HANG IN THERE BY Ralte El Eichh (Completed)

[ngaia]

Hang In There-7




Zing kal hma ka ngaih vangin ka Nu kuahna ta chu ka tho chhuak,, Tunlai chu ka Pa angaih deuh vangin kan Unau hian kan riahpui ṭhin a,

Ka Nau te Exam tawp ber ni ani bawka minlo thawh khalh leh daih tawh,, Class 12 hi pass ve hlauh anih chuan Nurse min zir san daih dawna ka ngai dawn lutuk..




Naupan tet aṭanga khum khata mu dun ngar ngar ṭhin kan nia khum hran ka Pa khan min siam sak atum pawn kan duh lo in khan lo chuan kan mu thiamlo ani ber..



“Nu ka kal aw”, apang ka dek a alo la lum tih ka hriat rualin Damdawi ka laksak leh rih, ,



“Lo haw hma rawh aw”, ati sap ka bu nghat, tun lai chu min ngai thei lutuk a Ka Pi leh Pu leh amah te tlawng an awm ṭhin sia a awm ve tho



Hriatzuala Zarah Scooty khalh ka thiam ve hlauha ka chhawr phian Deliver tur alo awm ve nawk zel a a charge ka nei hmak hmak bawk nen pawisa pawh ka khawl ve nual tawh a sem mai nilo asiam ah thleng ka puih vangin min duhsak tawh lutuk.



“Zoram i Putean abe duh che”,, aphone arawn lek va



“Teh daiha”, ti hliaiin ka pan nghal



“Aw Bawihi ilo haw mai dawn amawnle i Nu hi damdawiin ah kal pui kan duh a, amah hian aduh bawk silo rawn be ve chhin mai teh akhawsik hi asang riau a,”,



“Asang leh tawh maw Zingah khan damdawi ka pe a, “,



“Aw i Pu ten min rawn Phone haw tawp anih hi an mang ang a”, atih leh takah chuan ka thil tihlai dahin ka Appron hren chu ka hlip nghal.



“Ka rawn haw nghal,”, tiin phone ka dah



“Engvangin”, Unghaktei chuan alo ti hlar



“Ka Nu thlem angai”, tiin thil awm zia ka hrilh abu nghat, mihran anilo bawka min hrethiam khawp mai



In ka thlen chuan ka Nu chu an lo kil bial laih, ka Nau pawh alo bang ve tawh anih hi.

“Ambulance ka call tawh a va hmin tum rawh”, Putean min hmuh rualin alo ti nghal.



“Nu”, min lo en nghal vat amit meng chu afiah khawp mai, arilru afim anih ka ring




“Lo kal teh bawihte “, akut phar chu ka vuan nghal



“Ka van chhuang tak che em aw, i Nau hi ṭha takin lo enkawl rawh aw, in tan tih theih ka nei tlem si a

I Pa min hruai turin alo kal tawh a ka zui ve tawh ange aw”,



“Eng nge i sawi awm zia Nu”, ka ti nghat



“ Naute”, tiin ka Nau lam chu ahawi



“Nu ka enkawl dawn che alawm, i dam leh dawn Damdawiin ah kal ang aw ka enkawl theih nan che Nurse nih pawh ka tum a”, ati ṭiau ka Nu kut chu vuanin abiang nen ati si nghal




“I u thu hi kawng engkimah lo zawm la inngeihtak in lo awm dun reng rawh u , in Nunah Pathian dah hmasa ber ula keini chuan awm pui reng che u duh mahila kan thei velo Pathian erawh chuan athei a a awmpui na tluk a thlakhlelh awm hi he leiah hian a awmlo,”, ati sap




“Nu chutiang sawi suh Pute Ambulance chu”,


“Bawihte “, ti sapin ka kut chu ahmer na salh




“I Pa in min nghak tawh ka tih kha, Nu Pa U ka Fa te hi min lo enkawl sak ru aw, zilh an ngaihnaah lo zilh ula Fahrah an nih hriat miahloh in khawngaih takin minlo enkawl sak ru aw, Kan Pa bulah atheih hram chuan min zalh ve ru aw,”, amittui abekah aluang thla pap




“Bawihte ka in peih tawha min ṭawngṭai sak ta che”



“Aih”,




“I Pa pawn a ṭawngṭai sak ṭhin che kha, thlamuang takin ka chawl thei ang, i pa’n min nghak reng tawh ania,,”,



“U”, ka Nau chuan min rawn vuan luthingin ka ding vut,,



“Bawihte”, ati leh sap ka Nu chuan min en hauhlo asir kil lam chu ahawi daih ka hawi ve vat na chu engmah ka hmulo mahse eng emawni hian min mawlh ka mittui aluang thla nghal pap,



Ka Naulamah kut ka phara ka Nu lu chungah kut ka nghat bawk, kan kut chu ka nun arawn vawn hnan ve vat.



“Nu kan hmangaih che ania aw, ka Pa bulah chuan thlamuang takin chawl la hlim takin lo awm ula minlo ngaihtuah suh ang che u Ka Nau chu ṭha deuhin ka lo enkawl anga midang tana malsawmna anih ngei theihnan ka theih tawp ka lo chhuah ang”, min nuih sangin mit achhing.




“Pathian hnenah ilo kun ang”, ka mittui luan thlak pap rualin ka pik nghal ṭun



“Lalpa”, ka in hrut ri hraih,

“ i remruat dan hi kan van hrethiamlo ṭhin tak em,,
Ka Nu hi kan la mamawh lutuk “,



Ka Pa ṭawngkam pakhat ka ngaihtuahnaah arawn lut zawk, ka thla amuang huai huai bawk



‘Keini Lalpa ringtu te hi chu thi mahila kan thi hlen dawn lo, kan tho leh ang a kan tan hmun asiam ah chuan Lalpa Pathian fakin kan awm tawh dawn asin anawm dan tur ka ngaihtuah hian kal ve thuai thuai ka chak a nangni pawh in kal ve theihnan ka ṭawngṭai naah ka telh ziah che u a , kal ve ngei turin in Nun uluk ula Pathian hre reng in in Nun hmang ve ṭheuh rawh u, ka lo kal hmasa anih chuan Lal ṭhutthleng kiangah min rawn zawng dawn nia, tah chuan ka lo awm ang,’, ati ṭhin, asawi hian hlim hmel apu sarh zel bawk




Ṭawngkam khat pawh hi chhak chhuak lo mahse anunah hian zirtur tam tak kan nei. Ka Pa hre tu te hi chuan Isua nau hi an ti mai zel, chutiang khawpa Ringtu nghet chu ani reng bawk.



“Mah se Lalpa ka Nu kalna tur hi kan chianga i remruat daltu nih kan duhlo , Nu leh Pa ṭha tak min pek vang in kan lawm a chuan kan Nu leh Pa ai rawn awh turin kan sawm che a an kalna a kal ve ngei thei tur in Kan Unau hian min buaisaih ve ang che Kan Chhungkua min enkawl tawh na zawng zawngah Lawmthu kan hrilh che a kan Unau kal leh zel na turah i awmpuina kan rawn ngen nghal bawk e Ka Nu hi hmangaihtak in min lo enkawlsak ve rawh aw , Chu zawng zawng chu I Fapa tho leh Isua Krista hmingin ka Dil e AMEN,”,




Min mawlh tu awm tlat chu lakbo ang hmakin ka ṭawngṭai zawh rual chuan ka awm nghal ka thaw deuh hak, Ka Nu chuan min vawn na chu thlah riai riai in hmel hmuh nuam zetin mit min chhin san
Ka Nau chu a ri meuh in rawn ṭap nghal hawm hawm ka Pi leh Pu te pawh an bang lo,



Putea chuan ka Ni te ho be pawp nghal in ro an rel nghal , Ka Ni te nen khan In hnaih lo mah ila vengkhatah kan awm vek a kan Vc te an lo be mai turah kei chuan ka lo ngai ve hmak



Ka U number chu call in aring ral ṭhak, message ka hnut chhiah hram a rilru hre vek tawh mah ila amah hringtunu leh Chawi seilian tu boral thu te chu ahriat ve angai alawm.




Tlaivar pui ngai kan ni bawk sia aizawl lam phurh leh kan ngai bawk nen rilru chu abuai duh mam mam e, Hmun bawihtei ka hrilha midang chu alo hrilh ve mai ang chu



Ka Nu hmel hmuh nuam lutuk chuan ka mittui ahnawt bo zel, kan ṭap ve dawn ṭhin a ka ṭap rei thei mawlh lo ka Pa nen hlim takin an awm dun tawh dawn ani tih ka ngaihtuah chhuak zel a.




Hriata min rawn call na chu Putean min lo koh ve chiah vangin ka chhanglo, Putea pawh amit asen ram mai unau pahnih chiah an nia aduat viau bawk Mate tih hlir in ala ko .




“Mi tih loh dan deuhin kan tih angai dawn a Dar10ah Hetah Pastor in avui anga thla lak pawh kan ti vak dawn lo dar12 hma a chhuak thei turin kan in buat saih dawn nia, I Ni Duhi te In ah kan innghat anga Pastorin thlahna anei ve anga Thlanmual lam ah kan tlang nghal ang, in Pastor kha rawn kal atum anih hmel”, ati sup ka bu nghat ka Pa ṭhianpa nilo a best friend ani zawk ang chu ahman apiangin arawn leng a Pathian thu hi an chaw tui ber ani bawk.




“I ṭha em?”, Hriata chuan arawn ti zawi sup


“Um”, ka aw ka thian nghal kharh ka mittui atlak tawh chuan ka hnar aping nghal zel a buaithlak




“I bulah ka awm theilo a apawi ka ti lutuk, kan rawn kal ang,”,


“Angai kher lo ka tihawm zia chu Naktukah kan rawn kal dawn ka Pa bula phum aduha”,,



“Ole”,


“Midangin an hria em?”,



“Group ah arawn sawi a”,


“E, aw anih chu phone pawh ka lo en lo”,



“I Nu bulah i awm duh ang “, ari deuh ruk ruk


“Puitling takin aw”, arawn ti leh sup.


.

.


Helama tih tur te kan tih zawh hnuah Aizawl lam kan pan ka Nu kan hmuh theih chhung atlem tial tial tih kan hre kar bawk Pitei tih loh chu kan kal vek Helamah tumah awm loh chuan Lengkhawm lo chiau au tur an awm dawn silo a ka Pi leh Pu te pawh an bang duh biklo an Fanu hun hnuhnung a telloh kha an duhlo bur, an kum in adelh ve tawh si a kan ngaihtuah bawk si helama vui mai duh mahse an Fanu thu hnuhnung kha an tih hlawhtlin sak loh chuan an inthiamlo dawn bawk si a .




Lo kal su ti mah ila Hriata te ṭhian ho chuan Aizawl kan luh dawnah min lo chang hram, kan hnungah zel an lo tlan bawk thla an ti muang tho mai.



Pem chhuak tawh mahila kan ṭhenawm khawveng te hmuh tur an tam mai mite hi an lo van ṭha tak em ka ti vawng vawng ka Niduhi te In a lenglo khawp in mi an lo pung khawm ka Nu ruang lo ṭah tawklah bo lo ṭhangkhat lian zet kan awm na veng ani ve miaua




Rei hun kan hmang lo Thlanmual lam ah in phur leh nghalin ka Pa thlan pawh an lo hai fel diam tawh a ka Nu thlahna hnuhnung kan han nei leh chiah chu
Thlarau lam zawngin thlah fel diam tawh mahila mihring mihrinna hian alo la phal famkim meuh lo ani e.




Ka Nau nen kan mal tawh zia te Fahrah nun tak tak tem tur kan nih tawh zia te a thim zawng hlir in ngaihtuahna arawn lut zut zut ka thin atawt up up a ka Nau pawh ka hnem hlei theilo Ka Nu zui ve mai duhna rilru ka neih hial takah chuan luthingin kawngpui lam ka pan nal nal..



Hmun bawihtein min lo pawt ding ka mittui aluang thla pap



“In In ah min hruai rawh mahnia awm ka duh,”, ka ti chhuak ṭawk.,



Min hrethiam zetin min kalpui nghal, ka Nau chuan min zawn ka ringlo a ṭhian te an awm tho bawka ka kalsan ngam.



A room ah lut tlang nghal in kawngka ka kalh a ka ṭhingṭhi deuh rawp bawk.



Ka Pa boral pawh khan ka tuar thiamlo a ahrilh hai thlaka amangan thlak bawk, rilru hrisello deuh deuh ka nei a aeng zawng in thil kha ka thlir theilo ani ber
In khunghrangin ka ṭawngṭai tawp a azia chauh anih kha.



Tunah pawh ka rilru ka thluak so but but chiah dai thei tur chu ṭawngṭaina bak anilo tih ka hria,,



“Lalpa ka Pathian”,
Ka thinlung tawt lutuk chu ka ṭap chhuak hawk



“Ka ring che Pa mahse sual setana hi alo thawk ve ṭhin si a do hneh turin chakna min pe rawh”, ka ti sap ,abak chham tur ka hre chuang lo



“Amah in awm tir rih rawh u a zia awm leh mai ang”,



“I chiang maw arei tawh sia thil ṭhalo”,



“Chiang e chutiang mi anilo, mahni awm amamawh lawk anih kha a energy gain nan,”, ka nui suk ka mittui chu hru hul in darthlalang hmaah chuan ka in en



“I ti thei”, ka ti sap


“Ka ṭha aw”, nui lui sangin ka chhuak,

Hriata chuan min rawn pan nghalin min kuah nghal chutiang chiahin midang pawh chuan min rawn kuah nghal sap sap.. Kan in kuah bial laih ka mittui rawn hnai tur chu duh lo in ka khap per sak sak.



“Ka lawm e ka ṭha tak tak “,



“ i ṭah duh chuan ṭap rawh ahun lai anih hi keini vanga in sum angailo ania”, Zoreman arawn ti an bu tliar tliar



“ok, mahse a chhuak rihlo a, khawmaw kum2 kan in hmu tawhlo kan exam teng cheu”, boruak thlak tum in mit ti zim san in ka en kual.



“College ah chuan in va luck leh hlawm em, zorem in class ah x engzat nge i neih leh tawh”, aner nang aṭhian te an nui hak.



“Chhelo an tam tawh lutuka aluck vak tawhlo,”,,


“Hmm ka awihlo emai Hriata hi nih”,



“A luck loh dan hi ani chu aluck “,



“Eng nge awm zia”,



“Aruka star tu angah vdayah lehkha adawng hnem ber,”, hrelo ang hmakin an awm ah



Valentine Dayah keipawh Rose pek ka tum ve ngei tawh alo la duhlo a atlan chhia kan in um kawi ngat ngat anih kha a awmloh laiin abag ah ka khung ru hram,.engtin nge atih tak ni



“Ka chhungten min ngaihtuah ang let ila”,



“In haw leh nghal dawn mi?”, ka kut ah arawn kai nghal



“Ka ring”,

“Kan exam lai nilo se chuan,”,



“A ho tuk”,



“I cher riau in ka hria”,, abike dahna lamah min kai



“Cher ami thau ka lo in ti viau asin”,



“I sexy bone pawh alang vah alawm”, ka nui hak hepa tak hi chu aw.. Min kuah in ka hnungah abeng thek thek..



“Akal te chu an kal maia an kalsan tak te hi inngaihtuah zawk tur, , I Rinna anghet tawk tih ka hria a i paltlang leh theih ngei ka ring bawk I Nau nen chhel takin awm rawh u”, ain hmehlo ka tih vangin ka en chho ran.




“Tuna irilru tur ang hi chu ka hrethiam ve ka tawn ve tawh vangin, keichu nang angin a engzawngin ka thlir thiam ve lo a Hmeichhia ka huat phah anih kha I hnen aṭang hian zirtur ka ngah mai mahse ka experience ve ah chuan Mihring hi chu kan la thi vek dawna an lo kal hmasa ani mai thih hnua in hmangaih thar leh ai chuan an kalsan tak te hi nakina inchhir leh lo turin in hmangaih ila in ngaihsak tawn ila nakina inchhir leh ai chuan ,
Ka rilru hi chuan ahrethiama ka kâ hian asawi fiah thiamlo”,
ka bu nghat.



“Ni e, thihna hi chu atawp emaia heleia kan awm chhung zawng kan in hmu tawh dawn miahlo tih ngaihtuah hi chuan insum hi ahar ṭhin, “,



“Mahse nang chuan an kalna tur i chiang alawm”, ati leh sup ka en rualin ahawi sawn daih aunaupa ka ngaihtuah chhuah rualin angaihtuah ve dawn ani tih ka hre chawp chilh..



“Ole, ka in enkawl ṭha ang chutiang chiah in ka nau pawh min hmangaih em em tu te pawh aṭha em?”, a bu nghat..



“Kal ang u”, ti thawm ah chuan in thlahin abike chu aher kual nghal.



Hringnun ah hian Hlim ni chauh nilo Lungngaih ni leh ṭah Ni pawh a awm ve tur alawm , Ka thil chan te ka thil tawrh ve te ka ngaihtuah a ka indawm kun dawn apiang hian Joba kha ka ngaihtuah a in fuih nan ka hmang ṭhin ani pawh kha aneih zawng zawng lak sakin a awm a mahse Pathian biak a ṭhulh chuang lo anih kha,



Amah anga Rinna nghet kha neilo mahila Hun Harsa ber kan tawrh leh hmachhawn laia Pathian hming lam kan ban loh na lai tak hi kan Rinna ngheh zia min fiahna hun ani in ka hria a , Harsa mahse lawmthu hril chung zelin amah belh zel hi ka duh.



Kan Nu leh Pa niturin aruata tunah chuan A fate ni tur in ahruai haw leh tawh ani mai, Kan Nu leh Pa ai chu amah hian arawn awh ve tawh mai turah ka ngai hmiah.



Putea chuan Ka Pi leh Pu angaihtuah vangin Helicopter abiak sak ka Nau nen an lo haw hmasa ang, minute 15 kal lek ania Car a chuang haw leh tur chuan angaihtuah deuh chubakah Champhai lamah lengkhawm an awm ve dawn tih hriatsa ania Pitei ringawt in a alo dawn sawn ai chuan ka Pi leh Pu te hi awm ve se aduh vang ani bawk..



Keini chu dar7 ah Putea nen Kan chhuak thung ang, Chaw te kan ei fel anga Ambulance kha chu ahaw leh nghal Putea hi a awmlo ang tih ka hlau.



Hengte te hi lawm Pathian remruat fel ṭhin zia chu, keini chuan kan ngaihtuah phalo a mahse Pathian chuan kan tun hun chauh nilo kan hma hun tur thleng hian alo ngaihtuah vek amah Ringtu te hi chu ati thlawn ve ngailo .



“dar7 ah kan haw ang”, sana an en nghal vut hlawm.



“Chaw i ei tawh em?”,



“Um”, abu nghat.



“Tinge in haw leh nghal dawn”,



“Aaa Pitei chiah a awma inleng an awm dawn sia “, awm an ti leh viau tho mai.



“Kan inhmuh khawm leh dan hi Chhiat tawh vang ni tho mahse alawm awm,”, Awmpuia chuan ati sup
Aw athil sawi dan chu ain hmeh tawk chiah amawl heu ho sia maw



“In ngaihawm leh dawn mange”,..


Tun ṭum kan in hmu leh chu Hriata hian min hlat meuhlo ani e min lo ngai ve tak tak aniang, in kai reng lo mahila ka kut chu arawn vuan zing ngang arei lem lo khawih ti zawk ila adik zawk mai thei ka kawrah apawt thul ..



Min ngaih zia atih lan ve tumnaah ka ngaia engmah ka sawilo , mi mit mei min ven pui ve ah ka ngai..ka ngai leh dawn hnup hnup lutuk ..



Kan chhuah hma chuan min kai hrangin min kuah zui nghal,, keipawn ka hniallo ka kuah chak a ka ngaih laia ka kuah theihloh zawng zawng kha ka kuah zawh vek ka duh



In fawp leh vang vangin kan thaw dun halh ,

“Ka Ngai ṭhin lutuk che ka sawi duh lo mai mai,”, an tiah,, lawm tur anih leh nihloh pawh hi ka hre ṭhin lo.


.


Ka mut dawn chuan min rawn Video call vangin ka ṭhu chhuak leh hliai earphone ka dap nghal rak rak bawk.


“I mu tawh ami?”,


“Dawn chiah”,


“Aw, mu rawh “, tiin atho nghal an Jam room lam apan chu ka nui suk alung aleng leh tawh aniang,


“Ka lo awi mu ang che ka rilruah a awm leh reng tawh a”, tiin an keyboard chu abuaipui nghal

Screen Record ka hmet vat



WestLife hla I Wanna grow Old with you kha arawn sa ka nui hak , athu tak ve thei ṭhin sia a


*

Another day

Without your smile

Another day just passes by

But now I know

How much it means

For you to stay

Right here with me



The time we spend apart will make our love grow stronger

But it hurts so bad I can’t take it any longer



I wanna grow old with you

I wanna die lying in your arms

I wanna grow old with you

I Wanna be looking in your eyes

I Wanna Be there for you

Sharing in Everything you do

I wanna grow old with you



A thousand miles between us now

It causes me to wonder how

Our love tonight remains so strong

It makes our risk right all along*



“I hrethiam em?”, azai zawh rualin arawn ti nghal ahma ka sawi kha alo la hre reng aniang.


“Ah hrethiam ve tho ,hrethiamlo ta ila min leh sak dawn ami?”,


“Um, ka let sa alawm ka lo thawn ang che”, ka nui hak hak,


“Ilo in ready amaw?”, abu nghat aphone chu banin reilo ah message ka dawng alo let tak tak


“Ok, english hla i sak dawn chuan amizo hian minlo thawn hmasa ṭhin la ka lo feel ve thei deuh ang”,



“Kan ti dawn nia, Mu tawh rawh nih aw”, tih pahin adah daih



Ava buaithlak min ngaihthu te achhah chhuah ve ka lo beisei ve em em a mahse ka nui vur vur,

Thu a a chhah chhuah thiamloh hi hla hmangin min rawn hrilh ah ka ngai hmiah lawm awm lutuk mai.

.

.

Champhai kan awm leh hnu pawn Thlasik ṭum 4 ngawt kan hmang ral leh ta,

Ka Nau pawh thingdawl lamah Nurse min zir san in tun kumah hian arawn zo ve tawh dawna ka lawm dan chu e in hrethiam pha lo ang,



Ka Nau hi ka engkim ani tawha ngai in thlahlel viau mahila ahma khua ka ngaihtuah angai tlat, lunglen te mai mai hnuk ahlat lutuk.


“Zoram i Pitei te hi va pe leh lawk mai ula zawnchhuaha alak lawh sia,”,



“Um, i siam tawh ami?”,



“Aw pek nghal theih Scooty khan va kal leh lawp lawp mai ru”,



“Ok, Duatte min zui dawn em?”,



“Maa kut bal “, tiin silhmun lam chu apan nalh.




“I hruai dawn ami?”


“Um, ati buai ang che u”,


“Buai lo e afel emai Duattei te chu a”,



“Min zawng leh tho ang”, abu ve nghat.



“Pite”, ka ti lang lang.



“Aw ka bialnu alo kal e, ka ei tui leh dawn”, an thawhpui pa chuan alo ti lang lang,



“aw i ei atui tih chu ahriat sa reng alawm”,, anui hak hak Tlangval ve si dul pe kiar lutuk.



“i siam tui em anih kha nangmahni thiamloh vek”, tihpahin aei tur chah chu arawn la nghal.



“E in lo thleng der alaw, hei hi Manager ta tur saw aw lo va pe nghal mai rawh lo kal teh ka Duat lai duhawm suk suk te “, tiin kan Duatlai en chimloh i chu apawm nghal.



Kawngka kik karhin room chhunga mi ka hmu chiang chiah chu ‘ lo lut rawh ‘ atih hma in ka lut



“Nang maw engtin engtikah”, ,



Pitein ‘Manager thar kan nei a ala naupan nen a strict reuh zek , a smiling lo sia a punctual bawk sia
Hna pawh akal tlai ngam tawhloh ‘ atih kha ka hre chhuak achhiat loh thu asawi khan Putean alo khak hram anih kha.



“Kar hmasa khan”, tiin min hui a dawhkan chu alo ti fai nghal zat



“Min hrilh miahlo a”,



“Ka buai nghal char char a tunah pawh”, tiin File in tiang ur chu akawk,,



“Aw Pitei pawn Manager hlui kha asawi leh zauh ṭhin tak asin,, ilo awm ve tawh dawn ami?”, ka en kal ka lawm bawk sia mahse ka rilru abuai.



“Um, ka ṭhianpa ka rawn awm chhawk zuaia ka thawh zawh chuan Aizawl lamah ka awm leh ang,”,



“Nih chuan thawk chak vak suh”, anui suk.



“E kha hei ei rawh Sachek hi ka siam anih hi atui sial bawn lutuk ilei veng ṭha rawh”,



“Maa”, ti ri ka hriat rualin kawngka lam ka hawi ka hawn sak nghal vat.



“Tu fa nge tinge Maa atih che a”,, min en kal mak atih hmel lutuk,



“Ka Fanu anih hi”, akhuh nghal kharh kharh tui ka thlit sak vat.



“Sweet”, tiin kut adawh ka bag ka zen nghal rak rak
Achhuak zui leh nghal



“Enteh Hriatzual kan la ni em?”, ka ti deuh tawl.


Hmun bawihtei khan ‘ zawt tawp mai rawh’ ati ziah
Enga tan mah ka ngaih loh vangin zawh ka tum hran ngailo,



Kan in be tlem tual tual a tunkumah ngat phei chuan Athla a thla in biak loh chang kan nei, chhun lam ka lo chau ve ṭhin bawk nen dar9 ah chuan ka chatthla daih zel a, ani dar10 vel hi ahman hun ani leh a



Kan ni emaw ni lo emaw, in biak tam loh vanga han ṭhen emaw ngaihzawng dang han neih san vel kha ka tum hran lo, chumi vang chu ani pakhat ka zawh loh na chhan asawi hmasa tu nih ka duhloh vang ani bawk.



“In ṭhenna thu kan sawi tawh ami?”


“Sawi lo e”,


“Anih te chuan”,,


“Nia,”, tiin ka bu nghat.



“Mahse “,



“Zan In ah lo lengla thingpui tui tawkin ka lo lum ang che”,



“A chi dawn ami?”, tiin ka hnung lam a hawi



“Duati saw chu Apa te an awm alawm Zan lamah chuan ka chang ngailo,”,, mit ati zim san



“Putea Fanu anih saw”, athaw hawk



“Mawl hmuar chhah tep tup Nu”,an ti nghutah., kan nui dun leh hak min koh loh na pawh arei ta e



“Eng nge Mawl chhahi bialpa”,, anui suk mai

"I Fanu maw ka ti hman alawm",


"Lo ni ta se,",,
"Anih loh chu", ka ner nang,



“Champhaiah ka lo lawm ache”, ding chungin kut alamah ka phar rawn ding ve vutin ka kut chu avuan



“Kuah chak viau che mahila min mitsir reng hlawm sia”, an tiah.



“Zan ah ilo leng dawn nia, lo leng tak tak rawh aw ka ngai che tak zet “, , ameng zau deuh



“Ka ngai tak zet zet zet zet che tih ka tum na”,



“Ka lo leng ang”, bu nghatin ka chhuah san
Ka in her leh ngat minlo la en reng, lai zetin a khi suk



“Lo leng ngei ngei rawh aw”, hmui phunin ka ti leh hram abu nghat ka kutṭangin love sign kan siam zauhah ahawi sawn vut mai.



Ahma min thlah ngai hleilo kha Pitei chuan min zui chhuak



“Iva be rei em em ihmelhriat ami?”,



“O ihre tawhlo ami?”,



“Ka hriat zawng ami?”, ati ve leh



“Kan In ah pawh an lo riah tawh kha ka ṭhian te ho zing ami kha”,




“Ani maw ka hre leh tawh reng reng lo, , a va zia ve i lungleng lo deuh ang chu mahse i nau pawh alo haw dawn tak”, ka nui var var karleh ni tawh se.



“Ka Nau in rei ati ang cheu let ru”, Duati chu fawp zauhin kan chhuk thla hnak hnak.



Lawmloh in ka khi vur vur reng mai , ka at hmel ngawt ang..Kum4 hnuah kan in hmu leh hlawla alo puitling ve tawh lutuk engmah sawilo in karkhat lai arawn awm tawh ania alo la ngai reng anih hi a kei niila Aizawl ka kal hma ṭang ka hrilh awm si a.



“In van rei ve”, alo tih pawr leh hlar tawh hi kan Pi thin awrhi hi.



“Aw ka bialpa ka rim ve alawm a”,



“I daw ve anih chu, Kha I Uvalbuanga kha lo pe nghal teh lo kal rawh Duatte”, tiin Kan duatlai en chimlohi chu apawm nghal.



“Oi i len rei na chhan hi ava hriat hlaih hlaih thei tak,”, ti ve kherin Uvalbuanga te lam chu ka pan an lo nui ṭha hlawm,,



“I bai sial ei turin kan lo kal asin”, an lo ti sap sap



“Ka siam reng peihlo ka tih kha, in hne palh ang”,,



“Hmm kan hne dawnlo Ngaihtei thil siam pawh kum20 chuang kan ei tawha kan hne loh hi, anulat tirh phei chuan Neih duhin kan in tlar nasa thei rap a eitur siamah hian ZawlaiD a phul anih te kan ring ṭhin,”,



“Ngawi mai teh Kum20 em em ala tlinglo “, arawn ti hlar, , an nui tut tut.



“Lo lut ru helamah hian ala awl aw”, tiin ka lo welcome nghal thuai thuai,, dawhkan an kalsan tak chu ti fai nghal sat satin Counter lamah pawisa dawng turin ka phei leh, kan lun a kan in daih lo thei tawp Unghakteii leh kei leh Rpi leh Zawna , zawna nen hian deliver lam kan chang deuh .



“Khawnge Duati “, ṭhenkhatin an ti lang lang,
Kan Naute inṭawm anih hi eitur rawn ken sak leh thil leisak tu atawng reng afel sia aṭawng fiahlo mahse aṭawng duh reuh sia mi lawm ahlawh anui sen sen zel bawk sia.



“A mu”, atih rualin ka en vat, ka nui tawp ni ala vui zo lo a ti hian bengchheng karah pawh amu chiah chiah thei kum1 anih a ṭang hruai tawh miau hek anu ai pawn min ngai zawk kan in zui nasa ve em a ni.



Dar6 velah Hriata arawn lang hlawl,

“Dawr kan khar dawn tawha”, Unghaktei chuan alo ti hmuk amizia ka sawi tawh bawka anui suk mai.



“Mahse mikhual ini awm sia eng nge i duh ka tih lum sak leh ang che”, , ka nui ru var var



“Ka duh chu “, unghaktei chuan amelh kal


“Zoramthangmawii”,


“Chutiang”, ati hman min rawn en zawk



“Ihmel hriat ami?”, tiin min rawn en kal.



“Pasal ka neih khalh dawn che ka bialpa nih kha”,, tiin Duattei chu ka pawm,



“Ilo inhuam hle mai a”, tiin mit ko ka san zauh min melh rum ngang Rpi leh Zawna chu an haw tawh Zing dar7 to Tlai dar6 thleng ania Customer pawh lo kal leh dawn se a hnar hmak zel helai awm sa chuan an hriat fur tawh vangin an lo kal lui ngai lem lo



Sum ngah duh vanga thawh rim vaka Hrisel leh chuan loh chuan awm zia aneilo, kan thawhrim rah tel hman loa thih te hi ahlauhawm.

Hei hi athupui ania e, Thlakhatah vawikhat ṭheuh chawlh min pe ziah bawk thinchhe mahse mi hriatthiam na hi anei ve tlat..



Hun avawng dik a Dar7 ah in hawng mahila dar6 ah kan thleng thung Customer lo luh ruala an duh pek theih loh kha ahlau ber ani phei chu Dar 5 velah akal daih tawh zel..



“Mikhual amaw ka tih vang alawm, lo awm thar ami i nih a, Henu hi i duh zawng anih chuan i mit chu achhe awm hle mai tiang te duh”, ati nghal hlak hlak..



“Pitei te Manager thar anih hi”,



“Chuvang ani maw irei ziah”, an ti nghal zata awihawm loh e. Gas bur leh tukverh te light te a en dik leh thlap



“Haw ang u”, tiin Light chu ahmet thim nghal.



“Ka lo thlah ang che”,,



“Pawi ṭhaks nang, Unghaktei ahahdam deuh ani mai, ka Bialpa rual hian kan haw ange aw vawin chu”,



“Nidangah Auto in ka thawn haw ziah tawh ang che”, ti leh hmak..



“Maa “, tiin Hriata Bike lawn mek chu akawk, achhelo pawk pawk thei ania Abike han kar pawka abike an ti rum hlet hlet ṭhin hi chu thlir nin ihar ngei lung iti awi Imawi Haha rilruah kan zai leh nghal duah chu.



“Chuang duh em?”,



“Apa ang in anei ve”, ati leh sap Apa bike ang anei ve atihna anih hi.



“Um ahmaah i ṭhu leh duh em?” ,,abu nghat,



“Ahmaah ṭhut tir la i thiam em?”, min chhang lo in kut arawn phar , an vuan nghal ṭaiah Bike chuan te chu kan hnehsawh lutuk alawm maw.



“Nih aw “,


“Aw le Tluang deuhin kal ru”, ti vei deuh duah inhmehlo hian a., nidangah lem ‘ Kal vat mai teh’
A ti hlar zel aniah



“Min kuah zak em?”, an tiah,
Ka kuah nghal thak arim ka hnim nghal vang vang,

Kan inthlah ni a arim ang chiah chiah heipawh hi rilru thlak zung zung chi anilo tih hi achiang ve ṭhin ania, abike pawh hi Zoreman achhuak thar apiang aneih theih laiin ani chu ala ngai reng mai.




“I Pitein Chaw eiah min sawm a”,,


“Aw, anih chu ka lo kal khan ka hrilh a ava fel ve nachang avan hre bik thei tak”, ka ti hliai
Chaw eia sawm te chu a ngaihtuah pawh ka lo la ngaihtuah lo hrim hrim .



“I lo lut dawn lo ami?”, ka ti hâ



“Um, Zanah ka lo leng ang”,



“Pitein chaw eiah asawm che amaw ka tia”,,



“Sundayah”,



“Eeeeeeee, anih chu Vawin ah amaw ka tia lawm, ok Zanah chuan lo leng ngei ngei rawh aw,”

Anui tawp..



“Eng nge i nuih”,



“Ruah sur bur bur pawh ni se ka lo leng ngei ngei ang a ṭha em?”,, teh kher chuan ka lo sawm nasa deuh nge mawni,



“Aw le kal rawh”, bu nghatin a start min rawn en in a kut arawn phar leh


“Eng nge”, tiin ka lo melh kal min hui zeuh pan hnaiin ka vuan akut pahniha rawn hum in athaw hak



“Kan in hmu leh dawn nia”,, nui var varin ka bu nghat,

Ka ngai che tih hi ahar viau ṭhin amawn le
Ain khalh haw chu alan theih thleng ka thlir.



Aw a khawi vengah nge i awm te han tih ve awm ava buaithlak tak fin atlai thei lutuk hi chu aw,




“E ilo haw maw Mamte Chaw hmeh lo ti lum nghal mai la”, kan chhuah vek vangin awmpui Putean ala tawp chubakah a Nu leh Pa te hi kum upa lam an ni bawk sia la chak ṭha viau mahse tluk sual palh pawh tawk thei an nia tumah In a awm loh tawp chu atia .



“Min ngailo tê ka rual pawn i haw duh lo a”, afanu chu achhaih nui nghal hawk hawk an School bang hian hruai haw atum ṭhin a an in sawm hlawhtling ngai lo .



“Kan Manager thar kha tun Sunday hian Chaw eiah ka sawm a ,”, Pitein min rawn mit mei nghal.



“Engvangin”, Putean ati nghut.




“Oooo,, Alo awm thar ve a hmelhriat anei dawn lo asin akhawhar thlak dawn em a, Hei Zorami te nen hian an in rual leh nghala “,,




“Ava la naupang awm ve”, a ṭawng ala bung viau ka nui ru tat tat athik ve ngei amawni.



“Naupang khawp mai hna athiama a thawk chak bawk sia tumah hian kan thlen khalh ngailo kan Manager chawl ta nen kha chuan in anglo tak an ni”




“Inu hi adiklo tlat in ka hria an Manager hi asawi reng mai”, tiin afanu chu achhuahpui nulh Pitei nen kan in nuih ṭiah ṭiah.



“Zanah lo leng rawh ka tia”,,



“Um, i Putea fiam leh lawk ang tumah hi athik ngailoh teh lul nen eng nge maw ahriat le”,



Chaw te kan ei kham zawh ah Chhuat te ka nawt sar sar, awmpui nei tho mahila ka hman chuan ka tihpui ve vek ka hman tlem mai pawh a Zing lamah ka hman loh em vang hian Tlai lamah chuan engkim ka tih pui vek zel nuam ati ngawt ang ,




Dar7 leh chanve pelh velah arawn thlen thu min hrilh Putea prank kan duh miau sia Pawnah hmuah duh viau mahila ka hmuak theilo.



*lo lut mai rawh aw ka Nau thil ka buaipui lak lawh lutuka ka lo chhuak nghal ang*



*ole* ati ve mai.. Pitei ka va signal nghal.



“In awm em?”, arawn ti dut.




“Awm e lo lut ru,”, Pitein ati thawm chu ka nuih pui var var kan va sualthiam Pi tu tak




“Ehe Hriatzuala chu teh hlawl che chuan lo kal rawh lo leng rawh Pa-a hei kan Bank Manager thar chu anih hi”, Putea hmel chu.



“Aa aw anih chu iva fel ve “, ati bah nak.




“Champhai chu nuam iti em, ivawikhat lo kalna ami?”,



“Ni lo e”,,



“Hmelhriat te inei sa awm silo a ava khawhar thlak awm ve”,



“Ka nei alawm “,



“E anih chu a zia chu ,, ila naupang sia ithawkrim dawn tih ahriat hle mai “, ati duah Putea hi chu ṭawngkam athiama Pa rawn kha ani ve tlat alawm.



“Um, ka Bialnu tan ka thawhrim angai a”, a ti ve leh khauh



“Aizawllamah a awm daih awm sia ava ngaihawm dawn ve”, athawi vel tih ka hria Pitei nen bak kan man thiam ka ring lo.



“Hetah a awm a”, ati ve leh mai bawka kan Pakhata lah hian ..


“Oh”, ati sup.



“Ka hmuh tawh hnu i ang riau in ka hria”, atih leh takah chuan Pitei anui hawk., ain sum rei thei ka ti rengah



“E ilo thleng tawh a”, hrelo ang deuh chuan kan be ve leh ah,



“In inhria ami bawihi lawkin”, chik zetin a en



“Hriata nge Zorema ,”, ati sup.



“Hriatzuala”, an lo ti leh dutah.



“Ah aw nitak e kan nu khan asawi tak ekhai arei ve leh tawh hle maia i dam a maw?”, tiin atho hluai an han in chibai leh rihah.



“Pute Pastor te In ah chuan in kal dawn lo ami?”,


“Ehe “, Pitein ati hliai. Putea pawn sana aen vut mai



“Ka lo kal pui ang che “,
Pitei chuan min hriatthiam hmel zetin min rawn siai zauhah



“Pawi hlei nem, Hriata lo leng reng rawh aw Bawihi pawh akhua ahar tawhlo deuh ang chu kan va kal lawk ange aw Bawihi”, tiin min mit mei ka kekawr ka en vat nimaw bu nghatin an chhuah hma chuan ka room ah ka va lut leh rih.



Tunlai chu khua alum deuh vangin ka tih dan anglo deuhin Kekawrbul hi ka ha ve nasa Inleng kan neih hlek chuan inthlak angai ziah thung, Putea hian aphal lo tawp ani mai keimah pawh hian Ka U Pasal vang hrim hrim pawh khan thawmhnaw themlem inbel ka lo duhlo sa nen ka zawm ṭha viau.




Ka Inthlak zawh hnuah ka Putea te chu an chhuak

“Thingpui ka lum ang che aw”,



“Ala hma alawm”,, tiin a ṭhutna bul chu abeng thek amah si chetin ka ṭhu ve nghal.



“I chhungten an ngai awm che an phal zawk ami nge an phallo chung ilo kal,”,,ka kut chu ahum nghal,



“Fa dang an la nei alawm min ngai teuhlo”, ka kut chu afawp zauh ka kut ṭanga zungbun ka hmuh rual chuan ka la vut.



“I duh em, Simple i duh zawk in ka hria a”, , ka bu nghat,



“Ka Nupui tura ka hual lawk na che anih kha, nakinah kha ai a ṭha kha ka lei leh ang che,”,


“Engtikah”,


“I in peih hun hunah”, ,



“Um ,, lungngai suh nghah rei ka ngai tawhlo ang”,



“Ka hman hmawh lo ,”, ati sup, ,



“Ka lawm êê, ka ngaih hun apiang che in ka hmu thei tawh dawn che a”, ka nui reng mai ni
Putea pawn ‘khiangrah tla ang mai keh hui reng mai’ min ti tawh Pitei nen bak kan in man lo ani e vawin chu



“Im, chuvang alawm ka lo kal ,”, van nuam tak.



“Kan ṭhian te kan call dawn ami?”,


“Pawi hleinem keipawn ka la belo , group ah min rawn hau nasa tawh mai “,



“Oii rawn call ve hram”, an rawn ti hmasa ber vek



“O Aduhber a hmu tawha keini chu min theihnghilh vek anih hi Guys be tawhlo ang u”, Awmpuian ati nghut



“In ti duh e a, karkhat champhaiah a awm tawha vawin hian ka hre ve chiah aw hmulo phei ilang chuan ka la hre dawn miahlo tihna ania”, ka ti ve hlak hlak an nui uar uar mai.



“Tak tak ami?”,


“Niang chu Hna hi kei ai ahmangaih tawh zawk,
Tinge min lo hrilh loh ka tia ‘ hna atam lutuka ‘ ati alawm,, “,



“Oi Bawiha leh,”, an nuih leh hawk an nuih zat ve thei sia maw.



“Hna atam alawm,”, alo ti hmuk..


“I bialnu i ngaihvanga awm amaw kan ti che a”,



“Hmun danga dah an tum in aduh ngai miahlo a, angheta an lak dawn veleh an awm sawn leh daihah amawl tak tak angai lutuk che a atuar zo tawh thlawt lo anih kha”,



“Ami?”,


“Aih”, alo ti hmak



“Zoramthang zan laiah azai nasa thei lutuka a Chhungte an manganga min rawn call tawp psychiatrist pan pui an tum thu an rawn sawi a abialnu ngai lungleng anih kha ka lo tihsaka an ngaih a ṭha chauh alawm,”,



“Ami?” ,

“Aih”,



“Ani reng aw, azah vangin azep anih kha”, Renga alo nui dir ngar ngar.


“Kan hriat pui”, tiin ban an phar ve ve



“Dah ru in bengchheng”, ati hmuk.



“Lo duat viau rawh aw Angaih vang che in Damdawi a ei tawp,”,



“Love sick te anei nasa “, rawn off atum chu ka la sawn nghal



“Dawt vek anih kha awih suh,”,



“Ehhh,, an zep vela,”, an rawn ti leh lang lang.



“Thingpui sial tawk Love sick reh na tur kan lum sak ange, Anih u aw lo zin ve vat ru”,, kan in bye bye lauh lauh, .




“Eng nge an tih hlawm tak phone ka khawih hman tawhlo lutuk a an chanchin engmah ka hre tawhlo”,



“An pawimawh lo ka pawimawh ber “, an tiah
Thikthu ka pe chhia e hi ati ve amawni ṭhin anaa


Thingpui ain zawh chuan ading nghal uaih.



“Eng nge”,



“Ka haw phawt ang zan dangah ka lo leng leh ang”, ati sup kawngka lam apan nghal nulh



“Teh thuta min ti hrilh hai”,



“Hna khawih tur ka la ngah lutuk a chubakah dar8 ari tawha i chau awm sia i mu duh ang,, nitin kan in hmu thei tawh dawna la ngai viau che mahila ka haw rih phawt ang,”,



“Oh”, ka ti ringawt

Ka hmuia rawn fawp zauhin ka samah achul leh

“Lawkin”, a banah ka vuan bet



“Min kuah rawh”, anui hawk min kuah ve mai bawk



“Muttui bik riau le, i mut theihloh chuan minlo be dawn nia, ka kal aw “, ka chhan na pawh ngaihven lo in atlan chhuak nghal hepa tak hi chu aw a mood ngah ang chiah in mizia angah,



Mahse pawi lo asawi ang khan Nitin kan in hmu thei tawh dawn alawm ngaih chang pawn kan hmu nghal thei tawh dawna ngaihman a awm tawh dawn ka phone leh nghal dawn zawk amawni ahman hmawh manah haha nghal lo phawt mai teh ang Zanin chu..



End of chapter-7
Show post links
Top