" kan hawng nghal law law mai dawn em ni "tiin driver chu a zawt a , kei ngei pawh chuan rammuanpuia'n enge ip a chuan a dah ka hmu chak Driver pa chu nui vur vur a bu zeuh in ka nu chuan a hawng nghal a, a hmasa berah chhan eng sa rep nge tih hriat loh hi sarang var a hian alo awm a " awi" ti chhuak hluai
" eng sa rep nge ni ang aw" tii driver pa chu ka nu chuan a en zeuh driverpa pawh chu lo kun ve in sa rep chu a en vung vung " sanghal rep kha anih hi alo la nei ani maw" atih chuan ka nu hmela lawmna lang chhuak chu hmuh hmaih theih pawh anilo. Kei ngei pawh chu a ruk tak chuan ka lawm in ka in ti thei ru viau.
" a lawm awm teh e aw muanpuia chu a fel thin khawp mai" tiin ka nu chuan kei chu min en zeuh in ip bawk chu a han en leh a " heihi enge" tiin sarang dum a fun chu alo lek chhuak a, min lo en in mit ko a san zeuh , rammuanpui hian tiang hi alo thawn tel tih pawh ka hre bik reng reng lo. " ka hre bik nang " tiin hawng tur chuan ka ti nghal.
Ka nu chuan sarang chu khawih ri rak rak in alo hawi chhuak vut " mate ka manghilh daih hei driver hi thingpui te kha lo lum rawh" ati nghal sawk sawk ka in thiam lo ru ang reng engmah ka lo ngaihtuah hauh lo. Rang zet in gas lam chu ka pan nghal ka nu in " awi aw ava han mawi em em ve mawle " atih chul chuan alam chu ka pan vat
Sawl dar bah chi adum leh var a in tial hi alo lek chhuak a ding chung in a dar a chuan a han bat vel a, a hmel a lawmna lang chhuak chuan nasa zet hian min ti lawm ve , " a mawi tiraw mate "tiin min en lem hlei lovin sawl chu a en daih thung " a mawi lutuk " ati leh hliai thin ringawt" a dang kha enge ka tih chuan kun vat in a lo phawrh chhuak a " ehe hei kut kawr phiar leh sawl " tiin kei chu min en leh a
Ka pan hnai ve vat ka nu ka pa leh keima ta tur hi sawl kara hian lehkha them te a in ziak in felfai deuh hian an lo thleh hnan thlap a, " aw an va han ti tha chhungkhua em aw " ka nu chuan ati zui vawng vawng rammuanpuia chu a fing ka ti in kei chauh nilo ka nu leh pa te a hmangaih tel ve tih ka hriat chuan ka zah thar in ka ngaisang ru em em bawk. A dang a en leh chuan dawl rep te bekang rep te sangha rep vawi hnih ei tur vel te leh eng rep rep emaw ni hi an lo dah teuh a.
Ka nu chuan lawmthu hi a sawi bang theilo van nei min tih hmel deuha min en te chuan ka lo lawm veng veng, ka sawi tawh kha ka nu hi nu tawhkhirh leh ka kawppui chungchang a pawh a duh loh zawng chu thup buai lem lovin then rawh ati hmiah zel. Rammuanpuia pawh kha a duh loh ka hlau ru viau anih kha , mahse rin loh lam daih in ka nu hian rammuanpuia a duh loh thu a sawi miah lo.
" bawihte i thingpui chhuan kha" ka nu in gas lam hawi paha atih chuan harhchhuak zawk in gas lam chu ka pan rawk rawk. Ka phone lah chu a ri zui gas chu off in ka phone ka ipte atang la chhuak in ka en chuan rammuanpuia alo ni. Rang zet hian ka la nghal
" aw hello " ti sep in ka nu te lam chu ka en pah zeuh " in thleng tawh em" atih sup chuan " aw thleng tawh e , engmah i sawi lova "tiin no a chuan chini ka dah lut zui zat " eng maw "atih chuan " aw engmah min hrilh lovin sa rep te leh eng emaw ni min lo thawn teuh hi "ka tih lai mek chuan ka nu hian " mate muanpuia ami atih chuan " aw" ka lo ti ve maia
" khaw maw ka lo be ve teh ang "tiin ka lam pan chuan alo ka a " ka nu in a be dawn che aw" ka tih takah chuan nui ri suk hian "aw "ati ve maia thing pui chu siam in driver chu ka pe a, chhang te chu ka chhawp sak nghal . Ka nu chuan thil thawn vanga a lawm thu te an dam that leh that loh te chu zangkhai zet hian a zawt a.
Driver pa lah chuan min nuih vur vur zel a ka lo nuih let ve ta ngawt zel. " hei chhang te hi ei rawh" tiin chhang chu alamah ka dah hnai a alo ban ve mai bawk a . Ka nu chuan a be zo nge kan lam panin alo kal phei a ka bula alo thut thlak pah chuan" an fel teh e aw, sawl te phei saw chu tah ngat ania sa rep lah chu kg 4 dawn ania thil rep lah min lo thawn tam si mi tha chhungkua an va ni chiang em aw " ati zui vang vang
Ka mithlaah rammuanpuia nu in zan a Laltin leh bati te nen zan rei tak tak thleng ka nu nen kan ta tur puan a dah tur vel ka mithla chuan ka khawngaih kher mai. Thingtlangah chuan current hi a chhe em em a nileng a kan neih chuan thim hlimah a thim ngei ngei thin. Kan eng leh thim hi belh bawm ta ang ila a thim hi a tam zawk ang.
Driver pa pawh chu a haw dawna, kawngkhar pui bul thleng ka nu in a thlah ve a , driver pa in kan in a hriat dan ka nu in a zawh khan" rammuanpuia khan a sawi chiang em a, in awmna hi hria loh theih pawh anilo" tiin nui vur vur in ka nu kha a chhang anih kha ka nu chu alo let leh a ka bula lo thut thlak pah hian min en in lai deuh hu hian ka lo en ve reng thung
" mate i van nei hle mai "atih takah chuan ka thaw veng huai , rammuana hi duh lo ta se ka nu hian do tlat ang se kei hian duh in hmangaih viau mah ila ka nu leh pa in an duh loh miau chuan , an thisen ka nih angin rammuanpuia pawh hi ka then angai ngei ang. Mahse van neih thlak takin ka chhungten min duhpui hlauh a, chu ai lawmawm chu a awm kher lo
Mi then khat chu an nu leh pa ten an duhpui lo mahse in thlah thei chuang silo tam tak an awm, kan mizo te kan mak na em em chu kan kawppui te kan nu leh pa kan unau ten min duhpui lohte hi kawp lui tal kan tam a, nie in hmangaih chuan in thlah hi thil harsa tak tur ani nu leh pa te pawh fate enkawl na kawgah hian rilru thui tak sen angaih chang a tam viau
Kan duh pui miah loh te ani i neih chuan kan in tui thlar ang tih tawngkam hman mai te hi thil tha ber ani lo, kan fate thatna tura kan nawr lutuk lamah hian a ruk a chance an neih theihna tur kan siam sak thin zawk fo, a tawpah sawn an pai a na takin kan dem leh lawia , hei te hi a thalo em em a an tana tha tur kan duhpui chuan an kawppui te pawh duhlo mah ila nawr chiam lovin dawh thei taka an thlah hun nghah leh tanpui hi nu leh pa te mawhphurh na ani, inchhung luma an kawppui te an lo len ngam loh miau chuan pawn lama in hmuh chu a tam zawk lo thei thin lo
" mi tha tak an ni ang mate hei kum lamah pawh i naupang chhe zawk zawk tawh lo , pasal lam te hi "nui deuh paha ka nu in atih chuan ka tho chhuak hliai" enge kum 25 ini dawn tawh " tiin thingpui no chu dawhkanah dah in chhuata thil min thawn ho chu a dah tha nghal zung zung " ka nu enge rammuana hi i duh na em em" ka ti chhuak ta tawp dik tak chuan ka nu in rammuanpuia a duh leh lutuk hi amak ka ti em a
Min lo en in " a chhan chu mipa nghet leh in nghahna thlak anih vang mawle, i bialpa hmasa te nen khaikhin chuan rammuana te hi chu atha alawm, i ngaihzawng ve te kha chu an hmel leh vun chhang a mawi a an no chuk a, mipa pawh an ang hleinem a hming in bike motor phone man to tak tak an nei a, mahse an thawhchhuah in an in lei pawh anilo bike chak zet zet in an khalh a kawi hnih khat an thleng a, khaw maw zial chu an tia engmah lo mai an ni " ati ta dap dap a
Ka nu nen chuan rei pawh in be tawh lovin ka room lam ka pan nghal, ka in bual zawh chuan rammuanpuia phone ka duh ut ut a , mahse a buai ka rin vang in ka phone ta lo inhnuai lamah ka chhuk thla a, ka nu chu dawr lamah a akal nge hmuh tur a awm lo, rawng te bawl in ka pa alo haw chuan min chhaih zuk zuk a chaw ei lai te pawh chuan rammuanpuia te chhungkaw chanchin bak an sawi lo.
Zanah rammuanpuia chu ka phone a lawmthu sawi te ka duh , reiloah alo la a mahse rammuanpuia pa zawk in min lo chhang daih, a phone a kawl tir leh tawh a ka ngai " aw pa" ka ti lai deuh tut" aw mate bawiha i be duh ami "alo ti nghal vat " a aw nia enge atih a " tiin zawhna ka zawt leh nghal " a ra talh tur ava man lawk anih hi i thleng tluang maw " ati nghal vat
" a aw tluang e, ka nu leh pa te pawh an lawm lutuk thil min thawn tam si " ka ti hliai a khumah chuan ka mu thla nghal ka nu aw in" matei ami khaw maw ka lo be ve" tiin a ri rak rak a ka lo nui hak . " aw mate i awm em" an ti nghal ngawt a ka lo nui leh hak" aw chaw in ei tawh em" ka lo ti ve nghal vat " a, aw hei ei tawh e, i nu leh pa te chungah khan lawm thu min lo sawi sak rawh aw ," atih lai chuan ka pa aw in a
" a nu leh pa te chauh nilovin matei chungah pawh khan sawi ta che maw le" alo ti ri chu hria in Dini nui ri in a zawm nghal" ani dawn teh tak e , hei thil min lo thawn teuh mai a kan lawm tak tak, a to dawn mai sia "ka nu in atih chuan ka hre thiam.chiah lo ka nu in tlaia a chhuah chhan kha thil thawn tur alo va lei ani ngei ang, chu chuan min ti lawm in ka in thlahrung lutuk tur pawh kha ati ziaawm deuh.
" a ho lutuk kan lawm daih zawk" ka ti zang khai vah" a lawmthusawi sawi na tur a awm reng reng lo, vawksa nise kg 5 dawn lawih mai min lo thawn a, a tam lutuk a auih hlau in matei'n a rep hluah mai saw ilo hawn huna kan ei leh dawn nia aw "tiin a nui hak hak an inah ka chaw ei tuma ka chet chhiat zia kha a hre chhuak ve te pawh ani ang.
" kawr lum nise i pa nen pa hnih ve ve min lo thawn a phei khawk nen , matei ta tur in chawlhni pheikhawk mawi leh to deuh min lo thawn bawka mahse i pa ber hi a size an hre lo deuh nge an lo thawn hi a lian lutuk a, bawiha'n ka bun mai ang atih lah chuan a ngai lo ati deuh bur a" . Tiin a nui hak hak rammuanpuia chu alo lut ve tawh nge ka nu aw chuan" aw hei mama pawh alo lut e in be ru aw" tiin thawm chu a ri leh rak rak.
" aw hello aw" thum dut in atih chuan lawm loh hian ka nui ver ver ka chhan mai loh vang nge" Bawihte " ati sup phone kal tlang mah ni se a aw thum tak a bo lo " hmangaihpa" ka tih sep chuan a nui ri suk tih ka hre thei " ka lawm lutuk aw vawiin" ka tih lai mek chuan" Bawihte" ati chhuak hulh a reh zui vang vang hnuah " engmah anih loh kha min ngai em " ati ta daih
Ka nui ve hak" ngai teh reng e naktuk in khawm dawn em" ka ti zawm ve zat a" khawm ve awm tak dam chuan" tiin a thaw la suai suai ri chu ka hre thei rei pawh in be lovin kan dah a dar 8 leh a chanve alo ri der engmah ti tawh lovin ka phone massege en in lalremruati massege chu atam ngang mai" in duh nu ilo haw a engmah min hrilh ve duh lova maw
" tih te " in pa alo kal ve em" tih te" naktuk a ka lo sawm ang che tih te ani nuk a tam em vang in "awle" tih te sawiin massege dang seen tawh lo chuan mut tum in ka chhing zui nghal.Ka harh rual chuan inhnuaiah chhuk thla in ka nu leh pa te chuan min lo en in an mitah chuan lungngaihna thuk tak leh min khawngaihna lang chhuak vang chuan mak ti deuh taka an bula chuan thut thlak pah in za lo deuha nui chungin ka nu chu ka en a, " enge khatia in awm " tiin thingpui chu thli chhuak in ka in nghal ka pa chanchin chuan a chanchin bu chhiar lai thleh that pah hian ip pik hmel deuh a min en vung vung in " bawihte " ati chhuak hulh
An awm dan chuan min ti hrilh hai " bawihte" tiin ka nu chuan ka kut alo vuan a , a hmer vang vang " nu enge hetia in awm ka awm in ti nuam lo ania sawi tawp rawh u enge thleng" ka ti chhuak hliai" bawihte i hria anga i nunah hian thil tam tak tawn tur ila nei a, hma lam pan a ke pen zel te hi a tha a nunna hi Pathian min pek ania " atih lai chuan mangang ru zet hian ka nu chu ka en " nu pehhel lovin sawi tawp mai la "ka ti chhuak ka pa chu en zeuh in ka pa a buk tak nghat a chuan" bawihte nizan khan rammuana chu ram vak turin a chhuak a" tiin a ngawi dat
Thinphu dawp dawp leh hlauthawng ru deuha an thusawi tur ngaithla tur chuan ka in hum ruh viau." ti chuan zan laiah pawh alo la haw loh vang in an mut san vek a , a chhan pawh zing lamah alo haw mai an rin vang ani pakhat zing lam dar 10 dawnah paw alo la haw silova ramnuanpa in angaih tuah ve deuh tawh nge khawtlang hruai tu te a pun ta tawp a, rammuana zawng tur chuan an chhuak a" tiin sawi harsa tih hmel deuh hian ka nu chuan min hmer na salh chung hian min en a" chuan rammuanpuia chu thi chhawng in alo let a" atih chuan ka tap chhuak hawk " anih enge tunah chanchin "tiin ka nu min kuah tu chu ka zawt le" bawihte mihring a tling ta lo " ti a ka sam a chul chuan ka khawng awt
RAMMUANPUIA KAN THLAH LIAM MAI DAWN EM NI ANG
Show post links
Top