CHHUNGKAW CHHEHCHHAWL NULA BY Engtea Fanai (Completed)

[ngaia]

Bung 2 na

Ka thusawi avang chuan ka inchhir leh deuh, mahse dar kar hnih vel hnuah chuan min rawn reply leh, ka chhungten min rawn call a, enge ka thil lei chu a hlut bik viau na tiin min rawn zawt.
Ah,, sawi chi loh ka ti deuh tlat, Lehkha I zir lo a nimaw, Um,, rei lo te ka zir, zir tha rawh, kan college ah I rawn luh dawn kha, na ka duh lo, engvangin, aw,, Bialnu te I nei anga, kan kal rual thei chuang lo ang, a teuh lo, tuman min duh hleinem, I nei lo tak tak ami, nei lo, nei hman pawh ka ni chiah lo, ka zirlaiah hian in sawr bing ka duh, hepa hi chu a inzir khaw lo vek dawn a nih hi tiin ka phun chhuak hial.


Enteh, engatinge class kal dawn chiah hian tarmit hi I vuah \hin a, I inhmeh e,, ehe,, engtin nge class kal dawn chiahin ka vuah tih I hriat, sawi tur mai ka hre lo, Ihh,, eng lo, in ah hian I vuah ngai si lo a, ka ti ringawt. U Hriata chu a rawn nui a, a rawn type chhun zawm, tak taka, doctor hian vuah \ha tur hi chuan min ti nasa, mahse keimah hian in hmeh lo ka intia, mahse lehkha chhiar dawn hi chuan vuah ngei ngei ka ngai sia, chuvang chuan class kal dawn leh lehkha chhiar dawn chauhin ka vuah, ka chhungte hian min hau reng mai, ka vuah peih lo lutuk hi. Tun \ang chuan vuah ziah tawh rawh, aw le,, a nih kan mu ang e, naktuk Sunday te a ni sia.


Ka muhil thei lo, ka lawm lutuk chu kan in text na hlui te chu ka chhiar chhuak leh vek, Christyi chu ka call ringawt, tho phang aw takin min rawn chhang, engee tun ang zan zanah a rawn ti, aw,, U hriata nen kan in text zo chiah, a nuam lutuk, ka hlim em a, ka rawn hrilh che, na,, a hun lo, chuloah room hran ka neih ve loh hi, Anu te an mu tawh, naktukah kan sawi dawn nia tih leh phone dah chu a rual. Ka mumang a hmuh chhunzawm beisei takin chu zan hlimawm tak chu ka mut san a.
A tuk khua a lo var a, Ni a rawn lang suar suar a, Sunday zing hi chuan Anu leh Umami an che bik \hin a, a chhan chu Sa hi siam thiam lo min ti lutuk a, siam thiam pawh ka duh lo, min ring leh chawt ang tih ka hlau. Ka mu bawrh bawrh mai \hin. Ka phone a rawn nghawr dar dar a, zing dar 7 vel a ni, u Hriata phone call a nia, ka phur lutuk ka la nghal vat, ka aw ka thian vel phawt, Nui lo chho lawk teh,, Nui tih ngeiin min koh ta, mahse ahnu lawkah dinkim min rawn ti leh ka ning, enge, ala hma si ka tih chuan ka gas hi, on hian a ri phawr phawr zel, lo chho teh, midang ka tibuai ngam bawk si lo, tlaw min ti dawn hlawm sia.


Ka van ning tak, Nia, a tlaw tak tak, An chhungkua an rual bawk a, a ti ngai lo tih chu ka hre tho, mahse a ni em em lo, chutih rual chuan a awm tih chin ka nei, topper ni chho ve ngar ngar zel kha a nia, lehkha a zir chawt chawt dawn tih chu ka hre tho, a chhungte lahin an duat si. Hmai pawh phih lo chuan inngaihtuah chiang mang loin ka chho, Ka nu chuan enge, Sunday tuk a nih hi, thawh I hai emni a tih chuan, mi thawh hai chu an tho tlai a, lalnui thawh hai ve chu a tho hma daih tiin U mami chuan min rawn fiam , bak deuh hlur hian U Hriata’n lo chho lawk teh a tia, thil thiam loh anei a niang ka ti hluk.



U Mami chuan nuam thei awm. Tiin min rawn chhaih zui hram, ka han lut chu dawhkan bulah hian a lo ding a, Gas chu a lo on ngam tawh lo, phak deuh chuai, ham bui bui chuan ka va kal hnai a, a stove chu ka chhem vak a, a rawn alh ve mai, hm,, I buaina hi a ho, a har lo em mai ka ti deuh kher, thiam zawng a in ang lo va, a tih chuan I tlaw a nih chu ka ti kher a , a la na ngang mai, khawi I lehkhabu zuk la rawh, I duh lai lai min rawn zawt rawh le, I thiam loh pawh, a tih chuan ka nuih a za lek lek, tlaw tih chu a duh lo ve reuh lutuk.


Kei chuan “ah.. chutiang zir a thiam vek a nia, ka ti leh ṭal, a nui ve mai, chaw rawn ei ve la, hei Arsa ka fry dawn a vawi khat nan a tui viau ang a ti, a bula ka awm chuan ka awm dan ka theihnghilh lo chauh a nia, chaw pawh ka bar ngam lo palh ang, ahh.. nang aiin ka siam tui zawk ang tiin ka chhuah san a, ka siam thiam loh zia hria se chuan min nuih hial ang. ka kal pah chuan ka hawi let a, a eirawng bawl vel chu ka en leh zuai. A chet fel thlap thlap dan kha a mak zawk. Mipa ve si, E.. U Hriata Nupui ni tura ka inbuatsaih dawn a nih chuan chet fel ka zir a ngai a ni, ka ti rilru a, in ka lut a, kan Kohhran Upa pakhatin Thil khawn pahin min rawn tlawh a, ka zuk thleng chiah a, ka nu chuan,, e.. Nui I Pu Khuma hi Thingpui han lum teh a ti leh nghal, Pu Khuma chuan a ngai lo, hei chaw ei a hun dawn hi, ka ti buai mai mai ang che u a tih pawh chuan, U Mami chuan kal na tur dang i neih tawh chuan loh kha, a lo ti ve leh, Pu Khuma chuan a nih leh Nutei thingpui lum chu han in ila, tiin a nui suk, Pu Khuma hi chu ka lum sak chak ve hrim hrim, midang lokal ve hi chu a, ka nu te an awm loh pawn thingpui han lum la" hi an ti kher a, thil dang tih lai pawh nise, an thingpui beisei an ṭhulh chuang lo, Pu Khuma hi chu in rawh tih pawhin a ngai lo hi a ti tlat zel a, a piangthar tak tak a niang tia ngaihtuahna kawm melh melh chuan thingpui chu ka lum.


Pu Khum engtia siam nge i duh ka tih chuan, ah.. a harsat loh dan ber khan a ni mai, engpawh kha ka in thei a rawn ti leh, awii.. Ka Pasal pa ni se te ka ti rilru, a dik tak chuan thingpui lum ngawr ngawr hi ka ning pawh a ni lo, kan han lum so a, kan han siam a, keichu a sen hang ka duh, a paw hang, a thlum lip lep.. thlum deuh, kurtai nen an duh dan an rawn sawi zawt zawt zel te hi ka hne ṭhin.. Bawnghnute pear ngat chuan ka siam sak a, Chini kurtai tui tawk chu ka chhawp sak bawk. U Mami chuan Ka Pu Khuma hi chu Nui hi chuan a duhsak che mawle,, khangte kha kan sawi loh chuan midang a rawn chhawp ngai miah lo a nia, a rawn ti leh.. ka u hi chu ka ning ve thlawt, room ah chuan ka luh san a, rei vak loah chuan ka Nu chuan min rawn koh a, chhung Inkhawmna kan hmang zuai a, tichuan tukṭhuan kan bar a.. inkhawm tur chuan kan in siam a.. U Hriatpuia hi a inkhawm a ngem aw.. ka form suk fai kha a ha ngei awm sia tiin ka ngaihtuah neuh neuh. a kal hun vel turah chuan kalo nghak ru deuh.. wow.. a va inhmeh leh tak.. ka thawmhnaw sukfai a vawi hnih nan a ha leh ta.. tin, tarmir a vuah bawk.. nizana ka sawi kha a thawk a ni ngei ang. U Hriat tiin ka han au a, ka huai ve tawh lutuk.. a rawn nui suk a, min bye bye. keipawh chuan ban ka phar ve zawk a.. ka nileng hman a va nuam leh dawn tak..
Ni a her ve leh hretin , U Hriata nen chuan kan innel tawh hle a, A nu te chu rawn haw tawh lo se ka ti lek lek mai.. zanah te chuan Christyi nen chuan kan thiam loh te kan han zawt ṭhin a, Whatsapp ah pawh kan inbe ngun viau tawh, lehkha tih loh chu thiam loh hi a ngah em em a, ka pui zeuh zeuh reng.. Bawlhhlawh paih ni chu ka nghahhlelh phah a, zing karah ka intuai hnum nalh zeih zel..


Mahse karleh lawkah A nu te an rawn haw tawh dawn.. keini pawh thla lehah sikul kan lut leh tawh dawn.. ka van peih lo thuah hnih tak em.. whatsapp ah chuan kan in be ve ta reng a, ngaihzawng chu a neih bik chiah loh hmel, mahse star tu chu a ngah tih ka hria, ka \hiannu U an college ah hian a kal ve a, a sawi ka hria, mahse u Hriata hian a ngaihsak lem lo a ni awm e, college student te pawh a ngaihsak loh chuan kei School kal lai ve mai chu ngaihzawng tur ang phei chuan min ngaihsak vak ka ring lo. Mahse bei tih dawn nan hrim hrim pawn ka la try ve hrim hrim ang, Tunlaiah mipa bem te chu hmeichhe dang tih loh dan pawh a ni hleinem.


Current bill pek t^wp ni a nia, peih lo tak chuan pek tumin ka insiam a, ka pyzama lian deuh chu ka ha a, current bill pekna hi kan kawm chhak lawkah a awm avangin ka inchei ngai lemlo, tin in chei vel vak hi ka peih ve lo, U mami hian I inchei ve hi chuan I \awp min ti \hin, ka inchei thiam loh vang a nia, a nihna takah chuan Makeup Artist \ha hi chuan min chei se, ka chhe lo ve tho ang, tichung pawh hian kan school ah te chuan min star tu an tam ve em mai.
Kan current bill leh ka nu pawisa dahna bag te chu ka ak chhuak a, hetianga bill pe tura ka chhuah hian christyi’n min lo hmuh fuh chuan nula senior zah hre tawh lo I ang, min ti \hin, mahse a ho e, current bill peknaah chhe lo an van \hin zia hretu leh tawngtu ka ni, in uluk teh chiam a ngai lo.


Ka phone chu a rawn nghawr dar dar a, kawngka ka kalh mek,, Ka nu phone call a ni, ka la nghal vat a, I chhuak tawh em a rawn ti, chhuak \ep enge ka tih chuan, in chungah khan mut bu ka pho a, I chhuah hmain seng teh hei khua a dur em mai, a rawn ti. Ninawm e,, tih pah chuan in chungah chuan ka chho hnak hnak a. ka phone a rawn ri leh, ka nu bawk a nih ka ring, en mang lo chuan ka la a, aw,, enge ka ti bak deuh hluk.


Dam thluam hian, tinge,, I va thinrim hmel ve a rawn ti, Phone ka han en chu U hriata lek chu niin enge ni ta, inthlahrung deuh tak chuan ka ti, Dar engzah thleng nge current bill pek kha, tiin min rawn zawt, dar 4;30 vel thleng a nia, enga tinge ka ti nghal vat, U hriata chuan a nih chuan min lo nghak dawn emaw ni le, hei chaw hnu ka nei lova, Ka Nu ten min rawn call a, karleh lam pawh an awm tluan dawn a ni awm e, a sawi lai chuan “yess” ka ti ru sap a.
U hriata chuan sawi chhun zawmin, an la awm tluan hmel bawk sia, chaw hmeh lei ka ngai dawn a, min chhuah pui nghal la ka tia, Ka zuang tawr dawn emaw ni, ka lawm lutuk ka dream pakhat a thleng dik dawn, Mahse, tlai eirawng bawl.. naa,, engtin nge ka tih ang, ka aw ang nge aw lo ang. U Hriata chuan I van ngawi rei em em, I peih vak lo emni a tih chuan, peih e kalo ti vat, a nih chuan ka rawn haw mek, min lo nghak mai aw, a ti.


Awi,, Zanin tlai chu hauh tuar leh tura ka inbuatsaih lawk a ngai a ni. Pawi lo, a nuam dawn tho, kDrama vela changtunu leh changtupa an bazar vel, ka mitthlaah a rawn lang nghal chuai chuai. Ka van phur tawh tak.
Ka thil pho seng lai chu ka lo theihnghilh hman \ep, hman hmawh tawkin ka seng sawk sawk a, tichuan kan in lam pan chuan ka chhuk leh nghal, Nu Rini’n ka lut thla tur chu min lo au, Nu Bawih a rawn ti leh, min tir dawn tih ka hre thiam nghal, ring tawkin ka ei vak, pawnah ka chaw \hing pho kha min lo dah luh sak teh a, rawn chhuah ve mai awm hi a nia, aw le tih pah chuan ka va dah luh sak. Tichuan Phur tawkin kan in chhungah chuan ka lut, Au Mami makeup ka phawrh chhuah sak a, nalh tawkin ka inchei, ka confi thei chuang lo, Christyi ka call leh ringawt, ani lah tution a lo kal leh tawh si, ah,, a pawi lo thiam ang ang hian in chei ve mai ang. Ka uluk bawk a, tun \um chu keimah pawn chhe lo ka in ti, Mahse U Hriata hian chhe lo min ti ve angem le.


Dar 2 vel chuan a rawn haw a, a rawn lut tlang nghal a, a dress a inhmeh leh pek sia, ka lai \ep a ni, I hman tawh chuan kan chhuak dawn ami, current bill pek ber chu kan tlai ang tih a hlauhawm a rawn tia, ka inchei ve viau tih pawh a hre lo a niang, en pawh min en lo.


A scooty ah chuan min phur a, bill pek na lam chu kan pan, mumang ang mai a ni, ka van kuah chak tak, mahse ka kuah ngam lo. Bill pe chu an lo la \ha hnem khawp mai a, kan intlar ve nghal, ruah a rawn hmi seng seng tawh leh nghal, U hriata chuan Dinkim, Bathlarah khuan lo awm mai rawh, keimah ka han in line ang a ti, min zui nasaa , a gentlemen ve tawh lutuk, mahse amah nena ruah do dun hi ka chak. Ka in line pui ve reng a, Mahse ruah erawh a sur mai bik lo.
Khua chu a ung phui leh deuh chuai \hin a., U Hriata chuan thingtlang lamah lo hal a hun chho a, lo an hal khu vel kan dawng a niang, hetiang ruah tla hmasa hi do a \ha ngai lo an ti a nia, kan pi leh pu ten a ti ve nuap nuap a, keichuan engati maw ka lo ti vat, U hriata chuan ngaihsak chhun zawm lo tak hian,, aw, huh a awl a ti sup. A va’n nghal ve reuh tak. Rei fe kan din hnu chuan kan hun chu a thleng a, bill chu kan pe fel ve ta.


Bazar lam pan chuan kan kal a, U Hriata scooty hnunga chuan chu a nawm dan a sexy riauin ka hria, lawm loh a nui hi mi mawl an ti \hin, a dik a nih chuan, vawiin chu ka mawl tihna a niang, tu lawm miah si loin, U hriata hnungah ka nui leh ver ver \hin. U hriata chuan saw, traffic a jam \an dawn a, din deuh thut thut a ngai \hin dawn a, I b<k deuh lawp lawp duh loh chuan min kuah rawh a ti, ka van phur tak, nghet tak chuan ka kuah nghal. A sawi ang chuan kan tawlh hret hret a, kan ding leh chut chut a, tichuan engtin tin emaw ni Bazar chu kan lut ve ta.


Aizawla awm mah ni ila, Bazar ka hmuh lohna hi a van rei tawh tak, Ka chhuak ve hman meuh lo, ka nu bazarah a \hu a, mamawh ang zawng zawng kha a rawn lei nghal vek zel bawk sia, Tichuan chaw hmeh leh thil hrang hrang chu kan lei kual a, min la khai tir \euh zui, in lak chhiat loh nen a inrem lo lek lek, U hriata chuan lokal rawh I nu va tlawh zuai ang a tih chuan ka hreh ru ang reng hle, ani chuan ka chhuah tur thu ka hrilh vek turah a ngai a, engmah ka hrilh der si lo, ka nu \hutna zawn chu kan va thleng a, Ka nu chuan ehe,, enge in rawn tih a ti hlut a, U hriata chuan hei ka nu te kha karkhat dang an la awm leh dawn a, chaw hmeh vel ka nei tawh si lo va, Nui hi ka sawm chhuak lui a nih hi.
Ka sawm chhuak lui tih na chang a hria chu ka van lawm tak chuti ni lo se chuan ka phar var ve vang hrim hrim a chhuakah min ngai leh dawn sa, ka nu chaw hmeh zawrh chu Dawr a tum a, ka nu chuan a ngai lo, in lamah kan in pe dawn a nia a ti tlat, Kan colony ho hi chuan ka Nu chaw hmeh zawrh hi chu an lei ngai meuh lo, a pe zel a keimahni zawk hian kan lo ngei \hin, a buai puiin a hah pui si, kan tha a lo na deuh tlat zel.


U Hriata chuan a ti lui duh lo ka nu chu a hre chiang a ni, kan mamawh ang te kan lei zawh hnu chuan a scooty dahna lam chu kan pan chho a, Vai lapaw chini zuar hi a rawn inkawt phei bur bur a, Kalo en vawng vawng, U hriata chuan I va en nasa ve, tiin a wallet a phawrh, keichuan ka ei chak lo, a chep sia, ka khawngaih ka ti a, ka nui mai a, U hriata chuan bhaia, khawi pahnih kan lo lei ang tiin Lapaw chini a pink chu min lei sak a, ka lawm hle.
A spicy lei pawh kha ka la ei miah lo, Noddles vel an zawrhna zawn chu kan thleng a, ka thil lei che kha I ei tawh em a ti zawi sap a, kei chuan lu thin pahin aih zawi te chuan ka ti a, I van A tak, ei mai mai rawh,khawi pakhat ka va lei leh ang che, dah \hat tur tiin a nui suk.


Ka zak ve \ep, zep loh chuan ka ei chak ve reng, ei pawh ni ila a kawr ka dah \ha tho ang ka ti rilru
Tiang chuan A nu te awm loh kar chu kan in zuiin, kan in pawh ve tawh em em a, Ani nen chuan Bawlhlawh paih a nuam a, tui haw chan pawh a kham awm loh, a kiangah chuan \awih thei ho pawh an mawi zo vekin ka hria, kei hi atan mawi ve thei ila.


Hun a kal ve zel a, nau ang tak takin min en chho daih niin ka hria, ka star tih hi a hre hlawl lo a ni,A chhungte an rawn haw leh tawh a, ani chuan a hna chhehchhawl title chu kal sanin a ban san a, bawlhhlawh a paih tawh ngai lo, lehkha a zir leh tluk tluk a, kan inhmu khat leh tawh hle. Whatsapp ah chuan kan la in be ve reng thung.
Kan innel ve tawhin a lakah chuan ka pang chang ngamin thil te ka dil ngamin ka ngen ngam tawh a, engkim ka sawi ngam tawh a ni ber ang chu, mahse a hmangaihna erawh ka la ngen ngam lova, a thinlung min hlan ve turin ka la dil ngam hek lo. A tel lova bawlhhlawh paih chu a khawharthlak tlat tawh a, a tel lova tui haw ni nghah chu, huh miah lo mah ila, ka lang zawr vek a ni mai, ka hna zawng zawng min hne tir vek mawle.


Ka ngaih tak tak phei chuan Garbage Bag ah te hian a hmel te hi ka hmu \hin. Ration buhfai bag ah te hian a thlalak an bel ni tlat te hian ka hria, chutianga ka awm dan chu christyi ka hrilh a, I va han over uchuak tak tiin min zilh zek.
Tichuan Hun leh ni chu a kal ve bek bek zel a, keini pahnih chu \hian \ha leh Unau angah kan inchhuah a ni ta ber mai, school pawh kan lut leh tawh a, Lehkha chu ka zir nasa ve hle, U Hriata te college zawm tum chuan theih tawp ka chhuah a, ka peih ngai reng reng loh tution te ka kal ve, christyi kalnaah chuan ka kal ve a, ka thiam loh \hen khat chu in lamah U Hriata ka zawt leh \hin, U mami pawn min hrilh thei tho mahse, U Mami hi chuan a ngaiho lutuk a, min hrilh puat puat a, ka thiam hman ngai lo. Ka subject thlan hi ka ning, economics ka lo la kher kher a tiin U Hriata bulah chuan ka phun nung nung zel a, min nuih liam mai zel.


Kan school ah chuan Min star tu an tam ka tih tawh kha maw, kan school hi Pvt school a nia, students kan tam vak lo, school lar tak pawh a ni lo, mahse kan zirtirtute an \ang a, exam dawn hnaih phei chuan camp tur an ti, ka peih lo lutuk ringawt. Kan school ami, Ben-a chuan min care thei em em a, mahse ka duh thlawt si lo, han biak chhiat ngawt a nuam bawk si lo a, ka hne lek lek \hin, a chang leh tiffin te hi min lo pai kep a, a che over lek lek \hin, \hen khat phei chuan ka bialpa emaw an ti hial, kan school a, ka \hian kawm ngeih ber, Ramrami chuan I duh loh thu hrilh tawp rawh, Mipa \hen khat hi chu an mawl lutuk, kan biak \hat ve deuh chuan kan duh emaw an ti zel a, biak \hat ngam chi pawh an ni lo. Bena pawh hi tiang chi chu a niang. Tiin min hrilh \hin.
Nia, engtikah emaw chuan ka la hrilh dawt ang, School ah pawh chuan ka zia a dang tawh hle a, lehkha chu ka zir nasa ve lutuk, mahse ka rilru hi a chak hlawl lo, ka zir nasa a, ka rilru chak loh zia ka hre chiang tulh tulh, a hma kha chuan ka rilru chak loh zia hre chiang tur pawn lehkha kha kalo zir tlem em a ni. Kan exam a hnai tial tial a, tution kan kal pawh kan \ang hle.


Study camp erawh kan ti ta lo, Parents meet an neihnaah Monthly fee nen, Camp fee nen a tam dawn lutuk a, tiin nu leh pa tam zawkin an duh lo a ni awm e, ka lawm hle. Kan tutor chuan ho deuh deuhah hian min rawn be reng a, kan zirlai chung chang lo te hi min zawt peih lutuk a, ka ei duh zawng tih mai mai, amah ka zah avangin peih lo chung chungin ka reply \hin. Christyi kiangah chuan ka hne thu leh ka hlauh deuh thu chu ka hrilh a, christyi chuan “ee.. lo sawi rawh a ti mawle, ka theihnghilh daih, a star che a” Na.. van \hing tak, amah khaah, a patling tawh si, ka duh lo bur, sum bak chhuan tur a nei dawn lo, chuloah a uikawm hmel, min star ve si, Tution fee te pawh min hniam ve awm,, to ropui si, ka ti nung nung a.


Christy chuan ala hniam mai thei che asin,, nui ar ar chuan a ti a, ka nui ve mai, mahse an chhia emaw an \ha emaw star tu neih hi chu a nuam ve hrim hrim, mahse kei chu min startu te hi an chhe thei lutuk, ka star te lah hi an hmel\ha thei si, ka nun hi a inbalance hlawl lo.


Kan tutor chuan, zan khat chu min star thu chu amah ngeiin a rawn sawi ta, U Hriata hnenah chuan ka sawi a, U Hriata chuan, chutiang pan tlak pawh a nih loh chu, kal a ngai tawh lo, a ti hluk, hei a zirtir \ha lo che a nih hi, min rawn pan leh tho I ngai alawm, a ti deuh hmuk a, keichuan,, ah a ni lo, min zirtir \ha reng,, min star ringawt a, zirna lam chu a tibuai lo, ka tih pawh chuan, Fimkhur tluk a awm lo, tunlaiah Tution kal tawh lo mai rawh a ti hmak.


Keichuan aw,, pass ka duh chuan ka kal angai, school a kan zir chin ringawt hi chuan ka pass zo dawn lo. ka ti ve tlat bawk si, nanglahin ka zirtir hman lo che u I ti tlat bawk sia, a tih chuan zanah dar riat velah rawn kal la, dar 9 thleng ka zirtir ang che a ti leh hram,, hepa hi a thik ve deuh emaw ni le, awi.. thik se a nuam awm. Ka ngawi vang vanga, a..a inthlahrunawm, engtin mah a awm lo ang, ka in veng tlat ang, ka ti a, U Hriata chuan a message pawh kha zirna lam a nih loh chuan reply tawh suh a ti hmak.


Zirna lam lo kan sawi em em chuang hleinem ka tih chuan, a nih khawimaw I phone a rawn ti nghal, hreh deuh tak chuan ka pe a, kan message chu a check, heihi maw zirna lam, enge I ei chak, I fav colour enge, I rawn kal hma, I outfit kalo en lawk. Hengte hi emni in zir, tution chu kal tawh lo mai rawh. Hetah ka hman ang angin ka zirtir mai ang che a ti deuh hmuk a, keichuan a inthlahrunawm, han chawlh ringawt, ka kalna ala rei lo bawk nen, chuloah, nangman I hman reng lova, ka thiam thei lo si, ka fail chuan in college ka rawn zawm thei lo anga sin. Tiin zawi te chuan ka hrilh siam siam a.
A pvt message hi zirna lam chung chang a nih loh chuan vawi khat mah reply tawh suh tunlaiah tumah nel ngawt loh tur a ti leh hram a, aw lee, aw le, tia chhangin kan in lam pan chuan ka chhuk thla nghal a, eng nge kha ti vaka a thinrim le, min duh ve deuh emaw ni le, nge a nau ang hian min en ang a, min ngaihtuah ni ang, ah hepa hi hriatthiam a har si.
Chumi zan chuan lehkha ka zir rei hle a, U Hriata chuan zan reiah min lo call a, ka chhang nghal vat a, I va meng rei ve zawi deuh sup hian a ti a, nia, lehkha ka la zir a, nangpawh I va meng rei ve enga tinge tiin ka zawt let, U hriata chuan Nia,, I zir \hat leh \hat loh ka ngaithla reng a, zanin chu I zir \ha hle mai, In sir chuan a rawn be leh che em a ti leh, a ninawm chupa bawk chu I thik ami ka tih chuan. Thik lam a ni lo, ka ngaihtuah che alawm le, tiin min rawn chhang buai deuh nuai.


Tak taka min rawn be lo, min ngaihtuah suh, Hrim hrimin ka message I check tawp a, I message pawh ka check ve lo, vui aw deuh tak chuan ka ti a, U hriata chuan Naupangin Puitling message an en ngai lo, a ti tlat a, keichuan anih chuan tun a\ang chuan Puitling pawhin naupang message an en thei tawh bik lo ang ka ti ve hmak. U hriata chuan U te thu awih tur a ti deuh hmuk a, keichuan Naute thu ngaihthlak \hin tur ka ti ve leh sak, nanghi I van \awng thei tawh reuh tak, a hma kha chuan melh pawh min melh \ha ngam ngai lo kha a nia, min zah lo sawt riau tiin a nui suk a.


Kei chuan, thu dang sawi daihin, U hriat, I tukverh hawng teh,, Thla khi a mawi rapz, u hriata chuan, a vawt sia, tukverh I kharna nge tih pah chuan Tukverh lam a pan tih ka hre thei, a nih khi, van chu a thiang hle mai a ti zawi sup a, keichu van hi a reh ngawtin ka ring, a nawm hmel ka ti, ka tih chuan, U hriata chuan hmun reh te chu a khawhar thlak iti lo emni, tiin min zawt a, khawhar thlak tho a, mahse a hahdam thlak alawm. U hriata chuan ka la hruai ang che, chhum chungah khian kan la mu dar dar dawn a nia a tih chuan a awih awm loh e,, engin nge min hruai ang tiin ka zawt a, kan nui dun a, a ni chuan aw, I kal chakna a nih te chuan a kalna tur te chu ka siam chawp mai ang, Arsi bulah khian kan \hu ang a, kei chu kalo nui mai a.


Rei tak kan inbiak hnu chuan U hriata chuan Mu tawh rawh, nktukah I tho hma dawn nia, chuan ka msg chu ka rawn S.S- anga I chek dawn nia, pawi tur a awm lo, ati a, keichuan phur deuh hian engmah lo delete suh ang che ka ti nghal vat. Aw le, tiin phone chu a dah a.


Screen record in min rawn thawn a, a tuai thuak thuak a, hepa hi keimah ai pawhin a luck mawle, hmeichhia hi an lo van mak tawh tak, an bem pawp pawp ngam, ka thik hle, Tunge Rini kha, kha kha ava tam bik ve, tiin ka zawt a, hei chu Kan SU a nia, khawimaw a message kha kalo en, I va khirh reuh tak tiin a rawn ss leh a, engmah pawi a awm lo, college chung chang bak an sawi lo.


Kha bemtu I nei a ni maw, ka tih leh chuan, mu rawh a tlai tawh, naktuk bawlhlawh paih ni a ti, keichuan I daw thlawk a nih chu,, nang aiin ka hria, a ni bawk leu ka lo ti vat a, rei vak lo chu kan inhnial leh a, tichuan kan in text reng lai chuan, hriat loh karin kalo muthilh san a. ka taksa a chau ve deuh a niang, U hriata message meuh ka muthilh san theih chuan.
Hun kal ve leh hretin, exam nan kar khat chiah a awm tawh a, \ha tak chuan ka pass lo mai thei, mahse ka pass ngei chu ka ring tawh, tution pawh ka kal tawh lem lova, lehkha ka zir deuh ngut ngut a ni mai, Nuam ve deuh chu bawlhhlawh paih leh Thleng sil, U Mami’n min awl vek, insuk erawh a paih ngang lo a ni.


Christy pawh a zir nasa ve hle a, ani chu a zir chuan a thiam zung zung a, thil a hrethiam hma si, a thawveng si, ka thik lek lek \hin, mahse a zir peih hlawl lo, kei aiin a ti \ha vak bik ngai lo, mahse a thiam thei lutuk. Kan tution kal na pa chuan min la rawn be ziah a, mahse ka chhang tawh vak ngai lo, zirna chung changah lo chuan. U Hriata thu ka awih a ngai.

Show post links
Top