OBEDA BY Natasha Hrahsel (Completed)

[ngaia]

CH-22





"Mawh...ka ring che asin" ka ti tial leh ruai a,hetiang em em hian ka la talbuai ngailo asin.



"God! Bawihte i tha miahlo! Khawngaihin hahdam tum hram rawh" a ngen hian min rawn ngen ngawih ngawih ani ber tawh.



Phone call dah lo chuan ka tap khur ngawt ngawt a,hrehawm tih hmel zet hian a rawn rum ri leh hawk thin.
Ahnu deuh ah chuan ngawi reng hian kan in ngaithla tawn a,ka tah nasat vangin ka la khur che leh hlawk thin.




"I zia deuh tawh em? Bawihi,ka hnem phakah i awm silo khawngaihin hahdam hram hram tum rawh aw" a rawn ti leh a, ka chhanglo.



"Thudik...thudik ka hrilh theih nan che hun min pe rawh" a rawn tih chuan ka hrethiamlo viau.Tinge thudin hriat ala mamawh fo le?

"I rinna leh zel ka hlauh tel anih chuan ka tan thudik zawmchhuah in awmzia anei dawnlo.Kimte karkhat chauh karkhat chauh min nghak hram rawh" a rawn ti ngawih ngawih a,ka thei angem ka hrelo.Tunah tak hi chuan ka lunngaihna te kah thinrimna in a rawn thlak chho mek a,ka biak mek ka mipa hmangaih ngawih ngawih lakah hian ka thin a rim tulh tulh mai!





"I ngaithla tiraw?" A tih chuan ka ngawi reng a,chhân dan tur ka hrelo ani.Tunah tak hi chuan engthil pawh sawi se ka thinlung hian apawm dawn nge dawn lo tih ka hrelo.







OBEDA Pov.





Ka phone chu ka dah thla riai riai a,an in lama zuk kalchilh a zu kuah thlawp ka duh a.Mahse tun dinhmun ah chuan an in kawngkhar pawh ka paltlang dawn lo tih ka chiang si.
Bawihi bak in ka ngaihtuahna a luah thei lo a,ka uire san thu ahriat ruala amangang hmel tur te,a hamhaih lutuk tur ka mitthla phei chuan mahni leh mahni chu insawisak hrep ka chak takzet.


Ka hmeichhe hriat tawh ah chuan hmeichhe famkim ber ani ngei ang tih tur khawpin a nunhchang,pianzia leh chhungril thleng pawh a sawisel tur ka hriat loh khawpa mi famkim ani.Mahse a ti na tu chu keimah bawk ka ni leh si!






Jeneti'n ka fa pai a in tih dan ngawt hi ka hrelo a,kha zán kan zu ka in ve zan a thil thleng anih thu min hrilh khan keimah zawk pawh ka hamhaih viau nghe nghe.

Kha zân a thil thleng kei ngei pawhin ka hriat loh laia sex ka hmanpui theih ka inring lo a,ka fa pai niin a insawi miau mai bawk si! Chutiang thil thleng engmah ka ngaihtuah chhuak theilo lai tak chuan ani min ti buai em em ni?





Jeneti'n ka fa apai tih ka la pawm mai theilo a,ka hnar thei chuang hauhlo bawk.Zu hnathawh dan ka hre tlat lo a,mipa famkim ka ni e chu ka ti hauhlo.
Ka tette atang ruih theih thil lakah ka inserh hrang a,meizial tihloh hi chu ka la tem chhin miahlo bawk.Thil mak ani hranlo,kei ang tho a ruihtheih thil laka fihlim hi sawi tur an awm nawk tawh.





Kha zan khan thil thlen dan hre lo mah ila ka ruih chhiat laia sex ka hman theih erawh ka inring lo ve bur a,chu chu ka innghahna ani deuh tawp tawh bawk.





Ka chhungte chuan min ring zo ngang lo a,Judy leh ka nu phei chuan Bawihi thlavang hauhin tap chungin min hau rawng rawng nghe nghe.
Ka phu ka inti a,Bawihi ang hmeichhe tha lutuk thinlung ka hliam sak miau alawm le.



Mahse thudik chu ka zawng chhuak ngei ang,Jeneti nau pai lai hi ka fa anilo tih ka fiah ngei bawk ang.





Ka tlaivar ta thak a,zantin a ka kuah lum ka pangtilum nghenga mu ar ar thin te tello chuan muthilh ahar mai nilo in ka theilo lam chu ani e.




Inhnuai lamah chhukin choka ah ka lut a,Bawihi ka zawng rilru nghal ringawt bawk!



"Obed,thingpui ka lo thlit ang che chu"Nu Marovi'n alo tih chuan ka hnial thuai.Tui inkhawlh khawlhin chair ah ka thuthla zawm a,Judy mit sen ram a rawn lut ve zat in min melh eihlo bawk!
A tap nasa ve thawkhat tih hriat zet hian a mit ala bui luk bawk.





"Judy" ka lo ti sap chu rum zet hian min melh a, "U Matei te nufa rawn let leh hma chu ka be tawh dawn lo che.U i ti khawngaih thlak emai! Nizan a amangang awmngaihna hrelo hmel i hmulo kha vannei inti hle rawh.U Jeneti'n i fa apai thu an sawi lai khan a talbuai lo chauh asin.Tunah nau apai leh tawh lehnghal" a ti chhar chhar chuan min vit ngawih ngawih.


Kan fa hnihna tur apai leh mek laiin na tawpkhawk in ka siam chu ani mai sia maw! Tek a den tir mai nilo den nawn awn awn tir tlak ka ni.





"Judy" ka ti leh sap a,ka auh zui na pawh min chhang lo in choka atang chuan achhuak zui leh nghal daih.





A chinchang hrelo ber Nu marovi chu enin "mipa nep tak ka ni tiraw?" Kan ti ngawt a,a hawihai hmel chu lu thinkhum nawkin ka room lamah insiam turin ka chho ta daih.





Chawhma lamah ka hna ah ka kal a,chawlh ka la zui hmiah bawk.Chawlh ka lak ngun tawh em vangin ka student chhuak ta pakhat chu ka be pawp ta ringawt a,History topper ngat lo ni tawh ani bawk a ka ai kal tura ka han bia pawh sawisel tu an awm lem lo.Indaihloh ana thin si a,chawlh lak ngawt ai chuan ka ai midang kal tir lawk chu atha ber in ka hria.




Jeneti damdawiin awmna lam ka pan zui nghal a,thudik ka fiah theih nan Jeneti kianga ka awm tam angai hrih tlat a tin ni.





Bawihi'n nau anga ka en thin Jeneti'n min ngaihzawn thu a sawi tirh khan lo awih sak ilang hetiang dinhmun hi kan thleng kherlo maithei.A bulpui ber chu keimah bawk..
Nau ang maiin ka en a,Judithi leh Judy te nen ka enhrang ngai hauhlo.Chutih laia û ang nilo a minlo en thei hi mak ka la ti viau.Mitmei ka hmuh azeng pawh ani ngai hawt silo.





"Lo kal leh kher angai lo asin" a room ka luh rualin alo ti var a,a hlim hmel khawp hi a! Engtin nge anunna lak te kha alo tum theih zawi ni?





"Enge i an?" Chu ka ti mawi ve tak na in atha tih ka hmu chiang a,a mawia zawt mai chauh ka ni.




"Ka tha,Doctor in naute pawh atha atia" a tih chuan ka thaw deuh ham ham a,naute! He naute hi ka fa anih theih ka la ring chuang hauhlo.
"Ka nu ka thawmhnaw la tur in a haw zawk a,a rawn let leh tep tawh ang" tiin eng eng emaw a sawi zui luam a,ka ngaithla ve nangin enge a sawi tak pawh chu ka hre chuanglo.

Ka hriat chhuah tak chu hmeichhe titi ka ngaihthlak peih awmchhun chu Bawihi chiah ani tih hi.Lily ti ti takngial pawh kha ninawm tih chang ka nei thin anih kha maw? Thu ho te te sawiin thil thleng mang hleilo an zeldin oui chiam theih a,Bawihi thusawi erawh thil ho te pawh nise uluk takin ka ngaithla tluan parh thei zel anih kha maw!






"Ka let phawt ange?" Ti a ka ding hluai chu ak kut alo chelh vat a, ka melh zui run.





"U Obed,minla ring lo ani tiraw?" Tap teuh deuh hian a ti a, ka ngawi reng ringawt.

"Kan fa alo pian hunah i hre mai ang,nangmah chiah chiah tih ahmel a ah alang anga,chutih hunah chuan i pawm ve mai ang" a ti sep sep a,ning zetin a kut chu ka paihthla zui hmiah.



"A hun lo thleng phawt rawh se" ti hmukin ka chhuahsan lui ta tho.Nau anga ka lo en thin ani a,a rilru na hmel ka hmuh khan ka lainat lo miahlo mahse tun dinhmun ah chuan lainat thei ka ni hrih tlat lo.Ka lainat dawn apiangin Bawihi ka tihnat zia ka hrechhuak zel a,a rawn hliahkhuh hneh thei ngang mai.





Haw tlang ta mai lo chuan ka thianpa clinic lamah ka kawi a,zawhfiah duh ka neih piah lamah ani chauh hi ka buaina a ka pun theih awmchhun ani.

Ka tette atang in ka invawng ka tih tawh kha maw,zirna lam chauh ngaihtuah thin ta chuan thian han siam mai te ka harsat em em a,chuvang te pawh chu aniang tun hnu hian thiantha tia han sawi tur ka neih tlem em em ni!






"Josepha a awm em?" Counter a lo thu hnenah chuan ka ti sup a, a rawn thlen chiah thu a sawi rualin inchung lam ka pan chho nghal thuai.
Inentirtum anlo thu nual tawh a,ka nghak mai aniang chu maw.Amamawh tu zawk ka nia lawm.




Dar nga thleng pawh chuan inentirtum panga ngawt an la awm a,thiana hian ringa pan tu alo ngah zek mai!




Dar ruk pelh ah ka lut ve thei ta chauh bawk. "Obed, teh hlawl che chuan" alo ti hluai.




"Ka nghak rei tawh viau mai che" ka ti nghut a, "rawn lut pawp mai ta che" alo ti thung.A mamawh zawk te an in tlar thup lai a keia mimal buaina vanga lo biak pen kha a dik in ka hre tlat lo ani.

"Enge i lo kal chhan ni reng reng a? Sawm sawm pawh a ka clinic mi rawn hmuhpui duh ngai hlei khan" a tih chuan ka nui sak a,a hma ah ka thuthla zui zat.







Ka buaina tawh te chu hreh zet chuan ka han hrilh a,alo ngaithla uluk viau mai.
Thil thlen dan leh Jeneti nau pai chungchang thlenga ka sawi hnu ah chuan ka thawchhuak ta hawk a, ka mangang ve hle ani tih ka hmel atang pawhin ahmu thei ang.





"Thianpa ,ava zialo ve aw" a tih chuan ka tihngaihna hrelo ka lo thaw leh hap ringawt.




"I case hi a dang em a,zu in mi pangai ni la chuan chinfel pawh a awlsam deuh tur.Zu in mi pangai chatthla lo ni la chuan i chahthlak laia sex i hman theih ngaihna a awmlo a,i dinhmun erawh a dang bawk si.Chatthla pangai i nihloh na lai hian ka rilru a ti buai pha tlat" a ti charh charh a,"Jeneti nau pai chu ka fa anih theih dan a awm i tihna ani em?" Ka tih rualin abu nghut a,beidawng zetin ka rum hawk mai.




"Chatthla pangai ini tlat lo a,chu zan a thilthleng i sawilan atang phei chuan i fa anih theihna chance asang viau.Chutih rualin mak tih erawh ka la nei thung.Zu i tem vawi khat na ani a,chatthla miahlo thilthlendan pakhat pawh i hrechhuak zo silo lai tak chu ani" a tih chuan ka beng averh ve ta khawp mai.






"Sawi chiang la" ka ti nghal thuai.




"Zu rui pangai ni la tlem tal chu i manghriat ruai ruai tho ang,damdawi lam i khawih tel te ani lo maw? I intur ah engemaw pawlh an nei te ani lo maw tih ka ngaihtuah" a sawi takah chuan thil ni thei ani.

Bawihi'n Jeneti nen kan infawh thu a sawi te khan mak ka ti viau a,ka hre miahlo anih kha.Kha zan lah khan kan room thleng ka kal thleng a,rui chatthla ni ilang Bawihi ringawt in min hruai chhoh thlen ngaihna a awm lo.





"I thisen test turin a thlenna a rei tawh si a,puih theih dan che a vang tawh viau mai.Naute pian huna DNA test iti te anih ngawt loh chuan Thianpa i kawng hi aping khawp mai" a ti deuh charh charh a, "chutiang thleng thleng ka nghak thei lo ang" tiin ka phun sup.

"Puih i mamawh phawt chuan ka pui hrehlo che ania" a ti nangin enge han tih ber tur chu ka hre mai biklo.Kha zân ka chhuichian pauh leh Jeneti nau pai chu ka fa anih theihna chance a sang tulh tulh mai bawk si a! Lu ahai ve duh ta map map hle mai.





Ka nupui fanau ka chan hlauhna chuan min rawn zem a,khua a thim tawh in lam pan lo in khawchhung ah chuan ka tlan kual a,pan tur lam ka nei pawh ani hauhlo.
Hriat loh karin Bawihi te inkawt ah ka lo ding reng tawh bawk!




Ka phone phawrhin a aw ka ngaihthlak chak em vang chuan call ka tum uk uk tawh a,mahse beidawng zetin ka dah thla riai riai thung.Ka zâm ani,ka zeplo ka nupui fanau te lakah hian ka zâm let der ani.
Tundinhmun ah chuan thudik ka la sawilang dawt thei silo,engtiangin nge tunah te hian min lo ngaih ang? Ka nep ka nep takzet.Hetiang em em hian ka la indah hnuai ngai hauhlo bawk.






Zan dar sawm dawn thleng chu an inkawt ah chuan ka thu ta reng a,veivak thenkhat chuan ka motor hûnna in a zirlo bawk nen min rawn melh deuh riau thin a,motor chhunglam rawn bih tawk tawk te pawh an awm nawk mai.

Seat nghenchhan nghengin ka mit ka chhing a,Bawihi leh ka fapa,kan fa lo piang tur te chu mitthla ah alo inlan chhawk zawk zawk mai!






Ka motor glass rawn inkik ri kauh kauh ah chuan mengchhuakin glass lam ka hawi a,Sawma alo ding reng mai!





"Obed,in inlam ah haw tawh rawh" glass ka down rualin a ti bung nghut a,a awka vin lo mahse nelawm tak zawng ani hauhlo.




"Atha em?"ka ti zuai raih a,ka zawhna zawh atthlak lutuk vang chuan keimah zawk ka nui chhuak hawk mai! Engtin nge athat tehlul ang ni? Na taka ka hliam zawh chiah bakah thudik engmah hrilh theih ka la nei lo zui!


"Haw tawh rawh" a ti leh nghut a,tunhma atang Sawma nen hi chuan kan inhre tawh.A pa te leh ka pa te inkawm nasa ti a sawi tur nilo mahse an inhnaih thawkhat ve viau a,kan school luhna lo inang thin bawk nen inkawm tia sawi theih nilo mah ila kan inhrechiang ve fu.





Haw mai tumna ka nei lo tih ahriat rual chuan ding mar vutin "inbe lawk teh ang" a ti nghut a,motor rawn kal hualin passenger seat lamah chuan a rawn thu lut ve nghal zat bawk.

"Nizan thilthleng khan min thawng hle mai,i tih atan a mawi ni a ka hriat loh vangin ka awih lawk ngam lo a,mahse Matei hmel ka hmuh erawh kha chuan demna hlir che in ka khat.Kut thlak che ka chak zia i hrethiam pha lo ang nizan kha chuan" ti charh char mahse insawithiam tumna ka neilo,ka thiamloh ani miau.




"Heti taka a thinlung nghaisak sak hi chu a phulo asin Obed.Ka farnu hi ka hrechiang a,mize puitling tak neiin a rilru pawh a zau viau bawk. A natna sawichhuak theilo khawpa a awm anih chuan anat dan tur i hrethiam ngeiin ka ring.Tunah hian ka farnu hi atha miahlo ania Obed" a tih chuan hrehawm ti zetin ka lo thaw ri hrawk a, "ka thiamloh vek ani" tiin ka phunzui sup sup bawk.Abak sawi tur ka hre hlawl lo ani ber e.

Ngaihdam dil ta ilang anat zual phah sawt zawkin ka ring a,ngaihdam ka dil anih chuan ka tisual ngei ani tih ka inpawm tihna ani bawk ang.





"I uire san tak tak em? Chuchiah chu ani i lak atanga thudik ka hriat duh awmchhun ni" a ti nghet charh lai chuan kei mipa ah pawh pa inti ve tak hian chhânna ka pe thei der lo.

"Ka hrechiang ve thawkhat viau che in ka inhria a,ka farnu uire san duh tur khawpa nun thlahdah leh sual ini lo tih ka rinna chiah hi ani ka kut tuar lo a ila awm na chhan ni"






Bawihi te in atang chuan zanlai pelh ah ka let ta chauh a,pawn lamah vawi khat pawh a rawn chhuak lo a,ka ding reng tih erawh a chhungten an hrilh chuan ahria ang.Mahse an hrilh duh kher in ka ringlo.




"Rochanpui,hetah hian rawn thu teh" inchhung ka luh rualin ka pa'n alo ti khauh fur.Hmingpum a kan inkoh lohna pawh a rei ta vawng vawng khawp mai.




"Zanlai thleng thlenga i lenchhuah na hian i buaina a chinfel sak dawn miahlo che ania hre rawh.Engtia buaipui zawm nge i tum?" A ti leh hrak a,a awka vin hi ka hre khat a tuntum erawh a monu leh atupa chuam ka laksak miau a,thinrim tur chu ania lawm.


"Ka hrelo" ka ti hul duk chu a sat hmel viau.





"Jeneti neih te kha i tum ringawt ange,Kimtei lo hi mo ah ka pawm dawn reng reng lo ania" ti vin hlukin a tho a,"i buaina siam hi nangmah ngeiin chinfel tum ang che.Kimtei i hruai let theilo anih chuan ka damve chhung chu nupui dang i nei hauh lo ang" ti nghet burin an room lamah a lut zui a, ka nu chu akhap bet nge ni a rawn chhuak ve hauhlo bawk.A la muthilh erawh ka ring lo bur mai.
Show post links
Top