1965 ani a, pu thiamsangan a ngaihzawng hmasa a tawn atang a Kum
> nga na ani. Mahse a mak khawp a, khuanu pawh hian in tawng tur chauh a a
> duan, awm dun a remtih leh siloh mi vanduai bik te hi an awm ta tlat thin
> a, chung zingah chuan pu thiamsanga leh a hmangaih hmasa pawh chu an tel ve
> tlat si a.
>
> "pu thiamsanga chu Kum 25 na hmang mek ani a, a Kum 25 na Kumah tak
> chuan nupui a nei a, mahse a nupui hi a hmangaih hmasa kha ani lo tihna a
> nih chu. Chutia nupui te nei a chhungkua a han din Tak ah chuan a hmangaih
> hmasa nen a len dun a rem tawh lova, an in mangtha hlen alo tul ta ani.
>
> "Nupui a neih Kum, kum 1970 Kumah vek chuan fapa an nei ta nghal mai
> a, a landanin nupui a neih hma hian a nupui nen hian an lo puk lawk ve ni
> ngei tur ani. Mahse ka rindan chuan a fapa hmasa ber dr Muansanga hi pu
> thiamsanga fa anih hi ka ring lo.
>
> Chu lai a awm te chu an lo meng phawk hlawm kher mai. Rimawii chuan
> "eng thil nge i sawi tak mai ka pu? a lo ti a, inspector chuan
> "ka sawi zel dawn lo ngaithla ru. Dr muansanga a pian atang a Kum
> thumna Kum 1973 ah a chhang chiah chu a piang veleh ta a, a hnu leh Kum nga
> hnuah a naupang ber nang hi i piang veleh ta ani" Tiin rinmawii chu a
> en a. Chutah inspector bawk chuan "Tichuan le hun te a liam a, Kum tam
> tak a han vei leh ta a. An fate pawh in puitling thuau tawh a ni.
>
> "Kum 1997 ani a, pu thiamsanga chu Kum 52 ani tawh, an fate chu a upa
> ber dr Muansanga Kum 27 ani tawh a, a chhang chiah Lucy hi Kum 24 lai ani
> ve tawh bawk. Tin a naupang ber rimawii hian Kum 19 na i hmang ve tawh
> bawk. Mahse le hun hlui leh nuhlui ngaihna te chuan pu thiamsanga chu
> kiamsan zai a lo la rel lo chu niin.
>
> "Tum khat chu vanduaina ai nge ni ang hman a a hmangaih hmasa nen khan
> an intawng leh ta mai a. A hmangaih hmasa ber pawh chu Kum 44 lai a upa alo
> ni tawh. Mahse rawllai hmangaihna Chu alo la thi awzawng lo mai a, tin pu
> thiamsanga hian a nupui lak a a fa hmasa ber hi a ma fa anih a rinhlelh
> avang te pawh chu ni fahmiang a nupui lakah hian a thinlung a pe ngailo
> niin ka ring.
>
> "Chutah a hmangaih hmasa nena an han intawn leh takah chuan chanchin
> tam tak an inhrilh dun a, nunhlui te sawi dunin hmangaihna par chul hnu chu
> an chawm nung leh ta a ni. Mak kan ti maithei, hmeichhia Kum 44 ral kai
> tawh leh pu thiamsanga Kum 52 mi chuan fa an pai leh dawn a ni tih hi.
>
> Chu lai a awm te chu mak tih avang chuan an meng rang kawk kawk hlawm a,
> rimawi leh a u Lucyi te chuan rapthlak tih hmel zet hian an ka an hup a an
> melh ngai chu an melh tlawk tlawk ringawt mai a. Inspector chuan chhunzawm
> zel in, "pu thiamsanga leh a hmangaih hmasa te chuan fa an pai leh ta
> a.
>
> "Mahse mahse, he hringnun chimawm zet hi zawng chhia leh tha hriatna
> hmang hman malek lo tur hian nunhlui ngaihna hmangin mi hi a veh thlem
> hmasa thin a, chumi hnu ah chhia leh tha hriatna te alo fim a, alo tlai zo
> tawh thin. Pu thiamsanga chu inthiam lohna leh mahni inhuatna in a khat ta
> a, a hmangaih hmasa laka chutiang a a nupui a han uire san ta mai chu
> chhungril ah nasa takin a nghawng a ni.
>
> "Pu thiamsanga chuan theih nghilh nghal a duh a, a nun chu siam that a
> duh a ni. A chhungkua lak a a inthlahrunna leh a inkil tawihna te chu nu
> ber pawh chuan alo hai hauh lo mai a, pa ber nen chuan inkar boruak thalo
> nei zuiin in rinhlelhna te, ngaihthat lohna te chuan a nang chho ta a ni.
>
> "An fate chuan nu berin pa ber chu mi khaw lo tih te, nupui te kham
> khawp lo ti te a a tawngkhum thin chu an hre chho ta zauh zauh mai a. Mahse
> pa ber lerna leh a khawlohna engmah hriat an nei silo. Pu thiamsanga chuan
> message duhawm tak kan ti dawn nge a dawng ta zut reng mai bawk a, a
> hmangaih hmasa hnen atang chuan a fa a pai thu a hre awl ta lo. Mahse pu
> thiamsanga chuan a hmangaih hmasa chu a phatsan ta tho a, a thlauhthla a
> theihnghilh Turin a rilru a siam fel ta tho ani. Pu thiamsanga hian nang ni
> a chhungkaw neih te hi a thlang zawk che u a ni" tiin rimawii te unau
> hnih chu a en a.
>
> Inspector bawk chuan chhunzawm in, "Hun a liam a, Kum te a tam chho
> a,mihring hriselna ngei pawh hian rei a daih lo a ni tih nu ber chungah a
> lang ta. Nu ber chu cancer natna in a tlakbuak chho ta a, nu ber leh pa ber
> inkara khi chat awm tlat avang chuan an fate pawh chuan chhungkaw boruak
> nuam an tawng khat ta hle a.
>
> "Nu ber a han boral zui ta mai a, pa ber chuan fate atang in dem rawn
> a hlawh chho ta. Mahse an fate chuan a fiahna erawh an nei der lo.
> Chhungkua boruak a chhia a pa ber kiang a hun hman reng chu thil nuam tak a
> tling ta lo. An fate chuan nupui pasal neiin pa ber chu an chhuahsan zo ta
> a.
>
> "Khatih hun lai boruak kha zawng han chhui kir leh mah Ula, boruak
> nuam a khat pharh ngei ang. Mahse pa ber khan nang ni a fate hriat pui loh
> thil buaipui a nei a, chu chu hman a a hmangaih nena an fa kha ani. Ni e,
> nang ni a thlan tak zawk a chhungkua lakah a ni chu mihrang mai alo nih
> takah chuan nunhlui leh sulhnu, alo thlauhthlak tak a chu chhui kir in hun
> a hmang awl ta lo ani.
>
> Rapthlak tih hmel zet hian rimawii te unau chu an lo meng rang kawk kawk
> mai a, midang pawh chuan inspector thusawi te chu ngaihnawm tiin an
> bengkhawn uluk hle. Inspector chuan chhunzawm in "in pa kha in
> kiangah, in zingah cheng in khawsa mahse, mihrang ang chauh ani. A thinlung
> erawh alo thlauhthlak tak a hmangaih hmasa leh a fa hnenah khan a awm ngei
> ang. A rukin pu thiamsanga khan a ngaihven hle mai a, zawn chhuah ngei a
> tum hle niin ka ngai.
>
> "A hmangaih hmasa kha a thlauhthla tawh a, a rilru a hliam sak tawh a
> ni. Tin a nupui in a boral San tawh bawk si a, nang ni a fate lah in
> mihrang en in in en a in hua a, a chungchang la hre ngai lo, a hmel tak
> ngial pawh la hmu lo, a lak a rilru chhia la pu lo, chumi ngei chu a ni a
> kiang a chatuan a awm tur a a duh chu ni. Chumi chu a fa dang kha a ni.
>
> "Mi hmuh lai a in a nula naupang tak tak a hruai lut thin te, nula
> naupang tak tak a biak nasat tak thu te kan hriat kha, a fa dang, Kum 52
> anih Kum a a neih leh tak chanchin ngaihven a zawnchhuah a tumna avang a a
> thil tih te an nih kha.
>
> Rinpuia chu alo inrawlh vat a. "Sir, chu em zawng engmah hriat chian
> pawh va ni suh. Amah pu thiamsanga aw ka atang a kan thu hriat anih loh
> zawng in rin har ka ti" alo ti a. Inspector chuan "keima
> phuahchawp leh zeldin chauh ani hleinem rina, amah pu thiamsanga, a
> hmangaih hmasa, fa dang a hrinna ka ngei atang a ka hriat a ka sawi chhawn
> leh an ni zawk mah" A ti ta a.
>
> Hmingthankimi chuan "ka pu, chung hun kal tawh chuan kawng ro a su em
> ni? ka pasal thihna ah ka fihlim a ni tih a tarlang em ni? Tunah chuan mi
> pakhat, hnuchhui mi, dikna ngaina leh mi huaisen, chumi chu ka tana tanhmun
> mi siam sak turin ka koh a hun ve ta" a lo ti a.
>
> Chutah Inspector chuan "hmingi, kha pa, a tanpuina i rawn ngen kha
> keimah hi ka ni asin" alo ti a. hmingthankimi chuan "ka pu, i
> thusawi awmzia chu? Tiin a phawk nghal hra a. Inspector chuan "kha
> police inspector, ni 18 ni a i rawn biak, i pasal thihna chhui tur leh thil
> i tisual lo ani tih tarlang tur a tanpuina i ngen kha keimah hi ka ni
> e" a han ti leh a, chutah zet zawng hmingthankimi chu hriatthiam har
> tak tur hian a chek hlak a! "lalpa leh! Nang, nangmah hi maw?
> Inspector chuan "aw ni e, keimah inspector Remruata ka ni e" A lo
> ti ta a.
>
> HMANGAIHNA VANDUAI _Part-2 (Hmangaihna Hmasa)
>
> Last
>
> "Hmangaihna hi a kuhmum laklawh tawh chuan zah pah leh hlauh a nei ve
> tawh lova, a duh chu a um a, a duh a hmuh hma chu a bei ngat ngat tawh mai
> thin. Ni e, tunah pawh hian pu thiamsanga, in pa in a hmangaih hmasa ber
> leh a fanu chu he laiah ngei hian an awm reng asin"
>
> chu lai a awm te chu an Phu suau thei hial a. "Imm, ka sawi zel dawn.
> Thawnthu lungchhiat thlak tak tak te, nunhlui duhawm lo tak tak te hian
> naupang mai kan nih lai a kan thu hriat thin te kha dawt mai an lo ni tih
> hi min hrilh leh si thin a.
>
> "Tichuan le, tu chu nge pu thiamsanga fanu dang leh chu ni ta ang?
> Tin, a hmangaih hmasa chu tunge ni ta ang tih chu kan hre ta". Tiin
> hmingthankimi leh pi vanlalchawii te chu a han melh tawn ta vat vat a,
>
> mak tih avang leh ham haih luatah sawi tur hre lo in an han in ngaichang
> tawn ren rawn hlawm a, chutah insum zo lovin lungchhiat avang leh lawm
> avang a biang a mittui tla zawih zawih chung chuan pi vanlalchawii chuan
> hmingthankimi chu a han pan hnai ta a.
>
> "bawihte, kei hi i nu ka ni asin, engtikah emaw chuan ka la kuah leh
> dawn che ani tih hi ka hria alawm, i tan a thatna tur zawk leh i hma khua
> ka ngaihtuah luatah hmun dang a awm Turin ka tir bo ta che anih kha, min
> ngaidam rawh aw" tiin a fanu hmingthankimi chu a kuah ta vawng vawng
> mai a.
>
> Chu hun chu mumang ang mai ani, a ngaihna reng an hrethiam phak lo. Chu
> thil thleng chuan a thawn teh thut hlawm em avang chuan han sawi mai tur an
> haihchham hlawm viau mai a. Chutah mak tih avang leh a ngaihna hre lo tak
> chung a amah en vawng vawng tu a fanu chu han en in Pi vanlalchawii chuan a
> fanu hmingthankimi nen an hun hmasa lam chu a han sawi veleh ta a,
>
> khatia pu thiamsanga fa a han pai a fanu a han hrin tak hnu khan Kum nga
> thleng chu a bulah a fanu chu ala khawsa ve a. Mahse an harsa si a, chhung
> leh khat nei mumal an ni lova, chhung te tihbuai reng chu hreawm a ti ve si
> a, Tichuan a fanu chu lehkha zir tur ni pah fawm in khaw dang a a unau te
> hnenah chuan a awm tir ta ani. Mahse hmingthankimi chu alo tleirawl a.
>
> Hun a kal zel a, hmingthankimi chu khawpui lamah lehkha zir Turin a thang
> bo leh ta a, Kum a vei a hun a vei a, thian te a nei a, a thian te zingah
> hian amah ngaizawng ru em em tu saitual hmar veng a mi Jeremya chu a tawng
> ta a. Mahse mak tak mai in putar pakhat nen hian an intawng leh hlawl mai
> a, chu putar chu a hausa hle mai a, hmingthankimi chu thlem chitin in a
> thlem thin a, a nupui ni mai tur ten a thlem thin ani.
>
> Mak tak ani, hmingthankimi chu chu putar ngainatawm tak mai tawnah chuan a
> lut fuh ta hlauh mai a, chu putar chuan a chanchin lainatawm tak te chu a
> hrilh thin a, a nupui thi ta nen a an in an thu te a hrilh thin a, tin amah
> leh hmingthankimi chu Pathian in intawng tur a a ruat an nih thu te, a
> hnenah chuan a awm duh anih phawt chuan a mamawh engkim bakah a hma hun zel
> atan pawh a engkim a huam thu te a hrilh thin ani.
>
> Hmingthankimi leh putar chu an innei ta a, mahse mak tak maiin
> hmingthankimi chuan a pasal putar in a en dan chu danglam a ti tlat mai a.
> Nupui ang pawhin a en ngai meuh lo. A hmangaih in a duh em em reng a, hma
> hunah hlimna leh lawmna nasa tak, a rin loh thil tam tak in alo hmuah mek
> zel thu te a hrilh thin ani.
>
> Ni e, pu thiamsanga khan a fanu hi thudik engkim kha la hriattir ve kha alo
> tum reng thin niin a lang, engtik ni ah emaw chuan ama nu nen ngei pawh
> chuan inhmuh tir leh a hun hlui leh nunhlui chul hnu te chu thar thawh leh
> kha alo tum reng ani ngei ang le.
>
> Ni e, hmingthankimi ngei pawh chuan pu thiamsanga nen a hun an hman dun
> tawh zawng zawng te chu uluk tak chuan a han chhui kir leh ta rauh rauh mai
> a, chutah lungchhe van kai hian a tapchhuak ve ta rawih rawih mai a.
> "Pa, ka pa duhtak, engvang in nge i thih hma khan thudik min lo hrilh
> vat mai loh le. I nupui ka ni emaw ka lo inti char char asin" Tiin a
> insut zui hlawp hlawp reng mai a.
>
> Inspector chuan "hmingi, i pa hi nang hian I that lul lovang tih hi ka
> hria, i unau te hian Khang an rinhlelhna che leh an ngaih that lohna te kha
> thil awm tak pawh ani ve a. Ka hnenah hian an lokal a, an pa thihna chu
> tualthahna ani reng em? Tih te, thudik hailang Turin min rawn pan ani
> nangmah ang tho in, ka hnenah eng thamna pawisa mah min tiam lova, nangmah
> ang thovin pu thiamsanga thih chhan diktak hi hriat an duh vang mai chauh
> ani. Eng thawnthu mah phuahchawp Turin sum min tawktarh hek lova, nang hi
> tal awh tir dan tur che leh man tur che a a finfiahna lem siam chawp Turin
> thu min thlun pui hek lo.
>
> Mak an tih em avang chuan chu lai hmun a awm te chu an ngaihtuah na a vak
> thui hle mai a, chutah Rinpuia chuan "Tichuan sir, kan pu nupui ni a
> kan lo ngaih leh tualthattu ni a kan lo rinhlelh ber hmingthankimi chu kan
> pu fanu duat lai alo nih tak si ah leh tualthattu alo nih tak siloh ah
> chuan kan pu thih chhan chu enge ni ve ta ang? Engvang a thi nge anih?
> Engtia thi nge anih? Lungphu chawl a boral mai zawk alo ni ta a niang maw?
> alo ti leh a,
>
> inspector chuan "imm, a chang hi chuan mite titi leh thu lengvak kan
> bengkhawn a kan ngaihven a kan hriatna kan tih zau ve hi a tul thin a,
> mahse chu mi ai a la pawimawh lehzual chu mite hriat bak leh mite hriat ve
> loh hi a ni, mi nawlpui in an hmuh ve loh hi kan hmuh thiam bik hi a tul
> thin ani. alo thleng tep tawh ang" tiin a mobile phone chu a han lek
> kang a, number pakhat hi a han dial a, an awmna hmun a lokal nghal tur
> chuan a han ti a, chutah a mobile phone chu dah in dawhkan a tui chu a han
> lem nghal pawp pawp a.
>
> Rinpuia vek chuan "chuan sir, engvang nge ni ta ang? Engvang nge pu
> thiamsanga khan hmingthankimi chauh hi a ro zawng zawng a pek bik kher ni?
> Midang zawng chu a theihnghilh zo ta tihna em ni ang?
>
> Inspector chuan "chu zawng amah pu thiamsanga chauh in a hria e, tin
> hei hi thil nihna ani ve thei tho bawk. Pu thiamsanga khan a nupui boral ta
> nen a an fa hmasa ber dr Muansanga kha ama fa anih loh kha a ringlel anih
> ka ring, a chhan chu an inneih Kum ah mai khan fa an hring zui nghal mai
> ani si a,
>
> "ka tawng huat thu Suh ah, nang ni a fate te ngei pawh in in sawi kha,
> in unau zing a upa ber mipa awm chhun chu pa ber pawh in a fapa nilo hial a
> mawi ni a a sawi lai ngei pawh in hriat fuh tawh kha. Mahse an inhnial
> thinrim avang a a tawngkam mai anih kha nang ni chuan in ring ang. khami
> avang pawh kha ani ngei ang a nupui kha a thinlung takin a pawm thei ngailo
> in ka ring,
>
> "tin nu ber a han boral a, a fate chuan pa ber chu an dem in an en dan
> a dik hauh silo. Kha thil kha pa ber khan a hua in hreawm a ti thin viau in
> ka ring, a fate ho a hmangaihna pawh a dai zo ta ni in ka ngai. Tin a
> thinrim avang te, a fate lak a a lungawi loh avang te ani ngei ang khatia
> hmingthankimi chauh a ro sum te a chan tir bik tak ni. Mahse hmalam hun
> atan ruahmanna tha tak erawh a nei ngei ang a, a thu pawh a sut leh ngeiin
> ka ring, mahse a dam chhung ni a rei ta si lo a" a ti ta a.
>
> Nakin deuhah chuan kawngkhar dar chu a rawn ri a, thenawm tlangval
> vanlalpeka ngei mai kha a rawn lut ta da da mai. A hmel chu a ti hle mai a,
> a ngaihna a hriat loh hmel hle bawk. Inspector chuan alo hui vat a,
> thutthleng awl ah chuan thu turin alo ti a.
>
> Vanlalpeka chu uluk zet hian a han thlek a, chutah ram zet hian "peka,
> a hmasa a i hriat tur chu dawt thu hi ka ngaithla tam peih lo aw" a
> han ti a, vanlalpeka chuan "ka pu, enge ni ta a? A han ti a, inspector
> chuan "keimah ka nih kha lo call tu che kha, kha mi tuk i thenawmpa pu
> thiamsanga a thih tuk khan khawiah nge i awm?
>
> Vanlalpeka chuan teu zet hian "e khai ka pu, khawiah nge awm se min
> tih a? A han ti deuh ha a. Inspector chuan "i awmna chu maw ka hria
> asin" a han ti a, vanlalpeka chu uluk zet hian a en ran reng bawk.
> "Ka pu, in ah ka awm alawm. Pu thiamsanga zing ni lum ai tur pawh ka
> hmuh thu ka sawi tawh kha, tin hei hmingi te hian in leng an neih thu te
> pawh ka hrilh tawh che u kha" a han ti leh a, a hmel chu a phawk kher
> mai.
>
> Inspector chuan "imm, pu thiamsanga chu zing ni lum ai Turin in chung
> lamah a chho dawn ani tih kha engtin nge i hriat a? A han ti leh a,
> vanlalpeka chuan "ka pu, zing ni lum ai tur anih kha ka han rin dan
> mai ani ka tih kga" alo ti a, inspector chuan "ni e, nang hi pu
> thiamsanga lo hmu tu awm chhun i ni a, zing ni lum a ai dawn ani tih lah
> chu hre lawk sa ang mai i ni.
>
> "Tin, mak deuh mai chu pu thiamsanga a kha zing ni lum ai in in
> chungah a kal ngai hauh lo tlat ani. Tin, Kha lai kailawnah khan thi sa in
> a awm ani. Thah anih tawh hnu ah kailawnah khan chesual ang a a lan na
> turin emaw lungphu chawl ang a a lanna Turin emaw a ruang kha siam rem
> chawp mai ani.
>
> "He tualthattu hi a fing in a inring tawk hle a, a hnu hma engmah hmuh
> tur a awm lo lai te, tin chhun khaw en lai ngatin chet a la ngam ani a, a
> inringtawk mah mah ani. Chhun khaw eng a thi chu thah anih han ring chhin
> dawn ila, ama in chungah ngei lehnghal, thil rin harsa tur tak kha ani reng
> a,
>
> "mahse ka Chiang. Taksa lam hrisel lohna neilo, lung lam thalo neilo
> leh zing ni lum ai ngai hlei lo kha taksa lam hrisel lohna nei ang leh lung
> lam thalo nei ang in a thi a, zing ni lum ai tum ang hrimin in chung lamah
> a kal tlat pek a, Khang kha ruahman lawk vek ani. Tichuan maw, thil mak leh
> deuh mai chu nangmah lo chu pu thiamsanga zing ni lum ai tur hmu tu midang
> an awm lova, tin nangmah lo chu he lai thenawm zingah pu thiamsanga nen a
> han inrikrap thin leh thu buai hla buai han nei veleh zauh thin hi midang
> an lo awm velo lehzel mai a.
>
> "Alo tha khawp mai hetia mi te titi leh tlangkam fahrah te te lo
> bengkhawn a lo ngaihven ruk reng hi, a pawimawh khawp mai. Mi te hian thil
> hi an lo hre khawp mai a, pu thiamsanga chu thenawm khawveng te nen pawh a
> han inbakkaih ve leh zauh thin anih thu te kha ka lo hriat dan kha ani a,
> mahse han chik han chik tak ah chuan a ril zawk kan lo hre ve zel a, nang
> nen hian khalh fal dun loh theih loh in ni ta ani.
>
> "Tin, A rukin he lai ah hian chanchin ka ngaichang reng thin alawm.
> Rinhlelh awm tak kha i ni sa hrim hrim bawk. Tichuan nang chu i Kam hlei a
> zarah i tawngchhuak hma ta mah mah a, rosanga in leng chuangkai lai te chu
> ilo hmu fuh thei hle a, nang hian i thenawm te chhungkua hi i thlithlai
> reng ani. Chumi awmzia chu engemaw tih tur I neih vang ani.
>
> "A ruk in ni hnih khat chhung kha chu i chanchin chhui hian hun ka
> hmang alawm. Kha mi tuk ni hma ni hnih liam tawh ah pu thiamsanga hi in in
> ah alo chuangkai tlat mai a, tin pu thiamsanga khatia tum dang a a tih ngai
> loh Pathian ni tuk a in chung lam a nilum ai tur a hun a hman tak tlat
> nachhan kha ka hre duh bawk, pu thiamsanga hun hman dan te nen ka han zir
> kual a, pu thiamsangan a thenawm te in a a chuan kai na hnuhnung ber chu
> nangmah ni hi in ni ta ani.
>
> "Tin, khami bakah Pu thiamsanga kha taksa lam hrisel lohna emaw rilru
> lam harsatna emaw a nei em ti a kan han chhui zau leh deuh khan a fate leh
> a thian tha te khan han sawi mai tur an hre lo anih kha, mahse kei chu ka
> la duhtawk ve reng reng hleinem. Thenawm khawveng te hian engemaw tak an
> hre tur ani tiin ka mit leh beng chhi sa reng kha ka ni hrim hrim a.
>
> "Khami tum khan pu thiamsanga kha a rilru hah thu te, miten a a nupui
> nen a an chungchang an sawi duhdan ah hreawm a tih ve thu te sawiin a rawn
> inbunruak ve luam a, nang chuan chu chu remchangah la in engtin tak lo
> tawng bum che maw? ka rindan chuan hetiang hian ilo tih ngei ka ring. 'Pu
> thiamsang, in Kum te alo upa ve tawh a, zingkar boruak thianghlim hip tam
> te hi a tha a nia, keipawh hei ka pa tih than thil ka chhawm ve e ka ti a,
> a tha takzet.
>
> "Zingkar ah hian boruak thianghlim dawng ni pah fawm in zing ni lum te
> aiin in chung lamah hun ka hmang thin a, han ti ve chhin mah rawh, a that
> Zia hi i hre telh telh mai ang, rilru te hi a thawveng a, ngaihtuahna te hi
> a thar a, thil tha tak ani' tiin i tawng bum ngei ang. Nilo, chung te chu
> ka rindan mai nilovin i tawngka chhuak ngei ani zawk ani tih i nu ka ngei
> atang in ka hre daih tawh zawk" inspector chuan a ti leh ta a.
>
> Vanlalpeka chuan teu zet hian "takzet chuan! ka nu chu ilo dawp vel a
> maw? tiin a kut chu a han hum ruh sauh sauh a, chuveleh inspector chuan
> "naua leh! i kut tha te chu an chak hmel in i mi han hrawm vel pawh a
> nat dawn kha maw le! alo ti a. Vanlalpeka chu a hmel a thim khap tawh a,
>
> inspector bawk chuan "imm, putar chak vak tawh vak lo thaw chham a han
> hrual vel nan chuan i tihrawl te kha duhthusam an ni e, thu tui tam vak a
> sawt tawh lo. Kha tia ilo tawng thlamuan ve te, thurawn ilo pek ve te kha i
> pa rual daih, a ruk a i huat ruk em em thin leh an chhungkua i er em em
> thin nisi pu thiamsanga khan alo hrethiam em em mai a, naupang zawk ten
> duhsak tak a thu an han rawn der ve te pawh chu a han zawm ve a, mahse nang
> chuan in chung a ni lum ai a thlamuang tak a hun lo hmang mek i pa rual
> putar lainatawm tak mai chu a hnung lam atangin a ka i han hup phui sak ta
> a, thaw chham a a thih thleng i tha leh zung laktlak loh zet hmang a i han
> hrawm beh tak hnu chuan putar lainatawm tak chu lungphu chawl a thi ang in
> i lan tir leh ta ani.
>
> Vanlalpeka chu thinrim ha thil bawp bawp chung chuan a tho kang uaih mai a,
> "zawng khaw ro!. Chutin dawt phuahchawp nen mi vau awzawng Suh, i mit
> ngei a thil engkim hmu ni awm ziazang a chuti te a mi han tih vei le"
> Tiin a ring ruh chu a thle ri bawp bawp mai a.
>
> Chuveleh inspector chuan "nauva leh!, i zak lo ham ham hle mai maw.
> Hei alo thleng chiah alawm" Tiin kawngkhar dar lo ri lam chu a thlek
> vat a, chutah nuih sawh zet chung a vanlalpeka en chung chuan "fing
> viau emaw in ti mah la, i tukkhum lamah mit i nei bik der silo" tiin a
> han tho kang ve ta a. Vanlalpeka chu a han din hnaih a, chuveleh Rinpuia
> chu alo inrawlh vat a "sir, inbengdai teh khai" alo ti vat a.
>
> Pawn lam atang chuan tlangval ni ngei tur hi alo lut ta tham tham mai.
> Chutah inspector chuan "awle vanlalpek, nang hian fing takin rem ruat
> mah la" tiin inspector chu a han nui hak a, "ni e, i chet dan a
> nalh khawp mai, chhun khaw en lai ngei a tualthahna chu hriatchhuah a har
> in rinhlelh a har khawp ang le. Tin, i kut hnu a man tha hle bawk a, ruang
> atang a a landanah mi kut tuar a thi ni awm reng in a lang lo, postmortem
> pawh nise tualthahna ani tih chu thil hriat har tak tur ani.
>
> "Mahse maw, In chung a i awm lai mit ngei a lo hmu tu che hi tunge
> anih han hmelhriat ta che" tiin in chhung a lo lut thar pa lam chu a
> han en a. Vanlalpeka chu a Phu zawk mai. "Eng, engtin maw? Mit ngei a
> min hmu tu maw? A han ti a, inspector chuan "niang chu maw le mawl
> lian, chet nalh i tum luat ah leh i inrintawk lutuk na lamah Chiang lutuk a
> man chhuah i ni ta zawk ah ngai mai rawh" tiin thuthleng ah chuan a
> thu nghal a.
>
> Vanlalpeka chu a inpuang ta nge nge a, a thenawmpa pu thiamsanga chu a thah
> ngei ani tih a sawi ta a, hun rei tak chhung atang tawh a a huat em em thin
> leh alo er ruk em em thin an lo ni a, tin thil mak tak mai pakhat a sawi
> lang ta bawk. Chu Chu hmingthankimi hi alo ngaizawn ve thu ani,
>
> chutia a thenawmpa a huat em em maiin nupui naupang leh hmeltha zet mai a
> han nei thei mai te chu itsikna leh huatna in a khat a, chu putar chuan a
> Phu a ti mawlh lo. a nupui chu la khawihchhiatsak a tum nghe nghe alo ni.
> Ni e, hmingthankimi chuan alo duh hauh lo maithei, mahse hun te han inrial
> se, pu thiamsanga thihna te pawh chu han dai se, chumi hunah chuan
> hmingthankimi hi ala len chilh fo dawn ani, a duh emaw a duh lo emaw
> tihluihna hmang pawh a a theih mai chu a ring a, chu thil chu nakin atan a
> alo ruahman alo ni lehzel a.
>
> Vanlalpeka chu 302 IPC hmang a dam chhung lung in tang tur a hrem ani ta a,
> chutia saitual pa lar leh mi challang, a thenawmpa kut tuar a ama chenna in
> ngei a thah anih thu mipui ten an han hriatchian takah chuan mak an tiin a
> thawng hle mai a.
>
> Tunlai thil awmzia leh hun inthlak danglam chho chak ta lutuk mai te,
> mihring te kan lo rapthlak tawh Zia te, pawisak kan lo neih tawh loh zia
> te, itsika leh huatna kan ngah Zia te chu hrilh fak a tling hial ta ve ang.
> Chutih rual a rosum leh nawmsakna um emaw an lo tih, tualthattu ni a
> rinhlelh hmingthankimi leh a pasal inlaichinna diktak erawh chuan mite a va
> barakhaih Chiang si em! Rin loh lamah leh beisei loh lamah pu thiamsanga
> thihna chuan boruak thar a rawn nei chho leh ta si a.
>
> Inspector office ah chuan amah inspector Remruata leh Rinpuia te chuan pu
> thiamsanga thihna case an chhui zawh tak chungchang sawi chuan hun an hmang
> mek a. Rinpuia chuan zawhna tam tak ala nei ani. Khatia vanlalpekan pu
> thiamsanga a that lai ngei mit a hmu an lo awm lehzel bawk a, Khang te kha
> a tan tir khan engvang a rawn in lan nghal mai lo nge anih tak ang?
>
> Inspector chuan chu zawhna chu hetiang hian a han sawifiah ta a, "ni
> e, vanlalpeka kha a tan tir atang reng khan rinhlelhawm khan a khawsa nghal
> pang mai. Rosanga, hmingthankimi te in a a chuangkai alo hmuh thu a sawi
> kha, kha mi lai khan pu thiamsanga a fanu pawh in khawiah nge a kal bo a
> hriat loh chu an in chungah a chho lai alo hmu a, amah vanlalpeka chiah kha
> pu thiamsanga hmu tu awm chhun ani.
>
> "Tichuan pu thiamsanga chu ni lum ai tur anih thu te a sawi anih kha,
> engtin nge pu thiamsanga khan nilum a ai dawn ani tih a hriat ngawt theih?
> Midang zawng kan buai mekna ani a, pu thiamsanga khan enge in chungah khan
> a tih ang? Khatiang khan tum dangah hmun dangah a kal chhuak ngai silo tiin
> zawhna kan in zawt mek ani. mahse vanlalpeka ve thung chuan ni lum ai tur a
> in Chung a a chhoh thu awlsam takin a sawi thei mai bik a.
>
> "Kei ni ngei pawh in pu thiamsanga chu ni lum ai tur a in chung a a
> kal thu kan sawi kan sawi ve ta mai reng anih kha. Mahse vanlalpeka thusawi
> kha Chik tak leh uluk lehzual a ka han belhchian chuan amah vanlalpeka kha
> tual em alo that lo anih pawhin engemaw tak chu a hmu emaw a hre tur ani ka
> ti ta a, Tichuan ni hnih dawn chu amah leh an chhungkua hrim hrim kha ka
> thlithlai ta a, tin, vantlang titi leh mite sawi sep sep karah thil hriat
> duh ka nei ta a,
>
> "ka han thlur bing zel a, Tichuan he pa vanlalpeka, pu thiamsanga zing
> nilum ai tur hmu ni a insawi hi tualthattu ngei niin ka ringhlel zui ta
> ani. Mi thu ka han zawh chian te reng reng mai khan vanlalpeka te chungkua
> leh pu thiamsanga te chhungkua hi enge maw neuh neuh thilah an inngeih
> tehchiam thin lo ni awm tak ani.
>
> "Kohhran hrang te an lo ni lehzel nen. Mahse chutiang a inbe chhe reng
> an ni bik lo ani tih chu khatia pu thiamsanga a thih hma ni hnih liam ta a
> vanlalpeka te in a a va chuan Kai ngam danah khan kan hre thei bawk ani.
>
> "chhungkaw nu ber chu kawm Chian ka tum ta a, ka beisei erawh a sang
> viau lo. Mahse ka beisei loh lam tak leh thil pawimawh em em mai ni ta chu
> ka va hre thei ta hlauh ani. A nu chuan a thih hma ni hnih liam ta a an in
> a alo chuan kai thu te, pu thiamsanga chu tum dang ang lo tak a a hmel a
> ngui thu te, lungngaihna leh rilru lam hahna nasa tak a neih thu te, a
> nupui nen an chungchang a mite sawi sep sep thil in a tih buai ve thin thu
> te, a rilru hahna te sawi a ava in bun ruah ve luam thu te, tin an fapa
> vanlalpeka nen chuan eng eng emaw sawi dun a an in kawm ve luam thu te,
>
> "vanlalpeka chuan a theihtawp a alo fuih ve thu te, thu tha tak tak
> alo hrilh ve thu te, a sawi ta a ni. Chung an titi a an tawngkam hman te
> chu eng te nge anih ala hria em tih chik zawk chuan ka han zawt zel a,
> vanlalpeka nu awmdanah khan a ngaih a tha ta chiah lo ani tih pawh kha ka
> hria ani. Mahse police inspector thu zawh chu han hnial chi ni hek lo le, a
> fapa chuan pu thiamsanga chu hrisel na lam a sawipui nasat thu te a sawi ta
> a, tin khatia zingkar a ni lum ai a in chung lam a rilru han tih thawven te
> kha thil tha tak anih thu a hrilh bawk ani.
>
> "Tichuan pu thiamsanga chu vanlalpeka chuan a bihthla reng thin in ka
> ring, hun remchang kha a zawng reng ang. Chutah le, hun remchang tha tak
> mai chu a hmu fuh ta a, pu thiamsanga khan vanlalpeka thu rawn ang a zing
> boruak thianghlim dawng tur a in chung lam a hun a han hman tak veleh ah
> khan vanlalpeka khan chet ala ta chat ani. Tin hmingthankimi alo ngaihzawn
> thu te pawh kan hriat kha.
>
> Rinpuia chuan "chuan sir, thu hre tu ve thung kha? Mit a lo hmu tu ve
> thung kha le? I hnenah a thil hmuh te a rawn hrilh che em ni? Inspector
> chuan "hei hi chu hman ah tawh khan ka hmang tangkai tawh. Thu hre tu
> lem mai anih kha" alo ti a, Rinpuia chuan phawk fe hian "engtin
> maw sir? alo ti vat a, inspector chuan," keima remruat chawp ve thung
> anih kha. Mahse ka fimkhur thung.
>
> "Kha pa, mit a lo hmu tu khan pu thiamsanga a that lai ngei hmu ang in
> a insawi hauh lo asin. Kha mi tuk zing lam dar 6 leh dar 8 inkar a
> vanlalpeka chu pu thiamsanga te in chung a a awm a hmuh thu a sawi anih
> kha. Khati khan ka sawi tir anih kha. Mahse vanlalpeka inpuan tir na khawp
> atan erawh alo tawk chauh mai.
>
> Rinpuia bawk chuan "Tichuan le sir, hei ve thung hi aw, hmingthankimi
> hi engtin nge pu thiamsanga fanu alo ni reng ani tih kha i hriat chhuah?
> Chuan hmun dangah te i kal bo a,
>
> inspector chuan "imm, kha zawng ka rindan leh zeldin atang a intan an
> ni e. Pu thiamsanga fanu rimawiin an hun hmasa lam a a nu boral hma deuh a
> a nu in pa ber chu mi hur tih te, a ler thu te a sawi thin thu kha ila hria
> em? Nu ber in a pasal a tawngkhum na chhan kha a dik ngei in ka ring ka tih
> kha.
>
> "Mahse nu ber thusawi kha ka bawhzui a tul ani. Tin, thil mak tak dang
> ala awm. Hmingthankimi khan a pasal nen an intawn dan te, an in hmangaih
> thu te, mahse a pasal khan engemaw chang kha chuan nupui treat in a treat
> tlat thin lo ni khan a sawi a, a ni in pasal treat a treat reng lai pawhin
> ngaihzawng neih pawh a phal sak a, a tur hial zawk anih kha. Thil mak ve
> tak chu ani.
>
> "Chu thil chuan he thil hi min ngaihtuah chhuah tir ta ani.
> Hmingthankimi leh a pasal pu tar kha an mu dun ngai em? Eng tiang a zing in
> nge mipat hmeichhiatna an hman thin ang? Kha thil kha ka hriat a ngai ani.
> Chutia putar Kum uai thla lam tawh a han hmangaih a pasal atan hial a a han
> nei duh ta mai kha amah Hmingthankimi ngei pawh khan mak a in ti ngei ang,
>
> "putar chu mak tak maiin a ngaina tlat mai a, kha ngainatna leh
> hmangaihna lo piang kha a ril takzet. A awihawm loh hial zawk anih kha.
> Chhungril atang a inzawmna nghet tak ani ka ngaihdan chuan, thisen zawm pui
> an nih kha ka ringhlel tawh ani. nupa nun chungchang kha chu Thisen in zawm
> an lo ni reng em tih fiah nan a ni. Tichuan ka rinhlelhna ti nghet Turin
> nang khan nupa nun an hman dun ngai loh thu te, an mut dun ngai loh thu te
> kha mi rawn hrilh ta chiah reng a, a Chiang ta ah ka ngai.
>
> "Tichuan pu thiamsanga nunhlui chu ka chhui a tul ta ani. A nupui
> boral ta in a hur a tih te, a ler a tih te kha thudik anih ngai chuan pu
> thiamsanga hian hmeichhe dang alo tawm pui ve tawh ngei a rinna ka nei a,
> chu nu, hmeichhe dang chu tunge anih tak ang? Ka chhui zui a tul ta ani. A
> ni hnen atang chuan thudik hailan a ni dawn ani.
>
> "Tichuan hmingthankimi chu a nunhlui te ka chhui leh ta a, a bialpa
> hmar veng a mi Jeremya kha ka va kawm Chiang leh a, ani hnen atang khan
> hmingthankimi chungchang a ka hriat duh ang te ka hriat theih ka inbeisei
> a, hmingthankimi hi saitual khua anilo a, thingtlang hmun dang daih Ami ani
> tih kan hriat kha.
>
> "hmingthankimi te khua chu alo dik reng em tih te ka zawt a, Jeremya
> pawh chuan a dik thu te, an lehkha zirna atang a an intawn dan te,
> hmingthankimi chu pa nei tawh lo. A nu ngei pawh a awmna chin hrechiang lo
> anih thu te, A Chen pui te pawh chu a pa chhungte lam nge a nu chhung te
> lam zawk an nih tih pawh a hriat chian loh thu te min hrilh ta a,
>
> "chutah kei chuan hmingthankimi te khua chu va chuangkai ringawt mah
> ila a la tawp mai dawn lo tih ka hre ta ani. Tlem chuan kawng a la kual leh
> deuh ngeiin ka ring, a chhan chu hmingthankimi hring tu nu ngei hi hmuh ka
> duh tlat si a.
>
> "Tichuan hmingthankimi te khua lam pan chuan ka thangchhuak ta a, ka
> rin ang ngei in a chhungte ka va hmuh chuan an nau hmingthankimi chu lehkha
> zir a hmun dangah a awm bo thu te, pa a neih tawh loh thu te, a tet te
> atang a an hnenah a awm thu te min lo hrilh a, kei chuan an nau chuan tunah
> pasal a neih tawh thu te ka han hrilh a, mahse an ni pawh chuan an lo hre
> daih tawh a, mahse a pasal thih thute, harsatna a tawh mek thu te erawh
> engmah an lo la hre ve hauh lo thung.
>
> "Tichuan hmingthankimi nu chanchin te chu ka zawt ta zel a,
> hmingthankimi nu awmna hmun chu min hrilh ta a, hmingthankimi awm pui tu an
> mahni chu hmingthankimi nu pi vanlalchawii chhung khat te an nih thu ka hre
> ta zel ani.
>
> "Pi vanlalchawii chu ka zawngchhuak leh ta a, a Kum alo upa tawh nek
> mai. Kei ngei pawh hian ka awih lo lek lek ani. Kum 40 ralkai tawh in Kum
> 50 ralkai tawh fa a han pai leh chu mak ka ti ani. Hmingthankimi nu chuan
> thil awmzia engkim min hrilh ta anih chu, Khang zawng zawng kha i hriat vek
> tawh kha" inspector chuan a ti ta a.
>
> Alo mak ngawt mai hringnun hi. Mi nun kan va hriatthiam pui loh leh kan va
> hmuh tum dan nilo te avang hian keimah ni thlirna tlang atang hian ngaihdan
> khermei tak kan lo siam ve mai thin a, kan ngaihdan leh kan thil hmuh dan
> khermei tak avang chuan mi nun a chhiat phah fo a, mi nun kan ti ralmuang
> lova, nun nuam lo leh hreawm tiin kan siam fo mai.
>
> Harsatna kan han tawk ve a, mi te hriat thiam phut ber berah kan tang leh
> lawi a, hei hi ani hringnun chu, kan landan leh pawn lam thil hi chuan mite
> lung alo dum tehchiam lo pawh ani ngei ang. Mahse hetah chhungril lam a
> dikna leh thatna te hi a tawpah a mawi ber chu ani leh fo thin.
>
> Pu thiamsanga leh hmingthankimi te awmdan te, nupa ang a an han awm te,
> rosum it vang a putar pui tawh pasal ang a nei ni a a landan te, heng zawng
> zawng hi a langsar chin ah chuan thil mawi lo leh tenawm tak niin a lang
> ani, mahse chhungril lam a mite hriatpui ve loh awm erawh chuan a fanu chu
> ngaih melhna tel miah lo leh khaw lo tak a suangtuahna tel lo vin hmangaih
> takin a pawm tir thei tlat a. Tin, vanlalpeka, mi mit hmuh ah leh a mawi
> chin a mi pangngai tak ni a lang leh thenawm hnai vai mai ni si kha
> chhungril lamah erawh suahsual chakna leh bawlhhlawhna chakna a khat alo ni
> reng si a.
>
> Mihring nunah hian hmangaihna hi a pawimawh hle a, hmangaihna chuan
> hringnun hi a ti nuam a, a ti mawi a, beiseina te min pe a, phurna te,
> thathona te, kan nunah hian a thalam zawng a hmasawn Turin chakna min pe
> thin ani. A lehlamah ve thung chuan chu hmangaihna chu a kalkawng a fuh loh
> laklawh tawh chuan damlai hremhmun ang chauh ani tawh thung a, vanduaina
> pakhat ve ang lek chauh ani tawh thin. Hmangaih kan neih ve te chu a thiang
> lo a, vanduaina pakhat ang lek an ni. Mi in min hmangaih ve te chu a rem lo
> a, anchhia ang chauh an ni zel tawh thin si a.


Detective story hi ka chhiar chhuak vek ngaihnawm ka ti vek, tawp mai lovin zantin kan duh.