Ka Mit ngeiin hmu mah ila a kâ a ṭang ngeia ka hriat duh vangin ka in turn deuh pawp,,
Mahni zeldin leh rindan vang mai maia thutlukna kal pui zung zung mi ka nilo ,,
Kawi khat ka tlan leh chu Wrong side a motor rawn tlan nen kan in su chawrh , , ka awm ruh na nghal ngut ngut chu ka feel thei , ,kawngkhar hawngin ka sam chu ka tuai chho puat ka kuta thisen kai chu ka melh vung vung ,
Min rawn Su tu motor lam chu panin an kawngkhar chu ka hawng 1 chauh alo ni ve hlauh arawn tlan chak bawka alu asawh na aniang thisen pawh akai nuaih mai ka kawr chu hlip in a lu thisen rawn chhuahna awm chu ka hmet bet ,, Ka lu ahai ve chem chem ka phone ka phawrh laiin Bike ri ka hria atlan chak hmel em em mai, atlan chak dan chu ka phar ding hman dawnlo sa ,,
Matetea bak ka rilruah a awm lo miau a a number ka zawng, ka mit phe vangin ka hmu lawk theklo ka thing leh nak ṭhin , ka Phone screen a thisen far kalh ka hmuh rualin Bike break ri hrawk thawm ka hre zawm..
Hawi turin chakna ka neilo ka awn zui riai riai
"Bawihi", ,
"Bawihi", , ka Pasal aw ka hriat rual chuan ka thaw aveng huai mai,,
"Ka tihpalh ",, ka ti sep ,
Bike tlan ri ka hriat kha amah lek hi,, ava han tlan chak em em ve mawle
Lu thingin intih harh hram hram ka tum,,
"Hepa hi athi ange Damdawiin pan pui vat ang, keichu ka ṭha , buaipui rawh,",
Amelh ve vut,, abawihsawm laiin ka Car chu tih nun ka lo tum a nung thei mai lo,, Ka Car hma chu hawngin ka melh vang vang,, lu ka thing leh rih ṭhin,, Kan ṭhian ho a Motor siam kan zir kha ka chhawr ṭangkai hun chiah ani e..
"Bawiha lo Mut luh tir rawh, ",
"Siam i tum ami a",, kan Motor ah chuan akuah lut ,,
"Lo start teh",, ka lu ka thing leh nak,,
Arik rualin ka ṭhu lut ve nghal,, mit ka chhing nghal chial, , "i ṭha em?",
"Aih", ,
Ka kutah arawn vuan vat, ,
"Tunge kha nu kha tinge i zungbun i bun loh, ",
Ka meng chuanglo thisen thang rim chuan ka luak ati chhuak lutuk,
"Zungbun maw ka ,, ka lo la bun leh hman lo anih hi kan phelh vek zel tih i hriat kha ",
"Anih leh,, keiaia i ngaih pawimawh zawk kha tunge,, ka Call pawh i hmet Off hmaka,", ka ṭawngkamah ka lawm loh zia ahria ang chu,,
"kan Professor ania min rawn ho a ", ka nui seih ka thaw zui ham ham bawk,,
"Ka tihpalh", ka ti nawn leh,,
"Engvangin",
"Hriat chian tum hmasa lo va khatianga ka awm rik ngawt vang khan,, ",
"I rawn let leh alawm",
"Bawihi",,
"Bawihi", ka kut avawn chu ahum nghet sawt,,
Muang changin ka meng, min lo melh ngar
"Kawng en rawh ", ka ti sap ka nuih seih bawk,,
"Kan thleng ṭep ania,",,
Uluk taka Ka Pasal hmel chu en in Mit ka chhing,, hla pakhat ka rilruah arawn lang zawk,
Lana Del Rey in mawi lutuka asak
Young and Beautiful kha
Dear Lord, when I get to Heaven
Please let me bring my man
When he comes, tell me that you'll let him in
Father, tell me if you can
All that grace, all that body
All that face makes me wanna party
He's my sun, he makes me shine like diamonds keipawn Matetea ka dil ve ang..
Kan in tawn tirh ata tun hun thlengin ka ngaihtuah na ah arawn lang nghal zut zut,,
Kum em pawh la rallo mahse ka tan a hlut zia leh ka Nuna hmun pawimawh achan thuk tawh zia ka hre fiah kuar kuar,,
"Bawihi",, min tih harh tum zetin min sawi pah deuh,, "ka hmangaih che Matete", ka ti sep,
"Bawihi kan thleng ania,",, ka taksa kang delh delh chu ka la hria ka Hmangaih thu ka sawi hi ahretheilo nge ni min chhang let miahlo,,
Ṭum dang chu ni se ka an khum leh tawh ngei ang,, Ka ṭawng angaihsakloh te hian ka lawm lo em em a ka sual ve thei bawk sia maw,,
Atan a ka tlin loh zia te ka ngaihtuah chhuak kei Cancer ei bang mai mai hian ka phu lo tak zet..
"Bawihi",
"Ka la thi nange?",_
Ka kut vuanin anui suk,
"Ka kal tir phallo che alawm",,
"Keipawn kal ka la duhlo inthiamlo deuha kal san che ka duh lo a ",
"Inthiamloh na tur pakhatmah a awmlo ania",
"Pathian hnenah Lalramhlua ilo kal tir ve nghal dawnloh chuan min la hruai rih suh ka tia", , anui suk,,
"I han vau tihna ami a",,
"Um , , Fa pawh ka la hrin sak lo a ka la kalsan theilo ka tia min rawn thawn haw leh alawm",
"Alawm awm hlauh anih chu",, tho hluaiin ka bulah chuan arawn in thawlh,,
"Midang an awm lo ami?",
"An haw tawh a,, ",
"Ka thi rei em?",
Makti zetin min en,
"I hria ami?", ati sup,
"Ka thih maw?", ka lo ti ve leh,,
"Um, , minute khat vel chu i thi zuai",
"E , , ka lo thi tak tak ani maw?", ka ti chu anui hawk ka hmai si chetin arawn awm hnai ,,
"I thih ka phallo ka tih kha", ,
" ka Hmangaih che aw,, ka hmangaihna che hi nitin mai hian azual a,, nangmah vang hian ka hriat miah lohin ka lo nui leh ṭhin,, hmeichhia ka rilru tibuaia ka Mittui ti tla tu awm chhun ini bawk,, ", ati sup,,
"Ka hmangaih che ka tih khan min chhang ve mai ta che",, lu kan uk in min en,
"Engmaw i sawi", ati hâ,, ka hmangaih thu ka sawi kha alo hremiah lo amaw,
"Min su tu kha engtin nge a awm tak athi em?",
"Aih ,, kan khing duh angem?",
"A ngai kherlo,,",,
"I thi hman sia khin ngei ngei ka lo tum asin",
"Ka dam tawh hi,, ", , min kuah rual chuan ka lo kuah let ve vat
"Ka ngaih thu che ka hrilh tawh che em?", , nui sukin lu athing mit achhing tlat,, dar8 bak ala ri tawp silo,,
"Ka ngai che aw ka Hmangaih bawk che",
Ka chal afawp zauh,, "ka hmuiah i fawp dawnlo ami?", ka ti leh hram,, ka zaka dawmin min chawi chho nawlh min fawh chhunzawm nghal vang chuan hamhaih zetin ka meng kur,,
Amah chu tawlh hniamin ka awm zawnah lu aphum kak ,,
Nurse lo lut chu kan awmdan vang chuan ading deuh chawt,, ain siam rem leh nghal vat
"In Pa chu achau tawng khawng tawh ani maw,, Ilo harh nghakin amu duh reng reng lo a,, ",, arawn ti lut siam siam
Ka venflon ah chuan damdawi chiu lutin a phelh zui nghal,,atuka kan chhuah theih dawn thu min hrilh chu ka lawm viau Damdawiin hi ka ning ,, athawh pawh tih tawh naklaia ..
Ka Pasal muhil bawrh bawrh chu ka thlir reng ka khawngaih thar sawt ka awm a kuah hnai sauhin ahnung chu ka beng thek thek,,
"i ṭha maw,,?",, Doctor ni ngei tur hi arawn lut,,
"Um", ka lo ti zawi sap,,
"kan ṭhiana chu Damlo zawk ang mai,", Matetea chu anuih ,,
"kum 10 chuang chu kan in hre ve tawh ang , Khati em ema ahlauthawng hmel kha ka la hmulo,, Damlo tam tak kan zai duna Natna chi hrang hrang te hautak tak tak te pawh ,, Vawin anga a nervous leh tih tur ber hreloa atalbuai lai kha ka la hmulo", ati zawi sup..
"Atan mi pawimawh tak ini ngei ang ", ,
Nui suk in ṭhut hmun ala rem sauh sauh,,
"Amah vang liau liau a dam chhuak leh inih kha aw, Kan beidawn hnuah pawh beidawng duhlo in CPR ala pe fan che a,",, ka meng deuh kawk anui leh suk..
Matetea muhil bam chu asam ah chulin ka en vang vang ,,
"I lu ah hliam chhe te i neia abak Hliam dang ineilo a Result lah aṭha vek bawka,, Naktukah in duh chuan in chhuak thei nghal aw,",
Nurse khan asawi tawha ka hre tawh..
.
.
Damdawiin kan chhuahsan a ṭang pawn thla hnih lai aliam ve leh reng tawh,, ka la rai theilo chu hreawm ka ti tawh tak zet ,,
"Babe naute Chapal ka lo thawn chu i lo hmu em?",, Ka Video Call bawka aner sak pawh ka hmu thei ,,
"Han bun tir teh",
A Bata Slippers ang chiah chiah ka lei saka a cute ngang mai,,
inbound4319858772916071477.jpg
"Ka lo Screenshot lawk ", ka ti chu thlalak in ka lo thawn ang che arawn ti ve nghal ,,
"ka duh lutuk ka seh nawk nawk chak",,
"I ṭha maw rilru nawmloh na inei ami?",
"Aih,, ka ṭha engmah ka tih an phal lo a ka thau i ti em?", , lu athing nar nar
"Ka lo zin leh chak", ka mittui atla ringawt ,, alo hmuh hmaihlo nasa mai,,
" i ṭha em, tinge a,",
"Ka Period dawn aniang tun lai chu Mood Swing ka nei nasa lutuk",,
"Ok,,, Rilru hahna emaw rilru natna inei anih chuan min lo be thei reng ka tih kha aw,",,
"Um,, dah ang ka ṭah iti chhuak,",
Nui sukin adah ve mai..
Kan Pa chu Video Call leh in alak rual chuan alo haw hun tur ka zawt nghal ,
"Balhla minlo hawn rawh", kan tih leh hram kha thil min hawnlo chuan a awm thiam tawhlo aniang nge ka sawi kha alo la hre reng zawk
"Test kit pawh ka nei tawhlo ania",
"Bawihi", ati sup ,, akhat tawk hian ka check reng aninawm zawk mai thei a ni tan chuan ka check apiang hian rilru na in ka mittui atla ziah leh nghala , chuvang ania tunah pawh hian hnim ruiha ka hming alam ni..
"I lo haw dawnah lo sawila ka lo hmuak ang che",
"Um, ka rawn haw hman ṭep_", nui lui sangin ka dah ka mu thla hnak , hna ka thawk zawk mai dawn amawnle ngaihtuahna pawh kan kawm hmanlo deuh anga..
Hna ruak te chu kan en leh rihah, Matetea pawh ka hmuah theihnghilh daih,,
"Minlo hmuak dawn amaw ka tia", Light arawn On eng uarh,,
"Ehe ala reilo viau amaw ka lo tia ",, ainthlak na tur ka lak sak nghal thuai thuai,,
"Engnge ilo tih a min hmuah theihnghilh tur khawp in", ,
"Hna ka lo zawng", ,
"Ngati maw?",, alawm hmel chiahlo
Ka chhanglo chu "ngati nge hna chu i zawn ", ati nawn leh, , "pawisa i mamawh ami?", , kan ngaihtuah dan avan in ang lo ve mawle,
"I mamawh chuan sawila ka lo thun belh ang,, ka Card i hmang duh bawk silo", , A card min kawl tir atuma ka duhlo anih kha pawisa te zawng ka ngah lutuk ka Pa pawn ala rawn thun reng,, Hna ka kal zawm silo a pawisa ka neihloh ahlaua, mi hi chu a hmangaih ve hlarh hlarh em
"Chutiang lam anilo,, In a awm ka ning,, ",
Arin loh lam daih ka sawi tih hriat zetin min en hâ
"Kan chhuak dun dawn ami?",
"Aih,", ka ti leh si chu ahrethiam lo teh e
Chaw ei ahnaih tawh vangin kan in zui thla Zuali te Nu Fa pawh an rawn chhuak ve chiah Matetean alo lak sak nghal,,
Anu awmloh lai chuan ka laksak ve ṭhin,, Anu a awm erawh chuan ngaihsak lo deuhin ka awm thung ka sual ka chhuah ve na ka Nu pawn min en liam tawp ,,
"Chaw ei siam ru Inkhawm ka duh,, Boihboih in khawm ve la ", , Matetea alo nui tut tut anuih ai ah aw ka pawh min en hau mai ka hmu lo der hmak,, ka Nu erawh alo phur nghal hurh Zuali asawm veleh chu ka lawm vaklo a aw ve ang tih ka hlauh zia chu
"Nau awmtu ka neih dawn te chuan apawi hleinem,", ka melhrum lo chauh
"Ka lo awm ang i inkhawm duhna anih phawt te chuan", ka ti deuh kher,, ka Nu'n min en nghal he haw ahma lawkah ka inkhawm dawn ka tia
"In Pahnihin ka inkhawm pui duh cheu alawm,, Matetean Naute chu lo awm mai rawh se, , Inkhawm ho ang u ka chak na arei tawh lutuk", ati leh zel takah chuan engmah ka sawi tawh lo kan in kawmngeih hi alo thla hlel awm hle mai..
"I inkhawm dawn tak tak ami?",, Room ka luh rualin arawn lut ve nghal min zui tih ka hrelo reng reng,, Naute pawh ala pawm reng
"Aw ", pawr tak hian ka ti engnge maw thinrimna tur hi ka zawn reng le,,
"A ṭha alawm,", ati zawi sup
"Inrinni Zanah pawh ka Nu ka zui ang ,, Nau ka pai theih nan ṭawngṭai thupui ah ka thawh dawn ", ka ti leh chu min en vang vang,,
Tlai lama kan thil sawi zawng zawng nen angaihtuahna akal thui viau aniang angawi zui reng..
Kan Pathuma kan inzui chu ka Pa lawmah alo tla "Matete Thla han lak sak hial teh", ati lung lung ,, ka nu Bana ka kaih rualin Zuali chuan arawn kai ve kher ..
Bible pawh ka kenglo chu ka Nu'n hla bu min ken tir hram , , Biakin lamah kan in zui phei ve hnak hnak ka Nu titi chu kan ngaithla dun reng Zuali pawn azawm ve zauh zauh , sawitur chu ka hre ve thoa mahse ka sawi peihlo ..
Biakin kan lut chu min lo en duh teh e ahnung a ṭang kan lut bawk silo, ka Nu lah pek chuan tlar Hmasa berah minla ṭhut pui zuia ,, Nutling pui pui vek an nia ka zak lem lo,, khuang nen teh tlawng an zai chu Ka nu ka hrilh ru sar sar abu nghat ..
Keyboard an dah na lamah chuan phei in On pawh an lo On lo,, Buai pui nghal that thatin ka hmet ve hmak an zai tui sawt in ka hria ,,
Inkhawm an ṭana , Hla an sak leh hnuah ka Nu te bulah ka ṭhu phei leh, , chil chhak phak lekah a awm thoa zai hunah ka ṭhu phei ve leh mai ang chu..
Inkhawm kan banga haw nghal daih ka duh laiin ka Nu an rawn biak vang chuan kan ding leh inkhawm ziah tur te chuan min ti luam ka peih teuh lo maia ka Piantharna in atlin lo chutiang,,
"Nu ka haw dawn ka ning ",
"Aw lo va haw mai rawh u",
"Zuali lo la nghak rawh",, ka haw pui peih teuhlo
"Nu ka haw ve nghal mai ang", , ka in her san hmak, , ngawi rengin kan in zui haw ka be peihlo a min be chuang biklo,,
"In va bang hma ve ,, khawnge i Nu", Zuali chhan turin ka dah,,
"Thingpui i in tawh em Pa?", ,
"In kal hnu khan ka in a tinge i in chak ami,, ka in leh duh reng, ",
Bu nghat in Choka ah ka lut , Zuali chuan aduh veloh thu arawn sawi ka rilruin hnial leh pek mah ila
"Ok", kan tih chhuah ve tak kha,,
Ka Pa chu thingpui pe in , chho ta mai lo chuan abulah ka ṭhu ve , ka Pu awmna ka zawh chuan amut tawh thu in minlo chhang vat,,
"Pa",,
"Um, engnge ni?",
Min ngaihven ngang mai,,
"Pa ka Nu te an la bang lo ami?",, ti ri vang chuan ka ngawi leh rih,,
"E, Bawihi ",,
"Ka han inthlak ve ange ", ti sap in ka tho ka Nu pawh arawn lut zui ve nghal, ,Thingpui aduh leh duhloh ka lo zawt vat ka siam sak leh rih,, Matetea thingpui tur pawh siam kep in inchungah kan in zui chho..
"Bawihi",
"Um",
"Hna chu i thawh duh chuan i thawk thei reng ania tuman kan dang dawn lo che aw ,, In lam lah Zeli a awm a ngaihtuah angailo", , kan inkhawm chhung zawng khan alo ngaihtuah tihna nimaw...
"Kumthar lamah ,", tih ringawt in ka chhang,
Naute adah dawn aniang achhuak nal nal,,
Inbual tum chuan Bathroom ah ka lut ka sam chu Shower Cap chuan ka tuam nghal mawlh mawlh,,
"Bawihi", arawn ti leh lung lung mi hi a au ve reng , Bathroom a ka awm thu ka sawi rualin arawn lut nghal , an in phelh ve nghal ringawtah kan inbual dun hi chuan kan inbual rei thei lutuk
Zing ka harh chu ka ni deuh nghulh mai,, min lo la khan bet nasa ,, Sana ka en a dar7 chiah chiah ka tho ṭhang tawh bawka ahun ah hi chuan ka harh ve thei tawh lutuk ..
"Ala hma", ti sup in min kuah ṭha sauh sauh,,
"Mo ka nih hi",
"Aho", an tiah,,
"Ka va zung lawk",
"I chhuanlam", ati leh tlat
Ka pum rawn no nghulh vanga ka uak ṭhat chuan aṭhut tir zawk, kan in en phawk dun ngang mai, tho rual dun zawkin bathroom ka pana anin abag ahai rak rak thung ,,
"Kha", test kit min rawn pe
"I ring ami?",
"Aw, , ahma i rai laia ka awm dang ang khan tun lai chu ka awm ", an tiah,, engtin tak awm maw
"Lo chang rawh", test kit chu pe in inhnuaiah ka chhuk san ,, Choka ah ka lut a Zeli chawhmeh siam rim ka hriat rualin ka pum arawn let leh but,, Bathroom lam ka pan nghal nal nal
"I nuamlo ami,, i va chauh hmel ve tihpui ka ngai lo ania han chawl hahdam rawh damdawi i ei em?", ati nghal luam
"Bawihi",
"UMatetea lah hi a", ati hlak hlak , ahre zing ve em a ni,,
"Bawihi ", Test kit chu rawn lek in "pahnih ain rin a dik em?", an tiah meng zau kawkin ka lak sak nghal,,
"A ,, ka , ka han test leh teh ang, ", ka la ringhlel adik lo ve thei tlat,,
Min zui chho leh nghal vatin kan test nawn leh fiah lo deuhin rin hnih hian ain rin leh ,,
"Vawinah kan in entir dawn nia", , phur zetin ati nghal,,
"Lo diklo ta se",
"Adik ang,, ka sawi chu ahma a irailaia ka awmdan ang chiahin ka awm ", , duat zetin min kuah nghal hlu hlu dik se ka ti tak zet..
Hospital chu kan thlenga ka thinphu ran zia hi arawn pawk chhuak daih ang tih ka hlau,, Min kai chawta engmah ka ngaihtuah ṭha theilo ka rai leh lo ang tih mawlh ani ka hlauh ni..
"Matete ka , ka railo anih chuan ka ",
"I rai dawn ka hria", , ati sup ka darah vuanin achul hliau hliau..
A confi mai sia maw..kei kan hlauh thawn nen
Ka kut khur dar dar chu arawn vuan ka mittui aluang thla pap bawk,, "lo kal teh", min kuahin ka beng bulah "ka sawi kha Pa hriatna hi asual ngailo", ati zawi sup ,,
Kan chhungte pawn min lawmpui thiam ngang mai an Tu hmuh hmasak ber tur ang maiin an lo lawmthiam ka Nu leh Pa pawh an rawn lawr phei rang lutuk,, Chaw te ei ve nghalin dar10 dawnah an haw ve chauh ,,
"Ka in dim tawh viau ang", ka dul thep thler chu ka chul reng mai , ,
Ka Nau pai chuan ka Mize tam zawk min thlak tir hlawka Zuali nen pawh kan in be ṭha ve tawh lutuk ,, Nau pai laia eitur leh eiloh tur te min hrilh ve mawlh mawlh ṭhin..
Ahma ka Nau pai hmasak ang em em khan ka haw tawh lo bawka,
Thu pawh ka awih tawh lutuk Naute chung chang anih tawh chuan uluk takin ka ngaithla a ka zawm thlap thlap bawk ,,
Christmas pawh ahnai ve zela ka Naupai pawn thla 4 hmel ahmu ve der tawh,, Zin pawh ka la duh reng Matetea hian ala phal full fill lo a mahse aphal tho chu ka ring ..
31 zanah inkhawmpui tur khan chhungleh khat te an sawm a ka Pu tello a Christmas an hman hmasak ber tur ani bawk nen ka Nu leh Pa pawh an chho ve ang,,
"Ehe,,Tinge min lo phone loh a ", ka tho tur chu tho lo tura min ti in, a kawrlum aphelha ka mal chungah arawn bawk thlawp,, ka dul rawn puar ve ak tawh chu achalin arawn si nghal ,,
"Thil thleng a awm ami?", ka dul chu fawp zauhin ain let asam ah ka chul nghal Vat, tia asam khawih sak hi nuam ati ve a..
inbound6545335265811457780.jpg
"Vawinah ka Damlo pahnih ngawt an thi a", ati zawi sap
"Ava pawive ", hreawm atih theih zia ka hre tawh bawk a ka khawngaih nghal tawp ,,
"Lo mu ṭha la ka lo kuah ang che,", arawn mu ṭha ve mai,, ka dul chu fawp in min kuah than achhipah fawp ve zauhin ahnung chu ka beng thek thek..
"Christmas chu kan hmang dawn nia ka Pa pawn hmang chho ru atih kha",, ka Pa chuan alo sawipui ani maw ahma khan ka hrilh hman ta lo a tunhnaiah ka sawi chhunzawm ta chauh kha ania ka Pa pawh anui tawp, ,
"I hman loh pawn ka Nu te rualin ka kal thei tho ania ihman veleh ilo kal anga",
"23 thleng mi zai tur ka neia,, min nghak la,",
"Aw le",
"Engtin nge an ruahman dan", ati leh,, ka dul chu a ṭawng zawngin alum leh ham ham ṭhin,,
"Inpuiah hman ho an tia,,",
"Kan chawl zuai dawn nia", ka nui nghal ver ver ka ṭhian te tlawhlo a min tlangpui chu nuamlo ati ve deuh aniang..
"Kan bul ṭan na hmun ania tlawh ve leh pawh a chak awm ve hrim hrim,", ati chu ka ngaihtuah kir nghal hun hi alo kal chak ve khawp mai..
Zeli hruai ka duh thu ka sawi chuan Zualiten an In lama hman ve an duh sia ka Nu abuai lutuk ang ati thung..
.
.
Kan ṭhian ho a kan in kuah chu min en liam tawp sawitur an ngah dun ngang mai,, ṭawng an in chuh char char Pakhatin afapa chungchang asawi laiin pakhatin a bialnu nupuia sawm atum thu alo sawi ve chhen bawka Zawma pawh kum thar lamah arawn haw ve thei dawn anih hmel..
"Tlaizawng apar leh ṭeuh tawh sia thla in la tawh em?", ka ti chu an phul nghal hlut thla la turin kan in zui chhuak dam dam kan Khaw nawm na pakhat ania hmun tinah Tlaizawng Par hmuh tur a awm a thlasik Boruak zawng zawng nen kan khaw ti ngaihawm em em tu anih ve hi..
Thla te la in kan buai nak nak Chhuantea te Nupa leh keini Nu Pa , Ziran abialnu asawm ve bawk a , "keini ve tawh", tih chu kan chhak chhuah hnem ber,,
Kan Christmas hman na tur anilo miaua Tlai ni nemah Ka Pu te khua kan pan ,, ka ṭawng siam siam renga kan hla play pawh ka ngaihven lo ,,
Young and Beautiful hla arawn ri chiah chu ka ngawi nghal hmak
"Engnge i rui ami ka ding dawn ami?", ati nghal chung ading nghal dat bawk
"Aih, aih, hemi hla hi analh ka ti,, Atawp lai chang phei hi chu ka Accident khan ka hre chhuak zawk a,, ",_ anui hawk,, min fawp leh rih,
Hla chu kan sawi zui luam,,
Ka Pu thlan tlawh te nen kan in tawk kal ve duh viau mahila ka chau rih,,
Christmas niah Ruai ṭheh nghalin kan ruai ṭheh zawhah thlan kan tlawh ,, An lo chei mawi hlawm ngang mai..
Hlim leh Dam takin Kumthar te kan chuang kaia Pathian hnenah pawh lawmthu ka sawi ve ngei,, Ahma chuan ka hmang liam mai mai zela lawmthu sawina chang pawh ka hre lem lo, ka lo puitling ve ta aniange..
In khawm turin kan insiam sap sap ka Pasal langsar bik lutuk hi chu aw kan kal pelh ten an en zui leh sap sap ṭhin..ani lah hian angaihsak ve der lo ..
.
.
Ani tel in ka dul pawn len lam arawn pan ve zel arawn chet hun changin zan rei tak tak thleng kan meng duna kan hlim pui phian ..
"Bawihi hei ha rawh", akawr chu min rawn thawlh nghal sawt sawt,,
"Engnge ",
"Ka kawr i inbel lai hi ka hmuh chakna arei tawh lutuk",, ka dul puar kawh lah chu afawp nghal,
"I va ho tak ,,", ka ti hlak,, T-shirt lian deuh deuh chu ka hausak na zawng tak alawm , Zeli pek ve ngei ka tuma ain hmeh ve hlawl bawk silo ani chu a chera Body fit hlir aha ṭhin..
"Bawihi", ,
Ka nghawngah arawn fawp "iva duh zing em em, ", ti sap in ka in siam rem ve tho ,,
"Lawk", atawp chawt "i zun achhuak ami?", ati nghal,,
"Um, ", min pawm leh rih,, ka nui ahmuh rualin ka ti der amaw ala ti zui
"Uruatfelin Nau aneih dawn khan Chhuantea khan apawm a,, tun hun hi ka lo mitthla", , mit ti zim san in min en,
"Ka rai hun chuan min pawm zo sih sah dawn sia tih vel", , anui suk
"Dream come true kan ti dawn ami?", ati leh ka zun chhung min nghak in min pawm chhuak leh lawp kan hmui chu ain thlah tawh lo hrim hrim amalchungah min ṭhut tirin min pawm kang leh hlek ..
"Bawihi",
"Kan Naute hian min lo dang zel a", , athaw hawk , min din puiin amah chu min hnung chhawn tira min ṭhut pui leh ka dul puar lah chu chul leh te tein kan han ṭan ṭha leh a..kan cial ve thei ania,,
.
.
"Kal lo mai la ka duh a mahse i kal ngei ngei angai bawk sia, tiraw,", , ka chala fawp in alo haw vat tur thu asawi nghal sup,
"Ka Nu a awm dawn a,, Zeli pawh eng emaw athleng anih chuan min rawn call vat dawn nia aw", , min ngaihtuah ve tho tih ka hria nizan a ṭang ka tai anuam tawh lo miau,,
Ka Nau neih ahnaih vangin chawlh pawh ala tawh, vawin hian an thawhpui boral vangin an kal ngei ngei angai sia,..
Thlah pawh ka thlah peihlo ka mu leh than ,,
Dar3 arik meuh chuan ka tuar thei tawh nganglo,,
"Nu " areh diak , ka Naute hi tla tur ang mai hian ka feel,
Pawilo Uruatfeli pawh ain khalh thleng thei alawm mawle ka thei ve awm emai Pawnah chhuakin Car chu ka pan ,, Zeli arawn lang hlawl,
"Rawn chuang rawh", ka ti nghat ,,
Ka thlan atla bat bat tawh Emergency ka pawt hmiah,, "UMatetea i call tawh em?",,
"Aih,, Call mai rawh", ,
Alo la rang ngang mai,
"Ebenezer ka pan mek, ", ka ti hap,,
"Ka rawn kal nghal, Maw!,, i in khalh ami?",
"Bawihiii",,
"Dah rawh,, Zel In lam Call rawh, Nau puan vel kha rawn keng rawh se,", Horn ka hmet pah tuarh tuarh,, ka Doctor pan aṭhu miaua
Gate chhungah ka tlan lut hmiah Matetean alo be lawk aniang ka doctor pawn minlo hmuak at mai ,,
Wheelchair a min nawrin Lift ah min chuan pui, ka thlan atla bat bat mai ka sang chak tawh lutuk ala rem bawk silo..
Kan in mut fel tir hnu lawkah Matetea thaw hluam hluam in arawn lut,,
"Ilo la sang chhuak lo maw? , ", an lo nuih ṭha
"Kan lo nghak che aniang ", ka kut rawn chelhin san ka lo pe leh,, ka hmui ka pet fan fan a lo chhuak duhlo reng reng,,
"Vawikhat leh aw alu arawn lawr tawh ania",
Matetea kut pawh ka hmer na ngat ngat e ka thawk hawk rualin Naute ṭap ri kan hre zui nghal,, " Doctor, hmeichhia in nei e", ,
Ka mittui aluang thla pap, Naute pawh ngaihsak hmasa lo chuan min rawn fawp leh te te , "i ti ṭha lutuk e Bawihi",, amit atle ve ralh,,
"Sir,,, Naute hi lo va pawm chhuak la",,
"Ka Nu te an lo thleng tawh ang va pe ru", an tiah ka kut ala chelh ran min kalsan atum lo tih ka hriat rual chuan nghet zetin akut chu ka vuan ve..ka thla amuanga ka na te chu ka theihnghilh vek thei mai tiang em em hian min dah hmasa in min dah pawimawh ang tih ngaihna pawh ka hrelo ..
Nau ka neih tukah Ka ṭhian te pawh an rawn lang Zawma pawh arawn lang ve hlawl ka kuah nghal vang vang mai ka kuah bik chu Zira leh Chhuanan anlo thik a an lo pawt hrang , an in chei fiam nak nak
Naute lah chu ka chang ve hman meuh lo , an in pawm chhawk reng atlei reuh phian leh nghal,
Matetea erawh ka bulah atap chawta a Fanu pawh angaihsak lem lo pawm en ah pawh a en lo , Ka Pasal leh ka Nu(keima Nu) in min riah puia ani chu amuhil bawrh bawrh tawh,,
Naute mutna ah chuan pheiin arawn pawm ka lo nuih var var ka bulah arawn inthawlh ve than,
"I lawm lo amaw ka ti hmana",,
"Ka kian rih", ati mai, ,
"I hnarte i mit te i hmui te achhun vek", ati sup kan Naute chu ka en chiang ve
"Apa thinlung ang nei se", ka lo ti thung,
Hnute pek pawh zirtir ka ngai lem lo ,, Nurse ka ni tih an hre ve kur hlawm a zirtir en ah pawh min enlo aniang,,
Hnute tui lah chu ka ngah em em ahne seng lo , ka hnute pakhata chhuak tur a awm ve loh vang aniang..
In kan haw ni ah ka chhungte leh ka Ṭhianten min ṭawiawm leh thlap, ,, uruatfeli pawh arawn lang ve hlawl alo chhelo leh tawh lutuk Nula ang mai alo ni leh tawh ,,
Lawmthu sawina te neiin Chaw te kan eikhawm
chawei khawm mai te hi kan awlsam ve hrim hrim..An Zau zia lan tirtu ka tilo theilo..
Matetea hna kal tum reng renglo chu ka Pa pawh a ngaih a ṭha tawhlo aniang akal hun tur azawt ve hlawl..
Afanu nen an in kuah chawta , ka chang ve hmanlo,, 'Nang ai ka Fanu ka ngaihtuah zawk anga i thik dawnlo ami?' Atih kha ka hre chhuak
Thik chang ka nei tak tak,, min duat lutuka min ngaihsak em em bawka,, alakah hian ka lo Pangchang tawh lutuk a nih hi...
Ka Nu leh Pa lah Tu 2 nei tawh mahse Hmeichhia an la neilo bawka Fa lah Mipa vek an lo nei bawk nen kan Fanu chu duat an ni..
"Bawihi",
"Aw",, ka ti lang lang,,
Bathroom a ṭanga ka chhuak chu ka ding dat,,
"Happ Anniversary", , Pangpar chu min rawn pe hnap,, ka theihnghilh chiang lutuk,,
"Sorry", , ka ti sap,,anui tawp,, a birthday te hi ka hre thei thlawtlo,,
Ahmeichhia zawk ka Romantic lo zawk,,
"Insiam la",
"Eng nge",
"Kan in date ang chu",
"Oh,, aa aw, aw le", , angai kherlo tih ka tum hman ka theihnghilh pawh tih tawh nak laia a tjj hnial kan tum leh chu ka va han zahpui awm tak..
Kawrfual sen Valentine's day a min pek chu ka ha deuh hnap,, Bra ciallll chu ka ha deuh thlap,,
Kan chawlhna ah chuan Cake an lo dah,, ṭhulh sak ngat ila chuan a Plan ka ti chhe vek dawn anih hi a...
"Min hrethiam rawh hriat reng ka lo tum tawh ang",
"Kan Fanu i enkawla i buai tih ka hria lawm",
"Rem chang velah thil ka lei ve ang che", ka ti ta tawp...
.
.
Chhuanate Fapa kum1 birthday lawm tur in kan chhungkua tê in kan kal ve Zeli kan hruai tel bawk,, ka sawi kha alo la hre ve reng aniang ka sawi ngai miahlo in Zeli rawn kal ve rawhse ati nghal ,, anuam veng veng,,
Chhuana Nu leh Pahrawn te an ni chu an chhungkua in an kim dawn in ka hria ,, an thleng tawh bawk ang keini chu kan Chawhnu chhuah Matetea chawhma Class anei a, abuai ve thei sia ka khawngaih reuh ṭhin..
"Ka lo khalh chhawk ang che",, Zeli ruih vangin kan ding,, asawi nawi biklo kan Naute chu pawmin passenger side lam chu apan nghal nalh,, A chau dawn tih ka hre miau..
"I zia deuh em?", , tui ka lak sak kan thlen ṭep thu ka sawi nghal kan thleng ṭep tawp silo a ..
Kan khua kan luta kan In lamah kan tlang hmasa in tifaiin Chhuana te In ah kan phei Zeli chu alo kal ve peihlo ka khawngaih reuh,
Ununui leh Uruatfeli an awm dawn thoa ka Pasal hi ahrang lutuk biklo ang chu Chhuana Nu te nen pawh an in hre vek tho bawk a.. A hreawm tih hi ka hlau ber chutiang chiah in amah pawh hian min ngaihtuah ve ṭhin,, kan Inneih hlim pawn hna kal reng reng angaihsak lo a nih kha..
Ununuin kan Naute ahmuh rualin alo la nghal chat,, alo len te hian an In lamah alo haw pui daih zel abuai thlak thei ania..Matetean azuk hruai fo hruai haw alo phallo thul,, thawmhnaw te hi angah ania kan Naute hi chu..
Reilo tê ah kan Naute pawn kum1 atling dawna kan sawm ve nghal hmak,, keini phei chu tun a ṭang an in buat saih tawh,,
Hmeichhia an neilo bawk a Tunu lah an hmuh hmasak ber alo ni bawk nen an duat sual ang tih ahlauh awm..
Kum 1 aliam ve leh meuh chuan Zira pawn Nupui neih zai arel ta tak tak ta,,
Kan hman hun ṭheuh tur chhut thlap in anei dawna kal loh theihloh nghal tawp,,
Kan Pa nen kan in hau ve deuha kan Nu fâ chauhin kan zin, , ka sawi lawk tawh tho a vawinah ka kal dawn tih erawh ahrelo ang.ahna kal hlanin ka kal hmak ,,
"Tinge , in Nu Fa chauh ", Chhuan an ka Fanu chu alo la vat , "ala hman ve lo a,", ṭha deuhin ti mah ila a awih lem lo aniang aner nang mai..
Engmah min zawt zawm chuanglo..
In lamah kan thawm hnaw ka dah phei Ka Fanu erawh Aputea bulah a awm,, in hmu khat viau mah ila angaina em em tho..
Kan ṭhian ho tê in Zawma te thlam ah Zira tlangval kan sun pui, , an Motor hnunga khai tur Beer kan dawm far bawk, Puan In kan kaih sa leh thlap a duhtawka in chiah kan hmabak,,
Ka Fanu pawh Uruatfeli te bulah ariak ve mai atlei reuha a Patea bulah pawh min riah san daih zel thoa ka ngaihtuah em em lo,,
"Zawma chiah abang ta Aizawla i thlun kha ala nghet ṭha em?",, Chhuanan atih chuan phur zetin "ka suih bawk ṭha alawm", alo ti ve mai,, an ni rei thei phiana amak zawk..
"Keipawh kum thar lamah ka ti ve ang", ati bawrh bawrh,, Khawma lo in pu phei chu alo au leh lung lung ,, An lo in hrilh leh hman pek amawni,
Ka rilru hria ni awm takin "ka hrilh lo", ati nghal vut,, a Fans diktak a ni e..
Dar1 ah an inneih dawn vangin Zingkarah kan chhuk thla zingkar tihah dar6 apel tawh,,
Chhuana te In ka lut chu Kan Pa ka hmu hlawl thil tisual ang maiin ka ding deuh chawt,,
Chhuana erawh chuan abe nghal bawrh bawrh,, be ve lem lo in an Choka ah ka lut a thingpui ka chhuang nghal,,
"Zan khuain ka lo tlana", , ati sup, dawhkan nghengin ading at,
"Call i chhang thei silo a ka Ngaihtuah viau bawk che u,, ", , ka la ngawi reng..
"Bawihi", ti sup in min rawn kuah, ,
"Ka tihpalh", ati leh chu ka thaw deuh ham ham kan in hauhna chhan pawh hi aho lutuk,, in hauh hi ka cho ar renga tun lai chu keimah pawh hi in enfiah ka ngai, ,
Ka thiamloh zawk anih pawn ngaihdam min dil hmasa hreh ngailo ,, athiam loh anih leh lek phei chuan hreawm ati ngawih ngawih zel..
"Ka thiamloh zawk alawm ka tihpalh , ", ka ti ve vat,,
"Kan ṭha tiraw",, alama in herin ka fawp zui nghal,, min rawn chhang let rang ngang mai,,
"Ehemmm in rawlh chu duhlo viau mahila in thingpui chhuan kha aso tawh a ",, ti tu chu lalchhuanvawra ani ,, rum tawk a ka melh chu dar san zauhin "Gas te kha ren ve ula ", ati leh hram..
Matetea chu mut luh puiin min kuah deuh chial,,
Alo thleng deuh chiah ani awm e ka Pi sawi dan a ṭang khan,,
"Dar engzatah nge irawn chhuaha",
"dar10 velah niang,, emergency a awm leh a",
Ka va khawngaih hnup hnup ṭhin tak,, ka awm ah bei kak in min kuah ṭha sat sat,,
"Ka Naute ka han ngaihven lawk ang",
"Min ti mu phawt rawh", an tiah ahnunga beng thek thekin ka nui deuh var var,,
"Ka Naute hi mu hle hle se bei hle hle se,", ka ti chu anui hawk...
Dar7 pelhah ka tho chhuak achau ngang aniang aharh eihlo,, Uruatfeli rawn chhuk chu an la harhlo ami ka lo ti vat,
"An la mutui dun lutuka ka lo thawh san ", ati ve mai bu nghatin eirawng ka bawl pui ve nghal mawlh mawlh..
"Lalṭhiana chu kai tho tawhla ,",, Naupang pawh kan siam fel at tawh ala mutui lutuka ka la kai tho duhlo deuh
"Matete,, ",, ache chang lo kal hnaiin ahmai bul setah, "Apa", ka ti sep,, anui suk,,
"Tho la, , ",, ka kawnga lo man in arawn meng sen ram,,
"Dar 12 leh chanve ari tawh a",,
"Thawmhnaw pawh ka lo keng hleinem",
"Ka ken che alawm", , mit ko asan ak
"Tho la va in ti fai rawh", , ahmui rawn tih kawh chu ka lo si ve nghal,, in pawt tho in bualin lam apan ahak tur ka lo la chhuak vat,,
.
"Chhuana hian Mask anei angem Bawihi",, arawn ti chhuak puan ka lo bih mek tawh,,
"Ngati nge?",,
"Hritlang ka kai dawn tlat", , ati sup ..
"Ka lo dil ang che anei ang,, kha lo ha rawh aw",
"I thik leh lo ang maw?", , anui put put,,
"Ka Hmangaih che", ka ti daih chu min en hau mai nui seihin ka chhuahsan,,
"Babes,, Mask i nei em?", ka ti lang lang,,
"Um,Duhtak lo pe mai la",,
"Iva kal har em em nang a pawh chu", , an khumah ka ṭhu fel than Naupang pahnih infiam tlan kual chu ka en ,, an NuPa zarah Pasal fel deuh ka neih phah a lawmthu hrilh ka ba..
"In Pahnih chungah hian ka lawm dun dun ania"
Min rawn en dun Uruatfeli Mask min rawn pek chu la in ka chhuak leh,, an in Dut duh ang hahah,,
"Amaa", ka Fanu chuan min rawn zui chhuak,,
Lo pawm vatin mikhual room lam ka pan pui, , Ka Fanu in Chhuana Fapa hming alam vang chuan kan din pui lehah,,
An Nu Pa a rawn in zui chhuak chu kan lo nuih var var,, In hmeh Nu Pa lutuk mai,, Inhnuaiah kan in zui thla a, reiloah Matetea pawh arawn chhuak ve nghal ,,
"Hei aw Mask chu Naute",, Chhuana azui chhuak chu a Fapa pawn a um chhuak an Ni pahnih chu kei in ka um zui ve nghal bawka,, Huiss,,, ate ate hian aharh ve reuh lutuka , min chhun tak zet zet,, Chhuana Fapa hi a aiin a U ania tun a ṭang rengin athuhnuai nghal der mai,,
Ka Pasal chuan min rawn tlan pelin an pahnih chuan ava pawm kang nawlh,, an nui zui har har an lawm awm tawp an nui ri chuan min ti nui ve seih,,
Hneh zeta an pahniha pawm chung chuan Car lam apan
"Lo khalh maila Bawihte",, bu nghatin ka hawn sak ,,
Biakin kan thlen chuan an lo ṭan tawh,, Chhuana fapa chuan apa chu ako lauh an lo hawi ṭhap mai,, Chhuana pawh anui tawi tak,,An inneih in Zira abest sia,, Abest ah a ṭan ve angai tlat..
Naupang tih takah an awm mai mai theilo chu kan chhuah pui kawt azawl ṭha bawka an tlan kual char char ,,
inbound345174863411421922.jpg
Ka Pasal chu thla laksakin ka thawn phone a silent ngailo Vibrate hian adah mai zel,, a phone en lai chu thla ka lak sak leh min rawn melh zawk ,,
"Min Star ami?", tih arawn thawn chu "ka bem thei che em?", tih in ka chhang let..
"Sorry, Nupui leh Fa ka nei tawh a", ka nui hak..
Love lem ala rawn thawn hram,,
Afanu leh Chhuana te Fapa chu pawm in Uruatfeli lam chu an pan , an Fapa chu pe in ka lam an Pafa chuan an rawn pan dun,, ka lo en reng hmeichhe ṭhen khat akal pelh ten an en zui zauh zauh ka hmuh te chuan ka lo chhuang veng veng mai..
"Nangma min chei ania thik miah suh", ati nghal ringawt ka nui tawp,,
Kan ṭhian ho a thla la leh thlap in kan chhungkua chuan kan lak pui ka kawngah arawn vuan kher,,
Ununui chu kan chhungkua thla kan lak tir ṭha leh, ,,
"Ka raia", ka tih rualin min rawn en ka nui seih thung,,
"Aw Matete rawn hawi ta che", Kan Naute alo nui raih,,
"Bawihi",, nui sangin ka en,,
"Ka Hmangaih che Lalramhlu", ka ti sep min rawn awm hnaih hrut in "keipawn ka Hmangaih che Bawihte", , ati ve sup
Ka chalah fawp in "i hmuiah ka fawp chak viau achu i zak leh dawn sia" , ati kher..
A kawr nghawnga vuanin ka fawp hmiah mit ko ka san khum ak ,, ahawi kual vut mai tunge Zak zawk chu ahriat mai alawm..
"Tun a min hmangaiha min ngaihpawimawh ang hian min Hmangaih reng la min ngai pawimawh ber reng rawh ",_
"Ka Tiam che", ati nghet charh..
Thla hi avan muang ṭhin tak,, ka lo in duh san reng ang tih ka hlau hnuhnawh belh chian adawla in nghahna tlak leh Pasal ṭha tak Pa ṭha tak avan ni chiang tak em..
Cancer ei bang mai dam pawh thlak hlelhna nei em em lo,, Pasal chu sawiloh Bialpa pawh nei ngam tawh lo hian tiang taka mi ṭha leh fel hi ka tawng ang tih tu nge hria Beidawng lo a ka lo dam ve hram hram rah leh ka Nu leh Pa ṭawngṭai rah ka tilo theilo..
___________THE END__________
(Ka Story ziah te min hlut sak a LIKE leh Comment duh awm tak tak min pe thin tu te in Zavai chungah lawmthu thinlung takin ka sawi mawlh mawlh e,, Hang In There Season 2 lamah in hmu leh vek ang U aw
)Show post links
Top