Zorini chu a kal hnak hnak a, "Shino" a ti zui sap a, Shino chuan "Aw enge ni Zorin" alo ti vat a, "Shino, robot ka ni ami?" Zorini chuan a ti sap a, Shino chuan a en ho a, "Teuh lo, ka nau inih kha, engtin nge Robot I nih theih anga, ka nau duhawm leh fel tak inih kha, tu in nge Robot lo ti che a" ati zui nghal mawlh mawlh a, "Robot ka nih loh chuan a that chu, Shino, hna thawh nuam le" a ti a a kal zui leh hnak hnak a, Shino chuan a en reng a, "Ka nau hi ti nge mihring a an loh em em le" ati chhuak sap a, "Hi Prez" tih ri ah chuan a phu zawk a, a hawi chhuak chu Sharon chuan hnai zet a in alo bih reng a, a phu nasa kher mai a te zui thawt a, "Mi lawilopa" ati zui thawt a, "Awi ah Prez" alo ti vat a, "Kal sawn rawh, min en reng lo khan hna thawk ve ta che" Shino chuan a ti hlur a, "Hna thawk tur in ka lo kal lo a,kan Prez hi a tha em tih rawn en ka tum mai nia" Sharon chuan dawhkan a thut at pah chuan a ti a, "Mi lawilo leh awmherhpa, hna thawk lo tur chuan he tah hian I rawn kal angai" a sawi zawh hma hma chuan a Sharon chuan a ka hup sak in, "I beng chheng thin lutuk Prez" a ti zui sup a, "Anih kan kal tawh ange aw, ka hmu tawh bawk che a, ni hman nuam le, Shino" a ti a, a kekawr ipte chu a zen a, a chhuak zui nghal a, Shino chu a ding khur ngawt ngawt ringawt, "Mi tenawm leh lawi lopa" ati zui hlak a, "Eng vang a ka hma a rawn in lan ve ziah nge anih pawh ka hre hrep lo e, mi tih buai dan zawng hi a hriat aniang, ni lo, ka hmelma tur a siam ani zawk anih hi, Awm herh lutuk" ati zui hmarh hmarh a, "Aw Sharon that Zia kha, a pa thei e, Awii ka duh lutuk" hmeichhia ho in an ti mawlh mawlh thawm ah chuan a hawi tang hru a, "Sawng ho lah saw, kha tiang kha eng tin nge an duh theih zawk a, chian lohna an nei ani zawk hial ang, a khawi lai kha nge pa ta viau chu ni a, a hmel maw, a pian maw, a awm dan kha maw, Chhih, ka ek anih chu" ati zui hluk hluk a.
Sharon chu bang ngheng chuan Shino phun mawlh mawlh chu a ngai thla reng a, a nui sak a, "Shino" tiin a ma hriat tham lek chuan a phun sap a, a kal zui nghal a, "Sharon, ilo kal leh si a law" tih pah chuan Philipa chu Sharon hma ah chuan a rawn ding a, Sharon chu "Imm" alo ti sup a, "Anih chuan min lo pui lawk ta che" a Philipa chuan alo ti leh a, "Tih palh, ka hman lo tlat" tih pah chuan Sharon chu a kal zui daih a, Philipa chuan a en zui vung vung a, "Hmm" ati chhuak sap a, a in her zui nghal a, "Hei, Kimkim" ati zui zat a, Kimkim kal tum a lo in her leh mek chu a ding ngil zawt a, "Aw, Vice Prez" a ti khawng luh a, "Min lo zui rawh" Philipa chuan a ti sup a, "Vice Prez, call ka dawng a, ka haw thuai thuai angai a, a hman hmawh thlak lutuk a, eng lo nia" ati nawi zui niah a, Philipan Chiang zet a alo en reng a vang chuan a tawng tawp lam chu a zuih ral ani ber mai, "Kei man ka rem tih hma chu I kal thei lo, min lo zui rawh" Philipa chuan a lo ti leh a, "Ka peih lo ka ning, enge I hriat a, he tiang tih ka peih ve lo, he ta ka lo kal hrim hrim pawh hi lawm hle ta che, enge thu te min han Pek kual vel a" alo ti nghal hlawih hlawih a, "I lo kal a ka lawm e, Kimkim, kal ang le" Philipa chuan alo ti dam leh diai a, "Hmela, ka lawm ve lo aw, ka haw dawn, I bialnu pawh ka ni lo, kan in ah ilo kal a, min pawt chhuak lui pawh tih tawh nak a lai a, he tiang hna hah thlak min thawh tir ila tum zui a, enge ni a I in hriat phiangsen a" Kimkimi chuan alo ti leh tawn tawn a, "I bialpa ka ni lo ami, ka duh thu che ka sawi tawh kha" Philipa chuan alo ti let sup a, a hmel ah lah chuan engmah hmuh tur a awm der si lo, "I sawi lo bawk, kha tiang kha in bem dan ami ni ngai, chuan Mei zial nghei tur a mi tih te kha" a tih lai mek chuan Philipa chuan "Official deuh a sawi kher ami ngai" alo ti sup a, Kimkimi chu a phu zuk a, "Chu tiang pawn ka sawi loh kha" alo ti lawi rat a, "Kan in fawh tawh kha kan in ngai zawng tawh lawm" Philipa chuan alo ti leh a, "Kha tiang vawikhat in fawh ringawt in ngai zawng tihna pawh ani lo" alo ti hlar a, "Anih chuan ka fawp leh dawn che mi?" tih pah chuan Philipa chuan a pan hnai zui nghal a, "Hei, hei a ngai lo, School anih hi, I mawl ami?" Kimkimi chuan alo ti that a, "Anih chuan min lo zui la hna thawk ang le" Philipa chuan alo ti sup a, "Mi tenawm leh Sual tak ini" Kimkimi chuan alo ti sap a, a dang Chiang hle ni, "Bialpa te kha tiang in an sawi ngai lo" Philipa chuan alo ti leh sup a, "Ka bialpa pawh ini lo" Kimkimi chuan a ma hriat tham lek chuan alo ti sap, a ngam loh a tawng ve Chiang ani.
Malvin chu a thil pawm lian tham zet nen chuan a kal lu lu a, a in chhuih khut a a bawk thla zui thlawrh a, "I tha em, ina lo amaw?" Ti tu lam chu a hawi vat a, Joi chuan a lo melh kal a, "Ka tha" Malvin chuan alo ti sup a, a tho tur chu Joi chuan "hei hi ka lo ken pui ang che aw, a tam lutuk a, kawng I hmu tha thei lo nih kha" tih malh malh pah chuan a ban zui nghal a, "Hei angai lo, a rit, hmeichhe ken chi ani lo" Malvin chuan alo ti that a, Joi chu a phu zawk a, "Ka tih palh ani, ka tih palh, ka pui leh lo ang che, ah, ih ka tih palh" a ti zui nghal mawlh mawlh a, a tlan chhe zui chawn chawn a, Malvin chuan mak ti zet in a en zui reng a, "Enge a hriat a" a ti zui hu a, "Malvin" ti tu lam chu a hawi zui nghal zat a, Zorin chu fel at a lo ding in alo en reng a, "Eh, Zorin" a ti sup a, "Robot ka ni em tih min zawh kha, a chhanna chu aih tih ani, mihring ka nia, Shino pawh ka zawt a, a nau duhawm tak leh fel tak ka nih thu a sawi a" a ti fel fak fak a, "Eng tin maw?" Malvin chuan a ti lawi rut a, "Chuan internet lam ah ka en bawk a, Robot chuan lungphu pawh an nei lo a in ti a, kei chuan lungphu ka nei bawk a, i fiah chhin duh em?' Alo ti leh zet zet a, " Na, na, nang hi, Robot" Malvin chuan alo ti bah nawk nawk a, "Ila awih lo anih chuan kha fiah chhin rawh" Tih pah chuan Zorini chuan a kut a la a, a awm chu kawih tir a tum a, Malvin chuan ham haih zet in "Eh" alo ti thei tawk a, "A tul lo" tih thawt pah chuan Johna chuan Malvina kut chu a rawn beng thla pawp a, "Anah" Malvin chuan a ti thawt a, Johna chuan Zorini chu a en zui nghal zat a, "Zorin, kei man Mihring inih ka hria lawm, mihring hmeltha tak ini ka hre Chiang a lawm, ah eng lo, aaa" ati bah zui nuaih a, "Ka lawm e, Senior " alo ti fel leh thek a, a kal zui hnak hnak a, "Robot a an Zia kha, Robot ze zawi deuh ang chiah chiah ani" Malvin chuan a ti chhuak phawng a, "Ti khan ti ziah suh" tih thawt pah chuan Johna chuan Malvin a thukhum ah chuan a beng bu lawp a, lungawi lo zet chuan a kal zui hmuk hmuk a.
Shino chu thingzai pu lu lu chung chuan a kal tawrh tawrh a, "Shino, Shino" tih tuarh ri ah chuan a phu nasa kher mai, a thil put chu a let but a, a tla zui nghal dup a, Shino chu rum zet chuan a hawi let a, "Shino, Shino, ka hmu tawh, ka lei vek tawh" hlim zet a, tih pah a rawn tlan chawn chawn Esther-i chu a en rum kher mai, "Shino, enge thleng a, nga ti nge kha tiang mit meng rapthlak deuh khan min en a" Esther-i chuan hlauh hmel zet in a ti zum zàt a, Shino a harh chhuak thut a a in siam tha vat a, "Esther eng ti tur in nge ilo kal a" a ti dam diai a, "Kei maw, ka lo pui dawn che u a, eng lo, pet store ah ka kal a, ka duh ka lei zo vek a, chuan nangmah ni pui tur in ka rawn kal a, mahse maw Shino, Pet store ah ni lo pet care ah daih ania ka lei, ka duh ang alo awm ve vek a, Shino, pet care ah daih ti nge a awm le tiraw Pet store a awm tur ani awm reng sia" ati mawl mawlh a, 'Ka Thiannu hi chu ala à hlum thei hrim hrim ang" Shino chuan a lo ti rilru a, a Thiannu chu lainat zet in a en tlawk tlawk a, lai natna vang a tha thei nise a ti thin khawp mai, "Eng pawh nise I duh ang I lei Kim vek chuan a tha e, lo kal rawh le, hna thawk ang" a Shino chuan alo ti a, thing zai tlawn sei zet mai chu a pu leh nawlh a, Esther-i chuan "Awle" tih pah chuan phur zet in a lo zui ve nghal zat bawk a, mitin mai chu an hna ah theuh chuan theih tawp chhuah in an buai hlawm hle mai, Shino chhuan sana a en vut vut a, "Awle, theih tawp chhuah ila chuan tlai ah dinner kan ei ho dawn nia aw" ati lang lang a, "Awle, President" an lo ti rual thap a, an thawh phur hmel hlawm tawh hle mai, dar 5 ah chuan an zo fel ve hram a, wash room an pan zui sang sang hlawm a, mipa leh hmeichhe wash room chu nui thawm leh tawng thawm in a khat ani ber, an vai mai chuan nuam an tih hmel hlawm hliah hliah, dar 6 pelh hnu fe ah ah chuan hmeichhia a vang liau liau in school an chhuah san ve thei hram a, an school a tang a Shino te hotel a hlat vak loh vang chuan an tih loh dan ang in ke in an kal diah diah a, ke a kal ngai lo tih tak ah an phur in nuam an ti hlawm kher mai,an ri phei le lu a, mi te tan mi hosa fa rual kal khawm chu hmuh nawm tham an lo tling ve zel nen thlir zui tu an ngah kher mai, an hawi her leh an in chei dan ah thleng chuan an nei nung hlawm tih a hriat em em si a, Shino te hotel chu an thleng a, Shino chuan hma a hruai vat a, an hna thawk ho chuan chibai an lo buk sap sap hlawm a, "Ka pi in lo kal ani maw?" front desk manager chuan alo ti vat a, "Aw, Restaurant table chu in lo hauh lawk a maw?" Shino chuan a ti zui zat a, "Aw, hauh lawk vek tawh e" Manager chuan alo ti vat a, "A that chu" tih leh kal a rual zui nghal a, an lo zui dam dam a, ala kal lo ho chuan lian an tih thu leh mawi an tih thu an sawi sap sap hlawm a, Restaurant manager chuan chibai a lo buk zat a, "Ka pi leh ka pu te u in lo kal thei maw, in table in alo nghak reng tawh che u ania" alo ti a, "Awiii, a chhiat loh Zia hi" hmeichhe thenkhat chuan an lo ti ru sa sa hlawm a, table lam chu an pan zui sap sap a.
Shino chu alo thu chiah a, ahma a en chu "Awii" a ti nghal thawt a, "Hi, Prez" Sharon chuan a kut phar chhuah zeuh pah chuan alo ti a, "Nang, nang, Mi lawilopa, he, he tah" a ti bah nawk nawk a, Sharon hi hmuh a in beisei lo tak zet, hmuh pawh a chak em em hek lo, "Kan Prez chaw ei lai hi ka en chak a, a chaw a heh leh heh loh ka hre duh a, chuan ka lo kal ve anih hi" alo ti mual mual a, Shino chu a in seh ruh ngat ngat a, an hotel ah a au chiam duh bik si lo, a beng chhet rak khawp a vin ai bak a chak tun ah hi chuan Shino in chak dang a neih pawh ka ring hran lo, "Nang Mi lawilopa" alo ti hlak a, "Ti rawh le, Prez enge kan ei ang le" Sharon an fel hmel zet a alo ti leh phei chu thah mai hi a chak zual sawt, "Ka duh duh ka ei ang, min zawh ka ngai lo" alo ti hluk a, "Tih mawh viau thin teh suh Shino" Sharon an a rawn tih sap ah chuan Shino chuan a en ho a, a khawng lo chauh Sharon a mit ah chuan ni dang a hmuh ngai miah lo hmu ni maiin a in hria, enge anih chu a hre lo nang in thil mak danglam tak a hmu ni mai hian a in hria a, "Ka hmeltha viau mi a, Ka president duhawm te" Sharon chuan a rawn ti leh zat a, Sharon pangai ani leh tawh, Shino huat em em Sharon alo ni leh ta, "Teuh lo" Shino chuan alo ti that a, hna thawk ho chuan mak ti zet in an lo thlir thap a, "Hrep chuan nangmah vang vek, mi lawilopa" Shino chuan a ti zui hlak a, Sharon chu alo nui suk a, an duh zawng an order fel hnu chuan an ti ti mam mam a, an Sport an nghah hleh tawh Zia an sawi zui sap sap a.
Esther-i chu a kal det det a, a hawi kual vel ruai bawk a, "He tah hian a awm in ka hre sia, ti nge an vai mai hian an in khar vek le" ati nuah nuah a. Reubena tlan lai chu a ding chawt a, a hawi let a, "Saw nu saw enge maw a tih le, enge a zawn vual vual le" ati nuah nuah a, "Hei" ati zui nghal zat a, "Enge ka koh le, eng ah nge ka ngaih ven ve ngawt le, a mawl mawl nen" ati zui nuah nuah a, Esther-i chuan a thlek dak dak a, "Ah, Pet store" tih that pah chuan a Reubena lam pan chuan a tlan zui chawn chawn a, "Pet Store min ti leh tawh" Reubena chuan thinrim ru zet hian alo ti a,Esther-i chuan Reubena kiang a thlen chuan "Pet store, en teh he tah hian, pet care kha a awm tiraw, mahse ti nge a bo daih a?" Ati nghal neuh neuh a, "Pet care ka ni tei vet lo, Mawli, vawin chu chawlhni ani tih hre ve ta che" Reubena chuan a lo vin nghal hlur a, Esther-i chuan hlau zet in a lo tawlh dawrh a, Reubena chuan a en ho a, "Hrep chuan ka ti hlau" ati zui sap a, Esther-i chuan hlauh hmel zet hian alo en a, "Ih, chawlh ni chuan Dawr zawng zawng an khar vek ami" ati lawi rat a, Reubena chuan a en reng a, "lo hre tur ka nia sin le" a ti sap a, "Aw an khar thin Mizoram ah chuan tiang hian chawlh ni an serh thin" dam deuh zawk chuan alo ti a, Esther-i chuan "Anih chuan I bazar dawn miah lo tihna mi?" Alo ti he a, Reubena chuan mawl ti zet chuan a en tlawk tlawk a, "I chhah bet bet hle mai, Dawr a in khar vek chuan khawi ah nge ka bazar anga, haw rawh" ati hluk hluk a, "Khawi ah keimah ni in ah maw, Awle Pet Store" alo ti vat a, Reubena bike ah chuan a lawn zui nghal a, "Hei, eng ah nge I rawn chuan ve ngawt a?" Reubena chuan a ti that a, "Min hruai haw dawn ni lawm ni, haw rawh iti sia" Estheri chuan alo ti vat a, "Ti e, mahse nangmah in haw rawh ka ti a lawm, nang kha eng ah nge ka hruai haw ve ngawt ang che" alo ti hlawk hlawk a, "E, min hruai haw dawn maw ka tia" tih leh chhuk a rual a, "Anih keimah in kan haw ange aw, Pet Store" tih pah chuan chibai buk in a kun a, a in her zui nghal a, Reubena chuan sawi tur thlawt a hre lo, Esther-i kal zui hnek hnek chu a en reng a, "Eng e a tih kha, enge anih fa ko a, Alien ami anih a, Engmah kha eng ah nge a hriat thiam loh a" amah leh mah chu a in zawt mawlh mawlh a, muang chang chuan a tlan a, Esther-i kal tawrh tawrh chu a en reng a, "Eng ang mi nge anih bik le, Alien ani tak tak aniang a" amah leh mah chu a in be leh mawlh mawlh a, a kawr hak cute zet mai te, a mitmeng bial leh a hmai bial kerh mai te, a kal dan te saw, "Alien in ti cute thei ani hrim hrim ang" Reuben a chuan a ti chhuak phawng a, Estheri bul a car rawn ding a hmuh chuan a ding chawt a, "Hmeichhe tih buai ching an ni thei angem" ati nghal zat a, Car a tang chuan mipa pakhat a rawn chhuak a, Esther-i chu chibai a buk a, Esther-i chuan alo be vat a, car ah chuan a lut zui nghal a, 'Imm, an driver, hmm a tha e, heh, enge ka ngaih tuah ve chiam chiam a, harh teh, Reuben I bialnu hmu tur in kal rawh" a in ti ru mawlh mawlh a, a a tlan zui nghal a.
Kimkimi chu a thing hnuai ah chuan a thu a thli chuan a chhem hauh hauh a, a cigret leh lighter chu a thlir ngawih ngawih a, "Hrep chuan" tih thawt pah chuan a paih nawk a, "Ka zuk chak teh reng nen, eng vang in nge ka zuk theih miah lo a, kha pa vang vek kha ani, ka duh tih pawh ka sawi lo a" ati chhuak hlak hlak a, "A tha e, naktuk ah ka bia anga, ani ngaihzawn ka pawm lo tih ka hrilh ang" a ti leh sep sep a, a thu thla leh hnak a,a maimi chhing vang vang a, tu emaw ni in a lu a rawn khawih ah chuan a meng kawk a, Philipa chuan Chiang zet in alo en a, "Ka lawm e, keimah vang a zial zuk I sim a vang in" ati zui sup a, Kimkimi chuan "Nang vang in ka sim phiangsen lo, chuan nang hi kah" atin lai chuan Philipa chuan a rawn fawp chawt a, Kimkimi chu a meng zau kawk ringawt, Philipan a chuan a hmui lak sawn pah chuan "Bialnu tha tak ini thei ngei ang" ati zui sup a, "I bialnu nih ka duh ka ti lo, chuan eng ah nge min fawh ve ringawt zel, nang hian kei hi min hre Chiang bawk hek lo, min duh pawh ini lo, min chhaih kual chak vang anih kha" alo ti hlawk hlawk a, "A dik lo, chhaih kual tur che in hun ka ngah lem lo, chuan ka duh vang che in khang kha ka ti ani" alo ti sup a, Kimkimi hma ah chuan thu hniam in a en kal a, "Ka awih lo, hriat pawh min hre ngai lo" Kimkimi chuan alo ti leh that a, "Ka hre tam vak lem lo che a dik e, mahse ka hmuh chin ah chuan thian pawh I nei lem lo a, class ah pawh a theih chin chin ah I muhil thin, chuan I theih hun a piang ah School hnung lam ah kal in mei zial I zu thin a, mal a awm nuam itih avang in a chang chu muhil tak tak lo in ,mi dang in an biak buai loh nan che I muhil der bawk thin" Philipa chuan alo ti sup sup a, Kimkimi chuan a en reng ringawt a, "Engtin nge I hriat" a ti chhuak sap ringawt a, "ka duh che ka tih kha Kimkim, Pawm mai rawh" tih pah chuan a biang ah chuan a dawm a, Kimkimi chuan a lo en reng ringawt a, Philipa chu a kun hniam a, lungchim zet chuan an in fawp zui vawng vawng a, 'Ka hre thiam lo tinge hepa hi nih nga ti nge a thusawi a piang mai hian min fan hneh em em vek ka hre thiam lo, ka hre thiam lo tak zet' Kimkimi chuan a ti rilru mawlh mawlh a, Philipa chu a thu tha a, Kimkimi chuan a in Ngeng tir zui nghal a.
Malvin chu a bike ngheng chuan a ding ar ar a, a hawi kual zawk a, "Eh" ati chhuak sap a, Join uite pakhat eitur a pe a, alo chhaih lai vel chu a en reng a, a kawr hak simple zet mai te avun var har mai te saw, " A chhe miah lo" ati chhuak sap a, a kal hnai a, "Hei" ava ti thum dut a, Joi chu a te that a, a let thla tawp a, "Ka tih palh, ka tih palh ruk ka tum lo, ei tur ka pe mai mai nih kha" a ti nghal mawlh mawlh a, Malvin chuan "Enge a hlauh em em hi ni ber a" a ti chhuak sap a, "Hei, hei, tho teh, tih nat che ka tum lo, Malvin a ka nih hi" a zuk ti a, a zuk Khawih chuan Joi chuan alo en ho a, a thaw zui huai a, "Ah, eh, Malvin" a ti chhuak sap a, a tho vat a, "Eng lo, ah, ka tih palh, ka kal" tih leh tlan a rual zui leh nghal a, "Awh" Malvin chuan a ti hman tawk, mak ti zet chuan a en zui reng a, "Eh, e, enge a, enge a awm Zia kha" amah chauh pawh chuan a tawng bah nawk thei hial a, uite chu a en a, uite chuan alo lawm that that a, "Hei Hugo, a tui em?" Ati zui sap a, Joi tlanna lam chu a en leh a, "Hugo, a chhe miah lo tiraw" ati chhuak leh sap a, a nui zuk sak a.
Zorini chu khum ah chuan a mu ngat a, a phone a rawn ri ral a, a en vat a, Johna alo ni a, "Zorin min chhuah pui duh ngem?" Tih a rawn thawn a, "Khawi ah" tiin a chhang let vat a, "Ih, eng lo, park vel ah te" a rawn chhang let rang kher mai, 'chhuah dun, park a len dun tihna aniang, a nuam angem le aw' ati rilru vang vang a, 'Senior hian mihring hmeltha tak ka ni a ti a, chuan ka chung ah a fel hle bawk a, ka ti lunghnur thei lo ang, mihring ka nih na ang in mi dang pawh ka ti hlim tur ani' rilru leh malh malh a, "Awle Senior" tih ava thawn let a, "Aw, maw, aw, ka lawm e, lo in peih la ka rawn lam ang che" zorinin massege a chhiat zo chu "Senior chu a rang hle mai" a ti chhuak sap a, a tho a, a in thlak zui nghal a, a zawh chuan in hnuai lam ah chuan a chhuk thla hnak hnak a, Shino chuan "Zorin khawnge I kal dawn a?" Alo ti vat a, "Senior nen kan chhuak dun dawn a" a tih rual chuan bell a rawn ri a, Shino chuan "Engmaw?" Tih thawt pah chuan a ding khawng awt a, "Senior ani ngei ang, anih Shino ni hman nuam le" tih leh kal a rual a, kawngka chu ava hawng zui nghal a, John an a hmu chiah chu a sen nghal awp awp thei hial a, "Zo, Zorin, I, i, i, na,nalh hle mai" ati buh nuaih a, "Ka lawm e Senior" alo ti sap a, "Ah, ih, lo kal rawh" Johna chuan alo ti lai rut a, "Awle" tih leh Zorini chuan zui a rual nghal mai a, 'Ka van lawm tak, ka sawmna a pawm a, ava han nuam tak, ka zawh dawn khan a pawm ka ring miah lo a, ka zam nasat teh reng nen, alo pawm pawh ka ring miah lo a, ka van lawm tak' Johna chuan a ti rilru mawlh mawlh a, a bike chuan an in phur chhuak zui nghal a.
Shino chu ala ding khawng reng a, "Zo,Zo,Zorini, Reu, Reubena nen an chhuak dun" ati chhuak thei hram, "Ani thei lo" ati zui tuarh a, a room ah chuan a tlan lut a, "Ka nau ka ven him a ngai, a chung a enge maw pawh a thleng thei" tih pah chuan rang zet in a in thlak a, a bike chu ala chhuak a, chak zet chuan a um zui ve nghal a, an tlan chak lem loh vang in a um pha thuai a, an mahni hmu pha reng chuan muang chang in a tlan ve nghal a.
Bee Da Shino