FAQMCPHelloween fambol
PortalMizo StoryLong story and EpisodeSearch
THINGTLANG NU ZUNZAM (CHAPTER 9) by helloween fambol
Search this topic…
1 post • Page 1 of 1
Helloween fambol
THINGTLANG NU ZUNZAM (CHAPTER 9) by helloween fambol
Post January 26th, 2025, 7:28 pm
Chapter 9
Dailovi pov:
" Enge i hriat a" jason melh ram ram pah chuan ka ti a...thu awm duai chung chuan min en run a..a la nui suk suk zui..
" Message i hmuh reng kha" a lo ti nghut a...
" Chuan enge" ka lo ti vat a...ka vur ei lai pawh ka keng pah a...
" Tinge call i chhan loh" thutthat pah chuan a ti a...min melh run a...a hlauhawm si..a mi uap a na bawk siiiii....si hlir sawm..
" Ngatan nge min lo call" ka lo ti let vat a...
" Min chhang hmasa rawh" tihleh ka thutna lam pan a rawn tho chu ka awn dawrh mai..ka hmaah chuan a rawn ding a..min melh chhuk run a ..
" Heyy i thutna ah va let leh tawh rawh" ka ti bah nawk a...a nuisuk a..a rawn kun hniam a..sofa lu chu ka lu chuan a si thlawp a...ka hmai bulah a rawn kun hniam a..a kut pahnih in a innem khalh a.....kan hnar pawh a insi thuak maii...
"Dailo" ti sap in ka mitah tak min melh run a..ka chil ka lem dawk a...ka khur thei mai dawn...a mitah chuan ka enlet ve kar a....a mitah chuan engmah a lang chhuak hauhlo.....
" Call chhan nachang hre tawh angche" a rawn tih chuan..
" Ka thu thu" ka lo ti vat a..ka sawi rang lutuk chu ka in awihlo hman hial zawk...Jason chu a nuisuk a...a hnar chuan ka hnar chu a rawn nul thuak a...ka lo chhing sawk a...ka tiril a za chuaih maii....ka thaw a chham mai dawn...
"Nia i thu thu..mahse ka thusawi zawm ang che" nghet charh hian a ti a....ka lo ner leh hman tawh.....
" Thu tha rawh " ti a ka lu kan ka tum chu a hmui chuan ka beng chu a rawn nul leh a...ka trek leh chhawk tawhhh...awii awii awiiii....
" Ka thusawi zawm phawt la" ka bengbulah chuan rawn ti sar sar a...a tawng zawng chuan ka beng chu a sa zawk a..ka trek leh chhawk tawh...ka VA han trek nasa chhawk chhawk ve....
Ka beng a nul leh thuak zawh chuan ka biang chu a rawn nul phei leh a...ka hmui sir zawnah chuan a tawp chat a...
" Reilote" ti sapin a lu chu a chet sawn a..rang fahran in ka sir lamah chuan ka awn phei nghal a ..Jason nui ri hawk pawh ka hrethei....
" Ka zung dawn" tiin thawh kan chu ka tum a..mahse a taksa rit zet chuan min rawn delh a...
" Ka phing a puak dawn" ka lo tih leh chuan a nui ri leh hawk a...a inthlah dul ve nghal a...
tho kang vawkin...kawngka piah deuh a bathroom lam chu ka pan a...bathroom chhung ah chuan in kalh hnan in ka thaw kawk kawk a...awiii boruak ka tlachham mai dawn...ka vur eina vang khan nge ni ka zun a chhuak tak tak a...ka vur kenlai ka ei zawh tawh pawh chu bathroom dustbin an dah ah chuan ka vawm lut zui nghal a....
Ka zun a chhuak tawh bawk a.....ka zung ri huau huau mai...ka Zak leh deuh chuan tui chu ka on ringawta..tui haw ri chu a ringtha bawk a...insum karhna awm miahloin ka zung huau huai maii...ka zung zawh chuan tui te chu ka leih a...bathroom a awm reng thu awm hek lo....kawngka chu ka hawng a..
Bathroom pawn a lo ding an awm vang chuan ka thin dawm meuhin ka rak chhuak vak a...ka phu nasa kher maii...Jason chu bathroom pawnah chuan alo ding khawng luah nihchu....ka chhuak min hmu chu a nui ri leh suk a..
Ka kutah chuan rawn man in min pawt dawrh a...ka pai zui hnawk maii...sofa thanpuii te thutna ah chuan min nem thu nghal a...tawng tum a ka ang chiah chu jason hmui chuan ka hmui chu a rawn khar zawm nghal a.....
Ka hmui hnuai chu duhthaw zet hian a fawp tawn tawn a...a kut pahnih chuan ka biang a khuap run a...a hmui tihchet dan vel chu a zei hle a...ka hmui hnuai chu a hne dawk dawk niber hian ka hria...a kut ah chuan ka lo vuan vat a ..mahse ka kut chu a kut chuan a rawn hnawl thla a...
A duhthaw em em a....a Rimpa hrak mai chu ka hip lut kawk a...a lei chuan ka hmui chu a nawr kau a...ka ka chhungah chuan a lei sa tha zet leh lian leh hrawl tak chu a rawlh lut a....chumi pah chuan jason chu a rum leh hawk thin...
Uar fahran hian a lei chu a hawl kual a...a taksa chuan min nekna zualsauh a....ka taksa chu a za leh uaih uaih tawh....Jason min fawhna chu engtin maw tak hian nuam ka ti tlat nihchu....min fawhna chu a thlah riai riai a...
" Min fawp let rawh" kan hmui insi reng chung chuan a ti sap a...a kut leh lam chuan ka khabe chu a nawr kau leh zauh a...ka hmuiah bawk a tuan leh nghal a ..ngenngawl zet hian min fawp leh tawn tawn a ..ka taksa chu a inlet kual nasa maii...
Ka hmui chu ka chet zeuh a..chuvelah a rawn uar leh zual sauh a...ka hmui hnuai te chu a pet kawh hial te hian ka hria....ka mengchhuak riai riai a..Jason mitchhing chu ka hmu nghal a...ka chhing leh sawk maiii.....a VA han hunlo thin tak...
Ka hmui hnuai leh chunglam chu zei zet hian a pet kual pah zeuh zeuh a....ka hmui chu a na ut ut nimai hian ka hria..zei zet a ka hmui a peh kual lai chuan..a bialnu kha ka hrechhuak zawk a...ka kun zawk a....ka hmui hnuai chu a lo peh lai tak ni bawk nen ka kun chiah kha ka hmui hnuai chu a thip zawk a....k chhing sawk a...
Mahse a kut Pakhat chuan ka khabe. Chu a dawm leh a ..min kuai dak leh in min fawp zawm leh a...ka hmui thipah tak chuan dim zet hian a rawn fawp a ...min fawhna te hi dang tur ka nih laiin ka dang hauhlo...dan chu sawiloh ka phallo anii....
Mahse a bialnu kha....a awmah chuan ka nam dawt a...ka kut chu a kut chuan rawn dawm bet vat in..sofa ah chuan min nem mu nghal a....min rawn bawh ve leh nghal a..ka nghawng chu a fawp kual leh a...ka za leh uaih uaih tawhh..ka hmulthi te pawh an ding mur mur maii...Jason chuan ka kawng hnunglam ah a kut chu a zen lut a..ka ngawng veilam chu a nul kual dan dan a ..
" Duhtawk rawh" ka tihsap rual chuan. A che chu a tawp a...harsa tih hmel fe hian a thaw hawk a...chutah a in nem kang vut a....min melh chhuk run a...a hmui hnawng chhap leh a sam thur niai mai chu a in hmeh tak zet....
" Sorry" a ti sup a...a la tho chuanglo
" Tho rawh i rit" ka tih chuan a nui hawk a....a tho ve mai a...a thokang chiah chu ka zang hawk nimai hian ka hria.....
Jason chuan min rawn kaitho nawlh a..ka thutung nghal awt maii..min va han zo rem rem ve mole....ka darah chuan a lu chu a rawn nghat a.....ka lo ip leh zawk tawhh..a sam rimtui chhap mai chu ka hnarah ka hip lut kawk a....a rimtui tak zet....
" Ka bialnu ni rawh aw" a rawn tihchuan ka taksa chu a che awk a..Jason chu ka melh nghal a...amah pawh chuan minlo en chho ve kar a...a nui suk a..
Lucy nen khan an in ngaizawng ni lo em nii..awii tiin ka lu chu ka thing nawk nawk a... jason pawh nui hawk hawkin a rawn thu tha ve a..min melh run a ..
" Zanin thleng hun ka pe angche"ti nghut in ka hmuiah chuan a rawn fawp zauh a..ka lo phuzawk chu a nui chhuak hawk hawk a..a nui hmel chu a tha leh zualll awiiiii thawwwww...
Chutia ka melh reng laichuan pawn lamah motor ding thawm a rawn awm a ..chumi rual chuan ka thutna pangngai ah ka let phei nghal a ....ka thut fel rual chuan jason hrilhhai hmel ka hmu zawm nghal a...ka nui thaw maii...ka thiante ho in min hmuh ka duhlo....
Ka thiante ho pawh chu an lo thleng a ...an rawn luh pah a...rebekin mei nei zet a..min melhna pawh ka hmu reng....ka chhang awmlo emaiiii ...
" Dailo nagin i siamthei" thanpuii chuan a ti a...keipawh chu ka tho nghal a....eitur anlo lei chu ka siam sawk sawk a......
Ka tukhum hit mem mem danah jason chuan min en reng tih ka hre theii ..ka che buai thei mai dawn.....
" Daihmeltha thak deuhin aw" lalmuana chuan a rawn ti lang lang a..ei rawngbawlna leh sitting room hi hmun khatah vek a awm..
" Ngawi hmiah rawh" ka lo tih hlar chuan...an nui hawk hawk hlawm a...
" Nihleh u Marcus tiknge in haw leh dawn" rebeki thusawi vang chuan ka thil tihlai chu ka tawp chawt a..Marcus chhangletna chu ka hre chak tlat .
" Ka la hremai rihlo" tiin Marcus chuan a chhang a ..heta awm ve reng hi an la tum nge moni ..
" Ka lo tihpui ang che" jason awri vang chuan ka hawi chhuak a...ka sirah a ding leh run tawhhh...
"A ngailo " ti hmakin ka thiltih lai chu ka tihzawm a...ka thiante pawh ka en peihlo...
"A ngai " ti supin ka thil ken lai spicy chu min chhuh a..a siam rawk rawk maii .
Ka thiante ho chu an nui khek leh nasa tawh......an ri phawr phawr zel mai a.....rebeki phei chu Marcus bulah a la awm zui..in sumkarh awm miahlova a han nui tak tak chu pui tak a ni ringawt....
"Zan ah ka lo text ang che" jason chuan spicy kheh mial mial pah chuan a ti a....ka melh zawk a ni erawh a thiltih lai chiah a melh a..hepa hi min duh tak tak em maw nii...
"Enge i hriat a" kan pahnih hriat tawk lek chuan ka phun sap a..wai wai chu bel ah chuan tui nen ka dah a...
" Nangmah" a rawn ti leh dut a...
" I ho" ka lo tihchuan a nui ri suk a...
" Thinawrh nu " a rawn ti leh a...
" Haw vat in tumlo em ni" ka ti leh sup a...
" Zanin ah min chhan dan a zir nimai" nui suk pah hian a ti a...a sam thur niai leh a hmui hnuai sen hlar te chu a mah ti hmeltha chiangtu a ni a....
" Uang suh..THINGTLANG ah tihtur i nei tawhlo" ka lo tihve chuan
" Tunge uang..thingtlang lamah ranngo ka rawn zawng nihhi" nui thaw chung chuan ati a..fiamthu a thawh ve em moni...
"Daihmeltha........lalmuana koh dan che hi i inhmeh riau" a ti leh sup a..melh pawh ka melh peih tohlo e a....
Ka thil chhum pawh a hmin a...kan ei ho dial dial a....
" Lalmuan i suaktam thei bik lutuk" rebeki chuan a ti hlak hlak a....ei lam a ka naute...
" Chhebek ka suah tamloh em hi" lalmuana chuan a ti a..
" Ee.a tam lutuk lawm heii" Marcus chuan a ti a....ka thiante ho pawh chuan tui an tih hmel hlawm khawp maii...
Ka thiante chu ka melh a....thak an ti nge an si leh hliam hliam thin a..an insut pah reng bawk..an thlan huh hliam tawh maii..ei hi chu an thei ve em ani....
Ka thak ti lutuk chuan tui vawt chu ka in khawlh khawlh a...ka thlan ve hliam tawh tho...ka biang te chu a tai hlar tawh hi nia ka rin ni...tui ka inzo dawhkanah ka dah chu...Jason chu ka melh fuh a..minlo melh reng a .a ei ve lo nge mawnii....
Jason chuan a biang chu a khawih zeuh a...keipawh chuan ka biang chu ka khawih a engtin mah a awmlo...ka VA melh leh chuan a nui suk suk a...
Reiloah kan ei zo hlawm a..eina erawh rebekin a sil thung...reilo te thu leh in haw ka rawt a..
" Nia a tlai dawn tawh e...rawngbawl hmat a ngai" rebeki pawh chuan a ti a...
" A la hmat em hi" jason chuan min melh run pah hian a ti a...
" Hma lo" ka tihchuan ka ding chhuak nghal a...ka thiante pawh anlo ding ve nghal a...chhuah tum a ka inher chiah chu..
" Baby" no zet in pawnlam a tang chuan an rawn ti a....khanu kha ni chek ang .. lucy kha..
" Awi kel be ri ang deuh ka hriat chu" lalmuana chuan a ti chhuak phawg a.kawngka ah chuan lucy chu a rawn lut nghal a..min hmu chu a ding dat...min melh no lo teh e...
" Enge in rawn tih " lucy chuan kan thianho melh pah chuan a ti a..chhun chhunah make up a hmang ni chek ang..a hmui chu a sen hlar a .a mit te chu a chei nasa maiiii...mawza te a la bun zui...jeans kekawr te a la ha zui...
" Awi i hmui khan ka mit a phet" lalmuana chuan ner nawng pah hian a ti a...kan nui hawk hlawm a....
" Thingtlang ho tak hi chu" lucy chuan rawn kal phei pah hian a ti a....ka bul a rawn thleng chu a darin min nek sawk a...ka nghing sawk maii..
" Hey.i mit i hnawih dum nasa lutuk a..kawng pawh i hmuthei nange" melh ram ram chung chuan ka ti a....Lucy pawh in min melh ve ngar maii...
"Thingtlang rim in nam" a rawn ti a..
"Chhun nisen sa hnuaiah khati khawp khan i inha tide peih nia..mi taima tak zawng i nih ka ring e" thanpuii chuan ei loh hmelfe a melh chung chuan a ti a..
" Kha i mithmul khan i mit a hliah bo vek thei dawn nihkha" lalmuana chuan uar fahran hian a ti a..kan nui pat pat maii . A mithmul lem vuah saw a thahnem em tak nih saw.
" Haw ang u" tiin ka chhuak nghal daih a...a bialnu a rawn leng nia..khati chung khan min la beisei nia..hah lerh lutuk.....
Pawnah chuan ka kal hmawk hmawk a....ka thiante pawh ka ngaihsak hman tohlo...voin a tang chuan hmuh leh pawh ka duhlo......
" Daihmeltha min lo nghak" lalmuana chuan tlan hlawk hlawk pah hian a ti ....ka bulah chuan thaw hlawi hlawi pah hian min man bet a .
" Dai khawlo khatia i kal vuk vuk" thanpuii chuan a ti a...rebeki pawh a rawn thleng zui nghal.....an thaw hlawi hlawi maii..ka lo kal chak viau niang maw...
" I thik deuh em ni" rebeki nui sawng hmelchu a chalah ka nawr nawk a...
" Awzawnglo" ka lo ti vak a...
" Huiiiii..haw ang u" tiin kan in lam chu kan pan ta a...
Khatiang Mipa lerh lutuk kha ka fawp vel a..huiii ka hmui zawt zawt hi hleh daih te ka duhhh.......lei chu ka rap hmawk hmawk maiii...
Kan inlam theuh chu kan pan a...keipawh chu inah haw in ei te chu ka rel pah a...ka ei rawng bawl pawh ka zo thaw khat tawh...reiloah ka chhungte pawh an rawn haw a....an phur te chu ka lo hlan sak hlawm a...
Fridge ka hawng chu theiherawt ka hmuh chuan ka tum hmuk a....Jason min pek ve kha nia...ka ei malek anggg...ka khar zui daih a..
Chaw te kan ei a..eina thleng te chu ka seng fel a..thleng ka sil lai chuan..
"Pi duailo i awm maw" rawn titu vang chuan kawngka lam chu ka hawi a...pa darchhuma a lo ni....
" Awm e loleng rawh" ka pi chuan a ti ve mai a...ka pi leh pu pawh an dan ngaite in thuthleng sei ah thu in tv an en a..ka nu leh pa pawh vaihlo an buaipui a..
"In hmuh a VA khat ve" ka pu chuan a ti a..
" Nia chowkidar nih hi chuan hman ni pawh awm theilo" pa darchhuma chuan loluh pah hian a ti a...keipawh chu thleng ka sil zo chiah a...ka pi te awmna lam chu ka pan ve a....pa darchhuma bulah chuan ka thu ve a..
"Biakin chowkidar i tang chu a lawmawm khawp mai" ka pi chuan uar fahran hian a rawn ti a...pa darchhuma pawh a nui suk suk maii...pa darchhuma hi chu chowkidar a nih hma hian biakin hi a kal khat khawp a...chrismas ruai theh vel hian biakin a rap ve nimaii...
" Lawmawm vak mi" nui huah huah pah hian pa dar chhuma chuan a ti a...
" Biakin kawng pawh hrelo khan i tei vak raw lai mai mai a" ka pi chuan a ti leh a..kan khaw pi hi nimai tu pawh hian an zia hi an hria tihtheih tur ni..
" Nia tiro ka pi duaite" pa darchhuma chuan a rawn ti a...a nui pah suk suk bawk .
" Chowkidar a i tang hi pathuan remruatna a ni" ka pi chuan a ti leh kher a..a VA han ngeiawm ve takkk..
Chutia ka pi leh pa darchhuma an titi reng lai chuan..usawmkimi chu a rawn lut a...
" Ka pi i awm maw" u sawmkimi chuan a rawn ti a.....ka pi bulah chuan a rawm thu thla ve a...
" Aww..engatinge" ka pi chuan a lo ti leh a..
" Naktuk chu in lo ah ka lo in hlawh thei ngem tih rawn zawh che ka duh a" u sawmkimi chuan a lo ti a.....usawmkimi te hi harsa ve tak anni ve a...a chang chang hian inhlawhna hi minlo dil ve thin.....chhunah a rawn kal chhan kha heihi niang maw ..
" Theih lutuk e " ka pi chuan a lo ti a....usawmkimi hi chu ka pi hian a fakthei khawp a...ka u te bulah monu a tan ka awt a ti thin lawmmm..ka u te pawh hi an nui an nui thin...
Chutia ka pi te tawng ka ngaithla chu ka message ringtone bawk a lo ri a..ka en chuan jason number tang bawk...
* In kawmchhak ah ka awm*tihhi a lo ni....ka chhuahna chhantur ka hrelo...ka bialpa pawh nilo...
" Awm zel rawh* tiin ka reply a..ka khi pah suk a ....
*Rawn chhuak teh...thil zawh che ka duh* a rawn tih chuan a thilsawi awizia ka hremai..chhuna a thil sawi kha niang maw ...hahhh bialnu a nei reng lawmm....
*Ka hmanlo* tiin ka reply leh a....reiloah
* Ka rawn lut nga .ka thil zawh tur che hi i chhungte awmlaiin zawt che ila i duh dawn em* a rawn tih leh chuan ka phone chu ka khup hmak ..ka va han chhang tawh awm lo...police officer ve si a hman emaiii...
Jason hi duhlo em em ka nilo...a hmeltha a..a palian bawk a...a celeb ziah maii...mahse Lucy nen khan in ngaizawng an ang lutuk a....chuvang a a lakah ka rilru out hmang engmah hrilhlo pawh ka ni.....
Chhun a ka bul a min duhthu a sawite khan ka lawm hle nihkha..mahse ka rilru ah kha khawpui nula mawnghmul i vang khan hnaih ka tum hauhlo...ka la virgin a nula hnahkhat ngat ka la nive a...ka in chhuang ve lah lah em.....
Ka pi te titi chu ka ngaithla leh a..reiloah ka phone chu a rawn ri leh a..screen ka en chuan lalmuana a lo ni..ka pick vat a .
"Daihmeltha rebeki te inah kan awm lo chho rawh" a rawn ti a...nidang zawng a kan in a loleng thin...zanin a an rawn leng lo erawh mak ka ti deuh...
" Tihtur vak a awm chuanglo ka lo chho lo mai ang" ka tihchuann..
" Hmmmp..i duhleh rawn chho lo tawp rawh" lalmuana chuan tiin phone chu a dah daih nih chu .hepa hi nge moni hriat ni ....ka phone chu ka melh tlawk tlawk ringawtt...
Ka chhungte bulah chuan rebeki te inah ka kal dawn tiin ka sawi a..an lo remti ve mai a ..phun nuah nuah chungin ka chhuak ve a.......kanin kawt piah step ah chuan ka chho a..rebeki te inlam chu ka pan chho mial mial a...Thenawm te bulb chhit eng chu ringin ka chho ve mial mial a....
" Dailo" rawn titu chu ka melh vat a. Ka hmalam thim deuh lai ah chuan Mipa lian zet hi a ding run a...a aw chu ka hriathnu nilo se chuan ka tlan haw nal nal tawh angg..misual emaw tihtur a lawm mole .
" Enge" ka lo tihchuan min rawn hnaih hrutin ka kut chu a lo man a..hmun thim deuh lai ah chuan min pawt lut a...ka kawngah a chelh leh tawhh...ka nam rawk rawk a...
" Luhlul nu" jason chuan a ti sap a....a Rimpa hrak mai chu ka hip lut leh kawk tawhh.....ka melh chho haw a..
" Min thlah teh" ka tih rual chuan ka tal pit nghal a...kan awmhrang hlawk maii...ka melh chho kar a .hetia a duh duh a minti hi ka duhlo....
"I chhanna chu" jason chuan a ti leh nghut a..a thil sawi awmzia ka hre nghal.....
"Chhass combine ka thiam ve lo" ka lo tihchuan..kan hnung deuh a bulb chhit eng sa a tang a hmel lolang chu ka hmu ruai thei..a rum hawk a..
" Ka combine lo" a ti bul hmuk a....ka nui hawk maii
" Nihleh i ui khawi kha" ka lo tih ve chuan..a ngawi deuh vang vang a .
" Lucy i sawi na ni em" a rawn ti a...a lu len ang bawkin a thluak a chak nihhi .
" Ni e" ka lo ti ve a...a nui chhuak hawk a...
" Ka bialnu nilo" a lo ti leh nghut a...ka nui hak a..ka awilo lutuk...
" Ni maw baby" no zet hian Lucy in a kohdan ang chiah chuan ka ko ve a ..Jason pawh a nui chhuak hawk maii .nuihzatna tur a awm em ni ..
"Kan in ngaizawng lo tak tak" a rawn ti leh sup a...a pha zel dawn niang maw ...tha ee
" Awle...ka duhlo che nimai rawh se" tiin ka kalpel hmak a...nula hnahkhat ve ngat Mipa kawplawr deuh lak ah ka nem mai mai dawnlo...ka kal hmawk hmawk a...
Ka hnunglam tang chuan ka kawngah chuan an rawn vuan thut a....ka hawilet chuan jason a lo ni ka bengbulah chuan a rawn kun hniam a....ka za mer mer maii..
" Lucy nen kan inkarah engmah a awmlo ....min ring rawh.." a rawn ti thawp sap a .a awrik danah a thil sawi chu ring turin min duh tih ka hrethei ...
" Awmlo pawh nise danglamna a awmlo" ka lo tihve chuan..ka beng kawm chu a hmui chuan a nul pah a..ka trek leh chhawk tawhh..ka ip zui chawih a..a kut min vawnbehna pawh chu ka kut chuan phelh ka tum a...
" Chhass combine ka thiamlo titu kha tunge" nui suk pah hian a ti a....aw ni tak e...
" Theihnghilh rawh" ka lo ti vat a..a nui hawk a..min kuah nghet sauh a ..
" Hei tihian awm ziah Suh...mi an lokal nge.." tal pah chuan ka ti a......
" Aw nge ai" a rawn ti leh.,ka Ning lutuk chuan...
" Ai..min thlah vat teh" ka ti kha kha a...au ring Ngam bawk silo.h...ka hah tawh lutuk..
"I hmui chiahin i sawi..." Nui suk pah hian a rawn ti a...a sawi awmzia ka hrehauhlo...
" I mitmeng chuan khati khan min chhang miahlo" a ti leh sup a...ka nghawng chu a hmui chuan a rawn nul zauh a ..trek chhawk
"Ka motor dahna lamah min kalpui lawk rawh" jason chuan a ti leh nghut a..min kuahna chu a phelh a...ka sir ah chuan a rawn ding a .ka kut ah kaiin min kal pui vawk vawk mai....
Ka tang nasa hle a....
" Hei ..nghal Suh nghal rual pawh i nih tawh lohkha" din tumpah chuan ka ti a..jason nui ri hawk ka hre zawm nghal a ..
"A reilo ang" a ti sup a..min kai hmawk hmawk maii...a tha a chak bawk si....ka hneh bawk silo......
Reiloah a bolero awmna chu kan thleng a....a kawgkhar chu a hawng a..min namlut nghal a....a ni pawh chu bolero kal hualin a rawn lut ve a...bolero chhung chu light a rawn ti eng a..kan in melh siah maii...
" Sawi leh rawh le" min melh ngar pah a tih chuan ka bangbo hle...engchu nge ka saiwi nga...
" Min duhthu kha" a rawn tih chuan ka ner nasa maii.....engtik laiin nge ka duhthu ka sawi ka hrelo...
" Min hai niang" ka lo tihchuan
"I mitmeng khan a sawi vek lawm" a tihchuan ka meng phawk ringawt...engtinnnge ka mitmengin a sawi theih reng reng...
" Dawithiam em ni i nih" ka lo tihchuan
" Lucy nen khan kan in ngaizawng ngailo" a rawn ti thum leh nghut a...a mitah chuan dawtsawi hmel a pu mawlh lo.....
" Chuan chhass combine tur ka neilo tihna nihchu" nui suk chungin a rawn ti a...ka Zak leh hnu hnawh..ka hmalam chu ka melh daih a....ka in kuangkuah than a....
Jason chuan min rawn kuah hlu hlu a.....a rim pa hrak mai te leh a mi uapna na zet vang hian ka hnar phal mawlh lo...
Mahse lo in ngaizawng tehreng pawh niila...khaw hmunah kan awm dawn silova..chu chauh a la nilo..hmeichhia in an duh hlawm em em a...engtin nge keive mai hi min duh reng theih ang....kan khua a chhuahsan a nga kei chu min theihnghilh vat mai ang....mahse chu chu nakinah thil thleng tur a ni .Tunah chuan tun hun chiah hi hriat ka duh..
Mipa min hnehtu tak leh min hip em em tu ka tawn vawikhatna nia...awmdan ka thiam tlat lo.......min kherh hmasa ber tu a nih vang te pawh nia nge.....
Ka nghawng za mer mer vang chuan ka ngaihtuah na tang chuan ka harh zawk a....jason chuan ka nghawng chu a hmuiin a lo nul kual leh tawh...hepa hi.... min hnim thut thut hi ching tlat...zawngtah leh nghapih kan hmeh tum phei chuan a bulah awmlo ila a tha ang..
" I rimnu chek hi ka hnar ah a cham veng veng zel" a rawn ti sup a..kha maw ka sawi kha.....min hnim a chin viau chuan lalmuana hnenah perfume rimtui zet lei tir a ngai a ni hian hmeichhe lam hi a hre deuh...
"Zawhte ang mai" ka lo tih chuan a nui hawk a...ka nghawng chu a rawn thawk khum a..trek chhawk nun huiiiiii...
"Fawh nuam nu" a lo tihchuan ka biang chu a sa hat hat mai...a VA han frank ve le....pathlawi frank tak zawng a ni...
6239b0fc1acd3aba0057b326131bda9e.jpg
Vawileh khat ah ka thutna chu a awn thut a...ka rak that maii..Jason nui ri hawk ka hriat rual deuh thaw in a taksa chanve chuan min bawh nghal run a...a nuih zawng a a ha var leh rual zet chu a in hmeh kher a sin.....
Laklawh deuh hian kan ti tawp teh ang..
lo dream chhunzawm ve tawh mai ruhmeltha ho comment leh like kha aw ...
Show post links
Top
ADVERTISEMENT (A hnuai a milem hi a nia hmeh zeuh tur chu)
1 post • Page 1 of 1
Who is online
Users browsing this forum: Google [Bot], Google Adsense [Bot], Helloween fambol and 29 guests
PortalSTORY AWMNA
Copyright © 2016 - 2025 STORYFB.COM All rights reserved.
Powered by phpBB® Forum Software © phpBB Limited
Privacy | Terms