The Traitor BY Tlantlani Fanai

[ngaia]

"Awmawmte,lunch atan enge i ei duh?"Ka thawhpuinu chu ka bula lo kalin min rawn zawt a.

"Tunlai chu ka thil ei chakna a bo a,mahse kan cafe-a thil ei leh ka chak,"ka tih chuan a pawm nghal vat a,ka awm a ti nuamlo zawk.

Cafe-a an thilsiam kha a sawisel reng thin sia,engin nge thlak tir?

"Tehreng mai! Cook kha a thar an ruai a,a tui tawh lutuk,"a tichhuak a,mahse nuam pawh ka ti lo.

"Taktak maw? Hnathawk pakhat kan biak thin siam porridge kha ka ei leh chak asin,"ka tih paha ka lungngai hmel a hmuh chuan min hnem nghal vat a.

"Oh lungngai suh,naute lian. Nu Siami kha chu a la awm reng alawm,an contract zawh khan tuman kal tir an duhlo a,cook thar khan a ruai tha leh alawm,"tiin Tlanhlui chu a nui sang a,Nu Siami ala awm tih ka hriat chuan ka hlim sawt mai.

"Ka van lawm tak,a thil sawi sep sep thin pawh kha ka ngai tawh alawm le. In lama ka nu min hriatchhuah tir thin a,"Ka nui sek a,ani pawn minlo nuih ver ver bawk a.

"Keipawh in lama ka nu min hriatchhuah tir thin. Ti teh,mi pahnih tan i ei a ngai tawh sia,kan ei teuh theih nan kal hma a ngai ania,"Ka dara a rawn ben thek thek chuan kalo nui a,ka laptop chu off-in minlo nghak rengtu Tlanhlui bulah chuan ka kal a.
.
.
.
"Ka lo thu ve thei angem?"tia zawttu a hriat chuan Tlani chu a hawi chhuak a,tunge a nih a hmuha a laih vanga a biang tai ka hmu thei.

"Tehreng ma,Rinek. Nilengin meeting i nei emaw ka tia,"ka tih chuan Tlanhlui chu Rinfela a thut ve theihna turin a tawlhphei a,an hmuhloh chuan ka lo nui ru sek a.

Rinfela hi Tlanhlui hian a duhna a rei tawh lutuk a,a rei tawh dan chu a hmuh hmasak ber atang a ni tawh ang,chupawh hna ka thawh tan hma daih tawhah a ni lehnghal a,chuan hepa pawh hi Laltlani bula a awm hian tlemin a nem deuhin ka hria.

A duh ve em ni aw?

"Hemi zawh hian meeting ala awm a,mahse a hmasa zawk a zo hma hlauh a,a tihzia. Hi,Tlanhlu,"ka thianpa chuan ka thiannu duatlai chu a nuih a,an inbiak ka beisei tehreng nen,Tlanhlui'n a phone en chunga a tum bur ka hmuh chuan ka lawmlo hle a ni.

"Hi,Rinfel. Ka tihpalh lutuk,mahse ka kal a ngai a,tui deuhin in ei dawn nia,"a eitur chu ei sawk sawkin a tho nghal a,mahse Rinfela chuan a ko ding leh a.

"I kal dawn maw?"hmui tipawrh deuh leh lungngaih hmel deuhin Rinfela chuan a ti chhuak a,an inbe lai chu kalo thlir reng a.

"Uh,aw. In meeting leh na tura hardcopy kha a chianglo a, meeting room-a a copy kenga siamtha turin Pu Hranga khan min rawn hrilh chiah a."

"Anih tak chu,"a hmanhmawhthlak vangin tih din dan tur Rinfela chuan a hre tawhlo a ni ngei ang,mahse keiman ka hria alawm.

U Sangtei leh Lawmawma an awm chuanlohah chuan an pahnih tan hian cupid kan ni hrih mai ange.

"Hun ala tam alawm,Tlanbawih. Nangpawh,Lalrinfel,ei vat la va tihpui rawh,"idea a neih theih nan Lalrinfela chu a ngalah ka tlawh a,na tih mel deuha a er ngawng ngawng hnu chuan a lu a bu vat a.

"Oh-nia. Ka ei reilo ang,minlo nghak lawk hman angem?"a sanpiau chu a ei nghal vat a,mahse a lem hmaa thial chu a theihnghilh chuanglo.

"Mahse ka-"Keimah leh Rinfela a en dun reng laiin Tlanhlui chu a inthiamloh hmel em em a,mahse a kut chu ka vawnsak thuai a.

"I nghah duhloh chuan,keiman kalo pui dawn che ami?"tihel deuha ka tih chuan a phallo chiang kher mai,a lu a thing nghal nawk nawk a.

"Aih,Lalawm. Engtinnge sawtiang paper tam deuh saw ka kentir theih ang che?"lungawiloh hmel deuh hian a ti chhuak a,amah pawh hi a taksa en hian ti chi a nilo tih a inhrelo emawni aw.

Pu Hranga hian a hna a tihtir reng a,hetiang lamah hian a chhawr rei tawh lutuk a ka lung hi a awi theilo.

"Nangpawh,Tlani,keiai pawn i te ania. Hetah hian thu la,hna hahthlak chu Rinfela hi tihtir vek hrih rawh,"tih pahin a ban chu ka vawnsak a,a ka a khah vek vangin Rinfela chu tawng loin rang tawk hian a bu nghal a,Tlani chu tlawmin ka thilsawi a pawm ta hram a.

"Anih chuan, lawmthu sawi nan in pahnihin intur ka lo leisak ang che u. Eng coffee nge in duh ang?"a tray chu laa coffee lei nghal a tum tih ka hmuh chuan ka nui sang a.

A kal veleh Rinfela hian Tlanhlui duh nge duhlo ka zawt ang.

A duh tak tak chuan,kan ina rawn leng turin ka sawmtir anga.

Emaw date-a sawm turin.

"Keichu ka duhlo, Rinfela hi Cold Coffee lo leisak tawp rawh, coffee-ah chuan a duhkhirhlo lutuk."
.
.
.
Minute sawmpanga pawh tlingloah an pahnihin cafe atang chuan an chhuak a,hna an thawk nasa dun lutuk hi ka khawngaih.

Ka bowl-a porridge la bang tam lutuk chu muang changin ka ei a,chhun chawlh hun ala tam bawk a,ka hmanhmawh lo.

Ka thutna bul thutnaa mi an rawn thut ve vang chuan nui chungin en ka tum a,mahse Ben-a ka hmuh chuan ka khawng awt thei nia.

A rawn kalpui a en reng vang chuan tunge ka nih ala hrelo a,chuan a rawn kalpui chu a secretary niin a thutna hmaa thu ,ka bul hnaih deuha thu chu ka en leh a.

Chutah chuan,kan in melh ta chat mai le.

Mak tih hmel deuh hian min en a,pangngai hmel deuhin ka awm reng thung, Ben-a lam ka hawi leh chuan minlo en reng tawh bawm a.

Pangngai deuhin awm rawh,Awmawm.

Naute chungchang ngaihtuah rawh.

Porridge hi i ei zawh a ngai ania.

Eitur chu ka ei lui a,kan dawhkan bul vel boruak chu a uap kher mai,mahse engmah ka sawi chuanglo.

An pahnih pawh chutiang bawk. An ngawi reng a,a secretary chuan thutna sawn a duhthu a sawi a,mahse cafe chu a khat vek tawh bawk si.

Thutsawn a duh chhan chu ka awm nawmloh a hlauh vang a ni tih ka hria a,mahse chu chuan ka awm a ti nuamlo fe zawk.

"Awmawm,duhtak?"Porridge siam tui zettu Nu Siami min rawn kohna lamah chuan ka hawi vat a,ka mita mittui tling chu ka khap let vat vat a.

"Lal anu,"ka tih pah chuan ka nui lui a,ka bula a rawn thutthlaka ka hnung a rawn chul chuan ka awm nawmlohna tlemin a ti zia ve deuhin ka hria.

"Porridge kha i chungah a lo sual ami? A tuilo ami?"Ka eitur min siamsak chu fiamthuin a melhrum der a,ka lo nui chhuak hak a,a awm ve hian ka awm a ti nuam huai mai.

"Aih,teuhlo mai,a tui lutuk. A tui takzet,"ka lu ka thin pah chuan ka piah lawka thu te ka ngaihtuahna tur atanga min rawn chhandamtu lamah chuan ka ngaihtuahna pek ka tum a.

"Anihchuan ei vek rawh. Ka eitur siamsak che hi i ei zawh hma chu ka kaltir dawnlo che ania. Chhun chawlh hi zo mahse enge pawi? Nu chuan a naute hi a enkawl uluk a ngai alawm,"ka hnunga rawn beng thek thekin fian chu ka kutah min kentir a,a fel lutuk vang chuan ka nuih sen sen a.

"Awle,ka pi. Tun atang chuan ka bodyguard ni tawh mai rawh aw?"tiin ka lo fiam let a,chuveleh a ban chu lek kangin a intisek der vel a,ka lo nuihzat a.

"Tehreng mai,ka naute duhawm deuh tan te chuan engpawh ka huam alawm."
Show post links
Top