CHHUNGKAW CHHEHCHHAWL NULA BY Engtea Fanai (Completed)

[ngaia]

Bung 12


Hriata POV kan ngaithla ve leh thung ang.


Nui te kan colony a\anga chhuah tir an ni hi ka lungawi thei lova, an chhuah chhan lah rin dan ka nei sa vek a, U mami hi an tan a hnawk a nih ka ring, hman a\ang tawhin Pu Zoliana leh Pu Hriatkima hi in\hian\ha tak an ni tih ka hre tawh a, tin, damdawi hmanga sumdawnna ah hian an tel niin sawi a awm fo \hin.


Mahse prove a awm miau loh avangin, ral khat a\anga lo sawi ve mai mai kha a ni mai a, a dik tak chuan he in a an la awm ve lai te kha chuan chutianga hausa tak kha an ni bik lo reng reng a, In luah man leh An nupa hlawh kha an ring a, sawrkar hna thawk ve ve an ni a, an khawsak chu a harsa hauh lova, mahse tun ang em em a hausak thut nachhan tur hi a awm miah lo.


Falkland ah ram leiin Kum rei lo teah Building lian pui an sa thei a. Mizorama Sofa dawr lian ber te zing ami an din nghal thei a nia, Thil dik lo a awm chu kan ring vek a, mahse han chhui chiang deuh ila thik nih kan hlawh zel a, awih lo deuh chungin kan lawmpui mai kha a nia, keini tan tak phei chuan a lawmawm zawk, an in an chhuahsan a. Keimahni colony ho tak takin a a neitu mitmei veng miah loin kan awm theih phah a.


Mahse hun rei tak chhungkua ang maia awmho tawh innel em em, a chhan mumal pawh awm lova zingkar a kan colony a\anga chhuak tura an rawn ti ringawt kha a chhan a awm ka ring tlat a, U Mami chu bungrua ka dah pui ta a, tichuan kan titi dun a, a chhan chu ka zawt ka zawt a, a sawi hreh viau a, Mahse ka zawh ka zawh takah chuan min hrilh ve ta a, Pu Zoliana in hnam hnawih dan tak phei chu kan hre lo naa, a tel ve ngei kan ring.


Tichuan Nui te chu an insawn ta a, ni a liam ve bek bek zel a, keichu ka rilru a dam thei lova, khatiang khawp a zah lova, inhrilh lawk pawh awm lova an chhuah tir kha, Nui ka hmangaihna avang te pawh a ni mahna, min nawrtu awm tlatin ka hria a, A rukin Pu Zoliana te chu ka thli thlai ru \hin a, An in ka va tlawh ru fova, Police \hian te pawh a nei nual a, Pu Hriatkima ngei pawh Pu Zoliana te in ah chuan a chuangkai fo mai.


|um khat chu an inbiakna ka hre ru a, Bazar lun laiah chawhmeh zuar anga awm pakhat hnenah No 4 \ha hnem tak a awm a, chu chu an in pe chhawng dawn tih ka hria a, ka chang ru a, Police ho ka hrilh bawk, Mahse chupa chu ka hre thei mai lo, ka vei ka vei hnuah chuan rinhlelh deuh ka nei a, ka thlithlai ru reng a. Amah rawn dawrtute chu an fimkhur hmel em em mai a, Police ho nen chuan inthurualin kan chang ta \hap a, an chaw hmeh bawm karah chuan eng emaw berah a awm a nih ka ring a, mahse chiang taka hriat kan neih loh avangin kan va dap ringawt chuan a ni lo kan dap na lamah ani zawk alo inthiar fihlim phah kan hlau si a.



Chutia rei tawk kan chan hnu chuan an zik hlum dahna bawm pakhat chu a bawma rawn lak an tum ta mai a, a nih ngei kan ring ta, Police ho an lang chiah chu chupa chu a thlan chhe nghal, midang zikhlum kharchhawn tumtu te pawh an tlan darh nghal vek a. Police pakhat nen chuan chu thlai zuar chu Bazar chhungah kan um lut ta a, Nui nu \hutna lane ah a tlan phei a, chak tak chuan ka um a, Rukru lo man rawh u tiin ka auva.



Nu Rini chuan zikhlum ngei maiin a lo vawm thal tawp kha a nia, chulai bazar nu ho bulah chuan rukru angin kan sawi a, Police chuan thanaah a hruai a, midang ho chu an hloh vek a, chupa chauh chu kan man thei ta a ni, U mami ka call a, an dawp na bulah awm ve kan dil a, U mami chuan engtin tin emaw ni thu ava zawt a, police hoin an dawp chhuah theih loh avangin inrawlh ve kha a dil a, an lo phal sak ve mai a. a neitu chu kan rin lawk ang ngeiin Pu Zoliana leh Pu hriatkima te an ni a, kan man ngei tura kan ngaih laiin.


Hun a rei a, anni chu an fihlim thu leh kan manpa chu a neitu ngei a nih thu an rawn puang ta daih si a, amak kan ti lutuk a, chhun lamah khan keichuan chung thil chu ka hre thawi tawh a, zanah chanchin tharah an rawn nemnghet leh ta chiah a, U mami chu zuk hmuh ngei \hain ka hria a, zanah Nui hmuh a chakawm tho bawk nen ITI lamah chuan ka liam thla ta a ni.


In chhung ka lut chu Nui chuan kawngka min lo hawn sakin U Mami chuan a tihdan \hin ngai bawkin min lo chheih leh nghal a, kan msg hi a lo chhiar ru \hin tih ka hria a, ka zak duh tawh lo, Mahse Nu sawmi lakah hian ka inthlahrung \hin. Ka inthup hram hram \hin a. lai lo ang tak chuan ka va lut a, Nui chu Nu sawmi chuan thingpui lum turin a tir a, a kal tau nghawng nghawng, Nui titau hi chu a duhawm ve thlawt a ni. Hei vang hi a nia, ka tih thinrim reng \hin, a titau hma em em a, a lungawi leh hma em em bawk a, han chhaih thinrim hi a nuam ka ti \hin.



Thingpui in pah chuan kan titi a, rei tawk tak kan inkawm hnu chuan U Mami nen chuan a falin kan inkawm a, Nui chuan min lo melh rum hle, kalo nui sak a, I chhia ti supin room ah a lut daih, U Mami chuan I lo inrawlh kher a, in tawrh phah ang tih ka hlau a nia, chuvang chuan tichinah hian duhtawk ang aw, keipawhin ka buaipui tawh dawn lo, kan tlawm tihna a ni lova, Dan kengkawhtute zawk hi an tlawm rih miau si a, chuvang chuan an mahni anga tih hreh nei lova dan pawisa lo veka kan che te a nih loh chuan kan hneh mai mai lo ang.



Video emaw thlalak hmang ngeia an thilsual ti lai prove na kan nei a nih ngawt loh chuan hotu lam hian an thup bo zel thei dawn tho tho, chuvang chuan, nangpawhin bawh zui tawh lo la, I zirlai \ha takin tirawh, keipawhin ka hna \ha takin ka thawk tawh ang, Anni chungchangah chuan theihtawp chhuah mah ila, chung lam a thleng thei miau si lo va a ti chuar chuar a.


Ni e, Mahse engtikah emaw a la lang chhuak tho ang, inchhuah tirh khan ka thin a rim em a, ka insum thei lo chuan bawhzui ngei ka duh ta alawm le. Nang ni pawh in awmna te inkhawih fel thei a, a hreawm lutuk em em lo bawk nen, I sawi ang chu tunah hian duhtawk rih mai ang aw, inthiam lo ru tak chuan ka ti a, tlawm ta angah riak ka inchan a, ka rilru chu a na hle.


U Mami chuan tehreng mai, Nui nen hian in ni tiraw a rawn ti chhuak thut, ka meng phawk deuh hra a, ka lai thar leh, I mawl em maiah ka ti ringawt, U Mami chuan nuih sak pah hian in message ka chhiar vek zel aw,, Nangmah hi tiraw thla kha a ti leh chiah phei chu, I mawl em maia, inngaihzawn dan kal phung hi I hre lo, an inzawt chut chut ngai lo ka ti a, lehlam hawi chuan thawk ka la halh a.


U mami thil sawi chuan boruak a thlak chiang hle, U Mami chuan thupui fun deuh leh hmel thu tak zawk hian, kum lamah I u zawk a, puitling takin awm ula, in \hen mai mai te, sex hman ringawt te hi tum reng reng loh tur, tlangval ve uai tawh mahla, chhungkaw chawm tur em chu I la puitling tawk lo tih hria la, insumna nen, duhthei tawn takin inngaizawng ang che u, a tih chuan U In nau a fuih dan tur tak takin min zilhin min fuih niin ka hria a, ka lawm, chu aia ka lawmna chu chiang taka inngaihzawn phalna U mami hnen a\anga permission ka hmu chu a ni, tunah chuan Nui chu official takin ka ngaizawng thei ta.


Ka haw dawn chuan inthlahrung deuh hian, U Mam, Nui tawi te ka inthlah tir ka ti zuk a, ka tukhum ka tuai sut sut a, U Mami chuan Lalnu, hei Hriata a haw dawn, tawite thlah a duh a nih chu a tikher, U Mami pawh hi a nghal ve a ni, za lo deuh chuan ka nui lui suk a, Nui chu peih loh hmel tawkin a rawn chhuak, I inleng te chu nangman thlah mai ta che a rawn ti, henu te hi chu ka chum chawrh dawn emaw ni.


U Mami chuan a ni dawn tak e,, keihi ka zei lo \hin, ka senior tawh lutuk vang hi a niang, a nih va lut leh rawh keiman ka va thlah ange, a ti chiah chu, Nui chuan a ngai lo, ka thlah thei alawm a ti leh chung chung a, U Mami lah chuan ahh, Hriata tan pawn a nuam lo ang a inleng lo zawkin a thlah daih kha, tiraw hriata a la rawn ti zui, min ti chiai, Nui \awng liam zawt zawt zel hi chu, nia, ka lo ti ve ringawt.


Nui chu a rawn tlan thut a, ka banah a rawn vuan a, lokal rawh U Hriat, tih leh kawngka khar nghal chu a rual a, U Mami chu a nui ar ar a, Nui bulah chuan \awng liam zawt zawt zel suh, min thlah tak tak \ep kha ka tih chuan, enge amah zawk hlir I rawn bia a nih kha, titau aw deuh tak chuan a ti a, a hmui chu a ti pawrh deuh tar a, a hmuiah tak chuan piai sakin,, I van \ha reuh ka ti zawi deuh sap a.


An in chhuk a thim chinah chuan kiss tumin ka han kun hnaia a, hmeichhe pakhat sam var hi a lo kun deuh run a, hei,, a rawn ti, kan phu nasa lutuk, Nui phei chu a tawlh deuh dawr a,, keipawh chuan ramhuai a nih ringin ka hlau hman tak zet, Mahse a rawn hawi chhuak a, Ka phone flashlight chuan ka en nghal, an \henawm pitar Pi Saii lek chu niin.
Tlangval I ham leh dawn emni, a rem lai laiah hian tunlai \hangthar te hi in in fawp ringawt mai a, a \ha lo lutuk, Nui, pawh I nu ka hrilh dawn ka tih kha, tih pah chuan a la kun deuh a, ka en chiang chu a lo zung tur tur chu niin, Nui chuan, Api Saii hi chu ava \hing thei tak, enge khatah I zun ringawt, I pawnfen te kha a huh anga asin, lai ru deuh ngei aw deuh tak chuan a va ti a. Pi Saii chuan zantin ka zunna alawm le, hei henglai pangpar hi zanah tui ka pe \hin, a ti chiah chu Nui a uak \hawt, Api sai, kan pangpar hi I zun khum \hin maw,, thinrim aw tih hriat tak chuan a ti a.



Pi Saii lah chu a nui kur kur a, tui ka pe ka tih chu, zing tin lah hian I lo hnim ziah a, an \han chak em kha ka tui pek an ngeih a nih kha a la tiham ham zui, Nui chu ka va en a, ka khawngaih bawk si, ka nuih a ti za bawk si, Pi Saii chu ka va en leh a, alo zung zo tawh a, Ka pi enga tinge I zun zawng khan I kun kher a, min chhan tak tak pawh ring lem lo chuan ka han ti a, Pi saii lah chuan elee, ka elh khi a ti chu ka nui phuh deuh thut, a tar ve tawh reuh sia, a la hot phian mai. mahse tar tih khan tar chhe lutuk erawh a la ni lova, a phun peih rual vel a ni. Nui chuan A Pi saii lah hi I \awp thei lutuk tiin a vui nung nung.



Pi Saii chu nui kar karin an in lamah chuan a phei leh daih, Nui chu a biangah chuan ka fawp zeuh a,, umm, ka ti vang vang a, engee min rawn chhoh en ran chuan a ti, ihh, Pi saii zun rim I nam ka ti chiah chu, Lalhriatpui ka vawm dawn che tiin min um zui nghal. Tlan chhiat pahin,, tih thleng kha min thlah mai rawh ka ti a, I chhia, a nih, loleng leh vat ang che tiin ban a rawn vai lauh lauh a, keipawhin ka ban vaiin ka va chhawn ve bawk a.


Ka scooty dahna ka thleng a, chak takin kan in lam pan chuan ka tlan chho a, ka phone chu vawi hnih lai a rawn ring a, mahse in ka thlen hunah ka chhang mai ang, ka ti a, ka la duh ta lem lova, in ka thleng chiah chu kan in kawngka chu a lo la inhawng huau va, ka zuk lut chu, kan colony ho an lo awm khawm \hup a, ka nu leh U bawihi chu an lo \ap a, ngaih \ha lo zet chuan in chu ka lut a, U bawihi chuan Ka pa, a accident, khawzawla an hna kha vawiinah an zo a, a zan a zanin a rawn haw a, kawnglakah Motorin a su a, tunah a la harh lo, an rawn phur haw mek a tih chuan ka chiai vek.



Ka phone chu a rawn ri leh a, ka chhang nghal, number lawng a ni, hello ka ti chiah a, engamah hma chuan, tikhan kan pawi khawih hlauhawm zia chu I hria em, I pa kha uluk takin enkawl rawh, a lehpekah chuan nangmah emaw I nu, I unaunu, tu ber nge niang, kan pawi khawih loh hi a \ha ber a nia, tiin phone chu a dah hmak. Ka thinrim lutuk chu ka insehruh a, awm ngaihna pawh ka hre lo, han au chhuah hawk mai chu ka chak a.



Ka nu chu ka va buaipui nghal a, bawiha enge awm zia, khawiah nge I len, \ap chung chuan a ti a, I pa a awm loh chuan engtin nge kan chhungkua kan awm ang, tiin a \ap a, Ni e, kalo ngaihtuah ngai miah lo, Ka pa hna lah Pvt company ah a ni a, pension tih vel engmah a awm dawn lo, U Ruati lah Pasal neiin hmun dangah a awm daih tawh si, ka Pa a awm loh chuan kan tla chhia a ni der mai, ka rilru chu a buai tak zet a ni.



Damdawiin lama lo nghak tur chuan kan chhuak a, Nu Rini leh Nu Siamtei chu ka nu an lo awm pui a, a chiai em avangin hruai ve loh mai a \hat zawk kan ring a, kei leh bawihi, chuan Pa Muana te nen chuan kan chhova, rei vak loah civil chu an rawn thleng a, ka pa chu a luah hliam a tuar a, biak pawh a la hre lo, Mahse amar chu a \ha vek a, a thawk pawh a pangngai an ti a, chu chuan tlemin ka thla a ti muang deuh.


Bawihi chu a khur deuh hlet hlet reng a, an driver \awngkam a\angin rawn sut tum sain an che a ang a tih thu a sawi kha Bawihi chuan a lo hre pha a, tu pawi nge kan sawi le,, Ka pa hi tunge thah tum ang, tiin a khur deuh zawih zawih a, ka kuah vat a, accident satliah a niang, Driver pawh a rilru a fim lova, thil a hmusual a niang. Hlauhthawnna tur a awm lo tiin ka thiam ang tawk tawk chuan ka hnem ve siam siam a.



Pa Muana chuan a harh tawh e, a rawn harh tawh aw, engmah hlauhthawn tur a awm lo a nih chu a rawn ti a, Bawihi chu ka pa an dahna lamah chuan a tlan lut nghal a, luh ve ka tum chu, Pa Muana chuan lokal lawk tehhh a rawn ti zawi sap a, Pa Muana chu a hnim deuh ruih hian ka hria a, thil \ha lo eng emaw thleng tur ang tlata hriatna ka nei, pa Muana chu ka pan hreh hle a, Pa Muana chuan, hriata, a kawng hi a dik lova, a spinal chord a chhia a, dam chhungin ke in a kal leh tawh lo ang an ti, a ti chiah chu, ka tliak hnawp hi a ni mai.



A pawi tih bak sawi tur ka hre lo, kan in nghahna kan neih chhun tak meuh meuh a ni asin le, a tel lo chuan engtin nge ei kan zawn ang le, ka rilru chu a buai map mai a, ka pa chunga hetiang thil titu hi engtikah emaw chuan ka la chhui chhuak ang a, dan in an chungah action a la thei lo a nih chuan dan pelin ka che ve mai ang tiin ka rilru ka siam sauh sauh va, ka kut chu ka hum ruh a, ka khup chu a sai hlawk hlawk, Pa Muana chuan min rawn kuahin, tirawh, va lut ve ang, bawihi a hrilhhai lutuk ang a tih avangin, hreh tak chuan ka pa chu ka va hmu ta a ni.



Ani chuan engmah a lo la hre lova, a accident na hliam avanga la che thei rih lo mai mai turah a in ngai a, chutiangin U bawihi pawhin, keichuan ka la hrilh duh lova, Nakinah muang marin ka la hrilh mai ang ka ti ta ngawt a, Mahse engtin nge ka sawi ang, ka Pa chu, pa sehhel leh tuarchhel tak a ni a, a tuar thei mai anga, a pawm thiam lui thei mai ang, ka Nu leh Ka U hi engtin nge an awm ang. Engtin nge ei kan zawn chhunzawm ang, zawhna tam tak keimahah a rawn lut zawt zawt a, ka Pa chunga kutthlak tute ka huatna chu a lian hle bawk.



Chutih rual chuan tihbuai mi an ni rih lo tih lah chu kei aia hrechiang an awm kher lo ang, Zoram leh a mi challang sawrkar mi, ahh sawrkar thleng chuan an chhia ka lawh mawlh mawlh a, dikna chu zoramah chuan a awm ve lo niin ka ngai a, smugler te zalenna ram, tiin kohhran thleng chuan ka hmu tling lova. Zoram lakah leh Pathian lakah chuan ka hel a nih ber chu. Tichuan daktawr te chuan in lama in lak min phalsak a, kan in lam pan chuan kan haw ta a ni. In kan zuk thleng chu, Nui te chhung chu an lo awm \hap a, kan colony ho zawng zawng an lo kim vek bawk, awm dan thiam a har hle a, ka pa zawk chuan aw,, min ngaihtuah mai mai a nih kha, hei ka kawng vel hi ka la che hlei thei lova a ni mai a, ka \ha leh vek tawh a nia, tiin a thlamuan mawlh mawlh a, keichu ka tiril a khur a, awm ngaihna ka hre lo, ngawi reng chuan ka pa chu wheelchairah chuan \hut tirin kan nawr lut a, ka Nu mawlh chu ka hmu hreh a ni, heng zawng zawng thlen chhan hi keimah ka ni si a.


|awng miah lo chuan ka che ve sut sut a, Pa Muana chuan ka kut rawn vuanin, chhel takin le, mipa I nih kha, a rawn ti sup a, intihpachan ka tum hram hram a, Aw, han thian kharh kharhin, Nu Mawi, in rawn kal ve ani maw,, in veng hlat hlat nen, ka han ti ve luam a, U Mami chuan sawi duh neih hmel takin min rawn melh a, Nui erawh a mittui a lo tling pam a, Ka pa chuan, engah nge maw in men deuh pur reng ni, Bawihi, thingpui kha han siam tehh, Naktuk khua a rawn var anga, engkim a \ha leh mai dawn alawm a tih te chuan ka hnuk a ti ulh leh zual a, Ka pa chu ka han en leh ngawt \hin, a rukin Pathian ka au mawlh mawlh a, ka hringnuna Pathian ka auh tam ber ni a ni hial ang.



Zan te a rei tak em avang chuan a \hen chu an \in deuh sang sang a, ka pa berin a ngaihtuahawm loh thu sawi a, haw tur a tur deuh sek avangin nuam ti zan lo chuan an \in hlawm a, a la awm chhun te pawh fiamthu thawhin an nui dar dar a, U Mami chuan keini pawh kan haw dawn ange, Kan Taxi rawn hman hi Pi Saii tupa te an ni hlauh zawk a, hei min lo nghak ve reng si a, a inthlahrunawm tawh em mai a ti a, Nui leh Nu sawmi chu an chhuak a, U Mami chu scooty in a rawn kal thung a.


Nui te chu ka va thlah a, Nui chuan ka banah vuanin, min en a, a lu a bu nghauh ringawt a, min ngaihtuah hmel chu ka hmu thiam a, han sawi vak tur a hre lo tih pawh ka hria, keipawh bu nghutin za lo tak chuan ka nuih sak a, tluang deuhin in kal dawn nia, fimkhur ang che u tiin ka thlah a, an tlan liam tur thleng chuan ka thlir reng a.


U Mami chu rawn chhuakin lokal lawk tehh a rawn ti su su a, ka kal hnai a, an mahni thil tih tiraw a tih chuan umm,, zawngho hi ka la nuai ve ang mawle ka ti chang fak a, U mami chuan a chanchhe zawk kan ni tih hi hre reng ang, dan angin hma kan la thei si lo, keimahnin evidence chiang tak kan neih hunah ngei chauh kan che thei ang chuvang chuan a langsara chet a ngai tawh lo, chuan nangpawhin ngaihtuah rih tawh suh, Nunna em kan la chan lova chuvang chuan duh tawk rih ang, a tih chuan ka thaw halh a, ni e,, dan ang chuan ka duh tawk tawh a lawm, mahse dan lo angin ka la che ve ang, hethil titu hi chiang takin tu ber nge a nih tih ka hriat hunah ka ti khar khar a, U mami chuan a ruk thei ang berin kan la che ve dawn nia, tunah rih chuan kan reh vang vang phawt angai a ni, a ti a, keipawh chuan a sawi chu dik ka ti hle, an vawi khat chet pawh kan chhungkaw tan chuan chhiatna a ni si a, Nunna lak lah an hreh dawn der si lo!


U mami chu a haw ve ta a, Nu rini chu rei tak awmin ka Pa nen chuan an titi reng a, ka pa hreawm ti lutuk tur leh ka Nu mangang lutuk pawh a rawn chhawk viau mai, Pathian thu a sawi nghal bawrh bawrh bawk a, NU rini hi zawng, a ri phawr phawr a, han \awng liam ve pawr pawr mahse hmangaihna lan tir hunah hian kan tan hian a awm leh tlat \hin, tunah pawh awm lo se chu kan chiai ngawt ta ve ang. Ani pawhin mut in duh tawh ang a ti a, a chhuak ve leh ta a.
Ka pa chuan ni e, I mu dawn ila, a ti a, ka pa hmel ka hmuh chuan ka mittui ka dang zo thlawt lo, lehlam hawiin ka insut leh feih feih \hin, Nu lo va mu hmasa tehh u ka ti ngawt a, enge lo mu ve nghal ula a ni mai alawm, a tih chuan, keichuan ka pa hi an accident dan vel kan zawt chiang lawk,,A MAN ka ti riau tiin ka nu chu a thlamuan nan tiin ka han uang zui a, mahse chhungril erawh a tih takin, a ngui ruai si a ni.


Ka pa chuan ni e, mipa kan han titi ange a ti ve sup a, ka mit meng a\angin min chhiar thiam leh a nih ka ring., ka pa hi zawngin min hre chiang ve em a ni, tichuan bathlar lam pangah chuan ka nawr phei a, ka nu ten kan titi an hriat loh ka duh vang a ni, ka pa hian engtin nge a dawn sawn dawn ka hre bik si lo.


Van chu a thiang kuk a, Aizawl khawpui tlak lam chu a lang ut a, kan thlir dauh dauh va, thawk ka han la halh a, Ka pa chuan enge ni sawi duh I neih a, aw then deuh kharh pah chuan a ti a, ka sawi hreh lutuk hi, awm ngaihna a awm lo a ni ber mai, Ka Pa chu en pawh ka en ngam lo, Pa, doctorin ka hnenah thu an sawi a, ka tih chuan enge thu nge, hriat hreh hmel leh hriat chak hmel tak si chuan min rawn vuan a, I hnung zang Spinal chord hi a chhia a, thawk kan han la leh vak \hin, kan awmna chuan ka duh khawp boruak a awm talo emaw tih mai turin ka thaw te chu a chham dawn tak ngial a.
Ka pa chuan, chuan engtin zel, muang ban charh chuan a rawn ti a, ke a I kal leh a rinawm tawh lo an tia, ka tih chuan ka pa chu ka en a, ka dam chhunga ka pa mittui tla ka vawikhat hmuhna a ni, a chair ban chu a vuan a, a hmer ngawt ngawt a, a mittui chu a baw zawih hi a ni mai, a dak vauh vauh a, a rum nghut a. chutiang chuan a awm deuh vang vang a, Ka pa darah chuan ka vuan a, a bulah chuan ngawi rengin ka ding a.


Rei tawk fang chutianga kan awm hnu chuan, ka pa chuan ka kut chu rawn vuanin, a \ha e, keini leh zelin kan tawrh thiam loh zawngin I nu te engtin nge an awm ang, Mipa kan nih hi, dam thluam chuan a rawn ti a, Ka pa chu a pachang ka ti tak zet a ni, tuma hnena la sawi lo tur chuan min ti a, ka nu chu a rawn au lar lar a, Bawiha in la rawn lut dawn lo emni, enge maw in sawi le a rawn tih chuan, Ka Pa chuan accident dan mawi ka hrilh a nih hi tiin a uang zui a, a nui lui hak hak a, chung te hlei hlei chuan min ti na a ni, a chhungril chu a rum kawk kawk ang a, a \ap ve hawm hawm awm si a.



An room ah chuan ka hruai a, ka pa chu khumah chuan ka mut a, ka chhuah hmain ka Nuin lawmthu sawi \awng\ai a nei a, Ka pa dam taka a rawn haw leh avangin a \awng\ai a, kei erwah ka rilru a hel tlat a, thinlung takin ka \awng\ai ve lem lo. Engvanga Pathian laka hel ngawt nge ka nih pawh ka hre lo, ka rilru a thil rawn lut chu khawvelah chuan thawk ila, nei ila, chu chu malsawmna a ni mai, a dik leh a \ha pawh a ngai lo, hausa ila, kan thang \ha a ni mai tih chu a rawn lang tlat, Pathian hi mindal mai mai tu a ni ttin ka rilruah a rawn lang tlat a.


Ka Nu a \awng\ai zawh chuan ka room lam panin ka phei ve nghal a, zantin \awng\ai \hin khan \awng\ai ka tum tawh hauh lo, Nui msg chu a lo awm teuh a, chhan pawh ka tum chuang lo, ka mu tawp a, thil hrang hrang ka ngaihtuah a, kan saving account ka ngaihtuah a, pawisa tam a awm hi ka ring lo, ka pa in hna a thawk thei tawh lova, kan khawl sa chuan rei min daih dawn lo hi a ni tawp chuvang chuan,lehkha zir tawh loin hna ka zawn angai tih chu ka rilruah a awm a, kha chen pa te thlazar hnuaiah kan awm a, hringnun harsat zia hi kan hre lo a ni.


Tunah chuan khawvel hmachhawn turin ka hringnunah hian chapter thar ka kai angai a, Puitling leh zuala ka awm angai a ni tih te chu ka rilruah a rawn lang uai uai a, khum laizawlah chuan ka hui leh pap pap \hin a, ka han chhing lui ngial a, ka muhil thei bawk si lo.
Chu zan hreawm tak chu a liam a, a tuk zing ni chhuak chuan kan chhungkuain engbuaina nge kan tawh min hriat pui ve hauh lohin a tihdan ṭhin ngai bawkin leilung chu thil siam mawi bik a nih zia rawn lan tir leh tumin a enna a rawn chhuah leh vaw vaw a, hman ang bawk khan kan in chhungah pawh chu ni zung chu a rawn lut tlang leh ta ruih mai, khawvel chu thilmawi a nih zia a rawn pho lang leh a ni.



Mahse keini chhungkaw tan erawh chu ni chu a mawi zo ve lo a, ni lungngaihthlak tak, ni buaithlak leh manganthlak mai a ni, chu kan hun tawn chu ka pa leh keimah chauh lo chuan kan hre si lo a ni, Ka pa chuan min rawn au vin, ka Nu nen a wheelchairah chuan kan ṭhut tir a, Bawihi leh ka nu chuan a la nuam lo pangngai turah an ngai mai a, kei leh ka pa erawh chuan thil pangngai a ni lo tih kan chiang si a. bathroom lamah chuan ka nu chuan a nawr phei a, ka pa chuan kawngkhar bul aṭang chuan zing ni rawn chhuak chu a thlir dauh dauh va, va mur infiam ni awm taka van zawla an han in um ziai ziai te chu a thlir a, a natna an ṭawm pui lo lutuk chuan a ti hreawm a ni ngei ang, a rum nghut a, bathroom lamah chuan ka nu nen an in nawr lut ta a ni.


Ka pa chu ka en reng a, thil dang pawh ka ti thei lo, ka pa lahin pawn lam a hawi dauh dauhva, a hmai a han tuai leh pap pap ṭhin a, min ngaihtuah a nih ka ring.
Bawihi chuan lehkha a zir a, ka nu a che sut sut a, dar 8:30 vel chuan tuk ṭhuan ei tur chuan kan in peih ṭhap tawh a, ka Nu chuan han siam mai a tum a, ka pa chuan chhung inkhawm hman a rawt a. Ka nu leh Bawihi pawh an rawn kal ve vat a, sitting room ah chuan kan ṭhu khawm ṭhap a, ka pa chuan bible a chhiar duh avangin a bible chu min va lak tir a, he chang hi a chhiar a.

JOBA 2:10 Pathian hnên ata thil ṭha kan hmu a, thil ṭha lo pawh kan hmu lo vang em ni?” a ti a. chu lai thu chu a chhiar a, a ṭawngṭai hma chuan thu sawiin, a hun tawn rapthlak tak chu zep reng chi ni hek lo le, a sawi chhuak ta, ramtuileilo, zeng, dam chhunga ke a kal leh tawh lo tur a nih thu a sawi chhuak chiah chu, Ka Nu chu a meng phawk hra a, Bawihi chu a mittui a tla, a ṭap chhuak hial a, Ka pa pawhin a sawi zawm tawh lo, a kun chhur a, a mittui far chu ka hmu mahse ka pa erawh ṭah a tum tawh lo, Bawihi chu ka pa lamah a kal a, a ke chu a tuai sak a tuai sak ta ringawt a, ka nu pawhin ka pa chu a va kuah chawt a, engtin nge kan awm tak ang tiin a ṭap chhuak hial a.



Engkim hi ka thiam loh vek a ni, tunah chuan ka pa ai ka awh ang, ka Pa chu a riru tal hlim takin ka siam ang. a taksa tidam thei tawh lo mah ila, a rilru tal ka tihahdam tur a ni tiin ka rilru ka siam a.
Ka pa zawk chuan ka nu leh ka U chu a hnem mawlh mawlh a, rei tawk an inkuah hnu chuan ka pa chuan sawi duh nei tan sawi ve ula, chuan kan ṭawngṭai dawn a nia a ti a.



Ka nu chuan Pathian hnena vui thei kan nih loh zia te, kan chungah engpawh thleng se, Pathian in a rel sual ngai loh zia te a sawi a, keichuan pawm harsa ka ti a, kan chungah hetiang a thleng a, Pathian rel dan a nih ngat chuan Pathian thil tih dan hi tiin ka ngaihtuah a, ka vui tak zet a ni.


Ka nu in a sawi zawh chuan ka sawi ve a, Ka zirna ka ban san tur thute, tun hi lo zir zo pawh ni ila, awm zia a wm vak loh tur thu te ka sawi a, hna awm thei ang ang thawh ka tum thu leh zawn ka tum thu, chumi hma chu ka pa aiawh a JE a awm ve mai ka duh thu te ka sawi a. ka pa chu a ngawi ngal reng a, Ka Nu erawh chuan i zo ṭep tawh a, zo law law rawh a lo ti hman hmawh a, Ka pa chuan min rawn en in, mipa thutlukna a ti a ni mahna, i inchhirna tur thutlukna engmah siam lo la, i zir chhung na na na chu kan la chawm thei ang che a ti a, mahse chu thu chu a sawi ngawt tak na a, kan tan sum khawl tam a harsat zia ka hria a, Bawihi zirna nen an rilru tihah tu mai mai ka ni dawn tih ka chiang em a ni. ka sawi chhun zawm a, Bawihi hian zir zawm se, ani chuan thiam dang a nei vak lova, bawihi zirna tum pahin hna ka zawng thei ang ka tih chuan ka pa chu a lo bu nghauh nghauh va, aw le, i thutlukna ang chuan han kal phawt la a ti a, Kan chhung inkhawm chu kan duh tawk ta a ni, naktuk lam aṭanga hna ṭan tur chuan ka inruahman tawh a, ka pa chuan an company a an hotute pawh a be tawh a, an ni pawn an lo rem ti hle a, Manager angin a awm ang a, kan hna khawih lai hi a riah chilh ṭhin ang a, hlawh pawh manager dang hlawh aia tamin, i hlawh ang zat hlawhin a thawk dawn nia an lo ti hlauh va.



Ka pa te company a thawk tur chuan ka rilru ka siam fel ta vek a, ka chhungte pawn lungthlu zan lo chuan min pawm pui ta bawk.
Nui call chu ka chhang peih lo hle a, ka rilruah thil tam tak a rawn lut a, chu chuan min tibuai a ni, ka ngaihtuahna leh ka duhna ang hian ka kal ang e, ka thinlung duh zawng hi ka pan zawk ang.
A dik tak chuan Nui thlah chu har dawn hian ka hria a ni, mahse ngaihzawng neia atana hun insiam vel kha ka thei tawh dawnin ka hre lo, ka rilruah phuba leh huatna bakin hmun an chang tawh lo a ni ber a, mahse Nui ka hmangaihna chuan min tibuai a ni, ṭhen dawn pawh ni ila engtin nge bul ka ṭan ang. He hmeichhe a buang leh rilru thianghlim tak duhawmna a khat hi rilru na taka siamin ka kalsan ang maw? Nui phone call chu ka thlir tlawk tlawk a, Bawihi chuan U i phone a rik reng chu la ta che a rawn ti lar lar a.


Phur lo zet chuan ka chhang a, Nui chuan engatinge min rawn call miah loh, engatinge ka call i chhan duh loh a rawn ti nghal phiar phiar a. keichuan ah.. ka buai deuh em a ni ka ti mai a, ih,, U Mami kha a lisence an cancel sak a, a hna aṭang an ban a nih chu a chhan pawh kan hre lo, ka nu pawh a ṭap a ṭap mai. engatinge kan chungah harsatna hi a rawn thlen phuk phuk le tiin ṭah aw ṭuau chuan a rawn ti a, ka khawngaih a, mahse keipawh hi hnem ngai ve tho ka ni si a.
Ka la rawn leng dawn nia, intih pachan hram hram tum rawh tiin ka hnem a, sawi tur ber ka hre lo a ni. hetiang thil titu hi tu zawk nge, zoliana nge Hriatkima a tu zawk zawk pawh nise an chungah phuba ka la ngei ang.

Lo chhiartu zawng zawng te, khawngaihin ka channel Thawnthu Khawvel hi min lo subscribe sak ve \heuh turin ka sawm che u a ni
Show post links
Top