CHAPTER 28
BY : JENETI
Zothanfeli pov
Repeat
Mu tur a min tih avangin ka mu lut leh a, mahse ka mutthil thei tawh lo, ka u pawh a mutthilh theih bik ka ringlo, tun lawk a thil thleng khan min ti na em a ni. Tinge kei tak ngial pawh min hriat tâk loh, a dam tawh dawn emaw ka ti ve a sin, mahse eng nge thleng ta hi ka ngaihtuah let a, ka na tulh tulh ka theihtawp ka chhuah ve a sin, heihi a mi ka tawngtai chhanna ve chu nita, ka theihtawp ka chhuah ve asin, a lam hnaih ka tum ve hram hram a, Bible chhiar pawh ka thlah thlam ngailo, eng thil sual nge ka tih a, ka u hian eng thil sual nge a tih bik. Tinge a ni kher hetiang natna hi a neh bik, pathian dem ngailo khan tunah chuan ka dem tan ta lek lek mai.
__________________________________________________
Ka mutthil thei lo chu ka let tawn sek a, ka ngaihtuah ngut ngut a. Ka u inthiamlo hmel te kha ka mitthla ah a la châm reng, hetiang chuan eng tin nge amah mai a ka kalsan theih ang, thla tin kan inentir ve reng a, mahse damdawi eiin awmzia a neih tawhloh thu leh, Pathian lam a tanglo chuan keini chuan tih theih kan nei tawhlo tih thu doctor khan min hrilh a nih kha.
He natna kher kher hi engvang a, ka u kher hian nei nge a nih bik, natna tam tak a awm a, chung zing a tuar harsa ber, na taka min siam tu ber kher Pathian hian eng vanga pe bik mai nge a nih, dem loh hi harsa ka ti ve thin, dem loh hram hram chu ka tum ve alawm, mahse ka hel leh lek lek thin, na hi ka ti em a ni, vawi khat tê pawh hetiang natna a nei ang tih hi, ka la ngaihtuah chhuak ngailo hrim hrim.
Ka inngaihtuah chiang a, ka u hi he ti mai chuan ka kalsan thei dawn in ka hrelo, ka u hian min mamawh ani, hei ai hian a la buai dawn chauh si a, ka awmloh phei chuan midang ho hian hmangaihin ngaihsak viau mahse, an buaipui hman reng dawn silo, chuvang chuan ka châk em em thin college kal pawh bansan a, kal leh loh mai ka duh ta zawk ani.
He thu hi ngun tak a ka ngaihtuah hnu ah, harsa ti taka thuthluk na siam ka ni. Ka tan hian thuthlûk na siam hi a na mai lo takzet, engtik ah nge ka kal ve thei ang ti a ka lo suangtuah ve thin chu. Ka han kal ve thei dawn ta cheng a, ka hnâwl leh mai a ngai si.
Tun a pawimawh ber leh ka dah hmasak ber tur ni a ka hriat chu ka u hi a ni si ani. Tawgtai Turin ka thu chhuak a mahse ka phur lo tak zet tawh, eng chhan na nge ka dawng leh tak ang, nitin ka u dam theih nan ka tawngtai ziah a, a dam phawt chuan a tan ka inhlan tur thu thlengin mahse ka u chu a zual zel zawk si. unau in hmangaih lemlo tak chu ni ila, ka kalsan ngei ang, mahse ka u in min hmangaih zia ka hria a, hmangaih let hi ka tihtur a ni ve in ka hria ani.
TI HIAN KA TAWNGTAI TA TAWP A, LAPA HEI CHIAH HI KA DIL ANG CHE, KHAWNGAIH IN KA U HI MIN LAKSAK TAWH LUL SUH, A TELLOVIN ENG TIN NGE KA AWM TAK ANG, KHAWNGAIHIN TI DAM LEH HRAM RAWH. I DUH LOH ZAWNG A KAN LO AWM ANIH CHUAN, NGAIHDAM KA RAWN DIL A CHE, MIN NGAIDAM THEILO A NIH PAWHIN KHAWNGAIHIN KA U TAL HI CHU MIN LAKSAK TAWH LO HRAM RAWH. A NÎ HI CHU HE KHAWVEL A KA NEIHCHHUN, MIN HMANGAIH TU AWM CHHUN A NI SI A. ENG HREMNA PAWH TAWRH KA IN HUAM E, KA U DAM LEH THEIHNA TUR A NIH PHAWT CHUAN. I CHHANNA KA LO NGHAK RENG ANG, HEI CHIAH HI KA DIL A CHE.
Ka mittui chu a rawn baw leh zawih a, ka mittui ka hruk na ringawt ah pawh ka mit chu a thip râm tawh. Chhing khat tê mah ka chhing leh tawhlo, khua avar pawhin ka tho chhuak peihlo, ka mit chu a kham rûm a, ka mit chu a bui nasa viau ang ka ring.
Vawiin hi kan kal ni tawh tur kha ania a, chhuah hma pawh kha an duh viau a, mahse kal lo turin thuthlûk na ka siam tawh a, chuvang chuan thawh hma vak pawh a tulin ka hre tawh lo. Ti hian a rem rem ka thawk tawh anga a nimai, ka ti rilru a.
Ka u chu a tho tawh aniang choka ah chuan thawm a ri rak rak renga, mahse ka tho peih rih lo, dar 6 vel a rik awmah pawh ka la tho lo a, ka u chu angaih a tha vak lo aniang, ka room ah chuan a rawn lut a,mate i tho tawh em, i la tho nange tho tawh rawh le, kal hma in ngaih dawn kha, ka u chuan a rawn ti a. mahse ka la mutthil der tlat tho.
Mate tho tawh rawh in tlai lutuk ang, ka u chuan ka dar a min awn sâwi pah hian a ti a. Mutthil der na chi pawh a ni tawhlo, aa.... U, ka kal leh lo mai ang keichu, muchung chuan ka ti a. Maw... , i â thin em mai, insiam vat la a tha zawk, ka u chuan a lo ti ve thung a.
Ka kal lo mai ang, ka ti tak tak u, ka kal leh duhlo tih pah in ka thu chhuak a keimah vang a ni em, a nih chuan keimah vang mai mai chuan ka phal hauhlo, keimah vang lo pawhin ka phal heklo ania. Ka u chuan a ti leh a, nangmah lam pawh a nilo, ka kal leh duh lo tawp, heta awm hi ka duh zawk, nuam ka ti zawk bawk, hetah a rem rem thawh ka duh zawk, ka ti leh zung zung a.
I kal dawn ka tih chuan i kal dawn animai, keimah vang pawh a nihloh phei chuan, ka phal lo tih kha hre tawp rawh, ka u chuan a ti leh a. Aih, kakal duh tawhlo, heta awm hi ka duh zawk ka ti ve tal a, ka u hian a inthlahrung vang a ni tih ka hria a, chu mai nilo in zirna kachawlh san hi a phal heklo, mahse heta awm erawh ka tum ve tang tang dawn tho tho.
Hah leh rim taka ka thawh ve na te khan rah chhuah a nei dawnlo tihna a ni dawn a sin, i u hi min en teh, keimah ang ni tur hian ka duh lo che, zirna tha tak a i zir theih nan rim takin ka thawk ve tauh tauh a sin. Hna thatak i neih hun a min chawklm ve theih hun ka nghâk ve tang tang a sin. He tiang a i awm leh tur hi hria ila chua ka lo thawk malek lo tur hi ania, ka in chhir khawp mai, thinrim deuh chuan a ti a. Chutiang a nilo u, ka ngaihtuah vang che a ni. Hna tha tak neih a, hahdam tak a i awm theih chu ka duh lutuk a lawm, mahse tun ang hun ah hi chuan ka zirna ai i pawihmawh zawk vang ani, ka ti ta nge nge a.
Min ngaihtuah ka ngailo, kal la tha takin han zirla chu chu i tih tur a ni. ti hmukin min chhuahsan a, ka thaw hak, ka hnial ngam tawh silo, ka kal leh ngei angai dawn a nih hi, lalpa lo awmpuiin lo veng ang mawlh ang che aw, ka ti sap a.
Ka tho chhuak ve ta nge nge, ka hmai chu ka phih a, darthlalang a ka va in en mai chu ka mit a lo bui nasa kher mai, in ti faiin ka insiam ve ta sawk sawk a, khua a lum tawh avangin khawlum zia thei tur ang ber chuan ka inthuam a. ka phur vaklo, nidang chu nise ka phur ngei ang, mahse tun tum zet zawng han phur hluaina tur thil thleng a awm tawhlo tlat a ni.
Cotton t-shirt a senno dal ka ha a, straight High jeans var ka ha leh a, sneakers var nen, ka mit bui chu a lang chiang ngei mai, ka in hmu hmelchhe ngawih ngawih, tlem ka hmai chu ka chei ve ta tawp, kan inkawt ah chuan motor a rawn ding a, horn rawn hmetin min lo au nghal lawng lawng a, ka u chu ka room ah lo lutin i inpeih tawh maw, khawi i bungrua te kha ka lo va dah ang, i pawisa tur te kha i theihnghil hlauh a nge, tiin ka bungrua ho chu min lak chhuah sak a, eirawng baâwlna tur bung bêl vel chu kan inluah tur ah a awmsa vek, baby shirk-an a tih miau avangin kha lam pang kha chu engmah kan kenglo.
Keipawh ka pawisa chu ka purse ah dahin ka purse chu ka bag te ah ka dah leh a, ka chhuak zui ve nghal a, ka tianten ka hmel min lo hmu chu, "nga ti ber bur nge a, i mitte chu a, i tap a nimaw ni zan ah, I va han tenawm reuh tak"engmah hrethiam velo chu ka thiante chuan min fiam a, tawite in ka lo nuih ringawt.
Zorina te Carin kan kal dawn a, kan bawr ve hle, zorina pa in min thlah dawn a, kan chhungte chuan min thlah ve châk viau mahse a rem te teuh silo a ni. Car chhung a ka luh hma chuan ka u nen chuan kan inkuah leh rih a, ngaihtuah lo tur a min chah mawlh mawlh in tha tak a zir tur chuan min ti tel a, car chhungah chuan lutin muang changin kan tlan chhuak ta a.
Ka thiante chu an tawng barh barh a, kei erawh ka ngawi thei hle thung, ka tawng ve peihlo. Kan tlan reng takah chuan zan ka mutam lo nen ka lo mutthil daih a, ka harh leh chuan ka thiante pawh chu an lo mu thlu lawp lawp a, zorina pa, pa puia hnen ah chuan khawi lai nge kan thlen tawh tiin ka zawt a, kan thlen tep tawh thu chu a sawi a, zun lam thiar in duh em, i thiante kha han kai tho teh, in tih harh te pawh a hun tawh, kan thleng tep tawh si. in rilte pawh a tam tawh ang, restaurant awm hmasa ber ah kan chawl dawn nia, a lo ti zung zung a.
Ka thiante pawh chu ka kaitho zui ve a, an rawn tho phak chual a, Remi phei chu a sam a phing khawp mai, mumang ka nei tui a sin le, sawi zathlak khawp a mang nuam a ni, a la ti zui a. Henu hi chu a thawveng ve thlawt a ni, mahse a awm hi chuan a nuam thin, kan hianho ah pawh ka ngai ber. Hetianga a thawvengna phen ah hian, mi hriatthiam na ngah tak mi a ni a,a bula awm hi a nuam thin takzet.
Restaurant lo awmhmasa ber kawt ah chuan kan ding a, kan chhuk thla nghal sap sap, dar zat ka en chuan tlai dar 1 a lo ri tawh a, zing dar 8 vel khan kan chhuak a. Kan zinkawng a thui bawk nen kan tlan rei fu, ka mawng te chu ka cher ve bawk nen a na kham vek, ka ke pawh amu chuah chuah a,ka dam pawh a phing ve viau mai.
Ka sam chu tuai mam thuakin ka zi mar ar ar a, khaw pawn deuh a, kan awm a, khaw chhung chu kan hlat vaklo thung, in chang kang tak tak pe tuar pawh a hmuh theih, restaurant chhungah chuan lut in eitur chu kan chah zui nghal a, a chhung chu a chang kang reuh hle bawk, washroom awmna chu kan zawt a, an polite bawk a min hruai thlap mai. a chhung ah chuan lut vatin kan in phih fai a, kan in tuai man leh thuak thuak a, ka mit bui deuh pawh a zia ta khawp mai, ka hmai chu ka han chei ve leh rih a. Khawpui ah te kan awm tawh sia, han thing bik lutuk chu a zathlak ve deuh ani.
Kan awmna atanga chhuakin kan dawhkan lam chu kan pan a, kan eitur chah te chu a lo thleng tawh bak nen ka ei nghal zung zung a, an siam tui em em leh nghal a, zingah eng vakmah ka eilo a, nepnawi vel mai mai ka ei a vangin ka ril a lo tam tawh bawk nen ka ei teuh mai. Kan thil ei lai chuan baby shirk-an min rawn la call zui a, eitui lai lai ka ti hlak chu ka thiante chu an lo nui hak hlawm a.
__________________________________________________
Silent readers in tam e ka ti, comment ngah te hi a nuam ve a, midang ho in comment tliar tliar a keichu min hmai daih bik zel a, comment in tlem viau chuan ka rawn dah hrih bik tawh dawnlo. Hmh
Show post links
Top