CHHUNGKAW CHHEHCHHAWL NULA BY Engtea Fanai (Completed)

[ngaia]

BUNG 33

A Hmasain, Youtube lama chhiar tura ka dah ka tih tawh kha, chuvang chuan ziah dik lo leh ziah kim loh a awm nual ang a, Tin, 'Punctuation' te ka dah lem lova, chhiar paha ziah belh leh siam belh te ka ngah \hin hle a, lehkhabu a tihchhuah tur leh hetianga chhiar tura ka dah a ni lem lova, mahse, 'mihian an chhiar peih ang'em le ka'n dah ve chhin teh ang" tiin ka rawn dah a ni a, edit leh lam ka peih ta chiah lova, min lo phuah rem sak ve mawp mawp mai dawn a nia, Tin Season 1 hi Bung 40 thleng a ni a, hei chen hi min chhiar sak avangin ka lawm lutuk e.


Chhehchawl Nun \an leh tawh turin Zawlkhawpui chu kan lut leh ta a ni, Mahse tunah chuan U Hriata nen engkim a fel tawh a, Mas kan hmang dun thei dawn bawk a, a phurawm tawh tho tho. Driver chuan Kan \hianteho a thlah vek hnuah chuan keini nufa za chu min thlah a, Kan in lam pana kan chhoh lai chuan Khuma chuan min rawn hmuin min rawn pan nghal a, a lo bal reuh lutuk, ka ngai ve hman lek lek a ni, U Mami chuan khuma chu pawm nghalin, A Pi Saii chu a au vak a, A Pu nen chuan an rawn chhuak, A Pi chuan,, awi,, Nutei te in rawn thlen dawn in rawn sawi lova, eirawng te kan lo bawl kep tur che u nia, tiin a rawn phul hlut a.



Anu chuan a la hma hi, rawn lut chho ula, hei thingtlang lam a\angin thil kan rawn hawn \euh a nia, a tih chuan Api Saii chuan a ngaihawm pawh inngaihawm tawh reng reng tiin kan bungrua chu min rawn ken pui ve a tum a, U mami chuan,, awi,, Ka pi, lo keng ve duh suh,, a rit a nia, a lo ti vat a. A Pu pawh chuan bag pakhat chu a lo khai ve bawk, A Pi Saii bag ken tum chu a rih deuh vangin ka polythine khai lai chu ka ken tir a, keichuan Bag chu ka keng a, in lamah chuan kan chho nghal.




Kawngkhar vel ka hawn lai chuan Bike a rawn ri a, Sumo bulah chuan a ding niin ka hria, kawngka ka hawng fel chiah tihah chuan Kan Bag rit ber mai pu chungin U Peka a rawn chho hnak hnak mai, U mami chu ka en nghal,,ehem,, hmangaihtu dik ka ti nghal, U mami chuan lut mai mai tehh nui suk chuan a ti a, Hemi te hi an inngai vein, an inngaizawng ve hle tawh tak tak a nih dawn hi, U mami hian ngaihzawng neih hi a va’n inhmeh lo tak.



Vawi khat \heuh kan zuk kal leh a, kan bungrua te chu kan dah fel kim a, Mahse Rami bag leh christy bag a lo la awm, hemite hi an theihnghilh a nih hi tih pah chuan peih lo tawkin ka lak chhoh sak, Driver chu an in lam panin a haw leh nghal a, thingpui in tura kan tih ngial pawn a in duh tlat lo, Phunchawngah khan pa Muana nen an zung zuai a, Keichuan Driver en pah chuan fiamin thingpui lo zawk a in chak tawh a niang ka ti a, A lo nui ve vun vun a, Tlan paha ban rawn vai pah chuan Nute, I Pa Muana ang ka ni lo..tiin a tlan liam ta a ni. A lan theih chhung zawng chu kan thlir a, a reh ve ruihin ka hria.
In chhung chu a lo thim deuh khuih a, kan awm loh rei loh nen luah lo rim ka ti mai a, khatiang kha a lo nam hman, A pi chuan in rawn haw dawn hria ila chu lo han tihfel tur a nia aw,, tui te kha chu kan dah khat vek a, in bawlhhlawh erawh kan lo paih theihnghilh daih a, a ti a, a titi siam siam a. U Peka chu kil khatah hian a lo \hu ngawi ve reng a.



ANu chuan Peka chu in office daih kalo ring a tih chuan U Peka chuan Nia,, vawiin chu kan bang hma a nih hi a tih rual rualin, Nia, an office ah te chuan Boss a nia, Pu In Pi alo hmuak ve a nih kha tiin, ka story ngaihthlak \hin Noona(naw-na) channel a, Zawri story a, a changtunu leh changtupa in koh dan hmang chuan ka lo fiam vat a, An han lai dun ve vel ngei a, An cute a nia, kum 40 hnaih thuakah an han lai vel hmuh chu an lawmawm dun reuh lutuk. Eng eng emaw veng chhung prog, ah pawh hunserh hmang thut thei tawh ve ve an nia, mahse inngaihzawnna kawngah chuan an la nau lua a ni.
U Mami chuan I ho set sut,, thingpui kha han lum tehh a tiringawt, keichuan ninawm chauh chauh nen ka tih chuan, Anu chuan “thingpui lum mai mai a hahthlak loh lutuk, lum vat la a ni mai, I U Peka te , I pi leh Pu te pawn an duh ang a lo ti ve leh nghal, Cindrella ka ni leh ta, peihawm loh leh dawn chho \an mang e.




Thingpui chu ka va lum nghal a, A Nu chuan a zinna vel report pah chuan A pi te nen chuan an titi mawlh mawlh a, a thil hawn vel chu phawrhin Thlai chu kan hawn hnem hle a, A pi te leh U Peka pawh chu a sem ve a, U peka chuan a ngai lo, in rawn hawnna a hlat nen, kawng a chhe si tiin alo hnar a, Anu chuan ah,, keini chhung chauh chuan kan ei rei dawn, kan dah vuai mai mai ang a ti tlat si a, \hahnem tawk tak chu a pe ve ve a. U Peka pawh chuan a hnar reng thei bik lo.
Keichuan thingpui siam pah hian, Aw,, Makpa tur thil kan pe ve a ni mai lawm kalo ti leh a, U mami chuan I va han za tak, siam vat vat rawh a lo ti ve thuai a, U Peka chu lai taka nui suk chuan, Nui chu thil ka pek ngun che nen engmah min lo hawn lo a ni maw a rawn ti ve nulh, ah,, Kha, Pi lo haw kha ka ti leh, Anu chuan \awng zawt zawt lo khan rawn thli vat rawh, kurtai te kha a awm kha a ti a, a paw hang chuan ka siam sak a, kurtai chu ka chhawp bawk a. thingpui in pah chuan an titi luam hlawm a, kawng khu nen ka sam vel chu a beh deuh tlat avang chuan, ka inbual dawn tiin inbual tura luh mai chu ka tum a.




Ka phone chu a rawn ri a, U Mami chuan, kha, Lalnu, Rami tiin a rawn au lar lar a, a bag theihnghilh chu a niang, hemi te haihawt lutuk hi chu tiin phone chu ka va la a, Rami chuan bag kha in hmu em a rawn ti nghal, hmu lutuk ah, enge thil pakhat tal hi intheihnghilh ngei ngei a, Christy pawn a theihnghilh ka tih chuan Rami chuan kan theihnghilh a ni lo, kan rawn len dawn a, kan chhuan lam turin kan dah ve ve a nih kha a tih chuan, hemi te pahnih hi chu aw.. lo hmu lo ta ila engtin nge intih ang a ka tih chuan, in hmu dawn tih kan hre sa alawm le,, Nktuk ah kan rawn kal ang a tih zawm nghal zat a, phone chu a dah daih.




Chutiang a nih chuan christy pawn a rawn call vat ang, an phak tawk hi chuan an thluak hi chu an hmang ve a ni, rin lawk ang ngeiin christy chuan a rawn call a, a sawi tur chu ka hresa, mahse ka lak ve tho chu angai bawk si, ka lak ve leh chuan aw,, ka hmu ka ti nghal, christy chu nuiin, a nimaw, rami’n a rawn call tawh ami a tih zawm nghal zat a, um,, in mawl dun lutuk mai tiin kalo zilh leh zek a, Christy chuan naktukah kan rawn leng ang, awi,, ka lung a leng e, khua hmun loh di neih a tih rual chuan phone chu ka off nghal, ka hre peih rih lo e a, ngai lo pawh ka ni bik lo.




Bathroom ah chuan lut in ka inbual a, ka lu chu vaivut in an bawm a ni ringawt, a paw beh tlat in ka hria, ka shol khan ka lu ka tuam ve thlap tho sia, mahse a veng hneh ngang lo a niang, U Mami inbual chen zet ka inbual hnu chuan ka chhuak a, A Pi te leh U Peka pawh chu an lo haw tawh a, a huho a awm a, ri laih laih khan nitin kha kan zuk hmang liam kha a nia, kan chhung thum te chauha han awm takah chuan a rehin a khawhar thlak ruih mai, Tin, Rilruah U Hriata a rawn lang leh zawk zel bawk a. chu chuan lunglen a ti zual a ni.



Motor ruih lohna ka ei chuan min ti chau deuh viau a, ka mut a tichhuak ngiai ngiai reng mai a, chet pawh ka che peih meuh lova, Anu chuan va mu hahdam rawh a ti hlauh a, ti lo mahse mut hahdam chu ka tum sa deuh tho a, ka room ka lut leh te chu ka thaw a veng ve hawk mai, Mahni in lum nge nge chu midang te in ang pui pui ni ve kher lo mahse, a chhung a chen a hahdam thlakin a thawven thlak nge nge a ni.



Ka mut dawn chuan ka phone chu ka han en zuai a, Bena message leh U Hriata Msg a lo awm a, I thleng tawh em tih leh I lo thleng tawh em tih a ni, U hriata chu ka reply hmasa a, ka thlen tawh thu leh ka chauh em avanga ka mut nghal tur thu chu hrilhin, ka in thlak a, ka inthlak zo chu khumah ka bawk nghal thlawp a, ka muhil chu a ni deuh nghal mai.
Ka harh leh chuan dar 6 alo ri dawr tawh a, Chaw ei te pawh an lo peih vek tawh a, Anu eirawngbawl ngei, kan chhungkua kan han kil ho leh tawh tur te chu a lehlam zawng taka thlir chuan a nuamin, a phurawm viau mai. U Mami chuan phone a lo la hmang a, Anu chuan Lalram rawn phei rawh hei, chawi hma chaw ei hmunah \awng\aina kan nei zawk ange tiin a \awng\ai ta a, lawmthusawi \awng\aina neiin zan riah chu kan kilho ta a ni.



Chhungkaw chung chang sawiin kan titi pah bawk a, Anu chuan Nui pawh hei tunlai lehkha in zir loh lai a nia, lehkha hi zir la ka tih viau rualin, nangmah te hian I peih lo ve reuh sia, I zirna te hi a to ang reng sia, engtin nge maw kan tih dawn ni a tih chuan, U Mami chuan, zirna han bansan ngawt tur hi chuan ka ui pui bawk si a, chutih rualin han zir chho zel pawh nise beiseina sang tak hi amahah hian ka nei bawk si lo a, a lo ti chuar chuar a.



Keichuan,, enge maw ka zir zel na na na chuan mi aiin ka bon loh bik ang ka ti vat a, U Mami chuan mi aiin I thiam theih loh hi chu kan hrethiam lutuk a, mahse MI aia I zir peih lo leh zel hian kan bei a tidawng a ni, sum hi I hre reuh a, nangma thawh chhuahah phei hi chuan I fing ve ker a, I phakar reuh bawk sia, a tih chuan Anu chu a lo nui suk a, Umami chu melh zukin, aw,, sum hi alawm kan hnathawh chhan, nangni pawh a nih ve tho kha” za lo taka nui lui chung chuan ka ti a.
U Mami chuan sum ringawt hi kan thawh chhan a ni emaw hi I tia a rawn ti, Anu pawh chu a lo bu nghauh nghauh a, keichuan a nih, Sum hlawh tel dawn lo ula in hnathawh hi inthawk peih dawn ami ka tih chuan, U Mami chuan,, ah ngaihdan fahrah te te hi I nei ve a, engpawh nise, I ngaihdan chu lo kal pui phawt la, First Sem hi \ha taka I pass a nih chuan I duh ang ngei chuan sumdawnna lam chu kan buai pui dawn nia, I zei lo viau chuan kan chhungkua kan tla chhe vek dawn a nia a la ti zui, ka lawm tawp a, mahse kan exam hma te khan sawi se, ka \an phah leh zual tur a nia.



Chaw kan ei kham chuan U hriata nen chuan kan inbia a, Anu chuan Lalnu thleng te saw I sil dawn lo emni, kan thlen a\angin phone I hmang reng mai a, a rawn ti a, U mami chuan, ah,, tu emaw nen an inbe \ha leh tawh a, a za leh chung tawh a nih kha, a lo ti ve leh nghal, awi,, ka hna chu zanin a\angin ka \an leh angai dawn ta reng mai, hneawm hian.
U Hriata hnenah chuan hei,, phone ka dah lawk angai, thleng kan sil ang e, tiin thleng chu ka sil a, U taylori zai ka ngaithla leh a, ka zai pui rat rat bawk a, Bena a rawn lang hlawl, U mami chuan ehe,, Bena chu I rawn haw a ni maw a lo ti var a, aw, kar hmasa khan ka rawn haw tawh alawm, in lo awm si lova ti a chhangin U Mami leh Anu chuan an lo kawm a, an inkhelh chung chang te sawiin an inkawm tui phian a, ka sil zawh chuan Bena nen chuan kan inkawm a, U mami chuan a hna thil khawih tur a dah khawl \euh tawh thu sawiin Room ah a lut a, A Nu pawhin thil a chhut leh malh malh tawh a,



Chaw hmeh vel lakna tur zawng kualin an inbe kual leh vel a, ama buai buai chuan a lo buai ve bawk a.
Bena nen chuan zawi te tein kan titi sap sap reng a, Bena chuan Sangangi chungchang te sawiin keipawhin U Hriata nena kan inkar te ka sawi bawk a, inhrethiam tawn tak chuan kan inngaihthlak sak a, Tunah chuan keimah min duhna pawh a nei lo ve tak tak tawh a niang.




U hriata chung chang ka sawi pawhin thik angin a lang lem lo, keimah zawk chuan Sangsangi a fak lutuk chu ka thik lek lek a ni, Mahse a duh ang tak Bialnu a nei erawh ka lawmpui viau thung. Bena chuan a thil min rawn hawn chu min pe a, Sana mawi deuh mai hi min rawn hawn a, ka lawm tawp, tlereuh ti mai ang, hetiang lamah hi chuan sana hi ka lawm ve zawng a nia, Mahse ka tibo ngun lutuk a, U mami te hian min leisak duh vak tawh lo va. Ka neih lohna a rei ve leh tawh viau mai.
Dar 10 vel chuan haw in U Hriata message chu a lo awm a, ka reply a, reilote kan in text leh a, tichuan ka muhil zui mai a, A tuk khua a var a, U mami te chu school an la chawlh chiah loh avangin sikul a kal leh a, Anu pawh bazar lama a seat vel han tifel tur leh Thlai vel la thar turin a chhuak a, keichu suk tur \ha hnem takin min hmuak bawk, an bag theihnghilh la turin christy leh Rami an rawn leng dawn a, Bena leh Remthanga pawh rawn len an tum bawk a, an rawn kal hmain ka tih tur ang ang te lo tih zawh vek ka duh a, ka che zui nghal mawlh mawlh a.




A hmasa berah thleng sil tur chu ka sil a, in ka hawl kual vek a, darthlalang ka nawt fai leh vek a, kawtlai hnim vel ka pawt bawk a, dar 10 vel chuan ka chau tawh viau mai a, Insuk tur an dah khawm chu la in, tui ka khai a, machine ah chuan ka nuai tir \euh a, ka uluk zual ho , machine a ka nuai tir phal loh ho chu kutin ka su bawk a, ka kawng te chu a kham vek tawh, mahni in ngeia duh tawka han chet leh theih chu a hahthlak ngei mai.



Ka insu zo \ep tihah chuan Rami leh christy chu rawn thlengin an rawn ri nghal phawr phawr a, Rami chuan a Pa camera a kan thlalak te chu Pendrive a rawn lain Computer ah chuan an dah nghal a, An en a, an nui ar ar a, keichu ka la insuk zawh loh deuh vangin ka la hman ve bawk si lo, Anni lah an hman si, Rami chu pawr tawkin ka au vak a, a aia pawr in a rawn eih a, keichuan ka spin tawh ho hi lo va zar tehh u ka ti a, an pahnih chuan phun nung nung chung chuan an zar ve mai a.
Ka In su zo a, thlalak chu kan en ho a, kan nuih pui nasa, kan lo la thiam lo tlang a ni, Mahse mawi tak tak chu a awm \euh tho mai, Rami chuan en ula ka lak ho mawi bik zia hi a rawn ti chu, Christy chuan a pawm lo lutuk,a awihawm bik kher lo lutuk I la sawi thei si, a lo ti ve nghal zat a, Rami chuan I lak ho ai fe kha chuan a mawi zawk ve e a lo ti ve leh, keichuan in pahnih khan in la thiam lo ve ve ka lak kha en ve chhin ula ka tih chuan En tlak a awm lo an lo ti nghal, Nia, A camera a \ha ngang a, a mawi mai pawh a, kan la thiam lo tlang vek a ni, Mahse U Hriata nena Sunset kan thlir dunna erawh kan inrin loh tak tak laia a rawn lak a ni bawk a, amah pawhin mawi a ti a, keini pawhin mawi kan ti ngang mai, ka phone walpaper tur chu ka la chhuak nghal a, a dang zawng chu Computer ah chuan ka dah luh tir a.



Rei fe kan awm khawm a, kan titi ho hnu chuan Rca a rawn lang hlawl a, Christy chuan einchhh,, Nuam dawn bik, a lo ti vat, Nia, Kawrte lamah kan thlim rei ve tawh bawk a, kan en ve ngar ngar tawh anga a ni mai, Rami zawk chuan a ngam viau a, Rca zawk chu a lai \ut \ut a, Rami lahin engkim angam sar mai a, Rca chu ka khawngaih lek lek a ni.




Rca chuan Pi Chowi dawrah ei tur order in kan haw chu kan lawm a, lawm tur hi kan zawng reng mai a ni, Christmas a rawn ni chho ang a, Isua birthday kan lawm leh ang a, a nuam chho ngar ngar dawn, JOY to the World mai ni lo, Enjoy to the World a ni chho ngar ngar dawn a ni tawp mai a ni. Ka chhehchhawl Nun kalsanin Lalchibai buk turin ka inbuatsaih dawn.
Kan titi kar lakah chuan kan inhnial leh \hin a, kan ri deuh hlut reng mai a ni, Rca leh Rami chuan ei tur an order chu an han la a, keini pahnih chu bialpa \ha zawk nih inchuhin kan inhnial a, Christy hnenah chuan,, awi a tirah U Hriata I star ve em kha ah, ka tih chuan ka star lo ve e,, ka duh loh hnuah a nih kha in nih, in nih hma daihin ka star tawh lo ka ti daih tawh kha, a tih chuan, Rca pawh I star tho ka ti leh a, Rca te chu a hmel\ha ve reuh alawm, Mahse ka bialpa a \ha fe zawk, Rca duh zawk ni ila ka \hen daih ang chu a ti leh a.



Ah,, I chhuanlam kual vel mai mai a ni ka tih chuan, a nia lawm le a, Thingtlang tlangval Mipa dik tak ka ngaizawng hi ka lawm, intithei vel tak chuan a ti a, Keipawh chuan Khawpui tlangval thawh hreh nei lo ka ngaizawng hi ka lawm ve tho ka ti kher a, tlawm zawk nih kan duh lo ve ve a, kan indraw a ni mai. kan titi chu thlak thutin entehh,, U Mami’n I duh chuan I sum dawng dawn nia, min tia ka tih rual rual chuan,, awi a van nuam dawn I chakna arei tawh bawk a, I u hi chu phun peih viau mahse a fel hi chua fel ve mawle a tih chuan dik ti takin kalo bu nghauh nghauh a.



Bul \an dan tur te kan sawi dun a, Online shoping siam phawt chu a fuh kan ring a, sumdawnna bul \an nan chuan thawmhnaw vel zawrh a, in upgrade zel a, customer nghet ka neih huna dawrte vel luah hawh a, in lak len chhoh zel ka tum a, chung vel ka sawi chu Christy chuan min phur pui tawp a, Higher kal lai a, Waiwai pack zuar \hang kha ka nia, 10 manah hian 30 man lai ka hmu chhuak thei \hin miau va, sumdawn hi chu nuam ka ti ve alawm, a chang chuan keimah pawh hi phakar hi ka inti ve leh deuh \hin, mahse ka broke \hin vang a nia, Hausa ila chu ka phakar kher lo ang.
Chutia thupui fun ve deuh taka kan titi lai chuan rami te chu an rawn thleng a, ei tur an lei te chu rawn chhawpin kan ei ho a, Ka thil tum vel kan sawi chu Rami chuan, awii,, I phakar a zual dawn lutuk, Sum I duh zual sawt anga, ka peih lo lawk, I \hiante hian hlawkna pakhat mah kan nei dawn lo a lo ti nghal, keichuan ringawt a, a tlawm zawkin in la zel thei dawn, mahse min vawrh lar sak viau angai ang ka tih chuan , Rami chu a nui thut a.



Engnge ka ti nghal, Rami chuan thil zawrh tur pawh la neih hma hma in kan lo phur hlut a, rawn ti, christy chuan a zawrh tur chu sawi loh IG ah a dawr page tur tak ngial pawh a la nei lo, a tih chuan keichuan pawisa pawh ka la nei chuang lo ka ti ve bawk a, kan nui ar ar a, Mahse Dream a nia, a la hlawhtling ve em em ang., U Mami a awm ve alawm, chutia Sumdawn chung chang vel ngawt kan sawi takah chuan Rca pawh chuan a lo beng khawn ve viau a, bazarah khian dawr tur building kan lei asin, kan chei \ha mek a, Nakum vel chuan a luah theih ang a tih chuan Rami chuan, awi a rem tawp. A rawn ti.
Keichuan,, Nia, mahse dawr nghal hluai tur chuan a theih lo ang ka ti a, Muang changin kan ti bek bek a, nakinah min an luah tawh pawn kan nek chhuak dawn nia tiin kan fiamthu zui a, Mahse ka rilru chuan ka ngaihtuah zui ru neuh neuh reng a.



An awm rei tak hnu chuan Christy chuan keichu haw hma ka ngai sia, ka chho tehh ang, a ti deuh thut a, Rami chuan aw,, I haw daihin engin nge ka haw ang a, a lo ti vat, an ni ruahmanna hi ka hrethiam vek, Rca inthlah tir a tum a nih hi, ka lo sawi nawi dawn nge ni ka ti rilru a, mahse min ngei leh awm sia, lehlam hawi chuan ka nui sak ringawt a. Christy chu a haw a, Rami leh Rca chu rei vak lo la awmin, sikul ban hun vel chuan an haw dun a, an tum lawk ang ngeiin Rca chuan a han thlah dawn a ni, Aw,, Nun hi nuam an va ti vel tak em, chhehchhawl ve tho chu ni mahse anni hi chu chhehchhawl satliah keini Super chhehchhawl Ultra ProMaxx tan hi chuan an hman ang hi kan hman ve \hin lo a ni.




An haw hnu chuan kan thil eina vel chu ka tifel a, U Mami chu rawn hawin, A plan te min sawi pui melh melh a, \um dang ang lo takin thutak deuh hian min titi pui a, Sumdawnna chung chang zir turin min ti bawk a, engtin nge ka zir ang tia zawtin ka bo ve ropui sia, Internet ah te chhiar nasa turin min ti a, Chhungkaw innghahna ka nih ngei ngei a ngaihthu te sawiin, \ha hnem ngai taka ti turin min ti a, a thu tak hle a, ka hre thiam lo lek lek a ni.


U MAMI POV:

Kawrte a kan awm lai a\ang chuan rilru hahna deuh mai ka nei tawh a, Mahse ka sawi lang duh lem lova, Aizawl kan thlen chhoh hnu pawn chu chu a ngai reng, Nia, hun rei tak hnuah a hmingin Bialpa ka nei ve a, a tirah chuan enge Bialpa neih hi a nih reng reng tih vel mai mai avangin ka han nei ve kha a nia, Mahse kan han inngaizawng chu a mizia chu mizo Mipa dik tak hi a ni mai, a takah an awm lo anga tih tur khawpa Mipa rilru nghet innghahna tlak hi a ni a, ka rin aiin ka tang nghet ta a ni.



Mahse ka ngaihzawng neih chu ka buaina ber a ni hauh lova, Nupui atana min duh thu leh Nakkum lamah chuan inneih lam kan ngaihtuah dawn emni a ti reng mai a, kan kum ngaihtuah chuan kan hun tawh ve ve viau mai a, Mahse chhungkaw innghahna ve ve kan ni a, amah hrim hrim zui a, neih chu ka hreh hauh lo, Mahse ka Nu leh Nui ka kalsan chuan engtin nge an awm ang tih ka ngaihtuahna chuan min tibuai tak zet a ni, han \hen ngawt dawn ila, kalo hmangaih ve hman tawh tum hrang si a.



Nu-I lah a puitling lo telh telh emaw tih mai tur hi a ni si a, Ka Nu lah a hmelah leh A samah te chuan nitin mai hian hun hian sulhnu chhiah tam zelin a sam \uak te a tam chhova, a hmai te pawh a zur ve tulh tulh mek chu a ni sia, ka kalsan chuan Nui chauh hi chuan a enkawl zoin ka ring bawk si lo a ni. Kawrte a\anga kan haw zan chuan peka chuan min rawn call lehin tih tak zawk hian inneih chung chang chu a rawn sawi leh a, Mahse zan tam tak ka ngaihtuah tawh a ni a, thutlukna ka siam fel tawh thu hrilhin, Ka nu leh ka Nau ka chhuah san theih loh thu chu chiang takin ka hrilh ta tawp a, hreh tak, Mittui tla ve zawih zawih chung chuan in\hen mai a \hat thu chu ka sawi chhuak ta ngawt a.



Peka chu a ngawi vang vang a, thawk an la leh halh \hin a, keimah ang thoin in\hen chu a hreh ve a ni, a ngawih vang vang hnu chuan rawn \awngin I Nu leh I nau te chu eng nge chhuahsan I hreh em em na chhan tiin beidawng aw tak chuan min zawt a, Tin, Amah chu Nupui neih a hun tawh thu leh a chhungten an nawr nasat tawh zia te, Tin , amah pawhin mamawh a intih ve tawh zia te chu a sawi siam siam a, ka khawngaih ru ang reng viau mai, tin, Amah hi ka chan a nih chuan ani ang hi chu ka hmu tawh kher lo ang.



Keichuan,, Ah,, ka tello va Eizawng tur chuan ka ngaihtuah em a ni, ka ti thlawt a, Peka chuan a nih chuan Nui hi college a kal mek a, I Nu hi bazarah a \hu bawk a. Nui hian Sumdawnna lam a tui thu leh a tihchak thute hi min hrilh ve zeuh zeuh a, a hrilh ve tawh che em a ti sap a, Keichuan Um,,hrilh \hin a,Mahse bul \an turin pawisa kan nei loh mai bakah Loan rul lai kan nia, chu ngawt pawh chu ka chhuah theih loh chhan lian tak a ni, Ah.. Pek, ka duh lutuk che tih chu I hria a, Mahse keichu pasal nei ve thei din hmunah hian ka ding ngang lo a ni ka ti zuai raih a.



Peka chuan “umm,, Tian ti ang, in loan chu kan vawm hlum ang a, ka chhungte pawh hrilh a ngai lem lo, hrilh pawh ni ila, pawisa ai chuan Mo an duh tawh zawk a, an pawi tih ka ring lem lova, mahse, Nakin zelah nangma tan a nawm loh theih avangin sawi kher lo ila, Nui pawh chu I theih tawpin lo hrual la, Sumdawnna bul \an tura a inpeih tawh ni a I hriat chuan a capital tur kalo tum ang, tichuan kan ti dawn a nia a ti ta hlawl a.



Keichuan,, ah, a lawmawm a, mahse a zahthlak, a inthlahrunawm em mai ka ti nghal vat. Chhuan lam siam tawh suh., min hmangaih ve tak tak a nih chuan ka sawi chu pawm tawp la, Nui chu puitling takin han chher chhoh tum la, I inpeih hun kalo nghak ang che, mahse, ka hmanhmawhin kan chhungin mo kan mamawh tawh hle tih I hriat kha, hei,, engkim kan over chho mai dawn fiamthu deuh chuan a rawn ti a, Hnial theih pawh a ni tak loah chuan, inthlahrung tak chuan ka aw ve ta ngawt mai a ni.



Chuta \ang chuan Nui chu sumdawnna lam chu ka sawi pui \an a, pasal neih lam pang phei chu ka sawi pui duh lo, ka ngaihtuahna hrethiam pha hauh loin, an phur sur ringawt anga, ka tello a an khawsa tur ka ngaihtuah zia te hi an hrethiam pha dawn lo, min nawr liam vat vat kha an phur ringawt dawn, ka Nu lahin tu chung chang bak sawi tur a hre leh dawn lo, inpeih taka chhuah san ka duh a ni. Mi hian Nula senior, pasal neihna chang hre lo, pasal hmu zo lo ang hial te hian min fiam \hin a, chhungkaw tana kan mawhphurhna hi an hre tel lo a ni. Kan tel lo chhungkua hi rawn thlir thleng ve se, Keini hian Nula senior nih hi kan thlang bik a ni reng reng lo. nangni ang kan nih lai chuan Pasal \ha tak neiha chhungkaw hlim tak din te kan dream ve \hin tho a.



Mahse hun hian thil a her danglam a, ngaihtuah tur tam tak kan nei a, chhungkuaah role pawimawh tak kan play tawh a, Midang tana nula leng rei ve mai kha, keini Chhungkaw tan erawh Nu leh pa kan nih kawp a ngaih chang te a awm ta fova, hengte hi min hriatthiam pui lo a ni, chung thil te chu ka ngaihtuah kual nasa hle a. Nui chu theih tawpa puitlinga chhuah ka tum a ni tawp mai. Mahse thil har ve tur tak a ni.



Ni a liam ve hret hret a, Nui pawh a sumdawn a ti mi dawn em tih en nan ka sum khawl tlem azawng chuan bungrua ka lak tir ve \hin a, ka \hiannu dawr ami chu lak chhawn sak \hinin online shoping a siam ve a, a hming tur lah chu a’n duh uluk khawp a, kan thlang nasa khawp mai, a \hiante pahnih nen uluk takin an ngaihtuah ve a, mawi tak tak a hming chu an phuah a, Anu chuan Sap \awng tel vak angai lo a lo ti zel bawk si, Nui ning lutuk chuan,, aw chhehchawl Nula Online Shoping ka ti dawn a ti ta a, kan nui hak hak a, Mahse a ti ta tak tak a, Mi chuan an hriat phah phian zui a.




Keini lam chuan a tihlar lamah \an kan lak pui nasa bawk, Mahse keini story leh Status te zawng hmutu an tlem si a, Ka Nu pawh a \ang ve \hin ngang mai a, a status sak ve reng mai, Chhehchhawl Nula Online Shoping a ti ve reng mai a, Nu Rini te pawh an \ang ngang mai, Nui lah chu a in la buai em em reng mai a, ka rilru a tihah zual sawt a ni ber e, engtin nge he kan naute puitling lo tak hi ka chhuah san theih ang le.



Karleh mai chu krismas a ni tawh a, Zan a thiangin a vawt raih a, ka hma hun ngaihtuah chuan ka muhil thei meuh lo, Pawnah chuan ka tho chhuak a, Van zawl a thlasik arsi phe un mai te chu ka thlir a, ka hun liam ta te ka ngaihtuah a, Ka pa boral hnua kan chhungkaw tana theihtawp ka chhuah ve zia te, In din tuma hah taka ka thawh lai te, Mittui luang zawih zawih a, kan chhungkaw hma hun ka ngaihtuah ve lai te, rual pawl hman lo khawp a hna ka thawh lai hun te ka ngaihtuah a, tun hnaiah Keimahni In ngei kan han din ve a, Mahse ka hringnunah chapter thar kai tumin ruahmanna ka siam leh mek chu a ni si a.



Lalnui mawlh hi a ni ka ngaihtuah chu ni, ka tel loin engtin nge a awm ang, engpawh ti dawn se, U Mam, a ni zel a, Thil awh nei se, U mami ka dil ang a ti zel mai si a, Ka Nu hi chu a ngaihtuah ve deuh a, thil lian tham a awh te pawh a dil duh bik lova, keimah vek hi a duh thlenna ka ni si, ka awm loh chuan U Mam, ti a a mamawh thlenna tur a nei tawh lo tur mawlh mai chu ka ngaihtuah a ni, tin, Scooty a awh em em pawh leisak thei lova han chhuah san chu ka hreh bawk a, Mahse scooty chu buaina ber a ni lova, ani chu ka ta hlui pawh hi pe ila, a lawm ve leh thei mai ang, Engpawh nise, ka inngaihtuah ngut ngut loh a ngai a ni. Chu zan reh ruih leh ka ngaihtuahna buai nuai chu mut san turin ka khum khawhar tak lam chu ka pan ve leh ta a ni.



Zing khat chu Nui a rawn tho chhuak a rawn ri chel chul mai a, enge kan lo ti nghal, Nizan khan followrs ka ngah thut a rwn ti, engzah nge I neih tho phang tawk chuan ka ti a, Ka Nu pawh chuan , ava lawmawm ve mawle, engzah nge I neih a rawn ti ve nghal, Nui chuan 10K followers ka nei a rawn ti, Ka Nu chuan chu chu engzah nge a rawn ti ve leh nghal, Nui chuan phur lutuk hian 10000 lai mawle, a lo ti. Ka Nu chuan ehe, ava tam chak em em, nizan khan ka en a, 1000 vel chiah a nia a ti ve nuap nuaop a.



Kan han en chiang a, Sangsangi leh Bena’n an lo shout out sak chu niin, an ni pahnih hian followers an ngah dun ve hle a, ka Nu chuan Sangsangi leh Bena chu lawmthu hrilh rawh a tih chuan Nui chuan a hreh hmel ngang ngang hle mai, Sangsangi hi a mil loh \hin zia ka hria a, Mahse sumdawng a nih dawn chuan a thinchhe reuh lutuk te, a ngaihdan a pial chinah mi a chhang let fak \hin te hi a sim a ngai dawn, ahh,, amah ah hian zir tur hlir la ni mai si a.
Ka NU chuan Lalnu I tho hma tho eirawng bawl rawh aw,, vawiin Bawlhhlawh paih ni a nih kha a tih chuan, Nui chuan ah,, ka tho hma kher a ni, a ti leh nung nung a, A thinrim titau bar bar te. Ka hmu tawh lo tur anga ka inngaihte hian ka khua a har a, ka hnuk a ulh lek lek \hin, engpawh nise, keipawh hi tiang zawng ringawt a ngaihtuah lo hian , ka rilru a inpeih tak tak a ngai tawh a ni, ka puitling lo lutuk hian Nui hi ka ti puitling thei lo a niang te ka han ti leh ngawt \hin a.



Nui chuan ang hlak hlak pahin bawlhhlawh chu a pajh leh tawh a, a rawn chhoh chuan, order ka siam dawn tiin a intibuai leh hle tawh a, Ka Nu chuan han siam poh tehh,, kan va bawl ange, I sum dawn hnu hian kan buai sawt mai, kan indaih lo, a hlawkna lah hi I account ah I dah hmak hmak zel mai sia tiin nui ruh ruh pah chuan a ti a, Nui chuan aw,, heng ka hlawkna tlem te te a\ang hian Nakinah dawr lian tak ka la din dawn tiin, a pawisa thawh chhuah chu chhungkaw tan chu sawi loh, an \hianho tan pawh theh chhuah a harsat ngang mai a, a sum bul tumtu ka ni tih pawh a hre leh tawh lo, pawisa hlawm deuh a mamawhin, U Mam, a rawn ti leh a, a hlawhtling theih meuh ang emaw..




Ka Nu bazar a \hut pui tur chuan ka insiam a, chaw chu kan ei a, kan eikham chuan Nui chuan U Mam, heihi order a nia, min deliver sak nghal the aw. COD tur a nia, a ti vei zat zat a, engtin nge a tih hrim hrim ka hriat chak avangin, Petrol manah tlem ka hlawh ve \hin tawh ang ka ti chiah chu, A teuh lo, ka hlawh chhiat zia hi, pakhatah hian 100 pawh ka hlawh lo a nia, Petrol man I lak te chuan hlep ka nei dawn lo asin ati nghal zat zat a.



Ka Nu chuan a awihawm loh lutuk 100 aiin I hleep tam chiang lutuk, keini leh zel min bum tum suh nui var var chuan a lo ti a, Nui chuan aw,, ka lakna kal leh haw lam man te chhut te chuan 100 vel ang chiah chiah a ni a la ti hram, keichuan aw,, I kal nan leh haw nan pawn ka scooty tho alawm I hman chu loah ka deliver sak ngun zia che hi ka tih chuan, ah., ka hlawh tam hunah tunah te chuan a hlep ka la khawl zel angai alawm tiin., pawisa ka lak \hen sak chu a hlau lutuk, ah,, a sumdawn thiam leh thiam loh chu engpawh nise, Pawisa hlutna hi a hrechiang em maia, a ti rei ang a, a la hlawh tling ve mai ang ti a, ngaihtuahin Nui en chuan ka ngaihtuahna avang chuan ka nui suk a.



Nui chuan, duh leh coffe I in dawn nia , chu pawh ka hlawk loh phah vek dawn a la ti zui, Anu chuan em em ache a, Kan hman nghal vek loh a tih chuan kan nui dar dar a, Nui chuan in hman vek chuan e, min rul leh tho ang a la rawn ti zui, Ka NU nen chuan kan in en a, kan nui tawp, tichuan Bazar lam pan chuan kan chhuak ta a ni.



Hriata a rawn haw tawh a, eng vak tih tur a nei lo bawk a, Scooty pawh ka ken chhuah sak ngam tawh a, a hma chuan ka scooty hi a hmang chawt a, tunah chuan a U Hriata nen an ti dun thei tawh a, Hriata pawhin a phur pui thiam hle a, an khawih dun ve rek rek \hin a, A \hiante hoin an tui pui bawk a, mahse an ngaihdan in ang lo thei lutuk chu an inhnial nasa \hin hle a, an han inhnial tak tak phei chuan tu thil zawrh ber nge pawh hi ahriat \hin loh, thiam hi an inti hlawm si a.
Nimin lamah Bena leh A bialnu Sangsangi ka hmu a, Nui Online shoping neih chu ka hrilh a, an lo shoutout sak tur thu an sawi a, a zan la la chuan an lo tih sak a, a lawm nen, lawmthu sawi erawh a hreh em em thung a, sawi tur khan ka ti mawlh mawlh a, a sawi ve em ang chu, a customer ala inhnial pui em lova a zia, a la kal tluang zel turah ngai ang.




Bazarah chuan kan \hu a, Nilengin ka Nu nen chuan kan titi a, kan hun kal tawh te kan sawi dun melh melh a, Ka Nu hi MAS dawn hian a lunglen a zual \hin a, Ka Pa chung chang phei chu ka sawi pui duh ngai miah lova, Kan \hutnaah chuan Siampuii Sailo Christmas hla an play dup dup reng a, chu chuan ka NU lunglen chu kai thoin ,keipawh engtin emaw tak ka awm ve a, ka pa te chu ka ngai thar em em a, mittui parawl \euh chuan kan titi ve a. Bazar a lun bawk nen, thil kan han buk leh ang lawp lawp a, kan han titi leh a, tunlai chu engkim mai hian ka lung a tileng lawk in ka hria.




Tlai lamah chuan Peka rawn kalin, min rawn dawr a, a car bul thleng chu ka han thlah a, loan chung chang kan tih fel tawh te sawi dunin, Nui eizawnna chu a zia dawn em tiin nui huah huah chuan min zawt a, keichuan ka hre lo, a uikawm hle a, a phakar em em bawk tih lohah chuan hmasawnna han hmuh tur em em chu a awm lo ka ti a, bazarah khian Dawr luah tur ka melh deuh va, Nakum lama chhuak tur location fuh deuh a awm a, Tunkarah hun kan neih chuan kan en dun dawn nia a ti a.



Ka inthlahrung viau a, Mahse, kan inneih theih nana kawng awm chhun niin ka hre miau sia , ka tan engmah ui a nei lo bawk a, ka chhungkua hi ngaihngam taka chhuahsan ka duh zia min hriat thiam pui a, min ngaihsak thiam em em a, hengte hian ka duhna a tizual a, ka chhungte hi a chhungte ang tak takin a en ve bawk a, pasal ka nei ngei dawn a nih chuan a ni ngei hi chu ka thlang a ni. Nui lah hian fiamthuin, U Mam, ani hi chu I duh ve hmel sia, \hen miah suh,, chuloah Senior tawh hnu lama ngaihzawng \hen chu rilru na a na bik a nia, ek te hi a tui ve zawih thei an ti a nia, hi min tih khum fo va. Ka ngei reuh \hin a nia.
Show post links
Top