ZOSANGZUALA BY Becca Lnz (Completed)

[Rebec Nunziri]

Last Chapter



Zorinsangi POV



"I tha em?" ka nu chu ka hmai zawn ah a rawn phun sap a, ka khaw hmuh a la fiah lo ruai mai, ka thu chhuak tur chu min lo pui vat a, ka chal chu ka khawih a, an tuam tih ka hre nghal mai bawk, ka thil hmuh te a fiah deuh tak hnu chuan damdawi inah ka awm tih ka in hre ve chiah, ka chhungte leh ka thiante an lo awm thap a, an mitmeng chu ah chuan thil ṭhalo tak a thleng tih ka hre nghal mai bawk, ka mit chu chhing vang vang in thil thleng te chu ka ngaihtuah let a.




"Nu.. enge thleng?" ka la bo deuh hu tho, motor khan min rawn sut ngei a tum in ka hria a, mahse min sut hman hma khan tu in emaw min rawn pawt sawn kha a nia, "Bawihi, hahdam phawt rawh, doctor in hahdam i mamawh thu a sawi a nia" ka pa in a lo tih chuan lu ka thing a, "Ih.. tunge min rawn chhan tu kha, enge a an?" ka ti leh a, a chungah thil ṭhalo tak a thleng angem tih ringawt chu ka ngaihtuah a, ti chiah nge a nih tih lah ka hre silo.




"Nangmah ni hian min han hrilh teh u, tunge min rawn chhan tu kha?" ka nu te an ngaih reng vang chuan ka thiante en chungin ka ti leh a, mahse an ni pawh chuan chhan na min pe chuang lo, "Eng chiah nge thleng ka tih chu, tunge min rawn chhan tu kha, chuan tunge motor khalh tu kha?" ka ti ta that a, ka nu chuan ka kut a rawn vuan vat, "Bawihi, Zosanga khan a rawn chhan na lamah che motor khan a su a, tunah an zai mek, a ṭhalo viau a ni awm e" ka zawi nghal vek.




"Tunge motor khalh tu kha?" ka ti leh sap a, "Remsangi" Chhani'n a tih chuan ka en nghal vat, engtinge a tih theih, a ni te chu mental hospital ah a awm a nilawm ni, "Mahse a ni chu" mak ka ti lutuk a ka aw pawh a chhuak tha theilo hial, "A tlan chhuak a, an zawn lai mek in khatiang thil kha a thleng ta a ni" Mary'n a lo ti ve sap a, ka in hum ruh nghal vak, "Tunah Prof. Sangzuala bulah ka kal duh" ka ti leh a, khim atang ka tho chhuak tur chu ka nu in min lo dang vat.




"I lu i sawh na kha a na bawk nen doctor ten awm hahdam rih turin an ti che a, Zosanga pawh an zai mek, mu hahdam leh phawt la nakin ah in hmu zawk dawn nia" a tih chuan ka lo hnial vat, "Nilo, ka tha vek tawh, Prof. Sangzuala'n min chhan lo se hetiang thil hi a chungah a thleng lovang, mu min dang suh, tunah Prof. Sangzuala chu enge a an la hre duh" ngen ngawl zet chuan ka nu chu ka en a, "Ni e, rilru nuam in a awm dawn chuang lo, ti rawh u, an zai mek a, pawn lamah kan va nghak ve dawn nia" ka pa in a tih takah chuan ka thiante chuan min rawn kai vat a.




"Remsangi chu police in an la nghal a nihkha, a tan chuan tal chhuah ngaihna a awm tawh hauh lovang, rilru buai ti eng ang mahse midang tan a hlauhawm zia an hrechiang tawh bawk a, a phu tawk hrem na chu a pum pelh tawh hauh lovang" Chhani chuan a ti sap sap a, "Prof. Sangzuala khan rawn pawt sawn hman lo che nise chuan hei aia thil ṭhalo hi a thleng ngei ang" Mary'n a lo ti ve thung, chuchu ka ngaih dan chuan a ni bawk.




Prof. Sangzuala an zai na room pawn lamah chuan ka nu leh pa te an lo thu a, Ramnghaka te nupa an tel ve bawk, ka nu in min hmuh chuan min rawn pan vat a, "Enge i an, i lu chu a na viau em?" min ngaihtuah hmel zetin min zawt a, "Ka thaa" ka ti sep, an chungah hian ka in thiamlo takzet a ni, keimah vangin an fapa duhlai in thih sual in a awm mek a ni si a, ka nu hmel chu ka en a, a mitmeng ah chuan a hlauhthawn zia ka hmuh chian sak viau.




"Prof. Sangzuala chu enge a an?" ka tih chuan a meng hnuai nghal rawih rawih a, "An la zai mek, Doctor khan Engpawh tawk turin lo in ruahman rawh u min ti a, a hliam kha a thuk hlawm bawk nen thisen a hloh tam hman lutuk a" a tih chuan ka pai deuh nawk a, ka thiante chuan min lo dawm bet vat, "Keimah vang vek a ni" tiin ka mittui chu a thla a, "Nilo e, khatiang zawng jvan ngaihtuah reng reng suh, kan fapa hian s hmangaih zia che kan hria alawm, a tih tur reng a ti zawk a ni" Prof. Sangzuala pa chuan a lo ti ve charh a.




"Ni e, in thiam loh na tur i nei miah lo a nia,, kan fapa hi mipa chak leh chhel tak a ni a, a dam chhuak em em ang tih ka ting tlat a ni, nang leh a fanu te hi a kalsan phal hauh lovang che u" Prof. Sangzuala nu chuan a lo ti ve sap a, an thusawi te chuan min hnem thei chuang lo, Prof. Sangzuala hian min kalsan ta se engtinge ka awm ang, nilo min kalsan theilo ang, hreawm takin nun a hmang a, hetiang ngawt chuan he khawvel hi a chhuah san theilo ang.




Thutthleng ah chuan thu in Prof. Sangzuala an zai zawh hun tur chu kan lo nghal thap a, an zai rei tawh bawk nen ka ngaih chu a tha tawh lo takzet, darkar khat dawn kan nghah leh hnuah Doctor leh nurse te chu an rawn chhuak a, "Doctor kan fapa chu enge a an?" Prof. Sangzuala pa chuan a lo ti vat a, "A dinhmun hi sawi chian a harsa khawp mai, a nak ruk hmun thum a tliak a, a lu a sawh na hi a thuk bawk nen, a mal ding lam ruh hi a khi bawk a, engpawh nise hlauthawng lo ula, engkim ti thei Pathian a awm tih in hre reng dawn nia" Doctor chuan a ti a.




"A rawn harh chhuak leh vat ang tiraw?" ka lo tih chuan a thaw hawk a, "Tlang takin ka sawi anga a rawn harh chhuah na chance hi a sang lo hle a ni, a rawn harh chhuak a nih chuan thil mak tak a ni ang, ka sawi tawh ang khan Pathian kan nei a, mihring ten theih loh anga kan ngaih pawh a ni chuan a ti thei tih in hre reng dawn nia, tawngtai thlah thlam lo ula, keini pawn kan theihtawp kan chhuah zel bawk ang" a ti leh a, male nurse te chuan Prof. Sangzuala chu an rawn nawr chhuak a, ka hnaih nghal vat.




"Professor lo harh leh vat rawh aw, ka tihpalh lutuk, keimah vang vek a ni" tiin a hmai chu ka khawih a, a hmel dang vek te chu hmuh a hreawm takzet a ni, cabin ah chuan an dah lut a, bawr huk kha a that an rin loh avangin keichu lut turin min ti a, hnial pawh ka tum lo, Prof. Sangzuala awmna room ah chuan ka lut a, khum a a lo mu bam ka hmuh chuan ka chhungril chu a rum vawng vawng mai, ka pan hnai a, ka mittui chu a tling leh pam tawh bawk.




"Professor lo harh leh ngei ngei rawh aw, i tello chuan kan awm theilo a nia, i hria tiraw, kei leh kan fanu te hian kan la mamawh che, chuvang chuan i lo harh leh ngei ngei a ngai a nia, ka tihpalh, keimah vangin hetiang hian i awm a, ka thu ka duh lutuk na lamah hreawm takin kan awm a, i hila rawn let leh tura min duh ngawih ngawih laiin ka hawi san che a, i lo harh hunah nang, kei leh kan fanu te nen i duh ang ngeiin kan awm ho leh dawn a nia, i lo harh leh ngei ngei a ngai a nihchu" tiin ka be sap sap a, ka mittui a tla pah reng bawk.




"Pawn lamah kan chhungte an awm a, an hmu ve duh ang che ka va chhuak phawt anga, ka lo kal leh vat ang, ka thusawi hi i hre theilo tih ka hria, mahse min kalsan suh ang che, ka hmangaih che" tiin a chal ah ka fawp zeuh a, room atang chuan muangchang inka chhuak a, kawngka hawn na ka vuan chiah tih chuan ka hawi let a, nidang kha chu nise kal lo turin min ti ngei awm si a, tunah lah a aw tak ngial pawh hriat tur a awm silo.




Room atang ka chhuak a, Prof. Sangzuala nu leh pa te an lut ve thung, ka lu chu a hai deuh muai muai a, mit ka chhing leh vang vang thin mahse awmzia a awm lo, a hnuah phei chuan ka lut chu a na ut ut tawh a, "Bawihi i tha em?" ka nu aw chu ka hre vuat vuat ringawt, "Doctor lo va ko rawh u, khum ah ka lo va mut ange.." U Ramnghaka chuan a ti a, ka kang nghal nawlh tih chu ka hria, a tawng tawp lam phei chu engmah hriat ka nei tawh lo.




Ka harh leh chuan ka thiante chu an lo la awm a, "Khawiah nge ka nu leh pa te kha an awm?" ka ti sap a, "In lamah mamawh la turin an kal a nih kha, chuan Bawihtei an lo hruai nghal bawk dawn a, I u te pawh an lo thleng tep ang" Puipuii chuan a lo ti vat a, "Prof. Sangzuala enge a an, a harh chhuak tawh em?" tiin beisei nei zet chuan ka thiante chu ka melh kual a, a tu a mah in min chhan loh atang chuan a la ngai reng tih ka hrethiam nghal mai.




"Lo chhuak miah lo ni ila khatiang thil kha a thleng awm der silo a, keimah vang vek a ni, Prof. Sangzuala nen hian lo in tawng miah lo tur zawk kan ni, a tan chuan a vanduai ma ka ni ringawt" ka tih chuan ka thiante chuan min lo khap vat a, "Nangni pahnih hi awm dun tura ruat zawk alawm in nih, han ngaihtuah teh, in awm hran lai khan in hlim lo ve ve, chuchu keini ngei ai pawh in i hrechiang zawk, mahse harsat na neuh neuh in tawk ve reng bawk nen in awm hran kha a tul ta mai chauh a ni" Mary'n a lo ti vat a.




"Prof. Sangzuala hi harh chhuak tawh lo ta se engtinge ka awm ang, engtinge kan nufa hian kan awm ang?" hmuk ulh teuh in ka ti leh a, Feli chuan min rawn kuah vat, "Hlauthawng suh, engkim a tha leh em em ang, Prof. Sangzuala hian heti mai hian a kalsan phal lovang che u, nang leh a fanu te hi a hmangaih lutuk cheu, chuvang chuan a natna te hi a tuar chhuak em em ang, chu hi ka ring tlat a ni, a pawimawh ber chu nangmah hi i ni, chak taka i awm a ngai" A ti sap sap bawk.




Ka u te nupa an rawn thlen takah chuan ka thiante pawh chu haw turin an chhuak a, "Mate" tiin ka u chuan ka kut a rawn vuan a, "U, Prof. Sangzuala hi a tha leh ang tiraw?" ka ti sap a, "Tehreng mai a tha leh em em ang, kan tawngtai anga, tawngtai na chhang thik Pathian kan nei alawm, hlauthawng reng reng suh" a tih chuan tlem in ka hlauhthawn na te pawh a zia ve deuh, hetiang thil hi a thleng dawn tih hre lawk ni ngat ila chuan Prof. Sangzuala bulah ka awm tlat tur.




Keimah leh keimah in dem na chuan ka khat a, a thiltih te avang khan inchhir em em in a awm a, ngaihdam min dil in a hnenah let leh tura min ngen lawm lawm chung pawh khan keichuan ka lo hnial a, a tello a hlim zawk tur anga ka in ngaih vang a ni pakhat, mahse a tello a ka hlim tak tak theih loh zia ka hriat chian meuh chuan thil pawi tak a lo thleng tawh si, engvanga mahni hma sial em em nge ka nih le, tinge a hnen let tura min ngen lawm lawm lai khan ka lo pawm mai loh.




"Mate ka sawi tawh ang khan Pathian hnen a in nghah hi thil tha ber a ni tih i hriat kha aw, beidawng reng reng suh, U Sangzuala chu a tha leh em em ang, nangpawh chak taka i awm a ngai, in chung a hetiang ti tu hi a phu tawk hrem na i pek ngei a ngai a nia, kha hmeichhia khan a phu tawk hrem na a hmuh hma chu i beidawng tur s nilo, tunah chuan U Sangzuala ai i awh a ngai bawk a, in fanu tan nu leh pa i nih kawp a ngai rih tih i hriat bawk a ngai, chuvang chuan chak takin i awm dawn nia, ka nau i ni a, ka ring tawk bawk che" ka u chuan a ti leh nghat a.




Ka bu nghat nghat a, chak taka ka awm a ngai, Lalremsangi khan a phu tawk hrem na chu a hmu ngei ang, awlsam te in a chhuak mai mai tawh lo bawk ang, a hmaa a thiltih tawh te pawh kha a rapthlak tawh tehlul nen in chhir a hnek in hetiang hian a la che duh a nia, theih nise khai hlum hial se ka ti, ka rilru a chhia pawh in ti maithei, mahse a tuar tu nih chuan hetiang thil rapthlak ngaihtuah hi thil har a lo ni miah lo, a chungah engmah tih sual kan neilo chung a kan chhiat na lai ngawt duh mihring an lo awm hi chuan an laka rilru tha put pawh thil harsa tak a ni.




Nihnih zet damdawi inah chuan ka awm a, ka room ah pawh awm lovin Prof. Sangzuala room ah ka awm tam zawk, ka tha viau tawh a, ka lu erawh tuam a la ngai thung, damdawi in atang vawin ah ka chhuak tawh dawn a, chet lak nghal zung zung ka tum bawk, Lalremsangi hi rei tak ka ngawih liam pui mai mai thei tawh tlat lo, a rei zel chuan a case hi a zu zi mai ang tih ka hlau, chuvang chuan a rang lama hma lak ngei ka duh, ka thawmhnaw te chu ka u in min pack fel sak vek tawh a, damdawi in kan chhuah san hma chuan keimah in Prof. Sangzuala room ah kal ka duh thu ka sawi a, ka chhungte pawn an lo rem ti khawp mai.




"Hey, vawinah ka chhuak tawh dawn a, nangpawh rawn harh ve vat rawh aw, Lalremsangi hian hrem na a hmuh vat vat theih na turin tan ka la dawn a, kan chunga a thil tih tawh zo zai te avang khan ka chhuah mai mai tawh lovang, a hma khan chhuanlam siam in midang a bum tawh a, khatiang thil kha a thlen ka phal tawh lo, a damchhung a hreawm a tawrh theih nan leh jail a hun a hman reng theih na turin ka bei dawn a ni, chutih hunah chuan kan chhungkua in hlim takin kan awm leh thei ang, i rawn harh chhuah vat vat a ngai a nih chu" tiin ka nuih seih a, a kut chu ka in ka biang ah chuan ka nawr a.




"A nih ka kal phawt ang aw, in lamah kan fanu in min lo nghak bawk sia, a ngai tawh lutuk che a nia, nangpawh rawn harh chhuak ve vat vat rawh, chuti lo chu pa dang ka zawn sak daih ang" tiin ka nui leh a, ka chhuah hma chuan a hmui ah ka fawp leh zeuh, in kan thleng a, Bawihte chuan min hmu chu a hlim hmel hle, a kut te tak te chuan min lo ban ve tawk tawk a, ka lo pawm nghal vat, "Ka naute hian min lo va ngai tawh awm ve" tiin a biang ah chuan ka fawh sak nawk nawk a, hlim zetin a lo nui ve ar ar mai.




"Naktip hi Feli pasal neih ni a ni tawh a, i kal thei angem?" Ka nu in a tih chuan ka bu nghat a, "Kal ang, ka thiannu a nia, ka kal loh chuan ka in thiam lo viau ang, ka tha tawh lutuk tho a" ka ti a, an pawm hmel khawp mai, chaw te chu kan ei a, "Pa zaninah hian damdawi inah kan nufa a kal kan duh a" ka tih chuan "Zanah chuan damlo in kan hi an rem ti si lova, naktuk ah kal mai ula" a tih chuan ka thaw hap a, "Bawihtei hian a pa a hmu ve chak tawh awm sia, zanin a kal hi ka rilru ah a lang tlat" ka tih chuan S ngawi deuh vung chung phawt a.




"A tha alawm, Thanga ka lo be dawn a nia" a tih chuan ka lawm ngei mai, ka pa thianpa hi doctor a ni a, a biak chuan kan lut thei mai in ka ring, rei awm pawh a ngai lo, Bawihtei hian a pa hmu ve hrim hrim se ka duh vang a ni, zanah chuan damdawi ina kal turin kaa nufa chuan kan in siam a, ka u te nupa in min kalpui dawn a ni, ka pa khan a thianpa chu a be fel diam tawh bawk a, engmah buai na tur a awm lo, in atang kan chhuah chuan dar 7 a la ri lo deuh, tlai lutuk a kal pawh kha thil tha ber a ni tlat lo, bakah Bawihtei hi a mut a chhuak leh vat awm si a.




Prof. Sangzuala room ah chuan ka fanu nen kan lut a, ka u te nupa erawh pawn lamah U Ramnghaka te nen an in kawm ho thung, U ramnghak hian a riah pui deuh chawt a, chhun lamah thung chuan ka nu leh pa te an rawn la thin, "Enge i an, i lo tha maw, hei kan fanu ka rawn hria a nia, a ngai tawh te mai che a nia aw, i ngai ve em?" Tiin Bawihtei chu ka mal chung ah ka din tir a, a su lauh lauh mai, a pa chu a en a, naute tawng in a khel ve raih raih a, a pa chu a ban that that bawk.




"Bawihte apa khan na na a ti a, bawh lutuk loh tur aw" tiin Bawihtei a pa khum a lawn a tum chu ka pawm tna a, a leng bat bat mai, "Awm tha rawh le, chuti lo chu doctor ten an hau dawn che a nia" ka thusawi awmzia hrelo mahse ka be fo a, a pa chu a lo ngai ve tawh hle a ni ngei ang thu a awih duh hauh lo, a pa chu a ban that that reng a, a pa lah chuan midang ang lo takin chhawn chhuah turin a harh silo a, chute chuan ka rilru a ti na takzet, "Apa kha na na a ti alawm, khatianga i awm te chuan apa kha a na zual dawn a sin" tiin ka fanu chu puak mai ka tum a, a lo duh lo nasa.




"Ka pua ang che aw, i kut a chhuak tawh a nih ka ring" tiin ka paw lui a, mahse a tal pit nghal zel, chutah ring fahran hian a rawn tap ta chiam a, na a nei emaw ka ti hial, "Ka fanu na i nei em ni?" Tiin mangang zetin ka en a, ka u te pawh chu Bawihtei tap thawm ah an rawn tlan lut a, "Ngatinge a kan naute chu" tiin ka u chuan Bawihtei chu a rawn la a, "A pa khumah hian lawn a tum a, ka phal silo kha a tap a" ka ti hap a, "A pa a ngai ve a nihkha, pawn lamah ka lo va awi ang, a mit a chhuak tawh pawh a ni maithei" ka chhang lo, ka u in Bawihtei a pawn chhuak lai chu ka en reng a, kawngka ah an chhuah dawn thleng chuan a pa chu a la melh ve tawk tawk na chuan ka thin hi a chhun ngawt ngawt a.




"I lo hmu em, i fanu in a ngaih zia che kha, Professor lo harh vat rawh aw, kan mamawh che, kan ngai che, i fanu khan pa a la mamawh dawn chauh tih i hriat chian kha, khawngaih in bei hram hram rawh aw, i lo harh vat loh chuan kan fanu tan pa dang ka zawn sak dawn a nia, chuchu i duh lo a nih chuan i rawn harh vat a ngai a nia" tiin a kut chu ka vuan a, ka hnuk ulh puak chhuah hlau in sum nasa lutuk chu ka chhungril a tawt up up thei hial.




"I bula let tura min ngen mawlh mawlh lai khan lo in duh khum lovin i bulah lo let ni ila chuan hetiang thil hi a thleng awm silo a, engkim hi keimah vang vek a ni, i lo harh chhuah hunah min dem in ka lakah thinrim pawh nila ka dem hauh lovang che" ka ti leh sap sap a, "Naktuk ah ka lo kal leh ang aw, awm rei hman kan ni silo a, Bawihtei pawh kha a mut a chhuak tawh ang, naktuk lamah chuan thu thar lawmawm tak kan hriat ngei ka beisei a nia" he thil hi nitin ka sawi ziah, mahse beisei na beidawn thlak mai a ni leh thin, chuti chung chuan sawi ka thulh phah ngailo, ka tawng pawh hi a hriat theih loh thu doctor in a sawi tawh a nihkha, mahse biak ka thulh phah chuang lo.




A tuk lamah chuan damdawi in a ka kal hma in lawyer ka hmu hmasa phawt a, a chhan pawh trail hun tur a hma thei ang bera neih ka duh vang a ni, khami ni accident kan tawh ni la la khan Lalremsangi pawh an man nghal a, tunah jail ah a awm mek bawk, trail neih hmaa hmuh hmasak ngei ka tum nghet bur bawk, chupawh vawinah ngei, in atang ka chhuak hma bawk a, dar 11 a la ri lo, keimah chauh a kal ai ah tiin lawyer nen chuan kan kal a, a fel in Mizoram ah chuan lawyer tha ber tia an sawi hial kha a ni a, a chungah ka in nghat thuk hle bawk.




Jail ah chuan kan kal a, Lalremsangi kan hmuh duh thu te chu ka lawyer rawih Pu Sanga chuan a sawi a, police te pawn an zah em em a, buai na em em nei lovin kan hmuh theih thu an lo sawi a, ka lawm takzet, thut naah chuan kan lo thu ran a, Lalremsangi chu police hmeichhe pakhat hian a rawn kai phei a, a hmai chu a duk thluah mai, ka thianten an sawi tawh tak kha, khami ni khan a motor kha tlan tlang lovin a ti ding a, ka thianten an khawih ve hlak thu an sawi kha a nia, pawi ka tilo khawp mai.




"Engvanga min hmu duh nge i nih?" Ka hma zawn a rawn thut thlak pah chuan zam lo takin a rawn ti a, ka thinrim na chu thup hram hram tumin ka in hum ruh hle, hetah hian buai na siam tura kal ka ni miau lo, "I thiltih sual man hrem na i hmuh hmaa hmuh che ka duh mawle, inchhir ka chhete tal i nei ve em, nangmah vangin Prof. Sangzuala thih sual in a awm mek a, chuvang chuan in thiam lohna i nei em tih hriat ka duh vangin ka rawn kal a ni" ka tih chuan a nui deuh sak a, a hmai a beng sawk lo turin ka in sum hram hram, hetiang em em a hmeichhe rapthlak leh pawisak neilo hi ka damchhung zawng hian ka la hre ngailo.




"A tirah kha chuan ka in thiamlo ngei alawm, mahse tunah chuan in thiam loh na tur ka nei tawh lo, a chhan chu Prof. Sangzuala khan kei ni lovin nangmah char char alawm a thlan thin che ni, keite chu enga tan mah min tilo, hreawm takin awm dawn mahila pawi tihna a neilo, chu ai chuan tikhan in pahnih pawh in in hlim dun thei ngai dawn lo tih ka hriat khan ka duh tawk viau, khami ni khan nangmah hi thah che ka tum kha a nia, mahse khawi atangin nge a rawn lan ni, mipa mawl tak a ni" tiin a nui hak a.




"Ngawi hmak rawh" ka tih that chuan min tham loh hmel zetin a nui leh a, "Kha mipa kha ka hmangaih a sin, keihi min thlang nise hetiang em em hi ka tih a ngailo tur, a bul pui ber chu nangmah hi i ni, nanghi rawn in rawlh lo nila tunah hian Prof. Sangzuala nen chhungkaw hlim tak kan din dun tawh ngei ang" tiin nichin a nui hmel kha bo hmak in thinrim hmel zetin min rawn en a, "Nilo e, keihi awm lo pawh ni ila, Prof. Sangzuala hian nang ang hmeichhe rapthlak lutuk hi chu a thlang ngai lovang che, a ni mai nilo khawvel a mipa awm zawng zawng hian an thiang ngai lovang che" ka ti ve ta sak a.




"Ngawi hmak rawh, nanghi ka la that khawp ang che, hrem na hi ka hmuh tak tak i ring em ni, teuh lo mai, tal chhuah dan tur ka la dap tho ang, i hriat kha, a hma pawn khatiang thil kha a thleng tawh a, a thleng nawn leh lovang tih a sawi theih loh, mi zawng zawng hmaah rilru buai angin ka awm leh anga, hah.. khang mi mawl in ti fing si te khan an awih leh vek dawn tih ka hre bawk, jail ah chuan ka awm hauh lovang" a ti vin hlar a, ka lo nui sak, "Kan la hria ang chu, i duh angin thil a thleng chiah angem tih chu, misual te hi hrem lovin an chhuak mai mai ngailo a nia, nang ngat phei hi chu jail mai nilo mihring pangai bula awm chi i nilo" ka ti a.




"Chuan thil pakhat leh, i chhungten an tui thlar che tih ka lo hria a, chutiang a nih si chuan engtin nge nangmah chhan ti tir lawyer pawh i rawih tak ang, nang chhungte pawh nei tawh lo hian" tiin hmusit zet chuan ka tawng khum a, a hmaa trail kan neih ni ah khan a chhungte pawh an rawn in lan a, kan lakah an in thiamlo hle nghe nghe, tunah hetiang thil rapthlak hi a ti leh a ni a, a chhungte chuan an hawi san ta vek, he hmeichhia hian neih engmah a nei tawh lo, a chhungte lah in an mi hran hmak tawh mai bawk si a, mahse a chan tawk chiah a hmu a ni, hetiang hmeichhe rapthlak hi tumah hian an fanu, an farnu angah an pawm ngai lovang.




"Ka that dawn che, hre rawh ka la that khawp ang che" tia min rawn ban mai a tum chu hmeichhe police pakhat chu rawn kal thuai in Lalremsangi chu a rawn man a, a phih deuh nawk bawk, "Kan kal dawn em niang, hun kan khawh ral tam tawh mah mah a ni" tiin Pu Sanga chu ka en a, "Hmeichhe naupang tak hma hun eng tak nei i nih laiin hetiang hian i che ta si a, i damchhung zawng in hreawm takin i awm phah dawn a nih hi" Lalremsangi en pahin Pu Sanga chuan a ti ve sup a, a mitmeng ah chuan Lalremsangi chu rapthlak a tih ve hmel khawp mai, chutiang bawk in amah man bet tu hmeichhe police pawh in.




"Enge tih sual ka neih vak, ka mipa hmangaih nei turin khatiang thil kha ka ti a nimai, thil sual ka tih awm ka hrelo e, engmah ka ti sual lo, ka hmangaih ka neih theih nana ka thiltih ah khan inchhir na ka neih loh ang bawk in thil sual a nih na ka hrelo" Lalremsangi bawk chuan a ti leh tuar tuar a, "Hmangaih an nilo in atchilh na leh huam hap lutuk vang a ni zawk, Prof. Sangzuala hi i hmangaih lo, hmangaih nila a hlim na tur i duhsak zawk ngei ang" ka tih chuan "Tu mihring in nge an hmangaih tak te midang nen a hmin taka an awm dun lai hmu thei ang, nangpawh hian i thei lovang, hetiang thil hi tawng ve chiah nila chuan ka thiltih ang hi i ti ve tho ang, tha leh fel ber ang khan awm suh" a ti leh that a.




"Nilo i ring diklo, keichuan Prof. Sangzuala hi a hlim na tur a nih phawt chuan hmeichhe dang hnenah ka kalsan thei, a chhan chu ka hmangaih vangin, ni e hreawm ka ti dawn ngei alawm, mahse keimah ai chuan ka hmangaih kha a hlim na tur ka duhsak miau avangin, Prof. Sangzuala hi hmangaih nila a hlimna tur chu i duhsak ngei ang, mahse chutiang chuan i tilo, a chhan chu Prof. Sangzuala hi i hmangaih miau lo alawm, i hmangaih na sawi hi hmangaih na ni lovin at na a nih miau avangin khatiang thil rapthlak kha i tih a nihkha" ka ti ve leh ta fak a, "Kal tawh ang, a rak rak in lo tak rawh se" ti leh hmak in kawngka lam chu ka pan a, tawngkam chhe tinreng chuan min la au zui lawm lawm a, engah mah ka ngai duh tawh lo.




"I lo record em?" Pawn lama kan chhuah fel rual chuan ka ti sap a, a bu nghat, ka nui sak a, tunah chuan tal chhuah ngaihna a awm tawh hauh lovang, rilru buai ang maia a awm leh ka rin vang khan nichin a a tawng zawng zawng kha kan record a, eng ang pawn trick hai mahse a tal chhuak mai mai tawh hauh lovang, damdawi in lam pan chuan ka in khalh chhuak a, Pu Sanga pawh a office lamah a let lehnghal, Prof. Sangzuala room a ka luh chuan Prof. Sangzuala nu chu a lo awm a,in hmuh ve leh a rawn tho chhuak vat.




A hlim hmel hle bawk, "Nichin khan Mama hian a kut a rawn ti che a sin" a tih chuan Professor chu ka en vat a, "Doctor in enge a sawi?" Ka lo ti vat a, beisei na ka nei sang hman viau, "Thil pangai a ti a, khatiang kha chu a thleng fo thin a ti a, mahse a kut a rawn ti che hrim hrim kha thil lawmawm tak a ni, ngaih pawh a tha deuh alawm" a tih chuan ka lo pawm viau, "Nu i duh chuan va hahchawl rih rawh, nitin damdawi inah i awm thin bawk sia, vawin chu ka lo awmpui ang" ka tih chuan min hnial deuh a, mahse ka tih luih tak tlat ah chuan haw zai a rel ve ta hram a, ka nu chhuah hnuah chuan khim sir ah ka thu a, Professor kut chu ka hmeh sak nghal zat bawk.




"Vawin chu ka hru fai ang che aw, i kuttin te hi ka tan dawn a nia" tiin bathroom ah ka lut a, tui chu dawh in ka khai chhuak a, towel ka ken chuan Professor kut chu ka hru a, "I in tifai peih thin sia, hetianga awm reng hi hreawm I ti tih ka hria alawm, rawn harh vat la i khabe hmul te kha ziah a ngai leh tawh a nia, khatiang kha chuan vai flim a Misualpa ang mai alawm i nih, kan fanu pawn a hlau tawh hial maithei che a nia" tiin keimah leh keimah chu ka nui a, ka bulah awm reng mahse ka ngai takzet a ni, a aw ri ka hte chak a, Naute tia min ko ti kha ka thil hriat chak ber a ni.




"Naktuk hi Feli te in neih ni kha a nia, Bawihtei nen kan kal ve a ngai dawn a, Feli'n rawn kal ve turin a duh tehreng che nen nang lah chu i la muhil char char bawk sia, i rawn harh hunah pawh i laka a lungawi loh pawn i thinrim thei miah lovang, i muhil rei tawh em a, kan zavai hian kan ngai tawh che a nia" ka ti leh sep sep a, ka hrilh zawh hnu chuan a kuttin te ka tan sak leh a, a khabe hmul vel erawh ziah a remchan loh em avang chuan a ngai ngai in a la awm thung, khaw thim dawn ah U Ramnghaka a a rawn lang ta hlawl a, haw mai lovin keipawh chu ka thu ve reng bawk.




"A hmaa i thusawi kha lo awih in Prof. Sangzuala hnenah hian let ni ka hetiang thil hi a thleng kher awm silo a, min dem viau em?" Tiin U Ramnghaka chu ka en a, "Ka dem hauh lo che, kan hma hun a thil lo thleng tur hi tuman kan hre lawk hleinem, hetiang thil hi a thleng dawn tih hria nila chuan ka u hnenah hian i let ngei ang, nilo a hnenah let eng pawh pawh nila thleng tur ang chu a thleng dawn tho tho, chuvang chuan in dem vak duh suh, i thian loh engmah a awm lo tih ka hrechiang alawm, ka u pawh a tha chhuak leh vat mai ang" a ti sup sup a.




"ka ngai takzet, ka hmuh theih ah leh ka khawih phak ah awm mahse a aw ri te ka hre leh chak, engtik ah nge a rawn harh chhuah ang le, karkhat lek pawh hi a rei takzet a ni" ka ti leh sap a, "Ka u hi mipa chak tak a ni a, a rawn harh chhuak leh vat ngei ang, lungngai lo la, dawh thei taka kan nghah a ngai a ni" a ti leh a, ka lo bu nghat nghat, ni e, a rawn harh chhuah hma chu beidawng lovin ka nghak ang, ka fanu leh keihian ka mamawh takzet a ni, Bawihtei pawh in a pa hi a ngai em em tih ka hria, a rawn harh chhuah hun hun ah ka hmangaih thu leh kum khua a a bula ka awm tawh tur thu ka sawi hmasa ber bawk ang.


...


Feli te in neih ni ah chuan tupawh mai chu an mawi hlawm em em vek a, Bawihtei pawh ka theih ang tawk a mawi in ka chei ve bawk, a sam hi a tam chi a ni bawk nen ka rawn kal sak a, in neih naa rawn kal te chuan an lawm thin bawk nen an han piai leh thin a, a ni lah in a lo duh lo thei em em lehnghal a, in neih a zo a, ruai theh pawn biakin lamah an tih dawn avangin a awlsam phian, thlalak na te kan neih zawh hnuah chaw kan ei a, Bawihtei chu a muhil daih thung, zan lamah after party a awm dawn a, ka kal ve thei angem ka hrelo thung.




Vawin hi trail hun a ni tawh a, ka zam ve khawp mai, court room ah chuan kan thu thap a, Lalremsangi chu police hmeichhe pahnih in an rawn kai lut a, ka en ngar mai, a ni pawh zam hmel a pu bik lo, judge a rawn luh hnuah kan lawyer ve ve te chuan thu an sawi a, a hma ang bawk in Lalremsangi lawyer chuan rilru buai angin a sawi leh a, Lalremsangi ka en chuan min rawn en ve chiah a, a nui nghak sak, lu ka thing a, "Lo ngai reng rawh, i duh ang chuan thil a thleng lo tawp ang" ka ti rilru neuh neuh a, a lawyer rawih chuan Lalremsangi rilru a buai tih proof na lehkha a rawn keng thlap bawk, mahse keini pawn finfiah na chu kan nei ve tho.




Pu Sanga chuan a hmaa jail lama Lalremsangi kan tlawh tum a a thusawi te kha court chhung a awm zawng zawng te hriat theih turin a play ve ta hmak mai le, chutah an phun nghal mur mur a, Lalremsangi ka en chuan thinrim mitmeng lian kel kawl hian min lo en a, ka nuih sak mai, ka sawi kha a tum ang chuan a awm dawn lo ka tih tawh kha, a awk chiang ta bawk a, lehlam lawyer pawh chuan sawi tur a hre tawh lo, Lalremsangi lah chu engmah tih theih nei tawh hek lo le a din na atang chuan rum zetin in rawn melh bak, keilah chuan ti fuh in ti zetin ka lo en ve bawk a, a hma kha rilru buai angin a awm a ni maithei tunah erawh kan din khalh ve thung a nih hi, dawt hi a tlo lo reng a sin.




Judge chuan rei fe hnuah thuthluk na chu a siam ta a, "Lalremsangi hian a thiltih tawh te ah khan in thiam lohna pakhat mah a neilo tih a chiang a, court hmaah dawt sawi in rilru buai angin lem a chan bawk avangin a chungah zah ngaihna lan tir hi a tul na ka hrelo" a ti hmasa te te a, a thusawi lai chuan tang tung in ka lo thu a, ka hah vek tawh, ka hlauh ber zawk chu a damchhung zawng in jail ah a awm lovang tih hi a ni, nun na em chan loh mahila a thiltih tawh zawng zawng te kha nun na lak tluk a pawi a ni miau.




"Lalremsangi hi damchhung a lungi n tang turin thu ka pe a, bail chhuah phal a ni hek lovang, nichin a audio record kan ngaihthlak atang khan a thiltih tawh te ah in chhir na a neih loh zia a chiang a, tunah Prof. Zosangzuala chu Lalremsangi tih luih na hmanga motor a a sut avangin damdawi inah a awm a, a la harh chhuak lo bawk, a dinhmun a tha lo hle tih hriat a ni bawk a, a ni tum ber zawk Pi Zorinsangi a chhan na lamah a ni nghe nghe, a chunga thik thleng ah pawi kan ti takzet a, Lalremsangi ang mi hlauhawm hi zalen taka a awm hi ka rem ti hauh lo bawk" a tih takah chuan ka thaw huai mai.




Kan chhungte nen chuan lawm avangin ka in kuah a, tunah chuan rorel na dik kan hmu ta e, misual chu hrem lovin an chhuak ngailo tih ti chiang ti a ni, Lalremsangi chu chhuah pui tum in kawngka lam ah an rawn kai phei a, ka va pan hnai vat, "Tunah chuan i awm na tur diktak ah i damchhung zawngin i awm tawh dawn e, ka lawmpui a che" ka ti a, "Hmeli ka that dawn che" a biang chu a ri nghal sawk a, chumi rual chiah chuan a te nghal that bawk, court chhung a ka awm te chuan min en thap a, pawi tihna pawh ka neilo, rei tak hnuah ka thil tih chak em em ka ti hlawhtling ta a, midang pawh hian awm min tihpui tho ka ring.




"Kal nal nal tawh, hmeichhe rapthlak lutuk, i chan tawk chiah i hmu a nihkha" Chhani chuan a lo ti ve a, police te chuan an kai chhuak dawr dawr a, a theih tawp chuan a rawn la au ve tuar tuar nangin engah vak kan ngai tawh hlawm lo, kan hlim tlang bawk a, kan han in kuah leh thin, "Damdawi in lamah kan kal vat a ngai a ni, Prof. Sangzuala hnenah chanchin hi hrilh hlan ka nghakhlel tawh takzet" ka ti a, midang pawh chuan kal vat an lo rawt a, damdawi in lam pan chuan kan in khalh chhuak hlawm a, keima nu leh Prof. Sangzuala nu ten U Prof. Sangzuala leh kan fanu an lo awmpui a, chanchin chu kan hrilh ve vek tawh bawk.




Damdawi in kan thlen hnu chuan midang te chuan hun thawl min pe in cabin atang chuan an chhuak dual a, "Professor hnenah kan chang tawh a sin, Lalremsangi chu a damchhung zawng in jail ah a awm tawh ang, tunah chuan engkim a fel vek tawh a nia, i rawn harh chhuah vat a ngai tawh a nia aw" tiin ka be sap sap a, Professor kut ka vawn chu a rawn che zeuh a, rang lutuk in a kut chu ka en nghal vat, "Nu" ka nu te chu ka ko vat a, an rawn tlan lut nghal, "Ih.. Prof. Sangzuala hian a kut a rawn ti che a, doctor va ko teh u" ka tih chuan I Ramnghaka chu a tlan chhuak leh vat a.




Doctor in a check lai chuan pawn lamah kan nghak dial a, doctor rawn chhuah takah chuan kan lo hnaih nghal thuau, "Thil mak tak a ni, a hriat na te a tha leh vek tawh e, amah chu la harh lo mahse in tawng zawng zawng a hre thei vek tawh, a dinhmun pawh hlauhthawn awm a ni tawh lo e, chutih rual in a rawn harh chhuak nghal dawn tihna a nilo a, kum hial pawh rawn harh chhuah nan hian hun a duh maithei, in duh chuan in lamah pawh in enkawl thei tawh ang" a ti a, la harh chhuak lo mahse kan lawm tlang hle.


1 Year Later


"Bawihte apa kha bawh vak suh aw" ka fanu apa bula mut tum chu ka lo hrilh vat a, ka thusawi a hrethiam tih hriat takin a pa chu a en a, ka lo nui sak, kum khat lai a vei hnuah pawh Prof. Sangzuala chu harh chhuah tih reng a la awm theilo, chutih rual in a dinhmun chuan hniam lam a pan tih na erawh a nilo thung, a lu a sawh na avang jvan a la harh chhuak theilo mai chauh a ni a, kan tawng erawh a hre vek thung.




"Papa, harh tawh la" tiin kan fanu chuan a pa beng ah a phun sap sap a, a tawngthei ve tawh deuh takzet, "Papa kha a harh tep tawh alawm, ka naute, reilote nghak leh la, a lo harh vat mai ang" ka ti a, a hmui chu a ti pawrh deuh tarh a, "Mama dawt sawi" tiin room atang chuan a tlan chhuak a, apa hi a ngai bawk nen harh tur hian a hrilh ve fo a, a harh tep thu ka sawi zing tawh bawk nen tin thleng in a la harh silo hi dawt sawi angah min puh ta ziah a nih hi, "I lo hmu tiraw, i fanu hian a ngai viau che a nia aw, a rei tawh em em i tilo em ni, lo harh vat rawh aw" tiin ka pasal biang chu ka chul sak a.




Tunah hian ka nu "Prof. Sangzuala nu te in lamah kan awm a, khatia damdawi in atanga kan in lak chhuah hnu deuh khan man te kan han in hlan tha leh a, Professor harh lo mahse a duhdan a nih tho kan rin vangin kan ti kha a nia, tunah chuan midang hriat ah pawh nupa diktak kan ni leh tawh tihna a nih chu, zan ah chuan ka fanu muthilh hma in thawnthu ka hrilh a, a muhil ta maw tih chuan keipawh ka mut dan siam rem ka chhing ve ta diar diar a.




Ka lo muhil tui deuh a ni ngei ang Bawihtei tap thawm chu ka mang hriat ruai ruai a, mahse ka mit ka meng theilo, "Papa" tia a tap ri te chu ka hria, ka mumang emaw tiin ka mi tha sauh sauh a, chutah ka bula mit na chu deuh sut sut ka hriat takah chuan muangchang in ka meng chhuak a, ka thil hmuh avang chuan ka thu chhuak nghal hlawl, ka hmuh sual emaw tiin ka mit chu ka nuai a, mahse ka hmuh sual a ni hauh lo, a tak ngei a ni, Bawihtei chu ka en a, a tap tih hriat takin a biang vek chu a lo huh hliam bawk.




Chutah amah pawm tu a pa chu ka en leh a, nilo nilo ka mit vai a nilo a, ka hmuh sual lah a ni hek lo, "Professor" tiin ka fanu tel chuan ka va kuah chawt a, a ni pawh chuan nghat takin min lo kuah let ve bawk, "A tak tak a ni tiraw, ka hmuh sual mai mai a nilo tiraw?" Tiin a biang te chu ka chul a, ka mumang mai a ni ang tih chu ka hlau ngawih ngawih, ka chhip ah chuan a rawn fawp vang vang a, ka mittui chu a muang chhuak ngiai ngiai bawk, rei tak hnuah ka pasal ka fanu pa chu a rawn harh chhuak ve leh ta.




"Ka ngai lutuk che" a rawn ti chhuak sup a, ka tah nuih ti tih a, "Keipawn ka ngai che" tiin ka lo kuah tha sat sat, "Mama" kan fanu chuan harsa tih hmel zetin kan inkar atang chuan a rawn tawng chhuak a, kan fanu kan lo theihnghilh daih alawm, kan han in thlah leh rih a, in en in kan in nuih tawp, "Papa a harh tawh a, ka tap khan maw papa hian min lo pawm" tiin a thiam ang tawk chuan min han hrilh ve a, Professor ka en chuan a fanu chu lung chim zet hian a lo en ngawih ngawih a, a hnuah keimah chu min rawn en ve leh.




"Ka chhuang takzet che a ni, kan fanu tha takin i enkawl mai piah lamah keipawh min thlah thlam lovin min enkawl char char a, chuan Lalremsangi a phu tawk hrem na a hmuh theih nan i theih tawp i chhuah tih ka hre bawk a, hmeichhe chak tak i ni" a tih chuan ka nui a, "Keimah vangin khatiang thil kha I tawk a, ka tihtur alawm a ni, tih atang chuan hlim takin kan awm tawh dawn a nia aw" tiin ka kuah tha leh a, min lo kuah leh va vat, kan fanu lah chuan apa chu a lo ban ve chawng chawng bawk a, kan nupa hian kan lo ngai tawh takzet a nih hi.




Chutah thil hriat chhuah thut ka neih avang chuan ka in ka hrang a, Professor chuan hriatthiam loh hmel zetin min lo en thung, "Kan chhungte hnenah engmah kan sawi bawk silo a, i lo harh tih an hriat chuan an lawm ngawt ang, kan hrilh ve ange" tia thawh chhuah mai ka tum chu min lo dang vat, "Naktuk lamah kan hrilh dawn a nia" a ti a, mahse lu ka lo thing a, "I harh chhuah hun hi an nghakhlel hlawm lutuk a, tunah hrilh zawk ang, an lawm dawn lutuk" ka tih tlat avangin min hnial duh ta biklo.




Kan chhungte hnenah chuan zan lai lai ah Prof. Sangzuala a harh tawh thu ka sawi a, thawh phan pawh awm lovin kan room lamah chuan an rawn kal nghal, "Mama" tih pahin ka nu chuan Professor chu a rawn kuah a, U Ramnghaka pawh in a u dar ah chuan a rawn beng thuk thuk bawk, darkar khat dawn chu kan room ah kan han titi ho a, Bawihtei erawh a muhil leh daih tawh thung, kan mut meuh chuan dar 2 a pel va va tawh, kan nupa chuan kan la muhil mai lo, thil eng eng emaw kan sawi a, zanin chu ka hlim bawk nen ka mut pawh a chhuah theih ka ringlo hial.




A tuk lamah keima chhungte lam kan hrilh ve leh a, zingkar kar ah an rawn lang nghal, an makpa chu an lo ngai ve tawh takzet a ni, tlai lamah chaw ei khawm kan nei a, kan hlim tlang dar dar viau mai. Prof Sangzuala chu a mu rei bawk nen ngai a la awh maithei lova, tlai tin exar kan lak pui a, hma chu a sawn chak viau thung, Bawihtei ber hian apa rawn harh chu a lawm a, engtik lai pawn a in pawm tir deuh chawt tih tur a ni.




Thlathum a ral leh meuh chuan ka awmdan a dik lova, zingkar kual chhuak ka nei zeuh zeuh bawk nen in ringhlel in bathroom lamah ka in test a, rin sen pahnih ka hmuh chuan ka lawm ngei mai, hmanhmawh zetin bathroom atang chuan ka chhuak a, Bawihtei leh a pa te chu an rawn in pawn lut mek bawk, "Professor lo kal teh" tiin ka kut chuan ka lo hui a, rang takin min rawn pan nghal, ka awmdan a hmuh chuan ngaihthat min hmel zet hian min en a, "Thil thalo a thleng em ni?" Tiin ka taksa chu a en kual nghal ruai bawk.




"ka tha, heihi han en teh" tiin ka test kit ken lai chu a hmaah ka dah a, chutah keichu min rawn en in "Tak tak em ni?" A ti chhuak hawk, ka lo bu nghat nghat a, "Aw.. ka hmangaih" tiin kan fanu chawp chuan min pawm kang ta nawlh mai, min han vir pui tak tak chu kan nufa in kan khek chuan a, kan thawm ah kan chhungte pawh chu an rawn tlan lut a, "Nu Nautei hi a rai" ka pasal lah chuan a lo ti zung zung a, an ni pawh an hlim hmel hle, Professor vawin ah damdawi inah kal a rawt a, ka lo aw vat.


4 Years Later



"Brandon, Brayson engvangin nge thu in awih duh miah lova, ngatinge lei in lo khawih leh tawh a, in in bual zo chiah a nilawm ni, hetah lo kal rawh u, vuak in ngai a nih hi" tiin ka hmawlh ken chuan ka tin dun ran a, tim dai hian min en a, engtinge hetiang em em a harh fapa hi ka hrim theih zawk ni, phir an ni bawk nen enkawl an hahthlak lek lek thin, "Mama ka lo haw" an u aw an hriat rual chuan kawngka lam pan in an tlan nghal nal nal a, lu thing na na chungin ka zui ve nghal.




Bawihtei chuan a naute chu sweet a pe a, "Khawiah nge i pa?" Ka tih chuan motor a park that thu in min lo chhang vat, tunah chuan kan nuoa inah khan kan let leh tawh a, kan chhungkaw member pawh kan tam ve tawh bawk nen kan ri ve laih laih zel, "Bawihte nangmah in lo han in thlak mai rawh aw, hei i naute hi tihfai an ngai dawn sia" tiin ka fanu bulah chuan ka sawi a, a ni hi chu a fel hlauh zawk a, a tihzia, "Nangni pahnih kha, rawn kal nghal rawh u, thuawih duh silo, tui vawt in ka bual zawk dawn cheu mawni?" An u zui ve mai an tum chu ka ti khar khar a.




"Ka fapa te pahnih chu Mama kha in lo ti buai leh tawn em ni?" An pa aw an hriat leh rual chuan kal mai an tum a, "Ding rawh u, vuak in duh loh chuan" ka tih avangin an ding leh chawt, an pa chu mittui tling pam chungin an melh a, ka va bang beng chak dun tak, "Ka fapa te hi ka va han ngai ve le" tiin an pahnih chuan a pawm nawlh a, "Kha an in biak zo chiah a, an thawmhnaw hak balh sa ka suk laiin an lo in ti bal leh hman a nihkha" ka lo ti hlak hlak a, "Mama hi tih buai loh tur ka tihkha, a pum ah sawn in nau tur a awm mek a, Mama hi in tih buai reng chuan in nau tur saw a rawn chhuak duh dawn lo a nia, tih atang chuan Mama tih buai tawh loh tur aw, thuawih tur ka tih thin kha" an pa ti a, an bu nghat nghat mai.




Inchung lamah chuan an tlan chho a, ka en zui reng ringawt, chutah ka thaw chhuak hak a, Prof. Sangzuala chuan min rawn pan hnai in ka chal ah chuan a rawn fawp vang vang a, "I lo chau em?" A tih chuan lu ka thing a, "I fapa te pahnih harh lutuk hi engtia tih chi nge maw ni dawn le, an harh dan em em hi a mak zawk, keilah ka pum a lian tawh bawk nen duh angin ka che zung zung thei tawh silo a" ka ti a, "Naktuk atang chawlh ka la dawn alawm, lungngai suh, princess treatment i dawng char char tawh ang" a tih chuan ka nui seih a, "Ka hmangaih che, khawvel a pasal tha ber i ni" ka tih chuan ka chal ah rawn fawp zeuh in "Keipawn ka hmangaih che, ka nupui duhtak" a sawi zo chiah tih chuan kan fapa te pahnih chu an rawn tap ta ruah ruah mai, in en in kan in nuih ringawt.

Cont....

Tihian kan lo zo leh ta der mai, a tir atanga a tawp thleng min chhiar sak tute chungah lawmthu ka sawi e, kan story tawp dawn lamah damloh na hi min han tlan buak ve a, ka regu lo viau chungin dawhthei takin min la nghak tang tang a in zavai chungah ka lawm takzet e, kan story dawt leh tur "WE BELONG TOGETHER" Prologue ka dah chhuah tawh kha la en lo te tan min lo chhiar sak ula, in duh zawng a nih chuan like leh comment kha min lo pek sak leh theuh turin ka sawm a che u...