CHHUNGKAW CHHEHCHHAWL NULA BY Engtea Fanai (Completed)

[ngaia]

Bung 13
A hmasain chhiar hi in awm ve tak tak em ka hre lo a, pahnih khat hi chuan in chhiar vein ka hria a, chhiar in lo awm ve a nih chuan Fb lamah khan comments lo hnut chhiah ve ula, Tin, chhiar a harsa ang tih ka ring a, a chhan chu ka edit tawh lem lo ka tih kha, ka rawn dah ve hrim hrim a ni ber e, chutih rual chuan chhiar in lo awm hlauh a nih chuan lo comments ve teh u, kan ti a ni.



Nui pov ah let leh ang aw.


U Hriata hian min hel deuh tlatin ka hria a, a rul tawk chauhin min chhang ṭhin a. kha zan a pa accident zan aṭang khan ka phone call pawh hi a pick ṭha duh lo, a hnua ka hriat leh danin class ban san niin ka hria, U Mami pawh tunah chuan hna nei lo a ni rih a, in lamah a awm tam a, kei class ka kal thung a, U Mami'n a hna a chân chiah chu kan buaiin kan mangang ru hle a, mahse amah hi chuan engmah a sawi lem lova, hreawm ti lo angin a awm a, zan reiah hian hreawm a ti ṭhin tih ka hria, pawn bathlarah hian a vei vei ṭhin a, kan kawtzawlah te hian a vei kual leh ruk ruk ṭhin a, ka khawngaih tak zet, mahse U Mami chu ka hre chiang, a awm mai mai lo ang.




Tunah rih chuan U Mami chu kan chhehchhawl a ni ve rih a, scooty in ka class kal tur min thlah a, in lamah awmin alo che ve thung a, lehlamah chuan kan loan rulh mek te nen rilru hah viauin awm mah ila, uMami in lama a han che khet khet hmuh chu nuam ka ti. Mahse zing kar bawlhhlawh paih erawh ka hna, he hna hi chu a nghetin ka thawk ka tih tawh kha, ka kaisang hlei thei lo a ni.



Kan class chu a nuam rih viau a, Ramrami nen inkawm chawtin hun hlimawm tak kan hmang, mahse maw,, 12 ka pass kher kher kha ka rilru hahna inṭanna tur hmahruai a ni tih reng reng kalo hre lo, a har hi a ni tawp, 1st semester aṭangin ka rilru hah a kal chho ṭan a, Ka nu khan Fanu BA a neih avangin a inchhuang viau a, mahse Fanu BA beidawng hi hrechiang se, a lainat anga amah pawh a inchhuang hauh lo ang.



Ni a liam tam ve leh fe tawh a, U Mami pawhin a chhehchhawl life chu a hmang ṭangkai khawp mai, pot leiin kawtlaiah pangpar a dah tlar dal a, an mawi hle nghe nghe, nula senior nun kawng dik zaw chhoh mek hi chuan pangpar hi mawi an ti thar a, ran an ngaina chhova, an sam an han tan leh ringawt a, an han tikir leh vel thul, mahse han tum viau mahse an kumin a hnuk tawh a, an za peih tawh miau si lova, an ler leh tak tak peih chuang hlei lova, social mediaah an hman chhunah an pawt ho hle ṭhin.



Chutiang nun chu U Mami hian a zawh chho mek niin ka hria, Mahse amah ka hrilh chuan min ngei leh dawn sia, A Nu bulah erawh ka sawi lawk a, U Mami hian zawhte cute deuh a rawn lei hunah chuan pasal neih a tum tawh lo tak zet a ni tih hretawp rawh ka ti a, Ka nu chuan ringawt ache, a la nei ve em em ang, chuloah i U Mami'n ran a ngainat pawh ka hre lo a ti liam mai a, keichuan engtikah emaw ka sawi hi a la thleng dik dawn tiin ka nu chu inchawi puiah ka cho a, ka Nu chuan i ho mai mai, lehkha zir ṭha hle la a ni mai a ti daih.
U Mami chu in ah a awm tam a, awm mai mai thei lo chi hi a ni ve a, eng eng emaw hi a tikual a, A Pi Saii nen ti tiin an inkawm nileng ve ṭhak ṭhak a, keiin ka peih loh em em, Api saii Nulat lai ngaihthlak te chu a peih hle a, an inkawm thei phian mai.



Kar a hlat deuh tawh avangin christy te nen pawn kan in len pawh reng thei tawh lova, ngai ṭhin mah ila, chhuah mai mai hi a harsa ṭhin si a, phone aṭanga kan inbia tih loh hi chu inhmuh hun kan nei khat tawh hle. U Hriata chanchin hi ka zawt ṭhin a, khuaah pawh a awm ngai mang lo, a zin chhuak reng a, pa ber hi a ni ringawt tawh, tiin U Hriata chanchin chu min hrilh a, ka khawngaih ru hle a, chutih rual chuan han khawngaih turin keini lam pawh hi eng kan ni bik si lo, an ni aia kan chan ṭhatna a tam bik lo hle si a.



U Hriata nen chuan a khat tawk chuan inbe ve fo mah ila, tun hmaa kan inngaihzawnna hlimawm tak ang kha a awm ta meuh lova, vana arsi te ka thlir chang te hian kan hun liam tawh te kha vanah khian ka hmu tlatin ka hre ṭhin a, ka dak vauh vauh a, ka en leh vung vung ṭhin, khang hun kha ka ngai a ni, puitlinna kawng hian min la ṭhen hrang zel dawn chu a ni sia le. U hriata chuan min ṭhen chuang lova, min be chhe hek lova, min be ṭha teh chiam chuang lo, a buai zia thu min hrilh reng a, a buai lai han tihbuai zual chu ka duh bik bawk si lo. kan thlalak hlui te en in ka mittui a far leh fap fap ṭhin.
Favang kan lut chho \an a, zoram boruak a nuam chho tawh viau a, tlaikhat chu boruak a thiangin van te chu a thiang kuk mai a, chhum chuan rawng chi hrang chhuahin a inpawlh mawi em em mai a, lung a ti leng hle a, U Hriata chu ka ngai thar riau va, ka eirawng bawl chu ka dah a, pawnah chuan tlai boruak dawnga chhuah pah chuan ka han call ngawt a, U Hriata chuan phone a chhang lo, ka thinrim chu ka inngaihtuah lungpuam a, ka thin a rim lutuk, hetianga rilru haha awm reng ai chuan tiin in\hen rawt mai chu ka tum a, ka call nawn leh ngat a, a rawn chhang ve ta nge nge a.


A 'aw' ka han hre leh chiah chu ka mit leh deuh sulh a, sawi tur ber pawh ka hre lo, ka mittui a lo hnam chhuak leh ringawt a, U hriata chuan Nui, engatinge I ngawih reng a, a rawn tih chuan ka aw ka thian a, ka insut deuh feih feih a, I dam \ha em tiin ka zawt a, Um, dam \ha alawm, nang zawk, a rawn ti ve leh mai a, U hriat, ka ngai che a ni, ka tan hian hun I nei ngai ta miah lova ka tih chuan, ka tihpalh a ni, ka tan pawh hian hun ka nei tawh bik lo asin.a rawn tih chuan enge awm zia ka ti vat a.



Hei kan hna bakah keimah hian hlen ngei ngei tur ka nei a, chuthil ka tihpuitlin theih nan chuan hma ka la mek a ni, min hrethiam hram tehh a rawn ti zawi deuh sap a, anih kan pahnih in kar hi enge, beidawng aw tak chuan ka han ti a, Nia, I rilru tihnat ka hlau va, Mahse hetiang ringawt chuan kan dam dun dawn chuang si lo va.
A titi lai chu pawt chatin mi pawhin hna an thawk tho a, an inngaizawng thei tho a, engatinge kan theih ve mai loh a, min lo hmangaih tak tak lo a ni maw ka ti chuai raih a, ka beidawng a, ka tlawm tak zet a ni, ka hmangaih che, I nat ka duh lova, chuvang chuan hetianga awm ka ni, Mahse ka na tho si a, kan ngawi dun vang vang a, keipawh ka na alawm, a ti ve sap a.



In hmangaih tawn ila, kan dam dun mai thei lo emni, ka zawhna avang chuan a ngawi vang vang a, ka laklawh zo tawh a ni, a ti leh mai a, a nih tihian kan inkar chu a tawp taah ka ngai tawh dawn tihna emni ka ti leh a, min hrethiam dawn nia, ka hmangaih loh vang che ni loin, ka hmangaih vang zawk chein in\hen rih mai ang a ti ta a, hmangaihna avangin tumah an in\hen ngai lo, chhuanlam tenawm tak a ni, hmangaihna avangin harsatna harsat thlak tak tak pawh an hmachhawn a, an hneh \hin zawk a sin, min hmangaih tawh lo ah ka ngai ang.



Phone chu ka dah hmak a, Thlapui chu amaha eng turin Arsite chuan ka kalsan a ngai ta, U hriata number chu ka phone a\angin ka paih bo a, amah pawh hi ka thinlung a\angin paihbo ve thei ila ka ti ngawt mai. tunah tak hian ka bula awm turin Christyi ka mamawh a ni, kan kawtzawla U mami pangpar khawi lo vul tir te chu an mawi hle a, ka natna min hriat pui hauh loin an theih tawp chhuahin an mawi si a. Tlai ni chu kawlah a liam ruai ruai a, chhum te lah chu hmuhnawm khawpin an mawi a, mahse ka lunglenna leh ka khawharna min hriat thiam pui si lo.



Chutia lungchhia a keimah chauh a, ka awm lai chuan Api Saii a rawn au lar lar a, Nui khawiah nge I Pu a rawn chho em a rawn tih chuan ka harh chhuak zawk a, rawn chho lo, bucket nen a chhuah kha, chaw nawi a la dawn a niang tiin ka lo chhang a, Api saii chuan enge ni a hriat ni , min rawn pan a, ka bul setah chuan rawn dingin, I va nawm loh hmel ve Nute, enge ni ta a rawn ti zawi sup a, ka hrilh tur neih chhun a ni si a, Pi I hrethiam lo ang ka ti ringawt a.



In zirlai te a nih chuan ka hrethiam lo pawh a ni mai thei, mahse hringnun buaina anih chuan khawvelah hian ka awm rei ve ta, puih theihna che ka nei mai thei asin a ti siam siam a, kan chanchin chu engkim ka hrilh ta ringawt a, Chhum leh pangpar vel biak ngawt ai chuan min chhang theitu hnena han inbun ruah chu a nawm zawk ka beisei a ni.
A Pi saii chuan, a ni maw, I pu nen pawh hian harsatna tam tak kan tawk ve a, Mahse hmangaihna dik tak nen kan pal a, kan pal tlang ve zel chu a nia, Mahse I \hianpa buaina chu ka hre si lova, amah kha mi rinawm hmel tak a ni a, a aharsatna tawh chu a lian hle a niang, engpawh nise, hmangaihna vanga chhe rual in la ni lo, hmabak ila ngah lutuk a nia, tiin ka dar beng thek thek chuan min chhuk san leh a, A Pi saii chu ka ngaina thar hle.



Anu leh U Mami an rawn haw \ep tawh ka ring a, Tunlai chu U mami hian Anu bazar \hu hi a pui \hin a, an rawn haw tlai \hin hle mi in ang pahnih an ni bawk a, \hahnem an ngai dun ropui si a, zirtawpni zan phei chuan pakhat zawk zawk bazarah an riak \hin, an \ang lutuk chu ka khawngaih \hin zawk. Keilah hian tih theih vak ka nei ve si lo. chuta karah ka rilru a la na ve em em leh nghal a, ka natna te chu an rilru hahna lakah chuan a nep hle awm si a, engmah an bulah chuan sawi chhuah loh va, tawrh dam mai ka tum a, christy leh Ramrami erawh hrilh ngei ka chak a, anni chuan min hrethiam dawn si a.



Tunlai chu Ka chau a ni, chutia rilru na \ap \uauva ka awm lai chuan, u mami phone call ka dawng, huphurh ru tawk chuan ka chhang a, hmanhmawh lutukin ITI taxi stand ah lo va tlan rawh, ka nu kha, a rawn rit haw lutuk a rawn call leh awm tawp si lo che a, a rawn ti, ka mittui rawn luang thla mek pawh chuan chu thu pek chu a zawm ngei a ngai tih a hria a niang, a luang let chho nghal zawkin ka hria, ka \ap teuh asin le, thawk ka la halh a, Um,, chhehchhawl tan rilru nat hman a ni lo tiin ka in motivate a, ka nu chhawk tur chuan chak takin ka chhuak chho a, khua a thim deuh ruai tawh a.
Ka va thlen a\anga rei vak loah ka nu chuanna taxi chu a rawn thleng a, bag lian pahnih hi a rawn khai chhuak a, ka pu, rawn thlah tlang mai tur che a nia, a hlat loh nen ka ti dek dek a, heipawh hi ka rawn kal lui a nih hi, kan nu’n naute a nei \ep a sang tawh, ka taxi hi min la nghak, I U khan ,min nawr lui a nih hi tiin min la vin hrep zui, ka zak lutuk, Ka nu chu a lo nui suk a, A nih vena ka lawm e, a ti a, taxi chu a in her a, a tlan let leh nghal a, keichuan tunge a ka ti nghal vat, I U Mami \hianpa a nia, taxi avang lutuk a, a rawn tur chhuak lui a nih kha, a nupuiin nau a vei mek leh nghal.




I u in a rawn call che a mi a tih zawm nghal zat a, aw ,, enge a.,ka ti a, hei chaw hmeh ho a, a eng tawh ho lehh, I U mami 2ndhand zawrh tur a niang, a tia, kan pahnih chuan kan in khai phei a, reilo te chhung chu U hriata pawh ka theihnghilh ve chuan ka hria, in kan thleng a, kan thil ken chu kan nghat chawrh a, Taxi driver chu rawn tlan phei tlang ve mai tur a nia, ka la ti zui hram a, I U Mami nen an inhnial nasa lutuk tawh, I u lah khan a vin zawk khar khar a, titau bur chungin a rawn tlan zawk a nih kha a tih chuan a tlawmngai lo ve hrim hrim ka ti hram a.



Dar kar khat hnu velah chuan U mami chu a rawn inkhalh haw ve leh ta a, a rawn lut chu ka nu’n a beisei loh lutuk a hmu a ni ngei ang, enge kha kha awm zia a lo ti, keichu thil inti hreh fuh tawkin kalo nui var var a, ka sawi reng kha kalo ti ve bawk, U mami chuan enge nui deuh put put chuan a rawn ti a, Ka Nu chuan engatan nge zawhte te I rawn hawn a, a tih chuan U Mami chuan ka \hiannu Seni’n an zawhte pakhat fel deuh mai hi, tunlai in ah I awm nasa sia, I khawhar hneamah a tia, ka la ve mai a nih hi a tih chuan ka nu chuan tun hmain ran I ngaina ngai bawk si lo a lo ti gui gui a, Mak a tih hmel hle.
Keichuan rang tawk hian U Nula senior ultra nunkawng a zawh chhoh dawn chuan a ngai ka tih kha a sam a la tikir lo mah mah ka lo ti chiah chu, U mami chuan Laldinkim, I zak lo ka la senior hlawl lo, tih pah chuan a bag chuan min rawn vawm a, U Mami hi chu I mak ve e, kei hi I upa tawh puitling deuhin awm rawh min ti min tia, Nanglah hi upa I in ti duh miah bawk si lo, ka tih chuan ka nu pawh a lo nui suk a, I ninawm, eirawng te kha I lo bawl theih nghilh leh ange, tiin a zawhte chu a dahthlaa, kei hi ran ngaina lo ve tak mai hi ka ni bawk si, a zawhte hming lah chu a \hing mai sia, Khuma a’n ni tlat mai a, u Mami chuan Naute lawm tawka lawm hian Khuma chhuk rawh aw,, tih pah chuan duat tawkin a dah thla.



Rang lutukin, kan chhuar lamah a tlan lawn nghal, kha, enge I rawn hawn ve ringawt, a harh si, ka peih miah lo a nia, ka vawm \awlh zel ang tiin kan zawhte thar harh zet chetla chu ka Nu nen chuan kan en tawp, Ka Nu pawhin a beisei loh lutuk a, kan chhungkaw member a ni tawh mai ang chu kan pung thut chu mak a ti a ni. U mami leh Khuma chu a en tawn zak zak a, tu mawng kan beng ve dawn hnai tawh ang chu tihnak laia zawhte ek lo then vel kha ka peih teuh lo a nia, sawn te hi pai tehh a ti hluk ringawt, U mami chuan I mawl lutuk, Nui hriatah kha tiang sawi tawh reng reng suh tiin a nui put put a.



A dik chiah alawm, A nute min titu tur te hi an awm ve dawn lo a nih hi kalo ti ve bawk, nangni nufa hi min nawr chhuah hi intum emaw ni, Pasal ka neih pawn kan In ah a rawn mo zawk tur a ni chutiang an ti thei lo a nih chuan No Way,,a ti ve hmak a, zai rat rat pah chuan Nute a rawn ti leh Ka nU chuan keipawh a lo ti nghal, ka lum sa vek tawh, kalo ti vat a, U mami chu a va intifai a, Khuma lah chu a harh ropui si, kan \hutthlengah chuan a lawn kual den den leh nghal.
Ka Nu chuan a thil rawn hawn ho chu a rem mawl mawlh a, Kha, I Pi saii te khu zuk pe ve teh tiin chaw hmeh ala \ha \ha chu a thlang a, Aw,, keimahni pawn kan ei duh ang chu, hengte chu naktukah pawh ala hralh tlak dawn reng hi ka tih chuan aw,, hralh tlak loh lutuk in pek kha I dawn tur ni se I duh bik dawn emni a ti leh, a ei tlak te chuan duh e tih pahin a chaw hmeh rawn hawn chu ka la a, pawnah chuan ka chhuak a, Khua a thim ruih tawh a, Favang khua chu a thiang kak a, zoram boruak pawh a nuam chho viau mai.



U Hriata nen khan mi angin a kum dawn dawn in zui ve hman lo mah ila, kan in nelin kan in be reng a, kan inngaina hle a, sulhnu tam tak kan nei hman a, heti maia tawp tur chuan ka lo inring lo a ni, pawn ka han chhuak chiah chu ka rilruah U hriata bawk a rawn thar leh a, Mahni a awm chu ka hlau a ni ber mai, Ka chhungte lahin ka rilru hah chu hre lo se ka duh em em si a, A pi Saii te in ah chuan ka lut a, An nupa te chuan an lo titi melh melh a, A pi saii chuan min lo hmu chiah chu min hriatthiam hmel tak hian Nute I \ha maw a lo ti vat a.



Um,, \ha e,, Pi hei A Nu’n chaw hmeh zuk pe rawh a tia ka tih chuan Apu chuan aw,, I nu hi aw,, a la hralh theih ang chu mawle hengte chu, thil hi min rawn pe reng mai a, a inthlahrunawm \hin em mai alo ti chuar chuar a, a ho lutuk, inthlahrunawm loh em mai, ka ti thla ve rawk a, \awngkam mawi an rawn hman a, han chhan let dan vel hi ka thiam \hin lo.
Apu chuan ngawi tak rawh , Nute,, kan dam ang a, kan vawk hi a han lian thur thur anga, kan talh rup anga, hniang hnar tawkin Sa rep I ei ang tiin ka chaw hmeh pek chu a dah fel mawlh mawlh a, Anu te hian ka vawksa rep duh zia an lo sawi pui a, chu chu an lo la hre reng a nih dawn hi, Api Saii chuan tunlai khawpuiah chuan chaw hmeh in pek te, insuah te hi a theih tawh loh tluk a nia, kan hre ngai tawh mang lo va, I Nu hi chu a zo nu \ek \ek bawk a, kan in\henawmna pawh a hlimawm in a nuam tak tak a ni, a ti ve siam siam a, ka pu chuan ni chiah e, in\henawm awm chi tak kan in\henawm a nih hi, alo ti ve bawk a.



Kei chuan an titi ka ngaihthlak zawh chuan ka chho dawn chaw kan la ei lova, ka ti a chhoh mai ka tum a, A pi Saii chuan kha, bawkbawn bai hi suak ve tehh Saum nen ka bai a, a tui in tih zawng a ni em phei chu ka hre law, suak ve reng reng tehh a tih avangin an plate chuan ka suak chho ve a, a tui hmel phian leh nghal a tui te chu a paw phat mai a, hmarchapui nen, lengser rim chuan a ti rimtui em em leh nghal, awii, a tui dawn lutuk kan chho ange tiin ka chhuah san ta a.



U Mami chu a lo inbual zo tawh a, Zawhte chu lo pawmin a lo be mawlh mawlh a, A nutei kha a lo haw a nih saw alo ti vel, ka ngei lutuk, zawhte Nutei ka ni duh bawk lo tih pah chuan khuma chu rum tawkin ka melh, ka sawi chu a hria nge ni, ka sawi zawh ve leh chuan ala miau zui, U mami lah chuan a \awng inti hrethiam tawkin,, Um,, an hau maw, ka Naute hi,, A nutei sual lutuk mai an ti vel ka ten lutuk, Ka Mutna ah te a rawn kal veih ange, ka theh thla \huai a ni mai, ka ti a.
U Mami chuan amak zawhte khing uai uai rual pawh I ni lo, kha enge I rawn hawn a rawn tih chuan ,, hei, A Pi saii’n a bawkbawn bai min suah haw tir a , a tui hmel tawp, ka ei chak tawh, Anu chu a inbual rei chuang lo ang, chaw ei siam ang ka ti a, Aw le, tiin Khuma chu chhuatah a dah a, a hmul te kha a ti tla vak ange, tiin Khuma chu ka melh rum, a ni lah chuan ka nello tih a hrethiam ve emaw ni, TV hnuai dawhkanah chuan a tawlh lut sut sut a.



Kan chaw ei siam zawh chuan Ka Nu chu bathroom a\angin a rawn chhuak a, a rawn zai rat rat a, kan titi a reh duk a, U Mami nen chuan chaw chu kilin kan ei dun mawp mawp a, kan inbiak loh chuan ka ngaihtuahna a buai mup a, vawiin tlaia U hriata nena kan inbiakna chu ka bengah a ri nawn leh \hin a, a hreawm ka ti a ni, ka chaw ei lai chu chawlin ka lo ngawi leh vung vung a, nakinah chuan Ka chalah chuan thleng an rawn khawng ri fawk a, U mami chuan enge I ngaihtuah dauh dauh, kha Ka nU’n chaw min khawrh rawh a tih mawlh mawlh kha a rawn ti, keichuan min khawn kher angai ami, ninawm lutuk tiin ka nu chu chaw ka khawrh sak.



U mami chuan Bai chu a suak ve chhin a, avan tui reuh em em, A Pi saii hi chaw hmeh siam a thiam a ni, a thlawn lah hian thil hi a pek theih miah loh leh nghal a let hi min pe tel ve zel a, a inthlahrunawm zawk tiin Ka Nu nen chuan an titi mawlh mawlh a, Ka Nu chuan tih tak hmel zet hian, Mami, engtia awm zel nge I tum, Bzara min \hut pui reng hi I tum emni, in hna lah hi a zawm theih tawh hmel si loh lungngaih hmel tak chuan a ti a,



U mami chuan e,, Nia, ka lo sawi theihnghilh, Khitah ka \hianpa te school ah Pvt ah ka thawk dawn, karleh a\angin ka rawn join ang ka tia, hlawh pawh pvt ah chuan \ha tak a ni, 10000 lai a ni ve dawn a, a tih chuan ka nu chu a thaw a veng huai a niang, a van lawmawm tak tiin a thaw halh a, U mami erawh a ngawi zui vang vang a, ahmaa a hlawh nen a inthlau ve deuh bawk a ni, Mahse U Mami zawng a taimaa a inren thiam em em a. a insiamrem leh zung zung thei mai ang.


Yes chhun thil eina tur ka nei leh tawh dawn a ni mai, tiin kalo lawm ve vak a, U mami chuan nang lah hi a, I a siah,, tiffin I pai reng zel kha a lo ti vat, Ka nu chuan a dik chiah mai, I thawveng ang tulh tulh a, min lo ti ve bawk, a nihna takah chuan ka thaw hi aveng thlawt lo asin, tunah tak phei chuan ka tawt ve up up a, Mahse U mami hi ang hlak hlak se, chung vel chuan ka rilru a la peng ber niin ka hria a, chung vel avang chuan ka han ti lui deuh kher a ni.


Ka rin lawk ang ngeiin U Mami chuan min zilh leh siam siam a, pawisa thawh chhuah harsat zia chu a sawi leh nghal par par a, a inbuatsaihna a rawn sawi chhuak emaw tih mai turin a hneh sawh, a sawi zawh chuan keichuan aw le, khati zawng kha zanin atana kan ngaihthlak thei te chu a ni e, kalo ti a, Anu chuan I va han chhe tak, I nghal sia e,, I lehkha zir te hi I ngaihsak loh hmel sia, kan innghahna chu ila ni ve awm sia, tiin a beidawn hmel tak tak, e,,,lo lungngai suh u, tiin ka han chhang ve khauh a.



Zan riah chu kan ei kham a, U Mami chuan a Zawhte Khuma pawm chung chuan TV a en a, keiin kan room ah computer ah zai ka ngaithla a, wifi vel kan titawp rih si a, kan computer a kan dah sa hla chu ka ngaithla a, taylor swift hla bawk chu intih thawven nan ka ngaithla a, Mahse zanin chu KO Taylori pawn min hre thiam tak tak lo, U.Khminga’n min hrethiam ber ang tiin K,Hminga hla hmangaih hmasa ber chu ka ngaithla a, Hun liam tawhah min hruai kir delh delh a, U hriata nena kan hun liam tawh te a rawn thar zut zut a, ka awmngaihna hre lo chu pawnah chuan ka chhuak ta ngawt a.



Room a ka awm reng chuan U Mami chuan ka awm dan a\angin ka hlim lo a ni tih a hre thiam dawn si a, U Mami’n a pangpar khawina bula a \hutna dah ah chuan ka \hu a, ka mittui a parawl leh \hin, engah nge maw min ngai lotu ngai chuan ka lunglen reng ni, U Hriata chu ka theihnghilh thei lo a nih pawhin ka hre reng tur a ni lo tiin rilru ka siam a, ka intipachang lui a, mahse van boruak reh ruih te chuan kan thawnthu hlui kha min rawn hrilh thar leh a, Arsi te chuan ka beng bulah zawi te te hian min rawn hrilh sep sep reng mai ni hian ka hria.



Ni E, Arsi te leh Thlapui chu hringnun hrang zawh tawh tura lak hran kan ni tawh miau va, an lung a leng ve anga, min ui ve te pawh a ni mahna, ka ngaihtuahna kawma a khawhar zawng leh a lungleng zawng ringawt a, zan hun ka chhiar lai chuan, phone call ka dawng a, rin loh lutukin Bena chuan min rawn call hlawl a, I dam maw, ka ti vat a, dam e, inkhel.com kha I chhiar em a tih chuan enge,, ka chhiar ngai hleinem chutiang ka ti nghal vat.



Chhiar rawh, tuna an news dah thar ber kha en rawh a tih chuan fb ah chuan ka lut a, Inkhel.com page ah chuan ka lut a, Benjamin lalhruaitluanga’n I League club Shilong Lajong ah contract thar a ziak tih chu a lo awm kalh a, ka lawm pui lutuk chu ka au chhuak hial a, wow,,, a van bon ve. I hlawhtling ta, ka tih chuan, nilo e, step khat ka rap ve chiah a ni, a kawng ala thui lutuk a han ti ve ngei a, ehhh… \awngkam te chu Puitling tawh vel ve ka ti a, A nui mai a, Chanchinbu mite ka hrilh bak chu nangmah a hamsa ber , ka Nu leh Pa pawh ka la hrilh lo,a la ti zui, hepa tak hi chu, I Nu te hrilh rawh an lawm dawn dawn nen ka ti vat.



Ani lah chuan Inkhel.com kha I en chiang lo ami a rawn ti leh a, enge ka hmu alawm ka tih chuan mawli, ka jersey number kha en ta che a tih chuan e,, en nachang kalo hre hleinem tiin a jersey pawh pharh chu ka en a, weehh,, 29 ka van choice tak, tu tan nge I hak a, ka tih chuan, aw I number duh ber kha a ni sia, min thlan sak kha sports lai pawn a rawn ti.
Nia, Mahse ka duh chhan chu Kai Havertz a nia, Havertz ka sawi chhuak chu U hriata ka rilru ah a rawn lang leh nghal, mahse ka ngaihtuahna chu ka thunun leh nghal thuai a, tunah chuan ka footballer duh ber chu, Havertz leh bena tiin ka nui ar ar a, bena pawh chuan Havertz tluk lo mah ila, raju te tal chu tluk kan tum ange,, ka hlawh lak hmasak berah thil ka lei dawn che nia tiin, rei tak kan titi a, dar kar khat dawn kan inbiak hnu chuan Ka Nu leh Pa kan hrilh ve tawh ange, hei an hre tawh zawk pawh a ni mai thei, min rawn call min rawn call mai a ti a, Phone chu kan dah ta a.



Keipawh, hei Ramrami’n min rawn call reng, enge ni a hriat ni, kan bia ange ka ti a, zan dar 10 a ri \ep tawh a, tun ang zan zanah rami chuan enge maw a duh ni tiin ka han call let a, thil ho tak a nih leh vaih chuan ka \im hrep ang, ka ti rilru a, ka han call let chiah chu, awi,, I va han la har em em a pawimawh lutuk, hrilh duh che ka ngah zia hi, I mu tawh emaw ka tia, good news lutu ka nei a nia, a rawn ti nghal phawr phawr a.



Henu extra lutuk hi chu ka ning \hin, mahse a lehlamah chuan ka nun boring tur min chhawk bertu chu a ni ve bawk si, Hmanni kan college kal pawh ka thleng chiah a, ka banah min vuan nghal, lokal tehh a pawimawh lutuk good news overr,, ka hrilh chak tawh lutuk che tiin class room ah min kai lut a, sawi rawh tiin phur tawkin ka ngaithla, enteh nichinah Lalbuanga’n min rawn nuih tih zawng min han hrilh a nih chu, a good news te hi a ho thei si, a rilru a na hma si, beiseina te hi a neih hma tluk zetin a beidawng leh hma em em a, ka \hiannu mood hi chu tuipui fawn bulh bulh ang hi a nia, a changin a rawn phul thut a, a chang leh a reh leh nghal duk a, zanina a good news pawh chu a ropui viau ka ring lo na a, chuti taka a sawi chak chu keilah hian a hoh ring tho mah ila, kalo ngaithla chak ve zel tho sia, rin lawk ang ngeiin a ho leh \hin.
Leh han sawi tehh ka ti a, beisei sang lutuk lo chuan ka ngaithla a, enteh,, bena kha Professional footballer a ni tawh dawn, henu hi chu aw,, chu thu sawi tur chuan tichiama rawn tih kha a ngai emaw ni, ahh, mahse ka beisei ang ngeiin a good news chu a pui lo leh khawp mai, keichuan lo la hre miah lo ang chuan ka awm sak ta law law a, A ni maw,, a van lawmpui awm ve kalo ti vat a.



Enteh., kan la inbe zeuh zeuh a, a hlawhtling chak asin, a la duh reng che a nia, khatiang, tlangval lehkha thiam satliah, zir tawh lo leh nghal, pvt company lian lo tea thawk in duh ve satliah I rilru ti na rengtu ai chuan rawlthar duhawm, hmel\ha leh hlawhtling mek, Bena hi duh zawk rawh a rawn ti teh hluai a, chuti tehh vaka U hriata chanchin a rawn sawi chu ka lawm loh rualin min ngaihtuah zia ka hria a, christy nen hi chuan ka tan hian an \ha tak zet a ni.



Ah,, Ram, thil hi I hrethiam lo sia, duhna hi chuti ngawtin a rawn piang zung zung hleinem, kum kha leh chen ka um zui tawh kha, mak tak maiin ka bialpa a ni a, a mizia leh a hmel engkim ka duh em em \hin kha, ka kuah a, ka fawp ve hial a, ka lungngaihna ka hrilh a, ka problem tam tak te min solve sak a, Ka nun ah a rawn lut ve ta a, mumang duhthusam mang ang maiin ka hlim a, chutiang feeling chu I nei ve lo a nih chuan ka tana U Hriata theihnghilh harsat tur zia hi min hriat thiam pui lo ang tiin ka chhang a, ka sawi zawh rual rual chuan, a ho e,, in la ni nge ni lo tih pawh hriat loh khawpin a ngaihsak lo che a a tih chuan ka hun tawn hrilhna hun rem changah ngaiin, ka chanchin chu ka hrilh ta vek a, U hriata nena kan in\hen tak dan te.



Chung a han hre chiah phei chu U hriata chu a haw hluah hlauh hi a ni mai, ka bul hnaiah awm phei se chu ka vawm hrep ang, tiin zuai deuh hian, Nu,, ka van khawngaih che, a hreawm em, a tih chuan ka hnuk a ti ulh zawk, in bulah ka awm chak, christy nen kan pathum in awm ho ila, ka U leh Ka Nu bulah lah ka rilru hahna ka sawi ngam bawk si lo, tunlai kan chhungkaw boruak I hre vek a, U mami leh Anu hi an rilru a hah dawn hle tih I hriat kha heti chung hian ka lakah hlim hmel an chhuah hram hram reng a, chuta kara ngaihzawng \hen vang mai a, lungngai hmel lo hmuh bik kha ka tum lo, mahse anni angin ka tuar chhel ve si lo a ni tiin mittui parawl \euh chuan Ramrami chu ka be mawlh mawlh a.



Rami chuan ka hrethiam che alawm, kan veng hi inhnaih tal se \ha tur, naktukah duh leh class kal loin christy kan sawm anga, kan leng daih dawn nia, class kan bunk daih dawn nia a tih chuan ka chhungte ka ngaihtuah chuan a chi loh ka ti viau na a, mahse rei tak class kan la kal dawn a, attendence ah kan tlak loh chuan a pawi lo tiin intihthawven chu ka chak a, kalo yes ve nghal mai a, christy pawh sawm chhuah ngei ngei kan tum bawk, U hriata chung chang sawi chu ka duh tawk thei meuh lova, rami chuan a ning ta deuh a niang, a ninawm e, sawi tawh suh, khatiang mi tenawm, Bena chiah chu I rilruah dah rawh, footballer hlawhtling Bena chu chauh chu I rilru ah dah la a ni mai.



Hm,, nangpawh hi a hmain Bena chu \hing leh mawl itih ve \hin em kha ka tih chuan,,aw,, chung te mai mai profesional footballer a nih rual khan, khang alaka ka rilru dik lo zawng zawng kha lak kian ang duak a ni tawh, mihlim chu ni ila, pawlna ka dawng ka ti ang, bena lo \hatna hi ka lo hmu thiam har em a ni, a la ti zui, I ninawm e,, nangman ngaizawng daih mai rawh ka tih chuan, min duh lo ve leh khanglang, thawveng min ti ve leh chhawng a, hmeichhia ang pawn min en lo a nia, in ngaihzawn chu ka ha se, tiin a titi buah buah a.



La kham lo viau mah ila, kan inbiak rei tawh em avang chuan dah tawh mai ang ka ti a, nia, chanchin min hrilh vat zel rawh a tih chuan tehreng mai, vawiin phei chu ka inkhawngaih lutuk, A pi Saii kha I hria em, ani bulah khan ka sawi tawp a, min hnemtu leh min hriatsaktu awm chhun a nia, ka inkhawngaih tawp a ni mai ka tih chuan I A em mai a, hei ka phone a sa vek dawn ka dah aw a tia, keipawh chuan aw le,, keipawh ka lut dawn tiin phone chu ka dah ve ta a ni.


ka phone chu ka en a, U Hriata nena Serhmuna kan thlalak dunna walpaper a ka hman chu en in ka mit deuh sulh a, hetiang reng a nih chuan dam lam ka pan thei dawn lo tiin kan thlalak hlui chu dah bo ka tum a, Mahse ka la delete mai phal lo, walpaper chu ka han thlak ngawt a, Havertza thlalak chu , hmana ka hman \hin ngei mai kha walpaper ah ka hmang leh a. U Hriata thlah hlen chu ka thei angem ka hre lo, Mahse, ka tum ngei a ngai, muang changin, ka tum ang a, ka la thei ve mahna.
Show post links
Top