STORYFB.COM

Bung 11
Bung 11 na chu Nui POV ah kan let leh ang :

Kan in a\anga kan chhuah a\angin ni tam fe a liam ve leh ta, kan in kha hnawhsarum deuh khan kan lut a, kan in luah a\anga min hnawh chhuah khan ka chiai hle a, ka Pa te nena kan awmhona \hin, hun rei tak keimahni ta ang maia kan lo chei ve tawh a\anga hnawh chhuah han nih meuh kha chu rilru a khingbai ve khawp mai, Ka U chu ka ngei lek lek a, amah avang veka hetianga awm kan ni-ah ka ngai hman hial a, mahse ka ngaihtuah chiang a, ka U in kan chhungkaw tan a theihtawp tak meuh meuh a chhuah zia te ka chiang a, a hun zawng zawng kan tan a hmang ral a ni tih ka ngaihtuah a, ka U, nuam lo tihna turin engmah ka sawi duh ta lova, ka theih tawpa puitlingin awm ve ka tum hram hram a.



Kan in pawh kan chei \ha ve tawh a, carpet te phah thar vein a nuam lo lutuk leng lo, Mahse ka U leh ka Nu an han chhuah daih hian a reh vawng vawng zel mai a ni, christy te, u hriata te, Ah,, Nu Rini thlengin ka ngai vek, christy chu a rawn lang ve leh hlawl \hin a, U hriata nen erawh kan inhmu tam lutuk lo, Mahse kan inbe nasa viau thung, tunlai chu ka buai ve lutuk a, tiin min hrilh mai a, vawi hnih vel bak ala rawn kal lo, Mahse ka tan a rinawm tih ka hria.


Christy hnenah hian U hriata chanchin chu ka zawt \hin a, in inngaihzawn hma ang kha a ni mai, a rawn chhuak zeuh zeuh a, lehkha a zir leh reng a, chuan eng emaw pawimawh hmel deuh hian a chhuak reng bawk a ti mai a, eng tak nge a buaina ka hre chak viau a, Mahse U hriata’n a sawi duh loh zawh chhuah chu khawvel thil harsa tawp khawk a ni ang. Chu vang chuan ka tum buai peih lo law law.


Ka college luhna tur kan tifel tawh a, Aizawl college ah ka kal dawn a, ka phur tawh lutuk, kar leh mai hian kan lut tawh dawn, ka lawm leh em em na chu, Ramrami nen department khatah kan awm leh dawn a, college khatah bawk, chu chuan min tiphur zual, kan class kal pui dang te chu college hrang hrangah an kal a, keini chu kal dun leh ngei kan duh avangin admission kan hmuh dun theihna ah lo chuan kal kan tum lo bur mai a ni.



ITI ah pawh ka hna ngai ka chhunzawm a, bawlhhlawh paih thlengsil, tui chan, Current bill pek,, ah a ngai vek, a bikin bawlhhlawh paih motor khalhtu te bawk ka hmelhriat hmasaah an \ang leh tawh, dar a rawn rik tleng tleng te hian U Hriata nena bawlhhlawh paih tur kan in zui dun lai te kha ka hre chhuak a, ka ngai \hin, Tin, U Kima te thleng pawn ka ngai, tuna an driver te hi chu ka la nel lutuk lo, mahse an ni chuan ka hmingin min koh lauh lauh thei tawh thung. Hun a kal anga, kan la innel leh em em ang tih chu ka ring.


Tlai khat chu ka Nu a rawn bang tlai hle mai a, U mami nen zawk chuan kan awm dun a, kan titi melh melh a, Kan in thar nuam ka tih leh tih loh te min zawt a, hreawm a tih ka hlauh avangin \ha takin ka chhang a, a in thuah hrim hrim chuan a nuam lo zawk a, mahse, kan ta ngei a nia, a hahdam thlak ka ti ka tih chuan, Nia, nakinah kan dam anga, kan la sa \ha ve thei mahna, a sak \hat lam pang hi chu I puitlin hunah ilo tum ve tawh ang chu tiin a nui sak a.


Keichuan a teuh lo, Nangmah angin ka senior ve vek dawn asin ka tih chuan, mi ben lawlh pahin, I zak lawmni tun a\anga Pasal neih sawi kha, a ti a, aw, in sak ka tum te chuan, pasal ka nei hman dawn hleinem chi loh lutuk, pasal hausa deuh ka nei ang a, chuan ka pasal hlawh in hmang anga, muang changin min rul dawn nia, ka ti leh ngat phei chu, I va han chhah bet bet tak tiin a nui mai a.


Tih hlim ka tum ve deuh avanga chutianga sawi chu ka ni pakhat a, Mahse ka rilru tak tak pawh a ni tho, in sak tum a ka beih ve ngar ngar chuan Nula senior bak ka ni dawn lo, Pasal nei loin ka tar thi palh mai ang, Miin Nula pitar min ti ang, ka duh teuh lo, U Hriata nupui ni turin theih tawp ka chhuah dawn, ka Nu leh U Mami pawh min hmangaih pui thei dawn chiang em maia.


U Mami chuan ka Nu pawh chu a van rei em em, chaw kan ei san mai dawn emni a ti a, Nia, eisan mai ila, ka ti ka sawi zawh hma chuan , U mami a rawn ang zuau rang tawkin kalo sawi khalh a, han siam la kalo ti, I van chhe tak, siam mai mai tehh a ti daih a, chaw ei kan siam dawn emni a ti anga, siam ila a pawi lo ka tih ve leh hian a che hrut a, han siam la hi a ti daih zel a, ka nu pawh a ni tho, engkim hi ka hre hneh ve tawh em.


Zai rat rat pah chuan ei chu ka siam a, chaw hmeh vel ka suak vek a, chaw ka khawrh tur chu awi,, chaw chu a lo la tui luau va, kalo la chhuang reng reng lo chu niin, U mami chu a thinrim lutuk, I va han chhah tak, enge maw I ngaihtuah \hin le a ti phiar phiar, a phun nasa leh dawn, A nu rawn haw vat se, min chhan tur dang an awm der si lo, Mahse ka thiam loh liau liau a ni bawk si, inthlahrung tawk chuan a rei dawn chuang lo ka chhuang leh nghal mai ang ka ti ringawt.


U mami chuan rum tawka min melh pahin I chhuan leh nghal mai lohin, a ti sup a, ahh, ni dangah hma tawkin ka bawl a, dai deuh deuh kan ei a, a tui lo thei em mai ka tia, ka tih chuan daw suh,, I theihnghilh hrim hrim a nih kha, thiam channa tur zawng nghal zawt zawt zel suh a ti hmuk a, a hrim hrimin awmpui te pawn an tisual ve \hin tho ka tih chuan a nui suk a, awmpui I nia mi a ti a, aw,, awmpui ang tho a lawm ka nih ka tih chuan U Mami chuan kan awmpui I ni reng reng lo, kan naute duat I nih kha tui tawk khan han chhum tehh a ti daih, min hau peih vel lo a niang. Ka lawm a, chutih rual chuan thil lian tawk ka tisual a, U mami’n min hauh hrep loh chuan a hrilhai thlak let ling zawk daih.


Ka nu chu cooker a phit lai vel chuan a rawn lut a, awi,, chaw inchhuang chauh elo a rawn ti lut nghal, rang lutuk hian U Mami’n kha kan awmpuinu khan chaw a chhum theihnghilh a nih kha, a hlawh cut tur a ni a lo ti nghal zung zung, U mami chu ka melh rum vak a, mi lah chu a en let duh miah lo leh nghal, Ka nu chuan vawiin chu ka chau lutuk, kan bazarah misual kan um a, a tih chuan ka nu lam chu kan hawi rual nghal \hawt a, maw kan ti nghal.


Drugs hmanga sumdawng \hin a ni awm e, amak lutuk I U HRiata a rawn lang hlawl a, ani khan a rawn um phei a, kan lane ah a rawn tlan a, I Nu rini rawn bazar lai tak a nia, a zikhlum lei turin a vawm tlu tawp a nih kha, kut kan beng dur dur mawle a tih chuan NU Rini hmel tur vel mitthla chuan kan nui \iah \iah a, awii, kan in a kan awm lai nise a va’n insawi thei leh dawn tak kan ti a, Helam hi kan in ah kan la ngai thei meuh lo a ni, khi lam khi kan in hlui pawh ti loin kan in kan la tifo mai.


U Mami chu a ngawi vang vanga Hriata chu aw a ti deuh sup a, enge u Mam, ka tih chuan ah engmah mawle, khawi chaw ei te chu siam leh la a ti a, chaw ei chu ka siam sawk sawk a, kan chaw lah chu a la khu vat vat a, a nem nuak mai a, chumi zan kan chaw ei kher kher chu hmeh lam a \ha lo bawk nen kan ei tui lo hle a, Mahse tumah chuan min hau zui ta lem lo va.
Kan vengah pawh chuan chhehchhawl sub comitee member ni tur khawpin ka tlangnel leh tawh a, a chhan pawh bawlhhlawh paih leh eng eng emaw tuisem dawn tih velah hian kan inhmu zing a, han inhmuh han inhmuh takah chuan tih in ang hi chu kan inhrethiam a, kan hman \umin kan hman em em a, kan buai a han chhuah tak tak chuan kan \hu hman miah lova chhungte’n min han tirh tluan phei chu kan che vat vat reng mai a ni.


Zantin mai chu U Hriata nen chuan kan in be reng a, Mahse tun hma ang khan kan inbe rei tawh lova, min ngai lo tial tial ni hian ka hria, ka ngaih a \ha thei lo, ka tih tauh pawh hian min thlem lo hian min mut san ta fo va, ka ngei thei lutuk, mahse a hnua ka hriat leh chuan engah emaw ni exam a lo nei chu niin, an exam zawh ve leh chuan min rawn call a, kan in ah chuan rawn kalin kan inhmuh lohna a rei tawh bawk a, in ngai leh inthlahlel em emin kan inkawm chawt a, \hian dun rei tak inhmu tawh lo ang mai hian kan ti ti a.


U hriata chuan in veng lamah hian in luah tur rawn zawn ve mai te ka duh, ka ngai che sia a tih chuan, I over, biak pawh min biak \hat peih loh kha, kalo ti ve hmak. U Hriata chuan enge a nia lawm, lehkha ka zir nasa a, ka buai ve em a, ka hman ve leh ka rawn kal hi nuih deuh pah chuan a tia. Kha, I nui min ngai lo tiin lehlam ka hawisan hmak, aw,, ka hlim lutuk chuan ka nuih mai lohin, thil hlimawm alo thlen te chuan kan nui \hin a lawm a ti a, min nuih zat a lawm ka tih chuan. Ka nuih zat che maw? tiin a rawn awm hnai a, a hma ang thoin kalo in ring leh ran tawh a, U hriata chuan min han fawp zeuh a, keichuan lo chhangin hun rei tak kan tih tawh loh chu ti dunin kan in fawp vawng vawng a, kawngka an rawn sawi dat a, Pi Saii kan ti maia kan kawmthlang ami chuan kawng khar a rawn hawng thut, thil sawi phawng phawng chi hi a nia, awi,, in inham a ni maw, tunlai inngaizawngho tak hi chu a, a la ti zui, ka zak lutuk chuan U Hriata chu ka chum ringawt.



Pi Saii chuan Nui, chaw \hing inkhawl leh tawh em tiin kan chaw \hing dahna lam chu a pan nghal a, keichuan lo la mai rawh a tam lutuk lovang, tunlai chu chaw \hing kan nei vak lo tiin ka lo chhang a, U Hriata pawh a lai ve reuh hle, thlang lam tukverh a dak chung chuan a nui leh suk \hin. Ka Pi lah hi a hot ve ropui sia, kan chaw nawi vel a lak hnu chuan chhuah pahin ka kal ange, tlangval ham leh tawh rawh a la ti zauh zui, ka va ngei reuh tak, kan thil tih mood a ti chhe zo vek.


U Hriata nen chuan in en in kan lai thar ve leh vel, pawisa ka nei lo ropui sia, eitur ei pui ve ngei ka duh bawk sia, U Mami lahin 20 chiah min dah bawk sia, u Hriat, Waiwai chhum ila ka tih chuan ahh,,a tlai tawh em mai ka haw zawk ang, duh leh Zanah ka rawn leng leh zawk dawn nia, a ti chu ka lawm tawp, ka broke zia hi hre lo se ka duh. Zanah chuan ilo kal tak tak ang maw tiin awih em em chuang lo chuan ka han zawt nawn leh kher a, Theih chuan ka rawn kal ang, U Mami biak lawk ka duh hrim hrim a, a tih chuan U hriata chu ka en deuh haw a, enge U Mami ber kher, ah,, naupang hriat ve chi loh tiin min la chhang zui, a nih tak chu, Duh leh U Mami nen chuan in inkawm char char dawn nia ka ti deuh hmak a.


A nui mai a, ka titau ngun lutuk a, ngaiah a nei tawh a ni ber, Chhuah a tum vel mek lai chuan ka phone arawn ri a, u hriata chuan a rawn en zawk, Hmm,, nangpawh kha pa kha be rawh a rawn ti ve, a tum deuh hmak a, tunge I hria ami ka lo ti vat, hre lutuk, hre lutuk, benjamin nangmah hmangaihtu kha a ni lawm ni, hmui tih sawih deuh pah chuan a ti. A ho e ka duh ve pawh a ni chuang lo a, ka ti ve mai a, a rawn call danah che in in be fo tih hriat reng reng a ti leh hram.
A ninawm I naupang chhia, I thik thu a chhia, kal tawh rawh ka tih chuan ehiau,, tuemaw in a rawn call che a, kal tawh turin min ti nghal a ni maw, a \ha alawm, betu nei lo kan ni bik hleinem, kan be ve ange tiin a phone chu a han phawrh a, aw,, I duh leh bia la, ka ti ve deuh sak a, aw,, ka duh chuan ka bia ang, tiin an senior a bialnu hlui chu a call ve ngat a, loud speaker ah a la dah zui.


Aw,, enge min rawn call ve tehh hlawl a, no lutuk leh puam deuh \al chuan a rawn ti, U Hriata chuan min rawn melh pahin ah,, ka ngai deuh che a, a ti leh, min ngai lo a nih kha ka biak pawh min chhan duh loh kha, chu nu in la no vel lutuk chuan ka luak a ti chhuak, awii,, \hiannu \awng tawh suh a pilh ang ka va ti kher, U hriata chuan min lo nam sawn, chu nu chuan tunge a a rawn ti, tumah ka nau mawle a ti chiah chu,, ehe lalhriatpui tiin ka kal hnai a, a ngalah ka chhuih chawrh, a na ti \e ri chhuak hreh chu a insum , a in pet nasa ngang mai.


U hriata chu kan in sirah chuan a phei a, chu nu chu a la bia, an nui velah, ka ngei lutuk chuan Bena chu ka call ve nghal, chu nu aw no tawk ang chuan ka ti ve , U hriata hriat phak tur tawk ngei chuan, hello Ben,, enge ni ta, min ngai tawh emni ka ti a, Loud ah ka dah, Bena chuan aih,, englo Lungphur I kai khan, engtin nge I tih kha, a rawn ti daih, hepa tak hi chu, loud a ka dah chu ka titawp nghal, U hriata chu a lo nui suk a.

An seniori lah chuan ani chu a thlakhlelh hmel bik em em mai leh nghal a, Bena ve hi chu mawl lutuk. Chinai nge. Maida in hnawih \hin kh^, tih vel min rawn zawt, a thil min zawh vel chu ngaihsak duh miah lohin ka duh ka sawi mawp mawp a, aw,, keipawn ka ngai che alawm, ahhhaa,, tumah ka be ngai lo, nangmah lo tumah ka be peih lo, Bena chuan a hriat thiam loh hmel lutuk, Nui enge awm zia, I mawl a mi a rawn ti hu.


I duhawmna hian min ti A zo vek tawh a nih hi, ka ti chiah chu, U hriata chuan,ka phone hman lai chu rawn la in a off hmak. Khatin I duh tak tak loh beiseina siam zawngin be tawh suh, an rilru I ti na ang, thu tak deuh chuan a rawn ti sup a, Ka duh tak tak leh tak tak loh I hria emni ngawt ka ti leh kher ka thinrim a cho chhuak a, ka thinrim ve laklawh tawh!
A tawk, thinrim tawh suh, kan senior ka be tak tak lo, Thy-I a nih kha ka biak, tiin ka kut chu a vuan a, zanah chuan ka rawn kal ang, I Umami chu hna thilah ka kawm lawk duh, ka chho ang e a ti a, ka biangah chuan min fawp zeuh a, Pi saii thil zar chuan a rawn hmu leh, awi,, ava mak mawlh mawlh Nui I nu ka hrilh dawn, a rawn ti leh, saw pitar hot leh indaih lutuk saw chu ka ning a ni.


U hriata chu a nui suk a, a va nghal reuh ve a tih chuan keipawh ka nui ve tawp a, nghal lutuk, a la ler em em zui, tuisem ho te hi e,, a be thiam reuh thei sia, a la chhaih nui ar ar zel mawle, ka pi saii chuan ka mood a rawn thlak vek. Anih chho rawh. Zanah chuan lo leng ngei ngei rawh aw, karleh ah class kan \an dawn a, ka free tawh dawn bik lo a nia, ka ti a, aw le, tiin kan in thlah ta a.


Ka hna ngai eirawng ka bawl leh malh malh tawh a, ka zai rat rat a, ka phone a rawn ri leh, Bena chuan min rawn call leh a, engtin nge ka insawifiah ang, thudik ka hrilh tawp mai ang tiin rilru ka siam a, phone chu huphurh deuhin ka la a, ka chhang a, enge nichin kha a awm zia arawn ti nghal.
Ah,, U hriata nen kan in hau a, ka rawn ti vel a nih kha inthlahrung deuh chuan ka ti a, Ani lah chuan ka ring vel a ni, a ti mai a, enge min zawh duh chu ka ti leh nghal vat, ahh engmah,, ka \hianpa Gorkhali pa hian lungphur a kai a, chu chu an hnawih \hin ang kha ka rawn zawt duh che,, mahse ka hre tawh a ti nghal, e,, aw chinai a nia, ka tih rual rual chuan ka hre daih tawh a lo ti.


Um,, a \hat hlauh chu, in awmna chu a nuam em tiin ka zawt zui a, nuam a ni mai, mahse a lunglen thlak, vai leh khasi tih vel ringawt kan hmu a, ka \hianteho ka ngai lutuk, hei,, Gorkhali pakhat nen kan inkawm \hin a, a fel phian a, ani awm lo phei se chu ka haw daih duh ang, a ti bawrh bawrh a, a nih chu, lehkha te I zir em ka tih chuan, angai, zir \ha peih lo, mahse zir ve reng ang kha, keichuan, lehkha I zir \hat peih loh pawn football ah kha chuan theihtawp chhuah ang che I lar hunah I jersey ka duh hmasa ber dawn nia, ka ti a, tehreng mai, kar leh hian friendly match kan nei dawn a, khelh \hat chhoh chuan senior a luh chance a\ha lutuk, Academy player pali tal an awm tur a nia, kan sir hian min duh sak a, Proffesional contract ka sign thut mai thei a ni , a ti a, a hlim tak zet tih a aw a\ang chuan ka hre thei.


Um,, a nih chu, a nih kan dah dawn a mi, ka buai deuh a, ka tih chuan ngawi lawk, kan intiamna kha I la hria em, inthlahrung deuh chuan a ti a, engmaw ka tih chuan ka hre chhuak leh nghal,, eee,, aw, nia, ka hre reng e, ka ti a, hepa hi chu, bialnu a neih hunah a la zak dawn mawle ti rilru chungin ka nui suk a. phone chu kan dah a.


Bena chu ka ngai ve reuh hle mai, class ah min zui in, engkimah ka lamah a \ang vek \hin kha a nia, ka thil rawt a piang min support em em \hin a, kum tluana kan han inhmu tawh lo tur chu a ngaihawm dawn vung vung a ni, class \an ni ah school bulah min lo nghakin ka bag min lo ah sak vat a, class room thleng kan titi phei nghal bawrh bawrh \hin kha a nia, class \an hun chu khua a har ruih dawn a nih hi ka ti rilru a, ka eirawng bawl te ka zo a, ka intifai a.


Ka Nu leh U mami lo haw hun chu ka nghak a, tuna kan in hi chu mahnia awm hi ka hlau deuh \hin a, a hmasaah kha chuan Nu Rini a awm reng \hin a, chuloah kan colony kha a inhung \haa, misual vel pawh an hlauhawm lutuk lo, hetah ve chuan kan in a mal din a, a thlang deuh a, Pi Saii te chhung an awm leh a bak chu, saw tah a ni leh daih a, pen 100 vel daiha a nia, lang thei tho mahse ava fal ve deuh a, kawngka hi ka kalh deuh reng \hin.



Dar 6 vel chuan ka nu chu a rawn thleng a, a hnu lawkah U Mami chu a rawn thleng ve leh a, U mami chu a rawn hlim haw lutuk, enge ni thleng leh ta ni, enge u Mam, kalo ti vat, Misual kan man a nih chu, khawimaw chanchin thar kha han titeh, a tih chuan a chhuah ala hun lo, ka ti a, aw,, chu pawh nise zonet kha han titeh a ti a, tv chu kan chhuah a, zonet chanchin thar chu kan chang a, enge thleng dawn lah chu U mami chuan min hrilh duh bawk si lo.


Umami chuan Nute, tui lum a awm em, a ti leh nghal, Ka nu chuan a awm chuan keipawn ka duh a rawn ti ve leh, keipawn pawisa ka duh, kalo ti ve, U mami chuan pawisa ringawt hi ti lo tehh, Sum bak hi ngaihtuah I nei lo, sum ringawt ngaihtuah a \ha ngai lo, thawk deuh halh pah chuan a ti a, ho e, ka nu chuan a dik chiah, pawisa ringawt ngaihtuah tur ani lo, kan bible pawn sum tam tak aiin hming \hat hi thlan zawk tur a tih kha a rawn ti.


Ka sum ngaihtuah te chu a tam lo em maiah, kalo ti ve hmak a, an tui lum tur ka siam sa chu ka kawh hmuh a, U mami chuan bathroom luh pah chuan,, e kha, 2nd hand ka rawn thing haw a, I duh zawng a awm chuan thlang rawh ka bag ah khan a awm a ti a, yes tiin phur tawkin ka va en a, na,, I va han lei \hing thei tak ka tih chuan, enge maw 10 man ah chuan changkang deuh awm se itih, a rawn ti.


Cheng sawm man ka ha duh lo e a, tiin en pawh ka en peih lo, ka tih chuan U mami chuan I birthday a ka tshirt pek che pawh kha 10 man tho a nih kha, Jumble sale a mi a tih chuan, enge a bawmah khan 500 man a inti ve si, ka tih chuan, aw,, a hmaa ka leina bawmah ka pack tir a la ti zui, henu in ren lutuk hi chu, ka birthday a min present kha chu ka duh ve reng mahse,, cheng 10 man, ka van ngei tak.


Bathroom a\ang chuan a la rawn \awng zuah zuah, thlan peih chuan \ha deuh deuh a tam lutuk, en rawh I duh a awm ang, incheina te tih changkan vak tur a ni lo, Mahni hi chang kang I la, kan incheina fel fai sela, kan zahawm a ni mai a rawn ti leh, ka nu chuan, ah,, I sawi \ha viau naa, rawn \awng zuah zuah lo khan, ti vat vat teh,, ka ek a chhuak a nia, khi chanchinthar pawh an puan dawn khi a ti a, U Mami chu nui hawr hawrin ka rawn chhuak a ti a, rei vak loah chuan a rawn chhuak a.


Ka nu chu hmanhmawh tawk chuan bathroom lam chu a pan nghal, U Mami chu ava inthlak sawk sawk a, chanchin thar chu a rawn ngaithla, zan dangah pawh a ngaithla \hin tho a, tiang em em hian a ngaithla uluk ngai lo, keichuan Nula nih lai a\anga chanchin thar han nghahhlelh em em hi chu a senior thlak e, kalo ti, ngawi mai tehh a ti hmuk a. chanchin thar tualchhung chu an rawn puang ta, Zokhawthar ami Lalmuana inti hnen a\anga heroin \ha hnem tawk tak man a nih thu an rawn puang a, Lalmuana chu kum upa ve tawh lam a ni a, U mam, a to in ti hle sia, khitiangho khian engtin nge khiti zah zah an neih theih \hin a, ka tih chuan. U mami chu a chek tlak tlak a, khawimaw ka phone kha rawn la tehh a ti a, phone chu ka pe a, mi a call nghal, Sir, engvangin nge Pu lalhriatkima hming kha a rik miah loh a, a ti, a thinrim hmel tak zet, chupa chuan ahh,, khapa khan dawtin a puh a alwm mawle, a hnuah a inpuang leh vek a, Pu Kima te in leh an dawr zawng zawng pawh dap vek a ni a, chutiang awm engmah a awm lo, a hrim hrimin a chhui lam chu in hna tur pawh a ni lo a, I lo inrawlh thuk mah mah a ni a rawn ti a,



U mami chuan kan awm laiin engkim a sawi vek kha, custady ah khan a neitu dik tak a sawi kha, Police ho kutthlak a hlau a chiai in dawt a sawi kual mai mai alawm, chu chu a hnua a sawi leh dan a nia, a inpuanna kha a pawm theih loh tlat a ni, a ti a. Ka pu, nangni hian in pui \hin tiraw insehruh \euh chung chuan a ti a, ngawi hmak rawh, I inrawlh thui ta mah mah a ni, I chungah engpawh thleng se I cho chhuah a ni ang tiin phone chu a dah hmak a.


U mami chu a rawn luh tirh a, a mood leh tuna a mood chu inthlau tak a ni. U mami chuan a en ngai chu a en reng a, a bulah chuan ka va kal a, u mam, enge, ka va ti dek dek a, engmah, chaw ei siam rawh a ti hmak, engmah sawi tawh lo chuan chaw ei chu ka siam a, ka nu inthiar zo chu a rawn lut a, ka U nen a chaw kan lo kil chu a rawn en a, aw,, ka inbual min lo nghak dawn emaw ka ti a, a rawn ti.


U mami chu a ngawi ngal reng a, ka Nu chaun Lalram enge ni leh ta, nanghi I awm dan hi a inthlak thut thut mai a, I rawn haw tirh I hlim hawh hawh nen enge I chungah thleng leh ta a tih chuan, U mami chuan, ka Nu ka chungah thil eng emaw a thleng leh mai thei a ni, a ti a, ka Nu nen chuan hriat thiam loh hmel takin kan en deuh haw a.
Enge thil tihbuai I nei leh ta em ni, a tih chuan ka hre lo a ti zawi sup a, Ka nu chuan dawhkan chu rawn kilin a rawn \hu a, enge sawi tehh, eng nge I chunga thleng tur chu enge a chhan a ti nghal, U Mami chuan Pu Kima Car showroom lian tak nei kha I hria em, tv velah pawh sponsored vela in hmang nasa deuh kha, a tih chuan ka Nu chuan aw,, Kan Minister unaupa fel deuh kha maw a lo ti vat a.


U mami chuan ni e, damdawi khawihtu zingah hian a bul tum tu a nia, zokhawthar a\anga kan haw \um khan keimahni vangin an man a, Zoliana in a\anga kan chhuah chhan pawh kha a ni, thil a tithei si a, min um zui ngar ngar a, a case pawh an ti tawp a, Hmanni khan a nau te zing ami an man leh a, keimah avangin a inpuang leh a, mahse a inpuanna chuan engmah awm zia a nei leh ta lo, thu neitu ten a ka an hup leh hmak tawh a nih chu.


Chupa thinrim chuan ka chungah enge a tih dawn ka hre lo a ni, a ti a thawk a la halh a, Ka nu chu a ngawi vang vang a, Mami I thil tih chu a \ha lutuk, heng midik lo te do ngam tur leh dan hmanga an dik lohna te bei let tur leh mirethei te \anpui turin a lawm dan I zir, ka chhuang lutuk che, a ti ta daih a, keichuan, U mam, a hlauhawm e,, titawh lo mai la, an awm awmin awm tir rih mai rawh, an hausa si, an chet vein kan ngam dawn lo lutuk ka tih chuan, ka nu nen chuan an in en a, ka sawi chu dik an ti a niang, an ngawi dun vang vang a.


U Mami chuan, Nia, ka theihtawp chuan ka dang chep a, ka bei a, mahse ka tih theih a zo a nih hi, court pawh an thlen hmain engkim an titawp nghal hmak thei zel a nia, kan do te hi an lian em a ni. Chu vang chuan ka chhungkua ka ngaihtuah angai a ni, tiin chaw chu ngaihsak lo tak chuan a bar a, a rilru lak pen tum chuan, e,, U hriata’n zanah ka rawn leng ang, I U Mami biak ka duh a tia, a rawn kal ang ka tih chuan "A \hat chu rawn kal rawh se, a ti liam mai a, U Mami awm dan chu hmuh a hreawm tak zet a ni. Chaw pawh chu kan ei kham a, ka nu pawh chuan tlem te a rawn bar ve a, kan chhungkaw chungah chuan enge thleng dawn tih kan thlir \hap a ni ber ang chu,, Ka nu chuan chaw eikham chuan Pathian hnena \awng\ai a rawt a, Bible chang a chhiar a,


Ephesi Bung 6: 10 thu a\ang chuan a chhiar a, 10A tâwp berah chuan, Lalpaah leh a chakna thahruiah chuan thiltihtheihna neiin lo awm rawh u. 11Diabola ngamthlêmnate chu in do zawh nân Pathian râlthuam famkimin inthuam rawh u. 12Kan buante hi tisa leh thisen an ni si lo, lalnate leh, thuneihnate leh, he thim chunga khawvêl rorêltute leh, vân hmunahte thlarau sualho awmte an ni zâwk e. 13Chuvângin, ni ṭha lovah chuan in do zawhna tûr leh, in tih zawh vek hnu pawha in din theihna tûrin, Pathian râlthuam famkim chu la rawh u. 14Chutichuan, in kâwng chu thutaka hrêngin, felna âwmphaw chu hain, 15remna Chanchin Ṭha inbuatsaihna chu in keah bunin ding rawh u; 16chûng lo pawh chu rinna phaw la ula, chu chuan mi sual thal alh thei zawng zawng chu in timit thei ang



Thu tlem sawi zui bawkin, U Mami chu a fuih a, a \awng\ai a, a \awng\ai hnu chuan, ka Nu chuan kan boruak chu thlak a tum a ni ngei ang, bazar lama an titi hlimawm tak tak te sawiin kan nuiho ta dar dar a, Keichuan U mami hi I pass hunah scooty khalh I zir dawn ania, tun thlengin min la zir tir lo ka tih chuan, aw,, khalhna hun I nei tak tak chuang lo va,, in ah I awm hman lo palh ang a tih chuan, class scooty in ka kal ve duh alawm le, ka tih chuan ,, aw eng in nge office ka kal ve anga a tih chuan,, hm scooty thar Anu’n min lei dawn alawm ka ti leh vat.



U Mami chuan,, huiham, nang kan chhungkua a I awm hi chu a van lawmawm tak, rilru hahna hi I nei ve silo a maw,, a ti a, a nui suk a, Nu, min lei dawn tiraw I sawi vek kha ka tih chuan dawn lutuk, mahse ka lei hun tur ka sawi lo va, a tih chuan, I pass hunah itih kha ka ti nghal, pawl engzah nge ka sawi hleinem a ti leh daih, u mami chu a lo nui var var.
Ka ngei dun lutuk nangni hi in pahnih hian Nufa in ni bik, in inthurual, in phakar dun si, ka ti hluk a, Nia, nang chu Nu Rini I nei alawm an la ti zui, an sawi chhuah takah chuan ka ngai reuh lutuk ka thinrim pawh chu a reh daih, Nu rini hi ka ngai reuh, rawn leng se, ka bulah mi rawn rel mai mai se, ka ngaithla chak ka tih chuan U mami te chu an lo nui suk a.



Chutia kan titi ho dar dar lai chuan, Kawngkhar an rawn kik dat dat a, ka va hawng a, U hriata a nia, in awm maw a rawn ti, awm lo ila min hmu dawn ami, ka tih chuan, U mami chuan weinchh a lo ti vat, I ninawm , tiin lai tawk chuan u Mami chu ka va melh a, u hriata chuan ka lo lut duh, kawngkaah tak I ding run reng a, a tih chuan lo lut rawh tih pah chuan a nu bulah chuan ka \hu daih a.


Ka Nu chuan Nui thingpui han lum tehh hei, I u hriata arawn leng bawk a, thingpui hang lo in mai mai ila a ti. Ka peih lo asin le,, ti nung nung chung chuan ka tho a, U hriata chu a lo nui suk a, vawm chawrh mai ka chak, chhehchhawl tiin min chhaih leh nasa dawn.

Show post links
Top