Re: THE SICILIAN By Mario Puzo
Posted: April 4th, 2018, 10:20 pm
Chapter 4b
Guilianno chuan a ID chu phawrhin Sergeant chu a pan a, a tin rengna rifle ban phak theiha awm chu a tum ber a, chet ran leh chak lamah chuan a mah tluk tur a hre bik lo. Mahse chu pa chuan tawlh kir tura tiin, “Leiah khan theh thla rawh,” a ti a. Guilianno chuan a sawi ang chuan a ti a.
Pisciotta, Guilianno atanga pen nga vela awm chuan, a thianpa thil tum chu hrethiamin leh pistol a pai ru ran tih hre reng chungin sergeant rilru lo lak pen chu a tum a. Hma lam pan hret pahin a kawng hnung lama a chemte pai chu a khawih rauh rauh a, “Sergeant, loneitu hming kan hrilh che chuan, kan ID chu eng nge i mamawhna chhan? Intiamna chu intiamna angin a kal tur a ni dawn lo’mni?” a chawl hlek a, chutah tiel deuh takin, “Carabiniere te chuan an sawi angin an ti thin tih kan hria alawm.” He ta carabiniere tih hi huat hmel takin a sawi a ni.
Rifle kengtupa chu Pisciotta lam hawiin pen hnih khat a pen a. din pahin a silai chuan a tin a, “Le, nang inchei nalh tehzawr pa, I ID chu phawrh rawh le, I sabengtung ang hian ID chu I nei lo zawk nge? Tunge hmuihmul nei tha zawk che u?” nui sawng chungin a ti a.
Police dang pahnihte chu an lo nui a. Pisciotta mitmeng chu a de sawr a, sergeant lama pen chhuah pah chuan, “Ni lo ve, ID ka nei lo va, loneitu hriat ka nei hek lo. Heng bungruate hi kawnga tla kan chhar a nih hi,” a ti ta ngat a.
Chu a at huaina, a luhlulna zet chuan a thil tum chu a tihlawhchham chiang kher mai. Sergeant chu hnung lamah a tawlh kir a, nui chungin, “Bastinado chuan in Sicilian chaltlaina chu a tuk zal chiang ang chu, leiah khan bawk rawh u,” a ti a.
Bastinado a tih chu hruihrual leh tiang hmanga invuakna, pawlawh taka sawi dan a ni. Turi chuan Montelepre mi thenkhat, Bellampo Barrack-a an hrem dan chu a hre tawh; a then chu ke ruh tliak te, a then chu dawnfawh tia zeta lu lam vung nasa te, a then chu kawchhung lam khawih pawi avanga hnathawk thei ta lo te chu. Chutiang chuan carabinieri ho chuan a chungah an ti ve hauh lo vang. Guilianno chu bawk tur ni awm takin a thu hniam deuh a, a kut pakhata lei namin, a kut lehlam chu a kawnghren bulah dahin rang takin a kawr hnuaia pistol chu a phawi thei dawn a ni. An awmna hmun fai lai chu khaw thim tur intanah chuan a eng dul ruai a, ni chu tlangah chuan a liam daih tawh bawk a. Pisciotta chapo taka thupek zawm duh lova a ding at chu a hmu a, Cheese tlemte tawlh ruk avanga an kahhlum a ring thei lo, guard naupang pahnihte pistol kenna kut khur dar dar pawh chu a hmuh hmaih lo.
Chutih lai tak chuan sabengtung hram ri leh thil ri rawk rawk thawm chu an hnung lam atanga lo chhuakin hmun fai laiah chuan thlahpawlh sabengtung rual, chawhnu lama Guilianno-an a hmuh te kha an lo lang a. sakawr chung chuangpa chuan hma rawn hruaiin lupara hi a kokiah a pu a, a leather jacket hak chuan a tilang lian hle. Sakawr atanga lo chhuk pahin a ipte atangin Lire note tam tham fe a rawn phawrh a, rifle kengtu hnenah chuan, “hei tun tum chu sangha tlem I man a va ang ve,” a ti a, inhre sa an ni tih a hriat theih mai. A vawikhatna atan Sergeant pa chua inthlah dul a, chu pawh pawisa a lo dawn dawn vang chauh a ni a; an pahnih chuan an innuih a. chu ta awmte chuan an mitangte chu an theihnghilh a ang ta khawp mai.
Turi Guilianno chuan a mah hnaih bertu guard lam chu a hnaih hret hret a, Pisciotta pawh chuan hnim buk lam a hnaih ve hret hret bawk a; guards te chuan an hre lem lo hlauh. Turi chuan a hnaih bertu guard chu vai thluk thuai pahin Pisciotta hnenah chuan, “Tlan rawh” a ti thawt a. Pisciotta chu hnim bukah chuan a bawh lut nghal a, Guilianno pawh chu Thing awmna lamah chuan a tlan nghal bawk a. Guard pakhat zawk chu chu thil thleng thut avang chuan chet nachang pawh hre lovin a awm a. Guilianno chuan ramngaw chu thleng tepin, him ngei turah a inngai hman a; thing lian tak pahnih ding thiang lamah chuan boruakah invawrhin a bawh phei a, chu mi pah chuan a kawnga a pistol pai chu a phawi nghal zawk bawk a.
Rifle kengtu pa kha a hlauhawm ber a rin kha a ring dik zet mai, chu pa chuan a pawisa tel ken chu thlauhin a rifle chu lek kangin a kap a, a tum a hlah lo zet mai, Guilianno chu paih ang thlawrhin a hlawm thla hnawk a.
Guilianno chuan silai puak ri a hriat rual chuan a taksa chu thil rit takin rawn denga na nghal vawng vawng chu a hre thei a, tiang lian taka vuak ang mai a ni. thing pahnih inkarah chuan tla thlain thawh mai a han tum a, a thei ta hauh lo mai. A ke chu a hik mup a, a tiche thei miah lo; pistol keng reng chungin a han inher a, sergeant-in hlawhtling inti taka rifle a lek vel chu a va hmu thei a, ama kekawr chu thisen lum pup leh ban chuapin a luan huh zuih mai.
A pistol a hmeh per hma hun reilote chhung chuan Guilianno chu mak tihnain a khat a ni ber, cheese tlemte avangin an kap duh a nia, a chhungkaw ruhrel chu pawisa lovin an ti chhia a, chu pawh mi zawng zawngin an bawhchhiat dan chhete bawhchhiat avanga a tlan vang chauhin. A nu chu a dam chhungin lungngaiin a tap tawh dawn a ni. Thisen chuan a bual hlup tawh a, midang tih nat duh ngai miah lo a ni asin mawle.
Pistol chu hmetperin, rifle tla thla chu a hmu nghal a, sergeant lukhum dum boruaka vawr lawp leh a putu taksa hlawm tawpa chu lungte thil hmuna tlu lai chuan a zui leh a. chutianga hlaah chuan fuh theih loh tluk ni mahse Guilianno kutin silaimu chu hruai a, sergeant mit leh mit inkar taka chemte hriam taka va chhun ang mai a ni.
Machine Pistol chu lo puakin, sava chiar nawk nawk ang maiin a ri ta tawk tawk a, mahse pawi khawih lovin silaimu chu van lamah a kal thlawn mai mai a. chutah a reh ta tlawk tlawk a, rannung hram ri takngial pawh hriat tur a awm lo.
Turi Guilianno chu hnimbukah chuan a lum lut a, a hmelmapa hmai thisena khat vek kha a hmu hman a, chu chuan beiseina tlem a pe a. Che thei lo tawp chu a ni lo ve, thawh a tum leh a, tun tum chu a ke chuan a thawhpui ta hram a. tlan a han tuma mahse a ke lehlam chauh chu a hmang thei a, a ke lehlam chu che thei lovin a hnuk tawp a, mak a ti hle mai. A ke chu a sa pup pupin a ban chuap a, a kekawr chu a huh vek bawk, a khaw hmuh a fiah lo tan ta. Eng lam nia a hriat lamah a tlan a, mahse hmun fai laiah chuan a let leh palh ang tih a hlau thut a, kir leh tumin a inher a, mahse a tlu ta a, tla ruai ruaiin a inhria a, tawp lova tla kumkhua turah a in ngai hial a.
Hmun fai laiah ve thung kha chuan guard pa chuan a silai hmehpuah chu a chawl a. Smuggler pa kha lo thovin a kutin pawisa tel kha a keng a, guard hnenah chuan pek a tum a. mahse guard chuan a Machine pistol-a tin chung chuan, “Man I ni e.” a ti a.
Smuggler chuan, “Chan hnih chauh a sem a ngaih tawh kha, min kal tir mai rawh u.” a ti a.
Guard chuan sergeant tlu reng chu a han en a, rinhlelh rual lovin a thi chiang hle, silaimu chuan a mitmu chu a deng keh vek a, silaimu luhna hnuhma atang chuan thil tui eng zul mai lo chhuak phuan buah buahin, daidep hian a lo bawm hman reng tawh a.
“Hnimbuk zingah sawn ka va um ang a, a hliam a nih kha; a ruang nen ka lo kir leh mai ang. Tichuan pasaltha in ni mai dawn a ni, min kaltir mai rawh u,” Smuggler chuan a ti a.
Guard pakhat chuan ID, Guilianno-an sergeant thupeka a thehthlak chu a chhar a, “Salvatore Guilianno, Montelepre khua,” tiin a chhiar a. “Tun thut thutah chuan zawn a ngai lem lo ve, headquarters-ah kan report ang a, chu chu a pawimawh zawk daih” guard pakhat chuan a lo ti a.
Smuggler chuan, “Dawihzep ho,” lupara chu lek kan a tum uk a, mahse huat hmel zeta an lo en a hmuh chuan a thulh leh ta zawk a. Anni chu a hmusit tlat; chu diriamna avang chuan Sergeant chu a sakawrah an hlan tir a, barrack lam chu an panpui ta a. chumi hma chuan a ralthuam pawh an chhuh sak vek a ni. An zamin, an zam lutuk avang chuan tihpalh thil thuah an kap pal hang tih a hlau kher mai. Chumi tih lovah chuan a lungngai lutuk lem lo, Maresciallo Roccofino nen an inhre thain a hma pawhin an lo indawr tawn tawh thin a, tunah pawh an indawr leh mai ang.
Chumi chhung zawng chuan a tu amahin Pisciotta chu an hre chang lo. An sawi zawng zawng kha a hre ve vek a. hnimbuk karah chuan chemte keng chungin a biru a, Turi Guilianno veh tuma an lo kal a lo nghak a, an lo kal veleh pakhat chu lo zuanin a hrawka a zai hnuah a silai a lak sak ang tiin ruahmanna a lo siam a ni. A rilru tipaukhauhin thih hlauhna chuan hmun a chang tawh lo. Smuggler-in Turi-a ruang lak let tura a ngenna a hriat phei kha chuan, chu pa hmel chu a thluakah a tuhnghet nghal hmak a ni. Chu tia an kal san mai chu pawi a ti zawk hle a ni. A sabengtung an han hruai chuan a rilru a na zawk a.
Mahse Turi kha a hliamin puih a ngai tih a hria a, hmun fai laiah chuan kal kualin a thianpa luh bona thing hmun lam chu a pan ta a. Mahse hnimbuk hnuai velah pawh chuan a hmuh loh avangin a hmaa an lo kalna lamah khan a kir leh a.
Granite lung lianpuia a lawn hma chuan hnuhma engmah a hmu lo, chu lung chunga khuarah chuan thisen duk hi a lo tling kang a, chu lung sir lehlamah chuan thisen tharlam tak awm thla chu a hmu a, hmanhmawh takin hma lam pan chuan a tlan a, a hmaa Guilianno taksa lo mu der a hmuh chuan a phu zawk a, a kutah chuan Pistol a lo la keng reng a ni.
A bulah chuan a thingthi a, Pistol chu lain, a kawngah chuan a zep a. Chutih lai chuan Guilianno chu a lo meng a, a mitmeng chu huatnain a khat a. chu tia a lo la nun avang chuan Pisciotta chu lawmin a tap lek lek a ni. Guilianno chu din tir a tum a, mahse a zo tlat lo, “Turi, din tum teh, ka pui ang che.” Guilianno chu inbeng kangin a taksa chu a kan a, Pisciotta chuan a kawngah lo kuahin a kut chu a huh nghal vek a. Guilianno kawr a han hlim chuan a nak lo kaw phawr mai a hmuh chuan a thlaphang hle. Guilianno chu thing nghengin a thut tir a, ama kawr chu pawt thlerin Guilianno hliam chu thi chhuak titawp turin a hnawh a, a kawngah chuan a vet kual bawk a. A kut pakhata a taksaa kuahin a kut lehlamin Guilianno kut veilam chu a la a, a darah bat liamin a din pui a. Fimkhur leh muangchangin tlang atang chuan a chhuk pui ta a, hla tak atang chuan tlang panga lam te pawh an ang thei awm e.
Chutiang chuan Guilianno chuan Saint Rosalia Festa, Montelepre khaw mipui ten thil mak an khuaa a lo thlenna ni tura an ngaih chu a hmang ve thei ta lo.
A chak ngei ngeina tur silai inkahsiaknaah pawh a tel thei ta lo va, sakawr intlansiak, a chunga chuangin a elpuite lu a tiang leh hruihrual hmanga an invuak thinna te, halmawi, rawng eng leh hring leh senno tena van an cheimawi chiai chiai te pawh a hmu thei ta lo vek a ni.
Almond sweet - carrot, hmawlhte leh tomato ang tak taka siam, a thlum luattuk avanga taksa tichawmawlh vek thei te, hmanlai rome pasaltha te- Roland, Oliver leh Charlemagne te pianhmang ang taka siam chithlum te, Ngunhnam ang taka siam sweet, de sep sepa cheimawi, naupang hovin zan an mut dawna an suangtuah vang vang thin te chu a tem leh ngai tawh lo. In lamah chuan a farnute inhualna chu a tel lovin neih a ni ta bawk a.
Sabengtung leh thlahpawlh sakawr danglam tak te inpawl tirna pawhin rah a chhuah lo va, note a hring hek lo, Montelepre mipuite hrilh a hai hle. Kum tam tak a liam hma loh chuan kha festa khan mipa la naupang tak, kha sabengtung vuantu hnenah khan thil mak a thlen tir tih reng an hre phak lo.
Guilianno chuan a ID chu phawrhin Sergeant chu a pan a, a tin rengna rifle ban phak theiha awm chu a tum ber a, chet ran leh chak lamah chuan a mah tluk tur a hre bik lo. Mahse chu pa chuan tawlh kir tura tiin, “Leiah khan theh thla rawh,” a ti a. Guilianno chuan a sawi ang chuan a ti a.
Pisciotta, Guilianno atanga pen nga vela awm chuan, a thianpa thil tum chu hrethiamin leh pistol a pai ru ran tih hre reng chungin sergeant rilru lo lak pen chu a tum a. Hma lam pan hret pahin a kawng hnung lama a chemte pai chu a khawih rauh rauh a, “Sergeant, loneitu hming kan hrilh che chuan, kan ID chu eng nge i mamawhna chhan? Intiamna chu intiamna angin a kal tur a ni dawn lo’mni?” a chawl hlek a, chutah tiel deuh takin, “Carabiniere te chuan an sawi angin an ti thin tih kan hria alawm.” He ta carabiniere tih hi huat hmel takin a sawi a ni.
Rifle kengtupa chu Pisciotta lam hawiin pen hnih khat a pen a. din pahin a silai chuan a tin a, “Le, nang inchei nalh tehzawr pa, I ID chu phawrh rawh le, I sabengtung ang hian ID chu I nei lo zawk nge? Tunge hmuihmul nei tha zawk che u?” nui sawng chungin a ti a.
Police dang pahnihte chu an lo nui a. Pisciotta mitmeng chu a de sawr a, sergeant lama pen chhuah pah chuan, “Ni lo ve, ID ka nei lo va, loneitu hriat ka nei hek lo. Heng bungruate hi kawnga tla kan chhar a nih hi,” a ti ta ngat a.
Chu a at huaina, a luhlulna zet chuan a thil tum chu a tihlawhchham chiang kher mai. Sergeant chu hnung lamah a tawlh kir a, nui chungin, “Bastinado chuan in Sicilian chaltlaina chu a tuk zal chiang ang chu, leiah khan bawk rawh u,” a ti a.
Bastinado a tih chu hruihrual leh tiang hmanga invuakna, pawlawh taka sawi dan a ni. Turi chuan Montelepre mi thenkhat, Bellampo Barrack-a an hrem dan chu a hre tawh; a then chu ke ruh tliak te, a then chu dawnfawh tia zeta lu lam vung nasa te, a then chu kawchhung lam khawih pawi avanga hnathawk thei ta lo te chu. Chutiang chuan carabinieri ho chuan a chungah an ti ve hauh lo vang. Guilianno chu bawk tur ni awm takin a thu hniam deuh a, a kut pakhata lei namin, a kut lehlam chu a kawnghren bulah dahin rang takin a kawr hnuaia pistol chu a phawi thei dawn a ni. An awmna hmun fai lai chu khaw thim tur intanah chuan a eng dul ruai a, ni chu tlangah chuan a liam daih tawh bawk a. Pisciotta chapo taka thupek zawm duh lova a ding at chu a hmu a, Cheese tlemte tawlh ruk avanga an kahhlum a ring thei lo, guard naupang pahnihte pistol kenna kut khur dar dar pawh chu a hmuh hmaih lo.
Chutih lai tak chuan sabengtung hram ri leh thil ri rawk rawk thawm chu an hnung lam atanga lo chhuakin hmun fai laiah chuan thlahpawlh sabengtung rual, chawhnu lama Guilianno-an a hmuh te kha an lo lang a. sakawr chung chuangpa chuan hma rawn hruaiin lupara hi a kokiah a pu a, a leather jacket hak chuan a tilang lian hle. Sakawr atanga lo chhuk pahin a ipte atangin Lire note tam tham fe a rawn phawrh a, rifle kengtu hnenah chuan, “hei tun tum chu sangha tlem I man a va ang ve,” a ti a, inhre sa an ni tih a hriat theih mai. A vawikhatna atan Sergeant pa chua inthlah dul a, chu pawh pawisa a lo dawn dawn vang chauh a ni a; an pahnih chuan an innuih a. chu ta awmte chuan an mitangte chu an theihnghilh a ang ta khawp mai.
Turi Guilianno chuan a mah hnaih bertu guard lam chu a hnaih hret hret a, Pisciotta pawh chuan hnim buk lam a hnaih ve hret hret bawk a; guards te chuan an hre lem lo hlauh. Turi chuan a hnaih bertu guard chu vai thluk thuai pahin Pisciotta hnenah chuan, “Tlan rawh” a ti thawt a. Pisciotta chu hnim bukah chuan a bawh lut nghal a, Guilianno pawh chu Thing awmna lamah chuan a tlan nghal bawk a. Guard pakhat zawk chu chu thil thleng thut avang chuan chet nachang pawh hre lovin a awm a. Guilianno chuan ramngaw chu thleng tepin, him ngei turah a inngai hman a; thing lian tak pahnih ding thiang lamah chuan boruakah invawrhin a bawh phei a, chu mi pah chuan a kawnga a pistol pai chu a phawi nghal zawk bawk a.
Rifle kengtu pa kha a hlauhawm ber a rin kha a ring dik zet mai, chu pa chuan a pawisa tel ken chu thlauhin a rifle chu lek kangin a kap a, a tum a hlah lo zet mai, Guilianno chu paih ang thlawrhin a hlawm thla hnawk a.
Guilianno chuan silai puak ri a hriat rual chuan a taksa chu thil rit takin rawn denga na nghal vawng vawng chu a hre thei a, tiang lian taka vuak ang mai a ni. thing pahnih inkarah chuan tla thlain thawh mai a han tum a, a thei ta hauh lo mai. A ke chu a hik mup a, a tiche thei miah lo; pistol keng reng chungin a han inher a, sergeant-in hlawhtling inti taka rifle a lek vel chu a va hmu thei a, ama kekawr chu thisen lum pup leh ban chuapin a luan huh zuih mai.
A pistol a hmeh per hma hun reilote chhung chuan Guilianno chu mak tihnain a khat a ni ber, cheese tlemte avangin an kap duh a nia, a chhungkaw ruhrel chu pawisa lovin an ti chhia a, chu pawh mi zawng zawngin an bawhchhiat dan chhete bawhchhiat avanga a tlan vang chauhin. A nu chu a dam chhungin lungngaiin a tap tawh dawn a ni. Thisen chuan a bual hlup tawh a, midang tih nat duh ngai miah lo a ni asin mawle.
Pistol chu hmetperin, rifle tla thla chu a hmu nghal a, sergeant lukhum dum boruaka vawr lawp leh a putu taksa hlawm tawpa chu lungte thil hmuna tlu lai chuan a zui leh a. chutianga hlaah chuan fuh theih loh tluk ni mahse Guilianno kutin silaimu chu hruai a, sergeant mit leh mit inkar taka chemte hriam taka va chhun ang mai a ni.
Machine Pistol chu lo puakin, sava chiar nawk nawk ang maiin a ri ta tawk tawk a, mahse pawi khawih lovin silaimu chu van lamah a kal thlawn mai mai a. chutah a reh ta tlawk tlawk a, rannung hram ri takngial pawh hriat tur a awm lo.
Turi Guilianno chu hnimbukah chuan a lum lut a, a hmelmapa hmai thisena khat vek kha a hmu hman a, chu chuan beiseina tlem a pe a. Che thei lo tawp chu a ni lo ve, thawh a tum leh a, tun tum chu a ke chuan a thawhpui ta hram a. tlan a han tuma mahse a ke lehlam chauh chu a hmang thei a, a ke lehlam chu che thei lovin a hnuk tawp a, mak a ti hle mai. A ke chu a sa pup pupin a ban chuap a, a kekawr chu a huh vek bawk, a khaw hmuh a fiah lo tan ta. Eng lam nia a hriat lamah a tlan a, mahse hmun fai laiah chuan a let leh palh ang tih a hlau thut a, kir leh tumin a inher a, mahse a tlu ta a, tla ruai ruaiin a inhria a, tawp lova tla kumkhua turah a in ngai hial a.
Hmun fai laiah ve thung kha chuan guard pa chuan a silai hmehpuah chu a chawl a. Smuggler pa kha lo thovin a kutin pawisa tel kha a keng a, guard hnenah chuan pek a tum a. mahse guard chuan a Machine pistol-a tin chung chuan, “Man I ni e.” a ti a.
Smuggler chuan, “Chan hnih chauh a sem a ngaih tawh kha, min kal tir mai rawh u.” a ti a.
Guard chuan sergeant tlu reng chu a han en a, rinhlelh rual lovin a thi chiang hle, silaimu chuan a mitmu chu a deng keh vek a, silaimu luhna hnuhma atang chuan thil tui eng zul mai lo chhuak phuan buah buahin, daidep hian a lo bawm hman reng tawh a.
“Hnimbuk zingah sawn ka va um ang a, a hliam a nih kha; a ruang nen ka lo kir leh mai ang. Tichuan pasaltha in ni mai dawn a ni, min kaltir mai rawh u,” Smuggler chuan a ti a.
Guard pakhat chuan ID, Guilianno-an sergeant thupeka a thehthlak chu a chhar a, “Salvatore Guilianno, Montelepre khua,” tiin a chhiar a. “Tun thut thutah chuan zawn a ngai lem lo ve, headquarters-ah kan report ang a, chu chu a pawimawh zawk daih” guard pakhat chuan a lo ti a.
Smuggler chuan, “Dawihzep ho,” lupara chu lek kan a tum uk a, mahse huat hmel zeta an lo en a hmuh chuan a thulh leh ta zawk a. Anni chu a hmusit tlat; chu diriamna avang chuan Sergeant chu a sakawrah an hlan tir a, barrack lam chu an panpui ta a. chumi hma chuan a ralthuam pawh an chhuh sak vek a ni. An zamin, an zam lutuk avang chuan tihpalh thil thuah an kap pal hang tih a hlau kher mai. Chumi tih lovah chuan a lungngai lutuk lem lo, Maresciallo Roccofino nen an inhre thain a hma pawhin an lo indawr tawn tawh thin a, tunah pawh an indawr leh mai ang.
Chumi chhung zawng chuan a tu amahin Pisciotta chu an hre chang lo. An sawi zawng zawng kha a hre ve vek a. hnimbuk karah chuan chemte keng chungin a biru a, Turi Guilianno veh tuma an lo kal a lo nghak a, an lo kal veleh pakhat chu lo zuanin a hrawka a zai hnuah a silai a lak sak ang tiin ruahmanna a lo siam a ni. A rilru tipaukhauhin thih hlauhna chuan hmun a chang tawh lo. Smuggler-in Turi-a ruang lak let tura a ngenna a hriat phei kha chuan, chu pa hmel chu a thluakah a tuhnghet nghal hmak a ni. Chu tia an kal san mai chu pawi a ti zawk hle a ni. A sabengtung an han hruai chuan a rilru a na zawk a.
Mahse Turi kha a hliamin puih a ngai tih a hria a, hmun fai laiah chuan kal kualin a thianpa luh bona thing hmun lam chu a pan ta a. Mahse hnimbuk hnuai velah pawh chuan a hmuh loh avangin a hmaa an lo kalna lamah khan a kir leh a.
Granite lung lianpuia a lawn hma chuan hnuhma engmah a hmu lo, chu lung chunga khuarah chuan thisen duk hi a lo tling kang a, chu lung sir lehlamah chuan thisen tharlam tak awm thla chu a hmu a, hmanhmawh takin hma lam pan chuan a tlan a, a hmaa Guilianno taksa lo mu der a hmuh chuan a phu zawk a, a kutah chuan Pistol a lo la keng reng a ni.
A bulah chuan a thingthi a, Pistol chu lain, a kawngah chuan a zep a. Chutih lai chuan Guilianno chu a lo meng a, a mitmeng chu huatnain a khat a. chu tia a lo la nun avang chuan Pisciotta chu lawmin a tap lek lek a ni. Guilianno chu din tir a tum a, mahse a zo tlat lo, “Turi, din tum teh, ka pui ang che.” Guilianno chu inbeng kangin a taksa chu a kan a, Pisciotta chuan a kawngah lo kuahin a kut chu a huh nghal vek a. Guilianno kawr a han hlim chuan a nak lo kaw phawr mai a hmuh chuan a thlaphang hle. Guilianno chu thing nghengin a thut tir a, ama kawr chu pawt thlerin Guilianno hliam chu thi chhuak titawp turin a hnawh a, a kawngah chuan a vet kual bawk a. A kut pakhata a taksaa kuahin a kut lehlamin Guilianno kut veilam chu a la a, a darah bat liamin a din pui a. Fimkhur leh muangchangin tlang atang chuan a chhuk pui ta a, hla tak atang chuan tlang panga lam te pawh an ang thei awm e.
Chutiang chuan Guilianno chuan Saint Rosalia Festa, Montelepre khaw mipui ten thil mak an khuaa a lo thlenna ni tura an ngaih chu a hmang ve thei ta lo.
A chak ngei ngeina tur silai inkahsiaknaah pawh a tel thei ta lo va, sakawr intlansiak, a chunga chuangin a elpuite lu a tiang leh hruihrual hmanga an invuak thinna te, halmawi, rawng eng leh hring leh senno tena van an cheimawi chiai chiai te pawh a hmu thei ta lo vek a ni.
Almond sweet - carrot, hmawlhte leh tomato ang tak taka siam, a thlum luattuk avanga taksa tichawmawlh vek thei te, hmanlai rome pasaltha te- Roland, Oliver leh Charlemagne te pianhmang ang taka siam chithlum te, Ngunhnam ang taka siam sweet, de sep sepa cheimawi, naupang hovin zan an mut dawna an suangtuah vang vang thin te chu a tem leh ngai tawh lo. In lamah chuan a farnute inhualna chu a tel lovin neih a ni ta bawk a.
Sabengtung leh thlahpawlh sakawr danglam tak te inpawl tirna pawhin rah a chhuah lo va, note a hring hek lo, Montelepre mipuite hrilh a hai hle. Kum tam tak a liam hma loh chuan kha festa khan mipa la naupang tak, kha sabengtung vuantu hnenah khan thil mak a thlen tir tih reng an hre phak lo.