" Enge i sawi awmzia ka khawngaih iti em ni " tiin ka en ha " ka sawi awmzia chu faki hi a hmangaih lo tih chu kan hre ve vek a, u fakin alo luh khung lai te khan ka pa khan i hmangaih loh pui damchhung in i chenpui thei ang maw, in nei uk a in then leh tih te kha ka duh hauh lo ania atia, ka u khan u faki hmahun a ngaihtuah khan tiang khan a nei ta ani mai a.
Mahse van neih thlak ka ti dawn nge tiang khan reiloah u faki a tlan a pasal dang a nei nghal a, ka u khan u faki kha hmangaih lo mahse reilo te alo chen pui ve a nupui kha ani ve miau a, reilo te kha chu khawchhunga a awm lo ang ani. Ram lamah a tap chawt a mi tam tak chuan a na hle turah an ngai ngei ang nie nat te pawh ana ve ang , mahse ka u zawng mipa tak mai hi ani ve a tiang hian nang a nunah ilo lang a " ti a min nuih sei in .
" ka lawm asin aw u faki hian ka u hi a hre chiang lo hle tih nizan hmasa khan ka hria, ka u khan vin chiam in hau chiam lo mahse a awka dam dap khan pal zam chi anih loh zia u faki kha a hrilh ni mai hian ka hria. " Atih lai mek chuan rammuanpuia chu thlam chhungah alo lut a kan ngawi thap kan en thap chu hmu awm ang pawha awm lovin
Min lo pan hnai in ka lo en reng lai chuan ka nghawng vel chu ka sam hui kiang a en deuh ngur in" a zia viau tawh e haw veleh damdawi i ei dawn nia "ti sup in ka lo en reng chu ka mitah tak min en ve nghal run nui khi suk chung hian ka chalah a fawp zeuh ain lak hran rual in zodini leh kimi te lam chu ka en a ngeiawm deuh hian mitmeng chimawm deuh hian min lo en dun a.
Ka lai kher mai rammuanpuia tui in tura a kal rual rual in " eeeeeeeee "an ti dun nghal rum zet hian ka en tawp lallawmkimi chu a ze chimawm a chhuah leh dawn tih a mitmeng atang ka hria. " lai vel tawp " tiin dini chu en in an nui dun hak hak " ka lai lo bawk" ti ve nghek in ka kawr hak chu ka pawt ka pawt ta ngawt lallawmkimi chhaih laiha ka awm chu a lawmawm teh chiam lo kher mai.
" eee a kun vel a hmai te a sen vek" tiin za zet hian an nui uar uar ka ding deuh hluai nui thaw chung hian min lo la en dun a, " ka lai lo ka tih chu" ka ti hmuk ka hmai sa hat hat chuan ka laih zia erawh a ti lang viau. " a lai lo tunah i lai lo anih chuan min han en la ka lai lo ti la "!kimin atih leh takah chuan amah chu rum zeta en hmasa in " ka " ka tih lai mek in kimi chuan a mit ko a san zeuh ka thaw chhuak hak
Thlam chhung a lo lut mek ka hmuh rual chuan kan lai leh ngawt pek lallawmkim leh dini an nuih leh hak takah chuan sawi ber tur pawh hre lo hian rammuan chu kal pel in thlam pawn lamah chuan ka chhuak hmak. Eng vang a lai em em nge maw ka nih hrep ni lallawmkim vang vek ka hnung lam atang a kut lian zet in min lo kuah chuan ka phu zawk , a nui ri nghal suk
Rang zet in thlam lam chu ka thlek nghal ka thaw nghal huai " i thiannu chhaih laih rual maw ilo nih a bawihte" atih chuan alam chu ka hawi vat nui deuh suk suk hian min lo en ve run " ka lai lo" ka tih lai chuan mit ko a san zeuh ka sa chhuak leh vek " awle i lai lo a tha em" atih nuih chhuah hawk chuan ka beng deuh pawp " nangmah vang vek lallawmkimi damchhung sawi tur i siam sak kha tiang khan mi awm laiin ti tawh reng reng suh"! ka ti nghal hlak hlak
A lamah min pawh deuh thut chuan ka bawh deuh rawk rawk nui ri leh suk in" kha ai thuk khan ka la ti fo dawn , ka bialnu ini a engtik lai pawh in ka thlahlel che bawihte an ni te kha chu engamah ngai suh, ka hmangaihna che hi sawi mai nilova chet ziaa ka lan tir theih dan dang a awm anih chuan kha aia nasa pawh khan ka la ti zel ang " ti sup in min kuah hlu hlu
Kimi chu alo feh chhan ka zawt a" rammuanpui nangmah zawk in i ru emaw tiin lo hruai haw che ka tum mawle "atih chuan ka beng fawk ram atang kan haw hnu khan an inah chaw ka ei ve nghal law law a ka nu leh pa ten ka haw loh chhan min lo zawh khan papuian min lo sawi khalh kha ania , nilo se zawng ka in sawi awk vek ngei ang.
Hun chu a kal ve zel a christmass pawh kan hma lawk kar alo ni ta reng mai, ka duh emaw duh lo emaw ka pa in kumthar leh mass te hi chu chhungkaw kima hman ngei ngei tur, zir na avang in ram dangah in awm ani tawh lova mizoram chhung a kan awm phawt chuan chhungkaw kima hman ngei ngei tur" atih vang in haw turin motor bulah chuan ka ding ran a.
Rammuanpuia chuan driver pu sangkima chu be mawlh mawlh in a chezia chu ka lo thlir reng, rei lo te atan ka nunah alo lut a, alo luhna la rei lo viau mahse sulhnu tam tak leh hriat reng tur tam tak min pe tu min hmangaih thu nitin zantin tawngka a sawi tu mipa kal san hi ka huphurh tak zet. Ka lam hawiin min eng emawni hi driver chu a hrilh mawlh mawlh a.
An in biak zawh chuan ka lam panin alo kal a ka lo thlir leh veng veng, amah bel chiang a hre chiang lo tu tan chuan mipa pawh a ang lo, ramsa hi a ang amah a bawrchhawr in a taksa alo lian uai sia, a dam kir deuh hlek a dar chen vel a sei te chuan hnammawl hi ati ang em em a, a bek a hmul to te leh a khabe hmul in zawm ti tih te chuan ati lang hlauhawm em em a, mahse a chhungril thatna leh amah a mipa nihna dik tak hmu thiam tu tan chuan he mipa rammuanpuia aia tha hi an awm lo.
" ilo hah em" atih sup chuan lu thing in ka chauh loh thu ka sawi sep ka sam ka benga min zeh that sak pah hian min en vung vung, sawi ve lo mahse min ngaiin ka kal san tur chu a huphurh ve hle tih a mitmeng thuk ruiha chuan ka hmu thiam ve tlat. Ka sawl bah lai chu min siam that sak pah in " a vawt iti lo ang maw " tiin ka ke atang min en chho dun dun a
Ka nui chhuak hak ka nuih chhan a hrelo tih hriat zet hian mit ti zim sun in min en a
" a vawt lovang en la hei kawr pa 3 ngawt ka hak thuah a, sawl i nu min tah sak ngat ka bat bawk a i nau min phiar sak kutkawr ka bun bawk a vawt dawn lo hrim hrim" tiin ka nuih sen sen thaw ve huai hian ka chal chu a hmui lum vung vung chuan a si leh a heihi kan bula mi an awm emaw awm lo emaw ati ziah. A tir kha chuan mi hmaizah vang khan ka duh lo viau a mahse amah pui hian tu mah a hmaizah ve lo nge atih tur a thulh chuang lo.
A rei deuh a ka ngai neih ve ta ngawt bawk, " he tiang te mai mai tu pawi kan sawi pawh ani hleinem a lang lo lama zan lama khawlai pawh zah zo lova nupa in kar chauha thleng tur pawh khawlai a ti thin ho pawhin an ngam chuan , kei ni in hmangaihna lan tir ve dan chhe te in an mit alo ti kham anih chuan a pawi lo kan thiam loh a awm lo an thiam loh zawk ani " ati anih kha ta tang khan keipawh in ka sawi buai tawh ngai lo.
" in enkawl tha la motor i rui nasa thin sia tukverh bula thu turin driver ka hrilh sa vek e aw. I thlen hunah min lo phone la lo tap lo bawk la keipawh ka lo chho vat ang" atih chuan thaw khu deuh ham ham hian ka lo bu ve nghat driver in a kal theih thu a sawi meuh chuan rammuanpuia ka lo thlakhlel zia chu thup pawh ka tum buai bik lo.
Mittui parawl deuh kuang chung a en in ka hmel a hmuh rual chuan ka biang tawn tawn dawm chung hian harsa tih hmel deuh hian thaw ala hrawi. Lo kun hniam in" bawihte" ati ril ruih ka biang chu a kut zungpui chuan a chul hauh hauh " atha vek e ka sawi kha ka rei dawn lo ka pa leh ka chhungte han in hmu se mass hma in palai hmel in hmu vat ang " ti dam thluam in thaw chu ala ham ham .
A hmel a hrehawm tihna lo lang chhuak ka hmuh vang chuan kei ang tho in hrehawm ative tih ka hria a, hlim hmel chu pu luiin ka bu nghat " lo in enkawl tha la , ramah te kal tawh lo la van lam thlir in hrehawm deuhin lo awm tawh lo la. Min ngaih a ka hmel i hmuh chak chuan video call in min lo call mai thin la aw " ka ti ve sep" a khai aw in duh tawk dawn tawh em" driver in alo tih takah chuan rammuanpuia ain la hrang nghal a
" kan rammuana pawh in a nak ruh bo dik tak bo ta a hmuh kir meuh chuan a full moon nitin zantin mai" tiin a nui hawk hawk motor a awm te pawh an nui dar dar rammuanpuia nen hian , atu a te mai pawh hian min dem fiam zing viau thingtlang tih takah thu a thang chak in reiloah khaw pum in kan in kawp tih chu an hre nghal reng bawka.
Motor ka luh rual chuan driver ha sen zet chuan min nuih sun sun chung hian rammuanpuia chu en in" lungngai suh i ai ka lo awh ang. A rui lo ang lo phi cheng lo la sa te kha kah tur zawng in ram lamah liam rawh, bialnu i nei ve dek dek a a mei ang maiin i zui dat dat reng mai" tiin a fiam pah zeuh rammuampuia chuan a huat ka rin nen chhan enah pawh a en lo nge a nui luih liam ta vel mai mai
Kan tlan chhuak ka taksa chu ka ta ani mahse ka rilru erawh rammuanpuia ta emaw tih tur ang mai hian ka ngaihtuahna chu a chhuahsan thei thak lo. Rei fe kan tlan hnu chuan lawngtlai kan lut a bazar chu alo tawt viau. Bazar hun ani a thingtlang lam atang khawpui hnai ber ani bawk nen bazar chu a tawt in an in su deuh naw naw hlawm a. Stand kan thlen meuh chuan tlai dar 3 ari thuak tawh trafic jam ana sa lutuk a chu vang a thleng tlai kan ni bawk.
In ka thlen rual chuan ka nu in min kuah vang vang " mate i chau em ipa pawh alo haw tep ang, i room a va in dah fel rawh thingpui ka lo siam ang che " atih chuan bu nghat in kal chho chu ka tum a mahse kawngkhar bul atang driver pa kha alo auh lut lauh lauh a ip lian ve tawk tak hian eng emawni hi alo khai lut bawk. Ka nu chuan a pan hnai vat keipawh chho mai lo chuan dawhkan lam pan chuan ka kal ve leh. " enge a heihi" tiin ka nu chuan chhuata let reng chu a en zeuh driver pa hawi vual vual lai chu ka nu thusawi vang chuan a en zeuh
" a kan rammuanpuia khan alo thawn che u anih hi " atih sup chuan " maw" ka lo ti hu ka nu chuan ahma a rammuanpuian sa leng eng ilo alo pek tawh vang khan hlim leh lawm tih hriat zet hian" awi aw ava han fel thin tak em aw. A hma deuh pawh khan sanghal sa leh sakhi sa rep hnem zet min pe tak asin matei pa lah hian a thian te bulah in sawi theih nan tak a hmang leh nghal " tiin ip chu thut chilh in a ti ti zui zat
Rammuanpuia thil dah chu next chapter a kan dah lang ang. Thil te te a dah teuh dawn sia tuna ka sawi chuan a ho ltk a
Show post links
Top