CHAPTER 25
BY : JENETI
Zothanfeli pov
Repeat
Ka ngawih reng avang chuan, ka sawi awmzia I hrethiam ti raw, kha tia tih che kha ka duh biklo, mahse ka ngaihtuah na, keimah tawp hi i awmdan hote te hian min control vek tawh. Ka tihpalh kha tia tih che kha ka tum lo. A ti leh a, aw ka hrethiam alawm keipawh ka tihpalh ka ti ve sap a.
__________________________________________________
Umm ka ngai che, a rawn ti sup a. Chhang let dan mai tur ka hriat loh avangin umm ka ti ringawt a. Ngai ah ka nei theilo reng reng, vawi engzah nge ka nga chei min tih tawh pawh ka hrelo, chu ti chung chuan ka la lai chhe em em thin tho. A ni hi chuan eng ah mah a ngai ve ngailo hrim hrim. Ka lo chhuk vat ang, a ti leh a. Chu pawh chu umm ka ti leh tho, i la lungawilo a mi a rawn ti leh ta nge nge, lungawi e, ka ti a.
I pass chu ka lawmpui a che, hetiang bak hian ka lawmpui thiam lo che a, mahse ka lawmpui che tih hi chu I hre dawn nia. Ka lo chhuk ve leh ka lawm sak dawn che a nia, a ti a. Ngailo ka lo ti vat a, nga ti nge, a rawn tih chuan kan lawm ho dawn a, ka ti a.
A hma atang tawhin kan pass reng reng hi chuan, kan thianho mai bakah kan chhungte zawng zawng nen kan lawm ho thin a. Chhungte han tih hian keini chhungkua leh ka thiante 4 chhungkua te nen a ni. Mahse ka nu leh pa in min boralsalsan atang kha chuan kan unau chauh hian kan tel ve thei tawh thin.
Tun tum pawh lawm ho leh ngei kan tum a, ka thiante chhungte nen hian kan inpawh em em vek a, ka nu leh pa in min dam pui loh chin ah phei hi chuan, min ngaihtuah ve em em thin . keipawhin nu leh pa, u ang chiah in ka en vek thin, tet te atanga in hria leh inkawm chho char char kan nih avangin leh, kan chhungte hi lo inhmelhriat a, nula leh tlangval chho an nih avangin chhungkua ang tak takin kan in en thin. Keini phei hi chu chhung khat laina han tih tur hi kan nei ve manglo a, chuvangin an ni pawh hian min ngaihsak em em reng thin.
Ka u in zu a in phei kha chuan an zilh in an hau nasa, mahse ka u khan zan muttheih loh chhuan lam ah a hmang thin avangin, an ti zui duh ta lem lo kha ania. U tete-i nen an inthen hnu te khan an rawn kal a, ka u chu rawn fuihin an zilh liam liam a, ka u zu in tawhlo pawh hi min lawmpui em em vak a, a natna pawh hi hmani deuh khan kan hrilh a, pawi an ti ve hle, chu tih rualin min fuih reng thin bawk.
Kan lawm leh mai dawn alawm, i distinction bawk sia a ti a. A zathlak chutiang engmah angai tawhlo midang tumahin an ti ve dawn bawk silo, ka ti ve thung a. Midang tih kher angai hleinem, midangin i tih that angin tuman an ti tha velo a ti leh a. Kei ai ti tha an tam em khaa.. ka ti vak a. I ti tha ber keiman ka ti alawm a ti leh a. Huiham hepa han thu duh zia em em hi. Chu pawh nise ngailo ka duh tawhlo, i lo chhuk dawn chuan lo chhuk vatla a nimai ka ti daih a. Min ngai tawh a ni maw alo ti hmanhmawh a, ka thusawi ala kawi daih, a va han phakar tak.
Ngai mai mailo i ninawm a, ka dah dawn tiin ka off zui daih a. Mahse min lo call leh nghal a nih chu. Eng ngeee ka ti vak a, engmah ka sawi ve hman loh kha a rawn ti bul bul a, a lungawiloh hmel nasa, sawi ve kher angai hleinem, ka dah dawn a nia ka thianten min nghak tawh ka ti a. “Umm a nih dah rawh, ka lo chhuk vat dawn nia ‘duatnu ’ ”a rawn ti a nih chuu..
A aw ka dah ka ti bah nuai a, ka biang te chu asa hat hat thei in ka hria, nuam ka ti ve tho bawk sia, kha ti khan vawikhat mah min la ko lo a nia, min koh duat nan a bawhi min tih bak kha eng tin mah adangin min la ko ngailo ,mahse tun ah khan duatnu min ti anih kha, tu tih dan nge a lak leh tawh ang le mahse tu tih dan pawhla se ka feel dan angai reng tho ang.
Ka thiante bul a ka phei hnu pawhin ka ngaihtuah zui a, ka lo khi leh vur vur zel a, ka thiante chuan min en leh thin henu hi eng nge ahriat a, Remi chuan min ti ta nge nge. Mahse ka sawi duh lo a, kan haw hnu kawngah pawh min zawt nasa, min zawh ngawr tak em avang chuan ka hrilh ve a. An lo rak chul mai, a takah a zeilo hmel teh reng nen, a tawng hmuk hmuk a, phone ah lah a zei leh reuh sia, awiii a va han nuam dawn tak. Bialpa tur zawng ve nghal ngai ni. Remi chuan a ti nghal a, kan lo nuih hak hak hlawm a. A insawi phur nasa tawh mai.
In kan thlen chuan a rawn lut kawi a, ka u chuan min lo chhaâwn vat a. Kan ri chel chûl mai, kan thianho ah ka ti tha ber a, mahse min lawmpui em em vek. ka u chuan min lawm pui tih tawngka in sawilo mahse min lawmpui em em tih ka hria, a hmel ah chuan min lawmpui zia a hmuhtheih.
ka nu leh pa te la dam ve se ka ti kher mai. An fannu hian college a kal châk thin em em kha a kal ve thei tawh dawn a, chu mai nilo in distinction ah lai a pass ve tih hi an hre ve thei angem le. Hre thei se min lawmpui tur zia ka ngaihtuah a, ka ngai thar takzet, ka u pawhin ka ngaihtuah ang tho ngaihtuah hmel apu ve a. A ruk a mittui hru zeuh lai pawh ka hmu, ka thiante chuan an hmu ve kher lo thung, keipawh ka bang bik lo, ka hlim rual rual in ka lungchhe tel a, kanu leh pa te awm ve se, min fakna tawngka leh min chhuang na tawngka te kha hre leh thei ila ka tih takzet.
Naktuka lawmho chu kan ti a, Rohminga te in ah a ni thung ang, zan ah chuan chaw ei pahin ka u nen ti ti dun a, ka u chuan min fak ve hle a, ka nu leh pa te pawhin van atang khian min lo thlir anga an lawmpui ve tho ang che, a ti hial a ni.
Baby shirk-a chuan chaw eina thleng ka sil laiin min lo call a, ka kut chu hru thuakin call chu ka chhang a, speaker ka on zui a. Ka u chuan inpuiah phone a en thung a.
(Inpui hi ka ti mai zel a, inlengkawmna a ni mai ang chu, choka leh inlengkawmna hi a hrang ve a, parda in a in zar hliah ve ani)
Baby shirk-a chuan ka lo haw tawh a, hei ka inbual zo chiah a rawn ti a. A tawng sual chu ka lo hre chat, a in emaw a tive ngawt aniang chu, ka lo haw aa... Tiin ka lo thluk vak a. Oh a.. Ka lo thleng ka tihna a ti bah ve nuai a, hmm ka in a nive tho alawm an ti tha leh a. I zaklo em mai, i in a ni ve ngawt lo ah, nui pah chuan ka lo ti a. Ka u in chu ka in a ni ve tho alawm, an ti leh hnuhnawh a, thleng ka sil lawk a, dah rih ang ka sil zawh ah ka lo call ang che ka ti a. Umm rei lo la tiin a mah zawk chuan a off zui a.
Ka thlengsil lai chu ka sil nghal sawk sawk a, ka sil zawh ah chuan mut ar ar pahin baby shirk-a chu ka call a, rei lo ah lo chhangin ka in be char char a, zanin chu lo leng lo mai tur a ka tih avangin a lo leng dawnlo a, call mai chu a duh tawk leh tawhlo a, in video call in kan in bia a, a ni pawh a lo mu a, kawr aha lo thung, a inbual zawhna ala reilo tih hriat takin asam la ro lo tih chu a hmuh theih a, a dar phar hlai tha tak leh a hrawk bawk chu alang chiang hle bawk. Ngo lam niin mahse ngo puak tenawm khawp kha chu a ni leh chuang mialo, a mah tawp hi a perfect.
Phone a keng hnaih avangin a taksa hnuailam chu ka hmu thei tawhlo thung, hma hun tur te leh ka u chungchang te, an chhungkaw chungchangte chu kan in hrilh tawn a, zawhna ka zawt mawlh mawlh a ni ber, a ni chuan dawh theih takin ka zawhna zawhte chu lo ngaithla in a hnu ah min chhang thin a, ning hmel a pu ngailo a, min en dan chu a hma ka sawi thiam loh thin mitmeng khan a ni min en leh tawh ni. a hahdam hmel em em bawk, dar 11 lai kan inbia a, ka muthhil chhuak deuh tawh chu ka ham ka ham leh thin a, a ni lahin a hns lamte a sawi tui nasa bawksi, a tawp ah phei chuan ka meng thei tawhlo, ka phone chu ka khum, bang nen a insi ah chuan tungin muang chang chuan ka mit chu ka chhing ta riai riai a.
Vanmalsawma Pov
Bawihi mutthil thaw sak sak chu ka thlir a, ka tawng angai thla reng emaw tih laiin min lo mutthil san daih a nih hi, a hmeltha tak hi ka thlir ning ngailo ang, ka tawn atanga ka danglam nasat tawh zia te hi, a lungawi loh ka hlau a, a nat ka hlau a, tin chân ka hlau bawk, hlauh neih em em nei ngailo khan, tun ah chuan amah vangin hlauh ka ngah tawh khawp mai. Eng tik lai pawn ka rilru ah a awm reng a, ka hna ka thawh lai ngei pawn, a zun a uai nat reuh zia hi. Tui zet a a mutthil lai chu ka screen shot zeuh a, phone chu off biklo in mu turin ka in tin tuah ve nghal a.
Zothanfeli pov
Ka mutthil ka harh chuan khua a lo la thim vek a, dar zat en tum in ka phone chu lak ka tum a, ka hmu mailo thu chhuakin ka zawng a, ka mutna sir a, lo intung chu ka hmu a, mahse ka thil hmuh tel chuan ka nuih a ti za reuh lutuk, baby shirk-a chu tui zet hian a lo mutthil a, a mutthi chu nui hmel a pu deuh leh nghal a, a mumang a tha viau a niang chu, dar zat ka en a, dar 2 a lo ri a, ka phone battery a low tep avangin call chu off in ka charge , ka mu leh nghal daih bawk.
Zingah chuan nitin ka tih thin chu ka ti leh nghal mawlh mawlh a, tlaiah chuan chaw eikhawm an ti a. Chaw eikhawm tur a nih avangin engmah kan thawklo a, ka u chu kan kawmthlang kawr ah chuan thang kam kam turin a kal a. Ramar thaina a awm te a tiin ka hria, hetiang lam hi chu ka hre ve vaklo, thang hi akam ve zeuh zeuh thin a, sava rawn hawn nawlh nawlh chang hi a nei ve thin a, vawi khat kha chu a lo theihnghil a, kei lahin ka hriat pui silo a, a tuk ah thang ava en chuan ramsa in a lo ei zo tep tawh a, a rawn thinrim haw nasa mai. Varung te arawn awh haw nawlh chang te pawh a awm ve bawk thin.
Dar 10 bawr vel ah baby shirk-a a rawn leng a, eitur a rawn keng leh teuh tawh a, ka ei theih zia a hre tawh a, a rawn leng apiang hi chuan eitur chi hrang hrang hi min rawn ken thin a. Kan khua a mi a nilo tih lah ka chiang, a tui hlawm em em a, a man lah a to thei hlawm bawksi, pawisa ka lo ui thei lutuk a, ka hau leh thin a, mahse a ni lah hian eng ah mah angai ve der silo.
Thu dunin ka phone chu a rawn ban nghal zat a, a phone chu min rawn pe nghal a, lo ner sakin ka lo ban ve leh tho a. A phone chu ka khawih kual vel mai mai a, khawih tur em em pawh ka hrelo, a games neih ve chu ka khelh sak a. Ka thiam lo em em leh nghal, pubg a nia mahse ka thiam hlawl lo, agames hming hi chu ka hria a, mahse ka la khel ngailo hrim hrim start tih inziak chu ka hmet ve tawp a, a kal dan te chu ka la thiamlo zui a. amahin a in her kual nawk nawk a, phone ka tih chet rual chuan a rawn che ve zel leh nghal a, a hnu ah thlawh theihna hi a rawn lang a,mihring lem ho chu an zuang thla sup sup a, eng tia zuan thlak ve tur nge pawh ka hrelo, jumb in ti chu ka hmet leh a, a zuang thla ve ta. mahse midang te angin a kawh ve out lo muang changin a phar duai a, a tla thla a.
En teh hei engtia khelh tur nge a, ka ti a. Baby shirk-a lah chuan min chang duh derlo, zawt nawn tawh biklo in ka thiam ang ang chuan ka khel a, a kal dan te lah chu an maksak em em mai leh nghal a, inchhung ah ka lut dawn a, ka la lut thiamlo zui. Baby shirk lo en teh hei eng tia tih tur nge, tiin phone chu alam hnaih ah, a hmuh theih nan ka keng kang a, min ngaihsak eih lo, alam chu ka va hawi a, ka phone chu a lo bih ngur ngur a, chu ta kar ah silai kap ri ka la hre leh zui a, a dar ah chuan sawiin hei lo en lawk teh ka ti leh a.
A rum nghut a, a mah ka en chuan min lo en rum nasa mai, eng nge kha tia mi en ka ti a. Min melh rum em avangin mak ka ti a ni. Heihi eng nge tiin ka phone chu ka hma zawn hnai te ah hian a rawn keng kâng a, a hnaih em avangin ka hmu theilo a, keng hlat tir ka en a. Ka han en Chiang ta chu a thinrim na chhan chu ka hre chiah, ka lo delete theihnghil palh a ni, a va han pawi thin tak em.
___________________________________________________
In chhiar zawh ah hi chuan lo comment ve nghal zel ru aw, in comment hian ka type/ziah peih loh em em lai pawn in comment hriat nuam tak han chhiar hi chuan mood hi a on veng veng ve zel a
Show post links
Top