STORYFB.COM

6Na.. .

Mawitea nen pawh kan boruak a tha leh tawh a....in ngai leh in thla hlel ngawih ngawih in awm mah ila, hmelma ang mai a lemchan nun hman chu a hahthlak ngei mai....exam ka zotawh bawk a ka pass erawh ka ringlo hulhual, hmangaih na ah ka tlu lut a...ka zirna erawh ka hlawh chham phah dawn anih hi cham khaw muang tawhlo in champhai lam ah ka haw chho nghal a, aizawl ka bye bye rih a ngai tawh dawn anih hmel.

Mawitea ka ngaih tuah em em a, engtin nge a hring nun kawng a zawh zel tak ang le...hmel in hmureng pawh in kan in ngai em em reng kha ania....hmun hran a kan awm a tul bawk si a, te ka awm thei lo ang inru mai ang tih chu a thupui ber ani tawh a, engmah rua hman na neilo a tlan dun chu thil thaber ni in ka hre silo...in neih chu sawiloh in ngaihzawn tak ngial pawh kan chhungten an remti ngang bawk silo....chutiang dodal na karah pawh chuan kan inkar hmangaih na chu a nghet deuh deuh zel a.

Phone in inbe reng mah ila.....hmel in hmulo a awm reng chu hreawm kavan ti em, ka tah ni hi atam thin ngei mai....thenrual ngai na tak thin kha ka danglam tawh ka nui hmel hmuh tur a awm tawhlo, khua hmun loh a awm ta na na na chu....mawitea hian hmeichhe dang min neih san te ka hlau thin....ka u nupui pawn bawihi ti em em hian i danglam thei ang tih rin ngaih na pawh ka hrelo.....nangmah a thawven nate kha khawnge a awm tak vek maile....itan tih theih neih ka duh ngawt mai ati sep sep a, u minpui thei alawm pawisa tamtak mawitea nen kan hmahun atan hian kan mamawh dawn a....nanglo chu in nghah natur kan nei lo, minpui duh angem ka tih chuan tehreng mai a ti sap a.

Englai pawh a kalam tang thin tu ka u nupui hi katan chuan a awmlo ang tih ka hlau thin....hmangaih na hi a mak ngawt mai....nun ati hlim in, lungngaih na nasa tak thlen tu ani bawk si.

Ni khat chu khaw hran ah kan chhungte thi an awm avang in....ka chhungte an kalvek a, mawite an min rawn call a reitak kan inbia a, kan inbiak zawh chuan khawhar na in min zem leh chiai chiai tawh a, kawngka kik an awm avang chuan chhawn turin ka phei a, tunge aw tiin kawngka chu ka hawn sak a.....Aw Lalpa leh mawitea kawngka bulah alo ding reng a, ka lawm lutuk vang chuan ka tap ringawt a....in chhungah min kai lutin duh leh thla hlel em em in min fawp ngawih ngawih, tinge ilo chho tih min hrilh loh mi sualpa ti in ka chum taih taih a, te ihmel hmulo hian ka awmthei thlawt lo...i haw chhoh tuk khan ka rawnzui ve nghal che a, kapa hnen ah chuan phailam a chhuk ang in dawt ka sawi tawh atih chuan ka khawngaih zawk hle....ti khawp hian ani maw mawitea hian minlo thlak hlelh ni.

Beisei loh lutuk in ka hmangaih kiang ah awm in ka kuah leh thei ta....engdang mah ngaih tuah lo in hun nuam tak kan hmang dun a, inthen tawh lo tur a kumkhua a chendun ka chak ngei mai.....ka chhungte zinchhung zawng chu am tak in kanlo chendun a.....mahse inthen ni a thleng leh lo thei silo,zui haw ve maite ka chak rum rum mai....hotel ah a thlen avang in ka hmangaih kiang a riak a awm tur chuan....ka thiante ka mamawh dawn tih hria in ka call kual zung zung a....rdi party leh huau huau nuam ti em em kha a lo kir lehta....mahse ka hmangaih ber kiang a hun tamzawk ka hman theih nan.

Thla tel teh meuh chu hotel ah awm in....hlimtak in kan awm dun thin a, kan in hmangaih na leh in thlak hlelh nahi tuma dan rual anilo....harsat na em em tawk lo in kan awm avang chuan kanlo fimkhur tawk lo deuh ania nge.....uzoa thianpa in hotel a kan lutlai minlo hmufuh ta tlat mai.

A fapa duat em em....englai mah a athu hnial ngai lo thin khan, a bum tih a hriat rual chuan ka ute nupa chu champhai ah an rawn thleng chho rang kher mai......keini lah chuan engmah hrelo in thla muang tak in kanlo awm der der a, mawitea bul a ka riah zan ani a....a zen zen chuan ka riak ngai biklo a, mahse kan awmdun ngun khawp mai.

Zahzel ah kathian te hruai in kan inchhung ah chuan kan rilut hlut a...ka thil hmuh chuan min barakhaih chiang khawp mai....ka chhungte hmel awmdan ka hmuh chuan keimah ah hlauh thawn na a awm nghal a.....thildik lo chu a awm chiang ani, ka thiante chu min hawsan maitur in kati a.....tidek chuan u inlozin ani maw, mite lo phone lawk vetur alawm kati hman dek dek a...kapa chuan vin thek thawk chuan ramdinsang zahna hi inei miah nange, mawitea nen hian inkawp thei in nilo tih chiang tak in kan hrilh tawh che ani lawm ni......tunah hian enge ti ni a i inhriat....minvan ti luhai ngai vele ati hmuk hmuk a.....engkim ka hrethiam nghal vek....mawitea nen kan inkar hi tih chhiat an tum ani.....uzoa chuan rd zonunmawia chu call la heta phei nghal tur hian tirawh ati hmuk a...ani theilo enge thleng leh ta ang.....tun tum chu min ngaidam thei tawh lo ang....hreh tak chungin mawitea ka call a, te min ngai leh tawh ani maw hlimtak in arawn ti lang lang a....nilo chutiang a nilo kan inah rawn phei nghal rawh hman hmawh in kati a....ka phone chu u nute in min pawhthlak sak hmak a....ka thinrim kher mai

Mawitea a rawn thlen chuan a ding chiang khawp mai, manchhuah kan ni leh ta tih a hrethiam ve nghal vek a....a hmel kava en chuan zam hmel a pu hauh lo thung, uzoa chu rawn ding chhuak in a fapa, ka hmangaih chu a vawihnih nan kut a thlak leh ta.....tumtum chu a kawtawp ah kantang tak meuh meuh tawh ani, ka zamtur anilo a ka tap hek lo ang.....mawitea ka hmangaih zia chu ka chhungte leh uzoa te hma ah chuan huai takin ka sawi a....tin min pawhthen tum teh mah ila in thei ngailo ang.....kan inkar hmangaih nahi tuma tihchhiat rual ani tawh lo....khawngaih in thatak in min inneih tir mai rawh u ka tih chuan kapa in min beng her sawk a....kan inkar hmangaih na vang hian keini pahnih hian kan tuar bik ta malh malh hle mai....kan chhung buai leh ta nuaih nuaih mai.

Naupang chhia pawh kan nibik tawh lo a.....kantan a tha leh tha lo thliar hrang rual chu kan ni vetawh asin le, heti tak a kan inkawp an phallo hi enge maw a chhan le, diktak chuan mawitea nen hian minhrang hlak kanni a....a hming mai a anutei ka ni chuah a, hmel in hmulo leh in hlat takin kan awm thei bawk silo....uzoa chuan zonunmawia hian nupui neirawh se, ka thianpa fanu nen innei sela....engkim a felvek mai ang hetiang a nih reng zawng in kan chhungkua kan mualpho thei tak ngial dawn ati buan buan a.....mawitea hmel chu kava en a kavan lainat tak em, kei min hmangaih vang hian a duh miah loh nupui neihtir antum ani si a.....zalo zet chuan arawn nui a, kapa iti lutuk mah mah lomaw....ifapa hi kumkhua a chan hlen iduh zawk ami a tih chuan uzoa chu a ding uaih a, tinge maw mawitea lakah hian a lut a zat viau le....duh nise mawitea hian a sawisa hrep thei a nahse pa anih na ah a zah hlek chauh ani si a.

Kapa chuan ramdinsangi pawh kha room ah khung nghal rawh u.....pawn ah a chhuak tawh lo ang, hetiang hmeichhe awmtha duh lo hi ka ngai thei lo a ti bawrh bawrh a....ka rilru ana kher mai, kapa in keihi hmeichhe leplerh leh awm tha duhlo ah min puh amaw, enge ka awm that duh loh na....hmangaih kanei ani mai a hmangaih neih chu awm tha duhlo maw ni a.....ka rilru nat em avang chuan ka mittui a tla zawih zawih a, mawitea chu ka va en a min khawngaih hmel ngei mai....ka pa chuan room ah min namlut rawk rawk a pawn lam ah a kalh ta hmak a.

Ka rilru na lutuk chuan awm ngaih na ka hrelo... ka chhungte hi anlo van nunrawng tak em ka phone min chhuh sak a tunah room ah minla kalh hnan zui a....ka theih nghilh tawh ngai lo ang, mite pawn hmangaih an nei heti em em a dodal na kan tuar bik mai hi ka hre thiam thei lo....mawitea kha engtin nge a awm ve tak ang.

Ani chu mipa ani a, apa chuan a duh duh in a tih kawi theih ka ring lo a...mahse nupui neihtir te kha a sawi si a.....ka hlauthawng kher mai, midang tan ka phal tlat lo....ka hmangaih hi ka chan anih chuan ka dam zolo ang, chaw min rawn pek te chu engmah ka eiduh lo a....karkhat zet room ah min khung tawh a, mawitea chanchin reng reng ka hre tawh lo a...ka ngaih tuah kher mai...hetia awm mai mai thei ka nilo, engthil emaw katih a ngai ani.

Chauzet chuan room kawngka lam chu ka pan a....ka tha neih tawk chuan kawng ka chu ka chhuri bur bur a, ka thawm hria chuan tu emaw tal an rawn kal ngei ang....ka in nghah na ber chu aumama nupui ani, Lalpa nihtir hram rawh ka ti mawlh mawlh a.

Bawihi enge nita chu aw chu khawvel a rimawiber ni mai in ka hria... u midang an awm em kati thuai a... awmlo enge nita atih chuan....u minpui rawh itanpui kangai mawitea minlo call sak la biak ngei ngei kangai....katih chuan ole kalo bia ang nupui apain neihtir a tum a, kanu leh pa te pawh an chhuk thla a bawihi kan chet vat vat a ngai ....i umaman chahbi a kawl a kangka ka hawnsak thei lo che ati sar sar a.

He room atang hian ka chhuah angai ani....ka hmangaih hi ka chan theilo, ka u minpuih na in mawitea pawh ka be tlang leh thei ta....dawt hmang a min pawh then chu anlo la tum hram ani maw....ka phone min chhuh sak vang in ka bethei lo mai chauh ani si a....karkhat chhung room chhung a katan tawh thu ka sawi lai chuan a rum nghut a....te tlan bo mai ang aw, ka rawn hruai ang che pute mama nupui kha engkim lo hrilh la minpuih nain kan tlanbo dawn ania ati zung zung a.

Nupui nei mai tawhtur ani a, mopa lah chuan tlan bo a tum bur mai si a...lo ngawi takru mualpho in hlauh luatah in mual pho khawp ang, ka u in pawisa tamtham fe leh ka mamawh tur ang ang a rukin min chhek khawl sak a....mawitea rawn thlen hun hun chu ka zalen na ni ani dawn ta.

Kawng leh lamah chuan ka rilru a nuam thei chuang lo...hetiang tak a kan chhungten an remti lo chung tlandun chu....a malsawm dawnlo riau in ka hre bawk a...mahse engpawh chandawn mah ila ka hmangaih kiang ah ka awm dawn tal alawm..

Mawitea pawh a rawn thleng tawh a ...zanlai ah a rukthei angber in k u in kawng min hawnsak in ka chhuak ta.....khawilam nge pan maitur pawh kan hrelo a...champhai ah hian reitak tangkhan na chi anilo tlat, kapa thinrim hian enge atih tih leh dawn kan hre silo.....rilru a mangang takzet.....thil pakhat ka hre chhuak, college kan kal lai a ka kawm veber ruati kha...chhimtawp ah thingtlang khua ah an awm anih kha, an khaw lam pan chu kan reltlu ta ngawt a....a mah kava biak chuan alo phur em em leh nghal a, hmel hriat loh leh vawikhat pawh kanla kal loh na hmun a awm tur chuan kan in buat saih ta....

7Na

khawiah nge a awm tihpawh kanla hriat loh hmun lam pan chuan mawitea nen chuan kan chhuak ta....hetiang dinhmun ah hian ka dingang tih pawh kala mangphan ngailo, kalo dream ve thin dan chuan mahni inchhung khur ngei atangin ropui takin pasal kala nei ve ang kalo tithin kha ania....mahse chu zawng dream mai chauh a lawm le, ka hmangaih em em ka pasal titawh mai ang...mawitea dar ah chuan ka lu nghatin a hmel chu nguntak in ka en a....ka hmangaih ani ka hmangaih em vang hian engkim tuar huam in ka awm chu ania....kan hma ah enge thleng dawn kan hre hauh lo hlim tak in fanau te kannei ve ang nge....buaina tamtak nen kan inthen ang

Zankhua in motor ah kan chuan hnu ah zing dar10:00 vel ah kan tumram chu kan thleng veta tawk a....ka chauin mut ka chak kher mai, ka thian nu sp in minlo hmuak a kan awm na hmun chu mak kati kher mai....in 100 pawh an tling lo a mawitea nen min hmu chu min enzuilo pawh an awmlo, thingtlang ah chuan engkim a lo danglam vek a, an khawsak phung chu a tir chuan mak kati in nundan thiam harsa ka ti em em a....mahse ani telin thingtlang nun chu nuam kan ti in mawitea nen chuan kan tlang nel ve deuh deuh a....hmangaih na vangin hei chen kan thleng tawh a, hreawm tuar pawh kan huam ve bawk tur alawm.

Thlathum dawn chu kan awm ve tareng mai, hetia mi chhungkua fin reng chu a dik in kan hre biklo a, kan chungah anthat zawh pauh leh in thlahrun ana zual ting mai bawk si....spi pa hi an khaw vcp ani a....engkim min buaipui vek a engmah inchhung khawsak ngaih tuah lo a lo khawsa thin ve ve kan nisi a....mahni ke a dingtur chuan a huphurh awm takzet.

Inte reuhte ah chuan kan nupa chuan kan han lut ve rawih a....ka mumangte pawh a ang rum rum mai, kan nupa a kan in chuan kapa inchhung a ka room pawh a tiat lo ah kan awm a....bungbel kan mamawh chinchiah kan lei ve a nunbul tan turin ke kan pen ve dawn chu ania....ka lungchhe kher mai mahse ka pasal in hreawm atih ka hlauh vang in hlim hmeltak in ka awm a....zeploh chuan ka lungaleng thlawt, ka chhungte leh ka thiante ka ngai em em a....damtak in anlo awm hlawm angem le? Keini lah chhimtawp ah thingtlang khaw tereuh te ah kan awm chu ania....min ngaihtuah ve thin angem, nge kan tlanbo vang hian min la haw reng ang.

Kan pi leh pute pawh in, hmangaih nen bahra khurlaih a thlanawm anlo tih kha maw tih chu ka in nghah na ani ringawt....rethei deuh pawh ni ila enge pawi...engmah tilo a awm reng chuan kan pawisa neih in min daih seng dawn silo a...mawitea vawikhat pawh hna la thawk ngailo chu mi hnuai ah a in hlawh ve tlauh tlauh a....a kut notak thin te chu a durh phung a....ka lainat thin ngei mai, kei mai mai neih duh vang hian heng hreawm na zawng zawng hi a tuar angai ami le kati rum rum thin...kan retheih na chuan kan nupa inkarah harsat na min thlen ka hlau thin khawp mai....kumkhat dawn kan awm veta....kan chhungte chanchin engmah kan hrelo a, nunphung mawlmang tak in kan nung ve nawk nawk reng a...mawitea duhdan chuan fa kan neih hunah aizawl ah kan kir ang ati a...mahse ka raithei der mai silo ka inthla hrung thin ngei mai....ka pasal hian min hmangaih em em a ka hlim loh mawlh hi a hlau thin....rosum tamtak hnawlin retheih pawh pawisa lo a a thlan kanih vang nge min duatin hreawm ti a ka awm hi a hlau thin khawp mai....nupa inhmeh leh hlimtak kan ni a, a chang chuan kan chhungte pawh kan theih nghilh ve rum rum thin.

Thlawh hmate neiin kan phak tawk in kuthna kan thawk a...hah viau mah ila hreawm tih na pawh kan nei tawhlo....chu khua ah chuan hlimtak in kan awm ve a tumah dang kan ngai ngailo, faphei chu nei ila kan hlim leh zual ngei ang chu.

Thingtlang khawte a awm kan nibawk a....kumhnih dawn kan awm na ah chuan, mikhual kanni tih tuman an hretawh lo....thingtlang nun simple tak chu nuam kanti a enge maw chang chuan lungleng viau thin mah ila...nuam kanti deuh deuh a...kanpa pawh khawtlang ah leh khathiam te alo nibawk a akul atai ah an hman ber ani tawh a

Van neihthlak takin kan awm na khua ah chuan high school anrawn din a....kanpa pawn hna a hmu ve ta hlauh mai....spi pa zar liau liau ani, nitin school ah ani athawk a keiin kan thlawh hma ka lo enkawl a...chhungkaw tang rual tak chu kan ni vereng mai...

Enge maw chang hian kanpa hmel hi a ngui thei em em a....kei minnei hi a inchhir tamai anih ka ring thin, ni e a lunglen ve tho ka ring keipawh ka lungleng in ka khua ahar thin khawp mai....kan kalsan tak te ngaih vangin....ka pasal hmel hlim lo chu ka hmu zeuh zeuh reng a, chutia a awm a chang chuan ka in thlahrun a zual thin....fa ka hrinsak thei silo a....nu leh pate malsawm na dawng miah lo in kan innei a hrem na kan chung a thleng ah ka ngai deuh....kanpa lakah ka in thla hrung thin khawp mai, inrem leh in lungrual tak a awm reng a lo harsa a...ka rin leh beisei ngai hauh loh in kan nupa in hmuh thiam loh chang a awm ta fo mai.

Mawitea ka chung a a lungawi loh chang pawh hian ka dem ngai hauh lo...kei hi min tawng lo se chuan ti hian rethei takin a awm lo anga a pa nen an inkar a chhu chatlo bawk tur hi ania...engkim hi keima thiam loh ah ngai in ka in thlahrung em em reng a....engtin pawn awm in min hau mahse lungawi loh na ah ka hmang ngailo....ka hmangaih hi hlim reng se ka duh ber ani.

Kanpa in hnate alo nei vetawh bawk a...
Lo neitawh loin awm hahdam vetawh la min tih chuan ka duh lo hle, nitin in a awm chu ni arei duh awm e zimte tal lo min neihtir rawh ka tih tlat avang in sawhthing hmun kan siam ve leh a...chutah chuan ka feh ve lauh lauh thin a....ka awm tirh a hre awm katih teh reng nen tunah chuan khawpui a awm leh chak na pawh ka neitawh hauh lo

Kum li dawn mawitea nen kan tlan bo atang in a liam veta....fanau malsawm na erawh kanla dawng chuang lo a...vawitam doctor kan rawn ve fo a...thatloh na engmah kan neilo ve ve a....tinge fa kan neih theih miah loh le....pathian hnen ah kan nupa inzawm na a ngheh zawk nan fa min pe tur in ka dil chamchi a...mahse chhan na kala hmu thei solo....ka pasal lakah ka inthlahrung khawp mai

Kan hna vangin mahni buai buai in kan buai a.....kan in hmangaih na erawh a la ngai reng emaw ka tih lai in....rd inpa hian hmei anei ania...lolam hna ringawt i buaipui a inpa hi buaipui zawk teh ti a min fiam tu ka tawng leh nawlh thin a.....ka awih loh mai bak ah ka ringlo bur...ka pasal hian min phatsan leh mai mai tur chuan hetiang chen hi min kalpui ka ring hauh lo...tin ka pasal hi rinhlelh ka duh heklo.

Nikhat chu ka nawmsam loh vang in lolam ah ka feh chhuak peih lo a....inchhung sekrek te khawih in ka tal buai hle tho a....dawrah kal tum a ka chhuak chu kanpa leh hmeichhe pakhat hlim tak a nui ka hmuh chuan ka ding chawt thei...heihi ami inpa in hmei anei antih fo chu le...ka rilru a na nghal vawng vawng a.

Ka rilru chu ana ngei alawm....mahse thinrim thei ka nilo, ka kanpa hi ka ti hlim tawk lo te pawh ania nge....keimah vangin a neih chhun a pa pawh a kalsan hial a...aruktak chuan hre awm tamtak a tuar tihpawh ka hria, mahse nupa kan nitawh a min phatsan em hi chu ka ring phal lo ani....khatiang khawp a hreawm kan lo pal tlang zozai te kha ka rilru ah arawn lang thar uar uar a....min phatsan ka ring theilo.

Ka zawt ang nge zawtlo ang ti in ka inbuk char char a....mawite an a tul anih chuan min hrilh mai ang ringhlel zawng a tih ka duhloh vang in ngawih bo pui mai tha in ka hria a....tlai lam ah kanpa pawh a rawn haw a, nidang ang thoin duat tak a min kuah in min fawp a....vawin chu nidang ka ang theilo ka chhungril hi ana ani...hmeichhe dang kiang a hlimtak a anui ka ka thik ani.

Buai na em em tawklo chuan kan awm ve zel a....mahse kan nupa kar chu a zau tial tial a...a hma ang khan min ngaihsak tawh lo, mawitea ka hre awm hlau em em thin kha a danglam tawh....min hmangaih nate kha a dai zo tawh ta ami le....hetiang anih dawn chuan ka chhungte bul lam a kir leh ka rilruk ta rum rum mai.

Ka khua aharin ka nun a nguai em em a...mawitea pawh a riak bo ta zauh zauh reng a, mite min fiam fo nathin inpa in hmei anei antih chu ka pawm ta thlap mai....chutiang chung pawh chuan min hrawk in min ti hreawm chuang lo a...mahse ka chhungril ah hian natna a awm tlat si.

A chang chuan min phatsan ka ring ngailo....hei leh chen kanlo kal tawh a, ka thinglung in dawt nise atih chu ka pasal a riah bo chang chuan dawt anilo tih ka in hrilh nawn leh thin....kanpa hmei antih huai huai chu school a a thawhpui ani a....aizawl lam mi ani nghe nghe, ka pasal ani a anupui ka nih na angin kati lawm tawk lo ania nge...hetia midang a buaipui tak hi...hlimtak a midang bul a a awm theih chuan ka lawm tho e.

Nikhat erawh ka thil hriat zet chuan minti tliak hnawp thei....kanpa bialnu chu phai a a awm chhung zawng pawh a alo kawp thin hmangaih thu alo hlan fo thin kha ngei kha ani tih ka hreta.....hmangaih hmasa te chu theih nghilh anhar sate pawh ania nge....hei leh chen kanlo innei vetawh a...fa ka hring thei bawk silo, ka hmangaih em em ka pasal hi...a hmangaih hnen ah hian ka hlan mai a tul in ka hreta....nithum lai a rawn haw tawh lo a....tunah chuan ka beisei a bo ta takzet, ka khua a sik nasa em em a....engmah ka eithei bawk silo, kanpa lah a rawn haw ngai miah lo a....hetiang leh tur si chu tinge kalo zui le.....hlimtak in ka nun ka hmang thei zawk dawn asin le...buaipui tu neilo leh chhungkhat laina tak ngial pawh awm loh na a damloh chu a hre awm takzet.

Thei leh theilo in ka damdawi eitur ka zawng a....mawitea lah hmuhtur a awm silo, khawnge maw i awm le, min hmangaih tawh lo mahla min tanpui turtal in ka kiang ah i awm loh le ti in katap zawih zawih a....thawhtan ni a school kaltur a a chhuak chu....inrin ni ah pawh a lo hawlo a....zawngtur in ka tho chhuak thei silo, tunah chuan ka beidawng veta.....ka tlun nasa em em a, ka chau tawh takzet spi lah aizawl lamah a phei tawh bawk si tanpui ka ngai ani....tap chungin pathian ka au a, kan van mangang tak em...zonunmawi nang hian ka hmangaih che iti ani lawm ni, min phatsan tak tak ta em ni.

Chawlh ni ah pawh a la rawn hawlo cheu a...nupui dang a neih ka ring ta takzet....champhai lam ah ka kir mai angai dawn anih hmel...mawitea tan lehkha ka hnutchhiah a.

Mawite kan bultan dan khan a zirlo lulai em a...kan tawp napawh a ropui talo hle anih hi tiraw .....i hmangaih kiang ah chuan hlimtak in awm ang che aw....kei chu inutei ka nih kha, inutei ka ni reng bawk ang....min ngaih tuah lola chhungkaw tha tak inlo din dawn ania...mawite kan chendun chhung zawng zawng pawh khan demna che ka neilo
....khang hlim na tamtak min pek vang khan ka lawm lutuk bawk....ka hmangaih reng ang che he khawvel a ka awm chhung chuan....ipa hnenah let vela ngaihdam minlo dilsak ve bawk dawn ania mangtha maile rdi.

Ka thawm hnaw tlem chu bag ah khungin....reitak chhung kalo tlan bosan na hmun kan inlam pantur in ka in buat saih ta....enge eng buai na nge ka hma chhawn dawn ka hre hauh lo.