*Love Between Us*

[Natasha Hrahsel]

*Love Between Us*

Ziaktu-LT Khawlhring

Ch-1



#Malsawmzuala
#Lawmsangzeli
#age gap #romance #love story
#mental illness



"Nu Muan,zanin chu Lawmtei hi rawn inkhawm ve se la.Member inkhawm kim zân ania"dawr chhung rawn luh pah hian kan inpiah lawka awm U Muanchhana chuan a rawn ti lut a,ani hi KTP ah finance secretary nilai ani nghe nghe in ka hria.

"Nia rawn sawm ve thin ula,a zakzum lutuk a kan nau hi chu"ka nu pawhin alo ti tha ve mai bawk a,ka duhlo chung chu min nawr lui dawn lo tih erawh ka chiang viau thung.




"Lawmte,chhuk leh ila tum em? I tum pawn helam a i awm chhung chuan rawn KTP ve thin hram hram la tiraw."nui sâng a tiin chhang kan dahna lam chu a melh zui a,"nia" tih bakin ka chhâng lo.Ka nu chuan thil dang sawiin a be ta hlauh a,ka nu bulah phone khawihin ka lo thu ngawikar thung.
U Muanchana'n a chhuan pah chuan "Lawmte,zanin chu aw" a la rawn ti hrâm a,ka nuih ta vel mai mai tawp.Ka nu pawhin sawi zui tawh lemlo in bungraw rem that ngai ho a rem tha zawm ta daih a,ka lawm ru viau mai.






Ka hming chu Lawmsangzeli ani a,ka nu leh pa te fanu neihchhun niin û mipa pahnih ka nei a,kan ûpa ber hian nupui fanau nei tawhin kan inhnuai ah vêk an inhrang a,ka û chiah erawh vanduaithlak takin ka ti dawn nge keimah vang in ka ti zawk dawn le? Nikum hmasa khan min boral san tawh thung.

Shillong ah B.A zir zo deuh chiahin tûn thlatir lam khan Aizawl ka rawn chuang chho leh a,nikum christmas leh kumthar erawh ka pa nau ka ni Lawmi te kiangah Shillong ah tho ka hmang ani.




Ka pa hian sawrkar hna chhete a thawk ve a,ka nu erawh in kan inbul mai ah hian dawr lian vak lo siam in a in nghâk ve nitin thin.Chhungkaw khawsak harsa kan ni lem lo a,tun lai hausa kan tehna anga teh dawn erawh chuan kan tlinglo hle thung ang.Ka pi leh pute zâr ah ram zau ve pangai tak nei in loan te la in in kan han sa ve a,kan loan lak pawh kan rûl zo tawh nghe nghe bawk nen tunah hrih hi chuan Pathian zarah awh leh mamawh ngawih ngawih kan nei hrih em bik lo.




Tlai dar thum pelh hnu hretah in lamah ka phei a,ka nu erawh ala inhawng hrih ang.

In ka thlen chuan chawhmeh siam ngai a awm em en zung zung in chaw te ka han chhuang a.Ka nu hian tlai lam ah rawng abawl hman meih thinloh vangin zînglam ah asiam âm deuh a,tlai lamah kan ring ve leh mai zel.Ka awm lai erawh chuan min ring ve deuh thin bawk nen tunlai chu tlailam ah kan in bawl thar ta fo.





Ka pa hna bâng in ka nu a rawn nghâk kawi ni ngei tur ani an rawn haw rual a,an thutkhawmuan hnu lawkah zanriah kan kîl zawm nghal mai bawk.




Ka beisei loh zetin U Muanchhana leh nula pahnih an hmel chu ka hria a,an hming ka hre mai tawhlo thung.An rawn lut nawlh a,inkhawm thawmhnaw an ha nghe nghe.Min rawn sawm an tum ni ngeiin a lang bawk.


"Lawmte,inkhawm turin kan rawn sawm che asin.Ka bial chhung ami inia ka vei riau che"uangthuang zet hian a ti a,ka nui leh ringawt tawp.





"Mate,tihtur pawimawh i neih lemloh te chuan han inkhawm ve la.Kohhran belh hi atha ngai" ka pa'n alo tih ve charh charh tak ah chuan ngawi rengin insiam turin ka room lam ka pan a,"ani hi chu a zakzum lutuk a" ka nu'n a ti thawm chu ka hre hman hrâm bawk.Mi zakzum ti a sawi theih ka ni ta mai hi ka tetlai hre tu te tân chuan a awihawm loh viau ta ve ang le.



Khua ala vawh deuh vur vangin kawrlum lampang ha in puan ka bih a,flat bun tawpin ka sam chu ka sukloh vangin ka bawktawm thung.




Ka insiam zo ka chhuak leh chiah chu U Muanchhana bawkin "khai! Nula insiam ka hriat tawhah ila rang ber ang"nui chung hian alo ti leh a,han chhân vak ngaihna ka hre leh chuanglo.

Kan pali chuan kan inzui chhuak ta hlawm a,dar hmasa pawh ala ri lo nen hma ka ti ru viau a,mahse midang sawm an la tih leh vang chuan biakin kan thleng hma lutuk hranlo.



Nula paruk ngawtin U Muanchhana hnung kan zui a,ka kalpui te ho chu inhre tha sa tih hriat takin an tawng bawrh bawrh hlawm a,ka lo ngawi reng ringawt thung.



"Muantei an ti thin che tiraw?" Ka bul chiah a kal in a rawn ti hlawl a,ka lo aw ve mai."Ilo haw khát vang nge mikhual nula emaw ka ti mai dawn che lawm"nuih hak hak pah a tiin "minla hre ve em?"a tih zawm leh nghal a,ka va hre mai lo tak!

Ka chhân hma vek chuan ama'n "Ruth-i,Higher kan kal ho kha,in senior ka ni thin alawm" a tih takah chuan "ani tak e" ka ti ve deuh hluai a,kei aiin pawl khatin a sâng a,an sec ah assistant CR ani thin bawk tak e.Mahse kei minlo hre ve daih chu amak! Vengkhat ah chuan awm tho mah ila tunhma te chuan ti mai ang,kan veng ah an awm ngailo a,an rawn awm na pawh ala reilo ang.Lehkha athiam thei in zirtirtu te duhsak pawh ahlawh thin viau a,a mimal taka inbiak kan la nei miah lo bawl.




"Enge i zir zawm tak?"tiin biakin thleng chuan kan in be zawm ve ta zel a,zawhna min zawt a kei in ka lo chhâng deuh ngar ngar ang ani.



Inkhawm chu kan thahnem tak hle mai a!Zahnih lai kan chuang! Kohhran lian zinga sawi telh theih nimah ila mitin hi kan buai tawh a tianga inkhawm hnem tum hi akhât viau ang,chairman pawhin alawm thu a sawi ve mawlh mawlh.
Member inchhiarna kan nei a,vengdang te tihdan ang tho in Bible a hming thlanchhuah pali group hminga hmangin kan inthen hrang a,kei hi Marka group ah ka awm ani.Ti hian member inkhawm tam ah te,hnatlân hnem ah te an in el thin ani.A thawhhlawk lo ber pawl zinga mi ka nih ngei ka ring.




Inkhawm bân ah pavalai ho in thingpui lo lumin kan in kawi a,U Ruthi nen chuan kan inzui ta chawt.Ani chu kei ai thlawt chuan atlangnel a lo be kawi tu pawh angah khawp mai.



"Muan...la hawi nghal mai lo la,nakin deuh ah i dinglam a kamiz dum ha saw en rawh aw"ka beng bula a rawn phun sar sar chuan ka hawi nghal thut a,min kuai let rang ngei mai! "En nghal suh ka tih che kha" zawi sehchilh zet si a ti sap in kei in "engmah ka hmu hman lo" ka lo ti ve thung.

"Awi i va â tak,en leh rawh ti khan" a tih chuan a sawina lam ka va hawi a,a mi kawhhmuh tum ber lah ka va hmu mai lo ,zui" saw kamiz dum ha,U Muanchhana vei lama ding saw" a rawn tih ruk leh tâk sar sar ah chuan ka hmu ve ta chiah.Mizo ah chuan lian ve pangai tak ani,ango lam mah tih theih tur niin a hmel erawh korean lam ai chuan a mizo mipa hmelthat tih bakin ka sawi thiam lo, a chhe hran lo khawp mai.




"A chhelo tiraw? A rawn inkhawm ve kha ka ring reng ah" hlim zet hian U Ruthi bawk chuan a ti leh a,ka hawisawn ve ta nge nge.



"Umm,a pâ reuh" ka ti zawi ve sap.



"Star tu angah nghal teh mai nia,police ania Aizawl ah arawn insawn na ala reilo.An khua kha khawi lai nge kha le ka theihnghilh palh,Aizawl mi a nilo a,hetah in a rawn luah" a ti nghal zung zung a,a chanchin alo hre hnem hman hle mai.

"Ngaihzawng neilo ilang ka bêm ngat ngat ang" a ti leh a,ka lo nui tawp ringawt.




Thingpui kan inzawh rualin haw ka rawt nghal a,U Ruthi erawh eng ami tur nge ni Female voice ah alo tel a,kan haw rual thei ta lo.Midang hriat chu nei ve mah ila ka pawh hmasa ngam lo nen mahni in ka haw ta hnak hnak ringawt.





Thlakhat dawn chu ka awm ve ta reng mai a,han hmachhawp lah ka nei der lo,zir zawm leh ka chak hran tawhlo a,mahse Shillong lama chhuk thlak leh erawh ka la duh fan tho.Chu erawh ka nu leh pa te hian an remti dawn silo.Diktak chuan helai hmuna awm reng hi hrehawm ka ti a,ka ipik in ka hah ngawih ngawih.Shillong ah kha chuan ka û ngaihtuah chhuak fo thin mah ilang rilru lakpên na tur a tam deuh a,a zia zawk.




"Têl a awm em?"ti dut ri chuan ka ngaihtuahna tang min kai harh a, "aw awm e lo kal rawh" ka ti nghal thuai.Rawn lei tum tu pa chu hmân zân a U Ruthi sawi chiam pa kha ala ni zui a,ahming erawh ka hre mai tawhlo.Police thuam a inbel a,a inhmeh viau mai.




"Ta hi brand hran hran a awm,i duh thlang mai la" ti sepin ka en a,a bu nghut ringawt.



Mamawh dang a enkual duh takin tiin ka kalsan a,ani pawh têl man to chi chu banin thildang a enkual ta chiah bawk.



Ka thutna ah thu lehin ka nu chu phone mai ka tum a,ka thulh leh rih.Vawin chawhnu lamah an thiannu damlo kan an duh vangin ka nghah chhawk a,an rei ta reuh phian a!Darkar khat vel bak thang lo tur ang khan a insawi sia.



"Mami,heng ho hi ka lo duh ange"dawhkan ah a thil leo ho chu a rawn chhawp a,aman zat chhut pahin polythene ah ka lo thun sak nghal mawlh mawlh.
"Zaruk sawmkua aw"ti in ka pe nghal thuai.

Za nga pahnih a rawn phawrh chuan "ka pu, pawisa nawi i nei em?" Ka lo ti a,nur nanga min en hian "neilo" a ti deuh hmuk!




"Cheng sawm nawi kan kawl miahlo a"tri dek hian ka ti zawi sap a,ahmel chu tha viau mahse a nelawm loh em ani. A thinrim emawni lehnghal ni!
"Min kir lo mai rawh" pangai zawk chuan a ti leh dut a,chutiang ringawt ani thei in ka hre bik silo chuan "chengsawm man thil dang la mai la" ka ti leh.

Ka hma a mentos bawm chu aban ta hlauh a,mak deuhin ka thaw ve huai ringawt anih chu! Alo hria nge ni ala khi suk zui a!



"Alawmawm e,pawisa nawi lehpek ah chuan lo nei tawh la aw" nuih sak pah a ti in a chhuak a,ka thaw leh huai ringawt!



Ka nu in min rawn call in dawr rawn khar mai tur in min rawn chah a,in lamah alo haw tlang daih ani awm e.Dar nga thleng ka inhawn hnu ah ka khar ve ta tawp a,kawngkhar ka kalh mawlh mawlh lai chuan ka hnung lam atanga min au tu an awm vangin chahbi phawi in ka hawi let thuai,ka hma a lo ding erawh khawvel a ka hmuh hreh ber ani thung!




"Helam ah i awm elaw? Kan va inhmu ngailo ve tiraw?"tun hma ang tho ala ni,a awka chhuak reng reng chu ala nêm in ngaihthlak ala nuam takzet.
"U nuno" tiin ka phun sap a,ka awm a rawn tawt nghal mup mup bawk.



Thin tawt up up a ka hmachhawn laiin ani chuan nuisang in min hmachhawn thei a,ala hmeltha reng a,a inchei dan pawh hmuh ala nuam hle ani.




"I awm ve reng tawh dawn em?" A tih chuan "ka hre lo le" ka ti hap a, "lo leng ve la i hman remchân hunah,ka buai lutuk a kei ka chhuak hman ve meuh lo a"nui sâng hian a ti leh a, ka tah achhuak ru teuh mai.Ka chunga a that zual pauh leh mahni inthiam lohna keimah ah anasa zual ting si.


"Ih...ka ka kalsan phawt mai ang che aw" min biak zawm zel ka hlauh vang chuan ka ti ta ngawt a,ani pawhin tha deuhin min thlah ve mai.




Kan inlam panin ka pen hlawk hlawk a,inchhung ka luh ruala ka nu'n "ilo inhralh tha em?" alo tihna te chu "aw" ti tawpa chhang in ka room lam ka pan tlang nghal tawp.
Ka room ka thlen rualin bathroom ah ka tlán lut a,tap on in ka inhnit nghal hlawp hlawp.

Ka mitthla ah ka û lo lang in kha ni..mi tam tak rilru kehsawm a ka siam ni kha alo lang nghal zut zut bawk.




Reife chutia ka awm hnu ah chuan inphih harhin ka chhuak a,darthla langa kan in en chu ka mit lo bui lûk in ka hnar a sen hlar a,ka mit a sen râm bawk.Ka nu'n a hriat hlau viau mah ila hliah khuh na tur thil ka hre tlat lo.




Chhuakin choka lamah ka lut a,ka nu mit chu ka pehhel ngar ngar.Phone in ka pa ni ngei tur ani alo bia a,a âng ani mah zawk."Sawi lawk ve tur che ania...i ti mak thei emai engmah kan inring lawk bawk silo..Aw dah phawt teh Matei hian dawr ami va la leh lawk mai rawh se" ti hlak hlak in a dah a,min rawn en rual chuan rang zetin fridge ka hawng ta tawp.




"Mate,dawrah arthin leh asa pangai awm kha va la teh.Sa kawlsa kan nei silo i pa'n athianpa te nupa chaw ei ah a rawn sawm ringawt dawn anih chu..hahthlak hian sawi lawk hmasak pawh a awm ngai bawk silo" a ti zui hlak hlak a,tui in khawlh khawlhin dawr chahbi ka ban a,ka hmai ahmuh hma in ka tlân chhuak leh nghal.



Kan in atang ahla lemlo bawk nen ka thleng mai a,dawr hawngin refrigerator a frozen food awm ho chu ka hai nghal rak rak.Arsa pangai chu ka hmu mai a,athin pack erawh azo tawh nge?ka hmu mai lo.
Amawng lamah te a awm anih ringin ka hai kual a,ka hmu chuanglo.




"Chi ka va duh ve" "ui.." ti chiamin ka thin ka dawm vang vang a,police pa bawk kha ani!




"Tihpalh" a ti sup nangin ka thinphu ala dik hleithei meuh lo.A mamawh chu pek hmasak tumin chi dahna lam ka pan a,Tata chi chu la in a lo din na lam chu ka pan leh.
"Akhaina tur i duh em?"ka ti lai rut a,ka tahna vangin ka aw alo diklo hman.

Bu nghutin chik hmel zet hian min en a,hrelo derin polythene ah ka khung sak nghal daih.Ka mit sen rûm leh bui lûk te,ka hnar tai hlar te hi mipangai tan chuan hmuh loh theih chi ani dawnlo.




"I tha em?" A tih chuan "maw?" Ka lo ti deuh hâ..




A kut a ka hmai kawk zeuhin "i hmai kha" a ti sup a,ka biang ka lo dawm nghal thuai. "Misual i tawng em ni?"a ti dam ta thlup a! A aw chu ngaihthlak anuam takzet!

"Aih..ka tha kha aw i thil lei"tih pahin a thil lei chu ka pe ta daih thung.



Ngaihthat hmel vak lo chuan alo ban ve mai a,a wallet a ban chhungin ka thil hawn tur chu ka lo inkhungtha ve thung a,arthin chu a awmlo aniang ka en tawhlo mai ang.Ka nu hrilh turin ka phone ka lo keng mai bawk silo.



Pawisa kan inpe fel chu achhuak ve mai a,light te off sawk sawkin ka zui chhuak ve leh nghal bawk.
Dawr kawngka ka kalh lai te chuan a bike chungah alo thu vâng tawh a,min rawn thlithlai ru reng a ka hriat vang chuan alam ka hawi zeuh.Minlo en tak tak!



"Kalo thlah ang che" ka en veleh chuan a ti sup a,ka lu ka thing nghal nawk nawk.



"Angailo" ka ti bul tup chu pangai zawkin "kan in ahla lo a" ka ti tha leh.
Uniform a inbel tawhlo chungin a la ni deuh khup tho! Tshirt dum leh pyjama mai mai ha mah se amah ah zahawm rukna riau a awm tlat.



"Min hlau suh,i nu leh pa te ka hria alawm" a ti vei dut a,ka hlauh vang ani der silo.



"Chulam anilo,ka lawm lutuk mahse thlah ka ngailo mai" ti in min biak buai leh hma chuan kan in lam panin ka tlan chhuak thut a,min thlahluih a tum tlat ang tih ka hlau êm ani.
Ka va hawilet ngam tawh lo nangin nula pui tawh chutia ka tlân chiam chu min nuih ngei in ka ring,ka ngaihtuah let peih tawhlo zawk.




In ka thlen rualin ka nu ka pui sawk sawk a,chawhmeh te kan siam belh leh nual bawk nen ka pa te lo thlen hnu fe ah zanriah kan ei peih ve chauh a,kan insengfel meuh chuan dar riat a pel tawh hial.




Tûkkhat tukthuan kan kil chu ka pa hnenah shillong a chhuk leh ka dil a,alo remti lo nasa mai!
"Zir zawm leh i duh tawh loh chuan helam ah i tangkai zawk.Hna i zawn kher loh pawn i nu dawr i nghahpui thei a,i û Puii lah nau anei leh tep tawh a,i pui ve ang chu.Kan hmuhphakloha i awm reng ka rem ti lo"a ti ta hmiah hmiah a, "ka awmkhawlo hleinem" ka ti sep chu "chulam zawngin ka sawi lo,Muani i duh angin Mizoram chhunga zir zawm thei inih reng laiin ram pawn ah kan dah tawh che a,kan thu zawm ve tawh rawn" min tih leh chuan helai hmuna awm hrehawm ka tih zia sawi chhuah vek mai ka duh hial.Pangai takin lang mah ilang ka pangailo,nilo ka chhungril hi a ruak ngawih ngawih.




Ka nu in ka pa thusawi chu pawmpui zetin alo tui hnih ve bawk a, "i tetlai pawhin zirtirtu nih te i chak thin kha,hetah B.ed te zir zawm ve leh la zirtirtu hna thawk tur law law in insawrbing la" alo ti ve bawk a,ka hnual rawih rawih mai.B.ed zir chhuanlam pawhin Shillong ah chhuk an remti dawnlo tih a chiang ta reng mai.




Ka nu leh pa ten ka duh dan remti lo mahse thinrim khum a tihtauhkhum thei dinhmun ah ka ding ve miau silo a,inchhungah erawh hmel hlim put ahar takzet.
Ka nu dawra ka kalpui loh kâr in ka û fate ka awm thin a,tunlai tak hi ka û a hna lam vangin a zin chhuak a,U puii te an in lamah an awm phei hrih bawk nen naupang te awm tur pawhin khatla lam ah phei zel angai.Ka va kal chuan minlo lawm thiam ve thin khawp mai.




Chutia engmah ti hlei lo a awm reng rikngawt chu tha ti lo chuan B.ed training tum chuan exam hmachhawn turin ka inpuahchah ta zawk a,ka tling hlauh anih chuan training ila,hna te hmu in thingtlâng lama awm te rilru in alo ruahman lawk nghal sa diam.



Tlai khat chu U Ruthi'n hnatlan pui ah min rawn sawm chamchi mai a,dawr ah ka nu nena kan awm lai in ani nghe nghe.Ka hnial leh thei tawh nganglo.Ka nu thlengin abe thiam em em mai sia,kan biak in bula insa mek ten KTP sum tuak nan brick thiara inhlawhna anlo siam sak hi alo nia,mi nawlpui hman hun zân an ruat bawk nen kal ve pawh chu pawi ka ti zawk zawk lo.




U Ruthi chuan kan in ah min rawn sawm leh hrâm a,hnathawk tur mah ni ila a rawn vul reuh khawp mai.Exer lâk kekawr ka ti mai,tunlai a an uar deuh ang kha a rawn ha a,kei ka jogger pant hlui tawh lam leh windproof jacket ka hak chhuah duhtawh loh nen ka lo inthuam mai sia,ka pa phei chuan U Ruthi chu enin "hla in zir dawn ami?" Alo ti heu ringawt.
Kan hnatlân tur thu ka lo hrilh lawk bawk silo a,U Ruhti in kan tih tur a sawi chuan anui ve bawk bawk tawp.




Kan in atanga kan chhuah rualin "min rawn sawm duh kher a,kan in ahla daih zawk sia"inthlahrung zet chuan ka ti a, a eng ah akal vaklo aniang "ho lutuk"ati liam puat ringawt.




Kan hnatlân na tur hmun lam kan pan pah chuan a ti ti siam siam a,abialpa chanchin a sawi hnem ber ang.An inkawp rei ve tawh viau anih hmel,Higher kan kal laia mi nen an la inkawp angin a sawi a,asawi pa lah chu ahming min hrilh ngial pawhin ngaihsak lo zawng lam alo nih vang nge ni ka hre ve miahlo bawk.

Ka classmate ti ila ka kawm ve thin deuh ho chu athen phai ah an awm a,athen thingtlang an khaw lamah te,pakhat Jerry kha chu NEHU ah kan kal ho a,midang ho chu an chin ka hre hlawm lo.Ka û boral hlimchhawn ah kha chuan an rawn lang ve sap sap hlawm a,a hnu ah kei inla hrangin class group te ka en ngai tawhlo bawk nen enge an tihzawm zel ka hre tawh hlawm lo.

[Natasha Hrahsel]

CH-2





Hnatlâng kan chhiat deuh vangin hruaitu lamin hmeichhia pawh awl vak awih loh an ti a,kan brick thiar tur a thahnem angreng si nen kan zo hman kher angem maw ni ka ti rilru neuh neuh.
Nula pathum velin eitur an siam tih loh chu hmeichhe lam pawh kan tang khawp a,athenin kan thiar turin anlo rem a,thenkhat in kan zawm a,amal a pu nawlh nawlh te pawh an awm.

Hruaitu thenkhat chuan tleirawl ve deuh pakhat Sangbera hi an chhaih an chhaih a,kei ngei pawh in ka lo nuih pui ve leh hak hak thin.Zawnpui nei turin a inla tlawmngai ve si a,bag ah tlemte put kha a zak deuh bawk si,thaw hlawp hlawp hian a pu ve ta taih taih thin a,hruaitu leh tlema upa lam deuh in fiam nan tak an hmang a,"Sangbera chu! I rualpui ah i chak ber" ti te in thenkhat in anlo bawl fiam bawk a,an fiam aber in a haw lem lo bawk a hah a ti zia viau mai.




Kan police pa pawh kha hna kan tan hnu fe ah a rawn kal ve a,chuti chung chuan keini ai daihin a thawk hnem daih tawh zawk.Amah alo palianin rit chawi alo chak leh zel bawk nen a chang phei chuan tum khatah sawmhnih chuang te a pû a,a inhliam mai hlau a pû zâng deuh tura an hrilh pawh chuan anui liam mai ringawt.



U Ruthi nen brick zâwn tur kan rem leh mawlh mawlh lai chuan brick bun khawm chu arawn chim thut a,"kha" ti thawt ri ka hriat rualin leiah mawng sawh dawtin ka tlusawp nghal.Min lo pawtsawn tu chu tu dang nilo in kan police a bawk kha ani.
"Fimkhur ve ta che"min en chung hian a ti leh thawt a,kan bul vel chu a reh dûk mai hian ka hria.Motor atanga bun thlak tawp ang ang khan brick ala awm a,kan zawn dawn lahin a hnuai lam atang kan la zel nen a rawn chim thut kha ka lo inring hman biklo.



"Lawmte i indelhtir em?"tiin min rawn ngaihven ta sap sap hlawm a,ka engmah a delh hmanlo."U Sawmzuala'n alo pawtsawn hman a ,nilo se chuan a kut tal a delh hrim hrim"U Ruthi'n alo ti ve bawk a,tlem a tlem ah damdawiin panpui ngai in ka awm lo chauh alawm le.

U Sawmzuala pawh chuan ngawi rengin min kaitho a,a put tur a siam leh nghal mawlh mawlh."Fimkhur tawh ula aw"tiin thenkhat anlo au bawk a.



Darkar hnih dawn kan thawh chuan kan tang tlâng bawk a kan ti kaw ve duak tawh a,kan huphurh ang aiin kan zo hma leh si dawn a ang.
Thingpui inchawlh te neiin kan thut hahdam hnu ah kan han ti leh tang tang a,dar sawmpakhat tlâng ah chuan kan zo fel chu ani deuh mai.



Kan sulhnu chhui ngai erawh a awm nual a,U Ruthi'n "hmun hi phiat fai ve lawk ila"a tih vangin bân hnu ah pawh keini thiandun chuan kan sulhnu chhui tura awmkhawtlai tum te kan la awmpui a,hmunphian pahnih chauh a awm nen kan phiat ve ta chuang lem hlei lo a.




"Zân a rei deuh tawh sia,mipa ho in nula la awm te hi kan thlah kual dawn cheu nia"U Muanchhana'n ati a,an thlahtur te an han sawi rem nghal sap sap hlawm a.
U Muanchhana chuan kan in apaltlang ngei dawn a,mahse an inpiah a awm nula pakhat ala awmve si,bike chupawh pathum inphurh nan a chiloh zet a keng bawk si chu kan buai ta deuh a,kei chuan "keimahin ka haw thei,ahla chuanglo" ka lo ti thuai.Ka inlak tlawmngaih lam anilo a,kan in chutiangin ahla lo a,misual ka tawh hman em ka ring lo ani ber.

"Akhai tunlai ah chin a hriat tak tak tawhloh,râltlân khawngaihin kan khawi a tualthihna a tam sawt emaw tih tur ania"pakhat chuan a rawn ti sap a,ka pa ka inhruai tir mai theih thu sawi tum a ka ân zuau lai chuan U Sawmzuala chhak lam step atanga rawn chhuak thla hlawlin "ka lo thlah ang"a rawn ti bul hmuk a,khawnge alo awm char char ni? A haw daih tawh emaw tih lai a!



"Ka pa pawh ka ko thei" ka ti zuau tawh,"Lawmte,Sawmzuala chuan thlah che mai rawh se aw"U Muanchhana'n a rawn ti thuai,ka hnial duh ta em biklo.



Haw turin lirthei ah an chuangkai ta sap sap hlawm a,U Sawmzuala chu ka bulah rawn ding datin "ka bike ka va la ang tah hian lo awm rawh"ati tawp a,ka chhang hmanlo a pensawn nghal vut.A bike nen ngei mai chuan ka bulah rawn dingin ti thi chuanglo chuan "chuang rawh le" a ti deuh dut a,hreh deuh chuan ka chuang ve mai.Ka thukai chiah chu ka tang nghal hra ringawt.Ka hmuh hmasak ber kha chuan ka mipa tha tihchi tak niin chhelo ka ti viau a,kan inhmu ngun telh telh a ka ngaina lo telh telh ringawt hi engemaw a chhan ni dawn ni?A tawngdan vang ti dawn ila midang tumah hian kei angin an hlau miah silo.A tawng dut dut zel chung hian nulate'n an fiam tih phah derlo a! An fiam nasat ber pawl ani zawk maithei ani.



Kan in chu ahla lo bawk nen kan thleng har hranlo a,ka nu leh pa in minlo la nghal ni ngei tur ani alo la eng thap bawk.



"Ka lawm lutuk e"amawihnai ah tal tiin bike atang ka chhuk a, "min tih hmel deuhin awm tawh suh,ka hlauhawm loh" a tih chuan ka melh vak ringawt.
"Chutiangin ka awmlo"ka hriat tham tawk lek chuan ka phun sap.


Amitko san zeuhin ka thilsawi ahriatloh vanga min zawt nawn ni ngei tur hian min en reng a,"ka lawm e anih aw" kalo ti ta daih thung.
Ka inher hman tawh tih ah "kum engzah nge i nih?" A rawn ti teh thut a,ka hawi â viau mai.

"Keimah maw?"ti deuh hu a ka inleh hawi chu "midang awm ve an awmloh hi"alo ti kher.
"22 tinge?" Ka ti sap a,bu nghut nghut in "naupan chhiat tawhloh chu"amah leh amah a inbia a ang ber.


"Lut tawh rawh,keipawh ka va phei ange"tiin bike chu a ti nung a,"kan inhmu leh dawn nia Nûte" a tih chuan "Lawmtei alawm" ka lo ti ve zat a,nui sukin a tlân chhuak nghal daih.Ka hming chu a hre thelh ve hle mai ti rilru neuh neuh in inchhung ah ka lut a,ka pa in TV lo la enin ka nu erawh amu tawh nge ka hmu lo thung.

"I rawn haw har ka lo ti hman viau tawh a,i nu pawh a lut deuh chiah intifai la mu nghal mai rawh aw.Kan nghah ber ilo thleng tawh bawk a kan mu ve nghal mai ang "ka pa chuan alo ti dap dap a,tianga haw tlai chânga nghaktu ka la nei hi vannei ka inti thar viau mai.



Ka room ka luh rual chuan mihringte hmelma lian ber mahni inkhawngaihna,mahni inthiamlohna,mahni inhuatna bawkin min rawn chenchilh leh nghal a! Engtik ah nge maw he ka rilru damlohna atang hian ka tal chhuah ang le? Mahni a ka awm a ka inngaihtuah buai tak tak chang phei hi chuan na tuarlo in ka nun hi tawp thei se tih chang ka nei hial thin.Mahni a ka awm hian ka ipik a,ka chau in ka hah hluah hluah a,mahsela midang va pawh a va kawm ka peih chuang der silo! Ka nun hi a ruak ngawih ngawih ti ila ka sawi fiah ber ang.



Zankhat ka nu leh pa te ho a chanchinthar kan en thap lai chuan U Muanchhana leh U Sawmzuala am rawn inzui lut hlawl a,ka nu in alo chhawn thuai.
Kan ep ah tak chuan thu in U Muanchhana chuan engemaw a sawi nghal mawlh mawlh a,U Sawmzuala erawh alo ngawi reng thung.
"Pa Sangzual hei Sawma hi in nula ka rawn rimpui anih hi,a sawi reng mai a "ka nu abiak karlakah chuan U Muanchhana chuan a rawn ti chhuak ta mai a! Phawk zetin an pahnih chuan ka lo melh reng ringawt.



"Rîm rual ah pawh kan lo la dah lo asin"uangthuang tak hian ka pa in alo chhâng a,U Muanchhana vek chuan "khai! In dah senior thak ange.An ât lai hian pasal neih tir daih tur,an lungfing hnu ah chuan an nei duh tawh thin lo" a ti leh zel e,nuamlo ti zetin ka thutdan te chu ka siam rem sek ringawt.
Ka nu rawn inrawlh in a rawn tawngchhuak hlauh a,thildang a rawn sawipui ta hlauh nen ka thaw huai thei.

Rei pawh an awm bik chuanglo a,an rawn lutkawi ve satliah ah ka ngai ve tawp.



Ka pa leh U Sawmzuala chu anlo inhre tak tak a,ka nu in ka rilru a zawhna awm chu ka pa a rawn zawt ta chiah bawk a,ka pa chuan ti hian chhângin "hmanni ah kan office lamin rawk kan tawk a,police kan hrilh hriat khan Sawmzuala kha a rawn telve alawm,an hotu deuh nge anih hmel midang ho khan an zah hmel khawp mai.Kei nen tak phei chuan kan inbe hnem lo viau" a ti a,chhuanlam siamin ka room lamah ka luhsan ta daih thung.


Ka mutfel rualin ka inngaihtuah leh ngut ngut loh nan tiin youtube ah eng eng emaw ka en kual a,message a rawn thleng zut zut chu a pawimawh a ring lo in ka thai liam zel a,nb lawng atanga call la dawn chuan ka chhanglo tep ani.
Company number anih loh vang chuan pawimawh te a awm thei tiin a rik zawh hma chiah chuan ka la ve ta hram.


"Hello"ka ti sep



"Ka message i chhang lo a" ti thawp sap ri ka hria chu min rawn call sual anih ringin number ka en tha leh ngat a,ka nb hriat ngai ani lo chiang khawp
"Tunge aw? Min hai em ni?" Ka ti leh a, "Nute" a rawn ti chu ka nilo tih ka tum zuau hmana U Sawmzuala min kohdan ngaihtuah chhuakin ka ngawi ta reng.
"Ka tawng i hre theilo nge sawitur i hrelo zawk?" A rawn ti leh a,tinge a aw hi a dam tak thluam le?




"Engtin nge ka number i neih?"ka ti ve ta hram.



"A pawimawh lo,ka nb lo save la whatsapp ah khan minlo chhang ve tawh la" a tih chuan zaktheilo la ti ru viau.Ani hian min ngaizawng ru deuh nge ni? Chutiang anih ka ring chiah silo.
"Pawimawh sawitur a awm em ni?"

"Apawimawh i tih leh tih loh a zir aniang chu" a ti chu ka thaw hap ringawt."Enteh U Sawmzual,hetianga infiam kual hi ka peihlo.Pawimawh a awm loh chuan ka dah mai dawn" ka ti a,han dah hmak erawh ka hreh ve deuh si.



"Ka fiamkual lo che tih hi hre hmasa phawt la,zawi muangin le nakin ah ka rawn be leh ang che" tiin amah zawkin phone chu min dah khum leh lawi a ! Enge a sawi awmzia pawh kha ka hre lo.




Chu zan atang chuan whatsapp ah min rawn be ta ziah a,biakin leh hmundang a inhmuhfuh chang te hian min nuih khum suk suk a ching thin bik.Ka be lo char char chungin min biak a sim duh chuang silo nen tawi te te a chhan ka ching chho a,ka chhán tawi thin em vang bge ni rei tak min be ngai lo thung.




Zirtawp zân ani a,kan kawmthlang lawkah hian an pa ber a boral a,khawhar in kal tura U Ruthi'n min rawn sawm vang chuan ka zui ve mai a,khawhar in kal hi chu ka rilru ah ka dah pawimawh ve lutuk tlat.
Khua ala vawh deuh vangin ka inthuam lum deuh a,a hmun kan thlen chuan awm anlo awm nual tawh.


Thlanglam deuh ah thu in kan thutfel hnu lawk ah U Sawmzuala te thiandun an rawn inzui lut ve a,kan hnung ah chiah bang ngheng tawk chiahin an rawn thu ve a,an palian dun bawk nen tukverh inhawng atanga thli rawn lut chu min hliah hneh khawp mai.



Thalai kal kan tam bawk nen hla kan sa mawi tham khawp mai.Kan sûn lai nu ni ngei tur chu rawn dingin boral ta chanchin leh anat dan vel chu a sawi a,kan ngaithla uluk hlawm ngang mai.Inhnaih te a awm ni mah ila kei tak hi chuan ka lo hre ngai lem lo a,a nupui leh afate erawh dawr a an rawn kal ve fo vangin ka hmelhriat satliah ve thung.Anu thusawi tawplam ah chuan hla thlangin athu a,ahla thlan 'Hmana kan nunhlui chul tawh hnu' tih kan han sa chiah chu keimah ah hian danglam a awm ka ti lo theilo.Ka hnuk a ulh tûn a, a châng thumna nge ni tih pawh ka ngaihtuah tawhlo.
"I hlimthla te mai hi kan chan tawk,
I anka biak leh mi chhang si lo;
Ka thlir ang che awm khawhar min hnem ah,
Ka ngai che bawihte, ka ngai em che.
Min hnem an awm love nang lo chu." Tih lai kan sak phei chuan ka mittui a rawn tla a,hnuailam bihin ka rawmawl ken chuan ka in hru mawlh mawlh.Ka û ka hrechhuak lo thei lo a,kan hla sak chuan min chenchilh takzet zet ani.




Bân hla kan sa zo chu U Ruthi chuan ka beng bul ah rawn phun sar sar in "inchhung vel hi phiahfai pui lawk ang aw,tilai hnai ah thalai an vang emai" a rawn ti a,a venghnaih zawk ka ni chungin chutiang lam reng kalo ngaihtuah lo chu ka inthiamlo rilru khawp mai.

Mipa ho chuan thuthleng an rem tha sap sap a,U Ruthi sawi ang tak tak in inchhung phiatfai tur chu keini lo an nau te bak anlo awmlo tak tak a,kan awm khawtlai chu a tihchi ka ti viau mai.



An chhuat nawhsak erawh inleng anla awm vangin an hnial a,fel min tih thu te nu ber chuan asawi ve lawm lawm bawk.
Pawn kan chhuah chuan U Sawmzuala te anlo la ding khawtlai ve mial! Gate bulah dingin zial an lo zu a,kan chhuak min hmu chu minlo nghak ni awm takin "inhman tawh maw?"U Muanchhana'n alo ti hluai!



"Minlo nghak ami?" U ruthi chuan a ti khauh a,U Muanchhana vek chuan lo chhangin "Ruthi ka be duh hrim hrim che a,Sawmzuala hian Lawmtei thlah se sawlam atang sawn haw lawk ang"ati chu U Ruthi zawk alo eee kual a,mipangai tan chuan chance min pe tih hai theih rual anilo.

Ngawi rengin U Sawmzuala nen chuan step lam atang kan chho a,kawng pangai atang U Ruthi te an kal thung.




"I zia tawh em?" Kan ngawih dun rauh rauh hnu ah a rawn ti chhuak.


"Engati maw?" Ka ti chu min enin "i tap a" a ti zawi sup.Kan zai laia ka mittui tla inhru vel kha minlo hmu ni ngei tur ani.
"Tha e"zak deuh chuan ka ti rang ngei mai.Anin min hmuh chuan ka bul ve ve a thute pawh khan min hmu dawn chiang sa,ka inthup ve viau asin mawle.



Thildang arawn sawi ta daih a,keipawhin pangai takin ka chhang ve mai bawk.A fâl a kan inbiak tak ah chuan a tawngkam bul deuh nghut nghut thin te kha ahmang bik em lo a,la ri deuh dut dut mahse ka hlau tawh bik em lo.
Thu pangai deuh kan sawi lai in "Nute,i laka ka rilru putdan hi i hrethiam em?" A rawn ti chhuak deuh thut a.Ka pen lai ka ding chawt mai.


"Engtia...rilru puthmang maw?" Ka tih chuan thaw hawk in "mipa in ahmeichhe duh te laka an rilru put thin ang hi" a ti fiah fak anih chu! Hriatloh der ka tum viau na a a sawi chiang teh fawk lutuk a han hriatloh der luih chi pawh ani tawhlo.


"Aaa...U Sawmzual chutiang lam ka ngaihven lo" ka ti sap a,kan ngawi leh ta reng.



Amah zawk bawk tawngchhuak hmasa ah rawn tangin "ka hrethiam e" a ti sap a,ka thawve huai thei in ka hria.Mahse a rawn sawi leh chuan min ti ipik zo leh ta vek.
"Ka hrethiam e ka tih vang khan ka bansan dawn e ka tih na anilo,belhchian che ka tum ang hian zawi zawi a min belhchian tum ve la,ka ti tal zet ani tih i hriatthiam hunah aih ti a min chhan bik ka ringlo"mahni inring tawk tak chuan a ti fiah fak a.Kan inhriatna ala reilo nen chutiang thu min sawikhum tur chuan ala hma ka la ti rilru khawp.Ka sawilang duh bik em lo a,engtin mah ka chhâng lo.



In kan thlen dawn hnaih chuan Thenzawl KTP te nena intlawhpaqh huna ka kal ve dawn leh dawnloh thu min zawt ta khauh a,kal ka inrin loh thu a chhângin kan inthlah ve ta hrâm.




Min rawn biak athulh lo a,min biak hnem phah chuang miahlo bawk.Min biak dan pawh 'I Mutawh em?' Tih te,'i tho tawh em, ni hman nuam le' tih vel ani tlâng pui thin.Thildang kan sawi ngailo tluk ani.Chawlhni alo thlenin 'i inkhawm dawn em?' tih vel in a thu hman a rawn thlak a ani deuh tawp mai.

Chawlhni leh hian Thenzawl KTP te nen intlawh tawnna nge ni kan nei dawn a,kal ve ka tum loh viau lai in U Muanchhana'n kan inah sawm takte a min rawn sawm thin vangin tumloh deuhin hla zir turin kan inzui chhuak leh nge nge thin.Chhuanlam siamin ka kal lo ang ka la ti fan a,mahsela ka pa'n ktp lama inhmang tam deuh turin min fuih chiam takah chuan ka kal lo ngam tawhlo.




Ka û pawh alo haw tawh bawk a U Puii te nufa ho pawh an rawn phei leh tawh a,inhnuai inchung mai a awm kan ni bawk nen kan inchhung pawh a ri ve leh laih laih tawh.Ka û te hian fa pahnih mipa ve ve nei tawh in kum thum leh kum li mi an nia,kum chhirin an piang anih chu.An inkawm tawk em em chungin naupang na na na chu han intihbuai tum te an nei leh thin a,a û zawk Jamesa hi kan chang hnem zawk mah.Ka nu leh pa te lahin an duatin an lo phei chinah chuan an riahpui zantin deuh thaw a,Jona erawh tun dinhmun ah ate ber chan ala chang bawk nen riah em chu ala rawn riak chho ngai lo.



Tlai khat ka nu dawr ka nghahpui ka haw hma san chu ka û room ah ri rak rak thawm hi ka hria a,ka va lut chu Jamesa'n U Rotea colour alo khawihin chhuat alo chei rang nuaih mai!
"James tinge tah hian ilo luh a" ti hapin ka la sawn a,a thil khawih te chu pawi ti zetin ka melh vawng vawng.U Puii chuan kan thawm hria in a rawn dak ve a,pawi ti zetin a chek ve tlak tlak mai.Nau nei mai thei dinhmun a adin tawh vangin an rawn insuan chho hrih a,ka û room hlui ah an awm leh mai nen U Rotea room hi chu kan la kalh tha hmak hrih asin mawle.



"Avan zialo tak tukin khan thlalak hlui vel ka dah tha duhin ka hawng pek a,Jamesa lah ka en loh lai takin alo lut a" ti nuah nuah in min rawn tihfai pui a tum chu ka lo hnial thuai."Apawilo,ka lo ti fai mai ang"ka ti nangin ka tawng chu a zawi viau.
Chhuat vel ti fai a colour ka dah that hnu ah rei awm duhlo in ka chhuak a ,a room chu ka kalh tha leh nghal thlap.

[Natasha Hrahsel]

Ch-3


Inrinni zan kan inkhawm bang ka phone ka en chu U Sawmzuala message ka hmu nghal a,min rawn thawn na ala reilo khawp mai.
"Naktuk chu ka rualin kal rawh aw" tih te hi alo ni a,hnial ka duh si ka hreh si chuan ka chhâng mai lo.A message ka hmu tih ahria nge ni a rawn thawn leh nghal zat a,chawhma inkhawm bán ah kalo nghak dawn che nia" a rawn ti leh!

Ngaihtuah chhuak thutin "bike a chuan ka peihlo deuh a" tih ka thawn nghal a,tifuh ka inti viau.Ka laka arilru puthmang hmaichhana min hrilh atang phei kha chuan ka hmu hreh ngawih ngawih tawh.Amah ah rilru ka pe ve thei miau silo a,hrehawm ka tiin ka inthiamlo ringawt bawk.




"Motor ka rawn keng ang" tih arawn thleng chiah chu ka thawk ka chelh ngat ngat.Motor anei tih reng ka hrelo! Â inti zetin ka chal ka dawm a,sawrkar motor a kawl tak ang chu...Tinge ka lo hriatchhuah miah loh le?
Ka chhâng tawh mai silo nen a call rawn lut zawm nghal in hreh zetin "hello" ka ti sap a,hnial dan tur mawlh ka ngaihtuah nghal char char.

"Min hnial dan tur ilo ngaihtuah leh mek emni?"nuih rik tel suk pah a a rawn ti chiah chu sawi tur reng min ti hre tawh lo.



"Kawng athui tham dawn a,Bus a chuan ai chuan nuam iti zawk ang.Nute,tun tum chu thian anga min ngai in min hnial lo la"a ti zawi leh ruih tawh a,ka khawngaih ve tho bawk nen ka hnial ta em bik lo.U Ruthi emaw a rawn chuan ve chuan a zia mai ang,bakah motor a ken chuan rawn chuang ve duh dang an tam dawn tih in ka inhnem ta vel mai mai ringawt.




Chawlhni chu kan inkhawm ta alawm,ka nu bulah thu in kan inkhawm chhung zawng chuan midang kan bula an rawn chuan ve loh mawlh mai ka hlau a,zirlai khaikhawmtu thusawi pawh chu ka rilru ah a lut meuhlo.
Ban ah chuan member Thenzawl a kal tur ho chu kan awmkhawm laih laih a,ahlat tham deuh vangin dar sawmpahnih ah chhuah kim theih tumin inlam kan pan ta sap sap hlawm.

Keipawh ka mamawh tur ang bag lian vaklo ah khungin ka thawmhnaw ka thlak a,inchei nghal chi anilo nen thawmhnaw hak zangkhai tak ha in ka sam chu a ro lutuk hlau in ka bawk tawm thung a,shawl te inkhuhna tur ka keng thlap bawk.




"Mate,Sawmzuala'n a rawn sawm che asin" ka nu'n ka room ah rawn dâk a a tih chuan ka thaw deuh hap.Biakin ah min lo nghah mai tur ania.

Chhuakin kan sitting room a alo thu ka hmuh chuan ka lai tep lehnghal! Minlo en nasat piah lamah a inthuam dan chu hmu fo mah ila a inhmeh thar riau te hian ka hre tlat pek.


Vanneih thlak deuhin Biakin kan thleng chu U Sawmzuala motor a chuang ve duh anlo awm nual a,mahse Bus kanlo hire ve ting tang tawh nen U Feli te thiandun chauh an rawn chuang.U Ruthi rawn chuang ve se ka ti viau na a motor alo rui thin pek hi alo nia,bike keng turin anlo phur daih pek.



Kan chhuak tur motor an luh tak sap sap ah chuan rang zet hian ahnung ah ka chuang lut tharh a,U Sawmzuala rum nghut pawh chu ka hre reng ka hrelo der hmiah thung.Kan kohhran mai nilo kan veng angah chuan mi an innel in an inchhaih fiam nasa thin si a,min chhaih ve mai ang tih ka hlau em asin.
U Feli chu ahma ah a rawn chuang ve ta tharh a,a thiannu erawh U Sawmzuala thutna hnung chiahah a rawn lut ve thung.




Thenzawl chu kal ve tawh mah ila hla ka la ti khawp mai.Darkar khat vel ka muthlu a,abak chu U Feli titi kan ngaithla hi ani ber ,athiannu in alo zawm ve zeuh zeuh thin bawk a.U Sawmzuala nen chuan kan ngawi dun rauh rauh atih theih ang.
Hmuifâng kan thlen dawn têp ah chuan U Feli chu rui in a luak ta mai a,kawng sir ah dingin kan thiam ang angin kan buaipui a,motor ka rui ngailo bawk nen a hrehawm dan tur ka hriatthiam pui loh chungin ahreheawm viau in ka ring.



Min rawn tawk tu te chuan dingin an rawn ngaihven ve sap sap hlawm a,thenkhat chuan bike ah chuan mai a duh leh duhloh an rawn zawt ve bawk.Mahse alo hnial ve zel a,kan inphur chhuak leh nge nge ta.Ahma a achuang chu a tihchi ka lo ti viau a,ahnungah chuang phei se chuan a rui na zual viau ang ka ring.



Thenzawl kan thlen hma hretin kan ding leh a,achau viau tawh akhawngaihthlak takzet.Khua kan luh hnu ah phei chuan a tawng tha peih meuh tawhlo.Kan biakin min chhang peih tawk a animai.
Thenzawl KTP hoin minlo hmuakin kan thlenin tur ah theuh min hruai ta hlawm a,biakin atanga hla vaklo ah U Ruthi leh midang pathum te nen kan thleng hlauh a,thleng han ti ila zanriah kan ei anga,fellowship zawh ah kan zan haw leh nghal dawn ani.Hna nei kan nih nual hlawm vangin zan riak thei kan ni hlawm lo a,hruaitu te pawhin U Feli chu am ngaihtuah hlawm khawp.Mahse a han inphihharh hnu ah chuan azia ve viau ani awm e.





Zan inkhawm na ah hla remin an kohhran zaipawl in an rem ve bawk a,Pathian hla sa ve ve kan ni chungin athahnem zawk na na na chuan an sa thiam zawk viau in ka hria,ka ngaihdan chauh ania midang ngaihdan erawh ka hre lemlo.

Inkhawm banah fellowship na nei nghalin anuam ka ti ve viau mai.Thenzawl KTP ho chu an felin an mahni tihtur theuh tha takin an hlen ka ti mai,an drama chan tawi te te chu mit tla dawn dawnin kan en a,an changthiam takzet.Keini lam atanga items nei te pawhin an chanco an hlen tha viau.




Thingpui inhona te kan nei leh a,U Sawmzuala pawh hmelhriat alo nei sa bawk nen kan inbe leh tawh miahlo.

U Ruthi chuan bike a chuan avawh zia asawi reng a,ka bula chuang tura ka sawm lahin a duh chuang hauhlo.Motor ruih chu ahlau ngang mai."Zân thil ani a ruih ahar tawh ang" ka tih pawhin ala duh chuanglo a,naktuk lamah hna kal angai bawk nen bike a chuan chu ala thlang zawk hram.




Haw tura kan han intin tuah sap sap takah chuan ka hlauh ruk ang ngeiin U Feli chu motor ah a rawn chuang ve duh tawh lo a,kan hruaitu U Rema chuan aphur dawn hi alo nia.Chutia U Feli ber a rawn chuan dawn tak siloh ah chuan athiannu pawh chuan Bus a chuan zawk mai a duh thu alo sawi veleh sia,U Sawmzuala nen chauha motor khata reife han chuan dun chu ka hreh ta viau mai.




"Kan pahnih chauha chuan dun chu i hreh em?"ka mitmeng a chhiar thiam nge ni U Sawmzuala chuan a rawn ti ta sup a,zialo hi ka va ti tak.Engemaw chuandun mai mai chu ka hreh viau ni?

"Hreh hran lo e" ka ti ve tak na in a awih kher loh ang.ahawi kual vut a, "Ramchhan" a ti ta laih.



U Ramchhana bus luh tum chu ding chawtin kan lam a rawn hawi nghal thuai."I rawn chuang ve duh em?"U Sawmzuala chuan a ti leh lauh a, I Ramchhana pawhin hnial lo in kan lam a rawn pan ve nghal mai bawk.
"Saw le chuanpui kan nei dawn e,mahse ahma ah thu ve tawh la" min en kalh chung chuan a ti a,U Ramchhana rawn thleng lahin "Lawmte,ahma ah chuang teh aw naktuk hna kal ka ngai dawn si mut ka duh" tih pahin ahnung ah alut nghal tharh.




Kan chhuak khua pawh kan la pelh fel hma chuan U Ramchhana chuan hnunglam atang,"Sawmzual,light off teh men a ti nuamlo emai" a rawn ti a,U Sawmzuala pawhin a off ve nghal mai bawk.




Kal lam nen chuan in anglo tak ani,a reh bawk si ahnunga thu rawn hnar ri leh zeuh thin bak thawm hriat tur avâng khawp mai.



Kan ngawih dun rauh rauh lai chuan "zanin chu nuam iti em?" A ti ve mial a,a reh lutuk ka nin ahlau te pawh ani maithei ani.
"Umm,an fel hlawm sia an items ahmuhnawm hlawm bawk a" ka ti a,min pawmpui zet hian abu ve nghut nghut tih ka mitsir in ka hmu thei.

"Pangai deuh a ahmun fangkual tur ngawr ngawr a la kal leh tur ani" a tih chuan ka pawmpui thu ka sawi a,ka kal ve tawh nangin duh aiin kan kaldan kha kan hmanhmawh a,lawngah te pawh kan chuang hmanlo bawk nen nakin ah hmanhmawh vaklo a kal leh chu achâk awm khawp.




"Golf course vel ah i kal tawh em?" Ka ti ve ta thung a,ka mutsan chuan hrehawm alo tih ka hlau pakhat.
"Kal tawh e,mahse kan kal hun a fuh chiah lo a,hnim leh thingkung hrin lai in ka la kal lo.Kan kal lai kha chuan a ro rup"za vak lo a nuih hak pah hian a ti ve duah a,"i kal tawh zawk em?" A ti ve leh.

"Golf course ah tak chuan la kal lo,Dilpui ah kan kal a,tlawh tur hrim hrim a kal kan nilo a kan tlawh hman lo a" ka ti ve thung a.




"Kan la kal dun dawn nia" ati erawh ka chhâng lo thung.



Kan tlân thui deuh a ka lo chhing sek ni ngei tur ani motor inkhar ri dawp thawmin min ti harh a,light a rawn in on zui bawk nen U Sawmzuala nen kan in melh fuh chiang ngang mai.
"Sorry,ka ti harh che em ni? Ka zung lawk a" a tih chuan "apawilo" ka ti sap a,U Ramchhana rawn hnar ri thut chuan min ti phu chiang hle thung.Hnulam kan va en ve ve hnu ah inmelh in kan nui tawp,U Sawmzuala pawh lu thing nghut in "amutui hle mai" a ti ve sup.




Kan tlân chhuak leh a,khua engemaw zah kan tlân pel leh tawh.Kal lam ai mahin kan tlân chak nge ni Falkawn kan hnaih leh tawh viau mai.
Thusawi tur avang si,ka meng ve reng bawk si te nen phurh chu ka hrehawm viau in ka ring.
Kawi ulh lai deuh kan thleng ti tih bike chak zeta rawn tlân thut chuan U Sawmzuala motor khalh ti buai in kawngthlanglam ah steering a herhkual pawp a,motor control hnehin chesual lo mah ila ka dik ta hauhlo.



"Hrep chuan ava mawl ve mawle"a ti hrawk ri te chu ka hre nangin ka awm ka dawm a ka thawk a buai nghal vek.


"Ka...ka thaw theilo, motor hi ti ding rawh" ti tawk tawk in U Sawmzuala ka va khawih a,Hnunglam atang U Ramchhana'n "enge a?" a rawn ti ve nangin ka awmdan chu ala rawn hrelo thung.Motor ri tuarh vanga harh ani zawk ngei ang.


"U Sawmzual.."min rawn en vut a,brake rap ri tuarh in "Nute,enge awmzia?"tiin min buaipui nghal vut.

Ami biakna pawh chhanglo chuan kawngkhar ka dap rawk rawk a,hawnga chhuakin leiah ka thusawp nghal niah.


Ka awm zawn chu ka chûm dawt dawt a,a chang leh ka tham bawk.Boruak kham khawp ka hîp lht zoin ka hre lo a,ka bing chuk mai.



"Nute..nute min en teh,min en rawh le" ka biang pahnih a dawmin amah en tur chuan min vuan a,"hahdam rawh,engkim atha i him ania" ti sup sup in "ka..ka thaw theilo" ka lo ti ve thung.
"Engkim atha,muangchangin thawk hip lut rawh le"dam dap hian a ti a,a sawi ang a ka tih hnu ah pawh chuan ka la zia awm mai thei lo.
Min pawt hnai lawpin min pawmbet ta hlu hlu a,ka hnungzâng ah chulin "hahdam la,zawimuangin thawk tum rawh le" min la chul reng chunga a tih chuan zawi zawi in ka zia ve ta chauh.




"Enge awmzia Sawma? Lawmte i thawk ahah em ni?" U Ramchhana chuan a rawn ti ve bawk a,atu mah mah chuan kan chhang mai lo thung.




Reife kan ngawih tlân hnu ah chuan a inla hrang a,"i ziaawm deuh tawh em?" hriat nuam zet hian a ti dam leh ruih tawh.
"Aw..ka tha tawh e" ka ti a, thawhuai hmel hi apu.



"Ka thiamloh ani,kha ai lo khalh fimkhur deuh tur ka nia" a tih chuan ka lu thing vatin "aih..i thiamlo anihloh kha" ka ti thuai a,bike khalhpa thiamloh zawk kha ani tih kan hailo ve ve ang.

"Ka muhil daih sia engthil nge ni a,intauh dawt in ka harh ringawt a,tiang khan Lawmtei a lo awm leh si nen tlem a tlem ah kan chesual emaw ka ti hman alawm"U Ramchhana chuan a rawn ti ve leh lauh.



"Bike nen kan intawh dan a fulo deuh anih kha"Dam dup hian U Sawmzuala'n lo tiin bike khalhpa a hek hrep lo te chu mak ka ti khawp a,afel ka ti viau bawk.
Mahse U Ramchhana zawk chuan "tunlai two wheeler khalh tute fimkhurlo hlawm lutuk hi chu apawi ani.tleirawl te te hian intihpa nan hian an hmang a,chhungte thawhchhuah sa hmanga bike manto tak tak lei in an thawhchhuah loh vek petrol hmangin chak tak takin an han tlân ang fuat fuat a,atuarlo tur hian an tuar chawk leh nghal"a ti ta duah a,a sawi dik viau bawk.




Minute sawm dawn chu min thutpui leh hnu ah motor ah kan lut leh a,kan chuan luh dawn te chuan U Sawmzuala'n "a rei tawh lo ang" tiin min hnem thlap bawk.
A tlanchhuah leh hnu ah pawh min ngaihven zetin min rawn melh leh zawk zawk thin a,U Ramchhana pawh amuhil tawh bik em lo.




Kan veng kan tlan luh meuh chuan zinglam dar thum a ri hnai der tawh,kal lam ai mah chuan kan la thang rei lo zawk tho mai.U Ramchhana kan thlah hmasak hnu ah min thlah turin kan inlam kan pan ve leh a,ka that leh thatloh min zawt leh bawk.


Kan in kawt a tlân lut chu kan inchhung lo la êng thap chuan ngaih a ti thalo viau mai!Ka nu leh pa ten minlo la nghak ti dawn ila ka ring bik chiah silo.U Sawmzuala pawh in "ka lo zui lut ve ang che" tiin motor atang a rawn chhuk ve nghal bawk a,inchhung kan lut chu ka chhungte anlo buai khawp.U Puii'n nau a vei hi alo nia! Damdawiin kal turin an lo in buatsaih mek alo ni.


"Mate,inlo thleng hlauh chu ava tihzia tak" ka nu chuan alo ti thuai a,mamawh vel thuthleng ah alo chhawp hnawk rum bawk.



Ka û in U Puii chu lo kai bawk in ka pa leh ka nu in mamawh an la zung zung a, "naupabg awmpui ah lo tang mai rawh aw,chau dawm viau mah la hei damdawiin kan kal nghal angai sia" ka nu chuan a ti leh a, "ka lo zui ve dawn cheu mi?" Ka ti nangin naupang ka ngaihtuah chhuak zui nen atthlak ka ti leh hnuhnawh viau.


"Naupang lo awmpui zawk mai rawh,kan han kal phawt ange"



"Hruai in ngai em?"U Sawmzuala'n alo ti ve bawk,ka pa in alo hnial thung a,"in ril te atam ang thingpui te lo in rawh u,motor ka khalh thei alawm" tiin ka pan a chhang a,pawn thleng chu kan thlah ta hram.U Puii chuan tluang takin nau nei hlauh se ka ti viau mai.Jona zawk aneih dawn hian avei rei lutuk a,zai chhuah a neih tir mai kha an tum hman hial,mahse Pathian zarah anei ve thei ta hlauh kha ania.Tuntum chu a awl ve deuh tawh hram ka beisei pui.




"Ih...thingpui chu i in duh em?" Ka la te kal liam hnu chuan ka ti sap a, "pawi itih loh chuan"ati chu "pawi lo e" ka ti thuai.


Inchhung ah inzui lutin choka ah ka lut tlang nghal a,a rawn lut ve zat bawk.Thingpui chhuangin chhang ka la chhuak a,kei tak pawh hi ka ril chu atam khawp mai.



Thingpui pawh pahnih in tur ani bawk nen a so har lo,no ah thli chhuakin a intur zawk chu ahma ah chhang nen ka chhawp a.Thingpui no dawm a ka thu thla ve chiah tih ah naupang tap thawm ka hre leh si chu tho zawkin room lam ka pan thuai.
Jona zawk tapin khumah alo ding teu a,"anu bulah" tiin a lo insut nasa mai.



"Jona,anu kha maw i nau tur kha damdawiin ah anei dawn a,anlo haw leh vat dawn alawm" tih pah a pawmin ka awi zui a,a tap bang mai duh silo nen a û zawk a tih harh veleh hlau in puak nan a an hman thin puan lo in bang chu pawt thla in room atang ka chhuah pui a,ala tap bang mai duhlo zui.


Choka a ka luh pui pawh chuan ala in hnit hlap hlap reng.



"U Sawmzual,minlo puak tir mai teh a"ka ti ta tawp.Ka zeplo,naupang enkawl hi ka zei lo viau mai.Jona te unau tetlai zawng in Mizoram ah ka awm lo a,khu lam ah lah naupang lawm tur leh awm tur an awmlo nen naupang ka puak awm pawh hi ka la hrelo hial zawk.Kan unau ah apang ber ka nia,ka cousin fa nei tawh te nen lah kan inhlat hlawm bawk nen naupang hi kan kawl lo rei khawp.


U Sawmzuala pawh chuan min puak tir ve mai a,puakpuan ka suih tur te chu ka buai bawk nen U Sawmzuala vekin min rawn suih sak leh tawp.



Hmathlak ve ngei in ka awi ve dur dur a,ka insawithiamlo nasa mai si chu U Sawmzuala chuan minlo nuih leh ang suk suk thin.Haw thei dinhmun ah pawh ka dinglo,ka thiamlo ve em ani.
Naupang na na na chu Jona pawh a tap muhil ve leh mai bawk a,naupang zawnga alian chi alo ni kher bawk nen ka dar ana nghal ngut ngut thei.



Ka thingpui ka in ve hman meuh chuan alo dai vek tawh a,ka ti lum peih tawhlo cuuan ka in ta tho.



"Mahni a awm i hreh em?" U Sawmzuala chuan a rawn ti chhuak ta khauh a, "hreh lo e,hei naupang an awm alawm"ka ti erawh a nui leh suk.
"Naupang pathum"ati leh kher a, rum zeta ka melh ta kha kha chu a nui chhuak ta hawk.Jona atihharh ka hlau bawk si nen ka mit meng in ka khap vat a,"sorry" a ti ve ta sup.

[Natasha Hrahsel]

Ch-4




U Puii chuan vanneihthlak deuhin nau ahar talo hlauh a,Civil anei ani bawk nen zan hnih an riah hnu ah an rawn haw ve leh nghal mai.Ka pa chuan a tu nu neih hmasak ber hming ah Lalremruati tih asa a,U Puii chhungte lam pawh an rawn leng lut nitin ve.Bawihtei chu kei pawhin ka lawm viau mai,naupiang hlim ani chungin ahmel a fiah nghal em em a,a ngo in a sen suah bawk nen lawm ahlawh khawp mai.Anu pawh ahma angin a inhliam na lo bawk a ni thum a ral chuan chaw min kilpui leh thei nghal mai a,a tuar achhel hi kan ti khawp. Che tur ka awm reng chungin engemaw lo khawih ve phet hi a tum thin a,ka û leh ka nu ten an hau leh nge nge thin



U Sawmzuala pawh ala reh chuanglo a,ahma ang bawkin mi la rawn be reng a,thu dang erawh ala sawi ngailo thung.Dawr ka nghak ta chawt a,kei aiin naupang ka nun a enkawl thiam vang ani pakhat.Bawihtei bual angai nitin sia,ka thiam ve der mai silo nen dawr nghah ka thlang ta ringawt zel.
B.ed training theih ngei tumin dawr ah te ka inpuahchah bawk a,D.I.E.T a trainning theih ve ngei ka in beisei.



"Lawmte,Sangha tîn in kawl tiraw?" Rawn ti lut tu vang chuan ka diklo leh vek dawnin ka hre tawh!U Nunoi ani,ka hmuh apiang hian ka la danglam tawp theilo.
"In kawl em?" A tih leh takah chuan ka lo en reng tih ka hre chhuak ve chiah, "aw..aw kawl e" tih pahin ka tho thuai a,"engang nge i duh?" Tih pahin sanghatin lam chu ka en daih thung.



"Tomato tel kha aw,apangai chu athâng emai" ngaihthlak nuam zet hian ati a,Tomato telh zawk chu banin "akhaina angai em?" Amitah ka en ngam thlawt lo."aw apawilo viau ang" tiin "U Puii te'n naute thar an nei niin ka lo hria a,rawn la en ve tur ani"atih siam siam lai te chuan ka lo nuih seih ringawt.Amah pawh hian kan in a rawn kal hrehawm ala ti rengin ka ring.Mahse ka nu te hian an ngai em a,U Rotea an ngaih zual lai deuh phei kha chuan leng turin an sawm ziah a tih theih ang.




"Nia lo la en ve rawh" tiin pawisa te kan inpek fel hnu ah kan in thlahliam a,a kal liam chu ka thlir leh vang vang tawh.U Rotea kha chu la dam se chuan chhungkhat niin fa te pawh an nei ve hial tawh ngei in ka ring.Chhungkaw din a fanau tam deuh neih kha an duh thu sam ani thin a,U Nunoi khan ka nu bulah "tu tam deuh ka hrin sak che anga min awmpui thin anga"a tih te kha ka la hre reng,an hmahun ruahmanna tichhe tu ka ni mai hi ka inthiamloh tawp theih ka ring tawh lo.



Kha ni ..kha ni khan ka û kha lo hruaichhuak lo ni ilang tunah hian kan kiangah ala awm ve ngei awm si a.

Zirtawp ni ani a,U Rotea leh U Nuno i te inneih nan kar khat pawhin a dang tawh lo.School chawlh lai anih vangin ka û chu lenchhuah pui ah ka sawm a,min hnial viau chungin ka tihluih tlat vangin ka û motor in kan in phur chhuak a.U Nuno i chanchin te sawi in kan hlim hle.Amah pawh ahlim hle a,U Nuno i aneih dawn vang ni pakhat mahse hna anei thar bawk nen ahlimna chu abelhchhah viau.Anupui neih hnu a zawm mai tur ani nghe nghe.
Mahse kan beisei loh zetin kawngkawi ah bike nen innagchingin kawngthlang lama Garage chu kan su ta bur a,kei chuan seat belt hrengin na ve viau mah ila ka û zawk chuan seat belt alo breng lo nen darthlalang hmalam ah invawrh chhuakin anunna achân a,a vuina ah pawh awmlo in damdawiin ah karhnih dawn ka awm bawk.




Khani kha ka theihnghilh theilo a,ka û leh ka chhungte mai nilo U Nunoi nun ngei pawh ti chhe tel tu ah in ngai in vawin ni thleng hian mahni inthiamlohna in ka la khat a.Ka thiamloh ani miau si.Kha ni khan ka û peihlo chung kha lenchhuah pui ah lo sawm lo ilang chuan in lamah him takin kan awm anga,tiang hun hi kan thleng kherlo ang.

U Nunoi'n ka û boral kha a tuar khawp mai a,vawin ni thleng hian ngaihzawng lam ngaihtuah theilo in ala awm.Midang chuan hre ve kherlo mahse U Nunoi ûnau dangten min dem zia hmaichhanah ngei min hrilh tawh a,chungte chuan min ti na zual sauh.Hmeichhe pakhat hringnun chu ka dawn tawi luat vangin a chhe vek ka ti lo theilo.Ka û kha alo hmangaih em a,duh tu leh ngaizawng tu tha tak tak ahmu chungin vawin ni thlengin ala nulât phah bawk a! Chungte ka ngaihtuah chhuah apiang hian hlim hi phu ka intilo ngawih ngawih thin.Ka chhungte chu ka chhungte an ni a,ka û kha keimah vanga boral ah ngailo in ka hruaichhuah ani tih hrevek mah se min dem hauhlo.Chutiang bawk in U Nunoi pawhin U Rotea'n min hmangaih zia hria in min dem phal lo a,mahse a ruk chuan min dem ve fo mai thei.U Rotea khan min duat em a,an lenchhuah chang pawhin min hruai ve thin fo bawk,chutiang te hre chiang ber tu anih vanga alanga min haw lo mai mai anih te ka ring thin.




Ka ngaihtuahna a ka lo vhen veng venng lai in ka hma ah kut rawn ti ri khep chuan min ti harh zawk a, ka hma a ding ka hmuh rualin "U Sawmzual!" K ti nghal hlut.
"Minlo ngaihtuah em no?" Nui suk a tiin ka bula thutna awl ah chuan a rawn thu thla ve nghal ngawt a,a police form ala in el khup bawk nen a mi uap ana leh viau mai.



"zanin ah ka rawn rîm che i rem ti em?" A ti chu ka hau in ka en a,a nui ang suk suk leh nhhal a!



"Mawh..i rem ti em?" A tih leh tak ah chuan "teh thut ache" ka ti hlak.Nui hawkin "rîm chu i duh vak nange?" A ti duh lek chauh a, chutiang an indil ngai awm pawh ka hrelo e a.


"I thu thu lawm mahse maw U Sawmzual" ti hluai a amah ka en chu min lo enchiang teh thlawt lutuk nen ka hawisawn leh nghal thuai. "Sawi la" a ti zawi ruih a,keiin "min en lo la" ka ti ve tlat thung.Atthlak tih hmel zeta lu thinga anui chu ka mitsirin ka hmu reng a,mahse min enlo in hmalam a hawi ve mak tho.



"Sawi tawh rawh le,ka en tawhlo che"a tih chuan "tiang hian awm tawhlo la,ka sawi awmzia chu min duh tawh suh.Ka tan pawh anuamlo a,engtik ah mah min duh na hi ka chhang che in ka ringlo" ka ti ta duah a,beidawng se ka duh.Chhân na ka pek theih ka ringlo.




"Duh dang inei em?" A ti deuh nghut.


Lu thingin "chulam anilo" ka ti sap a,a ngawih deuh vung vung hnu ah "mipa dang i duh chuan loh chuan buaina a awm loh chu.Nute,i laka ka feelings te hi duh hun hun a ka tih tawp theih anilo.Tin,min hnawl fithla thak bik lo tih ka hai lo bawk.Nangmaha i in daidan na bang kha a chhah em a,ka la su tlang zo lo deuh mai ah ka ngai.Engtik ni ah emaw chuan ka la su tlang em em ang.Ka nawrlui dawnlo che a,ka beidawng dawn chuang heklo.Engmah ilo tih ve angai lo,keiman theihtawp ka chhuah mai ang" a ti ta dap dap a,sawive tur reng min ti hre leh pek tawhlo.


Tin,asawi dik hle bawk.Kei hian ka hnar fithla thak lo alawm! Ahma angin ka hlau tawhlo a,a message ka hmuhloh chang te hian ka ngaihtuah leh veng veng thin bawk.Mahse...keimah ka insitna hi anasa lutuk a,hlimve phulo ni a ka inhriatna ala nasa zual deuh deuh bawk a,hetiang lamah hian rilru ka la pe ngam thlawt lo ani ber e.




Rei vaklo a thut khawmuan leh hnu ah "zân ah ka lo leng dawn nia,room ah min tawm san lo la" ti a nui suk in min kal san a,ka tah a ti chhuak hial zawk.Tlawm ah te pawh ala ve em em tawh zawk lo em ni? Nge ni a min duh tih hi alo ti takzet zawk le?




Zanah chuan a rawn leng ta ngei a,kan chhungkaw ho nen thutkhawmna lamah TV kan en thap.Ka chhungte lam lah in ka laka U Sawmzuala rilru put hmang hi an hai biklo a,mipa tha tak ni a ngaiin inkawp pawh ni ila pawi an ti hauhlo ang tih theih tur khawpin an be tha bawk a.Ka û nen pawh an sawi duh zawng a inrual khai viau bawk.

Dar kua a rik chuan room lamah min luhsan ta hlawm a,zan dang nise an la luh dawn loh nasat hlawm nen hian.



U Sawmzuala chu ka bulah a rawn insawn nghal zat a,ka lo tawlhrem vat chu min nuih leh suk tawh.TV ah hmuhnawm em em lo zet chhuahin kan en reng a,sawi tur avang si haw mai tawh se ka ti rilru vawng vawng mai.



"Zir zawm leh ila tum em?" Ti a min zawh chuan tha takin B.ed zir ka tum thu in ka chhang a,D.I.E.T a tlin loh ka hlauh zia te ka sawi ve nghal bawk.
Zirna lam hi ka ti thei viau lo a,athiam thei pawl ka ni ngailo chungin ka fail ngai bik chuanglo.Mahse a ti tha pawl ah ka hming alang ngai miahlo thung.Theihtawp a ka zir ve tum pawh hian ka beisei ang hu in ka ti tha ngai der lo.




"I tling em em ang"a tih chuan "ka thiam theilo lutuk a zirlai hi" ka ti sap a,sawi zah ah pawh ka la tawh lo.Tetlai atanga tuition lak ngai kha ka nia,ka û te ve lem top 3 an hauh rebg zel thung.An thluak hi ka awt thei asin aw.

"Hna i thawh kher loh pawn ka chawm zo viau tho ang che" a ti chu a malah ka chum tawlh a,anui hawk hawk mai.Hetia min chhaih hian ka lai chhe thei sia,min chhaih nuam a tih phah zual sawt ni te hian ka hre thin.




"Ka ti tak tak ania,tun dinhmun ah chuan fa sawm pawh nei ila chawmna tur ah ka buai ka ring lo" ala ti ta deuh deuh a,"i ninawm e" ka ti chiam ringawt.Nui hawk hawk in "i fiah chak lo em ni?"ala ti zui a,ka melh rum hle tawh.

Zanin chu engemaw a hriat ni? Min chhaih reng mai ni.
Dar sawm apelh chuan haw mai a duh thu asawi a, "Nute,pawn thleng min thlah ve dawn em ni" a tih chuan ka tho ve mai.




Pawn lam ah kan in zui chhuak a,abike bul thleng chu ka thlah ve ngei.
"Muttui aw" ti a luhsan mai ka tum chu ka kutah lo chelh thuai in "la lut lo lawk la" a ti sup a, kan indin chilh ta reng.
"Engtik..engtik ni ah emaw beidawng lo a ka beih fan fan na rah hi ka hmu ve angem?" Ti a min en vawng vawngin "engtik ni ah emaw ka beiseina te hi thlawn lo in i siam angem?" Ati leh a,chhân harsa ka va ti tak.


"U Sawmzual" ka ti sap a, "shh..min chhang suh,ka sawi lo angah ngai rawh" a ti leh vut tho si!
Nui sukin ka biangah a rawn dawm a,ka chal a ahmui a rawn nawr vang vang chu chetsawn nachang hrelo in ka lo dawn mawl tawp ringawt.



"Ka sulhnu hi mipa dangin rawn chhui suh se" tiin ka biang chu a kutzungpui in atuai hauh hauh a,"lut tawh rawh le,i hritlang palh ange" dam deuh a tiin a inla hrang nghal zat bawk.Tun mai a achet dan khan min ti hamhaih takzet! Chuan keiin ka lo dawh liam tawp bawk a!



Harhchhual thutin "muttui" ka ti a,inchhung lamah ka tlan lut ti tih.Inchhung ka luh rualin ka thin zawn ka dawm vang vang a,aphut ran dan chu pui tak ani! Ka biang kan dawm leh alo sa hat hat bawk! Phat rual lohin tun mai a achet dan khan min hneh tak zet zet.
Chu zan chuan ka mu tlem khawp.Ka zing tho U Puii lahin U Sawmzuala fel atih thu min sawi khum chamchi a! Min ti buai zo vek.Ka nu leh pa lahin an sawi leh zeuh thin bawk nen ka tan chuan hnar aharaa takzet tawh.



B.ed training tum chuan kan exam ve rawih a,ka chhândan ngaihtuah let chuan ka tlin pawh ka ring lo khawp mai.Mahse beiseina chhete erawh ka nei ve a,ka in beisei sâng ngamlo thung.Ka exam kar dawn ah chuan U Sawmzuala arawn lang lo a,min tihbuai ahlauh vang anih thu phone ah arawn sawi thlap thung.



Bawihtei em turin U Nunoi a rawn lenglut ve teh mial a,naute thawmhnaw leh pheikhawk a rawn keng tel bawk.Ka nu dawr ka nghah chhawk loh ni tak alo ni bawk nen ka lo tang ru leh teuh tawh.Bawihtei a han pawm te chu hmuh hrehawm ka ti ngawih ngawih ani ber.

"U Pui,a û te aiin a ngo tiraw?" Tiin U Puii abia a,U Puii pawhin "umm,a û te hi chu an pianhlimin an ngo hleinem,an vannei hlauh a an len deuh hnu ah an vun a êng ve chauh" tiin alo chhang a,Bawihtei hmeltha a tih zia te chu a sawi leh mawlh mawlh.




"Nuno,mipa lam hi i ngaihsak har tawh emai,tiang chuan i vanglai a pel anga nakin ah ila in chhir ang"U Puii chuan ka rilru a ka pai reng chu a rawn sawi chhuak ta nawlh a,U Nunoi'n mipa angaihsak lo lutuk tih te a hre ve bawk nen fuih ve a tum ah angai.

"Nia,ka chhungte pawhin an sawi an sawi tawh a,mahse keimah zawk hian harsa ka la ti a"a tih chuan ka lo thaw deuh hap a.



"Mahse" a ti chiah erawh U Puii nen kan beng kanlo tun nghal hra.



"Tinge? Mit la deuh i nei em ni?" U puii pawhin alo ti nghal thuai.



"Mit la han ti ila,aw ani mai ang chu.Min hmuh dan ka hre chiah lo a,mahse tun kan inhnuai rawn luah pa saw chuan min ti danglam ve in ka hria.Kan inrual loh pawhin kei ai kum khat velin a û maithei ani.A fel reuh lutuk a,ka mipa duh chi tak anih piah lamah U Rotea nen pawh an mizia a in ang lutuk a" a ti siam siam chuan engemaw zawng takin min ti hahdam a.A sawilai pawh chuan a hmel a êng vek thei in ka hre hial.

Kohhran leh khawtlang ah pawh a inhmang tawhlo tawp tawh a,tihian thawmhnaw dawr te neiin online shopping te akal pui a,a chhungte pawh an beidawng lek lek tawh tih thawm kan hre ve leh thin nen chutianga amit la deuh tu mipa an lo awm chu ka lawmpui takzet.Nilo keimah hi ka lawm zawk hial maithei ani.




"Mahse U Rotea ka hre chhuak zel a" a ti chuai leh raih a.




U puii chuan "Rotea khan ahmangaih em che kha,hetianga amah ngai reng reng a hun i hmang hi hrehawm alo ti viau ang.Midang mipa tha tak tawng la aduhpui em em ang che.Nangpawh i nunhlui in chelh beh tir reng lo la,hmalam pan ve daih tawh zawk rawh" tiin a fuih dap dap a.
Engmah ka lo sawi ve ngamlo thung.U Nunoi hian mipa tha tak hmangaihin tawng se chuan keimah a inthiamlohna nasa lutuk pawh hi a zia phah hawk ngei in ka ring.




"Ni e,nakin ah ka la hmelhriat tir ve ang cheu.In ah hian a awm hmanlo lutuk a,a chhungte pawh ka hmu tawh a chhungkaw pangai tak an nih hmel bawk a,ka la rawn hmelhriat tir ve ang che"hmel nung sarh hian ati a, ka nu rawn haw hma hretin ahaw a,ka nu chu dawr ah ahmuh kawi mai tur thu asawi thlap bawk.

U Nuno in mipa tha tak atawng anih a an inhnuai luah tu pa nen an inrem theih hlauh chuan U Sawmzuala hi ka chhang ve duh hial maithei ani.

[Natasha Hrahsel]

CH-5




Chhungkua a chaw kan kîl ho laiin U Nuno-i chanchin bawk chu kan sawi leh thin a,amah nula fel tak alo ni bawk nen hetianga ka û vânga ala nula reng hi ka pa meuh pawhin tha a tihloh thu sawiin pasal tha tak nei ve ngei se ati chhuak ve hial a.Lungloh ah pawh kan la thei tawhlo.Ka nu pawhin ka û awm tawhlo mahse afanu ang maiin ala en reng a,ka nu rilru tak chu kan va hre lo nangin U Puii'n mipa angaihsak ve leh tawh a ti a a sawi kha chuan alawm ve hmel viau.Chutih rualin U Rotea erawh a hrechhuak lo thei dawn lo a,kei pawhin tun thlenga U Rotea'n min kalsan mai hi hriatthiam harsa ka la tih chuan ka nu a hringtunu tan chuan ala na dawn lutuk ringawt.





Ni aliam ve zel a,U Sawmzuala pawh hna lamah an buai deuh nge ni tunlai chu a reh khawp mai.Phone lamah erawh a dan ngai te in minla rawn be ziah a,keipawhin amah ah rilru ka pe tawlh tawlh tih ka in pawm ve ta bawk.
Pangai taka min sawm leh hmasak ber ah chhânna pek mai pawh pawi ka ti tawhlo a,U Nunoi'n hmalam apan theih vâng nge ni ka ipik churh te kha tlem chuan azia tawh bawk.

Thawhtan zân ani a,tunlai Bawihtei a tlei lo thei lutuk nen U Puii a che thei silo a,zanriah ei na vel ka sengfel meuh chuan inkhawm tan hun alo pel daih tawh! Ka inkhawm lo ta tawp kha ania.A langsar ah inhmang duhlo mah ila thawhtan zan inkhawm tih vel ah tal hi chuan tel ve ngei ka duh.




"Anîte..Anite" tia ka vahte'n ka room kawngkhar an rawn chum dat dat chuan ka va hawng thuai a,ka room hi ka kalh ngailo chungin naupang tan chuan nem hawn mai hi aharsa a,keimah pawh hian ka nem leh deuh pawp thin.A invuah fuh tawk lo deuh nge ni ka pa la hrilh hriat angai ani.

"James,Jona enge ni?"tih pahin ka thu hniam a, "anite,palian deuh alo kal a,apu ten han ko rawh an ti nangmah"Jona zawk chuan a û in a sawi khalh ang tih hlau ang mai hian a ti bah nuaih a,ka lo nui hak thung.An sawi chu U Sawmzuala anih ngei ka ring.



Ka lo inhak tawngchham deuh vangin thawmhnaw pangai ka inbel hmasak hnu ah ka chhuak ta chauh a,ka pa ep ah U Sawmzuala ngei mai chu inbual fai hlim tih hriat reng hian alo thu.A sam chu ala hnawm deuh chhap a,Tshirt dum plain ha in jogger pants aha leh tawp chung pawhin a mawipui leh em em tho.

Ka va chhuak chu keimah ah amit a fu nghal chat a,ka pa te bulah thutna awl awm tawh hek lo zak ru deuh chuan U Sawmzuala bulah ka va thu thla a,a rim fresh zet chu ka hip lut nghal vang vang.




"Sawmzual,tunlai in hna te in tluang maw? Hei tunlai ruang chhar tih thawm hriat tur a rawn awm leh nawk zel a,in buai phah viau ang chu tiraw?" ka pa chuan a ti charh charh a,"nia,apawi thin viau mai" tih te in alo chhâng thung.
"Ruang chhar,tual thi tih te hi an la tam chho telh telh in ania ka rin ni"ka nu'n alo ti ve bawk.

Social media achak tawh vang nge ni chanchinthar a an puan hma hian thu tharlam hi kan hre zung zung tawh a,Mizoram chhung chauh nilo ram dang hmun hla tak tak a chhiatna thleng te reilo te chhungin kan lo hre ve vek zel a,ngaihtuah thui châng phei chuan kan hma hun hi a thim thin riau te hian ka hre thin.Kan chunga thleng thei ngailo tura kan ruat thihna meuh pawhin min kal kân bik dawn miah silo a,mi te'n a kal hmasa apiang an vannei animai an tih thin te hi a dik dawn viau hian ka hre thin.



"Enge i ngaihtuah?" Ka phu deuh zawk chu aphun hluk mai,mahse fiamthu hian "ka la be hlum thut ang che tih te hi ka hlau thin"nui suk chung hian a tih zawm leh a,ka lo nui ve sak ringawt.
Ka nu leh pa te'n room lamah min luh san tawh a,zân ala tlai lo viau chungin U Sawmzuala mitmeng chu asen deuh rûm a,ruih aneih hmel siloh!"i mit a sen " kan ti deuh thawr a,han sawi mawihnai ve awm pawh ania.



Amit chu nuai deuh in "zan hnih ka tlaivar tawh a,mu hmasa lo in ka rawn lēng" a tih chuan ka hau hian ka en!



"Tinge? I hna vang ami?" Ka ti sap


"Umm,champhai lam atanga damdawi dan phalloha rawn phur kan châng a" a ti tha ve mai bawk a,"in man em?" Ka ti erawh nui hul hak in a then sak a, "kan châng fu lo,kan thu dawn na a rintlak fû si a,an in thup thiam viau te pawh ani ta ve ang" tiin a ner deuh sawk a,a thin a rim hmel viau bawk.

A hmai tuai puat in sofa chu thatchhe zet hian a ngheng zui a,ka dar a alu a rawn nghah chuan ka awmsawn bik em lo.



"Nute" a ti chiah erawh ka zawh châkna a rei tawh bawk a tiin "U Sawmzual,tinge ka hming nilo a min koh char char a?A tir ah khan i hresual emaw ka tia,mahse miin min kohdan atang pawhin i hre tawh awm tho sia" ka ti a,'Nute' tih hlir in minla koh a,ka chhungte min koh dan 'Mate' tih emaw ten min ko se chuan ka la hrethiam deuh.


"I inhmeh alawm" ti supin a thu tha a, ka lam lo hawi a min en chuan ka lai leh hle tawh.

"I sam sei hnâp te,i ze zawi awi tak te,i hmel pawisawi lo lutuk ka hmuh te hian koh che ka tum apiangin ka kohdan che bak hi ka rilru ah alo lanh ngailo" a ti duah a,sawi tur avâng duh tawh kher mai.



"Zanin chu ka haw hma ange,ka chau ve deuh riau mai tiang chuan ka muhil thei mai dawn tlat" ti supin a ding hluai a, ka chapal inthawlh tha sawt sawt in ka ding ve nghal thuai.




Pawn ah inzui chhuak in abike dahna thleng ka va kal leh a,kawtah hian a rawn tlân lut ngailo reng reng! Kan thenawm te nena kan inri na zawnah tak hian a dah ve ziah.
"Chuan" ti supa min en chuan ka mitko kalo sán zeuh."Chhânna ka beisei ngam thei tawh em?"a ti a, ka chil lem khawlhin "naktuk ah ka hrilh ang che"ka ti chu amitmeng a de nghal sawr sawr in ka hria!


"Umm,'aih' tih chhânna ka dawng duhlo tih i hria tiraw?" A tih chuan ka bu nghauh a,nui sukin min en ta ngar ngar.



"Haw tawh rawh" ka lai lutuk chuan ka ti ta tawp a,a nuih azat hmel viau.



"Ka va muthilh leh theih hmel siloh ve" ti kher in min en laih phet chu a tum leh ta nghâl a!



"Nûte,tunah hian sawi mai la" a tih chuan ka melh zawk,"naktuk ah" ka ti ve tlat. "Ok,ka hna bân ah ka rawn lam ang che" a ti ta nge nge a,"khawiah nge kan kal dawn?" Ka lo ti ve tawh thung.
"A fâl a kan inbiak theihna hmun ah,lut tawh rawh le thli athaw si hritlang i kai palh ang" la bek a chûl zeuh pah chuan a ti dam dap a,ngaihthlak anuam asin aw.



Zan ah te chuan muhil theilo in ka inlet ka inlet a,U Sawmzuala chu ka tân liau liau Pathianin a rawn tirh anih te ka ring leh thin.Tiang tak hian ka vei zawm dawn tih hria ilang chuan atir atang ka be tha ve ngei ang.Kum lamah chuan kan inthlau ve deuh a,kan sawi duh zawng leh ngaihtuah zawng pawh a inpuitlin hleih viau in ka ring.Chuti chung chuan ka bula awm hrehawm ti angin a awm ngailo a,alo len tirh a ka biak that duhloh lai pawhin ani chu a awm ngai in a awm mai a,min ti lui in min nawr lui ngai miah lo bawk.


Thenzawl kan haw lam ka chebuai min buaipui atang khan amah ka pawh zual phah ni in ka hria a,khatiang tak kha chuan awm ngai chiahlo mah ila thawk harsa ti taka awm chang ka nei zeuh zeuh fo tawh.Mahse khatiang anga rang khan tumahin minla beng dai ngailo.



Shillong ah tum hnih thum vel chu khatiang deuh khan ka awm tawh a,ka college kalpui te leh ka kawm ve deuh ten min buaipui mai thin.Pangai taka awm leh tur khan ka bei ngial thin a,mahse U Sawmzual kha chuan awlsam te in min bengdai mai thei kha ania! Amah ah hian ka sawithiam siloh in hîm anga min inngaih tir tu a awm a,thu ho te pawh sawi se ngaihthlak anuam ka ti viau anih kha maw.




U Sawmzuala chhânna ka pek ni tur chu ka tho hma khawp mai.Thawh ka tlai ngailo chungin hma leh lutuk a ka thawh chuan ka nu in min rinhlelh mai ka hlau a,ka room ah reife ka awm hmasa phawt.
Ka zâm vang nge ni hun te chu a kal chak riau in ka hria a,ka kut te ka lo hûm thlan leh thin! Ka nu in dawr a ka kal ve duh leh duhloh min zawh te chuan in lama ka lo awm mai tur thu in ka chháng a,U Puii nau awmpui angai bawk nen ka hnial chu mak ti awm pawhin alang lo.




Chhûn ah Jona te unau ka bualfai diam a,anni ang rual bual hi chu ka harsat bik lo.U Puii ache ve thei tawh bawk a Bawihtei chu aman abual thung a,kan pawm kual nasa bawk nen amahin amut achhuah deuh pawh hian amuhil duh tawh der loA nu ka awih chhawk leh ta tawp a,ka awi ve thiam lutuk tawh ringawt.
Bawihtei buaithlak hrihloh na deuh chu tumah min la hre hrang vak lo a,tupawh in kan la lâk chhawk thei a sual deuh hrih mah se ala zia khawp mai.



Bawihtei ka awih mut chhungin U Puii'n Jona te unau all ti mu ve bawk a,nî an la vui zo lo unau a,mahse James zawh hi chu session thar ah school luh tir ve ngei kan tum tawh.



Tlailam dar thum a ri tawh a,zîng lamah rawng kan bawl thar hnem bawk a tlai lam chu chawchhum bak angai lo.Ka helhhawlh nge ni kawngkhar lam ka lo thlir leh veng veng thin chu U Puii'n min zawt ta tawp a, ka pha buai nasa asin aw..


"In awm maw?" Ti dut ri ka hriat rual chuan ka thin a phu nghal dawt dawt mai.



U Sawmzuala ngei mai chu a form pawh la thlak lo chuan a rawn pên lut a,ka chil ka lo lem khawlh mai.
"U Pui, Nutei hi ka lo hruaichhuak lawk thei angem,kan reilo ang"kei min en lo in U Puii zawk amelh daih.




"Ngahnge maw kei mi dil kher le? Ama thu thu aniang chu kawngkhar lam alo melh alo melh chhan kha ka hrethiam ta chiah e" U puii'n a ti a,athusawi tawplam erawh tûl lo hi ka va ti tak.

Kiai suk suk chung hian "I hman chuan kal ila,i nu pawh ka rawn be kawi tawh e" ati a,zui mai ka tum chu U Puii'n "i mak thei emai Tei, i thawmhnaw te kha thlak ve phawt la" alo tih vang chuan U Sawmzuala zawk chu ka melh zeuh.



"Hruai hlat vak che ka tumlo a,ti pawh khan apawilo"U Sawmzuala zawkin alo tih vang chuan "tian animai" ka ti sep a,minlo buk khum nghutin kan inzui chhuak zui.
A rawn tlang ani ngei ang bike in alo kal a,athut fel hnu ah lawn ve in ka thut thlak rual chuan "ka in luah lamah phei hmasa lawk ang aw,tiang chuan ka ni deuh tep tup emai" a ti a,ka lo hnial lo.Ami man te pawh ka ang dawn dawn min ti hre tlat.Form ahak hi chuan amah apalian bawk nen a ni deuh up a.Ahma pawh khan city police tura an lak hrim hrim emaw ka tih phah hial bawk.Mahse inspector lai chu alo ni ve reng mai!



Kan dawr kan tlân pelh lai a a hnunga ka hmai ka phûm deuh chu min nuih a, ka nu hmuh ka hlau tih a hre thiam leh nghal vek tawh anih hmel.


Eng nge ka sawi chhuah hmasak ber ang? Engtin nge ka duh ve thu ka sawi ang tih ka in ngaihtuah lai mek a U Nunoi te veng lam a apêng chuan thil dang ngaihtuah theilo in min siam ta nghal a,ka rin ang hi nilo hrâm se ka ti ta ngawih ngawih.
Mahse,ka hlauh ang ngei in U Nuno-i te inkawt ah chiah chuan a ding ta mai!




"Chhuk la" a ti te chu ka hre ruai ruai..


"Tah...tah hian maw i awm?" Ka ti halh a,bu nghutin "Pu Nunfela te inhnuai hi ania ka luah,an fel chhungkua khawp mai" a ti te chuan ka thawk a ti sak talh mai.A awmzia chu U Nuno-i'n a mipa duh ruk a sawi kha U Sawmzuala hi tihna em ni? Anih zia hrechiang viau tawh mah ila awih harsa ka la ti takzet.



"Lo kal rawh le" ti a min kaih te chuan a tih ang angin ka awm tawp tawh.Sawi tur ka hrelo a,engtia awm zawm tur nge tih pawh ka hre tawhlo.


Inhnuai panthlak na step a kan kal lai te chuan U Nunoi'n phûr zeta U Sawmzuala chanchin ngei mai a sawi lai te kha ka mitthla ah alo lang zut zut a,hrehawm hi ka va ti tak.


"U Sawmzual,U Nunoi i hria em?" Ka aw te chu a diklo zo vek tawh.



"Hria e,Pu Nunfela te fanu tê ber ania a fel khawp mai ka insawn luh ni pawh khan min rawn tihfai pui a" a ti deuh deuh a,mahse min ngaihsak zawm lo in tâla chu a hawng ta daih.

A inchhung chu tlangvâl mahni a awm mah nise akhat ve viau a,fridge pawh a tê chi a inhûng fel ve thân.Ka hmuh tum loh dan deuhin a inchhung chu alo phuisui ve khawp a,ka û te inchhung nen a danglamna a tam viaulo.Mahse chungte chuan ka ngaihtuahna an la peng zo meuh tawhlo.



"Lo thu la,ka ban emai kan intleuh thuak ange,ka reilo ang" ti supin room lamah min luh san zui a,thlanglam thuthleng ah chuan zawi zeta thuthla hnawk in ka thaw hap.



U Nunoi'n Ka û kum tam theihnghilh theilo a asûn hnu ah a hmel duh zawng mipa a hmu ve leh chauh a,mahse U Sawmzuala ka mipa duh kher alo ni si! Mahni hmasial takin ka duh phawt chuan vawin tlai ngei ah hian U Sawmzuala hi 'aw' tih chhânna ka pe thei a,mahse avawi hnih nan U Nunoi nun ka ti chhe leh vek dawn si!
Ka rilru in 'Lalpa,ka nun ruak hrehawm lutuk ata min hruaichhuak tura i mi rawn tirh emaw ka ti a' ti in dem ngam chiahlo mah ila Pathian chu ka dem ti tih chu ani ber tho a,tinge ..tinge U Sawmzuala kher hi alo nih le?
Tinge ka mipa hnaih leh duh hmasak ber hi U Nunoi mipa duh nen alo in an kher kher le?



Ding hluai in thlanglam kawngkhar chu ka hawng a,balcony ah chuan dak chhuak in thlifim lo thaw heuh heuh chu ka hîp lut vang vang a,awmzia erawh a awm thui lo khawp mai.



"Hetah ilo awm daih a" ti thawp sap ri ka hriat rualin ka hnung lam atang U Sawmzuala chuan mi rawn kuah a,ka dar ah akhabe a rawn nghat zui dat bawk."Chhuah nan chuan atlai tawh deuh iti em,hetah hian chhân na chu min pe mai la"ati zawi sup.

Ka rilru insual buai nasat zia hria se tun a athusawi kha asawi hauh lo ang.


"U Sawmzual" ti sepin thawk kan la hmasa leh te te a,ka mittui rawn far thla pap ringawt te chuan ka chhungril mangan zia arawn ti chiang ngang mai.Ahmuh hlau zet chuan ka tuai hul puat a,tunah tak hi chuan khuarkhurûm mawng neilo a tlák vawng vawng mai te ka chak hial!



"Sawi la" a ti sep a,hrilh dan tur ka va hre si lo em! Ka rilru abuai a,ka duh ve tih ka pha lo,ka chezia atang ani ngei pawh hian ahai bik miah lo ang.Mahse tunah hian ka chhanglet anih ngat chuan ka inthiam thei dawn chuang lo tih ka inhre chiang si.Avawi hnih nan U Nunoi hlimna ka ti chhe leh ngei bawk anga!



"Thian angin awm zawk ang"ka ti ri chu zawi viau mahse a hre pha tih hriat zetin min hlat in a ding ngil nghal zawk a, ahmel phei chu ka en ngam hrih thlawt lo.


"Nute,min en teh"a tih te chuan ka che sawn duhlo,hmaichhan ngei ah amit a en chungin ka hrilh ngam ngang lo.



"Ka...ka duh lo che" ka ti zawi leh sap.Engmah asawi ve lo,a reh hian a reh tlawk tlawk a,ka bek sa hat hat ah erawh min en reng tih chu ka hre thei.



Amah hmachhawn turin ka inher ve ta hrâm a,"tunah hrih chuan ngaihzawng lam buaipui ka la duhlo, min hrethiam la tihian thian angin inkawm zawk ang"ahma ai ring leh fiah chuan ka ti chhuak a,ka chhungril erawh ana ve takzet zet ani.U Sawmzuala kan inhriatna pawh la reilo vanga hetiang taka ka nat chuan U Nunoi lo nay tur zia thlengin ka ngaihtuah chhuak a,hrehawm hi ka ti thar ngawih ngawih.




"Nute,i fiamthu em? Helai hmun kan thlen hma kha chuan khatiang rilru kha ila pu hauhlo" a ti charh a,ka thusawi chu awih harsa a ti hle tih ahriat.


"Ahma a ka rilru ngai reng ka la pu alawm,keichu ngaihzawng nei chi ka nilo a bakah nangmah ah hian rilru ka pe tak tak thei lo" ka ti dam thluam a, "mahse engkim avangin ka lawm e,phulo viau mah ila minlo duh ve ringawt pawh kha ka lawm lutuk.Kei aia tha leh fel zawk ila hmu em em ang.Ilo awmna ala reilo a,nakin ah chuan kei aia tha leh duh ila tawng em em ang" ti duah in ka sawi zo chiah chu ka thaw hawk a, nui sakin "i in pawh anawm reuh hi,khawhawi a nuam si,innei tu te hi ka hmelhriat an nia,an fel bawk a i luah vannei khawp mai" te ka ti kual a,sawitur ka hriat tawhloh lutuk vanga sawi mai mai ka ni tawh zawk.



Tawng lo hian a dinna ngai ah ading reng a,a rilru chuan hmeichhe dukdaklo ang tak pawhin min ngai ta hial ve ang.




"Ka va haw phawt ange aw,atlai tawh emai" ti a inchhung lama ka lut leh erawh che phutin min rawn zui lut a,"ka thlah ang che"ti tawl in room ah thawmhnaw pangai hak tum in alut ani ngei ang,tawnzau dum chiah a inbel tih ka lo hmu hauhlo.
A rawn chhuah leh chuan kawr pangai a rawn ha tawh a,helmet a rawn keng nghal bawk.




Ngawi rengin kan inzui chhuak a,kal lam nen chuan kan in ang tawhlo khawp mai.Bike ah chuan ngawi rengin ka thu kai a,eng thu mah kan sawi tawhlo ve ve,a thinrim a min huat dawn nen min la thlah duh te chuan mi tha tak anih zia a ti chiang leh zual a,ka ta ni thei se ka ti thar ta ngawih ngawih bawk.



Kan inkawt ah abike a dintir a,khua pawh ala thim lo.A in ah khan rei kan awm hman lo.Ka chhuk pah a lawmthu ka sawi bak ka tawng tawhlo a,ani phei chu thu kam khat pawh achhak chhuak tawhlo, lei a ka din fel rualin inturn pawp in chak zet hian a phit chhuak leh nghal a,a tlanliam lai chu ka thlir zui vawn vawn.




Ka mittui rawn far fep chu ka tuai zeuh a,inchhung ka luh ruala U Puii'n phur zeta chanchin min lo zawh rual chuan ka mittui ka dang zo tawh lo, ka tap chhuak hawk.



"Enge awmzia!! Mate, Sawmzuala khan wngtin nge a tih che" a ti nghal chul.Ka lu thing nawk nawk in "chulam anilo" ka ti tham tiak a,ka tawng hleithei lo.
Ka tap thawm vang nge James leh Jona te pahnih chu room atang an rawn tlân chhuak ve bawk a,hmuhnawm ti zetin an nitei tap chu min lo thlir tawp.



"Upui.." ti in ka la insut feih feih reng..




"Sawi thuai teh,ngaih iti thalo emai "alo ti ve hliai.



"Upui, tiin ka hmui ka la pet fan fan" ka ngawih leh vang vang hnu chuan la insut ri hraih hraih reng chungin "U Nunoi'n amipa sawi kha U Sawmzuala hi alo nia" ka ti a,U Puii pawh chu amengphawk ve nasa mai.

"Nunoi'n amipa sawi chu Sawmzuala kha maw?Ngawiteh,Nunoi te inhnuai luah tu tlangval chu Sawmzuala hi maw lo ni a" a tih chuan ka lu ka lo bu nghauh nghauh a, "aw...aaa .ava han pawi tak,Mate chuan engtin nge"ati zui a,

"Vawin ah chhânna ka pek abeisei a,mahse maw a in luah kan thleng chiah kha maw engkim abuai vek.U Nunoi mipa duh kha U Sawmzuala ani tih ka hre chhuak a,chhânna ka pe lo.Engtin nge ka tih ang U Pui? Keimah vangin U Rotea achán tawh a,U Sawmzuala lehzel hi chu ka laksak thei lo...mahse...mahse ka rilru ka pe ve hman takzet si"ka ti nawk nawk a,ka thusawi te chu a ngaithla tu tân abuai chuar viau in ka ring.




"Mate,ava pawi ve engtia han tih chi nge maw ni le?" A ti ve hluai a,U Rotea vanga ka inthiamloh nasat zia hrechiang tu ani a,ka nu leh pa ai mahin min hrechiang ang tih theih ani.U Nuno-i laka ka inthiamloh thin zia ahrechiang em em bawk a,tun dinhmun ah chuan U Puii tluka ka dinhmun hrethiam tu tur an awm lo.

[Natasha Hrahsel]

CH-6







Thawhtan zân ani a,peihlo tak chung chuan inkhawm turin ka insiam a.U Sawmzuala vânga rilru hahsa nen,ka exam ah kalo tling lo lehzel bawk nen ka ngaihtuahna abuai a,chu chuan mim ti chau nghulh thei!
U Ruthi pawh ka phone hranlo,mahni chuan biakin lam ka pan ta hnak hnak a.Ka rilru a leh taksa achauh ber lai pawh a hmalam pan a ka la kal ve hnek hnek theihna chhan hi Pathian vang chauh ani tih hrechiang hle lo ila chu tun hun ah hian lei hnuai ah emaw,khawilai kawng kam ah emaw ka rui thle kual vel mai mai ngei in ka inring.Mahsela khâng hun,ka nun a hun harsa ber ka tawhlai khan Pathian hnen ah ka in kawltir ve tlat a,ka chhungte min tawngtai pui na nen tun dinhmun hi ka la thleng ve hrâm hrâm ani.




Biakin Gate ka thleng a,U Sawmzuala leh U Nunoi rawn inphur chu duhlo viau mah ila ka hmu lo thei lo.Ka pawnlam chuan alawmpui viau a,mahsela ka chhungril erawh a rûm ve vawng vawng mai.Ding rei duhlo in ka lut ta daih zawk a,U Sawmzuala pawhin min hmu hman kherlo maithei ani.

Inkhawm kan thahnem viau a,thusawi tu in a thupui thlan 'kan tunlai nun' tih hmanga a sawi chu ngaihnawm ka ti in mahni inenfiahnan ka hmang nasa khawp.Kan thusawi tu chuan heti hian a ti a, "Kan ram chauh nilo mihring pawhin hma kan sawn chho zel a,tun hma a lo lama nitin fehchhuak thin kha tun hnu ah chuan Office ah thutna dup nuam tak leh AC hnuai ah te hna kan thawk tawh a,nitin inhlawhchawp te pawh tunhma angin kan hah tawhlo.Nula tuktin khawvar rual deuh thaw a buh dêng zak zak thin te khan tunlai chuan khawvar rual pawhin manglam ah kan la cheng veng veng thin a,tlangval leh pâ ni tawh te pawh aniang chu,buhzêm chhungkhat thin te pawh tunhnu ah chuan pi leh pute din sa chenna in nuam tak ah khawsa in thlan tla mang lo in chhungkua an chawm tawh bawk a,a chawm lo te lah bike nalh ber ber mobile phone nalh ber ber hmangin an leng ziai ziai tawh bawk a! Hma kan sawn viau ani! Chutih rualin tinge hetiang taka dinhmun nuama kan ding tawh chung hian mahni nunna la,addict,zu ngawl vei,depression,anxiety nei te hi kan tam em em le? Kan nêm ta lutuk em ni?Nge ni a tunhma aia kan thawh hnem lutuk tawh loh vâng zawk ni ang? Abul berah chuan kan rin Pathian ah kan in nghahngam tawkloh vang ani.Kan buaina te,kan harsatna te Pathian hnenah kan thlen tha peih tawhlo a.Pathian nena chinfel theih chu keimahni maia chinfel kan tum thin a,tawngtaina a hlan ai chuan thiante hnena thlenin kan thawl zawk ni in kan inhria a,kan mamawh Pathian hnena thlen ai chuan nu leh pa te hnena thlenin kan nei awlsam tawh zawk ah kan ngai a,engkim a zawng zawnga Pathian hnena kan tlukluh loh vangin Pathian chuan amah kan mamawh zia min hriat tir nan heng harsatna kan phurh zawh loh tur emaw kan tih te hi min rawn pe ve thin ani.Mi tam tak chuan atawp thlenga Pathian a intlu lut lo in mahni a tawrhchhuah an tum a,an thei silo,an nunna hial an chân phah thin" tiin thiam tak hian a sawi a,a thusawi chuan kan nun ah Pathian a pawimawh ber leh ahmasa ber ani tih a ti chiang viau ani.




Inkhawm kan bán chuan a chhuak tlai pawl ah ka tang a,pawn ka va chhuah ve chuan ka member pui thenkhat ten U Sawmzuala chu lo dinpui in U Nuno-i nen anlo kal dun vang khan an lo chhaih hi alo ni a,U Nuno i pawh a lai tih hriat zetin a thiante chu a hau fiam ve bawk.
Ngaihven lo in gate lam ka pan san daih a,biakin chhungah khan ka zangkhai ve hman viau lai in pawn ka chhuak chiah erawh boruak rit churh hian min uap ta ang mai in ka uap leh churh tawh.

Ka ngaihtuahna ka lo kawm bing lutuk nge ka hma chu a rawn eng ta pup a! Ka mit chhingin lei ah ka thu sawp niah a,thil ri tuarh chu ka hre zawm zat bawk.




"Hey..hey...ka su miah lo che ania aw" tih ri ka hriat chuan ka mit ka meng a,min su lo tak tak,ka hlauh em vanga khatia awm chauh ka ni.
Boruak hip lut kawk kawk in ka awm ka dawm a,ka thaw tha hleithei lo!
"Ngatinge? I thaw ahah ami? Thaw vak vak rawh i hnâr kha thâwk nan bak i hman tangkai loh kha" min ti tu tlangval nge tleirawl chu mittui tling pam in ka melh hrep.



"Miin ka su emaw an ti ang che" a tawng lai chu tawng tawhlo turin ka kutin ka lo khap a,a mawl nge a â ve hrim hrim zawk?




Ka bulah bike rawn ding datin "Enge thleng?"ti dut thawm ri ka hriat rual chuan ka hawi thuai a,U Nunoi leh U Sawmzuala chu thaw tawk tawk in ka han melh.




"Ui..ka duh theilo! Lawmte,i tha e"min ngaihtuah hmel zet hian U Nunoi'n min rawn pan nghal thuai,ka tah a ti chhuak zual sauhin ka hria."Ahma pawhin hetiang hian a awm tawh,damdawi in kan pan pui mai dawn em ni?" Ti a U Sawmzuala abiak lai chu U Sawmzuala zawk chu ka bul hnai ah rawn thu thla vutin "hahdam la,thawk la vak rawh le"a rawn ti dam thlup a,an lo thlen hma khan chutiang rilru pu chuan ka lo bei fe tawh.
"Engkim atha,hahdam tum rawh le"a tih leh lai te chuan ka mittui alo luang zawih zawih a,ka thawk that theihlih vang ani pakhat.




Chutah dim zeta min rawn kuahin ka hnungah a chul hliai hliau a,hahdam tura min hrilh mawlh mawlh chungin ka thawk pangai theih nan min pui nghal zat bawk.Chutia kan awm fe hnu chuan ka thawk lak a pangai tan a,rilru fîm pu tanin amah chu ka nem dat bawk,a awmsawn ve nghal zat.

Ka mit ah tak min en in ka dar tawn tawn ah min vuan a,"kan tha deuh tawh em?" A ti sup.Ka lu ka bu nghat a,min en leh veng vengin a dingchhuak ve ta chauh.





"Mama,license i nei em? In awmna hmun en hi chuan a thiamlo zawk i ni tlat,wrong side ah i tlân anih hi"rum ul hian min su thelh tu pa chu abia a,chupa lah chu sawi zet a ding chung hian a keychain alo vawrh vir nasa mai.
"Nikum hmasa khan ka tling daih tawh,helam ah hian din ka duh vangin sawta tang saw signal light ka pe char char,bike hi lo ti thi lo ila chu ala êng vu vu ang" alo ti awlsam then a,U Sawmzuala chu alungawi loh hmel viau mai.U Nunoi'n an inbiak lai chuan minlo kai ding ve bawk a.



U Sawmzuala chuan min rawn melh zukin "engtia tih nge i duh?" A ti sup.




Kei chuan "ka that hi,keima thiamloh zawk aniang" ka lo ti sep a,abu deuh nghut.



"I inah haw tlang rawh,tleirawl dar riat hnu lama chhuah khap anih kha"U Sawmzuala bawk chuan ti lehin chupa bike chu a thlek zeuh a a ner nawk mai!




"Tleirawl pawh ka ni tawhlo aw" tih pah a abike ah lawnin "kal hmasa ru" a ti ta tlat a, U Sawmzuala chu a kiai suk mai. "I bike a kha dar ri bengchheng zet kha man i duh loh chuan la thla rang ang che,kal rawh" atih hriamhraih tak ah chuan chu pa chuan ahnial ngam ta biklo.A bike ti nunga a han tlan chhuak chu ring tha tak ani! Engtin nge ka lam pan a a rawn tlân phei lai khan ka lo hriat loh theih zawk le?




"Bike ah lawn rawh,ka thlah ang che"min en a a tih dut chuan lu ka lo thing rang lutuk ringawt. "Angailo,ahnai tawh emai bakah U Nunoi hi thlah rawh" ka lo ti thuai a,hrechhuak thut ang mai hian U Nunoi amelh nghal zawk.





"Lawmte,hetah ka lo nghak thei alawm inthlahtur zawk rawh"U Nunoi chuan alo ti dam thluam a,rang zet hian "kan in ahnaih tawh em hi,ngaihtuah ka ngai lo tak tak "ka ti chul.




"Kal ru,keipawh ka kal dawn" tih pahin ka pen hma a,U Sawmzuala chuan ka banah lo chelh thutin "ke in kan thlah mai ang che" alo ti nghet churh.
Tichuan hnial ngam chi ni tawh heklo,a bike a hûn that hnu ah ke in kan pathum chuan kan in zui phei a,kan in pawh kan thleng harlo reng bawk,ahnai ve tawh bawk em ani.



"Kalna tur kan la nei sia Lawmte,kan lo lut kawi lo mai ang aw.I nu leh pa te minlo biak dawn nia,e taka! Bawihtei thil tur pawh hmanni ka bazar in ka lei tak ka la rawn dah dawn nia"U Nunoi chuan tiin min bye bye nghal lauh lauh a, bu zeuhin "ka lawm lutuk ania,anih ule" tih pahin hawi let tawh lemlo chuan inchhung ah ka luhsan daih a,ka nu leh pa te chu James te unau nen TV lo la en mahse an zinga thu khawmuang lo in ka room lamah ka lut nghal a,khumah ka bawk nghal thlawp mai.Ka chau ka chau takzet ani.



Mahse chutiang chuan ka awm rei hmanlo,ka pa chuan Jona min rawn auh tir a,inthlak zung zungin ka han chhuak leh thuai.




"Mate,lo thu lawk la biak che kan duh"thu tak zet chuan alo ti a! Ngaih a ti thalo hman takzet.




"I pa Kulha te naupangber kha pawlsawmpahnih zir in Aizawl ah a rawn awm dawn a,i nu nen kan hnenah rawn awm mai se kan ti a,an ni hostel a indah tur chuan an la harsa ve hrih deuh a"ka pa chuan a ti charh charh a,chulam min sawipui daih chu mak ka ti hman viau nangin "i ûte hi insawn thla tawhlo se,i U Rotea room saw an room zauh hret nan hmang ila,tichuan Thanpuii i pa kulha te fanu chu rawn awm mai se enge i ngaihdan?" A tih zawm takah chuan U Rotea vanga min râwn ve an ni tih ka hrethiam chiah.




"Mate,i û chu engtik ah mah a rawn let tawh dawnlo a.Kan chenna ai nuam Vanram ah a cheng tawh tho a,a sulhnu kan dah awl reng hian lei lama la awmte kan inti hrehawm mai mai zawk ani"ka nu pawhin alo ti dam ve thluam.Hetiang hian sawi mahse ala tuar takzet tih chu hai theih anilo.




"In tihdan dan le,apawi hleinem heta a rawn awm ve duh dawn phawt te chuan.Ka û in a remti em ni?"ka ti zui zat a."An ni pawhin nakin a inpui chang leh tur tho tho insawn thlak buai kha an peih tawhlo a,khulam a an bungrua te pawh kan mamawh loh tur chu hralh tha an tih kha.Kan sawi takah chuan an fridge hmanlai khu hetah a aia lian kan kawl tho a,Kulha te chuan lei chhawng mai se,an lo mamawh ve em em bawk nen kan lo tia"ka pa chuan a ti leh a,ka bu nghauh nghauh ringawt.
Pa Kulha an tih chu ka pa thian hnai tak,ka pi leh pute khaw lama ka pa kawm ber thin ani.Keini unau nen pawh kan inhre tha a,kan zin chuan kan tlawh ve ngei ngei zel.An khawsak a harsa ve deuh a,an fa upa ber mipa hi pianphunga rual ban zân lo niin an milai hian lehkha azir tawhlo a,hmeichhia niin tikhian puan thui in hna athawk ve a.An nu ber lah kal thalo niin hna thawk chi zia zâng ani tawhlo.Pa Kulha hi an eizawng tu ber chu ani tawh mai.




"Leitir kher an ngailo mawle,keinin mamawh ngawih ngawih pawh kan nilo a"ka nu in alo tih zeuh chuan ka pan tihian a sawi a. "Mi tawng duh deuh te hi kan tam tawh a,man to tak a leitir ka tum ani hranlo,mi in an zawh pawh a "kan lei anih hi" an tih ve theih nan sum tlemin lei se ka ti mai chauh alawm.Mi hnenah 'chumi te min pek' an tih ai chuan 'chumite ta chu kan lei' ti a an chhan khan an rilru pawh a dam deuh zawk dawn a" a ti a,a dik ka ti viau mai.Mihring hi kan tawng tam tawh em a,khawsak harsa viau mah ila mi khawngaihna dawn hi mi thenkhat tan chuan a tlawmthlak ve duh dawn em ani.




Room ah bawk lut leh in mut turin ka insiam a,ka phone kan en chu U Sawmzuala message alo awm vâng mai! Ka beisei lo viau asin!
Kan open chu "Nunoi nen khan kan inkar ah engmah a awmlo,a remchan em vanga rawn inphur mai kan ni" tih hi alo ziak kulh mai!
Ka inngaihtuah fe hnu ah "i rawn insawifiah kher angai hleinem" tih ka thawn a,a in thai pawl nghal va chuan min ti thaw halh mai.Ka message changin alo awm reng tihna em ni?



"Kei in ngai ka ti alawm,muttui le inenkawl tha la" tih a rawn thawn let nghal zat.Chhang tawhlo in ka like ringawt a,min rawn biak zawm tawh chuanglo.



Ka phone chu khum sir ah thehthla in ka mu zui a,tawngtai na ah U Sawmzuala hming hial ka lam ri tel bawk.





Room zauh chu alo harsa hranlo a,ni hnih ah an zo der! Rawng hnawih erawh ala ngai dawn a,ahnawih theih veleh a hnawih tawp theih turin an dah tawh.Thanpuii te pawh naktuk hian an rawn chhuk tawh dawn a,apa'n a rawn kalpui dawn ani awm e,tichuan fridge pawh an phur haw nghal ang.

Inhnuai lama ka û te bungraw thenkhat kan ti ral tawh a,luah theih in kan peihfel leh tep tawh zawk.Luah duh min rawn be tu pawh an awm nual tawh a,mahse ka pa'n aw alo la pawh hlawm lo.Tlema chei that deuh a duh piah lamah awl hrih mahse pawi a tilo a,inhnuai thlang lamah te eng engemaw siam that ngai a awm nual bawk nen.




Ka nu dawr nghah chhawkin tunlai chu dawr lamah ka awm tam viau a,tihtur dang ka ngaihtuah pah rauh rauh zel.



"Lawmte,Maida kg 1 vel ka va duh ve" tiin U Zarmawiin,U Nunoi û chu a rawm lut hlawl a! Min rawn dawr daih chu mak ka ti viau mai.
"Ka lo la amg" tih pahin ka tho thuai tho a,maida khai a ka let leh chuan "I U Nunoi pawhin mipa lam ahawi ve leh tawh a,kan lawm chhungkua asin aw.Kan inhnuai luah pa saw ania,a felin sawrkar zem zen ani bawk a,a fuh hmel kan ti viau.Hei leh chen i û a sûn tawh a,a leng tar mai dawn emaw kan tih hnu ah Sawmzuala a rawn lang hlawl a! Pathian remruat liau liau anih dawn hi kan ti mai.Lawmte,Sawmzuala nen sawn in inhre deuh tiraw? Lo sawipui ve deuh rawh aw" a ti ta duah a,ka lo nui hul hak ringawt.




U Sawmzuala nen kan inhria tih a rawn sawi chat theih dânah U Nunoi'n hmanzan a thul thleng kha a hrilh ve ni turah ka ngai hmiah a,mahse min tih el zawngin engmah asawi ka ringlo thung.U Zarmawii hi chuan tunhma pawhin ka û thihna ah min mawhpuh anga lang chiah silo hian min tih fek fek a ching a,ani hi chu ka ngaina thei hauhlo.



"Tunkum hian makpa kan nei hman turah ngai ila tiraw" tiin nui sakin pawisa min pe a,sawitur pawh ka hrelo.Hmanni lawk khan a tlân a,let leh a tumlo viau tih an sawi te ka lo hre ve bawk.A fate pawh ahruai miah silo a! U puii'n mak a tih zia ka bulah tum khat chu a sawi tawh. "Tlân ve ngat ila chuan ka fate ka hruai tel ngei ngei ang" a ti hial a,U Zarmawii khawsak dan chu mak a ti ve viau mai.




Min chhuahsan rual chuan ka thaw huai thei nia mawle! U Nunoi nen unau pianghmun an ni hi mak ka la ti tawp theilo!Pa hmunlo emaw nu hrang ti dawn ila an hmai fang a in ang fu si.An unaunu tho pakhat kha chu a zia viau a,khaw dangah pasal neiin arawn kal khat khawp.



Thim thet thet ah dawr ka khar a,in a ka thlen chuan chaw ei anlo peih fel der tawh.Jona leh james te unau U Puii'n alo hrai a,ka nu in Bawihtei lo pawmin ka u leh ka pa erawh Thanpuii room lamah eng engemaw tiin anlo awm.Inbual hmasa lo in ka thlen takah chuan chhung inkhawmna kan hmang a,zanriah kan kil nghal mai bawk.


Thleng te ka senga ka sil fel hnu ah inbual turin ka room lam ka pan a,reife ka inbual hnu ah room a ka lut leh sana kan en chu darkar khat dawn ka inbual tih ka hre chawpchilh nghal bawk.



Mahni a tawm ngawt ngawt aiah tiin thutkhawmna lama ka chhungte bulah ka thu chhuak a,Bawihtei ka pawm nghal chat bawk.Naupang lawmlo viau mah ila Bawihtei hi chuan engtin emaw tak hian min hîp ka ti mai,a pian hlim atang ka hmuh vang te pawh ani mahna.



Kawngkhar kik thawm kan hriat chuan U Puii'n ava hawng a,U Sawmzuala a rawn lut hlawl mai! U puii'n min rawn melh nghal zawk bawk.



"E! Sawmzual iva rawn leng duh tawhlo ve a? Rawn leng rawh" ka nu'n engmah hre ve heklo alo ti nghal thuai a, ka piaha thutna awl ah chuan thuthmun a rawn rem nghal zat bawk.




Ka pa leh ka u te nen eng eng emaw an sawi zui nghal luam a,ka awmdan chu lai viau in Bawihtei pawm lo ila chuan ka buai viau in ka ring.



"A u" ti a James an U Sawmzuala ava bawh thak chuan ka û in "Bawihpui,apa Sawmzuala anih kha aw" alo ti thuai.Majse Jamesa chuan angaihven lemlo khawp.

Ka û in "Police anih kha,i sual chuan a hau dawn che ania" alo ti zeuh erawh Jamesa police ngaisang em em chuan a bawh zual sauh a,U Sawmzuala pawhin a lo pawm ve mai bawk.




"A û silai i nei em?"ti a James zawhna ho te te chu U Sawmzuala chuan tha takin a chhang ve zel a,an ni pahnih inkawm chu ka chhungte nen kan en hi ani hawt.



"Misual i man teuh tawh em,anu in min hauh leh hunah ka lo ko che nga lo man daih rawh aw" a ti mai chu U Sawmzuala anui chhuak hawk a,U Puii'n "Rosangkim" tiin ahmingpumin nui chung hian ako nghal fak.
"Ui avan â tak" U Puii tihngaihna hrelo chuan an ti leh ngawt pek a,keipawh ka lo nui ka lo nui mai.




Ka chhungte chuan reilo ah min mut luh san a,kan pahnih chauh kan ni takah chuan hun hi a ding ta ang mai in a reh leh tlawk tlawk tawh.Tawngchhuak hmasa ah rawn tangin "i tha em?"an ti ngawt a,aw ka lo ti ve mai tho.




"Nute,ka in a ka hruai hnu che a i rilru put hmang danglam chhan kha la hre chhuak lo mah ila i awm danah ka hai biklo ania.Engvang nge tih min hrilh hun changin hunthawl ka pe che a,i reh tlawk tlawk a!"a ti zawi sup a!
"Tihsual ka nei em tih ka inzawh phah fo bawk.Mahse,tihsual nei in ka inhre silo."a ti ril leh ruih bawk.





"U Sawmzual" ka ti sap a,"sawi rawh" alo ti ve ruih bawk.





"Min theihngilh thei mai lo em ni?" Ka ti hap chu athaw ri hrawih a, "ka hlawhtlin hma chu ka beidawn dawnloh thu ka hrilh tawh che kha,ka duhna che avang hian hrehawm tih phah lo la,ka duh ang chhanna min pek theih nan erawh ka la bei zel ang.Ka beidawng ngai dawnlo tih hi lo hria la"nghet charh a tiin "ka va haw ange,mu hahdam rawh.Thlah ka ngai lo ang" ti a tho nulhin kawngkhar lam apan chu ka thlur ngawih ngawih ringawt.Ani tel hian amah ah ka bet nghet telh telh tih hi ahre silo.Engtin nge tiang chuan U Nunoi tan ka hnawl reng theih ang le?