Re: Politician_Nupui_Hring_Nun #S2 BY Cck Lalchhuanawmi (Completed)
Posted: June 16th, 2024, 9:37 pm
Politician Nupui Hring nun
S-2
Chapter-13
Ziaktu: Cck Lalchhuanawmi
Zaninah ka sawipui leh ang, chutah pawh, "Chawlh hlen ka duh", a ti leh a nih chuan, ka nawrlui lo ang.
A duh ang takin chawl hlen rawh se.
Ka vui lo ang a, lunghnurin ka ânkhum hek lo ang.
Epilogue...
Class a nei lo bawk a tiin, Library-ah a inkharkhip. Zirlai awm pheuh pheuh mah se, an tibuai lem lo.
Kil khatah, tukverh lam hawiin a han ṭhu a. Politics-ah chuan a kir leh dawn em ni ang? A nupui duhtakin a sawi chhuak ta.
Sâwmtu nei reng mah se, kir a tum tawh lo. Chumi avanga a nupui hrilh lo a ni.
Thup reng theih a ni ta lo, a nupui hialin a sawi hmuh ta si a. Library aṭanga chhuakin, hmun reh deuhah kalin a Pa a bia.
A pa chuan, "Chhuanpuii berin kir leh tura a duh che chuan kir leh mai ta che. MLA-a i tling kan lawm tehlul nen, a buai chuar nasa zo ta si; a mangangthlak tak tak a ni. Beng sika ngaihtuahin Chhuanpuii nen sawi dun leh ula, thutlukna i siam chauh dawn nia", a lo ti a.
Thutlukna a siam fel der tawh, chawlh a duh a ni.
Chawlh a duh chhan pawh, a nupui duhtak hmanga MLA-a a tlinna khan na theitawpin a la vua a; a vaw(vua) sawp a ni ber.
Nitin, zantin a nupui hmel a thlirin a thinlung a kehsawm a ni.
Politician ṭha tak nih a duh, chumi atana kawng a hriat awm chhun; ṭha lo takin a kaltlangpui ta si a.
College Principal Office kawngka kik kar karin, "Sir, i buai loh chuan biak lawk che ka duh", tiin a han bia a.
Lawm takin an Principal-in a lo chhâwn.
Politics-ah a kir leh dawn nge dawn lo tih bawkah a ni thurawn a lak.
An Principal chuan, "Kei chuan ṭha ka ti khawp mai. Ei ru anga i thang te kha, kan awih lo; kan ṭan khawp che a. Ṭan man i awm reng bawk e. I nupui berin a thlawp che a ni a, kir leh ngei ngei rawh. I tling a nih chuan rinawm leh dik takin i thawk leh ang, i tling lo a nih pawhin College-ah kan lawm reng che a; Zirlai tan hna i thawk leh anga a ni mai alawm. Thlawptu i nei ṭha bawk a, kir leh ngei rawh", a ti nghet charh mai a.
Office aṭangin a chhuak a, Library-ah bawk a inkharkhip leh.
Lunch break a lo ni a, a ṭhiante bulah a thawiin a sawi leh ta. A ṭhiante ho pawhin kir leh ngei turin an lo duh.
Bân a hun a, a dawhkan a rem fel.
'Samuel Remsangpuia: Professor' name plate a han tuai heuh heuh. A lung a chhia a ni. He hna chelh tura exam leh Interview a neih lai te a han dâwn kir rauh rauh.
Politics-a zuan luhsan vang vang atan chuan a ui ṭan ta.
Professor a nih hian chhungkua an hlim zawkin a hre ta bawk. A ṭum khatna atan Hrangturzo Bialah a ding, a tling lo.
A ṭum hnihna atan Serchhip Bialah, a chhing sawk. Dik lo takin a tling a nih kha maw.
Inchhirnain a umzui reng tawh ang.
A nupui duhtak, a hmangaih em em a nghaisak dan khan a tina reng a; engtikah mah a inchhirnain a kiamsan thei ngai lo ang.
Politics-ah kir lehin, Inthlanah ding chhuak leh ta se; tling lo hlauh ta se, hun a uiawm.
Professor hna leh Politics a buk a, Professor hna buk a rit viau.
Noodles leh Kimchi leia Dawr aṭanga a chhuak chu, a nupui hlui Manoi nen an intâwk thut.
"I dam maw?", an inchibai a.
"Thingpui in ila, i hman em?", Sammy-a chuan tiin, Manoin a hnial lo.
Thingpui dawrah lutin an inhmachhawn ran.
"Khawi ramah nge i zin a?",
"Thingtlang lamah", Manoi chuan a ti a. Sammy-an a hrethiam nghal. Thingpui leh chhang an rawn chhawpsak.
"Eiin in la", a ti a. Manoi chet chu a khawr lek lek.
A hmangaih âw chu a dam diai a, han kuangkuah phei se zawng a thidang thei hial ang.
Sammy-a chuan, "An lo dam ṭha maw? Eng nge an an a?", tiin a zawt a. A âw chu a sak ṭalh.
Manoin, "Dam a ni mai ang chu, biak hleih theih a ni lo; tun hma zawng aiin a buai nasa ta mai. Inawhhlum te a tum ṭhin a, an dang thei hram zel a ni", a ti sep sep.
An ngawi dun vang vang, Manoi lungchhia chuan chil a lem ri leh khawlh ṭhin. Mit tuiin a luan loh nan a khap sak sak.
Mipa tih takah, Sammy-a thung chu a rilru a tikhauh tlat.
"Sam, Thingpui kha in ta che; a dai mai dawn asin",
"Ni e", a ti a. "Hriatchhunga chhungte i kan ngai em?", thingpui in pahin a zawt. Boruak a zângkhai mawh hle.
Manoi chuan, "Kan ṭhin e, a Thlanah Pangpar ka la dah fo. Khawvel hi chu aw...", a ti a. A sawi zawm thei ta lo.
An pahnihin an ngawi dun leh vang vang.
"Sam, pawi ka ti lutuk. Min ngaidam rawh", a mit tui a tla ta. Bag aṭangin rawmawl phawrhin a inhru hul thuai thuai.
"Chung lam remruatah i ngai teh ang, hah a dam ber. Hmun nuam takah an awm tawh alawm", Sammy-a chuan a ti a.
Manoi lungchhia insum zo loin a insût faih faih.
Rei an awm lo, Thingpui dawr aṭangin an chhuak. "Ka lo thlah ang che", Sammy-an a ti a. Manoi pawhin a hnial lo.
Inbe loin an ngawi dun reng a, Manoi a insût leh faih faih ṭhin. In kawtah an ding a, "Ka lawm lutuk e", tia Manoi chhuk tur a dang.
"Mano, i chunga ka awmdan ṭha lo tak avang khan min ngaidam thei ang em?",
"Sam, eng nge maw i sawi le? Ngati nge ngaihdam min dil? Engkima mawhphurtu ka nih hi, ngaihdam dil a ngai reng reng lo",
"Mahni ka inbum a ni, ka chungah i ṭhain min ngaihsak em em. Nuam ka ti a, ka hmangaih ta cheah ka inngai. Tichung khan Chhuanpuii ka hre reng tho. Mahni ka inbum nasa hle a ni", a kiai sak a.
Heti hian a sawi zawm leh, "Kan inneih zana ka ṭawngkam khan a tina takzet che a ni tiraw? Mang lamah na takin Chhuanpuii ka hliam tih hriattirin ka awm, ngaihdam ka lo dil a; ka ṭawng chhuak ang tih ngaihna ka hre lo. Mahni chang ni lo, a tir aṭang rengin ka bum che a ni", Manoi chu a ngawi vang vang.
"Khang te kha theihnghilhin min ngaihsakna i ṭhulh chuang lo. Theihtawp takmeuh ka chhuah, harsa ka tih lai ber i hre duh em? Kan nupaa hun hman dun kha a ni. A chang chuan Chhuanpuii anga chan che ka ngah mai. Mahni inbum nasa tak ka ni",
"Sam, duhtawk teh; sawi chhuak tawh suh. Thu sawt lo tak a ni tawh",
"Chhuanpuii ka han hmu chiah kha chu, ka lo hmangaih tâwk lohna che khan min vit ngawih ngawih. Ka insum zo lo khan va kuaha fawh nghal vawng vawng kha ka duh. In lamah nghakhlel takin min lo thlir tih ka hre bawk nen, ka hmuh hmasak ber khan insumna ka tlachham teuh kher asin", Manoi insum zo lo chu a ṭap chhuak.
A ṭap thawm mi dangin an hriat hlau takin a hmui a hup.
"Nupa nun nawmna va hmanpui kher lo mah ila, uire hmasatu ka ni ta si. Chhuanpuii kha ralkhat aṭangin ka thlir ṭhin. A chang chuan nangmahah a hmel ka zawng ṭhin bawk. Nitinin amah hnaih va duhnain min phuar a, i chungah ka hritla ta ṭhin a nih kha. Zan a thlen tawh chuan na takin ka hliam che, kutthlak lo che mah ila; nupa nun nawmna hmangin ka hliam che tih ka hria alawm",
"Duhtawk teh, a sawt tawh lo ka tih kha",
"Inven nan Politics ka luhchilh tak tak ṭan a ni. Politician ṭha tak nih ka duhthusam a nih kha, i hria tiraw? Hrehawm takin nun ka hmantir che a-",
"Sam, tawp tawh rawh. Ngaihtuah kir ka duh tawh lo, a thleng tur a thleng vek tawh a. Hetia sawi sawi hian ṭangkaina a nei tawh lo".
A hmai hupin a ṭap khur ta tlawk tlawk.
'A na' tih ṭawngkam hian a sawifiah kherin a rinawm loh. He ṭawngkam hian mi a tihdam phah hauh si lo.
Duhthusam khawvela a lo lên dunpui, Pialral piah lam ram chu sawi loh; dam chhung takngial daih lo tur a ni mai tur chu, a tuar thei lo.
Sammy-a chuan hnem nan kuah tal se, a mit tui tla hruksak se; a rem tawh lo.
Thil dik a ni thei lo, thudik aiin thu thawi a langsar zawk ṭhin.
A inhru thuak thuak, "Nun hlui chu nun hlui a ni ta, chhûi kir reng chuan natna a zual ting. Tunah zawng, Puipuii i nei ta alawm, hlim takin awm la; nun hlui chhui kirin inthiamlo reng rengin awm tawh suh. Ka ngaidam daih tawh che, min thlah a ka lawm lutuk",
"Keipawh ka lawm lutuk. Mano, mangṭha",
"Mangṭha le, Sam".
Motor aṭangin a chhuk a, in chhungah lutin pindan a pan thuai.
Khum chungah bawk thlawpin a ṭap hawm hawm. Insût faih faihin Drawer aṭangin Album a la chhuak.
Sammy-a nena an inneih thlalak te, a fa te pathum thlalak te chu enin; a pawm a, a fawp a.
Lungchhe vankaiin a hmangaihte tan a mit tui a dir zung zung. Hmangaihte hian mit tui an lo phu ber mai.
"Aw... Hmangaihna chuan a suihzawmin a phuar nghet a ni ngai a, keini erawh Hmangaihna chuan min ṭhen hrang thung si a. Hmangaihna hi a mawi an ti a, a lo mawi nangiang mai. Thlêmtu nunrawng, mahni hmasial leh huatthlalaawm tak a ni bawk a nih hi!".
"Taiṭit, i beisei chhânna ka pek theih loh avang chein min ngaidam rawh. Ka fanu min humhimsak a, ka lawm e. In bulah min hruai ve ula chuan maw, in pahnihin ka hmangaih nasa ngawt ang che u", Album pawmin insum kar lek lovin a ṭap chhuak a.
Motor aṭanga a chhuk leh in lam a pan thlengin a thlir zui vawng vawng.
Sammy-a chu a fanu Thlanah a kawi, "Lal Fanu, ka fanu Remruatfel", tiin, Thlan chungah a ṭhingṭhi.
Nunna leh Beiseina Thar petu chu lei hnuaiah zalhin a awm ta si ale!
Hmangaih taka a lo chawilenin mit khap kar leka, a boralsanna chu tuar thiam har a ti.
A mit tui a tla ta!
Mit tui hian thiltihtheihna mak tak a keng.
A dik a ni, nun hlui ngaihna hian hmasawmna a chhawm tlat lo. Fam ngaih luatna lah hian nunphung hlohna bak a keng si lo.
Chuti chungin, thlah har ber a ni a; chelh din rual loh hah thi kula kan vawn tlat a ni thung.
"I pa hian ka venghim zo lo che a, min ngaidam rawh. Ka va han ngai tak che em! Ka Lal Fanu, ka hmangaihtê; hlim takin awm ang che aw".
Pa ber ṭahna mit tui chuan Van rumtirin, Ruahpuivanawn a surtir ngei ang.
In chhunga a luh hma hauhin kawngka biangah nufa inpawmin an lo hmuak. Nui varin a pan a, a fanu phei chuan, "Apa", tiin a ban chawt.
A fanu a pawm a, a nupui duhtak kuahin, "Ka hmangaih hian vawiin lamah eng nge a lo tih le?",
"Ele, i fanu nen kan inum kawi zak zak mai mawle", a ti a. A nui hawk hawk.
"Freddy-a lo haw hma chu Zanriah a buatsaih theih loh", a nupui Chhuanpuiin a ti a. A hnial lo khawp.
In chhunga Office an siamah a inkhung a, eng thutlukna nge a siam tak ang le?
Thutlukna dik tak siam fel tain a inhria. Harsa ti takin a thaw chhuak hawk a, duhthusam chhe tê kan neih pawh hi chhungkaw hlimna atan chuan kan halral a ngai ṭhin.
Office aṭanga chhuakin, a nupui fanau te inchhaih nui thawm thlir vawng vawngin; ding rei lovin an bulah a khawsa.
"Lehkha zir a hun, a tlai hmain zir rawh ule", Chhuanpuiin a ti a. A fapa te pahnihin thuawih takin an pindan an pan.
Chutah, "Lo hnai teh, hrilh tur che ka nei", a ti a. Chhuanpuii chu a bulah ṭhuin, "Tunah mai chuan Party aṭang hian ka chhuak thei rih lo. Min duhtu te Party hi enthla phawt teh ang, rem i ti thei mai em?", a ti ta.
Nui ver verin, "Remti tehreng mai, ka va han lawm tak. Chawlh hlen i tum mai ang tih hlau reng rengin ka awm a, rilru a zângkhai ta sawt sawt e. I sawi angin enthlak an ṭha ang", Chhuanpuii chuan a ti a.
A nupui hlim tak chu thlirin, zan dang ang lo takin a tilungngai a ni.
A nupui hlim hmel tak a hmuh reng theih nan theihtawp a chhuah, a hlim hmel a hmuh tawh chuan a tharin a hmangaih a; a dam sawng sawng ṭhin.
Chumi zan kher kher erawh, a nupui hlim hmel chuan na takin a thinlung a hliam a; a tikeh lo chauh a ni e.
'I hlimna a nih dawn phawt chuan, Politics-ah kan zuang lut leh poh a ni ang chu', ti rilruin, a nupui a pawm hle hle.
Lalchhuanpuii pov...
Sammy-a chawlh hlen tum lo chuan min tilawm kher asin.
A College kal tur ka insiampui a, necktie ka suihsak. Suih thiam reng mah se, han suihsak hi ngaiah ka nei tawh.
"Takin, ka nu leh pa te i be tawh em? An phalna loa thu tihtluk ngawt a dik lo ang", ka ti a.
Ka nu leh pa te sawipui ila, an remti lo thut thei. Sammy-a chuan, "Ka be tawh alawm, "I nupui thu thu a ni mai", an ti a. I thu thuin kan awm dawn a nih hmel e", a ti a.
Nui varin, "Ka thu thuin maw i awm dawn?", ka ti sep a. "Ni ang hmiang, Hmar Lalnu thu kan awihlo ngam hleinem", ka khabe tuai zeuhin a ti a.
Melh ralhin, "Hmar ka ni kher kher hi chu aw...hming ni lo lo hian min ko ziah suh", a nui ruh ruh.
"Hmar i nia, hming ni lo lo a nih loh chu", a ti mai mai. Mi chhân dan tur lah hi a hre thei si.
"Engpawhnise", âw ka thian kharh, "Zirlai bulah awm tam suh ang che, a bikin Zirlai hmeichhe zingah", ka ti pek a.
Sammy-an, "Zirlai alawm an nih le, an Zirtirtu ka nihna anga ka awm ve loh ten; Zirtirtu leh Zirlai inkarah inṭhianṭhatna a awm loh chuan hma an sâwn thei nang le", a ti a.
"Chutak reng chu alawm ka sawi, College kal chin te chu naupang chumchiap an ni tawh hleinem. Tun ang laiah, kawppui nei lai emaw nei lo emaw ang khatin an en vek tawh", engtin tak min chhâng ang maw?
Sammy-an, "Ka hrethiam e", ti supin min fawp zeuh, "Mahse, thik tur an awm lo a nia", a ti a.
A nui ruh ruh, a ngai ho si, "Hmeichhia tawh phawt ka thik vek",
"I fanu pawh maw?",
"Aw", ka ti vah. A nui put put a, "Nangmah leh nangmah inthik hun i la nei lo ang tih lah a sawi theih dawn loh a nih hi maw", a ti a.
Chhân dan tur ka hre tawh lo e a, "Ṭawngkam i thiam si, Politician niawm reng i ni e", ka ri ringawt.
Ṭawngkam a thiam em mai.
Bawihbawihi nen an pafa zaa an chhuak kan bye bye, a Pa a ngen nasa khawp a; ngik feih feihin a bân a vai lawp lawp.
Nu Papuii a lo lêng a, tibuaitu awm lovin in chhungah ka che char char. Bawihbawihi min awmsaktu tur hi awm se.
U Hmai a haw daih si a, mahni chauh chuan ka indaih lo.
Fiamthuin, "Nu, chhunah hian lo lêng ziah teh; Bawihbawihi nen chuan chet a har duh em mai", ka ti a.
A nui ar ar, "Chutia i tih tlat leh kan lo lêng ziah anga a ni mai alawm. Bawihbawihi hi, a ṭhang duh riauin ka hria. Nimin lawkah a kum khat tlinna kan lawm a, kum thum bawr niawm tak a ni", Nu Papuii chuan a ti a.
Ka chetna hmun aṭangin ka khi vur vur ringawt.
Sammy-an ka nu leh pa a be fel tawh a, MLA inthlan kan hlat lutuk tawh lo bawk. MLA inthlanin thawm a la nei lo.
Hetia kan chawlh hnu hian ka ngaihven lo riau. Chinchang ka hre ta mang lo, Bawihbawihi zarah Chanchin Thar kan en mang lo nen; phone lah hi duhtawkin a khawih ṭhat theih loh.
Bawihbawihi hian ka awm awl a hmu thei lo, han ṭhu hlek ila a ṭe nghal tuar tuar.
Nu Papuii a lo lêng chu a tihzia tak tak a ni.
"Chhuanpui, Wadi-ah i kalpui ṭhin em?",
"Kalpui nang", chhuat nawt pahin ka ti a, "Kalpui ve ṭhin ta che, Vitamin chi hrang hrang bakah a hriselna dinhmun an en reng thei dawn a; a ṭha em asin. A thlawnin Nutrition in dawng vek dawn bawk a, nangpawh i hriselna tur atana ṭha te an hrilh che ang a", a ti seuh seuh.
Chutiang ka lo ngaihtuah ngai lo reng reng.
"Naktuk aṭangin kalpui rawh, nilênga kal a ni chuang lo; chawhma chhung chauh a ni mai a", a ti leh.
"A ṭha ngawt tak ang, Wadi lam reng ka ngaihtuah hleinem", Nu Papuii chuan Bawihbawihi a chhaih zui leh mai.
Wadi lam reng ka lo ngaihtuah lo.
A tuk, Sammy-a te pafa School kal hnu lawkah Bawihbawihi nen inpuain Wadi-ah kan kal.
Thawktu mi pahnih awmin, Uniform an nei ve ngei bawk.
A upa zawk Nu Thanpari chu Dingpuii Nu a ni nghe nghe. A thawhpui Sangzuali erawh kei aiin a naupang thung.
Nu Thanparin min lo lawm thiam em em a, ka tlangnel thuai.
Midang pawhin min lawm thiam, nutling sawm zet leh naupang sawmpahnih awmin; naupai mek pali an awm bawk.
Nu Thanpari chuan Register Bu-ah kan nufa hming a ziak kai.
Bawihbawihin nuam a ti berin ka hria, kan nufain ṭhian kan chhar ṭeuh nghe nghe.
Freddy-a leh Siamtea an lo haw a, an unau thumin an khêk chel chul. A mak thei a nia aw...
Hun rei tak inhmu lo ang mai hian an inngai em em zel mai a. Hriatthiamna chin ka nei tawh, an farnu hi chân leh an hlau em atin a ni e.
"Nu, Thla tharah khian Badminton Competition a awm dawn asin. Kan Veng YMA bul tumin a nia, Veng hrang hrang an tel dawn", Alu ka velna bulah Freddy-a chu a lo ṭhu thla a.
Beng a ver zarh mai, "A va lawmawm em em, kan Veng aiawhin i chhuak ang tiraw?", ka ti vat.
"Ka hre lo le, Trial neih phawt a ngai, kar leh lehah kan nei ang",
"A ṭhat chu, kan Veng aiawha chhuak ngei turin ṭang nasa hle ang che. Hun ṭha bawhpelh a thiang lo", Freddy-a chuan a hreh ngang mai.
Dawhkan a bawh ren rawn a, "Ka lo tum ang, tunah hian ka tel lo a nih chuan engtikah mah ka tel thei lo ang. Competition-a tel tura ka inchan hian ka khûr nasa thei lutuk",
"Chutin ti mah ta che, i inthunun thei tih ka hria alawm. I zir rei tawh bawk a, Professional taka che tawh tur i ni", ka ti a.
"Ni ve tho", a ti né né.
Siamtean Bawihbawihi pawm pahin, "I u Dingpuii thingpui lum in la, a zia mai ang", a lo ti.
Freddy-a harh kâwkin, "Sawi ve ziah suh, eng nge maw i hriat le?", lungawilo takin a ti ta mai.
Siamtea a nui put put a, Bawihbawihi nen an kal sawn daih.
"Dingpuii te inah thingpui i la in ṭhin em ni?",
"Teuh lo mai a, ka pain min hrilh aṭangin thingpui in chu sawi loh; khawlaia kan inhmuh hlek pawhin rei tak tak ka be tawh ngai lo. Min chhaih ve ziah, Nu; amah sawn a duh deuh a niang", Freddy-a lah chu a khi ang vur vur a.
Siamtean, "Ka duh bawk lo", a lo ti thuai.
Freddy-a leh Dingpuii kha inbe tam viau hman a nih kha maw. Mawilo khawpa an awm ka hre lo nain, an inzui reng reng tlat a; mit kham tawk an lo awm a ni chêk ang.
Chubakah, Nula puitling leh rawlthar tuaitir inzui reng zawng; a dik thei tlat lo.
Sammy-a chuan engtik laiin nge a lo hrilh hman le?
Ngaihzawng chungchang sawipui rawh ka ti tak e.
"I pain a hrilh vek tawh che a, ka hrilh ve lo mai ang che. I pa sawi chu ka sawi a ni mai",
"Ni rawh se. Ka pain Politics a sawi tawh lo a nuam ka ti", Freddy-a chu a khi vur vur.
Chutiang teh daih a sawi chhuak chu mak ka ti.
"Ngati maw?",
"Ngati vak mah, nuam ka ti tawp. Politics hi keini chhung hian kan hlawkpui lo ber ang. Kan ṭangkaipui vakin ka hre hek lo, chhungkua kan buai; kan chhungkaw chem kalna tur a ni lo a ni ang. Mi chhungkua chu an hausa thur thur a, keini ve; kan retheihpui zawk", a ti nuah nuah.
"Hausak duh avanga Politics luhchilh kan ni hleinem, duh ila chu; in hmun pangai lai leiin nalh tak takin in kan sa tawh ang chu", ka ti tawn tawn a.
Freddy-a chu a nui nasa ngei mai.
"Nu, i sawi uar em mai a. Ka pain a eiru duh lo tih ka hria alawm. Tak takin, keini chhung hian Politics hi kan zo lo; chawl hlen daihin Professor ni hle hle se chhungkua kan hlim zawk", a ti leh nuah nuah.
A lo ngaihtuah nasa ve hle a ni, a mitmengah leh a sawi zawnga a hawiherah a hriat.
"Thingpui i in zo tawh a, Hall-ah kal tawh rawh. Nasa takin tunah hian ṭang la, Trial in neih hma ni hnih aṭangin i chawl dawn nia; rim tawng lutuka Trial neih a ṭha lo", ka ti a.
Min lo kuah a, Racket nen Hall-ah min liamsan.
Living room-ah Siamtea leh Bawihbawihi an awm emaw tia ka en chu, pindanah an lo awm daih.
Siamtean lehkha a zir a, Bawihbawihi erawh Lal Fanu khumah ṭhuin ziaklopuanah rawng pencil-in a thai ṭial kual nuai nuai.
Lal Fanu khum hi a ngai ngaiin a awm.
"Bawihbawihi ta tur alawm", an ti unau tlat a, lak chhuah emaw an phal lo.
Siamtea hnenah, "I pa leh Politics hi eng nge i ngaihdan ni ve?", ka ti a. A meng buai nasa ngang mai.
"Ka van hre lo, ngati nge a?",
"I nau chuan Politics hi kan chhungkaw chem kalna a ni lo a ti. Nang ve?", a ngawi vang vang.
"MLA inthlan lo awm turah hian i Pa hi ding leh turin i duh em?", ka ti chiah chu, "Aih, ka duh tawh lo", a rawn ti vat.
A kûn deuh ngâih, a ngaihtuah let a ni ngei ang.
"Nu, a hrehawm em mai. Ding tawh suh se, Party aṭanga a chhuak thei lo a nih leh; a hmingin awm ve mai mai sela. Ding chhuak tawh suh se", thinrim ni si lo, lungawi lohna erawh tel tho siin, mi pawh en loin a ti nghet charh.
Ka fapa te pahnih hian min dang hneh lutuk.
Sammy-a a rawn haw a, "Khawiah nge ka fanu hi?", a hawi kual dú dú, "I hriat a ngai lo", ka kalsawn daih.
Pindanah min kuah lut khut khut, a kut thing thlain, "Tuilumin nge i inbual dawn?", ka melh kal.
"Tun ang khawlum laia tuivawt ngata inbual loh te chu a?", a inphelh mial mial.
"Inbual vat rawh, ril a ṭam", ka ti a. Ka chhuahsan daih. Min au zui lem lo chu ka hawilet a, pindan kawngka hawngin Bathroom-ah a lut fel hman.
Zanriah ei kham hnu rei vak loah a Office-ah a inkhung.
Zir lai enlawk tur a neih thu a sawi, Siamtea leh Freddy-a pawhin lehkha an zir a. Bawihbawihi nen chauh kan ni.
Siamtea leh Freddy-an an Pa, Politics-a kir lo turin an duh. Kei aiin an ngaihtuah thui ka ti dawn nge, chhungkua kan buai an duh tawh lo.
Eng nga tinge kei hian kir tura ka duh tlat mai le?
Sammy-a ngei lahin kir a duh tawh loh thu a sawi a, chhungkua a buai a ti a; duh lo tak têin a duh a nih kha.
Eng nga tinge ka nawrluih tlat mai le?
MLA-a a tlin theihna tura min nghaisakna kha ka sawi chhuak a, khami avanga ding leh ngei tura ka duhzia ka sawi khum a.
Hrehawm a ti ngawt ang?
Eng nga tinge ka sawi chhuah? Ka vo tihna mawnile?
A tuka a College kal tur ka insiampui chu, "Nizanah bânna lehkha ka ziak a, vawiinah ka thehlut ang. Kar khat hnuah Party dangah kan insawn anga",
"Min sâwmtu te Party-ah maw?",
"Ni e, nizanah khan Zir lai enlawk zawh hnuin ka.ziak alawm", a âw chu sak ṭalhin ka hria.
Hrehawmna tinreng aṭanga chhuak a ang, a duh loh chunga sawi chhuah luihtir a ni chiang mai.
"School-ah ninhlei viau loh tur", Freddy-a bulah ka han ti a, "Min ringchhe thei e", a ti nuah nuah.
"Kal ang u", a ti a. Motor chhungah a lut hmasa ber a. Seat hnungah a ṭhu fel at.
Sammy-an, "In nufa hian ka hmangaih che u, Noodles leh Kimchi ka lo hawn ang che", a ti zawi sup a.
Ka luang ral hneh teh e maw!
Awm a nuam thei lo, mawlhtu ka nei. Sammy-a ka call, "Aw, Chhuanpui?",
"Sam, khawiah nge i awm?", ka âw a khûr.
"Chhuanpui, engtizia nge i âw chu? School-ah ka thlah zo chiah. Eng nge ni ta?", a hlauthawng. Party Office-ah a la kal lo tihna.
Ka âwm dawmin thâwk ka la phawt, "Sam, lo haw vat rawh. Hmanhmawhin", phone ka off.
Bawihbawihi nen Wadi kal tum kan ni a, ka kalpui thei tlat lo. Min mawlhtu an awm tlat.
Motor thawm a lo awm, "Chhuanpui?", a âw a khûr titih.
Bawihbawihi thawmah Living room-ah a lo phei, "Engtizia nge, i ṭha maw?", min kuah a. Min en kual dun dun.
A hlauthawng lutuk chuan nuih a tiza, ka nui chhuak ngam hlek lo. A hlauthawm em asin!
"Sam, ka ṭha vek. Ka rawn call chhan che chu", a thaw huai a, min kuah leh vawng vawng.
Ṭhutthlengah ṭhutpuiin, "Party Office-ah i kal hman lo tiraw?",
"Hman lo e, i rawn ṭap ta mai si a; thil ṭha lo a thleng emaw ka ti alawm", ka ṭap lo asin mawle.
Ṭapah min chhuah leh der, engpawh lo ni teh se.
"Sam, tuna kan awmna aṭang hian chhuak lo mai rawh. Chawlh hlen i duh a, ka thlawp che. Heti hian, chhungkua hlim tak ni chho zel zawk ang u", a ṭawng lo.
Min en ngawt ngawt, "Khawi maw lehkha chu?", a ipte ka dap. Ka kut a man.
"Tuna i thusawi kha i hre chiang em?",
"Chiang e, chawlh hlen a thlanawm. Siamtea leh Freddy-a pawhin Politics nena inzawmna neih an duh tawh lo. Keipawhin ka duh lo. Tihluihna avang chauha i liam tur lah ka ngaingam lo, a hma zawng aia buaina min thlentu a ni lo ang tih a sawi theih loh. Hlim lo tak chungin i thawk ang a, chu chu ka duh lo a ni", ka ti a.
Min ngaithla pawhin a lang lo.
"Sam, min ngaithla em?",
"Ngaithla e",
"Lehkha kha paih daih rawh. Kei chuan, kan chhungkaw hlimna chauh hi ka duh, nangpawhin i duh ve tho tiraw? I kawng daltu nih ka duh lo", ka ti leh seuh seuh.
Min kuah a, ka pangchang thar thut; hnar chhung a za mer mer a, mit tui a tla tawh.
Show post links
Top
S-2
Chapter-13
Ziaktu: Cck Lalchhuanawmi
Zaninah ka sawipui leh ang, chutah pawh, "Chawlh hlen ka duh", a ti leh a nih chuan, ka nawrlui lo ang.
A duh ang takin chawl hlen rawh se.
Ka vui lo ang a, lunghnurin ka ânkhum hek lo ang.
Epilogue...
Class a nei lo bawk a tiin, Library-ah a inkharkhip. Zirlai awm pheuh pheuh mah se, an tibuai lem lo.
Kil khatah, tukverh lam hawiin a han ṭhu a. Politics-ah chuan a kir leh dawn em ni ang? A nupui duhtakin a sawi chhuak ta.
Sâwmtu nei reng mah se, kir a tum tawh lo. Chumi avanga a nupui hrilh lo a ni.
Thup reng theih a ni ta lo, a nupui hialin a sawi hmuh ta si a. Library aṭanga chhuakin, hmun reh deuhah kalin a Pa a bia.
A pa chuan, "Chhuanpuii berin kir leh tura a duh che chuan kir leh mai ta che. MLA-a i tling kan lawm tehlul nen, a buai chuar nasa zo ta si; a mangangthlak tak tak a ni. Beng sika ngaihtuahin Chhuanpuii nen sawi dun leh ula, thutlukna i siam chauh dawn nia", a lo ti a.
Thutlukna a siam fel der tawh, chawlh a duh a ni.
Chawlh a duh chhan pawh, a nupui duhtak hmanga MLA-a a tlinna khan na theitawpin a la vua a; a vaw(vua) sawp a ni ber.
Nitin, zantin a nupui hmel a thlirin a thinlung a kehsawm a ni.
Politician ṭha tak nih a duh, chumi atana kawng a hriat awm chhun; ṭha lo takin a kaltlangpui ta si a.
College Principal Office kawngka kik kar karin, "Sir, i buai loh chuan biak lawk che ka duh", tiin a han bia a.
Lawm takin an Principal-in a lo chhâwn.
Politics-ah a kir leh dawn nge dawn lo tih bawkah a ni thurawn a lak.
An Principal chuan, "Kei chuan ṭha ka ti khawp mai. Ei ru anga i thang te kha, kan awih lo; kan ṭan khawp che a. Ṭan man i awm reng bawk e. I nupui berin a thlawp che a ni a, kir leh ngei ngei rawh. I tling a nih chuan rinawm leh dik takin i thawk leh ang, i tling lo a nih pawhin College-ah kan lawm reng che a; Zirlai tan hna i thawk leh anga a ni mai alawm. Thlawptu i nei ṭha bawk a, kir leh ngei rawh", a ti nghet charh mai a.
Office aṭangin a chhuak a, Library-ah bawk a inkharkhip leh.
Lunch break a lo ni a, a ṭhiante bulah a thawiin a sawi leh ta. A ṭhiante ho pawhin kir leh ngei turin an lo duh.
Bân a hun a, a dawhkan a rem fel.
'Samuel Remsangpuia: Professor' name plate a han tuai heuh heuh. A lung a chhia a ni. He hna chelh tura exam leh Interview a neih lai te a han dâwn kir rauh rauh.
Politics-a zuan luhsan vang vang atan chuan a ui ṭan ta.
Professor a nih hian chhungkua an hlim zawkin a hre ta bawk. A ṭum khatna atan Hrangturzo Bialah a ding, a tling lo.
A ṭum hnihna atan Serchhip Bialah, a chhing sawk. Dik lo takin a tling a nih kha maw.
Inchhirnain a umzui reng tawh ang.
A nupui duhtak, a hmangaih em em a nghaisak dan khan a tina reng a; engtikah mah a inchhirnain a kiamsan thei ngai lo ang.
Politics-ah kir lehin, Inthlanah ding chhuak leh ta se; tling lo hlauh ta se, hun a uiawm.
Professor hna leh Politics a buk a, Professor hna buk a rit viau.
Noodles leh Kimchi leia Dawr aṭanga a chhuak chu, a nupui hlui Manoi nen an intâwk thut.
"I dam maw?", an inchibai a.
"Thingpui in ila, i hman em?", Sammy-a chuan tiin, Manoin a hnial lo.
Thingpui dawrah lutin an inhmachhawn ran.
"Khawi ramah nge i zin a?",
"Thingtlang lamah", Manoi chuan a ti a. Sammy-an a hrethiam nghal. Thingpui leh chhang an rawn chhawpsak.
"Eiin in la", a ti a. Manoi chet chu a khawr lek lek.
A hmangaih âw chu a dam diai a, han kuangkuah phei se zawng a thidang thei hial ang.
Sammy-a chuan, "An lo dam ṭha maw? Eng nge an an a?", tiin a zawt a. A âw chu a sak ṭalh.
Manoin, "Dam a ni mai ang chu, biak hleih theih a ni lo; tun hma zawng aiin a buai nasa ta mai. Inawhhlum te a tum ṭhin a, an dang thei hram zel a ni", a ti sep sep.
An ngawi dun vang vang, Manoi lungchhia chuan chil a lem ri leh khawlh ṭhin. Mit tuiin a luan loh nan a khap sak sak.
Mipa tih takah, Sammy-a thung chu a rilru a tikhauh tlat.
"Sam, Thingpui kha in ta che; a dai mai dawn asin",
"Ni e", a ti a. "Hriatchhunga chhungte i kan ngai em?", thingpui in pahin a zawt. Boruak a zângkhai mawh hle.
Manoi chuan, "Kan ṭhin e, a Thlanah Pangpar ka la dah fo. Khawvel hi chu aw...", a ti a. A sawi zawm thei ta lo.
An pahnihin an ngawi dun leh vang vang.
"Sam, pawi ka ti lutuk. Min ngaidam rawh", a mit tui a tla ta. Bag aṭangin rawmawl phawrhin a inhru hul thuai thuai.
"Chung lam remruatah i ngai teh ang, hah a dam ber. Hmun nuam takah an awm tawh alawm", Sammy-a chuan a ti a.
Manoi lungchhia insum zo loin a insût faih faih.
Rei an awm lo, Thingpui dawr aṭangin an chhuak. "Ka lo thlah ang che", Sammy-an a ti a. Manoi pawhin a hnial lo.
Inbe loin an ngawi dun reng a, Manoi a insût leh faih faih ṭhin. In kawtah an ding a, "Ka lawm lutuk e", tia Manoi chhuk tur a dang.
"Mano, i chunga ka awmdan ṭha lo tak avang khan min ngaidam thei ang em?",
"Sam, eng nge maw i sawi le? Ngati nge ngaihdam min dil? Engkima mawhphurtu ka nih hi, ngaihdam dil a ngai reng reng lo",
"Mahni ka inbum a ni, ka chungah i ṭhain min ngaihsak em em. Nuam ka ti a, ka hmangaih ta cheah ka inngai. Tichung khan Chhuanpuii ka hre reng tho. Mahni ka inbum nasa hle a ni", a kiai sak a.
Heti hian a sawi zawm leh, "Kan inneih zana ka ṭawngkam khan a tina takzet che a ni tiraw? Mang lamah na takin Chhuanpuii ka hliam tih hriattirin ka awm, ngaihdam ka lo dil a; ka ṭawng chhuak ang tih ngaihna ka hre lo. Mahni chang ni lo, a tir aṭang rengin ka bum che a ni", Manoi chu a ngawi vang vang.
"Khang te kha theihnghilhin min ngaihsakna i ṭhulh chuang lo. Theihtawp takmeuh ka chhuah, harsa ka tih lai ber i hre duh em? Kan nupaa hun hman dun kha a ni. A chang chuan Chhuanpuii anga chan che ka ngah mai. Mahni inbum nasa tak ka ni",
"Sam, duhtawk teh; sawi chhuak tawh suh. Thu sawt lo tak a ni tawh",
"Chhuanpuii ka han hmu chiah kha chu, ka lo hmangaih tâwk lohna che khan min vit ngawih ngawih. Ka insum zo lo khan va kuaha fawh nghal vawng vawng kha ka duh. In lamah nghakhlel takin min lo thlir tih ka hre bawk nen, ka hmuh hmasak ber khan insumna ka tlachham teuh kher asin", Manoi insum zo lo chu a ṭap chhuak.
A ṭap thawm mi dangin an hriat hlau takin a hmui a hup.
"Nupa nun nawmna va hmanpui kher lo mah ila, uire hmasatu ka ni ta si. Chhuanpuii kha ralkhat aṭangin ka thlir ṭhin. A chang chuan nangmahah a hmel ka zawng ṭhin bawk. Nitinin amah hnaih va duhnain min phuar a, i chungah ka hritla ta ṭhin a nih kha. Zan a thlen tawh chuan na takin ka hliam che, kutthlak lo che mah ila; nupa nun nawmna hmangin ka hliam che tih ka hria alawm",
"Duhtawk teh, a sawt tawh lo ka tih kha",
"Inven nan Politics ka luhchilh tak tak ṭan a ni. Politician ṭha tak nih ka duhthusam a nih kha, i hria tiraw? Hrehawm takin nun ka hmantir che a-",
"Sam, tawp tawh rawh. Ngaihtuah kir ka duh tawh lo, a thleng tur a thleng vek tawh a. Hetia sawi sawi hian ṭangkaina a nei tawh lo".
A hmai hupin a ṭap khur ta tlawk tlawk.
'A na' tih ṭawngkam hian a sawifiah kherin a rinawm loh. He ṭawngkam hian mi a tihdam phah hauh si lo.
Duhthusam khawvela a lo lên dunpui, Pialral piah lam ram chu sawi loh; dam chhung takngial daih lo tur a ni mai tur chu, a tuar thei lo.
Sammy-a chuan hnem nan kuah tal se, a mit tui tla hruksak se; a rem tawh lo.
Thil dik a ni thei lo, thudik aiin thu thawi a langsar zawk ṭhin.
A inhru thuak thuak, "Nun hlui chu nun hlui a ni ta, chhûi kir reng chuan natna a zual ting. Tunah zawng, Puipuii i nei ta alawm, hlim takin awm la; nun hlui chhui kirin inthiamlo reng rengin awm tawh suh. Ka ngaidam daih tawh che, min thlah a ka lawm lutuk",
"Keipawh ka lawm lutuk. Mano, mangṭha",
"Mangṭha le, Sam".
Motor aṭangin a chhuk a, in chhungah lutin pindan a pan thuai.
Khum chungah bawk thlawpin a ṭap hawm hawm. Insût faih faihin Drawer aṭangin Album a la chhuak.
Sammy-a nena an inneih thlalak te, a fa te pathum thlalak te chu enin; a pawm a, a fawp a.
Lungchhe vankaiin a hmangaihte tan a mit tui a dir zung zung. Hmangaihte hian mit tui an lo phu ber mai.
"Aw... Hmangaihna chuan a suihzawmin a phuar nghet a ni ngai a, keini erawh Hmangaihna chuan min ṭhen hrang thung si a. Hmangaihna hi a mawi an ti a, a lo mawi nangiang mai. Thlêmtu nunrawng, mahni hmasial leh huatthlalaawm tak a ni bawk a nih hi!".
"Taiṭit, i beisei chhânna ka pek theih loh avang chein min ngaidam rawh. Ka fanu min humhimsak a, ka lawm e. In bulah min hruai ve ula chuan maw, in pahnihin ka hmangaih nasa ngawt ang che u", Album pawmin insum kar lek lovin a ṭap chhuak a.
Motor aṭanga a chhuk leh in lam a pan thlengin a thlir zui vawng vawng.
Sammy-a chu a fanu Thlanah a kawi, "Lal Fanu, ka fanu Remruatfel", tiin, Thlan chungah a ṭhingṭhi.
Nunna leh Beiseina Thar petu chu lei hnuaiah zalhin a awm ta si ale!
Hmangaih taka a lo chawilenin mit khap kar leka, a boralsanna chu tuar thiam har a ti.
A mit tui a tla ta!
Mit tui hian thiltihtheihna mak tak a keng.
A dik a ni, nun hlui ngaihna hian hmasawmna a chhawm tlat lo. Fam ngaih luatna lah hian nunphung hlohna bak a keng si lo.
Chuti chungin, thlah har ber a ni a; chelh din rual loh hah thi kula kan vawn tlat a ni thung.
"I pa hian ka venghim zo lo che a, min ngaidam rawh. Ka va han ngai tak che em! Ka Lal Fanu, ka hmangaihtê; hlim takin awm ang che aw".
Pa ber ṭahna mit tui chuan Van rumtirin, Ruahpuivanawn a surtir ngei ang.
In chhunga a luh hma hauhin kawngka biangah nufa inpawmin an lo hmuak. Nui varin a pan a, a fanu phei chuan, "Apa", tiin a ban chawt.
A fanu a pawm a, a nupui duhtak kuahin, "Ka hmangaih hian vawiin lamah eng nge a lo tih le?",
"Ele, i fanu nen kan inum kawi zak zak mai mawle", a ti a. A nui hawk hawk.
"Freddy-a lo haw hma chu Zanriah a buatsaih theih loh", a nupui Chhuanpuiin a ti a. A hnial lo khawp.
In chhunga Office an siamah a inkhung a, eng thutlukna nge a siam tak ang le?
Thutlukna dik tak siam fel tain a inhria. Harsa ti takin a thaw chhuak hawk a, duhthusam chhe tê kan neih pawh hi chhungkaw hlimna atan chuan kan halral a ngai ṭhin.
Office aṭanga chhuakin, a nupui fanau te inchhaih nui thawm thlir vawng vawngin; ding rei lovin an bulah a khawsa.
"Lehkha zir a hun, a tlai hmain zir rawh ule", Chhuanpuiin a ti a. A fapa te pahnihin thuawih takin an pindan an pan.
Chutah, "Lo hnai teh, hrilh tur che ka nei", a ti a. Chhuanpuii chu a bulah ṭhuin, "Tunah mai chuan Party aṭang hian ka chhuak thei rih lo. Min duhtu te Party hi enthla phawt teh ang, rem i ti thei mai em?", a ti ta.
Nui ver verin, "Remti tehreng mai, ka va han lawm tak. Chawlh hlen i tum mai ang tih hlau reng rengin ka awm a, rilru a zângkhai ta sawt sawt e. I sawi angin enthlak an ṭha ang", Chhuanpuii chuan a ti a.
A nupui hlim tak chu thlirin, zan dang ang lo takin a tilungngai a ni.
A nupui hlim hmel tak a hmuh reng theih nan theihtawp a chhuah, a hlim hmel a hmuh tawh chuan a tharin a hmangaih a; a dam sawng sawng ṭhin.
Chumi zan kher kher erawh, a nupui hlim hmel chuan na takin a thinlung a hliam a; a tikeh lo chauh a ni e.
'I hlimna a nih dawn phawt chuan, Politics-ah kan zuang lut leh poh a ni ang chu', ti rilruin, a nupui a pawm hle hle.
Lalchhuanpuii pov...
Sammy-a chawlh hlen tum lo chuan min tilawm kher asin.
A College kal tur ka insiampui a, necktie ka suihsak. Suih thiam reng mah se, han suihsak hi ngaiah ka nei tawh.
"Takin, ka nu leh pa te i be tawh em? An phalna loa thu tihtluk ngawt a dik lo ang", ka ti a.
Ka nu leh pa te sawipui ila, an remti lo thut thei. Sammy-a chuan, "Ka be tawh alawm, "I nupui thu thu a ni mai", an ti a. I thu thuin kan awm dawn a nih hmel e", a ti a.
Nui varin, "Ka thu thuin maw i awm dawn?", ka ti sep a. "Ni ang hmiang, Hmar Lalnu thu kan awihlo ngam hleinem", ka khabe tuai zeuhin a ti a.
Melh ralhin, "Hmar ka ni kher kher hi chu aw...hming ni lo lo hian min ko ziah suh", a nui ruh ruh.
"Hmar i nia, hming ni lo lo a nih loh chu", a ti mai mai. Mi chhân dan tur lah hi a hre thei si.
"Engpawhnise", âw ka thian kharh, "Zirlai bulah awm tam suh ang che, a bikin Zirlai hmeichhe zingah", ka ti pek a.
Sammy-an, "Zirlai alawm an nih le, an Zirtirtu ka nihna anga ka awm ve loh ten; Zirtirtu leh Zirlai inkarah inṭhianṭhatna a awm loh chuan hma an sâwn thei nang le", a ti a.
"Chutak reng chu alawm ka sawi, College kal chin te chu naupang chumchiap an ni tawh hleinem. Tun ang laiah, kawppui nei lai emaw nei lo emaw ang khatin an en vek tawh", engtin tak min chhâng ang maw?
Sammy-an, "Ka hrethiam e", ti supin min fawp zeuh, "Mahse, thik tur an awm lo a nia", a ti a.
A nui ruh ruh, a ngai ho si, "Hmeichhia tawh phawt ka thik vek",
"I fanu pawh maw?",
"Aw", ka ti vah. A nui put put a, "Nangmah leh nangmah inthik hun i la nei lo ang tih lah a sawi theih dawn loh a nih hi maw", a ti a.
Chhân dan tur ka hre tawh lo e a, "Ṭawngkam i thiam si, Politician niawm reng i ni e", ka ri ringawt.
Ṭawngkam a thiam em mai.
Bawihbawihi nen an pafa zaa an chhuak kan bye bye, a Pa a ngen nasa khawp a; ngik feih feihin a bân a vai lawp lawp.
Nu Papuii a lo lêng a, tibuaitu awm lovin in chhungah ka che char char. Bawihbawihi min awmsaktu tur hi awm se.
U Hmai a haw daih si a, mahni chauh chuan ka indaih lo.
Fiamthuin, "Nu, chhunah hian lo lêng ziah teh; Bawihbawihi nen chuan chet a har duh em mai", ka ti a.
A nui ar ar, "Chutia i tih tlat leh kan lo lêng ziah anga a ni mai alawm. Bawihbawihi hi, a ṭhang duh riauin ka hria. Nimin lawkah a kum khat tlinna kan lawm a, kum thum bawr niawm tak a ni", Nu Papuii chuan a ti a.
Ka chetna hmun aṭangin ka khi vur vur ringawt.
Sammy-an ka nu leh pa a be fel tawh a, MLA inthlan kan hlat lutuk tawh lo bawk. MLA inthlanin thawm a la nei lo.
Hetia kan chawlh hnu hian ka ngaihven lo riau. Chinchang ka hre ta mang lo, Bawihbawihi zarah Chanchin Thar kan en mang lo nen; phone lah hi duhtawkin a khawih ṭhat theih loh.
Bawihbawihi hian ka awm awl a hmu thei lo, han ṭhu hlek ila a ṭe nghal tuar tuar.
Nu Papuii a lo lêng chu a tihzia tak tak a ni.
"Chhuanpui, Wadi-ah i kalpui ṭhin em?",
"Kalpui nang", chhuat nawt pahin ka ti a, "Kalpui ve ṭhin ta che, Vitamin chi hrang hrang bakah a hriselna dinhmun an en reng thei dawn a; a ṭha em asin. A thlawnin Nutrition in dawng vek dawn bawk a, nangpawh i hriselna tur atana ṭha te an hrilh che ang a", a ti seuh seuh.
Chutiang ka lo ngaihtuah ngai lo reng reng.
"Naktuk aṭangin kalpui rawh, nilênga kal a ni chuang lo; chawhma chhung chauh a ni mai a", a ti leh.
"A ṭha ngawt tak ang, Wadi lam reng ka ngaihtuah hleinem", Nu Papuii chuan Bawihbawihi a chhaih zui leh mai.
Wadi lam reng ka lo ngaihtuah lo.
A tuk, Sammy-a te pafa School kal hnu lawkah Bawihbawihi nen inpuain Wadi-ah kan kal.
Thawktu mi pahnih awmin, Uniform an nei ve ngei bawk.
A upa zawk Nu Thanpari chu Dingpuii Nu a ni nghe nghe. A thawhpui Sangzuali erawh kei aiin a naupang thung.
Nu Thanparin min lo lawm thiam em em a, ka tlangnel thuai.
Midang pawhin min lawm thiam, nutling sawm zet leh naupang sawmpahnih awmin; naupai mek pali an awm bawk.
Nu Thanpari chuan Register Bu-ah kan nufa hming a ziak kai.
Bawihbawihin nuam a ti berin ka hria, kan nufain ṭhian kan chhar ṭeuh nghe nghe.
Freddy-a leh Siamtea an lo haw a, an unau thumin an khêk chel chul. A mak thei a nia aw...
Hun rei tak inhmu lo ang mai hian an inngai em em zel mai a. Hriatthiamna chin ka nei tawh, an farnu hi chân leh an hlau em atin a ni e.
"Nu, Thla tharah khian Badminton Competition a awm dawn asin. Kan Veng YMA bul tumin a nia, Veng hrang hrang an tel dawn", Alu ka velna bulah Freddy-a chu a lo ṭhu thla a.
Beng a ver zarh mai, "A va lawmawm em em, kan Veng aiawhin i chhuak ang tiraw?", ka ti vat.
"Ka hre lo le, Trial neih phawt a ngai, kar leh lehah kan nei ang",
"A ṭhat chu, kan Veng aiawha chhuak ngei turin ṭang nasa hle ang che. Hun ṭha bawhpelh a thiang lo", Freddy-a chuan a hreh ngang mai.
Dawhkan a bawh ren rawn a, "Ka lo tum ang, tunah hian ka tel lo a nih chuan engtikah mah ka tel thei lo ang. Competition-a tel tura ka inchan hian ka khûr nasa thei lutuk",
"Chutin ti mah ta che, i inthunun thei tih ka hria alawm. I zir rei tawh bawk a, Professional taka che tawh tur i ni", ka ti a.
"Ni ve tho", a ti né né.
Siamtean Bawihbawihi pawm pahin, "I u Dingpuii thingpui lum in la, a zia mai ang", a lo ti.
Freddy-a harh kâwkin, "Sawi ve ziah suh, eng nge maw i hriat le?", lungawilo takin a ti ta mai.
Siamtea a nui put put a, Bawihbawihi nen an kal sawn daih.
"Dingpuii te inah thingpui i la in ṭhin em ni?",
"Teuh lo mai a, ka pain min hrilh aṭangin thingpui in chu sawi loh; khawlaia kan inhmuh hlek pawhin rei tak tak ka be tawh ngai lo. Min chhaih ve ziah, Nu; amah sawn a duh deuh a niang", Freddy-a lah chu a khi ang vur vur a.
Siamtean, "Ka duh bawk lo", a lo ti thuai.
Freddy-a leh Dingpuii kha inbe tam viau hman a nih kha maw. Mawilo khawpa an awm ka hre lo nain, an inzui reng reng tlat a; mit kham tawk an lo awm a ni chêk ang.
Chubakah, Nula puitling leh rawlthar tuaitir inzui reng zawng; a dik thei tlat lo.
Sammy-a chuan engtik laiin nge a lo hrilh hman le?
Ngaihzawng chungchang sawipui rawh ka ti tak e.
"I pain a hrilh vek tawh che a, ka hrilh ve lo mai ang che. I pa sawi chu ka sawi a ni mai",
"Ni rawh se. Ka pain Politics a sawi tawh lo a nuam ka ti", Freddy-a chu a khi vur vur.
Chutiang teh daih a sawi chhuak chu mak ka ti.
"Ngati maw?",
"Ngati vak mah, nuam ka ti tawp. Politics hi keini chhung hian kan hlawkpui lo ber ang. Kan ṭangkaipui vakin ka hre hek lo, chhungkua kan buai; kan chhungkaw chem kalna tur a ni lo a ni ang. Mi chhungkua chu an hausa thur thur a, keini ve; kan retheihpui zawk", a ti nuah nuah.
"Hausak duh avanga Politics luhchilh kan ni hleinem, duh ila chu; in hmun pangai lai leiin nalh tak takin in kan sa tawh ang chu", ka ti tawn tawn a.
Freddy-a chu a nui nasa ngei mai.
"Nu, i sawi uar em mai a. Ka pain a eiru duh lo tih ka hria alawm. Tak takin, keini chhung hian Politics hi kan zo lo; chawl hlen daihin Professor ni hle hle se chhungkua kan hlim zawk", a ti leh nuah nuah.
A lo ngaihtuah nasa ve hle a ni, a mitmengah leh a sawi zawnga a hawiherah a hriat.
"Thingpui i in zo tawh a, Hall-ah kal tawh rawh. Nasa takin tunah hian ṭang la, Trial in neih hma ni hnih aṭangin i chawl dawn nia; rim tawng lutuka Trial neih a ṭha lo", ka ti a.
Min lo kuah a, Racket nen Hall-ah min liamsan.
Living room-ah Siamtea leh Bawihbawihi an awm emaw tia ka en chu, pindanah an lo awm daih.
Siamtean lehkha a zir a, Bawihbawihi erawh Lal Fanu khumah ṭhuin ziaklopuanah rawng pencil-in a thai ṭial kual nuai nuai.
Lal Fanu khum hi a ngai ngaiin a awm.
"Bawihbawihi ta tur alawm", an ti unau tlat a, lak chhuah emaw an phal lo.
Siamtea hnenah, "I pa leh Politics hi eng nge i ngaihdan ni ve?", ka ti a. A meng buai nasa ngang mai.
"Ka van hre lo, ngati nge a?",
"I nau chuan Politics hi kan chhungkaw chem kalna a ni lo a ti. Nang ve?", a ngawi vang vang.
"MLA inthlan lo awm turah hian i Pa hi ding leh turin i duh em?", ka ti chiah chu, "Aih, ka duh tawh lo", a rawn ti vat.
A kûn deuh ngâih, a ngaihtuah let a ni ngei ang.
"Nu, a hrehawm em mai. Ding tawh suh se, Party aṭanga a chhuak thei lo a nih leh; a hmingin awm ve mai mai sela. Ding chhuak tawh suh se", thinrim ni si lo, lungawi lohna erawh tel tho siin, mi pawh en loin a ti nghet charh.
Ka fapa te pahnih hian min dang hneh lutuk.
Sammy-a a rawn haw a, "Khawiah nge ka fanu hi?", a hawi kual dú dú, "I hriat a ngai lo", ka kalsawn daih.
Pindanah min kuah lut khut khut, a kut thing thlain, "Tuilumin nge i inbual dawn?", ka melh kal.
"Tun ang khawlum laia tuivawt ngata inbual loh te chu a?", a inphelh mial mial.
"Inbual vat rawh, ril a ṭam", ka ti a. Ka chhuahsan daih. Min au zui lem lo chu ka hawilet a, pindan kawngka hawngin Bathroom-ah a lut fel hman.
Zanriah ei kham hnu rei vak loah a Office-ah a inkhung.
Zir lai enlawk tur a neih thu a sawi, Siamtea leh Freddy-a pawhin lehkha an zir a. Bawihbawihi nen chauh kan ni.
Siamtea leh Freddy-an an Pa, Politics-a kir lo turin an duh. Kei aiin an ngaihtuah thui ka ti dawn nge, chhungkua kan buai an duh tawh lo.
Eng nga tinge kei hian kir tura ka duh tlat mai le?
Sammy-a ngei lahin kir a duh tawh loh thu a sawi a, chhungkua a buai a ti a; duh lo tak têin a duh a nih kha.
Eng nga tinge ka nawrluih tlat mai le?
MLA-a a tlin theihna tura min nghaisakna kha ka sawi chhuak a, khami avanga ding leh ngei tura ka duhzia ka sawi khum a.
Hrehawm a ti ngawt ang?
Eng nga tinge ka sawi chhuah? Ka vo tihna mawnile?
A tuka a College kal tur ka insiampui chu, "Nizanah bânna lehkha ka ziak a, vawiinah ka thehlut ang. Kar khat hnuah Party dangah kan insawn anga",
"Min sâwmtu te Party-ah maw?",
"Ni e, nizanah khan Zir lai enlawk zawh hnuin ka.ziak alawm", a âw chu sak ṭalhin ka hria.
Hrehawmna tinreng aṭanga chhuak a ang, a duh loh chunga sawi chhuah luihtir a ni chiang mai.
"School-ah ninhlei viau loh tur", Freddy-a bulah ka han ti a, "Min ringchhe thei e", a ti nuah nuah.
"Kal ang u", a ti a. Motor chhungah a lut hmasa ber a. Seat hnungah a ṭhu fel at.
Sammy-an, "In nufa hian ka hmangaih che u, Noodles leh Kimchi ka lo hawn ang che", a ti zawi sup a.
Ka luang ral hneh teh e maw!
Awm a nuam thei lo, mawlhtu ka nei. Sammy-a ka call, "Aw, Chhuanpui?",
"Sam, khawiah nge i awm?", ka âw a khûr.
"Chhuanpui, engtizia nge i âw chu? School-ah ka thlah zo chiah. Eng nge ni ta?", a hlauthawng. Party Office-ah a la kal lo tihna.
Ka âwm dawmin thâwk ka la phawt, "Sam, lo haw vat rawh. Hmanhmawhin", phone ka off.
Bawihbawihi nen Wadi kal tum kan ni a, ka kalpui thei tlat lo. Min mawlhtu an awm tlat.
Motor thawm a lo awm, "Chhuanpui?", a âw a khûr titih.
Bawihbawihi thawmah Living room-ah a lo phei, "Engtizia nge, i ṭha maw?", min kuah a. Min en kual dun dun.
A hlauthawng lutuk chuan nuih a tiza, ka nui chhuak ngam hlek lo. A hlauthawm em asin!
"Sam, ka ṭha vek. Ka rawn call chhan che chu", a thaw huai a, min kuah leh vawng vawng.
Ṭhutthlengah ṭhutpuiin, "Party Office-ah i kal hman lo tiraw?",
"Hman lo e, i rawn ṭap ta mai si a; thil ṭha lo a thleng emaw ka ti alawm", ka ṭap lo asin mawle.
Ṭapah min chhuah leh der, engpawh lo ni teh se.
"Sam, tuna kan awmna aṭang hian chhuak lo mai rawh. Chawlh hlen i duh a, ka thlawp che. Heti hian, chhungkua hlim tak ni chho zel zawk ang u", a ṭawng lo.
Min en ngawt ngawt, "Khawi maw lehkha chu?", a ipte ka dap. Ka kut a man.
"Tuna i thusawi kha i hre chiang em?",
"Chiang e, chawlh hlen a thlanawm. Siamtea leh Freddy-a pawhin Politics nena inzawmna neih an duh tawh lo. Keipawhin ka duh lo. Tihluihna avang chauha i liam tur lah ka ngaingam lo, a hma zawng aia buaina min thlentu a ni lo ang tih a sawi theih loh. Hlim lo tak chungin i thawk ang a, chu chu ka duh lo a ni", ka ti a.
Min ngaithla pawhin a lang lo.
"Sam, min ngaithla em?",
"Ngaithla e",
"Lehkha kha paih daih rawh. Kei chuan, kan chhungkaw hlimna chauh hi ka duh, nangpawhin i duh ve tho tiraw? I kawng daltu nih ka duh lo", ka ti leh seuh seuh.
Min kuah a, ka pangchang thar thut; hnar chhung a za mer mer a, mit tui a tla tawh.
Show post links
Top