STORYFB.COM

OFFICER VANMALSAWMA
CHAPTER 2

BY JENETI


Zothanfeli pov

Repeat

bolero dum chu va hnaih deuh in motor glass an lo up bawk nen ka in en vel a, a dum vek a nih avangin a chhung hmuh pawh tum ila a hmuh theihloh, in hmuh that lah chu a awl em em zui a, ka thiante chu an lo kal ve a, "ti khan in en vak vak suh, a chhung ah mi a lo awm thut thei" kimi chuan a lo ti a. "nia kal ang u, a zahthlak kan thing hmel em mai" Rohminga chuan alo tive a, ka thian te chu an kal zui a, keipawh lei chhuah zeuh pah chuan ka um nghal a.
___________________________________________________


Inkhawm ban ah chuan, "kan leng khat em mai, leng ve ang u" an ti a, 'khawnge kan leng ang?" ka tih chuan, Zorina chuan"khawthar ah a nimai lawm" a ti a, "a hla em mai, ka u in aphal lo ang" ka lo zi vat a. Kimi chuan, "Kan dil sak dawn che nia, nge maw i
leng khat em mai, phal ngei ngei turin kan dil dawn nia" a lo ti ve a. Rohminga ve thung chuan, "I u te chu an la haw lo in ka hria, nusang-i te in a lut kha an ni ni tlatin ka hria" a lo ti ve bawk a. Remi pawhin "chu leh nghal, min in siampui pahin kan dil pah thei, kal ang u, kal hma i la kan haw hma dawn nia" a ti a.



Chutia an tih tak si ah chuan, ka zui ve ta ngawt a, nu Sangi te in atang chuan, ka u te chu an lo chhuak chiah a, va pan nghal vatin, "uhma vawiin chu leng ve kan tum a, than-i hi leng ve i phal em? kan lo haw har lo ang" kimi chuan a ti nghal a. "Khawiah nge leng in tum a?" ka u chuan a lo ti a. "Khawthar ah sawn a nia, lo phal ve hram la, a leng khat ropui si, kan lo haw har lo ang, tak tak" Remi chuan a lo tive bawk a.



U tete-i chuan "nia va leng ve rawhse, inah awm kan tum tho kha, mahse lo haw tlai lo ula, eirawng bâwl hman tur in lo haw la" min melh pah chuan a ti a. ka lo bu nghut a, "a nih chuan ka kal ve dawn a nia", ka u melh pah chuan ka ti leh hram a. "Va kal rawh mahse, i u sawi ang khan lo haw tlai lo la" a ti a.




Ka sawi tawh ang khan u tete-i hi chu a sual hranlo a, a that chhia tih leh zu a in thin tih mai chauh hi a nia, sawisel na tur awm chu. Remi chu kan in siam pui hmasa ber a, ‘crop top’ senno a ha a, ‘Jeans’ kekawr tlawn, khup tet deuh a ha leh a, ‘sneakers’ a bun leh a, ‘cap’ nen, a sam hi a tawi a vang hian a thlah tawp zel bawk, a mah chhe zawk zawk a nilo bawk a, a inhmeh in a chhelo kher mai.



Kimi kan in siam pui leh a, a ni erawhin kawr fual khup khuh pha chin, a ban puk deuh, a senno leh a var, sinte a atial a ha thung a. Mipa te 2 erawh a dum le a var in a thuam a, thingtlang mah ni ila kan inchei na te pawh a sang chho tan a, khawpui ah pawh kal ila zahpui awm khawp tur ang chu kan ni bik tawhlo.




Zorina te hian car an nei a, chu chuan kan kal dawn a nih hmel, sawi tawh ang khan ka thiante hi an khawsa thei ve pangai ka tih tawh kha. Motor an lâk chhuah chhungin, kimi leh Remi ten min lo insiam pui a, hak tur ka hre ve bawk silo a, an 2 chuan ka hak tur chu min lo thlan sak mawlh mawlh mai, ka inchei khât a, Sunday tih loh ah hi chuan ka inchei ve ngai manglo, thawmhnaw erawh ka nei tha ve a, ka hlawh te a, ka in lei ve thin vang a ni.



A tawp ah chuan kawrfual rawng dai zet a nghawng v, a ban tlem puk deuh, puk lo ai a puk tir ni awm mah zawk, ka hnute zâwn vel a ban bul, ka ha a. Khup khuh niin, arawng chu a var ni chiah silo a eng ni chiah bik bawk silo, ang kha a nia, apar a awm deuh thet thet bawk a. Duh aiin a nghawng chu a v thui ka ti a, Ka duh leh chiah lo; mahse, he mite 2 hian "ha rawh, i in hmeh" an tih tlat a, ka ha leh ta tho.



Puan phah tur chu keng tel tur a min tih a vangin, ka keng tel a, zorina te chuan min lo lam a, dawr ah eitur vel lei an tih avangin, dawr kawt ah chuan kan ding a, dawr lam hnaih sir ber a thu ka nih a vangin, eitur chu lei mai turin min ti a. Keipawh chhuk vatin, an pawisa min pek chu ka la a, dawr chhung ah chuan ka va lut nghala, dawr nghâktu nu sangin min hmuh chuan "awi thante i van nalh ve a, khawpui nula emaw ka ti dawn che alawm", a lo ti hlut a, "chutia mi? thil ka lo lei dawn a," ka ti zawm zat a, 'i duh lo la la, i lo dahkhawm dawn nia, ka lo chhut ang," a lo ti a.



Keipawh chips leh theitui vel chu ka la teuh a, dawr hma atang kan lan theih a vangin, zorina chuan "thante tui vawt lo lei tel rawh" a ti lung lung a, chhâng let lo in tui vawt chu litre 4 ka la a. Nu sangi chuan "khaw nge in leng dawn a?" tiin min lo zawt a, "zokhawthar ah an tia, len na tur pawh a awm a mawni", ka ti nang nang a, "ka la kal miah lo a, mahse i u didiki te sawi dan kha chuan, ‘a hmun a nuam lutuk’ an tih kha" a lo ti a.



( Zo khaw thar hi a awm tak tak leh tak tak loh chu ka hre miah lo a, a lo awm a nih pawhin hei chu a lem mai mai a nih hi aw a tak tak a mi kha a nilo kan lo sawi lawk ani e)




"Lo chhût tawh la heng ho hi hi aw" ka lo ti daih thung a, a ni pawh rawn chhut zung zungin a man chu min hrilh a, pawisa chu pe in polythene min pek ah chuan khungin, bawr deuh chuan ka chhuak a.




motor ah chuan thu lut mai lo in ka thil khai ho chu ka dah rem tir hmasa te te a, chutia kan lo din lai chuan "au than thante" sir lam atang chuan min rawn ti lauh a, ka va hawi phei chuan nu zopui, ka inhlawh na thin fapa kha alo ni a, mipa 1 ka hriat ngai loh sang leh palian zet hian a lo pawm a,an bul ah chuan bolero dum inkhawm dawn a kan hmu kha, a lo ding ran bawk, a hmel chu ka en, tarmit dum a vuah a, a in chei dan ah saw chuan mihausa fapa a ni tih a lang reng mai, a lan dan ah saw chuan, kei aiin a upa ngei bawk ang, min lo en ve reng a vang chuan, hawi sawn vatin bawiha chu ka en a.



Nuih var var in "bawiha kan leng dawn a sin, i lo kal ve duh em?" ka ti a, kan bul hla vak lo ah an ding a, tawng ring a ngai hranlo. "aih duh lo mai, keini pawh kan leng dawn a, khawiah nge in leng ve dawn a,?"a lo ti a. "Khawthar ah khan a nia" Ka ti tha ve mai, amah pawm tupa chuan eng nge maw a hrilh a, bawiha chuan "a nimaw? ehe! o than than keini pawh kan lo kal ve dawn a sin," a lo ti leh lang lang a, "a nih chu, kan kal a ngai tawh a, khawthar ah chuan kan in hmu dawn nia aw" ka ti leh a, bye ti leh zeuhin car chhungah chuan luh ka tum a.


"O than than", a tih leh avang chuan ka va hawi leh rih, amah pawm tupa lah chuan a melh khui a, "a pute a hian" a tih lai mek chuan a pawmtu pa chuan a hmui a hup sak leh rih, an in chei dun laih laih a, apawm tupa kut chu lak thlak a tum ve nasa mai.



"Kan tlai zel lo lut mai rawh" an tih a vang chuan luh ka tum leh a, ka thu lut chiah tih a. "A pute a hian hmeltha a ti che a nia aw", a rawn ti leh lauh a, an lam chu ka va hawi phei "malsawmsang ka tih loh kha, dawt sawi suh" a pawmtu pa chuan a ti hmuk a.



Amah lah chuan bawiha chu a melh rum nasa mai, "i tih reng kha, apute a chu i van phakar saw saw maw o than thani chu a van hmeltha ve i tih reng kha", a ti ve kha kha a. "I tawngthei lutuk" tih pah chuan a pawmtu pa chuan bolero chhung ah chuan a luh pui daih a, keipawh hawi let vatin tu zawk in nge thudik sawi pawh ka hrelo a. Min ti lai hû mai, ka thiante lah chuan an lo hre ve vek sia min chhaih zui a ka zak leh hnuhnawh a.



Ka ngaihtuah zui duh lem lo, " zorin i pu te awmna a khan kal ila, a hmun pawh a nawm em kha, thani pawn a kal ve châk ang", kimi chuan a ti a.


"Chu pû te i lo nei reng elaw?" ka ti hâ a, "nei reng ang chu mawle, an hausa rap mai, an awmna te chu maw a reh bawk sia, a nuam bawk sia serthlum pawh a tam lutuk, swimming pool pawh an nei tel a, pipu pawh a awm bawk a nuam hi ni tawp thli a thaw tam bawk sia, nuam iti dawn lutuk nang phei chuan" kimi chuan a ti a. "A nih chuan tah chuan leng zawk ila" ka lo ti vat a.


"Kan leng dawn nia" zorina chuan a ti a. Ka phûr tawh kher mai, rei fe chu kan tlan a, zo khaw thar hi kan khaw bul lawk a awm a ni a. Kan khua aiin a Lian zawk daih a, bazar nan pawn an hmang fo thin a ni.



Zorina pû te in kan va thleng chuan kimi sawi ang tak takin a hmun a lo nuam hle a, thli pawh duhthusam a tam a ni, ser thlum alo rah teuh bawk a. Motor atang chuan chukin ka hawi kual ruai a, a hmun chuan min hip tak zet. Kan thâwm hria in, innei tute chu an rawn chhuak a, min rawn hmuh chuan "nang ni in nimaw, bawiha lo luh pui ta che, in va rawn leng duh love" nutling 1 hian a lo ti a. Zorina nen chuan inbe luam in inchung ah chuan kan zui lut a.



An in chhung chu a kual nuai mai mahse, a faiin a thiang hlim sar a, plant an hung tam viau bawk, nutling khan min lo bia a, "bawihi i va hmeltha ve a, mahse ka va hmu ngai lo che ve, I lo kal vawi 1na niag maw?" a lo ti a. "Aw nia ka lo kal vawi 1-na a nih hi" ka lo ti ve a. "A nih chu, ka hmuh ngai awm che ka hrelo reng a, i thiante hi chu an lo kal ve fo tawh a", a lo ti leh a, "nia keichu ka chhuak vak ngailo a", ka lo ti leh tawp a.



Ka thianten min lo au avangin ka chhuak ta daih a, pipu ah chuan an lo thu an a lo au chel chul mai, pipu 1 zawk chu a lo âwl a, "lo kal rawh ka lo then ve ang che" Rohminga chuan a lo ti a. Kei pawh ka va thu vat a, "thla ka lo lak ang che" kimi chuan alo ti ve bawk a, thla chu min lo lak ve mawlh mawlh a, analh thei tur ang chuan awm dan tur te chu min hrilh leh rih.



Thla a lak zawh chuan min thên a, min thên na leh lutuk a, ka te chûl mai, ma hrawk pawh a thip vek. Thingbuk hnuai fal deuh hlek ah chuan puan phah in ka thu khawm a, kan eitur lei te chu kan ei pah a, thla te chu kan la leh rih thin bawk, hla te chu kan play pah a, nuam kan ti ve viau, chutia kan lo rik ve leih leih lai chuan, motor thawm kan hria a. Kan awmna a fal deuh ka tih tawh kha, motor chu kan hmu theilo, leng ve tur te tho an nih chu kan ring a, kan awm ngai chuan kan awm reng tho.


A tlai deuh hnu chuan haw turin kan in sing sa a, kan thil ei na vel chu tifel in, motor kan dah na lam ah chuan kan phei a, vawiin a bolero dum bawk kha lo ding ve a, Bawiha khan an lo kal ve dawn thu kha chu a sawi a, mahse hetah hian an lo kal ve chu ka ring lo a nia.



Motor lam kan pan lai chuan haw in tum a mi a, "rawn lut leh phawt rawh u, eng ah ngawi renga haw intum" nutling bawk khan a rawn ti a. Keichu inchung ah ka luh peih chiah loh avangin ka thiante chuan min luhsan a, motor chhung ah chuan thu in hla chu ring vak lo in ka play a.



Ngura sak dartui reels a ka hmuh ka download a tawite mai chu ka play a.


I sakhmela'n dartui a luang em ni
Ka vei reng che
Tiang renga lungdumtu ka tawng ngai lo
Chung khuanu leng pawh khian
A lo duang bik che em ni
Mahse, i tawn'n hian
Biathu di hlan che
Aw, ka zual silo
Ka tawna'n hian min hlan zawk mai la aw
A riang lung lawm a kim ve nan


A tawp hnu pawn ka play nawn leh zel a, la mithla ah u isacka ringawt a awm ngawi reng a, ka lo feel leh em em lai chuan bolero dum atang khan

‘the wheels on the bus go round and round’

tih hla chu ring zetin a rawn in play a ka hla play pawh ka hre tawh lo reng reng, ka va hawi phei a, a hnung tukverh glass chu lo in hawngin, driver awmna lam chu glass a lo in up thung a, thinrim ru teuh chungin driver seat kawngkhar chu ka va melh nghek a, a aia ring in hla dang ‘only love can hurt like this,’ tih chu duh vak lo chungin ka play a, a aw a ring that vang a play a ka ni, mi hla feel em em lai a, hre theilo lêk a mi siam khang lang chu ni, tupawh lo nise ka ngei khawp mai tunah hi chuan,chutah le kei ai ring leh zualin.

‘Baby Shark doo doo, doo doo doo doo
Baby Shark doo doo, doo doo doo doo Baby Shark’

Tih chu a rawn play a nih chu ka nuihza bawksi, thinrim bawksi chu, bolero lam chu ka hawi reng ringawt, mi in lâk lungrun ve lai lai a,ka ngei kher mai, tu play tak chu ni ang maw? naupang play tur a tan chuan a connect thiam ka ring chiah silo, a play tu chu hmuh tumin ka thlek ka thlek leh ringawt thin, ka thiante lah chu an rawn chhuak har zêk leh nghal. Ka thil play pawh ka off ta ngawt, baby shark pawh a la in play reng a, ngawi rengin ka ngaithla kur mai. A tawp ah chuan ka thiante chu an rawn chhuak ve thei hram a, Baby shark pawh a tawp nghal hmak bawk.


Nuzopuii te nen chuan an rawn inzui chhuak a, Bawiha pawh a tel bawk, a nih chuan tunge ‘nursery rhymes’ kha play ta ang? nge ni a, naupang dang an hruai zawk? aaa ka ngaihtuah thui peihlo. Ka thiante chu rawn lutin "tinge nursery rhymes te i ngaithlak a," kimi chuan a rawn ti a. "Ka play a nimai mai lo" ka lo ti hmuk a. "I play loh in tunge play anga?" a rawn ti leh a, "saw bolero chhung ah sawn tu nge maw a awm a, chu chuan a play alawm" ka ti a.


Kan hla play dan chu ka hrilh a an lo nui nasa ngang mai, keipawh ka nui ve tho, Bolero lam chu ka va hawi a, "eh eh saw pa saw, inrawn chhuah khan ka hmu miah lo" tiin Bolero chhung a driver seat a thu chu ka hmuh a, "keipawh inchhung ah te khan, ka hmu lo" Remi chuan a lo ti ve a.



"A nih chuan" kan ti rual dual a kan nui vak vak mai, saw pa sawn maw ‘nursery rhymes’ ‘baby shark’ te kha lo play a, ngei ve viau e tilo chuan, ka nuih a za lutuk tlat.



Vawiin a dawr kawt a kan ding lai a, bawiha'n min lo biak a, amah pawm tupa lek kha a lo ni. Ka ngaihtuah chiang phei chuan, a inhmeh lo ka ti lutuk, a sir lam atang chauh a ka hmuh avangin, ka hmu chiang theilo a, a palian ve hle ti erawh ka hre chiang, chuan a hmeltha in a pa ngei bawk ang.



Ngaihtuah zui duh lo in ka lu ka thing nak a. "Saw o than thani chu a nu," tih ri avang chuan bolero lam chu ka va hawi a, kha pa nen khan kan in melh chiang lutuk hawi sawn vatin bawiha lam chu ka hawi a, nu Zopuii chuan "e than than bawiha hian a sawi reng che a, i bul a chuan a duh a nih hi, lo chuang pui mai teh" a lo ti a.


Bawiha lo phei la ka lo ti vat a, khapa baby shark pa khan ti tawh mai te ang, bawiha'n a hming a sawi khan ka lo theihnghil daih bawk sia, ka nui leh hak baby shark-a, awii ka ngaihtuah hian ka nuih a za zel

A thil rawn sawi avang chuan ka en vat a, "lo chuang mai rawhse,a khaltu ala naupang si, a rin ngam loh" a lo ti hmuk a.

-ˋˏ✄┈⟡┆ᡣ𐭩 .ᐟ


Ti thleng hi ni leh rawh se in lo chhiar vangin ka lawm e

｡ﾟﾟ･｡･ﾟﾟ｡
ﾟ。chapter 3 naktuk zanah ka lo dah ang luv u
　ﾟ･｡･
Show post links
Top