The Traitor BY Tlantlani Fanai

[ngaia]

Awmawmi's POV

"Apa,lo tlan rawh! Tuiah ka chengduh tawh ania!"

"Fimkhur rawh,ka duat. I tla dawn an-Lalruatkim!"Ka sawi ang chiaha ka fapa kum li mi tuia a tlak luh chuan ka thin hi a rawn phu dep dep a,tui atang amahin rawn ding lehlo se chu ka tlan phei leh hman tawh ang.

"Ka tha e!"A kut pahniha a tha tih lan nan ka lamah a kut pahnihin a ban a rawn phar a,ka lo thaw hawk a.

"He naupang tak hi chu aw,"ka awm chu ka thin a phut nasat em avangin ka chul a, picnic na atana kan bag ken rawn khai chungin Ben-a chu ka bulah a rawn kal a.

"Ka va zui ang, hlauhthawng suh,"a tih chuan en turin ka dak chho a,keimah anglo takin kan fapa avang chuan a hlauhthawn ve hmel loh,lawm hmel deuhin ka nuih a.

"Ka lawm e."

Ben-a chuan hmeltha zet hian min rawn nuih ve a,mahse vawilehkhatah a kawr hak chu a phelh thut a,a tuichen kawr inhmeh zia ka hmuh chuan ka thin hi a phu dup dup mai.

Aw Lalpa Pathian leh,a muscles te hi han en teh u.

Ka laih vang in ka lo en rengna atang chuan hawisawnin ka fapa lam chu ka en a,ka thinphu ri hi ka beng bul lawkah te a rawn riin ka hria.

Vanneihthlak takin Ben-a chuan engmah a tih chhunzawm lo hlauh, Matthew-a kal hlat lutuk hmain a bulah a va tlan nghal vat a.

Him dam taka a pa in ka fapa a man tih ka hmuh hnu chuan ka khup inkarah ka hmai sa deuh chu hliah tumin ka kun a.

Nakinah heart attack vangin ka la thi ngei ngei ang.

Matthew-a vang a nihloh pawhin Lalrinnunga vang tal hian a ni ang.

Tianga a taksa min hmuhtir hian engthil nge maw a ngaihtuah ni?

Hetianga a ti awmlo chung pawn a zunah ka uai tawh aniah.

Tiang anih zel chuan engtinnge ni nga dang ka daih anga?

Leave la miahloa kumkhat chhung hna a thawh char char vangin Ben-a chu tihluihnain Thafela'n a chawlhtir lui a.

Mahse a chawlh hmannaa Matthew-a nen kan kal ve dawn chauhin a pawm a ni.

Matthew-a tih takah, chawlh tih thu a hriat veleh a phur nghal em em a,a pa te nena kal tura Thafela min rawn ngen khan hnial thei hian ka mawilo a ni e.

Benjamin-a thup neilo lutuk hi ka kal hreh chhan pakhat a ni bawk.

Han en ula.

A work out thin hnu khan a taksa hi muscles in a khat a ni deuh ber a,a kawr a kilh chung pawn a pian nalh tak hi a thup theilo.

Chuan hnar a harsatzia lah hi a inhre kur mai bawk sia.

Company-a rawn thawk mi thar tam tak chu an rawn thawh tirin a zunah an uai nasa em em a,mahse fapa nei tawh a ni tih a office-ah Matthew-a hruaiin ti lang ngei ngei thin, chuan a hnuah tam tak chu ka fapa fans ah an inlet ziah bawk.

Mi thar te a fapa bula an tuan laiin ani ve thung chuan min pawt hrang a,a zunah min uai belh tir a tum ni hialin ka hria.

Pangpar min pe thul.

Coffee leh cake minlo lei thul a.

A chang leh ka files min ken sak a.

Min kuah theih nan min han su lui kher thin bawk a.

Mi an tam deuhin banga min nek beh theih nan chance-ah ala la keuh zel thin zui.

A dang pawh a la tam mai.

Kan inneih hma ai daihin thil a ti nasa zawk a.

Sawi tur pawh ka hrelo.A chhan chu a thiltih cheesy deuh hi a thawk miau a.

Rinfela leh Lawmawma te pawn an hria a, mahse an thianpa zawk hi an pui daih a.

Laltlanhlui phei chu. Ben-a lam a tang tih thup pawh a tum lo.

Office-a kan awm laia a tih ngamloh vangin Ben-a gift min pek ho chu aman min rawn pe thin a nih chu.

"Awmawmteeee,vawiin chu a ruka nangmah ngaisangtu che khan min treat a! I hria em, Matthew tih hmingpu fapa nei kha, chuan a hminga B tih tel bawk kha,"Ben-a'n kan department coffee a treat vek ni khan ring leng lawng hian a ti chhuak a,khami ni ang em ema zah kha ka la neilo.

Misual tak a ni.

Rinfela hi vantirhkoh ang a ni ve thung a,mi inanglo deuh hi anlo inhip tak tak a nih hi.

"Minlo hrethiam lawk?"Ka ngaihtuahna atangin aw hian min tiharh zuk a,a lam ka hawi chuan keimah ang rual vel mipa pakhat hi kan bag dahna chair hmawrah hian a lo thu a.

"Aw?"thutna hman lai renga a rawn thut ringawt chhan chu ngaihtuahin ka awm a nuam lemlo a,mahse ka ngaihdan mai mai a la ni hrih.

"Nang ang mi chhelo deuh hian mahniin enge ilo tih a?"inlak chhiatloh hi a rawn tum a,a chhe lemlo,mahse ka ngainatloh zawng tak a ni.

"Mommy!"ka fapa aw ina ring leng lawng taka min rawn auh chuan an lam chu ka hawi vat a, hmelhriat loh hnena tu fapa nge anih tih tihlan tum niawm takin ka kawngah nghet deuh hian min rawn kuahbet nghal bawk a.

Ka naute protective tak hi chu aw.

"Nuam in ti em?"A tui chenna huhin ka kawr a tih huh chu pawi ka ti lemlo, Matthew chu nuihin a chala a sam bet chu ka tuai sawn sak a.

"Babe,towel kha minlo pass thei angem?"Matthew-a lo kal hnu lawkah aw dang hian rawn ti leh nghalin kan pathum chuan a lam chu kan hawi nghal thap a,Greek Lal te ang maia tha lutuka rawn kalin Benjamin-a chu ka thutna hnungah a rawn ding a.

Awi ha,hemite pahnih tak hi chu aw.

"Mommy,heihi hi tunge a?"fel hmel deuhin ka fapa chuan min zawt a,mahse a hmel phakar deuh chu ka hmuh hmaihlo.

"Uh,ka kal a ngai,"chupa chuan tiin rang zet hian a kalsawn nghal a,ka bula mipa pahnih te chu ka en reng a.

"Thew-a!"A biang ka piai sak nawk nawk chuan a lo nui vak vak a,a awmdan ka zawt dawn tih a hriat vangin a pa ke bulah chuan a biru daih bawk a.

"Apa in ti rawh a ti lawm,"a tih chuan Ben-a chuan a fapain a phatsan vangin mak a ti lutuk tih a hmela ti lang pahin Matthew-a chu a pawm kang a.

"Hey,i tel ve tho aw,"tih pahin a fapa chu a dêk a,nuih vak vak paha chhuah tuma a tal hnu chuan Ben-a chuan kan fapa chu ka malah a rawn thuttir a.

"A chhan chu kha pa kha a ninawm alawm mommy,"ka awma bei pahin Matthew-a chuan a ti chhuak a,a mit a chhing diar diar a.

"Ninawm hleinem, keimah chauh ka ni nge nilo min zawt ringawt alawm,"a sam chu ka hui kian sak a,a awm that hnu chuan ka nuih sek a.

Tuia a chen hrep hnuah a chau a ni ngei ang.

"Mahse nangmah chauh i ni lo lawm,"a ti chhuak leh bul bul a,a mut a chhuak tih ka hria,mahse a inbual phawt a ngai a,ala mu theilo.

"Hrilh ka tum a,mahse in pahnih hian inlo thleng der tawh a,"ka kutin a hnar chu ka khawihsak zeuh a,a hnar chu ti che zeuhin a nui seng a.

"Mommy hi kumkhuain a mal ngailo ang. Matthew leh apa hi mommy bulah an awm reng ang,"ti chungin min rawn en chho a,a thil sawi chuan ka awm a tih nawm phah sawt mai.

"Ka lawm e,ka naute,"A chalah chuan ka fawhsak a,a rawn al piat chuan ka nui hak a.

"Thiana,kal ang le. Thil kan ei hmain kan inbual a ngai ania,"Ben-a chuan rawn ti vatin Matthew chuan eitur awmna basket lam chu a en nghal a.

"Ka sandwich ala awm em?"a mit a khap sak a,kan sandwich samchawp kha ka ngaihtuah chuan ka nui a.

"Awm e,zingah kan pahniha kan siam chauh kha ania,, a la awm ang. Petrol station-a bathroom-a mommy a kal chhung khan tuemawin a lo eiru a nihloh chuan,"an pahnih chuan ka en kar a,inthiamlohna nei miahloin a a pa a puan leh ta e.

"Apa anih kha!"a ti chhuak a

"Ka ril a tam alawm,bakah eitur rim khan a hnemlo. Chuan Matthew pawn a ei ve tho aw,"a pa chuan a fapa chu puan vein a hmui alo tih pawrh khum a, Ben-a dara a chum teih chuan ka lo nuih hawk hawk a.

"Papaaa!"

"Enge?"engmah hrelo niawm taka Ben-a a awm der vel chuan ka lu ka lo thing na na a,nakina Matthew-a a mutchhuaha thil a ei duhloh hmain inbual vat vat tur chuan ka hrilh dun a.
Show post links
Top