Thinlung BY Kimkimi tlau (Completed)

[ngaia]

" Umm" Atih chuan ka sa pup a, ka mangang ru takzeta sawi leh maitur ka hrelo " Tinge? " Ti leh sup in chik deuh hian min en a, ka awmdan danglam chu a hriat hmaih ka ringlo hrim hrim. A kawng a ka kuahna chu thlahin amah pawh en duh tawh lovin ka kun a, kalsawn erawh ka tum chuanglo. Min kuah tlat avangin kalsawn pawh tum ila ka thei dawnlo tih ka hre miau a, " Kim, eng nge awmzia? Joysie chungchang chu tinge min zawh " Tiin ka hmai zawnah alo kum hniam a, hawisawn ka tum chu ka tum hre lawk ang maiin akut pahnih in ka biang akhuap nghal run a, en loh theih pawh anilo.

" Sawi teh " a mitmeng buai nak chu ka en reng a, "U Joysie chu Amosa u kha ania " ti sep in ṭawng tuma a an zuau lai chuan a hmui ka hup a, a meng buai zual kher asin. Nuih seihin " U Joysie beisei awm deuha i biak hnuah kei min ngaizawng leh daih ang in Amosa khan asawi a, tun thlenga inla inbiak thu asawi tel bawka" Kati a, Pangngai deuha ka sawichhuak thei chu ka lawm ngei mai.

" I duh chuan kan inbiak na hi i en thei ang " A thaw chhuak ham ham a, ka hmai bula alo la kun hniam tlat avangin ka hmai chu a lum hak a, tihian ani chu duh tawka a thawk ngam laiin keichu kan in hnaih lutuka ka thaw chhuak ṭha ngam derlo. " Aih, ka ring che alawm " Ka tih chuan a mitmu ti che ralh in, " Min ring a mahse, i lungawi chuang silo a " A ti nghut a, ngeiawm rawngkai lek lekin anui hak bawk. " Ringlo che ila chuan tunah hian in hnaih takin kan awm dun miah lovang" Ti ve nghatin ka biang akhuap na kut chu ka vai deuh sawka; Nichin kha chuan ka lungawi lo anilo a, ka hlauhthawn em avang zawkin ka rilru ti nuamlo tu thil ka zawt mai chauh kha ania, sawifiah se inbe pangngai annih chuan thinrim chhan tur ka neilo mahse, ka ringlo anga angai leh ngeiawm deuha anui kher khan minti thinrim thut ti ila ka sawisual lo ber ang.

" I vai sawn thei meuh nange " Ti nghutin anui hawka, ka bianga a khuapa akut chu la sawnin ka kawngah avuan leh a, ngei zetin ka melh chho ram ram mai, " Ka thusawi ah khan lawm loh chhan tur a awmlo " Atih chuan " Anih chu, kalsawn teh, ringlo tu che bula awmreng te chu i peih ami?" Ti hlakin a kut chu dahsawn ka tuma; Mahse, ka hlawhchham chiang lutuk, Ka tal phat a ka tal chhuah mai ka inrin laiin 'Min vuan nghet sauh rawh' tih na ang vel ani.

" Kim, Tal tawh lo la, i duh loh zawng ka sawi chuan ka thiamloh ani min hrethiam teh, ka thusawi kha ila kawi niin ka hria " Dam dapa tiin ka chhipah afawp vang vanga, ka tal zawm tawh biklo. " Ringlo che ila Amosa'n asawi tirh khan i lakah ka lungawi lo daih tawh ang " Ka tih chuan "Ka hria e, ṭha deuhin sawifel ang " Ti dam dapin keipawh kabu nghat a, Nichin lawka ka thinrimna kha chu areh leh duak tawh.

Ka kawnga kuah reng chung chuan min kalsawn pui hreta, engtia min tih nge atum tih ka ngaihtuah lai chuan ka beisei loh deuhin dawhkanah min hlang nawlha min din chilh nghal hmak anihchu! Ka meng kawka thawm erawh ka chhuah lo hram, " I a mi? Kanu leh Mampuia an awm ania " A darah ka ben sak a, chhuk ka tum lahin min dang tlat lehnghal. " Choka a kalo luh hma khan I nu chu a chhuak a, i nau chuan min hrethiam ang " Ti thum chhakin amit ko ati che ralh a, mawi zetin minla nuih zui. " Chu pawh nise midang pawh anlo lut thei " Mangang deuh hian kati tawh; Ka chhungte chauh nilo midang pawh an lo lut thei a, min hmuh chuan atih chi loh viau ang, engmah hrechiang lova kan awmdan bak baka min sawi duh tawk an awm leh dawna, kan hmingchhe vak ang tih ka hlau ani.

" Hlauthawng suh, i mualpho ka phallo tih i hriat kha " Atih chuan ka phi chung pawh chu ka zia ta deuh a, ka tal nasa deuh bawk nen ka tha ka thlah takah chuan ka thaw halh halh mai. " Joysie chu ka hmelhriat pakhat ani ve maia, beisei awm taka ka biak lah ka hrelo, engtin nge ka han sawi ang aw Bawihi... Hmeichhia ang in ka belo ti ila i awih angem? Insawifiah hi ka thiamlo, hmeichhe hmaah ka insawifiah ngailo a, ka thiam heklo. Chuvang alawm kan inbiakna en mai tura ka tih che " Ati nawk nawk a, a thusawi chuan awmzia anei vaklo. Ani leh nilo ang in aṭawng ve nawk nawka, hetianga mumallo nuai hian thil ala sawi ngailo a, In sawifiah chu athiamlo ve tak tak anih hi.

" Hmeichhia chu kan der dep a, kan rilru kan pek tawhna ah chuan eng emaw hlekah kan hlauthawng hma a, chutiang chiah chu kani, ka ringlo che anilo a, 'Eng emaw' khan minti hlauthawng a, ka zawtfiah maiche ani. Thudik ka hriat duh avanga zawhna ka zawh che hi ka rin loh vang che a i ngai zel dawn anih chuan ka zawtfiah tawh ngai lovang che " Aw ki Pangngai deuhin kati a, bahlah miah lo a ka sawi zo thei chu amak kati zawk, sawi tur ka hriat ngai loh teh lul nen tun ṭum erawh ka ka aṭangin alo chhuak ve tawp a, ka sawi ngei ni mahse, ka ringhlel deuh tho.

" Min en teh " Ati a, amah zawk chuan ka khawbe ah chelhin amah en turin min kuai dak salh a, "Kim, Ka tihpalh " Ngenngawl deuh hian ati a, a mitmeng aṭangin atih tak zia ka hmuthiam vek " Apawilo " katih chuan alu athing nawk a " Ka thinrim miahlo ania min zawtfiah hi ka lawm daih zawk, ka phone en tura ka tih che kha ka lungawi loh vang anilo a, in sawifiah ka thiam loh avang zawkin i mit ngeiin hmu la ka duh ani, ka sawi aiin a fiah zawk dawn a " ti duahin Ka chal ah a fawp vang vanga, ka hahdam sawng sawng thei.

" Kan ṭha em? " Ka hmai bul chetah alo ṭhen suk a, lai zetin ka nui ve tawp " kan ṭha reng alawm, kan ṭhalo ang ah ilo ngai... " ka tih lai chuan ka hmui alo tawk zeuh a, ka thilsawi lai ka tawp chiang lutuk. " Hun thawl kan neih khat em hi inhnial tawh lovang " Ti hmukin ahmui a chip hmak a, alandan chu aduhawm lutuk ringawt, In sum hman thlawt lovin a biangah ka fawp zeuh a, chumi ruala a mita phurna lang chhuak chu ka hmu chiang khawp mai.

" Lo che sawn miah suh " Ti hluaiin a kalsawn a, eng tak chu ti ang maw ka tih rilruk lai chuan choka light chu a off daiha, a thim lutuk chuanglo. " eng nge itih " Phawk zetin ka en a, min hmu chiang theilo maithei, " Ka ti dawn chauh zawk mawle, ka tih chakna arei tawh " Ti thum dutin min lo hnaih chilh leh ruaka, a awm a kalo nam ve na te chu eng atan mah atilo.

Ka tukhumah vuan in min fawp a, ka lo beisei ruk leh ka ring lawk ani bawka ka chiai hranlo, ka mit chhingin ka hmui chu kati che ve zat a, ka chhanlet rual chuan ahma aiin min fawp uar a, min ei zawh atum ta mai emaw ka ti lek lek ani. " Zei ve tawh reuh lutuk " A inlakhran rualin aphun sup a, ka biang asa hat hat mai, ka thaw halh halh a " I ninawm emai aw " Lai zeta tiin a awmah ka nama, ka beng bulah alo nui hawk a, a ka aṭanga boruak lum lo chhuak chuan ka taksa ati za chiai a ka ip zawk mai.

" I chhungte chu veng thawnglo ila kala fawp chak che " Ka hmui hnuai tuai heuh heuh pahin ati a, thu khuh leh sawi hreh aneilo hi abuaithlak tlat zel, keilah zak zum chi kalo ni bawk si a, laih luat ah nikhua hre lovin ka tlu thei maiang. " Sawi phawng phawng zel suh " ka tih chuan, min fawp leh a ka chhanlet hmaa in la hrang leh in, "Thudik ani miau si alawm " Ka chalah a hmui anawr vang vanga, ka thaw chhuak ve suai suai mai; Ka hmuia a fawh chang hian ka taksa hi phurna mak deuhin a fan kual a, ka chal a afawh erawh chuan hahdam leh him bik ngawih ngawiha in hriatna kanei ṭhin, ka thlamuang ngawih ngawih zel.


.
.

Inkhawm kan bang a, Angaihi'n 'Zun ka cheh dawn ' atih avangin ka zunpui a; Zun in hi biak in hnunglam ah a awm a, Angaihi zungzo chuan " Hetah hian awm ṭhup zel su aw, hmeichhe zun in anih hi, zun pawh inti nuamlo " Zial zu a biak in hnunga lo awm ve ho chu ahau leh hlak hlaka. "I zun rin rin nen kan ngaithla peih chu lawm hle rawh "ti a an chhan let chuan " In ngaithla pha kha lawm rawh u " ati hmaka, " Zial zuk te hi a changkang silo a, tunlai naupang ho lah hian inlak eng emaw nan hian inla hmang ve zui a, huiham..naupang ho hi " atih zawm zat zat a, Rawthar pali zial zu ho pawh annui ve tawp.

Ka kalsawn hma in thla te kan han la leh rih a, Keimahni a kanin lak theih loh avangin Zial zu ho zinga pakhat chuan min laksak a, " Minva la chhe bik ve, ding dun ve ve aṭha bik awm a ila hi ka hrethiamlo, duhsak bik i nei Kimi hi i star chiang " thlalak en reng chungin Angaihi'n ati bawrh bawrh a, henu hi chu avan buaithlak ṭhin tak! " U Angaihi chu iti anglo e " Thla min laksak tu pawh khan ati nang nanga, " A fiam mai mai che anihkha, nuamlo ti reng reng suh, amah hian azirlo anih hi " Nui hak hak chunga tiin Angaihi chu ka pawt a, " Kal tawh teh ang " tih leh kalpui ka rual a, min hnial bik lo.


Ka kawr chhing tiu teu chu ka confi pui lo lutuk a, atlang ka pawt deuh sek a, Angaihi lah a confi ropui si kan in ang lo ṭhin asin; Sunde school a awm dawn vangin hawng lova awm tlang an awm nual a, veng hla deuh tan chuan hawn kual ve kha a peihawm loh ve dawn em bawk ani, Naupang in hlei rual an tam bawka aṭhen an ṭap aṭhen an nui a, aṭhen lah an tlan kual thuak thuak bawka thawm areh lo khawp mai.

Dar vuak na bula ṭhutna an siamah chuan U Mafela pawh alo ṭhu ve kur a, Angaihi nen kan inzui phei chu minlo hmu rang viau a, A ṭhutna bul ruak chu beng thekin kal turin min mitmei zeuh a, Hrilh kher ngai lovin Angaihi pawn kan in mitmei zeuh zeuh chu a hrethiam ve aniang Ka kal rualin minlo zui ve nghala; Kan pahnih ṭhutna tur alo la awl chu a tihzia tak tak ani, helai ṭhutna hi a lun ve a, kan awm ho nek nek tawh hi chuan an ṭhu khat nghal vek zel ania.

" I kawr chu'h " A bula ka ṭhut rualin alo ti hluka, ka nuih tlawn ringawt, " A chhing mah mah lo maw, i hawikual zawng pawn i taksa alang thei "ka kawr chu alo khawih pah a, Sawi ve tur pawh ka hrelo, asawi sual lo miau a. Midang nen an inbiak avangin kan thusawi chu Angaihi chuan a hre velo a, a nui leh uar uar tawh.

" Vawikhat mah ha tawh suh " Ti hlukin kawr tlang chu alo chelh leh ṭhin a, " A tunlai alawm " Ka tih chuan tur zetin min en a, " Tunlai khawvela i chen chuan i tunlai tawh sa a, i hak apiang kha tunlai kawr animai, ahranpa in tunlai kawr leh thawmhnaw a awm hranlo " Ati leh a, chhanlet dan hrelo zetin a banah ka beng tawp a, ani chu ala lawm loh hmel lutuk.

Sunde school kan ṭan dawn a, Puan ka bih ṭhat laite chuan min dinhliah a, Ho te anga ngaihtheih tur thil a min ngaihtuahna leh ngaihsakna ati lang ṭhin hian alawm min hneh em em ṭhin, tuna a awmdan pawh hian min hneh takzet a, Ho te a ngaihtheih tur ni mahse, ka tan chuan a ho ve lo a, ka laka a chetdan engkim hi hriat reng tur thil ani.



Sunde school kan kai a, Kan pawl hi ṭhalai bik kan awm khawm avangin kan tam ve a, Kan in rual khat hlawm bawk nen anuam viau zel a, Mipa ho ṭawng peih lutuk erawh kan zirtirtunu Pi Ṭhuami hian ahau leh nge nge ṭhin; U Mafela chu Puitling ṭhah, Nula leh tlangval ah pawh a senior chin awmna pawl ah ahming aziaka, fiamthu in 'Kan pawl ah lo awmla ' kati pek a, " Ka chhang chhang pawh rual lo awm khawm na hmuna lo ṭhut ve kuk chu ka peihlo" ati hmaka, ka sawm nawn ngial pawn ' aih ' ati bura, aduh lo takzet ani.


Apuii'n kan nurse thar chu Sunde school alo kaipui a, inkhawm lai pawh khan ka hmu tak e, ahmel chu a chhe mawlh lo, a kut leh ke ataksa engkim chu a no in alang thianghlim em em a, Khawpui nula nge nge keini thingtlang nula kut leh ke pawh enkawl uluk hmanlo leh aṭul ṭul thawk ve tawp nen chuan in anglo tak kanni.


" Senior B ho pawn min ban khalh ania, Pu Zadawhseia hi chu a tlak duah zela, a chhiar chhuah chuan duhtawk vemai awm, a sawifiah leh vek khera kaning " Sunde school kan bang chu Angaihi aphun hlak hlaka, a phun ring vaklo erawh atihzia khawp mai. " In ah i phun dawn nia, kan hnungah Pu Dawha alo kal " Abengbulah kati sur sur a, sam phe vawkin kan hnunglam chu a hawia, " Hmm' ti hmakin alo hawilet lehnghal a, kan bula mi te chuan an nui hak hak mai. Amah lah hian tuvak mah hi a zah silo a, a puak chhuak pawp pawp ti ila ka sawisual lo ber ang.


" U Mafel, i haw dawn em? " Kan hma lawkah Apuii te an kala, Apuii au hlut avang chuan ka hawi phei ve vata, Kan piah deuh April kung hnuaiah chuan U Mafela leh U Joe te anlo ding dun reng chu niin Angaihi ringawt kalo ngaihvena kalo hmulo reng reng, tinge maw anla hawn loh le? Apuii biakna chu " Fellowship ka tlang ang " Ti a Chhangin keimah chu minlo en vuta, " Keini pawh kan kal ve dawn tho a, min nghak la, Nangmah bak U Lindai'n hmelhriat anei silo a nuamlo ati ang " Apuii chuan ati zat zata Angaihi'n "Ava han chhe tak " alo ti hmanhmawh a, ka nuih tawp.

" I awm alawm " U Mafela'n atih leh lai chuan an bul kan thleng ve tawh a, midang an awm ve nual bawk nen belo a kalpelh mai ka tum chu " Kimi kalo nghak che u" atih avang chuan Angaihi nen kan ding dat a, " Kan haw dawn" Nurse nu in min en reng avang chuan sawi mai tur hrelo in ka ti tawp a, " Ka hria alawm, kan kal thei tihna ani em? " atih chuan " Thei tehlul e, kal thuai ang u, ni asa si " Angaihi'n ati zung zung a, U Mafela chuan Nurse nu lam chu hawiin " Linda, Apuii nen khan lokal mairu aw " atih hnuah kan lam lo hawiin alu athle zeuh a, Angaihi'n ka banah a chelh a, Ka kal leh hma chuan Nurse nu chu kava en leh hram a, alo nui var var na in amitmeng erawh a thip ram a, en pawh ka en rei duhlo.


" Mi an awm ve ṭhup a, kha aia mawi hnai khan i sawi theilo ami?" Kan kal hran hnuah chuan kati a, U Joe leh Angaihi chuan minlo ngaihvenlo, kan veng lamah chuan haw ve an tamlo bawka atihzia viau bawk. " Eng chu maw?" Tiin hriat loh hmel deuh hian min thlek hu a, "Nurse nu leh Apuii i chhan dan kha mawle, mikhual ania mi awm laiin khatia chhan chu atan pawh anuam lovang, 'Apuii a awm tho a, lokal dun maita che u ' te ti vela " katih chuan akiai suk a, " Ngaihtuah suh " ati sam et a, thaw halhin ka hmui ka chip hmak a, engmah ka sawi peih tawhlo.



U Joe leh U Mafela te nen chuan kan in ah Angaihi kanlo nghak a, Thingpui pawh no 2 lai an in tawh. " Fellowship naah thingpui in in ve thei tawh dawnlo anihkha " ka tih chuan " Vawi2 vel kan zun chuan atuiril hi chu kan zung chhuak leh veka, Harsatna a awmlo " U Joe-a'n ati a,kan nui hak hak mai; Zakzum ve deuh si hi angamtlak te bulah erawh ṭawng tur ahria in midangte hi ati hlim thiam a, Fiamthu thawh tur te hi ahre lutuk, Thingpui thlum leh Hang aheh em em a, a lentam deuh na te hi chuan 'Thingpui master' anti deuh tawp ṭhin.
.
.

Zan kan inkhawm bang chu ka ṭhiante'n min zui haw veleh diah diah a, kan ri le lu mai, " Thianga awmna tawh phawt hi chu ava han hriat ṭhin tak " Nu ṭhenkhatin anlo ti a, Thianga lah in fiamthu in a chhanglet a, Nu ho chhaih kual vel athiam bawksi, Inkhawm bang pawh kan anglo.

" I bialpa'n azui lo ve tlat che alaw " Kan in kan thlen dawn hnaih ah Amosa'n ka hriat tur leka ring hian alo ti a, Nizan thil thleng vang khan ka be chak vaklo, Nizanah khan Amosa ka hriat ṭhin mizia kha amah ah hian a lang lo tlata, haw lo mahila biak nawn leh ka chak vaklo; Mipa sawi awm hi a awm kati a, chutiang chiah in hmeichhe sawi awm a mawi pawh a awm, Nizanana Amosa awmdan kha chu mipa zia aniin ka hrelo ani. U Mafela min duhpui lo satliah nilo in a farnu thlavang a hauh ang ah kangai.

" Ka pasal ala ni hleinem " Tih chauh in ka chhanga, "Ka lakah i lungawi lo animaw? " atih chuan " Lungawi loh chhan tur ka neih pawh ka hrelo " ti liam leh puatin inbiak chhunzawm zel ka peih loh avang chuan Angaihi ban ah chuan ka kuah thak a, Amosa nui hawk ri chu ka ngaihven duh tawhlo, Ka ngaihbel nge Anui kha nui satliah ni lovin min ti el deuh tlat in ka hriaa, ka ṭhianṭha tak nena hetia han awm vel chu thil nuam tak anilo.


" In tlang dawn mi? " Kan in kan thlen hnua kal tlang zel an tum avang chuan kati a, " Amosa hi alawm, a sava hual hi a atchilh lutuk a, kan rim pui loh chuan " Thianga'n ati a, " Aw anih chu, va kal rawh u " kati nghat a, an awmdan chu ka ngaithei ṭhaklo. ka lungawi lo a, Hetiang hian vawikhat mah anla awm ngai loh avangin ka dawngsawng thiamlo pawh ani mahna. " Keichu kalo lut ang " Angaihi'n atih chuan " Angailo, an rual khan kal rawh " kati a, ka lawmlo deuh tih ahriat avanga sawi ani tih kahria, "Kim, i lungawi lo ami? " Thianga'n atih chuan ka ban ka phar zeuha, " Hun hman nuam u le " ka tih hnuah " Zanah kan inbe dawn nia, an rual khan kal rawh " Angaihi dar a bensak thak thak pahin kati leh a, min chhanna pawh nghak tawh lemlo chuan in chhungah ka luhsan a.


" Mate, I pu ten minlo riahpui rawhse anti a, I Patea te chhungkua an awmlo ani awm e" In chhung ka luh rualin Kapa'n alo ti a, " Kani te an awmlo ami? " Ka tih chuan "Awm e, an ngai che aniang, i hreh loh chuan Mampuia inhruai tirla " ati leh a, ka hnial lemlo. Inthlak tura Room a ka luh chuan U Faki alo awm tehmiala, tun ang hunah in ah a awm ngai mang silo a, minti phu teuh lutuk, min belo a ka be biklo a, ngawi reng chuan ka inthlak a, U Faki chu ka melh leh zeuh zeuh zel.

Hmalam en ngar chunga aṭhu chu " I ṭha em? " Ka tih chuan aphu zawk a, " Min ti phu " ti hlarin aṭhu ṭha sawk sawka, a awmdan vel chu vei nei a ang. "I melh ngai i melh reng sia, dik lo a awm tak ah kati " Ka tih chuan min chhang lovin a ka achip hmaka, " Buaina i nei ami? Mahnia tuar ngawt lova insawithawl te hi aṭha ania aw " kati leh a, rilru buai deuha awm hreawmzia hretu kani a, chutiang anga midang an awm lai hmuh hi hreawm kati ṭhin.

Min chhang mailo in amelh ngai chu amelh leh vang vanga, keipawn ka tibuai duh tawhlo, rilru kap tu liantham tak aneih erawh ka ring a, in khak reng mahila ka u anih miau avangin chutianga a awm chu hmuh hreawm kati a, hmuh hreawm ti mahila abuaina engmah asawi duh tlat loh chuan katan tih theih a awm chuanglo.

Tote bag ah ka mamawh tur Charger leh thildang dang ka dah khawm a, U Faki awmdan chuan rilru ala peng tlat lehnghal. " I nau ka ni a, i hreawmna chu min hrilh rawh, i in ngaihtuah ngut ngut chuan nangmah i hreawm zawk dawn ania aw, engmah ka sawichhuak dawnlo tih i hriatchian kha " Room aṭanga ka chhuah dawn chuan kati leh a, ka thusawi chu a hria tih ka hria a, chhan erawh min chhang let chuanglo.

Kanu leh pa chu sitting room ah anlo awm a, Room aṭanga ka chhuak min hmuh chuan " Beth-i te chhungkua an awm reng a, enge maw riah pui kher an ngaihna le " Kanu chuan ati hlak hlaka, a lungawi loh kha ka ring reng ani. " A-pu ten an ngai ve a, lo riak ve rawh se anti animai, mi in ah ariak dawn pawh ni hleilo, sualthiam viau ṭhin lo teh " Ka chhan hmain kapa'n minlo chhan khalh a, kanu chu a tum kawh leh vu tawh, tunlai chu heipawh hi atum bur bur reng mai ani, Nu ber a hlim loh chuan in chhung hi anuamlo a, a hnim ruih zel.

Kanu chuan engmah a sawi chhunzawm ta biklo a, min kalpui tu tur ber Mampuia alo la haw loh avangin couch ah chuan ka mu zal mai mai a, U Mafela nen msg kan inbe pah bawk. Zanin chu hna khawih tur aneih avangin alo leng hman dawnlo a, inkhawm ban aṭangin ala buai ve char char a, ' I buai zawh ah minlo bia la ' ka tih lahin "Msg chu ka reply hman, ka biak loh che chuan mipa dang ilo bia ang ' ati bur si a, be chak lo em em kani biklo bawk nen kan han inbe ta chu ania, achang chuan minlo reply ran viau laiin min10 ral hnua minlo reply chauh chang anei a, ka phone ka bih ngun khawp mai.


" Mampui, i u hi ipu te in ah hruai lawk rawh aw " Kapa ṭawng thawm ah chuan ka hawi chhuak ve chiah a, Mampuia chuan "Ngatinge " Min lo en in ati hu a, ngaihṭha zanlo hmel hi a pu bawk. " I pi ten an ngai a, I patea te chhungkua an awmlo bawk nen minlo riahpui rawhse anti anihkha " Kapa'n atih chuan, Mampuia pawh abu nghat nghat a, "U Hlua'n bike ala chhuak em? " " Ka hre nang " min en bik avang chuan kati a, bike chuan chu ka peihlo sa lutuk.

U Hlua'n committe naah a bike alo ken daih avangin ke in Mampuia nen chuan kapu te in lam kan pana, kan kal dawnah U Mafela pawh msg in ka chanchin ka hrilh thlapa; Mahse, a seen thei rihlo a, a thil khawih lai alaklawh rih anih karing. Mampuia chu a phun nang nanga "Ke a kal hi chu ka van ning tak " ati leh ṭhin a, a ke in lei a chhir pah bawk. Chhang let lovin ka nuih tet tet a, kanui tih erawh ahriat kahlau, amawl si a min haw san leh daih duh ang.


Kapu te in peng kan thlen hma chuan Mampuia'n " U, saw saw U Mafela ani tiraw? " Ati a, chhan pawh ka chhang theilo, Mampuia'n ahmuh hma daih aṭang khan ka hmu tawha, anni chuan min hmu ve kher lovang. Min tlanpel fua a, thawk kala nghal hak, Zalo zetin ka nui a, Mampuia'n a hriatthiam erawh ka hlau viau, " A phurh kha Nurse thar kha ani tiraw? A chhelo reuh tak tak ani, azei viau ang " atih zawm a, a tawp lam chu min fiam tih hre mahila ka nuihpui hleitheilo. Bialpa te dawtsawi manchhuah laiin tunge lo nui awr awr thei ang le, Hna khawiha buai tura ka ngaih mipa khan bike in hmeichhia alo phur kual ve mai mai anihchu! A hmeichhe phurh lah tu dang ni lovin Nurse nu kha ala ni zui, Ka thinrim tet tet a, ka tawt in ka rilru ana tel bawk.


Mampuia thusawi te chu ka ngaithla liam tawp a, ka kalna pawh ka en chiang hleitheilo a, ka mang vek a, keihi bum kani tihna emni? Kalu ka thing nawka 'Nilo ni lul suh se ' boruak chu am zetin ka hip leh kawk zel a, ka awmdan chu ahreawm takzet, ka ṭah achhuak tet tet a, ṭah chhuah erawh ka hlau viau thung, ka ṭah chhuak insum avang chuan ka hrawk lah ana ut ut a, ka dang aro hulh bawk.

" Khawiah nge kal i tum " Mampuia'n atih chuan ka harh zawka, Kapi te in kanlo thleng reng tawh chu niin, ka ngaihtuahna ka kawm nasa lutuka kan thlen lai awm pawh ka hrelo, Mampuia'n min be lo sela chuan ka kal tlang daih karing. " Ka ngaihtuahna kalo kawm tui deuh alawm " Zahzelah kati a, zalo zetin ka nui bawk, " I ngaih ti ṭhalo ringawt suh, Mipa in Bike a hmeichhia kan phurh avang maiin kan bialnu anni ta tihna anilo ania " atih chuan zalo zetin kanui leh a, Dawt min hrilh lo sela chuan rilru kawi leh maksak zet hi kapu miah lovang, chuti lutuka rilru te pawh ka ni biklo; Mahse, dawt min hrilh miau a, rilru kawi leh maksak deuh pu lo theilo in min siam kati mai, min nawr tet tet zawk anih hi.


" Yess, U Creami pawh alo thleng e" In chhung kan luh chuan Papuia Fanu Damtei'n alo ti hlut a, " I bengchheng thei lutuk " Mampuia'n atih chuan rum zet hian alo melh a, "Bialnu nei em em pa " Ati vaka kan nui dar dar mai. "Bialpa nei ve thei reng renglo nu " Mampuia'n ati leh a, an inhnial zawm char char a, an va han tlin tak. " Duhtawk teh u, in bengchheng lutuk " Kani in atih hnuah an duhtawk ve thei chiah a, an han ngawih takah chuan inchhung chu a reh ruih thei.

Kan cousin ho ro ro ah Mampuia leh Damtei hi an in khik khak peih ber a; Mahse, an in ṭan em em thung a, tu in emaw Damtei lo sawisel deuh se Mampuia hi a pawr nghal em em a, Chutiang chiahin Mampuia hi sawisel tu awm se Damtei a ling nghal hlara. In hmu lo rei deuh se an in ngai thei si, an awmdan hi hriatthiam ahar teh asin. Mampuia chu a awmrei lo a, a hawng tur chu Damtei'n pawn thleng athlaha kei phei chuan ka zui chhuak peihlo hrim hrim.


" Kimi, ka khumah mu ta che " U Marcusa Kani fapa in atih chuan " Angailo, chhuatah mu ang u kan riak khawm khat si " Damtei'n alo ti zung zunga, U Marcusa pawh anui tawp; Kani hian Fa pali anei ka tih tawh kha, An upa ber hi hmeichhia ania abak zawng hi mipa vek anni, An upa ber dawttu erawh vanduai thlak takin a boral tawha. U Marcusa hi Mechanic ani a, kapu te in aṭanga hla vaklo ah Workshop neiin a lun ve viau a, U Rci pawn Puanṭhui ṭhin in a kut hnu amam a, a ṭhui muang deuh tih loh chu ṭhui tur neih loh lai hi anei ngai manglo a, An naupang ber Valtea erawh College kal in Aizawl ah a awm mek ani. Ka cousin ah chuan kani fate nen hian kan in pawh ber a, Patea fate nen erawh kan in ngaina lemlo, Papuia fate ah pawh Damtei leh U Ngaihsaka tih loh chu ka be ngailo tluk ani, U Faki nen erawh an in be thei fu hlawma, ka in hawng lo lutuk hi min ngaina lo pawh ani maithei a, ka thiam loh erawh ani vek biklo.


" Mamte, Chhutah chuan a hreawm lovang maw " Kapi mu lut tur chuan chhuata kan mutna phah en vung vung pahin ati a, " Hreawm love " ka tih laiin " Naaa.. kapi chu nizanah pawh U R-i nen kan mu tawh reng a, engmah i sawi silo a " Damtei'n alo ti nang nang a, Kani hovin kan nui dar dar a, "Nangte chu i tuang a chhah alawm " Kapi chuan ati Veleh hrama anui kar kar lehnghal.

Kan mutfel hnuah ka phone chu ka khawih veleh chiah a, U Mafela msg pawh alo awm a, ahming ka hmuh rual chuan ka tawt leh tup tup thei. Damtei titi barh barh pawh chu ka hre mumallo a, tunah tak hi chuan ka khuma mut ka chak ber, rilru abuai chang hi chuan mahnia awm hi anuam kati a, Hmun reh hian ka buaina leh ka harsatna a chhawk ber ṭhin.


U Mafela msg chu Pathum lai alo awm a, pakhat chu nichin lawk ami ani nghe nghe, seen sakin ' Ka hruai dawn che ami? ' 'Ka free tawh ania kalo call ang che ' ' Call chhang teh ' tih ani a, ka reply chak hlawl loh avangin reply lovin ka out a, a missed call pawh chu ka hmu reng. Ka phone chu flight mode in ka lukham hnuaiah ka thawlh luta, Damtei titi chu ngaithla in ka rilru tih fim tum viau mahila ka thei meuhlo ani, an hriatthiam hlau zetin akhat tawk chuan thawpui kala leh halh zel a.

" Damte, i pa ten heta riah hi an phal ami? " Ka tih chuan "Ka chhuak anihhi " ati then a, U Rci nen kan nui hak hak "Ava zialo ve an hnawtchhuak che nge nangmahin i chhuak ve tawp " ka tih leh chuan " Ka u te lo zin chhung kalo chhuak anih hi, an fate an bengchheng thei lutuka ka ning " ati a, a la nau ve deuha, thil hi asawi phawng phawng zel.

Cont..

Comment in pek uar loh chuan ka dah regu peih vaklo ania, in chhiar chuan achhe lam emaw ṭha lam emaw, comment pek hi aharlo. Buai chung chingin kanti ve a, diktak chuan regu deuha dah pawh hi a hurawm hlawl loh.
Show post links
Top