The Traitor BY Tlantlani Fanai

[ngaia]

Awmawmi's POV

Ka harh chuan dawhkana Ben-a te paper hnutchhiah chu ka hmu a,chutih rual chuan pawn lama nui ri uar uar thawm ka hre zui bawk.

An chawhmeh lei an lo let leh der tawh a ni ngei ang.

Dar zat ka hriat duh vangin phone la tur chuan ka tho a,mahse ka taksa hnuailam rawn nat chuai avang chuan zana thil thleng kha ka hrechhuak zawk mai.

Ka mutthilh san nghal daih hnua Ben-a'n engkim a tifai tih ka hriat chuan ka hmai a rawn sa chhuak nghal vek a,hmai phih turin khum atang chuan ka tho a.

Ka biang sen vek a reh hnu chuan chokaah chuan ka phei a,Matthew chuan minlo hmu nghal a.

"Monmy,good morning! Enteh,apa hian nangmah ang chiahin artui a kang ve ania!"

"Good morning,naute. Ka hmu alawm,mahse enge i tih a? I pyjama kha a huh vek ania." Chokaah chuan chutianga intih huh theihna tur engmah ka hmu silo a,min chhan hun chu ka nghak reng a.

"Matthew hian apa hi salad a sil pui a,mahse tui hian min ti huh a. Chumi hnuah apa hian a ti fai a. Sandwich kan siam a,mommy!" engmah thuploa sawi pah chuan a nui uar uar a,an tihfai tawh vangin thil thlen chhan chu tikhan ka hrethiam ta chiah e.

"Thiana,kan menu hi surprise tur a ni emaw ka tia?"a pa in a tih chuan ka fapa chu phawk deuh hian a meng a,ka lam a rawn hawi vat a.

"Oh no! Mommy, Matthew thil sawi kha theihnghilh daih rawh aw?"tia min zawh chuan ka lo nuih a, theihloh mah se ka lo bu tho a.

"Awle,naute. Tunah chuan naupang fel tih dan angin i kawr kha va thlak rawh le. I kawr awmna chu i hria tiraw?"choka chair sang deuha thu mek ka fapa bulah chuan ka kal phei a,kawr huha a awm reng chuan a damloh ka hlau a ni.

"Apa pawn inthlak turin min tia,mahse Matthew hi a thatchhe lutuk a,." Kawr huha awm nuam a tih vangin a inthlak theihloh nan a hmui a ti pawrh a,mahse tihdan tur tha tawk tak ka hria alawm.

"Damloh i duh ami, Lalmatthew? I duh chuan kan chawlh chhung zawng hian tuiah i cheng thei tawhlo anga, Ice-cream pawh i ei thei tawh dawnlo anga,aa pawi dawn asin,a chhan chu nimin khan mommy hian i ei chak tur ice-cream tui deuh deuh tam deuh ka hmu a." A thil duh deuh ka sawi chuan a beng a verh nghal hle a,ka chak tih ka hriat chuan nui lo turin ka insum a.

"Matthew hi a kal nghal dawn aw mommy. Heta tang hian min dah thla rawh please. Chair hi a sang lutuk a,"A ban a rawn phar a,a pyjama huh phelh chu a phur thar tawh kher mai.

"Naupang fel,i kawr kha thawmhnaw suktur dahnaah dah theihnghilh suh aw?"chhuat a rah veleh a ke te reuhte chuan hmanhmawh zetin choka atang chuan a tlan chhuak a.

"Awle!"

Phur deuha min chhanna ka hriat chuan ka nui hak a,ka hnung lama thawm awm ka hriat chuan ka hawi let a.

"Enge i tih?"a awm chu ka hmaah tak a awm a,a kut la chhuaka ka kawnga a rawn vawn chuan Ben-a chu ka lo nuih a.

A kutzungpui chu hmang tangkaiin ka zâng ruh chu na lo te tein a zut chho a,a nuam mah mah.

"Ka massage che. Nizan khan ka ti na che em?"a ti muang fan raih a,ka hnung a hmeh pah chuan a awm min nghen tir a,ka lu ka lo thing a.

"Ka sil ringawt,"A awma ka bei vangin ka aw chu a thum det a, a thin phu ri chu ka hre thei.

"Nizan vang khan ka lawm e,"aâwm chu a tawng zawng chuan a rawn in nghawr a,a mita en tumin ka hawichhuak a.

"Ka thil sawi kha ka ti tak tak. Nizan khan min nam sawn leh la chu Matthew-a hi hruaiin ka kalsan vang vang ang che,"ka tih chhuah chuan Ben-a chuan min nuih pahin ka khabe-ah a rawn dawm a,min rawn fawp zeuh a.

"Nichin khan Matthew-a nen thil kan sawi a,dawr atanga kan rawn haw lam khan,"a tih chuan ka mitko ka lo san zeuh a.

"In pahnih chuan enge inlo sawi a?"ka mita ngainatawm deuha min rawn en chuan min nuih sen sen a,a kawngah chuan ka kuah ve a.

"A pian hmaa ka tih hrehawm che avanga ka inthiamloh thu,"chu thu a sawi veleh a mitah chuan natna ka hmu a,ka kuah nghet vat a.

"Benjamin..."

"Ka tihpalh. Ka ti tak tak. I ngaihdamna dil che ka duh a. Min ngaidam thei angem,Awm?I laka ka thil tih leh sawi zawng zawng vang khan?"a aw chuan min ngen tep a ni,ka sama a zut hnu chuan ka biangah a kutin a rawn dawm a.

"Ka ngaihdamna che a rei tawh alawm,"ka sawi paha ka nuih chuan Jeongguk chuan mak a ti kher mai.

"Maw? Engtikah?" A hmeltha tak a siam chhia ka hmuh chuan tihreh sak tumin a chal chu ka khawih sak a.

"Kan fapa i pawm hmasak ber tuma i nu leh pa te ina i tah khan,ka ngaidam daih tawh che,"Ka ngaihdam hun tak ngaihtuah chhuah ka tum hian an chhungkaw ina ka kal zan bak kha thil dang ka ngaihtuah chhuak theilo.

Khami zana a tap khan ka thinlung a ti tuiral a,ka hmaa khatiang taka a tap nasa ka hmuh khan ka ngaidam daih tawh tih ka hria.
A hnua Matthew-a laka a awmdan tha vek vang khan a ni pakhat bawk.

A vawikhat pawmna chauh ni mah se a fapa a en danah khan a hmangaih tih a lang a, khatianga ka hmuh hnu kha chuan hepa lakah hian ka thin a rim thei lo a ni.

"Duhtak,engtinnge khatiang khan min ngaihdam mai theih?"a tih chuan ka ngaidam chu awihlo hmel deuh hian a awm a,dingdihlipin a hmuiah chuan ka fawh sak a.

"Ihmaw,khami tum khan i hah hmel lutuk a,i hria em? Khang hun lai khan inbe lo mah ila Lawma leh Rinfela ten minlo hrilh reng thin a,I thil tihsual i hrechhuak tih leh i inchhir tih ka hrethiam alawm,"a bianga ka chul sak chuan Ben-a chuan a tah chhuahloh nan a hmui chu a pet fan fan a.

"Awm...."hnuailam a bih chuan a bianga ka dawm reng vangin a mittui rawn far chu ka kutin a lo hre vat a,awm hnaiin kan chal chu ka insiktir a.

"Ben,thil pakhat min tiam rawh. Engtik niah emaw khatiang thil kha a thleng leh a nih chuan,kan inrawn tlang ang tih min tiam rawh. A hmaa i thil tih kha nangma tih a ni a,a hnuah thuthlukna diklo a ni tih i hrechhuak leh a. Kan awmdun leh dawn chuan khawngaihtakin min sawipui zel tawh rawh. Thuthlukna siam hmain kan inbia anga tihfel dan kan ngaihtuah dun zel ang,aw?"a tah chhuahloh nana a inhnit hruih hruih chuan Ben-a mitmu fiah kaka a mittui tling chu ka hmu a,ka lâwm hman tep a ni.

Matthew hian a pa mit a chhun ngei mai.

"Ka bulah i awm leh duh ang maw?"vawikhat a inhnit leh hruih a,nui chunga ka mitko san zeuh pahin a mita en tum chuan ka thle bek a.

"Ngaihdam min dil chhan anilo ami? Kan nuna ilo let theih nan?"tia zawt letin Ben-a chu a lo khap fak fak a,a mittui rawn luang chu ka lo tihfai sak a.

"Ni e,mahse i chiang amaw?"a tih chuan muangchang a hmuiah chuan ka fawh sak a,ka tih ang chiah chuan min rawn fawp let ve bawk a.

"Nizana thil thleng kha a fiahna tur emaw ka tia?"a hmui bula thawk ham ham pah chuan ka ti chhuak sep a, min rawn fawp lehin kan nunah alo let ka phal tih amah a inpawm nan hun ka pe a.

Reivaklo hnuah inla sawnin a hnaih deuhah tho minla awm tir a.

A mittui a awm tawhlo a,a nui sen sen pawh ka hmu thei,tuna thil thleng hi a mumang niloin a tak tak a ni tih a hre tawh pawh a ni maithei a ni.

"Ka lawm e,mahse thil thleng ang kha a thleng tawh ngailo ang. A chhan chu nangni pahnih anga hlu hi ka nunah hian an awmlo tih ka hria. Ka hre tawh a ni,Awm." In en pahin kan chal chu a insi reng a,a mitmeng de sar sar atang chuan thudik a sawi tih pawh ka hria,chuan in kiss leh pawh kan duh,mahse kan fapain kan ke-ah chuan a rawn kuah thut a.

"Matthew pawh a tel ve duh!"ring tawka a rawn tih chuan Ben-a chu ka thlah vat a,ka fapain a pa ka kiss lai a hmu chu ka hlauthawng lutuk ringawt.

"Bawihte,engtia rei nge ilo awm tawh?"tia ka zawh chuan Benjamin-a chuan ka kawng atanga a kut la sawnin Matthew-a chu a pawm kang a,chutih lai chuan alo tel ve theih tawh vangin ka naute chu a hlim ve em em a.

"Apa in mommy a kiss khan,"a tih chuan ka sa chhuak vek thei.

Kan in kiss lai kha a hmu.

"I hmu maw,apa? A thinrim tawhloh hnuah mommy hian a kiss thin ka tih kha!"

"I sawi dik e,ka fapa. I thil min hrilh vang khan ka lawm e,"kan fapa in a hmu tih a hriat vang khan hepa hi chu phut pawh a phu ve eihlo, a fapa hmuh laiin min rawn fawp leh zawk anih chu.

"Lalrinnung!"

"Apa in a kiss lai i hmuh vangin mommy hi a zak a,"ka thilsawi hrelo derin Matthew-a hnenah chuan a hrilhfiah a,hrethiamlo deuhin ka fapa chuan min rawn melh a.

"Tinge i zah a mommy? Matthew pawn mommy a kiss ve thin tho a,"fel hmel deuha a mit a khap zeuh zeuh chuan ka hmui ka seh a,a rilru thianghlim lutuk hi chu aw.

"Engmah a nilo ka naute. I sawi dik. Nangpawn mommy i kiss thin tiraw,ka va han hmangaih tak che em."

"Matthew pawn mommy a hmangaih. Apa pawn mommy a hmangaih,a dik em?"

"Tehreng mai,mommy hi ka thinlung zawng zawngin ka hmangaih. Chuan nangpawh ka thinlung zawng zawngin ka hmangaih che,thiana." Ben-a thil sawi chu hmangaihnain a khat,khawvela ka tana thil hlu tak pahnihte en chung chuan ka nui a.

"Matthew leh mommy pawn an hmangaih che alawm apa!"a hmaia Ben-a'n a fawh kual nawk nawk chuan Matthew-a chuan hlim deuhin a ti chhuak a,an pahnih chuan ka lo nuihzat a,an pahniha ka nei hi ka hlim takzet a ni.

Engkim a tha tawh e,Awmawm.

Engkim.

A tha ta e.
Show post links
Top