The Traitor BY Tlantlani Fanai

[ngaia]

Benjamin's POV


A that hmel hle mai maw.
Kan pahniha min hmuh dun khan a mitah tlemin natna ka hmu a,mahse a that hmel.
Nge a tider mai mai zawk?

Mahse ka thinlung hi a la rawn tawt up up tho mai nia,ka thluak hi zawhna hlirin a khat a,kan inhmuh tawp ber hnu khan khawiah nge a chen tak pawh ka hrelo.

Zangnadawmna anga la tura ka tih pawhin pawisa emaw thil dang pawh engmah kha a la duhlo a,mahse khami zana ka thil sawi kha ngaihdamtlak a nihloh vang te pawh a ni ange.

Nau enkawlna man tur min dil rinna avangin tinge khatiang khan ka awm rik ngawt?

Lalawmpuii khan min dil pawh ni se enge a diklohna, Lalrinnung?

I fa ve tho anih kha, chuan pawisa i ngah hle a ni lawm ni? Mahni fate chawmna tur pawh pe duh lo leh huphurh tur khawpin em ni ka rilru hi a lo kal sual tak?

Kawngka a ri reka an rawn luh chuan Awmawmi ka ngaihtuahna atang chuan ka inthing harh a,ka hmeichhe duh hmel chu a rawn lang a.

A nui sek a,mahse office-ah Awmawmi alo let leh tawh tih a hriat vangin a nui reilo a, sawisel thei pawh ka ni lo.

Kan inkar hi ama tan a nilo miau a.

A awm ve hian keimah hi ka awm a nuam zel a.

A hna a zo em em a,office-a buaina a awmin siamthat dan a hre zel a,chu chuan ka hna a tih awlsam phah em em a,a hna thawh thiamna hian engkimah min pui a ni ber.

Hna thawh turin min bawm laiin ka tan a awm reng a,eng anga tam pawh nise min pui hreh ngailo.

Awmawmi rai chungchangah pawh a fimkhur em em a,kan inkar kal thui hrihlo tura titu pawh amah hi a ni. Awmawmi'n fa a neih a,a stable hma chu tiin tha deuhin thil min sawipui vek a.

A zaidamin midang a ngaihtuah em em a,amah ka duhna chhan pakhat a ni bawk.

Mahse Awmawmi ka hmuh leh hnu hian,a pum tlemin a lo lian ve deuh tawh nen hian ka âwm hi a tawt tlat anih chu.

Tumloh deuhin ka thinlung hi a na a ni.

Ka tello pawha tha deuha a nung ka hmuh hian chu chu a tina tu chu em ni?

Nge inthiamlohna zawk?

Eng thil ber nge?

"Lawmawma'n hmuh che a duh a,Sir. Ka lo luhtir dawn em?"a tih chuan rang deuhin ka lo aw nghal a.

"Tehreng mai."

"Awle."

Hnathawna dawhkana bawk run loa pangngai deuha ka thut hnu chuan Lawma'n zawi sapa lawmthu a sawi ri ka hriat hnu laqkah office chhungah chuan a rawn lut a.

A nui sek a,mahse Awmawmi nena kan inkar chhu chhiaa ka kaltir vang khan an a la lawmlo hle tih a hmel atangin ka hre thei.

Lawmawma leh Thafela te nen hian tet te atanga inkawm kan ni a. University kan kal duhna a inanloh avangin kan kal hrang a,Kindergarten atanga higher thlengin kan kal ho vek chu kan ni tho.

Mahse company hi Thafela te chhungkua leh keimahni chhungkua ina kan inenkawl tawm tawh a nih avangin tunah chuan kan thawk ho leh ta vek a nih hi.

"Lo thu rawh,Lawm,"a bula kala thutnaa thut tir ka tum a,mahse a lu chu thingin ka dawhkan hmaah a rawn kal a,ka thutnaah chuan ka thu tha a.

"A ngailo. Ka reilo ang,hemi zawh hian Rinfela te nen meeting in nei leh dawn sia,"a tih chuan a dik tih lantir nan ka lu ka lo bu a.

Rinfela te nen hian department khatah an thawk ho tak.

"Nia, minute sawmpanga hnu velah an zo dawnin ka hria. Meeting dawta ka kal hmain minute sawm vel ka la nei,"ka tih chuan Lawmawma chuan a lu chu bu nghauh nghauh a,reilote chu a ngawi reng a.

Min en dan hi chuan thil sawi tur nei,mahse a sawi chhuak ang nge sawi chhuak lo ang ti a inngaihtuah mek a ang.

"Meeting na turah hian Awmawmi pawh a awm ve dawn a,"a ti chhuak a,a hming ka hriat chuan ka insehruh teuh thei.

Ni dawn tak.

Awmawmi nena kan induh tak tak hma pawh khan Lawmawma hian a unaunu ang chiahin a en tawh a,Lawmawma hi Awmawmi leh keimah inhmelhriattirtu a ni bawk. Awmawmi enkawltu ka nih dawn chuan tha a tih tur thu leh keimah hi amah tihlim theitu tur ka nih a rin thu min hrilh thin a.

Mahse a hnu lawkah ani chu ka kaltir a, Lawmawma min rinna tichhetu mai ka ni tawh si a.

"Nichin khan cafeteria-ah ka hmu alawm," ka tih chuan mak a tih hmel kher mai.

Awmawmi chuan ala hrilhlo a ni ngei ang.

"A bulah thil sawi i nei em?"tiin min zawt nghal a,a ka atanga zawhna min zawh dan ri atangin chuan venhim a duh vang a ni tih ka hre thei.

Awmawmi hi a mizia avangin mi tupawh ina an ngainat rawn a ni a, chuvang chuan ka tihnat avangin,hetiang hi ka tawng ngun dawn tih ka hre thei,a bik takin Lawma leh Rinfela hnen atang phei chuan.

Company-a alo thawh tirh atangin hemite pahnih leh Awmawmi te hi an inpawh em em a,an inkarah inrawlh theihna engmah ka nei heklo.

"Aih,ka-ka awm ve tih hi engatanmah a ngai chuang loin ka hria,,ka hmujdan atang chuan ,"ka ti chhuak sap a, ka hmaa ding pa chu ngaihtha deuhin a thaw chhuak hak a,mahse min en reng tho.

Kan in en chiaha a hawisawn nghal ka hmuh khan ka ngaihtuahna a tibuai reng.

Min en hi a tawrhhlelhawm viau ami?

"Heng zawng zawng thlentu chu nangmah hi i ni a, Benjamin. Meeting room-a i hmuh hunah engtinnge i tih ang?"a ti chhuak fak a,engmah ka ti dawnlo tih chian a tum a ni ber.

"Ka hrelo,"ka lu chu tlemin ka thing a,khatianga a awm hnuah khan a hmaa awm dan tur ka hrelo a ni,reilote min en reng hnuah Lawma chu a ding ngil a.

"Anih chuan engmah tilo turin ka duh che. Engmah ti suh. Fa pai lai a ni a,a rilru ti hah reng reng suh. I hria ang,tiraw?" tiin a thiannu rilru ka tihnatloh ngei nana a lu thle beka min zawh chuan ka lu ka bu a.

"Ka hria alawm. Enge a an? A chenna hmun thar te a hrilh che em?"A chungchang ka hriat chak em avangin intihuaisen luiin ka zawt ta tawp a.

Mahse hepa hi chuan engmah min hrilh ka ring chuanglo.

"Hria pawh ni ila ka hrilhlo ang che. Hria pawh ni la itan enge hlawkna awm chuang?" a ti chhuak leh fak a,sawitur ka hrelo,a thilsawi chu a dik vek a ni.

Keimah hi ka nun atanga paih chhuaktu ka ni a, engvangin nge a awmna hriat ka duh ang?

"Bakah,khanu kha ila duh a ni lawmni?"a hnung lam chu mit sir deuhin a awn deuh hlek a,ka office hma chiaha ka secretary awmna chu a kawk deuh a ni tih ka hria.

A thil sawi vang chuan tlemin ka lungawilo a,ka ha ka sehruh a.

"He thilah hian hnuk lut suh. Engmah tihsual a neilo."

Lawmawma chu thaw hakin a lu a thing naw naw a, chhuah tumin a ding tha ak a,mahse chumi hma chuan thil a sawi leh a.

"Ka hnuk lut hleinem,Rinnung. Ka sawi zawng chu,i thiltihah hian mawh phur vek la,i thil lo tihsual tawh kha a hremna tuar rawh. A bula i kal theih nan Awmawmi nun i tichhe vek a, chuvang chuan sawnu bulah saw chuan bulah awm nghet rawh. I chân vea engmah i neihloh hma hian. Ka unaupa angin ka la ngai reng che a, Ben. Awmawmi bul niloa a bula i hlim dawn nia i inhriat chuan,Awmawmi hlimna ka duh ang bawkin i tan pawh hlimna ka duh tih ka hrilh ang che."
Show post links
Top