YOUNG & BEAUTIFUL BY Ralte El Eichh (Completed)

[ngaia]

KA PI DOCTOR

Chapter-4

Ṭum danga an rawn in Volunteer tur ka lawm theih nen Vawin chu keimah ber hi ka tha a za lo riau,, Mahse an rawn thlenga nuam ti ber ber ka ni leh tawh..


Rawngin min daihloh vanga kan hnawih zawm tak loh te kha ,, kan rawng neih hnuah pawh hnawih hman kan awm loh vangin kan dah reng a chungte chu ka tih tir ka hna tur min thawhsak a ni mai..


Kan Damdawiin ve hi chu Chei ṭhat duh pawn keimahni kan tel zel angaia ,, midang rawiha han tih tir tur kan nei leh chuanglo ,,


Idea te neiin kan Damdawiin hmasawnna tur hre mah ila Sum leh pai kan neih leh chuan siloh chuan maw engmah lo mai ani e,,


"Bawiha,, Kan zo ania,, ",, Ziran arawn ti lang lang,, Zawma erawh kan Doctori laka amark tih ṭhat tum in a hnaihah zel athawk..
Hmeichhe mit lak nan chuan Pangpar thlengin lo khawi thiam zuk nia..


"Rawng chu i hnawih tir tawh ami?", Umahriatin alo ti ve vat,, Zira zawk in achhang, ,


"Ka lo treat vek ang cheu,", rawn in sawi thei leh tawh lutuk Zira nen in mit meiin kan in nuih suk suk ,, min lo hmu ani ngei ang


"Thil pakhat bak chah suh ang cheu", arawn ti nghal,,


"Engnge i ei chak ve Doctor ohh Rf", ati sup


"Hmela i U rual anih kha", ka pawnchhe ken lai chuan ka vawm


"Aman Rf min ti rawh ati lawm, tiraw,",,
Alo bu nghat ka ner nang


"Khawilama Rf I Pi rual anih kha",, ka tukhum ari lawlh,, Umahriatin min lo melh khai khai..


"Ka thluak i beng pherh dawn lawm mawle iva beng nave",

"I tukhumah i thluak a awmlo,",


"Awm e,, I beng nasa lutuka ain sawn thla daih tawh,", ka ti hlar,, kan damdawiin a thawk te ah hian ka Naupang bera tihah athla in Kimi kan FA pawh hi 30 ani ve tawh kei chu December-ah ka ni dawn chauh chuvang chuan kum 29 ka la in ti tlat dawn..

Kum nau tawh lo mah ila ka Naupan ber vang hrim hrim hian mi hi an chheh chhawl a min tir kat reng mai..


"Anih tak chu drip va thlak rawh",
"Tih ve nghal mai tur che ania",, ti bul bul in Ward ah ka lut,, Nau vei mek chu a chanchin ka va ngaihven leh rih,


Hmeichhia la naupang deuh hi chu an zaka ka buaipui an duh ngailo,, Ka buaipui tawh erawh hi chuan keilo chu an ti ve tlat zel,,
Ka duty loh pawn min ko hram an awm bawk a,,, an Fa ka chhar kher duh te ka chhar hmelṭha bik ṭhin aniang..


"Inei thei tawh ang Doctor kan ko ange?",


"Tinge nangmah,", an ti rual dun,,


"Aw ahmingin Doctor te kan nei ve a ,", nui suk paha ka ti chu an ner dun sak mai,,


"Nangman min chhar sak mai mai rawh,", an Nu chuan ati leh hram,,


"Dawn teh reng e ahming pawh ka phuah fel vek tawh,",

"Anú nge apa ihre ringawt ami?",

"Hria e Pasalṭha ani dawn,",, an Pa zawk anui hawk,,


"I awihlo ami in chawi ila, Mipa ka ringah",

"Hmeichhia,", an ti ve ve, Hmeichhia hlir 3 an hring tawh miau,, an thlah te ah Mipa hring an tam lo hrim hrim a,


"500 kan bet ang",,


"Kha nangmah vang,", atuibawm keh vanga apawnfen rawn huh chu kan en ṭhap,,


"Ka tih anilo ,", ti sup in ka che nghal sawk sawk

"San alo pe der ania,",


"I hman hmawh anih kha ka la hman lo ,,",


"Hman hmawh rawh,", ati chul


"Ava hman hmawh reuh e Hurry-a tiin ka thlak",


"Mipa ni tak tak se aw,", ati ṭiau


"Ani tak tak dawn in siam lai afuh a,",


"Lalchhuanvawr ,", ati nghal hlar


"Zanlai ah ani lawm ni thawm dim deuhin,",

"Lal..",


"Aw alu arawn lawr akawlh mal mai mipa ani chiang lutuk,", a ṭah nuih hawk


"Aw le thawk la la vawikhat leh han sang leh tuarh teh aw,",


"Aw le,, hahdam rawh le 500 ka hlawh der mai a,"

"Mipa maw?",, An nu chuan arawn ti hâ,,An Pa zawk chu melh in

"Khawi pawisa,",, ka ti thung


"Tunah maw?", buk khum nghatin ka Form Ipte chu ka mitmei zauh zauh..


"Kg3 leh gram 400 laia rit anih hi mawle dar 12:10 ah khawvel eng arawn hmu aw ,, He khawvel chhe tawh takah hian rawn tal chho ve nawk nawk turin kan lo lawm ache Sap ni lo mahla i Sap hmingah Hurry-a",,


"A ṭhing emaia Lalchhuanvawr,"


"In phuah loh chuan ka hnawh lut leh ang,",
Anui ṭha thei tawhlo..


"Kha In Ward ah va pawm lut daih rawh,, in Nu hi kan lo ṭhui pin sak leh ange ,",

"In, insiam kan duh a",


"Aw ngati maw,,?",

"Aaa", ,


"Chilh phui hmak ila nimai lawm",

"aṭullo",an Pa chuan alo ti hmuk, kan han nui leh rihah,,


An Pa kal rualin
"Ka lawmpui che", ka ti nghal,

"Eng zawk ah", arawn ti ve kher


"A pahnih in",

"Mipa nilo se chuan aphal lo ang,,A intiam lawk alawm,",ati zawi sap,,


"Hmeichhia pawh hian Mipa tih theih tam tak an ti thei a Mipa pawh laktlak loh tam tak an tam emai, i hriselna angai pawimawh ber tur alawm,,Hmeichhia te hi Fa neihna khawl amaw hi an tia, ,",


"Iti ve lo ami?",


"In ni hleinem,, in pawimawh ber in duhthlanna kan zah ber tur ania,, in pai duh tawh loh chuan in Pasal pawh ni eng ang mah ila STOP ani mai,", anui seih,,


"I Nupui tur chu avannei dawn anih chu,",


"Pasal pawh ka lo nei daih thei a,",, anui hak,,


"Min ti nui reng suh aninawm,,",


"Ahriat miahloh aw , , kan khuaah tumah an la awmlo leh nghal,, ka chanchin sawi nuam an ti sia sawitur kan pek belh ani maia,",


"I ṭhing lutuk a,, Zira mi?", phawk tawkin arawn ti he haw ,, keilah pek lo man lo kawngka lam ka lo hawi vut


"Doctor anih saw,, ,", , kawngka lam ahawi ve vat,


"Aihhh ,, i , englo chu",,


"Eng", la man lo nasa mai


"I Pasal tur chu",


"Aaaa,, aihhhh", ka nui hawk hawk,,


"Ka Fiamthu anih kha,, ",


"In in kawp chawt sia ,, ii sawi takah chuan ka ngaihtuah,,,, aaaaa i ninawm thutak pai lo lutuk"a ti hlak hlak


"Doctor insiam an duh a,",

"I thiam ani lawm ni?",

"I awm ve reng sia",, ner nangin ain thlak,,

"Tho suh,, ka lo en ang che",

"Min en lai palh ang",, min ei loh hmel teh e,




Ka zawh rualin kut zungpui ati pir vah,,
"Tiang te lek lek ka kum ai tam ka ti tawh",,


"ṭha lutuk e,, Doctor chu zir rawh,, tun ai tam hi hlawh inei thei dawn asin",


"Ka peih tawh lo,, lungleng tur an tam dawn emai,",


"Iti uihawm e,, ithiamna hi ka lo uipui che, Doctor last year ho ai pawn i laktlak zawk maithei,",


"No way,, min bawl kher suh",


"Ka ti tak tak,,"


"Kal teh a,,i hnawk",


"Ka lo sawipui ang che",


"Nope,, kan Khua hian min mamawh,,",


"Mamawh reng e,,",


"Doctor ka ni reng alawm ka hming hmaah achuang lo ani mai,",,
Ward lamah ka nawr luh san daih..



"Khawnge ilo awm daiha, eitur kan chah tawh chaw rum kan hmui ka chah che",

"Artui hel ṭep nen ami?",


"Yes,, ",,


"Good boy,, Khawmaw",
Meizial arawn phawrh ru zal zal,, ka Spot lam ah kan in zui nghal ,,


"Zawma chu ilo sawipui tawh em?",


"Hun ala awm hleinem,", ka ti hlar,


"E inin bia maw tia iluh hnu lawk khan arawn lut ve sia,",


"Nimaw!", , abu nghat


"Nih chuan alo awm ve reng tihna ami a, rawn luh ve mai tur ania,",

"Khawiah maw?",


"Naute ka san chhuah tir leh lawk alawm mawle alo chhuak chak tawh lutuk a",

"Panienga ten Naute an nei tawh maw?",


"E, ihre tak ,, nichin khan an nei alawm va en rawh,, ",


"An chhungte hi an va awmlo ve", tiin ahawi kual,


"Ka va en ve lawk ange, ", ameizial chu ti thiin bawlhhlawh bawmah a vawm lut zauh,,


Zawma nena an in be thawm chu ka hre thei ka ko lem lo,, ka awmna hi thingin min hliah chiaha thil tihruk nan chuan ṭha lutuk..



Ka piahah chuan lo ding in phone arawn hmang,, ka awm tih ahrelo ani ngei ang..


"Aw Monday ah zawk ka rawn kal ang,, um, ka hmu chak tawh lutuk che, ,keipawn ka ngai che engnge ka lo hawn ang che",, ka ner nang lerha hi aa


An inbiak zawh hma chuan ka chhuak,, min hmuh rualin ati tawp nghalh hmak,, thil tiru man chhuah ang mai,


"Doctor chu tikhan bem ila tum tho a,", ka lawmlo tih ahriat ka ring..


"Ka ṭawngkam ṭha ve anih kha,, ", anui hak hak ka nui ve hauhlo aza ve ṭhai lo ee ka ṭhianpa mah nise ka sawi angai


"I ṭawngkam ṭha khan midang hliam asiam thei
chintawk hria ang che,", , ka kal pel tur chu min rawn kuah in ,, "la thutak vak suh,, ka tifiam anih kha ",


"Hmeichhia hi infiamna tur an ni lo,, i thutak dawn loh chuan ti tawp vat rawh,,,",,


"Aw le aw le,, Rf i haw tawh dawn ami?", Doctor lamah chuan atlan leh nghal daih,, ngaihven zuilo in ka luh san,,


Duty lai ka nih vang in ka ṭhiante rualin ka haw lo,,Ka thlah mek mek laiin Naupang lu kak an rawn pawm

"Lo kal ru,,a nih u aw,", ti lang langin ka zui lut


"ṭhui angai dawn anih hi,, ihlau dawn em?",


"Aih"


"Good Boy mipa chu tiang ṭhak ṭhak tur kha ṭah miahloh tur aw ,,", alu chu tlem meh sak in ka ṭhui sak taff reuh zek


"Ana em?",

"Aw",

"Ka ring rengah tuar hram hram rawh aw Azo ṭep ania, kim lo chep lawk,", ,

"Man tawkin kan ṭhui ange,, i ṭhiante pawn an duh ve hrim hrim ang, irawn ṭhui tir ve dawn nia aw,, ",


"I lo tihsak ve dawn ami?",

"An duh phawt chuan mahse an tuar ve ngam lo ang an ṭahbelh awm si,, nang ang in an Man ve awm silo a tiraw",


"Um an ṭahbelh lutuk,", tiin asawi siam siam Kimi ka buk khum zauh


"Aw le Zo ta e iva han tuarchhel reuh tak,, ",,


"Man alawm ka nih,", a ti ve lauh,

"Aharh man anih hi", achhungte chuan an ti hram


"Mipa naupang chu an harh tur alawm,,", ka lo ti ve thung....


Ka duty chhung azawh tawh vangin ka inthlak nghal,, Chawhhmeh lei kawi ka ngaih vangin Bag ka ak thlap


"Pi,", arawn hawi thla vut, ka kiai suk mai, aner nang thung 'min koh leh pawn ka hawi tawhlo ang' ati kha ania,


"Ka Bazar dawn asin irawn kal ve duh em?",


"I Bazar dawn amaw?", ati nawn leh ngat


"Min ring vak nange",


"Ring e,, minlo nghak rawh",,


"Ka thlah leh ang che i Scooty lo keng suh,", ka ti leh lang lang,,


T-shirt var ha in kekawr thawl lam hi arawn in bel chhuak, , Asam sei hnap chu asangah arawn ṭawn mawlh mawlh..


"I sam chu tan i duh lo maw?",
Min beng kawrh,,


"Zawma chu engnge an itiha",


"A ṭha,",


"Ahmel maw?",


"Um",


"Hmel aṭang Pasal i zawng ami a,",


"zawng lo e,",


"Ahmel lo pawh a ṭha tho ,, ṭha itih chuan aṭha ang,",


"Ka ṭhian ania achanchin achhe zawngin ka sawi dawn lo tih ihria,",


"A ṭha lo ami?!,",


"Aaa ṭha e,, mahse,",


"Mahse chu,",


"Zawma hi chu amizia hi adang ve a,, ngaihzawng lam angaihsak loh in akum akum a single a aneih erawh chuan pakhat mai hi aduh tawk leh ṭhin lo a, Mahse 'ka hmeichhe duh zawng tak ka hmangaih ka tawng anih chuan atan ka rinawm ang ' atih ve kha maw ",


"Chuan", dar ka san zauh


"Nangmah hi aduh zawng chu inia,, 'ka dream Girlfriend' ati che,",


"Ava lawmawm ve,",, arawn ti lauh,


"ṭha itih chu ka lo sawi dawn ami?",


"Nangpawh i ṭha ka ti,",

"Maw?", ka ding chawt ,, ka leh hawi nghal vut achal alo tuai nauh nauh,,


"Ana viau em Sorry lutuk",


"Na eee", ti hlarin kal turin min ti zui nghal,,


Bazar kan thlen ve mai vangin engmah kan sawi zawm lo,,


Kan bazar dun chu kan hlim ta phian,, arin ai chawhmeh hming ka hriain eirawng ka bawl ṭhin ka ti chu a awihlo teh e ,,


Ka Pi hian engkim min tih tir Hmeichhe tih tur leh Mipa tih tur thliar hran te hi aphallo ,,
' Nupui achhia a ṭha ila nei ang i nupui i puih a i chhawk hnem pauh leh in Nupa kar a ṭha rei ani mai,, i Nupui anih vanga hnuaichhiah lo in zah la inṭawiawm tawn na hian Nu Pa kar ati ṭha chawk ania,' a ti ṭhin,,


Atawn hriat a ṭanga min fuih ni awmtak mah nise, a sawi ang khian ka Pu hi a awm chuang miahlo ania,,


Hmanlai mi ve tak ang kha ania "i bai chhuan aliam,", ti chi ang kha hrethiam mai em,,


"Anih aw,, Ka Bai hunah ka lo suah ve ang che", nui seihin abu nghat,, kan In lamah in khalh letin ka Pi chuan ka thil lei chu alo tifel zung zung,,an Kum ngaihtuah hian an ṭuan te hi ala ṭha ania alawmawm tawp ,, Dam reng peih lo mahse min dampui reng se ka duha rilru hah lo a siam hram hram ka duh ṭhin..



"Pi Uchhuantea awm em?",,
Ti thawm chu ka hre thei, , ka Pi in min rawn au nghal lang lang,,


"Aw,", , kekawrbul phawrhin tawnzau ka ha chhuak,, "e, Uchhuante anu'n han ko rawh ati che a,",,


"Min ngai leh tawh ami a, , Pi ka zuk chhuk lawk ang aw,",,


"Dikte kha Chawhmeh ka lo suah ang cheu,hawn nghal rawh,", ka Pi hi chuh chhuang zetin ka lo en,

"Kan Lawm e aw Api", ati leh thlap,,


"Uchhuante Bike in ikal dawn em?", nuisuk in
"I chuang chak ami?", ka ti ve nghal,,, stepa hnai taka thlen theih kha kan han tlan kual pui leh rihah,,



"Kia He MommyJiii",,
Minlo nuih sen sen,,


"I damdawi min lak khawl sak ho hi azo leh tawh a, ",


"Engnge i an a",


"Ka zia ve zel e, , mahse a symtoms hi alo lang chhuak a",


"Um, hnawih tur ka lo la tel dawn nia, ,in enkawl ṭha la,",,


"Ka chau riau a tun lai chu ka lu te hi ahai leh thut zel a",,


"I Bp ahniam anilo maw, , bawiha han chho la Bp check na han la lawk la,",,
Phur takin atlan chho nghal, an in leh kan in hi Step tawp leh step tawn tirh ania An ni atawpah an awma Step 50 vel lai chu an rawn zawh chhoh ve angai,



"Uchhuante kha",, arawn bawk lut thlawp


"Oi fimkhur ṭhin rawh ka tih che kha achhia em?", ati tham chhal,,


"Chhelo ang,, ",, chhar hma sa lo chuan ka kaitho hmasa,


"Chhiat loh hi,, ",, ahnarah piai sakin asam ah ka chul leh a inthiamlo hmel lutuk kha akhawngaih thlak zawk


"A va hniam ve,,NS vel ka han lei sak ang che",


"A chhuante", inthlahrun hmel zetin arawn ti sap, , sum an neihloh zia te chu ahrechiang ber tu ka ni ang chu mawle..


"Lungngai suh,,", buk khum zauhin ka chhuahsan,,

An Pa hi HIV Aids vangin nikum lam khan aboral tawha, An nu pawh hian kaiin an Fapa erawh hi chuan akai ve lo hlauh, tihian an Nu Fa te chauh hian an awma ṭhenawm khawveng leh mi inphal te zarah an la nung ve ṭawk ṭawk ,,


A damdawi tur lak sak in Chawhmeh leh a BP san na tur lam chu ka lei sak Chawhmeh ka lei nawn leh chu mak an lo ti viau mai,,


"Engnge ilo tih leh dawna,, ", , Nurse Duty chuan alo ti,,
"Ka rawn rawk dawn cheu hmaikawr ka lo ken theihnghilh palh minlo hmulo der mai ru aw,",


Ka hmai hup in damdawi kan dahna lam ka pan an nui ṭha hlawm mai,,


Drip khai sak in Eirawng te chu kan bawlsak leh lawp lawp a,,
"Dikte Video in minlo lak sak teh",
Ka phone pe in chairah ka din tir


"A u ngati nge,, youtube Channel isiam ve dawn ami?", arawn ti hâ


"Oo ngaihdan ṭha tak anih chu,, ṭha deuhin minlo lak rawh aw,",,, siam lak lawh lai laiin dawrah kan in tir thul,, nghei an ngah em atin ni..


"Kan van tibuai tak che aw,,",


"Nupui neih ka tum hnaia inzirna zel anih hi, ka Pi in nupui nei tura ka Fit tawk atih velah ka nei ang,,", anui hak hak,,


"Buhfai in ngah maw?",


"Aw Nimin khan kan retailer ten an lo dah a", a aw pangai pawh atham tawh teh reng nen a damlo aw phei chu hriat har tak a ni..


"An va fel ve ,, min sawmlo mahla chaw ka lo ei ve nghal mai ang Buhfai in ngah emai",,


"Min nuih tir reng suh ka chau",,ati hap
Eirawng ka bawl zawh hnuah Ka siam lai vel chu *KA PI DOCTOR-I* tiha ka save ah chuan ka thawn,,


"Atui lutuk,, A U tiang hi kan hmeh khat lutuk Eng sa nge?",, Naupang ta na na na chuan arawn ti chhuak phawng



"Vawk kan talh leh hunah min rawn pui la ,, i ei leh dawn nia,",


"Tak tak maw?",,


"Yesy,, Pawl isawn dawn em?",


"Um,, Mahse ka kal peih tawhlo",


"Ti maw?",


"Anu ka khawngaiha, ka awm loh chuan amal thei lutuk a", an ti ve ngeiah,,


"Admit an tum pawn ' ka kal dawn tawhlo' ati tlata kha engtia tih tur nge pawh ka hrelo",


"Engnge tih chak ineiha",

"Engmah ka Nu bula awm a amamawh pek zel ani mai,",, anu chuan lehlam ahawi nghal daih..


Hemi te Nu Fa tak hi chu aw an khawngaih thlak dun bawk si an tan tihtheih ka nei tlem bawk sia maw..


"Keimah ang hi nih ve i duhlo ami?",
"Duh eee Anu pawh keimah ngeiin ka enkawl thei anga",


"Anih chuan school kal i duh tawh silo a, i enkawl thei dawnlo anih chu",


"School kal ngei ngei angai ami?",


"Ngai e,, Class XII tal i kal angai a, chumi hnuah Nurse i training thei chauh ang",,


"Ani maw,, Nu ka enkawl chu i duh em?", ,


"Duh tehreng mai,, Au pawh kan tihbuai angai tawhlo anga",


"Anih chuan SirZira kan hrilh ange,, U i phone aṭang ka be thei angem?",


"Tehreng mai Chaw eikham velah kan be dawn nia,, puar deuhin ei la",, bu nghat nghatin a ei mial mial,,


.

"Min mamawh chuan min rawn ko zel ru aw,, nghei in neih pawn min rawn hrilh hreh lo ula rawn ban pawp pawp ru,, ",


"Kan lawm e"..

"Lawmthu sawi angailo ka kal nih aw Dikte iNu lo duatla",


"Aw le",,


*Khawnge i kal a, *, tih message alo awm ve ngei ka Pi Doctori hnen a ṭang..
Number lawng Misscalled pawh alo awm, call back lo in Doctor zawk chu ka chhang..


*Makpa interview ka nei lawka*,,
Nui vur vurin ka inbual san..

Ka inbual zawh rual rualin ka phone ka ban leh kei leh keilo ang in atur tu ana ani ngei ang..


*good luck* tih alo dah


*ka tlinglo a hei min hnawt chhuak ka haw leh tawh* tih ka thawn leh aseen nghal vang chuan ka khi vur vur


*sad ve aw,, tun Sunday chu ka hman leh hmel loh haw ka ngai leh thuta*

*ngati nge* tih ka thawn nghal ,,ka rilru a lawmna mak tak mai lo awm hi ka hrethiam lo, chutih rual rual chuan ka khua ahar nghal ringawt bawk,


*Family thil*


*ok*

Ka Pi in minlo koh vang chuan ka chhuak,, dar8 apel tawh


"Lo ṭhu teh", ka Pu zawk in ati sup


"Eng nge ni ta,",, an thutak hmel bawk sia


"I Nu'n alo phone a",, ngaipawimawh lo zetin "chuan", ka ti sup


"Tun Saturday hi an Inneih Anniversary ania kal ve tur in min rawn sawm a",


"Engah ngawt chuan",, ka Pu in aw alo thian khurh,


"Nangmah chauh sawm che kha ain thlahrung pawh ani thei a,,",


"Ka kal peihlo ka hman lo",


"Kan chhungkaw ai awhin ikal dawn nia", ka Pu chu ka en dawrh,, angawi zui hmak mai hnial let aduhlo tih ka hrethiam tho nang in


"Chhungkaw thar anei tawha a hlim chuan kan hlim ani mai,, min rawn ngaihsak der vel kha angailo ang,", ka ti leh hram..


"Kan Phalna thlap in aneia tumah kan in lan lo anih chuan atan pawh anuamlo ang nang tal chu i kal angai,, ",, ati dam dap..



"Nie Valte i Nu Pasal hi fel in ṭha viau mahse Nu Pa hi chu ṭawngkam khat lekah in hmuh thiamloh na thleng thei ania,, Inu hian lamṭang anei a hmangaih a ngaihsak tu athlavang hauh sak tu tur anei tih an Pa hian ahriat ve angai alawm..",



"Achhungte an awm reng alawm",,

"A Fapa arila rah inia,, an Pa pawn ahmu chak che a, Fapa anei loa Afapa ang tak takin arawn ngaihsak che a,", ka ner sak ahmuh chuan,


"I Nurse zirna senso zawng zawng kha ama tum vek hi alawm", ati leh sap,, ka en hau mai, an mahni tum amaw ka ti char char a


"Fa Nu hlir anei a A fa te pawh Doctor te ni tawh tho mahse Fapa hi chu Fapa nge nge ania a fa arila rah nilo mahla angaihsak viau che ania,",


"Ka lo in ngaihtuah ang",,


"Engnge kan han Present ve ang aw,", tiin atho ka len dawn thu sawiin ka chhuak ve nghal daih Bike pawh hawl chhuak lo in Zira te In ah ka kal ,,


"I thawm ka va hrelo ve, ", , Anun alo ti nghal, ahma chuan ka luh hma hian minlo ko lang lang zel,, ka Sikutar ri a ṭang anlo hre chat zel


"Ka 2 wheel in ka lo kala, khawnge?",


"Abialnu arim aniang,",


"Hmm ", an ṭhutthleng sei ah chuan ka mu nghal zuar ka phone phawrhin ahming ka hmet chhuak Call arawn luh chiah vangin ka chhang leh rih..


"Bawihpui",, ka Nu aw ka hriat rualin ka ṭhu nghal zawt..Zira Nu pawn min lo en hâ mu thla leh in "aw,", ka ti zawi sup


A Pasal neih hnu hian vawi10 pawh kan in be tling angem amah hi chuan arawn call fo ka la duhlo mai zawk..


"I Pi ten an hrilh tawh che em?",
"Aw",


"Inlo kal thei angem, kan Pa hian ahmu chak che a,",


"Ka hrelo, ka la in ngaihtuah lo",


"Keipawn ka hmu chak che a,,",ati leh sap,,
Tuna a pasal nen hian ka Pa thih hnu kum5 vel aliam tawh ang ka ring an in tawng leha ka Nu phei chuan angaihsak lawk lo


Aduh ve hnuah pawh Min ngaihtuah vangin rei fe aw apawhlo a , kum18 ka tlinga keimah ka in enkawl theiah angai ta ani mahna ,,


Atirah kha chuan ka haw ngei maia,, mahse Hun akal ve zela kan hmangaih te chu kan haw reng theilo tih kha adik ani mahna


"Lo kal ngei ngei rawh aw,",


"Aw le,",, tih leh dah ka rual,,


"Tunge a,, ", mit ko alo san nghal euh euh


"Anniversary ah hian engnge an in pek ṭhin,",


"Tehdaiha", Ati hliai


"Ka Nu te Anniversary ani dawn a",


"Ohooo,, anih chu i kal ve dawn tihna ami?",,
Ding hluaiin ka kal dawn thu ka hrilh,,


"Kan haw mai ange,, Mut hma zan ani mai",


"Aw aaa thingpui pawh ila in hleinem maw?",


"Ka Zun achhuak palh ang",, anui hak hak thingpui te hi ka ngaina lemlo a sen hang ngat phei chu luak ati chhuak..


Zawma arawn lang ve hlawl,, "khawnge i haw dawn ami?",, inchhung athlek duk duk


"A bialnu arim,, ka haw dawn asin,",


"Va kal ve ang",, tiin min kai nghal dawr dawr


"Va ho e, ka mu duh ania,",


"Ala hma,", , ka thaw hak,,
Zira Bialnu te In kawt kan thleng tihin ka phone arawn ri Zirtluangpuia ain ti kalh


"Bawiha khawiah nge i awm",
Lut ang tiin Zawma ka mit mei


"Ehe, an lo phone hman cheu ami?", ati hu,,
Chhuatah Nure-i (Zira Bialnu Nu) chu an lo kil bial laih,,


"Tinge a", , pan ve vatin a mar ka dek


"A rawn tlu thut a,,engtin nge kan tih ang ",,
Thisen ka hmuh rualin an rawn hmu ve chiah aniang an rak nghal ṭhat,,


"Puan thianghlim in nei em?",,


"Damdawiin ah phur chho ang u khawnge in Motor,'' zira'n khalh in ahnungah ka ṭhut pui


"Doctor damlo kan lo phur minlo nghak ru",,

"Aw le",, ti sapin ari nghal rak rak..


Damdawiin kan thlen rualin kan in la lut nghal,,
Exam theih zawng zawng kan exam nghal zung zung..


"Stroke maw?",, Doctor in Aizawl lam ah a refer vang chuan helaia tih ngai leh lehkha vel ka lo buaipui sak nghal Ziran zui ve turin min phut miau vang in Zawma nen Bike In kan zui,,



Doctor in Aizawl Hospital ah a Refer miau si a chumi lam pan chuan kan tlan ngat ngat,, kan thlen rualin minlo buaipui nghal sawk sawk,,


"DrRuatfeli rawn sawi te kha inni ang maw?",


"Aw,, Ni e", , file chu ka pe nghal a en nghal thuak thuak, "phone ah min rawn hrilh tawh a,, tunge a chhungte, Form lo fill up se, ",

"Engnge awm zia chhuante", ati sap


"Investigation an nei ṭha leh vek dawn a,, Zai ngai thut pawh nise buaina a awm loh nan lo kal rawh ka lo tihpui ang che,",


"Zai angai dawn maw?",


"Ka hrelo le, Result te hi lo chhuak se",, Zira chu mit meiin arawn kuah vat,,


Doctor chu rawn chhuak in Dar8 ah an zai dawn thu arawn hrilh, ka rinsa anih vangin inthlakna tur la leh kha ka nia ka tifuh khawp mai,, vawin tlai lama Aizawl kal tum tho kha ka nia haw leh ngai lo turin lo in ready deuh thlap


Thisen pek angaih dawn vangin kan ṭhian ho chuan Thisen kan han pe leh ang lawp lawp a,, an chhungten lawmthu min hrilh liam liam reng,, Zira chu Mark ṭha vet vet tak a ni aruk in kan perh kan perh mai,, za lo zetin ani alo ṭhen suk suk a..


"Tunge Chhuantea",, Nurse pakhat hian arawn ti lauh,,


"Eng nge nita", tiin ka pan

"Doctor in ako che a",, ka hawi let hu,, min lo en ve ṭhap


"Tinge?",ka ti leh he haw a chhungte nilo a kei min ko daih kha amak ve em a ni..


"Lo lut la", atih leh vang chuan ka zui lut,,


"Chhuantea maw?",, ka bu zauh


"Nunui ka nia,, Rfi Bestfriend,,", kut arawn phar chu ka lo vuan vat,,


" 'OT ah lo luh tir ve rawh' atia,, va inthlak la, Miss a inthlak na tur lo pe la,",


"Aw le Ma'am", pakhat chu akal sawn nghal,,


"Angai kherlo asin",, min nuih sangin
" 'Athiam lutuk ' ati che a kan lo en chhin ve ang che,",, ati leh sap ka ner sak mai..


OT a kan luh hnuah min hmelhriat tir
"Ka Assist tur hi Chhuantea anih hi Phuaibuang Nurse chhuan vawr ,, Nurse ka ti dawn che nge Doctor ka ti zawk dawn che", ti kherin min melh,,


"Nurse", ka ti sup ,,


"ṭan ang u aw,, ",, bu nghatin abulah chuan ka ding,,

Scalpel hming chiah asawi,, akut arawn dawh rualin a hman duh tur ang chu ka lo pe nghal zel ,, room-a awm te chuan min en leh zawk ṭhin tih ka hria ,,


"ṭhui rawh", ati leh sap,, adin sawn rualin ka ṭhui ve nghal amah zawk chuan arawn chep chat zel,,


"Asawi dik anih hi,, in thawk ṭha e",
Tiin achhuak,, a chhuah rualin an thaw hak hlawm mai..


Ka lam rawn hawiin Kut zungpui an ti pir sap sap,,

"In hlau ami?",


"Hlauh chu hlau lo e, ami uap ana , akhirh bawk sia tumah hian a Assist nih kan chak lo,", pakhat chuan ati zawi sap..


"Dr Ruatfeli kha chu afel mawle,,", pakhatin arawn ti ve leh,,


"Ee inkhuaah tirawh arawn thawh kha", , ka bu zauh


"Anawm dawn chu,A U damvat se rawn let tawh se",,


"Dikchiah,, ", , an lo ti tliar tliar,, La enthlak an duh vangin ICU ah an dah rih,


"Eng nge itiha tinge an hruai luh che",


"Kan Doctor khan alo bia a,, an Zai lai kha hmu ve turin min duh aniang,",,


"Ava ṭha ve,, ",,


"Engnge chanchin",
ka chhan hmain Doctor kha rawn chhuakin chanchin arawn hrilh,,


Zira chu mitmei in ka kutṭang pahnih ka hmuiah ka dah zauh, meizial zu ang ka tihna anih kha.


"Engtin nge in awm dawn", Zawma nen chuan min en dun


"Ka Bialnu ka rim nghal ang", Zawman ati sam et ka bialnu nilo te kha ti vel zuah zuah sia


"Naktuk hi Ka Nu te Anniversary ania ka awm tlang ang,",ka ti ve thung,


"Ani maw?", an ti rual ṭhawt..Ka chhang lemlo


"kan ṭawiawm iduh em?", nui sukin lu ka thing


"Anuamlo iti anga sin", zira ve thung,


"Ka haw daih anga ani mai lawm",


"Zira ,, Cabin kan booka kan chho dawn ami,, engtin nge awm in tum", abialnu Pa chuan arawn ti


" haw lam chu muang changin, Ka ṭhian te hian tih tur an nei tho a han ti zo se,, chho leh phawt ila in hmanhmawh em? ", zawma nen mit hmul san akin kan lo in en


Rei mawi tawk awm in kan chhuahsan leh present pek ve ngei ka duh sia zawma'n min bazar pui ve ngei ahre bik tawp silo,, atawpah phei chuan amah ka bazar pui ani hawt athil hlir kan khai tawh..


Hotel ngaiah bawk in vawm lut leh in tha tharin kal leh mai kan rawt tawp inthlak na akeng ve silo a alei thar vek miau,, chawhnu ah Zira pawh arawn lang ve hlawl,, nizan mu lo kan ni bawka kan tlai mu dar8 velah kan harh hlawl hlawm,,


ICU a ṭanga achhuah dawn vangin kan va lang leh,, aluh tak tak theih tawhloha kan awm rei lo,, Zawma chiks te In lamah kawi leh zuaiin athil lei sak kan dah ani zawk mah,, athil phal ka tih tawh kha pawisa lah angah kan tan phei chuan ui anei ngailo..



Mut dawnah phone ka bih ve leh chauh,, dar10am vela Kan Doctor-i message kha zan dar 10 ah kan reply veleh chhakah


Video minlo thawn chu ka download nghal,,
*ka ṭhiani hialin afak che ania,, i thiamna hi ka lo ui ṭhin*,, kan chetla lai kha Video in anlo Cover tih ka hre ve chiah,,


*Keiai thiam an tam alawm,,* tihin ka reply, ka in ngaihtuah reu viau bawk hahthlak hiana


Eng eng emaw sawiin dar 11 pelh thleng kan in bia,, chhunah mu tawh tho mah ila mutchhuak in min rawn zem chiai chiai a ka lo mutthilh san daih,,


Zingah thupha kan chawi leh ahh in ngaizawng ang maiin ,, ngatan mah ati awm tawp silo..


Zawma Bialnu in min bazar pui ve leh,, keini ai thlawt chuan lei tur ahre deuh alawm athlan ho ah duh kan lo thlang,,


"I rim chu",


"Tinge?",, min en dun hâ


"Timah,",


"Arimtui lo ami,, ka lei thar ania, rimtui ka ti viau asin,",


"Nia arimtui alawm ",, zawman hnim pah chuan alo ti ve vat


"Arimtui lo ka tih loh kha ka Nu rim anam, ", ka ti chu Zawman min ngaihtuah hmel zetin min melh,,


Abialnu chuan,, "ani maw, Naktuk Mother's day ania i present duh em, ka leina ahla lo,", alo ti nghal var


Zawma chuan aw thian kharhin thil dang a sawi
nghal,, tlai dar 3 an tia dar2 ah chuan ka hman ep awp tawh lutuk ka zam vang aniang ka zung sek,,


Ka Favourite Jeans Jacket dum hnuaiah T-shirt var ka ha leh tawpa kekawr dum dak hlap nen ka sam pawh uluk zetin ka ti phir bawk..


"Kha kha i ha dawn ami?",
"Um, Tinge?", min en vung vung,,

"Min ti Confi lo ania",


"Chiks an tam dawn sia,, Vawikhat an en rual chea mit an lak sawn tawh loh nan chhelo deuha i kal angai",A bag ahai rak rak,,

"Kan Size ain ang hei ha teh", ka in thlak ve nghal,,

"Good", ati chu ka in hmu ṭha in ka in hmu chhelo nghal ngawih ngawih ṭhian te nge nge kan Confi pui ṭhin e..

Thla te kan han in lak leh ang lawp lawp a,
Min en ve duh em , kan lo in Post ange,,

inbound8990242857870979846.jpg



"Ka kalpui chu i duhlo tak tak maw?",


"I Bialnu lo rim rawh,, darkar khat hnu velah minlo call rawh aw", nui sukin abu nghat,,


Kan in hrethiam thei ania,, ka tleirawl chhuah sual kha chu ka Nu vang hi ani pakhat a,,


"Chaw i ei dawn lo tihna mi?",


"Athawh dan azir,",


"Ei mai mai rawh, , keipawh chaw eiah min sawm a",


"Ikal dawn tihna?",, abuk nghat rualin ka ner sak thung


"Zahna te hi i pianpui ve silo a maw?",


"Zahna tur a awmlo e , ka insawm pawh nihleilo,, makpa atan min iai mawlh lo ani e,",, a faifuk zui hlarh hlarh..


Tlai duhlo mi ka ni miau a dar 2:30 arik meuh chuan Hotel kan chhuahsan fel der tawh,,


"Good luck,", kut zungpui ti pir veuhin kan in ṭhen hrang,, len na tur te hi ahre bik ania akhawilam ṭhian nge ahmuh leh dawn pawh ka hre tawhlo, a sipai ṭhian ani ta in ka hria..


An lawmna hmun tur Royale Lalawi Hotel lam chu ka pan,, Aizawl mi ni ta lo chu a sakhming pawh ka vawikhat hriatna ,,


Parking ka tihfel laiin Scooty pakhat arawn thleng ve chiah, puih mi la rawn dil zui ka Helmet ka phelh chiah chu


"Chhuanvawr ", ti thawm ka hre nghal,, ka hawilet vut,,


"Ehee Pi", ka ti hluai


"Engnge itih dawn", kan ti rual dun leh
"Hei minlo dah ṭhat pui phawt teh",, abula bike ding chu ka siam rem sak nghal henu hi chu thu hi min pe reng mai ni..


"Besty,",,, ti lang lang thawm kan hriat na lam chu kan hawi dun ,, Doctor Nunui kha arawn lang ve leh hlawl,,


An in kuah vel chu ka lo en tawp hmeichhe ho hi chu an Over ve ṭhin ngawt mai,, an aw rawl aring si


"Bawiha", ti ri chuan min hawi tir leh dawrhhh,,Ka Nu leh Mi pakhat coat nena in duang zaih chu an lo ding dun a Pasal chu ani ngei ang..


"Bawihi in lo thleng tawh maw?", ti thum dat tu chu melhin ka bula hmeichhe ding te chu ka melh leh hu


Engnge thil thleng mek hi,, ka Pahrawn fa te chu hemi te hi tihna ami,, ka Pi khan Doctor an ni atih kha maw,, kan Doctor iii nen hian unau kan ni tihna maw??????....



End Of Chapter-4


Film ah pawh atawpah alanglo ruam an dah ṭhin ang deuh khan tlem kan dah ve ange


Zawma Bialnu in Perfume aleina asawiah chuan lutin Perfume ho chu ka va en ,
"In Pack thei em?",


"Aw thei e, minlo nghak lawk rawh aw", bu nghatin ka en kual leh,,


Bakilh an dah khawm na chu pan in ka thlang nghal malh malh,, kan Nula Senior-i kha avui em maia kan hawn sak ve ange..


Ka Pi hrechhuak thutin Perfume pakhat chu ka va thlang leh aw ka Pu pawn aduh ve leh ngei ngei ang,, engmah aduh hi asawi ve ngailo a kan hawn sak loh hian alawmlo leh tho bawk sia ,,


Upat hnu hian an naupang ṭha leh an ti hi adik tak tak ania ahrechiang tu ka nih hi,, kan Khua ka chhuah san hrim hrim hi chuan thil ka hawn turah hian an lo ngai tawp zela, sweet chauh pawh hawn ila an lawm em em leh thung a..



Shawl sendang no zet chuan ka mit ala leh tlat,
Ka mitthlaah kan Doctor in a bat lai arawn lang nghal chuaih chuaih lu kan thing leh ringawtah


"Engnge ilo phut ran ve rik ngawta", tiin ka awm chu ka beng ka khi leh vur vur


Ka kal pel zet tawh chu ka let leh ka mitthlaah acham leh reng anga ka leilo kha ka inchhir leh ngei dawn tih ka hre tlang vek miaua lei ila ahim ani mai..


Ka intifel zo chu ka thaw deuh huai,, ka hlim veng veng bawk..
Ka thil lei ka en a, ka rilru arawn buai ve deuh


Tinge kan Doctor hi thil hawnsak ka tum zel le, ka la hrechhuak hmasa ber ziah leh nghala,,


Ka duh ti dawn ila ka duh awm ka hre bawk silo a,, aaaaaa aho mai mai alang ve ani mai..
Show post links
Top