DARK DESIRES
CHAPTER 1
“Ka thah tumna che a rei tawh a sin Lilia Alfero” ka chhîp samah chuan rawn ṭhamin min khai tho lâwp a, ka ṭhen chak chak mai. Chutah ka lamah rawn kûn hniam ruai ruaiin ka hmêl a hmuh rual chuan a ner nghal sawka.
“Ka thah lohna tur chhan che sawi teh, nang hian ka unaupa kha i thata. Phuba chu ka la ve tawh thung ang” a tihchuan ka bialpa hlui u a ni tih ka hre nghal, a ni khân ka duh lo chung min khawih a tum avângin ka ṭhen a, amah leh a mah a inthat zui a nih kha.
“Engmah tihsual ka neilo, i unaupa kha mahni intihlum a nih kha” ka biang chu a ri nghal sawka, ka hmui aṭang chuan thi a rawn chhuak nghal zaih zaih bawk.
“I nun hi hrem hmunah ka chantir dâwn tih hria ang che, hlim takin i awm leh tawh ngai lovang” a rawn ti chang hrawka. A hote chu min hruai tura thu pe zuiin a mah chu car ah chuan a ṭhu lût zuia, min hnukin a bulah chuan min hnawh lût rawka.
Ka rilru na leh tih theih nei silo chu ka in pet ruh fan fan mai. Engvanga a nau thil tih sual pawh hrelova keimah min rawn bur bun ngawt nge a nih? He mihring hian thu dik pawh hriat tum miahlo vin min khawih nghal ringawt chu a nia.
A in kan thlen rual chuan min hnûk chhuak leh dawr dawra, chutah a in tuala ka mi hmuhte avâng chuan ka meng kâwk mai, ka ṭhianṭha ber leh ka unaupa te chu an kut phuarin an lo ṭhingṭhit tira, ka hnaih nghâl ruak mai.
“U enga tinge hetah in awm? Tinge tlân chhe turin ka tih cheu kha” tiin ka ṭap chhuak rawih rawiha, “Dominic khawngaihin an ni hi kal tir rawh, tihsual an nei ve lo” tiin Dominic-a ka bula a rawn ding chu ka lo ngên zuia, ka mittui a luang zung zung bawk.
“Nilo e, ka nau thattu te hian dam reng in phulo, Fresher khawpui pâwnah hruai chhuak ula, that ang che u. Tumahin an ruang an hmuh theihloh nân thukru bawk ang che u” tiin keichu min kai tho nawlha, a inropui leh thim khup si lam pan chuan min hnûk lût zuia.
Ka aua ka unaupa te chu kaltîr tur in ka ngên ve ṭang ṭang bawk. Mahsela a sâwt mawlh silo, room pakhatah min hruai lûtin khumah chuan min thehthla hnawka.
“Ka unaupa kha i phatsan vela tiraw? Mipa dang lakah kalsanin a inthah phah a nih kha, tûnah chuan ka unaupa aiawhin i taksa hi ka ta ah ka siam tawh ang” ti chhur chhurin ka thawmhnaw chu a rawn phelh zuia, ka dan tumna te chu engah mah a ngai lo tih hriat takin a chêt ngai chuan a chêt zawm mawlh mawlha.
Ka theih tâwp chuan tlanchhiat tumin ka bei ve ṭang ṭang bawk. Mahsela a tha a chakin a lian bawk nen ka hneh mawlh silo, “Dominic khawngaihin min kal tir rawh, Alfred khan min phatsan avânga kal tir ka nih kha, hetiang hi ka chungah tisuh khawngaih tak in, ka ti tak tak a nia” tiin ka ṭap chhuak hlawp hlawpa.
Ka thusawi chu âwih hmêl pawh a pulo, ka thawmhnaw zawng zawng chu a phelh zawh rualin a mah pawh chu a in phelh zuia, ka hlau takzet tawh.
Pawngsual ka ni dawn tih ka hriatchian êm avâng chuan ka na vawng vawnga, tih theih lah ka nei tlêm si. Ka unaupa te lah an thi dâwn tih ka hre bawk nên ka rilru chu a buai nuaih a ni ber.
“Dawt sawi tawh hauh suh, ka nau khân a phatsan aw zâwng lo che. Nang hian hmeichhe dang nêna ringhlelin chance pe duh lo in i kalsana, a rilru na lutuk kha nangmah avângin a inthah phah a sin, ka chhûngkaw neih chhun i thah ang chiahin i chhûngkaw neih chhun ka that ve dawn tihna a nia kan inrul tâwk chiah i ti ve lo maw?” tiin ka chungah chuan a rawn bawk zuia.
Ka ke chuan lo tlawhin ka kut chuan namsawn ka tuma, mahse ka thei silo. A tâwpah dimna nei lêk lo hian a rawn lût zuia, ka au chhuak ṭhawt bawk. Rilruna zet chuan ka mittui chu a rawn luang zui ngiai ngiaia, ka tai chu a na nghâl rawih rawih mai.
A nipawh a tâwp data, “Ilo la thianglim ve tehhrep a maw? Hmeichhe le lo lutuk emaw tih lai che in, nge i kalsanna pa kha a lo pa lo ru reng zâwk nge?” tiin a nui haka, ka virgin a hawng chu pawi tihna leh inthiamlohna pawh a nei lo tih a hriat hluah hluah bawk..
Hmanrua nei ila chuan ka that duh hial ang “Ka hua che Dominic Johnson” tiin ka phun chhuak sepa, nui sukin a ni erawh a chêt ngai chuan a che mial mial thung. Tal buai pawh tum lo chuan a mi tih ang ang chuan ka awma, ka melh ngai chu ka melh tlawk tlawk bawk.
Chutah ka u leh ka ṭhiannu hmêl ka mitthla ah rawn langin ka mittui chu a luanga, an thlarau chu ngaihdam ka dil mawlh mawlh bawk.
Dominic-a chu a zo dâwn tih hriat takin a rum zui ta hawk hawka, chutah ka taksa chhûngah a chi chu tilutin a awm sawn zuia. A thawmhnaw chu a in bel nghal mawlh mawlh mai, khum bula zu um ka hmuh chu banin a hnunglam aṭang chuan vuak ka tuma, min hmu hman nge awm sawn zâwkin ka kutah chuan a rawn vuana.
Bangah chuan min rek bet nghal chawt mai “Ka that hreh hauh lo che a nia, chutih rual erawhin nuamsa taka thi nghal tur in ka duh lo che tih hre rawh. Ka unaupa phuba hi awlsam taka lak ka tum hleinem, hrehawm takin thih châk ngawih ngawihin ka siam hma che chuan i dam ang, lo tlân chhuah tum hlek suh ang che” tiin khumah chuan min theh thla leh hnawka.
Pawn lam chu a pan zui nal nal bawk “Lo vêng ang che u, in thlanchhuah tir a nihchuan hremna in hmu ang” maid te bulah chuan ti nghutin a thâwm chu a reh zuia, ka kap bâwr na lutuk avâng chuan che châng peihlo in khumah chuan ka mu zui thlara, ka unaupate chu an thi tawh ngei ang tih ka ring.
Ka ṭap leh hlap hlapa, ṭah duh lo viau mahila keimah avânga ka u leh ka ṭhiannu in an tih phah tih ka hriatna chuan min tina êm a ni. Ka inthiamlo bawk, engvanga Alfred kha lo nihpui nge ka nih le? Hetiang a thleng dâwn tih hria ila chuan ka lo ngaizawng hauh lo tur.
Thawmhnaw hak tur dang ka neih loh avâng chuan rizai chuan ka inkhuh tawpa, khuma chuan ka mu reng bawk. Ka thawmhnaw neih chhun lah Dominic-a khân a pawt chhe vek bawk si, tlanbo tum pawh ni ila vêngtu a dah vek dawn tih ka hria.
A duh loh zawnga awm that mai ṭhin leh a hmêlma chhuah ngailo tu tih ka lo hre ve fo tawh. Tûnah chuan a tak ngeiin ka tawng chho ta bawk, ka taksa na bawk nên nileng chuan ka mu a, ka melh ngai ka melh tlawk tlawk bawk.
Engtin nge ka awm zêl ang tih pawh ka ngaihtuah ngamlo, dam reng chunga hremhmuna awm tur ka ni tih hria in ka ipik ngawih ngawih bawk.
“Miss kha hei hi Mr. Johnson-an lo ei ngei ngei rawh se a ti che a nia” maid pakhat hian soup hi min rawn chhawpa, ka melh zawk ringawt. Ei chakna pawh ka neilo, thei ngat ila chuan Dominic-a chu thah ve nghal ka châk a ni, mahse keiang hmeichhe âwm nem mai tân chuan a theih loh tluk a ni si.
“Miss khawngaihin ei rawh, ka pu in min bân mai ang. A hlauhawm zia i hriat kha, khawngaih takin ei hrâm rawh a lo lêt ṭep ania” a tihleh tâkah chuan ka khawngaih bawk nen peihlo zet hian ka hawpa, ka ka lah chu a tui hlawl lo.
Pawn lam chu ka en leh vang vang ṭhin, thih ve daih mai te chu ka duha, mahsela hmanrua ka nei der silo. Kawngka chu rawn inhawng in pen ri a rawn awm rual chuan maid nu chu hlauthâwng zet hian a ding zuia.
“A ei em?” ti a Dominic-a ṭawng chu maid pawh chuan ka ei thu leh ka ei tam vak lo tih chu a hrilh zuia, Dominic-a chuan chhuak turin a hrilh zuia, chunu pawh chu ngawi reng hian a chhuak nghal hlawk hlawka.
A tlanin a tlân a ni ber mai “Ei zo vek ang che” a rawn tih rual chuan ka soup hâwp lai chuan a hmaiah ka theh ṭhawt a, ka unaupa te an thi tawh tho thoa keihian enge hlauh tur ka neih? Min that sela ka duh fe zâwk
Thinrim taka min enin ka hmaiah chuan a rawn beng ri ta ṭhuai a, ka lu a hai nghal muai muai thei. Ka beng chu a kiu vawng vawng bawk “Hrep che hian, enge ka sawi kha? Nang hian ka thin tirim hauh suh ka tihkha, taka i unaupa te pawh an thi fel tawh e” a rawn tizui chu a hmaiah ka beng lêt ve ta sawka.
Khawia huaisenna nge ka neih ka inhre biklo, mahse tûnah chuan hlauhna chhe te pawh ka neilo “Ramhuai pa, i unaupa lep lerhna pawh thunun thei lovin pawisawi lo lakah phuba i la amaw? Eng ang mihring nge maw i nih le? I nu leh pa chuan hetiang tur hian em ni an hrin che, nang hian mihring nun zahna chhe te tal pawh i nei lovem ni? Hremhmunah kal rawh, kei hian thih ka hlauh i ring em ni? Engmah ka hlaulo” ka tih khum ta piap piapa.
A bek a rawn pawng nghal ṭawlh ṭawlh mai. A thinrim hle tih ka hre bawk, khumah chuan min nawr bet lehin ka taksa chu na zet zet hian a hmet kuala, ka au nghâl ṭhat ṭhat chu ngaihnawm tih hmêl zet hian a ngaithla dauh dauh lehnghâl.
A hmêlṭha zet chu a rum sawta, a mitmeng pâwl raih chu a thim rawih rawih mai lehnghâl. A thâwmhnaw chu hlîp leh sawk sawkin ka taksa la ruak kâng si chu a tân a awlsam phah miau si a, ka lo danna kut chu ka lu chungah nem bet hmakin ka kap kârah chuan a rawn lût zui leh zat mai.
“Ka hua che Dominic hremhmunah kal ngei ang che” ti a ânchhia phuh chhuakin a mitah tak chuan ka melh lêt kara, a hma anga nêp taka awm ka duh tawhlo. “Kan la hria ang chu, hremhmunah pawh kan pahnih bawk in le” tiin a rum chhuak nghata.
Nuam tih hmêl zeta ka taksa a a che kual chu hriamhrei neiha vih sawk mai ka châk takzet. Ka awmdân chu min en renga, nuam tihna pakhat mah ka neilo tih a hmuh chuan ahlim zâwk emaw ni a la nui suk duh chauh.
A chanchin ka hre tama, mi hausa fa te bâkah nuthlawi chenin an intihsiakna a ni a, a bialnu nih chakin an zar luai luai ṭhin tih thlengin ka hria. Hmeichhia a kawp nasa hle a, rei erawh kawp a nei ngai lo, a nunrawngin khawngaihna a neilo hle tihchu mite sawi tam ber a ni.
A zo leh dâwn tih hriat takin a rawn nawr na sauha, ka ner sak bawk “Hrehawm taka thi turin ka duhsakna ka hlan a che” in seh ruh fana ka tihrual chuan a ni erawh a rawn khûr dat data, ka chunga a rawn bawh hnawk rual chuan a ka lo nam nghal dawrh mai, a sîrah chuan mu kawm chalin ka inpet ruh fan fana.
Ka tuar chhuak thei em em ang, engtikah emaw ka la tlanchhuak thei a nih ngai chuan phuba ka la ngei bawk ang. Ka infuih sauh sauha, ka unaupa leh ka ṭhiannu phuba la lo chuan ka awm hauh lovang, he mihring hi hremhmunah ka thawn liam dâwn a ni.
ZAWMNA..
Ka hnunglam aṭanga min rawn kuahin a thaw ham hama “Lilia alfero rinai chuan i taksa tawh a nuam daih mai, ka unaupa chuan nang ang a lo thlang che chu a thlan chhan âwm che ka hre mai, tlân chhuah emaw tum hauh suh ka tihkha i nun hrehawm taka awm i duh loh chuan thu awih takin awm ang che” tiin ka taksa chu a zût kual vela.
Chêt sawn pawh ka tum lo, ka taksa ah a tih tur ang ang a ti tawh a. Ṭang eng ang mah ila ka thianghlimna ka hloh tawh tho tho, “Mi tenawm tak i ni Dominic, i nau dikna chiah i ngaihtuah laiin enge thudik tak zâwk zawn i tum lova, ka unaupa leh ka ṭhiannu khân engmah tihsual an neilo” tiin ka inseh ruh ngheka.
“Ka damchhung zawng chuan ka ngaidam ngai lovang che, thil i ti thei viau a ni lâwm ni? Thudik chu zawng zâwk ta che” ka tih leh rual chuan min kuai her nawkin ka nghâwngah chuan a rawn rek a.
“Ka zawng lo ah i ngai a maw? Ka nau thih niah pawh mipa dang ilo awmpui vêl kha ka hmuh loh che i ring em ni? Ngawi chip cham tawh ang che, he i ka bawlhhlawh zet hian thu dik leh dik lo te chu sawi ve khanglang suh. Mahni bialpa hlui thihna pawh engah mah ngailo thei i nih kha, khatiang vawikhatmah sawi leh tawh suh ang che” sehchilh deuh nak chuan a rawn ti a.
A hmêlah chuan a thinrim leh tawh hle tih ka hria “I nau kha mi tenawm tâwp khâwk a nihkha, a thi kha ka lâwm ta hle mai. Unaupa mâwl zet a nei tih ka hriat phaha” tiin ngeiawm zet chuan ka nuih saka, chuveleh ka nghâwngah rawn rekin min reh hlim tum ang mai hian a rek na leh nghal.
Ka kut chuan theih tâwpa dangin thaah ka hneh lo bawk nên ka khawhmuh te chu a vai ruai tawh mai, chuveleh min thlahin a awmsawna “Vawikhat pawh ka nau i sawichhe leh a nih chuan, ka hremna tur che ka sawi lâwk dâwn lo. Mahse thih châk ngawih ngawih a i awm theihna turin ka siam ang che” tiin a tho chhuaka, a thuamhnaw chu inbel mawlh mawlhin a chhuak zui daih bawk.
Ka hrawk chu dawmin ka khuh bawrh bawrha, boruak chu ka hip lût kâwk kâwk bawk. Ka taksa la ruak kang chu in enin muangchang chuan ka ṭhu chhuaka, puan chuan intuamin tukverh lam chu ka pana.
Ka hawi chhuak chu vengtu hlir a ni ka hmuh ni? Keimah avângin a dah belh tih ka hria, a in bul velah tumah an awm lova, ramhnuai bâk hmuh tur a awm lo. Thawk la ham hamin ka phun sep sepa, chutia tukverh zâwna ka din reng lai chuan kawtah car rawn dingin hmeichhe chhelo zet rawn chhuak chu ka hmuh hmaih lo.
In lam ka en chu Dominic-a rawn chhuak mêk leh chunu a pan chu ka hmu nghal, chunu lah chuan Dominic-a a hmuh rualin tlân pheiin a va fâwp nghal chawta, khawlai pawh an pawisa lo a nimahna. Dominic-a chuan a kâwngah kuahin a pawm nawlha, chunu awmsawn ruala a hmeichhe nui har har ri pawh ka hriat hmaih lo.
Bialnu a nei renga, kei ka duh lo chung min mutpui in khutiang khuan a bialnu bulah thil tisual miah lo ang maiin a la awm thei a nia. Eng mi nge maw a nih le? Mihring pawh anilo, ramhuai a nih ber khu.
“Ka pi kha i thawmhnaw hâk tur, Mr Johnson-an in thlâk rawh se a ti che a” maid pakhat hian inthlahrun hmêl tak hian a rawn ti a. Ka hawi lêt chuan thawmhnaw tam tham zet hi pathum chuan an lo pawm ṭan a.
Ka thaw huai mai, thawmhnaw inbel lova awm reng tur emaw in tih laia chutia an rawn keng chu ka lâwm ngei mai. Hnaih vatin kawrfual par chiai chu va la in bra leh panty an rawn dah tel chu la in bathroom lam ka pan ta thuaia.
Ka taksa chu bualfaiin tuilum chuan ka inphuh tir sar sara, ka nun chu ka ngaihtuah neuh neuh bawk. Ka nu in min boral san tawha, ka pa in nupui dang neiin an fate nên an awm a, kan unaua awmin keiin restaurant ah thawkin ka u erawh a ṭul ṭul ah a inhlawh ṭhin thung.
A theih tâwkin a farnu ka nihna angin min duat bawka, kan hlim dûn ve thei hle. Keimah avânga a nunna a chân tih ka hriat leh na chuan min ti hrehawm vawng vawng, Dominic-a hi hetiang mi a ni tih ka hre hauh lova, Alfred-a kha chuan u a nei tihchu ka hre ngei maia, mahse engmah a sawi chiang ngai lo.
Dominic-a hi chu chanchinbu ah hmu fo mah ila Alfred-a nen unau an ni tih ka hrelo hrim hrim. Ka hriat meuh chuan engkim ka chân tawh zâwk chu a nih hi, bathroom a bathrobe chu ha ve hmiahin ka inhru hul mawlh mawlha.
Ka chhuah leh chuan a wardrob ah chuan maid ho chuan an lo rem mawlh mawlh a. Inthlâk mawlh mawlh pah chuan “Ei tur hi ka ei thei angem? Ka ril a ṭâm tawh lutuka” ti a ka va biak chuan min lo en ha hlawma.
“Inhnuaiah choka ah siamsa kan nei a lawm, Mr Johnson-an nangmah a ei turin a duh che a” an tihchuan ka bu nghata, ka inthlâk zawh chuan muangchanga room aṭanga chhuakin ka hawi kuala, a inchhûng chu a ropuiin a room pakhat lek pawh hi kan unau in luah nên a in tiat chiah lehnghâl.
Kailawnah chuan chhuk thla in inchhûng kil tin chu ka melh kuala, maid dang pahnih an la awm cheu mai, choka lam ni a ka hriat ka pan lai chuan hmeichhe nui har har ri ka hria a. An awm ve tih ka hre nghal, ngawi reng leh kûn chung chuan ka hnaih pheia, dawhkân kila an lo ṭhu dun chu ka hmu nghal zat.
Chunu in min hmuh rual chuan Dominic-a chu a en vata “Duhtak he nu hi tunge?” a ti tawi nghal tap mai. A mitmengah chuan min ngeih lo hle tih ka hre mai “Hriat ve kher tum suh, i thil ei lai kha ei rawh” Dominic-a chuan a lo ti liam puata, chunu chu a ngaihsak khu chûk hauh lo.
Hmeichhia hrim hrim hi engah mah a ngailo nimaiin ka hria, ngawi renga chawhmeh vêl ka en kual lai chuan “Hetah rawn ṭhu la, chhawp sa hi ei rawh. I ei zawh rualin ka room-ah rawn kal ang che, Rosie i haw thei tawh ang, thildang a awm tawh loh kha” a tileh ringawta.
Engmah sawi lo chuan ngawi reng hian dawhkân chu ka kil ve maia “Duhtak, henu hi i kawp tih sawi hauh suh. I bialnu ka nih hi, nang hmeichhia hi tunge i nih?” rawn tiin rum zet hian min ena, a thinrim hle tih ka hre bawk.
Kei erawhin chhâng lo chuan ka ril a ṭâm bawk nên ei tur chu ka inhnawh mawlh mawlha, “A tâwk, haw rawh ka tihkha, ka duh loh zâwngin awm hauh suh, zânah ka rawn kal ang” a tih tâkah chuan chunu chuan engmah a sawi ngam tawhlo.
Zâna a hmuh tur thu a sawi vâng te pawh chu a ni mahna a hmêl chu a êng nghal sara “Aw le ka lo ngaichâng reng ang che” tiin Dominic-a hmuiah chuan a fawp zauha, Dominic-a lah chuan min rawn en chung kherin ala chhâng lêt zuia, ka ten hluah hluah mai.
Chunu a chhuah hnu chuan tho chhuak ve in “Ka room-ah chuan rawn kal ang che” tinghutin in chung lamah chuan a chho leh daiha, hun remchang tak niin ka hria. Chutia a inthlahdah lai chu chuhin ka thil ei lai chu ka thawhsana, pâwnlam chu thâwm dim thei ang bera panin ka chhuaka, Police hnên ka thlen theih chuan ka him theih ngei ka ring bawk.
Vêngtu lo vak kual reng chu enin ka nghâk rana, chutah lehlam hawia a phei leh lai tak chuan chak zet hian Gate lam chu ka pana, ka tlân nghal hlawk hlawk mai. “Hrep hian lo man rawh u” Dominic-a aw chang beng bawng a rawn chhuah rual chuan ka tlân chak sauha.
Mahse min rawn man hman tho, ka tâl nawk nawk lai chuan Dominic-a rawn thleng in ka samah chuan a rawn kêk nghal sawka, ka thaw hak mai. “Min kal tir rawh” tiin ka phun sapa, “Min tih thinrim i duh bawka, Frederick in duh tâwkin mutpui rawh u, a duh duhin in khawih thei ang” a tihchuan ka meng kawka.
“Nilo Dominic khawngaihin ka tlanchhuak leh tawh lovang, khawngaih takin chutiang tisuh. Khawngaihin Dominic” a hote min rawn hnaih mêk chu enin ka tawlh dawt dawta, “Min rawn hnaih suh u, nilo ka duhlo. Min khawih suh u” tiin ka rak tuar tuara, ka taksa an rawn tawh rual chuan duh lo zetin ka tal nawk nawk bawk.
“Dom khawngaihin khawngaihin min ngaidam rawh, i duh ang a piang ka ti ang. An ni ho hi min khawih tir suh” tiin ka theih ang ang chuan ka in danga, an ni min khawih ai chuan thih pawh ka duh zâwk. Ka mittui luang ngiai ngiaiin tih theih ka neilo bawk nên ka awm ta tawpa.
“A tâwk awm sawn rawh u” tih ri a rawn chhuah rual chuan min khawih tumtu ho chu an kiang leh ta diala, ka mittui nên men pawh mengchhuak duhlo in ka in pet fan fan mai.
“Ka duh ang apiang i ti ang maw?” tiin ka hmai chu a rawn chûl zauha, ka lu ka bu nghat nghat mai. A nui suk ri ka hre nghal, ka taksa chu kâng nawlhin min pawm tih ka hria, “Meng la min en rawh” a rawn tihchuan thuawih ber ang mai chuan mengchhuakin a mitmeng pâwl ram mai nên chuan kan in melha.
Tûna a mitmeng chu ka hrethiam lo, a meng rum tawh hauh lova. A mitmeng chuan engtin emaw tak hian min awm tir bawk “Ka thu âwih tawh ang che, ka sawi kha ka thusawi ka ti mai mai ngai lo a nia” tiin in chhûng lam pan chuan min kalpuia.
Ka ngawi reng, engmah ka sawi leh tawh lo. Mahse a hote'n min khawih hman lo erawh ka lâwm viau thung, ka dinhmun dang ta lutuk chu ngaihtuahin ka mittui bawk chu ka biangah a rawn luang leh ngiai ngiaia.
“Ṭap hauh suh Lilia engkim hi i cho chhuah a nih hi” Dominic-a chuan a rawn ti hrawka, ka ngawi reng ringawt. A room-ah chuan min luhpui in khumah chuan min mut a “I thawmhnaw phelh rawh” ka hnial ngam tawh lo, mi tam tak khawih rawn ai kha chuan ka duh tho tho.
Duhthlan tur ka nei miau silo, engtiang pawhin bei lêt ila ka hneh dâwn lo tih ka hria. Nichina thil thleng ang kha thlen nawn tir ka tum tawh lo bawk, muangchang chuan ka kawr fual hak chu ka phelha, ka taksa chu rawn en kualin ka lamah a rawn kûn hniama.
“Taksa mawi tak i nei tih hi i inhria ang chu maw? Ka thawmhnaw hi phelh ve rawh le” tiin khumah chuan a rawn innem khalha, ka hmui bul chêt ah chuan a rawn awm bawk nên kûn chung chuan a necktie chu ka phelha, a kamiz kilhna chu ka hmet phelh zui bawk.
Ka hmui chu pet fan fanin keimah chu ka infuih sauh sauha, engtikah emaw ka la zalen thei mial mahna ti a in ngaihtuahin pachang taka awm tur chuan ka infuih sauh sauh bawk.
A kamiz ka phelh rual chuan a pian nalh zet chu a rawn lang zuia, a taksa chu a ngo lam lek lek niin ngo lutuk erawh a ni hauh lo. A abs pawh ka hmu chiang ta viau, a hma kha chuan ka en chiang duh hauhlo, tûnah pawh keimahin a thawmhnaw phelh lo ila chuan ka hmu kher lovang, ka en duh miau lova.
“Min fâwp rawh” a rawn ti leh zuia, ka hnial ngam tawh lo. A nawmchenna atân bak min tihloh zia ka hria a, khâng ho kianga min dah leh mai ka hlau. Tim dai chuan a hmuiah chuan ka fawpa, a lo duhkhawp lo nge duhthawh zet chuan min fawpin ka tukkhumah a rawn dawma.
Khumah chuan min delh mu in ka chungah chuan a bawk rana. Ka taksa chu a fâwp kual nghal dan dan mai, mitchhingin ka dawh tawpa, engmah feelings neilo chu ka ni hauhlo. Mihring kan nih chuan tupawhin kan nei ang, mahse eng mah lanchhuahtir ka tum lo thung.
Ka kut chu rawn la in a kekawr chhûngah min zen luh tira, a thil khawng auh mai ka khawih rual chuan ka thaw ve hak mai. He thil hi engtin nge ka taksa in a dâwl zawh zâwk? Mitmeng phelh phanga min rawn enin a kut hmang chuan ka kut chu a ti che a, a rum nghal hak bawk.
Nichina a thinrim hmêl kha bo vekin tûnah chuan tisa chakna mitmeng in a ni min en ni, a mitmeng pâwl ram chu a de sar sara. Chutah insûm thei tawh lo tih hriat tak hian ka hmuiah chuan rawn fâwp tawn tawnin ka panty chu a phelh zuia, a kekawr kilhna chu phelh sawk sawkin a tlawh thla zuia, athil rawn pir chhuak auh chu ka hmuh hmaih lo.
Chil lem khalhin amah chu ka en leha, ka hmuiah bawk rawn fâwp lehin a insiam rem zuia, ka taksa chhûnga a rawn luh rual chuan ka thaw chhuak ta hak mai. A hma anga min khawih luih tawh lêm loh avângin tlêm chuan ana pawh a zia, a hma ang lo in keimahah danglam a awm bawk.
Ka kut chu rawn hum hnan chat-in ka mitah tak chuan a melh kara, keimahah danglam a awm tih chu a hriat hmaih lo tih hriat takin a nui suka “Min hnar reng thei hauh lovang Lilia, ka ta chauh i nih hi” tinghutin ka hmuiah chuan a rawn fâwp leh zauha, ka ngawi reng thung.
Ka nghâwngah te chuan fâwp kualin a thip zêk lehnghâl. Ka taksa chu rawn lum pap papin ka tum loh lutuk hian ka rum chhuak ta haka, ka ngawi zui leh daih chu Dominic-a chuan min melh rûnin a rawn nawr na sauha.
“Nang hian min mamawh ve tho tih hi ka hriattir khawp ang che” tiin a che rang sauh sauha, ka taksa che dat dat chu hmuh nawm ti zeta min enin a nui var vara “Ka hua che, ka haw lutuk che” tisapin hmun dang chu ka hawi ta daiha.
Engmah sawi tawh lêm lo chuan a che sauh sauh thung, a tâwpah rawn zawi hnakin ka chungah chuan a bawk ta renga.
“Tlanbo tum suh ka tihkha hre reng rawh, i tlanbo tuma thil thleng kha hre reng bawk la. Khatiang ai pawh khân ka la rapthlâk thei a nia” tiin ka sirah chuan a let thla zuia. Khua a thim tawh bawk nên khanu bulah khân a kal dâwn tih hriat takin a insiam zui mawlh mawlha.
Ka mit sir chuan min rawn en tih ka hre reng “Ka rawn haw hma chu khawiah mah lo kal dawn suh ang che” tiin an chhuak zuia, engtin nge bialnu nei reng chunga min mut pui theih? Eng ang mi nge maw a nih ni, ka taksa lah chu a mi khawihna a vangin a na ṭhem ṭhum lehnghâl.
Muangchanga tho chhuakin ka thawmhnaw tla darh niah chu ka chhar khawma. Darthlalang hmaah chuan va dingin ka nghâwng vel chu Dominic-a chêtna tih hai rual lohvin a lo duk kual kalh mai. In en vang vang in ka ṭahna ka mitte chu an bui Rama.
Keimah leh keimah chu ka infuih ta mawlh mawlha, ka ṭap tawh lovang. Chuan hepa duh ang hian awm in a thu angin ka awm anga, in hmangaih tir ka tum zâwk tur a ni, min hmangaih ve leh kei hian na takin ka siam lêt ve ang, ka unaupa leh ka ṭhiannu phuba ka la ngei tur a ni.
A room chhûng chu enkualin a ropuiin thil awm reng reng chu a man a to tih a hriat hliah hliaha. A mut puan te chen chuan puan nuam leh ṭha ber ber chi vek an ni, khumah chuan lêt lehin tih tur a awm lo bawk nên a khum sira lehkhabu a rem ṭhap na lam chu panin ka duh zâwng ka ena, alo awm hlauh lehnghâl.
Pakhat chu la in khuma ṭhu mu chung chuan ka chhiar malh malha, a ni ang misualin M&B lam a lo nei chu mak ka ti zâwk. A zia nên a in mil hlawl lo, misual leh tualthah hmang ho lehkhabu nei zâwk se a inhmeh daih ang.
Zân a tlai tâkah chuan ham bai baiin mut hma a thil ei tum chuan inhnuai lamah ka chhuka, maid ho pawh an lo la meng ṭhap mai.
“Miss enge i duh?” tiin min lo zâwt vata, ka nuih var var mai. Mifel tak chu an niin ka hria, mi an zahthiam bawk sia “Ka ril a ṭâm bawk sia, chhang lam hi a awm em le? Thei tui nen ka lo duh ang” ka tihchuan an che zui ta sawk sawk a, chaira ṭhu chuan ka lo nghaka.
“Kha hei tlêm chu a la awm, thei tui chu heta hi aw” tiin glass no lian tâwk takah chuan min rawn thlit sak sa a. Lâwmthu hrilh chuan ka ei nghal mawlh mawlh mai, vawikhatah thil ka ei tam ngai lêm loh avâng hian ka ril a ṭâm zung zunga, ka u nên kan awm lai pawh khân ka zân ei tur min lei sak sa ṭhin a nihkha.
Chutia ka u ka ngaihtuah chhuah leh tâk avâng chuan ka mittui a tling lehnghâl pama, ṭah tawh loh tum mah ila ka chhûngkaw neih chhun ka chân miaua, ka ṭap lo thei silo.
Chhang hmuam ṭeuh chung chuan ka insut hraih hraiha, hnathawk ho in a ngaihna hriat loh hmêl taka min en chu ka hmuh hmaih lo.
“Lilia” ka hnung lam aṭanga aw rawn chhuak avâng chuan thil hmuam ṭun chung leh mittui tling pam chuan hnunglam chu ka ena. Dominic-a nên chuan kan in melh tawn ran mai, ka mittui tla a hmuh vâng nge min rawn hnaih nghal ruaka.
“Engvanga ṭap nge i nih?” tiin ka hmêl chu chiang takin a ena, ka ṭah chhan chu hriat a duh tih a chiang hle bawk. Mahse engmah ka sawi duhlo, ka sawi a nih chuan a thinrim leh mai mai dawn, ka duh lo.
“Engmah a nilo, ka ei zo lawk ang” tisapin ka ṭhial zuia, theitui chu in in ka lem nghâl veka. “Kal ang” tisapin amah chu ka ena, a la lungawi chiah lo nge hmun dang en lêk lo hian min en reng mai.
Chutah engmah sawi tawh lêm lo in ka kuta kai chuan a room lam pan chuan min chhoh pui leh dawr dawra, khuma min mut tirin a ni erawhin inthlakin a mut kawr chu a inbela,engtin mah min ti tawh lo hian min rawn kuahin a mu zui ta thana.
A bialnu nen an hun hman nân a chau a nih ka ring, ka lâwm zâwk. Thawveng huaiin ka mut a chhuak tawh bawk nên mutthilh tum chuan ka mit ka chhing zui ta thuaia.