RECKLESS (Adult 18+ story) (Completed)

[ngaia]

19

EThan


Naktukah Allision-in ka fate a chhuahpui dawn avangin hma taka mut tir an ngai si a, kan nanny lungawi lo va thlem dai turin hun ka nei thei dawn rih lo a nih hi (a lungawi lo hle turah ka ngai ngawt a).

'Nau awm chu ka that ve na awmchhun a nia lawm' a ti lai hmel kha ka ngaihtuah chhuah apiangin tlawm ngawih ngawih hi hian ka inhria a.

Dawh theihna tlachham zet hian ka fate chu khumah mut tirin an bedtime story ka chhiar sak a, chutih chhung zawng chuan engtin nge ka siam that ang tih ngawt mai chuan ka rilru a luahkhat tlat a, kartluanin amah ka mutpui theihnan play kual velah min ngai ngei ang, sex ngawr ngawr chu ka duhber a ni lo tih hriattir ka duh a ni.

Naupang an muthilh rual chuan living room-ah ka lim phei nghal a, Logan-a tv enlai chu a remote phihthlak sak hlawkin, "Zanin i thil tih dan kha eng nge a awm zia? Engvanga Sandra kha min lo biaksak nge i nih? Mila kan hruailehnghal," Tori tana thinrim ni mah ila a hming ka lam tel hmain ka tawp ta rih a.

"Vak vak a! Mila chuan engahmah a ngaih loh tawp kha,
Sandra-i chhuahpui i hreh loh tur thu i sawi anih kha."

"Awihawm loh lutuk." ka lo ti nghek a.

"I ti chiang e mai, kar hmasa hmasa lehah a nia, Sandra chungchang ka sawi a, nangman i lenchhuahpui tur thu i sawi ngei alawm."

Couch-ah ka thu hnawk a, amah chu melh ngawt ngawt chungin nisa in a em zo ta em ni ka ti rilru a.

Ka hmai zawnah a kut a rawn perh rik khap a, "Chumi ni chu Tori'n lunch min rawn kensak nghe nghe kha."

Chuai raih hian, "Tak tak maw?" ka ti a.

"Ni e mawle, mawla, dawt ka sawi i ring a mi? A hrim hrimin eng nge khatia i rawn thinrim vak kher a, hmeichhe nalhtak ka biak hmin sak che avangin lawmthu min hrilh zawk awm tak i nia sin."

"Tori hi belbul turin min duh emaw ka lo tia." ka ti ta ngawt a.

Mak tih hmelzet hian min en huau a, "I khuaikhem tawh em?"

"Chuti kherin sawi suh." thinrim tawh sak nak lai a chutiang tawngkam hmanga Tori chungchang a sawi avang chuan anih dan tur aiin ka thinrim na a sosang tawh mah mah a ni.

"Anih leh, hmanagihna i chenpui tawh em?"

Baseball cap in a lu ah ka va vua a, "Aih, i lo buai ve na tur a awm lo, inkawm erawh zan lamah kan inkawm thin."

"Zan lamah inkawm i tih chu sex satliah lo deuh tihna em ni? Oral? Anal? tih vel" tenawm zet hian a nui zui a.
(Oral = a tih tak chu in ti lo a, in khalh sak. Anal = a kaw pangai a ti lo a mawnga tih)

"Hmeichhe tam ber chuan anal hi sex-ah an ngai lo."

Hei vang hian alawm Logan-a awmna mile 20 bial chhunga nu leh paten an fanute an kalhkhum tlat nachhan chu.

"Bro, Tori nen eng emaw chanchin in neih te chuan ti nge min hrilh ve mai loh? A chungchang ka sawi apiangin thil dang i sawi ziah a, chuta karah kar hmasa sunday zana a rawn haw khan Tori nih pui lam i ngaihtuah loh thu i sawi bawk sia."

"Keimahin ka zep ru ve rih anih tih i ngaihtuah ve lo em ni? I puanzar leh turin i hnenah thil ka sawi duh i ring reng reng em ni?" Tunah ngei pawh hian sawipui ka duh lo anih hi duh aiin ka sawi tam tawh mah mah.


"Sandra i chhuahpui chu Tori'n a ngaih pawimawh hmel vak loh kha."

Hul zet hian, "Ngai lo a niang."

"Tori hi tih takzetin i duh a ni maw?."

"Duh e, i lawm tawh em? A bula awm a nuam a, a sweetin a hmeltha bawk, a bulah darkar tam pawh awm mah ila ka ning ngai lo. Chuti chuan i pawm thei tawh em Mr. DAting expert?"

"Ka ngaihtuah che a ni."

"Eng thilah chuan nge min ngaihtuah a?"

"Tunah nupui i then hlim chauh a ni a, chuti chung chuan Tori-i hi i lak serious hmel bawk sia. Ka lo rin dan chuan amah hnaihin i kherhthlu ang chu tih nak a laiin nangmah zawk hi i tlu ta niin ka hria." A hrawk a thian kharh a, Logan vek chuan, "Zanin ka thil tih khawloh avang khan pawi ka ti takzet tih erawh chu ka hrilh duh che a ni. Tori lakah hetiang rilru hi i pu ang tih reng ka lo hre pha ve si lo a, sexy i ti satlai ve mai mai turah ka lo ngai a. Anih leh phone a va biak i tum em?"

"Ka call tawh, mahse a pick up lo."

"call leh rawh."

Ka kekawng hnunglam iptea ka phone chu la chhuakin Tori hming ka hmet chhuak a, a number chu ka dial zui nghal a, a in ring chuan ka thutna hnuai chu a rawn nghawr dar dar a, Logan nen chuan kan in en a, chutah cushion hnuai Logan-an a han zen a, Tori phone a rawn keng chhuak va va mai.

A phone a pick up loh chhan kan hre ta.

A massage notification-a rawn lang chu a scroll dan dan a.

"Khatin en ruk sak suh." tih pahin phone chu ka laksak a, coffee table-ah ka thenphei ta daih a.

"Bro, henu hi a to zek mai, a thiante zawng zawngin weekend hmanpuiah an sawm theuh anih hi," min entir a tum chuan ka duh lo a, "Unau kan nih ang in ka hrilh ang che, chet i lak vat a ngai a ni, midangin an..." a tawp ta daih a.

"MIdangin an eng hma in maw?" ka lo ti a.

"MIdangin an khuaikhem hma in."

"KHatin nikhua loh hmel deuhin sawi tawh suh ka tih kha, a hrim hrimin engvanga chutia lengchhuak a midang va kawp tura ring nge i nih reng reng a?"

"Sandra nen chhuakdunah a ngai che a ni lawm ni? A rilru a siamfel hmain chet i lak vat a ngai ni tih ka sawi mai a nia."

Chuti zawng chuan ka lo ngaithuah hauh lo mai

A beer in lai chu ka pawhthlaksak a, a sawi sel lo ve teh mial a. "Tori nen kan nih i duh lo emaw ka tia."

"Chutin ka sawi lo, Tori-i hi i lak serious lutuk ka hlau mai zawk a ni. Serious tih vel ka peih ve lo, han in khuaikhem zeuh hi ka duh tawk viau a ni kei chuan."

"I advice lah hi a thing thei bawk sia, mahse ka hmangaih tho che."

"Love you too, bro. Anih leh engtin nge in nu chu kan koh kir leh ang?"

A sawi dan kher kher tih chuh 'In nu' tih ngam chi pawh a ni lo, a kiss pawh ka la kiss lo ania...

20

Tori's POV

College ka kal lai a thawhna thin bar tam ber ang tho in tuna kan kalna bar pawh hi a thim deuh ruih a, beer rim a rim a nam rum rum a, a ri nuaih nuaih bawk.

Mahse, hetiang hi ka ngaina tlat.

Bar-ah thiandangte nena inchiahpiah nuaih tuma kal ka ni na meuh mai mahse a harsa lam deuh chu a ni a chhan chu Vivian-in a mi sawm dang ho ka hriat an awm ve mang loh vang a ni.

Ka thawmhnaw inbel taksa khuh tlem zet chuan hna a thawk tha bawk a niang, mipa min melh ru hrek hrek tu ka nei nghal der a.

Taksa pholan lam ka mood-ah a lan loh teh reng nen Vivian-in a thawmhnaw min hak luih tir tlat avangin tuna ka hak lai ka dul zawng zawng deuh tho lang thei hi ha ka ni a, ka mal pawh a lang thui viau bawk.

Mipa mit ka la viau tih chu ka hria a, mahse chu chuan min tih hlim phah chuang reng reng lo.

Viv-i moto "Theihnghilh hma zawng in tih char char mai tur' tih thu chuan keimahah tangkaina a nei thui lo khawp mai, mipa mit ka chungah a fuk deuh chuan ka vun chhungah pilbo daih mai hi ka duh a.

Bar chhung boruak chuan min chim hulh hulh a, no eng emaw zat ka thlak hnu chuan midangte bulah min nuih tir ve thei ta, Ethan-an hmeichhe dang a chhuahpui tih ka theihnghilh thleng thlak ka in zawm mial mial mai a ni.

Viv-in ka banah kai a "Lam a hun ta!" a rawn tih meuh chuan no engzat nge ka dawm hman ka hre tawh lo hrim hrim.

Bar atang chuan min kai sawn a, Club chhung light eng dulh ruihna lam panin kan inzui phei khat khat a.

Music ri ring zet karah chuan min kuah pahin, 'Ka ngai lutuk che" tiin ka beng bulah a rawn au a.

"Keipawn ka ngai che lawm! Kat-in i number a lo nei hlauh chu a tihzia ngawt mai."

Thlan hnap khawpin kan lam dun ta a. Twenty one Pilot hla 'Stressed out" hla remix a rawn rik chiah chuan min thawng dawt a. Keimahah in hmehbelin, kum 4 college-ah kalin ka zawh lak loh dan te, kum 23 mi niin babysitter ka nih dan te, ka hnathawhna pa in ka remchanna hmang tangkaia min play kual dante ka ngaihtuah kual a.

A dik lo tawp mai, a inngaihtuah lungpuam zawngin ka rui dawn tlat.

Vivi-in a condo lama let a peih loh pawhin keimahin ka va let mai ang tia ka inher dawn chiah chuan mipakhat hian min rawn nek sawk a.

Min rawn nek tu lam ka hawi chuan min lo nuih sang a.

Kan hawikual chuan Vivi nen kan lo awm dun tawh reng reng lo mai a, hla hnungber an play lai khan kan lo inthen hrang daih a ni ngei ang, hla deuh hlek a midang a be lai chu ka va hmu thui a.

Chupa chuan, "Hmelthate, lamdun ila."

Hnial ka tum zet na a, awlsam taka Ethan-an midang a lenchhuahpui dan ngaihtuah chhuakin, "Teh reng mai" ka ti ta zawk a.

Chupa chu sang tawk tak, samdum hlap mai, hmeltha tak hi a ni a, min nuih deuh reng bawk a, ka engah chuan a thawk hran lo.

Music ri rema ka taksa automatic-a a chet dik nghal thlap zel mai hi ka vanneih ve na tak pawh a ni ngei ang, tunah tak hi chuan lam aiin haw a mut ka chak ber tawh zawk chu a ni.

Minute 5 vel kan lam dun hnu chuan hla dang an rawn play tan leh chiah a. Ka sam zial tha in ka lampuipa hmai zawnah chuan ka hawi chho a, ani chuan min rawn hnaih nghal vat a.

"David ka nia" a mitmenga lam dun aia thildang zawk tih chaknaa khat chung hian min rawn en a.

A tum hriain ka lo tawlhhnung nghal vat a, helam kawngzawh hi ka duh tawh lo. Ethan-an min duh lo pawh a ni mai thei e, mahse midang ck pui erawh ka tum phah hauh lo thung. Kum 18 vel ka nih lai te kha chu nise phur zetin ka kiss ngawng ngawng ngei ang, mahse chutiang thil chu ka hne tawh a, ka peih tawh lo, ka thansan vek tawh.

Club chhung light chu a eng phe neuh neuh chiin a rawn inthlak a, room chhung a ti thim leh zual sawt a, ka thiante zawngin ka hawi kual ruai a, hlimthla leh lu hlir mai lo chu engmah ka hmu thei tawh der lo lehnghal.

"Min lampui avangin ka lawm e, ka kal tawh ang e." tiin a lak atang chuan inlakhran vat dan ka ngaihtuah a.

"Wait! kan inkawm dawn chauh emaw ka tia?"

Ka banah min rawn vawn chuan ka lu ka lo thin khum a, "Sory, ka thei tawh tlat lo.'

Kal sawn nghal mai ka tum chu ka ban a vawnna chu pawtin a lamah min hnuk hniah dawrh mai a.

Mai mai chuan le, min pawnlet ngam a ni maw?

A awmah chuan ka tha neih zawng sawm khawmin na tawkin ka nem thut a, a rin loh taka ka chet avang chuan in ring hman hek lo hnung zawngin midang karah a tawlh lut a, midang ke rap pialin chhuatah a tlu ri khut a.

Light fiah lo ruai karah ka chetdan zawng chu min lo en reng hi a lo ni a.

Ka vun a mur chem chem a, light fiah lo ruai hnuaiah chuan uluk zawkin ka ennawn leh a.

Ethan-a ngei a ni.

min rawn pan phei a, "I tha em?"

Engtin nge hetah a rawn kal ve daih theih le?

Ka mit ka khap zak zak a, ka ngaihtuhna mai em ni ang tih ka ngaihtuah a, amah ngei chu a ni sia lawm.

Min ngaihtuah hmel zet hian min en a, min en danah chuan ka lakah a lawm chiah lo anih hmel, min ngai ve deuh pawh a ni mai thei a sin. Hmanzana min kiss loh ai kha tunah min kiss mai se aw... Yes, kissing. Ethan nen chuan ka duh chiang bal.

Mahse....

Sandra nen hetah an kal dun a ni zawk mai thei asin.

"Ka tha alawm" inkuangkuah pahin ka ti a. Nichina ka nem thluk pa lam hawiin, "Keimah ka in veng ve thei"

A jeans kekawr duk lam leh inkilh ap chu hmuh hmaih har tak a ni, t-shirt hlui lam tawh nen bak ka hmu ngai si lo a, hetianga lang nalh tur hian a thlang uluk hle ta ve ang. Hmela leh.

Ka mitmenga ka rilru natzia a hmuh ka duh loh avangin lehlam ka hawi sawn vat a. Karleh monday lamah chuan engahmah ngai lo angin ka awm thei mai ang, mahse tunah rih chuan min hnarna khan min la nghawng na rih em a ni.

Ka khabeah dawmin a lam hawi chuan min kuai her a, "A khawihvel chu i ngaithei vak lo a ni maw?"

Ka maimitchhing tlat a, a chhan nan ka lu ka thing ringawt a.

Min hnaih sauh pahin, "I tha tak zet maw?"

Ka aw thinrimna thup hman lek lo in rang zet hian, "Ka tha, tunah chuan i bialnu bulah chuan va kal leh tawh rawh." ka tawngkam pawh chu a nalh chiah lo mai thei, mahse thinrim lai chuan fing taka tawng a har ve em a ni.

Muangchang hian ka dar a rawn dawm a, ka mitah tak min en theihnan a tawlh hnung deuh bawk a, "Tunah hian Sandra nen kan kal a nih i ring tihna a ni maw?"

A tihdan vel chu, min la play kual zel a tum a ni maw?

"In kal lo em ni? Anih ti nge hetah i awm?" A thawmhnaw chu en kual pahin, "I va inchei si ve"

Meng nur deuh nung chung chuan min en a, ka taksa chu a enkual dun dun a, eng emaw hi a sawi bawk a, music ring tak avang chuan eng nge a sawi tih erawh ka hre thei lo.

"Thil pakhat midang date neih laia hmeichhe dang melh kha a mawi viau lo. A bulah va kal tawh rawh."

Midang date tih tawngkam chuan ka thinrimna a ti sosang zual suah a, a awmah ka kut zungchala nawrin "I hriat reng atan, hmeichhe dang i date reng chung chuan sex ka hmanpui hauh lo ang che, chu chu i thil tum a nih chuan theinghilh nghal rawh, chutiang hmeichhia ka ni lo tih i lo hre dawn nia. Chuan i nupui nen khan in inthen tak tak reng em? Nge ni a, a hriat lohin i lerh kual vel zawk?"

A kut lian zet chuan a awma ka nawrna kut zungtang chu man in a lamah min pawt hnai a. "Karlehah inthenna kan ti fel dawn a, kum khat chuang kan awmdun toh lo hrim hrim a, chumi hma daih, kan in atanga a chhuah hma pawh khan kan inkar thu kan ti tawp fel diam tawh zawk. Chuan maw, tunah hian Sandra nen kan chhuak dun lo, nangmah avang liau liau a heta rawn kal hi ka ni."

"Eng maw?" hrethiam lo zet hian ka ti a.

Ka zawhna min chhang ta lo chuan ka ban chu la in a nghawngah min kuah tir a, a taksa hrawl leh khawng tang mai si chet chuan min pawt hnai a. Chutah aw ril ruih mai hian ka beng bulah, "I u in i kalna min hrilh a, nangmah zawng turin ka rawn kal vang vang a nih hi." a ti ta a.

"Keimah vangin i rawn kal tak tak maw?"

Min nuih ringawt a.

Keimah avang liau liau in hetah a rawn kal anih chu.

Ka nuih let lo thei lo.

"Sandra nen in rawn kal dun lo tak tak maw?" ka ti leh hram a, rui viau mahila chiang takin ka hre duh a ni ve mai a ni.

A mitmeng chu a nem sawt a, ka hmui si lo chiaha a hmui chu rawn ti hnaiin, "Engvangin nge Sandra chu ka date duh ang, ka hmuh phat atanga ka rilru a thi thei lo hetah i awm reng lai hian."

Ka nui ta a, tuna ka awmdan chiah hi a nuam tih bak ka sawi thiam lo, ka lung a awi nghal veng veng ringawt mai a ni. hmanzana ka hriat hman tak loh a taksa kha hre tawh turin ka inpeih leh ta thlap mai.

Fimkhurna ka rilruah a rawn lut ve nghal zat a.

Engmah hmanhmawh takin ti rum rum suh.

Inphelh ruah lam phei chu la ngaihtuah rih suh, ruaka i awm hian anih kha buaina a in tan thin.

Bakah nizan dinner a thil awmdan chiah kha min hrilhfiah ve phawt ka phu a ni lawm ni? Rui viau mah ila ka la hre ve kar.