Re: KA HMANGAIH THINGTLANGPA CHAPTER - 1 (ZAWMNA)MAWITEI BAWITLUNG
Posted: November 10th, 2024, 9:31 pm
ZAWMNA
“Tûpa bawp pa sei sei, Lalruanga pa bawp a sei sei" Valpuia te ho chuan an bawp chu chhuata ṭhu chuan an hawl zauh zauha. U Sangpuia takngial pawh telin a bawp sei sei tiin an in el a ni ber mai. Rengpuia bawp tawi bik lutuk chu an nuih bawk bawka, ni e an ṭhian ho ah a tê fâl nalha, an fiamna ber pawh a ni.
“In va ho e aw" pa Senan a lo tihlaiin an ni ho lahin a nuak an ti lutuk chu an au chûl reng mai. Chutia an in ngeih leh ta chu ka lâwm takzet, “Le card deng ang u a chak lo apiang kan in pen ang" tiin an in sawi phura, panga chiah an ni bawk nen ka peih lo chung chu min tel luih tira, in dâwl chuh an ti bawk nen ka thiam lo lutuk chu min nuih leh ṭhin.
Kan chak loh apiangin min pen bawk nen ka chal chu a sa na ut ut tawh mai, a sen vek tawh bawk. Ka tum bur tâkah chuan min pen duh tawh bik lo in an mahni ho chu an in pen kuala, a tâwpah chuan kan chak ve hrama. Phur zetin Valpuia, Kimbawiha leh Samuela te chu ka pen fawk fawka, in pen kher kherah hi chuan ka kutthlak a na ve bawk nen an ni pawh an ner sawk sawk mai.
“Hmeichhia ve si i kutthlak ava na ve" an tihchuan ka nuih haka, “Ti zung zung ang u, a tlai tawh a nia ka pen ve char char tawh ang che u" ka man deuh tawh bawk nen phur zet chuan ka ṭhu ṭha sauh sauha, an ni pathum ṭang bawk. Keini pathum ṭang bawk chu kan au leh hluai ṭhina, Valpuian Rengpuia sa lo en ruk a tum nen an in hau leh thul, kan paruk pawh chuan kan bengchheng leh pek viau.
Nu Chhingite nupa fel lo hlauh phei se chuan min hau ngun ngawtin ka ring, u Sangpuia te nên chuan kan chak apiangin Samuela te chu kan pen ve ta zela, an ni pawh an chal a sen ṭûn tawh mai. Nuih hak hakin phur zet chuan card chu kan den chhunzawm zêla, a tâwpah phei chuan an ning lutuk chuan bân an rawt zuia, a tlai tawh tho bawk nen dah felin an haw tur chu pâwn thleng chuan ka va thlaha.
“Nidangah chuan chalah lo kan ti tawh ang, hetiangte chuan kan hmelchhe zo vek dâwn a sin, bialnute lakah in tih theihna tur kan nei tawh nang" tinang nâng hlawmin min rawn bye bye zuia, nui hak hakin ka mangṭha zui sap sapa. U Sangpuia erawh a la ding khawmuang deuh thung.
“Vawiin kha i chau viau em?" a tihchuan ka lu ka thing nar nara,“A nuam ka ti lutuk, kan haw pui te lah kha an fel bawk si. Khatiang a nih reng dâwn chuan chawlh apiangin ka rawn feh ve ziah ang, mahse hmakar aṭang hian zirlai an exam ṭan dâwn sia, ka hman rih lo ang. Nidangah feh na hun a la awm zêl ang tiraw?" ka tihchuan kum tâwp thlenga a awm tûr thu sawi pahin min kuah vang vanga.
“Tui deuhin mula i mangah min hmu dâwn a nia, mittui le" tisupin ka chalah chuan min fawp zauha. A awm dân chu nupui te duat deuh hi a ang ber mai, nui ver verin ka en chho ha a “Nangpawh muttui le, i mangah min hmu ve dâwn nia, kal phawt rawh naktuk chu inkhawm ve rawh aw, ka lo sâwm ang che" nidangah a inkhâwm ngai lo tih ka hria, sâwm chhin hrim hrim ka duh vang a ni pakhat.
A ngawih vang vang hnuah “Aw le, nang berin i tih te chuan, Sunday tal chu ka inkhawm ve ang chu kei misual hi" ti a nui sukin a ngawi leh vang vanga, a thusawi dânah chuan a châk lêm lo hle tih ka hre mai. Ni e, miin an sawidan a hre ve reng dâwn a, nuam a ti bik lo pawh a niang, mihring te hi chu mi sawisel peih leh mi chanchin chhe lai an tlinlohna lai chiah hmuhsak ching hi a tam zawk kan ni miaua.
Biak inah pulpitah dingin ruihhlo ngai leh sual rawng bâwl mekte chhanchhuahna tûr thu kan sawi dup dupa, ṭawngṭai rual thupuiah kan thawh reng chungin a ruihhlo ngai te. A sual kan tihte'n Pathian Biak in rawn panin rawn inkhawm se kan sawi leh sep sepa, an awm nawm lohna tur khawpin kan lo sawi leh nghala, lo kawm tlangnela, inkhâwm zêl tura sâwm aiin “A rui leh tho ang, a sim tak tak ka ringlo" tih te hi kan thusawi duh dân a ni leh ṭhina.
Sual sim tuma Biak in rawn pan te kan lo ûm hla leh zâwk ṭhin a nih ber hi maw.
“Nangmah in sit miah suh aw, tumah hi mi ṭha famkim sawisêlbo kan awm bik lo a nia, mi ai hian in hmuh hniam bik tur a nilova. In dah san tûr lah a ni chuang lo, tute pawh hian tihsual kan nei veka, chuvang chuan mi pawhin an theih chuan nangpawhin i thei a lawm. Ka ring tawk che a nia, nangmah kha in thlahrung miah suh, mihring chuan kan pâwnlam landan ringawt kan in en sak ṭhina, Pathian erawh chuan kan chhungril lam a en zawk tih hre reng rawh, ka lo sâwm ang che" tiin dingdihlip in a biangah chuan ka fawhsak zauha.
Nui haka min mangṭha leh in a kalzuia, thim kâra a bo thleng chuan ka en zui vang vanga. Ni e, misual tak ni a kan ngaih te pawh hi an sual vâng a ni hauh loa, an thil sual tihlai chiah kan hmuhlen sak vang hi a ni fo, pawnlam ṭha hluak chhungril kha si hi Biak in pan ngun em em te ah pawh hian an lo awm ve tho bawk, tumah hi in hmu dik lo tur kan awmlo. Misual, Adama leh Evi thlah kal zêl kan ni miaua.
A tûkah chuan ka sâwm ta ngeia, a ni pawh a lo insiam ve mai bawk. A nu nen chuan inkawmin kan nui dun hak haka, a nu pawh hian kan inkar a hria in ka ring. Chutia inkhawm tûra u Sangpuia ka hmin thei chu lâwm thu min hrilh mawlh mawlha, u Sangpuia erawhin a hre hauh lo thung, room aṭanga a rawn chhuah rual chuan ka lo en renga.
Kamiz leh smart pant a ha lai ka vawikhat hmuhna a ni bawk nen chhelo hi kan ti em em khawpa, ka lo en ngawih ngawih mai. A ngal sei zet nen chuan a in hmeh tih piahlam a ni, a hmelṭha takzet bawk.
“Kal ila" a rawn tih tâkah chuan muangchanga inzuiin Biak in lam chu kan pana “I inhmeh lutuk" ka tihchuan lai zet hian a nui ve suk suk mai, mi chuan an lo be sap sap hlawma. An lo fak luai luai bawk nen u Sangpuia zâwk chu a zak tih hriat takin a ngawi ngara, hmalam a melh ngar bawk.
Ni e, an khaw mite hmêl ah pawh a inkhawm ve thei tur chu an lâwm hle tih a hriat.
SANGPUIA PIC
“Tûpa bawp pa sei sei, Lalruanga pa bawp a sei sei" Valpuia te ho chuan an bawp chu chhuata ṭhu chuan an hawl zauh zauha. U Sangpuia takngial pawh telin a bawp sei sei tiin an in el a ni ber mai. Rengpuia bawp tawi bik lutuk chu an nuih bawk bawka, ni e an ṭhian ho ah a tê fâl nalha, an fiamna ber pawh a ni.
“In va ho e aw" pa Senan a lo tihlaiin an ni ho lahin a nuak an ti lutuk chu an au chûl reng mai. Chutia an in ngeih leh ta chu ka lâwm takzet, “Le card deng ang u a chak lo apiang kan in pen ang" tiin an in sawi phura, panga chiah an ni bawk nen ka peih lo chung chu min tel luih tira, in dâwl chuh an ti bawk nen ka thiam lo lutuk chu min nuih leh ṭhin.
Kan chak loh apiangin min pen bawk nen ka chal chu a sa na ut ut tawh mai, a sen vek tawh bawk. Ka tum bur tâkah chuan min pen duh tawh bik lo in an mahni ho chu an in pen kuala, a tâwpah chuan kan chak ve hrama. Phur zetin Valpuia, Kimbawiha leh Samuela te chu ka pen fawk fawka, in pen kher kherah hi chuan ka kutthlak a na ve bawk nen an ni pawh an ner sawk sawk mai.
“Hmeichhia ve si i kutthlak ava na ve" an tihchuan ka nuih haka, “Ti zung zung ang u, a tlai tawh a nia ka pen ve char char tawh ang che u" ka man deuh tawh bawk nen phur zet chuan ka ṭhu ṭha sauh sauha, an ni pathum ṭang bawk. Keini pathum ṭang bawk chu kan au leh hluai ṭhina, Valpuian Rengpuia sa lo en ruk a tum nen an in hau leh thul, kan paruk pawh chuan kan bengchheng leh pek viau.
Nu Chhingite nupa fel lo hlauh phei se chuan min hau ngun ngawtin ka ring, u Sangpuia te nên chuan kan chak apiangin Samuela te chu kan pen ve ta zela, an ni pawh an chal a sen ṭûn tawh mai. Nuih hak hakin phur zet chuan card chu kan den chhunzawm zêla, a tâwpah phei chuan an ning lutuk chuan bân an rawt zuia, a tlai tawh tho bawk nen dah felin an haw tur chu pâwn thleng chuan ka va thlaha.
“Nidangah chuan chalah lo kan ti tawh ang, hetiangte chuan kan hmelchhe zo vek dâwn a sin, bialnute lakah in tih theihna tur kan nei tawh nang" tinang nâng hlawmin min rawn bye bye zuia, nui hak hakin ka mangṭha zui sap sapa. U Sangpuia erawh a la ding khawmuang deuh thung.
“Vawiin kha i chau viau em?" a tihchuan ka lu ka thing nar nara,“A nuam ka ti lutuk, kan haw pui te lah kha an fel bawk si. Khatiang a nih reng dâwn chuan chawlh apiangin ka rawn feh ve ziah ang, mahse hmakar aṭang hian zirlai an exam ṭan dâwn sia, ka hman rih lo ang. Nidangah feh na hun a la awm zêl ang tiraw?" ka tihchuan kum tâwp thlenga a awm tûr thu sawi pahin min kuah vang vanga.
“Tui deuhin mula i mangah min hmu dâwn a nia, mittui le" tisupin ka chalah chuan min fawp zauha. A awm dân chu nupui te duat deuh hi a ang ber mai, nui ver verin ka en chho ha a “Nangpawh muttui le, i mangah min hmu ve dâwn nia, kal phawt rawh naktuk chu inkhawm ve rawh aw, ka lo sâwm ang che" nidangah a inkhâwm ngai lo tih ka hria, sâwm chhin hrim hrim ka duh vang a ni pakhat.
A ngawih vang vang hnuah “Aw le, nang berin i tih te chuan, Sunday tal chu ka inkhawm ve ang chu kei misual hi" ti a nui sukin a ngawi leh vang vanga, a thusawi dânah chuan a châk lêm lo hle tih ka hre mai. Ni e, miin an sawidan a hre ve reng dâwn a, nuam a ti bik lo pawh a niang, mihring te hi chu mi sawisel peih leh mi chanchin chhe lai an tlinlohna lai chiah hmuhsak ching hi a tam zawk kan ni miaua.
Biak inah pulpitah dingin ruihhlo ngai leh sual rawng bâwl mekte chhanchhuahna tûr thu kan sawi dup dupa, ṭawngṭai rual thupuiah kan thawh reng chungin a ruihhlo ngai te. A sual kan tihte'n Pathian Biak in rawn panin rawn inkhawm se kan sawi leh sep sepa, an awm nawm lohna tur khawpin kan lo sawi leh nghala, lo kawm tlangnela, inkhâwm zêl tura sâwm aiin “A rui leh tho ang, a sim tak tak ka ringlo" tih te hi kan thusawi duh dân a ni leh ṭhina.
Sual sim tuma Biak in rawn pan te kan lo ûm hla leh zâwk ṭhin a nih ber hi maw.
“Nangmah in sit miah suh aw, tumah hi mi ṭha famkim sawisêlbo kan awm bik lo a nia, mi ai hian in hmuh hniam bik tur a nilova. In dah san tûr lah a ni chuang lo, tute pawh hian tihsual kan nei veka, chuvang chuan mi pawhin an theih chuan nangpawhin i thei a lawm. Ka ring tawk che a nia, nangmah kha in thlahrung miah suh, mihring chuan kan pâwnlam landan ringawt kan in en sak ṭhina, Pathian erawh chuan kan chhungril lam a en zawk tih hre reng rawh, ka lo sâwm ang che" tiin dingdihlip in a biangah chuan ka fawhsak zauha.
Nui haka min mangṭha leh in a kalzuia, thim kâra a bo thleng chuan ka en zui vang vanga. Ni e, misual tak ni a kan ngaih te pawh hi an sual vâng a ni hauh loa, an thil sual tihlai chiah kan hmuhlen sak vang hi a ni fo, pawnlam ṭha hluak chhungril kha si hi Biak in pan ngun em em te ah pawh hian an lo awm ve tho bawk, tumah hi in hmu dik lo tur kan awmlo. Misual, Adama leh Evi thlah kal zêl kan ni miaua.
A tûkah chuan ka sâwm ta ngeia, a ni pawh a lo insiam ve mai bawk. A nu nen chuan inkawmin kan nui dun hak haka, a nu pawh hian kan inkar a hria in ka ring. Chutia inkhawm tûra u Sangpuia ka hmin thei chu lâwm thu min hrilh mawlh mawlha, u Sangpuia erawhin a hre hauh lo thung, room aṭanga a rawn chhuah rual chuan ka lo en renga.
Kamiz leh smart pant a ha lai ka vawikhat hmuhna a ni bawk nen chhelo hi kan ti em em khawpa, ka lo en ngawih ngawih mai. A ngal sei zet nen chuan a in hmeh tih piahlam a ni, a hmelṭha takzet bawk.
“Kal ila" a rawn tih tâkah chuan muangchanga inzuiin Biak in lam chu kan pana “I inhmeh lutuk" ka tihchuan lai zet hian a nui ve suk suk mai, mi chuan an lo be sap sap hlawma. An lo fak luai luai bawk nen u Sangpuia zâwk chu a zak tih hriat takin a ngawi ngara, hmalam a melh ngar bawk.
Ni e, an khaw mite hmêl ah pawh a inkhawm ve thei tur chu an lâwm hle tih a hriat.
SANGPUIA PIC