CHHUNGKAW CHHEHCHHAWL NULA BY Engtea Fanai (Completed)

[ngaia]

BUNG 15

A bialnu chu a ni tak tak angem, nge ni a, a thawhpui, saw nu saw emni in\hen a rawt chhan, ahh, ka rilru a buai vek. Kan um zui zel a, a hmeichhe hruai chu a rawn hawi let zawk a, keini chuan bazara thil an khai chu kan en ringawt, kawnghren zuar bul ber kherah kan ding bawk si, Christy chuan kawnghren zuar pa kawnghren zawrh lai chu a en der tawp a, ani lah a lo phur si. A’n zawrh ta tak tak mai a nih kha, Kan kal sawn pawn min um zel si, U Hriata te lah an kal chak tulh tulh a, kan zui ru tih an hre tawh a ni ngei ang, kawnghren zuar chuan A tirah 200 in a ti a, ah,,ka pu kan duh lo mai ang a tih pawh chuan chu kawnghren zuar chuan hlawh chham a tum hlawl si lo, min zui phei zel a, 150 in la rawh a ti thul, ah,, kan mamawh lo a, kan duh zawng a awm lo kan tih pawhin dawrah lo chho ula a la ti zel, kan kalsan \hin, min zui a, min be reng a, 100 in la rawh a ti leh, Ramrami ning lutuk chuan christy lei mai tehh a ti ta ringawt a, kan tum loh lutukin kawnghren chu kan lei ta ringawt a.



Chu kawnghren zuar pa mai mai vang chuan kan hnu chhui lai kan hloh phah, kan va ngei tak, U hriata te chu kan en zui ngial pawn an mawng phe pawh kan hmu tawh lo, Ah,, a tawk zui tawh lo ang, a hrim hrimin zui pawh ni ila enge awm zia awm vak, kan tawp tawh lungawi lo, vui hmui pu lek lek chuan ka ti a, Ramrami chuan aw,, an inngaizawng ngei a nih chuan kan rek ang chu, kha leh chen kha ngaihzawng nei lo angin I din hmun chiang lo deuhin a dah a, a lo kawp reng che tihna a ni dawn asin, a tih chuan a dik ka ti viau a, mahse atawk lokal ru, enjoy ang u, ka ti a, Durtlang lam pan chuan kan kal a, kawnghren chu christy chuan kut dawh Naupang pakhat hnenah a pe ringawt a.



Bawngkawn lam pan chuan taxi ah kan chuang a, kan hun tawn mek chu kan sawi zui a, kan hlim pui phian a, kan rik pui leh dar dar a, taxi driver chuan min hmu duh ngang mai a, Mahse kan inti thawveng a ni mai a, kan zah \it \et duh lo, sawi tawh angin hetianga chhuah ho hi kan nei leh khat tawh dawn em maiah. A chang leh kan zai phei a, a chang leh kan in kap fiam a, kan nui duai duai a, kan titi mawlh mawlh lai chu Ramrami chuan lo pawt chat thutin enteh u, MC a chhe lo deuh kan hmuh, christy’n min lo kawh hmuh zeuh kha, a hming kha Edena a tih chuan kan nui ringawt, Christy chuan Nia,, awi, khapa kha a chhe lo, mahse enge chu chu I rawn sawi chhuah thut a lo ti ve bawk.



Ramrami chuan Aw,, nang chrsitina Ramparmawii I nia, a tih lai mek chuan kei chu ka va inrawlh ve vat, henu thu pehhelkual vel lutuk hi chu ka ning hman \hin, chuan engee kalo ti ve vat a, Christyi, kei leh driver thleng chuan Ramrami thusawi tur chu kan nghakhlel a ni,



Ramrami chuan aw,, ngaihtuah ta che christyi’n a star a, kha pa kha edena a nia, christyi Parmawii a ni bawk a, a inrem chiah, “Eden leh parmawi” in ngaizawng se a inrem thlap a tih chaun christy chuan a dik chiah awi,, Eden parmawii intih mai ka duh a tih chuan kan nui dar dar a, keichuan ka pawh ve chiah,, nia, awi a dik dawn lutuk lo in\hen leh pawh ni se,,ka tih chuan christy chuan nuih ar ar pahin Eden parmawi chul hnui ka ni leh mai a rawn ti, Ramrami bawk chuan lo renew leh ta se, a tih mek lai chuan Christy bawk chuan,, aw Tivullehturi ka ni leh mai alawm a tih chuan za lutukin kan nui ham ham a.


Taxi driver pawh chuan kan zia a man tawh a niang, Durtlang chho kan tlan lai vel chuan fiamthu a thawh ve zuk zuk tawh a, A uang ber berah a \ang tawh a, kan chuanna tur ah tak kan chuang a ni.
Driver chuan lokal ru, let ila tlan \ha leh ang u, ka free ang che u” te a ti thul, keini ho lah chuan nia,, a nuam e, a hreeawm kan han ti vel a, kan hlim a, kan driver pawh a nui ve huah huah tawh, kan thleng a, kan chhuak chiah chu taxi driver chuan vengkhat K=p leader pawh in bulah chuan ka ho vek mai alawm, in bula awm chu a hahdam thlak dan a hahthlak hle mai a ti ve sup a.


KTp leader a ni tih kan hria chu kan inthlahrung leh hnuhnawh, zahmawh fiamthu te kha kan nuih pui duai duai sia, Zahmawh fiamthu kan thawh lai kha chuan a khi suk suk duh chauh ka ti reng a ni. Kan kal tumna chu a awmna hmun kan hre mai lo va, Google map a\angin kan zawng leh te te phawt, kan kal kual fe hnuah engtin tin emaw kan hmu ve hlauh a, thil vel eiin thla kan la \euh a, status tur kan tuak a ni ber mai. kan café ve te, Aizawla kan ei tur dawr changkang deuh deuh te hi ka ka a changkan ve loh vang nge ni, A hming leh a hmel chiah hi a tui hmelin a changkan hmel a, ka kaah chuan Paratha kan thar hi alo tui ber leh tho zel. Ei tur te chu status turin thla mawi deuhin kan la a, iG ah kan story a, a tui kan ti em em lem hlei lova.



chutia rei fe kan inkawm ho a, kan kual hrep hnuah chuan class ban a hun awm velah, kan haw darh ta hlawm a. Bus ka chang a, kan veng lam pan chuan kan chhuk thla a, traaffic jam nen kan tlan rei ngang mai a, dar 4 vel chuan in ka thleng phei a, ka chau lutuk chu ka mu nghal thlawp a. Khuma chu khawhar hmel tawkin alo tei rak rak a, min hmu chiah chu a thla a muan hmel ve tawp a, ka khawngaih ve reuh lutuk chuan ka tho a, Kan va pawm ve ringawt a, min rawn melh ker chu ka rap leh si, rang lutukin ka theh thla \hawk. U Mami’n min lo hmu se min hau nasa dawn lutuk, a rawn hawn ve ringawt a, a enkawl leh hman mang si lo, ka kutah bawk a awm leh dawn a nih hi.




Zai ka play a, ka inthlak pah bawk, ka tih ngei ngei tur eirawng bawl chu peih lo taka ka tih leh a ngai, vawiin lam thil thleng chu ka ngaihtuah let a, U hriata kal pui kha tunge maw a nih le, a bialnu a lo ni tak tak a nih chuan U hriata hi ka rin ang alo ni hauh lo ang, Mipa tupawh mai hi an lo rinawm lohin an lo ler em em vek a nih dawn hi, U hriata meuh pawhin min kawp a nia tiin mipa huatna chu ka thinlungah a rawn lian hle a, tu hriat si lohin ka titau a, kan cooker te chu ka phih sawk sawk a, thinrim taka chaw chhum ka ni bawk a, rum tawkin ka chhum dawn a ni tawp mai. chhehchhawl eirawng bawl an sawi sel thiang lo hrim hrim.




Dal ka tlak hluah ang a, Alu ka fry ang a, ka mu hmak ang tiin chaw hmeh chu ka siam zawm zel a, Taylori hla ngaithla chung chuan ka che ve sut sut a. Biak tur dang awm hek lo, khuma chu kalo be ve leh mawlh mawlh \hin a..
Ni a liam ve zel a, U hriata tello hringnun pawh chu ngaiah ka nei chho ve tawh viau a, Mahse khati taka ka atchilh, Nupa nih hun thleng suangtuah duna han inkawp ve ta chu, theihnghilh hmak chu a theih hauh lova, ka theihnghilh thei lo chu ka ti lo, ka hre reng tawh bik lova, mahse ka hre chhhuak leh \hin hian a ni min ti na \hin ni, ani lah ka tel lovin a tlei hle a ni awm si a.




U Mami pawhin zirtirtu nun kawng chu a zawh chho ve leh tawh a, Miss Mami nih chu a tlin khawp mai, Naupang pawhin an nel a niang, letter te an rawn thawn \hin a, a class sang deuh ho phei chuan an star ve vel a ni awm e, awihawm loh zawk hian, chu chu kan kianga intihtheih nan tak a la hmang zui. U mami chuan petrol leh senso save tiin an school bus ah chuan a chuang chho mai \hin a, kan veng lam a\anga an bus a chhoh \hin tho avangin a rem chang phian bawk.



Keichuan chu hun rem chang chu bawhpelh ka tum lo, scooty khalh zir chu ka dil ve reng a, Ka Nu nen chuan an han phal lo viau a, Mahse ka dil tih tak em avang chuan “zirtirtu tur che rintlak tawk I hmuh chuan I zir dawn nia an ti hlauh va, Min zirtir tu tur atana An phal loh leh an duh loh te an sawi nghal, a hmasa berah Christy min zirtir chu an phal lo bur a, a dawtah Ramrami, an ni pahnihin min zirtir chuan kan thih mai an hlau a niang, kan class a, kan nel ve deuh ber Remthanga chu Ramrami nen chuan kan sawm a, Remthanga hi thingtlang lam mi, sek ve \ulh mai hi a nia, a a buang a, kan kawm chi tak a ni reuh a, kan innel phian. Kan bawl loh chuan a \awng\ha duh lo emaw tih zawk tur ang chi hi a nia.



Class ah chuan Remthanga chu a chak zia te, scooty khalh min zir tir tura ani tluk an awm loh zia te chu ka sawi a, a lo bu nghauh nghauh va, Ramrami erawh a lungawi thei lo, Ka Nu leh U mami’n an ring lo chu a lawm thei lo a ni, Mahse ka Nu ni ta ila, ka ring ngam bik lo ang, a thiamna a rei tawh chung pawhin a tlu ve reng a, christy pawh chuti bawk, keimah pawh hian min zirtir tur em chuan ka ring bik chiah lo hrim hrim,
Inrinni a in zirtir tur chuan kan inrem a, Remthanga pawh ka fak nasa bawk, a phur tawh ngang mai, chaw hmaah ka zir tir thiam vek ang che min ti.



Keipawhin chu kher chu ka awih lo, kei naupan tet a\anga lirthei a lir lai mahnia a steerting la veng reng reng lo ka ni a. Tin, cycle tak ngial pawh khalh thiam lo scooty khalh thiam tir har tur zia hi keimah vek hian ka chiang, ka inhrechiang a, ka thiam hma dawn lo, Mahse thiam ngei chu ka tum a ni tawp mai, chung ka ngaihtuahna te chu Remthanga hriata phei chuan sawi chhuah chu a ni lo hrim hrim, kan thei ang, fighting ka tih te chuan Remthanga chu a phur tur tur a nia, Ramrami erawhin min hre chiang a, alo nui suk ringawt.



In ka thleng a, a lo reh duk a, Khuma nen pawh kan innel ve deuh tawh, ran te pawh hi han awm chilh takah chuan a tirah nel lo viau mah ila, hmangaihna te hi an lo hlawh chhuak thei a nih hi, ka pawm ve ta fo mai, Mahse a Pi oh,, Anu a inti zawk tak Anu hian a ngaihsak hman lo lutuk hi ka ngei leh \hin, a ei tur man lah hi a to thei reuh sia, Kan zawhte ai hian kei chhehchhawl hi ka thu lo zawkin ka inhre hial \hin.



A Pi Saii chu tlai eirawng bawl hun velah chuan rawn leng a, a titi siam siam a, A pi titi hi chu a rei tawh thei lutuk a, tui pui hi a a har thei ve e,, JL cinema hall ah khan tih vel te hi a nia, lo um e,, liam mai mai hi a ngai \hin, thingpui te ka siam a, a in lai chuan E,, Nu te, vawiin khan I bialpa hlui leh nu pakhat an lokal a, a tih chuan ka meng phawk hra a, engah nge maw theihnghilh dawn lai tak hian a rawn in lan leh nawlh \hin le.



Pi eng ang rual vel nge a hmeichhe rawn kal pui chu ka ti vat a, A pi Saii chuan ngaihtuah let ni awm takin a ngawi vang vang a, ih,, I nu ang rual vel a niang a, a tih chuan hepa hi, Mi Nupui a ngai zawng emaw ni le, a nun dan hi a va paw lawh tawh tak, A hna thawk leh a college bang hian a nun a tichhe vek tawh a nih hi ka ti a, U hriata chu ka ngei hle.
Chutia ka ngaihtuahna leh suangtuahna te nena U hriata bialnu tur ka zeldin lai chuan A pi Saii chuan e,, I Nu rini te an lokal a, I U Hriata nen lo tirawh min ti tak,, a \awng thei lutuk a, I bialpa kha a tirah hmu hek lo, kan inhnial hrep kha, a tih chuan, a nimaw,, eng vangin kalo ti vat, kha pawnah I u Pangpar khawi kha a ulh tliak a,, Kha kha a neitu an awm lo engatinge I khawih ka han tia, alo pawr deuh a lawm le, atih chuan an inhnial lai chu ka hmu chak lutuk, tlawm duh lo tur ve ve,.



An chhungkua ang maia min ngai ve ve an ni bawk a, dik lo zawk an inti duh dawn der lo, thiam an inti dun dawn sia, U hriata a inrawlh a ni ngei ang, in rawlh lo se chu An inhnial rei dawn lutuk tiin ka nui ru tet tet, Pi Saii chuan, kha zanah rawn kal se, kan inneih university an ti emaw ni ah a rawn sawm che u a nih kha, phone in kan rawn hrilh mai ang an ti a ti a, thingpui te a in zawh chuan a chhuak ve nghal mai bawk a.



A Nu ten kal an ti ngei dawn sia, ka van huphurh tak U hriata pawh a rawn haw lai a ni leh tawh a nih chu, Lawngtlaiah a awm leh daih tawh emaw tia, Kan in hmu ngei awm sia, ka huphurh a ni, ka phone chu ka han en a, christy missed call a lo awm, a sawi tum awm chu ka hre lawk, Nu Rini te inneih anniversary chung chang chu a ni ngei ang, ka call let a, ka rin lawk ang ngeiin Zanin kha I hre ve em, Nu Rini te kha an rawn hrilh che em a ti nghal zung zung a, aw, hre ve e, Mahse ka rawn kal peih lo e, ka tih chuan.



I Lokal chak dawn lutuk, U Hriata pawh a awm a lawm a la ti zui, chutak chu a lawm ka peih loh chhan, ka hmuh chuan ka rilruah a thar leh mai mai tiin ka chhang a, aw,, chuti zawng ringawtin ngaihtuah suh, kha chen mumal deuhin in inbe thei lova, tunah inbiakna hun \ha tak a awm dawn a, he hun hi bawh pelh suh, chance ka siam sak ang che u, a chhan tal hriat hi chu I phu ve alawm a tih chuan a dik ka ti viau mai. Mahse U hriata bula ka awm chuan sawi tur ka hre dawn chuang lo, zawh tur ber pawh ka hre chuang lo ang ka ti leh hram a, aw,, a tla chawpin a awmve mai ang, hei,, thil ka ti laklawh rawn
kal ang che u, Nu Rini pawn ka ngai tawh a tih reng che kha a ti a, Phone chu a dah a.



Eirawng ka bawl melh melh a, ka zai pah rat rat bawk, ka ngaihtuahnaah chuan U Hriata ringawt a awm leh tawh a, ka rilru lak pen tum chuan ka zai a, Mahse U hriata hlir chu a awm mai, ka han hmuh hunah chuan engtin nge ka awm ang, hrelo angin awm ila, ahh,,a awih awm dawn loh lutuk, hre lo der turin kan inhriatna a rei tawh lutuk, mahse engtin nge ka han awm ang le. Hun rei tak ka en duh tawh loh, Kan thlalak dunna te chu ka en a, ka mittui a rawn hnam \iam \iam a, \ah vak mai chu ka chak, khang kan suangtuah dun zawng zawng te kha, Nimin lawka thil thleng ang maiin keimah ah chuan a rawn thar a.



Hna a dil ang a, thingtlangah in lei in pangpar vulnaah kan inhmangaihna vul tir kan tum dun tehh lul nen, eng thil hian nge U hriata rilru rawn thlak tir thut hi ka hre chak a ni, khang kan duhthusam zawng zawng te kha thleng lo tur atan chuan ka phal lo, Mahse kei chhung khat chhehchhawl ve mai hian ti theih ka nei tlem em em si a.



Chutia a lungchhe zawng ringawta thil ngaihtuah a, ka \ah \uau lai chuan cooker a rawn phit a, insut feih feih pah chuan Gas chu ka va seme leh rih \hin, aw,, rilru nat nen chaw lo phit ve chhen ka va hne tak, Khuma ril \am a lo \e ve reng bawk nen ka van chhangchhe bik thei tak, u mami’n a chaw tura a leisak chu ka siam sak a, ka pe a, a reh ve mai a, Mahse \ah mood ah pawh ka awm leh tawh lo, chutih rual chuan ka ngaihtuahna mawlh chu ka la thunun thei lo a ni.



Chaw hmeh \hing vel ka chhuan lum lai chuan Phone call ka dawng leh a, bena a ni, Bena nen hian tun hnai chho hian kan inbe tam ve hle a, ani pawh a lung a leng a, keipawh chuti bawk, tun hma ai kha chuan kan inkawm thei phian mai, tin, amah hi a zia ve tawh viau bawk a, a football khel hian a ti puitling ve deuh ni berin ka hria.


A hostel a\ang chuan min rawn video call a, an awmna a\anga shilong hmun \hen khat lan dan te min rawn hmuh tira, a mawiin ka kal ve chak reuh tawp a, Bena chuan ka hlawh tlin hunah ka inkhel en turin ila rawn kal ve dawn nia a tih chuan a tak takah a thlen ring lo mah ila, ka phur ve viau tho, Scooty khalh ka zir tur thu te chu ka hrilh a, Bena hian hmanah min zir tir a tum tawh a, Mahse kan zir leh ta lo kha a nia.



Kan titi dun melh melh a, kan hun tawn mek te chu kan inshare tawn a, ka eirawng bawl te chu ka en tir a, a ni’n a hostel awm pui khasi ho te chu min biak tir vel a, hmel\ha min tih thu te an rawn sawi luam a, an over ve hlawm phian a, Mizo \awng an thiam em ka tih chuan an thiam loh thu a sawi a, mizo \awngin ka rel hrep a, ka thaw a ven phah deuh hawkin ka hria.


Dar 5 vel a ni tawh a, U mami chu engati em em nge le, an school an ban hma theih \hin nen, tun ang huna a lo la thlen loh le tiin ka ngaihtuah ru hle a, ka call a, a la ring quit \hak zui, ka call nawn leh a, a rawn la ve hram a, hello, I van rawn haw har ve,, in la bang lo ami ka tih chuan bang tawh e, hei, Bazarah ka kal kawi a, ka nu nen kan rawn haw dawn, Eirawng I bawl em atih chuan ka bawl lo ngai ami ka lo ti hluk a.


U mami chuan aw,, ngah nge I lo bawl aw,, kan rawn haw anga, kan inbual anga, Nu rini te in ah chaw kan ei dawn asin, Dar 7 velah kan ei hman chauh ang an tia, kan hmanhmawh lo a, a tih chuan, Nangni hmanhmawh loh ringawt, engmah min hrilh ve hleinem, bawl peih loh loh nen tiin ka ngei dun hle, rawn sawi ve mai awm, Min tirh dawn chuan min rawn call tluk tluk a, ho teah pawh vawi tam min rawn call \hin a.


Keipawh ka inbual anga ka mu hmak dawn, in rawn haw hunah min lo chang rawh rawn ti reng reng suh u tiin phone chu ka dah hmak a, a pawimawh chin engmah hi min hrilh ve duh lo, thil pho lo seng rawh aw, Tui kha lo buaipui rawh, chu chu va lei lawk tehh tih vel sawi tur a awm loh hi chuan min call hi an tum lo reng reng, ka inbual a, an lo la haw lo bawk a, mutna hun tlem te ka la nei a, ka mu nghal daih a, mut hi ka khawvel chen ve theih dan ber a ni.


Dar 6 vel chuan an rawn thleng a, lo mut luih ka tum a, mahse a theih ngang loh an rawn hmanhmawh nghal lutuk, U mami chuan hei taxi kan hmang tlang nghal dawn, carpet hi thlak I duh thu I sawi ngun bawk sia, tlawm tawkin min pe a, chu chu kan rawn dah zuai a, lokal rawh, min rawn zawn pui tehh tiin an rawn au lar lar a, kawngah chuan ka chhuk thla, U mami chuan kan let chho leh nghal dawn, Insiam nghal rawh aw a la ti zui, Carpet chu Driver ho chuan kan zawn chho a.
Kan lut chiah a, an insiam dun nghal sawk sawk a, in inbual dawn lo ami, tui ka lum sa vek tawh ka tih chuan,, haw hunah a ni mai tiin, min rawn tur chung chung a, Khuma chu ei tur a rawn hawn a, keichu engmah min rawn hawn lo.


Enge min rawn hawn ve, Anu pawh hi , Khuma hi thil I hawn ziah a, min rawn hawn ve ngai lo reng reng, ka tih chuan, Ah,, Laldinkim, I khawlh lutuk zawhte leh zel lo thik lo tehh kei chu ka hman a ni mai, a ti a, U mami pawh a in peih keichu U hriata t Shirt min pek kha ka ha duh kher a, chuan ka inchei ve deuh bawk, U mami chuan I van rei em em, kha min nghak rei tawh, ala rawn ti, ka hman tih leh chhuah phei ka rual a, Kan colony hlui leh Nu Rini te in lam pan tur chuan kan chhuak chho va.



Ka phur rualin ka huphurh hle bawk, kan in leh a vel te, tu in nge kan in chu lo luah ang, ah,, kan naupanlai hun te, Ka Pa te nena kan khawsakho lai te, Tin, U hriata nena, kan inchhai lai leh in ngai em em a, varandaa a\anga kan inbiak ruk \hinna te chu, tunah tu te nge lo luah ang, rilru in hun liam tawh a chhui kir zut zut a, ka mit chu a sen deuh ram tawh a, Ka mittui a parawl kiang mai. Keichu kan insawn a\ang khan kan In hlui hi ka tlawh duh vak tawh lova.



A neitute ka ngei chu thuhran ni se, kan sulhnu te hian ka lung a ti leng a ni, U Hriata pa accident zana ka kal tih loh kha chu kal pawh ka kal leh tawh lo, Nu Rini pawh hian leng turin min sawm fova, Chutiangin, Nu Sangi te leh Nu Siamtei te pawn leng turin min sawm ngun an mahni chu ka hmu chak a, Mahse kan in leh a vel hi ka hmu hreh a ni, kan colony group ah te pawh hian ka lut ngai ta meuh lo. U Mami hi chuan a inkhawmna hi a la thlak duh lova, Scooty a nei bawk a, kan kohhranah hian a la inkhawm hram zel a, kumin chu awm tluan ka tum a ti deuh tlat a. Kan in luah te nen pawn an inhmel hriat tawhin ka hria.


chuti chuan nunhlui chhui kir zelin taxi ah chuan ka chuang chho a, ka maimitchhing diar diar bawk a, U mami chuan ka darah rawn sawiin, Nute, kan thleng e a ti a, A nu nen chuan an chhuak a, keipawh chu huphurh ru tak chuan ka chhuak ve a, Zoliana colony chu kan thleng ta. Kawngchhak lam chu ka hawi chhova, kha hmawng kung ngei mai kha, khawhar takin a lo la ding a, kei min hmu chu a lo lawm ve ni mai hian ka hria a, kan thawnthu zawng zawng in\anna ngei mai chu, chu thingkung buk laih chu ka thlir dauh dauh va, Anu chuan chhuk ila a ti a, Nu Rini te in lam pan chuan kan chhuk ta a.



Kan zuk thleng chu an lo ri chel chul a, Christy chuan min lo kai nghal chawt a, U bawihi chuan awi,, kan khual lian, Hmm, Nui hi a intinula zual tlat a rawn ti, Nula ka nih tawh zia hi an hre si lova, Pa Hmuaka pawh wheelchair ah alo \hu ve ran a, Min lo lawmin a lo nui ve var var a, aw,, hun hian thil hi avan her danglam chak em. Pa Muana pawn a lo Smart zaih zaih khawp mai, Nu Rini pawh a fai vung bawk a. U hriata ber chu a hmui hmul buk deuh chhup leh, a tarmit vuah tun hmaa a inhmeh \hin em em chuan a ti lang senior ta daihin ka hria. Min lo lawm a, an ri chel chul chuan ka hnuk an ti ulh, lehlam hawiin ka mit ka tuai zeuh a, Nu Rini te in chhungah chuan hun rei tak hnuah kan lut ve leh ta.



Pawn lama an Tuizem hunna te, an tlangban te, an bawlhhlawh bawm khaina te thleng chuan ka lung an ti leng, In chhungah chuan Nupa ni awm tak ngo suah mai pahnih hi an lo awm ve a, an la \halai hmel hle a, U mami chuan ava be nghal, kan in luahtu te kha an lo nia, ka va chibai ve a, An in a luh te chu ka dil a, ee, I duh duhnaah zuk kal kual rawh, tiin chahbi chu min pe a, Aih, nakinah chaw ei khamah tiin chahbi chu ka la rih duh lova. Mahse ka room hlui te kha zuk tlawh ngei chu ka chak a, ka tum bawk a ni.



Hunserh tawite hmangin Nu Rini chuan thu a sawi a, Pasal sual tak nei chunga hriselna \ha a nei a lawm zia te, hetiang anga rei an inneih a rin ngai loh thu a sawi lai te chuan Pa Muana chu a lo kun chhur a, Midang chu kan nui dar dar a, Pa Muana hi zu a in \hin tih loh hi chu han sawiselna tur hi avang ve a ni, Nu Rini lah nise a hlauin a zah thiam si.
Nu Rini chuan sawi zelin tak taka kan pa hi engemaw setana tuikhur tui a ti ve leh zeuh tih lohah hi chuan a fel em em a, Pa nghet tak, rilru nghet tak a ni a, keimah anga thinchhia leh ri pawr pawr hi chu nise, kan in\hen daih tawh ang, eng ang pawn vin in an khum mah ila, ngawi reng hian a ngai thla tawp mai a, zanin chu kan fak ve lawk ange, a ti a, a sawi lai chuan Pa Muana en in a nui deuh suk a, Pa Muana chu an lo lai vel a. an lawmawm dun reuh lutuk.Fa ah kan vanduai a, awt ve em em mah ila, Pathian in kan ta turin a ruat ve miau si lova. Fa kan nei thei dawn lo a ni tih ka hriat zan khan ka \ap tlaivar deuh \hak a.



Muana hian, fa nei lo mah ila, keimahni kan inhmangaih chuan Nupa hlim tak kan ni thei tho alawm, mi tam tak fa nei lo an awm ve tho a, vanduai bik lutukah in ngaih tur a ni ngai lo tiin min hnem a, a thusawi ka duh em em chu, fa I nei emaw nei lo emaw, Rini I nih chhung chu ka hmangaih ber reng ang che min tih kha, a tih lai chuan Pa Muana lam chu kan hawi \hap a, a van lo romantic reuh tak, ka ngaisang thar khawp mai.



Pa Muana chu ding ve turin an ti tlat a. zak chung chung chuan a rawn ding chhuak a, chutih lai chuan U mami leh U bawihi chu an inhrilh ru sur sur a, an chhuak daih a, Pa Muana chuan nia, hei a lo rei ve ta hle mai, kan inngaihzawn lai a\ang tawh hian harsatna eng eng emaw hi kan tawk ve a, tunah chuan sawi ila apawi ka ring tawh lem lova.


Ka Puzawn te pawh mual an liam tawh a, pawi an ti lo turah ngai ang, A nu leh pa hian min han duh lo em em khawp a, keini driver ho kha chuan Zu kha kan in deuh vek a, keihi ka in nasa zual a, Rini nu leh Pa lah kha kohhran lama in hmang tak mai kha an ni bawk sia, ka va len zan hi chuan Room ah hian an luh tir hmak zel a, keilah ngawi renga luhlul chi ka lo ni ve bawk si a, rini ber an luh tir tawh chung pawh khan ka meng lui ve ngar ngar zel a, Ka Pu zawn nen chauh te khan dar hnih thleng te kha in be miah loin kan \hu dun \hin. Mahse engtin tin eawm in hmangaih ta na na na kha chuan ruahmanna te kan siam a, Kan han inru ve kha a nia.



Kan In ruk zan te khan kan tlan chhe nasa a nia, Nui te, christy te hriat thiam theih dan tur chuan film a in kidnap in hmuh ang hi a ni mai, in ruk kan sawi vek tawh hnuah I nu rini hian a \hulh leh a, keilahin hun remchang bawhpelh ka tum tawh lo nasa, ka \hianpa nen kan man bet a, ka sumo ah kan dah lut a, kan han tlan pui a nih kha, ani lah khan min chhan ru tiin a la au zui, a tih lai chuan Nu rini chu a lo nui ar ar a, a ka kan hnawh sak a, khitah ka \hianpa te khuaah ka tlan pui a.
Nia, tikhan thil kha a thleng chho mawp mawp a, a tawi zawngin sawi ila, a sawi ang khan fa kan nei thei lova, ka hriattirh chuan ka \hen mai dawn emaw ni chu aw, ka ti ve hman a, Mahse kan duh ang diak diakin thil hi a thleng lova, kan inneih theih nan tikhawp khan kan bei a, fa kan neih theih loh avang maiin ani ka hmangaihna hi a bo ngawt ang maw, chutiang a ni tur a ni lo tiin ka rilru ka siam a. hringnunah hian harsatna tam tak tawk mah ila, in hmangaih tawn taka, inhrethiam tawn taka kan hmachhawn dun zel chuan hmangaihna nen chuan harsatna eng pawh kan hneh mai zel a, kan tuar thei mai zel a lo ni.


Tun thleng hian fa ka awh leh duh hi a bang thei lo va, mahse fa ka duh aia nasa in ka Nupui hi ka duh a ni, a tih chuan kil khatah chuan Nu Rini chu mittui parawl deuh \euh chuan alo \ah nui a. Pa Muana’n thu a sawi zo chiah chaw ei siam kan tum vel lai mek chuan.


Kawngkhar an rawn hawng a, U mami leh U bawihi chuan cake nalh tawk chu candle in chhi sa nen chuan an rawn keng lut a, Nu rini beisei lo lutuk chu a lo nui var var a, ka kal dawna ka huphurh aiin chu hun chu a hlimawm a, Christy nen chuan in en in kan nui dun leh sak \hin, mahse kan hma lawk a, tlangval kulh muk tak U hriata erawh a nui tam lova, a khi ve suk tih loh chu a mi tak run a, melh pawh min melh ve chhin eih lo nia, kan inkar chu a tawp tawh tih a chiang leh zual engmah sawi dun tur a awm tawh lo chiang a ni.



Chaw ei hmain cake chu kan zai leh te te a, kan ri dar dar reng a, kan la rei hmel phian si a, inthlahrung ru deuh tak chuan kan in hlui ti tawh mai ang, tuna luah mektu chu ka bia a, pu kalo lut chhin, in phal chuan ka ti a, phal tehh reng mai a ti ve mai a, ka room hlui lamah khan ka kal leh chhin chak a, a rem em tiin ka zawt leh a, e,, khawiah pawh zuk kal kual rawh,, mahse I room kha chu a hnawk mai thei, U mami khan a rawn kal khan choka hnaih lam zawk kha atiin ka hria, kan fanu room a nia, Hostel ah a awm daih a, kan dah hnawk nuai maia tih chuan a pawi lo, tiin phur tak chuan ka chhuk a.
Ka zuk lut chu engkim mai chuan ka lung a ti leng a ni mai, kan kawmthlang nimpata kung thleng chuan ka ngai vel vek, kan chhuar tlai tin mai ka chet rek rek na te, chhuat bel vek khawpa ka nawh \hin te, mahse an lo chei danglam tawh lutuk chuan ka lung a tichhia a, Apa thlalak kan tarna \hin lo ruak ta huang mai te chuan ka hnuk a ti ulh leh \hin, ka room ah chuan ka lut a, ka dawhkan dahna \hin te chu ka en kual a, ka varanda te, ka chawlh bukah chuan ka chhuak phei a, ngawi rengin thlang lam chu ka en reng a.



Ka chung chiah varanda lo awm ve chu ka hawi chho leh \hin, hmanah kha chuan hetah hian mi pahnih in hmangaih em em te kha inthlahlel tawn takin an inkawm ru \hin a, thinlung hmun khat puin, tunah chuan hunin he hmun a\ang hian a \hen hrang ta si a, Favang zan thiang kak mai a, Thla bial tur rawn eng ve riai riai chu ka thlir a, mak tak maiin a piah ah chaun arsi te reuhte eng tak mai a awm ve bawk a, Ni e, hmanah pawh khan chung thla leh Arsi in kawp chu he hmun a\ang tho hian kan hmuh dun \hin kha, thawk ka la halh a, chhuah ka tum lai tak chuan in chung a\angin.
Thawm a rawn chhuak a, Nui, I va lunglen hmel ve tih aw rawn chhuak chu, hun rei taka ka hriat tawh \hin, hun rei tak chhung ka hriat tak ngai loh a ni, ka phu deuh zawk nghe nghe a, ka hawi chho vat a, Nia, Nang chu I hlim hmel hle mai ka ti ve sap a, U hriata chuan ka hmel I en khan ka hlim hmelin I hria maw a ti zawi sup a, Um,, I hlim turah ka ngai tawp mai ka ti ve leh mai a.



U hriata chuan saw,, thla saw I rawn chhuah hma kha chuan a bial pap a, I rawn chhuak a, khi a rawn eng ve set set ngam chauh nia, a tih chuan tun hmaa min fiamna \hin kha ka hre chhuak a, ka mittui ka dang zo meuh lo, I over em mai \ah aw \uau chuan ka ti a, saw zanin chu arsi te leh Thla pui pawh hun rei tak hnuah an awm dun leh a nih saw a rawn ti leh a, Nia, an awh awm hle mai, keini chu kan awm dun ve silo a, ka tih chuan.



In haw hmain, sikul kawtah in hmu ang aw, khi chaw an ei dawn tawh, in neitute pawn I awm rei lutuk chuan an ringhlel palh ang che ti a, fiamthu thawh zuiin keichu ka bu nghauh ringawt a, tichuan chaw ei tur chuan ka chho ve ta a ni. U hriata nena kan inbe leh ta chu ka lawm hle a, Sikul kawtah chuan in hmuh pui ngei ka tum a, ka phurna leh ka huphurhna a in zat vel hial ta ve ang. Eng nge zanin hian kan chungah thleng dawn, kan inkar hi a \ha leh mai angem, beiseina chhete ka la neih ve hram hram hi a hlawh tling angem, nge ni a, he beiseina mei ling de ve se se hi tih thim hlen a ni tawh zawk dawn?


ka insuk lai leh ka thleng sil lai, ka chhuat nawt lai, ka hmun phiat lai , ka eirawng bawl lai te hi an hmu ngai lo a , ka phone khawih erawh an hmu thei em em a, ṭhu hman lek lova min tirh kual te hi an hre rei thei lova, ka mut rei erawh an hre thei em em a, he chhechhawl hringnun harsatzia hi min hriatthiam pui lo a ni.
Nutei hi i chhuak i chhuak a, inrinni hi chuan i dawr velah hian hmuh tur i tam ve a ni, pi dawrkaii chuan min lo ti ve ringawt period mood fuh lo nen, pi ka chhuak ka chhuak a ni lo, min tir min tir a ni zawk tih hmak pah chuan ka thil lei chu ka la a, ka let leh nal nal


sunday vawi khat chu U Mami ITI venga a rawn inkhawm ve tawh a, thla lakho an rawt a, hruaitute nen te, tin amah pawhin ala bawk, nute rawn kal lawk teh a tih cuan ka phei ve a, an bag min han khai tir a nih chu, Biak In kawtah leh zel huiham..
U Mami chu puitling a ni tawh tiin a chhuak mai thei zel a, picnic dawn pawn suk tur min ken tir an tum a nih chu, a ni em em lo lutuk, chhuak ve zawk dawn ila, chu chu ti phawt rawh min han ti zel a,
U Mami nen lah hian min tehkhin ve ziah a, A nu chuan i ṭhian kawmte nen in nui duai duai a, in ngaihtuah te hi a tawi lutuk min la ti zui, naah.. Ninawm thleng sil pah a thil ngaihtuah te chuan e.. thlen san leh dream tih san vak hi a har ve e lawmm


Nula pa chak ni tura chher ka ni emaw tih mai tur hian Gas lak min tir hi chu ka hre thiam buhfai la tura bag lian tawk min ah tir hnuk zel hi chu ka hrethiam thei lo. i zawh tawkin lo va thiar mai rawh min la ti zui taxi ka hmang awm em maiah..
Anu thil leisual thlengtu nih reng te hi a hneawm ve ṭhin. nui va kal leh mai tehh ahhh..

Show post links
Top