OFFICER VANMALSAWMA BY Je Net (Completed)

[ngaia]

OFFICER VANMALSAWMA
CHAPTER 27
BY : JENETI

Zothanfeli pov


Repeat


Zothan noti i dawng tawh em, keini chu kan tling ania, kimi chuan a lo ti lang lang a. A ni maw tiin room atang chuan ka chhuak zui nghal a, hmanhmawh zetin ka phone chu ka han hawng a lalpa leh, ka rak chûl mai ka tling, ka tling ania u, ka ti chul a. Tunah chuan college ka kal ve thei tawh dawn ta, nangni eng nge in an ka ti leh rih a, kan tling vek a tih chuan ka zuang tawr lo chauh.


__________________________________________________

Ka u chuan a va lawmawm ve aw, tunah chua I kal châk em em thin i kal thei tawh dawn ania. Ka lawmpui lutuk che ka nau, a ti a. Ka hlim lutuk hi awm ngaihna ka hrelo a ni ber mai. Baby shirk-a chu ka call ve vat a, a lo lâk rual chuan ka tling ania aw, hei tunah ka notification ah alo thleng a, ka lawm tawp, ka ti nghal chûl a, a va lawmawm ve, mahse bawihi hei ka buai deuh a, nakin ah ka lo bia ah che aw. A rawn ti bul bul a, awle ka tihpalh lutuk, anih chuan ka dah dawn a nia bye ka ti a, awle bye rawn ti ve supin ka dah zui a.




Zan dar 8 a rik pawh chuan baby shirk-a chuan min lo la belo a, ka la nghak ve ran a. Ka hlim lutuk hi awmngaihna ka hrelo, mut tum pawh ni ila tun ang hun ah chuan ka mu thei dawnlo sa a, baby shirk-a nghah pah chuan movie ka en ta tawp a, mahse ka feel thei hrih lo, ka inlet tawn sek a. Ka hmalam hun tur ka ngaihtuah a, ka u a that chhoh zel chuan tluangtakin college te ka kal anga, ka graduate hnu ah hna ka zawng ve anga, tichuan hna ka hmuh ve leh ka u hna ka thawh tir tawhlo anga, nuamsa takin ka awm tir tawh bawk ang, khang kum 2 chhung khan ka nu leh pa tel miahlo in duat takin leh rual ka pawl oh bik hlauin hna a thawk tau tau a.




Khang hunlai kha chuan kum16 chiah ka la ni a, ka la naupang chhia em em a, awh leh duh te, mamawh te ka ngah ve em em a, tun ang hian ka la puitling lo a, tun ah pawh hian puitling lo hle mahila, khang hunlai nen kha chuan ka danglam takzet tawh.




Zan dar 10 rik dawn ah chuan baby shirk-an min lo call ve ta hram a. Ka lak rual chuan "sorry aw, ka buai deuh hlek a. Ka lo be hman hrih lo che a ni". A lo ti nghal a, aw apawilo, lo tive in ka tling thu vel chu ka sawi leh a, min lawmpui thiamin a phur ve tawh zia te a sawi ve a.




A chhan chu kan in hmu ve thei tawh dawn a, min hmu tura lo chhuk thin angai tawh dawnlo miau a ni. Thu sawi tam lemlo hle mahila, dar 11 chu kan thleng ve a. Zan a rei dawn tak avangin nam inbiakna chu kan ti tawp a.




July 30


In insiam fel vek tawh em theihnghilh te kha innei ange, in peih nghal thlap thin tur. Kimi nu, nu partei chuan kan thianho awm khawm chu min rawn bia a, theihnghilh neih ka hlau lutuk a keichu, vawi eng zat nge ka in en fel pawh ka hre tawhlo zawk e a, Remi chuan a lo ti ve thung a.





Naktuk mai hian kan college kalna tur lam kan pan dawn tawh a, baby shirk-an in luah tur min lo zawn sak tawh a, tah chuan kan thianho in ka awm dawn a, a rem dan in hna te kan zawng ve bawk ang, mahse ka u tunlai a awmdan hian kal min ti hreh deuh thin, tunlai hi a zual riau a, ka ngaih a ngam thin lo, ka veng deuh chawt hi a ni ber mai. Midang hi chuan ngaihtuah lo turin leh tha taka han zir turin min ti a, mahse ngaihtuah lo chu harsa tak a ni.




Vawiin hian inthlah na ni pah fâwmin chaw kan ei khawm leh a, tun ah hian zan dar 7 a ri mek a, haw turin ka in tin tuah mek a, ka thianten min thlah dawn bawk a. Kimi te in ah chaw kan ei khawm ve thung a, kan inkar a hla bawk nen mahni a haw dawn chuan nuamka ti bik chiahlo a ni.




Kal kawng ah chuan kan ti ti phei pah a, kan awmdan tur te chu kan han sawi ho a, kan nui leh dar dar thin. Remi lah chuan keichu ka han inti chhelo anga, khaw pui tlangval ka han chhai kual ziai² te ang a ti fiam a. Kimi pek lah chuan keichu pathlawi ngat a nia ka han chhai dawn ni,a lo tive bawk a. kan han nui leh rih thin, keini thianho hi chu tawngkam chauh a thisen sang hi kan nia, a tak ah engmah kan ti ngam leh tak tak ngailo.




In kan thlen chuan ka thiante chu an haw leh nghal a, ka u chu a haw hma zawk avangin a lo mu tawh a, keipawh kawngkhar in inchhung ka ti fel leh zuai zuai a, ka zawh ve leh ka mu ve nghal a. Baby shirk-a nen kan in be leh zuai a, naktuk a kan chhuah hma dawn a avangin mut hma ka duh thu ka sawi a, rei pawh in belo in ka mu zui ve nghala.




Ka harh chuan khua a lo la thim vek mai a, thawm ri ka hriat avangin ka ngaithla chiang a, phun bul bul ri a ni, pen thawm a ri reng bawk a. Ka u a nih ka ring nghal mai, eng nge a sawi tâk pawh ka hre chuanglo, mut leh nghal mai chu ka tum a, mahse ka mutthil thei ta mailo. ka u lah chu thawm a nei reng a, a pen sawn chhen ni berin ka hria.




Ka awm a tih nawm vak loh avangin thu chhuakin ka va chhuak a, ka va chhuah chuan ka u chu thuttleng ah chuan a lo thu a, a chal dawmin a lo thu kun ngur a, na a nei a nih ringin ka va pan hnai a. U na I nei a mi, i lu a na a mi? ka va ti a. Ka lam chu a lo hawi chho a, mak min tih hmel deuh hian min lo en a, eng tin mah min chhang bawk silo, damdawi ka va laksak ang che aw tiin nachhawk na chu ka va la leh tawp a.




Ka let leh lam chuan ka u chu a lo ding a, ka che zia chuan chîk deuh hian min lo en a, a awm dan chu mak ka ti deuh a, mahse ka zawt lem chuanglo, hei damdawi chu eirawh, tiin damdawi chu ka pe a. min eng run runin ka dam dawi pek chu la in a peih pawp a, phawk leh mak ti zet a ka en chuan, "tunge i nih, khawnge ka nau a awm" a rawn ti ta mai.




A thil sawi avang chuan min deng dawt tu awm ang mai in ka hria, maw.. u e, eng nge I sawi awmzia, ka ti bah nak a. Ka u chuan min en run run in "khawnge ka nau a awm sawi rawh, chuan nang hi tunge I nih" a rawn ti leh a, eng nge awmzia hi ka hre tawhlo, u keimah ka nih hi, eng nge maw i sawi chu le ka ti a.



"Tun ah khan eng tin maw min koh a, ngawi hmak rawh, khawnge ka nau chu a awm sawi la heta tang hian chhuak bawk rawh" a rawn ti leh, ka hresual lo ni e, ka hre sual hauh lo. ka u hian min hrelo tak zet a ni. Chu thil ka ngaihtuah chuan ka na lutuk. U,u kei, keimah ka nih hi, tinge min hriat miahlo a, ka ti a. Ka mittui chu a rawn luang thla nghal zung zung a.




"Hrep che hian, khawnge ka nau chu a awm sawi vat mai rawh" tih pahin ka dar ah chuan rawn hmer vakin,min thing bawk a, ka mittui chu a rawng luang thla nghalzung zung, sawi mai dan tur pawh ka hrelo, nie eng nge ka sawi tak ang. keimah, a nau chu keimah ka ni miau si a. Kei tal hi chu min theihnghilh tur a nilo a sin, tinge kei tak ngial pawh min hriat chhuah zawh tawhlo.




Sawi rawh ka tih chu khawnge ka nau i dah, tunge i nih i sawi lo a nih chuan, i hmeichhe nih na ka theihnghilh ang. ka u chuan min ti khur khur a, eng nge ka sawi tak ang, ka chhang theilo ka hrawk chu hnawh tu awm ang main ka tawt up up a, ka thinlung na lutuk chu hrilhfiah thiam phak aia nasa a ni. Ka chhang theilo ka lu chu ka thing ringawt a.



Ka dar ain hmerna chu a na takzet, "hrep tak che hian ti hrawkin min nem thu hnawk a, sawi rawh thih i duh em ni,khawnge ka nau chu i dah sawi rawh" a ti tuar tuar a, kan bul a, dawhkan tê chu a chhir zui pawp a.




Ka hlauh vang leh ka chhung ril na lutuk avangin ka tap khur hlak²a, "i tap ngam a maw, nang hmeichhia tih oah chuan min phih tho leh lawp a, ka sawi nawn leh ang, khawnge ka nau chu a awm chuan nang hi tunge I nih"a rawn ti leh a, ka chhang theilo ka tawngchhuak theilo a ni ber, sawi tur lah ka hre hek lo, bang ah min nam betin ka hrawk ah a rawn rek ta mai, mahse min la rekna hauhlo thung, I sawi dawn nge i thi dawn ka u chuan a rawn ti leh a. A meng sen vek a, a hlauh lutuk ringawt, Ka mittui chu a rawn tla zawih² a, tun a mi hi i u kha anilo, hei chu chu midang daih a ni. a harchhuah hun ah pawh haw suh aw .ka in ti ru mawlh mawlh a, sawi rawh a rawn ti leh tuar a.




Kei keimah ka nih hi u, keimah. i nau matei, ka tetlai pawn theihai ka ei chak thin em avangin kan nei ve silo a, pu Rt-a te huana mi min lawh ruk sak thin kha, chuan ka insut hlawp hlawp a, chuan ka school bang pawhin school kawt ah min lo nghakin, in thleng min puak haw thin kha, u, keimah kani i nau. Khawngaihin harh chhuak rawh, heihi nangmah i nilo, nangmah dik tah ah khan let leh tawh, nangmah dik tak chu ka u, u a zawng a fel ber I nih kha, mittui luang thla zung zung chung chuan thei leh thei loh hian ka ti tawk tawk a.



Ka thaw kawk kawk bawk, ngawi rawh ti a min lo beng a tum chu ka lo in dang vat a, mahse eng tin mah ka awm lo, tim deuh dai a ka hawi chhuah chuan ka u chuan min lo en ngawt ngawt a, u ka ti sap a. Mate ka tihpalh ka tihpalh lutuk, kei hian I u nih ka tling lo tak zet a ni a ti nghal mawlh mawlh a, chu tia ka u harhchhuak chu ka lawm lutuk chuan ka tap chhuak hawk a, ka nau, ka duatte, ka thiamloh vek a ni. ka u chuan min lo kuah pahin a ti nghal mawlh mawlh a, ka tah a chhuah em avang chuan ka insum theilo.



Rei tawk fang ka tah hnu chuan ka inla rang a, ka u chu a inthiamlo tak zet a ni tih ka hria, "mate ka ti na che em, nalai te i nei em, engkim hi ka thiamloh vek a ni, I u hian, u nih pawh ka tling lo a nih hi ka tihpalh taktet a ni ka nau",. Ka u chuan a ti mawlh mawlh a, ai apawilo u nangmah ini hleinem, inthiamlo reng reng suh, nang chu u a zawng a, u tha ber I nih kha, Ka ti a.



Mu tur a min tih avangin ka mu lut leh a, mahse ka mutthil thei tawh lo, ka u pawh a mutthilh theih bik ka ringlo, tun lawk a thil thleng khan min ti na em a ni. Tinge kei tak ngial pawh min hriat tâk loh, a dam tawh dawn emaw ka ti ve a sin, mahse eng nge thleng ta hi ka ngaihtuah let a, ka na tulh tulh ka theihtawp ka chhuah ve a sin, heihi a mi ka tawngtai chhanna ve chu nita, ka theihtawp ka chhuah ve asin, a lam hnaih ka tum ve hram hram a, Bible chhiar pawh ka thlah thlam ngailo, eng thil sual nge ka tih a, ka u hian eng thil sual nge a tih bik. Tinge a ni kher hetiang natna hi a neh bik, pathian dem ngailo khan tunah chuan ka dem tan ta lek lek mai.
__________________________________________________
Fb group ka siam dawn a, a awm duh kha chuan comment ah in lo sawi dawn nia, in lo sawi loh a nih erawh chuan ka siam leh lo thung ang.
Show post links
Top