ALL THE WRONG PLACES 17 ONGOING

[B.laltlanhlui]

Chapter 8

Paris kum sarih liam ta ah khan

Julianne-i Paris a a cham ni hnuhnung ber a ni a, khawpui romantic berah mipa romantic tak nen hun an hmanga, chutiang taka a hlim chu a hre ngai bik lo

Kar hnih hma lamah khan Cafe a thlang risk ve tawp a, coffee lamin ni tla tur a thlir a, a thin a phu dup dup a, phengphehlep te pawh a pumah an thlawk chum chum ang maiin second tin chuan a phur ru ve em em a ni

A rawn hmu chat thei ang em tih pawh a hre bik lo. Mahse a rawn zawn hmuh theih nan rilru ṭawngṭaina a nei char char. A ni khan a lo sawi dik reng a ni. Paris ah hian Cafe za chuang a awm a, ni a tla ṭep tawh bawk nen a harsa zawngin thil a lo ti tel kher a ni. A coffee dawr thlan chu Paris a hmun kilkhawr takah a awm tlat. A kalkawng pawh a hla angreng. A thlan chhan pawh a hmun te hi a fel ât a, a romantic reuh bawk nen ni tla tur chiang takin a hmuh theih a, chuvanga thlang fel diam a ni. Coffee dawr hming pawh 'Destin Cafe' tih a ni

A rawn thlen dik chat chuan intawng tur ngei an ni ang a, Pathian in reilote atana hlim taka a awm theih nana a pek a ni tih a chiang mai ang

Minute sawmhnih panga a la awm. A la rawn lang bawk si lo. A lo thleng dawn lo a nih a ring ṭan tawh. Game hlauhawm tak a lo khel reng a ni thei ang em? An inhmuh theihna hun ṭha a hloh daih thei asin. Khuanu ruat hial pawh an lo ni maithei asin le

Coffee la bang chu han in leh khawlh in ni tla mek chu ngui takin a thlir a

Chu veleh tu emaw hian a hmaah rose a rawn dah a, a han hawi chhoh chuan a lo chhuk en reng tawh. Nui nghal sen sen in rose chu a hnim vang vang a

A ni pawh a hma zawnah tak rawn ṭhu in a rawn thlek char char a

"Tunah chuan ruat lawk hi a awm i ring tawh em?"

"Ka rin chu maw mahni theihna ngeia in hai kuak hi a ni mai. Zawn hmuh che kha ka tum ruh em a, tun hi dawr sawmhnihna chiah a ni. Darkar hnih chhungin dawr hrang hrang ah ka lut a, ka ṭhiante luh zat pawh ka chhinchhiah seng lo"

"Chuti chung chuan i la ring miah lo tihna maw?"

"Ka hrilh tawh che kha, tumruhna leh mahni theihna liau liau a ni. Mahse tinge he dawr kher hi i thlan a?"

"Ka thlang ve mai mai tinge? He dawr hi a fuh chiah lo em ni?"

A lu thing in a ngawi reng

"Eng nge sawi rawh?"

"Khuanu ruat chu ka ring ve ṭan riau. Kan pahnih hian tlai hun nuam tak min hman dun tir a duh aniang, chérie"

"Keipawh chu chu ka rindan ve tho a ni"

"Zanriah ka kilpui thei ang che ngem?"

Julianne chuan lu a bu nghat a

Chu pa chu a ṭhutna aṭanga rawn ding in a kut a rawn pe a, hmaichhana an inhmu chung pawhin Julianne chuan hmelṭha a ti kher mai. Mipa hmelṭha in an hual vel avangin ngaiah a lo nei mai a, mahse he pa hmelṭhat dan hi chu a pa in a thawk te a tibual thei dawn hial mai

"Jas Mathieu ka nia"

Julianne chu a nui sen sen a "Ju..." a chawl det a, hun nuam tak hman tuma zin a nih a inhrechhuak thut. A hming diktak chu hrilh kher ṭulin a hre lo. Thawk la halh in "Arabella...Arabella Adams ka ni e" a ti a

Chu mi zan chu an inhmangaihna bulṭanna a lo ni. Jas Mathieu chu duhawm tak, fiamthu duh deuh, nelawm inngaitlawm tak mai a lo ni. A cousin te angin a hausa ve lo a ni maithei. Mahse mipa diktak hawihhawm em em a lo ni

Awlsam taka thil a tihfel thiam dan te chu a duhzawng tak vek a ni. Restaurant changkang leh Cafe lian deuh deuh ah a hruai lem lova. Park, Museum leh Lemziah tar chhuahna hmunah a hruai zawk mai ṭhin. Hmun pangngai tak romantic deuh ah a kalpui mai zawk a

Paris a a zan hnunhnung berah Julianne thinlung chu chem a vih ang mai a ni. Dawt a hrilh in a hming diktak pawh a hrilh loh avangin a inhaw lutuk ringawt. A ni pawhin a ngaina lutuk tih a hria. A nihna diktak a hrilh hun chuan a haw ngawt ang tih pawh a hai lo. Zan khat chiah a awm tawh tih hre mahse thudik a hrilh ang nge a nih ang angin a kalsan tawp ah tih pawh a hrethiam mai bik lo

Jas chuan a chenna hmunah a hruai a, hmun fal reh tak a ni. Building an pan mek laiin Julianne i'n kawtthler chu a hriat hnu ang a ti hle mai

"Helai velah hian ka kal tawh tlata ka hriat chu le"

Jas chu a nui a "I kal tawh alawm"

"Engtik khan?"

"Kal ang ka hmuh ang che"

Julianne banah kaiin an kut a insuihzawm nghal chat. Kawng kawi ah chuan peng in Coffee dawr hi a lo ding a

"Destin Cafe" a ti sap a

"Ni e, a hmaa ka hrilh che kha i la hria em? Ka rawn zawn hmuh lai che a ruat lawk ka ring lo ka tih kha?"

"Hria e, mahse i rilru i thlak leh chhan kha min hrilh hleinem"

"Coffee dawr sawmhnih chuang ah ka lut a, ka ṭhiante hnenah pawh an hmuh che chuan min hrilh vat turin ka chah hlawm a"

"An zinga mi chuan a hrilh che em ni?"

A lu a thing a "Aih keimah ngeiin ka hmu che. Helai coffee dawra ka hmuh che vang hian ka rilru ka thlak ta alawm"

"Tinge?"

"Keipawhin Coffee dawr pakhat chauh thlang dawn ila chu hei tho hi ka thlang ang. Zing tin...ka hman chang in coffee ka in ziah alawm"

"Tak tak em ni?"

"Ni e"

Coffee dawr chu kal pelin building lam an pan a

"Khawiah nge kan kal dawn?"

"Ka chenna chu a chung ah khian a awm alawm"

Julianne chu a meng zau kawk a "I fiamthu aniang"

"Ka fiamthu hleinem Ma belle. Nang hian khuanu ruat min rin tir a nih hi. Intawng tur ngei kan nih ka ring ve ta"

Jas chu rawn kun hniam riai riai in a hmui a rawn chuktuah a, Julianne pawhin a lo fawp let thuai a, a thusawi zawh chiah khan a tihlim ngang mai

A chenna hmun chu a lian lova a te chuang lo bawk. A tawk ve tiu teu khawp mai. Chei vak ngai lovin a felfai thlup a, a mamawh ang chauh a dah a ni

Lemziahna hmanrua leh a nghen chhan tukverh bula awm chu a va hmu a

"Lemziak in ei i zawng a ni maw?"

Ngaihtuah muk hmel deuhin a nui a "Ka hahdam deuh chang hian ka ziak mai ṭhin. Hun awl hi kan mamawh a, hun hi pawh din theih se ka ti fo ṭhin"

"Mahse i thiam em hi" A lemziah ho chu a va en diat diat a, JAS tiin a mawng lamah a lo sign vek "Agent emaw Broker ho hnenah kalpui la"

"Engtikah emaw chuan ka la kalpui mahna. Tunah rih hi chuan ka la thiam tawk lo deuh"

Julianne chu a lo nui ker ker a "I thiam lutuk ringawt. I hun a lo la thleng vat mai ang. Broker emaw Agent hnena i kalpui chuan i lar thuai mai ang"

"I tan engemaw ka nei ania" Jas chuan dawhkan lam panin lehkha zial ribbon a tuam hi a rawn pe a

A lo chhoh en vah a "Eng nge hei hi?"

Sam êt hian "Ka zawn hmuh theih che avanga ka lawmzia lantirna a nih hi"

Julianne chuan ribbon chu a han phelh a, ama lemziak ngei a lo ni. A thiam in a ang em em mai. A hnuaiah chuan J'adore tih leh a hming sign JAS tih a lo chuang thlap

A mittui a rawn tling pam a, a aw a ri chhuak thei lo. A hnuk a ulh ṭeuh a, kumkhuaa a kianga awm theih chu a chak takzet

Engtin nge he pa, thinlung ṭha tak mai hi a kalsan theih ang le? Chu aia la pawimawh zawk chu engtin nge a pasal neih tur chu a pumpelh a, Jas a kianga awm theih dan tur a zawn theih ang?

Jas chuan a mittui tla chu a rawn hmu a, a lamah pawt hnaiin a kuai dak a "Tinge i ṭah a?"

Julianne chuan a lu thing in "I lemziah hian min khawih lutuk alawm le. A mawi lutuk"

"Lemziak ai chuan a mihringa hi i mawi daih zawk asin. I mawina hi lemziah hian a pho chhuak zo lo"

A mittui a rawn hruk sak a, duhthawh zetin a rawn fawp leh ta ngawng ngawng a

Jas a khawvel ah chuan chen ve reng a duhthusam a ni. Mahse a chhungte khan an remti dawn si lo. An pawm thei lo vang. Lemziaka eizawng mek kha a chhungte chuan an rap hrual hneh mai dawn si a, a pasal hual te chhung pawhin hnuaichhiah taka an tih a phal thei dawn em ni?

A pa chu Edward Sanders, company hrang hranga CEO a ni a, a pasal hual Patrick McAllister lah poltician chhungkua an lo ni bawk si

A khawvel hman chhoh dan hi mawhphurhna leh Dan zawm a ni vek mai si a, a chhungte hian sumdawnna enkawl tur an nei a, an venhim tlat a ngai bawk. Chu chu an tum lian ber a ni

Mahse he pa chunga a rilru put hmang hi thlak theih a ni lo. Amah anga hlim taka nuih tir bawk bawk thei leh Lalnu ang maia en tu, keh thei dawma dawmtu hi a la tawng lo

"Mon Amour" a beng bulah a rawn ti sup a

Lo tawlhsawn in a hmaifang ṭha zet mai chu a han thlek vang vang a, a ni pawhin duh hmel takin a lo en ve bawk

"J'adore" a ti leh sup a

Muangchangin khum lamah a hruai phei a, a nghawng ah a hmai phumin a beng hnuai a fawp a, Julianne chuan thawm lo chhuahin a mur sung sung a, a khawih fuh lai apiang chu a ṭek chhuai chhuai a ni ber mai

A nghawngah kuah let in duhthawh zetin a chhang let a, hetiang em em a, tisa chakna in a tuam pawh hi a inhre bik lo. A chhia leh ṭha hriatna te chu a khuh bo zo a ni ber mai. A rawn fawh thuk pauh leh ngaihtuahna fim a hmang thei lo telh telh

A inrin hma in khumah chuan ruakin an awm fel der. Jas chuan zawimuanga rawn fawp in a rawn hrut delh delh a

A fawh karah "Tu es ravissante, ma chérie" a ti leh ṭhin bawk

Ngaihtuahna fim pu thei lovin a siam hial a, hetiang taka hmangaihna a chen pawh hi a la hre lo

Zawimuangin a rawn lut ta

An pahnih chuan reilote chu chet an hlau dun ngang mai. Jas a mitah chuan zauthauna nasa tak a hmuh theih. Chutih rualin a dim thiam em em bawk si

Muangchangin bul an ṭan dun a, let leh theih tawh lohna hmun an thleng ta

"Jas..." tiin a rum chhuak hak a

Jas chuan a ruala chhoh san puiin a rang telh telh bawk

"Lalpa le, Jas"

A tuihalna chu a la reh mai lo. A mamawh zualpui pawh a la thleng fel lo deuh. A insumthei tawh lo. Jas chu vuanin a hming a lam reng a, zauthauna leh tisa chakna chuan a khuh phui mup mai

Jas pawhin nghet deuhin a rawn chelh a, a vawrtawp a thlen pui ta. A zo ngei em tih a chian thlap bawk a, a vawihnihna ah chuan an inpawh tawh in an taksa pawh a inrem nghal chat

"Ma chérie...Ma chér..." ti sup in a rawn thlek vang vang "J'adore" tiin a tawp a

Julianne chuan lo nuih seih in a hmuiah a fawh sak a

"Ka duh lutuk che ma belle" a ti sup a "Je chérirai ce moment pour toujours...Restez avec Moi..."

An chau dun bawk a, ban insi rialin an muhil a, zankhuain a hmangaih tak kianga a mut avang chuan a lum nuam a ti lutuk. Na deuh mahse an thil tih ah khan nawmna a tel tlat. Kumkhuaa a hriatrengna a cham tawh tur a ni. He pa hi a hmangaih a, hma hun nei dun dawn lo mahse a hmangaih reng ang

Zing dar nga ah a harh a, Jas a'n a lo la kuah reng. A kalsan daih tur anga a han ngaihtuah chuan a lung a chhe thar leh riau. Mahse a khawvel Jas Mathieu awm ve lohna ah a let leh a ngai bawk si a, chu a khawvel ah chuan hruai a rem tlat si lo a ni

A pa hi mi khirh tak, sual thiam deuh mai a ni a, Jas a hlatah a hnuk sawn dawn tho tho a ni. Engmahin a dang thei lo vang. Jas a nun tihchhiat sak vek a hreh dawn lo

Jas a, hrehawm tuar tir chu a ngam ngang lo. A pa a nih loh pawhin Patrick McAllister a'n inneihna ṭhulh a duh thu hria se chuan Jas Mathieu hi zawng chhuakin a sawp hrep duh hial ang

Ni lo, Jas a nun tihchhiatsak chu a remti thei lo. A hmangaih em avangin venhim a duh a ni

Khum aṭang chuan a ṭho ṭhem ṭhem a, thawmhnaw ha sawk sawkin a mittui a hru a, tih harh loh hram a tum

Thinlung na tak chungin a huaisenna sawm khawm in a mipa hmangaih tak chu a han en leh vawng vawng a, khum bul dawhkan ah lehkha a hnutchhiah a

"J'adore...mon amour...ka tihpalh"

A french hman chu a dik em pawh a hre bik lo. Mahse a lo harh huna a hmuh loh chuan a hrethiam ve maiin a ring

Jas a chenna hmun aṭang chuan hmanhmawh lutuk in hotel chu a chhuahsan a, a thilpek pawh a ken theihnghilh daih. A bag ah thawmhnaw a khung mawp mawp a, airport panin a tlan hlawp hlawp. Adam's Private Jet in a lo nghak reng a, a chuang nghal

A kalsan ta. Zawn hmuh theihna pawh a siamsak lo. A number emaw, a chanchin dik tak. A hming tak thlengin engmah a hrilh ta lo

****

End of 8
(A hihoha in duh sia, a ngial a ngan lo deuhin ka rawn tel zel tawh dawn nia haha)

CHHUNZAWM LEH TUR