Thinlung BY Kimkimi tlau (Completed)

[ngaia]

Kan in kawt ka phiah fai hliau hliau laiin Thawveng zetin Angaihi alo kal a, " Kawr kha ka ṭhui zo tawh a, Naktukah kan ha thei dawn anih hi " tiin sarang dum hi ka lamah alo vawr a, ka inring lo bawk nen dawng hman lo in lei ah atla thla a, Angaihi a chek tlak tlak mai. " A bal ang e chhar vat vat rawh " ati a, " Sarang chhungah a awm hi abal lovang" Ti nang nangin ka chhar ta tho a, " i in peih chuan ha chhin la, thil hrilh tur che ka nei ania aw " Ti leh zung zungin a nui hawk hawka, angaihna hrelo fe in ka melh reng ringawt.

Hnah ro tla ka phiah khawm chu rut sawk sawkin Angaihi'n min tur leh sek tawh bawk nen ka che hmanhmawh lutuk chu ka lu te ahai vek dawnin ka hria. " Min tur sek zel suh " ka tih lah in " Tur loh chuan i muang alawm, i hak chhin lai ka en duh a, sawi tur ka nei bawka, Ka awmrei chuan kanu'n min hau leh dawn asin, ka tuar ai i tuar peih ami? " Ati hlak hlaka, ka nuih tawp. " Latei a awm reng alawm, U Mawii pawh a awm a " bawlhhlawhbawm dah ṭhat paha ka tih chuan " Sawilo teh, anni hnathawh leh ka hnathawh a in anglo, Latei chuan Nau a awm a, U Mawii lahin eirawng abawl tlawnga. Engmah tih an tum tawh hleinem, abak zawng chu ka tihtur vek " duhthawh fe hian ati a, "Pa Dika te hi chuan mipa treat hian an treat tlat tawh che " "Ni reng e, Ka u te tih ang apiang min tih tir vezel alawm" ati hlak hlaka, hah hmel deuhin thawpui ala vak lehnghal.

Room ah kan inzui lut a, "'Ka inbual hunah ka ha chhin maiang' ka tih pawn 'Ha mai mai rawh ' atih tlat avangin Thlan chuap chung chuan kawr chu ka ha chhin a, "Kei aiin i inhmeh daih zawk alawm, " min thlek kual thuak pahin ati a, mi hi afak thiam thei asin. " A chhing mah mah lo maw " A hmawr pawh neuh neuh paha ka tih chuan ka kut ah abeng sawk a "Tunlaiah sunday kawr fual deuh deuhin an ha tawh ngailo " ati hlaka, Kawr min ṭhuisak apiang in hetiang hian ati ve ziah.

Hmani deuh khan Nu Hlimi'n Puanthan min leisak a, 'a in ang in ṭhui ang ' atih miau avangin ka rem ti ve maia, Aṭhui dan design zawng zawng aman abuaipui vek a, A mit hi a lerh reuh a, beisei loh deuh in nalh deuh deuh hian alo ṭhui chhuak leh nawlh zel a; mahse, aṭhui hnuhnun apiang a chhing tulh tulh mai hi chu amak kati a, sawi sel lahin 'A tunlai, thil tunlai te hi ihrelo lutuk ' ati hlur zela, hnial leh sawiselin awmzia aneilo reng reng. Pahnih vel min ṭhuisak leh hunah chuan dul lang theiin aṭhui tawh maithei ani, Tuna ka kawr hak chhin pawh hi analh lutuk a, in hmeh pawh ka inti mahse, sawi leh sawi hnu achhing deuh kati a, chhing over erawh ani chuanglo; Angaihi sawi ang hian tunlaiah Hmeichhia te hian Sunday kawr hi kan duh chhing tawh hrim hrima, tuna ka kawr pawh hi midang aiin a chhing chuanglo, keimah ka confi lo ṭhin hi abuaithlakna ania.

Ka puan bih tur thlenga min thlansak leh hnuah khumah chuan kan ṭhu dun a, " Eng nge i sawi tur chu, Eirawngbawl ahun leh maidawn " Kati a, ahmel aṭangin englam nge asawi dawn tih ka hrethiamlo, Nidangah chuan a hmel landan aṭang hian athusawi tur awm ang hi chu ka ring thiam mai ṭhina tun ṭum erawh rindan ka nei thiamlo tlat.

" Pahnih sawi tur ka nei a " tiin a chawl det a, keiin a thusawi leh tur kalo ngaichang ran a, " Thianga te scooty in an accident a " Ati a, anui pah vur vur lehnghal athilsawi leh alandan chu a inmil hlawlo a, dawt min hrilh anih ka ring tlat. " I daw thei sia, sawi ṭha mai maiteh " ka tih chuan ka chalah alo nam dawt a " Dawt ka sawi reng renglo " Ati a, " I hmel landan leh i thilsawi kha a in rem miahlo ania aw " Ner nangin kala ti hram a. Kan ṭhianpa accident thu asawi a anui vur vur bawk si athusawi hi awih thlap ahar em asin, " Kala sawi zo hleinem " Tiin anui kar kara, nur nangin ka melh reng ringawt.


" Khawiah nge an accident reng reng, mi a phur ami " Ka tih chuan " Aw phur e, Khutah vengthlang Pi Zahliri te in bula kawngkualah khan ania, a kual laiah tak khan an accident alawm, ahmu tuten an bawihsawm a, an mangan tehlul nen Thianga ber kha alo thi der a, Pu Mafaka phei chu athinrim lek lek anti, Ramthianghlima mawl zia hi chu e miin mangang deuha an bawihsawm laiin alo thi der vel a, Pu Mafaka a thinrim pawh hi a awm lutuk " Ati a, Ka nui ve hak hak mai, Angaihi nuih chhan ka hrethiam ve chiah bawk. " An na lo tihna ami? " Ka tih chuan "Jerry nen an inphur a, Thianga'n akhalh anih hmel, an vannei tawp an vunchhe pilh bak hliam sawi tham an neilo a" ati leh zung zunga, " An vannei tak hlemai, Thianga hi chu a fimkhur silo a, an tlu na ang tih ahlauhawm " ka ti mawlh mawlh a, Thianga thi der vel mawlh chuan ka nuih ala ti za a, Thianga hmel nen ka mitthla kuala, anuih loh theih loh reng reng, Hmai chhana a thih der chhan zawh a chakawm.

Thianga chu sawisak chhunzawmin Angaihi chu anui uar uar a, a sawisa bet thei si, Thianga chu a hahchhiau nasa ngawt ang. " Awi! Ka hawn ahun maidawn " Ti hliai in a ke aper dat a, " Ala hma " Ka tih chuan min en in aner nang a, " Ka sawi leh tur hi chu a serious deuh a, ka hrilh ang che nge hrilh lovang che tih ka ngaihtuah nasa a, thudik ani em tih pawh ka hre chuanglo a, midang sawi pawh ilo hre tawh maithei a. mahse, ka ṭhiannu i ni a, i laka thil zep neih hi hreawm kati bawk si " Ti duahin thutak deuh hian min en ran a, nichin lawka nui uar uar kha a ang leh tawhlo hrim hrim.

" Inlak mitak vak angailo sawi mairawh " Dawhtheilo zetin kati a, pehhel deuha thilsawi hi athiam lutuka aninawm tlat. " U Saii hi Zirtirtu Zara in ah an hmu zeuh zeuh a, Englo...an in ngaizawng e ka tihna anilo ania, thu chiang ka hre biklo na in mite hian dawt muhlum tawp chu an sawi ngailo a, kanu pawn Zirtirtupa in a U Saii lut lai chu ahmu aniang " Angaihi thusawi te chuan ka thisen luang lai hi an ti muang rawih rawih a, ka thawk lak te chu asak ṭalh ṭalh bawk. Kalo rinhlel kha adik tihna anithei mai angem? Engvangin nge Zirtirtupa in ah chuan kal angaih kher ang? Vawikhat mai pawh anillo tihna ania, Zawhna ka in zawt zut zuta, chhanna erawh ka hre der silo, U Mama hi ka biak ngei ngei angai; Ahma khan sawipui katum ngei a mahse, keima tawkah ka buai ve ṭhin em avangin kalo mangnghilh ta daih kha ania, tunah chuan ka sawipui tak tak tawh ang.


" Rin chhiat ngawt tur ka tihna lam anilo ania, aaaa..ka sawi tum chu ihrethiam maiang " Ati nawi niai a, amitmeng thleng chuan abuai ve nak mai. " Lungngai suh keipawn ka ringhlel deuh alawm, ka buai ve ṭhin bawk nen ka u ka sawipui ang ka tih laiin kalo mangnghilh leh daih a" Kati sep a, " I sawipui hunah pawh ka hming sawi lang kher suh aw, miin an sawi nasa a iti tawp dawn nia, dawt pawh ani vek chuanglo bawk a " ati zung zunga, "Aw le ' ti mawl tawpin akhat tawkin thawpui kala halh zel a, Angaihi pawh angawi ve kar mai.


Angaihi hawn hnuah chuan rilru mang deuhin room ah kala awm reng a, Ngaihtuahna a phir nuai mai. Awmzia a awm dawnlo tih hre mahila 'U Saii hian ka u a uire san tak tak angem? ' tih vel chuan ka thluak an chhuahsan thei chuanglo a, minti tawt ṭun mai. Chutia ngaihtuah tur bik pawh nei thiamlo a ka ṭhut chawrh chawrh lai chuan ka phone alo ri a, ka charge daih avangin la turin ka tho vata, caller id ka en chuan U Mafela alo la ni zui.


" Umm " " Ummm, chauh maw " Nuihza aw lek lek hian alo ti a, " Anih mai loh ten Eng nge nivak ang " ka tih chuan alo nui hawka, " Terteknu, vawiin ah min lo ngai em? " Ati cool ruih a, a aw hi chu amawi kati ve thlawt. Chhan tuma ka an zuai lai chuan " Eng nge ila tih a " ti ri ka hria a, hmeichhia ani bawk. Ka ka chu ka chip hmaka engmah sawi ka tum rihlo, ka awm chhung danglam zawk chu ka hrechiang viau a, " Kawngka kik ta che " Chang bawlin U Mafela chuan ati a, " Oh..chutianga tih angaih kalo ring lova " hmeichhenu chuan ati no leh nghalh a, call chu ka dah daih dawn mawni. " Ngai e, pawimawh a awm loh chuan min va chhuahsan ta che ka bialnu ka bia a, tihbuai ka duh rihlo " Ka lungawi lo hman lek lek kha ania, U Mafela thusawi chuan awm ati nuam veng veng a, ka lungawi loh khum dawn lo hrim hrim.

" Ka ṭawng i hre theilo ami? " Ring deuh taka U Mafela'n atih chuan Phone call ka hmang tih ka hrechhuak leh chiah a, ka ngaihtuah kalo kawm thui leh deuh anih hmel e, "Aih..Aw hrethei " Kati nawk nawk a, "I lungawilo ami? " Zawi sup a atih chuan kalu ka thing vaka, min hmu theilo tih ka hriat rualin ka lei ka chhuah vak ringawt, Hepa hian min talbuai tir ṭhin takzet ani. " Aih, i buai sia nghah pah che in thil kalo ngaihtuah mai mai alawm " Tiin ka nui a, a riin ka nui kher bawk, ka nuih rik loh chuan phone call aṭangin ka hmel ahmu thei silo a, ka lungawi lo emaw ati ang tih ka hlau ani, lungawi loh laiin tumah an nui ri kher dawnlo tih hrethiamin ka lungawi tih chu a man thiam maiang.

" Eng nge i ngaihtuah " A aw aṭang chuan alawm hmel vaklo a, " Thil te te " ka nuih har har laiin U Mafela chu arum nghut a, " Kan inbiak laiin thildang i lo ngaihtuah vel maw " Ati hluka, a lawm loh chhan ka hrethiam chiah. Amah tho ka ngaihtuah tih hria se, chhum bung deuh deuh hian aṭawng miah lovang " I thik ami? " awi! Ka zah loh reuh zia hi, hetiang hian kan in ngaihzawn aṭangin kala chhaih ngailo hrim hrim, phone call nilo sela chuan ka chhaih ngam kherlo bawk ang. " Thik bawklo e a, min be chaklo anihkha" Ati hmuk a, alo ṭawngdan vel chu ka lawm reuh lutuk, a hmel landan tur ka mitthla a, tunah tak hi chuan amitmeng ah a lawm loh zia lan chhuah tir in, a hmui a chip leh hmak tawh ang.

" Mahni an inthik ngailo " Fan raihin kati a, reilote chhung chu thawm areh duk a," Min ngaihtuah ami? " Nichina a aw nelawm loh zet kha abo leh vek tawh. ka aw thian kharh in "Tunge khanu kha " ka ti daiha, kan thu khel lai kha chu sawi chhunzawm chi anilo, anghal roh si, kan inhmuh hunah min fiam ṭalh atum leh dawn tih ka hria a, sawizawm chi anilo hrim hrim. " Phakar lo maiteh, sawi chiang rawh " Alo tih chuan " I zep dawn maw? " Kati nghat a, " Lindai anih kha, Nurse lo thawk thar ka tihkha i hria em? " Alo ti dut duta, 'Aw' tiin ka chhang vat; Nurse thar kan nei a, Alo zawmna pawh ala reilo Khawpui nula ani a, U Mafela sawi danin Aizawlah an thawk dun ṭhin ani awm e. Ahmel pawh kala hmu chiahlo a, nu ṭhenkhat sawi danin ahmel chhe vaklo tih leh a fel hle tih chu ka hre ve a, U Mafela te in ah a khawsa ve rih tih pawh ka hria, hei erawh U Mafela min hrilh ani thung.

" I rilru alo nawm loh phah ang e, engmah ngaih kawih tur a awmlo ania, hmeichhe ho hi chu in zeldin peih thei si " alo ti duah a, alo in tlawh khalh lawk lutuk chuan ka nuih ati za angreng a, " Ka hrethiam alawm, ka rinna ti chhe duh tur khawpa hmeichhe rawp i nilo tih ka hria " Ka tih chuan, anui a. " Nanglo midang chu hmuihmul nei vek" lo ti leh in amah chu anui hawk a, kei pawh ka nuih aza ve tho, kan nui dun a, kan inkar boruak hi chu a dam ruih a, a thlamuan thlakin anuam em em mai ani.

Kan in hau lo chu ani biklo a, thu in chuh chang kan nei fo a, ka dik loh na a ka hnial luih ṭang ṭang chang te hian, adik zawk ni mahse tlawm ahreh ngailo a, Ngaihdam min dil a hreh ngai heklo. min duat hluak ngailo na in min ngaihsak a, Min chik in ka lungawi loh chang a tuman an hriat thiam loh lai pawn ka danglam hret na te hi a hre chat chat zel. in ngaizawng rei tak kanla nilo a; Mahse a chezia leh a ṭawngkama min duhna leh duatna atih lan reng ṭhin avang te hian aniang, ka nuna a lailum ber aluah tawh thung, In duh tur te, in hmangaih tur te hian hun rei tak hi alo ngai hauhlo a, Thinlung in a pawm leh a thlan tawh chuan hun hian awmzia aneilo. Chu chu U Mafela ka tawn aṭang hian kahria, ka hmangaih chu kala ti thei rihlo a mahse, ka duh takzet tih leh ka nuna mi pawimawh tak ani tih chu ka hrechiang ani.



U Mafela nen kan inbiak zawh chuan ka rilru buai nuai nuai pawh kha azia ta deuh a, tlem chuan ka harhvang veleh deuh tawh. Room aṭang chuan ka chhuak a, in chhung chu a reh ṭhuap a, Choka lama thawm ri rak rak bak thawm dang a awm lo, Choka chu ka pan ding a, "Ehe! Mampui nangmah elaw " Choka a lo awm chu ka rin loh lam daih ani, U Nguri anih ka rin laiin Mampuia zawk alo ni a. " I chau ṭhin sia Zanin tlai chu kalo chhawk ang che, U Nguri lah a in fit tawhlo si " ati zung zunga, a nui pah var var bawk.

" I mood ava ṭha ve " Chair pawt chhuakin ka ṭhu a, a che vel phur sarh chu ka thlir reng " Eirawng ka bawl vang hian maw! Nidangah pawh ka bawl chhawk fo che a" ati a, nidang chu nise a tum zui bur anga, eirawng pawh abawl chhunzawm duh miah lovang, tun ṭum erawh lungawi loh tum viau mahse, a mood aṭha ngang ani mahna anui hmel athup hleitheilo a. " Mampui, i u hian ka hrechiang ve tawk che ania, thil ṭha lam anih ka ring ve ngawt a " Dawhkan khuh na thai kual neuh neuh pah chuan kati a, Chik deuhin ka melh kar bawk.

" Okey..ka tlawm e " a ban a phar zeuha ka nuih hak hak mai, " Sawila, eng in nge kanau Hmelṭha hi hetiang taka lo ti hlim tih hriat a chakawm alawm " Uar deuhin kati a, "Rarai'n min chhang tawh a " phur fe a atih chuan, keipawn ka kut kalo beng thak a, " Ava ṭha ve mahse, ka thusawi kha vawng reng rawh aw, ngaihzawng i neih pawn uchuak taka awm loh tur. Tin, zirlai ini a i zirlai tibuai khawpa i luangliam anih chuan mipa diktak i nilo tihna animai, mipa chu engkimah a in control thiam tur ani a, tawk chin insiam thiam apiang hian arualin ngaihzawng leh hlawntlinna an nei kawp ṭhin, in ngaihzawn lai aṭanga hmeichhe thuhnuaia awm nghal te hi aṭhing a, nupui ngam lo nih phei chi a ṭhing lehzual " Kati duah a, abialnu hi a duh hle tih ka hrechiang si a, a zirlai a buai phah ka hlau ani, Mampuia hi chuan lehkha hi zir zel se, sang tak thleng ve ngei turin ka duh.

" Boy nilo in Man alawm ka nih, hlauthawng duh suh, ka zirlai tibuai tur in engmah ka ti lovang " Min nuih ver vera, "Hmeichhia te hi kan hlu a, kan hlutna ti zualtu kan thianghlimna hi keimahni chauh in kan venghim zo ṭhinlo, kan mipa duhtakte lakah chuan kan nem a, kan pangchang in an tan chuan ui kan nei ngailo. Kan ngaihtuahna a tawi a, an mahni ah kan rinna zawng zawng kan nghat ṭhin tih hrereng la. A pachang zawk i nih avangin i bialnu hlutna leh zahawmna chu i venpui tur ani a, Pathian hriatpuina lo chuan sex hmang miah suh. I nupui atana i duh tak hmeichhia pawh ngaizawng la ahun hma chuan i insum tur ani " Ka ti leh duah a, Mampuia chu a ner aner mai.

" Eng nge i hriat a " ati hluai a, a thil tih lai chu a chawlhsan chuanglo, " I a roh si a, tlang taka ka sawi loh chuan sawn i thlak ang tih ka hlau alawm " Tiin ka nuih hak haka, Ka naua chu a insiam chhe nasa khawpmai. "Sex hlutna hrelo lutuk leh an ngaihzawngte mutpui zel tum ṭhin ho hian an duh ai hmaah nupui an nei a, an duhthlanna in an chesual a, an duhthlan ni miah lo hmeichhia nupui ah an neih angai leh ṭhin, Nun uluk phawt hi aṭha Mahni duhzawng tak neihna kawng anibawk" ka tih leh chuan "Va mu leh teh, ka mood i ti khawlo zo dawn " ati hmuka a thinrim lo tih erawh ka hria.

Ka nau hian duhdah deuhin anun ahmang ang tih ka hlau em a, chuvang a hetianga sawi duah hi kani; tunlaiah chuan mihring hi kan mak tawh a, Mipa ho lahin Ngaihzawng tur uluk silo in nupui tur an duh uluk leh hle a, hmeichhia te pawh chuti bawk, Bialpa atan bike nei, hlawh nei lemlo an iai loh laiin pasal atan chuan hlawh nei an han duh leh tlat a. ngaihzawng pakhat mai duh tawk lovin In kawp an hrat si, in kawp te hi intihtheih nan anla hmang zui a, Nula leh tlangval kara in ngaihzawnna Thianghlim leh hlimawm zet te hi anti hlu lo zo vek in kahria.
.
.

" Ilo kal dawnlo maw " Room aṭanga kapa lo chhuak chuan kanu ṭhutna bula din pahin ati a, " Dawnlo " Lawm loh hmel deuhin kanu'n ati hmaka, kapa pawh ngaihven lo chuan phone chu ala bihsan ngar ngar bawk. " Pa khwnge i kal dawn " Zawh ka tum lai takin U Hlua'n ati a, " Kapa ka zu tlawh teh ang, tunlai chu ka kal khat leh deuh a " Ati dam diai a; kan hnung deuha kapu dam loh aṭang khan kapa pawh kapu te in lamah a kal tam veleh deuh tawha, kanu erawh vawi1 bak akal awm ka hrelo.

" Tlaiah khan ka kal zuai a, kapu pawh a tlangval riau kha" U Hlua'n atih chuan kapa chu abu nghata " ka tlawh khat deuh hian an lawm lo riau ṭhin a, an tar tawh si a, ngaihven ve reng loh chuan " Kapa'n ati a, "Nia, tlaiah pawh 'Ipa hi alo kal ngailo lutuka, eng nge atih ' atih kha, kapu leh kapi te hi chuan an ngai bik tlat zel che " ka u pawn ati leh bawrh bawrh a. " Nu, nangpawh engmah itih loh te chuan kalpui vela " Mampuia'n alo ti zeuh a, kapa pawn kanu chu a ngaichang deuhin kahria, " ka peihlo e, An inti hrang kual lutuk hi ka ngaitheilo, an fapa leh an unaupa hi alawm an thlakhlel " ati hmak hmaka, "I ngai kawi mai mai anihkha, kanu pawn angai ve ṭhin che a, titi pui tur te pawh aduh alawm " Kapa chuan ala ti dam dap tho a, " Ka kal peihlo ka hmanlo " tiin kanu chu atho a, room ah alut nghal daih.

" Pa, kava thlah ang che " U Hlua'n ati vata, " Pa, kan pahnihin kan kal zawk dawn mi? " Kapa hrilhhai hmel chu ka hmu thei thlawtlo, " Angailo e, keimah in ka zu kalang" Anui a, anuih erawh a za hlawllo tih chu ahriat. " Ka thlah ang che' U Hlua'n alo ti leh a " Aih, ke in ka kal zawkang " tih leh kal arual a, " Kanu pawh hi ati mak ve e, engmah ati awm tawp silo a, kalpui ve mai tur ania " Mampuia'n atih chuan, U Hlua'n akhap vata " Lehkha i zir dawnlo ami?" ati ta daih a, Mampuia chu aner nang mai. "Zir dawn e, ala hma " ati a, tho thurh in room ah alut nghal daih, " A puitling ve tawh a, naupang anga nawr tet tet tur ani tawhlo, i mak thei emai, i ti hel zawk daih ang tih ahlauhawm " U Nguri'n anpa melh ram ram pahin ati hlak hlaka, U Hlua chuan chhanglet lemlo in anui suk suk a, U Nguri dul chu a chul sek bawk.

Ka u te nupa nen kan titi mawlh mawlh laiin, in chei deuh hian room aṭangin U Faki alo chhuak a, " Faki chhuah i tum alaw " U Hlua'n atih chuan U Faki pawh ading dat a, "Nanui birthday ah ka kal dawn " ati a, " Duh aiin zanah i chhuak tam tlat, zanin chu ka phalsak leh che anga zan dangah erawh aṭul tawp ah lo chuan i chhuak tawh lovang" ati khauh faka, U Faki chuan chhan pawh achhang tawhlo. Kan chhungkua hi chu kan ni nuai nuai a, In chhungah hian hahdamna hi a awm hlawllo, kan in remlo ṭhum a, in pawh taka titi bawrh bawrh hi a awm ve ngailo, kan nui a, kan hlim silo a, kan inbia a thinlung takin kan in pawh chuanglo.


" U Ngur, i neih ahnai tawh sia i huphurh em? " Kan boruak ṭang deuh tih ziaawm nan kati a, " Huphurh ve tho e, Fa nei tawh ho lahin anat thu vek an sawi si a, achang chuan hriau in vit ila thep leh suai suai se kati mahse, fa neih chu ka chak ve tawh tho a " adul chu pahin anui hak haka. "A huphurh awm e tiraw? Hmeichhe ṭhenkhat hian rai hi an han chak viau a, keichu ka rap e" tiin ka ner nanga, "Nupa in a an hmachhawp hmasak ber chu fa neih ani a, nakinah pasal i neih hunah chuan rap lam i ngaihtuah si se dawn teuhlo mai, rai vat vat i chak zawk ang " U Nguri'n ati bawrh bawrh a, kala tawn loh vang nge 'A chakawm lo e' ka rilru chuan kala ti tho.

Naute chanchin sawi zawma kan phul hlut lai chuan "Kan lo leng dawn " Tiin Angaihi alo lut a, ahnungah Amosa leh Thianga bakah Vena leh Erica anlo tel ve a, Thianga chuan a ke ati na deuh aniang alo bai lut auh auh a, ahmel ka hmuh chuan eng amah hmain ka nuih aza ringawt lehnghal. " Min lo nuih lo maiteh " Couch ah aṭhu thla hnawka, amah leh ka u te nupa tih loh chu kan ṭhen ṭha hlawm a, "I ke ana alaw Thianga " U Hlua'n atih chuan "Scooty ka lampui alawm mawle " ati maia, Sawi pehhel viau mahse ka u chuan ahrethiam tho ang.

A hrethiam tih hriat takin " Ava zialo ve a, i tlu na lo maw " ati ta reng a, " Tlu nalo e.." tiin a sawi zawh hma chuan "Athi der a, abuaipuitu te an buai teh asin " Erica'n alo tih khalh zung zunga, keini ho chu kan nui dar dar mai. "Ṭawngthei pa " Thianga chuan ati hluka, " Tinge i thih der kher " U Nguri chuan za deuha nuih awr awr pahin ati a, anui nasa lutuk chu a thilsawi pawh ahriat ṭhat theih loh.

" Nui vak vak suh, i naute kha i ka lamah alo chhuak maiang" Thianga chuan ati hmuka, a thinrim lo tih chu ka hria "Ka ka ate lutuk aleng lovang " Ngaihsam zeta U Nguri'n atih chuan " A aia te zawk hnualam aṭangin alo chhuak dawn tho alawm " Thianga chuan ala ti hrama "I mawl emai " U Nguri chuan ati a, hnial ngaihna vak ahre tawhlo aniang.

" Engtin nge in accident theih reng reng, nang lah khalh thiamlo ini silo a, kawng kual ah kher lehnghal " U Hlua chuan ati a " Ka kual peih tawh anihkha" Sam zet hian ati a, Thianga thusawi chu kan nuih leh dar dar mai. Hepa hi chu lian deuh si hian apuitling lo lutuk a, a thluak hi aṭhansan nimai hian ahriat.

U Nguri te chu an in thiarfihlim vat a, kan ṭhian ho chuan kan ri hlut mai, Erica leh Vena'n Thianga an bawl kual a, Thianga lah a phuan duh mai si a, kan nui hnem ngang mai, thingpui siam rawh min tih avangin choka ah ka awmsan a, " Thiang, i pa'n a hau lo che mi? " Angaihi'n ati a, choka aṭangin an thawm chu ka ngaithla reng, U Mafela nen kan in text pah a; msg type te hi rin ai takin ataima ve reuh a, abuai ve ṭhin bawk nen inhmuh reng atheih loh a, call a inbiak lah a rem loh chang a awm ṭhin a, msg hi alo remchang bawk nen kan inbe tam khawp mai.


" A chhe vaklo a, min hau vaklo scooty vang nilo in ka thih der avangin min hau zawka, diktak chuan Jerrya kha a in sawh nat ka hlauh avang ania ka thih der, Jerrya ṭawng ri ka hriat hnuah chiah ka meng ve ngam " Nui huah huah chungin ati a, a thawveng sia ava buaithlak tak! Thingpui chu ka sem diat diat a, midang in ngawi renga an lak mai laiin Erica pek chuan " I thingpui hi chu a cial ve thlawt " ati a, ka ner khum nasa mai. " Tikhan fiam kual suh Eric, a bialpa i ngam lovang " Angaihi'n alo tih chuan 'Ehhh' anti dual a, an aw alian in athum hlawm si an bengchheng lutuk ringawt.

"Nitak! U Mafela nen hian in in ngaizawng tak tak ami? " Erica chuan ati hluai a, ṭawngkaa chhang lo chuan ka bu nghat nghat a, " Wow..wow.. i awm chet cheta i va thur chhuak ṭha ve " Ati leh hluta, a aw afiak si amah pawh chuan bengchheng tak ani. " U Mafela zawkin alawm thur chhuak ṭha " Thianga'n alo ti khauh a, " Dik chiah " Bu nghat nghat pahin Vena alo ti ve bawka, " In over lutuk, thildang sawi ru " ti mahila " Doctor bialnu nih avanga induh nghal kher " an ti kuala, chhan ngaihna pawh ka hre tawhlo.


" Keichu ka rin zawng anilo " Kan nuih dar dar laia Amosa'n alo tih chuan thawm areh duk a, Amosa chu kan melh ṭhap bawk, " Eng nge " A aw thian kharhin Zalo zeta nui chung chuan ati a, " I rin loh chhan " Angaihi'n atih chuan "Ka u nen an inbia alawm, beisei awm deuhin abia a, tihian Kimi a ngaizawng leh daih sia " Ati hmuka, Amosa thusawi avang chuan ka thinphu a rang dawt dawt mai.

" A kawp pawh ani chuanglo a, tunah ala bereng te anih loh chuan buai chhiatna tur anih loh chu " Erica'n ati a, kei erawh kanui hleithei tawhlo, " Boruak i vaw cool vek alawm" Amosa tukhumah bensak pahin Thianga'n ati hluaia, "Ala bereng alawm, chuvang ania Kimi tan Ka duhpui vak loh " Atih leh lai chuan kawngka lamah thawm a awma, rang zetin ka hawi nghal vat a, U Mafela hmel ka hmuh chuan ka thinphu arang zual sauh. Amosa thusawi te kha thudik ani angem? Chutiang mi chu U Mafela hi aniin ka hre silo a, ka rilru abuai nuai mai, amah zawtfiah lo a thinrim nghal ngawt erawh ka tumlo a, hlauhthawnna erawh kanei thung, zawt ta ila 'Aw bia e ' atih mai te chu ka hlau a, engtik lai aṭang khan nge chan kalo hlauh tak em em pawh ka hrelo.


" Kalo tibuai che u emni? " Ti sup in keimah chu min melh ngur a, ahmel landan chu ka hrethiam chiahlo, lungawi vaklo hmel hi a pu a, alo luh tirh khan ka hamhaih bakah ka rilru abuai deuh bawk nen lut tur pawn kala sawmlo tih ka hre chhuak chiah, rang deuhin ka ṭhutna aṭang chuan ka tho a, " Tibuai teh nang lokal rawh, i lo leng hman dawnlo emaw kati a " ti zung zungin ka pan hnai vat a, "Msg i seen a min reply thei lo a " Abula ka din rual chuan ati sup a, a thusawi tlem te chuan Ka kawchhung tawt et et kha ati zia huai huai thei.

" Chat ah ka awm a, thingpui siamin choka ah ka phone ka luhsan daih a, ka ṭhiante nen kanlo titi tui deuh bawk nen phone ka khawih leh tawhlo a " Ka tih chuan abu nghata, "Ṭhu ila " ka tih chuan " Thingpui te chu ka in hman ang " tiin a kiai suk a, ava han hmelṭha tak; Ka ṭhiante chuan minlo ngaihven tawh lemlo in an ri leh bawrh bawrh tawh a. U Mafela nen an awmna lama kan kal min hmuh chuan " Lalnunkimi hlim zia khi, ka ten " Thianga'n lo ti hlutin a uak der kual vela, U Mafela pawh anui ve hawk mai.

" Ka lokal avangin min zah duh su, thingpui kalo in ringawt dawn anih hi " Ka bula lo ṭhut pah in U Mafela chuan ati dut dut a, Amosa lam kalo hawi lai tak anih avangin Amosa ner nawk chu ka hmu a, ka awm anuamlo nghal ringawt. " Lalnunkimi bialpa i nih vang hrim hrim pawn kan zah lovang che " Angaihi'n nui kar kar chungin ati a, "Iva hmelchhe tak " ka tih chuan "Hmmm" tiin a hawisawn hmaka, kan nui leh dar dar mai.

" Thingpui chu kava siam sak ve lawk ang e, lo in kawm ru aw " tih leh ka ṭhutna aṭanga thawh chu ka rual a, ka kalsawn hma chuan " Keichu haw mai kaduh, len duhna kala nei a, inlo kal ve dawn em? Hetia lo len vereng pawh kan hnawksak palh ang " Tiin Amosa chu ading a, aṭawngkam kher kher chu amak kati a, kalsawn lovin ka ding tareng a, midang pawn sawitur an hre mai biklo aniang areh duk a, U Mafela chuan a aw thian kharhin "Tibuai lah lo e, keite chu ka lengrei hman hleinem " Ati dam dap a, Amosa chuan boruak ati rit vekin kahria.

" Amos " thaw halhin kati a, a awmdan chu ka hrethiamlo takzet ani, Ka ṭhian nih atlin em em ṭhin a, ka thiltih apiang min phur pui thiam em em tu anih bakah ka mamawh chang apianga min pui ṭhintu ani bawka, keipawn ka ngaihlu takzet; Mahse, zanin a a awmdan erawh chuan minti hrilhhai a, min ṭhawng ti ila ka sawisual lo ang.

" Sava hual lai anei a, a phi leh sek tawh anih hi kanva lenpui ang e " Thianga alo ding ve vata thuawih deuhin Erica leh Vena pawh anlo ding ve nghala, Engmah sawi tawh lovin Amosa chu achhuak a, " Nuamlo ti su aw, a pangngai lo leh thut zel a" Za lo zeta nui chungin Amosa chu an zui chhuak a. "An ruala ka haw loh chuan, Amos min thlah rawh u aw" ti lang langin Angaihi pawh ahaw ve nghal daiha achhuah dawnah "Kan inbe dawn nia " ati a, chhan pawh ka chhang mumallo, thawk kala vak ringawt.


U Mafela pawh be lo in choka ah ka lut a, thingpui chhuangin a so hun ka nghak a, Amosa awmdan chuan min ṭhawng tak tak ani, zanin athilsawi leh a awmdan zawng zawng kha amak tih loh chi anilo. U Mafela min duhpui loh vang ani thei angem tih te ka ngaihtuaha, minti buai nuai mai.

" Chhuan kang i tum emni?" Ti ri ka hriat rual chuan U Mafela'n ka hnunglam aṭangin min lo khuap nghal run a, a taksa khauh ṭung mai ka hnungin a deh chuan ka hahdam huai huai thei, ka ngaihtuahna kalo vahkual tir nasa lutuk a, ka thil chhuan kalo hre tawhlo reng reng anih hi, Hnunglam aṭang chuan U Mafela zawkin gas chu alo off a, " Kalo kal chu ka tifuh vaklo in ka hria " Zuai raiha tiin ka tukhumah ahmai aphum vang vang a.

" I thiam loh a awmlo, Tiang khan sawi tawh suh " Inthiamlo deuha a awm hi ka duhlo hrim hrim, a thiam loh anilo miau a, hreawm ti deuha a awm ka duhlo ani. " I rilru a nawm loh hmel " Ka kawngah nghet zetin min kuah a, ka chesawn duh biklo, hnunglam aṭanga min kuah tlat avang chuan thingpui pawh chu ka siam theilo a, min kuah tawh lo tura hrilh erawh ka tumlo hrim hrim.

Min kuahna aṭanga tal hrang chuang lovin ka inher a, ka thil tum chu ahria ani mahna min kuahna chu aphelh thawl deuh a, min thah chuang miahlo. A mah hmachhawn zawnga ka insiamrem hnuah chuan akawngah kuah let ve in ahmelṭha zet chu ka thlir reng a, ani pawn mit khap eih lovin min melh let ve a, ka tha chu a khur ru der der mai, Amosa thusawi kha zawhfiah ngei ka duha, ka hlauthawng bawk si, ka hah vek thei.

" Zawh duh che ka nei a " Ka tih chuan, " Min Zawtla " ti sup in ka chalah a fawp a, Hreh viau mahila ka zawh loh chuan hreawm ti tur chu keimah tho kani tih ka hrechianga zawh ngei chu ka tum ani.

" U Joysie nen in in be ṭhin ami? " Kati a, ka aw chu a zawiin a ri chang chang chauh a, kan in din hnaih avang leh uluk taka ka thusawi a ngaihthlak avangin U Mafela chuan ahriat tho chu karing, ahmel ah chuan danglam eng emaw a awm em tih chu kalo en chik viau a; Mahse, U Mafela hmelah chuan danglam pakhat mah a awmlo a, a hmel landan chu a pangngai a, a mitmeng pawh a danglam eih lo.

Cont..


Comment thui deuh hnutchhiah vek ru aw
Show post links
Top