CHAPTER 2
“Hmeichhe dang leh bawk maw?" ka phun chhuak sapa, engtin nge hmeichhiate hian an rawn zui reng peih ni? Nilo nilo an duh viau ang chu a hausa in a hmeltha a, chuan an mamawh a hre hle bawk ang. Kan nupa roomah erawh a awmpui ngai lo thung, ka thusawi a zawm ve ta te pawh a niang. Ka huatna erawh a lian tual tual thung si, a hriat loh laiin naupai lohna damdawi leiin ka ei fo va, ni e tu in nge pasal min hmangaih miah lo leh min phatsan reng tu fa pai duh ang ni.
Ka rawngbawl lai chu ka chhunzawm mawlh mawlha, engtikah nge zalen taka ka nun ka hman leh ang. Hepa thununna hnuai atang hian chhuah vat ka chak ber, ka pa rawn kal lai erawh chuan min duat thiamin lemchang a ni tih a hriat ngai loh hrim hrim. Ka pa bulah engmah ka sawi ngam silo lai hi a hrehawm lai ber chu a ni, thawk la ham hamin ka lu ka thing nawk nawka.
Min hretu ho in min sawidan lah ka hailo, ni e in ngaihzawn lawk na pawh neilo in kan inneia, nau ka paisa avanga innei kan ni ang a sawi tawk lah bo lo. Mite hian mi chanchin hi a chhe zawnga sawi kan peih bawk si, mi chanchin sawi leh rel hi kan hnapui ber a ni miau si a, chhan let dawn lahin mi tihdan tur an hre bawk nen chhan loh law law hi a him ber.
Thawm rawn chhuak a vang chuan ka nersawka, chunu au that that ri chuan ka beng a luah chiang viau mai. Tenawm lutuk nupuiah min neiin mahse a tisa chakna hrikthlakna bak ka ni der silo. Hmei dinhmun bak ka chang phalo tih ka hrechiang viau mai, an rawn chhuah leh chuan chaw ka lo ei mawlh mawlha. Chunu in rawn ei ve a tum chu ka ding chhuak nghal phat mai.
“I tan ka siam lo, ka pasal kha i mutpui tawk tawh a nihchuan haw la in inah va ei rawh. Ka rawngbawl a ni a ka thu ber" ka tih fak fak chuan chu nu chuan in la naute zet hian Danis chu a ena, ka lo uak lo chauh a ni. Tenawm hian “Ei ve rawh se" rawn ti nghut tu avang chuan hawi chhuakin ka en kara “Teuhlo ka rawngbawl a nia nanga uirena nu ei tur a nilo, kan inneih contract kha ila hria em? Hetianga in phatsan theih tih hi a inziak reng reng em? Ziak lo tiraw? Dan bawhchhe tu i ni a, ka haw a nih pawhin sawi buai theih i neilo" ka tih takah chuan thinrim hmel zet hian min ena.
“Lo va chhuak rawh, hmanhmawhin" chunu chu a vin hrawka, chunu pawh chu a tlan chhuak nghal dawr dawr mai. Chuveleh ka thu lai chu min pawt tho lawpin ka khabe kualah chuan a rawn hmer chata, zam duh hauh lo chuan ka en let ve kal bawk. “Engvanga zahlo taka min bia nge i nih?" a tih hrawk chuan ka nui saka “Nangpawhin min zah lem em ni, ka awm lai renga hmeichhe hrang hrang mutpui theitu i nihkha" ka thusawi avang chuan a mengrum ula.
“Hre rawh hmeichhe dang i rawn hruai lut leh a nihchuan engpawh huamin ka kalsan ang che" tiin ka kalsawn san zuia, room ah chuan thu in pawnlam chu ka thlir renga. Ka bula a rawn din leh pawh chuan ka ngaihsak tawh lo hrim hrim “I duh chuan min nek lui ta che, ka finfiahna hian police hmel hmuh a chak khawp a sin, tualthattu pafa chuan jail bang in zut mai a niang chu" a rawn tihchuan ka tho chhuak nghal zata.
“Hmela tualthattu ka nilo, hre rawh. Tualthattu kan nilo" tiin ka au khum tuar tuara, ka dara a rawn hmer chawt avang chuan ka tawp chawt mai “Enge i hriat, min thlah rawh min thlah vat rawh" tiin a kutah chuan ka chumsak vak vaka, min phatsanna nen mittui nen ka en ngar bawk“Mi tenawm tak i ni, hmeichhe dang i rawn hruai luh leh dawn ai chuan kan inthen ang, ka pawi tilo duh vang rengin kan su cheu hleinem" ti tawn tawnin a kut chu ka vai thla a.
Khuma thu thla chuan ka tap khur dar dar bawk. Engmah sawi tawh lovin a chhuak zui vut a, ka en zui tawhlo. Inthen ka duh takzet, chutih rual erawhin ka pa ka ngaihtuah tello thei silo, he mihring hi engtin nge ka lo duh em em theih zawk, mi sual leh ramhuai pai ang hial in a nih hi a khawsak ni. Ka chhuah leh chuan a lo awm tawh hauh lo, ka chaw hmeh siam zo deuh duakah erawh chaw a ei ngei tih a hriat.
Nileng chuan keimah te chuan ka awm rak raka, thian vak ka neilo nen tumah thenawm te han biak tur vak ka hre hek lo. Keimah te chuan phone nen ka in awm tlei veleh thei mai zel, tlaia a hnathawk chu a rawn rui haw hle a, haw pahin zu a rawn in a ni ngei ang mipa pakhat hian a rawn thlaha, an rawn pai lut nawk nawk mai. “Miss min lo pui thei angem?" a mah rawn kuah lut tuin a rawn tihchuan ka phei vata.
“Miss tikhanglang suh ka nupui a nih hi, lo melhtaih i tum animaw?" rui phun mual mual chunga Danis an a rawn tihchuan amah rawn thlah tupa chuan min rawn en haw a “A nupui maw i nih?" a tihchuan ka bu nghat ringawt. Room a kan kuah luh takah chuan chupa chu min haw san mai tur a tiin lawmthu ka hrilha, Danisa rui lah chu ala phun char char lehnghal.
“Khapa kha keiai i duhzawk tiraw?" ringawt chuan a, ka mut that tir mawlh mawlha. Chaw pawh a ei theih ka ring hek lo, a rui lutuk chuan engmah a tih theih ka ring lo “I duh duh sawi suh" ka tihchuan a rawn tho chhuak leh tuai tuaia “A nilo em ni? In inen dan kha ka hmuh hmaih hleihnem, ka nupui i nih thu sawilo phei ila chuan in in be zui hial ang chu" a rawn tihleh chuan lawm lo zetin ka ena.
“Nang ang in ka lerh lo, i duh duhin min puh suh. Engvanga zu in reng reng nge maw i nih le? Mu rawh chaw ka va ei ange" ti a kalsan mai ka tum chu min man bet vata. “Ka ei ve duh, ka ril a tam" tiin a rawn tho chhuaka. Hahthlak tizet chuan ka en reng ringawt, a tawpah chuan in kuah chhuak leh in chair ah chuan ka thut tira, chaw ei chu ka siam nghal mawlh mawlh bawk.
Ka che vel chu ngawi reng hian min lo ena, mi a tilai lek lek mai. A mitmeng phe deuh chiai nen chuan a sexy khat tlat, a hma a chawhmeh ka va chhawp mawlh mawlh lai chuan ka banrekah chuan a rawn vuan chata “Enge!?" ning lutuk chuan ka tichhuak halha, “Chaw hi min barh rawh" a tihchuan ka en ho ringawt. “I â em ni? Nangmahin ei rawh" tiin ka kut chu ka kuangkuah hmaka, mahse alama min pawt hnai hi a mit chu a zim sana.
“Ka rui lutuka ka ei theilo a lawm" a tihchuan ka nersawk mai, mi inti tlawn a tum nge mawni. Lawm lo zet chuan chaw chu ka barha, a la nui vur vur zui; a rui hi a â vekah ka ngai. Chawhmeh nen chuan ka barh mawlh mawlha, a puar rual chuan ka chaw chu ei ve mawlh mawlhin ka seng nghal zung zunga, chumi chhung zawng chuan min lo en char char leh tawh mai, enge a hriat ni.
Ka tihfel zawh chuan room lamah ka kuah luta mut mai ka tum lai chuan a mah zawk chuan min bawhbet thuta, phawk lutuka ka en lai chuan ka hmuiah chuan dam raih hian a rawn fawpa. Ka namsawn nghal vat “Min dang suh Jane" a mi koh dan avang chuan thinrim zetin ka thawhsan zuia, tunah khan a nupui hming in maw min koha?
Min rawn ban leh mai a tum chu ka awmsawn vata, ka mittui a tling pam bawk “Engtin nge i nupui hlui hminga min koh theih zawk ka hua che" tiin ka tlanchhuah sana, pawna thutthlengah chuan thu in ka mittui chu ka hru zauh zauh va “Ka duh che a sin Danis, mahse huatna bak min pe silo. Ka duh ang che hian min duh ve la chuan engkim a tha mai tur, hmeichhe dang rawn hruai lut reng lo hian ka tan i awm ve mai thei lovem ni" keimah te chuan ka phun sap sapa.
Ni e min haw tu leh ka pa haw em em tu hi ka lo duh tawh tlat si a. A mi huat mai avangin ka duhna lah hi ka tireh thei heklo, khum tawm khar chuan ka thu renga, engtianga rei nge rilru hrehawm reng renga ka awm ngai dawn ni.
Reife hnuah chuan inchhung lam pan chuan lutin room chu ka pan zuia, Danis pawh a lo muhil tawh a nihhmel. A hmeltha tak hahdam taka a muhil ka hmuh chuan ka en vawng vawnga, a hmeltha chiang a lawm. A nupui a hmangaih takzet tih ka hriatna chuan min ti na a, ka ta a ni ngai dawn lo tih leh a hmeichhe hmangaih thahsaktu kan ni tih hi ka theihnghilh thei ngai dawn hek lo.
Aw tinge hmeichhia kher khera ka lo pian le, a ni hi tawng lo ila a ni hi hmu ngai miah lo ila ka duh a sin. Min hmangaih ve ngai lo tur laka beiseina neih erawh ka thulh thei silo, a hmuh laiin ka duhna tihlan a rem lova. Huatna ve ve bak kan inkarah a awm thiang lo ni ber in ka hria, zu rim chu na viau mahse a bulah chuan ka mu thla ta tho va, min rawn kuah nghal thak chu namsawn duh tawh bik lovin ka mit ka chhingzui ta thuaia.
Zinglam thawm avang chuan harh zawkin Danis lo mengkur ka hmuh avang chuan ka thu ngil zawta, a mitmeng rum lutuk chuan min rap lek lek mai. Min that duh mai dawn emaw ka tih rum rum lai chuan min delh betin dim lo zet zet chuan ka taksa chu a hmer vak vaka, ka rak chhuak nghal that bawk.
“Eng nge i hriata min thlah nghal rawh, ana ania Danis" ka thusawi rual chuan a nui leh haka “Nizan khan ka lak atangin i tlanchhia a tiraw? Tunah chuan i tlan chhe tawh mai mai lovang" tiin ka taksaah chuan a duhtawkin a che leha, ka tap chhuak faih faih ringawt “Ka hua che hremhmunah kal rawh" ti tiauin a thawmhnaw in bel mawlh mawlh chu ka ena.
Ka taksa sil na ut ut nen chuan chet pawh ka che thei tawhlo. “Tuk thuan ka ei chhuak dawna, i duh hunah i lo insiam leh mai dawn a nia. Ka awm loh laia lo tlanchhuah emaw kha tum hauh suh ang che, ka nupui awmna chu ka hre har dawn lo" a tihchuan ka bula pot awm chuan ka theih tawpin ka vawma, a hnungah chuan ri dawpin chhuakah chuan a tla keh chuai bawk.
Chutah thinrim zeta min rawn panin ka khabe ah chuan a hmer chawta “Thih i duh a nih loh chuan vawikhatmah ka thin tirim zawngin awm leh tawh suh ang che" ti a min nawm sawkin a chhuak zuia “Thi ve law law la a tha tur nunrawngpa" ti a ka aukhumna erawh min rawn chhang tawh hauh lo thung.
Ka taksa na lutuk avang chuan chaw pawh ka ei peihlo, ka khua chu rawn sik in ka tlun hlawk hlawka. Khumah chuan hrehawm ti leh tih theih nei silo in ka mu kawm chala, ka nu ka ngaiin ka thlakhlelh tum ber a ni in ka hria, damdawi awmna lah ka hre der silo a hrehawm takzet.
DANIS POV..
In ka thlen chuan a lo reh thiapa, a tlanbo a nih ringin inchhung vel chu ka enkuala, a tlanbo a nih vaih chuan a chak lo khawp ang le. Kan room ah chuan lutin khuma a lo mu reng ka hmuh chuan ka hnaih vata, a lo insut faih faih leh a mit chhing tlat ka hmuh chuan ka hnaih nghal ruaka, a khua a sik tih ka hriat rual chuan ka pawmkang nghal lawp mai.
“A na, ana lutuk" tiin a mittui bawk chu a luang leh ngiai ngiaia, a hmui no zet chu a pet fan fan bawk. “I damlohte chuan min rawn call mai ta che " tiin pawnlam chu ka panpui hlawk hlawka, ka car chhungah chuan dahlutin damdawi in lam pan chuan ka tlan chhuahpuia, hlauthawng zet chuan ka en zauh zauh bawk. A luhlul ang bawkin a tuar pawh a chhel a nih hi, mi rawn biak a hreh danah tuar reh thak a tum tih a hriat.
Damdawi in kan thlen chuan an lo buaipui vata, chutah pawh rum chhuah pawh zuk nei miah lova, zawi te te erawh chuan a rum dat dat reng mai “Ka pu i nupui hi i sawisa thin em ni?" nurse nu chuan rum zet hian min melha, a bula doctor pa ding chuan a lo mitmei nghal zauh mai “I nupui hi i kutthlakna avanga khawsik a nih hmel, buaipui leh tur si engvangin nge hetianga taksa duk thluah khawpa i sawisak, tunlai mipa hi chu hmeichhe kutthlak awm tawk lek a pa in nih hi" tiin a che zui mawlh mawlha.
Doctor John chuan hrethiam tur chuan min mitmei zauh zauh bawk. A thinchhiat danah Baby-i nen hian in kawm se an in mil hle ngei ang “A dam loh ve a i buaipui chuk ang hian a dam hunah pawh i buaipui tawh dawn a nia, sual lutuk mai Zothansang kha tiangin lo tlawm duai zel suh. Damlo kan enkawla hetiang zawnga hmeichhe chunga hleilen hi a tullo" ti pang pangin a doctor zawk chu a la hau zui.
Mit kan ukin ka ena “Naupangte ka nupui hi ka sawisa lo a nia, a tha em?" ka tihchuan min melh ram rama. “I nupui hi i duat hle ang che, a hmeltha si duat deuha enkawl tur zawk i ni a sin. I phu hlawl lo" a ka chu John chuan a hup sak vata, “A tha e zanin riak ula naktuk zinga a awm dan a zirin in chhuak thei ang, min lo hrethiam teh ka bialnu hian tawngkam mawi a hre thin lo" a tihchuan ka nuih suka.
“An in ang chiah a nihchu, ka nupui pawh hi a leili a hriam khawp a sin" tiin khuma muhil bâm chu ka en renga. An chhuah hnu chuan a bulah thu thla in a hmaiah chuan ka chul zauh va, ka harh chhuah tirha ka nupui ka chan tih ka hriat khan ka thinrim hle a. A chhan pawh ka retheihna zawng zawng hre chunga min pawmtu kha a ni miaua, ka tan a pawimawh zia chu in hre maiin ka ring.
Chutah hna ka hmu a ka bei chho va, ka hlawhtlina duat taka enkawl ka tum ka nupui chuan min boralsan tih ka hriat rual khan ka kehchhe veka, chutah min su a min ngaihtuah lek lova tlanbo te khan ka rilru an chhuahsan ngailo. Finfiahna ka zawn char char hnuah ka nei a, khatih lai khan jail a khung ngei pawh ka tum, mi awm thei tak an ni tih ka hre leh zela.
Mahse he hmeichhe hmel ka hmuh ruala keimaha danglamna awmtlat avang chuan ka tum dan thlakin a pa chu inremsiamna nen ka be zui a nihkha. Amah tih hrehawm nan hmeichhe dang ka hruai lut fo va, mahsela tumah mutpui erawh ka neilo, tukin erawh kha chuan ka play a nihkha, Baby-i hi chuan a ngai kawi ngei a, chu chu ka duhdan a nichiah bawk.
“Derthawng takin awm suh, a chhan chu i pa ka tihnat theihna awmchhun i ni tlat" ti a phun chhuak supin a hmui ro rapah chuan ka fawhsaka, a rawn rum tiah tiah chu nuih sukin ka en vung vunga. A mithmul sei leh pir sang te, a hmaifang fuh leh a hmui nalh zet te chuan a chawi in mipa tam tak mit a la tih ka hria, chuvanga a rang lama nei pawh ka ni, a thianghlimna ka laksak laia a na ti leh mittui luang erawh kha chu ka mitthla atangin a reh leh tawh ka ring lo.
Nuam tihna pakhat mah a neilo tih ka hria, chu ai chuan huatna hlir a khatin anihkha min en. A awm lo love, ka treat danin a zir miau lova; tun hunah erawh a thih ka phal hauh lo thung. A pa laka ka phuba lakna hi a ho dawn lutuk tlat, a khum bawh chuan ka muhil zuia.
Zing a nih thleng pawh chuan a la harh hauh lo, John rawn lut chu thil awmzia ka lo zawt vat a. “Mutthilhna kan pek vang a nih hi, a khawsik pawh a reh tawh e. Thiana a la naupan hmel si a duat hle teh, ka bialnu lahin i ina rawn kalchilh phet che a nihkha a tum, hmeichhia hi chu huaisen deuh an nia. Han vinin kut hial han thlak pawh ni ila an tlawm mai mai chuang lo, chuvang chuan duat leh zawldawh taka enkawl hian kan thu an awih duh phian a nia. Hmeichhia leh zawhte hi chu enkawl dan thiam an ngai a nia, huatna nen en reng lo la, thil engkim tuar tur chuan a nun a nem mah mah" a tihchuan ka bu nghat ringawt.
Ni e he hmeichhe awmdan hian ala hril ang chu, engvanga nupuia nei kher nge maw ka nih ni.
CLICK COMMENT KHA AW