CHHUNGKAW CHHEHCHHAWL NULA BY Engtea Fanai (Completed)

[ngaia]

BUNG 39


Kan dawr hmaah tak chuan chemte nen hmaituam hi a rawn ding a, ka hlauthawng lutuk U Notei chu a au nghal \hawt a, min pui r’u tiin a au chiam a, Min rawn vih tum chuan a rawn tlan phei a, Mahse a in pal tlu hlauh a, ka khur nasa lutuk, U Notei chuan Ka woofer chuan a lu ah tak chuan a vaw pawp a, a vaw na bawk a niang a zalh nghal raih mai, Thani chu a rawn thleng phei nghal a, midang pawh an rawn tlan lut \ak \ak a, a hmai tuamna chu kan han hawng a, tlangval la naupan hmel tak a ni a, Kan dawr piah a, dawr nei ve tho Pu Khuma chuan a sawi nawk nawk a, a rawn harh chuan amah chu a meng chiai chiai a.



Ruih nei a ni tih ka hre nghal mai, chutianga chhunah leh nghal , ruah sur kara keini dawr kher a rawn bei chat chu enge maw a chhan niang tiin ka ngaihtuah a, Pu Khuma chuan thu a zawt fiah mawlh mawlh a, chupa lah chu a ni deuh chuai mai si a, damdawi addict hi a lo nia, Hmana kan dawra pheikhawk lo ruk tum tawhtu kha a ni, a damdawi ruiin, kan dawr a kal pel a, a rilruah hmana ka man lai vel kha a lang thut a, min rawn khawih a chak thut a ni awm e, ka ngaihtuah let a, amah chu ka hre mai, hetiang ang kum naupangte damdawiin a tih buai an tam tawh zia te chu ka ngaihtuah a, ka khawngaih a, mahse ka hlau bawk si.


Pu KHuma chuan engtin nge kan tih ang a ti chuar chuar a, keichuan, ka khawngaih tho a, mahse hmanah pawh ka ngaidam tawh a, tunah chemte nen a rawn che a nia, keichu, a rui leh ang a, min thah a rawn tum leh mai ang tih ka hlau ka tih chuan, U Notei chuan a dik chiah mai, Nui tan hian a him lo tlat tiin a rawn tui hnih ve vat a, Chupa chuan ngaihdam min dil leh a, Nia, a fel hmel viau a, a ruih loh lai chuan fel tak pawh a ni ngei ang, mahse, ruihhloin a thunun tawh chinah thil mawi leh \ha a thliar tawh \hin si lova, huatnain a thunun hneh \hin si a, ka ngaidam nawn ngam tawh lo a ni.



Pu Khum, police ah emaw home ah emaw kan dah tir mai dawn emni ka ti ta ngawt a, chu rawlthar chuan a hlauh hmel hle a, mahse keipawhin ka hlau ve tho, chuvang chuan duhthlan tur ka nei lo, duh kan thlan tira , Home a dah tur chuan kan ti ta zawk a ni, BAZAR Hruaitute chuan an rawn la a, HOME lam pangah chuan an tir liam dawn a ni. Ka hlauthawng lutuk chu U NOtei chuan min thlamuan char char a, Ani pawh chuan a hlau ve tho tih ka hria, ruah lah chu a la tla deuh cherh cherh reng bawk nen, rei vak loah chuan hu hnuang hian Anu a rawn tlan phei a, Bazar Nuho titi a\angin kan dawr misualin an rawk a, keimah pawh min hliam angin Chaw hmeh zawrhna lamah chuan a lo thang hman a ni awm a.



A rawn thaw hlawp hlawp a, keichu ka lo zia viau tawh a, U notei chuan ah,, keipawh ka awm ve reng a, chutianga hlauhthawnawm a awm tawh lo a nia, Addict rui sual pakhatin a rawn tawng mai mai a nih kha, tiin a lo thlamuan a, keipawhin ka lo tui hnih ve bawk a, Anu chuan a khawih hman lo che maw, bazarah chuan chemte in a vit fuh deuh a, te an tia a rawn ti, ah,, thil hi kan va han sawi darh chak tak, kan sawi chhawnnaah hian a ai hian kan uar deuh hret zel leh nghal a, chawhmeh zawrhna piah ah phei chuan sawi leh se min vit fuh tawh hrim hrim ang ka ti rilru a.



Anu chuan a nih, I ngaihtuahawm loh chuan kan kal ang e, I Pi Duhi ka chawhmeh hi min lo en sak rawh ka ti ringawt a, ka \hut pui te pawh an chiai lutuk alawm, min lo ngaihtuah lutuk a, thu chiang hre vat se a \hat chu, Mami pawh kan phone hman lo chauh a ni. A tih chuan,, um,, phei rawh engtin mah ka awm lo, U Notei’n a chhu zal hnawk alawm ka tih chuan U notei chu a lo nui var var a. a chhu zawi hnawk ve chiang em a ni.



Anu chuan Notei ilo awm hlauh chu a lawmawm hle mai tia lawmthu sawi mawlh mawlh chung chuan bazar lam pan chuan a phei leh nghal hnak hnak a. U Notei nen chuan kan posi \hing lutuk vel chu kan sawi leh a, Thani chu a lo nui uar uar a, Ka Au \ial dan vel te chu a lo zir bawk, Pu Khuma pawh rawn lut lehin, woofer a chhut ah chuan chhu na ve ngang a niang, a chal pawh a pawng lawng a lawm a rawn ti, a hun lai khan nuih zatthlak viau loh mahse, a himin, a thlamuan thlak ta maw tihah chuan kan hlim puiin kan nuih pui leh ta phian a.



Ruah tla reng avang chuan customer an awm lem lo bawk nen in khar hma mai ka duh a, Anu chu ka call a, ani pawhin haw hma chu a lo duh ve tho a, dar 5 vel chuan kan haw a, kan veng lam kan chhuk thla chu ruah a rawn tam deuh thut a, keimah chauhin raincoat ka nei bawk si, Anu chu ka khawngaih ang reng hle a, ha mai tura ka tih lah chuan a \ang tlat bawk si, thlen vat vat tum chuan ka tlan a, Anu lah chuan fimkhur rawh kawng hmuh a har si, a rawn ti ve chhen a, a chang chuan min khalh zawk emaw tih mai turin a hnung lam a\ang hian min rawn control a. phurh hi a hahthlak ve a nia.
Ka hre ve reng chungin ruah sur nasat thu chu a rawn sawi reng bawk a, nghawng sei deuh nei phei se chu, a rawn \awng nasa lutuk chu ka hmai zawna rawn leh hawiin min be thei hial ang, ka ning, ka hre ve reng, khalh I ti hreawm mai mai, lo ngawi reng rawh ka ti a, Anu chu rei lo te a ngawi ve det a, mahse kawng kawi a piangah fimkhur rawh a rawn ti leh \hin, kan in phurh ngun ve tawh nen hian min la ring thei hlawl lo a ni.



In kan thleng a, vawiin chu ruah a sur nileng chiang a ni, U Mami pawh a haw na a la rei bik lo a, lehkha in chhawpin thil a lo ziak fel mawlh mawlh a, kan vai mai chuan kan che nghal sut sut a, Anu’n eirawng a bawl nghal a, keiin inbualna tur vel ka lo siam a, U mami chu an sikul hna lam pang khawih laklawh lai a nei a niang, ala buai hmel hle a, chutia kan buai sang sang hnu chuan kan in peih fel a, ka inbual a, kan intihfai kim chuan chaw kan ei a, U Mami chuan tunlai hi Lalnui hi I thau reuh hle mai, I BP sang kha I ngeih a nih dawn hi tiin min nuih a.



Anu pawn a \ha, han thau ve tak tak tehh se, kan neih phak a\anga a tui \ha \ha kan ei tir chung pawhin a cher ber a ni reng mai a, nui hak hak chuan a lo ti ve bawk a, keichu ka nui liam ve mai a, mahse rilru zawng zawnga hlim chu har tak a ni, ka hlauthawng vel vek a ni mai, ka naupai chu ka in chhut \hin a, ka thup reng thei dawn lo, Anu chuan u Mami te inneih pawh fur an liam ang a, a hnai chho nghal iak dawn a nia, kan inbuatsaih ve deuh angai, thingtlang lama kan chhungte pawh an rawn kal khawm vein ka ring bawk a, kan phak tawk a zo taka kan thlen ve angai a ni a ti chuar chuar a, kei chuan sawi tur ka hre lo, ka bu ve nghauh nghauh ringawt a.



U Mami chu a kham a, a kham pah chuan tunlai hi Nutei hi I \awng \ha duh lo riau, I nui hak hak te hi hriat tur a tlem lutuk, enge maw hlim loh riau na I nei emni min tih chuan, a awih awm loh, ka hlim lutuk zawk alawm le,, Ka zalen \ep tawh a, ka phur lutuk awm ngaihna hre lo vel a niang ka ti mai a, U Mami chuan ka han chhuahsan ang chu nga maw,, ka lo pawimawh zia hi in hre chho tulh tulh ang nui sak chuan a ti a.



Anu chuan a khamawm chhuah chung chang kha sawi reng lo tehh u, a lo ti vat, U Mami chuan enge maw Pasal nei tura min tih awr awr vei ni, hmu zo lo emaw hi min tia, a tih chuan ka nui suk a, Nula Senior beidawngin tlangval Senior beidawng I tawng ve a, I chapo ve em em a ka ti chu Anu alo nui suk, U Mami chuan kan beidawng lo ve chiang e, tih pah chuan a nui sen sen a.



Zanah chuan ruah a bang a, vawiin lam khaw cheng leh ruah sur chu chu zan boruak chuan a hre ve tawh lo emaw tih mai turin khua chu a thiang kak a, van lah chu a thiang em em a, boruak lah chu a dai riai mai, room ah chuan keimah chauh chuan ka awm rek rek a, thil hrang hrang ka ngaihtuah a, U Mami te inneih hma chu ka awm bo daih mai dawn emaw ni, Mahse,, U Mami’n a phal dawn lo nasa si, U HRiata hi hrilh ila, inruk chu a duh maiin ka ring a, Mahse kan chhungkua kan mualpho dawn bawk si, chu mai bakah Ka NU mal taka kan kalsan chuan U Mami a A vek thei hial ang, Ah,,, buaina thlentu mai ka nih hi.



Pawnah kan \hutna siamah chuan va \hu chhuakin Furkhawthiang boruak dawng chuan ka va \hu ngawi reng a, zanin chu ka \hiante pawh an reh vek a, min rawn be reng reng lo, mal riau hian ka inhria a, ka khua a har a ni, U Hriata lah a hna exam tur atan inbuatsaihin lehkha a zir mek si a, Youtube vel chu en in pawnah chuan ka \hu a, Anu chu rawn chhuakin Nute, enge ruah sur ban chuan I va \hut vung vung a, thosi te pawh a awm lo emni a rawn ti var a.



U Mami pawh rawn chhuakin, khua chu a thiang nuam hle mai a, kan rawn \hu chhuak ve zawk teh ang tiin a rawn \hu chhuak ve a, Anu pawh chuan keipawh rei lo te kan rawn \hu ang e, tiin a rawn phei ve nghal a, enge maw an hriat ni, U mami chuan Nui tunlai chu thil I ngaihtuah ve nasa a ni tiraw a ti zawi sap a, um tih chauhin ka chhang a, U mami chuan, ka ring a ni, thil engkim I mawhphurhna ah a tla dawn tih ka hrilh nasa lutuk che a, I rilru a hah emni a ti leh a, keichuan aih,, chu lam a ni lo.



Hman thil vel, thil ho deuh deuh bak ka ngaihtuah lo ka ti leh daih a, U Mami chuan I puitlin deuh chu a ngai a, mahse chutianga rilru han tihhah vak na tur a awm lo a nia, Ka Pa boral khan, keipawh ka mangang lutuk a, eizawnna mumal kan nei bawk si lo. kan khawvel a tawp ta ang hialin ka ngai a, mahse kan dam ve na na na chuan thil hi a lo tih ve theih mai zel a nia, chuvang chuan nangmah in ngaihtuah ngut ngut lo la, a rawn ti siam siam a, Anu chuan a dik chiah, dawr pawh kan pahnihin kan enkawl ang a, I U mami a awm tawh loh te chuan chaw hmeh zawrh pawh ka tum tawh lem hlei nem kan dawr khi kan pahnihin kan en kawl ang a, kan khawsak te chu a nuam dawn tho tho, hausak hi nun hlimna ber pawh a nih loh tawp hi, hausa tak tak chhungkaw hlim reng reng lo an tam em hi tiin min fuih ve bawk a.



Nia,, a dik alawm tiin ka chhang ve mai a, min ngaihtuah a, min hmangaih tih ka hria, mahse ka buaina zawk hi in hre si lo, ka sawi chhuak a nih chuan kan chhungkua kan buai nuai dawn, chuvang chuan tun hnaia ka nung chang danglam pawh chu ka insiam \hat angai, U Mami ngaih ka tih \hat loh zel chuan a fing sia, thil a chhui peih sia, min man chhuak mai ang, Anu bawk chuan,, Nun hi khuarel nen hian ka tehkhin \hin.



Vawiin khan ruah chu a bang leh tawh dawn lo emaw tih mai turin a tla tam a, khua a nuam loin chhum a zing phui mup a nih kha, mahse hei zaninah chuan khua a thiangin van pawh a mawi leh tawh em khi, hringnu chu hetiang ang hi a ni mai, harsatna te hian min kiansan dawn tawh lo emaw tih mai turin min bawh buai mah se, engtikah emaw chung harsatna te chu thawk leh khatah an la kiang diak mai ang, zanin khawthiang ta ang mai hian, Nun hi a hlim reng tur a ni hleinem tiin min fuih siam siam a, chutia min fuih chu ka lawm rualin ka ngaih an ti \ha lo zawk daih.



Chutia kan titi ho malh malh lai chuan Rca leh U Peka an rawn lang hlawl mai, U Peka chuan teh \hap chuan enge pawnah in tih a rawn ti nghal, kei chuan aw,, furkhawtiang kan lawm ka lo ti nghal vat a, Rca chuan a lawm tur duh thlak em mai, kan rawn leng dawn rawn lut rawh u tiin in lam an pan nghal, Keichuan, a neitu te zawk lut tur ten min sawm , kan In a nih kha duh hun hunah kan rawn lut ang ka lo ti ve leh nghal, Rca chuan I thu lo ber he in ah hian tiin min la rawn fiam zui hram a, keichuan I hre mai ang tia chhangin kan lut ve a.



Rca chuan Nui thingpui a rawn ti leh nghal reng a, ka beng chak lutuk, Um,, I hre dawn khawp tiin phur hmel tak chuan thingpui chu ka lum a, U Peka te leh Anu te chu an titi tui hle a, vawiin lama ka hawn tawn chu kan lo la sawi chhuak miah lova, Anu’n a sawi chhuak chu U Mami chuan min ngaihtuah hmel hle a, thil thlen dan midang pawh chuan min rawn zawt sek a, keilah chuan dawt phuah chawp belhin ka lo hrilh a, ka hnek tluk dan te ka sawi chuan U peka chuan a awih awm loh lutuk, tiin thu pangngai a sawi chhun zawm a, tunlai kan aizawl chu a him tawh lo a ni.




Kawtlaiah Damdawi rui tih hriat ngawih ngawih an vei suau suau va, tualthahna a thleng thut thut bawk a, nunna lak te hi an hreh tawh si lo, a rui chauh hi kan buaina a ni lo, a damdawi rui lo pawh hian thisen an ngam ta lutuk te hi enge maw ni a chhan ni dawn ni, fate sei lennan kan Aizawl khawpui hi a awhawm tawh mawlh lo a ni, a ti chuar chuar a. thingpui chu a so a, Rca thingpyui turah chuan hmarcha hmui chu ka telh a, thak \ha tak chuan ka siam sak a, challenge siamin thingpui chu vawi khata tlak pawp thei chu lawmman \ha deuh ka siam ang ka ti a.



An lo phur hle a, keichuan a sa a nia, aw, tlak chu a har ve ang ka va ti vel, Rca chuan a zuam ngang mai, ani hi chu A Pi Saii te in a chaw a rawn ei ve a\ang khan sa a ngam tih hi chu ka hre tawh a, a huphurh dawn lo lutuk chutah le thingpui chu ka va pe den den a, Anu chuan ava \ul lo tak em, I U Peka pawh chu a phur phurah chuan a \anga , Lalnui khan eng lawmman \ha tak nge maw a neih ang ni tiin a lo nui var var a, U Peka chuan tunlai chua hausa tih ka hria tiin a nui suk a, 123 ka chhiar kan in a, Lem nghal tur ka ti, Rca chu a rawn uak nghal tuar ,a thak lutuk,, Lalnu ka beng dawn che tih pah chuan pawnlamah a tlan nghal.



Anu , U Mami leh U Peka thleng chuan an hriat thiam loh hmel hle a, enge awm zia tiin min en deuh haw a, keichuan a ho lutuk, kan in ah ka thu nge thu lo ka hriat tir a nih kha ka tih pawh chuan an la hrethiam chuang lo, Rca chu a rawn lut a, rawn si hluam hluam pah chuan a thak lutuk! Ka beng dawn chiang lutuk che nuih put put pah chuan a rawn ti, U Peka chuan Rca thingpui chu a va hnim chhin a, ehe, hmarcha muh rim, hmarcha I telh sak a ni maw tiin a nui suk a, Anu chuan I va han mawl chhah tak em,, Rc, Fridge ah sawn bawnghnute a awm va in rawh a lo ti nghal.



Rca chuan Fridge lam chu a pan nghal a, A hmai te chu a sen deuh ap ap a, ka khawngaih leh hnu hnawh reuh lutuk, bawnghnute a in zawh chuan a zia deuh a niang, nui sang a, rawn leh hawiin, Revenge a la awm ve ang a ti sup a, U Mami chuan ching tawh reng reng suh, tiin min lo hau ve bawk a, Anu chuan a pangngai kha han siam sak leh nghal rawh a tih chuan, Rca chuan a ngai lo, keiman ka siam dawn tiin a tho a, amahin thingpui chu a va insiam sut sut a, Rca rawn phei leh lam chu tikhan kan in ah ka thu nge thu lo chu I hre tawh mai em, nui chung chuan ka lo ti a. Za lo tih hriat tak chuan a nui lui sak a.



Chu zan chu an rawn leng rei phian a, kan titi ho a, kan nui leh dar dar \hin a, U Mami leh U Peka in bem dan te chu ka zawt a, U Peka phawk a chhuak a, rin aiin a sawi \ha duh hle a, Rca nen ah,,, ka nu pawh, kan vai mai chuan kan nuih pui nasa lutuk, an mahni ber ber pawh chu an nuih a za a ni. Tunge bem hmasa zawk tih te chu ka zawt a, an in puh ve ve na a,, U Peka chuan a lo bem hmasa zawk ngei chu niin, A bem dan chu U Mami chuan a sawi a, Ka Nu ten Nupui nei tawh la an tia, A hun ve tawh ka ti tho a, Bialpa I nei em? A rawn ti deuh thawr a.




Awi,, chumi a rawn sawi tirh chuan a rawn len leh pawhin ka be peih lo, hei kohhran \halai an rawn len pawh khan, ka be \ha duh lo bik char char a nih chu, a ti chiah , U Peka chuan a melh kha chu mi melh no theih em kha a lo ti ve bawk a, Rca chuan Nih leh U Mami’n engtin nge a chhan che, a rawn ti, U mami chuan U Peka ka chu a hup sak a, U Peka lah chuan sawi chhuah a tum, Anu pawh kil khatah chuan a lo nui ar ar a. U Peka chuan kar khat na velah hian, keipawh neih a hun tawh chu an ti ve tho, tih chauh hian min rawn reply a, a tih chuan Rca chuan tichuan in inngaizawng ve tawp a, a lo ti.




U Peka chuan ngaizawng ve mai e,, a ti chu ka nuih a za lutuk, U Mami chuan,, ahh kan inngaizawng nghal lo reng reng, khami ka sawi a\ang khan amah hian min rawn bialnu chei nghal a, inneih mi sawi pui nghal char char , kei lahin kan inngaizawng emni ka lo ti deuh haw a, Peka hian inngaizawng rual kan ni tawh lo, innei rual kan ni tawh a ti hmak a, ka lo aw, ve mai, hei an rawn lan ngun takah kha chuan a mizia kha ka lo scan nasa ve tawk tawh a nih chu, pawi tihna em em kha ka nei lo chho a, ka inngaihzawn pui awm ve hmiah a ti chu kan nuih pui a, kan hlim pui phian mai.




Dar 12 vel chuan an haw a, an haw hnu chuan in chu ka tifel leh zuai zuai a, ka intifai a, mut mai ka tum chu ka phone ka han en a, U Hriata msg leh missed call a lo awm \euh mai, kan hlim lutuk a, ka lo theihnghilh daih chu niin ka theihnghilh thu ka sawi chu a thinrim a titau ve nasa lutuk, a \awng \ha duh lo ngei a, a inhmeh lo vel lutuk chu ka duh vel tawp, ngaihdam te chu kan dil ve a, mahse tihtauh hi chu kei angin a peih rei ve lo, kan in be pangngai leh thuai a. A rawn haw \ep tawh thu sawiin a ni chu ka zawt leh a, a la sawi thei chiah lo na a, a thla erawh chu a sawi chiang thei tawh thung a. July thlaah chuan a rawn haw ngei tawh dawn, thla leh mai a ni tawh, rawn haw vat vat se, ka rilru hah \hin lutuk pawh hi tlem chuan a zia ve deuh mah na.



Mu pah chuan kan in bia a, zawi te te chuan kan phun dun sep sep a, ngaitu zawk nih kan inchuh a, a chang leh nupa nih hun tur kan sawi dun a, a chang leh kan inhnial a, Nia, keini pahnih chu inhnial \hin, in hau \hin, mahse infuih tawna inthlem tawn leh \hin kan ni tlat a, kan thinrimna hian a daih rei ngai lo, kan inhnemin kan inthlem tawn leh mai \hin, keichu ka titau hma em em a, ka thikthu a chhe bawk, Mahse U hriata chu a ni ve lem lova, a thikthu a chhe em em lova, zalenna zau tak min pe \hin a, a tihtauh ve pawn minute rei lote bak a ni ngai lo, kan mizia in ang lo lutuk chuan kan inkar a ti nghing lova, a ti nghettuah a \ang hlauh zawk thung a, Ni e, inhriatthiam tawn ngai kan ni tih kan inhriatthiam phah a, chu kan mize hrang hlak avang chuan kan inhmangaih zual sawt niin ka hria.




Chutia kan inbiak lai chuan ka pum chu a rawn che dat a, ah,,a che ka tichhuak thut, U Hriata chuan engmaw a rawn ti vat a, ka sawi chhuak hman teuh lutuk, ah,, ih eng lo, ka khum mawle,,a nghet lo lutuk a, ka ti nghal vat a, hria se a lawm dawn nen, ka naute pawh hian a pa aw a hria ang a, a be ve chak a ni ngei ang, loud ah dahin, ka dul zawnah chuan phone chu ka dah a, ka rilru chuan bawihte,, Apa \awng ngai thla ve rawh aw, ka ti mawlh mawlh a, ka awm dan chu hreawm ka ti tawh tak zet a ni.



Ni a her ve zel a, ka \hiante bawk chu an ngaih a \ha \hin lo, ka dul hren avang chuan Naute chu a rawn lang thei lo a niang an ti a, thlaruk dawn a ni tawh a, ti em em a, a la lang lo hi I chhiat palh mai ang tih te pawh a hlauhawm, September phei chu I nau neih thla a ni tawh dawn a nia, I inthup reng thei dawn chuang lo sawi chhuak tawp ang an ti \hin a, keichuan nangni pawn in sawi kha, an nau neih ni ah an hriat chhuah chauh te pawh an awm \euh in tih kha, tiang chu ka ni ve dawn a niang ka ti a. Mahse keimah pawhin ka ring chiah lo, chutih rual chuan ni ve hlauh ila tih chu ka beiseina a ni, a chang chuan ka ni ve tak tak dawn a niang, ka dulah hian tlemte chuan lang ve deuh mahse, keimah ka biang te a thau ve leh deuh tawh bawk nen, a hriat vak chuang miah lova, Dul hrenna ka hman phei chuan ka thup char char theih pawh ka ring ve deuh \hin.



Rami chuan chutiang a ni ringawt lo, An inneih thla a, nau I nei dawn a, accident in an inneih dawn karah te emaw an inneih hma deuh pawh nise, nei ta thut la, in tan a mualpho thlak tur zia te, U mami rilru nat tur zia te ngaihtuah rawh tiin, min zilh mawlh mawlh a, christy chuan dik chiah, I beisei ang chuan I dul chu lo lian lo pawh nise, an inneih hmain I nei thut thei asin a lo ti ve bawk a, a dik chu ka ti viau mai, chutiang a, an inneih zawh hmaa ka neih thut chuan, kan chhungkua kan mualpho dawn lutuk, a bikin keimah, chutih rual chuan kei ka mualpho chu pawi ka ti lo, U mami zawk a zak leh a hrilhhai lutuk tur te, a rilru buai dan tur te ka ngaihtuah leh a, ahh,, awm dan ka thiam lo, awm loh daih mai hi ka chak a ni.



Kan \hianho chuan dawrah chuan thil kan ei a, keichu ka thil ei a tui leh daih tawh thung a, U Notei lah chuan min duhsakin ka ei chak ang chu min lo pe ve ziah a, ka thil chak lah hi chak satliah pawh hi a ni ngai lo ka chak huam huam hi a ni \hin bawk sia, ka \hiante hian min hrethiamin, min hriat pui ve lo se zawng ka nun chu a khua a harin a mal zual ngawt ang le, Tuna ka buaina ber chu customer ah mil lo zawng, hmel ngei deuh ka nei \hin chu a ni, U Notei chuan min rawn pui vat \hin a, I rai huat a nih kha a rawn ti mai \hin a, ka ngei tlat \hin a, a hreawm thei lutuk.



Hmanni pawh customer pakhat khabe hmul \uak , tlem te zuah deuh chhep te hi a awm a, ka hmuh khan amah khan ka luak a ti chhuak tlat a, ka be \ha peih lo, ka ngei tlat bawk sia, a hreawm lutuk a, U notei awm lai a ni hlauh a, min lo hrethiam a, amah zawk chuan a lo dawng sawng mawlh mawlh a, chutiang vela ka awm \hin thu ka sawi chuan Rami leh christy chuan I sual vang a nih chu, chutiangin an awm kher ngai lo, nangmaha I mize sual kha a rawn chhuak a nih kha an ti, a chang leh I nihna dik tak a rawn lang a nih kha an ti thul sim turin min han ti ringawt a, U Notei chuan midang pawh an ni \hin alawm, chutianga sim ngawt theih pawh a ni lo a lo ti ve bawk a. ka \hiante nen chuan kan inhnial rap rap a.



Chawlhni zing khat chu ruah a tla cherh cherh a, chhum a zing chiai chiai a, kan veng ITI kawng phei a, April par chuai tawh lam chu ka thlir a, hman ni lawk kha chuan inti vei tak khan a vul chuk a, tupawh mai khan mawi ti em emin an thlir a, a bula inneitu te pawh chuan chapo pui hmel takin an thlir vawng vawng \hin kha a nia, tunah ve lem, khang par te kha an \hil a, a inneitute tan an par tla \awih te chu, rimchhia leh hnawk mai an ni tawh a, chuai hreh hmel taka April zar bel a, la par ve \ang \ang te lah chu tuman mawi ti a, en an awm tawh lo, an kal pel mai mai a. an vul lai kha chuan thla an laksak hram \hin kha a nia. Aw hringnun pawh hi khitiang ang mai mai khi a ni dawn si a, anni khi chu an la vul nawn leh dawn tal a, keini zawng kan chul a nih chuan kan vul chatuan tawh dawn si lo a.



Chutiang vel ngaihtuah chuan varanda lam a\ang chuan kawngpui chhumin a bawh phui chuk leh April chhum in a a bawh kar a parsen chuai lam , lo lang ve pheuh pheuh chu ka thlir reng a, kan in chung rangva chu ruah in a nan ri tliar tliar mai bawk a, inkhawm pawh ka tum lem lova, U Mami chuan Lalnu, Anu kha a inpeih tawh chuan inkahwmna te hmang ila, chaw kan ei dawn emni a rawn ti lar lar a.



Anu a insiam a, chaw chu kan ei a, Anu chuan Lalnui hi tunlai inkhawm i thatchhe riau mai, vawiin chu inkhawm rawh min lo ti leh nghal , keichuan ahh, khua a chhe si, peih leh zanah ka inkhawm zawk mai ang tiin ka chhang a, U Mami chuan a inkhawm loh leh khawih tur a tam a lawm, a lo ti vat a, kan eikham chuan anni chu an insiam nghal a, a tlai deuh tawh avangin scooty chuan an in phur phei a, keichu keimah chauhin in ah chuan ka awm a, boruak duai ruih mai leh ruah tla cherh cherh te chuan ka lung a ti leng hle mai a, eng ber nge ka ngaih phei chu ka hre lo, tunah tak chuan U Hriata pawh ka ngai chuangin ka hre lo, khawtlang lunglen an tih ang hi a ni berin ka hria, khua a cheng reng bawk nen thlengsil vel chu ka peih lo hle mai a, mahse ka tih turah an dah miau mai si a, ka tih leh nge nge chu a ngai, tin, rilru lak pen nan pawn ka duh hrim hrim, ka tih dan ṭhin ngai te bawkin zai ka ngaithlaa, thleng ka sil pah bawk a, thleng sil zawh chhuat ka nawt ang a, insuk chu ka tum lo law law a, puan pho na turin ni a sa chuang lo bawk a.



Ka tih tur ang ang te ka tih zawh chuan u hriata msg chu ka en a, a inkhawm ve ngei a, inkhawm tur hian ka ti nasa thei lutuk a, tukin chu ka thu awihin a lo inkhawm ve ngei a, keimah ber hi ka inkhawm thatchhe leh hle tawh si a, inkhawm ka inthlahrun deuh chhan pawh, ka rai tih an hriat chhuah huna mak an ti vel tur leh min en dan dang tur te, kohhran in min han phuar vel tur te chu ka ngaihtuah a, ka zak lawk a ni ber, tun aṭanga lo inlak hran lawk ka duh a ni.




Khuma chuan bawkin thlalak hlui ka en mai mai a, Fb ah te chuan ka lut kual a, Mizo model lar leh footballer lar chho ṭan mek Bena leh Sangsangi an inṭhen thu chu an lo post chuai chuai a, mak ka ti lutuk a, an hlim dunin an in mil viau si a, enge maw awm zia ni, bena chu ka han call ringawt a, phone call a chhang thei lo, Sangsangi chu msg ka thawn a, a seen reng a, min reply chuang lo, a hnu fe ah chuan Bena chuan min rawn call letin, tunlai chu i va induh cher cher ve a rawn ti ringawt, keichuan.. hmm.. i daw ve a nih chu, mi biak i tum tawh lo zawk a nih kha ka lo ti vat, Ani chuan a awihawm loh e.. hun i nei tawh meuh lo zawk a nih kha, keichuan hun ka insiam chawp mai thei a, nang chuan min biakna hun pawh i nei thei tawh lo a lo ti nghal bawrh bawrh a, ah.. chu lam sawi lo ang, in news ka hmuh hi enge awm zia ka ti nghal vat.
Bena chuan eng news maw, ka van hre ve lo ve, a rawn ti, ah.. hre lo der suh, an post nasa sia vawi khat tal chu i hmu tawh ang ka tih pawh chuan ka la hmu lo a ti tlat si a, a nih, kan sawi ang, Sangsangi nen in inṭhen em ni ka ti deuh thawr a, Bena chu nui lui tih hriat tak hian a nui deuh hak hak a, kei chuan Nui suh, sawi ṭha tehh a fel em kha engvangin nge i ṭhen ngawt, vin deuh tak chuan ka ti a.



Bena chuan ah.. sawi chi pawh a ni lo, kan inmil lo ni ber mai, kan inngaihzawn aṭang hian kan hlim ni aiin kan inhnial ni a tam a rawn ti thawp sat a. aw.. mipa zawk i nia, i hnial pawng pawng zel a niang chu, a hma aṭang tawhin inṭhen i cho thei lutuk a, ka tih chuan Bena chuan nia, thinlunga mi pakhat awm reng chung chuan midang daih han neih kual vel chu a har a ni, ka tihsual a ni a ti mai a, a thusawi awm zia chu ka hrethiam lo, chutih rual chuan keimah nen chuan ka hmeh bel a.
Bena keimah vang te khan in lo inṭhen ngawt ang e, ka tih chuan a nui mai a, a ho lutuk, a tawp tawh thawnthu zawng zawng hi a la tawp vek dawn alawm le, tikhan keini hmangaihna thawnthu ngaihnawm loh zet pawh a tawp ve a ni mai, football ah ka rilru zawng zawng ka pek theih phah zawk ang, chutih rual chuan Sangsangi pawh kha ṭha tak khan lo be reng tho ula aw..tiin thu min chah a, aw le, in duh tawh lo la, ka msg te hii reply lo hrat lutuk, min seen zone tlat nui sak pah chuan ka ti a.



Bena chuan training tough vanglai kha a nia, tunah te chuan season kan ṭan a, a zia tawh alawm kan inbe ziah dawn a nia tiin kan inbiakna chu kan duh tawk rih a, enge an inṭhen chhan chu ni ang tiin ka ngaihtuah neuh neuh va,Bena chuan kei hi min lo la duh reng emaw ni Bena hi a mak ve ngawt mai, mipa dang te chuan an star zawng leh an duh zawng hi an thlak zung zung thei a, keihi min lo la duh reng emaw ni le, alo la ni a nih chuan min duh rei tawh ngawt mai, mize nghet tak chu a nei ve chiang a ni, mahse.. ah.. keimah vang chu a ni lo ang, kan vai khan kan inkawm vek a, Sangsangi nen pawn kan innel tawh viau si a.



Pawn lam chu ka hawi chhuak a, chhum chu zawi muang hian a ral riai riai a, ni a rawn lang ṭan a, Inkhawm pawh rei vak loah an rawn bang ve mai a, keichu ka lo mu dar dar a. Anu chuan Lalnu, Ni a sat dawn saw, chaw ṭhing kan dah khawm hi i pho dawn lo ami a rawn ti lut, hm.. in ban tawh tho kha pho chhuak ve nghal mai ula ka lo ti nghal vat a, U Mami chuan han tir ila a aia ring hian min rawn tir let a, Kan nau cial hi chu tiin a rawn nui lut a,



U Peka chuan Nute, thil ka rawn ken che a nia thingpui min lum thei a rawn ti lut var a. U Mami te ṭhianho an rawn kal leh tawh a ni maw ti a phun sapin ka tho chhuak a, ka chhuat nawh kha an rap bal leh vek ang chu, an pheikhawk a lian hlawm si, ka va chhuak chu Thingpui in turin kan rawn kal nui sang chuan an lo ti, thingpui heh hlawm si in ninawm ka ti a, Anu chuan i thingpui lum an induh chu lawm hle rawh a lo ti,keichuan ka lawm reng reng lo nui sak pah chuan ka ti a,


an zinga pakhat chuan Ah. Nu Mawi, Nui vin khar khar te hi chu pawi ti reng reng suh, a vin loh a, a lo ngawih kar hi chuan a hreawm daih zawk a nia a lo ti ve bawk a. Midang chuan a dik chiah, min vin loh hian kan inthlahrung tawh zawk an lo ti tliar tliar a, in ninawm ah,, thingpui hi in heh ve em alawm tih pah chuan keipawh chu ka nui ve sak a.
An ṭhu khawm a, U Mami te inneih hun tur chung chang sawiin U peka best tur te U Mami dinpui tur te chu an sawi a, ruahmanna te chu an siamho mawlh mawlh a, ka ngaihtuahna chu a kal thui hle mai, hun hi kal nghal duak thei se ka ti a ni, mahse kan thu lo ropui mai si a.



Ni a liam zel a, engtin tin emaw ka la inthup ve thei zel a, Mahse,, ngaihṭha lo tur tawk vel chuan ka dul chu a rawn lang tawh, U Mami pawh chuan Nutei hi i thau dan hi a dik lo tlat, min ti min ti ṭhin a, keichuan a awih awm loh tun hmain ka thau ngai lo lutuk a, mak inti mai mai a nih kha ka ti mai a, A Nu chuan thau te hi i inhmeh reuh ka ti,i hmel te hi a ṭha vekin ka hria, Mami te inneih hunah chuan i mawi ber zawk dawn a nih hi a ti chu, ka hnim deuh ruih a, ka kal ve thei ange maw tiin ka ngaihtuah a, Ah. Nu, ka ti ringawt a, U Mami chuan.. inti pangchang rual pawh i ni tawh lo dawr hi i hawng tlai thei si, kal tawh rawh u, scooty lah hi in chang chawt mai a, min ti leh tawh a, tichuan Anu nen chuan kan in phur a.
Dawr lam chu kan pan a, Dawr kan thleng a, Anu chuan a seat lam chu a pan nghal a, keipawhin dawr chu ka hawng a, ka dul hrenna ka theihnghilh tih ka hre chhuak, U Mami class a la kal bawk si lo, ka room ah hian a lut ve ziah bawk si, a hre chhuak ang a, tunlai phei chu min thli thlai uluk ropui si, engah nge maw ka fimkhur zawh thlawt loh le...ka zuk let leh tawp mai dawn emni tiin ka ngaihtuah a, ka hlauthawng lutuk chu dawr chhungah chuan ka vei sek a.




U Mami chuan min rawn call a, ka la ngam lo, enge niang tiin ka ngaihtuah nasa, min rawn call nawn leh, ka khur der der a, phone chu ka chhang a, Lalnu dawhkan ami hi enge awm zia, i damdawi ei te hi tiin a rawn vin ṭhak a, ka zawi nghal vek a ni mai, ka kha a chih a, sawi tur ber pawh ka hre lo.. Ka lu te chu a hai muai muai in ka hria engtin nge ka tih ang,
U mami chu a aw ki a \ang chuan a thinrimin, zawhna a ngah hle tih lah chu ka hrethiam nghal a, rawn haw rawh, I rawn haw dawn nge ka rawn kal dawn a rawn ti vin chhak a, Enge U mam, inthlahrung tak chuan ka ti a, enge tih a ngai lo, rawn haw la, a ni mai, sikul pawh ka kal dawn lo, ka nghak che , thil zawh tur che ka nei, I awm dan hi mak ka tihna a rei tawh reng a ni a rawn ti chang fak a, chhan dan tur ka hre lo, ih,, u mam, customer ka nei a, ka ti leh chiah chu, I dawr kha khar la rawn haw mai rawh, chuti lo chu keimah ka rawn kal ang.



Khawi zawk nge I duh, ka rawn kal dawn nge, I rawn haw dawn a tih chuan, zawi te, inthlahrung tak hian, ka rawn haw dawn, ka ti zawi sap a, U Mami chu thinrim avangin a aw a khur dar dar tih pawh ka hria, engtin nge ka insawi fiah ang, U Notei chu ka au ringawt a, U Notei chu thil awmzia ka hrilh a, U Notei chuan ka rawn kal pui dawn che emni, I huphurh viau em a ti a, umm,, huphurh lutuk a, mahse hetiang hun hi chu a lo la thleng dan tih ka hre sa a lawm,,a nih nih kan nih a nga ni mai tiin dawr chu ka khar a, kan in lam chu ka pan a. ka khaw hmuh te chu a fiah lo ruai hian ka hria a, ka tiril a khur deuh dar dar reng a, U Mami hmuh chu ka huphurh tak zet a ni. Kawng sir kham sang laia tlan liam hmak mai chu ka chak a, chutiang tih mai duhna chu ka rilruah chuan a rawn lang zut zut a.
Show post links
Top